ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ಪಞ್ಚಮಃ ಪ್ರಪಾಠಕಃ - ಇಷ್ಟಿಹೌತ್ರಮ್
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ,
ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ಅನುವಾಕಂ 1 - ಹೋತುರ್ಜಪಃ ಪುರಸ್ತಾ-ಥ್ಸಾಮಿಧೇನೀನಾಮ್
ಸ॒ತ್ಯ-ಮ್ಪ್ರಪ॑ದ್ಯೇ । ಋ॒ತ-ಮ್ಪ್ರಪ॑ದ್ಯೇ ।
ಅ॒ಮೃತ॒-ಮ್ಪ್ರಪ॑ದ್ಯೇ ।
ಪ್ರ॒ಜಾಪ॑ತೇಃ ಪ್ರಿ॒ಯಾ-ನ್ತ॒ನುವ॒ಮನಾ᳚ರ್ತಾ॒-ಮ್ಪ್ರಪ॑ದ್ಯೇ ।
ಇ॒ದಮ॒ಹ-ಮ್ಪ॑ಞ್ಚದ॒ಶೇನ॒ ವಜ್ರೇ॑ಣ ।
ದ್ವಿ॒ಷನ್ತ॒-ಮ್ಭ್ರಾತೃ॑ವ್ಯ॒ಮವ॑ಕ್ರಾಮಾಮಿ ।
ಯೋ᳚-ಽಸ್ಮಾ-ನ್ದ್ವೇಷ್ಟಿ॑ । ಯ-ಞ್ಚ॑ ವ॒ಯ-ನ್ದ್ವಿ॒ಷ್ಮಃ ।
ಭೂರ್ಭುವ॒-ಸ್ಸುವಃ॑ । ಹಿಮ್ ॥ 1 ॥
(ಸ॒ತ್ಯ-ನ್ದಶ॑) (ಅ. 1)
ಅನುವಾಕಂ 2 - ಸಾಮಿಧೇನೀಮ್ರನ್ವಾಹ
ಪ್ರ ವೋ॒ ವಾಜಾ॑ ಅ॒ಭಿದ್ಯ॑ವಃ । ಹ॒ವಿಷ್ಮ॑ನ್ತೋ ಘೃ॒ತಾಚ್ಯಾ᳚ ।
ದೇ॒ವಾಞ್ಜಿ॑ಗಾತಿ ಸುಮ್ನ॒ಯುಃ ॥ ಅಗ್ನ॒ ಆಯಾ॑ಹಿ ವೀ॒ತಯೇ᳚ । ಗೃ॒ಣಾ॒ನೋ ಹ॒ವ್ಯದಾ॑ತಯೇ । ನಿ ಹೋತಾ॑ ಸಥ್ಸಿ ಬ॒ರ॒ಃಇಷಿ॑ ॥ ತ-ನ್ತ್ವಾ॑ ಸ॒ಮಿದ್ಭಿ॑ರಙ್ಗಿರಃ । ಘೃ॒ತೇನ॑ ವರ್ಧಯಾಮಸಿ । ಬೃ॒ಹಚ್ಛೋ॑ಚಾ ಯವಿಷ್ಠ್ಯ ॥ ಸ ನಃ॑ ಪೃ॒ಥು ಶ್ರ॒ವಾಯ್ಯ᳚ಮ್ ॥ 2 ॥
ಅಚ್ಛಾ॑ ದೇವ ವಿವಾಸಸಿ । ಬೃ॒ಹದ॑ಗ್ನೇ ಸು॒ವೀರ್ಯ᳚ಮ್ ॥
ಈ॒ಡೇನ್ಯೋ॑ ನಮ॒ಸ್ಯ॑ಸ್ತಿ॒ರಃ । ತಮಾಗ್ಂ॑ಸಿ ದರ್ಶ॒ತಃ । ಸಮ॒ಗ್ನಿರಿ॑ದ್ಧ್ಯತೇ॒ ವೃಷಾ᳚ ॥ ವೃಷೋ॑ ಅ॒ಗ್ನಿ-ಸ್ಸಮಿ॑ದ್ಧ್ಯತೇ । ಅಶ್ವೋ॒ ನ ದೇ॑ವ॒ವಾಹ॑ನಃ ।
ತಗ್ಂ ಹ॒ವಿಷ್ಮ॑ನ್ತ ಈಡತೇ ॥ ವೃಷ॑ಣ-ನ್ತ್ವಾ ವ॒ಯಂ-ವೃಁಷನ್ನ್॑ । ವೃಷಾ॑ಣ॒-ಸ್ಸಮಿ॑ಧೀಮಹಿ ॥ 3 ॥
ಅಗ್ನೇ॒ ದೀದ್ಯ॑ತ-ಮ್ಬೃ॒ಹತ್ ॥ ಅ॒ಗ್ನಿ-ನ್ದೂ॒ತಂ-ವೃಁ॑ಣೀಮಹೇ ।
ಹೋತಾ॑ರಂ-ವಿಁ॒ಶ್ವವೇ॑ದಸಮ್ । ಅ॒ಸ್ಯ ಯ॒ಜ್ಞಸ್ಯ॑ ಸು॒ಕ್ರತು᳚ಮ್ ॥ ಸ॒ಮಿ॒ದ್ಧ್ಯಮಾ॑ನೋ ಅದ್ಧ್ವ॒ರೇ । ಅ॒ಗ್ನಿಃ ಪಾ॑ವ॒ಕ ಈಡ್ಯಃ॑ । ಶೋ॒ಚಿಷ್ಕೇ॑ಶ॒ಸ್ತಮೀ॑ಮಹೇ ॥ ಸಮಿ॑ದ್ಧೋ ಅಗ್ನ ಆಹುತ । ದೇ॒ವಾನ್. ಯ॑ಕ್ಷಿ ಸ್ವದ್ಧ್ವರ । ತ್ವಗ್ಂ ಹಿ ಹ॑ವ್ಯ॒ವಾಡಸಿ॑ ॥
ಆಜು॑ಹೋತ ದುವ॒ಸ್ಯತ॑ । ಅ॒ಗ್ನಿ-ಮ್ಪ್ರ॑ಯ॒ತ್ಯ॑ದ್ಧ್ವ॒ರೇ ।
ವೃ॒ಣೀ॒ದ್ಧ್ವಗ್ಂ ಹ॑ವ್ಯ॒ವಾಹ॑ನಮ್ ॥
ತ್ವಂ-ವಁರು॑ಣ ಉ॒ತ ಮಿ॒ತ್ರೋ ಅ॑ಗ್ನೇ । ತ್ವಾಂ-ವಁ॑ರ್ಧನ್ತಿ ಮ॒ತಿಭಿ॒ರ್ವಸಿ॑ಷ್ಠಾಃ । ತ್ವೇ ವಸು॑ ಸುಷಣ॒ನಾನಿ॑ ಸನ್ತು । ಯೂ॒ಯ-ಮ್ಪಾ॑ತ ಸ್ವ॒ಸ್ತಿಭಿ॒-ಸ್ಸದಾ॑ ನಃ ॥ 4 ॥
(ಶ್ರ॒ವಾಯ್ಯ॑ - ಮಿಧೀಮ॒ - ಹ್ಯಸಿ॑ ಸ॒ಪ್ತ ಚ॑) (ಅ. 2)
ಅನುವಾಕಂ 3 - ಪ್ರರಮುಕ್ತ್ವಾ ನಿವಿದೋ-ಽನೂಚ್ಯ ದೇವತಾ ಆವಾಹಯತಿ
ಅಗ್ನೇ॑ ಮ॒ಹಾಗ್ಂ ಅ॑ಸಿ ಬ್ರಾಹ್ಮಣ ಭಾರತ । ಅಸಾ॒ವಸೌ᳚ ॥
ದೇ॒ವೇದ್ಧೋ॒ ಮನ್ವಿ॑ದ್ಧಃ । ಋಷಿ॑ಷ್ಟುತೋ॒ ವಿಪ್ರಾ॑ನುಮದಿತಃ । ಕ॒ವಿ॒ಶ॒ಸ್ತೋ ಬ್ರಹ್ಮ॑ಸಗ್ಂಶಿತೋ ಘೃ॒ತಾಹ॑ವನಃ ।
ಪ್ರ॒ಣೀ-ರ್ಯ॒ಜ್ಞಾನಾ᳚ಮ್ । ರ॒ಥೀರ॑ದ್ಧ್ವ॒ರಾಣಾ᳚ಮ್ ।
ಅ॒ತೂರ್ತೋ॒ ಹೋತಾ᳚ । ತೂರ್ಣಿ॑ರ್ಹವ್ಯ॒ವಾಟ್ ।
ಆಸ್ಪಾತ್ರ॑-ಞ್ಜು॒ಹೂ-ರ್ದೇ॒ವಾನಾ᳚ಮ್ ॥ 5 ॥
ಚ॒ಮ॒ಸೋ ದೇ॑ವ॒ಪಾನಃ॑ । ಅ॒ರಾಗ್ಂ ಇ॑ವಾಗ್ನೇ ನೇ॒ಮಿರ್ದೇ॒ವಾಗ್ಸ್ತ್ವ-ಮ್ಪ॑ರಿ॒ಭೂರ॑ಸಿ । ಆವ॑ಹ ದೇ॒ವಾನ್. ಯಜ॑ಮಾನಾಯ ॥ ಅ॒ಗ್ನಿಮ॑ಗ್ನ॒ ಆವ॑ಹ । ಸೋಮ॒ಮಾವ॑ಹ ।
ಅ॒ಗ್ನಿಮಾವ॑ಹ । ಪ್ರ॒ಜಾಪ॑ತಿ॒ಮಾವ॑ಹ । ಅ॒ಗ್ನೀಷೋಮಾ॒ವಾವ॑ಹ । ಇ॒ನ್ದ್ರಾ॒ಗ್ನೀ ಆವ॑ಹ । ಇನ್ದ್ರ॒ಮಾವ॑ಹ । ಮ॒ಹೇ॒ನ್ದ್ರಮಾವ॑ಹ । ದೇ॒ವಾಗ್ಂ ಆ᳚ಜ್ಯ॒ಪಾಗ್ಂ ಆವ॑ಹ ।
ಅ॒ಗ್ನಿಗ್ಂ ಹೋ॒ತ್ರಾಯಾವ॑ಹ । ಸ್ವ-ಮ್ಮ॑ಹಿ॒ಮಾನ॒ಮಾವ॑ಹ । ಆ ಚಾ᳚ಗ್ನೇ ದೇ॒ವಾನ್. ವಹ॑ । ಸು॒ಯಜಾ॑ ಚ ಯಜ ಜಾತವೇದಃ ॥ 6 ॥
(ದೇ॒ವಾನಾ॒-ಮಿನ್ದ್ರ॒ಮಾವ॑ಹ॒ ಷಟ್ಚ॑) (ಅ. 3)
ಅನುವಾಕಂ 4 - ಸ್ರುಚಾವಾದಾಪಯತಿ
ಅ॒ಗ್ನಿರ್-ಹೋತಾ॒ ವೇತ್ವ॒ಗ್ನಿಃ । ಹೋ॒ತ್ರಂ-ವೇಁ᳚ತ್ತು ಪ್ರಾವಿ॒ತ್ರಮ್ । ಸ್ಮೋ ವ॒ಯಮ್ । ಸಾ॒ಧು ತೇ॑ ಯಜಮಾನ ದೇ॒ವತಾ᳚ । ಘೃ॒ತವ॑ತೀ-ಮದ್ಧ್ವರ್ಯೋ॒ ಸ್ರುಚ॒ಮಾ-ಽಸ್ಯ॑ಸ್ವ । ದೇ॒ವಾ॒ಯುವಂ॑-ವಿಁ॒ಶ್ವವಾ॑ರಾಮ್ । ಈಡಾ॑ಮಹೈ ದೇ॒ವಾಗ್ಂ ಈ॒ಡೇನ್ಯಾನ್॑ ।
ನ॒ಮ॒ಸ್ಯಾಮ॑ ನಮ॒ಸ್ಯಾನ್॑ । ಯಜಾ॑ಮ ಯ॒ಜ್ಞಿಯಾನ್॑ ॥ 7 ॥
(ಅ॒ಗ್ನಿರ್-ಹೋತಾ॒ ನವ॑) (ಅ. 4)
ಅನುವಾಕಂ 5 - ಪ್ರಯಾಜಾಃ
ಸ॒ಮಿಧೋ॑ ಅಗ್ನ॒ ಆಜ್ಯ॑ಸ್ಯ ವಿಯನ್ತು । ತನೂ॒ನಪಾ॑ದಗ್ನ॒ ಆಜ್ಯ॑ಸ್ಯ ವೇತು । ಇ॒ಡೋ ಅ॑ಗ್ನ॒ ಆಜ್ಯ॑ಸ್ಯ ವಿಯನ್ತು । ಬ॒ರ್॒ಹಿರ॑ಗ್ನ॒ ಆಜ್ಯ॑ಸ್ಯ ವೇತು । ಸ್ವಾಹಾ॒-ಽಗ್ನಿಮ್ । ಸ್ವಾಹಾ॒ ಸೋಮ᳚ಮ್ । ಸ್ವಾಹಾ॒-ಽಗ್ನಿಮ್ । ಸ್ವಾಹಾ᳚ ಪ್ರ॒ಜಾಪ॑ತಿಮ್ ।
ಸ್ವಾಹಾ॒-ಽಗ್ನೀಷೋಮೌ᳚ । ಸ್ವಾಹೇ᳚ನ್ದ್ರಾ॒ಗ್ನೀ । ಸ್ವಾಹೇನ್ದ್ರ᳚ಮ್ ।
ಸ್ವಾಹಾ॑ ಮಹೇ॒ನ್ದ್ರಮ್ । ಸ್ವಾಹಾ॑ ದೇ॒ವಾಗ್ಂ ಆ᳚ಜ್ಯ॒ಪಾನ್ । ಸ್ವಾಹಾ॒-ಽಗ್ನಿಗ್ಂ ಹೋ॒ತ್ರಾಜ್ಜು॑ಷಾ॒ಣಾಃ ।
ಅಗ್ನ॒ ಆಜ್ಯ॑ಸ್ಯ ವಿಯನ್ತು ॥ 8 ॥
(ಇ॒ನ್ದ್ರಾ॒ಗ್ನೀ ಪಞ್ಚ॑ ಚ) (ಅ. 5)
ಅನುವಾಕಂ 6 - ಅಜ್ಯಭಾಗಯೋಃ ಪುರೋನುವಾಕ್ಯೇ
ಅ॒ಗ್ನಿ-ರ್ವೃ॒ತ್ರಾಣಿ॑ ಜಙ್ಘನತ್ । ದ್ರ॒ವಿ॒ಣ॒ಸ್ಯು-ರ್ವಿ॑ಪ॒ನ್ಯಯಾ᳚ ।
ಸಮಿ॑ದ್ಧ-ಶ್ಶು॒ಕ್ರ ಆಹು॑ತಃ । ಜು॒ಷಾ॒ಣೋ ಅ॒ಗ್ನಿರಾಜ್ಯ॑ಸ್ಯ ವೇತು । ತ್ವಗ್ಂ ಸೋ॑ಮಾಸಿ॒ ಸತ್ಪ॑ತಿಃ । ತ್ವಗ್ಂ ರಾಜೋ॒ತ ವೃ॑ತ್ರ॒ಹಾ ।
ತ್ವ-ಮ್ಭ॒ದ್ರೋ ಅ॑ಸಿ॒ ಕ್ರತುಃ॑ । ಜು॒ಷಾ॒ಣ-ಸ್ಸೋಮ॒ ಆಜ್ಯ॑ಸ್ಯ ಹ॒ವಿಷೋ॑ ವೇತು । ಅ॒ಗ್ನಿಃ ಪ್ರ॒ತ್ನೇನ॒ ಜನ್ಮ॑ನಾ । ಶುಮ್ಭಾ॑ನಸ್ತ॒ನುವ॒ಗ್ಗ್॒ ಸ್ವಾಮ್ ।
ಕ॒ವಿ-ರ್ವಿಪ್ರೇ॑ಣ ವಾವೃಧೇ । ಜು॒ಷಾ॒ಣೋ ಅ॒ಗ್ನಿರಾಜ್ಯ॑ಸ್ಯ ವೇತು ।
ಸೋಮ॑ ಗೀ॒ರ್ಭಿಷ್ಟ್ವಾ॑ ವ॒ಯಮ್ । ವ॒ರ್ಧಯಾ॑ಮೋ ವಚೋ॒ವಿದಃ॑ । ಸು॒ಮೃ॒ಡೀ॒ಕೋ ನ॒ ಆವಿ॑ಶ ।
ಜು॒ಷಾ॒ಣ-ಸ್ಸೋಮ॒ ಆಜ್ಯ॑ಸ್ಯ ಹ॒ವಿಷೋ॑ ವೇತು ॥ 9 ॥
(ಸ್ವಾಗ್ಂ ಷಟ್ಚ॑) (ಅ. 6)
ಅನುವಾಕಂ 7 - ಹವಿಷಾಂ-ಯಾಁಜ್ಯಾನುವಾಕ್ಯಾಃ
ಅ॒ಗ್ನಿ-ರ್ಮೂ॒ರ್ಧಾ ದಿ॒ವಃ ಕ॒ಕುತ್ । ಪತಿಃ॑ ಪೃಥಿ॒ವ್ಯಾ ಅ॒ಯಮ್ ।
ಅ॒ಪಾಗ್ಂ ರೇತಾಗ್ಂ॑ಸಿ ಜಿನ್ವತಿ । ಭುವೋ॑ ಯ॒ಜ್ಞಸ್ಯ॒ ರಜ॑ಸಶ್ಚ ನೇ॒ತಾ । ಯತ್ರಾ॑ ನಿ॒ಯುದ್ಭಿ॒-ಸ್ಸಚ॑ಸೇ ಶಿ॒ವಾಭಿಃ॑ । ದಿ॒ವಿ ಮೂ॒ರ್ಧಾನ॑-ನ್ದಧಿಷೇ ಸುವ॒ರ್॒ಷಾಮ್ ।
ಜಿ॒ಹ್ವಾಮ॑ಗ್ನೇ ಚಕೃಷೇ ಹವ್ಯ॒ವಾಹ᳚ಮ್ । ಪ್ರಜಾ॑ಪತೇ॒ ನ ತ್ವದೇ॒ತಾನ್ಯ॒ನ್ಯಃ । ವಿಶ್ವಾ॑ ಜಾ॒ತಾನಿ॒ ಪರಿ॒ ತಾ ಬ॑ಭೂವ ।
ಯತ್-ಕಾ॑ಮಾಸ್ತೇ ಜುಹು॒ಮಸ್ತನ್ನೋ॑ ಅಸ್ತು ॥ 10 ॥
ವ॒ಯಗ್ಗ್ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ । ಸ ವೇ॑ದ ಪು॒ತ್ರಃ ಪಿ॒ತರ॒ಗ್ಂ॒ ಸ ಮಾ॒ತರ᳚ಮ್ । ಸ ಸೂ॒ನುರ್ಭು॑ವ॒ಥ್ಸ ಭು॑ವ॒ತ್ಪುನ॑ರ್ಮಘಃ । ಸ ದ್ಯಾಮೌರ್ಣೋ॑ದ॒ನ್ತರಿ॑ಕ್ಷ॒ಗ್ಂ॒ ಸ ಸುವಃ॑ । ಸ ವಿಶ್ವಾ॒ ಭುವೋ॑ ಅಭವ॒ಥ್ಸ ಆ-ಽಭ॑ವತ್ । ಅಗ್ನೀ॑ಷೋಮಾ॒ ಸವೇ॑ದಸಾ । ಸಹೂ॑ತೀ ವನತ॒-ಙ್ಗಿರಃ॑ । ಸ-ನ್ದೇ॑ವ॒ತ್ರಾ ಬ॑ಭೂವಥುಃ । ಯು॒ವಮೇ॒ತಾನಿ॑ ದಿ॒ವಿ ರೋ॑ಚ॒ನಾನಿ॑ ।
ಅ॒ಗ್ನಿಶ್ಚ॑ ಸೋಮ॒ ಸಕ್ರ॑ತೂ ಅಧತ್ತಮ್ ॥ 11 ॥
ಯು॒ವಗ್ಂ ಸಿನ್ಧೂಗ್ಂ॑ ರ॒ಭಿಶ॑ಸ್ತೇ-ರವ॒ದ್ಯಾತ್ । ಅಗ್ನೀ॑ಷೋಮಾ॒-ವಮು॑ಞ್ಚತ-ಙ್ಗೃಭೀ॒ತಾನ್ ।
ಇನ್ದ್ರಾ᳚ಗ್ನೀ ರೋಚ॒ನಾ ದಿ॒ವಃ । ಪರಿ॒ ವಾಜೇ॑ಷು ಭೂಷಥಃ ।
ತದ್ವಾ᳚-ಞ್ಚೇತಿ॒ ಪ್ರವೀ॒ರ್ಯ᳚ಮ್ । ಶ್ನಥ॑ದ್ವೃ॒ತ್ರಮು॒ತ ಸ॑ನೋತಿ॒ ವಾಜ᳚ಮ್ । ಇನ್ದ್ರಾ॒ ಯೋ ಅ॒ಗ್ನೀ ಸಹು॑ರೀ ಸಪ॒ರ್ಯಾತ್ ।
ಇ॒ರ॒ಜ್ಯನ್ತಾ॑ ವಸ॒ವ್ಯ॑ಸ್ಯ॒ ಭೂರೇಃ᳚ । ಸಹ॑ಸ್ತಮಾ॒ ಸಹ॑ಸಾ ವಾಜ॒ಯನ್ತಾ᳚ । ಏನ್ದ್ರ॑ ಸಾನ॒ಸಿಗ್ಂ ರ॒ಯಿಮ್ ॥ 12 ॥
ಸ॒ಜಿತ್ವಾ॑ನಗ್ಂ ಸದಾ॒ಸಹ᳚ಮ್ । ವರ್ಷಿ॑ಷ್ಠಮೂ॒ತಯೇ॑ ಭರ । ಪ್ರಸ॑ಸಾಹಿಷೇ ಪುರುಹೂತ॒ ಶತ್ರೂನ್॑ । ಜ್ಯೇಷ್ಠ॑ಸ್ತೇ॒ ಶುಷ್ಮ॑ ಇ॒ಹ ರಾ॒ತಿರ॑ಸ್ತು । ಇನ್ದ್ರಾಭ॑ರ॒ ದಕ್ಷಿ॑ಣೇನಾ॒ ವಸೂ॑ನಿ । ಪತಿ॒-ಸ್ಸಿನ್ಧೂ॑ನಾಮಸಿ ರೇ॒ವತೀ॑ನಾಮ್ । ಮ॒ಹಾಗ್ಂ ಇನ್ದ್ರೋ॒ ಯ ಓಜ॑ಸಾ । ಪ॒ರ್ಜನ್ಯೋ॑ ವೃಷ್ಟಿ॒ಮಾಗ್ಂ ಇ॑ವ ।
ಸ್ತೋಮೈ᳚ರ್ವ॒ಥ್ಸಸ್ಯ॑ ವಾವೃಧೇ ।
ಮ॒ಹಾಂ ಇನ್ದ್ರೋ॑ ನೃ॒ವದಾಚ॑ರ್ಷಣಿ॒ಪ್ರಾಃ ॥ 13 ॥
ಉ॒ತ ದ್ವಿ॒ಬರ್ಹಾ॑ ಅಮಿ॒ನ-ಸ್ಸಹೋ॑ಭಿಃ । ಅ॒ಸ್ಮ॒ದ್ರಿಯ॑ಗ್ವಾವೃಧೇ ವೀ॒ರ್ಯಾ॑ಯ ।
ಉ॒ರುಃ ಪೃ॒ಥು-ಸ್ಸುಕೃ॑ತಃ ಕ॒ರ್ತೃಭಿ॑ರ್ಭೂತ್ ।
ಪಿ॒ಪ್ರೀ॒ಹಿ ದೇ॒ವಾಗ್ಂ ಉ॑ಶ॒ತೋ ಯ॑ವಿಷ್ಠ ।
ವಿ॒ದ್ವಾಂ ಋತೂಗ್ಂರ್-ಋ॑ತುಪತೇ ಯಜೇ॒ಹ ।
ಯೇ ದೈವ್ಯಾ॑ ಋ॒ತ್ವಿಜ॒ಸ್ತೇಭಿ॑ರಗ್ನೇ ।
ತ್ವಗ್ಂ ಹೋತೄ॑ಣಾಮ॒ಸ್ಯಾಯ॑ಜಿಷ್ಠಃ ॥
ಅ॒ಗ್ನಿಗ್ಗ್ ಸ್ವಿ॑ಷ್ಟ॒ಕೃತ᳚ಮ್ । ಅಯಾ॑ಡ॒ಗ್ನಿರ॒ಗ್ನೇಃ ಪ್ರಿ॒ಯಾ ಧಾಮಾ॑ನಿ । ಅಯಾ॒ಟ್ಥ್ಸೋಮ॑ಸ್ಯ ಪ್ರಿ॒ಯಾ ಧಾಮಾ॑ನಿ ॥ 14 ॥
ಅಯಾ॑ಡ॒ಗ್ನೇಃ ಪ್ರಿ॒ಯಾ ಧಾಮಾ॑ನಿ । ಅಯಾ᳚ಟ್ಪ್ರ॒ಜಾಪ॑ತೇಃ ಪ್ರಿ॒ಯಾ ಧಾಮಾ॑ನಿ । ಅಯಾ॑ಡ॒ಗ್ನೀಷೋಮ॑ಯೋಃ ಪ್ರಿ॒ಯಾ ಧಾಮಾ॑ನಿ । ಅಯಾ॑ಡಿನ್ದ್ರಾಗ್ನಿ॒ಯೋಃ ಪ್ರಿ॒ಯಾ ಧಾಮಾ॑ನಿ ।
ಅಯಾ॒ಡಿನ್ದ್ರ॑ಸ್ಯ ಪ್ರಿ॒ಯಾ ಧಾಮಾ॑ನಿ । ಅಯಾ᳚ಣ್ಮಹೇ॒ನ್ದ್ರಸ್ಯ॑ ಪ್ರಿ॒ಯಾ ಧಾಮಾ॑ನಿ । ಅಯಾ᳚ಡ್ದೇ॒ವಾನಾ॑-ಮಾಜ್ಯ॒ಪಾನಾ᳚-ಮ್ಪ್ರಿ॒ಯಾ ಧಾಮಾ॑ನಿ । ಯಕ್ಷ॑ದ॒ಗ್ನೇರ್-ಹೋತುಃ॑ ಪ್ರಿ॒ಯಾ ಧಾಮಾ॑ನಿ । ಯಕ್ಷ॒ಥ್ಸ್ವ-ಮ್ಮ॑ಹಿ॒ಮಾನ᳚ಮ್ । ಆಯ॑ಜತಾ॒ಮೇಜ್ಯಾ॒ ಇಷಃ॑ । ಕೃ॒ಣೋತು॒ ಸೋ ಅ॑ದ್ಧ್ವ॒ರಾ ಜಾ॒ತವೇ॑ದಾಃ । ಜು॒ಷತಾಗ್ಂ॑ ಹ॒ವಿಃ । ಅಗ್ನೇ॒ ಯದ॒ದ್ಯ ವಿ॒ಶೋ ಅ॑ದ್ಧ್ವರಸ್ಯ ಹೋತಃ ।
ಪಾವ॑ಕ ಶೋಚೇ॒ ವೇಷ್ಟ್ವಗ್ಂ ಹಿ ಯಜ್ವಾ᳚ । ಋ॒ತಾ ಯ॑ಜಾಸಿ ಮಹಿ॒ನಾ ವಿ ಯದ್ಭೂಃ ।
ಹ॒ವ್ಯಾ ವ॑ಹ ಯವಿಷ್ಠ॒ ಯಾ ತೇ॑ ಅ॒ದ್ಯ ॥ 15 ॥
(ಅ॒ಸ್ತ್ವ॒ - ಧ॒ತ್ತ॒ಗ್ಂ - ರ॒ಯಿಂ - ಚ॑ರ್ಷಣಿ॒ಪ್ರಾಃ - ಸೋಮ॑ಸ್ಯ ಪ್ರಿ॒ಯಾ ಧಾಮಾ॒ - ನೀಷ॒-ಷ್ಷಟ್ಚ॑) (ಅ. 7)
ಅನುವಾಕಂ 8 - ಇಡೋಪಾಹ್ವಾನಾಮ್
ಉಪ॑ಹೂತಗ್ಂ ರಥನ್ತ॒ರಗ್ಂ ಸ॒ಹ ಪೃ॑ಥಿ॒ವ್ಯಾ ।
ಉಪ॑ ಮಾ ರಥನ್ತ॒ರಗ್ಂ ಸ॒ಹ ಪೃ॑ಥಿ॒ವ್ಯಾ ಹ್ವ॑ಯತಾಮ್ ।
ಉಪ॑ಹೂತಂ-ವಾಁಮದೇ॒ವ್ಯಗ್ಂ ಸ॒ಹಾನ್ತರಿ॑ಕ್ಷೇಣ ।
ಉಪ॑ ಮಾ ವಾಮದೇ॒ವ್ಯಗ್ಂ ಸ॒ಹಾನ್ತರಿ॑ಕ್ಷೇಣ ಹ್ವಯತಾಮ್ ।
ಉಪ॑ ಹೂತ-ಮ್ಬೃ॒ಹಥ್ಸ॒ಹ ದಿ॒ವಾ । ಉಪ॑ ಮಾ ಬೃ॒ಹಥ್ಸ॒ಹ ದಿ॒ವಾ ಹ್ವ॑ಯತಾಮ್ । ಉಪ॑ಹೂತಾ-ಸ್ಸ॒ಪ್ತ ಹೋತ್ರಾಃ᳚ ।
ಉಪ॑ ಮಾ ಸ॒ಪ್ತ ಹೋತ್ರಾ᳚ ಹ್ವಯನ್ತಾಮ್ । ಉಪ॑ಹೂತಾ ಧೇ॒ನು-ಸ್ಸ॒ಹರ್ಷ॑ಭಾ । ಉಪ॑ ಮಾ ಧೇ॒ನು-ಸ್ಸ॒ಹರ್ಷ॑ಭಾ ಹ್ವಯತಾಮ್ ॥ 16 ॥
ಉಪ॑ಹೂತೋ ಭ॒ಕ್ಷ-ಸ್ಸಖಾ᳚ । ಉಪ॑ ಮಾ ಭ॒ಕ್ಷ-ಸ್ಸಖಾ᳚ ಹ್ವಯತಾಮ್ । ಉಪ॑ಹೂ॒ತಾಁ(4) ಹೋ । ಇಡೋಪ॑ಹೂತಾ । ಉಪ॑ಹೂ॒ತೇಡಾ᳚ । ಉಪೋ॑ ಅ॒ಸ್ಮಾಗ್ಂ ಇಡಾ᳚ ಹ್ವಯತಾಮ್ । ಇಡೋಪ॑ಹೂತಾ । ಉಪ॑ಹೂ॒ತೇಡಾ᳚ । ಮಾ॒ನ॒ವೀ ಘೃ॒ತಪ॑ದೀ ಮೈತ್ರಾವರು॒ಣೀ ।
ಬ್ರಹ್ಮ॑ ದೇ॒ವಕೃ॑ತ॒ಮುಪ॑ಹೂತಮ್ ॥ 17 ॥
ದೈವ್ಯಾ॑ ಅದ್ಧ್ವ॒ರ್ಯವ॒ ಉಪ॑ಹೂತಾಃ । ಉಪ॑ಹೂತಾ ಮನು॒ಷ್ಯಾಃ᳚ । ಯ ಇ॒ಮಂ-ಯಁ॒ಜ್ಞಮವಾನ್॑ । ಯೇ ಯ॒ಜ್ಞಪ॑ತಿಂ॒-ವಁರ್ಧಾನ್॑ । ಉಪ॑ಹೂತೇ॒ ದ್ಯಾವಾ॑ಪೃಥಿ॒ವೀ ।
ಪೂ॒ರ್ವ॒ಜೇ ಋ॒ತಾವ॑ರೀ । ದೇ॒ವೀ ದೇ॒ವಪು॑ತ್ರೇ । ಉಪ॑ಹೂತೋ॒-ಽಯಂ-ಯಁಜ॑ಮಾನಃ । ಉತ್ತ॑ರಸ್ಯಾ-ನ್ದೇವಯ॒ಜ್ಯಾಯಾ॒-ಮುಪ॑ಹೂತಃ । ಭೂಯ॑ಸಿ ಹವಿ॒ಷ್ಕರ॑ಣ॒ ಉಪ॑ಹೂತಃ ।
ದಿ॒ವ್ಯೇ ಧಾಮ॒ನ್ನುಪ॑ಹೂತಃ ।
ಇ॒ದ-ಮ್ಮೇ॑ ದೇ॒ವಾ ಹ॒ವಿರ್ಜು॑ಷನ್ತಾ॒ಮಿತಿ॒ ತಸ್ಮಿ॒ನ್ನುಪ॑ಹೂತಃ ।
ವಿಶ್ವ॑ಮಸ್ಯ ಪ್ರಿ॒ಯಮುಪ॑ಹೂತಮ್ ।
ವಿಶ್ವ॑ಸ್ಯ ಪ್ರಿ॒ಯಸ್ಯೋಪ॑ಹೂತ॒ಸ್ಯೋಪ॑ಹೂತಃ ॥ 18 ॥
(ಸ॒ಹರ್ಷ॑ಭಾ ಹ್ವಯತಾ॒ - ಮುಪ॑ಹೂತಗ್ಂ - ಹವಿ॒ಷ್ಕರ॑ಣ॒ ಉಪ॑ಹೂತಶ್ಚ॒ತ್ವಾರಿ॑ ಚ) (ಅ. 8)
ಅನುವಾಕಂ 9 - ಅನೂಯಾಜಾಃ
ದೇ॒ವ-ಮ್ಬ॒ರ್॒ಹಿಃ । ವ॒ಸು॒ವನೇ॑ ವಸು॒ಧೇಯ॑ಸ್ಯ ವೇತು । ದೇ॒ವೋ ನರಾ॒ಶಗ್ಂ ಸಃ॑ । ವ॒ಸು॒ವನೇ॑ ವಸು॒ಧೇಯ॑ಸ್ಯ ವೇತು । ದೇ॒ವೋ ಅ॒ಗ್ನಿ-ಸ್ಸ್ವಿ॑ಷ್ಟ॒ಕೃತ್ । ಸು॒ದ್ರವಿ॑ಣಾ ಮ॒ನ್ದ್ರಃ ಕ॒ವಿಃ । ಸ॒ತ್ಯಮ॑ನ್ಮಾ-ಽಽಯ॒ಜೀ ಹೋತಾ᳚ । ಹೋತು॑ರ್-ಹೋತು॒ರಾಯ॑ಜೀಯಾನ್ । ಅಗ್ನೇ॒ ಯಾನ್-ದೇ॒ವಾನಯಾ᳚ಟ್ । ಯಾಗ್ಂ ಅಪಿ॑ಪ್ರೇಃ । ಯೇ ತೇ॑ ಹೋ॒ತ್ರೇ ಅಮ॑ಥ್ಸತ । ತಾಗ್ಂ ಸ॑ಸ॒ನುಷೀ॒ಗ್ಂ॒ ಹೋತ್ರಾ᳚-ನ್ದೇವ-ಙ್ಗ॒ಮಾಮ್ । ದಿ॒ವಿ ದೇ॒ವೇಷು॑ ಯ॒ಜ್ಞಮೇರ॑ಯೇ॒ಮಮ್ । ಸ್ವಿ॒ಷ್ಟ॒ಕೃಚ್ಚಾಗ್ನೇ॒ ಹೋತಾ-ಽಭೂಃ᳚ ।
ವ॒ಸು॒ವನೇ॑ ವಸು॒ಧೇಯ॑ಸ್ಯ ನಮೋವಾ॒ಕೇ ವೀಹಿ॑ ॥ 19 ॥
(ಅಪಿ॑ಪ್ರೇಃ॒ ಪಞ್ಚ॑ ಚ) (ಅ. 9)
ಅನುವಾಕಂ 10 - ಸೂಕ್ತಾವಾಕಃ
ಇ॒ದ-ನ್ದ್ಯಾ॑ವಾಪೃಥಿವೀ ಭ॒ದ್ರಮ॑ಭೂತ್ ।
ಆರ್ಧ್ಮ॑ ಸೂಕ್ತವಾ॒ಕಮ್ । ಉ॒ತ ನ॑ಮೋವಾ॒ಕಮ್ ।
ಋ॒ದ್ಧ್ಯಾಸ್ಮ॑ ಸೂ॒ಕ್ತೋಚ್ಯ॑ಮಗ್ನೇ । ತ್ವಗ್ಂ ಸೂ᳚ಕ್ತ॒ವಾಗ॑ಸಿ ।
ಉಪ॑ಶ್ರಿತೋ ದಿ॒ವಃ ಪೃ॑ಥಿ॒ವ್ಯೋಃ । ಓಮ॑ನ್ವತೀ ತೇ॒-ಽಸ್ಮಿನ್. ಯ॒ಜ್ಞೇ ಯ॑ಜಮಾನ॒ ದ್ಯಾವಾ॑ಪೃಥಿ॒ವೀ ಸ್ತಾ᳚ಮ್ ।
ಶ॒ಗಂ॒ಯೇ ಜೀ॒ರದಾ॑ನೂ । ಅತ್ರ॑ಸ್ನೂ॒ ಅಪ್ರ॑ವೇದೇ ।
ಉ॒ರುಗ॑ವ್ಯೂತೀ ಅಭಯ॒-ಙ್ಕೃತೌ᳚ ॥ 20 ॥
ವೃ॒ಷ್ಟಿದ್ಯಾ॑ವಾ ರೀ॒ತ್ಯಾ॑ಪಾ । ಶ॒ಮ್ಭುವೌ॑ ಮಯೋ॒ಭುವೌ᳚ ।
ಊರ್ಜ॑ಸ್ವತೀ ಚ॒ ಪಯ॑ಸ್ವತೀ ಚ । ಸೂ॒ಪ॒ಚ॒ರ॒ಣಾ ಚ॑ ಸ್ವಧಿಚರ॒ಣಾ ಚ॑ । ತಯೋ॑ರಾ॒ವಿದಿ॑ ॥
ಅ॒ಗ್ನಿರಿ॒ದಗ್ಂ ಹ॒ವಿರ॑ಜುಷತ । ಅವೀ॑ವೃಧತ॒ ಮಹೋ॒ ಜ್ಯಾಯೋ॑-ಽಕೃತ । ಸೋಮ॑ ಇ॒ದಗ್ಂ ಹ॒ವಿರ॑ಜುಷತ । ಅವೀ॑ವೃಧತ॒ ಮಹೋ॒ ಜ್ಯಾಯೋ॑-ಽಕೃತ ।
ಅ॒ಗ್ನಿರಿ॒ದಗ್ಂ ಹ॒ವಿರ॑ಜುಷತ ॥ 21 ॥
ಅವೀ॑ವೃಧತ॒ ಮಹೋ॒ ಜ್ಯಾಯೋ॑-ಽಕೃತ । ಪ್ರ॒ಜಾಪ॑ತಿರಿ॒ದಗ್ಂ ಹ॒ವಿರ॑ಜುಷತ । ಅವೀ॑ವೃಧತ॒ ಮಹೋ॒ ಜ್ಯಾಯೋ॑-ಽಕೃತ । ಅ॒ಗ್ನೀಷೋಮಾ॑ವಿ॒ದಗ್ಂ ಹ॒ವಿರ॑ಜುಷೇತಾಮ್ ।
ಅವೀ॑ವೃಧೇತಾ॒-ಮ್ಮಹೋ॒ ಜ್ಯಾಯೋ᳚-ಽಕ್ರಾತಾಮ್ ।
ಇ॒ನ್ದ್ರಾ॒ಗ್ನೀ ಇ॒ದಗ್ಂ ಹ॒ವಿರ॑ಜುಷೇತಾಮ್ ।
ಅವೀ॑ವೃಧೇತಾ॒-ಮ್ಮಹೋ॒ ಜ್ಯಾಯೋ᳚-ಽಕ್ರಾತಾಮ್ । ಇನ್ದ್ರ॑ ಇ॒ದಗ್ಂ ಹ॒ವಿರ॑ಜುಷತ । ಅವೀ॑ವೃಧತ॒ ಮಹೋ॒ ಜ್ಯಾಯೋ॑-ಽಕೃತ । ಮ॒ಹೇ॒ನ್ದ್ರ ಇ॒ದಗ್ಂ ಹ॒ವಿರ॑ಜುಷತ ॥ 22 ॥
ಅವೀ॑ವೃಧತ॒ ಮಹೋ॒ ಜ್ಯಾಯೋ॑-ಽಕೃತ । ದೇ॒ವಾ ಆ᳚ಜ್ಯ॒ಪಾ ಆಜ್ಯ॑ಮಜುಷನ್ತ । ಅವೀ॑ವೃಧನ್ತ॒ ಮಹೋ॒ ಜ್ಯಾಯೋ᳚-ಽಕ್ರತ । ಅ॒ಗ್ನಿರ್ಹೋ॒ತ್ರೇಣೇ॒ದಗ್ಂ ಹ॒ವಿರ॑ಜುಷತ ।
ಅವೀ॑ವೃಧತ॒ ಮಹೋ॒ ಜ್ಯಾಯೋ॑-ಽಕೃತ ।
ಅ॒ಸ್ಯಾಮೃಧ॒-ದ್ಧೋತ್ರಾ॑ಯಾ-ನ್ದೇವಙ್ಗ॒ಮಾಯಾ᳚ಮ್ ।
ಆಶಾ᳚ಸ್ತೇ॒-ಽಯಂ-ಯಁಜ॑ಮಾನೋ॒-ಽಸೌ ॥
ಆಯು॒ರಾಶಾ᳚ಸ್ತೇ । ಸು॒ಪ್ರ॒ಜಾ॒ಸ್ತ್ವ-ಮಾಶಾ᳚ಸ್ತೇ ।
ಸ॒ಜಾ॒ತ॒ವ॒ನ॒ಸ್ಯಾ-ಮಾಶಾ᳚ಸ್ತೇ ॥ 23 ॥
ಉತ್ತ॑ರಾ-ನ್ದೇವಯ॒ಜ್ಯಾ-ಮಾಶಾ᳚ಸ್ತೇ । ಭೂಯೋ॑ ಹವಿ॒ಷ್ಕರ॑ಣ॒-ಮಾಶಾ᳚ಸ್ತೇ । ದಿ॒ವ್ಯ-ನ್ಧಾಮಾಶಾ᳚ಸ್ತೇ । ವಿಶ್ವ॑-ಮ್ಪ್ರಿ॒ಯಮಾಶಾ᳚ಸ್ತೇ । ಯದ॒ನೇನ॑ ಹ॒ವಿಷಾ ಽಽಶಾ᳚ಸ್ತೇ । ತದ॑ಶ್ಯಾ॒ತ್-ತದೃ॑ದ್ಧ್ಯಾತ್ । ತದ॑ಸ್ಮೈ ದೇ॒ವಾ ರಾ॑ಸನ್ತಾಮ್ । ತದ॒ಗ್ನಿ-ರ್ದೇ॒ವೋ ದೇ॒ವೇಭ್ಯೋ॒ ವನ॑ತೇ । ವ॒ಯಮ॒ಗ್ನೇ-ರ್ಮಾನು॑ಷಾಃ । ಇ॒ಷ್ಟ-ಞ್ಚ॑ ವೀ॒ತ-ಞ್ಚ॑ । ಉ॒ಭೇ ಚ॑ ನೋ॒ ದ್ಯಾವಾ॑ಪೃಥಿ॒ವೀ ಅಗ್ಂಹ॑ಸಸ್ಪಾತಾಮ್ ।
ಇ॒ಹ ಗತಿ॑-ರ್ವಾ॒ಮಸ್ಯೇ॒ದ-ಞ್ಚ॑ । ನಮೋ॑ ದೇ॒ವೇಭ್ಯಃ॑ ॥ 24 ॥
(ಅ॒ಭ॒ಯ॒ಙ್ಕೃತಾ॑ವಕೃ - ತಾ॒ಗ್ನಿರಿ॒ದಗ್ಂ ಹ॒ವಿರ॑ಜುಷತ - ಮಹೇ॒ನ್ದ್ರ ಇ॒ದಗ್ಂ ಹ॒ವಿರ॑ಜುಷತ - ಸಜಾತವನ॒ಸ್ಯಾಮಾಶಾ᳚ಸ್ತೇ - ವೀ॒ತ-ಞ್ಚ॒ ತ್ರೀಣಿ॑ ಚ) (ಅ. 10)
ಅನುವಾಕಂ 11 - ಶಂಯುಁವಾಕಃ
ತಚ್ಛಂ॒-ಯೋಁರಾ ವೃ॑ಣೀಮಹೇ । ಗಾ॒ತುಂ-ಯಁ॒ಜ್ಞಾಯ॑ । ಗಾ॒ತುಂ-ಯಁ॒ಜ್ಞಪ॑ತಯೇ । ದೈವೀ᳚ ಸ್ವ॒ಸ್ತಿರ॑ಸ್ತು ನಃ । ಸ್ವ॒ಸ್ತಿ-ರ್ಮಾನು॑ಷೇಭ್ಯಃ । ಊ॒ರ್ಧ್ವ-ಞ್ಜಿ॑ಗಾತು ಭೇಷ॒ಜಮ್ ।
ಶ-ನ್ನೋ॑ ಅಸ್ತು ದ್ವಿ॒ಪದೇ᳚ । ಶ-ಞ್ಚತು॑ಷ್ಪದೇ ॥ 25 ॥
(ತಚ್ಛಂ॒-ಯೋಁರ॒ಷ್ಟೌ) (ಅ. 11)
ಅನುವಾಕಂ 12 - ಪತ್ನೀಸಂಯಾಁಜಾನಾಂ-ಯಾಁಜ್ಯಾನುವಾಕ್ಯಾಃ
ಆ ಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತಃ॑ ಸೋಮ॒ ವೃಷ್ಣಿ॑ಯಮ್ । ಭವಾ॒ ವಾಜ॑ಸ್ಯ ಸಙ್ಗ॒ಥೇ ॥ ಸ-ನ್ತೇ॒ ಪಯಾಗ್ಂ ॑ಸಿ॒ ಸಮು॑ ಯನ್ತು॒ ವಾಜಾ॒-ಸ್ಸಂ-ವೃಁಷ್ಣಿ॑ಯಾ-ನ್ಯಭಿಮಾತಿ॒ಷಾಹಃ॑ । ಆ॒ಪ್ಯಾಯ॑ಮಾನೋ ಅ॒ಮೃತಾ॑ಯ ಸೋಮ ದಿ॒ವಿ ಶ್ರವಾಗ್॑ಸ್ಯುತ್ತ॒ಮಾನಿ॑ ಧಿಷ್ವ ॥ ॥
ಇ॒ಹ ತ್ವಷ್ಟಾ॑ರಮಗ್ರಿ॒ಯಂ-ವಿಁ॒ಶ್ವರೂ॑ಪ॒ಮುಪ॑ ಹ್ವಯೇ । ಅ॒ಸ್ಮಾಕ॑ಮಸ್ತು॒ ಕೇವ॑ಲಃ ॥ ತನ್ನ॑ಸ್ತು॒ರೀಪ॒ಮಧ॑ ಪೋಷಯಿ॒ತ್ನು ದೇವ॑ ತ್ವಷ್ಟ॒ರ್ವಿ ರ॑ರಾ॒ಣ-ಸ್ಸ್ಯ॑ಸ್ವ । ಯತೋ॑ ವೀ॒ರಃ ಕ॑ರ್ಮ॒ಣ್ಯಃ॑ ಸು॒ದಕ್ಷೋ॑ ಯು॒ಕ್ತಗ್ರಾ॑ವಾ॒ ಜಾಯ॑ತೇ ದೇ॒ವಕಾ॑ಮಃ ॥ ॥
ದೇ॒ವಾನಾ॒-ಮ್ಪತ್ನೀ॑ರುಶ॒ತೀರ॑ವನ್ತು ನಃ । ಪ್ರಾವ॑ನ್ತು ನಸ್ತು॒ಜಯೇ॒ ವಾಜ॑ಸಾತಯೇ । ಯಾಃ ಪಾರ್ಥಿ॑ವಾಸೋ॒ ಯಾ ಅ॒ಪಾಮಪಿ॑ ವ್ರ॒ತೇ । ತಾ ನೋ॑ ದೇವೀ-ಸ್ಸುಹವಾ॒-ಶ್ಶರ್ಮ॑ ಯಚ್ಛತ ॥ ಉ॒ತ ಗ್ನಾ ವಿ॑ಯನ್ತು ದೇ॒ವಪ॑ತ್ನೀಃ । ಇ॒ನ್ದ್ರಾ॒ಣ್ಯ॑ಗ್ನಾಯ್ಯ॒ಶ್ವಿನೀ॒ ರಾಟ್ । ಆ ರೋದ॑ಸೀ ವರುಣಾ॒ನೀ ಶೃ॑ಣೋತು ।
ವಿ॒ಯನ್ತು॑ ದೇ॒ವೀರ್ಯ ಋ॒ತುರ್ಜನೀ॑ನಾಮ್ ॥ 26 ॥
ಅ॒ಗ್ನಿರ್-ಹೋತಾ॑ ಗೃ॒ಹಪ॑ತಿ॒-ಸ್ಸ ರಾಜಾ᳚ । ವಿಶ್ವಾ॑ ವೇದ॒ ಜನಿ॑ಮಾ ಜಾ॒ತವೇ॑ದಾಃ । ದೇ॒ವಾನಾ॑ಮು॒ತ ಯೋ ಮರ್ತ್ಯಾ॑ನಾಮ್ । ಯಜಿ॑ಷ್ಠ॒-ಸ್ಸ ಪ್ರಯ॑ಜತಾಮೃ॒ತಾವಾ᳚ ॥
ವ॒ಯಮು॑ ತ್ವಾ ಗೃಹಪತೇ॒ ಜನಾ॑ನಾಮ್ । ಅಗ್ನೇ॒ ಅಕ॑ರ್ಮ ಸ॒ಮಿಧಾ॑ ಬೃ॒ಹನ್ತ᳚ಮ್ । ಅ॒ಸ್ಥೂ॒ರಿಣೋ॒ ಗಾರ್ಹ॑ಪತ್ಯಾನಿ ಸನ್ತು । ತಿ॒ಗ್ಮೇನ॑ ನ॒ಸ್ತೇಜ॑ಸಾ॒ ಸಗ್ಂಶಿ॑ಶಾಧಿ ॥ 27 ॥
(ಜನೀ॑ನಾ - +ಮ॒ಷ್ಟೌ ಚ॑) (ಅ. 12)
ಅನುವಾಕಂ 13 - ಪತ್ನೀಸಂಯಾಁಜೇ ಸೋಮಾಹ್ವಾನಮ್
ಉಪ॑ಹೂತಗ್ಂ ರಥನ್ತ॒ರಗ್ಂ ಸ॒ಹ ಪೃ॑ಥಿ॒ವ್ಯಾ ।
ಉಪ॑ ಮಾ ರಥನ್ತ॒ರಗ್ಂ ಸ॒ಹ ಪೃ॑ಥಿ॒ವ್ಯಾ ಹ್ವ॑ಯತಾಮ್ ।
ಉಪ॑ಹೂತಂ-ವಾಁಮದೇ॒ವ್ಯಗ್ಂ ಸ॒ಹಾನ್ತರಿ॑ಕ್ಷೇಣ ।
ಉಪ॑ ಮಾ ವಾಮದೇ॒ವ್ಯಗ್ಂ ಸ॒ಹಾನ್ತರಿ॑ಕ್ಷೇಣ ಹ್ವಯತಾಮ್ । ಉಪ॑ಹೂತ-ಮ್ಬೃ॒ಹಥ್ಸ॒ಹ ದಿ॒ವಾ । ಉಪ॑ ಮಾ ಬೃ॒ಹಥ್ಸ॒ಹ ದಿ॒ವಾ ಹ್ವ॑ಯತಾಮ್ । ಉಪ॑ಹೂತಾ-ಸ್ಸ॒ಪ್ತ ಹೋತ್ರಾಃ᳚ ।
ಉಪ॑ ಮಾ ಸ॒ಪ್ತ ಹೋತ್ರಾ᳚ ಹ್ವಯನ್ತಾಮ್ । ಉಪ॑ಹೂತಾ ಧೇ॒ನು-ಸ್ಸ॒ಹರ್ಷ॑ಭಾ । ಉಪ॑ ಮಾ ಧೇ॒ನು-ಸ್ಸ॒ಹರ್ಷ॑ಭಾ ಹ್ವಯತಾಮ್ ॥ 28 ॥
ಉಪ॑ಹೂತೋ ಭ॒ಕ್ಷ-ಸ್ಸಖಾ᳚ । ಉಪ॑ ಮಾ ಭ॒ಕ್ಷ-ಸ್ಸಖಾ᳚ ಹ್ವಯತಾಮ್ । ಉಪ॑ಹೂ॒ತಾಁ(4) ಹೋ । ಇಡೋಪ॑ಹೂತಾ । ಉಪ॑ಹೂ॒ತೇಡಾ᳚ । ಉಪೋ॑ ಅ॒ಸ್ಮಾಗ್ಂ ಇಡಾ᳚ ಹ್ವಯತಾಮ್ । ಇಡೋಪ॑ಹೂತಾ । ಉಪ॑ಹೂ॒ತೇಡಾ᳚ । ಮಾ॒ನ॒ವೀ ಘೃ॒ತಪ॑ದೀ ಮೈತ್ರಾವರು॒ಣೀ ।
ಬ್ರಹ್ಮ॑ ದೇ॒ವಕೃ॑ತ॒ಮುಪ॑ಹೂತಮ್ ॥ 29 ॥
ದೈವ್ಯಾ॑ ಅದ್ಧ್ವ॒ರ್ಯವ॒ ಉಪ॑ಹೂತಾಃ । ಉಪ॑ಹೂತಾ ಮನು॒ಷ್ಯಾಃ᳚ । ಯ ಇ॒ಮಂ-ಯಁ॒ಜ್ಞಮವಾನ್॑ । ಯೇ ಯ॒ಜ್ಞಪ॑ತ್ನೀಂ॒-ವಁರ್ಧಾನ್॑ । ಉಪ॑ಹೂತೇ॒ ದ್ಯಾವಾ॑ಪೃಥಿ॒ವೀ । ಪೂ॒ರ್ವ॒ಜೇ ಋ॒ತಾವ॑ರೀ । ದೇ॒ವೀ ದೇ॒ವಪು॑ತ್ರೇ । ಉಪ॑ಹೂತೇ॒ಯಂ-ಯಁಜ॑ಮಾನಾ । ಇ॒ನ್ದ್ರಾ॒ಣೀವಾ॑ವಿಧ॒ವಾ । ಅದಿ॑ತಿರಿವ ಸುಪು॒ತ್ರಾ । ಉತ್ತ॑ರಸ್ಯಾ-ನ್ದೇವಯ॒ಜ್ಯಾಯಾ॒-ಮುಪ॑ಹೂತಾ ।
ಭೂಯ॑ಸಿ ಹವಿ॒ಷ್ಕರ॑ಣ॒ ಉಪ॑ಹೂತಾ । ದಿ॒ವ್ಯೇ ಧಾಮ॒ನ್ನುಪ॑ಹೂತಾ । ಇ॒ದ-ಮ್ಮೇ॑ ದೇ॒ವಾ ಹ॒ವಿ-ರ್ಜು॑ಷನ್ತಾ॒ಮಿತಿ॒ ತಸ್ಮಿ॒-ನ್ನುಪ॑ಹೂತಾ । ವಿಶ್ವ॑ಮಸ್ಯಾಃ ಪ್ರಿ॒ಯಮುಪ॑ಹೂತಮ್ ।
ವಿಶ್ವ॑ಸ್ಯ ಪ್ರಿ॒ಯಸ್ಯೋಪ॑ಹೂತ॒ಸ್ಯೋಪ॑ಹೂತಾ ॥ 30 ॥
(ಸ॒ಹರ್ಷ॑ಭಾ ಹ್ವಯತಾ॒ - ಮುಪ॑ಹೂತಗ್ಂ - ಸುಪು॒ತ್ರಾ ಷಟ್ಚ॑) (ಅ. 13)
(ಸ॒ತ್ಯಂ - ಪ್ರವೋ - ಽಗ್ನೇ॑ ಮ॒ಹಾ - ನ॒ಗ್ನಿರ್-ಹೋತಾ॑ - ಸ॒ಮಿಧೋ॒ - ಽಗ್ನಿ-ರ್ವೃ॒ತ್ರಾಣ್ಯ॒ - ಗ್ನಿ-ರ್ಮೂ॒ರ್ಧೋ - ಪ॑ಹೂತಂ - ದೇ॒ವ-ಮ್ಬ॒ರ್॒ಹಿ - ರಿ॒ದ-ನ್ದ್ಯಾ॑ವಾಪೃಥಿವೀ॒ -ತಚ್ಛಂ॒ಯೋಁ- ರಾ ಪ್ಯಾ॑ಯ॒ಸ್ವೋ - ಪ॑ಹೂತ॒-ನ್ತ್ರಯೋ॑ದಶ)
(ಸ॒ತ್ಯಂ - ಁವ॒ಯಗ್ಗ್ ಸ್ಯಾ॑ಮ - ವೃ॒ಷ್ಟಿದ್ಯಾ॑ವಾ ತ್ರಿ॒ಗ್ಂ॒ಶತ್)
(ಸ॒ತ್ಯ-ಮುಪ॑ಹೂತಾ)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಬ್ರಾಹ್ಮಣೇ ತೃತೀಯಾಷ್ಟಕೇ ಪಞ್ಚಮ ಪ್ರಪಾಠಕ-ಸ್ಸಮಾಪ್ತಃ ॥
Roman (IAST) Transliteration
kṛṣṇa yajurvedīya taittirīya brāhmaṇe tṛtīyāṣṭake pañcamaḥ prapāṭhakaḥ - iṣṭihautram
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - hoturjapaḥ purastā-thsāmidhenīnām
sa॒tya-mprapa̭dye | ṛ॒ta-mprapa̭dye |
a॒mṛta॒-mprapa̭dye |
pra॒jāpa̭teḥ pri॒yā-nta॒nuva॒manā᳚rtā॒-mprapa̭dye |
i॒dama॒ha-mpa̭ñcada॒śena॒ vajrḙṇa |
dvi॒ṣanta॒-mbhrātṛ̭vya॒mava̭krāmāmi |
yo᳚-'smā-ndveṣṭi̭ | ya-ñca̭ va॒ya-ndvi॒ṣmaḥ |
bhūrbhuva॒-ssuvaḥ̭ | him || 1 ||
(sa॒tya-ndaśa̭) (a. 1)
anuvākaṃ 2 - sāmidhenīmranvāha
pra vo॒ vājā̭ a॒bhidya̭vaḥ | ha॒viṣma̭nto ghṛ॒tācyā᳚ |
de॒vāñji̭gāti sumna॒yuḥ || agna॒ āyā̭hi vī॒taye᳚ | gṛ॒ṇā॒no ha॒vyadā̭taye | ni hotā̭ sathsi ba॒ra॒ḥiṣi̭ || ta-ntvā̭ sa॒midbhi̭raṅgiraḥ | ghṛ॒tena̭ vardhayāmasi | bṛ॒haccho̭cā yaviṣṭhya || sa naḥ̭ pṛ॒thu śra॒vāyya᳚m || 2 ||
acchā̭ deva vivāsasi | bṛ॒hada̭gne su॒vīrya᳚m ||
ī॒ḍenyo̭ nama॒sya̭sti॒raḥ | tamāgṃ̭si darśa॒taḥ | sama॒gniri̭ddhyate॒ vṛṣā᳚ || vṛṣo̭ a॒gni-ssami̭ddhyate | aśvo॒ na dḙva॒vāha̭naḥ |
tagṃ ha॒viṣma̭nta īḍate || vṛṣa̭ṇa-ntvā va॒yaṃ-vṛ~ṣanṋ | vṛṣā̭ṇa॒-ssami̭dhīmahi || 3 ||
agne॒ dīdya̭ta-mbṛ॒hat || a॒gni-ndū॒taṃ-vṛ~̭ṇīmahe |
hotā̭raṃ-vi~॒śvavḙdasam | a॒sya ya॒jñasya̭ su॒kratu᳚m || sa॒mi॒ddhyamā̭no addhva॒re | a॒gniḥ pā̭va॒ka īḍyaḥ̭ | śo॒ciṣkḙśa॒stamī̭mahe || sami̭ddho agna āhuta | de॒vān. ya̭kṣi svaddhvara | tvagṃ hi ha̭vya॒vāḍasi̭ ||
ājṷhota duva॒syata̭ | a॒gni-mpra̭ya॒tya̭ddhva॒re |
vṛ॒ṇī॒ddhvagṃ ha̭vya॒vāha̭nam ||
tvaṃ-va~rṷṇa u॒ta mi॒tro a̭gne | tvāṃ-va~̭rdhanti ma॒tibhi॒rvasi̭ṣṭhāḥ | tve vasṷ suṣaṇa॒nāni̭ santu | yū॒ya-mpā̭ta sva॒stibhi॒-ssadā̭ naḥ || 4 ||
(śra॒vāyya̭ - midhīma॒ - hyasi̭ sa॒pta ca̭) (a. 2)
anuvākaṃ 3 - praramuktvā nivido-'nūcya devatā āvāhayati
agnḙ ma॒hāgṃ a̭si brāhmaṇa bhārata | asā॒vasau᳚ ||
de॒veddho॒ manvi̭ddhaḥ | ṛṣi̭ṣṭuto॒ viprā̭numaditaḥ | ka॒vi॒śa॒sto brahma̭sagṃśito ghṛ॒tāha̭vanaḥ |
pra॒ṇī-rya॒jñānā᳚m | ra॒thīra̭ddhva॒rāṇā᳚m |
a॒tūrto॒ hotā᳚ | tūrṇi̭rhavya॒vāṭ |
āspātra̭-ñju॒hū-rde॒vānā᳚m || 5 ||
ca॒ma॒so dḙva॒pānaḥ̭ | a॒rāgṃ i̭vāgne ne॒mirde॒vāgstva-mpa̭ri॒bhūra̭si | āva̭ha de॒vān. yaja̭mānāya || a॒gnima̭gna॒ āva̭ha | soma॒māva̭ha |
a॒gnimāva̭ha | pra॒jāpa̭ti॒māva̭ha | a॒gnīṣomā॒vāva̭ha | i॒ndrā॒gnī āva̭ha | indra॒māva̭ha | ma॒he॒ndramāva̭ha | de॒vāgṃ ā᳚jya॒pāgṃ āva̭ha |
a॒gnigṃ ho॒trāyāva̭ha | sva-mma̭hi॒māna॒māva̭ha | ā cā᳚gne de॒vān. vaha̭ | su॒yajā̭ ca yaja jātavedaḥ || 6 ||
(de॒vānā॒-mindra॒māva̭ha॒ ṣaṭca̭) (a. 3)
anuvākaṃ 4 - srucāvādāpayati
a॒gnir-hotā॒ vetva॒gniḥ | ho॒traṃ-ve~᳚ttu prāvi॒tram | smo va॒yam | sā॒dhu tḙ yajamāna de॒vatā᳚ | ghṛ॒tava̭tī-maddhvaryo॒ sruca॒mā-'sya̭sva | de॒vā॒yuvaṃ̭-vi~॒śvavā̭rām | īḍā̭mahai de॒vāgṃ ī॒ḍenyāṋ |
na॒ma॒syāma̭ nama॒syāṋ | yajā̭ma ya॒jñiyāṋ || 7 ||
(a॒gnir-hotā॒ nava̭) (a. 4)
anuvākaṃ 5 - prayājāḥ
sa॒midho̭ agna॒ ājya̭sya viyantu | tanū॒napā̭dagna॒ ājya̭sya vetu | i॒ḍo a̭gna॒ ājya̭sya viyantu | ba॒r॒hira̭gna॒ ājya̭sya vetu | svāhā॒-'gnim | svāhā॒ soma᳚m | svāhā॒-'gnim | svāhā᳚ pra॒jāpa̭tim |
svāhā॒-'gnīṣomau᳚ | svāhe᳚ndrā॒gnī | svāhendra᳚m |
svāhā̭ mahe॒ndram | svāhā̭ de॒vāgṃ ā᳚jya॒pān | svāhā॒-'gnigṃ ho॒trājjṷṣā॒ṇāḥ |
agna॒ ājya̭sya viyantu || 8 ||
(i॒ndrā॒gnī pañca̭ ca) (a. 5)
anuvākaṃ 6 - ajyabhāgayoḥ puronuvākye
a॒gni-rvṛ॒trāṇi̭ jaṅghanat | dra॒vi॒ṇa॒syu-rvi̭pa॒nyayā᳚ |
sami̭ddha-śśu॒kra āhṷtaḥ | ju॒ṣā॒ṇo a॒gnirājya̭sya vetu | tvagṃ so̭māsi॒ satpa̭tiḥ | tvagṃ rājo॒ta vṛ̭tra॒hā |
tva-mbha॒dro a̭si॒ kratuḥ̭ | ju॒ṣā॒ṇa-ssoma॒ ājya̭sya ha॒viṣo̭ vetu | a॒gniḥ pra॒tnena॒ janma̭nā | śumbhā̭nasta॒nuva॒gg॒ svām |
ka॒vi-rviprḙṇa vāvṛdhe | ju॒ṣā॒ṇo a॒gnirājya̭sya vetu |
soma̭ gī॒rbhiṣṭvā̭ va॒yam | va॒rdhayā̭mo vaco॒vidaḥ̭ | su॒mṛ॒ḍī॒ko na॒ āvi̭śa |
ju॒ṣā॒ṇa-ssoma॒ ājya̭sya ha॒viṣo̭ vetu || 9 ||
(svāgṃ ṣaṭca̭) (a. 6)
anuvākaṃ 7 - haviṣāṃ-yā~jyānuvākyāḥ
a॒gni-rmū॒rdhā di॒vaḥ ka॒kut | patiḥ̭ pṛthi॒vyā a॒yam |
a॒pāgṃ retāgṃ̭si jinvati | bhuvo̭ ya॒jñasya॒ raja̭saśca ne॒tā | yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣām |
ji॒hvāma̭gne cakṛṣe havya॒vāha᳚m | prajā̭pate॒ na tvade॒tānya॒nyaḥ | viśvā̭ jā॒tāni॒ pari॒ tā ba̭bhūva |
yat-kā̭māste juhu॒mastanno̭ astu || 10 ||
va॒yagg syā̭ma॒ pata̭yo rayī॒ṇām | sa vḙda pu॒traḥ pi॒tara॒gṃ॒ sa mā॒tara᳚m | sa sū॒nurbhṷva॒thsa bhṷva॒tpuna̭rmaghaḥ | sa dyāmaurṇo̭da॒ntari̭kṣa॒gṃ॒ sa suvaḥ̭ | sa viśvā॒ bhuvo̭ abhava॒thsa ā-'bha̭vat | agnī̭ṣomā॒ savḙdasā | sahṷ̄tī vanata॒-ṅgiraḥ̭ | sa-ndḙva॒trā ba̭bhūvathuḥ | yu॒vame॒tāni̭ di॒vi ro̭ca॒nāni̭ |
a॒gniśca̭ soma॒ sakra̭tū adhattam || 11 ||
yu॒vagṃ sindhūgṃ̭ ra॒bhiśa̭ste-rava॒dyāt | agnī̭ṣomā॒-vamṷñcata-ṅgṛbhī॒tān |
indrā᳚gnī roca॒nā di॒vaḥ | pari॒ vājḙṣu bhūṣathaḥ |
tadvā᳚-ñceti॒ pravī॒rya᳚m | śnatha̭dvṛ॒tramu॒ta sa̭noti॒ vāja᳚m | indrā॒ yo a॒gnī sahṷrī sapa॒ryāt |
i॒ra॒jyantā̭ vasa॒vya̭sya॒ bhūreḥ᳚ | saha̭stamā॒ saha̭sā vāja॒yantā᳚ | endra̭ sāna॒sigṃ ra॒yim || 12 ||
sa॒jitvā̭nagṃ sadā॒saha᳚m | varṣi̭ṣṭhamū॒tayḙ bhara | prasa̭sāhiṣe puruhūta॒ śatrūṋ | jyeṣṭha̭ste॒ śuṣma̭ i॒ha rā॒tira̭stu | indrābha̭ra॒ dakṣi̭ṇenā॒ vasṷ̄ni | pati॒-ssindhṷ̄nāmasi re॒vatī̭nām | ma॒hāgṃ indro॒ ya oja̭sā | pa॒rjanyo̭ vṛṣṭi॒māgṃ i̭va |
stomai᳚rva॒thsasya̭ vāvṛdhe |
ma॒hāṃ indro̭ nṛ॒vadāca̭rṣaṇi॒prāḥ || 13 ||
u॒ta dvi॒barhā̭ ami॒na-ssaho̭bhiḥ | a॒sma॒driya̭gvāvṛdhe vī॒ryā̭ya |
u॒ruḥ pṛ॒thu-ssukṛ̭taḥ ka॒rtṛbhi̭rbhūt |
pi॒prī॒hi de॒vāgṃ ṷśa॒to ya̭viṣṭha |
vi॒dvāṃ ṛtūgṃr-ṛ̭tupate yaje॒ha |
ye daivyā̭ ṛ॒tvija॒stebhi̭ragne |
tvagṃ hotṝ̭ṇāma॒syāya̭jiṣṭhaḥ ||
a॒gnigg svi̭ṣṭa॒kṛta᳚m | ayā̭ḍa॒gnira॒gneḥ pri॒yā dhāmā̭ni | ayā॒ṭthsoma̭sya pri॒yā dhāmā̭ni || 14 ||
ayā̭ḍa॒gneḥ pri॒yā dhāmā̭ni | ayā᳚ṭpra॒jāpa̭teḥ pri॒yā dhāmā̭ni | ayā̭ḍa॒gnīṣoma̭yoḥ pri॒yā dhāmā̭ni | ayā̭ḍindrāgni॒yoḥ pri॒yā dhāmā̭ni |
ayā॒ḍindra̭sya pri॒yā dhāmā̭ni | ayā᳚ṇmahe॒ndrasya̭ pri॒yā dhāmā̭ni | ayā᳚ḍde॒vānā̭-mājya॒pānā᳚-mpri॒yā dhāmā̭ni | yakṣa̭da॒gner-hotuḥ̭ pri॒yā dhāmā̭ni | yakṣa॒thsva-mma̭hi॒māna᳚m | āya̭jatā॒mejyā॒ iṣaḥ̭ | kṛ॒ṇotu॒ so a̭ddhva॒rā jā॒tavḙdāḥ | ju॒ṣatāgṃ̭ ha॒viḥ | agne॒ yada॒dya vi॒śo a̭ddhvarasya hotaḥ |
pāva̭ka śoce॒ veṣṭvagṃ hi yajvā᳚ | ṛ॒tā ya̭jāsi mahi॒nā vi yadbhūḥ |
ha॒vyā va̭ha yaviṣṭha॒ yā tḙ a॒dya || 15 ||
(a॒stva॒ - dha॒tta॒gṃ - ra॒yiṃ - ca̭rṣaṇi॒prāḥ - soma̭sya pri॒yā dhāmā॒ - nīṣa॒-ṣṣaṭca̭) (a. 7)
anuvākaṃ 8 - iḍopāhvānām
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām |
upa̭ hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 16 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 17 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tiṃ॒-va~rdhāṋ | upa̭hūte॒ dyāvā̭pṛthi॒vī |
pū॒rva॒je ṛ॒tāva̭rī | de॒vī de॒vapṷtre | upa̭hūto॒-'yaṃ-ya~ja̭mānaḥ | utta̭rasyā-ndevaya॒jyāyā॒-mupa̭hūtaḥ | bhūya̭si havi॒ṣkara̭ṇa॒ upa̭hūtaḥ |
di॒vye dhāma॒nnupa̭hūtaḥ |
i॒da-mmḙ de॒vā ha॒virjṷṣantā॒miti॒ tasmi॒nnupa̭hūtaḥ |
viśva̭masya pri॒yamupa̭hūtam |
viśva̭sya pri॒yasyopa̭hūta॒syopa̭hūtaḥ || 18 ||
(sa॒harṣa̭bhā hvayatā॒ - mupa̭hūtagṃ - havi॒ṣkara̭ṇa॒ upa̭hūtaśca॒tvāri̭ ca) (a. 8)
anuvākaṃ 9 - anūyājāḥ
de॒va-mba॒r॒hiḥ | va॒su॒vanḙ vasu॒dheya̭sya vetu | de॒vo narā॒śagṃ saḥ̭ | va॒su॒vanḙ vasu॒dheya̭sya vetu | de॒vo a॒gni-ssvi̭ṣṭa॒kṛt | su॒dravi̭ṇā ma॒ndraḥ ka॒viḥ | sa॒tyama̭nmā-''ya॒jī hotā᳚ | hotṷr-hotu॒rāya̭jīyān | agne॒ yān-de॒vānayā᳚ṭ | yāgṃ api̭preḥ | ye tḙ ho॒tre ama̭thsata | tāgṃ sa̭sa॒nuṣī॒gṃ॒ hotrā᳚-ndeva-ṅga॒mām | di॒vi de॒veṣṷ ya॒jñamera̭ye॒mam | svi॒ṣṭa॒kṛccāgne॒ hotā-'bhūḥ᳚ |
va॒su॒vanḙ vasu॒dheya̭sya namovā॒ke vīhi̭ || 19 ||
(api̭preḥ॒ pañca̭ ca) (a. 9)
anuvākaṃ 10 - sūktāvākaḥ
i॒da-ndyā̭vāpṛthivī bha॒drama̭bhūt |
ārdhma̭ sūktavā॒kam | u॒ta na̭movā॒kam |
ṛ॒ddhyāsma̭ sū॒ktocya̭magne | tvagṃ sū᳚kta॒vāga̭si |
upa̭śrito di॒vaḥ pṛ̭thi॒vyoḥ | oma̭nvatī te॒-'smin. ya॒jñe ya̭jamāna॒ dyāvā̭pṛthi॒vī stā᳚m |
śa॒gaṃ॒ye jī॒radā̭nū | atra̭snū॒ apra̭vede |
u॒ruga̭vyūtī abhaya॒-ṅkṛtau᳚ || 20 ||
vṛ॒ṣṭidyā̭vā rī॒tyā̭pā | śa॒mbhuvaṷ mayo॒bhuvau᳚ |
ūrja̭svatī ca॒ paya̭svatī ca | sū॒pa॒ca॒ra॒ṇā ca̭ svadhicara॒ṇā ca̭ | tayo̭rā॒vidi̭ ||
a॒gniri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | soma̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta |
a॒gniri॒dagṃ ha॒vira̭juṣata || 21 ||
avī̭vṛdhata॒ maho॒ jyāyo̭-'kṛta | pra॒jāpa̭tiri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | a॒gnīṣomā̭vi॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām |
i॒ndrā॒gnī i॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām | indra̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | ma॒he॒ndra i॒dagṃ ha॒vira̭juṣata || 22 ||
avī̭vṛdhata॒ maho॒ jyāyo̭-'kṛta | de॒vā ā᳚jya॒pā ājya̭majuṣanta | avī̭vṛdhanta॒ maho॒ jyāyo᳚-'krata | a॒gnirho॒treṇe॒dagṃ ha॒vira̭juṣata |
avī̭vṛdhata॒ maho॒ jyāyo̭-'kṛta |
a॒syāmṛdha॒-ddhotrā̭yā-ndevaṅga॒māyā᳚m |
āśā᳚ste॒-'yaṃ-ya~ja̭māno॒-'sau ||
āyu॒rāśā᳚ste | su॒pra॒jā॒stva-māśā᳚ste |
sa॒jā॒ta॒va॒na॒syā-māśā᳚ste || 23 ||
utta̭rā-ndevaya॒jyā-māśā᳚ste | bhūyo̭ havi॒ṣkara̭ṇa॒-māśā᳚ste | di॒vya-ndhāmāśā᳚ste | viśva̭-mpri॒yamāśā᳚ste | yada॒nena̭ ha॒viṣā ''śā᳚ste | tada̭śyā॒t-tadṛ̭ddhyāt | tada̭smai de॒vā rā̭santām | tada॒gni-rde॒vo de॒vebhyo॒ vana̭te | va॒yama॒gne-rmānṷṣāḥ | i॒ṣṭa-ñca̭ vī॒ta-ñca̭ | u॒bhe ca̭ no॒ dyāvā̭pṛthi॒vī agṃha̭saspātām |
i॒ha gati̭-rvā॒masye॒da-ñca̭ | namo̭ de॒vebhyaḥ̭ || 24 ||
(a॒bha॒ya॒ṅkṛtā̭vakṛ - tā॒gniri॒dagṃ ha॒vira̭juṣata - mahe॒ndra i॒dagṃ ha॒vira̭juṣata - sajātavana॒syāmāśā᳚ste - vī॒ta-ñca॒ trīṇi̭ ca) (a. 10)
anuvākaṃ 11 - śaṃyu~vākaḥ
tacchaṃ॒-yo~rā vṛ̭ṇīmahe | gā॒tuṃ-ya~॒jñāya̭ | gā॒tuṃ-ya~॒jñapa̭taye | daivī᳚ sva॒stira̭stu naḥ | sva॒sti-rmānṷṣebhyaḥ | ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatṷṣpade || 25 ||
(tacchaṃ॒-yo~ra॒ṣṭau) (a. 11)
anuvākaṃ 12 - patnīsaṃyā~jānāṃ-yā~jyānuvākyāḥ
ā pyā̭yasva॒ samḙtu te vi॒śvataḥ̭ soma॒ vṛṣṇi̭yam | bhavā॒ vāja̭sya saṅga॒the || sa-nte॒ payāgṃ ̭si॒ samṷ yantu॒ vājā॒-ssaṃ-vṛ~ṣṇi̭yā-nyabhimāti॒ṣāhaḥ̭ | ā॒pyāya̭māno a॒mṛtā̭ya soma di॒vi śravāg̭syutta॒māni̭ dhiṣva || ||
i॒ha tvaṣṭā̭ramagri॒yaṃ-vi~॒śvarṷ̄pa॒mupa̭ hvaye | a॒smāka̭mastu॒ keva̭laḥ || tanna̭stu॒rīpa॒madha̭ poṣayi॒tnu deva̭ tvaṣṭa॒rvi ra̭rā॒ṇa-ssya̭sva | yato̭ vī॒raḥ ka̭rma॒ṇyaḥ̭ su॒dakṣo̭ yu॒ktagrā̭vā॒ jāya̭te de॒vakā̭maḥ || ||
de॒vānā॒-mpatnī̭ruśa॒tīra̭vantu naḥ | prāva̭ntu nastu॒jaye॒ vāja̭sātaye | yāḥ pārthi̭vāso॒ yā a॒pāmapi̭ vra॒te | tā no̭ devī-ssuhavā॒-śśarma̭ yacchata || u॒ta gnā vi̭yantu de॒vapa̭tnīḥ | i॒ndrā॒ṇya̭gnāyya॒śvinī॒ rāṭ | ā roda̭sī varuṇā॒nī śṛ̭ṇotu |
vi॒yantṷ de॒vīrya ṛ॒turjanī̭nām || 26 ||
a॒gnir-hotā̭ gṛ॒hapa̭ti॒-ssa rājā᳚ | viśvā̭ veda॒ jani̭mā jā॒tavḙdāḥ | de॒vānā̭mu॒ta yo martyā̭nām | yaji̭ṣṭha॒-ssa praya̭jatāmṛ॒tāvā᳚ ||
va॒yamṷ tvā gṛhapate॒ janā̭nām | agne॒ aka̭rma sa॒midhā̭ bṛ॒hanta᳚m | a॒sthū॒riṇo॒ gārha̭patyāni santu | ti॒gmena̭ na॒steja̭sā॒ sagṃśi̭śādhi || 27 ||
(janī̭nā - +ma॒ṣṭau ca̭) (a. 12)
anuvākaṃ 13 - patnīsaṃyā~je somāhvānam
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām | upa̭hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 28 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 29 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tnīṃ॒-va~rdhāṋ | upa̭hūte॒ dyāvā̭pṛthi॒vī | pū॒rva॒je ṛ॒tāva̭rī | de॒vī de॒vapṷtre | upa̭hūte॒yaṃ-ya~ja̭mānā | i॒ndrā॒ṇīvā̭vidha॒vā | adi̭tiriva supu॒trā | utta̭rasyā-ndevaya॒jyāyā॒-mupa̭hūtā |
bhūya̭si havi॒ṣkara̭ṇa॒ upa̭hūtā | di॒vye dhāma॒nnupa̭hūtā | i॒da-mmḙ de॒vā ha॒vi-rjṷṣantā॒miti॒ tasmi॒-nnupa̭hūtā | viśva̭masyāḥ pri॒yamupa̭hūtam |
viśva̭sya pri॒yasyopa̭hūta॒syopa̭hūtā || 30 ||
(sa॒harṣa̭bhā hvayatā॒ - mupa̭hūtagṃ - supu॒trā ṣaṭca̭) (a. 13)
(sa॒tyaṃ - pravo - 'gnḙ ma॒hā - na॒gnir-hotā̭ - sa॒midho॒ - 'gni-rvṛ॒trāṇya॒ - gni-rmū॒rdho - pa̭hūtaṃ - de॒va-mba॒r॒hi - ri॒da-ndyā̭vāpṛthivī॒ -tacchaṃ॒yo~- rā pyā̭ya॒svo - pa̭hūta॒-ntrayo̭daśa)
(sa॒tyaṃ - ~va॒yagg syā̭ma - vṛ॒ṣṭidyā̭vā tri॒gṃ॒śat)
(sa॒tya-mupa̭hūtā)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake pañcama prapāṭhaka-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय ब्राह्मणे तृतीयाष्टके पञ्चमः प्रपाठकः - इष्टिहौत्रम्
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
अनुवाकं 1 - होतुर्जपः पुरस्ता-थ्सामिधेनीनाम्
स॒त्य-म्प्रप॑द्ये । ऋ॒त-म्प्रप॑द्ये ।
अ॒मृत॒-म्प्रप॑द्ये ।
प्र॒जाप॑तेः प्रि॒या-न्त॒नुव॒मना᳚र्ता॒-म्प्रप॑द्ये ।
इ॒दम॒ह-म्प॑ञ्चद॒शेन॒ वज्रे॑ण ।
द्वि॒षन्त॒-म्भ्रातृ॑व्य॒मव॑क्रामामि ।
यो᳚-ऽस्मा-न्द्वेष्टि॑ । य-ञ्च॑ व॒य-न्द्वि॒ष्मः ।
भूर्भुव॒-स्सुवः॑ । हिम् ॥ 1 ॥
(स॒त्य-न्दश॑) (अ. 1)
अनुवाकं 2 - सामिधेनीम्रन्वाह
प्र वो॒ वाजा॑ अ॒भिद्य॑वः । ह॒विष्म॑न्तो घृ॒ताच्या᳚ ।
दे॒वाञ्जि॑गाति सुम्न॒युः ॥ अग्न॒ आया॑हि वी॒तये᳚ । गृ॒णा॒नो ह॒व्यदा॑तये । नि होता॑ सथ्सि ब॒र॒ःइषि॑ ॥ त-न्त्वा॑ स॒मिद्भि॑रङ्गिरः । घृ॒तेन॑ वर्धयामसि । बृ॒हच्छो॑चा यविष्ठ्य ॥ स नः॑ पृ॒थु श्र॒वाय्य᳚म् ॥ 2 ॥
अच्छा॑ देव विवाससि । बृ॒हद॑ग्ने सु॒वीर्य᳚म् ॥
ई॒डेन्यो॑ नम॒स्य॑स्ति॒रः । तमाग्ं॑सि दर्श॒तः । सम॒ग्निरि॑द्ध्यते॒ वृषा᳚ ॥ वृषो॑ अ॒ग्नि-स्समि॑द्ध्यते । अश्वो॒ न दे॑व॒वाह॑नः ।
तग्ं ह॒विष्म॑न्त ईडते ॥ वृष॑ण-न्त्वा व॒यं-वृँषन्न्॑ । वृषा॑ण॒-स्समि॑धीमहि ॥ 3 ॥
अग्ने॒ दीद्य॑त-म्बृ॒हत् ॥ अ॒ग्नि-न्दू॒तं-वृँ॑णीमहे ।
होता॑रं-विँ॒श्ववे॑दसम् । अ॒स्य य॒ज्ञस्य॑ सु॒क्रतु᳚म् ॥ स॒मि॒द्ध्यमा॑नो अद्ध्व॒रे । अ॒ग्निः पा॑व॒क ईड्यः॑ । शो॒चिष्के॑श॒स्तमी॑महे ॥ समि॑द्धो अग्न आहुत । दे॒वान्. य॑क्षि स्वद्ध्वर । त्वग्ं हि ह॑व्य॒वाडसि॑ ॥
आजु॑होत दुव॒स्यत॑ । अ॒ग्नि-म्प्र॑य॒त्य॑द्ध्व॒रे ।
वृ॒णी॒द्ध्वग्ं ह॑व्य॒वाह॑नम् ॥
त्वं-वँरु॑ण उ॒त मि॒त्रो अ॑ग्ने । त्वां-वँ॑र्धन्ति म॒तिभि॒र्वसि॑ष्ठाः । त्वे वसु॑ सुषण॒नानि॑ सन्तु । यू॒य-म्पा॑त स्व॒स्तिभि॒-स्सदा॑ नः ॥ 4 ॥
(श्र॒वाय्य॑ - मिधीम॒ - ह्यसि॑ स॒प्त च॑) (अ. 2)
अनुवाकं 3 - प्ररमुक्त्वा निविदो-ऽनूच्य देवता आवाहयति
अग्ने॑ म॒हाग्ं अ॑सि ब्राह्मण भारत । असा॒वसौ᳚ ॥
दे॒वेद्धो॒ मन्वि॑द्धः । ऋषि॑ष्टुतो॒ विप्रा॑नुमदितः । क॒वि॒श॒स्तो ब्रह्म॑सग्ंशितो घृ॒ताह॑वनः ।
प्र॒णी-र्य॒ज्ञाना᳚म् । र॒थीर॑द्ध्व॒राणा᳚म् ।
अ॒तूर्तो॒ होता᳚ । तूर्णि॑र्हव्य॒वाट् ।
आस्पात्र॑-ञ्जु॒हू-र्दे॒वाना᳚म् ॥ 5 ॥
च॒म॒सो दे॑व॒पानः॑ । अ॒राग्ं इ॑वाग्ने ने॒मिर्दे॒वाग्स्त्व-म्प॑रि॒भूर॑सि । आव॑ह दे॒वान्. यज॑मानाय ॥ अ॒ग्निम॑ग्न॒ आव॑ह । सोम॒माव॑ह ।
अ॒ग्निमाव॑ह । प्र॒जाप॑ति॒माव॑ह । अ॒ग्नीषोमा॒वाव॑ह । इ॒न्द्रा॒ग्नी आव॑ह । इन्द्र॒माव॑ह । म॒हे॒न्द्रमाव॑ह । दे॒वाग्ं आ᳚ज्य॒पाग्ं आव॑ह ।
अ॒ग्निग्ं हो॒त्रायाव॑ह । स्व-म्म॑हि॒मान॒माव॑ह । आ चा᳚ग्ने दे॒वान्. वह॑ । सु॒यजा॑ च यज जातवेदः ॥ 6 ॥
(दे॒वाना॒-मिन्द्र॒माव॑ह॒ षट्च॑) (अ. 3)
अनुवाकं 4 - स्रुचावादापयति
अ॒ग्निर्-होता॒ वेत्व॒ग्निः । हो॒त्रं-वेँ᳚त्तु प्रावि॒त्रम् । स्मो व॒यम् । सा॒धु ते॑ यजमान दे॒वता᳚ । घृ॒तव॑ती-मद्ध्वर्यो॒ स्रुच॒मा-ऽस्य॑स्व । दे॒वा॒युवं॑-विँ॒श्ववा॑राम् । ईडा॑महै दे॒वाग्ं ई॒डेन्यान्॑ ।
न॒म॒स्याम॑ नम॒स्यान्॑ । यजा॑म य॒ज्ञियान्॑ ॥ 7 ॥
(अ॒ग्निर्-होता॒ नव॑) (अ. 4)
अनुवाकं 5 - प्रयाजाः
स॒मिधो॑ अग्न॒ आज्य॑स्य वियन्तु । तनू॒नपा॑दग्न॒ आज्य॑स्य वेतु । इ॒डो अ॑ग्न॒ आज्य॑स्य वियन्तु । ब॒र्॒हिर॑ग्न॒ आज्य॑स्य वेतु । स्वाहा॒-ऽग्निम् । स्वाहा॒ सोम᳚म् । स्वाहा॒-ऽग्निम् । स्वाहा᳚ प्र॒जाप॑तिम् ।
स्वाहा॒-ऽग्नीषोमौ᳚ । स्वाहे᳚न्द्रा॒ग्नी । स्वाहेन्द्र᳚म् ।
स्वाहा॑ महे॒न्द्रम् । स्वाहा॑ दे॒वाग्ं आ᳚ज्य॒पान् । स्वाहा॒-ऽग्निग्ं हो॒त्राज्जु॑षा॒णाः ।
अग्न॒ आज्य॑स्य वियन्तु ॥ 8 ॥
(इ॒न्द्रा॒ग्नी पञ्च॑ च) (अ. 5)
अनुवाकं 6 - अज्यभागयोः पुरोनुवाक्ये
अ॒ग्नि-र्वृ॒त्राणि॑ जङ्घनत् । द्र॒वि॒ण॒स्यु-र्वि॑प॒न्यया᳚ ।
समि॑द्ध-श्शु॒क्र आहु॑तः । जु॒षा॒णो अ॒ग्निराज्य॑स्य वेतु । त्वग्ं सो॑मासि॒ सत्प॑तिः । त्वग्ं राजो॒त वृ॑त्र॒हा ।
त्व-म्भ॒द्रो अ॑सि॒ क्रतुः॑ । जु॒षा॒ण-स्सोम॒ आज्य॑स्य ह॒विषो॑ वेतु । अ॒ग्निः प्र॒त्नेन॒ जन्म॑ना । शुम्भा॑नस्त॒नुव॒ग्ग्॒ स्वाम् ।
क॒वि-र्विप्रे॑ण वावृधे । जु॒षा॒णो अ॒ग्निराज्य॑स्य वेतु ।
सोम॑ गी॒र्भिष्ट्वा॑ व॒यम् । व॒र्धया॑मो वचो॒विदः॑ । सु॒मृ॒डी॒को न॒ आवि॑श ।
जु॒षा॒ण-स्सोम॒ आज्य॑स्य ह॒विषो॑ वेतु ॥ 9 ॥
(स्वाग्ं षट्च॑) (अ. 6)
अनुवाकं 7 - हविषां-याँज्यानुवाक्याः
अ॒ग्नि-र्मू॒र्धा दि॒वः क॒कुत् । पतिः॑ पृथि॒व्या अ॒यम् ।
अ॒पाग्ं रेताग्ं॑सि जिन्वति । भुवो॑ य॒ज्ञस्य॒ रज॑सश्च ने॒ता । यत्रा॑ नि॒युद्भि॒-स्सच॑से शि॒वाभिः॑ । दि॒वि मू॒र्धान॑-न्दधिषे सुव॒र्॒षाम् ।
जि॒ह्वाम॑ग्ने चकृषे हव्य॒वाह᳚म् । प्रजा॑पते॒ न त्वदे॒तान्य॒न्यः । विश्वा॑ जा॒तानि॒ परि॒ ता ब॑भूव ।
यत्-का॑मास्ते जुहु॒मस्तन्नो॑ अस्तु ॥ 10 ॥
व॒यग्ग् स्या॑म॒ पत॑यो रयी॒णाम् । स वे॑द पु॒त्रः पि॒तर॒ग्ं॒ स मा॒तर᳚म् । स सू॒नुर्भु॑व॒थ्स भु॑व॒त्पुन॑र्मघः । स द्यामौर्णो॑द॒न्तरि॑क्ष॒ग्ं॒ स सुवः॑ । स विश्वा॒ भुवो॑ अभव॒थ्स आ-ऽभ॑वत् । अग्नी॑षोमा॒ सवे॑दसा । सहू॑ती वनत॒-ङ्गिरः॑ । स-न्दे॑व॒त्रा ब॑भूवथुः । यु॒वमे॒तानि॑ दि॒वि रो॑च॒नानि॑ ।
अ॒ग्निश्च॑ सोम॒ सक्र॑तू अधत्तम् ॥ 11 ॥
यु॒वग्ं सिन्धूग्ं॑ र॒भिश॑स्ते-रव॒द्यात् । अग्नी॑षोमा॒-वमु॑ञ्चत-ङ्गृभी॒तान् ।
इन्द्रा᳚ग्नी रोच॒ना दि॒वः । परि॒ वाजे॑षु भूषथः ।
तद्वा᳚-ञ्चेति॒ प्रवी॒र्य᳚म् । श्नथ॑द्वृ॒त्रमु॒त स॑नोति॒ वाज᳚म् । इन्द्रा॒ यो अ॒ग्नी सहु॑री सप॒र्यात् ।
इ॒र॒ज्यन्ता॑ वस॒व्य॑स्य॒ भूरेः᳚ । सह॑स्तमा॒ सह॑सा वाज॒यन्ता᳚ । एन्द्र॑ सान॒सिग्ं र॒यिम् ॥ 12 ॥
स॒जित्वा॑नग्ं सदा॒सह᳚म् । वर्षि॑ष्ठमू॒तये॑ भर । प्रस॑साहिषे पुरुहूत॒ शत्रून्॑ । ज्येष्ठ॑स्ते॒ शुष्म॑ इ॒ह रा॒तिर॑स्तु । इन्द्राभ॑र॒ दक्षि॑णेना॒ वसू॑नि । पति॒-स्सिन्धू॑नामसि रे॒वती॑नाम् । म॒हाग्ं इन्द्रो॒ य ओज॑सा । प॒र्जन्यो॑ वृष्टि॒माग्ं इ॑व ।
स्तोमै᳚र्व॒थ्सस्य॑ वावृधे ।
म॒हां इन्द्रो॑ नृ॒वदाच॑र्षणि॒प्राः ॥ 13 ॥
उ॒त द्वि॒बर्हा॑ अमि॒न-स्सहो॑भिः । अ॒स्म॒द्रिय॑ग्वावृधे वी॒र्या॑य ।
उ॒रुः पृ॒थु-स्सुकृ॑तः क॒र्तृभि॑र्भूत् ।
पि॒प्री॒हि दे॒वाग्ं उ॑श॒तो य॑विष्ठ ।
वि॒द्वां ऋतूग्ंर्-ऋ॑तुपते यजे॒ह ।
ये दैव्या॑ ऋ॒त्विज॒स्तेभि॑रग्ने ।
त्वग्ं होतॄ॑णाम॒स्याय॑जिष्ठः ॥
अ॒ग्निग्ग् स्वि॑ष्ट॒कृत᳚म् । अया॑ड॒ग्निर॒ग्नेः प्रि॒या धामा॑नि । अया॒ट्थ्सोम॑स्य प्रि॒या धामा॑नि ॥ 14 ॥
अया॑ड॒ग्नेः प्रि॒या धामा॑नि । अया᳚ट्प्र॒जाप॑तेः प्रि॒या धामा॑नि । अया॑ड॒ग्नीषोम॑योः प्रि॒या धामा॑नि । अया॑डिन्द्राग्नि॒योः प्रि॒या धामा॑नि ।
अया॒डिन्द्र॑स्य प्रि॒या धामा॑नि । अया᳚ण्महे॒न्द्रस्य॑ प्रि॒या धामा॑नि । अया᳚ड्दे॒वाना॑-माज्य॒पाना᳚-म्प्रि॒या धामा॑नि । यक्ष॑द॒ग्नेर्-होतुः॑ प्रि॒या धामा॑नि । यक्ष॒थ्स्व-म्म॑हि॒मान᳚म् । आय॑जता॒मेज्या॒ इषः॑ । कृ॒णोतु॒ सो अ॑द्ध्व॒रा जा॒तवे॑दाः । जु॒षताग्ं॑ ह॒विः । अग्ने॒ यद॒द्य वि॒शो अ॑द्ध्वरस्य होतः ।
पाव॑क शोचे॒ वेष्ट्वग्ं हि यज्वा᳚ । ऋ॒ता य॑जासि महि॒ना वि यद्भूः ।
ह॒व्या व॑ह यविष्ठ॒ या ते॑ अ॒द्य ॥ 15 ॥
(अ॒स्त्व॒ - ध॒त्त॒ग्ं - र॒यिं - च॑र्षणि॒प्राः - सोम॑स्य प्रि॒या धामा॒ - नीष॒-ष्षट्च॑) (अ. 7)
अनुवाकं 8 - इडोपाह्वानाम्
उप॑हूतग्ं रथन्त॒रग्ं स॒ह पृ॑थि॒व्या ।
उप॑ मा रथन्त॒रग्ं स॒ह पृ॑थि॒व्या ह्व॑यताम् ।
उप॑हूतं-वाँमदे॒व्यग्ं स॒हान्तरि॑क्षेण ।
उप॑ मा वामदे॒व्यग्ं स॒हान्तरि॑क्षेण ह्वयताम् ।
उप॑ हूत-म्बृ॒हथ्स॒ह दि॒वा । उप॑ मा बृ॒हथ्स॒ह दि॒वा ह्व॑यताम् । उप॑हूता-स्स॒प्त होत्राः᳚ ।
उप॑ मा स॒प्त होत्रा᳚ ह्वयन्ताम् । उप॑हूता धे॒नु-स्स॒हर्ष॑भा । उप॑ मा धे॒नु-स्स॒हर्ष॑भा ह्वयताम् ॥ 16 ॥
उप॑हूतो भ॒क्ष-स्सखा᳚ । उप॑ मा भ॒क्ष-स्सखा᳚ ह्वयताम् । उप॑हू॒ताँ(4) हो । इडोप॑हूता । उप॑हू॒तेडा᳚ । उपो॑ अ॒स्माग्ं इडा᳚ ह्वयताम् । इडोप॑हूता । उप॑हू॒तेडा᳚ । मा॒न॒वी घृ॒तप॑दी मैत्रावरु॒णी ।
ब्रह्म॑ दे॒वकृ॑त॒मुप॑हूतम् ॥ 17 ॥
दैव्या॑ अद्ध्व॒र्यव॒ उप॑हूताः । उप॑हूता मनु॒ष्याः᳚ । य इ॒मं-यँ॒ज्ञमवान्॑ । ये य॒ज्ञप॑तिं॒-वँर्धान्॑ । उप॑हूते॒ द्यावा॑पृथि॒वी ।
पू॒र्व॒जे ऋ॒ताव॑री । दे॒वी दे॒वपु॑त्रे । उप॑हूतो॒-ऽयं-यँज॑मानः । उत्त॑रस्या-न्देवय॒ज्याया॒-मुप॑हूतः । भूय॑सि हवि॒ष्कर॑ण॒ उप॑हूतः ।
दि॒व्ये धाम॒न्नुप॑हूतः ।
इ॒द-म्मे॑ दे॒वा ह॒विर्जु॑षन्ता॒मिति॒ तस्मि॒न्नुप॑हूतः ।
विश्व॑मस्य प्रि॒यमुप॑हूतम् ।
विश्व॑स्य प्रि॒यस्योप॑हूत॒स्योप॑हूतः ॥ 18 ॥
(स॒हर्ष॑भा ह्वयता॒ - मुप॑हूतग्ं - हवि॒ष्कर॑ण॒ उप॑हूतश्च॒त्वारि॑ च) (अ. 8)
अनुवाकं 9 - अनूयाजाः
दे॒व-म्ब॒र्॒हिः । व॒सु॒वने॑ वसु॒धेय॑स्य वेतु । दे॒वो नरा॒शग्ं सः॑ । व॒सु॒वने॑ वसु॒धेय॑स्य वेतु । दे॒वो अ॒ग्नि-स्स्वि॑ष्ट॒कृत् । सु॒द्रवि॑णा म॒न्द्रः क॒विः । स॒त्यम॑न्मा-ऽऽय॒जी होता᳚ । होतु॑र्-होतु॒राय॑जीयान् । अग्ने॒ यान्-दे॒वानया᳚ट् । याग्ं अपि॑प्रेः । ये ते॑ हो॒त्रे अम॑थ्सत । ताग्ं स॑स॒नुषी॒ग्ं॒ होत्रा᳚-न्देव-ङ्ग॒माम् । दि॒वि दे॒वेषु॑ य॒ज्ञमेर॑ये॒मम् । स्वि॒ष्ट॒कृच्चाग्ने॒ होता-ऽभूः᳚ ।
व॒सु॒वने॑ वसु॒धेय॑स्य नमोवा॒के वीहि॑ ॥ 19 ॥
(अपि॑प्रेः॒ पञ्च॑ च) (अ. 9)
अनुवाकं 10 - सूक्तावाकः
इ॒द-न्द्या॑वापृथिवी भ॒द्रम॑भूत् ।
आर्ध्म॑ सूक्तवा॒कम् । उ॒त न॑मोवा॒कम् ।
ऋ॒द्ध्यास्म॑ सू॒क्तोच्य॑मग्ने । त्वग्ं सू᳚क्त॒वाग॑सि ।
उप॑श्रितो दि॒वः पृ॑थि॒व्योः । ओम॑न्वती ते॒-ऽस्मिन्. य॒ज्ञे य॑जमान॒ द्यावा॑पृथि॒वी स्ता᳚म् ।
श॒गं॒ये जी॒रदा॑नू । अत्र॑स्नू॒ अप्र॑वेदे ।
उ॒रुग॑व्यूती अभय॒-ङ्कृतौ᳚ ॥ 20 ॥
वृ॒ष्टिद्या॑वा री॒त्या॑पा । श॒म्भुवौ॑ मयो॒भुवौ᳚ ।
ऊर्ज॑स्वती च॒ पय॑स्वती च । सू॒प॒च॒र॒णा च॑ स्वधिचर॒णा च॑ । तयो॑रा॒विदि॑ ॥
अ॒ग्निरि॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत । सोम॑ इ॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत ।
अ॒ग्निरि॒दग्ं ह॒विर॑जुषत ॥ 21 ॥
अवी॑वृधत॒ महो॒ ज्यायो॑-ऽकृत । प्र॒जाप॑तिरि॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत । अ॒ग्नीषोमा॑वि॒दग्ं ह॒विर॑जुषेताम् ।
अवी॑वृधेता॒-म्महो॒ ज्यायो᳚-ऽक्राताम् ।
इ॒न्द्रा॒ग्नी इ॒दग्ं ह॒विर॑जुषेताम् ।
अवी॑वृधेता॒-म्महो॒ ज्यायो᳚-ऽक्राताम् । इन्द्र॑ इ॒दग्ं ह॒विर॑जुषत । अवी॑वृधत॒ महो॒ ज्यायो॑-ऽकृत । म॒हे॒न्द्र इ॒दग्ं ह॒विर॑जुषत ॥ 22 ॥
अवी॑वृधत॒ महो॒ ज्यायो॑-ऽकृत । दे॒वा आ᳚ज्य॒पा आज्य॑मजुषन्त । अवी॑वृधन्त॒ महो॒ ज्यायो᳚-ऽक्रत । अ॒ग्निर्हो॒त्रेणे॒दग्ं ह॒विर॑जुषत ।
अवी॑वृधत॒ महो॒ ज्यायो॑-ऽकृत ।
अ॒स्यामृध॒-द्धोत्रा॑या-न्देवङ्ग॒माया᳚म् ।
आशा᳚स्ते॒-ऽयं-यँज॑मानो॒-ऽसौ ॥
आयु॒राशा᳚स्ते । सु॒प्र॒जा॒स्त्व-माशा᳚स्ते ।
स॒जा॒त॒व॒न॒स्या-माशा᳚स्ते ॥ 23 ॥
उत्त॑रा-न्देवय॒ज्या-माशा᳚स्ते । भूयो॑ हवि॒ष्कर॑ण॒-माशा᳚स्ते । दि॒व्य-न्धामाशा᳚स्ते । विश्व॑-म्प्रि॒यमाशा᳚स्ते । यद॒नेन॑ ह॒विषा ऽऽशा᳚स्ते । तद॑श्या॒त्-तदृ॑द्ध्यात् । तद॑स्मै दे॒वा रा॑सन्ताम् । तद॒ग्नि-र्दे॒वो दे॒वेभ्यो॒ वन॑ते । व॒यम॒ग्ने-र्मानु॑षाः । इ॒ष्ट-ञ्च॑ वी॒त-ञ्च॑ । उ॒भे च॑ नो॒ द्यावा॑पृथि॒वी अग्ंह॑सस्पाताम् ।
इ॒ह गति॑-र्वा॒मस्ये॒द-ञ्च॑ । नमो॑ दे॒वेभ्यः॑ ॥ 24 ॥
(अ॒भ॒य॒ङ्कृता॑वकृ - ता॒ग्निरि॒दग्ं ह॒विर॑जुषत - महे॒न्द्र इ॒दग्ं ह॒विर॑जुषत - सजातवन॒स्यामाशा᳚स्ते - वी॒त-ञ्च॒ त्रीणि॑ च) (अ. 10)
अनुवाकं 11 - शंयुँवाकः
तच्छं॒-योँरा वृ॑णीमहे । गा॒तुं-यँ॒ज्ञाय॑ । गा॒तुं-यँ॒ज्ञप॑तये । दैवी᳚ स्व॒स्तिर॑स्तु नः । स्व॒स्ति-र्मानु॑षेभ्यः । ऊ॒र्ध्व-ञ्जि॑गातु भेष॒जम् ।
श-न्नो॑ अस्तु द्वि॒पदे᳚ । श-ञ्चतु॑ष्पदे ॥ 25 ॥
(तच्छं॒-योँर॒ष्टौ) (अ. 11)
अनुवाकं 12 - पत्नीसंयाँजानां-याँज्यानुवाक्याः
आ प्या॑यस्व॒ समे॑तु ते वि॒श्वतः॑ सोम॒ वृष्णि॑यम् । भवा॒ वाज॑स्य सङ्ग॒थे ॥ स-न्ते॒ पयाग्ं ॑सि॒ समु॑ यन्तु॒ वाजा॒-स्सं-वृँष्णि॑या-न्यभिमाति॒षाहः॑ । आ॒प्याय॑मानो अ॒मृता॑य सोम दि॒वि श्रवाग्॑स्युत्त॒मानि॑ धिष्व ॥ ॥
इ॒ह त्वष्टा॑रमग्रि॒यं-विँ॒श्वरू॑प॒मुप॑ ह्वये । अ॒स्माक॑मस्तु॒ केव॑लः ॥ तन्न॑स्तु॒रीप॒मध॑ पोषयि॒त्नु देव॑ त्वष्ट॒र्वि र॑रा॒ण-स्स्य॑स्व । यतो॑ वी॒रः क॑र्म॒ण्यः॑ सु॒दक्षो॑ यु॒क्तग्रा॑वा॒ जाय॑ते दे॒वका॑मः ॥ ॥
दे॒वाना॒-म्पत्नी॑रुश॒तीर॑वन्तु नः । प्राव॑न्तु नस्तु॒जये॒ वाज॑सातये । याः पार्थि॑वासो॒ या अ॒पामपि॑ व्र॒ते । ता नो॑ देवी-स्सुहवा॒-श्शर्म॑ यच्छत ॥ उ॒त ग्ना वि॑यन्तु दे॒वप॑त्नीः । इ॒न्द्रा॒ण्य॑ग्नाय्य॒श्विनी॒ राट् । आ रोद॑सी वरुणा॒नी शृ॑णोतु ।
वि॒यन्तु॑ दे॒वीर्य ऋ॒तुर्जनी॑नाम् ॥ 26 ॥
अ॒ग्निर्-होता॑ गृ॒हप॑ति॒-स्स राजा᳚ । विश्वा॑ वेद॒ जनि॑मा जा॒तवे॑दाः । दे॒वाना॑मु॒त यो मर्त्या॑नाम् । यजि॑ष्ठ॒-स्स प्रय॑जतामृ॒तावा᳚ ॥
व॒यमु॑ त्वा गृहपते॒ जना॑नाम् । अग्ने॒ अक॑र्म स॒मिधा॑ बृ॒हन्त᳚म् । अ॒स्थू॒रिणो॒ गार्ह॑पत्यानि सन्तु । ति॒ग्मेन॑ न॒स्तेज॑सा॒ सग्ंशि॑शाधि ॥ 27 ॥
(जनी॑ना - +म॒ष्टौ च॑) (अ. 12)
अनुवाकं 13 - पत्नीसंयाँजे सोमाह्वानम्
उप॑हूतग्ं रथन्त॒रग्ं स॒ह पृ॑थि॒व्या ।
उप॑ मा रथन्त॒रग्ं स॒ह पृ॑थि॒व्या ह्व॑यताम् ।
उप॑हूतं-वाँमदे॒व्यग्ं स॒हान्तरि॑क्षेण ।
उप॑ मा वामदे॒व्यग्ं स॒हान्तरि॑क्षेण ह्वयताम् । उप॑हूत-म्बृ॒हथ्स॒ह दि॒वा । उप॑ मा बृ॒हथ्स॒ह दि॒वा ह्व॑यताम् । उप॑हूता-स्स॒प्त होत्राः᳚ ।
उप॑ मा स॒प्त होत्रा᳚ ह्वयन्ताम् । उप॑हूता धे॒नु-स्स॒हर्ष॑भा । उप॑ मा धे॒नु-स्स॒हर्ष॑भा ह्वयताम् ॥ 28 ॥
उप॑हूतो भ॒क्ष-स्सखा᳚ । उप॑ मा भ॒क्ष-स्सखा᳚ ह्वयताम् । उप॑हू॒ताँ(4) हो । इडोप॑हूता । उप॑हू॒तेडा᳚ । उपो॑ अ॒स्माग्ं इडा᳚ ह्वयताम् । इडोप॑हूता । उप॑हू॒तेडा᳚ । मा॒न॒वी घृ॒तप॑दी मैत्रावरु॒णी ।
ब्रह्म॑ दे॒वकृ॑त॒मुप॑हूतम् ॥ 29 ॥
दैव्या॑ अद्ध्व॒र्यव॒ उप॑हूताः । उप॑हूता मनु॒ष्याः᳚ । य इ॒मं-यँ॒ज्ञमवान्॑ । ये य॒ज्ञप॑त्नीं॒-वँर्धान्॑ । उप॑हूते॒ द्यावा॑पृथि॒वी । पू॒र्व॒जे ऋ॒ताव॑री । दे॒वी दे॒वपु॑त्रे । उप॑हूते॒यं-यँज॑माना । इ॒न्द्रा॒णीवा॑विध॒वा । अदि॑तिरिव सुपु॒त्रा । उत्त॑रस्या-न्देवय॒ज्याया॒-मुप॑हूता ।
भूय॑सि हवि॒ष्कर॑ण॒ उप॑हूता । दि॒व्ये धाम॒न्नुप॑हूता । इ॒द-म्मे॑ दे॒वा ह॒वि-र्जु॑षन्ता॒मिति॒ तस्मि॒-न्नुप॑हूता । विश्व॑मस्याः प्रि॒यमुप॑हूतम् ।
विश्व॑स्य प्रि॒यस्योप॑हूत॒स्योप॑हूता ॥ 30 ॥
(स॒हर्ष॑भा ह्वयता॒ - मुप॑हूतग्ं - सुपु॒त्रा षट्च॑) (अ. 13)
(स॒त्यं - प्रवो - ऽग्ने॑ म॒हा - न॒ग्निर्-होता॑ - स॒मिधो॒ - ऽग्नि-र्वृ॒त्राण्य॒ - ग्नि-र्मू॒र्धो - प॑हूतं - दे॒व-म्ब॒र्॒हि - रि॒द-न्द्या॑वापृथिवी॒ -तच्छं॒योँ- रा प्या॑य॒स्वो - प॑हूत॒-न्त्रयो॑दश)
(स॒त्यं - ँव॒यग्ग् स्या॑म - वृ॒ष्टिद्या॑वा त्रि॒ग्ं॒शत्)
(स॒त्य-मुप॑हूता)
॥ हरिः॑ ओम् ॥
॥ कृष्ण यजुर्वेदीय तैत्तिरीय ब्राह्मणे तृतीयाष्टके पञ्चम प्रपाठक-स्समाप्तः ॥
kṛṣṇa yajurvedīya taittirīya brāhmaṇe tṛtīyāṣṭake pañcamaḥ prapāṭhakaḥ - iṣṭihautram
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
anuvākaṃ 1 - hoturjapaḥ purastā-thsāmidhenīnām
sa॒tya-mprapa̭dye | ṛ॒ta-mprapa̭dye |
a॒mṛta॒-mprapa̭dye |
pra॒jāpa̭teḥ pri॒yā-nta॒nuva॒manā᳚rtā॒-mprapa̭dye |
i॒dama॒ha-mpa̭ñcada॒śena॒ vajrḙṇa |
dvi॒ṣanta॒-mbhrātṛ̭vya॒mava̭krāmāmi |
yo᳚-'smā-ndveṣṭi̭ | ya-ñca̭ va॒ya-ndvi॒ṣmaḥ |
bhūrbhuva॒-ssuvaḥ̭ | him || 1 ||
(sa॒tya-ndaśa̭) (a. 1)
anuvākaṃ 2 - sāmidhenīmranvāha
pra vo॒ vājā̭ a॒bhidya̭vaḥ | ha॒viṣma̭nto ghṛ॒tācyā᳚ |
de॒vāñji̭gāti sumna॒yuḥ || agna॒ āyā̭hi vī॒taye᳚ | gṛ॒ṇā॒no ha॒vyadā̭taye | ni hotā̭ sathsi ba॒ra॒ḥiṣi̭ || ta-ntvā̭ sa॒midbhi̭raṅgiraḥ | ghṛ॒tena̭ vardhayāmasi | bṛ॒haccho̭cā yaviṣṭhya || sa naḥ̭ pṛ॒thu śra॒vāyya᳚m || 2 ||
acchā̭ deva vivāsasi | bṛ॒hada̭gne su॒vīrya᳚m ||
ī॒ḍenyo̭ nama॒sya̭sti॒raḥ | tamāgṃ̭si darśa॒taḥ | sama॒gniri̭ddhyate॒ vṛṣā᳚ || vṛṣo̭ a॒gni-ssami̭ddhyate | aśvo॒ na dḙva॒vāha̭naḥ |
tagṃ ha॒viṣma̭nta īḍate || vṛṣa̭ṇa-ntvā va॒yaṃ-vṛ~ṣanṋ | vṛṣā̭ṇa॒-ssami̭dhīmahi || 3 ||
agne॒ dīdya̭ta-mbṛ॒hat || a॒gni-ndū॒taṃ-vṛ~̭ṇīmahe |
hotā̭raṃ-vi~॒śvavḙdasam | a॒sya ya॒jñasya̭ su॒kratu᳚m || sa॒mi॒ddhyamā̭no addhva॒re | a॒gniḥ pā̭va॒ka īḍyaḥ̭ | śo॒ciṣkḙśa॒stamī̭mahe || sami̭ddho agna āhuta | de॒vān. ya̭kṣi svaddhvara | tvagṃ hi ha̭vya॒vāḍasi̭ ||
ājṷhota duva॒syata̭ | a॒gni-mpra̭ya॒tya̭ddhva॒re |
vṛ॒ṇī॒ddhvagṃ ha̭vya॒vāha̭nam ||
tvaṃ-va~rṷṇa u॒ta mi॒tro a̭gne | tvāṃ-va~̭rdhanti ma॒tibhi॒rvasi̭ṣṭhāḥ | tve vasṷ suṣaṇa॒nāni̭ santu | yū॒ya-mpā̭ta sva॒stibhi॒-ssadā̭ naḥ || 4 ||
(śra॒vāyya̭ - midhīma॒ - hyasi̭ sa॒pta ca̭) (a. 2)
anuvākaṃ 3 - praramuktvā nivido-'nūcya devatā āvāhayati
agnḙ ma॒hāgṃ a̭si brāhmaṇa bhārata | asā॒vasau᳚ ||
de॒veddho॒ manvi̭ddhaḥ | ṛṣi̭ṣṭuto॒ viprā̭numaditaḥ | ka॒vi॒śa॒sto brahma̭sagṃśito ghṛ॒tāha̭vanaḥ |
pra॒ṇī-rya॒jñānā᳚m | ra॒thīra̭ddhva॒rāṇā᳚m |
a॒tūrto॒ hotā᳚ | tūrṇi̭rhavya॒vāṭ |
āspātra̭-ñju॒hū-rde॒vānā᳚m || 5 ||
ca॒ma॒so dḙva॒pānaḥ̭ | a॒rāgṃ i̭vāgne ne॒mirde॒vāgstva-mpa̭ri॒bhūra̭si | āva̭ha de॒vān. yaja̭mānāya || a॒gnima̭gna॒ āva̭ha | soma॒māva̭ha |
a॒gnimāva̭ha | pra॒jāpa̭ti॒māva̭ha | a॒gnīṣomā॒vāva̭ha | i॒ndrā॒gnī āva̭ha | indra॒māva̭ha | ma॒he॒ndramāva̭ha | de॒vāgṃ ā᳚jya॒pāgṃ āva̭ha |
a॒gnigṃ ho॒trāyāva̭ha | sva-mma̭hi॒māna॒māva̭ha | ā cā᳚gne de॒vān. vaha̭ | su॒yajā̭ ca yaja jātavedaḥ || 6 ||
(de॒vānā॒-mindra॒māva̭ha॒ ṣaṭca̭) (a. 3)
anuvākaṃ 4 - srucāvādāpayati
a॒gnir-hotā॒ vetva॒gniḥ | ho॒traṃ-ve~᳚ttu prāvi॒tram | smo va॒yam | sā॒dhu tḙ yajamāna de॒vatā᳚ | ghṛ॒tava̭tī-maddhvaryo॒ sruca॒mā-'sya̭sva | de॒vā॒yuvaṃ̭-vi~॒śvavā̭rām | īḍā̭mahai de॒vāgṃ ī॒ḍenyāṋ |
na॒ma॒syāma̭ nama॒syāṋ | yajā̭ma ya॒jñiyāṋ || 7 ||
(a॒gnir-hotā॒ nava̭) (a. 4)
anuvākaṃ 5 - prayājāḥ
sa॒midho̭ agna॒ ājya̭sya viyantu | tanū॒napā̭dagna॒ ājya̭sya vetu | i॒ḍo a̭gna॒ ājya̭sya viyantu | ba॒r॒hira̭gna॒ ājya̭sya vetu | svāhā॒-'gnim | svāhā॒ soma᳚m | svāhā॒-'gnim | svāhā᳚ pra॒jāpa̭tim |
svāhā॒-'gnīṣomau᳚ | svāhe᳚ndrā॒gnī | svāhendra᳚m |
svāhā̭ mahe॒ndram | svāhā̭ de॒vāgṃ ā᳚jya॒pān | svāhā॒-'gnigṃ ho॒trājjṷṣā॒ṇāḥ |
agna॒ ājya̭sya viyantu || 8 ||
(i॒ndrā॒gnī pañca̭ ca) (a. 5)
anuvākaṃ 6 - ajyabhāgayoḥ puronuvākye
a॒gni-rvṛ॒trāṇi̭ jaṅghanat | dra॒vi॒ṇa॒syu-rvi̭pa॒nyayā᳚ |
sami̭ddha-śśu॒kra āhṷtaḥ | ju॒ṣā॒ṇo a॒gnirājya̭sya vetu | tvagṃ so̭māsi॒ satpa̭tiḥ | tvagṃ rājo॒ta vṛ̭tra॒hā |
tva-mbha॒dro a̭si॒ kratuḥ̭ | ju॒ṣā॒ṇa-ssoma॒ ājya̭sya ha॒viṣo̭ vetu | a॒gniḥ pra॒tnena॒ janma̭nā | śumbhā̭nasta॒nuva॒gg॒ svām |
ka॒vi-rviprḙṇa vāvṛdhe | ju॒ṣā॒ṇo a॒gnirājya̭sya vetu |
soma̭ gī॒rbhiṣṭvā̭ va॒yam | va॒rdhayā̭mo vaco॒vidaḥ̭ | su॒mṛ॒ḍī॒ko na॒ āvi̭śa |
ju॒ṣā॒ṇa-ssoma॒ ājya̭sya ha॒viṣo̭ vetu || 9 ||
(svāgṃ ṣaṭca̭) (a. 6)
anuvākaṃ 7 - haviṣāṃ-yā~jyānuvākyāḥ
a॒gni-rmū॒rdhā di॒vaḥ ka॒kut | patiḥ̭ pṛthi॒vyā a॒yam |
a॒pāgṃ retāgṃ̭si jinvati | bhuvo̭ ya॒jñasya॒ raja̭saśca ne॒tā | yatrā̭ ni॒yudbhi॒-ssaca̭se śi॒vābhiḥ̭ | di॒vi mū॒rdhāna̭-ndadhiṣe suva॒r॒ṣām |
ji॒hvāma̭gne cakṛṣe havya॒vāha᳚m | prajā̭pate॒ na tvade॒tānya॒nyaḥ | viśvā̭ jā॒tāni॒ pari॒ tā ba̭bhūva |
yat-kā̭māste juhu॒mastanno̭ astu || 10 ||
va॒yagg syā̭ma॒ pata̭yo rayī॒ṇām | sa vḙda pu॒traḥ pi॒tara॒gṃ॒ sa mā॒tara᳚m | sa sū॒nurbhṷva॒thsa bhṷva॒tpuna̭rmaghaḥ | sa dyāmaurṇo̭da॒ntari̭kṣa॒gṃ॒ sa suvaḥ̭ | sa viśvā॒ bhuvo̭ abhava॒thsa ā-'bha̭vat | agnī̭ṣomā॒ savḙdasā | sahṷ̄tī vanata॒-ṅgiraḥ̭ | sa-ndḙva॒trā ba̭bhūvathuḥ | yu॒vame॒tāni̭ di॒vi ro̭ca॒nāni̭ |
a॒gniśca̭ soma॒ sakra̭tū adhattam || 11 ||
yu॒vagṃ sindhūgṃ̭ ra॒bhiśa̭ste-rava॒dyāt | agnī̭ṣomā॒-vamṷñcata-ṅgṛbhī॒tān |
indrā᳚gnī roca॒nā di॒vaḥ | pari॒ vājḙṣu bhūṣathaḥ |
tadvā᳚-ñceti॒ pravī॒rya᳚m | śnatha̭dvṛ॒tramu॒ta sa̭noti॒ vāja᳚m | indrā॒ yo a॒gnī sahṷrī sapa॒ryāt |
i॒ra॒jyantā̭ vasa॒vya̭sya॒ bhūreḥ᳚ | saha̭stamā॒ saha̭sā vāja॒yantā᳚ | endra̭ sāna॒sigṃ ra॒yim || 12 ||
sa॒jitvā̭nagṃ sadā॒saha᳚m | varṣi̭ṣṭhamū॒tayḙ bhara | prasa̭sāhiṣe puruhūta॒ śatrūṋ | jyeṣṭha̭ste॒ śuṣma̭ i॒ha rā॒tira̭stu | indrābha̭ra॒ dakṣi̭ṇenā॒ vasṷ̄ni | pati॒-ssindhṷ̄nāmasi re॒vatī̭nām | ma॒hāgṃ indro॒ ya oja̭sā | pa॒rjanyo̭ vṛṣṭi॒māgṃ i̭va |
stomai᳚rva॒thsasya̭ vāvṛdhe |
ma॒hāṃ indro̭ nṛ॒vadāca̭rṣaṇi॒prāḥ || 13 ||
u॒ta dvi॒barhā̭ ami॒na-ssaho̭bhiḥ | a॒sma॒driya̭gvāvṛdhe vī॒ryā̭ya |
u॒ruḥ pṛ॒thu-ssukṛ̭taḥ ka॒rtṛbhi̭rbhūt |
pi॒prī॒hi de॒vāgṃ ṷśa॒to ya̭viṣṭha |
vi॒dvāṃ ṛtūgṃr-ṛ̭tupate yaje॒ha |
ye daivyā̭ ṛ॒tvija॒stebhi̭ragne |
tvagṃ hotṝ̭ṇāma॒syāya̭jiṣṭhaḥ ||
a॒gnigg svi̭ṣṭa॒kṛta᳚m | ayā̭ḍa॒gnira॒gneḥ pri॒yā dhāmā̭ni | ayā॒ṭthsoma̭sya pri॒yā dhāmā̭ni || 14 ||
ayā̭ḍa॒gneḥ pri॒yā dhāmā̭ni | ayā᳚ṭpra॒jāpa̭teḥ pri॒yā dhāmā̭ni | ayā̭ḍa॒gnīṣoma̭yoḥ pri॒yā dhāmā̭ni | ayā̭ḍindrāgni॒yoḥ pri॒yā dhāmā̭ni |
ayā॒ḍindra̭sya pri॒yā dhāmā̭ni | ayā᳚ṇmahe॒ndrasya̭ pri॒yā dhāmā̭ni | ayā᳚ḍde॒vānā̭-mājya॒pānā᳚-mpri॒yā dhāmā̭ni | yakṣa̭da॒gner-hotuḥ̭ pri॒yā dhāmā̭ni | yakṣa॒thsva-mma̭hi॒māna᳚m | āya̭jatā॒mejyā॒ iṣaḥ̭ | kṛ॒ṇotu॒ so a̭ddhva॒rā jā॒tavḙdāḥ | ju॒ṣatāgṃ̭ ha॒viḥ | agne॒ yada॒dya vi॒śo a̭ddhvarasya hotaḥ |
pāva̭ka śoce॒ veṣṭvagṃ hi yajvā᳚ | ṛ॒tā ya̭jāsi mahi॒nā vi yadbhūḥ |
ha॒vyā va̭ha yaviṣṭha॒ yā tḙ a॒dya || 15 ||
(a॒stva॒ - dha॒tta॒gṃ - ra॒yiṃ - ca̭rṣaṇi॒prāḥ - soma̭sya pri॒yā dhāmā॒ - nīṣa॒-ṣṣaṭca̭) (a. 7)
anuvākaṃ 8 - iḍopāhvānām
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām |
upa̭ hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 16 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 17 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tiṃ॒-va~rdhāṋ | upa̭hūte॒ dyāvā̭pṛthi॒vī |
pū॒rva॒je ṛ॒tāva̭rī | de॒vī de॒vapṷtre | upa̭hūto॒-'yaṃ-ya~ja̭mānaḥ | utta̭rasyā-ndevaya॒jyāyā॒-mupa̭hūtaḥ | bhūya̭si havi॒ṣkara̭ṇa॒ upa̭hūtaḥ |
di॒vye dhāma॒nnupa̭hūtaḥ |
i॒da-mmḙ de॒vā ha॒virjṷṣantā॒miti॒ tasmi॒nnupa̭hūtaḥ |
viśva̭masya pri॒yamupa̭hūtam |
viśva̭sya pri॒yasyopa̭hūta॒syopa̭hūtaḥ || 18 ||
(sa॒harṣa̭bhā hvayatā॒ - mupa̭hūtagṃ - havi॒ṣkara̭ṇa॒ upa̭hūtaśca॒tvāri̭ ca) (a. 8)
anuvākaṃ 9 - anūyājāḥ
de॒va-mba॒r॒hiḥ | va॒su॒vanḙ vasu॒dheya̭sya vetu | de॒vo narā॒śagṃ saḥ̭ | va॒su॒vanḙ vasu॒dheya̭sya vetu | de॒vo a॒gni-ssvi̭ṣṭa॒kṛt | su॒dravi̭ṇā ma॒ndraḥ ka॒viḥ | sa॒tyama̭nmā-''ya॒jī hotā᳚ | hotṷr-hotu॒rāya̭jīyān | agne॒ yān-de॒vānayā᳚ṭ | yāgṃ api̭preḥ | ye tḙ ho॒tre ama̭thsata | tāgṃ sa̭sa॒nuṣī॒gṃ॒ hotrā᳚-ndeva-ṅga॒mām | di॒vi de॒veṣṷ ya॒jñamera̭ye॒mam | svi॒ṣṭa॒kṛccāgne॒ hotā-'bhūḥ᳚ |
va॒su॒vanḙ vasu॒dheya̭sya namovā॒ke vīhi̭ || 19 ||
(api̭preḥ॒ pañca̭ ca) (a. 9)
anuvākaṃ 10 - sūktāvākaḥ
i॒da-ndyā̭vāpṛthivī bha॒drama̭bhūt |
ārdhma̭ sūktavā॒kam | u॒ta na̭movā॒kam |
ṛ॒ddhyāsma̭ sū॒ktocya̭magne | tvagṃ sū᳚kta॒vāga̭si |
upa̭śrito di॒vaḥ pṛ̭thi॒vyoḥ | oma̭nvatī te॒-'smin. ya॒jñe ya̭jamāna॒ dyāvā̭pṛthi॒vī stā᳚m |
śa॒gaṃ॒ye jī॒radā̭nū | atra̭snū॒ apra̭vede |
u॒ruga̭vyūtī abhaya॒-ṅkṛtau᳚ || 20 ||
vṛ॒ṣṭidyā̭vā rī॒tyā̭pā | śa॒mbhuvaṷ mayo॒bhuvau᳚ |
ūrja̭svatī ca॒ paya̭svatī ca | sū॒pa॒ca॒ra॒ṇā ca̭ svadhicara॒ṇā ca̭ | tayo̭rā॒vidi̭ ||
a॒gniri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | soma̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta |
a॒gniri॒dagṃ ha॒vira̭juṣata || 21 ||
avī̭vṛdhata॒ maho॒ jyāyo̭-'kṛta | pra॒jāpa̭tiri॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | a॒gnīṣomā̭vi॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām |
i॒ndrā॒gnī i॒dagṃ ha॒vira̭juṣetām |
avī̭vṛdhetā॒-mmaho॒ jyāyo᳚-'krātām | indra̭ i॒dagṃ ha॒vira̭juṣata | avī̭vṛdhata॒ maho॒ jyāyo̭-'kṛta | ma॒he॒ndra i॒dagṃ ha॒vira̭juṣata || 22 ||
avī̭vṛdhata॒ maho॒ jyāyo̭-'kṛta | de॒vā ā᳚jya॒pā ājya̭majuṣanta | avī̭vṛdhanta॒ maho॒ jyāyo᳚-'krata | a॒gnirho॒treṇe॒dagṃ ha॒vira̭juṣata |
avī̭vṛdhata॒ maho॒ jyāyo̭-'kṛta |
a॒syāmṛdha॒-ddhotrā̭yā-ndevaṅga॒māyā᳚m |
āśā᳚ste॒-'yaṃ-ya~ja̭māno॒-'sau ||
āyu॒rāśā᳚ste | su॒pra॒jā॒stva-māśā᳚ste |
sa॒jā॒ta॒va॒na॒syā-māśā᳚ste || 23 ||
utta̭rā-ndevaya॒jyā-māśā᳚ste | bhūyo̭ havi॒ṣkara̭ṇa॒-māśā᳚ste | di॒vya-ndhāmāśā᳚ste | viśva̭-mpri॒yamāśā᳚ste | yada॒nena̭ ha॒viṣā ''śā᳚ste | tada̭śyā॒t-tadṛ̭ddhyāt | tada̭smai de॒vā rā̭santām | tada॒gni-rde॒vo de॒vebhyo॒ vana̭te | va॒yama॒gne-rmānṷṣāḥ | i॒ṣṭa-ñca̭ vī॒ta-ñca̭ | u॒bhe ca̭ no॒ dyāvā̭pṛthi॒vī agṃha̭saspātām |
i॒ha gati̭-rvā॒masye॒da-ñca̭ | namo̭ de॒vebhyaḥ̭ || 24 ||
(a॒bha॒ya॒ṅkṛtā̭vakṛ - tā॒gniri॒dagṃ ha॒vira̭juṣata - mahe॒ndra i॒dagṃ ha॒vira̭juṣata - sajātavana॒syāmāśā᳚ste - vī॒ta-ñca॒ trīṇi̭ ca) (a. 10)
anuvākaṃ 11 - śaṃyu~vākaḥ
tacchaṃ॒-yo~rā vṛ̭ṇīmahe | gā॒tuṃ-ya~॒jñāya̭ | gā॒tuṃ-ya~॒jñapa̭taye | daivī᳚ sva॒stira̭stu naḥ | sva॒sti-rmānṷṣebhyaḥ | ū॒rdhva-ñji̭gātu bheṣa॒jam |
śa-nno̭ astu dvi॒pade᳚ | śa-ñcatṷṣpade || 25 ||
(tacchaṃ॒-yo~ra॒ṣṭau) (a. 11)
anuvākaṃ 12 - patnīsaṃyā~jānāṃ-yā~jyānuvākyāḥ
ā pyā̭yasva॒ samḙtu te vi॒śvataḥ̭ soma॒ vṛṣṇi̭yam | bhavā॒ vāja̭sya saṅga॒the || sa-nte॒ payāgṃ ̭si॒ samṷ yantu॒ vājā॒-ssaṃ-vṛ~ṣṇi̭yā-nyabhimāti॒ṣāhaḥ̭ | ā॒pyāya̭māno a॒mṛtā̭ya soma di॒vi śravāg̭syutta॒māni̭ dhiṣva || ||
i॒ha tvaṣṭā̭ramagri॒yaṃ-vi~॒śvarṷ̄pa॒mupa̭ hvaye | a॒smāka̭mastu॒ keva̭laḥ || tanna̭stu॒rīpa॒madha̭ poṣayi॒tnu deva̭ tvaṣṭa॒rvi ra̭rā॒ṇa-ssya̭sva | yato̭ vī॒raḥ ka̭rma॒ṇyaḥ̭ su॒dakṣo̭ yu॒ktagrā̭vā॒ jāya̭te de॒vakā̭maḥ || ||
de॒vānā॒-mpatnī̭ruśa॒tīra̭vantu naḥ | prāva̭ntu nastu॒jaye॒ vāja̭sātaye | yāḥ pārthi̭vāso॒ yā a॒pāmapi̭ vra॒te | tā no̭ devī-ssuhavā॒-śśarma̭ yacchata || u॒ta gnā vi̭yantu de॒vapa̭tnīḥ | i॒ndrā॒ṇya̭gnāyya॒śvinī॒ rāṭ | ā roda̭sī varuṇā॒nī śṛ̭ṇotu |
vi॒yantṷ de॒vīrya ṛ॒turjanī̭nām || 26 ||
a॒gnir-hotā̭ gṛ॒hapa̭ti॒-ssa rājā᳚ | viśvā̭ veda॒ jani̭mā jā॒tavḙdāḥ | de॒vānā̭mu॒ta yo martyā̭nām | yaji̭ṣṭha॒-ssa praya̭jatāmṛ॒tāvā᳚ ||
va॒yamṷ tvā gṛhapate॒ janā̭nām | agne॒ aka̭rma sa॒midhā̭ bṛ॒hanta᳚m | a॒sthū॒riṇo॒ gārha̭patyāni santu | ti॒gmena̭ na॒steja̭sā॒ sagṃśi̭śādhi || 27 ||
(janī̭nā - +ma॒ṣṭau ca̭) (a. 12)
anuvākaṃ 13 - patnīsaṃyā~je somāhvānam
upa̭hūtagṃ rathanta॒ragṃ sa॒ha pṛ̭thi॒vyā |
upa̭ mā rathanta॒ragṃ sa॒ha pṛ̭thi॒vyā hva̭yatām |
upa̭hūtaṃ-vā~made॒vyagṃ sa॒hāntari̭kṣeṇa |
upa̭ mā vāmade॒vyagṃ sa॒hāntari̭kṣeṇa hvayatām | upa̭hūta-mbṛ॒hathsa॒ha di॒vā | upa̭ mā bṛ॒hathsa॒ha di॒vā hva̭yatām | upa̭hūtā-ssa॒pta hotrāḥ᳚ |
upa̭ mā sa॒pta hotrā᳚ hvayantām | upa̭hūtā dhe॒nu-ssa॒harṣa̭bhā | upa̭ mā dhe॒nu-ssa॒harṣa̭bhā hvayatām || 28 ||
upa̭hūto bha॒kṣa-ssakhā᳚ | upa̭ mā bha॒kṣa-ssakhā᳚ hvayatām | upa̭hū॒tā~(4) ho | iḍopa̭hūtā | upa̭hū॒teḍā᳚ | upo̭ a॒smāgṃ iḍā᳚ hvayatām | iḍopa̭hūtā | upa̭hū॒teḍā᳚ | mā॒na॒vī ghṛ॒tapa̭dī maitrāvaru॒ṇī |
brahma̭ de॒vakṛ̭ta॒mupa̭hūtam || 29 ||
daivyā̭ addhva॒ryava॒ upa̭hūtāḥ | upa̭hūtā manu॒ṣyāḥ᳚ | ya i॒maṃ-ya~॒jñamavāṋ | ye ya॒jñapa̭tnīṃ॒-va~rdhāṋ | upa̭hūte॒ dyāvā̭pṛthi॒vī | pū॒rva॒je ṛ॒tāva̭rī | de॒vī de॒vapṷtre | upa̭hūte॒yaṃ-ya~ja̭mānā | i॒ndrā॒ṇīvā̭vidha॒vā | adi̭tiriva supu॒trā | utta̭rasyā-ndevaya॒jyāyā॒-mupa̭hūtā |
bhūya̭si havi॒ṣkara̭ṇa॒ upa̭hūtā | di॒vye dhāma॒nnupa̭hūtā | i॒da-mmḙ de॒vā ha॒vi-rjṷṣantā॒miti॒ tasmi॒-nnupa̭hūtā | viśva̭masyāḥ pri॒yamupa̭hūtam |
viśva̭sya pri॒yasyopa̭hūta॒syopa̭hūtā || 30 ||
(sa॒harṣa̭bhā hvayatā॒ - mupa̭hūtagṃ - supu॒trā ṣaṭca̭) (a. 13)
(sa॒tyaṃ - pravo - 'gnḙ ma॒hā - na॒gnir-hotā̭ - sa॒midho॒ - 'gni-rvṛ॒trāṇya॒ - gni-rmū॒rdho - pa̭hūtaṃ - de॒va-mba॒r॒hi - ri॒da-ndyā̭vāpṛthivī॒ -tacchaṃ॒yo~- rā pyā̭ya॒svo - pa̭hūta॒-ntrayo̭daśa)
(sa॒tyaṃ - ~va॒yagg syā̭ma - vṛ॒ṣṭidyā̭vā tri॒gṃ॒śat)
(sa॒tya-mupa̭hūtā)
|| hariḥ̭ om ||
|| kṛṣṇa yajurvedīya taittirīya brāhmaṇe tṛtīyāṣṭake pañcama prapāṭhaka-ssamāptaḥ ||
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.