Shri Rama Karnamritam — Kannada Script

ಮಙ್ಗಲಶ್ಲೋಕಾಃ

ಮಙ್ಗಲಂ ಭಗವಾನ್ವಿಷ್ಣುರ್ಮಙ್ಗಲಂ ಮಧುಸೂದನಃ ।

ಮಙ್ಗಲಂ ಪುಣ್ಡರೀಕಾಕ್ಷೋ ಮಙ್ಗಲಂ ಗರುಡಧ್ವಜಃ ॥ 1

ಮಙ್ಗಲಂ ಕೋಸಲೇನ್ದ್ರಾಯ ಮಹನೀಯಗುಣಾಬ್ಧಯೇ ।

ಚಕ್ರವರ್ತಿತನೂಜಾಯ ಸಾರ್ವಭೌಮಾಯ ಮಙ್ಗಲಮ್ ॥ 2

ವೇದವೇದಾನ್ತವೇದ್ಯಾಯ ಮೇಘಶ್ಯಾಮಲಮೂರ್ತಯೇ ।

ಪುಂಸಾಂ ಮೋಹನರೂಪಾಯ ಪುಣ್ಯಶ್ಲೋಕಾಯ ಮಙ್ಗಲಮ್ ॥ 3

ವಿಶ್ವಾಮಿತ್ರಾನ್ತರಙ್ಗಾಯ ಮಿಥಿಲಾನಗರೀಪತೇಃ ।

ಭಾಗ್ಯಾನಾಂ ಪರಿಪಾಕಾಯ ಭವ್ಯರೂಪಾಯ ಮಙ್ಗಲಮ್ ॥ 4

ಪಿತೃಭಕ್ತಾಯ ಸತತಂ ಭ್ರಾತೃಭಿಃ ಸಹ ಸೀತಯಾ ।

ನನ್ದಿತಾಖಿಲಲೋಕಾಯ ರಾಮಚನ್ದ್ರಾಯ ಮಙ್ಗಲಮ್ ॥ 5

ತ್ಯಕ್ತಸಾಕೇತವಾಸಾಯ ಚಿತ್ರಕೂಟವಿಹಾರಿಣೇ ।

ಸೇವ್ಯಾಯ ಸರ್ವಯಮಿನಾಂ ಧೀರೋದಾತ್ತಾಯ ಮಙ್ಗಲಮ್ ॥ 6

ಸೌಮಿತ್ರಿಣಾ ಚ ಜಾನಕ್ಯಾ ಚಾಪಬಾಣಾಸಿಧಾರಿಣಾ ।

ಸಂಸೇವ್ಯಾಯ ಸದಾ ಭಕ್ತ್ಯಾ ಸಾನುಜಾಯಾಸ್ತು ಮಙ್ಗಲಮ್ ॥ 7

ದಣ್ಡಕಾರಣ್ಯವಾಸಾಯ ಖಣ್ಡಿತಾಮರಶತ್ರವೇ ।

ಗೃಧ್ರರಾಜಾಯ ಭಕ್ತಾಯ ಮುಕ್ತಿದಾಯಾಸ್ತು ಮಙ್ಗಲಮ್ ॥ 8

ಸಾದರಂ ಶಬರೀದತ್ತಫಲಮೂಲಾಭಿಲಾಷಿಣೇ ।

ಸೌಲಭ್ಯಪರಿಪೂರ್ಣಾಯ ಸತ್ತ್ವೋದ್ಯುಕ್ತಾಯ ಮಙ್ಗಲಮ್ ॥ 9

ಹನೂಮತ್ಸಮವೇತಾಯ ಹರೀಶಾಭೀಷ್ಟದಾಯಿನೇ ।

ವಾಲಿಪ್ರಮಥನಾಯಾಸ್ತು ಮಹಾಧೀರಾಯ ಮಙ್ಗಲಮ್ ॥ 10

ಶ್ರೀಮತೇ ರಘುವೀರಾಯ ಸೇತುಲಙ್ಘಿತಸಿನ್ಧವೇ ।

ಜಿತರಾಕ್ಷಸರಾಜಾಯ ರಣಧೀರಾಯ ಮಙ್ಗಲಮ್ ॥ 11

ಆಸಾದ್ಯ ನಗರೀಂ ದಿವ್ಯಾಮಭಿಷಿಕ್ತಾಯ ಸೀತಯಾ ।

ರಾಜಾಧಿರಾಜರಾಜಾಯ ರಾಮಭದ್ರಾಯ ಮಙ್ಗಲಮ್ ॥ 12

ವಿಭೀಷಣಕೃತೇ ಪ್ರೀತ್ಯಾ ವಿಶ್ವಾಭೀಷ್ಟಪ್ರದಾಯಿನೇ ।

ಜಾನಕೀಪ್ರಾಣನಾಥಾಯ ಸದಾ ರಾಮಾಯ ಮಙ್ಗಲಮ್ ॥ 13

—-

ಶ್ರೀರಾಮಂ ತ್ರಿಜಗದ್ಗುರುಂ ಸುರವರಂ ಸೀತಾಮನೋನಾಯಕಂ

ಶ್ಯಾಮಾಙ್ಗಂ ಶಶಿಕೋಟಿಪೂರ್ಣವದನಂ ಚಞ್ಚತ್ಕಲಾಕೌಸ್ತುಭಮ್ ।

ಸೌಮ್ಯಂ ಸತ್ಯಗುಣೋತ್ತಮಂ ಸುಸರಯೂತೀರೇ ವಸನ್ತಂ ಪ್ರಭುಂ

ತ್ರಾತಾರಂ ಸಕಲಾರ್ಥಸಿದ್ಧಿಸಹಿತಂ ವನ್ದೇ ರಘೂಣಾಂ ಪತಿಮ್ ॥ 14

ಶ್ರೀರಾಘವಂ ದಶರಥಾತ್ಮಜಮಪ್ರಮೇಯಂ

ಸೀತಾಪತಿಂ ರಘುವರಾನ್ವಯರತ್ನದೀಪಮ್ ।

ಆಜಾನುಬಾಹುಮರವಿನ್ದದಲಾಯತಾಕ್ಷಂ

ರಾಮಂ ನಿಶಾಚರವಿನಾಶಕರಂ ನಮಾಮಿ ॥ 15

ಶ್ರೀರಾಮಚನ್ದ್ರ ಕರುಣಾಕರ ರಾಘವೇನ್ದ್ರ

ರಾಜೇನ್ದ್ರಚನ್ದ್ರ ರಘುವಂಶಸಮುದ್ರಚನ್ದ್ರ ।

ಸುಗ್ರೀವನೇತ್ರಯುಗಲೋತ್ಪಲ-ಪೂರ್ಣಚನ್ದ್ರ

ಸೀತಾಮನಃಕುಮುದಚನ್ದ್ರ ನಮೋ ನಮಸ್ತೇ ॥ 16

ಸೀತಾಮನೋಮಾನಸರಾಜಹಂಸ

ಸಂಸಾರಸನ್ತಾಪಹರ ಕ್ಷಮಾವನ್ ।

ಶ್ರೀರಾಮ ದೈತ್ಯಾನ್ತಕ ಶಾನ್ತರೂಪ

ಶ್ರೀತಾರಕಬ್ರಹ್ಮ ನಮೋ ನಮಸ್ತೇ ॥ 17

ವಿಷ್ಣೋ ರಾಘವ ವಾಸುದೇವ ನೃಹರೇ ದೇವೌಘಚೂಡಾಮಣೇ ।

ಸಂಸಾರಾರ್ಣವಕರ್ಣಧಾರಕ ಹರೇ ಕೃಷ್ಣಾಯ ತುಭ್ಯಂ ನಮಃ ॥ 18

ಸುಗ್ರೀವಾದಿಸಮಸ್ತವಾನರವರೈಸ್ಸಂಸೇವ್ಯಮಾನಂ ಸದಾ ।

ವಿಶ್ವಾಮಿತ್ರಪರಾಶರಾದಿಮುನಿಭಿಸ್ಸಂಸ್ತೂಯಮಾನಂ ಭಜೇ ॥ 19

ರಾಮಂ ಚನ್ದನಶೀತಲಂ ಕ್ಷಿತಿಸುತಾಮೋಹಾಕರಂ ಶ್ರೀಕರಂ

ವೈದೇಹೀನಯನಾರವಿನ್ದಮಿಹಿರಂ ಸಮ್ಪೂರ್ಣಚನ್ದ್ರಾನನಮ್ ।

ರಾಜಾನಂ ಕರುಣಾಸಮೇತನಯನಂ ಸೀತಾಮನೋನನ್ದನಂ

ಸೀತಾದರ್ಪಣಚಾರುಗಣ್ಡಲಲಿತಂ ವನ್ದೇ ಸದಾ ರಾಘವಮ್ ॥ 20

ಜಾನಾತಿ ರಾಮ ತವ ನಾಮರುಚಿಂ ಮಹೇಶೋ

ಜಾನಾತಿ ಗೌತಮಸತೀ ಚರಣಪ್ರಭಾವಮ್ ।

ಜಾನಾತಿ ದೋರ್ಬಲಪರಾಕ್ರಮಮೀಶಚಾಪೋ

ಜಾನಾತ್ಯಮೋಘಪಟುಬಾಣಗತಿಂ ಪಯೋಧಿಃ ॥ 21

ಮಾತಾ ರಾಮೋ ಮತ್ಪಿತಾ ರಾಮಚನ್ದ್ರೋ

ಭ್ರಾತಾ ರಾಮೋ ಮತ್ಸಖಾ ರಾಘವೇಶಃ ।

ಸರ್ವಸ್ವಂ ಮೇ ರಾಮಚನ್ದ್ರೋ ದಾಯಾಲು-

ರ್ನಾನ್ಯಂ ದೈವಂ ನೈವ ಜಾನೇ ನ ಜಾನೇ ॥ 22

ವಿಮಲಕಮಲನೇತ್ರಂ ವಿಸ್ಫುರನ್ನೀಲಗಾತ್ರಂ

ತಪನಕುಲಪವಿತ್ರಂ ದಾನವಧ್ವನ್ತಮಿತ್ರಮ್ ।

ಭುವನಶುಭಚರಿತ್ರಂ ಭೂಮಿಪುತ್ರೀಕಲತ್ರಂ

ದಶರಥವರಪುತ್ರಂ ನೌಮಿ ರಾಮಾಖ್ಯಮಿತ್ರಮ್ ॥ 23

ಮಾರ್ಗೇ ಮಾರ್ಗೇ ಶಾಖಿನಾಂ ರತ್ನವೇದೀ

ವೇದ್ಯಾಂ ವೇದ್ಯಾಂ ಕಿನ್ನರೀಬೃನ್ದಗೀತಮ್ ।

ಗೀತೇ ಗೀತೇ ಮಞ್ಜುಲಾಲಾಪಗೋಷ್ಠೀ

ಗೋಷ್ಠ್ಯಾಂ ಗೋಷ್ಠ್ಯಾಂ ತ್ವತ್ಕಥಾ ರಾಮಚನ್ದ್ರ ॥ 24

ವೃಕ್ಷೇ ವೃಕ್ಷೇ ವೀಕ್ಷಿತಾಃ ಪಕ್ಷಿಸಙ್ಘಾಃ

ಸಙ್ಘೇ ಸಙ್ಘೇ ಮಞ್ಜುಲಾಮೋದವಾಕ್ಯಮ್ ।

ವಾಕ್ಯೇ ವಾಕ್ಯೇ ಮಞ್ಜುಲಾಲಾಪಗೋಷ್ಠೀ

ಗೋಷ್ಠ್ಯಾಂ ಗೋಷ್ಠ್ಯಾಂ ತ್ವತ್ಕಥಾ ರಾಮಚನ್ದ್ರ ॥ 25

ದುರಿತತಿಮಿರಚನ್ದ್ರೋ ದುಷ್ಟಕಞ್ಜಾತಚನ್ದ್ರಃ

ಸುರಕುವಲಯಚನ್ದ್ರಸ್ಸೂರ್ಯವಂಶಾಬ್ಧಿಚನ್ದ್ರಃ ।

ಸ್ವಜನನಿವಹಚನ್ದ್ರಶ್ಶತ್ರುರಾಜೀವಚನ್ದ್ರಃ

ಪ್ರಣತಕುಮುದಚನ್ದ್ರಃ ಪಾತು ಮಾಂ ರಾಮಚನ್ದ್ರಃ ॥ 26

ಕಲ್ಯಾಣದಂ ಕೌಶಿಕಯಜ್ಞಪಾಲಂ

ಕಲಾನಿಧಿಂ ಕಾಞ್ಚನಶೈಲಧೀರಮ್ ।

ಕಞ್ಜಾತನೇತ್ರಂ ಕರುಣಾಸಮುದ್ರಂ

ಕಾಕುತ್ಸ್ಥರಾಮಂ ಕಲಯಾಮಿ ಚಿತ್ತೇ ॥ 27

ರಾಜೀವಾಯತಲೋಚನಂ ರಘುವರಂ ನೀಲೋತ್ಪಲಶ್ಯಾಮಲಂ

ಮನ್ದಾರಾಞ್ಚಿತಮಣ್ಡಪೇ ಸುಲಲಿತೇ ಸೌವರ್ಣಕೇ ಪುಷ್ಪಕೇ ।

ಆಸ್ಥಾನೇ ನವರತ್ನರಾಜಿಖಚಿತೇ ಸಿಂಹಾಸನೇ ಸಂಸ್ಥಿತಂ

ಸೀತಾಲಕ್ಷ್ಮಣಲೋಕಪಾಲಸಹಿತಂ ವನ್ದೇ ಮುನೀನ್ದ್ರಾಸ್ಪದಮ್ ॥ 28

ಧ್ಯಾಯೇ ರಾಮಂ ಸುಧಾಂಶುಂ ನತಸಕಲಭವಾರಣ್ಯತಾಪಪ್ರಹಾರಮ್ ।

ಶ್ಯಾಮಂ ಶಾನ್ತಂ ಸುರೇನ್ದ್ರಂ ಸುರಮುನಿವಿನುತಂ ಕೋಟಿಸೂರ್ಯಪ್ರಕಾಶಮ್ ।

ಸೀತಾಸೌಮಿತ್ರಿಸೇವ್ಯಂ ಸುರನರಸುಗಮಂ ದಿವ್ಯಸಿಂಹಾಸನಸ್ಥಮ್ ।

ಸಾಯಾಹ್ನೇ ರಾಮಚನ್ದ್ರಂ ಸ್ಮಿತರುಚಿರಮುಖಂ ಸರ್ವದಾ ಮೇ ಪ್ರಸನ್ನಮ್ ॥ 29

ಇನ್ದ್ರನೀಲಮಣಿಸನ್ನಿಭದೇಹಂ

ವನ್ದನೀಯಮಸಕೃನ್ಮುನಿಬೃನ್ದೈಃ ।

ಲಮ್ಬಮಾನತುಲಸೀವನಮಾಲಂ

ಚಿನ್ತಯಾಮಿ ಸತತಂ ರಘುವೀರಮ್ ॥ 30

ಸಮ್ಪೂರ್ಣಚನ್ದ್ರವದನಂ ಸರಸೀರುಹಾಕ್ಷಂ

ಮಾಣಿಕ್ಯಕುಣ್ಡಲಧರಂ ಮುಕುಟಾಭಿರಾಮಮ್ ।

ಚಾಮ್ಪೇಯಗೌರವಸನಂ ಶರಚಾಪಹಸ್ತಂ

ಶ್ರೀರಾಮಚನ್ದ್ರಮನಿಶಂ ಮನಸಾ ಸ್ಮರಾಮಿ ॥ 31

ಮಾತುಃ ಪಾರ್ಶ್ವೇ ಚರನ್ತಂ ಮಣಿಮಯಶಯನೇ ಮಞ್ಜುಭೂಷಾಞ್ಚಿತಾಙ್ಗಮ್ ।

ಮನ್ದಂ ಮನ್ದಂ ಪಿಬನ್ತಂ ಮುಕುಲಿತನಯನಂ ಸ್ತನ್ಯಮನ್ಯಸ್ತನಾಗ್ರಮ್ ।

ಅಙ್ಗುಲ್ಯಾಗ್ರೈಃ ಸ್ಪೃಶನ್ತಂ ಸುಖಪರವಶಯಾ ಸಸ್ಮಿತಾಲಿಙ್ಗಿತಾಙ್ಗಮ್ ।

ಗಾಢಂ ಗಾಢಂ ಜನನ್ಯಾ ಕಲಯತು ಹೃದಯಂ ಮಾಮಕಂ ರಾಮಬಾಲಮ್ ॥ 32

ರಾಮಾಭಿರಾಮಂ ನಯನಾಭಿರಾಮಂ

ವಾಚಾಭಿರಾಮಂ ವದನಾಭಿರಾಮಮ್ ।

ಸರ್ವಾಭಿರಾಮಂ ಚ ಸದಾಭಿರಾಮಂ

ವನ್ದೇ ಸದಾ ದಾಶರಥಿಂ ಚ ರಾಮಮ್ ॥ 33

ರಾಶಬ್ದೋಚ್ಚಾರಮಾತ್ರೇಣ ಮುಖಾನ್ನಿರ್ಯಾತಿ ಪಾತಕಾಃ ।

ಪುನಃ ಪ್ರವೇಶಭೀತ್ಯಾ ಚ ಮಕಾರಸ್ತು ಕವಾಟವತ್ ॥ 34

ಅನರ್ಘಮಾಣಿಕ್ಯವಿರಾಜಮಾನ-

ಶ್ರೀಪಾದುಕಾಲಙ್ಕೃತಶೋಭನಾಭ್ಯಾಮ್ ।

ಅಶೇಷಬೃನ್ದಾರಕವನ್ದಿತಾಭ್ಯಾಂ

ನಮೋ ನಮೋ ರಾಮಪದಾಮ್ಬುಜಾಭ್ಯಾಮ್ ॥ 35

ಚಲತ್ಕನಕಕುಣ್ಡಲೋಲ್ಲಸಿತದಿವ್ಯಗಣ್ಡಸ್ಥಲಂ

ಚರಾಚರಜಗನ್ಮಯಂ ಚರಣಪದ್ಮಗಙ್ಗಾಶ್ರಯಮ್ ।

ಚತುರ್ವಿಧಫಲಪ್ರದಂ ಚರಮಪೀಠಮಧ್ಯಸ್ಥಿತಂ

ಚಿದಂಶಮಖಿಲಾಸ್ಪದಂ ದಶರಥಾತ್ಮಜಂ ಚಿನ್ತಯೇ ॥ 36

ಸನನ್ದನಮುನಿಪ್ರಿಯಂ ಸಕಲವರ್ಣವೇದಾತ್ಮಕಂ

ಸಮಸ್ತನಿಗಮಾಗಮಸ್ಫುರಿತತತ್ತ್ವಸಿಂಹಾಸನಮ್ ।

ಸಹಸ್ರನಯನಾಬ್ಜಜಾದ್ಯಮರಬೃನ್ದಸಂಸೇವಿತಂ

ಸಮಷ್ಟಿಪುರವಲ್ಲಭಂ ದಶರಥಾತ್ಮಜಂ ಚಿನ್ತಯೇ ॥ 37

ಜಾಗ್ರತ್ಸ್ವಪ್ನಸುಷುಪ್ತಿ-ಕಾಲವಿಲಸತ್ತತ್ತ್ವಾತ್ಮಚಿನ್ಮಾತ್ರಕಂ

ಚೈತನ್ಯಾತ್ಮಕಮಾಧಿಪಾಪರಹಿತಂ ಭೂಮ್ಯಾದಿತನ್ಮಾತ್ರಕಮ್ ।

ಶಾಮ್ಭವ್ಯಾದಿಸಮಸ್ತಯೋಗಕುಲಕಂ ಸಾಙ್ಖ್ಯಾದಿತತ್ತ್ವಾತ್ಪರಂ

ಶಬ್ದಾವಾಚ್ಯಮಹಂ ನಮಾಮಿ ಸತತಂ ವ್ಯುತ್ಪತ್ತಿನಾಶಾತ್ಪರಮ್ ॥ 38

ಇಕ್ಷ್ವಾಕುವಂಶಾರ್ಣವಜಾತರತ್ನಂ

ಸೀತಾಙ್ಗನಾಯೌವನಭಾಗ್ಯರತ್ನಮ್ ।

ವೈಕುಣ್ಠರತ್ನಂ ಮಮ ಭಾಗ್ಯರತ್ನಂ

ಶ್ರೀರಾಮರತ್ನಂ ಶಿರಸಾ ನಮಾಮಿ ॥ 39

ಇಕ್ಷ್ವಾಕುನನ್ದನಂ ಸುಗ್ರೀವಪೂಜಿತಂ

ತ್ರೈಲೋಕ್ಯರಕ್ಷಕಂ ಸತ್ಯಸನ್ಧಂ ಸದಾ ।

ರಾಘವಂ ರಘುಪತಿಂ ರಾಜೀವಲೋಚನಂ

ರಾಮಚನ್ದ್ರಂ ಭಜೇ ರಾಘವೇಶಂ ಭಜೇ ॥ 40

ಭಕ್ತಪ್ರಿಯಂ ಭಕ್ತಸಮಾಧಿಗಮ್ಯಂ

ಚಿನ್ತಾಹರಂ ಚಿನ್ತಿತಕಾಮಧೇನುಮ್ ।

ಸೂರ್ಯೇನ್ದುಕೋಟಿದ್ಯುತಿಭಾಸ್ವರಂ ತಂ

ರಾಮಂ ಭಜೇ ರಾಘವರಾಮಚನ್ದ್ರಮ್ ॥ 41

ಶ್ರೀರಾಮಂ ಜನಕಕ್ಷಿತೀಶ್ವರಸುತಾವಕ್ತ್ರಾಮ್ಬುಜಾಹಾರಿಣಂ

ಶ್ರೀಮದ್ಭಾನುಕುಲಾಬ್ಧಿಕೌಸ್ತುಭಮಣಿಂ ಶ್ರೀರತ್ನವಕ್ಷಸ್ಸ್ಥಲಮ್ ।

ಶ್ರೀಕಣ್ಠಾದ್ಯಮರೌಘರತ್ನಮಕುಟಾಲಙ್ಕಾರಪಾದಾಮ್ಬುಜಂ

ಶ್ರೀವತ್ಸೋಜ್ಜ್ವಲಮಿನ್ದ್ರನೀಲಸದೃಶಂ ಶ್ರೀರಾಮಚನ್ದ್ರಂ ಭಜೇ ॥ 42

ರಾಮಚನ್ದ್ರ ಚರಿತಾಕಥಾಮೃತಂ

ಲಕ್ಷ್ಮಣಾಗ್ರಜಗುಣಾನುಕೀರ್ತನಮ್ ।

ರಾಘವೇಶ ತವ ಪಾದಸೇವನಂ

ಸಮ್ಭವನ್ತು ಮಮ ಜನ್ಮಜನ್ಮನಿ ॥ 43

ಅಜ್ಞಾನಸಮ್ಭವ-ಭವಾಮ್ಬುಧಿಬಾಡಬಾಗ್ನಿ-

ರವ್ಯಕ್ತತತ್ತ್ವನಿಕರಪ್ರಣವಾಧಿರೂಢಃ ।

ಸೀತಾಸಮೇತಮನುಜೇನ ಹೃದನ್ತರಾಲೇ

ಪ್ರಾಣಪ್ರಯಾಣಸಮಯೇ ಮಮ ಸನ್ನಿಧತ್ತೇ ॥ 44

ರಾಮೋ ಮತ್ಕುಲದೈವತಂ ಸಕರುಣಂ ರಾಮಂ ಭಜೇ ಸಾದರಂ

ರಾಮೇಣಾಖಿಲಘೋರಪಾಪನಿಹತೀ ರಾಮಾಯ ತಸ್ಮೈ ನಮಃ ।

ರಾಮಾನ್ನಾಸ್ತಿ ಜಗತ್ರಯೈಕಸುಲಭೋ ರಾಮಸ್ಯ ದಾಸೋಽಸ್ಮ್ಯಹಂ

ರಾಮೇ ಪ್ರೀತಿರತೀವ ಮೇ ಕುಲಗುರೋ ಶ್ರೀರಾಮ ರಕ್ಷಸ್ವ ಮಾಮ್ ॥ 45

ವೈದೇಹೀಸಹಿತಂ ಸುರದ್ರುಮತಲೇ ಹೈಮೇ ಮಹಾಮಣ್ಟಪೇ ।

ಮಧ್ಯೇಪುಷ್ಪಕಮಾಸನೇ ಮಣಿಮಯೇ ವೀರಾಸನೇ ಸಂಸ್ಥಿತಮ್ ।

ಅಗ್ರೇ ವಾಚಯತಿ ಪ್ರಭಞ್ಜನಸುತೇ ತತ್ತ್ವಂ ಮುನಿಭ್ಯಃ ಪರಮ್ ।

ವ್ಯಾಖ್ಯಾನ್ತಂ ಭರತಾದಿಭಿಃ ಪರಿವೃತಂ ರಾಮಂ ಭಜೇ ಶ್ಯಾಮಲಮ್ ॥ 46

ವಾಮೇ ಭೂಮಿಸುತಾ ಪುರಸ್ತು ಹನುಮಾನ್ಪಶ್ಚಾತ್ಸುಮಿತ್ರಾಸುತ-

ಶ್ಶತ್ರುಘ್ನೋ ಭರತಶ್ಚ ಪಾರ್ಶ್ವದಲಯೋರ್ವಾಯ್ವಾದಿಕೋಣೇಷ್ವಪಿ ।

ಸುಗ್ರೀವಶ್ಚ ವಿಭೀಷಣಶ್ಚ ಯುವರಾಟ್ ತಾರಾಸುತೋ ಜಾಮ್ಬವಾನ್

ಮಧ್ಯೇ ನೀಲಸರೋಜಕೋಮಲರುಚಿಂ ರಾಮಂ ಭಜೇ ಶ್ಯಾಮಲಮ್ ॥ 47

ಕೇಯೂರಾಙ್ಗದಕಙ್ಕಣೈರ್ಮಣಿಗಣೈರ್ವೈರೋಚಮಾನಂ ಸದಾ

ರಾಕಾಪರ್ವಣಿಚನ್ದ್ರಕೋಟಿಸದೃಶಂ ಛತ್ರೇಣ ವೈರಾಜಿತಮ್ ।

ಹೇಮಸ್ತಮ್ಭಸಹಸ್ರಷೋಡಶಯುತೇ ಮಧ್ಯೇ ಮಹಾಮಣ್ಡಪೇ

ದೇವೇಶಂ ಭರತಾದಿಭಿಃ ಪರಿವೃತಂ ರಾಮಂ ಭಜೇ ಶ್ಯಾಮಲಮ್ ॥ 48

ಸಾಕೇತೇ ಶರದಿನ್ದುಕುನ್ದಧವಲೇ ಸೌಘೇ ಮಹಾಮಣ್ಟಪೇ ।

ಪರ್ಯಸ್ತಾಗರುಧೂಪಧೂಮಪಟಲೇ ಕರ್ಪೂರದೀಪೋಜ್ಜ್ವಲೇ ।

ಸುಗ್ರೀವಾಙ್ಗದವಾಯುಪುತ್ರಸಹಿತಂ ಸೌಮಿತ್ರಿಣಾ ಸೇವಿತಂ

ಲೀಲಾಮಾನುಷವಿಗ್ರಹಂ ರಘುಪತಿಂ ರಾಮಂ ಭಜೇ ಶ್ಯಾಮಲಮ್ ॥ 49

ಶಾನ್ತಂ ಶಾರದಚನ್ದ್ರಕೋಟಿಸದೃಶಂ ಚನ್ದ್ರಾಭಿರಾಮಾನನಂ

ಚನ್ದ್ರಾರ್ಕಾಗ್ನಿವಿಕಾಸಿಕುಣ್ಡಲಧರಂ ಚನ್ದ್ರಾವತಂಸಸ್ತುತಮ್ ।

ವೀಣಾಪುಸ್ತಕಸಾಕ್ಷಸೂತ್ರವಿಲಸದ್ವ್ಯಾಖ್ಯಾನಮುದ್ರಾಕರಂ

ದೇವೇಶಂ ಭರತಾದಿಭಿಃ ಪರಿವೃತಂ ರಾಮಂ ಭಜೇ ಶ್ಯಾಮಲಮ್ ॥ 50

ರಾಮಂ ರಾಕ್ಷಸಮರ್ದನಂ ರಘುಪತಿಂ ಶಕ್ರಾರಿವಿಧ್ವಂಸಿನಂ

ಸುಗ್ರೀವೇಪ್ಸಿತರಾಜ್ಯದಂ ಸುರಪತೇಃ ಪುತ್ರಾನ್ತಕಂ ಶಾರ್‍ಙ್ಗಿಣಮ್ ।

ಭಕ್ತಾನಾಮಭಯಪ್ರದಂ ಭಯಹರಂ ಪಾಪೌಘವಿಧ್ವಂಸಿನಂ

ಸೀತಾಸೇವಿತಪಾದಪದ್ಮಯುಗಲಂ ರಾಮಂ ಭಜೇ ಶ್ಯಾಮಲಮ್ ॥ 51

ಕನ್ದರ್ಪಾಯುತಕೋಟಿಕೋಟಿತುಲಿತಂ ಕಾಲಾಮ್ಬುದಶ್ಯಾಮಲಂ

ಕಮ್ಬುಗ್ರೀವಮುದಾರಕೌಸ್ತುಭಧರಂ ಕರ್ಣಾವತಂಸೋತ್ಪಲಮ್ ।

ಕಸ್ತೂರೀತಿಲಕೋಜ್ಜ್ವಲಂ ಸ್ಮಿತಮುಖಂ ಚಿನ್ಮುದ್ರಯಾಲಙ್ಕೃತಂ

ಸೀತಾಲಕ್ಷ್ಮಣವಾಯುಪುತ್ರಸಹಿತಂ ಸಿಂಹಾಸನಸ್ಥಂ ಭಜೇ ॥ 52

ಸಾಕೇತೇ ನವರತ್ನಪಙ್ಕ್ತಿಖಚಿತೇ ಚಿತ್ರಧ್ವಜಾಲಙ್ಕೃತೇ

ವಾಸೇ ಸ್ವರ್ಣಮಯೇ ದಲಾಷ್ಟಲಲಿತೇ ಪದ್ಮೇ ವಿಮಾನೋತ್ತಮೇ ।

ಆಸೀನಂ ಭರತಾದಿಸೋದರಜನೈಃ ಶಾಖಾಮೃಗೈಃ ಕಿನ್ನರೈಃ

ದಿಕ್ಪಾಲೈರ್ಮುನಿಪುಙ್ಗವೈರ್ನೃಪಗಣೈಸ್ಸಂಸೇವ್ಯಮಾನಂ ಭಜೇ ॥ 53

ಕಸ್ತೂರೀಘನಸಾರಕುಙ್ಕುಮಲಸಚ್ಛ್ರೀಚನ್ದನಾಲಙ್ಕೃತಂ

ಕನ್ದರ್ಪಾಧಿಕಸುನ್ದರಂ ಘನನಿಭಂ ಕಾಕುತ್ಸ್ಥವಂಶಧ್ವಜಮ್ ।

ಕಲ್ಯಾಣಾಮ್ಭರವೇಷ್ಟಿತಂ ಕಮಲಯಾ ಯುಕ್ತಂ ಕಲಾವಲ್ಲಭಂ

ಕಲ್ಯಾಣಾಚಲಕಾರ್ಮುಕಪ್ರಿಯಸಖಂ ಕಲ್ಯಾಣರಾಮಂ ಭಜೇ ॥ 54

ಮುಕ್ತೇರ್ಮೂಲಂ ಮುನಿವರಹೃದಾನನ್ದಕನ್ದಂ ಮುಕುನ್ದಂ

ಕೂಟಸ್ಥಾಖ್ಯಂ ಸಕಲವರದಂ ಸರ್ವಚೈತನ್ಯರೂಪಮ್ ।

ನಾದಾತೀತಂ ಕಮಲನಿಲಯಂ ನಾದನಾದಾನ್ತತತ್ತ್ವಂ

ನಾದಾತೀತಂ ಪ್ರಕೃತಿರಹಿತಂ ರಾಮಚನ್ದ್ರಂ ಭಜೇಽಹಮ್ ॥ 55

ತಾರಾಕಾರಂ ನಿಖಿಲನಿಲಯಂ ತತ್ತ್ವಮಸ್ಯಾದಿಲಕ್ಷ್ಯಂ

ಶಬ್ದಾವಾಚ್ಯಂ ತ್ರಿಗುಣರಹಿತಂ ವ್ಯೋಮಮಙ್ಗುಷ್ಠಮಾತ್ರಮ್ ।

ನಿರ್ವಾಣಾಖ್ಯಂ ಸಗುಣಮಗುಣವ್ಯೋಮರನ್ಧ್ರಾನ್ತರಸ್ಥಂ

ಸೌಷುಮ್ನಾನ್ತಃ ಪ್ರಣವಸಹಿತಂ ರಾಮಚನ್ದ್ರಂ ಭಜೇಽಹಮ್ ॥ 56

ನಿಜಾನನ್ದಾಕಾರಂ ನಿಗಮತುರಗಾರಾಧಿತಪದಂ

ಪರಬ್ರಹ್ಮಾನನ್ದಂ ಪರಮಪದಗಂ ಪಾಪಹರಣಮ್ ।

ಕೃಪಾಪಾರಾವಾರಂ ಪರಮಪುರುಷಂ ಪದ್ಮನಿಲಯಂ

ಭಜೇ ರಾಮಂ ಶ್ಯಾಮಂ ಪ್ರಕೃತಿರಹಿತಂ ನಿರ್ಗುಣಮಹಮ್ ॥ 57

ಸಾಕೇತೇ ನಗರೇ ಸಮಸ್ತಮಹಿಮಾಧಾರೇ ಜಗನ್ಮೋಹನೇ

ರತ್ನಸ್ತಮ್ಭಸಹಸ್ರಮಣ್ಟಪಮಹಾಸಿಂಹಾಸನೇ ಸಾಮ್ಬುಜೇ ।

ವಿಶ್ವಾಮಿತ್ರವಸಿಷ್ಠಗೌತಮಶುಕವ್ಯಾಸಾದಿಭಿರ್ಮೌನಿಭಿಃ

ಧ್ಯೇಯಂ ಲಕ್ಷ್ಮಣಲೋಕಪಾಲಸಹಿತಂ ಸೀತಾಸಮೇತಂ ಭಜೇ ॥ 58

ರಾಮಂ ಶ್ಯಾಮಾಭಿರಾಮಂ ರವಿಶಶಿನಯನಂ ಕೋಟಿಸೂರ್ಯಪ್ರಕಾಶಂ

ದಿವ್ಯಂ ದಿವ್ಯಾಸ್ತ್ರಪಾಣಿಂ ಶರಮುಖಶರಧಿಂ ಚಾರುಕೋಡಣ್ಡಹಸ್ತಮ್ ।

ಕಾಲಂ ಕಾಲಾಗ್ನಿರುದ್ರಂ ರಿಪುಕುಲದಹನಂ ವಿಘ್ನವಿಚ್ಛೇದದಕ್ಷಂ

ಭೀಮಂ ಭೀಮಾಟ್ಟಹಾಸಂ ಸಕಲಭಯಹರಂ ರಾಮಚನ್ದ್ರಂ ಭಜೇಽಹಮ್ ॥ 59

ಶ್ರೀರಾಮಂ ಭುವನೈಕಸುನ್ದರತನುಂ ಧಾರಾಧರಶ್ಯಾಮಲಂ

ರಾಜೀವಾಯತಲೋಚನಂ ರಘುವರಂ ರಾಕೇನ್ದುಬಿಮ್ಬಾನನಮ್ ।

ಕೋದಣ್ಡಾದಿನಿಜಾಯುಧಾಶ್ರಿತಭುಜೈರ್ಭ್ರಾನ್ತಂ ವಿದೇಹಾತ್ಮಜಾ-

ಧೀಶಂ ಭಕ್ತಜನಾವನಂ ರಘುವರಂ ಶ್ರೀರಾಮಚನ್ದ್ರಂ ಭಜೇ ॥ 60

ಶ್ರೀವತ್ಸಾಙ್ಕಮುದಾರಕೌಸ್ತುಭಲಸತ್ಪೀತಾಮ್ಬರಾಲಙ್ಕೃತಂ

ನಾನಾರತ್ನವಿರಾಜಮಾನಮಕುಟಂ ನೀಲಾಮ್ಬುದಶ್ಯಾಮಲಮ್ ।

ಕಸ್ತೂರೀಘನಸಾರಚರ್ಚಿತತನುಂ ಮನ್ದಾರಮಾಲಾಧರಂ

ಕನ್ದರ್ಪಾಯುತಸುನ್ದರಂ ರಘುಪತಿಂ ಸೀತಾಸಮೇತಂ ಭಜೇ ॥ 61

ಸದಾನನ್ದದೇವೇ ಸಹಸ್ರಾರಪದ್ಮೇ

ಗಲಚ್ಚನ್ದ್ರಪೀಯೂಷಧಾರಾಮೃತಾನ್ತೇ ।

ಸ್ಥಿತಂ ರಾಮಮೂರ್ತಿಂ ನಿಷೇವೇ ನಿಷೇವೇ-

ಽನ್ಯದೈವಂ ನ ಸೇವೇ ನ ಸೇವೇ ನ ಸೇವೇ ॥ 62

ಸುಧಾಭಾಸಿತದ್ವೀಪಮಧ್ಯೇ ವಿಮಾನೇ

ಸುಪರ್ವಾಲಿವೃಕ್ಷೋಜ್ಜ್ವಲೇ ಶೇಷತಲ್ಪೇ ।

ನಿಷಣ್ಣಂ ರಮಾಙ್ಕಂ ನಿಷೇವೇ ನಿಷೇವೇ-

ಽನ್ಯದೈವಂ ನ ಸೇವೇ ನ ಸೇವೇ ನ ಸೇವೇ ॥ 63

ಚಿದಂಶಂ ಸಮಾನನ್ದಮಾನನ್ದಕನ್ದಂ

ಸುಷುಮ್ನಾಖ್ಯರನ್ಧ್ರಾನ್ತರಾಲೇ ಚ ಹಂಸಮ್ ।

ಸಚಕ್ರಂ ಸಶಙ್ಖಂ ಸಪೀತಾಮ್ಬರಾಙ್ಕಂ

ಪರಞ್ಚಾನ್ಯದೈವಂ ನ ಜಾನೇ ನ ಜಾನೇ ॥ 64

ಚತುರ್ವೇದಕೂಟೋಲ್ಲಸತ್ಕಾರಣಾಖ್ಯಂ

ಸ್ಫುರದ್ದಿವ್ಯವೈಮಾನಿಕೇ ಭೋಗಿತಲ್ಪೇ ।

ಪರನ್ಧಾಮಮೂರ್ತಿಂ ನಿಷಣ್ಣಂ ನಿಷೇವೇ

ನಿಷೇವೇಽನ್ಯದೈವಂ ನ ಸೇವೇ ನ ಸೇವೇ ॥ 65

ಸಿಂಹಾಸನಸ್ಥಂ ಸುರಸೇವಿತವ್ಯಂ

ರತ್ನಾಙ್ಕಿತಾಲಙ್ಕೃತಪಾದಪದ್ಮಮ್ ।

ಸೀತಾಸಮೇತಂ ಶಶಿಸೂರ್ಯನೇತ್ರಂ

ರಾಮಂ ಭಜೇ ರಾಘವ ರಾಮಚನ್ದ್ರಮ್ ॥ 66

ರಾಮಂ ಪುರಾಣಪುರುಷಂ ರಮಣೀಯವೇಷಂ

ರಾಜಾಧಿರಾಜಮಕುಟಾರ್ಚಿತಪಾದಪೀಠಮ್ ।

ಸೀತಾಪತಿಂ ಸುನಯನಂ ಜಗದೇಕವೀರಂ

ಶ್ರೀರಾಮಚನ್ದ್ರಮನಿಶಂ ಕಲಯಾಮಿ ಚಿತ್ತೇ ॥ 67

ಪರಾನನ್ದವಸ್ತುಸ್ವರೂಪಾದಿಸಾಕ್ಷಿಂ

ಪರಬ್ರಹ್ಮಗಮ್ಯಂ ಪರಞ್ಜ್ಯೋತಿಮೂರ್ತಿಮ್ ।

ಪರಾಶಕ್ತಿಮಿತ್ರಾಽಪ್ರಿಯಾರಾಧಿತಾಙ್ಘ್ರಿಂ

ಪರನ್ಧಾಮರೂಪಂ ಭಜೇ ರಾಮಚನ್ದ್ರಮ್ ॥ 68

ಮನ್ದಸ್ಮಿತಂ ಕುಣ್ಡಲಗಣ್ಡಭಾಗಂ

ಪೀತಾಮ್ಬರಂ ಭೂಷಣಭೂಷಿತಾಙ್ಗಮ್ ।

ನೀಲೋತ್ಪಲಾಙ್ಗಂ ಭುವನೈಕಮಿತ್ರಂ

ರಾಮಂ ಭಜೇ ರಾಘವ ರಾಮಚನ್ದ್ರಮ್ ॥ 69

ಅಚಿನ್ತ್ಯಮವ್ಯಕ್ತಮನನ್ತರೂಪ-

ಮದ್ವೈತಮಾನನ್ದಮನಾದಿಗಮ್ಯಮ್ ।

ಪುಣ್ಯಸ್ವರೂಪಂ ಪುರುಷೋತ್ತಮಾಖ್ಯಂ

ರಾಮಂ ಭಜೇ ರಾಘವ ರಾಮಚನ್ದ್ರಮ್ ॥ 70

ಪದ್ಮಾಸನಸ್ಥಂ ಸುರಸೇವಿತವ್ಯಂ

ಪದ್ಮಾಲಯಾನನ್ದಕಟಾಕ್ಷವೀಕ್ಷ್ಯಮ್ ।

ಗನ್ಧರ್ವವಿದ್ಯಾಧರಗೀಯಮಾನಂ

ರಾಮಂ ಭಜೇ ರಾಘವ ರಾಮಚನ್ದ್ರಮ್ ॥ 71

ಅನನ್ತಕೀರ್ತಿಂ ವರದಂ ಪ್ರಸನ್ನಂ

ಪದ್ಮಾಸನಂ ಸೇವಕಪಾರಿಜಾತಮ್ ।

ರಾಜಾಧಿರಾಜಂ ರಘುವೀರಕೇತುಂ

ರಾಮಂ ಭಜೇ ರಾಘವ ರಾಮಚನ್ದ್ರಮ್ ॥ 72

ಸುಗ್ರೀವಮಿತ್ರಂ ಸುಜನಾನುರೂಪಂ

ಲಙ್ಕಾಹರಂ ರಾಕ್ಷಸವಂಶನಾಶಮ್ ।

ವೇದಾಶ್ರಯಾಙ್ಗಂ ವಿಪುಲಾಯತಾಕ್ಷಂ

ರಾಮಂ ಭಜೇ ರಾಘವ ರಾಮಚನ್ದ್ರಮ್ ॥ 73

ಸಕೃತ್ಪ್ರಣತರಕ್ಷಾಯಾಂ ಸಾಕ್ಷೀ ಯಸ್ಯ ವಿಭೀಷಣಃ ।

ಸಾಪರಾಧಪ್ರತೀಕಾರಃ ಸ ಶ್ರೀರಾಮೋ ಗತಿರ್ಮಮ ॥ 74

ಫಲಮೂಲಾಶಿನೌ ದಾನ್ತೌ ತಾಪಸೌ ಧರ್ಮಚಾರಿಣೌ ।

ರಕ್ಷಃಕುಲವಿಹನ್ತಾರೌ ಭ್ರಾತರೌ ರಾಮಲಕ್ಷ್ಮಣೌ ॥ 75

ತರುಣೌ ರೂಪಸಮ್ಪನ್ನೌ ಸುಕುಮಾರೌ ಮಹಾಬಲೌ ।

ಪುಣ್ಡರೀಕ ವಿಶಾಲಾಕ್ಷೌ ಚೀರಕೃಷ್ಣಾಜಿನಾಮ್ಬರೌ ॥ 76

ಕೌಸಲ್ಯಾನಯನೇನ್ದುಂ ದಶರಥಮುಖಾರವಿನ್ದಮಾರ್ತಾಣ್ಡಮ್ ।

ಸೀತಾಮಾನಸಹಂಸಂ ರಾಮಂ ರಾಜೀವಲೋಚನಂ ವನ್ದೇ ॥ 77

ಭರ್ಜನಂ ಭವಬೀಜಾನಾಂ ಮಾರ್ಜನಂ ಸುಖಸಮ್ಪದಾಮ್ ।

ತರ್ಜನಂ ಯಮದೂತಾನಾಂ ರಾಮರಾಮೇತಿ ಕೀರ್ತನಮ್ ॥ 78

ನ ಜಾನೇ ಜಾನಕೀ ಜಾನೇ ರಾಮ ತ್ವನ್ನಾಮವೈಭವಮ್ ।

ಸರ್ವೇಶೋ ಭಗವಾನ್ ಶಮ್ಭುರ್ವಾಲ್ಮೀಕಿರ್ವೇತ್ತಿ ವಾ ನವಾ ॥ 79

ಕರತಲಧೃತಚಾಪಂ ಕಾಲಮೇಘಸ್ವರೂಪಂ

ಸರಸಿಜದಲನೇತ್ರಂ ಚಾರುಹಾಸಂ ಸುಗಾತ್ರಮ್ ।

ವಿಚಿನುತವನವಾಸಂ ವಿಕ್ರಮೋದಗ್ರವೇಷಂ

ಪ್ರಣಮತ ರಘುನಾಥಂ ಜಾನಕೀಪ್ರಾಣನಾಥಮ್ ॥ 80

ವಿದ್ಯುತ್ಸ್ಫುರನ್ಮಕರಕುಣ್ಡಲದೀಪ್ತಚಾರು-

ಗಣ್ಡಸ್ಥಲಂ ಮಣಿಕಿರೀಟವಿರಾಜಮಾನಮ್ ।

ಪೀತಾಮ್ಬರಂ ಜಲದನೀಲಮುದಾರಕಾನ್ತಿಂ

ಶ್ರೀರಾಮಚನ್ದ್ರಮನಿಶಂ ಕಲಯಾಮಿ ಚಿತ್ತೇ ॥ 81

ರತ್ನೋಲ್ಲಸಜ್ಜ್ವಲಿತಕುಣ್ಡಲಗಣ್ಡಭಾಗಂ

ಕಸ್ತೂರಿಕಾತಿಲಕಶೋಭಿತಫಾಲಭಾಗಮ್ ।

ಕರ್ಣಾನ್ತದೀರ್ಘನಯನಂ ಕರುಣಾಕಟಾಕ್ಷಂ

ಶ್ರೀರಾಮಚನ್ದ್ರ ಮುಖಮಾತ್ಮನಿ ಸನ್ನಿಧತ್ತಮ್ ॥ 82

ವೈದೇಹೀಸಹಿತಂ ಚ ಲಕ್ಷ್ಮಣಯುತಂ ಕೈಕೇಯಿಪುತ್ರಾನ್ವಿತಂ

ಸುಗ್ರೀವಂ ಚ ವಿಭೀಷಣಾನಿಲಸುತೌ ನೀಲಂ ನಲಂ ಸಾಙ್ಗದಮ್ ।

ವಿಶ್ವಾಮಿತ್ರವಸಿಷ್ಠಗೌತಮಭರದ್ವಾಜಾದಿಕಾನ್ ಮಾನಯನ್

ರಾಮೋ ಮಾರುತಿಸೇವಿತಃ ಸ್ಮರತು ಮಾಂ ಸಾಮ್ರಾಜ್ಯಸಿಂಹಾಸನೇ ॥ 83

ಸಕಲಗುಣನಿಧಾನಂ ಯೋಗಿಭಿಸ್ಸ್ತೂಯಮಾನಂ

ಭಜಿತಸುರವಿಮಾನಂ ರಕ್ಷಿತೇನ್ದ್ರಾದಿಮಾನಮ್ ।

ಮಹಿತವೃಷಭಯಾನಂ ಸೀತಯಾ ಶೋಭಮಾನಂ

ಸ್ಮರತು ಹೃದಯಭಾನುಂ ಬ್ರಹ್ಮರಾಮಾಭಿರಾಮಮ್ ॥ 84

ತ್ರಿದಶಕುಮುದಚನ್ದ್ರೋ ದಾನವಾಮ್ಭೋಜಚನ್ದ್ರೋ

ದುರಿತತಿಮಿರಚನ್ದ್ರೋ ಯೋಗಿನಾಂ ಜ್ಞಾನಚನ್ದ್ರಃ ।

ಪ್ರಣತನಯನಚನ್ದ್ರೋ ಮೈಥಿಲೀನೇತ್ರಚನ್ದ್ರೋ

ದಶಮುಖರಿಪುಚನ್ದ್ರಃ ಪಾತು ಮಾಂ ರಾಮಚನ್ದ್ರಃ ॥ 85

ಯನ್ನಾಮೈವ ಸಹಸ್ರನಾಮಸದೃಶಂ ಯನ್ನಾಮ ವೇದೈಸ್ಸಮಂ

ಯನ್ನಾಮಾಙ್ಕಿತವಾಕ್ಯ-ಮಾಸುರಬಲಸ್ತ್ರೀಗರ್ಭವಿಚ್ಛೇದನಮ್ ।

ಯನ್ನಾಮ ಶ್ವಪಚಾರ್ಯಭೇದರಹಿತಂ ಮುಕ್ತಿಪ್ರದಾನೋಜ್ಜ್ವಲಂ

ತನ್ನಾಮಾಽಲಘುರಾಮರಾಮರಮಣಂ ಶ್ರೀರಾಮನಾಮಾಮೃತಮ್ ॥ 86

ರಾಜೀವನೇತ್ರ ರಘುಪುಙ್ಗವ ರಾಮಭದ್ರ

ರಾಕೇನ್ದುಬಿಮ್ಬಸದೃಶಾನನ ನೀಲಗಾತ್ರ ।

ರಾಮಾಽಭಿರಾಮ ರಘುವಂಶಸಮುದ್ಭವ ತ್ವಂ

ಶ್ರೀರಾಮಚನ್ದ್ರ ಮಮ ದೇಹಿ ಕರಾವಲಮ್ಬಮ್ ॥ 87

ಮಾಣಿಕ್ಯಮಞ್ಜೀರಪದಾರವಿನ್ದಂ

ರಾಮಾರ್ಕಸಮ್ಫುಲ್ಲಮುಖಾರವಿನ್ದಮ್ ।

ಭಕ್ತಾಭಯಪ್ರಾಪಿಕರಾರವಿನ್ದಾಂ

ದೇವೀಂ ಭಜೇ ರಾಘವವಲ್ಲಭಾಂ ತಾಮ್ ॥ 88

ಜಯತು ವಿಜಯಕಾರೀ ಜಾನಕೀಮೋದಕಾರೀ

ತಪನಕುಲವಿಹಾರೀ ದಣ್ಡಕಾರಣ್ಯಚಾರೀ ।

ದಶವದನಕುಠಾರೀ ದೈತ್ಯವಿಚ್ಛೇದಕಾರೀ

ಮಣಿಮಕುಟಕಧಾರೀ ಚಣ್ಡಕೋದಣ್ಡಧಾರೀ ॥ 89

ರಾಮಃ ಪಿತಾ ರಘವ ಏವ ಮಾತಾ

ರಾಮಸ್ಸುಬನ್ಧುಶ್ಚ ಸಖಾ ಹಿತಶ್ಚ ।

ರಾಮೋ ಗುರುರ್ಮೇ ಪರಮಂ ಚ ದೈವಂ

ರಾಮಂ ವಿನಾ ನಾಽನ್ಯಮಹಂ ಸ್ಮರಾಮಿ ॥ 90

ಶ್ರೀರಾಮ ಮೇ ತ್ವಂ ಹಿ ಪಿತಾ ಚ ಮಾತಾ

ಶ್ರೀರಾಮ ಮೇ ತ್ವಂ ಹಿ ಸುಹೃಚ್ಚ ಬನ್ಧುಃ ।

ಶ್ರೀರಾಮ ಮೇ ತ್ವಂ ಹಿ ಗುರುಶ್ಚ ಗೋಷ್ಠೀ

ಶ್ರೀರಾಮ ಮೇ ತ್ವಂ ಹಿ ಸಮಸ್ತಮೇವ ॥ 91

ರಾಮಚನ್ದ್ರಚರಿತಾಮೃತಪಾನಂ

ಸೋಮಪಾನಶತಕೋಟಿಸಮಾನಮ್ ।

ಸೋಮಪಾನಶತಕೋಟಿಭಿರೀಯಾ-

ಜ್ಜನ್ಮ ನೈತಿ ರಘುನಾಯಕನಾಮ್ನಾ ॥ 92

ರಾಮ ರಾಮ ದಯಾಸಿನ್ಧೋ ರಾವಣಾರೇ ಜಗತ್ಪತೇ ।

ತ್ವತ್ಪಾದಕಮಲಾಸಕ್ತಿ-ರ್ಭವೇಜ್ಜನ್ಮನಿ ಜನ್ಮನಿ ॥ 93

ಶ್ರೀರಾಮಚನ್ದ್ರೇತಿ ದಯಾಪರೇತಿ

ಭಕ್ತಪ್ರಿಯೇತಿ ಭವಬನ್ಧನಮೋಚನೇತಿ ।

ನಾಥೇತಿ ನಾಗಶಯನೇತಿ ಸದಾ ಸ್ತುವನ್ತಂ

ಮಾಂ ಪಾಹಿ ಭೀತಮನಿಶಂ ಕೃಪಣಂ ಕೃಪಾಲೋ ॥ 94

ಅಯೋಧ್ಯಾನಾಥ ರಾಜೇನ್ದ್ರ ಸೀತಾಕಾನ್ತ ಜಗತ್ಪತೇ ।

ಶ್ರೀರಾಮ ಪುಣ್ಡರೀಕಾಕ್ಷ ರಾಮಚನ್ದ್ರ ನಮೋಽಸ್ತು ತೇ ॥ 95

ಹೇ ರಾಮ ಹೇ ರಮಣ ಹೇ ಜಗದೇಕವೀರ

ಹೇ ನಾಥ ಹೇ ರಘುಪತೇ ಕರುಣಾಲವಾಲ ।

ಹೇ ಜಾನಕೀರಮಣ ಹೇ ಜಗದೇಕಬನ್ಧೋ

ಮಾಂ ಪಾಹಿ ದೀನಮನಿಶಂ ಕೃಪಣಂ ಕೃತಘ್ನಮ್ ॥ 96

ಜಾನಾತಿ ರಾಮ ತವ ತತ್ತ್ವಗತಿಂ ಹನೂಮಾನ್ ।

ಜಾನಾತಿ ರಾಮ ತವ ಸಖ್ಯಗತಿಂ ಕಪೀಶಃ ।

ಜಾನಾತಿ ರಾಮ ತವ ಯುದ್ಧಗತಿಂ ದಶಾಸ್ಯೋ ।

ಜಾನಾತಿ ರಾಮ ಧನದಾನುಜ ಏವ ಸತ್ಯಮ್ ॥ 97

ಸೇವ್ಯಂ ಶ್ರೀರಾಮಮನ್ತ್ರಂ ಶ್ರವಣಶುಭಕರಂ ಶ್ರೇಷ್ಠಸುಜ್ಞಾನಿಮನ್ತ್ರಂ

ಸ್ತವ್ಯಂ ಶ್ರೀರಾಮಮನ್ತ್ರಂ ನರಕದುರಿತದುರ್ವಾರನಿರ್ಘಾತಮನ್ತ್ರಮ್ ।

ಭವ್ಯಂ ಶ್ರೀರಾಮಮನ್ತ್ರಂ ಭಜತು ಭಜತು ಸಂಸಾರನಿಸ್ತಾರಮನ್ತ್ರಂ

ದಿವ್ಯಂ ಶ್ರೀರಾಮಮನ್ತ್ರಂ ದಿವಿ ಭುವಿ ವಿಲಸನ್ಮೋಕ್ಷರಕ್ಷೈಕಮನ್ತ್ರಮ್ ॥ 98

ನಿಖಿಲನಿಲಯಮನ್ತ್ರಂ ನಿತ್ಯತತ್ತ್ವಾಖ್ಯಮನ್ತ್ರಂ

ಭವಕುಲಹರಮನ್ತ್ರಂ ಭೂಮಿಜಾಪ್ರಾಣಮನ್ತ್ರಮ್ ।

ಪವನಜನುತಮನ್ತ್ರಂ ಪಾರ್ವತೀಮೋಕ್ಷಮನ್ತ್ರಂ

ಪಶುಪತಿನಿಜಮನ್ತ್ರಂ ಪಾತು ಮಾಂ ರಾಮಮನ್ತ್ರಮ್ ॥ 99

ಪ್ರಣವನಿಲಯಮನ್ತ್ರಂ ಪ್ರಾಣನಿರ್ವಾಣಮನ್ತ್ರಂ

ಪ್ರಕೃತಿಪುರುಷಮನ್ತ್ರಂ ಬ್ರಹ್ಮರುದ್ರೇನ್ದ್ರಮನ್ತ್ರಮ್ ।

ಪ್ರಕಟದುರಿತರಾಗದ್ವೇಷನಿರ್ಣಾಶಮನ್ತ್ರಂ

100

ರಘುಪತಿನಿಜಮನ್ತ್ರಂ ರಾಮರಾಮೇತಿಮನ್ತ್ರಮ್ ॥ 100

ದಶರಥಸುತಮನ್ತ್ರಂ ದೈತ್ಯಸಂಹಾರಮನ್ತ್ರಂ

ವಿಬುಧವಿನುತಮನ್ತ್ರಂ ವಿಶ್ವವಿಖ್ಯಾತಮನ್ತ್ರಮ್ ।

ಮುನಿಗಣನುತಮನ್ತ್ರಂ ಮುಕ್ತಿಮಾರ್ಗೈಕಮನ್ತ್ರಂ

101

ರಘುಪತಿನಿಜಮನ್ತ್ರಂ ರಾಮರಾಮೇತಿಮನ್ತ್ರಮ್ ॥ 101

ಸಂಸಾರಸಾಗರಭಯಾಪಹವಿಶ್ವಮನ್ತ್ರಂ

ಸಾಕ್ಷಾನ್ಮುಮುಕ್ಷುಜನಸೇವಿತಸಿದ್ಧಮನ್ತ್ರಮ್ ।

ಸಾರಙ್ಗಹಸ್ತಮುಖಹಸ್ತನಿವಾಸಮನ್ತ್ರಂ

102

ಕೈವಲ್ಯಮನ್ತ್ರಮನಿಶಂ ಭಜ ರಾಮಮನ್ತ್ರಮ್ ॥ 102

ಜಯತು ಜಯತು ಮನ್ತ್ರಂ ಜನ್ಮಸಾಫಲ್ಯಮನ್ತ್ರಂ

ಜನನಮರಣಭೇದಕ್ಲೇಶವಿಚ್ಛೇದಮನ್ತ್ರಮ್ ।

ಸಕಲನಿಗಮಮನ್ತ್ರಂ ಸರ್ವಶಾಸ್ತ್ರೈಕಮನ್ತ್ರಂ

103

ರಘುಪತಿನಿಜಮನ್ತ್ರಂ ರಾಮರಾಮೇತಿಮನ್ತ್ರಮ್ ॥ 103

ಜಗತಿ ವಿಶದಮನ್ತ್ರಂ ಜಾನಕೀಪ್ರಾಣಮನ್ತ್ರಂ

ವಿಬುಧವಿನುತಮನ್ತ್ರಂ ವಿಶ್ವವಿಖ್ಯಾತಮನ್ತ್ರಮ್ ।

ದಶರಥಸುತಮನ್ತ್ರಂ ದೈತ್ಯಸಂಹಾರಮನ್ತ್ರಂ

104

ರಘುಪತಿನಿಜಮನ್ತ್ರಂ ರಾಮರಾಮೇತಿಮನ್ತ್ರಮ್ ॥ 104

ಬ್ರಹ್ಮಾದಿಯೋಗಿಮುನಿಪೂಜಿತಸಿದ್ಧಮನ್ತ್ರಂ

ದಾರಿದ್ರ್ಯದುಃಖಭವರೋಗವಿನಾಶಮನ್ತ್ರಮ್ ।

ಸಂಸಾರಸಾಗರಸಮುತ್ತರಣೈಕಮನ್ತ್ರಂ

105

ವನ್ದೇ ಮಹಾಭಯಹರಂ ರಘುರಾಮಮನ್ತ್ರಮ್ ॥ 105

ಶತ್ರುಚ್ಛೇದೈಕಮನ್ತ್ರಂ ಸರಸಮುಪನಿಷದ್ವಾಕ್ಯಸಮ್ಪೂಜ್ಯಮನ್ತ್ರಂ

ಸಂಸಾರೋತ್ತಾರಮನ್ತ್ರಂ ಸಮುಚಿತಸಮಯೇ ಸಙ್ಗನಿರ್ಯಾಣಮನ್ತ್ರಮ್ ।

ಸರ್ವೈಶ್ವರ್ಯೈಕಮನ್ತ್ರಂ ವ್ಯಸನಭುಜಗಸನ್ದಷ್ಟಸನ್ತ್ರಾಣಮನ್ತ್ರಂ

106

ಜಿಹ್ವೇ ಶ್ರೀರಾಮಮನ್ತ್ರಂ ಜಪ ಜಪ ಸಫಲಂ ಜನ್ಮಸಾಫಲ್ಯಮನ್ತ್ರಮ್ ॥ 106

ನಿತ್ಯಂ ಶ್ರೀರಾಮಮನ್ತ್ರಂ ನಿರುಪಮಮಧಿಕಂ ನೀತಿಸುಜ್ಞಾನಮನ್ತ್ರಂ

ಸತ್ಯಂ ಶ್ರೀರಾಮಮನ್ತ್ರಂ ಸದಮಲಹೃದಯೇ ಸರ್ವದಾರೋಗ್ಯಮನ್ತ್ರಮ್ ।

ಸ್ತುತ್ಯಂ ಶ್ರೀರಾಮಮನ್ತ್ರಂ ಸುಲಲಿತಸುಮನಸ್ಸೌಖ್ಯಸೌಭಾಗ್ಯಮನ್ತ್ರಂ

107

ಪಠ್ಯಂ ಶ್ರೀರಾಮಮನ್ತ್ರಂ ಪವನಜವರದಂ ಪಾತು ಮಾಂ ರಾಮಮನ್ತ್ರಮ್ ॥ 107

ವ್ಯಾಮೋಹಪ್ರಶಮೌಷಧಂ ಮುನಿಮನೋವೃತ್ತಿಪ್ರವೃತ್ತ್ಯೌಷಧಂ

ದೈತ್ಯೋನ್ಮೂಲಕರೌಷಧಂ ಭವಭಯಪ್ರಧ್ವಂಸನೈಕೌಷಧಮ್ ।

ಭಕ್ತಾನನ್ದಕರೌಷಧಂ ತ್ರಿಭುವನೇ ಸಞ್ಜೀವನೈಕೌಷಧಂ

108

ಶ್ರೇಯಃ ಪ್ರಾಪ್ತಿಕರೌಷಧಂ ಪಿಬ ಮನಃ ಶ್ರೀರಾಮನಾಮೌಷಧಮ್ ॥ 108

ಸಕಲಭುವನರತ್ನಂ ಸರ್ವಶಾಸ್ತ್ರಾರ್ಥರತ್ನಂ

ಸಮರವಿಜಯರತ್ನಂ ಸಚ್ಚಿದಾನನ್ದರತ್ನಮ್ ।

ದಶಮುಖಹರರತ್ನಂ ದಾನವಾರಾತಿರತ್ನಂ

109

ರಘುಕುಲನೃಪರತ್ನಂ ಪಾತು ಮಾಂ ರಾಮರತ್ನಮ್ ॥ 109

ಸಕಲಭುವನರತ್ನಂ ಸಚ್ಚಿದಾನನ್ದರತ್ನಂ

ಸಕಲಹೃದಯರತ್ನಂ ಸೂರ್ಯಬಿಮ್ಬಾನ್ತರತ್ನಮ್ ।

ವಿಮಲಸುಕೃತರತ್ನಂ ವೇದವೇದಾನ್ತರತ್ನಂ

110

ಪುರಹರಜಪರತ್ನಂ ಪಾತು ಮಾಂ ರಾಮರತ್ನಮ್ ॥ 110

ನಿಗಮಶಿಖರರತ್ನಂ ನಿರ್ಮಲಾನನ್ದರತ್ನಂ

ನಿರುಪಮಗುಣರತ್ನಂ ನಾದನಾದಾನ್ತರತ್ನಮ್ ।

ದಶರಥಕುಲರತ್ನಂ ದ್ವಾದಶಾನ್ತಸ್ಸ್ಥರತ್ನಂ

111

ಪಶುಪತಿಜಪರತ್ನಂ ಪಾತು ಮಾಂ ರಾಮರತ್ನಮ್ ॥ 111

ಶತಮಖಸುತರತ್ನಂ ಷೋಡಶಾನ್ತಸ್ಸ್ಥರತ್ನಂ

ಮುನಿಜನಜಪರತ್ನಂ ಮುಖ್ಯವೈಕುಣ್ಠರತ್ನಮ್ ।

ನಿರುಪಮಗುಣರತ್ನಂ ನೀರಜಾನ್ತಸ್ಸ್ಥರತ್ನಂ

112

ಪರಮಪದವಿರತ್ನಂ ಪಾತು ಮಾಂ ರಾಮರತ್ನಮ್ ॥ 112

ಸಕಲಸುಕೃತರತ್ನಂ ಸತ್ಯವಾಕ್ಯಾರ್ಥರತ್ನಂ

ಶಮದಮಗುಣರತ್ನಂ ಶಾಶ್ವತಾನನ್ದರತ್ನಮ್ ।

ಪ್ರಣಯನಿಲಯರತ್ನಂ ಪ್ರಸ್ಫುಟದ್ಯೋತಿರತ್ನಂ

113

ಪರಮಪದವಿರತ್ನಂ ಪಾತು ಮಾಂ ರಾಮರತ್ನಮ್ ॥ 113

ನಿಗಮಶಿಖರರತ್ನಂ ನಿತ್ಯಮಾಶಾಸ್ಯರತ್ನಂ

ಜನನುತನೃಪರತ್ನಂ ಜಾನಕೀರೂಪರತ್ನಮ್ ।

ಭುವನವಲಯರತ್ನಂ ಭೂಭುಜಾಮೇಕರತ್ನಂ

114

ರಘುಕುಲವರರತ್ನಂ ಪಾತು ಮಾಂ ರಾಮರತ್ನಮ್ ॥ 114

ವಿಶಾಲನೇತ್ರಂ ಪರಿಪೂರ್ಣಗಾತ್ರಂ

ಸೀತಾಕಲತ್ರಂ ಸುರವೈರಿಜೈತ್ರಮ್ ।

ಕಾರುಣ್ಯಪಾತ್ರಂ ಜಗತಃ ಪವಿತ್ರಂ

115

ಶ್ರೀರಾಮರತ್ನಂ ಪ್ರಣತೋಽಸ್ಮಿ ನಿತ್ಯಮ್ ॥ 115

ಹೇ ಗೋಪಾಲಕ ಹೇ ದಯಾಜಲನಿಧೇ ಹೇ ಸದ್ಗುಣಾಮ್ಭೋನಿಧೇ

ಹೇ ದೈತ್ಯಾನ್ತಕ ಹೇ ವಿಭೀಷಣದಯಾಪರೀಣ ಹೇ ಭೂಪತೇ ।

ಹೇ ವೈದೇಹಸುತಾಮನೋಜವಿಹೃತೇ ಹೇ ಕೋಟಿಮಾರಾಕೃತೇ

116

ಹೇ ನವ್ಯಾಮ್ಬುಜನೇತ್ರ ಪಾಲಯ ಪರಂ ಜಾನಾಮಿ ನ ತ್ವಾಂ ವಿನಾ ॥ 116

ಯಸ್ಯ ಕಿಞ್ಚಿದಪಿ ನೋ ಹರಣೀಯಂ

ಕರ್ಮ ಕಿಞ್ಚಿದಪಿ ನೋ ಚರಣೀಯಮ್ ।

ರಾಮನಾಮ ಚ ಸದಾ ಸ್ಮರಣೀಯಂ

117

ಲೀಲಯಾ ಭವಜಲಂ ತರಣೀಯಮ್ ॥ 117

ದಶರಥಸುತಮೀಶಂ ದಣ್ಡಕಾರಣ್ಯವಾಸಂ

ಶತಮಖಮಣಿನೀಲಂ ಜಾನಕೀಪ್ರಾಣಲೋಲಮ್ ।

ಸಕಲಭುವನಮೋಹಂ ಸನ್ನುತಾಮ್ಭೋದದೇಹಂ

118

ಬಹುಲನುತಸಮುದ್ರಂ ಭಾವಯೇ ರಾಮಭದ್ರಮ್ ॥ 118

ವಿಶಾಲನೇತ್ರಂ ಪರಿಪೂರ್ಣಗಾತ್ರಂ

ಸೀತಾಕಲತ್ರಂ ಸುರವೈರಿಜೈತ್ರಮ್ ।

ಜಗತ್ಪವಿತ್ರಂ ಪರಮಾತ್ಮತನ್ತ್ರಂ

119

ಶ್ರೀರಾಮಚನ್ದ್ರಂ ಪ್ರಣಮಾಮಿ ಚಿತ್ತೇ ॥ 119

ಜಯ ಜಯ ರಘುರಾಮ ಶ್ರೀಮುಖಾಮ್ಭೋಜಭಾನೋ

ಜಯ ಜಯ ರಘುವೀರ ಶ್ರೀಮದಮ್ಭೋಜನೇತ್ರ ।

ಜಯ ಜಯ ರಘುನಾಥ ಶ್ರೀಕರಾಭ್ಯರ್ಚಿತಾಙ್ಘ್ರಿ

120

ಜಯ ಜಯ ರಘುವರ್ಯ ಶ್ರೀಶ ಕಾರುಣ್ಯಸಿನ್ಧೋ ॥ 120

ಮನ್ದಾರಮೂಲೇ ಮಣಿಪೀಠಸಂಸ್ಥಂ

ಸುಧಾಪ್ಲುತಂ ದಿವ್ಯವಿರಾಟ್ಸ್ವರೂಪಮ್ ।

ಸಬಿನ್ದುನಾದಾನ್ತಕಲಾನ್ತತುರ್ಯ-

121

ಮೂರ್ತಿಂ ಭಜೇಽಹಂ ರಘುವಂಶರತ್ನಮ್ ॥ 121

ನಾದಂ ನಾದವಿನೀಲಚಿತ್ತಪವನಂ ನಾದಾನ್ತತ್ತ್ವಪ್ರಿಯಂ

ನಾಮಾಕಾರವಿವರ್ಜಿತಂ ನವಘನಶ್ಯಾಮಾಙ್ಗನಾದಪ್ರಿಯಮ್ ।

ನಾದಾಮ್ಭೋಜಮರನ್ದಮತ್ತವಿಲಸದ್ಭೃಙ್ಗಂ ಮದಾನ್ತಸ್ಸ್ಥಿತಂ

122

ನಾದಾನ್ತಧೃವಮಣ್ಡಲಾಬ್ಜರುಚಿರಂ ರಾಮಂ ಭಜೇ ತಾರಕಮ್ ॥ 122

ನಾನಾಭೂತಹೃದಬ್ಜಪದ್ಮನಿಲಯಂ ನಾಮೋಜ್ಜ್ವಲಾಭೂಷಣಮ್ ।

ನಾಮಸ್ತೋತ್ರಪವಿತ್ರಿತತ್ರಿಭುವನಂ ನಾರಾಯಣಾಷ್ಟಾಕ್ಷರಮ್ ।

ನಾದಾನ್ತೇನ್ದುಗಲತ್ಸುಧಾಪ್ಲುತತನುಂ ನಾನಾತ್ಮಚಿನ್ಮಾತ್ರಕಮ್ ।

123

ನಾನಾಕೋಟಿಯುಗಾನ್ತಭಾನುಸದೃಶಂ ರಾಮಂ ಭಜೇ ತಾರಕಮ್ ॥ 123

ವೇದ್ಯಂ ವೇದಗುರುಂ ವಿರಿಞ್ಚಿಜನಕಂ ವೇದಾನ್ತಮೂರ್ತಿಂ ಸ್ಫುರ-

ದ್ವೇದಂ ವೇದಕಲಾಪಮೂಲಮಹಿಮಾಧಾರಾನ್ತಕನ್ದಾಙ್ಕುರಮ್ ।

ವೇದಶೃಙ್ಗಸಮಾನಶೇಷಶಯನಂ ವೇದಾನ್ತವೇದ್ಯಾತ್ಮಕಂ

124

ವೇದಾರಾಧಿತಪಾದಪಙ್ಕಜಮಹಂ ರಾಮಂ ಭಜೇ ತಾರಕಮ್ ॥ 124

ಮಜ್ಜೀವಂ ಮದನುಗ್ರಹಂ ಮದಧಿಪಂ ಮದ್ಭಾವನಂ ಮತ್ಸುಖಂ

ಮತ್ತಾತಂ ಮಮ ಸದ್ಗುರುಂ ಮಮ ವರಂ ಮೋಹಾನ್ಧವಿಚ್ಛೇದನಮ್ ।

ಮತ್ಪುಣ್ಯಂ ಮದನೇಕಬಾನ್ಧವಜನಂ ಮಜ್ಜೀವನಂ ಮನ್ನಿಧಿಂ

125

ಮತ್ಸಿದ್ಧಿಂ ಮಮ ಸರ್ವಕರ್ಮಸುಕೃತಂ ರಾಮಂ ಭಜೇ ತಾರಕಮ್ ॥ 125

ನಿತ್ಯಂ ನೀರಜಲೋಚನಂ ನಿರುಪಮಂ ನೀವಾರಶೂಕೋಪಮಂ

ನಿರ್ಭೇದಾನುಭವಂ ನಿರನ್ತರಗುಣಂ ನೀಲಾಙ್ಗರಾಗೋಜ್ಜ್ವಲಮ್ ।

ನಿಷ್ಪಾಪಂ ನಿಗಮಾಗಮಾರ್ಚಿತಪದಂ ನಿತ್ಯಾತ್ಮಕಂ ನಿರ್ಮಲಂ

126

ನಿಷ್ಪುಣ್ಯಂ ನಿಖಿಲಂ ನಿರಞ್ಜನಪದಂ ರಾಮಂ ಭಜೇ ತಾರಕಮ್ ॥ 126

ಧ್ಯಾಯೇ ತ್ವಾಂ ಹೃದಯಾಮ್ಬುಜೇ ರಘುಪತಿಂ ವಿಜ್ಞಾನದೀಪಾಙ್ಕುರಂ

ಹಂಸೋಹಂಸಪರಮ್ಪರಾದಿಮಹಿಮಾಧಾರಂ ಜಗನ್ಮೋಹನಮ್ ।

ಹಸ್ತಾಮ್ಭೋಜಗದಾಬ್ಜಚಕ್ರಮತುಲಂ ಪೀತಾಮ್ಬರಂ ಕೌಸ್ತುಭಂ

127

ಶ್ರೀವತ್ಸಂ ಪುರುಷೋತ್ತಮಂ ಮಣಿನಿಭಂ ರಾಮಂ ಭಜೇ ತಾರಕಮ್ ॥ 127

ಸತ್ಯಜ್ಞಾನಮನನ್ತಮಚ್ಯುತಮಜಂ ಚಾವ್ಯಾಕೃತಂ ತತ್ಪರಂ

ಕೂಟಸ್ಥಾದಿಸಮಸ್ತಸಾಕ್ಷಿಮನಘಂ ಸಾಕ್ಷಾದ್ವಿರಾಟ್ತತ್ತ್ವದಮ್ ।

ವೇದ್ಯಂ ವಿಶ್ವಮಯಂ ಸ್ವಲೀನಭುವನಸ್ವಾರಾಜ್ಯಸೌಖ್ಯಪ್ರದಂ

128

ಪೂರ್ಣಂ ಪೂರ್ಣತರಂ ಪುರಾಣಪುರುಷಂ ರಾಮಂ ಭಜೇ ತಾರಕಮ್ ॥ 128

ರಾಮಂ ರಾಕ್ಷಸವಂಶನಾಶನಕರಂ ರಾಕೇನ್ದುಬಿಮ್ಬಾನನಂ

ರಕ್ಷೋರಿಂ ರಘುವಂಶವರ್ಧನಕರಂ ರಕ್ತಾಧರಂ ರಾಘವಮ್ ।

ರಾಧಾಯಾತ್ಮನಿವಾಸಿನಂ ರವಿನಿಭಂ ರಮ್ಯಂ ರಮಾನಾಯಕಂ

129

ರನ್ಧ್ರಾನ್ತರ್ಗತಶೇಷಶಾಯಿನಮಹಂ ರಾಮಂ ಭಜೇ ತಾರಕಮ್ ॥ 129

ಓತಪ್ರೋತಸಮಸ್ತವಸ್ತುನಿಚಯಂ ಓಙ್ಕಾರಬೀಜಾಕ್ಷರಂ

ಓಙ್ಕಾರಪ್ರಕೃತಿಂ ಷಡಕ್ಷರಹಿತಂ ಓಙ್ಕಾರಕನ್ದಾಙ್ಕುರಮ್ ।

ಓಙ್ಕಾರಸ್ಫುಟಭೂರ್ಭುವಸ್ಸುಪರಿತಂ ಓಘತ್ರಯಾರಾಧಿತಮ್

130

ಓಙ್ಕಾರೋಜ್ಜ್ವಲಸಿಂಹಪೀಠನಿಲಯಂ ರಾಮಂ ಭಜೇ ತಾರಕಮ್ ॥ 130

ಸಾಕೇತೇ ನಗರೇ ಸಮಸ್ತಸುಖದೇ ಹರ್ಮ್ಯೇಽಬ್ಜಕೋಟಿದ್ಯುತೇ

ನಕ್ಷತ್ರಗ್ರಹಪಙ್ಕ್ತಿಲಗ್ನಶಿಖರೇ ಚಾನ್ತರ್ಯಪಙ್ಕೇರುಹೇ ।

ವಾಲ್ಮೀಕಾತ್ರಿಪರಾಶರಾದಿಮುನಿಭಿಸ್ಸಂಸೇವ್ಯಮಾನಂ ಸ್ಥಿತಂ

131

ಸೀತಾಲಙ್ಕೃತವಾಮಭಾಗಮನಿಶಂ ರಾಮಂ ಭಜೇ ತಾರಕಮ್ ॥ 131

ವೈಕುಣ್ಠೇ ನಗರೇ ಸುರದ್ರುಮತಲೇ ಚಾನನ್ದವಪ್ರಾನ್ತರೇ

ನಾನಾರತ್ನವಿನಿರ್ಮಿತಸ್ಫುಟಪಟುಪ್ರಾಕಾರಸಂವೇಷ್ಟಿತೇ ।

ಸೌಧೇನ್ದೂಪಲಶೇಷತಲ್ಪಲಲಿತೇ ನೀಲೋತ್ಪಲಚ್ಛಾದಿತೇ

132

ಪರ್ಯಙ್ಕೇ ಶಯನಂ ರಮಾದಿಸಹಿತಂ ರಾಮಂ ಭಜೇ ತಾರಕಮ್ ॥ 132

ವನ್ದೇ ರಾಮಮನಾದಿಪೂರುಷಮಜಂ ವನ್ದೇ ರಮಾನಾಯಕಂ

ವನ್ದೇ ಹಾರಿಕಿರೀಟಕುಣ್ಡಲಧರಂ ವನ್ದೇ ಸುನೀಲದ್ಯುತಿಮ್ ।

ವನ್ದೇ ಚಾಪಕಲಮ್ಬಕೋಜ್ಜ್ವಲಕರಂ ವನ್ದೇ ಜಗನ್ಮಙ್ಗಲಂ

133

ವನ್ದೇ ಪಙ್ಕ್ತಿರಥಾತ್ಮಜಂ ಮಮ ಗುರುಂ ವನ್ದೇ ಸದಾ ರಾಘವಮ್ ॥ 133

ವನ್ದೇ ಶೌನಕಗೌತಮಾದ್ಯಭಿನುತಂ ವನ್ದೇ ಘನಶ್ಯಾಮಲಂ

ವನ್ದೇ ತಾರಕಪೀಠಮಧ್ಯನಿಲಯಂ ವನ್ದೇ ಜಗನ್ನಾಯಕಮ್ ।

ವನ್ದೇ ಭಕ್ತಜನೌಘದೇವಿವಟಪಂ ವನ್ದೇ ಧನುರ್ವಲ್ಲಭಂ

134

ವನ್ದೇ ತತ್ತ್ವಮಸೀತಿವಾಕ್ಯಜನಕಂ ವನ್ದೇ ಸದಾ ರಾಘವಮ್ ॥ 134

ವನ್ದೇ ಸೂರ್ಯಶಶಾಙ್ಕಲೋಚನಯುಗಂ ವನ್ದೇ ಜಗತ್ಪಾವನಂ

ವನ್ದೇ ಪತ್ರಸಹಸ್ರಪದ್ಮನಿಲಯಂ ವನ್ದೇ ಪುರಾರಿಪ್ರಿಯಮ್ ।

ವನ್ದೇ ರಾಕ್ಷಸವಂಶನಾಶನಕರಂ ವನ್ದೇ ಸುಧಾಶೀತಲಂ

135

ವನ್ದೇ ದೇವಕಪೀನ್ದ್ರಕೋಟಿವಿನುತಂ ವನ್ದೇ ಸದಾ ರಾಘವಮ್ ॥ 135

ವನ್ದೇ ಸಾಗರಗರ್ವಭಙ್ಗವಿಶಿಖಂ ವನ್ದೇ ಜಗಜ್ಜೀವನಂ

ವನ್ದೇ ಕೌಶಿಕಯಾಗರಕ್ಷಣಕರಂ ವನ್ದೇ ಗುರುಣಾಂ ಗುರುಮ್ ।

ವನ್ದೇ ಬಾಣಶರಾಸನೋಜ್ಜ್ವಲಕರಂ ವನ್ದೇ ಜಟಾವಲ್ಕಲಂ

136

ವನ್ದೇ ಲಕ್ಷ್ಮಣಭೂಮಿಜಾನ್ವಿತಮಹಂ ವನ್ದೇ ಸದಾ ರಾಘವಮ್ ॥ 136

ವನ್ದೇ ಪಾಣ್ಡರಪುಣ್ಡರೀಕನಯನಂ ವನ್ದೇಽಬ್ಜಬಿಮ್ಬಾನನಂ

ವನ್ದೇ ಕಮ್ಬುಗಲಂ ಕರಾಬ್ಜಯುಗಲಂ ವನ್ದೇ ಲಲಾಟೋಜ್ಜ್ವಲಮ್ ।

ವನ್ದೇ ಪೀತದುಕೂಲಮಮ್ಬುದನಿಭಂ ವನ್ದೇ ಜಗನ್ಮೋಹನಂ

137

ವನ್ದೇ ಕಾರಣಮಾನುಷೋಜ್ಜ್ವಲತನುಂ ವನ್ದೇ ಸದಾ ರಾಘವಮ್ ॥ 137

ವನ್ದೇ ನೀಲಸರೋಜಕೋಮಲರುಚಿಂ ವನ್ದೇ ಜಗದ್ವನ್ದಿತಂ

ವನ್ದೇ ಸೂರ್ಯಕುಲಾಬ್ಧಿಕೌಸ್ತುಭಮಣಿಂ ವನ್ದೇ ಸುರಾರಾಧಿತಮ್ ।

ವನ್ದೇ ಪಾತಕಪಞ್ಚಕಪ್ರಹರಣಂ ವನ್ದೇ ಜಗತ್ಕಾರಣಂ

138

ವನ್ದೇ ವಿಂಶತಿಪಞ್ಚತತ್ತ್ವರಹಿತಂ ವನ್ದೇ ಸದಾ ರಾಘವಮ್ ॥ 138

ವನ್ದೇ ಸಾಧಕವರ್ಗಕಲ್ಪಕತರುಂ ವನ್ದೇ ತ್ರಿಮೂರ್ತ್ಯಾತ್ಮಕಂ

ವನ್ದೇ ನಾದಲಯಾನ್ತರಸ್ಥಲಗತಂ ವನ್ದೇ ತ್ರಿವರ್ಗಾತ್ಮಕಮ್ ।

ವನ್ದೇ ರಾಗವಿಹೀನಚಿತ್ತಸುಲಭಂ ವನ್ದೇ ಸಭಾನಾಯಕಂ

139

ವನ್ದೇ ಪೂರ್ಣದಯಾಮೃತಾರ್ಣವಮಹಂ ವನ್ದೇ ಸದಾ ರಾಘವಮ್ ॥ 139

ವನ್ದೇ ಸಾತ್ತ್ವಿಕತತ್ತ್ವಮುದ್ರಿತತನುಂ ವನ್ದೇ ಸುಧಾದಾಯಕಂ

ವನ್ದೇ ಚಾರುಚತುರ್ಭುಜಂ ಮಣಿನಿಭಂ ವನ್ದೇ ಷಡಬ್ಜಸ್ಥಿತಮ್ ।

ವನ್ದೇ ಬ್ರಹ್ಮಪಿಪೀಲಿಕಾದಿನಿಲಯಂ ವನ್ದೇ ವಿರಾಟ್ವಿಗ್ರಹಂ

140

ವನ್ದೇ ಪನ್ನಗತಲ್ಪಶಾಯಿನಮಹಂ ವನ್ದೇ ಸದಾ ರಾಘವಮ್ ॥ 140

ಸಿಂಹಾಸನಸ್ಥಂ ಮುನಿಸಿದ್ಧಸೇವ್ಯಂ

ರಕ್ತೋತ್ಪಲಾಲಙ್ಕೃತಪಾದಪದ್ಮಮ್ ।

ಸೀತಾಸಮೇತಂ ಶಶಿಸೂರ್ಯನೇತ್ರಂ

141

ರಾಮಂ ಭಜೇ ರಾಘವರಾಮಚನ್ದ್ರಮ್ ॥ 141

ಶ್ರೀರಾಮಭದ್ರಾಶ್ರಿತಸದ್ಗುರೂಣಾಂ

ಪಾದಾರವಿನ್ದಂ ಭಜತಾಂ ನರಾಣಾಮ್ ।

ಆರೋಗ್ಯಮೈಶ್ವರ್ಯಮನನ್ತಕೀರ್ತಿ-

142

ರನ್ತೇ ಚ ವಿಷ್ಣೋಃ ಪದಮಸ್ತಿ ಸತ್ಯಮ್ ॥ 142

ದಶರಥವರಪುತ್ರಂ ಜಾನಕೀಸತ್ಕಲತ್ರಂ

ದಶಮುಖಹರದಕ್ಷಂ ಪದ್ಮಪತ್ರಾಯತಾಕ್ಷಮ್ ।

ಕರಧೃತಶರಚಾಪಂ ಚಾರುಮುಕ್ತಾಕಲಾಪಂ

143

ರಘುಕುಲನೃವರೇಣ್ಯಂ ರಾಮಮೀಡೇ ಶರಣ್ಯಮ್ ॥ 143

ದಶಮುಖಗಜಸಿಂಹಂ ದೈತ್ಯಗರ್ವಾತಿರಂಹಂ

ಕದನಭಯದಹಸ್ತಂ ತಾರಕಬ್ರಹ್ಮ ಶಸ್ತಮ್ ।

ಮಣಿಖಚಿತಕಿರೀಟಂ ಮಞ್ಜುಲಾಲಾಪವಾಟಂ

144

ದಶರಥಕುಲಚನ್ದ್ರಂ ರಾಮಚನ್ದ್ರಂ ಭಜೇಽಹಮ್ ॥ 144

ರಾಮಂ ರಕ್ತಸರೋರುಹಾಕ್ಷಮಮಲಂ ಲಙ್ಕಾಧಿನಾಥಾನ್ತಕಂ

ಕೌಸಲ್ಯಾನಯನೋತ್ಸುಕಂ ರಘುವರಂ ನಾಗೇನ್ದ್ರತಲ್ಪಸ್ಥಿತಮ್ ।

ವೈದೇಹೀಕುಚಕುಮ್ಭಕುಙ್ಕುಮರಜೋಲಙ್ಕಾರಹಾರಂ ಹರಿಂ

145

ಮಾಯಾಮಾನುಷವಿಗ್ರಹಂ ರಘುಪತಿಂ ಸೀತಾಸಮೇತಂ ಭಜೇ ॥ 145

ರಾಮಂ ರಾಕ್ಷಸಮರ್ದನಂ ರಘುವರಂ ದೈತೇಯಭಿಧ್ವಂಸಿನಂ

ಸುಗ್ರೀವೇಪ್ಸಿತರಾಜ್ಯದಂ ಸುರಪತೇರ್ಭೀತ್ಯನ್ತಕಂ ಶಾರ್‍ಙ್ಗಿಣಮ್ ।

ಭಕ್ತಾನಾಮಭಯಪ್ರದಂ ಭಯಹರಂ ಪಾಪೌಘವಿಧ್ವಂಸಿನಂ

146

ಸಾಮೀರಿಸ್ತುತಪಾದಪದ್ಮಯುಗಲಂ ಸೀತಾಸಮೇತಂ ಭಜೇ ॥ 146

ಯತ್ಪಾದಾಮ್ಬುಜರೇಣುನಾ ಮುನಿಸತೀ ಮುಕ್ತಿಙ್ಗತಾ ಯನ್ಮಹಃ

ಪುಣ್ಯಂ ಪಾತಕನಾಶನಂ ತ್ರಿಜಗತಾಂ ಭಾತಿ ಸ್ಮೃತಂ ಪಾವನಮ್ ।

ಸ್ಮೃತ್ವಾ ರಾಘವಮಪ್ರಮೇಯಮಮಲಂ ಪೂರ್ಣೇನ್ದುಮನ್ದಸ್ಮಿತಂ

147

ತಂ ರಾಮಂ ಸರಸೀರುಹಾಕ್ಷಮಮಲಂ ಸೀತಾಸಮೇತಂ ಭಜೇ ॥ 147

ವೈದೇಹೀಕುಚಮಣ್ಡಲಾಗ್ರ-ವಿಲಸನ್ಮಾಣಿಕ್ಯಹಸ್ತಾಮ್ಬುಜಂ

ಚಞ್ಚತ್ಕಙ್ಕಣಹಾರನೂಪುರ-ಲಸತ್ಕೇಯೂರಹಾರಾನ್ವಿತಮ್ ।

ದಿವ್ಯಶ್ರೀಮಣಿಕುಣ್ಡಲೋಜ್ಜ್ವಲ-ಮಹಾಭೂಷಾಸಹಸ್ರಾನ್ವಿತಂ

148

ವೀರಶ್ರೀರಘುಪುಙ್ಗವಂ ಗುಣನಿಧಿಂ ಸೀತಾಸಮೇತಂ ಭಜೇ ॥ 148

ವೈದೇಹೀಕುಚಮಣ್ಡಲೋಪರಿ-ಲಸನ್ಮಾಣಿಕ್ಯಹಾರಾವಲೀ-

ಮಧ್ಯಸ್ಥಂ ನವನೀತಕೋಮಲರುಚಿಂ ನೀಲೋತ್ಪಲಶ್ಯಾಮಲಮ್ ।

ಕನ್ದರ್ಪಾಯುತಕೋಟಿಸುನ್ದರತನುಂ ಪೂರ್ಣೇನ್ದುಬಿಮ್ಬಾನನಂ

149

ಕೌಸಲ್ಯಾಕುಲಭೂಷಣಂ ರಘುಪತಿಂ ಸೀತಾಸಮೇತಂ ಭಜೇ ॥ 149

ದಿವ್ಯಾರಣ್ಯಯತೀನ್ದ್ರನಾಮನಗರೇ ಮಧ್ಯೇ ಮಹಾಮಣ್ಟಪೇ

ಸ್ವರ್ಣಸ್ತಮ್ಭಸಹಸ್ರಷೋಡಶಯುತೇ ಮನ್ದಾರಮೂಲಾಶ್ರಿತೇ ।

ನಾನಾರತ್ನವಿಚಿತ್ರನಿರ್ಮಲಮಹಾಸಿಂಹಾಸನೇ ಸಂಸ್ಥಿತಂ

150

ಸೀತಾಲಕ್ಷ್ಮಣಸೇವಿತಂ ರಘುಪತಿಂ ಸೀತಾಸಮೇತಂ ಭಜೇ ॥ 150

ಕಸ್ತೂರೀತಿಲಕಂ ಕಪೀನ್ದ್ರಹರಣಂ ಕಾರುಣ್ಯವಾರಾನ್ನಿಧಿಂ

ಕ್ಷೀರಾಮ್ಭೋಧಿಸುತಾಮುಖಾಬ್ಜಮಧುಪಂ ಕಲ್ಯಾಣಸಮ್ಪನ್ನಿಧಿಮ್ ।

ಕೌಸಲ್ಯಾನಯನೋತ್ಸುಕಂ ಕಪಿವರತ್ರಾಣಂ ಮಹಾಪೌರುಷಂ

151

ಕೌಮಾರಪ್ರಿಯಮರ್ಕಕೋಟಿಸದೃಶಂ ಸೀತಾಸಮೇತಂ ಭಜೇ ॥ 151

ವಿದ್ಯುತ್ಕೋಟಿದಿವಾಕರದ್ಯುತಿನಿಭಂ ಶ್ರೀಕೌಸ್ತುಭಾಲಙ್ಕೃತಂ

ಯೋಗೀನ್ದ್ರೈಸ್ಸನಕಾದಿಭಿಃ ಪರಿವೃತಂ ಕೈಲಾಸನಾಥಪ್ರಿಯಮ್ ।

ಮುಕ್ತಾರತ್ನಕಿರೀಟಕುಣ್ಡಲಧರಂ ಗ್ರೈವೇಯಹಾರಾನ್ವಿತಂ

152

ವೈದೇಹೀಕುಚಸನ್ನಿವಾಸಮನಿಶಂ ಸೀತಾಸಮೇತಂ ಭಜೇ ॥ 152

ಮೇಘಶ್ಯಾಮಲಮಮ್ಬುಜಾತನಯನಂ ವಿಸ್ತೀರ್ಣವಕ್ಷಸ್ಸ್ಥಲಂ

ಬಾಹುದ್ವನ್ದ್ವವಿರಾಜಿತಂ ಸುವದನಂ ಶೋಣಾಙ್ಘ್ರಿಪಙ್ಕೇರುಹಮ್ ।

ನಾನಾರತ್ನವಿಚಿತ್ರಭೂಷಣಯುತಂ ಕೋದಣ್ಡಬಾಣಾಙ್ಕಿತಂ

153

ತ್ರೈಲೋಕ್ಯಾಽಪ್ರತಿಮಾನಸುನ್ದರತನುಂ ಸೀತಾಸಮೇತಂ ಭಜೇ ॥ 153

ವೈದೇಹೀಯುತವಾಮಭಾಗಮತುಲಂ ವನ್ದಾರುಮನ್ದಾರಕಂ

ವನ್ದೇ ಪ್ರಸ್ತುತಕೀರ್ತಿವಾಸಿತತರುಚ್ಛಾಯಾನುಕಾರಿಪ್ರಭಮ್ ।

ವೈದೇಹೀಕುಚಕುಙ್ಕುಮಾಙ್ಕಿತಮಹೋರಸ್ಕಂ ಮಹಾಭೂಷಣಂ

154

ವೇದಾನ್ತೈರುಪಗೀಯಮಾನಮಸಕೃತ್ಸೀತಾಸಮೇತಂ ಭಜೇ ॥ 154

ದೇವಾನಾಂ ಹಿತಕಾರಣೇನ ಭುವನೇ ಧೃತ್ವಾಽವತಾರಂ ಧ್ರುವಂ

ರಾಮಂ ಕೌಶಿಕಯಜ್ಞವಿಘ್ನದಲನಂ ತತ್ತಾಟಕಾಸಂಹರಮ್ ।

ನಿತ್ಯಂ ಗೌತಮಪತ್ನಿಶಾಪದಲನಶ್ರೀಪಾದರೇಣುಂ ಶುಭಂ

155

ಶಮ್ಭೋರುತ್ಕಟಚಾಪಖಣ್ಡನಮಹಾಸತ್ವಂ ಭಜೇ ರಾಘವಮ್ ॥ 155

ಶ್ರೀರಾಮಂ ನವರತ್ನಕುಣ್ಡಲಧರಂ ಶ್ರೀರಾಮರಕ್ಷಾಮಣಿಂ

ಶ್ರೀರಾಮಂ ಚ ಸಹಸ್ರಭಾನುಸದೃಶಂ ಶ್ರೀರಾಮಚನ್ದ್ರೋದಯಮ್ ।

ಶ್ರೀರಾಮಂ ಶ್ರುತಕೀರ್ತಿಮಾಕರಮಹಂ ಶ್ರೀರಾಮಮುಕ್ತಿಪ್ರದಂ

156

ಶ್ರೀರಾಮಂ ರಘುನನ್ದನಂ ಭಯಹರಂ ಶ್ರೀರಾಮಚನ್ದ್ರಂ ಭಜೇ ॥ 156

ರಾಮಮಿನ್ದೀವರಶ್ಯಾಮಂ ರಾಜೀವಾಯತಲೋಚನಮ್ ।

157

ಜ್ಯಾಘೋಷನಿರ್ಜಿತಾರಾತಿಂ ಜಾನಕೀರಮಣಂ ಭಜೇ ॥ 157

ದೀರ್ಘಬಾಹುಮರವಿನ್ದಲೋಚನಂ

ದೀನವತ್ಸಲಮನಾಥರಕ್ಷಕಮ್ ।

ದೀಕ್ಷಿತಂ ಸಕಲಲೋಕರಕ್ಷಣೇ

158

ದೈವತಂ ದಶರಥಾತ್ಮಜಂ ಭಜೇ ॥ 158

ಪ್ರಾತಸ್ಸ್ಮರಾಮಿ ರಘುನಾಥಮುಖಾರವಿನ್ದಂ

ಮನ್ದಸ್ಮಿತಂ ಮಧುರಭಾಷಿ ವಿಶಾಲಫಾಲಮ್ ।

ಕರ್ಣಾವಲಮ್ಬಿಚಲಕುಣ್ಡಲಗಣ್ಡಭಾಗಂ

159

ಕರ್ಣಾನ್ತದೀರ್ಘನಯನಂ ನಯನಾಭಿರಾಮಮ್ ॥ 159

ಪ್ರಾತರ್ಭಜಾಮಿ ರಘುನಾಥಕರಾರವಿನ್ದಂ

ರಕ್ಷೋಗಣಾಯ ಭಯದಂ ವರದಂ ನಿಜೇಭ್ಯಃ ।

ಯದ್ರಾಜಸಂಸದಿ ವಿಭಿದ್ಯ ಮಹೇಶಚಾಪಂ

160

ಸೀತಾಕರಗ್ರಹಣಮಙ್ಗಲಮಾಪ ಸದ್ಯಃ ॥ 160

ಪ್ರಾತರ್ನಮಾಮಿ ರಘುನಾಥಪದಾರವಿನ್ದಂ

ಪದ್ಮಾಙ್ಕುಶಾದಿಶುಭರೇಖಶುಭಾವಹಂ ಚ ।

ಯೋಗೀನ್ದ್ರಮಾನಸಮಧುವ್ರತಸೇವ್ಯಮಾನಂ

161

ಶಾಪಾಪಹಂ ಸಪದಿ ಗೌತಮಧರ್ಮಪತ್ನ್ಯಾಃ ॥ 161

ಪ್ರಾತರ್ವದಾಮಿ ವಚಸಾ ರಘುನಾಥನಾಮ

ವಾಗ್ದೋಷಹಾರಿ ಸಕಲಂ ಕಲುಷಂ ನಿಹನ್ತೃ ।

ಯತ್ಪಾರ್ವತೀ ಸ್ವಪತಿನಾ ಸಹ ಭೋಕ್ತುಕಾಮಾ

162

ಪ್ರೀತ್ಯಾ ಸಹಸ್ರಹರಿನಾಮಸಮಂ ಜಜಾಪ ॥ 162

ಪ್ರಾತಃ ಶ್ರಯೇ ಶ್ರುತಿನುತಂ ರಘುನಾಥಮೂರ್ತಿಂ

ನೀಲಾಮ್ಬುದೋತ್ಪಲಸಿತೇತರರತ್ನನೀಲಾಮ್ ।

ಆಮುಕ್ತಮೌಕ್ತಿಕವಿಶೇಷವಿಭೂಷಣಾಢ್ಯಾಂ

163

ಧ್ಯೇಯಾಂ ಸಮಸ್ತಮುನಿಭಿರ್ನಿಜಭೃತ್ಯಮುಖ್ಯೈಃ ॥ 163

ರಘುಕುಲವರನಾಥೋ ಜಾನಕೀಪ್ರಾಣನಾಥಃ

ಪಿತೃವಚನವಿಧಾತಾ ಕೀಶರಾಜ್ಯಪ್ರದಾತಾ ।

ಪ್ರತಿನಿಶಿಚರನಾಶಃ ಪ್ರಾಪ್ತರಾಜ್ಯಪ್ರವೇಶೋ

164

ವಿಹಿತಭುವನರಕ್ಷಃ ಪಾತು ಪದ್ಮಾಯತಾಕ್ಷಃ ॥ 164

ಕುವಲಯದಲನೀಲಃ ಪೀತವಾಸಾಃ ಸ್ಮಿತಾಸ್ಯೋ

ವಿವಿಧರುಚಿರಭೂಷಾಭೂಷಿತೋ ದಿವ್ಯಮೂರ್ತಿಃ ।

ದಶರಥಕುಲನಾಥೋ ಜಾನಕೀಪ್ರಾಣನಾಥೋ

165

ನಿವಸತು ಮಮ ಚಿತ್ತೇ ಸರ್ವದಾ ರಾಮಚನ್ದ್ರಃ ॥ 165

ಜಯತು ಜಯತು ರಾಮೋ ಜಾನಕೀವಲ್ಲಭೋಽಯಂ

ಜಯತು ಜಯತು ರಾಮಶ್ಚನ್ದ್ರಚೂಡಾರ್ಚಿತಾಙ್ಘ್ರಿಃ ।

ಜಯತು ಜಯತು ವಾಣೀನಾಥನಾಥಃ ಪರಾತ್ಮಾ

166

ಜಯತು ಜಯತು ರಾಮೋಽನಾಥನಾಥಃ ಕೃಪಾಲುಃ ॥ 166

ವದತು ವದತು ವಾಣೀ ರಾಮರಾಮೇತಿ ನಿತ್ಯಂ

ಜಯತು ಜಯತು ಚಿತ್ತಂ ರಾಮಪಾದಾರವಿನ್ದಮ್ ।

ನಮತು ನಮತು ದೇಹಂ ಸನ್ತತಂ ರಾಮಚನ್ದ್ರಂ

167

ನ ಭವತು ಮಮ ಪಾಪಂ ಜನ್ಮಜನ್ಮಾನ್ತರೇಷು ॥ 167

ಆನನ್ದರೂಪಂ ವರದಂ ಪ್ರಸನ್ನಂ

ಸಿಂಹೇಕ್ಷಣಂ ಸೇವಕಪಾರಿಜಾತಮ್ ।

ನೀಲೋತ್ಪಲಾಙ್ಗಂ ಭುವನೈಕಮಿತ್ರಂ

168

ರಾಮಂ ಭಜೇ ರಾಘವರಾಮಚನ್ದ್ರಮ್ ॥ 168

ಲಙ್ಕಾವಿರಾಮಂ ರಣರಙ್ಗಭೀಮಂ

ರಾಜೀವನೇತ್ರಂ ರಘುವಂಶಮಿತ್ರಮ್ ।

ಕಾರುಣ್ಯಮೂರ್ತಿಂ ಕರುಣಾಪ್ರಪೂರ್ತಿಂ

169

ಶ್ರೀರಾಮಚನ್ದ್ರಂ ಶರಣಂ ಪ್ರಪದ್ಯೇ ॥ 169

ಸುಗ್ರೀವಮಿತ್ರಂ ಪರಮಂ ಪವಿತ್ರಂ

ಸೀತಾಕಲತ್ರಂ ನವಹೇಮಸೂತ್ರಮ್ ।

ಕಾರುಣ್ಯಪಾತ್ರಂ ಶತಪತ್ರನೇತ್ರಂ

170

ಶ್ರೀರಾಮಚನ್ದ್ರಂ ಶಿರಸಾ ನಮಾಮಿ ॥ 170

ಶ್ರೀರಾಘವೇತಿ ರಮಣೇತಿ ರಘೂದ್ವಹೇತಿ

ರಾಮೇತಿ ರಾವಣಹರೇತಿ ರಮಾಧವೇತಿ ।

ಸಾಕೇತನಾಥಸುಮುಖೇತಿ ಚ ಸುವ್ರತೇತಿ

171

ವಾಣೀ ಸದಾ ವದತು ರಾಮ ಹರೇ ಹರೇತಿ ॥ 171

ಶ್ರೀರಾಮನಾಮಾಮೃತಮನ್ತ್ರಬೀಜಂ

ಸಞ್ಜೀವನಂ ಚೇನ್ಮನಸಿ ಪ್ರತಿಷ್ಠಮ್ ।

ಹಾಲಾಹಲಂ ವಾ ಪ್ರಲಯಾನಲಂ ವಾ

172

ಮೃತ್ಯೋರ್ಮುಖಂ ವಾ ವಿತಥೀಕರೋತಿ ॥ 172

ಕಿಂ ಯೋಗಶಾಸ್ತ್ರೈಃ ಕಿಮಶೇಷವಿದ್ಯಾ

ಕಿಂ ಯಾಗಗಙ್ಗಾದಿವಿಶೇಷತೀರ್ಥೈಃ ।

ಕಿಂ ಬ್ರಹ್ಮಚರ್ಯಾಶ್ರಮಸಞ್ಚರೇಣ

173

ಭಕ್ತಿರ್ನಚೇತ್ತೇ ರಘುವಂಶಕೀರ್ತ್ಯಾಮ್ ॥ 173

ಇದಂ ಶರೀರಂ ಶ್ಲಥಸನ್ಧಿಜರ್ಝರಂ

ಪತತ್ಯವಶ್ಯಂ ಪರಿಣಾಮಪೇಶಲಮ್ ।

ಕಿಮೌಷಥಂ ಪೃಚ್ಛಸಿ ಮೂಢ ದುರ್ಮತೇ

174

ನಿರಾಮಯಂ ರಾಮಕಥಾಮೃತಂ ಪಿಬ ॥ 174

ಹೇ ರಾಮಭದ್ರಾಶ್ರಯ ಹೇ ಕೃಪಾಲೋ

ಹೇ ಭಕ್ತಲೋಕೈಕಶರಣ್ಯಮೂರ್ತೇ ।

ಪುನೀಹಿ ಮಾಂ ತ್ವಚ್ಚರಣಾರವಿನ್ದಂ

175

ಜಗತ್ಪವಿತ್ರಂ ಶರಣಂ ಮಮಾಽಸ್ತು ॥ 175

ನೀಲಾಭ್ರದೇಹ ನಿಖಿಲೇಶ ಜಗನ್ನಿವಾಸ

ರಾಜೀವನೇತ್ರ ರಮಣೀಯಗುಣಾಭಿರಾಮ ।

ಶ್ರೀದಾಮ ದೈತ್ಯಕುಲಮರ್ದನ ರಾಮಚನ್ದ್ರ

176

ತ್ವತ್ಪಾದಪದ್ಮಮನಿಶಂ ಕಲಯಾಮಿ ಚಿತ್ತೇ ॥ 176

ಶ್ರೀರಾಮಚನ್ದ್ರ ಕರುಣಾಕರ ದೀನಬನ್ಧೋ

ಸೀತಾಸಮೇತ ಭರತಾಗ್ರಜ ರಾಘವೇಶ ।

ಪಾಪಾರ್ತಿಭಞ್ಜನ ಭಯಾತುರದೀನಬನ್ಧೋ

177

ಪಾಪಾಮ್ಬುಧೌ ಪತಿತಮುದ್ಧರ ಮಾಮನಾಥಮ್ ॥ 177

ಇನ್ದೀವರದಲಶ್ಯಾಮ-ಮಿನ್ದುಕೋಟಿನಿಭಾನನಮ್ ।

175

ಕನ್ದರ್ಪಕೋಟಿಲಾವಣ್ಯಂ ವನ್ದೇಽಹಂ ರಘುನನ್ದನಮ್ ॥ 175

ಇತಿ ಶ್ರೀಬೋಧೇನ್ದ್ರಸರಸ್ವತೀ ಕೃತ ಶ್ರೀರಾಮಕರ್ಣಾಮೃತಮ್ ॥

Roman (IAST) Transliteration

maṅgalaślokāḥ

maṅgalaṃ bhagavānviṣṇurmaṅgalaṃ madhusūdanaḥ |

maṅgalaṃ puṇḍarīkākṣo maṅgalaṃ garuḍadhvajaḥ || 1

maṅgalaṃ kosalendrāya mahanīyaguṇābdhaye |

cakravartitanūjāya sārvabhaumāya maṅgalam || 2

vedavedāntavedyāya meghaśyāmalamūrtaye |

puṃsāṃ mohanarūpāya puṇyaślokāya maṅgalam || 3

viśvāmitrāntaraṅgāya mithilānagarīpateḥ |

bhāgyānāṃ paripākāya bhavyarūpāya maṅgalam || 4

pitṛbhaktāya satataṃ bhrātṛbhiḥ saha sītayā |

nanditākhilalokāya rāmacandrāya maṅgalam || 5

tyaktasāketavāsāya citrakūṭavihāriṇe |

sevyāya sarvayamināṃ dhīrodāttāya maṅgalam || 6

saumitriṇā ca jānakyā cāpabāṇāsidhāriṇā |

saṃsevyāya sadā bhaktyā sānujāyāstu maṅgalam || 7

daṇḍakāraṇyavāsāya khaṇḍitāmaraśatrave |

gṛdhrarājāya bhaktāya muktidāyāstu maṅgalam || 8

sādaraṃ śabarīdattaphalamūlābhilāṣiṇe |

saulabhyaparipūrṇāya sattvodyuktāya maṅgalam || 9

hanūmatsamavetāya harīśābhīṣṭadāyine |

vālipramathanāyāstu mahādhīrāya maṅgalam || 10

śrīmate raghuvīrāya setulaṅghitasindhave |

jitarākṣasarājāya raṇadhīrāya maṅgalam || 11

āsādya nagarīṃ divyāmabhiṣiktāya sītayā |

rājādhirājarājāya rāmabhadrāya maṅgalam || 12

vibhīṣaṇakṛte prītyā viśvābhīṣṭapradāyine |

jānakīprāṇanāthāya sadā rāmāya maṅgalam || 13

—-

śrīrāmaṃ trijagadguruṃ suravaraṃ sītāmanonāyakaṃ

śyāmāṅgaṃ śaśikoṭipūrṇavadanaṃ cañcatkalākaustubham |

saumyaṃ satyaguṇottamaṃ susarayūtīre vasantaṃ prabhuṃ

trātāraṃ sakalārthasiddhisahitaṃ vande raghūṇāṃ patim || 14

śrīrāghavaṃ daśarathātmajamaprameyaṃ

sītāpatiṃ raghuvarānvayaratnadīpam |

ājānubāhumaravindadalāyatākṣaṃ

rāmaṃ niśācaravināśakaraṃ namāmi || 15

śrīrāmacandra karuṇākara rāghavendra

rājendracandra raghuvaṃśasamudracandra |

sugrīvanetrayugalotpala-pūrṇacandra

sītāmanaḥkumudacandra namo namaste || 16

sītāmanomānasarājahaṃsa

saṃsārasantāpahara kṣamāvan |

śrīrāma daityāntaka śāntarūpa

śrītārakabrahma namo namaste || 17

viṣṇo rāghava vāsudeva nṛhare devaughacūḍāmaṇe |

saṃsārārṇavakarṇadhāraka hare kṛṣṇāya tubhyaṃ namaḥ || 18

sugrīvādisamastavānaravaraissaṃsevyamānaṃ sadā |

viśvāmitraparāśarādimunibhissaṃstūyamānaṃ bhaje || 19

rāmaṃ candanaśītalaṃ kṣitisutāmohākaraṃ śrīkaraṃ

vaidehīnayanāravindamihiraṃ sampūrṇacandrānanam |

rājānaṃ karuṇāsametanayanaṃ sītāmanonandanaṃ

sītādarpaṇacārugaṇḍalalitaṃ vande sadā rāghavam || 20

jānāti rāma tava nāmaruciṃ maheśo

jānāti gautamasatī caraṇaprabhāvam |

jānāti dorbalaparākramamīśacāpo

jānātyamoghapaṭubāṇagatiṃ payodhiḥ || 21

mātā rāmo matpitā rāmacandro

bhrātā rāmo matsakhā rāghaveśaḥ |

sarvasvaṃ me rāmacandro dāyālu-

rnānyaṃ daivaṃ naiva jāne na jāne || 22

vimalakamalanetraṃ visphurannīlagātraṃ

tapanakulapavitraṃ dānavadhvantamitram |

bhuvanaśubhacaritraṃ bhūmiputrīkalatraṃ

daśarathavaraputraṃ naumi rāmākhyamitram || 23

mārge mārge śākhināṃ ratnavedī

vedyāṃ vedyāṃ kinnarībṛndagītam |

gīte gīte mañjulālāpagoṣṭhī

goṣṭhyāṃ goṣṭhyāṃ tvatkathā rāmacandra || 24

vṛkṣe vṛkṣe vīkṣitāḥ pakṣisaṅghāḥ

saṅghe saṅghe mañjulāmodavākyam |

vākye vākye mañjulālāpagoṣṭhī

goṣṭhyāṃ goṣṭhyāṃ tvatkathā rāmacandra || 25

duritatimiracandro duṣṭakañjātacandraḥ

surakuvalayacandrassūryavaṃśābdhicandraḥ |

svajananivahacandraśśatrurājīvacandraḥ

praṇatakumudacandraḥ pātu māṃ rāmacandraḥ || 26

kalyāṇadaṃ kauśikayajñapālaṃ

kalānidhiṃ kāñcanaśailadhīram |

kañjātanetraṃ karuṇāsamudraṃ

kākutstharāmaṃ kalayāmi citte || 27

rājīvāyatalocanaṃ raghuvaraṃ nīlotpalaśyāmalaṃ

mandārāñcitamaṇḍape sulalite sauvarṇake puṣpake |

āsthāne navaratnarājikhacite siṃhāsane saṃsthitaṃ

sītālakṣmaṇalokapālasahitaṃ vande munīndrāspadam || 28

dhyāye rāmaṃ sudhāṃśuṃ natasakalabhavāraṇyatāpaprahāram |

śyāmaṃ śāntaṃ surendraṃ suramunivinutaṃ koṭisūryaprakāśam |

sītāsaumitrisevyaṃ suranarasugamaṃ divyasiṃhāsanastham |

sāyāhne rāmacandraṃ smitaruciramukhaṃ sarvadā me prasannam || 29

indranīlamaṇisannibhadehaṃ

vandanīyamasakṛnmunibṛndaiḥ |

lambamānatulasīvanamālaṃ

cintayāmi satataṃ raghuvīram || 30

sampūrṇacandravadanaṃ sarasīruhākṣaṃ

māṇikyakuṇḍaladharaṃ mukuṭābhirāmam |

cāmpeyagauravasanaṃ śaracāpahastaṃ

śrīrāmacandramaniśaṃ manasā smarāmi || 31

mātuḥ pārśve carantaṃ maṇimayaśayane mañjubhūṣāñcitāṅgam |

mandaṃ mandaṃ pibantaṃ mukulitanayanaṃ stanyamanyastanāgram |

aṅgulyāgraiḥ spṛśantaṃ sukhaparavaśayā sasmitāliṅgitāṅgam |

gāḍhaṃ gāḍhaṃ jananyā kalayatu hṛdayaṃ māmakaṃ rāmabālam || 32

rāmābhirāmaṃ nayanābhirāmaṃ

vācābhirāmaṃ vadanābhirāmam |

sarvābhirāmaṃ ca sadābhirāmaṃ

vande sadā dāśarathiṃ ca rāmam || 33

rāśabdoccāramātreṇa mukhānniryāti pātakāḥ |

punaḥ praveśabhītyā ca makārastu kavāṭavat || 34

anarghamāṇikyavirājamāna-

śrīpādukālaṅkṛtaśobhanābhyām |

aśeṣabṛndārakavanditābhyāṃ

namo namo rāmapadāmbujābhyām || 35

calatkanakakuṇḍalollasitadivyagaṇḍasthalaṃ

carācarajaganmayaṃ caraṇapadmagaṅgāśrayam |

caturvidhaphalapradaṃ caramapīṭhamadhyasthitaṃ

cidaṃśamakhilāspadaṃ daśarathātmajaṃ cintaye || 36

sanandanamunipriyaṃ sakalavarṇavedātmakaṃ

samastanigamāgamasphuritatattvasiṃhāsanam |

sahasranayanābjajādyamarabṛndasaṃsevitaṃ

samaṣṭipuravallabhaṃ daśarathātmajaṃ cintaye || 37

jāgratsvapnasuṣupti-kālavilasattattvātmacinmātrakaṃ

caitanyātmakamādhipāparahitaṃ bhūmyāditanmātrakam |

śāmbhavyādisamastayogakulakaṃ sāṅkhyāditattvātparaṃ

śabdāvācyamahaṃ namāmi satataṃ vyutpattināśātparam || 38

ikṣvākuvaṃśārṇavajātaratnaṃ

sītāṅganāyauvanabhāgyaratnam |

vaikuṇṭharatnaṃ mama bhāgyaratnaṃ

śrīrāmaratnaṃ śirasā namāmi || 39

ikṣvākunandanaṃ sugrīvapūjitaṃ

trailokyarakṣakaṃ satyasandhaṃ sadā |

rāghavaṃ raghupatiṃ rājīvalocanaṃ

rāmacandraṃ bhaje rāghaveśaṃ bhaje || 40

bhaktapriyaṃ bhaktasamādhigamyaṃ

cintāharaṃ cintitakāmadhenum |

sūryendukoṭidyutibhāsvaraṃ taṃ

rāmaṃ bhaje rāghavarāmacandram || 41

śrīrāmaṃ janakakṣitīśvarasutāvaktrāmbujāhāriṇaṃ

śrīmadbhānukulābdhikaustubhamaṇiṃ śrīratnavakṣassthalam |

śrīkaṇṭhādyamaraugharatnamakuṭālaṅkārapādāmbujaṃ

śrīvatsojjvalamindranīlasadṛśaṃ śrīrāmacandraṃ bhaje || 42

rāmacandra caritākathāmṛtaṃ

lakṣmaṇāgrajaguṇānukīrtanam |

rāghaveśa tava pādasevanaṃ

sambhavantu mama janmajanmani || 43

ajñānasambhava-bhavāmbudhibāḍabāgni-

ravyaktatattvanikarapraṇavādhirūḍhaḥ |

sītāsametamanujena hṛdantarāle

prāṇaprayāṇasamaye mama sannidhatte || 44

rāmo matkuladaivataṃ sakaruṇaṃ rāmaṃ bhaje sādaraṃ

rāmeṇākhilaghorapāpanihatī rāmāya tasmai namaḥ |

rāmānnāsti jagatrayaikasulabho rāmasya dāso'smyahaṃ

rāme prītiratīva me kulaguro śrīrāma rakṣasva mām || 45

vaidehīsahitaṃ suradrumatale haime mahāmaṇṭape |

madhyepuṣpakamāsane maṇimaye vīrāsane saṃsthitam |

agre vācayati prabhañjanasute tattvaṃ munibhyaḥ param |

vyākhyāntaṃ bharatādibhiḥ parivṛtaṃ rāmaṃ bhaje śyāmalam || 46

vāme bhūmisutā purastu hanumānpaścātsumitrāsuta-

śśatrughno bharataśca pārśvadalayorvāyvādikoṇeṣvapi |

sugrīvaśca vibhīṣaṇaśca yuvarāṭ tārāsuto jāmbavān

madhye nīlasarojakomalaruciṃ rāmaṃ bhaje śyāmalam || 47

keyūrāṅgadakaṅkaṇairmaṇigaṇairvairocamānaṃ sadā

rākāparvaṇicandrakoṭisadṛśaṃ chatreṇa vairājitam |

hemastambhasahasraṣoḍaśayute madhye mahāmaṇḍape

deveśaṃ bharatādibhiḥ parivṛtaṃ rāmaṃ bhaje śyāmalam || 48

sākete śaradindukundadhavale saughe mahāmaṇṭape |

paryastāgarudhūpadhūmapaṭale karpūradīpojjvale |

sugrīvāṅgadavāyuputrasahitaṃ saumitriṇā sevitaṃ

līlāmānuṣavigrahaṃ raghupatiṃ rāmaṃ bhaje śyāmalam || 49

śāntaṃ śāradacandrakoṭisadṛśaṃ candrābhirāmānanaṃ

candrārkāgnivikāsikuṇḍaladharaṃ candrāvataṃsastutam |

vīṇāpustakasākṣasūtravilasadvyākhyānamudrākaraṃ

deveśaṃ bharatādibhiḥ parivṛtaṃ rāmaṃ bhaje śyāmalam || 50

rāmaṃ rākṣasamardanaṃ raghupatiṃ śakrārividhvaṃsinaṃ

sugrīvepsitarājyadaṃ surapateḥ putrāntakaṃ śār‍ṅgiṇam |

bhaktānāmabhayapradaṃ bhayaharaṃ pāpaughavidhvaṃsinaṃ

sītāsevitapādapadmayugalaṃ rāmaṃ bhaje śyāmalam || 51

kandarpāyutakoṭikoṭitulitaṃ kālāmbudaśyāmalaṃ

kambugrīvamudārakaustubhadharaṃ karṇāvataṃsotpalam |

kastūrītilakojjvalaṃ smitamukhaṃ cinmudrayālaṅkṛtaṃ

sītālakṣmaṇavāyuputrasahitaṃ siṃhāsanasthaṃ bhaje || 52

sākete navaratnapaṅktikhacite citradhvajālaṅkṛte

vāse svarṇamaye dalāṣṭalalite padme vimānottame |

āsīnaṃ bharatādisodarajanaiḥ śākhāmṛgaiḥ kinnaraiḥ

dikpālairmunipuṅgavairnṛpagaṇaissaṃsevyamānaṃ bhaje || 53

kastūrīghanasārakuṅkumalasacchrīcandanālaṅkṛtaṃ

kandarpādhikasundaraṃ ghananibhaṃ kākutsthavaṃśadhvajam |

kalyāṇāmbharaveṣṭitaṃ kamalayā yuktaṃ kalāvallabhaṃ

kalyāṇācalakārmukapriyasakhaṃ kalyāṇarāmaṃ bhaje || 54

muktermūlaṃ munivarahṛdānandakandaṃ mukundaṃ

kūṭasthākhyaṃ sakalavaradaṃ sarvacaitanyarūpam |

nādātītaṃ kamalanilayaṃ nādanādāntatattvaṃ

nādātītaṃ prakṛtirahitaṃ rāmacandraṃ bhaje'ham || 55

tārākāraṃ nikhilanilayaṃ tattvamasyādilakṣyaṃ

śabdāvācyaṃ triguṇarahitaṃ vyomamaṅguṣṭhamātram |

nirvāṇākhyaṃ saguṇamaguṇavyomarandhrāntarasthaṃ

sauṣumnāntaḥ praṇavasahitaṃ rāmacandraṃ bhaje'ham || 56

nijānandākāraṃ nigamaturagārādhitapadaṃ

parabrahmānandaṃ paramapadagaṃ pāpaharaṇam |

kṛpāpārāvāraṃ paramapuruṣaṃ padmanilayaṃ

bhaje rāmaṃ śyāmaṃ prakṛtirahitaṃ nirguṇamaham || 57

sākete nagare samastamahimādhāre jaganmohane

ratnastambhasahasramaṇṭapamahāsiṃhāsane sāmbuje |

viśvāmitravasiṣṭhagautamaśukavyāsādibhirmaunibhiḥ

dhyeyaṃ lakṣmaṇalokapālasahitaṃ sītāsametaṃ bhaje || 58

rāmaṃ śyāmābhirāmaṃ raviśaśinayanaṃ koṭisūryaprakāśaṃ

divyaṃ divyāstrapāṇiṃ śaramukhaśaradhiṃ cārukoḍaṇḍahastam |

kālaṃ kālāgnirudraṃ ripukuladahanaṃ vighnavicchedadakṣaṃ

bhīmaṃ bhīmāṭṭahāsaṃ sakalabhayaharaṃ rāmacandraṃ bhaje'ham || 59

śrīrāmaṃ bhuvanaikasundaratanuṃ dhārādharaśyāmalaṃ

rājīvāyatalocanaṃ raghuvaraṃ rākendubimbānanam |

kodaṇḍādinijāyudhāśritabhujairbhrāntaṃ videhātmajā-

dhīśaṃ bhaktajanāvanaṃ raghuvaraṃ śrīrāmacandraṃ bhaje || 60

śrīvatsāṅkamudārakaustubhalasatpītāmbarālaṅkṛtaṃ

nānāratnavirājamānamakuṭaṃ nīlāmbudaśyāmalam |

kastūrīghanasāracarcitatanuṃ mandāramālādharaṃ

kandarpāyutasundaraṃ raghupatiṃ sītāsametaṃ bhaje || 61

sadānandadeve sahasrārapadme

galaccandrapīyūṣadhārāmṛtānte |

sthitaṃ rāmamūrtiṃ niṣeve niṣeve-

'nyadaivaṃ na seve na seve na seve || 62

sudhābhāsitadvīpamadhye vimāne

suparvālivṛkṣojjvale śeṣatalpe |

niṣaṇṇaṃ ramāṅkaṃ niṣeve niṣeve-

'nyadaivaṃ na seve na seve na seve || 63

cidaṃśaṃ samānandamānandakandaṃ

suṣumnākhyarandhrāntarāle ca haṃsam |

sacakraṃ saśaṅkhaṃ sapītāmbarāṅkaṃ

parañcānyadaivaṃ na jāne na jāne || 64

caturvedakūṭollasatkāraṇākhyaṃ

sphuraddivyavaimānike bhogitalpe |

parandhāmamūrtiṃ niṣaṇṇaṃ niṣeve

niṣeve'nyadaivaṃ na seve na seve || 65

siṃhāsanasthaṃ surasevitavyaṃ

ratnāṅkitālaṅkṛtapādapadmam |

sītāsametaṃ śaśisūryanetraṃ

rāmaṃ bhaje rāghava rāmacandram || 66

rāmaṃ purāṇapuruṣaṃ ramaṇīyaveṣaṃ

rājādhirājamakuṭārcitapādapīṭham |

sītāpatiṃ sunayanaṃ jagadekavīraṃ

śrīrāmacandramaniśaṃ kalayāmi citte || 67

parānandavastusvarūpādisākṣiṃ

parabrahmagamyaṃ parañjyotimūrtim |

parāśaktimitrā'priyārādhitāṅghriṃ

parandhāmarūpaṃ bhaje rāmacandram || 68

mandasmitaṃ kuṇḍalagaṇḍabhāgaṃ

pītāmbaraṃ bhūṣaṇabhūṣitāṅgam |

nīlotpalāṅgaṃ bhuvanaikamitraṃ

rāmaṃ bhaje rāghava rāmacandram || 69

acintyamavyaktamanantarūpa-

madvaitamānandamanādigamyam |

puṇyasvarūpaṃ puruṣottamākhyaṃ

rāmaṃ bhaje rāghava rāmacandram || 70

padmāsanasthaṃ surasevitavyaṃ

padmālayānandakaṭākṣavīkṣyam |

gandharvavidyādharagīyamānaṃ

rāmaṃ bhaje rāghava rāmacandram || 71

anantakīrtiṃ varadaṃ prasannaṃ

padmāsanaṃ sevakapārijātam |

rājādhirājaṃ raghuvīraketuṃ

rāmaṃ bhaje rāghava rāmacandram || 72

sugrīvamitraṃ sujanānurūpaṃ

laṅkāharaṃ rākṣasavaṃśanāśam |

vedāśrayāṅgaṃ vipulāyatākṣaṃ

rāmaṃ bhaje rāghava rāmacandram || 73

sakṛtpraṇatarakṣāyāṃ sākṣī yasya vibhīṣaṇaḥ |

sāparādhapratīkāraḥ sa śrīrāmo gatirmama || 74

phalamūlāśinau dāntau tāpasau dharmacāriṇau |

rakṣaḥkulavihantārau bhrātarau rāmalakṣmaṇau || 75

taruṇau rūpasampannau sukumārau mahābalau |

puṇḍarīka viśālākṣau cīrakṛṣṇājināmbarau || 76

kausalyānayanenduṃ daśarathamukhāravindamārtāṇḍam |

sītāmānasahaṃsaṃ rāmaṃ rājīvalocanaṃ vande || 77

bharjanaṃ bhavabījānāṃ mārjanaṃ sukhasampadām |

tarjanaṃ yamadūtānāṃ rāmarāmeti kīrtanam || 78

na jāne jānakī jāne rāma tvannāmavaibhavam |

sarveśo bhagavān śambhurvālmīkirvetti vā navā || 79

karataladhṛtacāpaṃ kālameghasvarūpaṃ

sarasijadalanetraṃ cāruhāsaṃ sugātram |

vicinutavanavāsaṃ vikramodagraveṣaṃ

praṇamata raghunāthaṃ jānakīprāṇanātham || 80

vidyutsphuranmakarakuṇḍaladīptacāru-

gaṇḍasthalaṃ maṇikirīṭavirājamānam |

pītāmbaraṃ jaladanīlamudārakāntiṃ

śrīrāmacandramaniśaṃ kalayāmi citte || 81

ratnollasajjvalitakuṇḍalagaṇḍabhāgaṃ

kastūrikātilakaśobhitaphālabhāgam |

karṇāntadīrghanayanaṃ karuṇākaṭākṣaṃ

śrīrāmacandra mukhamātmani sannidhattam || 82

vaidehīsahitaṃ ca lakṣmaṇayutaṃ kaikeyiputrānvitaṃ

sugrīvaṃ ca vibhīṣaṇānilasutau nīlaṃ nalaṃ sāṅgadam |

viśvāmitravasiṣṭhagautamabharadvājādikān mānayan

rāmo mārutisevitaḥ smaratu māṃ sāmrājyasiṃhāsane || 83

sakalaguṇanidhānaṃ yogibhisstūyamānaṃ

bhajitasuravimānaṃ rakṣitendrādimānam |

mahitavṛṣabhayānaṃ sītayā śobhamānaṃ

smaratu hṛdayabhānuṃ brahmarāmābhirāmam || 84

tridaśakumudacandro dānavāmbhojacandro

duritatimiracandro yogināṃ jñānacandraḥ |

praṇatanayanacandro maithilīnetracandro

daśamukharipucandraḥ pātu māṃ rāmacandraḥ || 85

yannāmaiva sahasranāmasadṛśaṃ yannāma vedaissamaṃ

yannāmāṅkitavākya-māsurabalastrīgarbhavicchedanam |

yannāma śvapacāryabhedarahitaṃ muktipradānojjvalaṃ

tannāmā'laghurāmarāmaramaṇaṃ śrīrāmanāmāmṛtam || 86

rājīvanetra raghupuṅgava rāmabhadra

rākendubimbasadṛśānana nīlagātra |

rāmā'bhirāma raghuvaṃśasamudbhava tvaṃ

śrīrāmacandra mama dehi karāvalambam || 87

māṇikyamañjīrapadāravindaṃ

rāmārkasamphullamukhāravindam |

bhaktābhayaprāpikarāravindāṃ

devīṃ bhaje rāghavavallabhāṃ tām || 88

jayatu vijayakārī jānakīmodakārī

tapanakulavihārī daṇḍakāraṇyacārī |

daśavadanakuṭhārī daityavicchedakārī

maṇimakuṭakadhārī caṇḍakodaṇḍadhārī || 89

rāmaḥ pitā raghava eva mātā

rāmassubandhuśca sakhā hitaśca |

rāmo gururme paramaṃ ca daivaṃ

rāmaṃ vinā nā'nyamahaṃ smarāmi || 90

śrīrāma me tvaṃ hi pitā ca mātā

śrīrāma me tvaṃ hi suhṛcca bandhuḥ |

śrīrāma me tvaṃ hi guruśca goṣṭhī

śrīrāma me tvaṃ hi samastameva || 91

rāmacandracaritāmṛtapānaṃ

somapānaśatakoṭisamānam |

somapānaśatakoṭibhirīyā-

jjanma naiti raghunāyakanāmnā || 92

rāma rāma dayāsindho rāvaṇāre jagatpate |

tvatpādakamalāsakti-rbhavejjanmani janmani || 93

śrīrāmacandreti dayāpareti

bhaktapriyeti bhavabandhanamocaneti |

nātheti nāgaśayaneti sadā stuvantaṃ

māṃ pāhi bhītamaniśaṃ kṛpaṇaṃ kṛpālo || 94

ayodhyānātha rājendra sītākānta jagatpate |

śrīrāma puṇḍarīkākṣa rāmacandra namo'stu te || 95

he rāma he ramaṇa he jagadekavīra

he nātha he raghupate karuṇālavāla |

he jānakīramaṇa he jagadekabandho

māṃ pāhi dīnamaniśaṃ kṛpaṇaṃ kṛtaghnam || 96

jānāti rāma tava tattvagatiṃ hanūmān |

jānāti rāma tava sakhyagatiṃ kapīśaḥ |

jānāti rāma tava yuddhagatiṃ daśāsyo |

jānāti rāma dhanadānuja eva satyam || 97

sevyaṃ śrīrāmamantraṃ śravaṇaśubhakaraṃ śreṣṭhasujñānimantraṃ

stavyaṃ śrīrāmamantraṃ narakaduritadurvāranirghātamantram |

bhavyaṃ śrīrāmamantraṃ bhajatu bhajatu saṃsāranistāramantraṃ

divyaṃ śrīrāmamantraṃ divi bhuvi vilasanmokṣarakṣaikamantram || 98

nikhilanilayamantraṃ nityatattvākhyamantraṃ

bhavakulaharamantraṃ bhūmijāprāṇamantram |

pavanajanutamantraṃ pārvatīmokṣamantraṃ

paśupatinijamantraṃ pātu māṃ rāmamantram || 99

praṇavanilayamantraṃ prāṇanirvāṇamantraṃ

prakṛtipuruṣamantraṃ brahmarudrendramantram |

prakaṭaduritarāgadveṣanirṇāśamantraṃ

raghupatinijamantraṃ rāmarāmetimantram || 100

daśarathasutamantraṃ daityasaṃhāramantraṃ

vibudhavinutamantraṃ viśvavikhyātamantram |

munigaṇanutamantraṃ muktimārgaikamantraṃ

raghupatinijamantraṃ rāmarāmetimantram || 101

saṃsārasāgarabhayāpahaviśvamantraṃ

sākṣānmumukṣujanasevitasiddhamantram |

sāraṅgahastamukhahastanivāsamantraṃ

kaivalyamantramaniśaṃ bhaja rāmamantram || 102

jayatu jayatu mantraṃ janmasāphalyamantraṃ

jananamaraṇabhedakleśavicchedamantram |

sakalanigamamantraṃ sarvaśāstraikamantraṃ

raghupatinijamantraṃ rāmarāmetimantram || 103

jagati viśadamantraṃ jānakīprāṇamantraṃ

vibudhavinutamantraṃ viśvavikhyātamantram |

daśarathasutamantraṃ daityasaṃhāramantraṃ

raghupatinijamantraṃ rāmarāmetimantram || 104

brahmādiyogimunipūjitasiddhamantraṃ

dāridryaduḥkhabhavarogavināśamantram |

saṃsārasāgarasamuttaraṇaikamantraṃ

vande mahābhayaharaṃ raghurāmamantram || 105

śatrucchedaikamantraṃ sarasamupaniṣadvākyasampūjyamantraṃ

saṃsārottāramantraṃ samucitasamaye saṅganiryāṇamantram |

sarvaiśvaryaikamantraṃ vyasanabhujagasandaṣṭasantrāṇamantraṃ

jihve śrīrāmamantraṃ japa japa saphalaṃ janmasāphalyamantram || 106

nityaṃ śrīrāmamantraṃ nirupamamadhikaṃ nītisujñānamantraṃ

satyaṃ śrīrāmamantraṃ sadamalahṛdaye sarvadārogyamantram |

stutyaṃ śrīrāmamantraṃ sulalitasumanassaukhyasaubhāgyamantraṃ

paṭhyaṃ śrīrāmamantraṃ pavanajavaradaṃ pātu māṃ rāmamantram || 107

vyāmohapraśamauṣadhaṃ munimanovṛttipravṛttyauṣadhaṃ

daityonmūlakarauṣadhaṃ bhavabhayapradhvaṃsanaikauṣadham |

bhaktānandakarauṣadhaṃ tribhuvane sañjīvanaikauṣadhaṃ

śreyaḥ prāptikarauṣadhaṃ piba manaḥ śrīrāmanāmauṣadham || 108

sakalabhuvanaratnaṃ sarvaśāstrārtharatnaṃ

samaravijayaratnaṃ saccidānandaratnam |

daśamukhahararatnaṃ dānavārātiratnaṃ

raghukulanṛparatnaṃ pātu māṃ rāmaratnam || 109

sakalabhuvanaratnaṃ saccidānandaratnaṃ

sakalahṛdayaratnaṃ sūryabimbāntaratnam |

vimalasukṛtaratnaṃ vedavedāntaratnaṃ

puraharajaparatnaṃ pātu māṃ rāmaratnam || 110

nigamaśikhararatnaṃ nirmalānandaratnaṃ

nirupamaguṇaratnaṃ nādanādāntaratnam |

daśarathakularatnaṃ dvādaśāntasstharatnaṃ

paśupatijaparatnaṃ pātu māṃ rāmaratnam || 111

śatamakhasutaratnaṃ ṣoḍaśāntasstharatnaṃ

munijanajaparatnaṃ mukhyavaikuṇṭharatnam |

nirupamaguṇaratnaṃ nīrajāntasstharatnaṃ

paramapadaviratnaṃ pātu māṃ rāmaratnam || 112

sakalasukṛtaratnaṃ satyavākyārtharatnaṃ

śamadamaguṇaratnaṃ śāśvatānandaratnam |

praṇayanilayaratnaṃ prasphuṭadyotiratnaṃ

paramapadaviratnaṃ pātu māṃ rāmaratnam || 113

nigamaśikhararatnaṃ nityamāśāsyaratnaṃ

jananutanṛparatnaṃ jānakīrūparatnam |

bhuvanavalayaratnaṃ bhūbhujāmekaratnaṃ

raghukulavararatnaṃ pātu māṃ rāmaratnam || 114

viśālanetraṃ paripūrṇagātraṃ

sītākalatraṃ suravairijaitram |

kāruṇyapātraṃ jagataḥ pavitraṃ

śrīrāmaratnaṃ praṇato'smi nityam || 115

he gopālaka he dayājalanidhe he sadguṇāmbhonidhe

he daityāntaka he vibhīṣaṇadayāparīṇa he bhūpate |

he vaidehasutāmanojavihṛte he koṭimārākṛte

he navyāmbujanetra pālaya paraṃ jānāmi na tvāṃ vinā || 116

yasya kiñcidapi no haraṇīyaṃ

karma kiñcidapi no caraṇīyam |

rāmanāma ca sadā smaraṇīyaṃ

līlayā bhavajalaṃ taraṇīyam || 117

daśarathasutamīśaṃ daṇḍakāraṇyavāsaṃ

śatamakhamaṇinīlaṃ jānakīprāṇalolam |

sakalabhuvanamohaṃ sannutāmbhodadehaṃ

bahulanutasamudraṃ bhāvaye rāmabhadram || 118

viśālanetraṃ paripūrṇagātraṃ

sītākalatraṃ suravairijaitram |

jagatpavitraṃ paramātmatantraṃ

śrīrāmacandraṃ praṇamāmi citte || 119

jaya jaya raghurāma śrīmukhāmbhojabhāno

jaya jaya raghuvīra śrīmadambhojanetra |

jaya jaya raghunātha śrīkarābhyarcitāṅghri

jaya jaya raghuvarya śrīśa kāruṇyasindho || 120

mandāramūle maṇipīṭhasaṃsthaṃ

sudhāplutaṃ divyavirāṭsvarūpam |

sabindunādāntakalāntaturya-

mūrtiṃ bhaje'haṃ raghuvaṃśaratnam || 121

nādaṃ nādavinīlacittapavanaṃ nādāntattvapriyaṃ

nāmākāravivarjitaṃ navaghanaśyāmāṅganādapriyam |

nādāmbhojamarandamattavilasadbhṛṅgaṃ madāntassthitaṃ

nādāntadhṛvamaṇḍalābjaruciraṃ rāmaṃ bhaje tārakam || 122

nānābhūtahṛdabjapadmanilayaṃ nāmojjvalābhūṣaṇam |

nāmastotrapavitritatribhuvanaṃ nārāyaṇāṣṭākṣaram |

nādāntendugalatsudhāplutatanuṃ nānātmacinmātrakam |

nānākoṭiyugāntabhānusadṛśaṃ rāmaṃ bhaje tārakam || 123

vedyaṃ vedaguruṃ viriñcijanakaṃ vedāntamūrtiṃ sphura-

dvedaṃ vedakalāpamūlamahimādhārāntakandāṅkuram |

vedaśṛṅgasamānaśeṣaśayanaṃ vedāntavedyātmakaṃ

vedārādhitapādapaṅkajamahaṃ rāmaṃ bhaje tārakam || 124

majjīvaṃ madanugrahaṃ madadhipaṃ madbhāvanaṃ matsukhaṃ

mattātaṃ mama sadguruṃ mama varaṃ mohāndhavicchedanam |

matpuṇyaṃ madanekabāndhavajanaṃ majjīvanaṃ mannidhiṃ

matsiddhiṃ mama sarvakarmasukṛtaṃ rāmaṃ bhaje tārakam || 125

nityaṃ nīrajalocanaṃ nirupamaṃ nīvāraśūkopamaṃ

nirbhedānubhavaṃ nirantaraguṇaṃ nīlāṅgarāgojjvalam |

niṣpāpaṃ nigamāgamārcitapadaṃ nityātmakaṃ nirmalaṃ

niṣpuṇyaṃ nikhilaṃ nirañjanapadaṃ rāmaṃ bhaje tārakam || 126

dhyāye tvāṃ hṛdayāmbuje raghupatiṃ vijñānadīpāṅkuraṃ

haṃsohaṃsaparamparādimahimādhāraṃ jaganmohanam |

hastāmbhojagadābjacakramatulaṃ pītāmbaraṃ kaustubhaṃ

śrīvatsaṃ puruṣottamaṃ maṇinibhaṃ rāmaṃ bhaje tārakam || 127

satyajñānamanantamacyutamajaṃ cāvyākṛtaṃ tatparaṃ

kūṭasthādisamastasākṣimanaghaṃ sākṣādvirāṭtattvadam |

vedyaṃ viśvamayaṃ svalīnabhuvanasvārājyasaukhyapradaṃ

pūrṇaṃ pūrṇataraṃ purāṇapuruṣaṃ rāmaṃ bhaje tārakam || 128

rāmaṃ rākṣasavaṃśanāśanakaraṃ rākendubimbānanaṃ

rakṣoriṃ raghuvaṃśavardhanakaraṃ raktādharaṃ rāghavam |

rādhāyātmanivāsinaṃ ravinibhaṃ ramyaṃ ramānāyakaṃ

randhrāntargataśeṣaśāyinamahaṃ rāmaṃ bhaje tārakam || 129

otaprotasamastavastunicayaṃ oṅkārabījākṣaraṃ

oṅkāraprakṛtiṃ ṣaḍakṣarahitaṃ oṅkārakandāṅkuram |

oṅkārasphuṭabhūrbhuvassuparitaṃ oghatrayārādhitam

oṅkārojjvalasiṃhapīṭhanilayaṃ rāmaṃ bhaje tārakam || 130

sākete nagare samastasukhade harmye'bjakoṭidyute

nakṣatragrahapaṅktilagnaśikhare cāntaryapaṅkeruhe |

vālmīkātriparāśarādimunibhissaṃsevyamānaṃ sthitaṃ

sītālaṅkṛtavāmabhāgamaniśaṃ rāmaṃ bhaje tārakam || 131

vaikuṇṭhe nagare suradrumatale cānandavaprāntare

nānāratnavinirmitasphuṭapaṭuprākārasaṃveṣṭite |

saudhendūpalaśeṣatalpalalite nīlotpalacchādite

paryaṅke śayanaṃ ramādisahitaṃ rāmaṃ bhaje tārakam || 132

vande rāmamanādipūruṣamajaṃ vande ramānāyakaṃ

vande hārikirīṭakuṇḍaladharaṃ vande sunīladyutim |

vande cāpakalambakojjvalakaraṃ vande jaganmaṅgalaṃ

vande paṅktirathātmajaṃ mama guruṃ vande sadā rāghavam || 133

vande śaunakagautamādyabhinutaṃ vande ghanaśyāmalaṃ

vande tārakapīṭhamadhyanilayaṃ vande jagannāyakam |

vande bhaktajanaughadevivaṭapaṃ vande dhanurvallabhaṃ

vande tattvamasītivākyajanakaṃ vande sadā rāghavam || 134

vande sūryaśaśāṅkalocanayugaṃ vande jagatpāvanaṃ

vande patrasahasrapadmanilayaṃ vande purāripriyam |

vande rākṣasavaṃśanāśanakaraṃ vande sudhāśītalaṃ

vande devakapīndrakoṭivinutaṃ vande sadā rāghavam || 135

vande sāgaragarvabhaṅgaviśikhaṃ vande jagajjīvanaṃ

vande kauśikayāgarakṣaṇakaraṃ vande guruṇāṃ gurum |

vande bāṇaśarāsanojjvalakaraṃ vande jaṭāvalkalaṃ

vande lakṣmaṇabhūmijānvitamahaṃ vande sadā rāghavam || 136

vande pāṇḍarapuṇḍarīkanayanaṃ vande'bjabimbānanaṃ

vande kambugalaṃ karābjayugalaṃ vande lalāṭojjvalam |

vande pītadukūlamambudanibhaṃ vande jaganmohanaṃ

vande kāraṇamānuṣojjvalatanuṃ vande sadā rāghavam || 137

vande nīlasarojakomalaruciṃ vande jagadvanditaṃ

vande sūryakulābdhikaustubhamaṇiṃ vande surārādhitam |

vande pātakapañcakapraharaṇaṃ vande jagatkāraṇaṃ

vande viṃśatipañcatattvarahitaṃ vande sadā rāghavam || 138

vande sādhakavargakalpakataruṃ vande trimūrtyātmakaṃ

vande nādalayāntarasthalagataṃ vande trivargātmakam |

vande rāgavihīnacittasulabhaṃ vande sabhānāyakaṃ

vande pūrṇadayāmṛtārṇavamahaṃ vande sadā rāghavam || 139

vande sāttvikatattvamudritatanuṃ vande sudhādāyakaṃ

vande cārucaturbhujaṃ maṇinibhaṃ vande ṣaḍabjasthitam |

vande brahmapipīlikādinilayaṃ vande virāṭvigrahaṃ

vande pannagatalpaśāyinamahaṃ vande sadā rāghavam || 140

siṃhāsanasthaṃ munisiddhasevyaṃ

raktotpalālaṅkṛtapādapadmam |

sītāsametaṃ śaśisūryanetraṃ

rāmaṃ bhaje rāghavarāmacandram || 141

śrīrāmabhadrāśritasadgurūṇāṃ

pādāravindaṃ bhajatāṃ narāṇām |

ārogyamaiśvaryamanantakīrti-

rante ca viṣṇoḥ padamasti satyam || 142

daśarathavaraputraṃ jānakīsatkalatraṃ

daśamukhaharadakṣaṃ padmapatrāyatākṣam |

karadhṛtaśaracāpaṃ cārumuktākalāpaṃ

raghukulanṛvareṇyaṃ rāmamīḍe śaraṇyam || 143

daśamukhagajasiṃhaṃ daityagarvātiraṃhaṃ

kadanabhayadahastaṃ tārakabrahma śastam |

maṇikhacitakirīṭaṃ mañjulālāpavāṭaṃ

daśarathakulacandraṃ rāmacandraṃ bhaje'ham || 144

rāmaṃ raktasaroruhākṣamamalaṃ laṅkādhināthāntakaṃ

kausalyānayanotsukaṃ raghuvaraṃ nāgendratalpasthitam |

vaidehīkucakumbhakuṅkumarajolaṅkārahāraṃ hariṃ

māyāmānuṣavigrahaṃ raghupatiṃ sītāsametaṃ bhaje || 145

rāmaṃ rākṣasamardanaṃ raghuvaraṃ daiteyabhidhvaṃsinaṃ

sugrīvepsitarājyadaṃ surapaterbhītyantakaṃ śār‍ṅgiṇam |

bhaktānāmabhayapradaṃ bhayaharaṃ pāpaughavidhvaṃsinaṃ

sāmīristutapādapadmayugalaṃ sītāsametaṃ bhaje || 146

yatpādāmbujareṇunā munisatī muktiṅgatā yanmahaḥ

puṇyaṃ pātakanāśanaṃ trijagatāṃ bhāti smṛtaṃ pāvanam |

smṛtvā rāghavamaprameyamamalaṃ pūrṇendumandasmitaṃ

taṃ rāmaṃ sarasīruhākṣamamalaṃ sītāsametaṃ bhaje || 147

vaidehīkucamaṇḍalāgra-vilasanmāṇikyahastāmbujaṃ

cañcatkaṅkaṇahāranūpura-lasatkeyūrahārānvitam |

divyaśrīmaṇikuṇḍalojjvala-mahābhūṣāsahasrānvitaṃ

vīraśrīraghupuṅgavaṃ guṇanidhiṃ sītāsametaṃ bhaje || 148

vaidehīkucamaṇḍalopari-lasanmāṇikyahārāvalī-

madhyasthaṃ navanītakomalaruciṃ nīlotpalaśyāmalam |

kandarpāyutakoṭisundaratanuṃ pūrṇendubimbānanaṃ

kausalyākulabhūṣaṇaṃ raghupatiṃ sītāsametaṃ bhaje || 149

divyāraṇyayatīndranāmanagare madhye mahāmaṇṭape

svarṇastambhasahasraṣoḍaśayute mandāramūlāśrite |

nānāratnavicitranirmalamahāsiṃhāsane saṃsthitaṃ

sītālakṣmaṇasevitaṃ raghupatiṃ sītāsametaṃ bhaje || 150

kastūrītilakaṃ kapīndraharaṇaṃ kāruṇyavārānnidhiṃ

kṣīrāmbhodhisutāmukhābjamadhupaṃ kalyāṇasampannidhim |

kausalyānayanotsukaṃ kapivaratrāṇaṃ mahāpauruṣaṃ

kaumārapriyamarkakoṭisadṛśaṃ sītāsametaṃ bhaje || 151

vidyutkoṭidivākaradyutinibhaṃ śrīkaustubhālaṅkṛtaṃ

yogīndraissanakādibhiḥ parivṛtaṃ kailāsanāthapriyam |

muktāratnakirīṭakuṇḍaladharaṃ graiveyahārānvitaṃ

vaidehīkucasannivāsamaniśaṃ sītāsametaṃ bhaje || 152

meghaśyāmalamambujātanayanaṃ vistīrṇavakṣassthalaṃ

bāhudvandvavirājitaṃ suvadanaṃ śoṇāṅghripaṅkeruham |

nānāratnavicitrabhūṣaṇayutaṃ kodaṇḍabāṇāṅkitaṃ

trailokyā'pratimānasundaratanuṃ sītāsametaṃ bhaje || 153

vaidehīyutavāmabhāgamatulaṃ vandārumandārakaṃ

vande prastutakīrtivāsitatarucchāyānukāriprabham |

vaidehīkucakuṅkumāṅkitamahoraskaṃ mahābhūṣaṇaṃ

vedāntairupagīyamānamasakṛtsītāsametaṃ bhaje || 154

devānāṃ hitakāraṇena bhuvane dhṛtvā'vatāraṃ dhruvaṃ

rāmaṃ kauśikayajñavighnadalanaṃ tattāṭakāsaṃharam |

nityaṃ gautamapatniśāpadalanaśrīpādareṇuṃ śubhaṃ

śambhorutkaṭacāpakhaṇḍanamahāsatvaṃ bhaje rāghavam || 155

śrīrāmaṃ navaratnakuṇḍaladharaṃ śrīrāmarakṣāmaṇiṃ

śrīrāmaṃ ca sahasrabhānusadṛśaṃ śrīrāmacandrodayam |

śrīrāmaṃ śrutakīrtimākaramahaṃ śrīrāmamuktipradaṃ

śrīrāmaṃ raghunandanaṃ bhayaharaṃ śrīrāmacandraṃ bhaje || 156

rāmamindīvaraśyāmaṃ rājīvāyatalocanam |

jyāghoṣanirjitārātiṃ jānakīramaṇaṃ bhaje || 157

dīrghabāhumaravindalocanaṃ

dīnavatsalamanātharakṣakam |

dīkṣitaṃ sakalalokarakṣaṇe

daivataṃ daśarathātmajaṃ bhaje || 158

prātassmarāmi raghunāthamukhāravindaṃ

mandasmitaṃ madhurabhāṣi viśālaphālam |

karṇāvalambicalakuṇḍalagaṇḍabhāgaṃ

karṇāntadīrghanayanaṃ nayanābhirāmam || 159

prātarbhajāmi raghunāthakarāravindaṃ

rakṣogaṇāya bhayadaṃ varadaṃ nijebhyaḥ |

yadrājasaṃsadi vibhidya maheśacāpaṃ

sītākaragrahaṇamaṅgalamāpa sadyaḥ || 160

prātarnamāmi raghunāthapadāravindaṃ

padmāṅkuśādiśubharekhaśubhāvahaṃ ca |

yogīndramānasamadhuvratasevyamānaṃ

śāpāpahaṃ sapadi gautamadharmapatnyāḥ || 161

prātarvadāmi vacasā raghunāthanāma

vāgdoṣahāri sakalaṃ kaluṣaṃ nihantṛ |

yatpārvatī svapatinā saha bhoktukāmā

prītyā sahasraharināmasamaṃ jajāpa || 162

prātaḥ śraye śrutinutaṃ raghunāthamūrtiṃ

nīlāmbudotpalasitetararatnanīlām |

āmuktamauktikaviśeṣavibhūṣaṇāḍhyāṃ

dhyeyāṃ samastamunibhirnijabhṛtyamukhyaiḥ || 163

raghukulavaranātho jānakīprāṇanāthaḥ

pitṛvacanavidhātā kīśarājyapradātā |

pratiniśicaranāśaḥ prāptarājyapraveśo

vihitabhuvanarakṣaḥ pātu padmāyatākṣaḥ || 164

kuvalayadalanīlaḥ pītavāsāḥ smitāsyo

vividharucirabhūṣābhūṣito divyamūrtiḥ |

daśarathakulanātho jānakīprāṇanātho

nivasatu mama citte sarvadā rāmacandraḥ || 165

jayatu jayatu rāmo jānakīvallabho'yaṃ

jayatu jayatu rāmaścandracūḍārcitāṅghriḥ |

jayatu jayatu vāṇīnāthanāthaḥ parātmā

jayatu jayatu rāmo'nāthanāthaḥ kṛpāluḥ || 166

vadatu vadatu vāṇī rāmarāmeti nityaṃ

jayatu jayatu cittaṃ rāmapādāravindam |

namatu namatu dehaṃ santataṃ rāmacandraṃ

na bhavatu mama pāpaṃ janmajanmāntareṣu || 167

ānandarūpaṃ varadaṃ prasannaṃ

siṃhekṣaṇaṃ sevakapārijātam |

nīlotpalāṅgaṃ bhuvanaikamitraṃ

rāmaṃ bhaje rāghavarāmacandram || 168

laṅkāvirāmaṃ raṇaraṅgabhīmaṃ

rājīvanetraṃ raghuvaṃśamitram |

kāruṇyamūrtiṃ karuṇāprapūrtiṃ

śrīrāmacandraṃ śaraṇaṃ prapadye || 169

sugrīvamitraṃ paramaṃ pavitraṃ

sītākalatraṃ navahemasūtram |

kāruṇyapātraṃ śatapatranetraṃ

śrīrāmacandraṃ śirasā namāmi || 170

śrīrāghaveti ramaṇeti raghūdvaheti

rāmeti rāvaṇahareti ramādhaveti |

sāketanāthasumukheti ca suvrateti

vāṇī sadā vadatu rāma hare hareti || 171

śrīrāmanāmāmṛtamantrabījaṃ

sañjīvanaṃ cenmanasi pratiṣṭham |

hālāhalaṃ vā pralayānalaṃ vā

mṛtyormukhaṃ vā vitathīkaroti || 172

kiṃ yogaśāstraiḥ kimaśeṣavidyā

kiṃ yāgagaṅgādiviśeṣatīrthaiḥ |

kiṃ brahmacaryāśramasañcareṇa

bhaktirnacette raghuvaṃśakīrtyām || 173

idaṃ śarīraṃ ślathasandhijarjharaṃ

patatyavaśyaṃ pariṇāmapeśalam |

kimauṣathaṃ pṛcchasi mūḍha durmate

nirāmayaṃ rāmakathāmṛtaṃ piba || 174

he rāmabhadrāśraya he kṛpālo

he bhaktalokaikaśaraṇyamūrte |

punīhi māṃ tvaccaraṇāravindaṃ

jagatpavitraṃ śaraṇaṃ mamā'stu || 175

nīlābhradeha nikhileśa jagannivāsa

rājīvanetra ramaṇīyaguṇābhirāma |

śrīdāma daityakulamardana rāmacandra

tvatpādapadmamaniśaṃ kalayāmi citte || 176

śrīrāmacandra karuṇākara dīnabandho

sītāsameta bharatāgraja rāghaveśa |

pāpārtibhañjana bhayāturadīnabandho

pāpāmbudhau patitamuddhara māmanātham || 177

indīvaradalaśyāma-mindukoṭinibhānanam |

kandarpakoṭilāvaṇyaṃ vande'haṃ raghunandanam || 175

iti śrībodhendrasarasvatī kṛta śrīrāmakarṇāmṛtam ||

Sanskrit — Devanagari (original)

मङ्गलश्लोकाः

मङ्गलं भगवान्विष्णुर्मङ्गलं मधुसूदनः ।

मङ्गलं पुण्डरीकाक्षो मङ्गलं गरुडध्वजः ॥ 1

मङ्गलं कोसलेन्द्राय महनीयगुणाब्धये ।

चक्रवर्तितनूजाय सार्वभौमाय मङ्गलम् ॥ 2

वेदवेदान्तवेद्याय मेघश्यामलमूर्तये ।

पुंसां मोहनरूपाय पुण्यश्लोकाय मङ्गलम् ॥ 3

विश्वामित्रान्तरङ्गाय मिथिलानगरीपतेः ।

भाग्यानां परिपाकाय भव्यरूपाय मङ्गलम् ॥ 4

पितृभक्ताय सततं भ्रातृभिः सह सीतया ।

नन्दिताखिललोकाय रामचन्द्राय मङ्गलम् ॥ 5

त्यक्तसाकेतवासाय चित्रकूटविहारिणे ।

सेव्याय सर्वयमिनां धीरोदात्ताय मङ्गलम् ॥ 6

सौमित्रिणा च जानक्या चापबाणासिधारिणा ।

संसेव्याय सदा भक्त्या सानुजायास्तु मङ्गलम् ॥ 7

दण्डकारण्यवासाय खण्डितामरशत्रवे ।

गृध्रराजाय भक्ताय मुक्तिदायास्तु मङ्गलम् ॥ 8

सादरं शबरीदत्तफलमूलाभिलाषिणे ।

सौलभ्यपरिपूर्णाय सत्त्वोद्युक्ताय मङ्गलम् ॥ 9

हनूमत्समवेताय हरीशाभीष्टदायिने ।

वालिप्रमथनायास्तु महाधीराय मङ्गलम् ॥ 10

श्रीमते रघुवीराय सेतुलङ्घितसिन्धवे ।

जितराक्षसराजाय रणधीराय मङ्गलम् ॥ 11

आसाद्य नगरीं दिव्यामभिषिक्ताय सीतया ।

राजाधिराजराजाय रामभद्राय मङ्गलम् ॥ 12

विभीषणकृते प्रीत्या विश्वाभीष्टप्रदायिने ।

जानकीप्राणनाथाय सदा रामाय मङ्गलम् ॥ 13

—-

श्रीरामं त्रिजगद्गुरुं सुरवरं सीतामनोनायकं

श्यामाङ्गं शशिकोटिपूर्णवदनं चञ्चत्कलाकौस्तुभम् ।

सौम्यं सत्यगुणोत्तमं सुसरयूतीरे वसन्तं प्रभुं

त्रातारं सकलार्थसिद्धिसहितं वन्दे रघूणां पतिम् ॥ 14

श्रीराघवं दशरथात्मजमप्रमेयं

सीतापतिं रघुवरान्वयरत्नदीपम् ।

आजानुबाहुमरविन्ददलायताक्षं

रामं निशाचरविनाशकरं नमामि ॥ 15

श्रीरामचन्द्र करुणाकर राघवेन्द्र

राजेन्द्रचन्द्र रघुवंशसमुद्रचन्द्र ।

सुग्रीवनेत्रयुगलोत्पल-पूर्णचन्द्र

सीतामनःकुमुदचन्द्र नमो नमस्ते ॥ 16

सीतामनोमानसराजहंस

संसारसन्तापहर क्षमावन् ।

श्रीराम दैत्यान्तक शान्तरूप

श्रीतारकब्रह्म नमो नमस्ते ॥ 17

विष्णो राघव वासुदेव नृहरे देवौघचूडामणे ।

संसारार्णवकर्णधारक हरे कृष्णाय तुभ्यं नमः ॥ 18

सुग्रीवादिसमस्तवानरवरैस्संसेव्यमानं सदा ।

विश्वामित्रपराशरादिमुनिभिस्संस्तूयमानं भजे ॥ 19

रामं चन्दनशीतलं क्षितिसुतामोहाकरं श्रीकरं

वैदेहीनयनारविन्दमिहिरं सम्पूर्णचन्द्राननम् ।

राजानं करुणासमेतनयनं सीतामनोनन्दनं

सीतादर्पणचारुगण्डललितं वन्दे सदा राघवम् ॥ 20

जानाति राम तव नामरुचिं महेशो

जानाति गौतमसती चरणप्रभावम् ।

जानाति दोर्बलपराक्रममीशचापो

जानात्यमोघपटुबाणगतिं पयोधिः ॥ 21

माता रामो मत्पिता रामचन्द्रो

भ्राता रामो मत्सखा राघवेशः ।

सर्वस्वं मे रामचन्द्रो दायालु-

र्नान्यं दैवं नैव जाने न जाने ॥ 22

विमलकमलनेत्रं विस्फुरन्नीलगात्रं

तपनकुलपवित्रं दानवध्वन्तमित्रम् ।

भुवनशुभचरित्रं भूमिपुत्रीकलत्रं

दशरथवरपुत्रं नौमि रामाख्यमित्रम् ॥ 23

मार्गे मार्गे शाखिनां रत्नवेदी

वेद्यां वेद्यां किन्नरीबृन्दगीतम् ।

गीते गीते मञ्जुलालापगोष्ठी

गोष्ठ्यां गोष्ठ्यां त्वत्कथा रामचन्द्र ॥ 24

वृक्षे वृक्षे वीक्षिताः पक्षिसङ्घाः

सङ्घे सङ्घे मञ्जुलामोदवाक्यम् ।

वाक्ये वाक्ये मञ्जुलालापगोष्ठी

गोष्ठ्यां गोष्ठ्यां त्वत्कथा रामचन्द्र ॥ 25

दुरिततिमिरचन्द्रो दुष्टकञ्जातचन्द्रः

सुरकुवलयचन्द्रस्सूर्यवंशाब्धिचन्द्रः ।

स्वजननिवहचन्द्रश्शत्रुराजीवचन्द्रः

प्रणतकुमुदचन्द्रः पातु मां रामचन्द्रः ॥ 26

कल्याणदं कौशिकयज्ञपालं

कलानिधिं काञ्चनशैलधीरम् ।

कञ्जातनेत्रं करुणासमुद्रं

काकुत्स्थरामं कलयामि चित्ते ॥ 27

राजीवायतलोचनं रघुवरं नीलोत्पलश्यामलं

मन्दाराञ्चितमण्डपे सुललिते सौवर्णके पुष्पके ।

आस्थाने नवरत्नराजिखचिते सिंहासने संस्थितं

सीतालक्ष्मणलोकपालसहितं वन्दे मुनीन्द्रास्पदम् ॥ 28

ध्याये रामं सुधांशुं नतसकलभवारण्यतापप्रहारम् ।

श्यामं शान्तं सुरेन्द्रं सुरमुनिविनुतं कोटिसूर्यप्रकाशम् ।

सीतासौमित्रिसेव्यं सुरनरसुगमं दिव्यसिंहासनस्थम् ।

सायाह्ने रामचन्द्रं स्मितरुचिरमुखं सर्वदा मे प्रसन्नम् ॥ 29

इन्द्रनीलमणिसन्निभदेहं

वन्दनीयमसकृन्मुनिबृन्दैः ।

लम्बमानतुलसीवनमालं

चिन्तयामि सततं रघुवीरम् ॥ 30

सम्पूर्णचन्द्रवदनं सरसीरुहाक्षं

माणिक्यकुण्डलधरं मुकुटाभिरामम् ।

चाम्पेयगौरवसनं शरचापहस्तं

श्रीरामचन्द्रमनिशं मनसा स्मरामि ॥ 31

मातुः पार्श्वे चरन्तं मणिमयशयने मञ्जुभूषाञ्चिताङ्गम् ।

मन्दं मन्दं पिबन्तं मुकुलितनयनं स्तन्यमन्यस्तनाग्रम् ।

अङ्गुल्याग्रैः स्पृशन्तं सुखपरवशया सस्मितालिङ्गिताङ्गम् ।

गाढं गाढं जनन्या कलयतु हृदयं मामकं रामबालम् ॥ 32

रामाभिरामं नयनाभिरामं

वाचाभिरामं वदनाभिरामम् ।

सर्वाभिरामं च सदाभिरामं

वन्दे सदा दाशरथिं च रामम् ॥ 33

राशब्दोच्चारमात्रेण मुखान्निर्याति पातकाः ।

पुनः प्रवेशभीत्या च मकारस्तु कवाटवत् ॥ 34

अनर्घमाणिक्यविराजमान-

श्रीपादुकालङ्कृतशोभनाभ्याम् ।

अशेषबृन्दारकवन्दिताभ्यां

नमो नमो रामपदाम्बुजाभ्याम् ॥ 35

चलत्कनककुण्डलोल्लसितदिव्यगण्डस्थलं

चराचरजगन्मयं चरणपद्मगङ्गाश्रयम् ।

चतुर्विधफलप्रदं चरमपीठमध्यस्थितं

चिदंशमखिलास्पदं दशरथात्मजं चिन्तये ॥ 36

सनन्दनमुनिप्रियं सकलवर्णवेदात्मकं

समस्तनिगमागमस्फुरिततत्त्वसिंहासनम् ।

सहस्रनयनाब्जजाद्यमरबृन्दसंसेवितं

समष्टिपुरवल्लभं दशरथात्मजं चिन्तये ॥ 37

जाग्रत्स्वप्नसुषुप्ति-कालविलसत्तत्त्वात्मचिन्मात्रकं

चैतन्यात्मकमाधिपापरहितं भूम्यादितन्मात्रकम् ।

शाम्भव्यादिसमस्तयोगकुलकं साङ्ख्यादितत्त्वात्परं

शब्दावाच्यमहं नमामि सततं व्युत्पत्तिनाशात्परम् ॥ 38

इक्ष्वाकुवंशार्णवजातरत्नं

सीताङ्गनायौवनभाग्यरत्नम् ।

वैकुण्ठरत्नं मम भाग्यरत्नं

श्रीरामरत्नं शिरसा नमामि ॥ 39

इक्ष्वाकुनन्दनं सुग्रीवपूजितं

त्रैलोक्यरक्षकं सत्यसन्धं सदा ।

राघवं रघुपतिं राजीवलोचनं

रामचन्द्रं भजे राघवेशं भजे ॥ 40

भक्तप्रियं भक्तसमाधिगम्यं

चिन्ताहरं चिन्तितकामधेनुम् ।

सूर्येन्दुकोटिद्युतिभास्वरं तं

रामं भजे राघवरामचन्द्रम् ॥ 41

श्रीरामं जनकक्षितीश्वरसुतावक्त्राम्बुजाहारिणं

श्रीमद्भानुकुलाब्धिकौस्तुभमणिं श्रीरत्नवक्षस्स्थलम् ।

श्रीकण्ठाद्यमरौघरत्नमकुटालङ्कारपादाम्बुजं

श्रीवत्सोज्ज्वलमिन्द्रनीलसदृशं श्रीरामचन्द्रं भजे ॥ 42

रामचन्द्र चरिताकथामृतं

लक्ष्मणाग्रजगुणानुकीर्तनम् ।

राघवेश तव पादसेवनं

सम्भवन्तु मम जन्मजन्मनि ॥ 43

अज्ञानसम्भव-भवाम्बुधिबाडबाग्नि-

रव्यक्ततत्त्वनिकरप्रणवाधिरूढः ।

सीतासमेतमनुजेन हृदन्तराले

प्राणप्रयाणसमये मम सन्निधत्ते ॥ 44

रामो मत्कुलदैवतं सकरुणं रामं भजे सादरं

रामेणाखिलघोरपापनिहती रामाय तस्मै नमः ।

रामान्नास्ति जगत्रयैकसुलभो रामस्य दासोऽस्म्यहं

रामे प्रीतिरतीव मे कुलगुरो श्रीराम रक्षस्व माम् ॥ 45

वैदेहीसहितं सुरद्रुमतले हैमे महामण्टपे ।

मध्येपुष्पकमासने मणिमये वीरासने संस्थितम् ।

अग्रे वाचयति प्रभञ्जनसुते तत्त्वं मुनिभ्यः परम् ।

व्याख्यान्तं भरतादिभिः परिवृतं रामं भजे श्यामलम् ॥ 46

वामे भूमिसुता पुरस्तु हनुमान्पश्चात्सुमित्रासुत-

श्शत्रुघ्नो भरतश्च पार्श्वदलयोर्वाय्वादिकोणेष्वपि ।

सुग्रीवश्च विभीषणश्च युवराट् तारासुतो जाम्बवान्

मध्ये नीलसरोजकोमलरुचिं रामं भजे श्यामलम् ॥ 47

केयूराङ्गदकङ्कणैर्मणिगणैर्वैरोचमानं सदा

राकापर्वणिचन्द्रकोटिसदृशं छत्रेण वैराजितम् ।

हेमस्तम्भसहस्रषोडशयुते मध्ये महामण्डपे

देवेशं भरतादिभिः परिवृतं रामं भजे श्यामलम् ॥ 48

साकेते शरदिन्दुकुन्दधवले सौघे महामण्टपे ।

पर्यस्तागरुधूपधूमपटले कर्पूरदीपोज्ज्वले ।

सुग्रीवाङ्गदवायुपुत्रसहितं सौमित्रिणा सेवितं

लीलामानुषविग्रहं रघुपतिं रामं भजे श्यामलम् ॥ 49

शान्तं शारदचन्द्रकोटिसदृशं चन्द्राभिरामाननं

चन्द्रार्काग्निविकासिकुण्डलधरं चन्द्रावतंसस्तुतम् ।

वीणापुस्तकसाक्षसूत्रविलसद्व्याख्यानमुद्राकरं

देवेशं भरतादिभिः परिवृतं रामं भजे श्यामलम् ॥ 50

रामं राक्षसमर्दनं रघुपतिं शक्रारिविध्वंसिनं

सुग्रीवेप्सितराज्यदं सुरपतेः पुत्रान्तकं शार्‍ङ्गिणम् ।

भक्तानामभयप्रदं भयहरं पापौघविध्वंसिनं

सीतासेवितपादपद्मयुगलं रामं भजे श्यामलम् ॥ 51

कन्दर्पायुतकोटिकोटितुलितं कालाम्बुदश्यामलं

कम्बुग्रीवमुदारकौस्तुभधरं कर्णावतंसोत्पलम् ।

कस्तूरीतिलकोज्ज्वलं स्मितमुखं चिन्मुद्रयालङ्कृतं

सीतालक्ष्मणवायुपुत्रसहितं सिंहासनस्थं भजे ॥ 52

साकेते नवरत्नपङ्क्तिखचिते चित्रध्वजालङ्कृते

वासे स्वर्णमये दलाष्टललिते पद्मे विमानोत्तमे ।

आसीनं भरतादिसोदरजनैः शाखामृगैः किन्नरैः

दिक्पालैर्मुनिपुङ्गवैर्नृपगणैस्संसेव्यमानं भजे ॥ 53

कस्तूरीघनसारकुङ्कुमलसच्छ्रीचन्दनालङ्कृतं

कन्दर्पाधिकसुन्दरं घननिभं काकुत्स्थवंशध्वजम् ।

कल्याणाम्भरवेष्टितं कमलया युक्तं कलावल्लभं

कल्याणाचलकार्मुकप्रियसखं कल्याणरामं भजे ॥ 54

मुक्तेर्मूलं मुनिवरहृदानन्दकन्दं मुकुन्दं

कूटस्थाख्यं सकलवरदं सर्वचैतन्यरूपम् ।

नादातीतं कमलनिलयं नादनादान्ततत्त्वं

नादातीतं प्रकृतिरहितं रामचन्द्रं भजेऽहम् ॥ 55

ताराकारं निखिलनिलयं तत्त्वमस्यादिलक्ष्यं

शब्दावाच्यं त्रिगुणरहितं व्योममङ्गुष्ठमात्रम् ।

निर्वाणाख्यं सगुणमगुणव्योमरन्ध्रान्तरस्थं

सौषुम्नान्तः प्रणवसहितं रामचन्द्रं भजेऽहम् ॥ 56

निजानन्दाकारं निगमतुरगाराधितपदं

परब्रह्मानन्दं परमपदगं पापहरणम् ।

कृपापारावारं परमपुरुषं पद्मनिलयं

भजे रामं श्यामं प्रकृतिरहितं निर्गुणमहम् ॥ 57

साकेते नगरे समस्तमहिमाधारे जगन्मोहने

रत्नस्तम्भसहस्रमण्टपमहासिंहासने साम्बुजे ।

विश्वामित्रवसिष्ठगौतमशुकव्यासादिभिर्मौनिभिः

ध्येयं लक्ष्मणलोकपालसहितं सीतासमेतं भजे ॥ 58

रामं श्यामाभिरामं रविशशिनयनं कोटिसूर्यप्रकाशं

दिव्यं दिव्यास्त्रपाणिं शरमुखशरधिं चारुकोडण्डहस्तम् ।

कालं कालाग्निरुद्रं रिपुकुलदहनं विघ्नविच्छेददक्षं

भीमं भीमाट्टहासं सकलभयहरं रामचन्द्रं भजेऽहम् ॥ 59

श्रीरामं भुवनैकसुन्दरतनुं धाराधरश्यामलं

राजीवायतलोचनं रघुवरं राकेन्दुबिम्बाननम् ।

कोदण्डादिनिजायुधाश्रितभुजैर्भ्रान्तं विदेहात्मजा-

धीशं भक्तजनावनं रघुवरं श्रीरामचन्द्रं भजे ॥ 60

श्रीवत्साङ्कमुदारकौस्तुभलसत्पीताम्बरालङ्कृतं

नानारत्नविराजमानमकुटं नीलाम्बुदश्यामलम् ।

कस्तूरीघनसारचर्चिततनुं मन्दारमालाधरं

कन्दर्पायुतसुन्दरं रघुपतिं सीतासमेतं भजे ॥ 61

सदानन्ददेवे सहस्रारपद्मे

गलच्चन्द्रपीयूषधारामृतान्ते ।

स्थितं राममूर्तिं निषेवे निषेवे-

ऽन्यदैवं न सेवे न सेवे न सेवे ॥ 62

सुधाभासितद्वीपमध्ये विमाने

सुपर्वालिवृक्षोज्ज्वले शेषतल्पे ।

निषण्णं रमाङ्कं निषेवे निषेवे-

ऽन्यदैवं न सेवे न सेवे न सेवे ॥ 63

चिदंशं समानन्दमानन्दकन्दं

सुषुम्नाख्यरन्ध्रान्तराले च हंसम् ।

सचक्रं सशङ्खं सपीताम्बराङ्कं

परञ्चान्यदैवं न जाने न जाने ॥ 64

चतुर्वेदकूटोल्लसत्कारणाख्यं

स्फुरद्दिव्यवैमानिके भोगितल्पे ।

परन्धाममूर्तिं निषण्णं निषेवे

निषेवेऽन्यदैवं न सेवे न सेवे ॥ 65

सिंहासनस्थं सुरसेवितव्यं

रत्नाङ्कितालङ्कृतपादपद्मम् ।

सीतासमेतं शशिसूर्यनेत्रं

रामं भजे राघव रामचन्द्रम् ॥ 66

रामं पुराणपुरुषं रमणीयवेषं

राजाधिराजमकुटार्चितपादपीठम् ।

सीतापतिं सुनयनं जगदेकवीरं

श्रीरामचन्द्रमनिशं कलयामि चित्ते ॥ 67

परानन्दवस्तुस्वरूपादिसाक्षिं

परब्रह्मगम्यं परञ्ज्योतिमूर्तिम् ।

पराशक्तिमित्राऽप्रियाराधिताङ्घ्रिं

परन्धामरूपं भजे रामचन्द्रम् ॥ 68

मन्दस्मितं कुण्डलगण्डभागं

पीताम्बरं भूषणभूषिताङ्गम् ।

नीलोत्पलाङ्गं भुवनैकमित्रं

रामं भजे राघव रामचन्द्रम् ॥ 69

अचिन्त्यमव्यक्तमनन्तरूप-

मद्वैतमानन्दमनादिगम्यम् ।

पुण्यस्वरूपं पुरुषोत्तमाख्यं

रामं भजे राघव रामचन्द्रम् ॥ 70

पद्मासनस्थं सुरसेवितव्यं

पद्मालयानन्दकटाक्षवीक्ष्यम् ।

गन्धर्वविद्याधरगीयमानं

रामं भजे राघव रामचन्द्रम् ॥ 71

अनन्तकीर्तिं वरदं प्रसन्नं

पद्मासनं सेवकपारिजातम् ।

राजाधिराजं रघुवीरकेतुं

रामं भजे राघव रामचन्द्रम् ॥ 72

सुग्रीवमित्रं सुजनानुरूपं

लङ्काहरं राक्षसवंशनाशम् ।

वेदाश्रयाङ्गं विपुलायताक्षं

रामं भजे राघव रामचन्द्रम् ॥ 73

सकृत्प्रणतरक्षायां साक्षी यस्य विभीषणः ।

सापराधप्रतीकारः स श्रीरामो गतिर्मम ॥ 74

फलमूलाशिनौ दान्तौ तापसौ धर्मचारिणौ ।

रक्षःकुलविहन्तारौ भ्रातरौ रामलक्ष्मणौ ॥ 75

तरुणौ रूपसम्पन्नौ सुकुमारौ महाबलौ ।

पुण्डरीक विशालाक्षौ चीरकृष्णाजिनाम्बरौ ॥ 76

कौसल्यानयनेन्दुं दशरथमुखारविन्दमार्ताण्डम् ।

सीतामानसहंसं रामं राजीवलोचनं वन्दे ॥ 77

भर्जनं भवबीजानां मार्जनं सुखसम्पदाम् ।

तर्जनं यमदूतानां रामरामेति कीर्तनम् ॥ 78

न जाने जानकी जाने राम त्वन्नामवैभवम् ।

सर्वेशो भगवान् शम्भुर्वाल्मीकिर्वेत्ति वा नवा ॥ 79

करतलधृतचापं कालमेघस्वरूपं

सरसिजदलनेत्रं चारुहासं सुगात्रम् ।

विचिनुतवनवासं विक्रमोदग्रवेषं

प्रणमत रघुनाथं जानकीप्राणनाथम् ॥ 80

विद्युत्स्फुरन्मकरकुण्डलदीप्तचारु-

गण्डस्थलं मणिकिरीटविराजमानम् ।

पीताम्बरं जलदनीलमुदारकान्तिं

श्रीरामचन्द्रमनिशं कलयामि चित्ते ॥ 81

रत्नोल्लसज्ज्वलितकुण्डलगण्डभागं

कस्तूरिकातिलकशोभितफालभागम् ।

कर्णान्तदीर्घनयनं करुणाकटाक्षं

श्रीरामचन्द्र मुखमात्मनि सन्निधत्तम् ॥ 82

वैदेहीसहितं च लक्ष्मणयुतं कैकेयिपुत्रान्वितं

सुग्रीवं च विभीषणानिलसुतौ नीलं नलं साङ्गदम् ।

विश्वामित्रवसिष्ठगौतमभरद्वाजादिकान् मानयन्

रामो मारुतिसेवितः स्मरतु मां साम्राज्यसिंहासने ॥ 83

सकलगुणनिधानं योगिभिस्स्तूयमानं

भजितसुरविमानं रक्षितेन्द्रादिमानम् ।

महितवृषभयानं सीतया शोभमानं

स्मरतु हृदयभानुं ब्रह्मरामाभिरामम् ॥ 84

त्रिदशकुमुदचन्द्रो दानवाम्भोजचन्द्रो

दुरिततिमिरचन्द्रो योगिनां ज्ञानचन्द्रः ।

प्रणतनयनचन्द्रो मैथिलीनेत्रचन्द्रो

दशमुखरिपुचन्द्रः पातु मां रामचन्द्रः ॥ 85

यन्नामैव सहस्रनामसदृशं यन्नाम वेदैस्समं

यन्नामाङ्कितवाक्य-मासुरबलस्त्रीगर्भविच्छेदनम् ।

यन्नाम श्वपचार्यभेदरहितं मुक्तिप्रदानोज्ज्वलं

तन्नामाऽलघुरामरामरमणं श्रीरामनामामृतम् ॥ 86

राजीवनेत्र रघुपुङ्गव रामभद्र

राकेन्दुबिम्बसदृशानन नीलगात्र ।

रामाऽभिराम रघुवंशसमुद्भव त्वं

श्रीरामचन्द्र मम देहि करावलम्बम् ॥ 87

माणिक्यमञ्जीरपदारविन्दं

रामार्कसम्फुल्लमुखारविन्दम् ।

भक्ताभयप्रापिकरारविन्दां

देवीं भजे राघववल्लभां ताम् ॥ 88

जयतु विजयकारी जानकीमोदकारी

तपनकुलविहारी दण्डकारण्यचारी ।

दशवदनकुठारी दैत्यविच्छेदकारी

मणिमकुटकधारी चण्डकोदण्डधारी ॥ 89

रामः पिता रघव एव माता

रामस्सुबन्धुश्च सखा हितश्च ।

रामो गुरुर्मे परमं च दैवं

रामं विना नाऽन्यमहं स्मरामि ॥ 90

श्रीराम मे त्वं हि पिता च माता

श्रीराम मे त्वं हि सुहृच्च बन्धुः ।

श्रीराम मे त्वं हि गुरुश्च गोष्ठी

श्रीराम मे त्वं हि समस्तमेव ॥ 91

रामचन्द्रचरितामृतपानं

सोमपानशतकोटिसमानम् ।

सोमपानशतकोटिभिरीया-

ज्जन्म नैति रघुनायकनाम्ना ॥ 92

राम राम दयासिन्धो रावणारे जगत्पते ।

त्वत्पादकमलासक्ति-र्भवेज्जन्मनि जन्मनि ॥ 93

श्रीरामचन्द्रेति दयापरेति

भक्तप्रियेति भवबन्धनमोचनेति ।

नाथेति नागशयनेति सदा स्तुवन्तं

मां पाहि भीतमनिशं कृपणं कृपालो ॥ 94

अयोध्यानाथ राजेन्द्र सीताकान्त जगत्पते ।

श्रीराम पुण्डरीकाक्ष रामचन्द्र नमोऽस्तु ते ॥ 95

हे राम हे रमण हे जगदेकवीर

हे नाथ हे रघुपते करुणालवाल ।

हे जानकीरमण हे जगदेकबन्धो

मां पाहि दीनमनिशं कृपणं कृतघ्नम् ॥ 96

जानाति राम तव तत्त्वगतिं हनूमान् ।

जानाति राम तव सख्यगतिं कपीशः ।

जानाति राम तव युद्धगतिं दशास्यो ।

जानाति राम धनदानुज एव सत्यम् ॥ 97

सेव्यं श्रीराममन्त्रं श्रवणशुभकरं श्रेष्ठसुज्ञानिमन्त्रं

स्तव्यं श्रीराममन्त्रं नरकदुरितदुर्वारनिर्घातमन्त्रम् ।

भव्यं श्रीराममन्त्रं भजतु भजतु संसारनिस्तारमन्त्रं

दिव्यं श्रीराममन्त्रं दिवि भुवि विलसन्मोक्षरक्षैकमन्त्रम् ॥ 98

निखिलनिलयमन्त्रं नित्यतत्त्वाख्यमन्त्रं

भवकुलहरमन्त्रं भूमिजाप्राणमन्त्रम् ।

पवनजनुतमन्त्रं पार्वतीमोक्षमन्त्रं

पशुपतिनिजमन्त्रं पातु मां राममन्त्रम् ॥ 99

प्रणवनिलयमन्त्रं प्राणनिर्वाणमन्त्रं

प्रकृतिपुरुषमन्त्रं ब्रह्मरुद्रेन्द्रमन्त्रम् ।

प्रकटदुरितरागद्वेषनिर्णाशमन्त्रं

रघुपतिनिजमन्त्रं रामरामेतिमन्त्रम् ॥ 100

दशरथसुतमन्त्रं दैत्यसंहारमन्त्रं

विबुधविनुतमन्त्रं विश्वविख्यातमन्त्रम् ।

मुनिगणनुतमन्त्रं मुक्तिमार्गैकमन्त्रं

रघुपतिनिजमन्त्रं रामरामेतिमन्त्रम् ॥ 101

संसारसागरभयापहविश्वमन्त्रं

साक्षान्मुमुक्षुजनसेवितसिद्धमन्त्रम् ।

सारङ्गहस्तमुखहस्तनिवासमन्त्रं

कैवल्यमन्त्रमनिशं भज राममन्त्रम् ॥ 102

जयतु जयतु मन्त्रं जन्मसाफल्यमन्त्रं

जननमरणभेदक्लेशविच्छेदमन्त्रम् ।

सकलनिगममन्त्रं सर्वशास्त्रैकमन्त्रं

रघुपतिनिजमन्त्रं रामरामेतिमन्त्रम् ॥ 103

जगति विशदमन्त्रं जानकीप्राणमन्त्रं

विबुधविनुतमन्त्रं विश्वविख्यातमन्त्रम् ।

दशरथसुतमन्त्रं दैत्यसंहारमन्त्रं

रघुपतिनिजमन्त्रं रामरामेतिमन्त्रम् ॥ 104

ब्रह्मादियोगिमुनिपूजितसिद्धमन्त्रं

दारिद्र्यदुःखभवरोगविनाशमन्त्रम् ।

संसारसागरसमुत्तरणैकमन्त्रं

वन्दे महाभयहरं रघुराममन्त्रम् ॥ 105

शत्रुच्छेदैकमन्त्रं सरसमुपनिषद्वाक्यसम्पूज्यमन्त्रं

संसारोत्तारमन्त्रं समुचितसमये सङ्गनिर्याणमन्त्रम् ।

सर्वैश्वर्यैकमन्त्रं व्यसनभुजगसन्दष्टसन्त्राणमन्त्रं

जिह्वे श्रीराममन्त्रं जप जप सफलं जन्मसाफल्यमन्त्रम् ॥ 106

नित्यं श्रीराममन्त्रं निरुपममधिकं नीतिसुज्ञानमन्त्रं

सत्यं श्रीराममन्त्रं सदमलहृदये सर्वदारोग्यमन्त्रम् ।

स्तुत्यं श्रीराममन्त्रं सुललितसुमनस्सौख्यसौभाग्यमन्त्रं

पठ्यं श्रीराममन्त्रं पवनजवरदं पातु मां राममन्त्रम् ॥ 107

व्यामोहप्रशमौषधं मुनिमनोवृत्तिप्रवृत्त्यौषधं

दैत्योन्मूलकरौषधं भवभयप्रध्वंसनैकौषधम् ।

भक्तानन्दकरौषधं त्रिभुवने सञ्जीवनैकौषधं

श्रेयः प्राप्तिकरौषधं पिब मनः श्रीरामनामौषधम् ॥ 108

सकलभुवनरत्नं सर्वशास्त्रार्थरत्नं

समरविजयरत्नं सच्चिदानन्दरत्नम् ।

दशमुखहररत्नं दानवारातिरत्नं

रघुकुलनृपरत्नं पातु मां रामरत्नम् ॥ 109

सकलभुवनरत्नं सच्चिदानन्दरत्नं

सकलहृदयरत्नं सूर्यबिम्बान्तरत्नम् ।

विमलसुकृतरत्नं वेदवेदान्तरत्नं

पुरहरजपरत्नं पातु मां रामरत्नम् ॥ 110

निगमशिखररत्नं निर्मलानन्दरत्नं

निरुपमगुणरत्नं नादनादान्तरत्नम् ।

दशरथकुलरत्नं द्वादशान्तस्स्थरत्नं

पशुपतिजपरत्नं पातु मां रामरत्नम् ॥ 111

शतमखसुतरत्नं षोडशान्तस्स्थरत्नं

मुनिजनजपरत्नं मुख्यवैकुण्ठरत्नम् ।

निरुपमगुणरत्नं नीरजान्तस्स्थरत्नं

परमपदविरत्नं पातु मां रामरत्नम् ॥ 112

सकलसुकृतरत्नं सत्यवाक्यार्थरत्नं

शमदमगुणरत्नं शाश्वतानन्दरत्नम् ।

प्रणयनिलयरत्नं प्रस्फुटद्योतिरत्नं

परमपदविरत्नं पातु मां रामरत्नम् ॥ 113

निगमशिखररत्नं नित्यमाशास्यरत्नं

जननुतनृपरत्नं जानकीरूपरत्नम् ।

भुवनवलयरत्नं भूभुजामेकरत्नं

रघुकुलवररत्नं पातु मां रामरत्नम् ॥ 114

विशालनेत्रं परिपूर्णगात्रं

सीताकलत्रं सुरवैरिजैत्रम् ।

कारुण्यपात्रं जगतः पवित्रं

श्रीरामरत्नं प्रणतोऽस्मि नित्यम् ॥ 115

हे गोपालक हे दयाजलनिधे हे सद्गुणाम्भोनिधे

हे दैत्यान्तक हे विभीषणदयापरीण हे भूपते ।

हे वैदेहसुतामनोजविहृते हे कोटिमाराकृते

हे नव्याम्बुजनेत्र पालय परं जानामि न त्वां विना ॥ 116

यस्य किञ्चिदपि नो हरणीयं

कर्म किञ्चिदपि नो चरणीयम् ।

रामनाम च सदा स्मरणीयं

लीलया भवजलं तरणीयम् ॥ 117

दशरथसुतमीशं दण्डकारण्यवासं

शतमखमणिनीलं जानकीप्राणलोलम् ।

सकलभुवनमोहं सन्नुताम्भोददेहं

बहुलनुतसमुद्रं भावये रामभद्रम् ॥ 118

विशालनेत्रं परिपूर्णगात्रं

सीताकलत्रं सुरवैरिजैत्रम् ।

जगत्पवित्रं परमात्मतन्त्रं

श्रीरामचन्द्रं प्रणमामि चित्ते ॥ 119

जय जय रघुराम श्रीमुखाम्भोजभानो

जय जय रघुवीर श्रीमदम्भोजनेत्र ।

जय जय रघुनाथ श्रीकराभ्यर्चिताङ्घ्रि

जय जय रघुवर्य श्रीश कारुण्यसिन्धो ॥ 120

मन्दारमूले मणिपीठसंस्थं

सुधाप्लुतं दिव्यविराट्स्वरूपम् ।

सबिन्दुनादान्तकलान्ततुर्य-

मूर्तिं भजेऽहं रघुवंशरत्नम् ॥ 121

नादं नादविनीलचित्तपवनं नादान्तत्त्वप्रियं

नामाकारविवर्जितं नवघनश्यामाङ्गनादप्रियम् ।

नादाम्भोजमरन्दमत्तविलसद्भृङ्गं मदान्तस्स्थितं

नादान्तधृवमण्डलाब्जरुचिरं रामं भजे तारकम् ॥ 122

नानाभूतहृदब्जपद्मनिलयं नामोज्ज्वलाभूषणम् ।

नामस्तोत्रपवित्रितत्रिभुवनं नारायणाष्टाक्षरम् ।

नादान्तेन्दुगलत्सुधाप्लुततनुं नानात्मचिन्मात्रकम् ।

नानाकोटियुगान्तभानुसदृशं रामं भजे तारकम् ॥ 123

वेद्यं वेदगुरुं विरिञ्चिजनकं वेदान्तमूर्तिं स्फुर-

द्वेदं वेदकलापमूलमहिमाधारान्तकन्दाङ्कुरम् ।

वेदशृङ्गसमानशेषशयनं वेदान्तवेद्यात्मकं

वेदाराधितपादपङ्कजमहं रामं भजे तारकम् ॥ 124

मज्जीवं मदनुग्रहं मदधिपं मद्भावनं मत्सुखं

मत्तातं मम सद्गुरुं मम वरं मोहान्धविच्छेदनम् ।

मत्पुण्यं मदनेकबान्धवजनं मज्जीवनं मन्निधिं

मत्सिद्धिं मम सर्वकर्मसुकृतं रामं भजे तारकम् ॥ 125

नित्यं नीरजलोचनं निरुपमं नीवारशूकोपमं

निर्भेदानुभवं निरन्तरगुणं नीलाङ्गरागोज्ज्वलम् ।

निष्पापं निगमागमार्चितपदं नित्यात्मकं निर्मलं

निष्पुण्यं निखिलं निरञ्जनपदं रामं भजे तारकम् ॥ 126

ध्याये त्वां हृदयाम्बुजे रघुपतिं विज्ञानदीपाङ्कुरं

हंसोहंसपरम्परादिमहिमाधारं जगन्मोहनम् ।

हस्ताम्भोजगदाब्जचक्रमतुलं पीताम्बरं कौस्तुभं

श्रीवत्सं पुरुषोत्तमं मणिनिभं रामं भजे तारकम् ॥ 127

सत्यज्ञानमनन्तमच्युतमजं चाव्याकृतं तत्परं

कूटस्थादिसमस्तसाक्षिमनघं साक्षाद्विराट्तत्त्वदम् ।

वेद्यं विश्वमयं स्वलीनभुवनस्वाराज्यसौख्यप्रदं

पूर्णं पूर्णतरं पुराणपुरुषं रामं भजे तारकम् ॥ 128

रामं राक्षसवंशनाशनकरं राकेन्दुबिम्बाननं

रक्षोरिं रघुवंशवर्धनकरं रक्ताधरं राघवम् ।

राधायात्मनिवासिनं रविनिभं रम्यं रमानायकं

रन्ध्रान्तर्गतशेषशायिनमहं रामं भजे तारकम् ॥ 129

ओतप्रोतसमस्तवस्तुनिचयं ओङ्कारबीजाक्षरं

ओङ्कारप्रकृतिं षडक्षरहितं ओङ्कारकन्दाङ्कुरम् ।

ओङ्कारस्फुटभूर्भुवस्सुपरितं ओघत्रयाराधितम्

ओङ्कारोज्ज्वलसिंहपीठनिलयं रामं भजे तारकम् ॥ 130

साकेते नगरे समस्तसुखदे हर्म्येऽब्जकोटिद्युते

नक्षत्रग्रहपङ्क्तिलग्नशिखरे चान्तर्यपङ्केरुहे ।

वाल्मीकात्रिपराशरादिमुनिभिस्संसेव्यमानं स्थितं

सीतालङ्कृतवामभागमनिशं रामं भजे तारकम् ॥ 131

वैकुण्ठे नगरे सुरद्रुमतले चानन्दवप्रान्तरे

नानारत्नविनिर्मितस्फुटपटुप्राकारसंवेष्टिते ।

सौधेन्दूपलशेषतल्पललिते नीलोत्पलच्छादिते

पर्यङ्के शयनं रमादिसहितं रामं भजे तारकम् ॥ 132

वन्दे राममनादिपूरुषमजं वन्दे रमानायकं

वन्दे हारिकिरीटकुण्डलधरं वन्दे सुनीलद्युतिम् ।

वन्दे चापकलम्बकोज्ज्वलकरं वन्दे जगन्मङ्गलं

वन्दे पङ्क्तिरथात्मजं मम गुरुं वन्दे सदा राघवम् ॥ 133

वन्दे शौनकगौतमाद्यभिनुतं वन्दे घनश्यामलं

वन्दे तारकपीठमध्यनिलयं वन्दे जगन्नायकम् ।

वन्दे भक्तजनौघदेविवटपं वन्दे धनुर्वल्लभं

वन्दे तत्त्वमसीतिवाक्यजनकं वन्दे सदा राघवम् ॥ 134

वन्दे सूर्यशशाङ्कलोचनयुगं वन्दे जगत्पावनं

वन्दे पत्रसहस्रपद्मनिलयं वन्दे पुरारिप्रियम् ।

वन्दे राक्षसवंशनाशनकरं वन्दे सुधाशीतलं

वन्दे देवकपीन्द्रकोटिविनुतं वन्दे सदा राघवम् ॥ 135

वन्दे सागरगर्वभङ्गविशिखं वन्दे जगज्जीवनं

वन्दे कौशिकयागरक्षणकरं वन्दे गुरुणां गुरुम् ।

वन्दे बाणशरासनोज्ज्वलकरं वन्दे जटावल्कलं

वन्दे लक्ष्मणभूमिजान्वितमहं वन्दे सदा राघवम् ॥ 136

वन्दे पाण्डरपुण्डरीकनयनं वन्देऽब्जबिम्बाननं

वन्दे कम्बुगलं कराब्जयुगलं वन्दे ललाटोज्ज्वलम् ।

वन्दे पीतदुकूलमम्बुदनिभं वन्दे जगन्मोहनं

वन्दे कारणमानुषोज्ज्वलतनुं वन्दे सदा राघवम् ॥ 137

वन्दे नीलसरोजकोमलरुचिं वन्दे जगद्वन्दितं

वन्दे सूर्यकुलाब्धिकौस्तुभमणिं वन्दे सुराराधितम् ।

वन्दे पातकपञ्चकप्रहरणं वन्दे जगत्कारणं

वन्दे विंशतिपञ्चतत्त्वरहितं वन्दे सदा राघवम् ॥ 138

वन्दे साधकवर्गकल्पकतरुं वन्दे त्रिमूर्त्यात्मकं

वन्दे नादलयान्तरस्थलगतं वन्दे त्रिवर्गात्मकम् ।

वन्दे रागविहीनचित्तसुलभं वन्दे सभानायकं

वन्दे पूर्णदयामृतार्णवमहं वन्दे सदा राघवम् ॥ 139

वन्दे सात्त्विकतत्त्वमुद्रिततनुं वन्दे सुधादायकं

वन्दे चारुचतुर्भुजं मणिनिभं वन्दे षडब्जस्थितम् ।

वन्दे ब्रह्मपिपीलिकादिनिलयं वन्दे विराट्विग्रहं

वन्दे पन्नगतल्पशायिनमहं वन्दे सदा राघवम् ॥ 140

सिंहासनस्थं मुनिसिद्धसेव्यं

रक्तोत्पलालङ्कृतपादपद्मम् ।

सीतासमेतं शशिसूर्यनेत्रं

रामं भजे राघवरामचन्द्रम् ॥ 141

श्रीरामभद्राश्रितसद्गुरूणां

पादारविन्दं भजतां नराणाम् ।

आरोग्यमैश्वर्यमनन्तकीर्ति-

रन्ते च विष्णोः पदमस्ति सत्यम् ॥ 142

दशरथवरपुत्रं जानकीसत्कलत्रं

दशमुखहरदक्षं पद्मपत्रायताक्षम् ।

करधृतशरचापं चारुमुक्ताकलापं

रघुकुलनृवरेण्यं राममीडे शरण्यम् ॥ 143

दशमुखगजसिंहं दैत्यगर्वातिरंहं

कदनभयदहस्तं तारकब्रह्म शस्तम् ।

मणिखचितकिरीटं मञ्जुलालापवाटं

दशरथकुलचन्द्रं रामचन्द्रं भजेऽहम् ॥ 144

रामं रक्तसरोरुहाक्षममलं लङ्काधिनाथान्तकं

कौसल्यानयनोत्सुकं रघुवरं नागेन्द्रतल्पस्थितम् ।

वैदेहीकुचकुम्भकुङ्कुमरजोलङ्कारहारं हरिं

मायामानुषविग्रहं रघुपतिं सीतासमेतं भजे ॥ 145

रामं राक्षसमर्दनं रघुवरं दैतेयभिध्वंसिनं

सुग्रीवेप्सितराज्यदं सुरपतेर्भीत्यन्तकं शार्‍ङ्गिणम् ।

भक्तानामभयप्रदं भयहरं पापौघविध्वंसिनं

सामीरिस्तुतपादपद्मयुगलं सीतासमेतं भजे ॥ 146

यत्पादाम्बुजरेणुना मुनिसती मुक्तिङ्गता यन्महः

पुण्यं पातकनाशनं त्रिजगतां भाति स्मृतं पावनम् ।

स्मृत्वा राघवमप्रमेयममलं पूर्णेन्दुमन्दस्मितं

तं रामं सरसीरुहाक्षममलं सीतासमेतं भजे ॥ 147

वैदेहीकुचमण्डलाग्र-विलसन्माणिक्यहस्ताम्बुजं

चञ्चत्कङ्कणहारनूपुर-लसत्केयूरहारान्वितम् ।

दिव्यश्रीमणिकुण्डलोज्ज्वल-महाभूषासहस्रान्वितं

वीरश्रीरघुपुङ्गवं गुणनिधिं सीतासमेतं भजे ॥ 148

वैदेहीकुचमण्डलोपरि-लसन्माणिक्यहारावली-

मध्यस्थं नवनीतकोमलरुचिं नीलोत्पलश्यामलम् ।

कन्दर्पायुतकोटिसुन्दरतनुं पूर्णेन्दुबिम्बाननं

कौसल्याकुलभूषणं रघुपतिं सीतासमेतं भजे ॥ 149

दिव्यारण्ययतीन्द्रनामनगरे मध्ये महामण्टपे

स्वर्णस्तम्भसहस्रषोडशयुते मन्दारमूलाश्रिते ।

नानारत्नविचित्रनिर्मलमहासिंहासने संस्थितं

सीतालक्ष्मणसेवितं रघुपतिं सीतासमेतं भजे ॥ 150

कस्तूरीतिलकं कपीन्द्रहरणं कारुण्यवारान्निधिं

क्षीराम्भोधिसुतामुखाब्जमधुपं कल्याणसम्पन्निधिम् ।

कौसल्यानयनोत्सुकं कपिवरत्राणं महापौरुषं

कौमारप्रियमर्ककोटिसदृशं सीतासमेतं भजे ॥ 151

विद्युत्कोटिदिवाकरद्युतिनिभं श्रीकौस्तुभालङ्कृतं

योगीन्द्रैस्सनकादिभिः परिवृतं कैलासनाथप्रियम् ।

मुक्तारत्नकिरीटकुण्डलधरं ग्रैवेयहारान्वितं

वैदेहीकुचसन्निवासमनिशं सीतासमेतं भजे ॥ 152

मेघश्यामलमम्बुजातनयनं विस्तीर्णवक्षस्स्थलं

बाहुद्वन्द्वविराजितं सुवदनं शोणाङ्घ्रिपङ्केरुहम् ।

नानारत्नविचित्रभूषणयुतं कोदण्डबाणाङ्कितं

त्रैलोक्याऽप्रतिमानसुन्दरतनुं सीतासमेतं भजे ॥ 153

वैदेहीयुतवामभागमतुलं वन्दारुमन्दारकं

वन्दे प्रस्तुतकीर्तिवासिततरुच्छायानुकारिप्रभम् ।

वैदेहीकुचकुङ्कुमाङ्कितमहोरस्कं महाभूषणं

वेदान्तैरुपगीयमानमसकृत्सीतासमेतं भजे ॥ 154

देवानां हितकारणेन भुवने धृत्वाऽवतारं ध्रुवं

रामं कौशिकयज्ञविघ्नदलनं तत्ताटकासंहरम् ।

नित्यं गौतमपत्निशापदलनश्रीपादरेणुं शुभं

शम्भोरुत्कटचापखण्डनमहासत्वं भजे राघवम् ॥ 155

श्रीरामं नवरत्नकुण्डलधरं श्रीरामरक्षामणिं

श्रीरामं च सहस्रभानुसदृशं श्रीरामचन्द्रोदयम् ।

श्रीरामं श्रुतकीर्तिमाकरमहं श्रीराममुक्तिप्रदं

श्रीरामं रघुनन्दनं भयहरं श्रीरामचन्द्रं भजे ॥ 156

राममिन्दीवरश्यामं राजीवायतलोचनम् ।

ज्याघोषनिर्जितारातिं जानकीरमणं भजे ॥ 157

दीर्घबाहुमरविन्दलोचनं

दीनवत्सलमनाथरक्षकम् ।

दीक्षितं सकललोकरक्षणे

दैवतं दशरथात्मजं भजे ॥ 158

प्रातस्स्मरामि रघुनाथमुखारविन्दं

मन्दस्मितं मधुरभाषि विशालफालम् ।

कर्णावलम्बिचलकुण्डलगण्डभागं

कर्णान्तदीर्घनयनं नयनाभिरामम् ॥ 159

प्रातर्भजामि रघुनाथकरारविन्दं

रक्षोगणाय भयदं वरदं निजेभ्यः ।

यद्राजसंसदि विभिद्य महेशचापं

सीताकरग्रहणमङ्गलमाप सद्यः ॥ 160

प्रातर्नमामि रघुनाथपदारविन्दं

पद्माङ्कुशादिशुभरेखशुभावहं च ।

योगीन्द्रमानसमधुव्रतसेव्यमानं

शापापहं सपदि गौतमधर्मपत्न्याः ॥ 161

प्रातर्वदामि वचसा रघुनाथनाम

वाग्दोषहारि सकलं कलुषं निहन्तृ ।

यत्पार्वती स्वपतिना सह भोक्तुकामा

प्रीत्या सहस्रहरिनामसमं जजाप ॥ 162

प्रातः श्रये श्रुतिनुतं रघुनाथमूर्तिं

नीलाम्बुदोत्पलसितेतररत्ननीलाम् ।

आमुक्तमौक्तिकविशेषविभूषणाढ्यां

ध्येयां समस्तमुनिभिर्निजभृत्यमुख्यैः ॥ 163

रघुकुलवरनाथो जानकीप्राणनाथः

पितृवचनविधाता कीशराज्यप्रदाता ।

प्रतिनिशिचरनाशः प्राप्तराज्यप्रवेशो

विहितभुवनरक्षः पातु पद्मायताक्षः ॥ 164

कुवलयदलनीलः पीतवासाः स्मितास्यो

विविधरुचिरभूषाभूषितो दिव्यमूर्तिः ।

दशरथकुलनाथो जानकीप्राणनाथो

निवसतु मम चित्ते सर्वदा रामचन्द्रः ॥ 165

जयतु जयतु रामो जानकीवल्लभोऽयं

जयतु जयतु रामश्चन्द्रचूडार्चिताङ्घ्रिः ।

जयतु जयतु वाणीनाथनाथः परात्मा

जयतु जयतु रामोऽनाथनाथः कृपालुः ॥ 166

वदतु वदतु वाणी रामरामेति नित्यं

जयतु जयतु चित्तं रामपादारविन्दम् ।

नमतु नमतु देहं सन्ततं रामचन्द्रं

न भवतु मम पापं जन्मजन्मान्तरेषु ॥ 167

आनन्दरूपं वरदं प्रसन्नं

सिंहेक्षणं सेवकपारिजातम् ।

नीलोत्पलाङ्गं भुवनैकमित्रं

रामं भजे राघवरामचन्द्रम् ॥ 168

लङ्काविरामं रणरङ्गभीमं

राजीवनेत्रं रघुवंशमित्रम् ।

कारुण्यमूर्तिं करुणाप्रपूर्तिं

श्रीरामचन्द्रं शरणं प्रपद्ये ॥ 169

सुग्रीवमित्रं परमं पवित्रं

सीताकलत्रं नवहेमसूत्रम् ।

कारुण्यपात्रं शतपत्रनेत्रं

श्रीरामचन्द्रं शिरसा नमामि ॥ 170

श्रीराघवेति रमणेति रघूद्वहेति

रामेति रावणहरेति रमाधवेति ।

साकेतनाथसुमुखेति च सुव्रतेति

वाणी सदा वदतु राम हरे हरेति ॥ 171

श्रीरामनामामृतमन्त्रबीजं

सञ्जीवनं चेन्मनसि प्रतिष्ठम् ।

हालाहलं वा प्रलयानलं वा

मृत्योर्मुखं वा वितथीकरोति ॥ 172

किं योगशास्त्रैः किमशेषविद्या

किं यागगङ्गादिविशेषतीर्थैः ।

किं ब्रह्मचर्याश्रमसञ्चरेण

भक्तिर्नचेत्ते रघुवंशकीर्त्याम् ॥ 173

इदं शरीरं श्लथसन्धिजर्झरं

पतत्यवश्यं परिणामपेशलम् ।

किमौषथं पृच्छसि मूढ दुर्मते

निरामयं रामकथामृतं पिब ॥ 174

हे रामभद्राश्रय हे कृपालो

हे भक्तलोकैकशरण्यमूर्ते ।

पुनीहि मां त्वच्चरणारविन्दं

जगत्पवित्रं शरणं ममाऽस्तु ॥ 175

नीलाभ्रदेह निखिलेश जगन्निवास

राजीवनेत्र रमणीयगुणाभिराम ।

श्रीदाम दैत्यकुलमर्दन रामचन्द्र

त्वत्पादपद्ममनिशं कलयामि चित्ते ॥ 176

श्रीरामचन्द्र करुणाकर दीनबन्धो

सीतासमेत भरताग्रज राघवेश ।

पापार्तिभञ्जन भयातुरदीनबन्धो

पापाम्बुधौ पतितमुद्धर मामनाथम् ॥ 177

इन्दीवरदलश्याम-मिन्दुकोटिनिभाननम् ।

कन्दर्पकोटिलावण्यं वन्देऽहं रघुनन्दनम् ॥ 175

इति श्रीबोधेन्द्रसरस्वती कृत श्रीरामकर्णामृतम् ॥

maṅgalaślokāḥ

maṅgalaṃ bhagavānviṣṇurmaṅgalaṃ madhusūdanaḥ |

maṅgalaṃ puṇḍarīkākṣo maṅgalaṃ garuḍadhvajaḥ || 1

maṅgalaṃ kosalendrāya mahanīyaguṇābdhaye |

cakravartitanūjāya sārvabhaumāya maṅgalam || 2

vedavedāntavedyāya meghaśyāmalamūrtaye |

puṃsāṃ mohanarūpāya puṇyaślokāya maṅgalam || 3

viśvāmitrāntaraṅgāya mithilānagarīpateḥ |

bhāgyānāṃ paripākāya bhavyarūpāya maṅgalam || 4

pitṛbhaktāya satataṃ bhrātṛbhiḥ saha sītayā |

nanditākhilalokāya rāmacandrāya maṅgalam || 5

tyaktasāketavāsāya citrakūṭavihāriṇe |

sevyāya sarvayamināṃ dhīrodāttāya maṅgalam || 6

saumitriṇā ca jānakyā cāpabāṇāsidhāriṇā |

saṃsevyāya sadā bhaktyā sānujāyāstu maṅgalam || 7

daṇḍakāraṇyavāsāya khaṇḍitāmaraśatrave |

gṛdhrarājāya bhaktāya muktidāyāstu maṅgalam || 8

sādaraṃ śabarīdattaphalamūlābhilāṣiṇe |

saulabhyaparipūrṇāya sattvodyuktāya maṅgalam || 9

hanūmatsamavetāya harīśābhīṣṭadāyine |

vālipramathanāyāstu mahādhīrāya maṅgalam || 10

śrīmate raghuvīrāya setulaṅghitasindhave |

jitarākṣasarājāya raṇadhīrāya maṅgalam || 11

āsādya nagarīṃ divyāmabhiṣiktāya sītayā |

rājādhirājarājāya rāmabhadrāya maṅgalam || 12

vibhīṣaṇakṛte prītyā viśvābhīṣṭapradāyine |

jānakīprāṇanāthāya sadā rāmāya maṅgalam || 13

—-

śrīrāmaṃ trijagadguruṃ suravaraṃ sītāmanonāyakaṃ

śyāmāṅgaṃ śaśikoṭipūrṇavadanaṃ cañcatkalākaustubham |

saumyaṃ satyaguṇottamaṃ susarayūtīre vasantaṃ prabhuṃ

trātāraṃ sakalārthasiddhisahitaṃ vande raghūṇāṃ patim || 14

śrīrāghavaṃ daśarathātmajamaprameyaṃ

sītāpatiṃ raghuvarānvayaratnadīpam |

ājānubāhumaravindadalāyatākṣaṃ

rāmaṃ niśācaravināśakaraṃ namāmi || 15

śrīrāmacandra karuṇākara rāghavendra

rājendracandra raghuvaṃśasamudracandra |

sugrīvanetrayugalotpala-pūrṇacandra

sītāmanaḥkumudacandra namo namaste || 16

sītāmanomānasarājahaṃsa

saṃsārasantāpahara kṣamāvan |

śrīrāma daityāntaka śāntarūpa

śrītārakabrahma namo namaste || 17

viṣṇo rāghava vāsudeva nṛhare devaughacūḍāmaṇe |

saṃsārārṇavakarṇadhāraka hare kṛṣṇāya tubhyaṃ namaḥ || 18

sugrīvādisamastavānaravaraissaṃsevyamānaṃ sadā |

viśvāmitraparāśarādimunibhissaṃstūyamānaṃ bhaje || 19

rāmaṃ candanaśītalaṃ kṣitisutāmohākaraṃ śrīkaraṃ

vaidehīnayanāravindamihiraṃ sampūrṇacandrānanam |

rājānaṃ karuṇāsametanayanaṃ sītāmanonandanaṃ

sītādarpaṇacārugaṇḍalalitaṃ vande sadā rāghavam || 20

jānāti rāma tava nāmaruciṃ maheśo

jānāti gautamasatī caraṇaprabhāvam |

jānāti dorbalaparākramamīśacāpo

jānātyamoghapaṭubāṇagatiṃ payodhiḥ || 21

mātā rāmo matpitā rāmacandro

bhrātā rāmo matsakhā rāghaveśaḥ |

sarvasvaṃ me rāmacandro dāyālu-

rnānyaṃ daivaṃ naiva jāne na jāne || 22

vimalakamalanetraṃ visphurannīlagātraṃ

tapanakulapavitraṃ dānavadhvantamitram |

bhuvanaśubhacaritraṃ bhūmiputrīkalatraṃ

daśarathavaraputraṃ naumi rāmākhyamitram || 23

mārge mārge śākhināṃ ratnavedī

vedyāṃ vedyāṃ kinnarībṛndagītam |

gīte gīte mañjulālāpagoṣṭhī

goṣṭhyāṃ goṣṭhyāṃ tvatkathā rāmacandra || 24

vṛkṣe vṛkṣe vīkṣitāḥ pakṣisaṅghāḥ

saṅghe saṅghe mañjulāmodavākyam |

vākye vākye mañjulālāpagoṣṭhī

goṣṭhyāṃ goṣṭhyāṃ tvatkathā rāmacandra || 25

duritatimiracandro duṣṭakañjātacandraḥ

surakuvalayacandrassūryavaṃśābdhicandraḥ |

svajananivahacandraśśatrurājīvacandraḥ

praṇatakumudacandraḥ pātu māṃ rāmacandraḥ || 26

kalyāṇadaṃ kauśikayajñapālaṃ

kalānidhiṃ kāñcanaśailadhīram |

kañjātanetraṃ karuṇāsamudraṃ

kākutstharāmaṃ kalayāmi citte || 27

rājīvāyatalocanaṃ raghuvaraṃ nīlotpalaśyāmalaṃ

mandārāñcitamaṇḍape sulalite sauvarṇake puṣpake |

āsthāne navaratnarājikhacite siṃhāsane saṃsthitaṃ

sītālakṣmaṇalokapālasahitaṃ vande munīndrāspadam || 28

dhyāye rāmaṃ sudhāṃśuṃ natasakalabhavāraṇyatāpaprahāram |

śyāmaṃ śāntaṃ surendraṃ suramunivinutaṃ koṭisūryaprakāśam |

sītāsaumitrisevyaṃ suranarasugamaṃ divyasiṃhāsanastham |

sāyāhne rāmacandraṃ smitaruciramukhaṃ sarvadā me prasannam || 29

indranīlamaṇisannibhadehaṃ

vandanīyamasakṛnmunibṛndaiḥ |

lambamānatulasīvanamālaṃ

cintayāmi satataṃ raghuvīram || 30

sampūrṇacandravadanaṃ sarasīruhākṣaṃ

māṇikyakuṇḍaladharaṃ mukuṭābhirāmam |

cāmpeyagauravasanaṃ śaracāpahastaṃ

śrīrāmacandramaniśaṃ manasā smarāmi || 31

mātuḥ pārśve carantaṃ maṇimayaśayane mañjubhūṣāñcitāṅgam |

mandaṃ mandaṃ pibantaṃ mukulitanayanaṃ stanyamanyastanāgram |

aṅgulyāgraiḥ spṛśantaṃ sukhaparavaśayā sasmitāliṅgitāṅgam |

gāḍhaṃ gāḍhaṃ jananyā kalayatu hṛdayaṃ māmakaṃ rāmabālam || 32

rāmābhirāmaṃ nayanābhirāmaṃ

vācābhirāmaṃ vadanābhirāmam |

sarvābhirāmaṃ ca sadābhirāmaṃ

vande sadā dāśarathiṃ ca rāmam || 33

rāśabdoccāramātreṇa mukhānniryāti pātakāḥ |

punaḥ praveśabhītyā ca makārastu kavāṭavat || 34

anarghamāṇikyavirājamāna-

śrīpādukālaṅkṛtaśobhanābhyām |

aśeṣabṛndārakavanditābhyāṃ

namo namo rāmapadāmbujābhyām || 35

calatkanakakuṇḍalollasitadivyagaṇḍasthalaṃ

carācarajaganmayaṃ caraṇapadmagaṅgāśrayam |

caturvidhaphalapradaṃ caramapīṭhamadhyasthitaṃ

cidaṃśamakhilāspadaṃ daśarathātmajaṃ cintaye || 36

sanandanamunipriyaṃ sakalavarṇavedātmakaṃ

samastanigamāgamasphuritatattvasiṃhāsanam |

sahasranayanābjajādyamarabṛndasaṃsevitaṃ

samaṣṭipuravallabhaṃ daśarathātmajaṃ cintaye || 37

jāgratsvapnasuṣupti-kālavilasattattvātmacinmātrakaṃ

caitanyātmakamādhipāparahitaṃ bhūmyāditanmātrakam |

śāmbhavyādisamastayogakulakaṃ sāṅkhyāditattvātparaṃ

śabdāvācyamahaṃ namāmi satataṃ vyutpattināśātparam || 38

ikṣvākuvaṃśārṇavajātaratnaṃ

sītāṅganāyauvanabhāgyaratnam |

vaikuṇṭharatnaṃ mama bhāgyaratnaṃ

śrīrāmaratnaṃ śirasā namāmi || 39

ikṣvākunandanaṃ sugrīvapūjitaṃ

trailokyarakṣakaṃ satyasandhaṃ sadā |

rāghavaṃ raghupatiṃ rājīvalocanaṃ

rāmacandraṃ bhaje rāghaveśaṃ bhaje || 40

bhaktapriyaṃ bhaktasamādhigamyaṃ

cintāharaṃ cintitakāmadhenum |

sūryendukoṭidyutibhāsvaraṃ taṃ

rāmaṃ bhaje rāghavarāmacandram || 41

śrīrāmaṃ janakakṣitīśvarasutāvaktrāmbujāhāriṇaṃ

śrīmadbhānukulābdhikaustubhamaṇiṃ śrīratnavakṣassthalam |

śrīkaṇṭhādyamaraugharatnamakuṭālaṅkārapādāmbujaṃ

śrīvatsojjvalamindranīlasadṛśaṃ śrīrāmacandraṃ bhaje || 42

rāmacandra caritākathāmṛtaṃ

lakṣmaṇāgrajaguṇānukīrtanam |

rāghaveśa tava pādasevanaṃ

sambhavantu mama janmajanmani || 43

ajñānasambhava-bhavāmbudhibāḍabāgni-

ravyaktatattvanikarapraṇavādhirūḍhaḥ |

sītāsametamanujena hṛdantarāle

prāṇaprayāṇasamaye mama sannidhatte || 44

rāmo matkuladaivataṃ sakaruṇaṃ rāmaṃ bhaje sādaraṃ

rāmeṇākhilaghorapāpanihatī rāmāya tasmai namaḥ |

rāmānnāsti jagatrayaikasulabho rāmasya dāso'smyahaṃ

rāme prītiratīva me kulaguro śrīrāma rakṣasva mām || 45

vaidehīsahitaṃ suradrumatale haime mahāmaṇṭape |

madhyepuṣpakamāsane maṇimaye vīrāsane saṃsthitam |

agre vācayati prabhañjanasute tattvaṃ munibhyaḥ param |

vyākhyāntaṃ bharatādibhiḥ parivṛtaṃ rāmaṃ bhaje śyāmalam || 46

vāme bhūmisutā purastu hanumānpaścātsumitrāsuta-

śśatrughno bharataśca pārśvadalayorvāyvādikoṇeṣvapi |

sugrīvaśca vibhīṣaṇaśca yuvarāṭ tārāsuto jāmbavān

madhye nīlasarojakomalaruciṃ rāmaṃ bhaje śyāmalam || 47

keyūrāṅgadakaṅkaṇairmaṇigaṇairvairocamānaṃ sadā

rākāparvaṇicandrakoṭisadṛśaṃ chatreṇa vairājitam |

hemastambhasahasraṣoḍaśayute madhye mahāmaṇḍape

deveśaṃ bharatādibhiḥ parivṛtaṃ rāmaṃ bhaje śyāmalam || 48

sākete śaradindukundadhavale saughe mahāmaṇṭape |

paryastāgarudhūpadhūmapaṭale karpūradīpojjvale |

sugrīvāṅgadavāyuputrasahitaṃ saumitriṇā sevitaṃ

līlāmānuṣavigrahaṃ raghupatiṃ rāmaṃ bhaje śyāmalam || 49

śāntaṃ śāradacandrakoṭisadṛśaṃ candrābhirāmānanaṃ

candrārkāgnivikāsikuṇḍaladharaṃ candrāvataṃsastutam |

vīṇāpustakasākṣasūtravilasadvyākhyānamudrākaraṃ

deveśaṃ bharatādibhiḥ parivṛtaṃ rāmaṃ bhaje śyāmalam || 50

rāmaṃ rākṣasamardanaṃ raghupatiṃ śakrārividhvaṃsinaṃ

sugrīvepsitarājyadaṃ surapateḥ putrāntakaṃ śār‍ṅgiṇam |

bhaktānāmabhayapradaṃ bhayaharaṃ pāpaughavidhvaṃsinaṃ

sītāsevitapādapadmayugalaṃ rāmaṃ bhaje śyāmalam || 51

kandarpāyutakoṭikoṭitulitaṃ kālāmbudaśyāmalaṃ

kambugrīvamudārakaustubhadharaṃ karṇāvataṃsotpalam |

kastūrītilakojjvalaṃ smitamukhaṃ cinmudrayālaṅkṛtaṃ

sītālakṣmaṇavāyuputrasahitaṃ siṃhāsanasthaṃ bhaje || 52

sākete navaratnapaṅktikhacite citradhvajālaṅkṛte

vāse svarṇamaye dalāṣṭalalite padme vimānottame |

āsīnaṃ bharatādisodarajanaiḥ śākhāmṛgaiḥ kinnaraiḥ

dikpālairmunipuṅgavairnṛpagaṇaissaṃsevyamānaṃ bhaje || 53

kastūrīghanasārakuṅkumalasacchrīcandanālaṅkṛtaṃ

kandarpādhikasundaraṃ ghananibhaṃ kākutsthavaṃśadhvajam |

kalyāṇāmbharaveṣṭitaṃ kamalayā yuktaṃ kalāvallabhaṃ

kalyāṇācalakārmukapriyasakhaṃ kalyāṇarāmaṃ bhaje || 54

muktermūlaṃ munivarahṛdānandakandaṃ mukundaṃ

kūṭasthākhyaṃ sakalavaradaṃ sarvacaitanyarūpam |

nādātītaṃ kamalanilayaṃ nādanādāntatattvaṃ

nādātītaṃ prakṛtirahitaṃ rāmacandraṃ bhaje'ham || 55

tārākāraṃ nikhilanilayaṃ tattvamasyādilakṣyaṃ

śabdāvācyaṃ triguṇarahitaṃ vyomamaṅguṣṭhamātram |

nirvāṇākhyaṃ saguṇamaguṇavyomarandhrāntarasthaṃ

sauṣumnāntaḥ praṇavasahitaṃ rāmacandraṃ bhaje'ham || 56

nijānandākāraṃ nigamaturagārādhitapadaṃ

parabrahmānandaṃ paramapadagaṃ pāpaharaṇam |

kṛpāpārāvāraṃ paramapuruṣaṃ padmanilayaṃ

bhaje rāmaṃ śyāmaṃ prakṛtirahitaṃ nirguṇamaham || 57

sākete nagare samastamahimādhāre jaganmohane

ratnastambhasahasramaṇṭapamahāsiṃhāsane sāmbuje |

viśvāmitravasiṣṭhagautamaśukavyāsādibhirmaunibhiḥ

dhyeyaṃ lakṣmaṇalokapālasahitaṃ sītāsametaṃ bhaje || 58

rāmaṃ śyāmābhirāmaṃ raviśaśinayanaṃ koṭisūryaprakāśaṃ

divyaṃ divyāstrapāṇiṃ śaramukhaśaradhiṃ cārukoḍaṇḍahastam |

kālaṃ kālāgnirudraṃ ripukuladahanaṃ vighnavicchedadakṣaṃ

bhīmaṃ bhīmāṭṭahāsaṃ sakalabhayaharaṃ rāmacandraṃ bhaje'ham || 59

śrīrāmaṃ bhuvanaikasundaratanuṃ dhārādharaśyāmalaṃ

rājīvāyatalocanaṃ raghuvaraṃ rākendubimbānanam |

kodaṇḍādinijāyudhāśritabhujairbhrāntaṃ videhātmajā-

dhīśaṃ bhaktajanāvanaṃ raghuvaraṃ śrīrāmacandraṃ bhaje || 60

śrīvatsāṅkamudārakaustubhalasatpītāmbarālaṅkṛtaṃ

nānāratnavirājamānamakuṭaṃ nīlāmbudaśyāmalam |

kastūrīghanasāracarcitatanuṃ mandāramālādharaṃ

kandarpāyutasundaraṃ raghupatiṃ sītāsametaṃ bhaje || 61

sadānandadeve sahasrārapadme

galaccandrapīyūṣadhārāmṛtānte |

sthitaṃ rāmamūrtiṃ niṣeve niṣeve-

'nyadaivaṃ na seve na seve na seve || 62

sudhābhāsitadvīpamadhye vimāne

suparvālivṛkṣojjvale śeṣatalpe |

niṣaṇṇaṃ ramāṅkaṃ niṣeve niṣeve-

'nyadaivaṃ na seve na seve na seve || 63

cidaṃśaṃ samānandamānandakandaṃ

suṣumnākhyarandhrāntarāle ca haṃsam |

sacakraṃ saśaṅkhaṃ sapītāmbarāṅkaṃ

parañcānyadaivaṃ na jāne na jāne || 64

caturvedakūṭollasatkāraṇākhyaṃ

sphuraddivyavaimānike bhogitalpe |

parandhāmamūrtiṃ niṣaṇṇaṃ niṣeve

niṣeve'nyadaivaṃ na seve na seve || 65

siṃhāsanasthaṃ surasevitavyaṃ

ratnāṅkitālaṅkṛtapādapadmam |

sītāsametaṃ śaśisūryanetraṃ

rāmaṃ bhaje rāghava rāmacandram || 66

rāmaṃ purāṇapuruṣaṃ ramaṇīyaveṣaṃ

rājādhirājamakuṭārcitapādapīṭham |

sītāpatiṃ sunayanaṃ jagadekavīraṃ

śrīrāmacandramaniśaṃ kalayāmi citte || 67

parānandavastusvarūpādisākṣiṃ

parabrahmagamyaṃ parañjyotimūrtim |

parāśaktimitrā'priyārādhitāṅghriṃ

parandhāmarūpaṃ bhaje rāmacandram || 68

mandasmitaṃ kuṇḍalagaṇḍabhāgaṃ

pītāmbaraṃ bhūṣaṇabhūṣitāṅgam |

nīlotpalāṅgaṃ bhuvanaikamitraṃ

rāmaṃ bhaje rāghava rāmacandram || 69

acintyamavyaktamanantarūpa-

madvaitamānandamanādigamyam |

puṇyasvarūpaṃ puruṣottamākhyaṃ

rāmaṃ bhaje rāghava rāmacandram || 70

padmāsanasthaṃ surasevitavyaṃ

padmālayānandakaṭākṣavīkṣyam |

gandharvavidyādharagīyamānaṃ

rāmaṃ bhaje rāghava rāmacandram || 71

anantakīrtiṃ varadaṃ prasannaṃ

padmāsanaṃ sevakapārijātam |

rājādhirājaṃ raghuvīraketuṃ

rāmaṃ bhaje rāghava rāmacandram || 72

sugrīvamitraṃ sujanānurūpaṃ

laṅkāharaṃ rākṣasavaṃśanāśam |

vedāśrayāṅgaṃ vipulāyatākṣaṃ

rāmaṃ bhaje rāghava rāmacandram || 73

sakṛtpraṇatarakṣāyāṃ sākṣī yasya vibhīṣaṇaḥ |

sāparādhapratīkāraḥ sa śrīrāmo gatirmama || 74

phalamūlāśinau dāntau tāpasau dharmacāriṇau |

rakṣaḥkulavihantārau bhrātarau rāmalakṣmaṇau || 75

taruṇau rūpasampannau sukumārau mahābalau |

puṇḍarīka viśālākṣau cīrakṛṣṇājināmbarau || 76

kausalyānayanenduṃ daśarathamukhāravindamārtāṇḍam |

sītāmānasahaṃsaṃ rāmaṃ rājīvalocanaṃ vande || 77

bharjanaṃ bhavabījānāṃ mārjanaṃ sukhasampadām |

tarjanaṃ yamadūtānāṃ rāmarāmeti kīrtanam || 78

na jāne jānakī jāne rāma tvannāmavaibhavam |

sarveśo bhagavān śambhurvālmīkirvetti vā navā || 79

karataladhṛtacāpaṃ kālameghasvarūpaṃ

sarasijadalanetraṃ cāruhāsaṃ sugātram |

vicinutavanavāsaṃ vikramodagraveṣaṃ

praṇamata raghunāthaṃ jānakīprāṇanātham || 80

vidyutsphuranmakarakuṇḍaladīptacāru-

gaṇḍasthalaṃ maṇikirīṭavirājamānam |

pītāmbaraṃ jaladanīlamudārakāntiṃ

śrīrāmacandramaniśaṃ kalayāmi citte || 81

ratnollasajjvalitakuṇḍalagaṇḍabhāgaṃ

kastūrikātilakaśobhitaphālabhāgam |

karṇāntadīrghanayanaṃ karuṇākaṭākṣaṃ

śrīrāmacandra mukhamātmani sannidhattam || 82

vaidehīsahitaṃ ca lakṣmaṇayutaṃ kaikeyiputrānvitaṃ

sugrīvaṃ ca vibhīṣaṇānilasutau nīlaṃ nalaṃ sāṅgadam |

viśvāmitravasiṣṭhagautamabharadvājādikān mānayan

rāmo mārutisevitaḥ smaratu māṃ sāmrājyasiṃhāsane || 83

sakalaguṇanidhānaṃ yogibhisstūyamānaṃ

bhajitasuravimānaṃ rakṣitendrādimānam |

mahitavṛṣabhayānaṃ sītayā śobhamānaṃ

smaratu hṛdayabhānuṃ brahmarāmābhirāmam || 84

tridaśakumudacandro dānavāmbhojacandro

duritatimiracandro yogināṃ jñānacandraḥ |

praṇatanayanacandro maithilīnetracandro

daśamukharipucandraḥ pātu māṃ rāmacandraḥ || 85

yannāmaiva sahasranāmasadṛśaṃ yannāma vedaissamaṃ

yannāmāṅkitavākya-māsurabalastrīgarbhavicchedanam |

yannāma śvapacāryabhedarahitaṃ muktipradānojjvalaṃ

tannāmā'laghurāmarāmaramaṇaṃ śrīrāmanāmāmṛtam || 86

rājīvanetra raghupuṅgava rāmabhadra

rākendubimbasadṛśānana nīlagātra |

rāmā'bhirāma raghuvaṃśasamudbhava tvaṃ

śrīrāmacandra mama dehi karāvalambam || 87

māṇikyamañjīrapadāravindaṃ

rāmārkasamphullamukhāravindam |

bhaktābhayaprāpikarāravindāṃ

devīṃ bhaje rāghavavallabhāṃ tām || 88

jayatu vijayakārī jānakīmodakārī

tapanakulavihārī daṇḍakāraṇyacārī |

daśavadanakuṭhārī daityavicchedakārī

maṇimakuṭakadhārī caṇḍakodaṇḍadhārī || 89

rāmaḥ pitā raghava eva mātā

rāmassubandhuśca sakhā hitaśca |

rāmo gururme paramaṃ ca daivaṃ

rāmaṃ vinā nā'nyamahaṃ smarāmi || 90

śrīrāma me tvaṃ hi pitā ca mātā

śrīrāma me tvaṃ hi suhṛcca bandhuḥ |

śrīrāma me tvaṃ hi guruśca goṣṭhī

śrīrāma me tvaṃ hi samastameva || 91

rāmacandracaritāmṛtapānaṃ

somapānaśatakoṭisamānam |

somapānaśatakoṭibhirīyā-

jjanma naiti raghunāyakanāmnā || 92

rāma rāma dayāsindho rāvaṇāre jagatpate |

tvatpādakamalāsakti-rbhavejjanmani janmani || 93

śrīrāmacandreti dayāpareti

bhaktapriyeti bhavabandhanamocaneti |

nātheti nāgaśayaneti sadā stuvantaṃ

māṃ pāhi bhītamaniśaṃ kṛpaṇaṃ kṛpālo || 94

ayodhyānātha rājendra sītākānta jagatpate |

śrīrāma puṇḍarīkākṣa rāmacandra namo'stu te || 95

he rāma he ramaṇa he jagadekavīra

he nātha he raghupate karuṇālavāla |

he jānakīramaṇa he jagadekabandho

māṃ pāhi dīnamaniśaṃ kṛpaṇaṃ kṛtaghnam || 96

jānāti rāma tava tattvagatiṃ hanūmān |

jānāti rāma tava sakhyagatiṃ kapīśaḥ |

jānāti rāma tava yuddhagatiṃ daśāsyo |

jānāti rāma dhanadānuja eva satyam || 97

sevyaṃ śrīrāmamantraṃ śravaṇaśubhakaraṃ śreṣṭhasujñānimantraṃ

stavyaṃ śrīrāmamantraṃ narakaduritadurvāranirghātamantram |

bhavyaṃ śrīrāmamantraṃ bhajatu bhajatu saṃsāranistāramantraṃ

divyaṃ śrīrāmamantraṃ divi bhuvi vilasanmokṣarakṣaikamantram || 98

nikhilanilayamantraṃ nityatattvākhyamantraṃ

bhavakulaharamantraṃ bhūmijāprāṇamantram |

pavanajanutamantraṃ pārvatīmokṣamantraṃ

paśupatinijamantraṃ pātu māṃ rāmamantram || 99

praṇavanilayamantraṃ prāṇanirvāṇamantraṃ

prakṛtipuruṣamantraṃ brahmarudrendramantram |

prakaṭaduritarāgadveṣanirṇāśamantraṃ

raghupatinijamantraṃ rāmarāmetimantram || 100

daśarathasutamantraṃ daityasaṃhāramantraṃ

vibudhavinutamantraṃ viśvavikhyātamantram |

munigaṇanutamantraṃ muktimārgaikamantraṃ

raghupatinijamantraṃ rāmarāmetimantram || 101

saṃsārasāgarabhayāpahaviśvamantraṃ

sākṣānmumukṣujanasevitasiddhamantram |

sāraṅgahastamukhahastanivāsamantraṃ

kaivalyamantramaniśaṃ bhaja rāmamantram || 102

jayatu jayatu mantraṃ janmasāphalyamantraṃ

jananamaraṇabhedakleśavicchedamantram |

sakalanigamamantraṃ sarvaśāstraikamantraṃ

raghupatinijamantraṃ rāmarāmetimantram || 103

jagati viśadamantraṃ jānakīprāṇamantraṃ

vibudhavinutamantraṃ viśvavikhyātamantram |

daśarathasutamantraṃ daityasaṃhāramantraṃ

raghupatinijamantraṃ rāmarāmetimantram || 104

brahmādiyogimunipūjitasiddhamantraṃ

dāridryaduḥkhabhavarogavināśamantram |

saṃsārasāgarasamuttaraṇaikamantraṃ

vande mahābhayaharaṃ raghurāmamantram || 105

śatrucchedaikamantraṃ sarasamupaniṣadvākyasampūjyamantraṃ

saṃsārottāramantraṃ samucitasamaye saṅganiryāṇamantram |

sarvaiśvaryaikamantraṃ vyasanabhujagasandaṣṭasantrāṇamantraṃ

jihve śrīrāmamantraṃ japa japa saphalaṃ janmasāphalyamantram || 106

nityaṃ śrīrāmamantraṃ nirupamamadhikaṃ nītisujñānamantraṃ

satyaṃ śrīrāmamantraṃ sadamalahṛdaye sarvadārogyamantram |

stutyaṃ śrīrāmamantraṃ sulalitasumanassaukhyasaubhāgyamantraṃ

paṭhyaṃ śrīrāmamantraṃ pavanajavaradaṃ pātu māṃ rāmamantram || 107

vyāmohapraśamauṣadhaṃ munimanovṛttipravṛttyauṣadhaṃ

daityonmūlakarauṣadhaṃ bhavabhayapradhvaṃsanaikauṣadham |

bhaktānandakarauṣadhaṃ tribhuvane sañjīvanaikauṣadhaṃ

śreyaḥ prāptikarauṣadhaṃ piba manaḥ śrīrāmanāmauṣadham || 108

sakalabhuvanaratnaṃ sarvaśāstrārtharatnaṃ

samaravijayaratnaṃ saccidānandaratnam |

daśamukhahararatnaṃ dānavārātiratnaṃ

raghukulanṛparatnaṃ pātu māṃ rāmaratnam || 109

sakalabhuvanaratnaṃ saccidānandaratnaṃ

sakalahṛdayaratnaṃ sūryabimbāntaratnam |

vimalasukṛtaratnaṃ vedavedāntaratnaṃ

puraharajaparatnaṃ pātu māṃ rāmaratnam || 110

nigamaśikhararatnaṃ nirmalānandaratnaṃ

nirupamaguṇaratnaṃ nādanādāntaratnam |

daśarathakularatnaṃ dvādaśāntasstharatnaṃ

paśupatijaparatnaṃ pātu māṃ rāmaratnam || 111

śatamakhasutaratnaṃ ṣoḍaśāntasstharatnaṃ

munijanajaparatnaṃ mukhyavaikuṇṭharatnam |

nirupamaguṇaratnaṃ nīrajāntasstharatnaṃ

paramapadaviratnaṃ pātu māṃ rāmaratnam || 112

sakalasukṛtaratnaṃ satyavākyārtharatnaṃ

śamadamaguṇaratnaṃ śāśvatānandaratnam |

praṇayanilayaratnaṃ prasphuṭadyotiratnaṃ

paramapadaviratnaṃ pātu māṃ rāmaratnam || 113

nigamaśikhararatnaṃ nityamāśāsyaratnaṃ

jananutanṛparatnaṃ jānakīrūparatnam |

bhuvanavalayaratnaṃ bhūbhujāmekaratnaṃ

raghukulavararatnaṃ pātu māṃ rāmaratnam || 114

viśālanetraṃ paripūrṇagātraṃ

sītākalatraṃ suravairijaitram |

kāruṇyapātraṃ jagataḥ pavitraṃ

śrīrāmaratnaṃ praṇato'smi nityam || 115

he gopālaka he dayājalanidhe he sadguṇāmbhonidhe

he daityāntaka he vibhīṣaṇadayāparīṇa he bhūpate |

he vaidehasutāmanojavihṛte he koṭimārākṛte

he navyāmbujanetra pālaya paraṃ jānāmi na tvāṃ vinā || 116

yasya kiñcidapi no haraṇīyaṃ

karma kiñcidapi no caraṇīyam |

rāmanāma ca sadā smaraṇīyaṃ

līlayā bhavajalaṃ taraṇīyam || 117

daśarathasutamīśaṃ daṇḍakāraṇyavāsaṃ

śatamakhamaṇinīlaṃ jānakīprāṇalolam |

sakalabhuvanamohaṃ sannutāmbhodadehaṃ

bahulanutasamudraṃ bhāvaye rāmabhadram || 118

viśālanetraṃ paripūrṇagātraṃ

sītākalatraṃ suravairijaitram |

jagatpavitraṃ paramātmatantraṃ

śrīrāmacandraṃ praṇamāmi citte || 119

jaya jaya raghurāma śrīmukhāmbhojabhāno

jaya jaya raghuvīra śrīmadambhojanetra |

jaya jaya raghunātha śrīkarābhyarcitāṅghri

jaya jaya raghuvarya śrīśa kāruṇyasindho || 120

mandāramūle maṇipīṭhasaṃsthaṃ

sudhāplutaṃ divyavirāṭsvarūpam |

sabindunādāntakalāntaturya-

mūrtiṃ bhaje'haṃ raghuvaṃśaratnam || 121

nādaṃ nādavinīlacittapavanaṃ nādāntattvapriyaṃ

nāmākāravivarjitaṃ navaghanaśyāmāṅganādapriyam |

nādāmbhojamarandamattavilasadbhṛṅgaṃ madāntassthitaṃ

nādāntadhṛvamaṇḍalābjaruciraṃ rāmaṃ bhaje tārakam || 122

nānābhūtahṛdabjapadmanilayaṃ nāmojjvalābhūṣaṇam |

nāmastotrapavitritatribhuvanaṃ nārāyaṇāṣṭākṣaram |

nādāntendugalatsudhāplutatanuṃ nānātmacinmātrakam |

nānākoṭiyugāntabhānusadṛśaṃ rāmaṃ bhaje tārakam || 123

vedyaṃ vedaguruṃ viriñcijanakaṃ vedāntamūrtiṃ sphura-

dvedaṃ vedakalāpamūlamahimādhārāntakandāṅkuram |

vedaśṛṅgasamānaśeṣaśayanaṃ vedāntavedyātmakaṃ

vedārādhitapādapaṅkajamahaṃ rāmaṃ bhaje tārakam || 124

majjīvaṃ madanugrahaṃ madadhipaṃ madbhāvanaṃ matsukhaṃ

mattātaṃ mama sadguruṃ mama varaṃ mohāndhavicchedanam |

matpuṇyaṃ madanekabāndhavajanaṃ majjīvanaṃ mannidhiṃ

matsiddhiṃ mama sarvakarmasukṛtaṃ rāmaṃ bhaje tārakam || 125

nityaṃ nīrajalocanaṃ nirupamaṃ nīvāraśūkopamaṃ

nirbhedānubhavaṃ nirantaraguṇaṃ nīlāṅgarāgojjvalam |

niṣpāpaṃ nigamāgamārcitapadaṃ nityātmakaṃ nirmalaṃ

niṣpuṇyaṃ nikhilaṃ nirañjanapadaṃ rāmaṃ bhaje tārakam || 126

dhyāye tvāṃ hṛdayāmbuje raghupatiṃ vijñānadīpāṅkuraṃ

haṃsohaṃsaparamparādimahimādhāraṃ jaganmohanam |

hastāmbhojagadābjacakramatulaṃ pītāmbaraṃ kaustubhaṃ

śrīvatsaṃ puruṣottamaṃ maṇinibhaṃ rāmaṃ bhaje tārakam || 127

satyajñānamanantamacyutamajaṃ cāvyākṛtaṃ tatparaṃ

kūṭasthādisamastasākṣimanaghaṃ sākṣādvirāṭtattvadam |

vedyaṃ viśvamayaṃ svalīnabhuvanasvārājyasaukhyapradaṃ

pūrṇaṃ pūrṇataraṃ purāṇapuruṣaṃ rāmaṃ bhaje tārakam || 128

rāmaṃ rākṣasavaṃśanāśanakaraṃ rākendubimbānanaṃ

rakṣoriṃ raghuvaṃśavardhanakaraṃ raktādharaṃ rāghavam |

rādhāyātmanivāsinaṃ ravinibhaṃ ramyaṃ ramānāyakaṃ

randhrāntargataśeṣaśāyinamahaṃ rāmaṃ bhaje tārakam || 129

otaprotasamastavastunicayaṃ oṅkārabījākṣaraṃ

oṅkāraprakṛtiṃ ṣaḍakṣarahitaṃ oṅkārakandāṅkuram |

oṅkārasphuṭabhūrbhuvassuparitaṃ oghatrayārādhitam

oṅkārojjvalasiṃhapīṭhanilayaṃ rāmaṃ bhaje tārakam || 130

sākete nagare samastasukhade harmye'bjakoṭidyute

nakṣatragrahapaṅktilagnaśikhare cāntaryapaṅkeruhe |

vālmīkātriparāśarādimunibhissaṃsevyamānaṃ sthitaṃ

sītālaṅkṛtavāmabhāgamaniśaṃ rāmaṃ bhaje tārakam || 131

vaikuṇṭhe nagare suradrumatale cānandavaprāntare

nānāratnavinirmitasphuṭapaṭuprākārasaṃveṣṭite |

saudhendūpalaśeṣatalpalalite nīlotpalacchādite

paryaṅke śayanaṃ ramādisahitaṃ rāmaṃ bhaje tārakam || 132

vande rāmamanādipūruṣamajaṃ vande ramānāyakaṃ

vande hārikirīṭakuṇḍaladharaṃ vande sunīladyutim |

vande cāpakalambakojjvalakaraṃ vande jaganmaṅgalaṃ

vande paṅktirathātmajaṃ mama guruṃ vande sadā rāghavam || 133

vande śaunakagautamādyabhinutaṃ vande ghanaśyāmalaṃ

vande tārakapīṭhamadhyanilayaṃ vande jagannāyakam |

vande bhaktajanaughadevivaṭapaṃ vande dhanurvallabhaṃ

vande tattvamasītivākyajanakaṃ vande sadā rāghavam || 134

vande sūryaśaśāṅkalocanayugaṃ vande jagatpāvanaṃ

vande patrasahasrapadmanilayaṃ vande purāripriyam |

vande rākṣasavaṃśanāśanakaraṃ vande sudhāśītalaṃ

vande devakapīndrakoṭivinutaṃ vande sadā rāghavam || 135

vande sāgaragarvabhaṅgaviśikhaṃ vande jagajjīvanaṃ

vande kauśikayāgarakṣaṇakaraṃ vande guruṇāṃ gurum |

vande bāṇaśarāsanojjvalakaraṃ vande jaṭāvalkalaṃ

vande lakṣmaṇabhūmijānvitamahaṃ vande sadā rāghavam || 136

vande pāṇḍarapuṇḍarīkanayanaṃ vande'bjabimbānanaṃ

vande kambugalaṃ karābjayugalaṃ vande lalāṭojjvalam |

vande pītadukūlamambudanibhaṃ vande jaganmohanaṃ

vande kāraṇamānuṣojjvalatanuṃ vande sadā rāghavam || 137

vande nīlasarojakomalaruciṃ vande jagadvanditaṃ

vande sūryakulābdhikaustubhamaṇiṃ vande surārādhitam |

vande pātakapañcakapraharaṇaṃ vande jagatkāraṇaṃ

vande viṃśatipañcatattvarahitaṃ vande sadā rāghavam || 138

vande sādhakavargakalpakataruṃ vande trimūrtyātmakaṃ

vande nādalayāntarasthalagataṃ vande trivargātmakam |

vande rāgavihīnacittasulabhaṃ vande sabhānāyakaṃ

vande pūrṇadayāmṛtārṇavamahaṃ vande sadā rāghavam || 139

vande sāttvikatattvamudritatanuṃ vande sudhādāyakaṃ

vande cārucaturbhujaṃ maṇinibhaṃ vande ṣaḍabjasthitam |

vande brahmapipīlikādinilayaṃ vande virāṭvigrahaṃ

vande pannagatalpaśāyinamahaṃ vande sadā rāghavam || 140

siṃhāsanasthaṃ munisiddhasevyaṃ

raktotpalālaṅkṛtapādapadmam |

sītāsametaṃ śaśisūryanetraṃ

rāmaṃ bhaje rāghavarāmacandram || 141

śrīrāmabhadrāśritasadgurūṇāṃ

pādāravindaṃ bhajatāṃ narāṇām |

ārogyamaiśvaryamanantakīrti-

rante ca viṣṇoḥ padamasti satyam || 142

daśarathavaraputraṃ jānakīsatkalatraṃ

daśamukhaharadakṣaṃ padmapatrāyatākṣam |

karadhṛtaśaracāpaṃ cārumuktākalāpaṃ

raghukulanṛvareṇyaṃ rāmamīḍe śaraṇyam || 143

daśamukhagajasiṃhaṃ daityagarvātiraṃhaṃ

kadanabhayadahastaṃ tārakabrahma śastam |

maṇikhacitakirīṭaṃ mañjulālāpavāṭaṃ

daśarathakulacandraṃ rāmacandraṃ bhaje'ham || 144

rāmaṃ raktasaroruhākṣamamalaṃ laṅkādhināthāntakaṃ

kausalyānayanotsukaṃ raghuvaraṃ nāgendratalpasthitam |

vaidehīkucakumbhakuṅkumarajolaṅkārahāraṃ hariṃ

māyāmānuṣavigrahaṃ raghupatiṃ sītāsametaṃ bhaje || 145

rāmaṃ rākṣasamardanaṃ raghuvaraṃ daiteyabhidhvaṃsinaṃ

sugrīvepsitarājyadaṃ surapaterbhītyantakaṃ śār‍ṅgiṇam |

bhaktānāmabhayapradaṃ bhayaharaṃ pāpaughavidhvaṃsinaṃ

sāmīristutapādapadmayugalaṃ sītāsametaṃ bhaje || 146

yatpādāmbujareṇunā munisatī muktiṅgatā yanmahaḥ

puṇyaṃ pātakanāśanaṃ trijagatāṃ bhāti smṛtaṃ pāvanam |

smṛtvā rāghavamaprameyamamalaṃ pūrṇendumandasmitaṃ

taṃ rāmaṃ sarasīruhākṣamamalaṃ sītāsametaṃ bhaje || 147

vaidehīkucamaṇḍalāgra-vilasanmāṇikyahastāmbujaṃ

cañcatkaṅkaṇahāranūpura-lasatkeyūrahārānvitam |

divyaśrīmaṇikuṇḍalojjvala-mahābhūṣāsahasrānvitaṃ

vīraśrīraghupuṅgavaṃ guṇanidhiṃ sītāsametaṃ bhaje || 148

vaidehīkucamaṇḍalopari-lasanmāṇikyahārāvalī-

madhyasthaṃ navanītakomalaruciṃ nīlotpalaśyāmalam |

kandarpāyutakoṭisundaratanuṃ pūrṇendubimbānanaṃ

kausalyākulabhūṣaṇaṃ raghupatiṃ sītāsametaṃ bhaje || 149

divyāraṇyayatīndranāmanagare madhye mahāmaṇṭape

svarṇastambhasahasraṣoḍaśayute mandāramūlāśrite |

nānāratnavicitranirmalamahāsiṃhāsane saṃsthitaṃ

sītālakṣmaṇasevitaṃ raghupatiṃ sītāsametaṃ bhaje || 150

kastūrītilakaṃ kapīndraharaṇaṃ kāruṇyavārānnidhiṃ

kṣīrāmbhodhisutāmukhābjamadhupaṃ kalyāṇasampannidhim |

kausalyānayanotsukaṃ kapivaratrāṇaṃ mahāpauruṣaṃ

kaumārapriyamarkakoṭisadṛśaṃ sītāsametaṃ bhaje || 151

vidyutkoṭidivākaradyutinibhaṃ śrīkaustubhālaṅkṛtaṃ

yogīndraissanakādibhiḥ parivṛtaṃ kailāsanāthapriyam |

muktāratnakirīṭakuṇḍaladharaṃ graiveyahārānvitaṃ

vaidehīkucasannivāsamaniśaṃ sītāsametaṃ bhaje || 152

meghaśyāmalamambujātanayanaṃ vistīrṇavakṣassthalaṃ

bāhudvandvavirājitaṃ suvadanaṃ śoṇāṅghripaṅkeruham |

nānāratnavicitrabhūṣaṇayutaṃ kodaṇḍabāṇāṅkitaṃ

trailokyā'pratimānasundaratanuṃ sītāsametaṃ bhaje || 153

vaidehīyutavāmabhāgamatulaṃ vandārumandārakaṃ

vande prastutakīrtivāsitatarucchāyānukāriprabham |

vaidehīkucakuṅkumāṅkitamahoraskaṃ mahābhūṣaṇaṃ

vedāntairupagīyamānamasakṛtsītāsametaṃ bhaje || 154

devānāṃ hitakāraṇena bhuvane dhṛtvā'vatāraṃ dhruvaṃ

rāmaṃ kauśikayajñavighnadalanaṃ tattāṭakāsaṃharam |

nityaṃ gautamapatniśāpadalanaśrīpādareṇuṃ śubhaṃ

śambhorutkaṭacāpakhaṇḍanamahāsatvaṃ bhaje rāghavam || 155

śrīrāmaṃ navaratnakuṇḍaladharaṃ śrīrāmarakṣāmaṇiṃ

śrīrāmaṃ ca sahasrabhānusadṛśaṃ śrīrāmacandrodayam |

śrīrāmaṃ śrutakīrtimākaramahaṃ śrīrāmamuktipradaṃ

śrīrāmaṃ raghunandanaṃ bhayaharaṃ śrīrāmacandraṃ bhaje || 156

rāmamindīvaraśyāmaṃ rājīvāyatalocanam |

jyāghoṣanirjitārātiṃ jānakīramaṇaṃ bhaje || 157

dīrghabāhumaravindalocanaṃ

dīnavatsalamanātharakṣakam |

dīkṣitaṃ sakalalokarakṣaṇe

daivataṃ daśarathātmajaṃ bhaje || 158

prātassmarāmi raghunāthamukhāravindaṃ

mandasmitaṃ madhurabhāṣi viśālaphālam |

karṇāvalambicalakuṇḍalagaṇḍabhāgaṃ

karṇāntadīrghanayanaṃ nayanābhirāmam || 159

prātarbhajāmi raghunāthakarāravindaṃ

rakṣogaṇāya bhayadaṃ varadaṃ nijebhyaḥ |

yadrājasaṃsadi vibhidya maheśacāpaṃ

sītākaragrahaṇamaṅgalamāpa sadyaḥ || 160

prātarnamāmi raghunāthapadāravindaṃ

padmāṅkuśādiśubharekhaśubhāvahaṃ ca |

yogīndramānasamadhuvratasevyamānaṃ

śāpāpahaṃ sapadi gautamadharmapatnyāḥ || 161

prātarvadāmi vacasā raghunāthanāma

vāgdoṣahāri sakalaṃ kaluṣaṃ nihantṛ |

yatpārvatī svapatinā saha bhoktukāmā

prītyā sahasraharināmasamaṃ jajāpa || 162

prātaḥ śraye śrutinutaṃ raghunāthamūrtiṃ

nīlāmbudotpalasitetararatnanīlām |

āmuktamauktikaviśeṣavibhūṣaṇāḍhyāṃ

dhyeyāṃ samastamunibhirnijabhṛtyamukhyaiḥ || 163

raghukulavaranātho jānakīprāṇanāthaḥ

pitṛvacanavidhātā kīśarājyapradātā |

pratiniśicaranāśaḥ prāptarājyapraveśo

vihitabhuvanarakṣaḥ pātu padmāyatākṣaḥ || 164

kuvalayadalanīlaḥ pītavāsāḥ smitāsyo

vividharucirabhūṣābhūṣito divyamūrtiḥ |

daśarathakulanātho jānakīprāṇanātho

nivasatu mama citte sarvadā rāmacandraḥ || 165

jayatu jayatu rāmo jānakīvallabho'yaṃ

jayatu jayatu rāmaścandracūḍārcitāṅghriḥ |

jayatu jayatu vāṇīnāthanāthaḥ parātmā

jayatu jayatu rāmo'nāthanāthaḥ kṛpāluḥ || 166

vadatu vadatu vāṇī rāmarāmeti nityaṃ

jayatu jayatu cittaṃ rāmapādāravindam |

namatu namatu dehaṃ santataṃ rāmacandraṃ

na bhavatu mama pāpaṃ janmajanmāntareṣu || 167

ānandarūpaṃ varadaṃ prasannaṃ

siṃhekṣaṇaṃ sevakapārijātam |

nīlotpalāṅgaṃ bhuvanaikamitraṃ

rāmaṃ bhaje rāghavarāmacandram || 168

laṅkāvirāmaṃ raṇaraṅgabhīmaṃ

rājīvanetraṃ raghuvaṃśamitram |

kāruṇyamūrtiṃ karuṇāprapūrtiṃ

śrīrāmacandraṃ śaraṇaṃ prapadye || 169

sugrīvamitraṃ paramaṃ pavitraṃ

sītākalatraṃ navahemasūtram |

kāruṇyapātraṃ śatapatranetraṃ

śrīrāmacandraṃ śirasā namāmi || 170

śrīrāghaveti ramaṇeti raghūdvaheti

rāmeti rāvaṇahareti ramādhaveti |

sāketanāthasumukheti ca suvrateti

vāṇī sadā vadatu rāma hare hareti || 171

śrīrāmanāmāmṛtamantrabījaṃ

sañjīvanaṃ cenmanasi pratiṣṭham |

hālāhalaṃ vā pralayānalaṃ vā

mṛtyormukhaṃ vā vitathīkaroti || 172

kiṃ yogaśāstraiḥ kimaśeṣavidyā

kiṃ yāgagaṅgādiviśeṣatīrthaiḥ |

kiṃ brahmacaryāśramasañcareṇa

bhaktirnacette raghuvaṃśakīrtyām || 173

idaṃ śarīraṃ ślathasandhijarjharaṃ

patatyavaśyaṃ pariṇāmapeśalam |

kimauṣathaṃ pṛcchasi mūḍha durmate

nirāmayaṃ rāmakathāmṛtaṃ piba || 174

he rāmabhadrāśraya he kṛpālo

he bhaktalokaikaśaraṇyamūrte |

punīhi māṃ tvaccaraṇāravindaṃ

jagatpavitraṃ śaraṇaṃ mamā'stu || 175

nīlābhradeha nikhileśa jagannivāsa

rājīvanetra ramaṇīyaguṇābhirāma |

śrīdāma daityakulamardana rāmacandra

tvatpādapadmamaniśaṃ kalayāmi citte || 176

śrīrāmacandra karuṇākara dīnabandho

sītāsameta bharatāgraja rāghaveśa |

pāpārtibhañjana bhayāturadīnabandho

pāpāmbudhau patitamuddhara māmanātham || 177

indīvaradalaśyāma-mindukoṭinibhānanam |

kandarpakoṭilāvaṇyaṃ vande'haṃ raghunandanam || 175

iti śrībodhendrasarasvatī kṛta śrīrāmakarṇāmṛtam ||

🕉️ This is the original Sanskrit rendered in Kannada script. Pronunciation is identical to the Sanskrit Devanagari version.

ಶ್ರೀ ರಾಮ ಕರ್ಣಾಮೃತಮ್