ભાસ્વાન્ કાશ્યપગોત્રજોઽરુણરુચિર્યઃ સિંહપોઽર્કઃ સમિ-
-ત્ષટ્ત્રિસ્થોઽદશશોભનો ગુરુશશી ભૌમાઃ સુમિત્રાઃ સદા ।
શુક્રો મન્દરિપુઃ કલિઙ્ગજનપશ્ચાગ્નીશ્વરૌ દેવતે
મધ્યેવર્તુલપૂર્વદિગ્દિનકરઃ કુર્યાત્સદા મઙ્ગલમ્ ॥ 1 ॥
ચન્દ્રઃ કર્કટકપ્રભુઃ સિતનિભશ્ચાત્રેયગોત્રોદ્ભવ-
-શ્ચાત્રેયશ્ચતુરશ્રવારુણમુખશ્ચાપે ઉમાધીશ્વરઃ ।
ષટ્સપ્તાગ્નિ દશૈકશોભનફલો નોરિર્બુધાર્કૌપ્રિયૌ
સ્વામી યામુનજશ્ચ પર્ણસમિધઃ કુર્યાત્સદા મઙ્ગલમ્ ॥ 2 ॥
ભૌમો દક્ષિણદિક્ત્રિકોણયમદિગ્વિન્ધ્યેશ્વરઃ ખાદિરઃ
સ્વામી વૃશ્ચિકમેષયોસ્તુ સુગુરુશ્ચાર્કઃ શશી સૌહૃદઃ ।
જ્ઞોઽરિઃ ષટ્ત્રિફલપ્રદશ્ચ વસુધાસ્કન્દૌ ક્રમાદ્દેવતે
ભારદ્વાજકુલોદ્વહોઽરુણરુચિઃ કુર્યાત્સદા મઙ્ગલમ્ ॥ 3 ॥
સૌમ્યઃ પીત ઉદઙ્મુખઃ સમિદપામાર્ગોઽત્રિગોત્રોદ્ભવો
બાણેશાનદિશઃ સુહૃદ્રવિસુતઃ શાન્તઃ સુતઃ શીતગોઃ ।
કન્યાયુગ્મપતિર્દશાષ્ટચતુરઃ ષણ્ણેત્રગઃ શોભનો
વિષ્ણુર્દેવ્યધિદેવતે મગધપઃ કુર્યાત્સદા મઙ્ગલમ્ ॥ 4 ॥
જીવશ્ચાઙ્ગિરગોત્રજોત્તરમુખો દીર્ઘોત્તરાશાસ્થિતઃ
પીતોઽશ્વત્થસમિચ્ચ સિન્ધુજનિતશ્ચાપોઽથ મીનાધિપઃ ।
સૂર્યેન્દુક્ષિતિજાઃ પ્રિયા બુધસિતૌ શત્રૂ સમાશ્ચાપરે
સપ્તદ્વે નવપઞ્ચમે શુભકરઃ કુર્યાત્સદા મઙ્ગલમ્ ॥ 5 ॥
શુક્રો ભાર્ગવગોત્રજઃ સિતરુચિઃ પૂર્વામુખઃ પૂર્વદિક્
પાઞ્ચાલસ્થ વૃષસ્તુલાધિપમહારાષ્ટ્રાધિપૌદુમ્બરઃ ।
ઇન્દ્રાણીમઘવા બુધશ્ચ રવિજો મિત્રોર્ક ચન્દ્રાવરી
ષષ્ઠત્રિર્દશવર્જિતે ભૃગુસુતઃ કુર્યાત્સદા મઙ્ગલમ્ ॥ 6 ॥
મન્દઃ કૃષ્ણનિભઃ સપશ્ચિમમુખઃ સૌરાષ્ટ્રપઃ કાશ્યપઃ
સ્વામી નક્રસુકુમ્ભયોર્બુધસિતૌ મિત્રૌ કુજેન્દૂ દ્વિષૌ ।
સ્થાનં પશ્ચિમદિક્ પ્રજાપતિયમૌ દેવૌ ધનુર્ધારકઃ
ષટ્ત્રિસ્થઃ શુભકૃચ્છની રવિસુતઃ કુર્યાત્સદા મઙ્ગલમ્ ॥ 7 ॥
રાહુઃ સિંહલદેશપોઽપિ સતમઃ કૃષ્ણાઙ્ગશૂર્પાસનો
યઃ પૈઠીનસગોત્રસમ્ભવસમિદ્દૂર્વામુખો દક્ષિણઃ ।
યઃ સર્પઃ પશુદૈવતોઽખિલગતઃ સૂર્યગ્રહે છાદકઃ
ષટ્ત્રિસ્થઃ શુભકૃચ્ચ સિંહકસુતઃ કુર્યાત્સદા મઙ્ગલમ્ ॥ 8 ॥
કેતુર્જૈમિનિગોત્રજઃ કુશસમિદ્વાયવ્યકોણેસ્થિત-
-શ્ચિત્રાઙ્કધ્વજલાઞ્છનો હિ ભગવાન્ યો દક્ષિણાશામુખઃ ।
બ્રહ્મા ચૈવ તુ ચિત્રગુપ્તપતિમાન્ પ્રીત્યાધિદેવઃ સદા
ષટ્ત્રિસ્થઃ શુભકૃચ્ચ બર્બરપતિઃ કુર્યાત્સદા મઙ્ગલમ્ ॥ 9 ॥
ઇતિ નવગ્રહ મઙ્ગલ સ્તોત્રમ્ ।
Roman (IAST) Transliteration
bhāsvān kāśyapagotrajo'ruṇaruciryaḥ siṃhapo'rkaḥ sami-
-tṣaṭtristho'daśaśobhano guruśaśī bhaumāḥ sumitrāḥ sadā |
śukro mandaripuḥ kaliṅgajanapaścāgnīśvarau devate
madhyevartulapūrvadigdinakaraḥ kuryātsadā maṅgalam || 1 ||
candraḥ karkaṭakaprabhuḥ sitanibhaścātreyagotrodbhava-
-ścātreyaścaturaśravāruṇamukhaścāpe umādhīśvaraḥ |
ṣaṭsaptāgni daśaikaśobhanaphalo norirbudhārkaupriyau
svāmī yāmunajaśca parṇasamidhaḥ kuryātsadā maṅgalam || 2 ||
bhaumo dakṣiṇadiktrikoṇayamadigvindhyeśvaraḥ khādiraḥ
svāmī vṛścikameṣayostu suguruścārkaḥ śaśī sauhṛdaḥ |
jño'riḥ ṣaṭtriphalapradaśca vasudhāskandau kramāddevate
bhāradvājakulodvaho'ruṇaruciḥ kuryātsadā maṅgalam || 3 ||
saumyaḥ pīta udaṅmukhaḥ samidapāmārgo'trigotrodbhavo
bāṇeśānadiśaḥ suhṛdravisutaḥ śāntaḥ sutaḥ śītagoḥ |
kanyāyugmapatirdaśāṣṭacaturaḥ ṣaṇṇetragaḥ śobhano
viṣṇurdevyadhidevate magadhapaḥ kuryātsadā maṅgalam || 4 ||
jīvaścāṅgiragotrajottaramukho dīrghottarāśāsthitaḥ
pīto'śvatthasamicca sindhujanitaścāpo'tha mīnādhipaḥ |
sūryendukṣitijāḥ priyā budhasitau śatrū samāścāpare
saptadve navapañcame śubhakaraḥ kuryātsadā maṅgalam || 5 ||
śukro bhārgavagotrajaḥ sitaruciḥ pūrvāmukhaḥ pūrvadik
pāñcālastha vṛṣastulādhipamahārāṣṭrādhipaudumbaraḥ |
indrāṇīmaghavā budhaśca ravijo mitrorka candrāvarī
ṣaṣṭhatrirdaśavarjite bhṛgusutaḥ kuryātsadā maṅgalam || 6 ||
mandaḥ kṛṣṇanibhaḥ sapaścimamukhaḥ saurāṣṭrapaḥ kāśyapaḥ
svāmī nakrasukumbhayorbudhasitau mitrau kujendū dviṣau |
sthānaṃ paścimadik prajāpatiyamau devau dhanurdhārakaḥ
ṣaṭtristhaḥ śubhakṛcchanī ravisutaḥ kuryātsadā maṅgalam || 7 ||
rāhuḥ siṃhaladeśapo'pi satamaḥ kṛṣṇāṅgaśūrpāsano
yaḥ paiṭhīnasagotrasambhavasamiddūrvāmukho dakṣiṇaḥ |
yaḥ sarpaḥ paśudaivato'khilagataḥ sūryagrahe chādakaḥ
ṣaṭtristhaḥ śubhakṛcca siṃhakasutaḥ kuryātsadā maṅgalam || 8 ||
keturjaiminigotrajaḥ kuśasamidvāyavyakoṇesthita-
-ścitrāṅkadhvajalāñchano hi bhagavān yo dakṣiṇāśāmukhaḥ |
brahmā caiva tu citraguptapatimān prītyādhidevaḥ sadā
ṣaṭtristhaḥ śubhakṛcca barbarapatiḥ kuryātsadā maṅgalam || 9 ||
iti navagraha maṅgala stotram |
Sanskrit — Devanagari (original)
भास्वान् काश्यपगोत्रजोऽरुणरुचिर्यः सिंहपोऽर्कः समि-
-त्षट्त्रिस्थोऽदशशोभनो गुरुशशी भौमाः सुमित्राः सदा ।
शुक्रो मन्दरिपुः कलिङ्गजनपश्चाग्नीश्वरौ देवते
मध्येवर्तुलपूर्वदिग्दिनकरः कुर्यात्सदा मङ्गलम् ॥ 1 ॥
चन्द्रः कर्कटकप्रभुः सितनिभश्चात्रेयगोत्रोद्भव-
-श्चात्रेयश्चतुरश्रवारुणमुखश्चापे उमाधीश्वरः ।
षट्सप्ताग्नि दशैकशोभनफलो नोरिर्बुधार्कौप्रियौ
स्वामी यामुनजश्च पर्णसमिधः कुर्यात्सदा मङ्गलम् ॥ 2 ॥
भौमो दक्षिणदिक्त्रिकोणयमदिग्विन्ध्येश्वरः खादिरः
स्वामी वृश्चिकमेषयोस्तु सुगुरुश्चार्कः शशी सौहृदः ।
ज्ञोऽरिः षट्त्रिफलप्रदश्च वसुधास्कन्दौ क्रमाद्देवते
भारद्वाजकुलोद्वहोऽरुणरुचिः कुर्यात्सदा मङ्गलम् ॥ 3 ॥
सौम्यः पीत उदङ्मुखः समिदपामार्गोऽत्रिगोत्रोद्भवो
बाणेशानदिशः सुहृद्रविसुतः शान्तः सुतः शीतगोः ।
कन्यायुग्मपतिर्दशाष्टचतुरः षण्णेत्रगः शोभनो
विष्णुर्देव्यधिदेवते मगधपः कुर्यात्सदा मङ्गलम् ॥ 4 ॥
जीवश्चाङ्गिरगोत्रजोत्तरमुखो दीर्घोत्तराशास्थितः
पीतोऽश्वत्थसमिच्च सिन्धुजनितश्चापोऽथ मीनाधिपः ।
सूर्येन्दुक्षितिजाः प्रिया बुधसितौ शत्रू समाश्चापरे
सप्तद्वे नवपञ्चमे शुभकरः कुर्यात्सदा मङ्गलम् ॥ 5 ॥
शुक्रो भार्गवगोत्रजः सितरुचिः पूर्वामुखः पूर्वदिक्
पाञ्चालस्थ वृषस्तुलाधिपमहाराष्ट्राधिपौदुम्बरः ।
इन्द्राणीमघवा बुधश्च रविजो मित्रोर्क चन्द्रावरी
षष्ठत्रिर्दशवर्जिते भृगुसुतः कुर्यात्सदा मङ्गलम् ॥ 6 ॥
मन्दः कृष्णनिभः सपश्चिममुखः सौराष्ट्रपः काश्यपः
स्वामी नक्रसुकुम्भयोर्बुधसितौ मित्रौ कुजेन्दू द्विषौ ।
स्थानं पश्चिमदिक् प्रजापतियमौ देवौ धनुर्धारकः
षट्त्रिस्थः शुभकृच्छनी रविसुतः कुर्यात्सदा मङ्गलम् ॥ 7 ॥
राहुः सिंहलदेशपोऽपि सतमः कृष्णाङ्गशूर्पासनो
यः पैठीनसगोत्रसम्भवसमिद्दूर्वामुखो दक्षिणः ।
यः सर्पः पशुदैवतोऽखिलगतः सूर्यग्रहे छादकः
षट्त्रिस्थः शुभकृच्च सिंहकसुतः कुर्यात्सदा मङ्गलम् ॥ 8 ॥
केतुर्जैमिनिगोत्रजः कुशसमिद्वायव्यकोणेस्थित-
-श्चित्राङ्कध्वजलाञ्छनो हि भगवान् यो दक्षिणाशामुखः ।
ब्रह्मा चैव तु चित्रगुप्तपतिमान् प्रीत्याधिदेवः सदा
षट्त्रिस्थः शुभकृच्च बर्बरपतिः कुर्यात्सदा मङ्गलम् ॥ 9 ॥
इति नवग्रह मङ्गल स्तोत्रम् ।
bhāsvān kāśyapagotrajo'ruṇaruciryaḥ siṃhapo'rkaḥ sami-
-tṣaṭtristho'daśaśobhano guruśaśī bhaumāḥ sumitrāḥ sadā |
śukro mandaripuḥ kaliṅgajanapaścāgnīśvarau devate
madhyevartulapūrvadigdinakaraḥ kuryātsadā maṅgalam || 1 ||
candraḥ karkaṭakaprabhuḥ sitanibhaścātreyagotrodbhava-
-ścātreyaścaturaśravāruṇamukhaścāpe umādhīśvaraḥ |
ṣaṭsaptāgni daśaikaśobhanaphalo norirbudhārkaupriyau
svāmī yāmunajaśca parṇasamidhaḥ kuryātsadā maṅgalam || 2 ||
bhaumo dakṣiṇadiktrikoṇayamadigvindhyeśvaraḥ khādiraḥ
svāmī vṛścikameṣayostu suguruścārkaḥ śaśī sauhṛdaḥ |
jño'riḥ ṣaṭtriphalapradaśca vasudhāskandau kramāddevate
bhāradvājakulodvaho'ruṇaruciḥ kuryātsadā maṅgalam || 3 ||
saumyaḥ pīta udaṅmukhaḥ samidapāmārgo'trigotrodbhavo
bāṇeśānadiśaḥ suhṛdravisutaḥ śāntaḥ sutaḥ śītagoḥ |
kanyāyugmapatirdaśāṣṭacaturaḥ ṣaṇṇetragaḥ śobhano
viṣṇurdevyadhidevate magadhapaḥ kuryātsadā maṅgalam || 4 ||
jīvaścāṅgiragotrajottaramukho dīrghottarāśāsthitaḥ
pīto'śvatthasamicca sindhujanitaścāpo'tha mīnādhipaḥ |
sūryendukṣitijāḥ priyā budhasitau śatrū samāścāpare
saptadve navapañcame śubhakaraḥ kuryātsadā maṅgalam || 5 ||
śukro bhārgavagotrajaḥ sitaruciḥ pūrvāmukhaḥ pūrvadik
pāñcālastha vṛṣastulādhipamahārāṣṭrādhipaudumbaraḥ |
indrāṇīmaghavā budhaśca ravijo mitrorka candrāvarī
ṣaṣṭhatrirdaśavarjite bhṛgusutaḥ kuryātsadā maṅgalam || 6 ||
mandaḥ kṛṣṇanibhaḥ sapaścimamukhaḥ saurāṣṭrapaḥ kāśyapaḥ
svāmī nakrasukumbhayorbudhasitau mitrau kujendū dviṣau |
sthānaṃ paścimadik prajāpatiyamau devau dhanurdhārakaḥ
ṣaṭtristhaḥ śubhakṛcchanī ravisutaḥ kuryātsadā maṅgalam || 7 ||
rāhuḥ siṃhaladeśapo'pi satamaḥ kṛṣṇāṅgaśūrpāsano
yaḥ paiṭhīnasagotrasambhavasamiddūrvāmukho dakṣiṇaḥ |
yaḥ sarpaḥ paśudaivato'khilagataḥ sūryagrahe chādakaḥ
ṣaṭtristhaḥ śubhakṛcca siṃhakasutaḥ kuryātsadā maṅgalam || 8 ||
keturjaiminigotrajaḥ kuśasamidvāyavyakoṇesthita-
-ścitrāṅkadhvajalāñchano hi bhagavān yo dakṣiṇāśāmukhaḥ |
brahmā caiva tu citraguptapatimān prītyādhidevaḥ sadā
ṣaṭtristhaḥ śubhakṛcca barbarapatiḥ kuryātsadā maṅgalam || 9 ||
iti navagraha maṅgala stotram |
🕉️ This is the original Sanskrit rendered in Gujarati script.
Pronunciation is identical to the Sanskrit Devanagari version.