𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌤𑍃𑌤𑍀𑌯𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨𑌃 - 𑌇𑌷𑍍𑌟𑌿𑌹𑍋𑌮𑌾𑌭𑌿𑌧𑌾𑌨𑌂
𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥
𑌵𑌿 𑌵𑌾 𑌏॒𑌤𑌸𑍍𑌯॑ 𑌯॒𑌜𑍍𑌞 𑌋॑𑌦𑍍𑌧𑍍𑌯𑌤𑍇॒ 𑌯𑌸𑍍𑌯॑ 𑌹॒𑌵𑌿𑌰॑𑌤𑌿॒𑌰𑌿𑌚𑍍𑌯॑𑌤𑍇॒ 𑌸𑍂𑌰𑍍𑌯𑍋॑ 𑌦𑍇॒𑌵𑍋 𑌦𑌿॑𑌵𑌿॒𑌷𑌦𑍍𑌭𑍍𑌯॒ 𑌇𑌤𑍍𑌯𑌾॑𑌹॒ 𑌬𑍃𑌹॒𑌸𑍍𑌪𑌤𑌿॑𑌨𑌾 𑌚𑍈॒𑌵𑌾𑌸𑍍𑌯॑ 𑌪𑍍𑌰॒𑌜𑌾𑌪॑𑌤𑌿𑌨𑌾 𑌚 𑌯॒𑌜𑍍𑌞𑌸𑍍𑌯॒ 𑌵𑍍𑌯𑍃॑𑌦𑍍𑌧॒𑌮𑌪𑌿॑ 𑌵𑌪𑌤𑌿॒ 𑌰𑌕𑍍𑌷𑌾𑌗𑍍𑌂॑𑌸𑌿॒ 𑌵𑌾 𑌏॒𑌤-𑌤𑍍𑌪॒𑌶𑍁𑌗𑍍𑌂 𑌸॑𑌚𑌨𑍍𑌤𑍇॒ 𑌯𑌦𑍇॑𑌕𑌦𑍇𑌵॒𑌤𑍍𑌯॑ 𑌆𑌲॑𑌬𑍍𑌧𑍋॒ 𑌭𑍂𑌯𑌾॒-𑌨𑍍𑌭𑌵॑𑌤𑌿॒ 𑌯𑌸𑍍𑌯𑌾᳚𑌸𑍍𑌤𑍇॒ 𑌹𑌰𑌿॑𑌤𑍋॒ 𑌗𑌰𑍍𑌭॒ 𑌇𑌤𑍍𑌯𑌾॑𑌹 𑌦𑍇𑌵॒𑌤𑍍𑌰𑍈𑌵𑍈𑌨𑌾᳚-𑌙𑍍𑌗𑌮𑌯𑌤𑌿॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑌾॒ 𑌆 𑌵॑𑌰𑍍𑌤𑌨 𑌵𑌰𑍍𑌤॒𑌯𑍇𑌤𑍍𑌯𑌾॑𑌹॒ [𑌵𑌰𑍍𑌤॒𑌯𑍇𑌤𑍍𑌯𑌾॑𑌹, 𑌬𑍍𑌰𑌹𑍍𑌮॑𑌣𑍈॒𑌵𑍈𑌨॒-𑌮𑌾] 1
𑌬𑍍𑌰𑌹𑍍𑌮॑𑌣𑍈॒𑌵𑍈𑌨॒-𑌮𑌾 𑌵॑𑌰𑍍𑌤𑌯𑌤𑌿॒ 𑌵𑌿 𑌤𑍇॑ 𑌭𑌿𑌨𑌦𑍍𑌮𑌿 𑌤𑌕॒𑌰𑍀𑌮𑌿𑌤𑍍𑌯𑌾॑𑌹 𑌯𑌥𑌾𑌯॒𑌜𑍁𑌰𑍇॒𑌵𑍈𑌤𑌦𑍁॑- 𑌰𑍁𑌦𑍍𑌰॒𑌫𑍍𑌸𑍋 𑌵𑌿॒𑌶𑍍𑌵𑌰𑍂॑𑌪॒ 𑌇𑌨𑍍𑌦𑍁॒𑌰𑌿𑌤𑍍𑌯𑌾॑𑌹 𑌪𑍍𑌰॒𑌜𑌾 𑌵𑍈 𑌪॒𑌶𑌵॒ 𑌇𑌨𑍍𑌦𑍁𑌃॑ 𑌪𑍍𑌰॒𑌜𑌯𑍈॒𑌵𑍈𑌨॑-𑌮𑍍𑌪॒𑌶𑍁𑌭𑌿॒-𑌸𑍍𑌸𑌮॑𑌰𑍍𑌧𑌯𑌤𑌿॒ 𑌦𑌿𑌵𑌂॒-𑌵𑍈𑌁 𑌯॒𑌜𑍍𑌞𑌸𑍍𑌯॒ 𑌵𑍍𑌯𑍃॑𑌦𑍍𑌧-𑌙𑍍𑌗𑌚𑍍𑌛𑌤𑌿 𑌪𑍃𑌥𑌿॒𑌵𑍀𑌮𑌤𑌿॑𑌰𑌿𑌕𑍍𑌤॒-𑌨𑍍𑌤𑌦𑍍𑌯𑌨𑍍𑌨 𑌶॒𑌮𑌯𑍇॒𑌦𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛𑍇॒-𑌦𑍍𑌯𑌜॑𑌮𑌾𑌨𑍋 𑌮॒𑌹𑍀 𑌦𑍍𑌯𑍗𑌃 𑌪𑍃॑𑌥𑌿॒𑌵𑍀𑌚॑ 𑌨॒ 𑌇॑- [𑌨॒ 𑌇𑌤𑌿॑, 𑌆॒𑌹॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॑𑌮𑍇॒𑌵] 2
-𑌤𑍍𑌯𑌾𑌹॒ 𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॑𑌮𑍇॒𑌵 𑌯॒𑌜𑍍𑌞𑌸𑍍𑌯॒ 𑌵𑍍𑌯𑍃॑𑌦𑍍𑌧॒-𑌞𑍍𑌚𑌾𑌤𑌿॑𑌰𑌿𑌕𑍍𑌤-𑌞𑍍𑌚 𑌶𑌮𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌜॑𑌮𑌾𑌨𑍋॒ 𑌭𑌸𑍍𑌮॑𑌨𑌾॒-𑌽𑌭𑌿 𑌸𑌮𑍂॑𑌹𑌤𑌿 𑌸𑍍𑌵॒𑌗𑌾𑌕𑍃॑𑌤𑍍𑌯𑌾॒ 𑌅𑌥𑍋॑ 𑌅॒𑌨𑌯𑍋॒𑌰𑍍𑌵𑌾 𑌏॒𑌷 𑌗𑌰𑍍𑌭𑍋॒-𑌽𑌨𑌯𑍋॑𑌰𑍇॒𑌵𑍈𑌨॑-𑌨𑍍𑌦𑌧𑌾𑌤𑌿॒ 𑌯𑌦॑𑌵॒𑌦𑍍𑌯𑍇𑌦𑌤𑌿॒ 𑌤𑌦𑍍𑌰𑍇॑𑌚𑌯𑍇॒𑌦𑍍𑌯𑌨𑍍𑌨𑌾𑌵॒𑌦𑍍𑌯𑍇-𑌤𑍍𑌪॒𑌶𑍋𑌰𑌾𑌲॑𑌬𑍍𑌧𑌸𑍍𑌯॒ 𑌨𑌾𑌵॑ 𑌦𑍍𑌯𑍇-𑌤𑍍𑌪𑍁॒𑌰𑌸𑍍𑌤𑌾॒𑌨𑍍𑌨𑌾𑌭𑍍𑌯𑌾॑ 𑌅॒𑌨𑍍𑌯𑌦॑𑌵॒𑌦𑍍𑌯𑍇-𑌦𑍁॒𑌪𑌰𑌿॑𑌷𑍍𑌟𑌾𑌦॒𑌨𑍍𑌯-𑌤𑍍𑌪𑍁॒𑌰𑌸𑍍𑌤𑌾॒𑌦𑍍𑌵𑍈 𑌨𑌾𑌭𑍍𑌯𑍈᳚ [ ] 3
𑌪𑍍𑌰𑌾॒𑌣 𑌉॒𑌪𑌰𑌿॑𑌷𑍍𑌟𑌾𑌦𑌪𑌾॒𑌨𑍋 𑌯𑌾𑌵𑌾॑𑌨𑍇॒𑌵 𑌪॒𑌶𑍁𑌸𑍍𑌤𑌸𑍍𑌯𑌾𑌵॑ 𑌦𑍍𑌯𑌤𑌿॒ 𑌵𑌿𑌷𑍍𑌣॑𑌵𑍇 𑌶𑌿𑌪𑌿𑌵𑌿॒𑌷𑍍𑌟𑌾𑌯॑ 𑌜𑍁𑌹𑍋𑌤𑌿॒ 𑌯𑌦𑍍𑌵𑍈 𑌯॒𑌜𑍍𑌞𑌸𑍍𑌯𑌾॑𑌤𑌿॒𑌰𑌿𑌚𑍍𑌯॑𑌤𑍇॒ 𑌯𑌃 𑌪॒𑌶𑍋𑌰𑍍𑌭𑍂॒𑌮𑌾 𑌯𑌾 𑌪𑍁𑌷𑍍𑌟𑌿॒𑌸𑍍𑌤-𑌦𑍍𑌵𑌿𑌷𑍍𑌣𑍁𑌃॑ 𑌶𑌿𑌪𑌿𑌵𑌿॒𑌷𑍍𑌟𑍋 𑌽𑌤𑌿॑𑌰𑌿𑌕𑍍𑌤 𑌏॒𑌵𑌾𑌤𑌿॑𑌰𑌿𑌕𑍍𑌤-𑌨𑍍𑌦𑌧𑌾॒𑌤𑍍𑌯𑌤𑌿॑𑌰𑌿𑌕𑍍𑌤𑌸𑍍𑌯॒ 𑌶𑌾𑌨𑍍𑌤𑍍𑌯𑌾॑ 𑌅॒𑌷𑍍𑌟𑌾𑌪𑍍𑌰𑍂॒𑌡𑍍𑌢𑌿𑌰॑𑌣𑍍𑌯॒-𑌨𑍍𑌦𑌕𑍍𑌷𑌿॑𑌣𑌾॒-𑌽𑌷𑍍𑌟𑌾𑌪॑𑌦𑍀॒ 𑌹𑍍𑌯𑍇॑𑌷𑌾 𑌽𑌽𑌤𑍍𑌮𑌾 𑌨॑𑌵॒𑌮𑌃 𑌪॒𑌶𑍋𑌰𑌾𑌪𑍍𑌤𑍍𑌯𑌾॑ 𑌅𑌨𑍍𑌤𑌰𑌕𑍋॒𑌶 𑌉॒𑌷𑍍𑌣𑍀𑌷𑍇॒𑌣𑌾-𑌽𑌽𑌵𑌿॑𑌷𑍍𑌟𑌿𑌤-𑌮𑍍𑌭𑌵𑌤𑍍𑌯𑍇॒𑌵𑌮𑌿॑𑌵॒ 𑌹𑌿 𑌪॒𑌶𑍁𑌰𑍁𑌲𑍍𑌬॑𑌮𑌿𑌵॒ 𑌚𑌰𑍍𑌮𑍇॑𑌵 𑌮𑌾॒𑌗𑍍𑌂॒𑌸𑌮𑌿॒𑌵𑌾𑌸𑍍𑌥𑍀॑𑌵॒ 𑌯𑌾𑌵𑌾॑𑌨𑍇॒𑌵 𑌪॒𑌶𑍁𑌸𑍍𑌤𑌮𑌾॒𑌪𑍍𑌤𑍍𑌵𑌾-𑌽𑌵॑ 𑌰𑍁𑌨𑍍𑌧𑍇॒𑌯𑌸𑍍𑌯𑍈॒𑌷𑌾 𑌯॒𑌜𑍍𑌞𑍇 𑌪𑍍𑌰𑌾𑌯॑𑌶𑍍𑌚𑌿𑌤𑍍𑌤𑌿𑌃 𑌕𑍍𑌰𑌿॒𑌯𑌤॑ 𑌇॒𑌷𑍍𑌟𑍍𑌵𑌾 𑌵𑌸𑍀॑𑌯𑌾-𑌨𑍍𑌭𑌵𑌤𑌿 ॥ 4 ॥
(𑌵॒𑌰𑍍𑌤॒𑌯𑌤𑍍𑌯𑌾॑𑌹-𑌨॒ 𑌇𑌤𑌿॒-𑌵𑍈 𑌨𑌾𑌭𑍍𑌯𑌾॒-𑌉𑌲𑍍𑌬॑𑌮𑌿॒𑌵𑍈-𑌕॑𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 1)
𑌆 𑌵𑌾॑𑌯𑍋 𑌭𑍂𑌷 𑌶𑍁𑌚𑌿𑌪𑌾॒ 𑌉𑌪॑ 𑌨-𑌸𑍍𑌸॒𑌹𑌸𑍍𑌰॑-𑌨𑍍𑌤𑍇 𑌨𑌿॒𑌯𑍁𑌤𑍋॑ 𑌵𑌿𑌶𑍍𑌵𑌵𑌾𑌰 । 𑌉𑌪𑍋॑ 𑌤𑍇॒ 𑌅𑌨𑍍𑌧𑍋॒ 𑌮𑌦𑍍𑌯॑𑌮𑌯𑌾𑌮𑌿॒ 𑌯𑌸𑍍𑌯॑ 𑌦𑍇𑌵 𑌦𑌧𑌿॒𑌷𑍇 𑌪𑍂᳚𑌰𑍍𑌵॒𑌪𑍇𑌯᳚𑌮𑍍 ॥ 𑌆𑌕𑍂᳚𑌤𑍍𑌯𑍈 𑌤𑍍𑌵𑌾॒ 𑌕𑌾𑌮𑌾॑𑌯 𑌤𑍍𑌵𑌾 𑌸॒𑌮𑍃𑌧𑍇᳚ 𑌤𑍍𑌵𑌾 𑌕𑌿𑌕𑍍𑌕𑌿॒𑌟𑌾 𑌤𑍇॒ 𑌮𑌨𑌃॑ 𑌪𑍍𑌰॒𑌜𑌾𑌪॑𑌤𑌯𑍇॒ 𑌸𑍍𑌵𑌾𑌹𑌾॑ 𑌕𑌿𑌕𑍍𑌕𑌿॒𑌟𑌾 𑌤𑍇᳚ 𑌪𑍍𑌰𑌾॒𑌣𑌂-𑌵𑌾𑌁॒𑌯𑌵𑍇॒ 𑌸𑍍𑌵𑌾𑌹𑌾॑ 𑌕𑌿𑌕𑍍𑌕𑌿॒𑌟𑌾 𑌤𑍇॒ 𑌚𑌕𑍍𑌷𑍁॒-𑌸𑍍𑌸𑍂𑌰𑍍𑌯𑌾॑𑌯॒ 𑌸𑍍𑌵𑌾𑌹𑌾॑ 𑌕𑌿𑌕𑍍𑌕𑌿॒𑌟𑌾 𑌤𑍇॒ 𑌶𑍍𑌰𑍋𑌤𑍍𑌰॒-𑌨𑍍𑌦𑍍𑌯𑌾𑌵𑌾॑𑌪𑍃𑌥𑌿॒𑌵𑍀𑌭𑍍𑌯𑌾॒𑌗𑍍॒ 𑌸𑍍𑌵𑌾𑌹𑌾॑ 𑌕𑌿𑌕𑍍𑌕𑌿॒𑌟𑌾 𑌤𑍇॒ 𑌵𑌾𑌚॒𑌗𑍍𑌂॒ 𑌸𑌰॑𑌸𑍍𑌵𑌤𑍍𑌯𑍈॒ 𑌸𑍍𑌵𑌾𑌹𑌾॒ [𑌸𑌰॑𑌸𑍍𑌵𑌤𑍍𑌯𑍈॒ 𑌸𑍍𑌵𑌾𑌹𑌾᳚, 𑌤𑍍𑌵-𑌨𑍍𑌤𑍁॒𑌰𑍀𑌯𑌾॑] 5
𑌤𑍍𑌵-𑌨𑍍𑌤𑍁॒𑌰𑍀𑌯𑌾॑ 𑌵॒𑌶𑌿𑌨𑍀॑ 𑌵॒𑌶𑌾-𑌽𑌸𑌿॑ 𑌸॒𑌕𑍃𑌦𑍍𑌯-𑌤𑍍𑌤𑍍𑌵𑌾॒ 𑌮𑌨॑𑌸𑌾॒ 𑌗𑌰𑍍𑌭॒ 𑌆-𑌽𑌶॑𑌯𑌤𑍍 । 𑌵॒𑌶𑌾 𑌤𑍍𑌵𑌂-𑌵𑌁॒𑌶𑌿𑌨𑍀॑ 𑌗𑌚𑍍𑌛 𑌦𑍇॒𑌵𑌾𑌨𑍍-𑌥𑍍𑌸॒𑌤𑍍𑌯𑌾-𑌸𑍍𑌸॑𑌨𑍍𑌤𑍁॒ 𑌯𑌜॑𑌮𑌾𑌨𑌸𑍍𑌯॒ 𑌕𑌾𑌮𑌾𑌃᳚ ॥ 𑌅॒𑌜𑌾-𑌽𑌸𑌿॑ 𑌰𑌯𑌿॒𑌷𑍍𑌠𑌾 𑌪𑍃॑𑌥𑌿॒𑌵𑍍𑌯𑌾𑌗𑍍𑌂 𑌸𑍀॑𑌦𑍋॒𑌰𑍍𑌧𑍍𑌵𑌾-𑌽𑌨𑍍𑌤𑌰𑌿॑𑌕𑍍𑌷॒𑌮𑍁𑌪॑ 𑌤𑌿𑌷𑍍𑌠𑌸𑍍𑌵 𑌦𑌿॒𑌵𑌿 𑌤𑍇॑ 𑌬𑍃॒𑌹𑌦𑍍𑌭𑌾𑌃 ॥ 𑌤𑌨𑍍𑌤𑍁॑-𑌨𑍍𑌤॒𑌨𑍍𑌵-𑌨𑍍𑌰𑌜॑𑌸𑍋 𑌭𑌾॒𑌨𑍁𑌮𑌨𑍍𑌵𑌿॑𑌹𑌿॒ 𑌜𑍍𑌯𑍋𑌤𑌿॑𑌷𑍍𑌮𑌤𑌃 𑌪॒𑌥𑍋 𑌰॑𑌕𑍍𑌷 𑌧𑌿॒𑌯𑌾 𑌕𑍃॒𑌤𑌾𑌨𑍍 ॥ 𑌅॒𑌨𑍁॒𑌲𑍍𑌬॒𑌣𑌂-𑌵𑌁॑𑌯𑌤॒ 𑌜𑍋𑌗𑍁॑𑌵𑌾॒𑌮𑌪𑍋॒ 𑌮𑌨𑍁॑ 𑌰𑍍𑌭𑌵 𑌜॒𑌨𑌯𑌾॒ 𑌦𑍈𑌵𑍍𑌯॒-𑌞𑍍𑌜𑌨᳚𑌮𑍍 ॥ 𑌮𑌨॑𑌸𑍋 𑌹॒𑌵𑌿𑌰॑𑌸𑌿 𑌪𑍍𑌰॒𑌜𑌾𑌪॑𑌤𑍇॒𑌰𑍍𑌵𑌰𑍍𑌣𑍋॒ 𑌗𑌾𑌤𑍍𑌰𑌾॑𑌣𑌾-𑌨𑍍𑌤𑍇 𑌗𑌾𑌤𑍍𑌰॒𑌭𑌾𑌜𑍋॑ 𑌭𑍂𑌯𑌾𑌸𑍍𑌮 ॥ 6 ॥
(𑌸𑌰॑𑌸𑍍𑌵𑌤𑍍𑌯𑍈॒ 𑌸𑍍𑌵𑌾𑌹𑌾॒ - 𑌮𑌨𑍁॒ - 𑌸𑍍𑌤𑍍𑌰𑌯𑍋॑𑌦𑌶 𑌚) (𑌅. 2)
𑌇॒𑌮𑍇 𑌵𑍈 𑌸॒𑌹𑌾-𑌽𑌽𑌸𑍍𑌤𑌾॒-𑌨𑍍𑌤𑍇 𑌵𑌾॒𑌯𑍁𑌰𑍍𑌵𑍍𑌯॑𑌵𑌾॒-𑌤𑍍𑌤𑍇 𑌗𑌰𑍍𑌭॑𑌮𑌦𑌧𑌾𑌤𑌾॒-𑌨𑍍𑌤𑌗𑍍𑌂 𑌸𑍋𑌮𑌃॒ 𑌪𑍍𑌰𑌾𑌜॑𑌨𑌯-𑌦॒𑌗𑍍𑌨𑌿𑌰॑𑌗𑍍𑌰𑌸𑌤॒ 𑌸 𑌏॒𑌤-𑌮𑍍𑌪𑍍𑌰॒𑌜𑌾𑌪॑𑌤𑌿𑌰𑌾𑌗𑍍𑌨𑍇॒𑌯-𑌮॒𑌷𑍍𑌟𑌾𑌕॑𑌪𑌾𑌲𑌮𑌪𑌶𑍍𑌯॒-𑌤𑍍𑌤-𑌨𑍍𑌨𑌿𑌰॑𑌵𑌪॒-𑌤𑍍𑌤𑍇𑌨𑍈॒𑌵𑍈𑌨𑌾॑𑌮॒𑌗𑍍𑌨𑍇𑌰𑌧𑌿॒ 𑌨𑌿𑌰॑𑌕𑍍𑌰𑍀𑌣𑌾॒-𑌤𑍍𑌤𑌸𑍍𑌮𑌾॒𑌦𑌪𑍍𑌯॑𑌨𑍍𑌯𑌦𑍇𑌵॒𑌤𑍍𑌯𑌾॑𑌮𑌾॒𑌲𑌭॑𑌮𑌾𑌨 𑌆𑌗𑍍𑌨𑍇॒𑌯𑌮॒𑌷𑍍𑌟𑌾𑌕॑𑌪𑌾𑌲-𑌮𑍍𑌪𑍁॒𑌰𑌸𑍍𑌤𑌾॒𑌨𑍍𑌨𑌿𑌰𑍍𑌵॑𑌪𑍇𑌦॒𑌗𑍍𑌨𑍇𑌰𑍇॒𑌵𑍈𑌨𑌾॒𑌮𑌧𑌿॑ 𑌨𑌿॒𑌷𑍍𑌕𑍍𑌰𑍀𑌯𑌾-𑌽𑌽𑌲॑𑌭𑌤𑍇॒ 𑌯- [𑌯𑌤𑍍, 𑌵𑌾॒𑌯𑍁𑌰𑍍𑌵𑍍𑌯𑌵𑌾॒-] 7
-𑌦𑍍𑌵𑌾॒𑌯𑍁𑌰𑍍𑌵𑍍𑌯𑌵𑌾॒-𑌤𑍍𑌤𑌸𑍍𑌮𑌾᳚-𑌦𑍍𑌵𑌾𑌯॒𑌵𑍍𑌯𑌾॑ 𑌯𑌦𑌿॒𑌮𑍇 𑌗𑌰𑍍𑌭॒𑌮𑌦॑𑌧𑌾𑌤𑌾॒-𑌨𑍍𑌤𑌸𑍍𑌮𑌾᳚-𑌦𑍍𑌦𑍍𑌯𑌾𑌵𑌾𑌪𑍃𑌥𑌿॒𑌵𑍍𑌯𑌾॑ 𑌯-𑌥𑍍𑌸𑍋𑌮𑌃॒ 𑌪𑍍𑌰𑌾𑌜॑𑌨𑌯𑌦॒𑌗𑍍𑌨𑌿𑌰𑌗𑍍𑌰॑𑌸𑌤॒ 𑌤𑌸𑍍𑌮𑌾॑𑌦𑌗𑍍𑌨𑍀𑌷𑍋॒𑌮𑍀𑌯𑌾॒ 𑌯𑌦॒𑌨𑌯𑍋᳚𑌰𑍍𑌵𑌿𑌯॒𑌤𑍍𑌯𑍋-𑌰𑍍𑌵𑌾𑌗𑌵॑𑌦॒-𑌤𑍍𑌤𑌸𑍍𑌮𑌾᳚-𑌥𑍍𑌸𑌾𑌰𑌸𑍍𑌵॒𑌤𑍀 𑌯-𑌤𑍍𑌪𑍍𑌰॒𑌜𑌾𑌪॑𑌤𑌿𑌰॒𑌗𑍍𑌨𑍇𑌰𑌧𑌿॑ 𑌨𑌿॒𑌰𑌕𑍍𑌰𑍀॑𑌣𑌾॒-𑌤𑍍𑌤𑌸𑍍𑌮𑌾᳚-𑌤𑍍𑌪𑍍𑌰𑌾𑌜𑌾𑌪॒𑌤𑍍𑌯𑌾 𑌸𑌾 𑌵𑌾 𑌏॒𑌷𑌾 𑌸॑𑌰𑍍𑌵𑌦𑍇𑌵॒𑌤𑍍𑌯𑌾॑ 𑌯𑌦॒𑌜𑌾 𑌵॒𑌶𑌾 𑌵𑌾॑𑌯॒𑌵𑍍𑌯𑌾॑𑌮𑌾 𑌲॑𑌭𑍇𑌤॒ 𑌭𑍂𑌤𑌿॑𑌕𑌾𑌮𑍋 𑌵𑌾॒𑌯𑍁𑌰𑍍𑌵𑍈 𑌕𑍍𑌷𑍇𑌪𑌿॑𑌷𑍍𑌠𑌾 𑌦𑍇॒𑌵𑌤𑌾॑ 𑌵𑌾॒𑌯𑍁𑌮𑍇॒𑌵 𑌸𑍍𑌵𑍇𑌨॑ [𑌸𑍍𑌵𑍇𑌨॑, 𑌭𑌾॒𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒] 8
𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸 𑌏॒𑌵𑍈𑌨॒-𑌮𑍍𑌭𑍂𑌤𑌿॑-𑌙𑍍𑌗𑌮𑌯𑌤𑌿 𑌦𑍍𑌯𑌾𑌵𑌾𑌪𑍃𑌥𑌿॒𑌵𑍍𑌯𑌾॑𑌮𑌾 𑌲॑𑌭𑍇𑌤 𑌕𑍃॒𑌷𑌮𑌾॑𑌣𑌃 𑌪𑍍𑌰𑌤𑌿॒𑌷𑍍𑌠𑌾𑌕𑌾॑𑌮𑍋 𑌦𑌿॒𑌵 𑌏॒𑌵𑌾𑌸𑍍𑌮𑍈॑ 𑌪॒𑌰𑍍𑌜𑌨𑍍𑌯𑍋॑ 𑌵𑌰𑍍𑌷𑌤𑌿॒ 𑌵𑍍𑌯॑𑌸𑍍𑌯𑌾𑌮𑍋𑌷॑𑌧𑌯𑍋 𑌰𑍋𑌹𑌨𑍍𑌤𑌿 𑌸॒𑌮𑌰𑍍𑌧𑍁॑𑌕𑌮𑌸𑍍𑌯 𑌸॒𑌸𑍍𑌯-𑌮𑍍𑌭॑𑌵𑌤𑍍𑌯𑌗𑍍𑌨𑍀𑌷𑍋॒𑌮𑍀𑌯𑌾॒𑌮𑌾 𑌲॑𑌭𑍇𑌤॒ 𑌯𑌃 𑌕𑌾॒𑌮𑌯𑍇॒𑌤𑌾𑌨𑍍𑌨॑𑌵𑌾𑌨𑌨𑍍𑌨𑌾॒𑌦-𑌸𑍍𑌸𑍍𑌯𑌾॒𑌮𑌿𑌤𑍍𑌯॒𑌗𑍍𑌨𑌿𑌨𑍈॒𑌵𑌾𑌨𑍍𑌨॒𑌮𑌵॑ 𑌰𑍁𑌨𑍍𑌧𑍇॒ 𑌸𑍋𑌮𑍇॑𑌨𑌾॒𑌨𑍍𑌨𑌾𑌦𑍍𑌯॒-𑌮𑌨𑍍𑌨॑𑌵𑌾𑌨𑍇॒𑌵𑌾𑌨𑍍𑌨𑌾॒𑌦𑍋 𑌭॑𑌵𑌤𑌿 𑌸𑌾𑌰𑌸𑍍𑌵॒𑌤𑍀𑌮𑌾 𑌲॑𑌭𑍇𑌤॒ 𑌯 [𑌯𑌃, 𑌈॒𑌶𑍍𑌵॒𑌰𑍋 𑌵𑌾॒𑌚𑍋] 9
𑌈᳚𑌶𑍍𑌵॒𑌰𑍋 𑌵𑌾॒𑌚𑍋 𑌵𑌦𑌿॑𑌤𑍋॒-𑌸𑍍𑌸𑌨𑍍. 𑌵𑌾𑌚॒-𑌨𑍍𑌨𑌵𑌦𑍇॒-𑌦𑍍𑌵𑌾𑌗𑍍𑌵𑍈 𑌸𑌰॑𑌸𑍍𑌵𑌤𑍀॒ 𑌸𑌰॑𑌸𑍍𑌵𑌤𑍀𑌮𑍇॒𑌵 𑌸𑍍𑌵𑍇𑌨॑ 𑌭𑌾𑌗॒𑌧𑍇𑌯𑍇॒𑌨𑍋𑌪॑ 𑌧𑌾𑌵𑌤𑌿॒ 𑌸𑍈𑌵𑌾𑌸𑍍𑌮𑌿॒𑌨𑍍. 𑌵𑌾𑌚॑-𑌨𑍍𑌦𑌧𑌾𑌤𑌿 𑌪𑍍𑌰𑌾𑌜𑌾𑌪॒𑌤𑍍𑌯𑌾𑌮𑌾 𑌲॑𑌭𑍇𑌤॒ 𑌯𑌃 𑌕𑌾॒𑌮𑌯𑍇॒𑌤𑌾𑌨॑𑌭𑌿𑌜𑌿𑌤𑌮॒𑌭𑌿 𑌜॑𑌯𑍇𑌯॒𑌮𑌿𑌤𑌿॑ 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾॑ 𑌦𑍇॒𑌵𑌤𑌾॑𑌭𑌿𑌰𑍇॒𑌵𑌾-𑌨॑𑌭𑌿𑌜𑌿𑌤𑌮॒𑌭𑌿 𑌜॑𑌯𑌤𑌿 𑌵𑌾𑌯॒𑌵𑍍𑌯॑𑌯𑍋॒𑌪𑌾𑌕॑𑌰𑍋𑌤𑌿 𑌵𑌾॒𑌯𑍋𑌰𑍇॒𑌵𑍈𑌨𑌾॑𑌮𑌵॒𑌰𑍁𑌦𑍍𑌧𑍍𑌯𑌾-𑌽𑌽𑌲॑𑌭𑌤॒ 𑌆𑌕𑍂᳚𑌤𑍍𑌯𑍈 𑌤𑍍𑌵𑌾॒ 𑌕𑌾𑌮𑌾॑𑌯॒ 𑌤𑍍𑌵𑍇- [𑌕𑌾𑌮𑌾॑𑌯 𑌤𑍍𑌵𑌾, 𑌇𑌤𑍍𑌯𑌾॑𑌹 𑌯𑌥𑌾𑌯॒𑌜𑍁-] 10
-𑌤𑍍𑌯𑌾॑𑌹 𑌯𑌥𑌾𑌯॒𑌜𑍁-𑌰𑍇॒𑌵𑍈𑌤-𑌤𑍍𑌕𑌿॑𑌕𑍍𑌕𑌿𑌟𑌾॒𑌕𑌾𑌰॑-𑌞𑍍𑌜𑍁𑌹𑍋𑌤𑌿 𑌕𑌿𑌕𑍍𑌕𑌿𑌟𑌾𑌕𑌾॒𑌰𑍇𑌣॒ 𑌵𑍈 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑍋॑ 𑌰𑌮𑌨𑍍𑌤𑍇॒ 𑌪𑍍𑌰𑌾-𑌽𑌽𑌰॒𑌣𑍍𑌯𑌾𑌃 𑌪॑𑌤𑌨𑍍𑌤𑌿॒ 𑌯-𑌤𑍍𑌕𑌿॑𑌕𑍍𑌕𑌿𑌟𑌾॒𑌕𑌾𑌰॑-𑌞𑍍𑌜𑍁॒𑌹𑍋𑌤𑌿॑ 𑌗𑍍𑌰𑌾॒𑌮𑍍𑌯𑌾𑌣𑌾᳚-𑌮𑍍𑌪𑌶𑍂॒𑌨𑌾-𑌨𑍍𑌧𑍃𑌤𑍍𑌯𑍈॒ 𑌪𑌰𑍍𑌯॑𑌗𑍍𑌨𑍗 𑌕𑍍𑌰𑌿॒𑌯𑌮𑌾॑𑌣𑍇 𑌜𑍁𑌹𑍋𑌤𑌿॒ 𑌜𑍀𑌵॑𑌨𑍍𑌤𑍀𑌮𑍇॒𑌵𑍈𑌨𑌾𑌗𑍍𑌂॑ 𑌸𑍁𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿॒ 𑌤𑍍𑌵-𑌨𑍍𑌤𑍁॒𑌰𑍀𑌯𑌾॑ 𑌵॒𑌶𑌿𑌨𑍀॑ 𑌵॒𑌶𑌾-𑌽𑌸𑍀𑌤𑍍𑌯𑌾॑𑌹 𑌦𑍇𑌵॒𑌤𑍍𑌰𑍈𑌵𑍈𑌨𑌾᳚-𑌙𑍍𑌗𑌮𑌯𑌤𑌿 𑌸॒𑌤𑍍𑌯𑌾-𑌸𑍍𑌸॑𑌨𑍍𑌤𑍁॒ 𑌯𑌜॑𑌮𑌾𑌨𑌸𑍍𑌯॒ 𑌕𑌾𑌮𑌾॒ 𑌇𑌤𑍍𑌯𑌾॑𑌹𑍈॒𑌷 𑌵𑍈 𑌕𑌾𑌮𑍋॒ [𑌵𑍈 𑌕𑌾𑌮𑌃॑, 𑌯𑌜॑𑌮𑌾𑌨𑌸𑍍𑌯॒] 11
𑌯𑌜॑𑌮𑌾𑌨𑌸𑍍𑌯॒ 𑌯𑌦𑌨𑌾᳚𑌰𑍍𑌤 𑌉॒𑌦𑍃𑌚॒-𑌙𑍍𑌗𑌚𑍍𑌛॑𑌤𑌿॒ 𑌤𑌸𑍍𑌮𑌾॑𑌦𑍇॒𑌵𑌮𑌾॑𑌹𑌾॒-𑌽𑌜𑌾-𑌽𑌸𑌿॑ 𑌰𑌯𑌿॒𑌷𑍍𑌠𑍇𑌤𑍍𑌯𑌾॑𑌹𑍈॒ 𑌷𑍍𑌵𑍇॑𑌵𑍈𑌨𑌾𑌂᳚-𑌲𑍋𑌁॒𑌕𑍇𑌷𑍁॒ 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 𑌦𑌿॒𑌵𑌿 𑌤𑍇॑ 𑌬𑍃॒𑌹𑌦𑍍𑌭𑌾 𑌇𑌤𑍍𑌯𑌾॑𑌹 𑌸𑍁𑌵॒𑌰𑍍𑌗 𑌏॒𑌵𑌾𑌸𑍍𑌮𑍈॑ 𑌲𑍋॒𑌕𑍇 𑌜𑍍𑌯𑍋𑌤𑌿॑-𑌰𑍍𑌦𑌧𑌾𑌤𑌿॒ 𑌤𑌨𑍍𑌤𑍁॑-𑌨𑍍𑌤॒𑌨𑍍𑌵-𑌨𑍍𑌰𑌜॑𑌸𑍋 𑌭𑌾॒𑌨𑍁𑌮𑌨𑍍𑌵𑌿॒𑌹𑍀𑌤𑍍𑌯𑌾॑𑌹𑍇॒𑌮𑌾𑌨𑍇॒𑌵𑌾𑌸𑍍𑌮𑍈॑ 𑌲𑍋॒𑌕𑌾𑌨𑍍 𑌜𑍍𑌯𑍋𑌤𑌿॑𑌷𑍍𑌮𑌤𑌃 𑌕𑌰𑍋𑌤𑍍𑌯𑌨𑍁𑌲𑍍𑌬॒𑌣𑌂-𑌵𑌁॑𑌯𑌤॒ 𑌜𑍋𑌗𑍁॑𑌵𑌾॒𑌮𑌪॒ 𑌇- [𑌜𑍋𑌗𑍁॑𑌵𑌾॒𑌮𑌪॒ 𑌇𑌤𑌿॑, 𑌆॒𑌹॒ 𑌯𑌦𑍇॒𑌵] 12
-𑌤𑍍𑌯𑌾॑𑌹॒ 𑌯𑌦𑍇॒𑌵 𑌯॒𑌜𑍍𑌞 𑌉॒𑌲𑍍𑌬𑌣॑-𑌙𑍍𑌕𑍍𑌰𑌿॒𑌯𑌤𑍇॒ 𑌤𑌸𑍍𑌯𑍈॒𑌵𑍈𑌷𑌾 𑌶𑌾𑌨𑍍𑌤𑌿॒𑌰𑍍𑌮𑌨𑍁॑𑌰𑍍𑌭𑌵 𑌜॒𑌨𑌯𑌾॒ 𑌦𑍈𑌵𑍍𑌯॒-𑌞𑍍𑌜𑌨॒𑌮𑌿𑌤𑍍𑌯𑌾॑𑌹 𑌮𑌾𑌨॒𑌵𑍍𑌯𑍋॑ 𑌵𑍈 𑌪𑍍𑌰॒𑌜𑌾𑌸𑍍𑌤𑌾 𑌏॒𑌵𑌾-𑌽𑌽𑌦𑍍𑌯𑌾𑌃᳚ 𑌕𑍁𑌰𑍁𑌤𑍇॒ 𑌮𑌨॑𑌸𑍋 𑌹॒𑌵𑌿𑌰॒𑌸𑍀𑌤𑍍𑌯𑌾॑𑌹 𑌸𑍍𑌵॒𑌗𑌾𑌕𑍃॑𑌤𑍍𑌯𑍈॒ 𑌗𑌾𑌤𑍍𑌰𑌾॑𑌣𑌾-𑌨𑍍𑌤𑍇 𑌗𑌾𑌤𑍍𑌰॒𑌭𑌾𑌜𑍋॑ 𑌭𑍂𑌯𑌾॒𑌸𑍍𑌮𑍇𑌤𑍍𑌯𑌾॑𑌹𑌾॒ 𑌽𑌽𑌶𑌿𑌷॑𑌮𑍇॒𑌵𑍈𑌤𑌾𑌮𑌾 𑌶𑌾᳚𑌸𑍍𑌤𑍇॒ 𑌤𑌸𑍍𑌯𑍈॒ 𑌵𑌾 𑌏॒𑌤𑌸𑍍𑌯𑌾॒ 𑌏𑌕॑𑌮𑍇॒𑌵𑌾-𑌦𑍇॑𑌵𑌯𑌜𑌨𑌂॒ 𑌁𑌯𑌦𑌾𑌲॑𑌬𑍍𑌧𑌾𑌯𑌾-𑌮॒𑌭𑍍𑌰𑍋 [-𑌮॒𑌭𑍍𑌰𑌃, 𑌭𑌵॑𑌤𑌿॒] 13
𑌭𑌵॑𑌤𑌿॒ 𑌯𑌦𑌾𑌲॑𑌬𑍍𑌧𑌾𑌯𑌾𑌮॒𑌭𑍍𑌰-𑌸𑍍𑌸𑍍𑌯𑌾𑌦॒𑌫𑍍𑌸𑍁 𑌵𑌾᳚𑌪𑍍𑌰𑌵𑍇॒𑌶𑌯𑍇॒-𑌥𑍍𑌸𑌰𑍍𑌵𑌾𑌂᳚-𑌵𑌾𑌁॒ 𑌪𑍍𑌰𑌾𑌶𑍍𑌞𑍀॑𑌯𑌾॒𑌦𑍍𑌯𑌦॒𑌫𑍍𑌸𑍁 𑌪𑍍𑌰॑𑌵𑍇॒𑌶𑌯𑍇᳚𑌦𑍍𑌯𑌜𑍍𑌞𑌵𑍇𑌶॒𑌸-𑌙𑍍𑌕𑍁॑𑌰𑍍𑌯𑌾॒-𑌥𑍍𑌸𑌰𑍍𑌵𑌾॑𑌮𑍇॒𑌵 𑌪𑍍𑌰𑌾𑌶𑍍𑌞𑍀॑𑌯𑌾𑌦𑌿𑌨𑍍𑌦𑍍𑌰𑌿॒𑌯𑌮𑍇॒𑌵𑌾-𑌽𑌽𑌤𑍍𑌮-𑌨𑍍𑌧॑-𑌤𑍍𑌤𑍇॒ 𑌸𑌾 𑌵𑌾 𑌏॒𑌷𑌾 𑌤𑍍𑌰॑𑌯𑌾॒𑌣𑌾𑌮𑍇॒𑌵𑌾𑌵॑ 𑌰𑍁𑌦𑍍𑌧𑌾 𑌸𑌂𑌵𑌁𑌥𑍍𑌸𑌰॒𑌸𑌦𑌃॑ 𑌸𑌹𑌸𑍍𑌰𑌯𑌾॒𑌜𑌿𑌨𑍋॑ 𑌗𑍃𑌹𑌮𑍇॒𑌧𑌿𑌨॒𑌸𑍍𑌤 𑌏॒𑌵𑍈𑌤𑌯𑌾॑ 𑌯𑌜𑍇𑌰॒-𑌨𑍍𑌤𑍇𑌷𑌾॑𑌮𑍇॒𑌵𑍈𑌷𑌾-𑌽𑌽𑌪𑍍𑌤𑌾 ॥ 14 ॥
(𑌯𑌥𑍍 - 𑌸𑍍𑌵𑍇𑌨॑ - 𑌸𑌾𑌰𑌸𑍍𑌵॒𑌤𑍀𑌮𑌾 𑌲॑𑌭𑍇𑌤॒ 𑌯𑌃 - 𑌕𑌾𑌮𑌾॑𑌯 𑌤𑍍𑌵𑌾॒ - 𑌕𑌾𑌮𑍋 - 𑌽𑌪॒ 𑌇𑌤𑍍𑌯॒ - 𑌭𑍍𑌰𑍋 - 𑌦𑍍𑌵𑌿𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 3)
𑌚𑌿॒𑌤𑍍𑌤-𑌞𑍍𑌚॒ 𑌚𑌿𑌤𑍍𑌤𑌿॒𑌶𑍍𑌚𑌾 𑌽𑌽𑌕𑍂॑𑌤॒-𑌞𑍍𑌚𑌾-𑌽𑌽𑌕𑍂॑𑌤𑌿𑌶𑍍𑌚॒ 𑌵𑌿𑌜𑍍𑌞𑌾॑𑌤-𑌞𑍍𑌚 𑌵𑌿॒𑌜𑍍𑌞𑌾𑌨॑-𑌞𑍍𑌚॒ 𑌮𑌨॑𑌶𑍍𑌚॒ 𑌶𑌕𑍍𑌵॑𑌰𑍀𑌶𑍍𑌚॒ 𑌦𑌰𑍍𑌶॑𑌶𑍍𑌚 𑌪𑍂॒𑌰𑍍𑌣𑌮𑌾॑𑌸𑌶𑍍𑌚 𑌬𑍃॒𑌹𑌚𑍍𑌚॑ 𑌰𑌥𑌨𑍍𑌤॒𑌰-𑌞𑍍𑌚॑ 𑌪𑍍𑌰॒𑌜𑌾𑌪॑𑌤𑌿॒𑌰𑍍𑌜𑌯𑌾॒𑌨𑌿𑌨𑍍𑌦𑍍𑌰𑌾॑𑌯॒ 𑌵𑍃𑌷𑍍𑌣𑍇॒ 𑌪𑍍𑌰𑌾𑌯॑𑌚𑍍𑌛𑌦𑍁॒𑌗𑍍𑌰𑌃 𑌪𑍃॑𑌤॒𑌨𑌾𑌜𑍍𑌯𑍇॑𑌷𑍁॒ 𑌤𑌸𑍍𑌮𑍈॒ 𑌵𑌿𑌶॒-𑌸𑍍𑌸𑌮॑𑌨𑌮𑌨𑍍𑌤॒ 𑌸𑌰𑍍𑌵𑌾॒-𑌸𑍍𑌸 𑌉॒𑌗𑍍𑌰-𑌸𑍍𑌸𑌹𑌿 𑌹𑌵𑍍𑌯𑍋॑ 𑌬॒𑌭𑍂𑌵॑𑌦𑍇𑌵𑌾𑌸𑍁॒𑌰𑌾-𑌸𑍍𑌸𑌂𑌯𑌁॑𑌤𑍍𑌤𑌾 𑌆𑌸॒𑌨𑍍𑌥𑍍𑌸 𑌇𑌨𑍍𑌦𑍍𑌰𑌃॑ 𑌪𑍍𑌰॒𑌜𑌾𑌪॑𑌤𑌿॒𑌮𑍁𑌪𑌾॑ 𑌧𑌾𑌵॒-𑌤𑍍𑌤𑌸𑍍𑌮𑌾॑ 𑌏॒𑌤𑌾𑌞𑍍𑌜𑌯𑌾॒-𑌨𑍍𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑌾𑌨॑𑌜𑍁𑌹𑍋॒-𑌤𑍍𑌤𑌤𑍋॒ 𑌵𑍈 𑌦𑍇॒𑌵𑌾 𑌅𑌸𑍁॑𑌰𑌾𑌨𑌜𑌯॒𑌨𑍍॒. 𑌯𑌦𑌜॑𑌯॒-𑌨𑍍𑌤𑌜𑍍𑌜𑌯𑌾॑𑌨𑌾-𑌞𑍍𑌜𑌯॒𑌤𑍍𑌵𑌗𑍍𑌗𑍍 𑌸𑍍𑌪𑌰𑍍𑌧॑𑌮𑌾𑌨𑍇𑌨𑍈॒𑌤𑍇 𑌹𑍋॑𑌤॒𑌵𑍍𑌯𑌾॑ 𑌜𑌯॑𑌤𑍍𑌯𑍇॒𑌵 𑌤𑌾-𑌮𑍍𑌪𑍃𑌤॑𑌨𑌾𑌮𑍍 ॥ 15 ॥
(𑌉𑌪॒ - 𑌪𑌞𑍍𑌚॑𑌵𑌿𑌗𑍍𑌂𑌶𑌤𑌿𑌶𑍍𑌚) (𑌅. 4)
𑌅॒𑌗𑍍𑌨𑌿𑌰𑍍𑌭𑍂॒𑌤𑌾𑌨𑌾॒𑌮𑌧𑌿॑𑌪𑌤𑌿॒-𑌸𑍍𑌸𑌮𑌾॑-𑌽𑌵॒𑌤𑍍𑌵𑌿𑌨𑍍𑌦𑍍𑌰𑍋᳚ 𑌜𑍍𑌯𑍇॒𑌷𑍍𑌠𑌾𑌨𑌾𑌂᳚-𑌯𑌁॒𑌮𑌃 𑌪𑍃॑𑌥𑌿॒𑌵𑍍𑌯𑌾 𑌵𑌾॒𑌯𑍁𑌰॒𑌨𑍍𑌤𑌰𑌿॑𑌕𑍍𑌷𑌸𑍍𑌯॒ 𑌸𑍂𑌰𑍍𑌯𑍋॑𑌦𑌿॒𑌵𑌶𑍍𑌚॒𑌨𑍍𑌦𑍍𑌰𑌮𑌾॒ 𑌨𑌕𑍍𑌷॑𑌤𑍍𑌰𑌾𑌣𑌾॒-𑌮𑍍𑌬𑍃𑌹॒𑌸𑍍𑌪𑌤𑌿॒𑌰𑍍𑌬𑍍𑌰𑌹𑍍𑌮॑𑌣𑍋 𑌮𑌿॒𑌤𑍍𑌰-𑌸𑍍𑌸॒𑌤𑍍𑌯𑌾𑌨𑌾𑌂॒-𑌵𑌁𑌰𑍁॑𑌣𑍋॒-𑌽𑌪𑌾𑌗𑍍𑌂 𑌸॑𑌮𑍁॒𑌦𑍍𑌰-𑌸𑍍𑌸𑍍𑌰𑍋॒𑌤𑍍𑌯𑌾𑌨𑌾॒𑌮𑌨𑍍𑌨॒𑌗𑍍𑌂॒ 𑌸𑌾𑌮𑍍𑌰𑌾᳚𑌜𑍍𑌯𑌾𑌨𑌾॒𑌮𑌧𑌿॑𑌪𑌤𑌿॒ 𑌤𑌨𑍍𑌮𑌾॑-𑌽𑌵𑌤𑍁॒ 𑌸𑍋𑌮॒ 𑌓𑌷॑𑌧𑍀𑌨𑌾𑌗𑍍𑌂 𑌸𑌵𑌿॒𑌤𑌾 𑌪𑍍𑌰॑𑌸॒𑌵𑌾𑌨𑌾𑌗𑍍𑌂॑ 𑌰𑍁॒𑌦𑍍𑌰𑌃 𑌪॑𑌶𑍂॒𑌨𑌾-𑌨𑍍𑌤𑍍𑌵𑌷𑍍𑌟𑌾॑ 𑌰𑍂॒𑌪𑌾𑌣𑌾𑌂॒-𑌵𑌿𑌁𑌷𑍍𑌣𑍁𑌃॒ 𑌪𑌰𑍍𑌵॑𑌤𑌾𑌨𑌾-𑌮𑍍𑌮॒𑌰𑍁𑌤𑍋॑ 𑌗॒𑌣𑌾𑌨𑌾॒𑌮𑌧𑌿॑𑌪𑌤𑌯॒𑌸𑍍𑌤𑍇 𑌮𑌾॑𑌵𑌨𑍍𑌤𑍁॒ 𑌪𑌿𑌤॑𑌰𑌃 𑌪𑌿𑌤𑌾𑌮𑌹𑌾𑌃 𑌪𑌰𑍇-𑌽𑌵𑌰𑍇॒ 𑌤𑌤𑌾᳚𑌸𑍍𑌤𑌤𑌾𑌮𑌹𑌾 𑌇॒𑌹 𑌮𑌾॑-𑌽𑌵𑌤 । 𑌅॒𑌸𑍍𑌮𑌿-𑌨𑍍𑌬𑍍𑌰𑌹𑍍𑌮॑𑌨𑍍𑌨॒𑌸𑍍𑌮𑌿𑌨𑍍 𑌕𑍍𑌷॒𑌤𑍍𑌰𑍇᳚-𑌽𑌸𑍍𑌯𑌾-𑌮𑌾॒𑌶𑌿𑌷𑍍𑌯॒𑌸𑍍𑌯𑌾-𑌮𑍍𑌪𑍁॑𑌰𑍋॒𑌧𑌾𑌯𑌾॑𑌮॒𑌸𑍍𑌮𑌿𑌨𑍍-𑌕𑌰𑍍𑌮॑𑌨𑍍𑌨॒𑌸𑍍𑌯𑌾-𑌨𑍍𑌦𑍇॒𑌵𑌹𑍂᳚𑌤𑍍𑌯𑌾𑌮𑍍 ॥ 16 ॥
(𑌅॒𑌵॒𑌰𑍇॒ - 𑌸॒𑌪𑍍𑌤𑌦॑𑌶 𑌚) (𑌅. 5)
𑌦𑍇॒𑌵𑌾 𑌵𑍈 𑌯𑌦𑍍𑌯॒𑌜𑍍𑌞𑍇-𑌽𑌕𑍁॑𑌰𑍍𑌵𑌤॒ 𑌤𑌦𑌸𑍁॑𑌰𑌾 𑌅𑌕𑍁𑌰𑍍𑌵𑌤॒ 𑌤𑍇 𑌦𑍇॒𑌵𑌾 𑌏॒𑌤𑌾𑌨॑𑌭𑍍𑌯𑌾𑌤𑌾॒𑌨𑌾𑌨॑𑌪𑌶𑍍𑌯॒𑌨𑍍- 𑌤𑌾𑌨॒𑌭𑍍𑌯𑌾𑌤॑𑌨𑍍𑌵𑌤॒ 𑌯𑌦𑍍𑌦𑍇॒𑌵𑌾𑌨𑌾॒-𑌙𑍍𑌕𑌰𑍍𑌮𑌾-𑌽𑌽𑌸𑍀॒𑌦𑌾𑌰𑍍𑌧𑍍𑌯॑𑌤॒ 𑌤𑌦𑍍𑌯𑌦𑌸𑍁॑𑌰𑌾𑌣𑌾॒-𑌨𑍍𑌨 𑌤𑌦𑌾᳚𑌰𑍍𑌧𑍍𑌯𑌤॒ 𑌯𑍇𑌨॒ 𑌕𑌰𑍍𑌮॒𑌣𑍇𑌰𑍍𑌥𑍍𑌸𑍇॒-𑌤𑍍𑌤𑌤𑍍𑌰॑ 𑌹𑍋𑌤॒𑌵𑍍𑌯𑌾॑ 𑌋॒𑌦𑍍𑌧𑍍𑌨𑍋𑌤𑍍𑌯𑍇॒𑌵 𑌤𑍇𑌨॒ 𑌕𑌰𑍍𑌮॑𑌣𑌾॒ 𑌯𑌦𑍍𑌵𑌿𑌶𑍍𑌵𑍇॑ 𑌦𑍇॒𑌵𑌾-𑌸𑍍𑌸॒𑌮𑌭॑𑌰॒-𑌨𑍍𑌤𑌸𑍍𑌮𑌾॑-𑌦𑌭𑍍𑌯𑌾𑌤𑌾॒𑌨𑌾 𑌵𑍈᳚𑌶𑍍𑌵𑌦𑍇॒𑌵𑌾𑌯𑌤𑍍-𑌪𑍍𑌰॒𑌜𑌾𑌪॑𑌤𑌿॒𑌰𑍍𑌜𑌯𑌾॒-𑌨𑍍𑌪𑍍𑌰𑌾𑌯॑𑌚𑍍𑌛॒-𑌤𑍍𑌤𑌸𑍍𑌮𑌾॒𑌜𑍍𑌜𑌯𑌾𑌃᳚ 𑌪𑍍𑌰𑌾𑌜𑌾𑌪॒𑌤𑍍𑌯𑌾 [𑌪𑍍𑌰𑌾𑌜𑌾𑌪॒𑌤𑍍𑌯𑌾𑌃, 𑌯-𑌦𑍍𑌰𑌾᳚𑌷𑍍𑌟𑍍𑌰॒𑌭𑍃𑌦𑍍𑌭𑍀॑] 17
𑌯-𑌦𑍍𑌰𑌾᳚𑌷𑍍𑌟𑍍𑌰॒𑌭𑍃𑌦𑍍𑌭𑍀॑ 𑌰𑌾॒𑌷𑍍𑌟𑍍𑌰𑌮𑌾-𑌽𑌦॑𑌦𑌤॒ 𑌤-𑌦𑍍𑌰𑌾᳚𑌷𑍍𑌟𑍍𑌰॒𑌭𑍃𑌤𑌾𑌗𑍍𑌂॑ 𑌰𑌾𑌷𑍍𑌟𑍍𑌰𑌭𑍃॒𑌤𑍍𑌤𑍍𑌵-𑌨𑍍𑌤𑍇 𑌦𑍇॒𑌵𑌾 𑌅॑𑌭𑍍𑌯𑌾𑌤𑌾॒𑌨𑍈𑌰𑌸𑍁॑𑌰𑌾𑌨॒𑌭𑍍𑌯𑌾𑌤॑𑌨𑍍𑌵𑌤॒ 𑌜𑌯𑍈॑𑌰𑌜𑌯𑌨𑍍-𑌰𑌾𑌷𑍍𑌟𑍍𑌰॒𑌭𑍃𑌦𑍍𑌭𑍀॑ 𑌰𑌾॒𑌷𑍍𑌟𑍍𑌰𑌮𑌾-𑌽𑌦॑𑌦𑌤॒ 𑌯𑌦𑍍𑌦𑍇॒𑌵𑌾 𑌅॑𑌭𑍍𑌯𑌾𑌤𑌾॒𑌨𑍈𑌰𑌸𑍁॑𑌰𑌾𑌨॒𑌭𑍍𑌯𑌾𑌤॑𑌨𑍍𑌵𑌤॒ 𑌤𑌦॑𑌭𑍍𑌯𑌾𑌤𑌾॒𑌨𑌾𑌨𑌾॑𑌮𑌭𑍍𑌯𑌾𑌤𑌾𑌨॒𑌤𑍍𑌵𑌂-𑌯𑌁𑌜𑍍𑌜𑌯𑍈॒𑌰𑌜॑𑌯॒-𑌨𑍍𑌤𑌜𑍍𑌜𑌯𑌾॑𑌨𑌾-𑌞𑍍𑌜𑌯॒𑌤𑍍𑌵𑌂-𑌯𑌁-𑌦𑍍𑌰𑌾᳚𑌷𑍍𑌟𑍍𑌰॒𑌭𑍃𑌦𑍍𑌭𑍀॑ 𑌰𑌾॒𑌷𑍍𑌟𑍍𑌰𑌮𑌾-𑌽𑌦॑𑌦𑌤॒ 𑌤-𑌦𑍍𑌰𑌾᳚𑌷𑍍𑌟𑍍𑌰॒𑌭𑍃𑌤𑌾𑌗𑍍𑌂॑ 𑌰𑌾𑌷𑍍𑌟𑍍𑌰𑌭𑍃॒𑌤𑍍𑌤𑍍𑌵-𑌨𑍍𑌤𑌤𑍋॑ 𑌦𑍇॒𑌵𑌾 𑌅𑌭॑𑌵॒-𑌨𑍍𑌪𑌰𑌾-𑌽𑌸𑍁॑𑌰𑌾॒ 𑌯𑍋 𑌭𑍍𑌰𑌾𑌤𑍃॑𑌵𑍍𑌯𑌵𑌾॒𑌨𑍍-𑌥𑍍𑌸𑍍𑌯𑌾-𑌥𑍍𑌸 𑌏॒𑌤𑌾𑌨𑍍 𑌜𑍁॑𑌹𑍁𑌯𑌾𑌦𑌭𑍍𑌯𑌾𑌤𑌾॒𑌨𑍈𑌰𑍇॒𑌵 𑌭𑍍𑌰𑌾𑌤𑍃॑𑌵𑍍𑌯𑌾𑌨॒𑌭𑍍𑌯𑌾𑌤॑𑌨𑍁𑌤𑍇॒ 𑌜𑌯𑍈᳚𑌰𑍍𑌜𑌯𑌤𑌿 𑌰𑌾𑌷𑍍𑌟𑍍𑌰॒𑌭𑍃𑌦𑍍𑌭𑍀॑ 𑌰𑌾॒𑌷𑍍𑌟𑍍𑌰𑌮𑌾 𑌦॑𑌤𑍍𑌤𑍇॒ 𑌭𑌵॑𑌤𑍍𑌯𑌾॒𑌤𑍍𑌮𑌨𑌾॒ 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿 ॥ 18 ॥
(𑌪𑍍𑌰𑌾॒𑌜𑌾॒𑌪॒𑌤𑍍𑌯𑌾𑌃-𑌸𑍋᳚-𑌽-𑌷𑍍𑌟𑌾 𑌦॑𑌶 𑌚) (𑌅. 6)
𑌋॒𑌤𑌾॒𑌷𑌾-𑌡𑍃॒𑌤𑌧𑌾॑𑌮𑌾॒-𑌽𑌗𑍍𑌨𑌿-𑌰𑍍𑌗॑𑌨𑍍𑌧॒𑌰𑍍𑌵𑌸𑍍𑌤-𑌸𑍍𑌯𑍗𑌷॑𑌧𑌯𑍋-𑌽𑌫𑍍𑌸॒𑌰𑌸॒ 𑌊𑌰𑍍𑌜𑍋॒ 𑌨𑌾𑌮॒ 𑌸 𑌇॒𑌦-𑌮𑍍𑌬𑍍𑌰𑌹𑍍𑌮॑ 𑌕𑍍𑌷॒𑌤𑍍𑌰-𑌮𑍍𑌪𑌾॑𑌤𑍁॒ 𑌤𑌾 𑌇॒𑌦-𑌮𑍍𑌬𑍍𑌰𑌹𑍍𑌮॑ 𑌕𑍍𑌷॒𑌤𑍍𑌰-𑌮𑍍𑌪𑌾᳚𑌨𑍍𑌤𑍁॒ 𑌤𑌸𑍍𑌮𑍈॒ 𑌸𑍍𑌵𑌾𑌹𑌾॒ 𑌤𑌾𑌭𑍍𑌯॒-𑌸𑍍𑌸𑍍𑌵𑌾𑌹𑌾॑ 𑌸𑌗𑍍𑌂𑌹𑌿॒𑌤𑍋 𑌵𑌿॒𑌶𑍍𑌵𑌸𑌾॑𑌮𑌾॒ 𑌸𑍂𑌰𑍍𑌯𑍋॑ 𑌗𑌨𑍍𑌧॒𑌰𑍍𑌵-𑌸𑍍𑌤𑌸𑍍𑌯॒ 𑌮𑌰𑍀॑𑌚𑌯𑍋-𑌽𑌫𑍍𑌸॒𑌰𑌸॑ 𑌆॒𑌯𑍁𑌵𑌃॑ 𑌸𑍁𑌷𑍁॒𑌮𑍍𑌨-𑌸𑍍𑌸𑍂𑌰𑍍𑌯॑ 𑌰𑌶𑍍𑌮𑌿-𑌶𑍍𑌚॒𑌨𑍍𑌦𑍍𑌰𑌮𑌾॑ 𑌗𑌨𑍍𑌧॒𑌰𑍍𑌵-𑌸𑍍𑌤𑌸𑍍𑌯॒ 𑌨𑌕𑍍𑌷॑𑌤𑍍𑌰𑌾𑌣𑍍𑌯-𑌫𑍍𑌸॒𑌰𑌸𑍋॑ 𑌬𑍇॒𑌕𑍁𑌰॑𑌯𑍋𑌭𑍁॒𑌜𑍍𑌯𑍁-𑌸𑍍𑌸𑍁॑𑌪॒𑌰𑍍𑌣𑍋 𑌯॒𑌜𑍍𑌞𑍋 𑌗॑𑌨𑍍𑌧॒𑌰𑍍𑌵-𑌸𑍍𑌤𑌸𑍍𑌯॒ 𑌦𑌕𑍍𑌷𑌿॑𑌣𑌾 𑌅𑌪𑍍𑌸॒𑌰𑌸॑ 𑌸𑍍𑌤॒𑌵𑌾𑌃 𑌪𑍍𑌰॒𑌜𑌾𑌪॑𑌤𑌿-𑌰𑍍𑌵𑌿॒𑌶𑍍𑌵𑌕॑𑌰𑍍𑌮𑌾॒ 𑌮𑌨𑍋॑ [𑌮𑌨𑌃॑, 𑌗॒𑌨𑍍𑌧॒𑌰𑍍𑌵𑌸𑍍𑌤𑌸𑍍𑌯॑-𑌰𑍍𑌖𑍍𑌸𑌾॒𑌮𑌾𑌨𑍍𑌯॑-𑌫𑍍𑌸॒𑌰𑌸𑍋॒] 19
𑌗𑌨𑍍𑌧॒𑌰𑍍𑌵𑌸𑍍𑌤𑌸𑍍𑌯॑-𑌰𑍍𑌖𑍍𑌸𑌾॒𑌮𑌾𑌨𑍍𑌯॑-𑌫𑍍𑌸॒𑌰𑌸𑍋॒ 𑌵𑌹𑍍𑌨॑𑌯𑍈𑌷𑌿॒𑌰𑍋 𑌵𑌿॒𑌶𑍍𑌵𑌵𑍍𑌯॑𑌚𑌾॒ 𑌵𑌾𑌤𑍋॑ 𑌗𑌨𑍍𑌧॒𑌰𑍍𑌵-𑌸𑍍𑌤𑌸𑍍𑌯𑌾-𑌽𑌽𑌪𑍋᳚ 𑌽𑌫𑍍𑌸॒𑌰𑌸𑍋॑ 𑌮𑍁॒𑌦𑌾𑌭𑍁𑌵॑𑌨𑌸𑍍𑌯 𑌪𑌤𑍇॒ 𑌯𑌸𑍍𑌯॑𑌤 𑌉॒𑌪𑌰𑌿॑ 𑌗𑍃॒𑌹𑌾 𑌇॒𑌹 𑌚॑ । 𑌸 𑌨𑍋॑ 𑌰𑌾॒𑌸𑍍𑌵𑌾𑌜𑍍𑌯𑌾॑𑌨𑌿𑌗𑍍𑌂 𑌰𑌾॒𑌯𑌸𑍍𑌪𑍋𑌷𑌗𑍍𑌂॑ 𑌸𑍁॒𑌵𑍀𑌰𑍍𑌯𑌗𑍍𑌂॑ 𑌸𑌂𑌵𑌁𑌥𑍍𑌸॒𑌰𑍀𑌣𑌾𑌗𑍍॑ 𑌸𑍍𑌵॒𑌸𑍍𑌤𑌿𑌮𑍍 ॥ 𑌪॒𑌰॒𑌮𑍇॒𑌷𑍍𑌠𑍍𑌯𑌧𑌿॑𑌪𑌤𑌿-𑌰𑍍𑌮𑍃॒𑌤𑍍𑌯𑍁-𑌰𑍍𑌗॑𑌨𑍍𑌧॒𑌰𑍍𑌵-𑌸𑍍𑌤𑌸𑍍𑌯॒ 𑌵𑌿𑌶𑍍𑌵॑𑌮𑌪𑍍𑌸॒𑌰𑌸𑍋॒ 𑌭𑍁𑌵𑌃॑ 𑌸𑍁𑌕𑍍𑌷𑌿॒𑌤𑌿𑌃- 𑌸𑍁𑌭𑍂॑𑌤𑌿-𑌰𑍍𑌭𑌦𑍍𑌰॒𑌕𑍃-𑌥𑍍𑌸𑍁𑌵॑𑌰𑍍𑌵𑌾-𑌨𑍍𑌪॒𑌰𑍍𑌜𑌨𑍍𑌯𑍋॑ 𑌗𑌨𑍍𑌧॒𑌰𑍍𑌵-𑌸𑍍𑌤𑌸𑍍𑌯॑ 𑌵𑌿॒𑌦𑍍𑌯𑍁𑌤𑍋᳚ 𑌽𑌫𑍍𑌸॒𑌰𑌸𑍋॒ 𑌰𑍁𑌚𑍋॑ 𑌦𑍂॒𑌰𑍇 𑌹𑍇॑𑌤𑌿-𑌰𑌮𑍃𑌡॒𑌯𑍋 [𑌦𑍂॒𑌰𑍇 𑌹𑍇॑𑌤𑌿-𑌰𑌮𑍃𑌡॒𑌯𑌃, 𑌮𑍃॒𑌤𑍍𑌯𑍁𑌰𑍍𑌗॑𑌨𑍍𑌧॒𑌰𑍍𑌵-𑌸𑍍𑌤𑌸𑍍𑌯॑] 20
𑌮𑍃॒𑌤𑍍𑌯𑍁𑌰𑍍𑌗॑𑌨𑍍𑌧॒𑌰𑍍𑌵-𑌸𑍍𑌤𑌸𑍍𑌯॑ 𑌪𑍍𑌰॒𑌜𑌾 𑌅॑𑌫𑍍𑌸॒𑌰𑌸𑍋॑ 𑌭𑍀॒𑌰𑍁𑌵॒𑌶𑍍𑌚𑌰𑍁𑌃॑ 𑌕𑍃𑌪𑌣 𑌕𑌾॒𑌶𑍀 𑌕𑌾𑌮𑍋॑ 𑌗𑌨𑍍𑌧॒𑌰𑍍𑌵-𑌸𑍍𑌤𑌸𑍍𑌯𑌾॒𑌧𑌯𑍋᳚ 𑌽𑌫𑍍𑌸॒𑌰𑌸𑌃॑ 𑌶𑍋॒𑌚𑌯॑𑌨𑍍𑌤𑍀॒𑌰𑍍𑌨𑌾𑌮॒ 𑌸 𑌇॒𑌦-𑌮𑍍𑌬𑍍𑌰𑌹𑍍𑌮॑ 𑌕𑍍𑌷॒𑌤𑍍𑌰-𑌮𑍍𑌪𑌾॑𑌤॒ 𑌤𑌾 𑌇॒𑌦-𑌮𑍍𑌬𑍍𑌰𑌹𑍍𑌮॑ 𑌕𑍍𑌷॒𑌤𑍍𑌰-𑌮𑍍𑌪𑌾᳚𑌨𑍍𑌤𑍁॒ 𑌤𑌸𑍍𑌮𑍈॒ 𑌸𑍍𑌵𑌾𑌹𑌾॒ 𑌤𑌾𑌭𑍍𑌯॒-𑌸𑍍𑌸𑍍𑌵𑌾𑌹𑌾॒ 𑌸 𑌨𑍋॑ 𑌭𑍁𑌵𑌨𑌸𑍍𑌯 𑌪𑌤𑍇॒ 𑌯𑌸𑍍𑌯॑𑌤 𑌉॒𑌪𑌰𑌿॑ 𑌗𑍃॒𑌹𑌾 𑌇॒𑌹 𑌚॑ । 𑌉॒𑌰𑍁 𑌬𑍍𑌰॒𑌹𑍍𑌮॑𑌣𑍇॒-𑌽𑌸𑍍𑌮𑍈 𑌕𑍍𑌷॒𑌤𑍍𑌰𑌾𑌯॒ 𑌮𑌹𑌿॒ 𑌶𑌰𑍍𑌮॑ 𑌯𑌚𑍍𑌛 ॥ 21 ॥
(𑌮𑌨𑍋॑ - 𑌽𑌮𑍃𑌡॒𑌯𑌃 - 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 7)
𑌰𑌾॒𑌷𑍍𑌟𑍍𑌰𑌕𑌾॑𑌮𑌾𑌯 𑌹𑍋𑌤॒𑌵𑍍𑌯𑌾॑ 𑌰𑌾॒𑌷𑍍𑌟𑍍𑌰𑌂-𑌵𑍈𑌁 𑌰𑌾᳚𑌷𑍍𑌟𑍍𑌰॒𑌭𑍃𑌤𑍋॑ 𑌰𑌾॒𑌷𑍍𑌟𑍍𑌰𑍇𑌣𑍈॒𑌵𑌾𑌸𑍍𑌮𑍈॑ 𑌰𑌾॒𑌷𑍍𑌟𑍍𑌰𑌮𑌵॑ 𑌰𑍁𑌨𑍍𑌧𑍇 𑌰𑌾॒𑌷𑍍𑌟𑍍𑌰𑌮𑍇॒𑌵 𑌭॑𑌵𑌤𑍍𑌯𑌾॒𑌤𑍍𑌮𑌨𑍇॑ 𑌹𑍋𑌤॒𑌵𑍍𑌯𑌾॑ 𑌰𑌾॒𑌷𑍍𑌟𑍍𑌰𑌂-𑌵𑍈𑌁 𑌰𑌾᳚𑌷𑍍𑌟𑍍𑌰॒𑌭𑍃𑌤𑍋॑ 𑌰𑌾॒𑌷𑍍𑌟𑍍𑌰-𑌮𑍍𑌪𑍍𑌰॒𑌜𑌾 𑌰𑌾॒𑌷𑍍𑌟𑍍𑌰-𑌮𑍍𑌪॒𑌶𑌵𑍋॑ 𑌰𑌾॒𑌷𑍍𑌟𑍍𑌰𑌂-𑌯𑌁𑌚𑍍𑌛𑍍𑌰𑍇𑌷𑍍𑌠𑍋॒ 𑌭𑌵॑𑌤𑌿 𑌰𑌾॒𑌷𑍍𑌟𑍍𑌰𑍇𑌣𑍈॒𑌵 𑌰𑌾॒𑌷𑍍𑌟𑍍𑌰𑌮𑌵॑ 𑌰𑍁𑌨𑍍𑌧𑍇॒ 𑌵𑌸𑌿॑𑌷𑍍𑌠-𑌸𑍍𑌸𑌮𑌾॒𑌨𑌾𑌨𑌾᳚-𑌮𑍍𑌭𑌵𑌤𑌿॒ 𑌗𑍍𑌰𑌾𑌮॑𑌕𑌾𑌮𑌾𑌯 𑌹𑍋𑌤॒𑌵𑍍𑌯𑌾॑ 𑌰𑌾॒𑌷𑍍𑌟𑍍𑌰𑌂-𑌵𑍈𑌁 𑌰𑌾᳚𑌷𑍍𑌟𑍍𑌰॒𑌭𑍃𑌤𑍋॑ 𑌰𑌾॒𑌷𑍍𑌟𑍍𑌰𑌗𑍍𑌂 𑌸॑𑌜𑌾॒𑌤𑌾 𑌰𑌾॒𑌷𑍍𑌟𑍍𑌰𑍇𑌣𑍈॒𑌵𑌾𑌸𑍍𑌮𑍈॑ 𑌰𑌾॒𑌷𑍍𑌟𑍍𑌰𑌗𑍍𑌂 𑌸॑𑌜𑌾॒𑌤𑌾𑌨𑌵॑ 𑌰𑍁𑌨𑍍𑌧𑍇 𑌗𑍍𑌰𑌾॒- [𑌰𑍁𑌨𑍍𑌧𑍇 𑌗𑍍𑌰𑌾॒𑌮𑍀, 𑌏॒𑌵 𑌭॑𑌵𑌤𑍍𑌯𑌧𑌿॒𑌦𑍇𑌵॑𑌨𑍇] 22
-𑌮𑍍𑌯𑍇॑𑌵 𑌭॑𑌵𑌤𑍍𑌯𑌧𑌿॒𑌦𑍇𑌵॑𑌨𑍇 𑌜𑍁𑌹𑍋𑌤𑍍𑌯𑌧𑌿॒𑌦𑍇𑌵॑𑌨 𑌏॒𑌵𑌾𑌸𑍍𑌮𑍈॑ 𑌸𑌜𑌾॒𑌤𑌾𑌨𑌵॑ 𑌰𑍁𑌨𑍍𑌧𑍇॒ 𑌤 𑌏॑𑌨॒𑌮𑌵॑𑌰𑍁𑌦𑍍𑌧𑌾॒ 𑌉𑌪॑ 𑌤𑌿𑌷𑍍𑌠𑌨𑍍𑌤𑍇 𑌰𑌥𑌮𑍁॒𑌖 𑌓𑌜॑𑌸𑍍𑌕𑌾𑌮𑌸𑍍𑌯 𑌹𑍋𑌤॒𑌵𑍍𑌯𑌾॑ 𑌓𑌜𑍋॒ 𑌵𑍈 𑌰𑌾᳚𑌷𑍍𑌟𑍍𑌰॒𑌭𑍃𑌤॒ 𑌓𑌜𑍋॒ 𑌰𑌥॒ 𑌓𑌜॑𑌸𑍈॒𑌵𑌾𑌸𑍍𑌮𑌾॒ 𑌓𑌜𑍋-𑌽𑌵॑ 𑌰𑍁𑌨𑍍𑌧 𑌓𑌜॒𑌸𑍍𑌵𑍍𑌯𑍇॑𑌵 𑌭॑𑌵𑌤𑌿॒ 𑌯𑍋 𑌰𑌾॒𑌷𑍍𑌟𑍍𑌰𑌾𑌦𑌪॑𑌭𑍂𑌤॒-𑌸𑍍𑌸𑍍𑌯𑌾-𑌤𑍍𑌤𑌸𑍍𑌮𑍈॑ 𑌹𑍋𑌤॒𑌵𑍍𑌯𑌾॑ 𑌯𑌾𑌵॑𑌨𑍍𑌤𑍋-𑌽𑌸𑍍𑌯॒ 𑌰𑌥𑌾॒-𑌸𑍍𑌸𑍍𑌯𑍁𑌸𑍍𑌤𑌾-𑌨𑍍𑌬𑍍𑌰𑍂॑𑌯𑌾-𑌦𑍍𑌯𑍁॒𑌨𑍍𑌧𑍍𑌵𑌮𑌿𑌤𑌿॑ 𑌰𑌾॒𑌷𑍍𑌟𑍍𑌰𑌮𑍇॒𑌵𑌾-𑌽𑌸𑍍𑌮𑍈॑ 𑌯𑍁𑌨॒- [𑌰𑌾॒𑌷𑍍𑌟𑍍𑌰𑌮𑍇॒𑌵𑌾-𑌽𑌸𑍍𑌮𑍈॑ 𑌯𑍁𑌨𑌕𑍍𑌤𑌿, 𑌆𑌹𑍁॑𑌤𑌯𑍋॒ 𑌵𑌾] 23
-𑌕𑍍𑌤𑍍𑌯𑌾𑌹𑍁॑𑌤𑌯𑍋॒ 𑌵𑌾 𑌏॒𑌤𑌸𑍍𑌯𑌾𑌕𑍢॑𑌪𑍍𑌤𑌾॒ 𑌯𑌸𑍍𑌯॑ 𑌰𑌾॒𑌷𑍍𑌟𑍍𑌰-𑌨𑍍𑌨 𑌕𑌲𑍍𑌪॑𑌤𑍇 𑌸𑍍𑌵𑌰॒𑌥𑌸𑍍𑌯॒ 𑌦𑌕𑍍𑌷𑌿॑𑌣-𑌞𑍍𑌚॒𑌕𑍍𑌰-𑌮𑍍𑌪𑍍𑌰॒𑌵𑍃𑌹𑍍𑌯॑ 𑌨𑌾॒𑌡𑍀𑌮॒𑌭𑌿 𑌜𑍁॑𑌹𑍁𑌯𑌾॒𑌦𑌾𑌹𑍁॑𑌤𑍀𑌰𑍇॒𑌵𑌾𑌸𑍍𑌯॑ 𑌕𑌲𑍍𑌪𑌯𑌤𑌿॒ 𑌤𑌾 𑌅॑𑌸𑍍𑌯॒ 𑌕𑌲𑍍𑌪॑𑌮𑌾𑌨𑌾 𑌰𑌾॒𑌷𑍍𑌟𑍍𑌰𑌮𑌨𑍁॑ 𑌕𑌲𑍍𑌪𑌤𑍇 𑌸𑌙𑍍𑌗𑍍𑌰𑌾॒𑌮𑍇 𑌸𑌂𑌯𑌁॑𑌤𑍍𑌤𑍇 𑌹𑍋𑌤॒𑌵𑍍𑌯𑌾॑ 𑌰𑌾॒𑌷𑍍𑌟𑍍𑌰𑌂-𑌵𑍈𑌁 𑌰𑌾᳚𑌷𑍍𑌟𑍍𑌰॒𑌭𑍃𑌤𑍋॑ 𑌰𑌾॒𑌷𑍍𑌟𑍍𑌰𑍇 𑌖𑌲𑍁॒ 𑌵𑌾 𑌏॒𑌤𑍇 𑌵𑍍𑌯𑌾𑌯॑𑌚𑍍𑌛𑌨𑍍𑌤𑍇॒ 𑌯𑍇 𑌸॑𑌙𑍍𑌗𑍍𑌰𑌾॒𑌮𑌗𑍍𑌂 𑌸𑌂॒-𑌯𑌁𑌨𑍍𑌤𑌿॒ 𑌯𑌸𑍍𑌯॒ 𑌪𑍂𑌰𑍍𑌵॑𑌸𑍍𑌯॒ 𑌜𑍁𑌹𑍍𑌵॑𑌤𑌿॒ 𑌸 𑌏॒𑌵 𑌭॑𑌵𑌤𑌿॒ 𑌜𑌯॑𑌤𑌿॒ 𑌤𑌗𑍍𑌂 𑌸॑𑌗𑍍𑌰𑌾॒𑌮𑍍𑌮-𑌮𑍍𑌮𑌾᳚𑌨𑍍𑌧𑍁॒𑌕 𑌇॒𑌦𑍍𑌧𑍍𑌮𑍋 [𑌇॒𑌦𑍍𑌧𑍍𑌮𑌃, 𑌭॒𑌵॒𑌤𑍍𑌯𑌙𑍍𑌗𑌾॑𑌰𑌾] 24
𑌭॑𑌵॒𑌤𑍍𑌯𑌙𑍍𑌗𑌾॑𑌰𑌾 𑌏॒𑌵 𑌪𑍍𑌰॑𑌤𑌿॒𑌵𑍇𑌷𑍍𑌟॑𑌮𑌾𑌨𑌾 𑌅॒𑌮𑌿𑌤𑍍𑌰𑌾॑𑌣𑌾𑌮𑌸𑍍𑌯॒ 𑌸𑍇𑌨𑌾॒-𑌮𑍍𑌪𑍍𑌰𑌤𑌿॑𑌵𑍇𑌷𑍍𑌟𑌯𑌨𑍍𑌤𑌿॒ 𑌯 𑌉॒𑌨𑍍𑌮𑌾𑌦𑍍𑌯𑍇॒-𑌤𑍍𑌤𑌸𑍍𑌮𑍈॑ 𑌹𑍋𑌤॒𑌵𑍍𑌯𑌾॑ 𑌗𑌨𑍍𑌧𑌰𑍍𑌵𑌾𑌫𑍍𑌸॒𑌰𑌸𑍋॒ 𑌵𑌾 𑌏॒𑌤𑌮𑍁𑌨𑍍𑌮𑌾॑𑌦𑌯𑌨𑍍𑌤𑌿॒ 𑌯 𑌉॒𑌨𑍍𑌮𑌾𑌦𑍍𑌯॑𑌤𑍍𑌯𑍇॒𑌤𑍇 𑌖𑌲𑍁॒ 𑌵𑍈 𑌗॑𑌨𑍍𑌧𑌰𑍍𑌵𑌾𑌫𑍍𑌸॒𑌰𑌸𑍋॒ 𑌯𑌦𑍍𑌰𑌾᳚𑌷𑍍𑌟𑍍𑌰॒𑌭𑍃𑌤॒𑌸𑍍𑌤𑌸𑍍𑌮𑍈॒ 𑌸𑍍𑌵𑌾𑌹𑌾॒ 𑌤𑌾𑌭𑍍𑌯॒-𑌸𑍍𑌸𑍍𑌵𑌾𑌹𑍇𑌤𑌿॑ 𑌜𑍁𑌹𑍋𑌤𑌿॒ 𑌤𑍇𑌨𑍈॒𑌵𑍈𑌨𑌾᳚𑌞𑍍𑌛𑌮𑌯𑌤𑌿॒ 𑌨𑍈𑌯॑𑌗𑍍𑌰𑍋𑌧॒ 𑌔𑌦𑍁॑𑌮𑍍𑌬𑌰॒ 𑌆𑌶𑍍𑌵॑𑌤𑍍𑌥𑌃॒ 𑌪𑍍𑌲𑌾𑌕𑍍𑌷॒ 𑌇𑌤𑍀॒𑌦𑍍𑌧𑍍𑌮𑍋 𑌭॑𑌵𑌤𑍍𑌯𑍇॒𑌤𑍇 𑌵𑍈 𑌗॑𑌨𑍍𑌧𑌰𑍍𑌵𑌾𑌫𑍍𑌸॒𑌰𑌸𑌾᳚-𑌙𑍍𑌗𑍃॒𑌹𑌾-𑌸𑍍𑌸𑍍𑌵 𑌏॒𑌵𑍈𑌨𑌾॑- [𑌏॒𑌵𑍈𑌨𑌾𑌨𑍍॑, 𑌆॒𑌯𑌤॑𑌨𑍇] 25
-𑌨𑌾॒𑌯𑌤॑𑌨𑍇 𑌶𑌮𑌯𑌤𑍍𑌯𑌭𑌿॒𑌚𑌰॑𑌤𑌾 𑌪𑍍𑌰𑌤𑌿𑌲𑍋॒𑌮𑌗𑍍𑌂 𑌹𑍋॑𑌤॒𑌵𑍍𑌯𑌾𑌃᳚ 𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌯॑ 𑌪𑍍𑌰॒𑌤𑍀𑌚𑌃॒ 𑌪𑍍𑌰𑌤𑌿॑ 𑌯𑍗𑌤𑌿॒ 𑌤-𑌨𑍍𑌤𑌤𑍋॒ 𑌯𑍇𑌨॒ 𑌕𑍇𑌨॑ 𑌚 𑌸𑍍𑌤𑍃𑌣𑍁𑌤𑍇॒ 𑌸𑍍𑌵𑌕𑍃॑𑌤॒ 𑌇𑌰𑌿॑𑌣𑍇 𑌜𑍁𑌹𑍋𑌤𑌿 𑌪𑍍𑌰𑌦॒𑌰𑍇 𑌵𑍈॒𑌤𑌦𑍍𑌵𑌾 𑌅॒𑌸𑍍𑌯𑍈 𑌨𑌿𑌰𑍍-𑌋॑𑌤𑌿𑌗𑍃𑌹𑍀𑌤॒-𑌨𑍍𑌨𑌿𑌰𑍍-𑌋॑𑌤𑌿𑌗𑍃𑌹𑍀𑌤 𑌏॒𑌵𑍈𑌨॒-𑌨𑍍𑌨𑌿𑌰𑍍-𑌋॑𑌤𑍍𑌯𑌾 𑌗𑍍𑌰𑌾𑌹𑌯𑌤𑌿॒ 𑌯𑌦𑍍𑌵𑌾॒𑌚𑌃 𑌕𑍍𑌰𑍂॒𑌰-𑌨𑍍𑌤𑍇𑌨॒ 𑌵𑌷॑-𑌟𑍍𑌕𑌰𑍋𑌤𑌿 𑌵𑌾॒𑌚 𑌏॒𑌵𑍈𑌨॑-𑌙𑍍𑌕𑍍𑌰𑍂॒𑌰𑍇𑌣॒ 𑌪𑍍𑌰𑌵𑍃॑𑌶𑍍𑌚𑌤𑌿 𑌤𑌾॒𑌜𑌗𑌾𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌸𑍍𑌯॑ 𑌕𑌾॒𑌮𑌯𑍇॑𑌤𑌾॒𑌨𑍍𑌨𑌾𑌦𑍍𑌯॒- [𑌕𑌾॒𑌮𑌯𑍇॑𑌤𑌾॒𑌨𑍍𑌨𑌾𑌦𑍍𑌯᳚𑌮𑍍, 𑌆 𑌦॑𑌦𑍀॒𑌯𑍇𑌤𑌿॒] 26
-𑌮𑌾 𑌦॑𑌦𑍀॒𑌯𑍇𑌤𑌿॒ 𑌤𑌸𑍍𑌯॑ 𑌸॒𑌭𑌾𑌯𑌾॑𑌮𑍁𑌤𑍍𑌤𑌾॒𑌨𑍋 𑌨𑌿॒𑌪𑌦𑍍𑌯॒ 𑌭𑍁𑌵॑𑌨𑌸𑍍𑌯 𑌪𑌤॒ 𑌇𑌤𑌿॒ 𑌤𑍃𑌣𑌾॑𑌨𑌿॒ 𑌸-𑌙𑍍𑌗𑍃॑𑌹𑍍𑌣𑍀𑌯𑌾-𑌤𑍍𑌪𑍍𑌰॒𑌜𑌾𑌪॑𑌤𑌿॒𑌰𑍍𑌵𑍈 𑌭𑍁𑌵॑𑌨𑌸𑍍𑌯॒ 𑌪𑌤𑌿𑌃॑ 𑌪𑍍𑌰॒𑌜𑌾𑌪॑𑌤𑌿𑌨𑍈॒𑌵𑌾𑌸𑍍𑌯𑌾॒𑌨𑍍𑌨𑌾𑌦𑍍𑌯॒𑌮𑌾 𑌦॑𑌤𑍍𑌤 𑌇॒𑌦𑌮॒𑌹𑌮॒𑌮𑍁𑌷𑍍𑌯𑌾॑ 𑌽𑌽𑌮𑍁𑌷𑍍𑌯𑌾𑌯॒𑌣𑌸𑍍𑌯𑌾॒𑌨𑍍𑌨𑌾𑌦𑍍𑌯𑌗𑍍𑌂॑ 𑌹𑌰𑌾॒𑌮𑍀𑌤𑍍𑌯𑌾॑𑌹𑌾॒𑌨𑍍𑌨𑌾𑌦𑍍𑌯॑𑌮𑍇॒𑌵𑌾𑌸𑍍𑌯॑ 𑌹𑌰𑌤𑌿 𑌷॒𑌡𑍍𑌭𑌿𑌰𑍍𑌹॑𑌰𑌤𑌿॒ 𑌷𑌡𑍍𑌵𑌾 𑌋॒𑌤𑌵𑌃॑ 𑌪𑍍𑌰॒𑌜𑌾𑌪॑𑌤𑌿𑌨𑍈॒𑌵𑌾𑌸𑍍𑌯𑌾॒-𑌨𑍍𑌨𑌾𑌦𑍍𑌯॑𑌮𑌾॒𑌦𑌾𑌯॒𑌰𑍍𑌤𑌵𑍋᳚ 𑌽𑌸𑍍𑌮𑌾॒ 𑌅𑌨𑍁॒ 𑌪𑍍𑌰𑌯॑𑌚𑍍𑌛𑌨𑍍𑌤𑌿॒ [𑌪𑍍𑌰𑌯॑𑌚𑍍𑌛𑌨𑍍𑌤𑌿, 𑌯𑍋 𑌜𑍍𑌯𑍇॒𑌷𑍍𑌠𑌬॑𑌨𑍍𑌧𑍁॒-] 27
𑌯𑍋 𑌜𑍍𑌯𑍇॒𑌷𑍍𑌠𑌬॑𑌨𑍍𑌧𑍁॒-𑌰𑌪॑ 𑌭𑍂𑌤॒-𑌸𑍍𑌸𑍍𑌯𑌾-𑌤𑍍𑌤𑌗𑍍𑌗𑍍𑌸𑍍𑌥𑌲𑍇॑-𑌽𑌵॒𑌸𑌾𑌯𑍍𑌯॑ 𑌬𑍍𑌰𑌹𑍍𑌮𑍗𑌦॒𑌨-𑌞𑍍𑌚𑌤𑍁𑌃॑ 𑌶𑌰𑌾𑌵-𑌮𑍍𑌪॒𑌕𑍍𑌤𑍍𑌵𑌾 𑌤𑌸𑍍𑌮𑍈॑ 𑌹𑍋𑌤॒𑌵𑍍𑌯𑌾॑ 𑌵𑌰𑍍𑌷𑍍𑌮॒ 𑌵𑍈 𑌰𑌾᳚𑌷𑍍𑌟𑍍𑌰॒𑌭𑍃𑌤𑍋॒ 𑌵𑌷𑍍𑌮॒ 𑌸𑍍𑌥𑌲𑌂॒-𑌵𑌁𑌰𑍍𑌷𑍍𑌮॑𑌣𑍈॒𑌵𑍈𑌨𑌂॒-𑌵𑌁𑌷𑍍𑌮॑ 𑌸𑌮𑌾॒𑌨𑌾𑌨𑌾᳚-𑌙𑍍𑌗𑌮𑌯𑌤𑌿॒ 𑌚𑌤𑍁𑌃॑ 𑌶𑌰𑌾𑌵𑍋 𑌭𑌵𑌤𑌿 𑌦𑌿॒𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 𑌕𑍍𑌷𑍀॒𑌰𑍇 𑌭॑𑌵𑌤𑌿॒ 𑌰𑍁𑌚॑𑌮𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾॒𑌤𑍍𑌯𑍁𑌦𑍍𑌧॑𑌰𑌤𑌿 𑌶𑍃𑌤॒𑌤𑍍𑌵𑌾𑌯॑ 𑌸॒𑌰𑍍𑌪𑌿𑌷𑍍𑌵𑌾᳚-𑌨𑍍𑌭𑌵𑌤𑌿 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ 𑌚॒𑌤𑍍𑌵𑌾𑌰॑ 𑌆𑌰𑍍𑌷𑍇॒𑌯𑌾𑌃 𑌪𑍍𑌰𑌾-𑌽𑌶𑍍𑌞॑𑌨𑍍𑌤𑌿 𑌦𑌿॒𑌶𑌾𑌮𑍇॒𑌵 𑌜𑍍𑌯𑍋𑌤𑌿॑𑌷𑌿 𑌜𑍁𑌹𑍋𑌤𑌿 ॥ 28 ॥
(𑌗𑍍𑌰𑌾॒𑌮𑍀 - 𑌯𑍁॑𑌨𑌕𑍍𑌤𑍀॒ - 𑌧𑍍𑌮𑌃 - 𑌸𑍍𑌵 𑌏॒𑌵𑍈𑌨𑌾॑ - 𑌨॒𑌨𑍍𑌨𑌾𑌦𑍍𑌯𑌂॑ - 𑌁𑌯𑌚𑍍𑌛॒𑌨𑍍𑌤𑍍𑌯𑍇 - 𑌕𑌾॒𑌨𑍍𑌨 𑌪॑𑌞𑍍𑌚𑌾॒𑌶𑌚𑍍𑌚॑) (𑌅. 8)
𑌦𑍇𑌵𑌿॑𑌕𑌾॒ 𑌨𑌿𑌵॑𑌰𑍍𑌪𑍇-𑌤𑍍𑌪𑍍𑌰॒𑌜𑌾𑌕𑌾॑𑌮॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌦𑍇𑌵𑌿॑𑌕𑌾॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑍀𑌵॒ 𑌖𑌲𑍁॒ 𑌵𑍈 𑌪𑍍𑌰॒𑌜𑌾𑌶𑍍𑌛𑌨𑍍𑌦𑍋॑𑌭𑌿𑌰𑍇॒𑌵𑌾𑌸𑍍𑌮𑍈᳚ 𑌪𑍍𑌰॒𑌜𑌾𑌃 𑌪𑍍𑌰𑌜॑𑌨𑌯𑌤𑌿 𑌪𑍍𑌰𑌥॒𑌮-𑌨𑍍𑌧𑌾॒𑌤𑌾𑌰॑-𑌙𑍍𑌕𑌰𑍋𑌤𑌿 𑌮𑌿𑌥𑍁॒𑌨𑍀 𑌏॒𑌵 𑌤𑍇𑌨॑ 𑌕𑌰𑍋॒𑌤𑍍𑌯𑌨𑍍𑌵𑍇॒𑌵𑌾𑌸𑍍𑌮𑌾॒ 𑌅𑌨𑍁॑𑌮𑌤𑌿𑌰𑍍𑌮𑌨𑍍𑌯𑌤𑍇 𑌰𑌾॒𑌤𑍇 𑌰𑌾॒𑌕𑌾 𑌪𑍍𑌰 𑌸𑌿॑𑌨𑍀𑌵𑌾॒𑌲𑍀 𑌜॑𑌨𑌯𑌤𑌿 𑌪𑍍𑌰॒𑌜𑌾𑌸𑍍𑌵𑍇॒𑌵 𑌪𑍍𑌰𑌜𑌾॑𑌤𑌾𑌸𑍁 𑌕𑍁॒𑌹𑍍𑌵𑌾॑ 𑌵𑌾𑌚॑-𑌨𑍍𑌦𑌧𑌾𑌤𑍍𑌯𑍇॒𑌤𑌾 𑌏॒𑌵 𑌨𑌿𑌵॑𑌰𑍍𑌪𑍇-𑌤𑍍𑌪॒𑌶𑍁𑌕𑌾॑𑌮॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌦𑍇𑌵𑌿॑𑌕𑌾॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑍀- [𑌦𑍇𑌵𑌿॑𑌕𑌾॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿, 𑌇॒𑌵॒ 𑌖𑌲𑍁॒ 𑌵𑍈] 29
-𑌵॒ 𑌖𑌲𑍁॒ 𑌵𑍈 𑌪॒𑌶𑌵॒𑌶𑍍𑌛𑌨𑍍𑌦𑍋॑𑌭𑌿𑌰𑍇॒𑌵𑌾𑌸𑍍𑌮𑍈॑ 𑌪॒𑌶𑍂-𑌨𑍍𑌪𑍍𑌰𑌜॑𑌨𑌯𑌤𑌿 𑌪𑍍𑌰𑌥॒𑌮-𑌨𑍍𑌧𑌾॒𑌤𑌾𑌰॑-𑌙𑍍𑌕𑌰𑍋𑌤𑌿॒ 𑌪𑍍𑌰𑍈𑌵 𑌤𑍇𑌨॑ 𑌵𑌾𑌪𑌯॒𑌤𑍍𑌯𑌨𑍍𑌵𑍇॒𑌵𑌾𑌸𑍍𑌮𑌾॒ 𑌅𑌨𑍁॑𑌮𑌤𑌿𑌰𑍍𑌮𑌨𑍍𑌯𑌤𑍇 𑌰𑌾॒𑌤𑍇 𑌰𑌾॒𑌕𑌾 𑌪𑍍𑌰 𑌸𑌿॑𑌨𑍀𑌵𑌾॒𑌲𑍀 𑌜॑𑌨𑌯𑌤𑌿 𑌪॒𑌶𑍂𑌨𑍇॒𑌵 𑌪𑍍𑌰𑌜𑌾॑𑌤𑌾𑌨𑍍 𑌕𑍁॒𑌹𑍍𑌵𑌾᳚ 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑍍𑌯𑍇॒𑌤𑌾 𑌏॒𑌵 𑌨𑌿𑌰𑍍𑌵॑𑌪𑍇॒-𑌦𑍍𑌗𑍍𑌰𑌾𑌮॑𑌕𑌾𑌮॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌦𑍇𑌵𑌿॑𑌕𑌾॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑍀 𑌵॒ 𑌖𑌲𑍁॒ 𑌵𑍈 𑌗𑍍𑌰𑌾𑌮॒𑌶𑍍𑌛𑌨𑍍𑌦𑍋॑𑌭𑌿𑌰𑍇॒𑌵𑌾𑌸𑍍𑌮𑍈॒ 𑌗𑍍𑌰𑌾𑌮॒- [𑌗𑍍𑌰𑌾𑌮᳚𑌮𑍍, 𑌅𑌵॑ 𑌰𑍁𑌨𑍍𑌧𑍇] 30
-𑌮𑌵॑ 𑌰𑍁𑌨𑍍𑌧𑍇 𑌮𑌦𑍍𑌧𑍍𑌯॒𑌤𑍋 𑌧𑌾॒𑌤𑌾𑌰॑-𑌙𑍍𑌕𑌰𑍋𑌤𑌿 𑌮𑌦𑍍𑌧𑍍𑌯॒𑌤 𑌏॒𑌵𑍈𑌨॒-𑌙𑍍𑌗𑍍𑌰𑌾𑌮॑𑌸𑍍𑌯 𑌦𑌧𑌾𑌤𑍍𑌯𑍇॒𑌤𑌾 𑌏॒𑌵 𑌨𑌿𑌰𑍍𑌵॑𑌪𑍇॒𑌜𑍍𑌜𑍍𑌯𑍋𑌗𑌾॑𑌮𑌯𑌾𑌵𑍀॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌦𑍇𑌵𑌿॑𑌕𑌾॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌖𑌲𑍁॒ 𑌵𑌾 𑌏॒𑌤𑌮॒𑌭𑌿 𑌮॑𑌨𑍍𑌯𑌨𑍍𑌤𑍇॒ 𑌯𑌸𑍍𑌯॒ 𑌜𑍍𑌯𑍋𑌗𑌾॒𑌮𑌯॑𑌤𑌿॒ 𑌛𑌨𑍍𑌦𑍋॑𑌭𑌿𑌰𑍇॒𑌵𑍈𑌨॑-𑌮𑌗॒𑌦-𑌙𑍍𑌕॑𑌰𑍋𑌤𑌿 𑌮𑌦𑍍𑌧𑍍𑌯॒𑌤𑍋 𑌧𑌾॒𑌤𑌾𑌰॑-𑌙𑍍𑌕𑌰𑍋𑌤𑌿 𑌮𑌦𑍍𑌧𑍍𑌯॒𑌤𑍋 𑌵𑌾 𑌏॒𑌤𑌸𑍍𑌯𑌾𑌕𑍢॑𑌪𑍍𑌤𑌂॒-𑌯𑌁𑌸𑍍𑌯॒ 𑌜𑍍𑌯𑍋𑌗𑌾॒𑌮𑌯॑𑌤𑌿 𑌮𑌦𑍍𑌧𑍍𑌯॒𑌤 𑌏॒𑌵𑌾𑌸𑍍𑌯॒ 𑌤𑍇𑌨॑ 𑌕𑌲𑍍𑌪𑌯𑌤𑍍𑌯𑍇॒𑌤𑌾 𑌏॒𑌵 𑌨𑌿- [ 𑌏॒𑌵 𑌨𑌿𑌃, 𑌵॒𑌪𑍇॒𑌦𑍍𑌯𑌂-𑌯𑌁॒𑌜𑍍𑌞𑍋] 31
-𑌰𑍍𑌵॑𑌪𑍇॒𑌦𑍍𑌯𑌂-𑌯𑌁॒𑌜𑍍𑌞𑍋 𑌨𑍋𑌪॒𑌨𑌮𑍇॒𑌚𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌦𑍇𑌵𑌿॑𑌕𑌾॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌖𑌲𑍁॒ 𑌵𑌾 𑌏॒𑌤-𑌨𑍍𑌨𑍋𑌪॑ 𑌨𑌮𑌨𑍍𑌤𑌿॒ 𑌯𑌂-𑌯𑌁॒𑌜𑍍𑌞𑍋 𑌨𑍋𑌪॒𑌨𑌮॑𑌤𑌿 𑌪𑍍𑌰𑌥॒𑌮-𑌨𑍍𑌧𑌾॒𑌤𑌾𑌰॑-𑌙𑍍𑌕𑌰𑍋𑌤𑌿 𑌮𑍁𑌖॒𑌤 𑌏॒𑌵𑌾𑌸𑍍𑌮𑍈॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌦𑌧𑌾॒𑌤𑍍𑌯𑍁𑌪𑍈॑𑌨𑌂-𑌯𑌁॒𑌜𑍍𑌞𑍋 𑌨॑𑌮𑌤𑍍𑌯𑍇॒𑌤𑌾 𑌏॒𑌵 𑌨𑌿𑌵॑𑌰𑍍𑌪𑍇𑌦𑍀𑌜𑌾॒𑌨𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌦𑍇𑌵𑌿॑𑌕𑌾 𑌯𑌾॒𑌤𑌯𑌾॑𑌮𑌾𑌨𑍀𑌵॒ 𑌖𑌲𑍁॒ 𑌵𑌾 𑌏॒𑌤𑌸𑍍𑌯॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌯 𑌈॑𑌜𑌾॒𑌨 𑌉॑𑌤𑍍𑌤॒𑌮-𑌨𑍍𑌧𑌾॒𑌤𑌾𑌰॑-𑌙𑍍𑌕𑌰𑍋- [𑌉॑𑌤𑍍𑌤॒𑌮-𑌨𑍍𑌧𑌾॒𑌤𑌾𑌰॑-𑌙𑍍𑌕𑌰𑍋𑌤𑌿, 𑌉॒𑌪𑌰𑌿॑𑌷𑍍𑌟𑌾𑌦𑍇॒𑌵𑌾𑌸𑍍𑌮𑍈॒] 32
-𑌤𑍍𑌯𑍁॒𑌪𑌰𑌿॑𑌷𑍍𑌟𑌾𑌦𑍇॒𑌵𑌾𑌸𑍍𑌮𑍈॒ 𑌛𑌨𑍍𑌦𑌾॒𑌗𑍍॒𑌸𑍍𑌯𑌯𑌾॑𑌤𑌯𑌾𑌮𑌾॒𑌨𑍍𑌯𑌵॑ 𑌰𑍁𑌨𑍍𑌧॒ 𑌉𑌪𑍈॑𑌨॒𑌮𑍁𑌤𑍍𑌤॑𑌰𑍋 𑌯॒𑌜𑍍𑌞𑍋 𑌨॑𑌮𑌤𑍍𑌯𑍇॒𑌤𑌾 𑌏॒𑌵 𑌨𑌿𑌵॑𑌰𑍍𑌪𑍇॒𑌦𑍍𑌯-𑌮𑍍𑌮𑍇॒𑌧𑌾 𑌨𑍋𑌪॒𑌨𑌮𑍇॒𑌚𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌦𑍇𑌵𑌿॑𑌕𑌾॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌖𑌲𑍁॒ 𑌵𑌾 𑌏॒𑌤-𑌨𑍍𑌨𑍋𑌪॑ 𑌨𑌮𑌨𑍍𑌤𑌿॒ 𑌯-𑌮𑍍𑌮𑍇॒𑌧𑌾 𑌨𑍋𑌪॒𑌨𑌮॑𑌤𑌿 𑌪𑍍𑌰𑌥॒𑌮-𑌨𑍍𑌧𑌾॒𑌤𑌾𑌰॑-𑌙𑍍𑌕𑌰𑍋𑌤𑌿 𑌮𑍁𑌖॒𑌤 𑌏॒𑌵𑌾𑌸𑍍𑌮𑍈॒ 𑌛𑌨𑍍𑌦𑌾𑌗𑍍𑌂॑𑌸𑌿 𑌦𑌧𑌾॒𑌤𑍍𑌯𑍁𑌪𑍈॑𑌨-𑌮𑍍𑌮𑍇॒𑌧𑌾 𑌨॑𑌮𑌤𑍍𑌯𑍇॒𑌤𑌾 𑌏॒𑌵 𑌨𑌿𑌵॑𑌰𑍍𑌪𑍇॒- [𑌨𑌿𑌵॑𑌰𑍍𑌪𑍇𑌤𑍍, 𑌰𑍁𑌕𑍍𑌕𑌾॑𑌮॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈] 33
-𑌦𑍍𑌰𑍁𑌕𑍍𑌕𑌾॑𑌮॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌦𑍇𑌵𑌿॑𑌕𑌾॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑍀𑌵॒ 𑌖𑌲𑍁॒ 𑌵𑍈 𑌰𑍁𑌕𑍍 𑌛𑌨𑍍𑌦𑍋॑𑌭𑌿𑌰𑍇॒𑌵𑌾𑌸𑍍𑌮𑌿॒-𑌨𑍍𑌰𑍁𑌚॑-𑌨𑍍𑌦𑌧𑌾𑌤𑌿𑌕𑍍𑌷𑍀॒𑌰𑍇 𑌭॑𑌵𑌨𑍍𑌤𑌿॒ 𑌰𑍁𑌚॑𑌮𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌤𑌿 𑌮𑌦𑍍𑌧𑍍𑌯॒𑌤𑍋 𑌧𑌾॒𑌤𑌾𑌰॑-𑌙𑍍𑌕𑌰𑍋𑌤𑌿 𑌮𑌦𑍍𑌧𑍍𑌯॒𑌤 𑌏॒𑌵𑍈𑌨𑌗𑍍𑌂॑ 𑌰𑍁॒𑌚𑍋 𑌦॑𑌧𑌾𑌤𑌿𑌗𑌾𑌯॒𑌤𑍍𑌰𑍀 𑌵𑌾 𑌅𑌨𑍁॑𑌮𑌤𑌿𑌸𑍍𑌤𑍍𑌰𑌿॒𑌷𑍍𑌟𑍁𑌗𑍍𑌰𑌾॒𑌕𑌾 𑌜𑌗॑𑌤𑍀 𑌸𑌿𑌨𑍀𑌵𑌾॒𑌲𑍍𑌯॑𑌨𑍁॒𑌷𑍍𑌟𑍁𑌪𑍍 𑌕𑍁॒𑌹𑍂𑌰𑍍𑌧𑌾॒𑌤𑌾 𑌵॑𑌷𑌟𑍍𑌕𑌾॒𑌰𑌃 𑌪𑍂᳚𑌰𑍍𑌵𑌪॒𑌕𑍍𑌷𑍋 𑌰𑌾॒𑌕𑌾-𑌽𑌪॑𑌰𑌪॒𑌕𑍍𑌷𑌃 𑌕𑍁॒𑌹𑍂𑌰॑𑌮𑌾𑌵𑌾॒𑌸𑍍𑌯𑌾॑ 𑌸𑌿𑌨𑍀𑌵𑌾॒𑌲𑍀 𑌪𑍗᳚𑌰𑍍𑌣𑌮𑌾॒𑌸𑍍𑌯𑌨𑍁॑𑌮𑌤𑌿𑌶𑍍𑌚॒𑌨𑍍𑌦𑍍𑌰𑌮𑌾॑ 𑌧𑌾॒𑌤𑌾-𑌽𑌷𑍍𑌟𑍗 [ ] 34
𑌵𑌸॑𑌵𑍋॒-𑌽𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍍𑌯𑍇𑌕𑌾॑𑌦𑌶 𑌰𑍁॒𑌦𑍍𑌰𑌾 𑌏𑌕𑌾॑𑌦𑌶𑌾𑌕𑍍𑌷𑌰𑌾 𑌤𑍍𑌰𑌿॒𑌷𑍍𑌟𑍁𑌬𑍍 𑌦𑍍𑌵𑌾𑌦॑𑌶𑌾-𑌽𑌽𑌦𑌿॒𑌤𑍍𑌯𑌾 𑌦𑍍𑌵𑌾𑌦॑𑌶𑌾𑌕𑍍𑌷𑌰𑌾॒ 𑌜𑌗॑𑌤𑍀 𑌪𑍍𑌰॒𑌜𑌾𑌪॑𑌤𑌿𑌰𑌨𑍁॒𑌷𑍍𑌟𑍁𑌬𑍍 𑌧𑌾॒𑌤𑌾 𑌵॑𑌷𑌟𑍍𑌕𑌾॒𑌰 𑌏॒𑌤𑌦𑍍𑌵𑍈 𑌦𑍇𑌵𑌿॑𑌕𑌾॒-𑌸𑍍𑌸𑌰𑍍𑌵𑌾॑𑌣𑌿 𑌚॒ 𑌛𑌨𑍍𑌦𑌾𑌗𑍍𑌂॑𑌸𑌿॒ 𑌸𑌰𑍍𑌵𑌾᳚𑌶𑍍𑌚 𑌦𑍇॒𑌵𑌤𑌾॑ 𑌵𑌷𑌟𑍍𑌕𑌾॒𑌰𑌸𑍍𑌤𑌾 𑌯-𑌥𑍍𑌸॒𑌹 𑌸𑌰𑍍𑌵𑌾॑ 𑌨𑌿॒𑌰𑍍𑌵𑌪𑍇॑𑌦𑍀𑌶𑍍𑌵॒𑌰𑌾 𑌏॑𑌨-𑌮𑍍𑌪𑍍𑌰॒𑌦𑌹𑍋॒ 𑌦𑍍𑌵𑍇 𑌪𑍍𑌰॑𑌥॒𑌮𑍇 𑌨𑌿॒𑌰𑍁𑌪𑍍𑌯॑ 𑌧𑌾॒𑌤𑍁𑌸𑍍𑌤𑍃॒𑌤𑍀𑌯॒-𑌨𑍍𑌨𑌿𑌵॑𑌰𑍍𑌪𑍇॒-𑌤𑍍𑌤𑌥𑍋॑ 𑌏॒𑌵𑍋𑌤𑍍𑌤॑𑌰𑍇॒ 𑌨𑌿𑌵॑𑌰𑍍𑌪𑍇॒-𑌤𑍍𑌤𑌥𑍈॑𑌨॒-𑌨𑍍𑌨 𑌪𑍍𑌰𑌦॑𑌹॒𑌨𑍍𑌤𑍍𑌯 𑌥𑍋॒ 𑌯𑌸𑍍𑌮𑍈॒ 𑌕𑌾𑌮𑌾॑𑌯 𑌨𑌿𑌰𑍁॒𑌪𑍍𑌯𑌨𑍍𑌤𑍇॒ 𑌤𑌮𑍇॒𑌵𑌾-𑌽𑌽𑌭𑌿॒𑌰𑍁𑌪𑌾᳚-𑌽𑌽𑌪𑍍𑌨𑍋𑌤𑌿 ॥ 35 ॥
(𑌪॒𑌶𑍁𑌕𑌾॑𑌮॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒ 𑌵𑍈 𑌦𑍇𑌵𑌿॑𑌕𑌾॒𑌶𑍍𑌛𑌨𑍍𑌦𑌾𑌗𑍍𑌂॑𑌸𑌿॒-𑌗𑍍𑌰𑌾𑌮𑌂॑-𑌕𑌲𑍍𑌪𑌯𑌤𑍍𑌯𑍇॒𑌤𑌾 𑌏॒𑌵 𑌨𑌿-𑌰𑍁॑𑌤𑍍𑌤॒𑌮𑌨𑍍𑌧𑌾॒𑌤𑌾𑌰॑-𑌙𑍍𑌕𑌰𑍋𑌤𑌿 - 𑌮𑍇॒𑌧𑌾 𑌨॑𑌮𑌤𑍍𑌯𑍇॒𑌤𑌾 𑌏॒𑌵 𑌨𑌿𑌰𑍍𑌵॑𑌪𑍇 - 𑌦॒𑌷𑍍𑌟𑍗 - 𑌦॑𑌹𑌨𑍍𑌤𑌿॒ - 𑌨𑌵॑ 𑌚) (𑌅. 9)
(𑌦𑍇𑌵𑌿॑𑌕𑌾𑌃 𑌪𑍍𑌰॒𑌜𑌾𑌕𑌾॑𑌮𑍋 𑌮𑌿𑌥𑍁॒𑌨𑍀 𑌪॒𑌶𑍁𑌕𑌾॑𑌮𑌃॒ 𑌪𑍍𑌰𑍈𑌵 𑌗𑍍𑌰𑌾𑌮॑𑌕𑌾𑌮𑍋॒ 𑌜𑍍𑌯𑍋𑌗𑌾॑𑌮𑌯𑌾𑌵𑍀॒ 𑌯𑌂-𑌯𑌁॒𑌜𑍍𑌞𑍋 𑌯 𑌈॑𑌜𑌾॒𑌨𑍋 𑌯-𑌮𑍍𑌮𑍇॒𑌧𑌾 𑌰𑍁𑌕𑍍𑌕𑌾॑𑌮𑍋॒-𑌽𑌷𑍍𑌟𑍗 । 𑌦𑍇𑌵𑌿॑𑌕𑌾 𑌭𑌵𑌨𑍍𑌤𑌿 𑌦𑌧𑌤𑌿 𑌰𑌾॒𑌷𑍍𑌟𑍍𑌰𑌕𑌾॑𑌮𑌾𑌯 𑌭𑌵𑌤𑌿 𑌦𑌧𑌾𑌤𑌿 ।)
𑌵𑌾𑌸𑍍𑌤𑍋᳚𑌷𑍍𑌪𑌤𑍇॒ 𑌪𑍍𑌰𑌤𑌿॑ 𑌜𑌾𑌨𑍀 𑌹𑍍𑌯॒𑌸𑍍𑌮𑌾𑌨𑍍-𑌥𑍍𑌸𑍍𑌵𑌾॑𑌵𑍇॒𑌶𑍋 𑌅॑𑌨𑌮𑍀॒𑌵𑍋 𑌭॑𑌵𑌾𑌨𑌃 । 𑌯-𑌤𑍍𑌤𑍍𑌵𑍇𑌮॑𑌹𑍇॒ 𑌪𑍍𑌰𑌤𑌿॒𑌤𑌨𑍍𑌨𑍋॑ 𑌜𑍁𑌷𑌸𑍍𑌵॒ 𑌶𑌨𑍍𑌨॑ 𑌏𑌧𑌿 𑌦𑍍𑌵𑌿॒𑌪𑌦𑍇॒ 𑌶𑌞𑍍𑌚𑌤𑍁॑𑌷𑍍𑌪𑌦𑍇 ॥ 𑌵𑌾𑌸𑍍𑌤𑍋᳚𑌷𑍍𑌪𑌤𑍇 𑌶॒𑌗𑍍𑌮𑌯𑌾॑ 𑌸॒𑌗𑍍𑌂॒ 𑌸𑌦𑌾॑𑌤𑍇 𑌸𑌕𑍍𑌷𑍀॒𑌮𑌹𑌿॑ 𑌰॒𑌣𑍍𑌵𑌯𑌾॑ 𑌗𑌾𑌤𑍁॒𑌮𑌤𑍍𑌯𑌾᳚ । 𑌆𑌵𑌃॒, 𑌕𑍍𑌷𑍇𑌮॑ 𑌉॒𑌤 𑌯𑍋𑌗𑍇॒ 𑌵𑌰॑𑌨𑍍𑌨𑍋 𑌯𑍂॒𑌯-𑌮𑍍𑌪𑌾॑𑌤 𑌸𑍍𑌵॒𑌸𑍍𑌤𑌿𑌭𑌿॒-𑌸𑍍𑌸𑌦𑌾॑𑌨𑌃 ॥ 𑌯-𑌥𑍍𑌸𑌾॒𑌯-𑌮𑍍𑌪𑍍𑌰𑌾॑𑌤𑌰𑌗𑍍𑌨𑌿𑌹𑍋॒𑌤𑍍𑌰-𑌞𑍍𑌜𑍁॒𑌹𑍋𑌤𑍍𑌯𑌾॑𑌹𑍁𑌤𑍀𑌷𑍍𑌟॒𑌕𑌾 𑌏॒𑌵 𑌤𑌾 𑌉𑌪॑ 𑌧𑌤𑍍𑌤𑍇॒ [𑌤𑌾 𑌉𑌪॑ 𑌧𑌤𑍍𑌤𑍇, 𑌯𑌜॑𑌮𑌾𑌨𑍋-𑌽𑌹𑍋𑌰𑌾॒𑌤𑍍𑌰𑌾𑌣𑌿॒] 36
𑌯𑌜॑𑌮𑌾𑌨𑍋-𑌽𑌹𑍋𑌰𑌾॒𑌤𑍍𑌰𑌾𑌣𑌿॒ 𑌵𑌾 𑌏॒𑌤𑌸𑍍𑌯𑍇𑌷𑍍𑌟॑𑌕𑌾॒ 𑌯 𑌆𑌹𑌿॑𑌤𑌾𑌗𑍍𑌨𑌿॒𑌰𑍍𑌯-𑌥𑍍𑌸𑌾॒𑌯-𑌮𑍍𑌪𑍍𑌰𑌾॑𑌤𑌰𑍍𑌜𑍁॒𑌹𑍋𑌤𑍍𑌯॑𑌹𑍋𑌰𑌾॒𑌤𑍍𑌰𑌾𑌣𑍍𑌯𑍇॒𑌵𑌾 𑌽𑌽𑌪𑍍𑌤𑍍𑌵𑍇𑌷𑍍𑌟॑𑌕𑌾𑌃 𑌕𑍃॒𑌤𑍍𑌵𑍋𑌪॑ 𑌧𑌤𑍍𑌤𑍇॒ 𑌦𑌶॑ 𑌸𑌮𑌾॒𑌨𑌤𑍍𑌰॑ 𑌜𑍁𑌹𑍋𑌤𑌿॒ 𑌦𑌶𑌾᳚𑌕𑍍𑌷𑌰𑌾 𑌵𑌿॒𑌰𑌾-𑌡𑍍𑌵𑌿॒𑌰𑌾𑌜॑𑌮𑍇॒𑌵𑌾-𑌽𑌽𑌪𑍍𑌤𑍍𑌵𑍇𑌷𑍍𑌟॑𑌕𑌾-𑌙𑍍𑌕𑍃॒𑌤𑍍𑌵𑍋𑌪॑ 𑌧॒𑌤𑍍𑌤𑍇-𑌽𑌥𑍋॑ 𑌵𑌿॒𑌰𑌾𑌜𑍍𑌯𑍇॒𑌵 𑌯॒𑌜𑍍𑌞𑌮𑌾᳚𑌪𑍍𑌨𑍋𑌤𑌿॒ 𑌚𑌿𑌤𑍍𑌯॑𑌶𑍍𑌚𑌿𑌤𑍍𑌯𑍋-𑌽𑌸𑍍𑌯 𑌭𑌵𑌤𑌿॒ 𑌤𑌸𑍍𑌮𑌾॒𑌦𑍍𑌯𑌤𑍍𑌰॒ 𑌦𑌶𑍋॑𑌷𑌿॒𑌤𑍍𑌵𑌾 𑌪𑍍𑌰॒𑌯𑌾𑌤𑌿॒ 𑌤-𑌦𑍍𑌯॑𑌜𑍍𑌞𑌵𑌾॒𑌸𑍍𑌤𑍍𑌵𑌵𑌾᳚𑌸𑍍𑌤𑍍𑌵𑍇॒𑌵 𑌤𑌦𑍍𑌯-𑌤𑍍𑌤𑌤𑍋᳚-𑌽𑌰𑍍𑌵𑌾॒𑌚𑍀𑌨𑌗𑍍𑌂॑ [𑌤𑌦𑍍𑌯-𑌤𑍍𑌤𑌤𑍋᳚-𑌽𑌰𑍍𑌵𑌾॒𑌚𑍀𑌨᳚𑌮𑍍, 𑌰𑍁॒𑌦𑍍𑌰𑌃 𑌖𑌲𑍁॒ 𑌵𑍈] 37
𑌰𑍁॒𑌦𑍍𑌰𑌃 𑌖𑌲𑍁॒ 𑌵𑍈 𑌵𑌾᳚𑌸𑍍𑌤𑍋𑌷𑍍𑌪॒𑌤𑌿𑌰𑍍𑌯𑌦𑌹𑍁॑𑌤𑍍𑌵𑌾 𑌵𑌾𑌸𑍍𑌤𑍋𑌷𑍍𑌪॒𑌤𑍀𑌯॑-𑌮𑍍𑌪𑍍𑌰𑌯𑌾॒𑌯𑌾-𑌦𑍍𑌰𑍁॒𑌦𑍍𑌰 𑌏॑𑌨-𑌮𑍍𑌭𑍂॒𑌤𑍍𑌵𑌾-𑌽𑌗𑍍𑌨𑌿𑌰॑𑌨𑍂॒𑌤𑍍𑌥𑌾𑌯॑ 𑌹𑌨𑍍𑌯𑌾𑌦𑍍𑌵𑌾𑌸𑍍𑌤𑍋𑌷𑍍𑌪॒𑌤𑍀𑌯॑-𑌞𑍍𑌜𑍁𑌹𑍋𑌤𑌿 𑌭𑌾𑌗॒𑌧𑍇𑌯𑍇॑𑌨𑍈॒𑌵𑍈𑌨𑌗𑍍𑌂॑ 𑌶𑌮𑌯𑌤𑌿॒ 𑌨𑌾-𑌽𑌽𑌰𑍍𑌤𑌿॒𑌮𑌾𑌰𑍍𑌚𑍍𑌛॑𑌤𑌿॒ 𑌯𑌜॑𑌮𑌾𑌨𑍋॒ 𑌯𑌦𑍍𑌯𑍁॒𑌕𑍍𑌤𑍇 𑌜𑍁॑𑌹𑍁॒𑌯𑌾𑌦𑍍𑌯𑌥𑌾॒ 𑌪𑍍𑌰𑌯𑌾॑𑌤𑍇॒ 𑌵𑌾𑌸𑍍𑌤𑌾॒𑌵𑌾𑌹𑍁॑𑌤𑌿-𑌞𑍍𑌜𑍁॒𑌹𑍋𑌤𑌿॑ 𑌤𑌾॒𑌦𑍃𑌗𑍇॒𑌵 𑌤𑌦𑍍𑌯𑌦𑌯𑍁॑𑌕𑍍𑌤𑍇 𑌜𑍁𑌹𑍁॒𑌯𑌾𑌦𑍍𑌯𑌥𑌾॒ 𑌕𑍍𑌷𑍇𑌮॒ 𑌆𑌹𑍁॑𑌤𑌿-𑌞𑍍𑌜𑍁॒𑌹𑍋𑌤𑌿॑ 𑌤𑌾॒𑌦𑍃𑌗𑍇॒𑌵 𑌤𑌦𑌹𑍁॑𑌤𑌮𑌸𑍍𑌯 𑌵𑌾𑌸𑍍𑌤𑍋𑌷𑍍𑌪॒𑌤𑍀𑌯𑌗𑍍𑌗𑍍॑ 𑌸𑍍𑌯𑌾॒- [𑌸𑍍𑌯𑌾𑌤𑍍, 𑌦𑌕𑍍𑌷𑌿॑𑌣𑍋] 38
-𑌦𑍍𑌦𑌕𑍍𑌷𑌿॑𑌣𑍋 𑌯𑍁॒𑌕𑍍𑌤𑍋 𑌭𑌵॑𑌤𑌿 𑌸॒𑌵𑍍𑌯𑍋-𑌽𑌯𑍁॒𑌕𑍍𑌤𑍋-𑌽𑌥॑ 𑌵𑌾𑌸𑍍𑌤𑍋𑌷𑍍𑌪॒𑌤𑍀𑌯॑-𑌞𑍍𑌜𑍁𑌹𑍋𑌤𑍍𑌯𑍁॒𑌭𑌯॑𑌮𑍇॒𑌵𑌾-𑌽 𑌕॒𑌰𑌪॑𑌰𑌿𑌵𑌰𑍍𑌗𑌮𑍇॒𑌵𑍈𑌨𑌗𑍍𑌂॑ 𑌶𑌮𑌯𑌤𑌿॒ 𑌯𑌦𑍇𑌕॑𑌯𑌾 𑌜𑍁𑌹𑍁॒𑌯𑌾𑌦𑍍𑌦॑𑌰𑍍𑌵𑌿𑌹𑍋॒𑌮-𑌙𑍍𑌕𑍁॑𑌰𑍍𑌯𑌾-𑌤𑍍𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯𑌾॑ 𑌮॒𑌨𑍂𑌚𑍍𑌯॑ 𑌯𑌾॒𑌜𑍍𑌯॑𑌯𑌾 𑌜𑍁𑌹𑍋𑌤𑌿 𑌸𑌦𑍇𑌵॒𑌤𑍍𑌵𑌾𑌯॒ 𑌯𑌦𑍍𑌧𑍁॒𑌤 𑌆॑𑌦॒𑌦𑍍𑌧𑍍𑌯𑌾-𑌦𑍍𑌰𑍁॒𑌦𑍍𑌰-𑌙𑍍𑌗𑍃॒𑌹𑌾𑌨॒𑌨𑍍𑌵𑌾𑌰𑍋॑𑌹𑌯𑍇॒-𑌦𑍍𑌯𑌦॑𑌵॒𑌕𑍍𑌷𑌾𑌣𑌾॒𑌨𑍍𑌯𑌸॑-𑌮𑍍𑌪𑍍𑌰𑌕𑍍𑌷𑌾𑌪𑍍𑌯 𑌪𑍍𑌰𑌯𑌾॒𑌯𑌾𑌦𑍍𑌯𑌥𑌾॑ 𑌯𑌜𑍍𑌞𑌵𑍇𑌶॒𑌸𑌂-𑌵𑌾𑌁॒-𑌽𑌽𑌦𑌹॑𑌨𑌂-𑌵𑌾𑌁 𑌤𑌾॒𑌦𑍃𑌗𑍇॒𑌵 𑌤𑌦॒𑌯𑌨𑍍𑌤𑍇॒ 𑌯𑍋𑌨𑌿॑𑌰𑍍-𑌋॒𑌤𑍍𑌵𑌿𑌯॒ 𑌇𑌤𑍍𑌯॒𑌰𑌣𑍍𑌯𑍋᳚-𑌸𑍍𑌸॒𑌮𑌾𑌰𑍋॑𑌹𑌯- [𑌇𑌤𑍍𑌯॒𑌰𑌣𑍍𑌯𑍋᳚-𑌸𑍍𑌸॒𑌮𑌾𑌰𑍋॑𑌹𑌯𑌤𑌿, 𑌏॒𑌷 𑌵𑌾] 39
-𑌤𑍍𑌯𑍇॒𑌷 𑌵𑌾 𑌅॒𑌗𑍍𑌨𑍇𑌰𑍍𑌯𑍋𑌨𑌿॒-𑌸𑍍𑌸𑍍𑌵 𑌏॒𑌵𑍈𑌨𑌂॒-𑌯𑍋𑌁𑌨𑍗॑ 𑌸॒𑌮𑌾𑌰𑍋॑𑌹𑌯॒𑌤𑍍𑌯𑌥𑍋॒ 𑌖𑌲𑍍𑌵𑌾॑𑌹𑍁॒𑌰𑍍𑌯𑌦॒𑌰𑌣𑍍𑌯𑍋᳚-𑌸𑍍𑌸॒𑌮𑌾𑌰𑍂॑𑌢𑍋॒ 𑌨𑌶𑍍𑌯𑍇॒𑌦𑍁𑌦॑𑌸𑍍𑌯𑌾॒𑌗𑍍𑌨𑌿-𑌸𑍍𑌸𑍀॑𑌦𑍇-𑌤𑍍𑌪𑍁𑌨𑌰𑌾॒𑌧𑍇𑌯𑌃॑ 𑌸𑍍𑌯𑌾॒𑌦𑌿𑌤𑌿॒ 𑌯𑌾 𑌤𑍇॑ 𑌅𑌗𑍍𑌨𑍇 𑌯॒𑌜𑍍𑌞𑌿𑌯𑌾॑ 𑌤॒𑌨𑍂𑌸𑍍𑌤𑌯𑍇𑌹𑍍𑌯𑌾 𑌰𑍋॒𑌹𑍇𑌤𑍍𑌯𑌾॒𑌤𑍍𑌮𑌨𑍍-𑌥𑍍𑌸॒𑌮𑌾𑌰𑍋॑𑌹𑌯𑌤𑍇॒ 𑌯𑌜॑𑌮𑌾𑌨𑍋॒ 𑌵𑌾 𑌅॒𑌗𑍍𑌨𑍇𑌰𑍍𑌯𑍋𑌨𑌿॒-𑌸𑍍𑌸𑍍𑌵𑌾𑌯𑌾॑𑌮𑍇॒𑌵𑍈𑌨𑌂॒-𑌯𑍋𑌁𑌨𑍍𑌯𑌾𑌗𑍍𑌂॑ 𑌸॒𑌮𑌾𑌰𑍋॑𑌹𑌯𑌤𑍇 ॥ 40 ॥
(𑌧॒𑌤𑍍𑌤𑍇॒-𑌽𑌰𑍍𑌵𑌾॒𑌚𑍀𑌨𑌗𑍍𑌗𑍍॑ -𑌸𑍍𑌯𑌾-𑌥𑍍𑌸॒𑌮𑌾𑌰𑍋॑𑌹𑌯𑌤𑌿॒ -𑌪𑌞𑍍𑌚॑𑌚𑌤𑍍𑌵𑌾𑌰𑌿𑌗𑍍𑌂𑌶𑌚𑍍𑌚) (𑌅. 10)
𑌤𑍍𑌵𑌮॑𑌗𑍍𑌨𑍇 𑌬𑍃॒𑌹𑌦𑍍𑌵𑌯𑍋॒ 𑌦𑌧𑌾॑𑌸𑌿 𑌦𑍇𑌵 𑌦𑌾॒𑌶𑍁𑌷𑍇᳚ । 𑌕॒𑌵𑌿𑌰𑍍𑌗𑍃॒𑌹𑌪॑𑌤𑌿॒𑌰𑍍𑌯𑍁𑌵𑌾᳚ ॥ 𑌹॒𑌵𑍍𑌯॒𑌵𑌾𑌡॒𑌗𑍍𑌨𑌿𑌰॒𑌜𑌰𑌃॑ 𑌪𑌿॒𑌤𑌾 𑌨𑍋॑ 𑌵𑌿॒𑌭𑍁𑌰𑍍𑌵𑌿॒𑌭𑌾𑌵𑌾॑ 𑌸𑍁॒𑌦𑍃𑌶𑍀॑𑌕𑍋 𑌅॒𑌸𑍍𑌮𑍇 । 𑌸𑍁॒𑌗𑌾॒𑌰𑍍॒𑌹॒𑌪॒𑌤𑍍𑌯𑌾-𑌸𑍍𑌸𑌮𑌿𑌷𑍋॑ 𑌦𑌿𑌦𑍀𑌹𑍍𑌯𑌸𑍍𑌮॒𑌦𑍍𑌰𑌿𑌯॒𑌖𑍍𑌸-𑌮𑍍𑌮𑌿॑𑌮𑍀𑌹𑌿॒ 𑌶𑍍𑌰𑌵𑌾𑌗𑍍𑌂॑𑌸𑌿 ॥ 𑌤𑍍𑌵-𑌞𑍍𑌚॑ 𑌸𑍋𑌮 𑌨𑍋॒ 𑌵𑌶𑍋॑ 𑌜𑍀॒𑌵𑌾𑌤𑍁॒-𑌨𑍍𑌨 𑌮॑𑌰𑌾𑌮𑌹𑍇 । 𑌪𑍍𑌰𑌿॒𑌯𑌸𑍍𑌤𑍋᳚𑌤𑍍𑌰𑍋॒ 𑌵𑌨॒𑌸𑍍𑌪𑌤𑌿𑌃॑ ॥ 𑌬𑍍𑌰॒𑌹𑍍𑌮𑌾 𑌦𑍇॒𑌵𑌾𑌨𑌾᳚-𑌮𑍍𑌪𑌦॒𑌵𑍀𑌃 𑌕॑𑌵𑍀॒𑌨𑌾𑌮𑍃𑌷𑌿॒𑌰𑍍𑌵𑌿𑌪𑍍𑌰𑌾॑𑌣𑌾-𑌮𑍍𑌮𑌹𑌿॒𑌷𑍋 𑌮𑍃॒𑌗𑌾𑌣𑌾᳚𑌮𑍍 । 𑌶𑍍𑌯𑍇॒𑌨𑍋 𑌗𑍃𑌦𑍍𑌧𑍍𑌰𑌾॑𑌣𑌾॒𑌗𑍍॒ 𑌸𑍍𑌵𑌧𑌿॑𑌤𑌿॒ 𑌰𑍍𑌵𑌨𑌾॑𑌨𑌾॒𑌗𑍍𑌂॒ 𑌸𑍋𑌮𑌃॑ [𑌸𑍋𑌮𑌃॑, 𑌪॒𑌵𑌿𑌤𑍍𑌰॒𑌮𑌤𑍍𑌯𑍇॑𑌤𑌿॒] 41
𑌪॒𑌵𑌿𑌤𑍍𑌰॒𑌮𑌤𑍍𑌯𑍇॑𑌤𑌿॒ 𑌰𑍇𑌭𑌨𑍍𑌨𑍍॑ ॥ 𑌆 𑌵𑌿॒𑌶𑍍𑌵𑌦𑍇॑𑌵॒𑌗𑍍𑌂॒ 𑌸𑌤𑍍𑌪॑𑌤𑌿𑌗𑍍𑌂 𑌸𑍂॒𑌕𑍍𑌤𑍈𑌰॒𑌦𑍍𑌯𑌾 𑌵𑍃॑𑌣𑍀𑌮𑌹𑍇 । 𑌸॒𑌤𑍍𑌯𑌸॑𑌵𑌗𑍍𑌂 𑌸𑌵𑌿॒𑌤𑌾𑌰᳚𑌮𑍍 ॥ 𑌆𑌸॒𑌤𑍍𑌯𑍇𑌨॒ 𑌰𑌜॑𑌸𑌾॒ 𑌵𑌰𑍍𑌤॑𑌮𑌾𑌨𑍋 𑌨𑌿𑌵𑍇॒𑌶𑌯॑𑌨𑍍𑌨॒𑌮𑍃𑌤॒-𑌮𑍍𑌮𑌰𑍍𑌤𑍍𑌯॑𑌞𑍍𑌚 । 𑌹𑌿॒𑌰॒𑌣𑍍𑌯𑌯𑍇॑𑌨 𑌸𑌵𑌿॒𑌤𑌾 𑌰𑌥𑍇॒𑌨𑌾-𑌽𑌽 𑌦𑍇॒𑌵𑍋𑌯𑌾॑𑌤𑌿॒ 𑌭𑍁𑌵॑𑌨𑌾 𑌵𑌿॒𑌪𑌶𑍍𑌯𑌨𑍍𑌨𑍍॑ ॥ 𑌯𑌥𑌾॑ 𑌨𑍋॒ 𑌅𑌦𑌿॑𑌤𑌿𑌃॒ 𑌕𑌰॒-𑌤𑍍𑌪𑌶𑍍𑌵𑍇॒ 𑌨𑍃𑌭𑍍𑌯𑍋॒ 𑌯𑌥𑌾॒ 𑌗𑌵𑍇᳚ । 𑌯𑌥𑌾॑ 𑌤𑍋॒𑌕𑌾𑌯॑ 𑌰𑍁॒𑌦𑍍𑌰𑌿𑌯᳚𑌮𑍍 ॥ 𑌮𑌾 𑌨॑𑌸𑍍𑌤𑍋॒𑌕𑍇 𑌤𑌨॑𑌯𑍇॒ 𑌮𑌾 𑌨॒ 𑌆𑌯𑍁॑𑌷𑌿॒ 𑌮𑌾 𑌨𑍋॒ 𑌗𑍋𑌷𑍁॒ 𑌮𑌾 [ ] 42
𑌨𑍋॒ 𑌅𑌶𑍍𑌵𑍇॑𑌷𑍁 𑌰𑍀𑌰𑌿𑌷𑌃 । 𑌵𑍀॒𑌰𑌾-𑌨𑍍𑌮𑌾𑌨𑍋॑ 𑌰𑍁𑌦𑍍𑌰 𑌭𑌾𑌮𑌿॒𑌤𑍋 𑌵॑𑌧𑍀𑌰𑍍𑌹॒𑌵𑌿𑌷𑍍𑌮॑𑌨𑍍𑌤𑍋॒ 𑌨𑌮॑𑌸𑌾 𑌵𑌿𑌧𑍇𑌮 𑌤𑍇 ॥ 𑌉॒𑌦॒𑌪𑍍𑌰𑍁𑌤𑍋॒ 𑌨 𑌵𑌯𑍋॒ 𑌰𑌕𑍍𑌷॑𑌮𑌾𑌣𑌾॒ 𑌵𑌾𑌵॑𑌦𑌤𑍋 𑌅॒𑌭𑍍𑌰𑌿𑌯॑𑌸𑍍𑌯𑍇𑌵॒ 𑌘𑍋𑌷𑌾𑌃᳚ । 𑌗𑌿॒𑌰𑌿॒𑌭𑍍𑌰𑌜𑍋॒ 𑌨𑍋𑌰𑍍𑌮𑌯𑍋॒ 𑌮𑌦॑𑌨𑍍𑌤𑍋॒ 𑌬𑍃𑌹॒𑌸𑍍𑌪𑌤𑌿॑𑌮॒𑌭𑍍𑌯॑𑌰𑍍𑌕𑌾 𑌅॑𑌨𑌾𑌵𑌨𑍍𑌨𑍍 ॥ 𑌹॒𑌗𑍍𑌂॒𑌸𑍈𑌰𑌿॑𑌵॒ 𑌸𑌖𑌿॑𑌭𑌿॒𑌰𑍍𑌵𑌾𑌵॑𑌦𑌦𑍍𑌭𑌿𑌰𑌶𑍍𑌮॒𑌨𑍍- 𑌮𑌯𑌾॑𑌨𑌿॒ 𑌨𑌹॑𑌨𑌾॒ 𑌵𑍍𑌯𑌸𑍍𑌯𑌨𑍍𑌨𑍍॑ । 𑌬𑍃𑌹॒𑌸𑍍𑌪𑌤𑌿॑𑌰𑌭𑌿॒𑌕𑌨𑌿॑𑌕𑍍𑌰𑌦॒𑌦𑍍𑌗𑌾 𑌉॒𑌤 𑌪𑍍𑌰𑌾𑌸𑍍𑌤𑍗॒𑌦𑍁𑌚𑍍𑌚॑ 𑌵𑌿॒𑌦𑍍𑌵𑌾𑌗𑍍𑌂 𑌅॑𑌗𑌾𑌯𑌤𑍍 ॥ 𑌏𑌨𑍍𑌦𑍍𑌰॑ 𑌸𑌾𑌨॒𑌸𑌿𑌗𑍍𑌂 𑌰॒𑌯𑌿𑌗𑍍𑌂 [𑌰॒𑌯𑌿𑌮𑍍, 𑌸॒𑌜𑌿𑌤𑍍𑌵𑌾॑𑌨𑌗𑍍𑌂 𑌸𑌦𑌾॒𑌸𑌹᳚𑌮𑍍 ।] 43
𑌸॒𑌜𑌿𑌤𑍍𑌵𑌾॑𑌨𑌗𑍍𑌂 𑌸𑌦𑌾॒𑌸𑌹᳚𑌮𑍍 । 𑌵𑌰𑍍𑌷𑌿॑𑌷𑍍𑌠𑌮𑍂॒𑌤𑌯𑍇॑ 𑌭𑌰 ॥ 𑌪𑍍𑌰 𑌸॑𑌸𑌾𑌹𑌿𑌷𑍇 𑌪𑍁𑌰𑍁𑌹𑍂𑌤॒ 𑌶𑌤𑍍𑌰𑍂॒𑌨𑍍 𑌜𑍍𑌯𑍇𑌷𑍍𑌠॑𑌸𑍍𑌤𑍇॒ 𑌶𑍁𑌷𑍍𑌮॑ 𑌇॒𑌹 𑌰𑌾॒𑌤𑌿𑌰॑𑌸𑍍𑌤𑍁 । 𑌇𑌨𑍍𑌦𑍍𑌰𑌾-𑌽𑌽 𑌭॑𑌰॒ 𑌦𑌕𑍍𑌷𑌿॑𑌣𑍇𑌨𑌾॒ 𑌵𑌸𑍂॑𑌨𑌿॒ 𑌪𑌤𑌿॒-𑌸𑍍𑌸𑌿𑌨𑍍𑌧𑍂॑𑌨𑌾𑌮𑌸𑌿 𑌰𑍇॒𑌵𑌤𑍀॑𑌨𑌾𑌮𑍍 ॥ 𑌤𑍍𑌵𑌗𑍍𑌂 𑌸𑍁॒𑌤𑌸𑍍𑌯॑ 𑌪𑍀॒𑌤𑌯𑍇॑ 𑌸॒𑌦𑍍𑌯𑍋 𑌵𑍃॒𑌦𑍍𑌧𑍋 𑌅॑𑌜𑌾𑌯𑌥𑌾𑌃 । 𑌇𑌨𑍍𑌦𑍍𑌰॒ 𑌜𑍍𑌯𑍈𑌷𑍍𑌠𑍍𑌯𑌾॑𑌯 𑌸𑍁𑌕𑍍𑌰𑌤𑍋 ॥ 𑌭𑍁𑌵॒𑌸𑍍𑌤𑍍𑌵𑌮𑌿॑𑌨𑍍𑌦𑍍𑌰॒ 𑌬𑍍𑌰𑌹𑍍𑌮॑𑌣𑌾 𑌮॒𑌹𑌾-𑌨𑍍𑌭𑍁𑌵𑍋॒ 𑌵𑌿𑌶𑍍𑌵𑍇॑𑌷𑍁॒ 𑌸𑌵॑𑌨𑍇𑌷𑍁 𑌯॒𑌜𑍍𑌞𑌿𑌯𑌃॑ । 𑌭𑍁𑌵𑍋॒ 𑌨𑍄𑌗𑍍𑌶𑍍𑌚𑍍𑌯𑍗॒𑌤𑍍𑌨𑍋 𑌵𑌿𑌶𑍍𑌵॑𑌸𑍍𑌮𑌿॒-𑌨𑍍𑌭𑌰𑍇॒ 𑌜𑍍𑌯𑍇𑌷𑍍𑌠॑𑌶𑍍𑌚॒ 𑌮𑌨𑍍𑌤𑍍𑌰𑍋॑ [𑌮𑌨𑍍𑌤𑍍𑌰𑌃॑, 𑌵𑌿॒𑌶𑍍𑌵॒𑌚॒𑌰𑍍𑌷॒𑌣𑍇॒ ।] 44
𑌵𑌿𑌶𑍍𑌵𑌚𑌰𑍍𑌷𑌣𑍇 ॥ 𑌮𑌿॒𑌤𑍍𑌰𑌸𑍍𑌯॑ 𑌚𑌰𑍍𑌷𑌣𑍀॒𑌧𑍃𑌤॒-𑌶𑍍𑌶𑍍𑌰𑌵𑍋॑ 𑌦𑍇॒𑌵𑌸𑍍𑌯॑ 𑌸𑌾𑌨॒𑌸𑌿𑌮𑍍 ।
𑌸॒𑌤𑍍𑌯-𑌞𑍍𑌚𑌿॒𑌤𑍍𑌰 𑌶𑍍𑌰॑𑌵𑌸𑍍𑌤𑌮𑌮𑍍 ॥ 𑌮𑌿॒𑌤𑍍𑌰𑍋 𑌜𑌨𑌾𑌨𑍍॑ 𑌯𑌾𑌤𑌯𑌤𑌿 𑌪𑍍𑌰𑌜𑌾॒𑌨-𑌨𑍍𑌮𑌿॒𑌤𑍍𑌰𑍋 𑌦𑌾॑𑌧𑌾𑌰 𑌪𑍃𑌥𑌿॒𑌵𑍀𑌮𑍁॒𑌤 𑌦𑍍𑌯𑌾𑌮𑍍 । 𑌮𑌿॒𑌤𑍍𑌰𑌃 𑌕𑍃॒𑌷𑍍𑌟𑍀𑌰𑌨𑌿॑𑌮𑌿𑌷𑌾॒-𑌽𑌭𑌿 𑌚॑𑌷𑍍𑌟𑍇 𑌸॒𑌤𑍍𑌯𑌾𑌯॑ 𑌹॒𑌵𑍍𑌯-𑌙𑍍𑌘𑍃॒𑌤𑌵॑-𑌦𑍍𑌵𑌿𑌧𑍇𑌮 ॥ 𑌪𑍍𑌰𑌸𑌮𑌿॑𑌤𑍍𑌰॒ 𑌮𑌰𑍍𑌤𑍋॑ 𑌅𑌸𑍍𑌤𑍁॒ 𑌪𑍍𑌰𑌯॑𑌸𑍍𑌵𑌾॒𑌨𑍍॒. 𑌯𑌸𑍍𑌤॑ 𑌆𑌦𑌿𑌤𑍍𑌯॒ 𑌶𑌿𑌕𑍍𑌷॑𑌤𑌿 𑌵𑍍𑌰॒𑌤𑍇𑌨॑ । 𑌨 𑌹॑𑌨𑍍𑌯𑌤𑍇॒ 𑌨 𑌜𑍀॑𑌯𑌤𑍇॒ 𑌤𑍍𑌵𑍋𑌤𑍋॒ 𑌨𑍈𑌨॒𑌮𑌗𑍍𑌂𑌹𑍋॑ 𑌅𑌶𑍍𑌞𑍋॒𑌤𑍍𑌯𑌨𑍍𑌤𑌿॑𑌤𑍋॒ 𑌨 𑌦𑍂॒𑌰𑌾𑌤𑍍 ॥ 𑌯- [𑌯𑌤𑍍, 𑌚𑌿॒𑌦𑍍𑌧𑌿 𑌤𑍇॒ 𑌵𑌿𑌶𑍋॑] 45
-𑌚𑍍𑌚𑌿॒𑌦𑍍𑌧𑌿 𑌤𑍇॒ 𑌵𑌿𑌶𑍋॑ 𑌯𑌥𑌾॒ 𑌪𑍍𑌰𑌦𑍇॑𑌵 𑌵𑌰𑍁𑌣 𑌵𑍍𑌰॒𑌤𑌮𑍍 । 𑌮𑌿॒𑌨𑍀॒𑌮𑌸𑌿॒ 𑌦𑍍𑌯𑌵𑌿॑𑌦𑍍𑌯𑌵𑌿 ॥ 𑌯-𑌤𑍍𑌕𑌿𑌞𑍍𑌚𑍇॒𑌦𑌂-𑌵𑌁॑𑌰𑍁𑌣॒ 𑌦𑍈𑌵𑍍𑌯𑍇॒ 𑌜𑌨𑍇॑-𑌽𑌭𑌿𑌦𑍍𑌰𑍋॒𑌹-𑌮𑍍𑌮॑𑌨𑍁॒𑌷𑍍𑌯𑌾᳚𑌶𑍍𑌚𑌰𑌾॑𑌮𑌸𑌿 । 𑌅𑌚𑌿॑𑌤𑍍𑌤𑍀॒𑌯-𑌤𑍍𑌤𑌵॒ 𑌧𑌰𑍍𑌮𑌾॑ 𑌯𑍁𑌯𑍋𑌪𑌿॒𑌮𑌮𑌾 𑌨॒𑌸𑍍𑌤𑌸𑍍𑌮𑌾॒ 𑌦𑍇𑌨॑𑌸𑍋 𑌦𑍇𑌵 𑌰𑍀𑌰𑌿𑌷𑌃 ॥ 𑌕𑌿॒𑌤॒𑌵𑌾𑌸𑍋॒ 𑌯𑌦𑍍𑌰𑌿॑ 𑌰𑌿॒𑌪𑍁𑌰𑍍𑌨 𑌦𑍀॒𑌵𑌿 𑌯𑌦𑍍𑌵𑌾॑ 𑌘𑌾 𑌸॒𑌤𑍍𑌯 𑌮𑍁॒𑌤𑌯𑌨𑍍𑌨 𑌵𑌿॒𑌦𑍍𑌮 । 𑌸𑌰𑍍𑌵𑌾॒ 𑌤𑌾 𑌵𑌿𑌷𑍍𑌯॑ 𑌶𑌿𑌥𑌿॒𑌰𑍇 𑌵॑ 𑌦𑍇॒𑌵𑌾𑌥𑌾॑ 𑌤𑍇 𑌸𑍍𑌯𑌾𑌮 𑌵𑌰𑍁𑌣 𑌪𑍍𑌰𑌿॒𑌯𑌾𑌸𑌃॑ ॥ 46 ॥
(𑌸𑍋𑌮𑍋॒-𑌗𑍋𑌷𑍁॒ 𑌮𑌾- 𑌰॒𑌯𑌿𑌂 - 𑌮𑌨𑍍𑌤𑍍𑌰𑍋॒ -𑌯-𑌚𑍍𑌛𑌿॑𑌥𑌿॒𑌰𑌾-𑌸॒𑌪𑍍𑌤 𑌚॑ ) (𑌅. 11)
(𑌵𑌿 𑌵𑌾 𑌏॒𑌤𑌸𑍍𑌯𑌾 - 𑌽𑌽𑌵𑌾॑𑌯𑍋 - 𑌇॒𑌮𑍇 𑌵𑍈 - 𑌚𑌿॒𑌤𑍍𑌤𑌞𑍍𑌚𑌾॒ - 𑌽𑌗𑍍𑌨𑌿𑌰𑍍𑌭𑍂॒𑌤𑌾𑌨𑌾𑌂᳚ - 𑌦𑍇॒𑌵𑌾 𑌵𑌾 𑌅॑𑌭𑍍𑌯𑌾𑌤𑌾॒𑌨𑌾 - 𑌨𑍃॑𑌤𑌾॒𑌷𑌾𑌡𑍍 - 𑌰𑌾॒𑌷𑍍𑌟𑍍𑌰𑌕𑌾॑𑌮𑌾𑌯॒ - 𑌦𑍇𑌵𑌿॑𑌕𑌾॒ - 𑌵𑌾𑌸𑍍𑌤𑍋᳚𑌷𑍍𑌪𑌤𑍇॒ - 𑌤𑍍𑌵𑌮॑𑌗𑍍𑌨𑍇 𑌬𑍃॒𑌹 - 𑌦𑍇𑌕𑌾॑𑌦𑌶 )
(𑌵𑌿 𑌵𑌾 𑌏॒𑌤𑌸𑍍𑌯𑍇 - 𑌤𑍍𑌯𑌾॑𑌹 - 𑌮𑍃॒𑌤𑍍𑌯𑍁𑌰𑍍𑌗॑𑌨𑍍𑌧॒𑌰𑍍𑌵𑍋 - 𑌽𑌵॑ 𑌰𑍁𑌨𑍍𑌧𑍇 𑌮𑌦𑍍𑌧𑍍𑌯॒𑌤 - 𑌸𑍍𑌤𑍍𑌵𑌮॑𑌗𑍍𑌨𑍇 𑌬𑍃॒𑌹𑌥𑍍 - 𑌷𑌟𑍍𑌚॑𑌤𑍍𑌵𑌾𑌰𑌿𑌗𑍍𑌂𑌶𑌤𑍍)
(𑌵𑌿 𑌵𑌾 𑌏॒𑌤𑌸𑍍𑌯॑, 𑌪𑍍𑌰𑌿॒𑌯𑌾𑌸𑌃॑ )
॥ 𑌹𑌰𑌿𑌃॑ 𑌓𑌮𑍍 ॥
॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌸𑌂𑌹𑌿𑌤𑌾𑌯𑌾-𑌨𑍍𑌤𑍃𑌤𑍀𑌯𑌕𑌾𑌣𑍍𑌡𑍇 𑌚𑌤𑍁𑌰𑍍𑌥𑌃 𑌪𑍍𑌰𑌶𑍍𑌨-𑌸𑍍𑌸𑌮𑌾𑌪𑍍𑌤𑌃 ॥
Roman (IAST) Transliteration
kṛṣṇa yajurvedīya taittirīya saṃhitāyā-ntṛtīyakāṇḍe caturthaḥ praśnaḥ - iṣṭihomābhidhānaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
vi vā e॒tasya̭ ya॒jña ṛ̭ddhyate॒ yasya̭ ha॒vira̭ti॒ricya̭te॒ sūryo̭ de॒vo di̭vi॒ṣadbhya॒ ityā̭ha॒ bṛha॒spati̭nā cai॒vāsya̭ pra॒jāpa̭tinā ca ya॒jñasya॒ vyṛ̭ddha॒mapi̭ vapati॒ rakṣāgṃ̭si॒ vā e॒ta-tpa॒śugṃ sa̭cante॒ yadḙkadeva॒tya̭ āla̭bdho॒ bhūyā॒-nbhava̭ti॒ yasyā᳚ste॒ hari̭to॒ garbha॒ ityā̭ha deva॒traivainā᳚-ṅgamayati॒ rakṣa̭sā॒mapa̭hatyā॒ ā va̭rtana varta॒yetyā̭ha॒ [varta॒yetyā̭ha, brahma̭ṇai॒vaina॒-mā] 1
brahma̭ṇai॒vaina॒-mā va̭rtayati॒ vi tḙ bhinadmi taka॒rīmityā̭ha yathāya॒jure॒vaitadṷ- rudra॒phso vi॒śvarṷ̄pa॒ indu॒rityā̭ha pra॒jā vai pa॒śava॒ induḥ̭ pra॒jayai॒vaina̭-mpa॒śubhi॒-ssama̭rdhayati॒ divaṃ॒-vai~ ya॒jñasya॒ vyṛ̭ddha-ṅgacchati pṛthi॒vīmati̭rikta॒-ntadyanna śa॒maye॒dārti॒mārcche॒-dyaja̭māno ma॒hī dyauḥ pṛ̭thi॒vīca̭ na॒ i̭- [na॒ iti̭, ā॒ha॒ dyāvā̭pṛthi॒vībhyā̭me॒va] 2
-tyāha॒ dyāvā̭pṛthi॒vībhyā̭me॒va ya॒jñasya॒ vyṛ̭ddha॒-ñcāti̭rikta-ñca śamayati॒ nā-''rti॒mārccha̭ti॒ yaja̭māno॒ bhasma̭nā॒-'bhi samṷ̄hati sva॒gākṛ̭tyā॒ atho̭ a॒nayo॒rvā e॒ṣa garbho॒-'nayo̭re॒vaina̭-ndadhāti॒ yada̭va॒dyedati॒ tadrḙcaye॒dyannāva॒dye-tpa॒śorāla̭bdhasya॒ nāva̭ dye-tpu॒rastā॒nnābhyā̭ a॒nyada̭va॒dye-du॒pari̭ṣṭāda॒nya-tpu॒rastā॒dvai nābhyai᳚ [ ] 3
prā॒ṇa u॒pari̭ṣṭādapā॒no yāvā̭ne॒va pa॒śustasyāva̭ dyati॒ viṣṇa̭ve śipivi॒ṣṭāya̭ juhoti॒ yadvai ya॒jñasyā̭ti॒ricya̭te॒ yaḥ pa॒śorbhū॒mā yā puṣṭi॒sta-dviṣṇuḥ̭ śipivi॒ṣṭo 'ti̭rikta e॒vāti̭rikta-ndadhā॒tyati̭riktasya॒ śāntyā̭ a॒ṣṭāprū॒ḍḍhira̭ṇya॒-ndakṣi̭ṇā॒-'ṣṭāpa̭dī॒ hyḙṣā ''tmā na̭va॒maḥ pa॒śorāptyā̭ antarako॒śa u॒ṣṇīṣe॒ṇā-''vi̭ṣṭita-mbhavatye॒vami̭va॒ hi pa॒śurulba̭miva॒ carmḙva mā॒gṃ॒sami॒vāsthī̭va॒ yāvā̭ne॒va pa॒śustamā॒ptvā-'va̭ rundhe॒yasyai॒ṣā ya॒jñe prāya̭ścittiḥ kri॒yata̭ i॒ṣṭvā vasī̭yā-nbhavati || 4 ||
(va॒rta॒yatyā̭ha-na॒ iti॒-vai nābhyā॒-ulba̭mi॒vai-ka̭vigṃśatiśca) (a. 1)
ā vā̭yo bhūṣa śucipā॒ upa̭ na-ssa॒hasra̭-nte ni॒yuto̭ viśvavāra | upo̭ te॒ andho॒ madya̭mayāmi॒ yasya̭ deva dadhi॒ṣe pū᳚rva॒peya᳚m || ākū᳚tyai tvā॒ kāmā̭ya tvā sa॒mṛdhe᳚ tvā kikki॒ṭā te॒ manaḥ̭ pra॒jāpa̭taye॒ svāhā̭ kikki॒ṭā te᳚ prā॒ṇaṃ-vā~॒yave॒ svāhā̭ kikki॒ṭā te॒ cakṣu॒-ssūryā̭ya॒ svāhā̭ kikki॒ṭā te॒ śrotra॒-ndyāvā̭pṛthi॒vībhyā॒g॒ svāhā̭ kikki॒ṭā te॒ vāca॒gṃ॒ sara̭svatyai॒ svāhā॒ [sara̭svatyai॒ svāhā᳚, tva-ntu॒rīyā̭] 5
tva-ntu॒rīyā̭ va॒śinī̭ va॒śā-'si̭ sa॒kṛdya-ttvā॒ mana̭sā॒ garbha॒ ā-'śa̭yat | va॒śā tvaṃ-va~॒śinī̭ gaccha de॒vān-thsa॒tyā-ssa̭ntu॒ yaja̭mānasya॒ kāmāḥ᳚ || a॒jā-'si̭ rayi॒ṣṭhā pṛ̭thi॒vyāgṃ sī̭do॒rdhvā-'ntari̭kṣa॒mupa̭ tiṣṭhasva di॒vi tḙ bṛ॒hadbhāḥ || tantṷ-nta॒nva-nraja̭so bhā॒numanvi̭hi॒ jyoti̭ṣmataḥ pa॒tho ra̭kṣa dhi॒yā kṛ॒tān || a॒nu॒lba॒ṇaṃ-va~̭yata॒ jogṷvā॒mapo॒ manṷ rbhava ja॒nayā॒ daivya॒-ñjana᳚m || mana̭so ha॒vira̭si pra॒jāpa̭te॒rvarṇo॒ gātrā̭ṇā-nte gātra॒bhājo̭ bhūyāsma || 6 ||
(sara̭svatyai॒ svāhā॒ - manu॒ - strayo̭daśa ca) (a. 2)
i॒me vai sa॒hā-''stā॒-nte vā॒yurvya̭vā॒-tte garbha̭madadhātā॒-ntagṃ somaḥ॒ prāja̭naya-da॒gnira̭grasata॒ sa e॒ta-mpra॒jāpa̭tirāgne॒ya-ma॒ṣṭāka̭pālamapaśya॒-tta-nnira̭vapa॒-ttenai॒vainā̭ma॒gneradhi॒ nira̭krīṇā॒-ttasmā॒dapya̭nyadeva॒tyā̭mā॒labha̭māna āgne॒yama॒ṣṭāka̭pāla-mpu॒rastā॒nnirva̭peda॒gnere॒vainā॒madhi̭ ni॒ṣkrīyā-''la̭bhate॒ ya- [yat, vā॒yurvyavā॒-] 7
-dvā॒yurvyavā॒-ttasmā᳚-dvāya॒vyā̭ yadi॒me garbha॒mada̭dhātā॒-ntasmā᳚-ddyāvāpṛthi॒vyā̭ ya-thsomaḥ॒ prāja̭nayada॒gniragra̭sata॒ tasmā̭dagnīṣo॒mīyā॒ yada॒nayo᳚rviya॒tyo-rvāgava̭da॒-ttasmā᳚-thsārasva॒tī ya-tpra॒jāpa̭tira॒gneradhi̭ ni॒rakrī̭ṇā॒-ttasmā᳚-tprājāpa॒tyā sā vā e॒ṣā sa̭rvadeva॒tyā̭ yada॒jā va॒śā vā̭ya॒vyā̭mā la̭bheta॒ bhūti̭kāmo vā॒yurvai kṣepi̭ṣṭhā de॒vatā̭ vā॒yume॒va svena̭ [svena̭, bhā॒ga॒dheye॒nopa̭ dhāvati॒] 8
bhāga॒dheye॒nopa̭ dhāvati॒ sa e॒vaina॒-mbhūti̭-ṅgamayati dyāvāpṛthi॒vyā̭mā la̭bheta kṛ॒ṣamā̭ṇaḥ prati॒ṣṭhākā̭mo di॒va e॒vāsmai̭ pa॒rjanyo̭ varṣati॒ vya̭syāmoṣa̭dhayo rohanti sa॒mardhṷkamasya sa॒sya-mbha̭vatyagnīṣo॒mīyā॒mā la̭bheta॒ yaḥ kā॒maye॒tānna̭vānannā॒da-ssyā॒mitya॒gninai॒vānna॒mava̭ rundhe॒ somḙnā॒nnādya॒-manna̭vāne॒vānnā॒do bha̭vati sārasva॒tīmā la̭bheta॒ ya [yaḥ, ī॒śva॒ro vā॒co] 9
ī᳚śva॒ro vā॒co vadi̭to॒-ssan. vāca॒-nnavade॒-dvāgvai sara̭svatī॒ sara̭svatīme॒va svena̭ bhāga॒dheye॒nopa̭ dhāvati॒ saivāsmi॒n. vāca̭-ndadhāti prājāpa॒tyāmā la̭bheta॒ yaḥ kā॒maye॒tāna̭bhijitama॒bhi ja̭yeya॒miti̭ pra॒jāpa̭ti॒-ssarvā̭ de॒vatā̭ de॒vatā̭bhire॒vā-na̭bhijitama॒bhi ja̭yati vāya॒vya̭yo॒pāka̭roti vā॒yore॒vainā̭mava॒ruddhyā-''la̭bhata॒ ākū᳚tyai tvā॒ kāmā̭ya॒ tve- [kāmā̭ya tvā, ityā̭ha yathāya॒ju-] 10
-tyā̭ha yathāya॒ju-re॒vaita-tki̭kkiṭā॒kāra̭-ñjuhoti kikkiṭākā॒reṇa॒ vai grā॒myāḥ pa॒śavo̭ ramante॒ prā-''ra॒ṇyāḥ pa̭tanti॒ ya-tki̭kkiṭā॒kāra̭-ñju॒hoti̭ grā॒myāṇā᳚-mpaśū॒nā-ndhṛtyai॒ parya̭gnau kri॒yamā̭ṇe juhoti॒ jīva̭ntīme॒vaināgṃ̭ suva॒rgaṃ-lo~॒ka-ṅga̭mayati॒ tva-ntu॒rīyā̭ va॒śinī̭ va॒śā-'sītyā̭ha deva॒traivainā᳚-ṅgamayati sa॒tyā-ssa̭ntu॒ yaja̭mānasya॒ kāmā॒ ityā̭hai॒ṣa vai kāmo॒ [vai kāmaḥ̭, yaja̭mānasya॒] 11
yaja̭mānasya॒ yadanā᳚rta u॒dṛca॒-ṅgaccha̭ti॒ tasmā̭de॒vamā̭hā॒-'jā-'si̭ rayi॒ṣṭhetyā̭hai॒ ṣvḙvaināṃ᳚-lo~॒keṣu॒ prati̭ṣṭhāpayati di॒vi tḙ bṛ॒hadbhā ityā̭ha suva॒rga e॒vāsmai̭ lo॒ke jyoti̭-rdadhāti॒ tantṷ-nta॒nva-nraja̭so bhā॒numanvi॒hītyā̭he॒māne॒vāsmai̭ lo॒kān jyoti̭ṣmataḥ karotyanulba॒ṇaṃ-va~̭yata॒ jogṷvā॒mapa॒ i- [jogṷvā॒mapa॒ iti̭, ā॒ha॒ yade॒va] 12
-tyā̭ha॒ yade॒va ya॒jña u॒lbaṇa̭-ṅkri॒yate॒ tasyai॒vaiṣā śānti॒rmanṷrbhava ja॒nayā॒ daivya॒-ñjana॒mityā̭ha māna॒vyo̭ vai pra॒jāstā e॒vā-''dyāḥ᳚ kurute॒ mana̭so ha॒vira॒sītyā̭ha sva॒gākṛ̭tyai॒ gātrā̭ṇā-nte gātra॒bhājo̭ bhūyā॒smetyā̭hā॒ ''śiṣa̭me॒vaitāmā śā᳚ste॒ tasyai॒ vā e॒tasyā॒ eka̭me॒vā-dḙvayajanaṃ॒ ~yadāla̭bdhāyā-ma॒bhro [-ma॒bhraḥ, bhava̭ti॒] 13
bhava̭ti॒ yadāla̭bdhāyāma॒bhra-ssyāda॒phsu vā᳚prave॒śaye॒-thsarvāṃ᳚-vā~॒ prāśñī̭yā॒dyada॒phsu pra̭ve॒śaye᳚dyajñaveśa॒sa-ṅkṷryā॒-thsarvā̭me॒va prāśñī̭yādindri॒yame॒vā-''tma-ndha̭-tte॒ sā vā e॒ṣā tra̭yā॒ṇāme॒vāva̭ ruddhā saṃva~thsara॒sadaḥ̭ sahasrayā॒jino̭ gṛhame॒dhina॒sta e॒vaitayā̭ yajera॒-nteṣā̭me॒vaiṣā-''ptā || 14 ||
(yath - svena̭ - sārasva॒tīmā la̭bheta॒ yaḥ - kāmā̭ya tvā॒ - kāmo - 'pa॒ itya॒ - bhro - dvica̭tvārigṃśacca) (a. 3)
ci॒tta-ñca॒ citti॒ścā ''kṷ̄ta॒-ñcā-''kṷ̄tiśca॒ vijñā̭ta-ñca vi॒jñāna̭-ñca॒ mana̭śca॒ śakva̭rīśca॒ darśa̭śca pū॒rṇamā̭saśca bṛ॒hacca̭ rathanta॒ra-ñca̭ pra॒jāpa̭ti॒rjayā॒nindrā̭ya॒ vṛṣṇe॒ prāya̭cchadu॒graḥ pṛ̭ta॒nājyḙṣu॒ tasmai॒ viśa॒-ssama̭namanta॒ sarvā॒-ssa u॒gra-ssahi havyo̭ ba॒bhūva̭devāsu॒rā-ssaṃya~̭ttā āsa॒nthsa indraḥ̭ pra॒jāpa̭ti॒mupā̭ dhāva॒-ttasmā̭ e॒tāñjayā॒-nprāya̭ccha॒-ttāna̭juho॒-ttato॒ vai de॒vā asṷrānajaya॒n॒. yadaja̭ya॒-ntajjayā̭nā-ñjaya॒tvagg spardha̭mānenai॒te ho̭ta॒vyā̭ jaya̭tye॒va tā-mpṛta̭nām || 15 ||
(upa॒ - pañca̭vigṃśatiśca) (a. 4)
a॒gnirbhū॒tānā॒madhi̭pati॒-ssamā̭-'va॒tvindro᳚ jye॒ṣṭhānāṃ᳚-ya~॒maḥ pṛ̭thi॒vyā vā॒yura॒ntari̭kṣasya॒ sūryo̭di॒vaśca॒ndramā॒ nakṣa̭trāṇā॒-mbṛha॒spati॒rbrahma̭ṇo mi॒tra-ssa॒tyānāṃ॒-va~rṷṇo॒-'pāgṃ sa̭mu॒dra-ssro॒tyānā॒manna॒gṃ॒ sāmrā᳚jyānā॒madhi̭pati॒ tanmā̭-'vatu॒ soma॒ oṣa̭dhīnāgṃ savi॒tā pra̭sa॒vānāgṃ̭ ru॒draḥ pa̭śū॒nā-ntvaṣṭā̭ rū॒pāṇāṃ॒-vi~ṣṇuḥ॒ parva̭tānā-mma॒ruto̭ ga॒ṇānā॒madhi̭pataya॒ste mā̭vantu॒ pita̭raḥ pitāmahāḥ pare-'vare॒ tatā᳚statāmahā i॒ha mā̭-'vata | a॒smi-nbrahma̭nna॒smin kṣa॒tre᳚-'syā-mā॒śiṣya॒syā-mpṷro॒dhāyā̭ma॒smin-karma̭nna॒syā-nde॒vahū᳚tyām || 16 ||
(a॒va॒re॒ - sa॒ptada̭śa ca) (a. 5)
de॒vā vai yadya॒jñe-'kṷrvata॒ tadasṷrā akurvata॒ te de॒vā e॒tāna̭bhyātā॒nāna̭paśya॒n- tāna॒bhyāta̭nvata॒ yadde॒vānā॒-ṅkarmā-''sī॒dārdhya̭ta॒ tadyadasṷrāṇā॒-nna tadā᳚rdhyata॒ yena॒ karma॒ṇerthse॒-ttatra̭ hota॒vyā̭ ṛ॒ddhnotye॒va tena॒ karma̭ṇā॒ yadviśvḙ de॒vā-ssa॒mabha̭ra॒-ntasmā̭-dabhyātā॒nā vai᳚śvade॒vāyat-pra॒jāpa̭ti॒rjayā॒-nprāya̭ccha॒-ttasmā॒jjayāḥ᳚ prājāpa॒tyā [prājāpa॒tyāḥ, ya-drā᳚ṣṭra॒bhṛdbhī̭] 17
ya-drā᳚ṣṭra॒bhṛdbhī̭ rā॒ṣṭramā-'da̭data॒ ta-drā᳚ṣṭra॒bhṛtāgṃ̭ rāṣṭrabhṛ॒ttva-nte de॒vā a̭bhyātā॒nairasṷrāna॒bhyāta̭nvata॒ jayai̭rajayan-rāṣṭra॒bhṛdbhī̭ rā॒ṣṭramā-'da̭data॒ yadde॒vā a̭bhyātā॒nairasṷrāna॒bhyāta̭nvata॒ tada̭bhyātā॒nānā̭mabhyātāna॒tvaṃ-ya~jjayai॒raja̭ya॒-ntajjayā̭nā-ñjaya॒tvaṃ-ya~-drā᳚ṣṭra॒bhṛdbhī̭ rā॒ṣṭramā-'da̭data॒ ta-drā᳚ṣṭra॒bhṛtāgṃ̭ rāṣṭrabhṛ॒ttva-ntato̭ de॒vā abha̭va॒-nparā-'sṷrā॒ yo bhrātṛ̭vyavā॒n-thsyā-thsa e॒tān jṷhuyādabhyātā॒naire॒va bhrātṛ̭vyāna॒bhyāta̭nute॒ jayai᳚rjayati rāṣṭra॒bhṛdbhī̭ rā॒ṣṭramā da̭tte॒ bhava̭tyā॒tmanā॒ parā᳚-'sya॒ bhrātṛ̭vyo bhavati || 18 ||
(prā॒jā॒pa॒tyāḥ-so᳚-'-ṣṭā da̭śa ca) (a. 6)
ṛ॒tā॒ṣā-ḍṛ॒tadhā̭mā॒-'gni-rga̭ndha॒rvasta-syauṣa̭dhayo-'phsa॒rasa॒ ūrjo॒ nāma॒ sa i॒da-mbrahma̭ kṣa॒tra-mpā̭tu॒ tā i॒da-mbrahma̭ kṣa॒tra-mpā᳚ntu॒ tasmai॒ svāhā॒ tābhya॒-ssvāhā̭ sagṃhi॒to vi॒śvasā̭mā॒ sūryo̭ gandha॒rva-stasya॒ marī̭cayo-'phsa॒rasa̭ ā॒yuvaḥ̭ suṣu॒mna-ssūrya̭ raśmi-śca॒ndramā̭ gandha॒rva-stasya॒ nakṣa̭trāṇya-phsa॒raso̭ be॒kura̭yobhu॒jyu-ssṷpa॒rṇo ya॒jño ga̭ndha॒rva-stasya॒ dakṣi̭ṇā apsa॒rasa̭ sta॒vāḥ pra॒jāpa̭ti-rvi॒śvaka̭rmā॒ mano̭ [manaḥ̭, ga॒ndha॒rvastasya̭-rkhsā॒mānya̭-phsa॒raso॒] 19
gandha॒rvastasya̭-rkhsā॒mānya̭-phsa॒raso॒ vahna̭yaiṣi॒ro vi॒śvavya̭cā॒ vāto̭ gandha॒rva-stasyā-''po᳚ 'phsa॒raso̭ mu॒dābhuva̭nasya pate॒ yasya̭ta u॒pari̭ gṛ॒hā i॒ha ca̭ | sa no̭ rā॒svājyā̭nigṃ rā॒yaspoṣagṃ̭ su॒vīryagṃ̭ saṃva~thsa॒rīṇāg̭ sva॒stim || pa॒ra॒me॒ṣṭhyadhi̭pati-rmṛ॒tyu-rga̭ndha॒rva-stasya॒ viśva̭mapsa॒raso॒ bhuvaḥ̭ sukṣi॒tiḥ- subhṷ̄ti-rbhadra॒kṛ-thsuva̭rvā-npa॒rjanyo̭ gandha॒rva-stasya̭ vi॒dyuto᳚ 'phsa॒raso॒ ruco̭ dū॒re hḙti-ramṛḍa॒yo [dū॒re hḙti-ramṛḍa॒yaḥ, mṛ॒tyurga̭ndha॒rva-stasya̭] 20
mṛ॒tyurga̭ndha॒rva-stasya̭ pra॒jā a̭phsa॒raso̭ bhī॒ruva॒ścaruḥ̭ kṛpaṇa kā॒śī kāmo̭ gandha॒rva-stasyā॒dhayo᳚ 'phsa॒rasaḥ̭ śo॒caya̭ntī॒rnāma॒ sa i॒da-mbrahma̭ kṣa॒tra-mpā̭ta॒ tā i॒da-mbrahma̭ kṣa॒tra-mpā᳚ntu॒ tasmai॒ svāhā॒ tābhya॒-ssvāhā॒ sa no̭ bhuvanasya pate॒ yasya̭ta u॒pari̭ gṛ॒hā i॒ha ca̭ | u॒ru bra॒hma̭ṇe॒-'smai kṣa॒trāya॒ mahi॒ śarma̭ yaccha || 21 ||
(mano̭ - 'mṛḍa॒yaḥ - ṣaṭca̭tvārigṃśacca) (a. 7)
rā॒ṣṭrakā̭māya hota॒vyā̭ rā॒ṣṭraṃ-vai~ rā᳚ṣṭra॒bhṛto̭ rā॒ṣṭreṇai॒vāsmai̭ rā॒ṣṭramava̭ rundhe rā॒ṣṭrame॒va bha̭vatyā॒tmanḙ hota॒vyā̭ rā॒ṣṭraṃ-vai~ rā᳚ṣṭra॒bhṛto̭ rā॒ṣṭra-mpra॒jā rā॒ṣṭra-mpa॒śavo̭ rā॒ṣṭraṃ-ya~cchreṣṭho॒ bhava̭ti rā॒ṣṭreṇai॒va rā॒ṣṭramava̭ rundhe॒ vasi̭ṣṭha-ssamā॒nānā᳚-mbhavati॒ grāma̭kāmāya hota॒vyā̭ rā॒ṣṭraṃ-vai~ rā᳚ṣṭra॒bhṛto̭ rā॒ṣṭragṃ sa̭jā॒tā rā॒ṣṭreṇai॒vāsmai̭ rā॒ṣṭragṃ sa̭jā॒tānava̭ rundhe grā॒- [rundhe grā॒mī, e॒va bha̭vatyadhi॒deva̭ne] 22
-myḙva bha̭vatyadhi॒deva̭ne juhotyadhi॒deva̭na e॒vāsmai̭ sajā॒tānava̭ rundhe॒ ta ḙna॒mava̭ruddhā॒ upa̭ tiṣṭhante rathamu॒kha oja̭skāmasya hota॒vyā̭ ojo॒ vai rā᳚ṣṭra॒bhṛta॒ ojo॒ ratha॒ oja̭sai॒vāsmā॒ ojo-'va̭ rundha oja॒svyḙva bha̭vati॒ yo rā॒ṣṭrādapa̭bhūta॒-ssyā-ttasmai̭ hota॒vyā̭ yāva̭nto-'sya॒ rathā॒-ssyustā-nbrṷ̄yā-dyu॒ndhvamiti̭ rā॒ṣṭrame॒vā-'smai̭ yuna॒- [rā॒ṣṭrame॒vā-'smai̭ yunakti, āhṷtayo॒ vā] 23
-ktyāhṷtayo॒ vā e॒tasyākḷ̭ptā॒ yasya̭ rā॒ṣṭra-nna kalpa̭te svara॒thasya॒ dakṣi̭ṇa-ñca॒kra-mpra॒vṛhya̭ nā॒ḍīma॒bhi jṷhuyā॒dāhṷtīre॒vāsya̭ kalpayati॒ tā a̭sya॒ kalpa̭mānā rā॒ṣṭramanṷ kalpate saṅgrā॒me saṃya~̭tte hota॒vyā̭ rā॒ṣṭraṃ-vai~ rā᳚ṣṭra॒bhṛto̭ rā॒ṣṭre khalu॒ vā e॒te vyāya̭cchante॒ ye sa̭ṅgrā॒magṃ saṃ॒-ya~nti॒ yasya॒ pūrva̭sya॒ juhva̭ti॒ sa e॒va bha̭vati॒ jaya̭ti॒ tagṃ sa̭grā॒mma-mmā᳚ndhu॒ka i॒ddhmo [i॒ddhmaḥ, bha॒va॒tyaṅgā̭rā] 24
bha̭va॒tyaṅgā̭rā e॒va pra̭ti॒veṣṭa̭mānā a॒mitrā̭ṇāmasya॒ senā॒-mprati̭veṣṭayanti॒ ya u॒nmādye॒-ttasmai̭ hota॒vyā̭ gandharvāphsa॒raso॒ vā e॒tamunmā̭dayanti॒ ya u॒nmādya̭tye॒te khalu॒ vai ga̭ndharvāphsa॒raso॒ yadrā᳚ṣṭra॒bhṛta॒stasmai॒ svāhā॒ tābhya॒-ssvāheti̭ juhoti॒ tenai॒vainā᳚ñchamayati॒ naiya̭grodha॒ audṷmbara॒ āśva̭tthaḥ॒ plākṣa॒ itī॒ddhmo bha̭vatye॒te vai ga̭ndharvāphsa॒rasā᳚-ṅgṛ॒hā-ssva e॒vainā̭- [e॒vaināṋ, ā॒yata̭ne] 25
-nā॒yata̭ne śamayatyabhi॒cara̭tā pratilo॒magṃ ho̭ta॒vyāḥ᳚ prā॒ṇāne॒vāsya̭ pra॒tīcaḥ॒ prati̭ yauti॒ ta-ntato॒ yena॒ kena̭ ca stṛṇute॒ svakṛ̭ta॒ iri̭ṇe juhoti prada॒re vai॒tadvā a॒syai nir-ṛ̭tigṛhīta॒-nnir-ṛ̭tigṛhīta e॒vaina॒-nnir-ṛ̭tyā grāhayati॒ yadvā॒caḥ krū॒ra-ntena॒ vaṣa̭-ṭkaroti vā॒ca e॒vaina̭-ṅkrū॒reṇa॒ pravṛ̭ścati tā॒jagārti॒mārccha̭ti॒ yasya̭ kā॒mayḙtā॒nnādya॒- [kā॒mayḙtā॒nnādya᳚m, ā da̭dī॒yeti॒] 26
-mā da̭dī॒yeti॒ tasya̭ sa॒bhāyā̭muttā॒no ni॒padya॒ bhuva̭nasya pata॒ iti॒ tṛṇā̭ni॒ sa-ṅgṛ̭hṇīyā-tpra॒jāpa̭ti॒rvai bhuva̭nasya॒ patiḥ̭ pra॒jāpa̭tinai॒vāsyā॒nnādya॒mā da̭tta i॒dama॒hama॒muṣyā̭ ''muṣyāya॒ṇasyā॒nnādyagṃ̭ harā॒mītyā̭hā॒nnādya̭me॒vāsya̭ harati ṣa॒ḍbhirha̭rati॒ ṣaḍvā ṛ॒tavaḥ̭ pra॒jāpa̭tinai॒vāsyā॒-nnādya̭mā॒dāya॒rtavo᳚ 'smā॒ anu॒ praya̭cchanti॒ [praya̭cchanti, yo jye॒ṣṭhaba̭ndhu॒-] 27
yo jye॒ṣṭhaba̭ndhu॒-rapa̭ bhūta॒-ssyā-ttaggsthalḙ-'va॒sāyya̭ brahmauda॒na-ñcatuḥ̭ śarāva-mpa॒ktvā tasmai̭ hota॒vyā̭ varṣma॒ vai rā᳚ṣṭra॒bhṛto॒ vaṣma॒ sthalaṃ॒-va~rṣma̭ṇai॒vainaṃ॒-va~ṣma̭ samā॒nānā᳚-ṅgamayati॒ catuḥ̭ śarāvo bhavati di॒kṣvḙva prati̭tiṣṭhati kṣī॒re bha̭vati॒ ruca̭me॒vāsmi̭-ndadhā॒tyuddha̭rati śṛta॒tvāya̭ sa॒rpiṣvā᳚-nbhavati meddhya॒tvāya̭ ca॒tvāra̭ ārṣe॒yāḥ prā-'śña̭nti di॒śāme॒va jyoti̭ṣi juhoti || 28 ||
(grā॒mī - yṷnaktī॒ - dhmaḥ - sva e॒vainā̭ - na॒nnādyaṃ̭ - ~yaccha॒ntye - kā॒nna pa̭ñcā॒śacca̭) (a. 8)
devi̭kā॒ niva̭rpe-tpra॒jākā̭ma॒śchandāgṃ̭si॒ vai devi̭kā॒śchandāgṃ̭sīva॒ khalu॒ vai pra॒jāśchando̭bhire॒vāsmai᳚ pra॒jāḥ praja̭nayati pratha॒ma-ndhā॒tāra̭-ṅkaroti mithu॒nī e॒va tena̭ karo॒tyanve॒vāsmā॒ anṷmatirmanyate rā॒te rā॒kā pra si̭nīvā॒lī ja̭nayati pra॒jāsve॒va prajā̭tāsu ku॒hvā̭ vāca̭-ndadhātye॒tā e॒va niva̭rpe-tpa॒śukā̭ma॒śchandāgṃ̭si॒ vai devi̭kā॒śchandāgṃ̭sī- [devi̭kā॒śchandāgṃ̭si, i॒va॒ khalu॒ vai] 29
-va॒ khalu॒ vai pa॒śava॒śchando̭bhire॒vāsmai̭ pa॒śū-npraja̭nayati pratha॒ma-ndhā॒tāra̭-ṅkaroti॒ praiva tena̭ vāpaya॒tyanve॒vāsmā॒ anṷmatirmanyate rā॒te rā॒kā pra si̭nīvā॒lī ja̭nayati pa॒śūne॒va prajā̭tān ku॒hvā᳚ prati̭ṣṭhāpayatye॒tā e॒va nirva̭pe॒-dgrāma̭kāma॒śchandāgṃ̭si॒ vai devi̭kā॒śchandāgṃ̭sī va॒ khalu॒ vai grāma॒śchando̭bhire॒vāsmai॒ grāma॒- [grāma᳚m, ava̭ rundhe] 30
-mava̭ rundhe maddhya॒to dhā॒tāra̭-ṅkaroti maddhya॒ta e॒vaina॒-ṅgrāma̭sya dadhātye॒tā e॒va nirva̭pe॒jjyogā̭mayāvī॒ chandāgṃ̭si॒ vai devi̭kā॒śchandāgṃ̭si॒ khalu॒ vā e॒tama॒bhi ma̭nyante॒ yasya॒ jyogā॒maya̭ti॒ chando̭bhire॒vaina̭-maga॒da-ṅka̭roti maddhya॒to dhā॒tāra̭-ṅkaroti maddhya॒to vā e॒tasyākḷ̭ptaṃ॒-ya~sya॒ jyogā॒maya̭ti maddhya॒ta e॒vāsya॒ tena̭ kalpayatye॒tā e॒va ni- [ e॒va niḥ, va॒pe॒dyaṃ-ya~॒jño] 31
-rva̭pe॒dyaṃ-ya~॒jño nopa॒name॒cchandāgṃ̭si॒ vai devi̭kā॒śchandāgṃ̭si॒ khalu॒ vā e॒ta-nnopa̭ namanti॒ yaṃ-ya~॒jño nopa॒nama̭ti pratha॒ma-ndhā॒tāra̭-ṅkaroti mukha॒ta e॒vāsmai॒ chandāgṃ̭si dadhā॒tyupai̭naṃ-ya~॒jño na̭matye॒tā e॒va niva̭rpedījā॒naśchandāgṃ̭si॒ vai devi̭kā yā॒tayā̭mānīva॒ khalu॒ vā e॒tasya॒ chandāgṃ̭si॒ ya ī̭jā॒na ṷtta॒ma-ndhā॒tāra̭-ṅkaro- [ṷtta॒ma-ndhā॒tāra̭-ṅkaroti, u॒pari̭ṣṭāde॒vāsmai॒] 32
-tyu॒pari̭ṣṭāde॒vāsmai॒ chandā॒g॒syayā̭tayāmā॒nyava̭ rundha॒ upai̭na॒mutta̭ro ya॒jño na̭matye॒tā e॒va niva̭rpe॒dya-mme॒dhā nopa॒name॒cchandāgṃ̭si॒ vai devi̭kā॒śchandāgṃ̭si॒ khalu॒ vā e॒ta-nnopa̭ namanti॒ ya-mme॒dhā nopa॒nama̭ti pratha॒ma-ndhā॒tāra̭-ṅkaroti mukha॒ta e॒vāsmai॒ chandāgṃ̭si dadhā॒tyupai̭na-mme॒dhā na̭matye॒tā e॒va niva̭rpe॒- [niva̭rpet, rukkā̭ma॒śchandāgṃ̭si॒ vai] 33
-drukkā̭ma॒śchandāgṃ̭si॒ vai devi̭kā॒śchandāgṃ̭sīva॒ khalu॒ vai ruk chando̭bhire॒vāsmi॒-nruca̭-ndadhātikṣī॒re bha̭vanti॒ ruca̭me॒vāsmi̭-ndadhati maddhya॒to dhā॒tāra̭-ṅkaroti maddhya॒ta e॒vainagṃ̭ ru॒co da̭dhātigāya॒trī vā anṷmatistri॒ṣṭugrā॒kā jaga̭tī sinīvā॒lya̭nu॒ṣṭup ku॒hūrdhā॒tā va̭ṣaṭkā॒raḥ pū᳚rvapa॒kṣo rā॒kā-'pa̭rapa॒kṣaḥ ku॒hūra̭māvā॒syā̭ sinīvā॒lī pau᳚rṇamā॒syanṷmatiśca॒ndramā̭ dhā॒tā-'ṣṭau [ ] 34
vasa̭vo॒-'ṣṭākṣa̭rā gāya॒tryekā̭daśa ru॒drā ekā̭daśākṣarā tri॒ṣṭub dvāda̭śā-''di॒tyā dvāda̭śākṣarā॒ jaga̭tī pra॒jāpa̭tiranu॒ṣṭub dhā॒tā va̭ṣaṭkā॒ra e॒tadvai devi̭kā॒-ssarvā̭ṇi ca॒ chandāgṃ̭si॒ sarvā᳚śca de॒vatā̭ vaṣaṭkā॒rastā ya-thsa॒ha sarvā̭ ni॒rvapḙdīśva॒rā ḙna-mpra॒daho॒ dve pra̭tha॒me ni॒rupya̭ dhā॒tustṛ॒tīya॒-nniva̭rpe॒-ttatho̭ e॒votta̭re॒ niva̭rpe॒-ttathai̭na॒-nna prada̭ha॒ntya tho॒ yasmai॒ kāmā̭ya niru॒pyante॒ tame॒vā-''bhi॒rupā᳚-''pnoti || 35 ||
(pa॒śukā̭ma॒śchandāgṃ̭si॒ vai devi̭kā॒śchandāgṃ̭si॒-grāmaṃ̭-kalpayatye॒tā e॒va ni-rṷtta॒mandhā॒tāra̭-ṅkaroti - me॒dhā na̭matye॒tā e॒va nirva̭pe - da॒ṣṭau - da̭hanti॒ - nava̭ ca) (a. 9)
(devi̭kāḥ pra॒jākā̭mo mithu॒nī pa॒śukā̭maḥ॒ praiva grāma̭kāmo॒ jyogā̭mayāvī॒ yaṃ-ya~॒jño ya ī̭jā॒no ya-mme॒dhā rukkā̭mo॒-'ṣṭau | devi̭kā bhavanti dadhati rā॒ṣṭrakā̭māya bhavati dadhāti |)
vāsto᳚ṣpate॒ prati̭ jānī hya॒smān-thsvā̭ve॒śo a̭namī॒vo bha̭vānaḥ | ya-ttvema̭he॒ prati॒tanno̭ juṣasva॒ śanna̭ edhi dvi॒pade॒ śañcatṷṣpade || vāsto᳚ṣpate śa॒gmayā̭ sa॒gṃ॒ sadā̭te sakṣī॒mahi̭ ra॒ṇvayā̭ gātu॒matyā᳚ | āvaḥ॒, kṣema̭ u॒ta yoge॒ vara̭nno yū॒ya-mpā̭ta sva॒stibhi॒-ssadā̭naḥ || ya-thsā॒ya-mprā̭taragniho॒tra-ñju॒hotyā̭hutīṣṭa॒kā e॒va tā upa̭ dhatte॒ [tā upa̭ dhatte, yaja̭māno-'horā॒trāṇi॒] 36
yaja̭māno-'horā॒trāṇi॒ vā e॒tasyeṣṭa̭kā॒ ya āhi̭tāgni॒rya-thsā॒ya-mprā̭tarju॒hotya̭horā॒trāṇye॒vā ''ptveṣṭa̭kāḥ kṛ॒tvopa̭ dhatte॒ daśa̭ samā॒natra̭ juhoti॒ daśā᳚kṣarā vi॒rā-ḍvi॒rāja̭me॒vā-''ptveṣṭa̭kā-ṅkṛ॒tvopa̭ dha॒tte-'tho̭ vi॒rājye॒va ya॒jñamā᳚pnoti॒ citya̭ścityo-'sya bhavati॒ tasmā॒dyatra॒ daśo̭ṣi॒tvā pra॒yāti॒ ta-dya̭jñavā॒stvavā᳚stve॒va tadya-ttato᳚-'rvā॒cīnagṃ̭ [tadya-ttato᳚-'rvā॒cīna᳚m, ru॒draḥ khalu॒ vai] 37
ru॒draḥ khalu॒ vai vā᳚stoṣpa॒tiryadahṷtvā vāstoṣpa॒tīya̭-mprayā॒yā-dru॒dra ḙna-mbhū॒tvā-'gnira̭nū॒tthāya̭ hanyādvāstoṣpa॒tīya̭-ñjuhoti bhāga॒dheyḙnai॒vainagṃ̭ śamayati॒ nā-''rti॒mārccha̭ti॒ yaja̭māno॒ yadyu॒kte jṷhu॒yādyathā॒ prayā̭te॒ vāstā॒vāhṷti-ñju॒hoti̭ tā॒dṛge॒va tadyadayṷkte juhu॒yādyathā॒ kṣema॒ āhṷti-ñju॒hoti̭ tā॒dṛge॒va tadahṷtamasya vāstoṣpa॒tīyagg̭ syā॒- [syāt, dakṣi̭ṇo] 38
-ddakṣi̭ṇo yu॒kto bhava̭ti sa॒vyo-'yu॒kto-'tha̭ vāstoṣpa॒tīya̭-ñjuhotyu॒bhaya̭me॒vā-' ka॒rapa̭rivargame॒vainagṃ̭ śamayati॒ yadeka̭yā juhu॒yādda̭rviho॒ma-ṅkṷryā-tpuro-'nuvā॒kyā̭ ma॒nūcya̭ yā॒jya̭yā juhoti sadeva॒tvāya॒ yaddhu॒ta ā̭da॒ddhyā-dru॒dra-ṅgṛ॒hāna॒nvāro̭haye॒-dyada̭va॒kṣāṇā॒nyasa̭-mprakṣāpya prayā॒yādyathā̭ yajñaveśa॒saṃ-vā~॒-''daha̭naṃ-vā~ tā॒dṛge॒va tada॒yante॒ yoni̭r-ṛ॒tviya॒ itya॒raṇyo᳚-ssa॒māro̭haya- [itya॒raṇyo᳚-ssa॒māro̭hayati, e॒ṣa vā] 39
-tye॒ṣa vā a॒gneryoni॒-ssva e॒vainaṃ॒-yo~naṷ sa॒māro̭haya॒tyatho॒ khalvā̭hu॒ryada॒raṇyo᳚-ssa॒mārṷ̄ḍho॒ naśye॒duda̭syā॒gni-ssī̭de-tpunarā॒dheyaḥ̭ syā॒diti॒ yā tḙ agne ya॒jñiyā̭ ta॒nūstayehyā ro॒hetyā॒tman-thsa॒māro̭hayate॒ yaja̭māno॒ vā a॒gneryoni॒-ssvāyā̭me॒vainaṃ॒-yo~nyāgṃ̭ sa॒māro̭hayate || 40 ||
(dha॒tte॒-'rvā॒cīnagg̭ -syā-thsa॒māro̭hayati॒ -pañca̭catvārigṃśacca) (a. 10)
tvama̭gne bṛ॒hadvayo॒ dadhā̭si deva dā॒śuṣe᳚ | ka॒virgṛ॒hapa̭ti॒ryuvā᳚ || ha॒vya॒vāḍa॒gnira॒jaraḥ̭ pi॒tā no̭ vi॒bhurvi॒bhāvā̭ su॒dṛśī̭ko a॒sme | su॒gā॒r॒ha॒pa॒tyā-ssamiṣo̭ didīhyasma॒driya॒khsa-mmi̭mīhi॒ śravāgṃ̭si || tva-ñca̭ soma no॒ vaśo̭ jī॒vātu॒-nna ma̭rāmahe | pri॒yasto᳚tro॒ vana॒spatiḥ̭ || bra॒hmā de॒vānā᳚-mpada॒vīḥ ka̭vī॒nāmṛṣi॒rviprā̭ṇā-mmahi॒ṣo mṛ॒gāṇā᳚m | śye॒no gṛddhrā̭ṇā॒g॒ svadhi̭ti॒ rvanā̭nā॒gṃ॒ somaḥ̭ [somaḥ̭, pa॒vitra॒matyḙti॒] 41
pa॒vitra॒matyḙti॒ rebhanṋ || ā vi॒śvadḙva॒gṃ॒ satpa̭tigṃ sū॒ktaira॒dyā vṛ̭ṇīmahe | sa॒tyasa̭vagṃ savi॒tāra᳚m || āsa॒tyena॒ raja̭sā॒ varta̭māno nive॒śaya̭nna॒mṛta॒-mmartya̭ñca | hi॒ra॒ṇyayḙna savi॒tā rathe॒nā-'' de॒voyā̭ti॒ bhuva̭nā vi॒paśyanṋ || yathā̭ no॒ adi̭tiḥ॒ kara॒-tpaśve॒ nṛbhyo॒ yathā॒ gave᳚ | yathā̭ to॒kāya̭ ru॒driya᳚m || mā na̭sto॒ke tana̭ye॒ mā na॒ āyṷṣi॒ mā no॒ goṣu॒ mā [ ] 42
no॒ aśvḙṣu rīriṣaḥ | vī॒rā-nmāno̭ rudra bhāmi॒to va̭dhīrha॒viṣma̭nto॒ nama̭sā vidhema te || u॒da॒pruto॒ na vayo॒ rakṣa̭māṇā॒ vāva̭dato a॒bhriya̭syeva॒ ghoṣāḥ᳚ | gi॒ri॒bhrajo॒ normayo॒ mada̭nto॒ bṛha॒spati̭ma॒bhya̭rkā a̭nāvann || ha॒gṃ॒sairi̭va॒ sakhi̭bhi॒rvāva̭dadbhiraśma॒n- mayā̭ni॒ naha̭nā॒ vyasyanṋ | bṛha॒spati̭rabhi॒kani̭krada॒dgā u॒ta prāstau॒ducca̭ vi॒dvāgṃ a̭gāyat || endra̭ sāna॒sigṃ ra॒yigṃ [ra॒yim, sa॒jitvā̭nagṃ sadā॒saha᳚m |] 43
sa॒jitvā̭nagṃ sadā॒saha᳚m | varṣi̭ṣṭhamū॒tayḙ bhara || pra sa̭sāhiṣe puruhūta॒ śatrū॒n jyeṣṭha̭ste॒ śuṣma̭ i॒ha rā॒tira̭stu | indrā-'' bha̭ra॒ dakṣi̭ṇenā॒ vasṷ̄ni॒ pati॒-ssindhṷ̄nāmasi re॒vatī̭nām || tvagṃ su॒tasya̭ pī॒tayḙ sa॒dyo vṛ॒ddho a̭jāyathāḥ | indra॒ jyaiṣṭhyā̭ya sukrato || bhuva॒stvami̭ndra॒ brahma̭ṇā ma॒hā-nbhuvo॒ viśvḙṣu॒ sava̭neṣu ya॒jñiyaḥ̭ | bhuvo॒ nṝgścyau॒tno viśva̭smi॒-nbhare॒ jyeṣṭha̭śca॒ mantro̭ [mantraḥ̭, vi॒śva॒ca॒rṣa॒ṇe॒ |] 44
viśvacarṣaṇe || mi॒trasya̭ carṣaṇī॒dhṛta॒-śśravo̭ de॒vasya̭ sāna॒sim |
sa॒tya-ñci॒tra śra̭vastamam || mi॒tro janāṋ yātayati prajā॒na-nmi॒tro dā̭dhāra pṛthi॒vīmu॒ta dyām | mi॒traḥ kṛ॒ṣṭīrani̭miṣā॒-'bhi ca̭ṣṭe sa॒tyāya̭ ha॒vya-ṅghṛ॒tava̭-dvidhema || prasami̭tra॒ marto̭ astu॒ praya̭svā॒n॒. yasta̭ āditya॒ śikṣa̭ti vra॒tena̭ | na ha̭nyate॒ na jī̭yate॒ tvoto॒ naina॒magṃho̭ aśño॒tyanti̭to॒ na dū॒rāt || ya- [yat, ci॒ddhi te॒ viśo̭] 45
-cci॒ddhi te॒ viśo̭ yathā॒ pradḙva varuṇa vra॒tam | mi॒nī॒masi॒ dyavi̭dyavi || ya-tkiñce॒daṃ-va~̭ruṇa॒ daivye॒ janḙ-'bhidro॒ha-mma̭nu॒ṣyā᳚ścarā̭masi | aci̭ttī॒ya-ttava॒ dharmā̭ yuyopi॒mamā na॒stasmā॒ dena̭so deva rīriṣaḥ || ki॒ta॒vāso॒ yadri̭ ri॒purna dī॒vi yadvā̭ ghā sa॒tya mu॒tayanna vi॒dma | sarvā॒ tā viṣya̭ śithi॒re va̭ de॒vāthā̭ te syāma varuṇa pri॒yāsaḥ̭ || 46 ||
(somo॒-goṣu॒ mā- ra॒yiṃ - mantro॒ -ya-cchi̭thi॒rā-sa॒pta ca̭ ) (a. 11)
(vi vā e॒tasyā - ''vā̭yo - i॒me vai - ci॒ttañcā॒ - 'gnirbhū॒tānāṃ᳚ - de॒vā vā a̭bhyātā॒nā - nṛ̭tā॒ṣāḍ - rā॒ṣṭrakā̭māya॒ - devi̭kā॒ - vāsto᳚ṣpate॒ - tvama̭gne bṛ॒ha - dekā̭daśa )
(vi vā e॒tasye - tyā̭ha - mṛ॒tyurga̭ndha॒rvo - 'va̭ rundhe maddhya॒ta - stvama̭gne bṛ॒hath - ṣaṭca̭tvārigṃśat)
(vi vā e॒tasya̭, pri॒yāsaḥ̭ )
|| hariḥ̭ om ||
|| kṛṣṇa yajurvedīya taittirīya saṃhitāyā-ntṛtīyakāṇḍe caturthaḥ praśna-ssamāptaḥ ||
Sanskrit — Devanagari (original)
कृष्ण यजुर्वेदीय तैत्तिरीय संहिताया-न्तृतीयकाण्डे चतुर्थः प्रश्नः - इष्टिहोमाभिधानं
ओ-न्नमः परमात्मने, श्री महागणपतये नमः,
श्री गुरुभ्यो नमः । ह॒रिः॒ ओम् ॥
वि वा ए॒तस्य॑ य॒ज्ञ ऋ॑द्ध्यते॒ यस्य॑ ह॒विर॑ति॒रिच्य॑ते॒ सूर्यो॑ दे॒वो दि॑वि॒षद्भ्य॒ इत्या॑ह॒ बृह॒स्पति॑ना चै॒वास्य॑ प्र॒जाप॑तिना च य॒ज्ञस्य॒ व्यृ॑द्ध॒मपि॑ वपति॒ रक्षाग्ं॑सि॒ वा ए॒त-त्प॒शुग्ं स॑चन्ते॒ यदे॑कदेव॒त्य॑ आल॑ब्धो॒ भूया॒-न्भव॑ति॒ यस्या᳚स्ते॒ हरि॑तो॒ गर्भ॒ इत्या॑ह देव॒त्रैवैना᳚-ङ्गमयति॒ रक्ष॑सा॒मप॑हत्या॒ आ व॑र्तन वर्त॒येत्या॑ह॒ [वर्त॒येत्या॑ह, ब्रह्म॑णै॒वैन॒-मा] 1
ब्रह्म॑णै॒वैन॒-मा व॑र्तयति॒ वि ते॑ भिनद्मि तक॒रीमित्या॑ह यथाय॒जुरे॒वैतदु॑- रुद्र॒फ्सो वि॒श्वरू॑प॒ इन्दु॒रित्या॑ह प्र॒जा वै प॒शव॒ इन्दुः॑ प्र॒जयै॒वैन॑-म्प॒शुभि॒-स्सम॑र्धयति॒ दिवं॒-वैँ य॒ज्ञस्य॒ व्यृ॑द्ध-ङ्गच्छति पृथि॒वीमति॑रिक्त॒-न्तद्यन्न श॒मये॒दार्ति॒मार्च्छे॒-द्यज॑मानो म॒ही द्यौः पृ॑थि॒वीच॑ न॒ इ॑- [न॒ इति॑, आ॒ह॒ द्यावा॑पृथि॒वीभ्या॑मे॒व] 2
-त्याह॒ द्यावा॑पृथि॒वीभ्या॑मे॒व य॒ज्ञस्य॒ व्यृ॑द्ध॒-ञ्चाति॑रिक्त-ञ्च शमयति॒ ना-ऽऽर्ति॒मार्च्छ॑ति॒ यज॑मानो॒ भस्म॑ना॒-ऽभि समू॑हति स्व॒गाकृ॑त्या॒ अथो॑ अ॒नयो॒र्वा ए॒ष गर्भो॒-ऽनयो॑रे॒वैन॑-न्दधाति॒ यद॑व॒द्येदति॒ तद्रे॑चये॒द्यन्नाव॒द्ये-त्प॒शोराल॑ब्धस्य॒ नाव॑ द्ये-त्पु॒रस्ता॒न्नाभ्या॑ अ॒न्यद॑व॒द्ये-दु॒परि॑ष्टाद॒न्य-त्पु॒रस्ता॒द्वै नाभ्यै᳚ [ ] 3
प्रा॒ण उ॒परि॑ष्टादपा॒नो यावा॑ने॒व प॒शुस्तस्याव॑ द्यति॒ विष्ण॑वे शिपिवि॒ष्टाय॑ जुहोति॒ यद्वै य॒ज्ञस्या॑ति॒रिच्य॑ते॒ यः प॒शोर्भू॒मा या पुष्टि॒स्त-द्विष्णुः॑ शिपिवि॒ष्टो ऽति॑रिक्त ए॒वाति॑रिक्त-न्दधा॒त्यति॑रिक्तस्य॒ शान्त्या॑ अ॒ष्टाप्रू॒ड्ढिर॑ण्य॒-न्दक्षि॑णा॒-ऽष्टाप॑दी॒ ह्ये॑षा ऽऽत्मा न॑व॒मः प॒शोराप्त्या॑ अन्तरको॒श उ॒ष्णीषे॒णा-ऽऽवि॑ष्टित-म्भवत्ये॒वमि॑व॒ हि प॒शुरुल्ब॑मिव॒ चर्मे॑व मा॒ग्ं॒समि॒वास्थी॑व॒ यावा॑ने॒व प॒शुस्तमा॒प्त्वा-ऽव॑ रुन्धे॒यस्यै॒षा य॒ज्ञे प्राय॑श्चित्तिः क्रि॒यत॑ इ॒ष्ट्वा वसी॑या-न्भवति ॥ 4 ॥
(व॒र्त॒यत्या॑ह-न॒ इति॒-वै नाभ्या॒-उल्ब॑मि॒वै-क॑विग्ंशतिश्च) (अ. 1)
आ वा॑यो भूष शुचिपा॒ उप॑ न-स्स॒हस्र॑-न्ते नि॒युतो॑ विश्ववार । उपो॑ ते॒ अन्धो॒ मद्य॑मयामि॒ यस्य॑ देव दधि॒षे पू᳚र्व॒पेय᳚म् ॥ आकू᳚त्यै त्वा॒ कामा॑य त्वा स॒मृधे᳚ त्वा किक्कि॒टा ते॒ मनः॑ प्र॒जाप॑तये॒ स्वाहा॑ किक्कि॒टा ते᳚ प्रा॒णं-वाँ॒यवे॒ स्वाहा॑ किक्कि॒टा ते॒ चक्षु॒-स्सूर्या॑य॒ स्वाहा॑ किक्कि॒टा ते॒ श्रोत्र॒-न्द्यावा॑पृथि॒वीभ्या॒ग्॒ स्वाहा॑ किक्कि॒टा ते॒ वाच॒ग्ं॒ सर॑स्वत्यै॒ स्वाहा॒ [सर॑स्वत्यै॒ स्वाहा᳚, त्व-न्तु॒रीया॑] 5
त्व-न्तु॒रीया॑ व॒शिनी॑ व॒शा-ऽसि॑ स॒कृद्य-त्त्वा॒ मन॑सा॒ गर्भ॒ आ-ऽश॑यत् । व॒शा त्वं-वँ॒शिनी॑ गच्छ दे॒वान्-थ्स॒त्या-स्स॑न्तु॒ यज॑मानस्य॒ कामाः᳚ ॥ अ॒जा-ऽसि॑ रयि॒ष्ठा पृ॑थि॒व्याग्ं सी॑दो॒र्ध्वा-ऽन्तरि॑क्ष॒मुप॑ तिष्ठस्व दि॒वि ते॑ बृ॒हद्भाः ॥ तन्तु॑-न्त॒न्व-न्रज॑सो भा॒नुमन्वि॑हि॒ ज्योति॑ष्मतः प॒थो र॑क्ष धि॒या कृ॒तान् ॥ अ॒नु॒ल्ब॒णं-वँ॑यत॒ जोगु॑वा॒मपो॒ मनु॑ र्भव ज॒नया॒ दैव्य॒-ञ्जन᳚म् ॥ मन॑सो ह॒विर॑सि प्र॒जाप॑ते॒र्वर्णो॒ गात्रा॑णा-न्ते गात्र॒भाजो॑ भूयास्म ॥ 6 ॥
(सर॑स्वत्यै॒ स्वाहा॒ - मनु॒ - स्त्रयो॑दश च) (अ. 2)
इ॒मे वै स॒हा-ऽऽस्ता॒-न्ते वा॒युर्व्य॑वा॒-त्ते गर्भ॑मदधाता॒-न्तग्ं सोमः॒ प्राज॑नय-द॒ग्निर॑ग्रसत॒ स ए॒त-म्प्र॒जाप॑तिराग्ने॒य-म॒ष्टाक॑पालमपश्य॒-त्त-न्निर॑वप॒-त्तेनै॒वैना॑म॒ग्नेरधि॒ निर॑क्रीणा॒-त्तस्मा॒दप्य॑न्यदेव॒त्या॑मा॒लभ॑मान आग्ने॒यम॒ष्टाक॑पाल-म्पु॒रस्ता॒न्निर्व॑पेद॒ग्नेरे॒वैना॒मधि॑ नि॒ष्क्रीया-ऽऽल॑भते॒ य- [यत्, वा॒युर्व्यवा॒-] 7
-द्वा॒युर्व्यवा॒-त्तस्मा᳚-द्वाय॒व्या॑ यदि॒मे गर्भ॒मद॑धाता॒-न्तस्मा᳚-द्द्यावापृथि॒व्या॑ य-थ्सोमः॒ प्राज॑नयद॒ग्निरग्र॑सत॒ तस्मा॑दग्नीषो॒मीया॒ यद॒नयो᳚र्विय॒त्यो-र्वागव॑द॒-त्तस्मा᳚-थ्सारस्व॒ती य-त्प्र॒जाप॑तिर॒ग्नेरधि॑ नि॒रक्री॑णा॒-त्तस्मा᳚-त्प्राजाप॒त्या सा वा ए॒षा स॑र्वदेव॒त्या॑ यद॒जा व॒शा वा॑य॒व्या॑मा ल॑भेत॒ भूति॑कामो वा॒युर्वै क्षेपि॑ष्ठा दे॒वता॑ वा॒युमे॒व स्वेन॑ [स्वेन॑, भा॒ग॒धेये॒नोप॑ धावति॒] 8
भाग॒धेये॒नोप॑ धावति॒ स ए॒वैन॒-म्भूति॑-ङ्गमयति द्यावापृथि॒व्या॑मा ल॑भेत कृ॒षमा॑णः प्रति॒ष्ठाका॑मो दि॒व ए॒वास्मै॑ प॒र्जन्यो॑ वर्षति॒ व्य॑स्यामोष॑धयो रोहन्ति स॒मर्धु॑कमस्य स॒स्य-म्भ॑वत्यग्नीषो॒मीया॒मा ल॑भेत॒ यः का॒मये॒तान्न॑वानन्ना॒द-स्स्या॒मित्य॒ग्निनै॒वान्न॒मव॑ रुन्धे॒ सोमे॑ना॒न्नाद्य॒-मन्न॑वाने॒वान्ना॒दो भ॑वति सारस्व॒तीमा ल॑भेत॒ य [यः, ई॒श्व॒रो वा॒चो] 9
ई᳚श्व॒रो वा॒चो वदि॑तो॒-स्सन्. वाच॒-न्नवदे॒-द्वाग्वै सर॑स्वती॒ सर॑स्वतीमे॒व स्वेन॑ भाग॒धेये॒नोप॑ धावति॒ सैवास्मि॒न्. वाच॑-न्दधाति प्राजाप॒त्यामा ल॑भेत॒ यः का॒मये॒तान॑भिजितम॒भि ज॑येय॒मिति॑ प्र॒जाप॑ति॒-स्सर्वा॑ दे॒वता॑ दे॒वता॑भिरे॒वा-न॑भिजितम॒भि ज॑यति वाय॒व्य॑यो॒पाक॑रोति वा॒योरे॒वैना॑मव॒रुद्ध्या-ऽऽल॑भत॒ आकू᳚त्यै त्वा॒ कामा॑य॒ त्वे- [कामा॑य त्वा, इत्या॑ह यथाय॒जु-] 10
-त्या॑ह यथाय॒जु-रे॒वैत-त्कि॑क्किटा॒कार॑-ञ्जुहोति किक्किटाका॒रेण॒ वै ग्रा॒म्याः प॒शवो॑ रमन्ते॒ प्रा-ऽऽर॒ण्याः प॑तन्ति॒ य-त्कि॑क्किटा॒कार॑-ञ्जु॒होति॑ ग्रा॒म्याणा᳚-म्पशू॒ना-न्धृत्यै॒ पर्य॑ग्नौ क्रि॒यमा॑णे जुहोति॒ जीव॑न्तीमे॒वैनाग्ं॑ सुव॒र्गं-लोँ॒क-ङ्ग॑मयति॒ त्व-न्तु॒रीया॑ व॒शिनी॑ व॒शा-ऽसीत्या॑ह देव॒त्रैवैना᳚-ङ्गमयति स॒त्या-स्स॑न्तु॒ यज॑मानस्य॒ कामा॒ इत्या॑है॒ष वै कामो॒ [वै कामः॑, यज॑मानस्य॒] 11
यज॑मानस्य॒ यदना᳚र्त उ॒दृच॒-ङ्गच्छ॑ति॒ तस्मा॑दे॒वमा॑हा॒-ऽजा-ऽसि॑ रयि॒ष्ठेत्या॑है॒ ष्वे॑वैनां᳚-लोँ॒केषु॒ प्रति॑ष्ठापयति दि॒वि ते॑ बृ॒हद्भा इत्या॑ह सुव॒र्ग ए॒वास्मै॑ लो॒के ज्योति॑-र्दधाति॒ तन्तु॑-न्त॒न्व-न्रज॑सो भा॒नुमन्वि॒हीत्या॑हे॒माने॒वास्मै॑ लो॒कान् ज्योति॑ष्मतः करोत्यनुल्ब॒णं-वँ॑यत॒ जोगु॑वा॒मप॒ इ- [जोगु॑वा॒मप॒ इति॑, आ॒ह॒ यदे॒व] 12
-त्या॑ह॒ यदे॒व य॒ज्ञ उ॒ल्बण॑-ङ्क्रि॒यते॒ तस्यै॒वैषा शान्ति॒र्मनु॑र्भव ज॒नया॒ दैव्य॒-ञ्जन॒मित्या॑ह मान॒व्यो॑ वै प्र॒जास्ता ए॒वा-ऽऽद्याः᳚ कुरुते॒ मन॑सो ह॒विर॒सीत्या॑ह स्व॒गाकृ॑त्यै॒ गात्रा॑णा-न्ते गात्र॒भाजो॑ भूया॒स्मेत्या॑हा॒ ऽऽशिष॑मे॒वैतामा शा᳚स्ते॒ तस्यै॒ वा ए॒तस्या॒ एक॑मे॒वा-दे॑वयजनं॒ ँयदाल॑ब्धाया-म॒भ्रो [-म॒भ्रः, भव॑ति॒] 13
भव॑ति॒ यदाल॑ब्धायाम॒भ्र-स्स्याद॒फ्सु वा᳚प्रवे॒शये॒-थ्सर्वां᳚-वाँ॒ प्राश्ञी॑या॒द्यद॒फ्सु प्र॑वे॒शये᳚द्यज्ञवेश॒स-ङ्कु॑र्या॒-थ्सर्वा॑मे॒व प्राश्ञी॑यादिन्द्रि॒यमे॒वा-ऽऽत्म-न्ध॑-त्ते॒ सा वा ए॒षा त्र॑या॒णामे॒वाव॑ रुद्धा संवँथ्सर॒सदः॑ सहस्रया॒जिनो॑ गृहमे॒धिन॒स्त ए॒वैतया॑ यजेर॒-न्तेषा॑मे॒वैषा-ऽऽप्ता ॥ 14 ॥
(यथ् - स्वेन॑ - सारस्व॒तीमा ल॑भेत॒ यः - कामा॑य त्वा॒ - कामो - ऽप॒ इत्य॒ - भ्रो - द्विच॑त्वारिग्ंशच्च) (अ. 3)
चि॒त्त-ञ्च॒ चित्ति॒श्चा ऽऽकू॑त॒-ञ्चा-ऽऽकू॑तिश्च॒ विज्ञा॑त-ञ्च वि॒ज्ञान॑-ञ्च॒ मन॑श्च॒ शक्व॑रीश्च॒ दर्श॑श्च पू॒र्णमा॑सश्च बृ॒हच्च॑ रथन्त॒र-ञ्च॑ प्र॒जाप॑ति॒र्जया॒निन्द्रा॑य॒ वृष्णे॒ प्राय॑च्छदु॒ग्रः पृ॑त॒नाज्ये॑षु॒ तस्मै॒ विश॒-स्सम॑नमन्त॒ सर्वा॒-स्स उ॒ग्र-स्सहि हव्यो॑ ब॒भूव॑देवासु॒रा-स्संयँ॑त्ता आस॒न्थ्स इन्द्रः॑ प्र॒जाप॑ति॒मुपा॑ धाव॒-त्तस्मा॑ ए॒ताञ्जया॒-न्प्राय॑च्छ॒-त्तान॑जुहो॒-त्ततो॒ वै दे॒वा असु॑रानजय॒न्॒. यदज॑य॒-न्तज्जया॑ना-ञ्जय॒त्वग्ग् स्पर्ध॑मानेनै॒ते हो॑त॒व्या॑ जय॑त्ये॒व ता-म्पृत॑नाम् ॥ 15 ॥
(उप॒ - पञ्च॑विग्ंशतिश्च) (अ. 4)
अ॒ग्निर्भू॒ताना॒मधि॑पति॒-स्समा॑-ऽव॒त्विन्द्रो᳚ ज्ये॒ष्ठानां᳚-यँ॒मः पृ॑थि॒व्या वा॒युर॒न्तरि॑क्षस्य॒ सूर्यो॑दि॒वश्च॒न्द्रमा॒ नक्ष॑त्राणा॒-म्बृह॒स्पति॒र्ब्रह्म॑णो मि॒त्र-स्स॒त्यानां॒-वँरु॑णो॒-ऽपाग्ं स॑मु॒द्र-स्स्रो॒त्याना॒मन्न॒ग्ं॒ साम्रा᳚ज्याना॒मधि॑पति॒ तन्मा॑-ऽवतु॒ सोम॒ ओष॑धीनाग्ं सवि॒ता प्र॑स॒वानाग्ं॑ रु॒द्रः प॑शू॒ना-न्त्वष्टा॑ रू॒पाणां॒-विँष्णुः॒ पर्व॑ताना-म्म॒रुतो॑ ग॒णाना॒मधि॑पतय॒स्ते मा॑वन्तु॒ पित॑रः पितामहाः परे-ऽवरे॒ तता᳚स्ततामहा इ॒ह मा॑-ऽवत । अ॒स्मि-न्ब्रह्म॑न्न॒स्मिन् क्ष॒त्रे᳚-ऽस्या-मा॒शिष्य॒स्या-म्पु॑रो॒धाया॑म॒स्मिन्-कर्म॑न्न॒स्या-न्दे॒वहू᳚त्याम् ॥ 16 ॥
(अ॒व॒रे॒ - स॒प्तद॑श च) (अ. 5)
दे॒वा वै यद्य॒ज्ञे-ऽकु॑र्वत॒ तदसु॑रा अकुर्वत॒ ते दे॒वा ए॒तान॑भ्याता॒नान॑पश्य॒न्- तान॒भ्यात॑न्वत॒ यद्दे॒वाना॒-ङ्कर्मा-ऽऽसी॒दार्ध्य॑त॒ तद्यदसु॑राणा॒-न्न तदा᳚र्ध्यत॒ येन॒ कर्म॒णेर्थ्से॒-त्तत्र॑ होत॒व्या॑ ऋ॒द्ध्नोत्ये॒व तेन॒ कर्म॑णा॒ यद्विश्वे॑ दे॒वा-स्स॒मभ॑र॒-न्तस्मा॑-दभ्याता॒ना वै᳚श्वदे॒वायत्-प्र॒जाप॑ति॒र्जया॒-न्प्राय॑च्छ॒-त्तस्मा॒ज्जयाः᳚ प्राजाप॒त्या [प्राजाप॒त्याः, य-द्रा᳚ष्ट्र॒भृद्भी॑] 17
य-द्रा᳚ष्ट्र॒भृद्भी॑ रा॒ष्ट्रमा-ऽद॑दत॒ त-द्रा᳚ष्ट्र॒भृताग्ं॑ राष्ट्रभृ॒त्त्व-न्ते दे॒वा अ॑भ्याता॒नैरसु॑रान॒भ्यात॑न्वत॒ जयै॑रजयन्-राष्ट्र॒भृद्भी॑ रा॒ष्ट्रमा-ऽद॑दत॒ यद्दे॒वा अ॑भ्याता॒नैरसु॑रान॒भ्यात॑न्वत॒ तद॑भ्याता॒नाना॑मभ्यातान॒त्वं-यँज्जयै॒रज॑य॒-न्तज्जया॑ना-ञ्जय॒त्वं-यँ-द्रा᳚ष्ट्र॒भृद्भी॑ रा॒ष्ट्रमा-ऽद॑दत॒ त-द्रा᳚ष्ट्र॒भृताग्ं॑ राष्ट्रभृ॒त्त्व-न्ततो॑ दे॒वा अभ॑व॒-न्परा-ऽसु॑रा॒ यो भ्रातृ॑व्यवा॒न्-थ्स्या-थ्स ए॒तान् जु॑हुयादभ्याता॒नैरे॒व भ्रातृ॑व्यान॒भ्यात॑नुते॒ जयै᳚र्जयति राष्ट्र॒भृद्भी॑ रा॒ष्ट्रमा द॑त्ते॒ भव॑त्या॒त्मना॒ परा᳚-ऽस्य॒ भ्रातृ॑व्यो भवति ॥ 18 ॥
(प्रा॒जा॒प॒त्याः-सो᳚-ऽ-ष्टा द॑श च) (अ. 6)
ऋ॒ता॒षा-डृ॒तधा॑मा॒-ऽग्नि-र्ग॑न्ध॒र्वस्त-स्यौष॑धयो-ऽफ्स॒रस॒ ऊर्जो॒ नाम॒ स इ॒द-म्ब्रह्म॑ क्ष॒त्र-म्पा॑तु॒ ता इ॒द-म्ब्रह्म॑ क्ष॒त्र-म्पा᳚न्तु॒ तस्मै॒ स्वाहा॒ ताभ्य॒-स्स्वाहा॑ सग्ंहि॒तो वि॒श्वसा॑मा॒ सूर्यो॑ गन्ध॒र्व-स्तस्य॒ मरी॑चयो-ऽफ्स॒रस॑ आ॒युवः॑ सुषु॒म्न-स्सूर्य॑ रश्मि-श्च॒न्द्रमा॑ गन्ध॒र्व-स्तस्य॒ नक्ष॑त्राण्य-फ्स॒रसो॑ बे॒कुर॑योभु॒ज्यु-स्सु॑प॒र्णो य॒ज्ञो ग॑न्ध॒र्व-स्तस्य॒ दक्षि॑णा अप्स॒रस॑ स्त॒वाः प्र॒जाप॑ति-र्वि॒श्वक॑र्मा॒ मनो॑ [मनः॑, ग॒न्ध॒र्वस्तस्य॑-र्ख्सा॒मान्य॑-फ्स॒रसो॒] 19
गन्ध॒र्वस्तस्य॑-र्ख्सा॒मान्य॑-फ्स॒रसो॒ वह्न॑यैषि॒रो वि॒श्वव्य॑चा॒ वातो॑ गन्ध॒र्व-स्तस्या-ऽऽपो᳚ ऽफ्स॒रसो॑ मु॒दाभुव॑नस्य पते॒ यस्य॑त उ॒परि॑ गृ॒हा इ॒ह च॑ । स नो॑ रा॒स्वाज्या॑निग्ं रा॒यस्पोषग्ं॑ सु॒वीर्यग्ं॑ संवँथ्स॒रीणाग्॑ स्व॒स्तिम् ॥ प॒र॒मे॒ष्ठ्यधि॑पति-र्मृ॒त्यु-र्ग॑न्ध॒र्व-स्तस्य॒ विश्व॑मप्स॒रसो॒ भुवः॑ सुक्षि॒तिः- सुभू॑ति-र्भद्र॒कृ-थ्सुव॑र्वा-न्प॒र्जन्यो॑ गन्ध॒र्व-स्तस्य॑ वि॒द्युतो᳚ ऽफ्स॒रसो॒ रुचो॑ दू॒रे हे॑ति-रमृड॒यो [दू॒रे हे॑ति-रमृड॒यः, मृ॒त्युर्ग॑न्ध॒र्व-स्तस्य॑] 20
मृ॒त्युर्ग॑न्ध॒र्व-स्तस्य॑ प्र॒जा अ॑फ्स॒रसो॑ भी॒रुव॒श्चरुः॑ कृपण का॒शी कामो॑ गन्ध॒र्व-स्तस्या॒धयो᳚ ऽफ्स॒रसः॑ शो॒चय॑न्ती॒र्नाम॒ स इ॒द-म्ब्रह्म॑ क्ष॒त्र-म्पा॑त॒ ता इ॒द-म्ब्रह्म॑ क्ष॒त्र-म्पा᳚न्तु॒ तस्मै॒ स्वाहा॒ ताभ्य॒-स्स्वाहा॒ स नो॑ भुवनस्य पते॒ यस्य॑त उ॒परि॑ गृ॒हा इ॒ह च॑ । उ॒रु ब्र॒ह्म॑णे॒-ऽस्मै क्ष॒त्राय॒ महि॒ शर्म॑ यच्छ ॥ 21 ॥
(मनो॑ - ऽमृड॒यः - षट्च॑त्वारिग्ंशच्च) (अ. 7)
रा॒ष्ट्रका॑माय होत॒व्या॑ रा॒ष्ट्रं-वैँ रा᳚ष्ट्र॒भृतो॑ रा॒ष्ट्रेणै॒वास्मै॑ रा॒ष्ट्रमव॑ रुन्धे रा॒ष्ट्रमे॒व भ॑वत्या॒त्मने॑ होत॒व्या॑ रा॒ष्ट्रं-वैँ रा᳚ष्ट्र॒भृतो॑ रा॒ष्ट्र-म्प्र॒जा रा॒ष्ट्र-म्प॒शवो॑ रा॒ष्ट्रं-यँच्छ्रेष्ठो॒ भव॑ति रा॒ष्ट्रेणै॒व रा॒ष्ट्रमव॑ रुन्धे॒ वसि॑ष्ठ-स्समा॒नाना᳚-म्भवति॒ ग्राम॑कामाय होत॒व्या॑ रा॒ष्ट्रं-वैँ रा᳚ष्ट्र॒भृतो॑ रा॒ष्ट्रग्ं स॑जा॒ता रा॒ष्ट्रेणै॒वास्मै॑ रा॒ष्ट्रग्ं स॑जा॒तानव॑ रुन्धे ग्रा॒- [रुन्धे ग्रा॒मी, ए॒व भ॑वत्यधि॒देव॑ने] 22
-म्ये॑व भ॑वत्यधि॒देव॑ने जुहोत्यधि॒देव॑न ए॒वास्मै॑ सजा॒तानव॑ रुन्धे॒ त ए॑न॒मव॑रुद्धा॒ उप॑ तिष्ठन्ते रथमु॒ख ओज॑स्कामस्य होत॒व्या॑ ओजो॒ वै रा᳚ष्ट्र॒भृत॒ ओजो॒ रथ॒ ओज॑सै॒वास्मा॒ ओजो-ऽव॑ रुन्ध ओज॒स्व्ये॑व भ॑वति॒ यो रा॒ष्ट्रादप॑भूत॒-स्स्या-त्तस्मै॑ होत॒व्या॑ याव॑न्तो-ऽस्य॒ रथा॒-स्स्युस्ता-न्ब्रू॑या-द्यु॒न्ध्वमिति॑ रा॒ष्ट्रमे॒वा-ऽस्मै॑ युन॒- [रा॒ष्ट्रमे॒वा-ऽस्मै॑ युनक्ति, आहु॑तयो॒ वा] 23
-क्त्याहु॑तयो॒ वा ए॒तस्याकॢ॑प्ता॒ यस्य॑ रा॒ष्ट्र-न्न कल्प॑ते स्वर॒थस्य॒ दक्षि॑ण-ञ्च॒क्र-म्प्र॒वृह्य॑ ना॒डीम॒भि जु॑हुया॒दाहु॑तीरे॒वास्य॑ कल्पयति॒ ता अ॑स्य॒ कल्प॑माना रा॒ष्ट्रमनु॑ कल्पते सङ्ग्रा॒मे संयँ॑त्ते होत॒व्या॑ रा॒ष्ट्रं-वैँ रा᳚ष्ट्र॒भृतो॑ रा॒ष्ट्रे खलु॒ वा ए॒ते व्याय॑च्छन्ते॒ ये स॑ङ्ग्रा॒मग्ं सं॒-यँन्ति॒ यस्य॒ पूर्व॑स्य॒ जुह्व॑ति॒ स ए॒व भ॑वति॒ जय॑ति॒ तग्ं स॑ग्रा॒म्म-म्मा᳚न्धु॒क इ॒द्ध्मो [इ॒द्ध्मः, भ॒व॒त्यङ्गा॑रा] 24
भ॑व॒त्यङ्गा॑रा ए॒व प्र॑ति॒वेष्ट॑माना अ॒मित्रा॑णामस्य॒ सेना॒-म्प्रति॑वेष्टयन्ति॒ य उ॒न्माद्ये॒-त्तस्मै॑ होत॒व्या॑ गन्धर्वाफ्स॒रसो॒ वा ए॒तमुन्मा॑दयन्ति॒ य उ॒न्माद्य॑त्ये॒ते खलु॒ वै ग॑न्धर्वाफ्स॒रसो॒ यद्रा᳚ष्ट्र॒भृत॒स्तस्मै॒ स्वाहा॒ ताभ्य॒-स्स्वाहेति॑ जुहोति॒ तेनै॒वैना᳚ञ्छमयति॒ नैय॑ग्रोध॒ औदु॑म्बर॒ आश्व॑त्थः॒ प्लाक्ष॒ इती॒द्ध्मो भ॑वत्ये॒ते वै ग॑न्धर्वाफ्स॒रसा᳚-ङ्गृ॒हा-स्स्व ए॒वैना॑- [ए॒वैनान्॑, आ॒यत॑ने] 25
-ना॒यत॑ने शमयत्यभि॒चर॑ता प्रतिलो॒मग्ं हो॑त॒व्याः᳚ प्रा॒णाने॒वास्य॑ प्र॒तीचः॒ प्रति॑ यौति॒ त-न्ततो॒ येन॒ केन॑ च स्तृणुते॒ स्वकृ॑त॒ इरि॑णे जुहोति प्रद॒रे वै॒तद्वा अ॒स्यै निर्-ऋ॑तिगृहीत॒-न्निर्-ऋ॑तिगृहीत ए॒वैन॒-न्निर्-ऋ॑त्या ग्राहयति॒ यद्वा॒चः क्रू॒र-न्तेन॒ वष॑-ट्करोति वा॒च ए॒वैन॑-ङ्क्रू॒रेण॒ प्रवृ॑श्चति ता॒जगार्ति॒मार्च्छ॑ति॒ यस्य॑ का॒मये॑ता॒न्नाद्य॒- [का॒मये॑ता॒न्नाद्य᳚म्, आ द॑दी॒येति॒] 26
-मा द॑दी॒येति॒ तस्य॑ स॒भाया॑मुत्ता॒नो नि॒पद्य॒ भुव॑नस्य पत॒ इति॒ तृणा॑नि॒ स-ङ्गृ॑ह्णीया-त्प्र॒जाप॑ति॒र्वै भुव॑नस्य॒ पतिः॑ प्र॒जाप॑तिनै॒वास्या॒न्नाद्य॒मा द॑त्त इ॒दम॒हम॒मुष्या॑ ऽऽमुष्याय॒णस्या॒न्नाद्यग्ं॑ हरा॒मीत्या॑हा॒न्नाद्य॑मे॒वास्य॑ हरति ष॒ड्भिर्ह॑रति॒ षड्वा ऋ॒तवः॑ प्र॒जाप॑तिनै॒वास्या॒-न्नाद्य॑मा॒दाय॒र्तवो᳚ ऽस्मा॒ अनु॒ प्रय॑च्छन्ति॒ [प्रय॑च्छन्ति, यो ज्ये॒ष्ठब॑न्धु॒-] 27
यो ज्ये॒ष्ठब॑न्धु॒-रप॑ भूत॒-स्स्या-त्तग्ग्स्थले॑-ऽव॒साय्य॑ ब्रह्मौद॒न-ञ्चतुः॑ शराव-म्प॒क्त्वा तस्मै॑ होत॒व्या॑ वर्ष्म॒ वै रा᳚ष्ट्र॒भृतो॒ वष्म॒ स्थलं॒-वँर्ष्म॑णै॒वैनं॒-वँष्म॑ समा॒नाना᳚-ङ्गमयति॒ चतुः॑ शरावो भवति दि॒क्ष्वे॑व प्रति॑तिष्ठति क्षी॒रे भ॑वति॒ रुच॑मे॒वास्मि॑-न्दधा॒त्युद्ध॑रति शृत॒त्वाय॑ स॒र्पिष्वा᳚-न्भवति मेद्ध्य॒त्वाय॑ च॒त्वार॑ आर्षे॒याः प्रा-ऽश्ञ॑न्ति दि॒शामे॒व ज्योति॑षि जुहोति ॥ 28 ॥
(ग्रा॒मी - यु॑नक्ती॒ - ध्मः - स्व ए॒वैना॑ - न॒न्नाद्यं॑ - ँयच्छ॒न्त्ये - का॒न्न प॑ञ्चा॒शच्च॑) (अ. 8)
देवि॑का॒ निव॑र्पे-त्प्र॒जाका॑म॒श्छन्दाग्ं॑सि॒ वै देवि॑का॒श्छन्दाग्ं॑सीव॒ खलु॒ वै प्र॒जाश्छन्दो॑भिरे॒वास्मै᳚ प्र॒जाः प्रज॑नयति प्रथ॒म-न्धा॒तार॑-ङ्करोति मिथु॒नी ए॒व तेन॑ करो॒त्यन्वे॒वास्मा॒ अनु॑मतिर्मन्यते रा॒ते रा॒का प्र सि॑नीवा॒ली ज॑नयति प्र॒जास्वे॒व प्रजा॑तासु कु॒ह्वा॑ वाच॑-न्दधात्ये॒ता ए॒व निव॑र्पे-त्प॒शुका॑म॒श्छन्दाग्ं॑सि॒ वै देवि॑का॒श्छन्दाग्ं॑सी- [देवि॑का॒श्छन्दाग्ं॑सि, इ॒व॒ खलु॒ वै] 29
-व॒ खलु॒ वै प॒शव॒श्छन्दो॑भिरे॒वास्मै॑ प॒शू-न्प्रज॑नयति प्रथ॒म-न्धा॒तार॑-ङ्करोति॒ प्रैव तेन॑ वापय॒त्यन्वे॒वास्मा॒ अनु॑मतिर्मन्यते रा॒ते रा॒का प्र सि॑नीवा॒ली ज॑नयति प॒शूने॒व प्रजा॑तान् कु॒ह्वा᳚ प्रति॑ष्ठापयत्ये॒ता ए॒व निर्व॑पे॒-द्ग्राम॑काम॒श्छन्दाग्ं॑सि॒ वै देवि॑का॒श्छन्दाग्ं॑सी व॒ खलु॒ वै ग्राम॒श्छन्दो॑भिरे॒वास्मै॒ ग्राम॒- [ग्राम᳚म्, अव॑ रुन्धे] 30
-मव॑ रुन्धे मद्ध्य॒तो धा॒तार॑-ङ्करोति मद्ध्य॒त ए॒वैन॒-ङ्ग्राम॑स्य दधात्ये॒ता ए॒व निर्व॑पे॒ज्ज्योगा॑मयावी॒ छन्दाग्ं॑सि॒ वै देवि॑का॒श्छन्दाग्ं॑सि॒ खलु॒ वा ए॒तम॒भि म॑न्यन्ते॒ यस्य॒ ज्योगा॒मय॑ति॒ छन्दो॑भिरे॒वैन॑-मग॒द-ङ्क॑रोति मद्ध्य॒तो धा॒तार॑-ङ्करोति मद्ध्य॒तो वा ए॒तस्याकॢ॑प्तं॒-यँस्य॒ ज्योगा॒मय॑ति मद्ध्य॒त ए॒वास्य॒ तेन॑ कल्पयत्ये॒ता ए॒व नि- [ ए॒व निः, व॒पे॒द्यं-यँ॒ज्ञो] 31
-र्व॑पे॒द्यं-यँ॒ज्ञो नोप॒नमे॒च्छन्दाग्ं॑सि॒ वै देवि॑का॒श्छन्दाग्ं॑सि॒ खलु॒ वा ए॒त-न्नोप॑ नमन्ति॒ यं-यँ॒ज्ञो नोप॒नम॑ति प्रथ॒म-न्धा॒तार॑-ङ्करोति मुख॒त ए॒वास्मै॒ छन्दाग्ं॑सि दधा॒त्युपै॑नं-यँ॒ज्ञो न॑मत्ये॒ता ए॒व निव॑र्पेदीजा॒नश्छन्दाग्ं॑सि॒ वै देवि॑का या॒तया॑मानीव॒ खलु॒ वा ए॒तस्य॒ छन्दाग्ं॑सि॒ य ई॑जा॒न उ॑त्त॒म-न्धा॒तार॑-ङ्करो- [उ॑त्त॒म-न्धा॒तार॑-ङ्करोति, उ॒परि॑ष्टादे॒वास्मै॒] 32
-त्यु॒परि॑ष्टादे॒वास्मै॒ छन्दा॒ग्॒स्यया॑तयामा॒न्यव॑ रुन्ध॒ उपै॑न॒मुत्त॑रो य॒ज्ञो न॑मत्ये॒ता ए॒व निव॑र्पे॒द्य-म्मे॒धा नोप॒नमे॒च्छन्दाग्ं॑सि॒ वै देवि॑का॒श्छन्दाग्ं॑सि॒ खलु॒ वा ए॒त-न्नोप॑ नमन्ति॒ य-म्मे॒धा नोप॒नम॑ति प्रथ॒म-न्धा॒तार॑-ङ्करोति मुख॒त ए॒वास्मै॒ छन्दाग्ं॑सि दधा॒त्युपै॑न-म्मे॒धा न॑मत्ये॒ता ए॒व निव॑र्पे॒- [निव॑र्पेत्, रुक्का॑म॒श्छन्दाग्ं॑सि॒ वै] 33
-द्रुक्का॑म॒श्छन्दाग्ं॑सि॒ वै देवि॑का॒श्छन्दाग्ं॑सीव॒ खलु॒ वै रुक् छन्दो॑भिरे॒वास्मि॒-न्रुच॑-न्दधातिक्षी॒रे भ॑वन्ति॒ रुच॑मे॒वास्मि॑-न्दधति मद्ध्य॒तो धा॒तार॑-ङ्करोति मद्ध्य॒त ए॒वैनग्ं॑ रु॒चो द॑धातिगाय॒त्री वा अनु॑मतिस्त्रि॒ष्टुग्रा॒का जग॑ती सिनीवा॒ल्य॑नु॒ष्टुप् कु॒हूर्धा॒ता व॑षट्का॒रः पू᳚र्वप॒क्षो रा॒का-ऽप॑रप॒क्षः कु॒हूर॑मावा॒स्या॑ सिनीवा॒ली पौ᳚र्णमा॒स्यनु॑मतिश्च॒न्द्रमा॑ धा॒ता-ऽष्टौ [ ] 34
वस॑वो॒-ऽष्टाक्ष॑रा गाय॒त्र्येका॑दश रु॒द्रा एका॑दशाक्षरा त्रि॒ष्टुब् द्वाद॑शा-ऽऽदि॒त्या द्वाद॑शाक्षरा॒ जग॑ती प्र॒जाप॑तिरनु॒ष्टुब् धा॒ता व॑षट्का॒र ए॒तद्वै देवि॑का॒-स्सर्वा॑णि च॒ छन्दाग्ं॑सि॒ सर्वा᳚श्च दे॒वता॑ वषट्का॒रस्ता य-थ्स॒ह सर्वा॑ नि॒र्वपे॑दीश्व॒रा ए॑न-म्प्र॒दहो॒ द्वे प्र॑थ॒मे नि॒रुप्य॑ धा॒तुस्तृ॒तीय॒-न्निव॑र्पे॒-त्तथो॑ ए॒वोत्त॑रे॒ निव॑र्पे॒-त्तथै॑न॒-न्न प्रद॑ह॒न्त्य थो॒ यस्मै॒ कामा॑य निरु॒प्यन्ते॒ तमे॒वा-ऽऽभि॒रुपा᳚-ऽऽप्नोति ॥ 35 ॥
(प॒शुका॑म॒श्छन्दाग्ं॑सि॒ वै देवि॑का॒श्छन्दाग्ं॑सि॒-ग्रामं॑-कल्पयत्ये॒ता ए॒व नि-रु॑त्त॒मन्धा॒तार॑-ङ्करोति - मे॒धा न॑मत्ये॒ता ए॒व निर्व॑पे - द॒ष्टौ - द॑हन्ति॒ - नव॑ च) (अ. 9)
(देवि॑काः प्र॒जाका॑मो मिथु॒नी प॒शुका॑मः॒ प्रैव ग्राम॑कामो॒ ज्योगा॑मयावी॒ यं-यँ॒ज्ञो य ई॑जा॒नो य-म्मे॒धा रुक्का॑मो॒-ऽष्टौ । देवि॑का भवन्ति दधति रा॒ष्ट्रका॑माय भवति दधाति ।)
वास्तो᳚ष्पते॒ प्रति॑ जानी ह्य॒स्मान्-थ्स्वा॑वे॒शो अ॑नमी॒वो भ॑वानः । य-त्त्वेम॑हे॒ प्रति॒तन्नो॑ जुषस्व॒ शन्न॑ एधि द्वि॒पदे॒ शञ्चतु॑ष्पदे ॥ वास्तो᳚ष्पते श॒ग्मया॑ स॒ग्ं॒ सदा॑ते सक्षी॒महि॑ र॒ण्वया॑ गातु॒मत्या᳚ । आवः॒, क्षेम॑ उ॒त योगे॒ वर॑न्नो यू॒य-म्पा॑त स्व॒स्तिभि॒-स्सदा॑नः ॥ य-थ्सा॒य-म्प्रा॑तरग्निहो॒त्र-ञ्जु॒होत्या॑हुतीष्ट॒का ए॒व ता उप॑ धत्ते॒ [ता उप॑ धत्ते, यज॑मानो-ऽहोरा॒त्राणि॒] 36
यज॑मानो-ऽहोरा॒त्राणि॒ वा ए॒तस्येष्ट॑का॒ य आहि॑ताग्नि॒र्य-थ्सा॒य-म्प्रा॑तर्जु॒होत्य॑होरा॒त्राण्ये॒वा ऽऽप्त्वेष्ट॑काः कृ॒त्वोप॑ धत्ते॒ दश॑ समा॒नत्र॑ जुहोति॒ दशा᳚क्षरा वि॒रा-ड्वि॒राज॑मे॒वा-ऽऽप्त्वेष्ट॑का-ङ्कृ॒त्वोप॑ ध॒त्ते-ऽथो॑ वि॒राज्ये॒व य॒ज्ञमा᳚प्नोति॒ चित्य॑श्चित्यो-ऽस्य भवति॒ तस्मा॒द्यत्र॒ दशो॑षि॒त्वा प्र॒याति॒ त-द्य॑ज्ञवा॒स्त्ववा᳚स्त्वे॒व तद्य-त्ततो᳚-ऽर्वा॒चीनग्ं॑ [तद्य-त्ततो᳚-ऽर्वा॒चीन᳚म्, रु॒द्रः खलु॒ वै] 37
रु॒द्रः खलु॒ वै वा᳚स्तोष्प॒तिर्यदहु॑त्वा वास्तोष्प॒तीय॑-म्प्रया॒या-द्रु॒द्र ए॑न-म्भू॒त्वा-ऽग्निर॑नू॒त्थाय॑ हन्याद्वास्तोष्प॒तीय॑-ञ्जुहोति भाग॒धेये॑नै॒वैनग्ं॑ शमयति॒ ना-ऽऽर्ति॒मार्च्छ॑ति॒ यज॑मानो॒ यद्यु॒क्ते जु॑हु॒याद्यथा॒ प्रया॑ते॒ वास्ता॒वाहु॑ति-ञ्जु॒होति॑ ता॒दृगे॒व तद्यदयु॑क्ते जुहु॒याद्यथा॒ क्षेम॒ आहु॑ति-ञ्जु॒होति॑ ता॒दृगे॒व तदहु॑तमस्य वास्तोष्प॒तीयग्ग्॑ स्या॒- [स्यात्, दक्षि॑णो] 38
-द्दक्षि॑णो यु॒क्तो भव॑ति स॒व्यो-ऽयु॒क्तो-ऽथ॑ वास्तोष्प॒तीय॑-ञ्जुहोत्यु॒भय॑मे॒वा-ऽ क॒रप॑रिवर्गमे॒वैनग्ं॑ शमयति॒ यदेक॑या जुहु॒याद्द॑र्विहो॒म-ङ्कु॑र्या-त्पुरो-ऽनुवा॒क्या॑ म॒नूच्य॑ या॒ज्य॑या जुहोति सदेव॒त्वाय॒ यद्धु॒त आ॑द॒द्ध्या-द्रु॒द्र-ङ्गृ॒हान॒न्वारो॑हये॒-द्यद॑व॒क्षाणा॒न्यस॑-म्प्रक्षाप्य प्रया॒याद्यथा॑ यज्ञवेश॒सं-वाँ॒-ऽऽदह॑नं-वाँ ता॒दृगे॒व तद॒यन्ते॒ योनि॑र्-ऋ॒त्विय॒ इत्य॒रण्यो᳚-स्स॒मारो॑हय- [इत्य॒रण्यो᳚-स्स॒मारो॑हयति, ए॒ष वा] 39
-त्ये॒ष वा अ॒ग्नेर्योनि॒-स्स्व ए॒वैनं॒-योँनौ॑ स॒मारो॑हय॒त्यथो॒ खल्वा॑हु॒र्यद॒रण्यो᳚-स्स॒मारू॑ढो॒ नश्ये॒दुद॑स्या॒ग्नि-स्सी॑दे-त्पुनरा॒धेयः॑ स्या॒दिति॒ या ते॑ अग्ने य॒ज्ञिया॑ त॒नूस्तयेह्या रो॒हेत्या॒त्मन्-थ्स॒मारो॑हयते॒ यज॑मानो॒ वा अ॒ग्नेर्योनि॒-स्स्वाया॑मे॒वैनं॒-योँन्याग्ं॑ स॒मारो॑हयते ॥ 40 ॥
(ध॒त्ते॒-ऽर्वा॒चीनग्ग्॑ -स्या-थ्स॒मारो॑हयति॒ -पञ्च॑चत्वारिग्ंशच्च) (अ. 10)
त्वम॑ग्ने बृ॒हद्वयो॒ दधा॑सि देव दा॒शुषे᳚ । क॒विर्गृ॒हप॑ति॒र्युवा᳚ ॥ ह॒व्य॒वाड॒ग्निर॒जरः॑ पि॒ता नो॑ वि॒भुर्वि॒भावा॑ सु॒दृशी॑को अ॒स्मे । सु॒गा॒र्॒ह॒प॒त्या-स्समिषो॑ दिदीह्यस्म॒द्रिय॒ख्स-म्मि॑मीहि॒ श्रवाग्ं॑सि ॥ त्व-ञ्च॑ सोम नो॒ वशो॑ जी॒वातु॒-न्न म॑रामहे । प्रि॒यस्तो᳚त्रो॒ वन॒स्पतिः॑ ॥ ब्र॒ह्मा दे॒वाना᳚-म्पद॒वीः क॑वी॒नामृषि॒र्विप्रा॑णा-म्महि॒षो मृ॒गाणा᳚म् । श्ये॒नो गृद्ध्रा॑णा॒ग्॒ स्वधि॑ति॒ र्वना॑ना॒ग्ं॒ सोमः॑ [सोमः॑, प॒वित्र॒मत्ये॑ति॒] 41
प॒वित्र॒मत्ये॑ति॒ रेभन्न्॑ ॥ आ वि॒श्वदे॑व॒ग्ं॒ सत्प॑तिग्ं सू॒क्तैर॒द्या वृ॑णीमहे । स॒त्यस॑वग्ं सवि॒तार᳚म् ॥ आस॒त्येन॒ रज॑सा॒ वर्त॑मानो निवे॒शय॑न्न॒मृत॒-म्मर्त्य॑ञ्च । हि॒र॒ण्यये॑न सवि॒ता रथे॒ना-ऽऽ दे॒वोया॑ति॒ भुव॑ना वि॒पश्यन्न्॑ ॥ यथा॑ नो॒ अदि॑तिः॒ कर॒-त्पश्वे॒ नृभ्यो॒ यथा॒ गवे᳚ । यथा॑ तो॒काय॑ रु॒द्रिय᳚म् ॥ मा न॑स्तो॒के तन॑ये॒ मा न॒ आयु॑षि॒ मा नो॒ गोषु॒ मा [ ] 42
नो॒ अश्वे॑षु रीरिषः । वी॒रा-न्मानो॑ रुद्र भामि॒तो व॑धीर्ह॒विष्म॑न्तो॒ नम॑सा विधेम ते ॥ उ॒द॒प्रुतो॒ न वयो॒ रक्ष॑माणा॒ वाव॑दतो अ॒भ्रिय॑स्येव॒ घोषाः᳚ । गि॒रि॒भ्रजो॒ नोर्मयो॒ मद॑न्तो॒ बृह॒स्पति॑म॒भ्य॑र्का अ॑नावन्न् ॥ ह॒ग्ं॒सैरि॑व॒ सखि॑भि॒र्वाव॑दद्भिरश्म॒न्- मया॑नि॒ नह॑ना॒ व्यस्यन्न्॑ । बृह॒स्पति॑रभि॒कनि॑क्रद॒द्गा उ॒त प्रास्तौ॒दुच्च॑ वि॒द्वाग्ं अ॑गायत् ॥ एन्द्र॑ सान॒सिग्ं र॒यिग्ं [र॒यिम्, स॒जित्वा॑नग्ं सदा॒सह᳚म् ।] 43
स॒जित्वा॑नग्ं सदा॒सह᳚म् । वर्षि॑ष्ठमू॒तये॑ भर ॥ प्र स॑साहिषे पुरुहूत॒ शत्रू॒न् ज्येष्ठ॑स्ते॒ शुष्म॑ इ॒ह रा॒तिर॑स्तु । इन्द्रा-ऽऽ भ॑र॒ दक्षि॑णेना॒ वसू॑नि॒ पति॒-स्सिन्धू॑नामसि रे॒वती॑नाम् ॥ त्वग्ं सु॒तस्य॑ पी॒तये॑ स॒द्यो वृ॒द्धो अ॑जायथाः । इन्द्र॒ ज्यैष्ठ्या॑य सुक्रतो ॥ भुव॒स्त्वमि॑न्द्र॒ ब्रह्म॑णा म॒हा-न्भुवो॒ विश्वे॑षु॒ सव॑नेषु य॒ज्ञियः॑ । भुवो॒ नॄग्श्च्यौ॒त्नो विश्व॑स्मि॒-न्भरे॒ ज्येष्ठ॑श्च॒ मन्त्रो॑ [मन्त्रः॑, वि॒श्व॒च॒र्ष॒णे॒ ।] 44
विश्वचर्षणे ॥ मि॒त्रस्य॑ चर्षणी॒धृत॒-श्श्रवो॑ दे॒वस्य॑ सान॒सिम् ।
स॒त्य-ञ्चि॒त्र श्र॑वस्तमम् ॥ मि॒त्रो जनान्॑ यातयति प्रजा॒न-न्मि॒त्रो दा॑धार पृथि॒वीमु॒त द्याम् । मि॒त्रः कृ॒ष्टीरनि॑मिषा॒-ऽभि च॑ष्टे स॒त्याय॑ ह॒व्य-ङ्घृ॒तव॑-द्विधेम ॥ प्रसमि॑त्र॒ मर्तो॑ अस्तु॒ प्रय॑स्वा॒न्॒. यस्त॑ आदित्य॒ शिक्ष॑ति व्र॒तेन॑ । न ह॑न्यते॒ न जी॑यते॒ त्वोतो॒ नैन॒मग्ंहो॑ अश्ञो॒त्यन्ति॑तो॒ न दू॒रात् ॥ य- [यत्, चि॒द्धि ते॒ विशो॑] 45
-च्चि॒द्धि ते॒ विशो॑ यथा॒ प्रदे॑व वरुण व्र॒तम् । मि॒नी॒मसि॒ द्यवि॑द्यवि ॥ य-त्किञ्चे॒दं-वँ॑रुण॒ दैव्ये॒ जने॑-ऽभिद्रो॒ह-म्म॑नु॒ष्या᳚श्चरा॑मसि । अचि॑त्ती॒य-त्तव॒ धर्मा॑ युयोपि॒ममा न॒स्तस्मा॒ देन॑सो देव रीरिषः ॥ कि॒त॒वासो॒ यद्रि॑ रि॒पुर्न दी॒वि यद्वा॑ घा स॒त्य मु॒तयन्न वि॒द्म । सर्वा॒ ता विष्य॑ शिथि॒रे व॑ दे॒वाथा॑ ते स्याम वरुण प्रि॒यासः॑ ॥ 46 ॥
(सोमो॒-गोषु॒ मा- र॒यिं - मन्त्रो॒ -य-च्छि॑थि॒रा-स॒प्त च॑ ) (अ. 11)
(वि वा ए॒तस्या - ऽऽवा॑यो - इ॒मे वै - चि॒त्तञ्चा॒ - ऽग्निर्भू॒तानां᳚ - दे॒वा वा अ॑भ्याता॒ना - नृ॑ता॒षाड् - रा॒ष्ट्रका॑माय॒ - देवि॑का॒ - वास्तो᳚ष्पते॒ - त्वम॑ग्ने बृ॒ह - देका॑दश )
(वि वा ए॒तस्ये - त्या॑ह - मृ॒त्युर्ग॑न्ध॒र्वो - ऽव॑ रुन्धे मद्ध्य॒त - स्त्वम॑ग्ने बृ॒हथ् - षट्च॑त्वारिग्ंशत्)
(वि वा ए॒तस्य॑, प्रि॒यासः॑ )
॥ हरिः॑ ओम् ॥
॥ कृष्ण यजुर्वेदीय तैत्तिरीय संहिताया-न्तृतीयकाण्डे चतुर्थः प्रश्न-स्समाप्तः ॥
kṛṣṇa yajurvedīya taittirīya saṃhitāyā-ntṛtīyakāṇḍe caturthaḥ praśnaḥ - iṣṭihomābhidhānaṃ
o-nnamaḥ paramātmane, śrī mahāgaṇapataye namaḥ,
śrī gurubhyo namaḥ | ha॒riḥ॒ om ||
vi vā e॒tasya̭ ya॒jña ṛ̭ddhyate॒ yasya̭ ha॒vira̭ti॒ricya̭te॒ sūryo̭ de॒vo di̭vi॒ṣadbhya॒ ityā̭ha॒ bṛha॒spati̭nā cai॒vāsya̭ pra॒jāpa̭tinā ca ya॒jñasya॒ vyṛ̭ddha॒mapi̭ vapati॒ rakṣāgṃ̭si॒ vā e॒ta-tpa॒śugṃ sa̭cante॒ yadḙkadeva॒tya̭ āla̭bdho॒ bhūyā॒-nbhava̭ti॒ yasyā᳚ste॒ hari̭to॒ garbha॒ ityā̭ha deva॒traivainā᳚-ṅgamayati॒ rakṣa̭sā॒mapa̭hatyā॒ ā va̭rtana varta॒yetyā̭ha॒ [varta॒yetyā̭ha, brahma̭ṇai॒vaina॒-mā] 1
brahma̭ṇai॒vaina॒-mā va̭rtayati॒ vi tḙ bhinadmi taka॒rīmityā̭ha yathāya॒jure॒vaitadṷ- rudra॒phso vi॒śvarṷ̄pa॒ indu॒rityā̭ha pra॒jā vai pa॒śava॒ induḥ̭ pra॒jayai॒vaina̭-mpa॒śubhi॒-ssama̭rdhayati॒ divaṃ॒-vai~ ya॒jñasya॒ vyṛ̭ddha-ṅgacchati pṛthi॒vīmati̭rikta॒-ntadyanna śa॒maye॒dārti॒mārcche॒-dyaja̭māno ma॒hī dyauḥ pṛ̭thi॒vīca̭ na॒ i̭- [na॒ iti̭, ā॒ha॒ dyāvā̭pṛthi॒vībhyā̭me॒va] 2
-tyāha॒ dyāvā̭pṛthi॒vībhyā̭me॒va ya॒jñasya॒ vyṛ̭ddha॒-ñcāti̭rikta-ñca śamayati॒ nā-''rti॒mārccha̭ti॒ yaja̭māno॒ bhasma̭nā॒-'bhi samṷ̄hati sva॒gākṛ̭tyā॒ atho̭ a॒nayo॒rvā e॒ṣa garbho॒-'nayo̭re॒vaina̭-ndadhāti॒ yada̭va॒dyedati॒ tadrḙcaye॒dyannāva॒dye-tpa॒śorāla̭bdhasya॒ nāva̭ dye-tpu॒rastā॒nnābhyā̭ a॒nyada̭va॒dye-du॒pari̭ṣṭāda॒nya-tpu॒rastā॒dvai nābhyai᳚ [ ] 3
prā॒ṇa u॒pari̭ṣṭādapā॒no yāvā̭ne॒va pa॒śustasyāva̭ dyati॒ viṣṇa̭ve śipivi॒ṣṭāya̭ juhoti॒ yadvai ya॒jñasyā̭ti॒ricya̭te॒ yaḥ pa॒śorbhū॒mā yā puṣṭi॒sta-dviṣṇuḥ̭ śipivi॒ṣṭo 'ti̭rikta e॒vāti̭rikta-ndadhā॒tyati̭riktasya॒ śāntyā̭ a॒ṣṭāprū॒ḍḍhira̭ṇya॒-ndakṣi̭ṇā॒-'ṣṭāpa̭dī॒ hyḙṣā ''tmā na̭va॒maḥ pa॒śorāptyā̭ antarako॒śa u॒ṣṇīṣe॒ṇā-''vi̭ṣṭita-mbhavatye॒vami̭va॒ hi pa॒śurulba̭miva॒ carmḙva mā॒gṃ॒sami॒vāsthī̭va॒ yāvā̭ne॒va pa॒śustamā॒ptvā-'va̭ rundhe॒yasyai॒ṣā ya॒jñe prāya̭ścittiḥ kri॒yata̭ i॒ṣṭvā vasī̭yā-nbhavati || 4 ||
(va॒rta॒yatyā̭ha-na॒ iti॒-vai nābhyā॒-ulba̭mi॒vai-ka̭vigṃśatiśca) (a. 1)
ā vā̭yo bhūṣa śucipā॒ upa̭ na-ssa॒hasra̭-nte ni॒yuto̭ viśvavāra | upo̭ te॒ andho॒ madya̭mayāmi॒ yasya̭ deva dadhi॒ṣe pū᳚rva॒peya᳚m || ākū᳚tyai tvā॒ kāmā̭ya tvā sa॒mṛdhe᳚ tvā kikki॒ṭā te॒ manaḥ̭ pra॒jāpa̭taye॒ svāhā̭ kikki॒ṭā te᳚ prā॒ṇaṃ-vā~॒yave॒ svāhā̭ kikki॒ṭā te॒ cakṣu॒-ssūryā̭ya॒ svāhā̭ kikki॒ṭā te॒ śrotra॒-ndyāvā̭pṛthi॒vībhyā॒g॒ svāhā̭ kikki॒ṭā te॒ vāca॒gṃ॒ sara̭svatyai॒ svāhā॒ [sara̭svatyai॒ svāhā᳚, tva-ntu॒rīyā̭] 5
tva-ntu॒rīyā̭ va॒śinī̭ va॒śā-'si̭ sa॒kṛdya-ttvā॒ mana̭sā॒ garbha॒ ā-'śa̭yat | va॒śā tvaṃ-va~॒śinī̭ gaccha de॒vān-thsa॒tyā-ssa̭ntu॒ yaja̭mānasya॒ kāmāḥ᳚ || a॒jā-'si̭ rayi॒ṣṭhā pṛ̭thi॒vyāgṃ sī̭do॒rdhvā-'ntari̭kṣa॒mupa̭ tiṣṭhasva di॒vi tḙ bṛ॒hadbhāḥ || tantṷ-nta॒nva-nraja̭so bhā॒numanvi̭hi॒ jyoti̭ṣmataḥ pa॒tho ra̭kṣa dhi॒yā kṛ॒tān || a॒nu॒lba॒ṇaṃ-va~̭yata॒ jogṷvā॒mapo॒ manṷ rbhava ja॒nayā॒ daivya॒-ñjana᳚m || mana̭so ha॒vira̭si pra॒jāpa̭te॒rvarṇo॒ gātrā̭ṇā-nte gātra॒bhājo̭ bhūyāsma || 6 ||
(sara̭svatyai॒ svāhā॒ - manu॒ - strayo̭daśa ca) (a. 2)
i॒me vai sa॒hā-''stā॒-nte vā॒yurvya̭vā॒-tte garbha̭madadhātā॒-ntagṃ somaḥ॒ prāja̭naya-da॒gnira̭grasata॒ sa e॒ta-mpra॒jāpa̭tirāgne॒ya-ma॒ṣṭāka̭pālamapaśya॒-tta-nnira̭vapa॒-ttenai॒vainā̭ma॒gneradhi॒ nira̭krīṇā॒-ttasmā॒dapya̭nyadeva॒tyā̭mā॒labha̭māna āgne॒yama॒ṣṭāka̭pāla-mpu॒rastā॒nnirva̭peda॒gnere॒vainā॒madhi̭ ni॒ṣkrīyā-''la̭bhate॒ ya- [yat, vā॒yurvyavā॒-] 7
-dvā॒yurvyavā॒-ttasmā᳚-dvāya॒vyā̭ yadi॒me garbha॒mada̭dhātā॒-ntasmā᳚-ddyāvāpṛthi॒vyā̭ ya-thsomaḥ॒ prāja̭nayada॒gniragra̭sata॒ tasmā̭dagnīṣo॒mīyā॒ yada॒nayo᳚rviya॒tyo-rvāgava̭da॒-ttasmā᳚-thsārasva॒tī ya-tpra॒jāpa̭tira॒gneradhi̭ ni॒rakrī̭ṇā॒-ttasmā᳚-tprājāpa॒tyā sā vā e॒ṣā sa̭rvadeva॒tyā̭ yada॒jā va॒śā vā̭ya॒vyā̭mā la̭bheta॒ bhūti̭kāmo vā॒yurvai kṣepi̭ṣṭhā de॒vatā̭ vā॒yume॒va svena̭ [svena̭, bhā॒ga॒dheye॒nopa̭ dhāvati॒] 8
bhāga॒dheye॒nopa̭ dhāvati॒ sa e॒vaina॒-mbhūti̭-ṅgamayati dyāvāpṛthi॒vyā̭mā la̭bheta kṛ॒ṣamā̭ṇaḥ prati॒ṣṭhākā̭mo di॒va e॒vāsmai̭ pa॒rjanyo̭ varṣati॒ vya̭syāmoṣa̭dhayo rohanti sa॒mardhṷkamasya sa॒sya-mbha̭vatyagnīṣo॒mīyā॒mā la̭bheta॒ yaḥ kā॒maye॒tānna̭vānannā॒da-ssyā॒mitya॒gninai॒vānna॒mava̭ rundhe॒ somḙnā॒nnādya॒-manna̭vāne॒vānnā॒do bha̭vati sārasva॒tīmā la̭bheta॒ ya [yaḥ, ī॒śva॒ro vā॒co] 9
ī᳚śva॒ro vā॒co vadi̭to॒-ssan. vāca॒-nnavade॒-dvāgvai sara̭svatī॒ sara̭svatīme॒va svena̭ bhāga॒dheye॒nopa̭ dhāvati॒ saivāsmi॒n. vāca̭-ndadhāti prājāpa॒tyāmā la̭bheta॒ yaḥ kā॒maye॒tāna̭bhijitama॒bhi ja̭yeya॒miti̭ pra॒jāpa̭ti॒-ssarvā̭ de॒vatā̭ de॒vatā̭bhire॒vā-na̭bhijitama॒bhi ja̭yati vāya॒vya̭yo॒pāka̭roti vā॒yore॒vainā̭mava॒ruddhyā-''la̭bhata॒ ākū᳚tyai tvā॒ kāmā̭ya॒ tve- [kāmā̭ya tvā, ityā̭ha yathāya॒ju-] 10
-tyā̭ha yathāya॒ju-re॒vaita-tki̭kkiṭā॒kāra̭-ñjuhoti kikkiṭākā॒reṇa॒ vai grā॒myāḥ pa॒śavo̭ ramante॒ prā-''ra॒ṇyāḥ pa̭tanti॒ ya-tki̭kkiṭā॒kāra̭-ñju॒hoti̭ grā॒myāṇā᳚-mpaśū॒nā-ndhṛtyai॒ parya̭gnau kri॒yamā̭ṇe juhoti॒ jīva̭ntīme॒vaināgṃ̭ suva॒rgaṃ-lo~॒ka-ṅga̭mayati॒ tva-ntu॒rīyā̭ va॒śinī̭ va॒śā-'sītyā̭ha deva॒traivainā᳚-ṅgamayati sa॒tyā-ssa̭ntu॒ yaja̭mānasya॒ kāmā॒ ityā̭hai॒ṣa vai kāmo॒ [vai kāmaḥ̭, yaja̭mānasya॒] 11
yaja̭mānasya॒ yadanā᳚rta u॒dṛca॒-ṅgaccha̭ti॒ tasmā̭de॒vamā̭hā॒-'jā-'si̭ rayi॒ṣṭhetyā̭hai॒ ṣvḙvaināṃ᳚-lo~॒keṣu॒ prati̭ṣṭhāpayati di॒vi tḙ bṛ॒hadbhā ityā̭ha suva॒rga e॒vāsmai̭ lo॒ke jyoti̭-rdadhāti॒ tantṷ-nta॒nva-nraja̭so bhā॒numanvi॒hītyā̭he॒māne॒vāsmai̭ lo॒kān jyoti̭ṣmataḥ karotyanulba॒ṇaṃ-va~̭yata॒ jogṷvā॒mapa॒ i- [jogṷvā॒mapa॒ iti̭, ā॒ha॒ yade॒va] 12
-tyā̭ha॒ yade॒va ya॒jña u॒lbaṇa̭-ṅkri॒yate॒ tasyai॒vaiṣā śānti॒rmanṷrbhava ja॒nayā॒ daivya॒-ñjana॒mityā̭ha māna॒vyo̭ vai pra॒jāstā e॒vā-''dyāḥ᳚ kurute॒ mana̭so ha॒vira॒sītyā̭ha sva॒gākṛ̭tyai॒ gātrā̭ṇā-nte gātra॒bhājo̭ bhūyā॒smetyā̭hā॒ ''śiṣa̭me॒vaitāmā śā᳚ste॒ tasyai॒ vā e॒tasyā॒ eka̭me॒vā-dḙvayajanaṃ॒ ~yadāla̭bdhāyā-ma॒bhro [-ma॒bhraḥ, bhava̭ti॒] 13
bhava̭ti॒ yadāla̭bdhāyāma॒bhra-ssyāda॒phsu vā᳚prave॒śaye॒-thsarvāṃ᳚-vā~॒ prāśñī̭yā॒dyada॒phsu pra̭ve॒śaye᳚dyajñaveśa॒sa-ṅkṷryā॒-thsarvā̭me॒va prāśñī̭yādindri॒yame॒vā-''tma-ndha̭-tte॒ sā vā e॒ṣā tra̭yā॒ṇāme॒vāva̭ ruddhā saṃva~thsara॒sadaḥ̭ sahasrayā॒jino̭ gṛhame॒dhina॒sta e॒vaitayā̭ yajera॒-nteṣā̭me॒vaiṣā-''ptā || 14 ||
(yath - svena̭ - sārasva॒tīmā la̭bheta॒ yaḥ - kāmā̭ya tvā॒ - kāmo - 'pa॒ itya॒ - bhro - dvica̭tvārigṃśacca) (a. 3)
ci॒tta-ñca॒ citti॒ścā ''kṷ̄ta॒-ñcā-''kṷ̄tiśca॒ vijñā̭ta-ñca vi॒jñāna̭-ñca॒ mana̭śca॒ śakva̭rīśca॒ darśa̭śca pū॒rṇamā̭saśca bṛ॒hacca̭ rathanta॒ra-ñca̭ pra॒jāpa̭ti॒rjayā॒nindrā̭ya॒ vṛṣṇe॒ prāya̭cchadu॒graḥ pṛ̭ta॒nājyḙṣu॒ tasmai॒ viśa॒-ssama̭namanta॒ sarvā॒-ssa u॒gra-ssahi havyo̭ ba॒bhūva̭devāsu॒rā-ssaṃya~̭ttā āsa॒nthsa indraḥ̭ pra॒jāpa̭ti॒mupā̭ dhāva॒-ttasmā̭ e॒tāñjayā॒-nprāya̭ccha॒-ttāna̭juho॒-ttato॒ vai de॒vā asṷrānajaya॒n॒. yadaja̭ya॒-ntajjayā̭nā-ñjaya॒tvagg spardha̭mānenai॒te ho̭ta॒vyā̭ jaya̭tye॒va tā-mpṛta̭nām || 15 ||
(upa॒ - pañca̭vigṃśatiśca) (a. 4)
a॒gnirbhū॒tānā॒madhi̭pati॒-ssamā̭-'va॒tvindro᳚ jye॒ṣṭhānāṃ᳚-ya~॒maḥ pṛ̭thi॒vyā vā॒yura॒ntari̭kṣasya॒ sūryo̭di॒vaśca॒ndramā॒ nakṣa̭trāṇā॒-mbṛha॒spati॒rbrahma̭ṇo mi॒tra-ssa॒tyānāṃ॒-va~rṷṇo॒-'pāgṃ sa̭mu॒dra-ssro॒tyānā॒manna॒gṃ॒ sāmrā᳚jyānā॒madhi̭pati॒ tanmā̭-'vatu॒ soma॒ oṣa̭dhīnāgṃ savi॒tā pra̭sa॒vānāgṃ̭ ru॒draḥ pa̭śū॒nā-ntvaṣṭā̭ rū॒pāṇāṃ॒-vi~ṣṇuḥ॒ parva̭tānā-mma॒ruto̭ ga॒ṇānā॒madhi̭pataya॒ste mā̭vantu॒ pita̭raḥ pitāmahāḥ pare-'vare॒ tatā᳚statāmahā i॒ha mā̭-'vata | a॒smi-nbrahma̭nna॒smin kṣa॒tre᳚-'syā-mā॒śiṣya॒syā-mpṷro॒dhāyā̭ma॒smin-karma̭nna॒syā-nde॒vahū᳚tyām || 16 ||
(a॒va॒re॒ - sa॒ptada̭śa ca) (a. 5)
de॒vā vai yadya॒jñe-'kṷrvata॒ tadasṷrā akurvata॒ te de॒vā e॒tāna̭bhyātā॒nāna̭paśya॒n- tāna॒bhyāta̭nvata॒ yadde॒vānā॒-ṅkarmā-''sī॒dārdhya̭ta॒ tadyadasṷrāṇā॒-nna tadā᳚rdhyata॒ yena॒ karma॒ṇerthse॒-ttatra̭ hota॒vyā̭ ṛ॒ddhnotye॒va tena॒ karma̭ṇā॒ yadviśvḙ de॒vā-ssa॒mabha̭ra॒-ntasmā̭-dabhyātā॒nā vai᳚śvade॒vāyat-pra॒jāpa̭ti॒rjayā॒-nprāya̭ccha॒-ttasmā॒jjayāḥ᳚ prājāpa॒tyā [prājāpa॒tyāḥ, ya-drā᳚ṣṭra॒bhṛdbhī̭] 17
ya-drā᳚ṣṭra॒bhṛdbhī̭ rā॒ṣṭramā-'da̭data॒ ta-drā᳚ṣṭra॒bhṛtāgṃ̭ rāṣṭrabhṛ॒ttva-nte de॒vā a̭bhyātā॒nairasṷrāna॒bhyāta̭nvata॒ jayai̭rajayan-rāṣṭra॒bhṛdbhī̭ rā॒ṣṭramā-'da̭data॒ yadde॒vā a̭bhyātā॒nairasṷrāna॒bhyāta̭nvata॒ tada̭bhyātā॒nānā̭mabhyātāna॒tvaṃ-ya~jjayai॒raja̭ya॒-ntajjayā̭nā-ñjaya॒tvaṃ-ya~-drā᳚ṣṭra॒bhṛdbhī̭ rā॒ṣṭramā-'da̭data॒ ta-drā᳚ṣṭra॒bhṛtāgṃ̭ rāṣṭrabhṛ॒ttva-ntato̭ de॒vā abha̭va॒-nparā-'sṷrā॒ yo bhrātṛ̭vyavā॒n-thsyā-thsa e॒tān jṷhuyādabhyātā॒naire॒va bhrātṛ̭vyāna॒bhyāta̭nute॒ jayai᳚rjayati rāṣṭra॒bhṛdbhī̭ rā॒ṣṭramā da̭tte॒ bhava̭tyā॒tmanā॒ parā᳚-'sya॒ bhrātṛ̭vyo bhavati || 18 ||
(prā॒jā॒pa॒tyāḥ-so᳚-'-ṣṭā da̭śa ca) (a. 6)
ṛ॒tā॒ṣā-ḍṛ॒tadhā̭mā॒-'gni-rga̭ndha॒rvasta-syauṣa̭dhayo-'phsa॒rasa॒ ūrjo॒ nāma॒ sa i॒da-mbrahma̭ kṣa॒tra-mpā̭tu॒ tā i॒da-mbrahma̭ kṣa॒tra-mpā᳚ntu॒ tasmai॒ svāhā॒ tābhya॒-ssvāhā̭ sagṃhi॒to vi॒śvasā̭mā॒ sūryo̭ gandha॒rva-stasya॒ marī̭cayo-'phsa॒rasa̭ ā॒yuvaḥ̭ suṣu॒mna-ssūrya̭ raśmi-śca॒ndramā̭ gandha॒rva-stasya॒ nakṣa̭trāṇya-phsa॒raso̭ be॒kura̭yobhu॒jyu-ssṷpa॒rṇo ya॒jño ga̭ndha॒rva-stasya॒ dakṣi̭ṇā apsa॒rasa̭ sta॒vāḥ pra॒jāpa̭ti-rvi॒śvaka̭rmā॒ mano̭ [manaḥ̭, ga॒ndha॒rvastasya̭-rkhsā॒mānya̭-phsa॒raso॒] 19
gandha॒rvastasya̭-rkhsā॒mānya̭-phsa॒raso॒ vahna̭yaiṣi॒ro vi॒śvavya̭cā॒ vāto̭ gandha॒rva-stasyā-''po᳚ 'phsa॒raso̭ mu॒dābhuva̭nasya pate॒ yasya̭ta u॒pari̭ gṛ॒hā i॒ha ca̭ | sa no̭ rā॒svājyā̭nigṃ rā॒yaspoṣagṃ̭ su॒vīryagṃ̭ saṃva~thsa॒rīṇāg̭ sva॒stim || pa॒ra॒me॒ṣṭhyadhi̭pati-rmṛ॒tyu-rga̭ndha॒rva-stasya॒ viśva̭mapsa॒raso॒ bhuvaḥ̭ sukṣi॒tiḥ- subhṷ̄ti-rbhadra॒kṛ-thsuva̭rvā-npa॒rjanyo̭ gandha॒rva-stasya̭ vi॒dyuto᳚ 'phsa॒raso॒ ruco̭ dū॒re hḙti-ramṛḍa॒yo [dū॒re hḙti-ramṛḍa॒yaḥ, mṛ॒tyurga̭ndha॒rva-stasya̭] 20
mṛ॒tyurga̭ndha॒rva-stasya̭ pra॒jā a̭phsa॒raso̭ bhī॒ruva॒ścaruḥ̭ kṛpaṇa kā॒śī kāmo̭ gandha॒rva-stasyā॒dhayo᳚ 'phsa॒rasaḥ̭ śo॒caya̭ntī॒rnāma॒ sa i॒da-mbrahma̭ kṣa॒tra-mpā̭ta॒ tā i॒da-mbrahma̭ kṣa॒tra-mpā᳚ntu॒ tasmai॒ svāhā॒ tābhya॒-ssvāhā॒ sa no̭ bhuvanasya pate॒ yasya̭ta u॒pari̭ gṛ॒hā i॒ha ca̭ | u॒ru bra॒hma̭ṇe॒-'smai kṣa॒trāya॒ mahi॒ śarma̭ yaccha || 21 ||
(mano̭ - 'mṛḍa॒yaḥ - ṣaṭca̭tvārigṃśacca) (a. 7)
rā॒ṣṭrakā̭māya hota॒vyā̭ rā॒ṣṭraṃ-vai~ rā᳚ṣṭra॒bhṛto̭ rā॒ṣṭreṇai॒vāsmai̭ rā॒ṣṭramava̭ rundhe rā॒ṣṭrame॒va bha̭vatyā॒tmanḙ hota॒vyā̭ rā॒ṣṭraṃ-vai~ rā᳚ṣṭra॒bhṛto̭ rā॒ṣṭra-mpra॒jā rā॒ṣṭra-mpa॒śavo̭ rā॒ṣṭraṃ-ya~cchreṣṭho॒ bhava̭ti rā॒ṣṭreṇai॒va rā॒ṣṭramava̭ rundhe॒ vasi̭ṣṭha-ssamā॒nānā᳚-mbhavati॒ grāma̭kāmāya hota॒vyā̭ rā॒ṣṭraṃ-vai~ rā᳚ṣṭra॒bhṛto̭ rā॒ṣṭragṃ sa̭jā॒tā rā॒ṣṭreṇai॒vāsmai̭ rā॒ṣṭragṃ sa̭jā॒tānava̭ rundhe grā॒- [rundhe grā॒mī, e॒va bha̭vatyadhi॒deva̭ne] 22
-myḙva bha̭vatyadhi॒deva̭ne juhotyadhi॒deva̭na e॒vāsmai̭ sajā॒tānava̭ rundhe॒ ta ḙna॒mava̭ruddhā॒ upa̭ tiṣṭhante rathamu॒kha oja̭skāmasya hota॒vyā̭ ojo॒ vai rā᳚ṣṭra॒bhṛta॒ ojo॒ ratha॒ oja̭sai॒vāsmā॒ ojo-'va̭ rundha oja॒svyḙva bha̭vati॒ yo rā॒ṣṭrādapa̭bhūta॒-ssyā-ttasmai̭ hota॒vyā̭ yāva̭nto-'sya॒ rathā॒-ssyustā-nbrṷ̄yā-dyu॒ndhvamiti̭ rā॒ṣṭrame॒vā-'smai̭ yuna॒- [rā॒ṣṭrame॒vā-'smai̭ yunakti, āhṷtayo॒ vā] 23
-ktyāhṷtayo॒ vā e॒tasyākḷ̭ptā॒ yasya̭ rā॒ṣṭra-nna kalpa̭te svara॒thasya॒ dakṣi̭ṇa-ñca॒kra-mpra॒vṛhya̭ nā॒ḍīma॒bhi jṷhuyā॒dāhṷtīre॒vāsya̭ kalpayati॒ tā a̭sya॒ kalpa̭mānā rā॒ṣṭramanṷ kalpate saṅgrā॒me saṃya~̭tte hota॒vyā̭ rā॒ṣṭraṃ-vai~ rā᳚ṣṭra॒bhṛto̭ rā॒ṣṭre khalu॒ vā e॒te vyāya̭cchante॒ ye sa̭ṅgrā॒magṃ saṃ॒-ya~nti॒ yasya॒ pūrva̭sya॒ juhva̭ti॒ sa e॒va bha̭vati॒ jaya̭ti॒ tagṃ sa̭grā॒mma-mmā᳚ndhu॒ka i॒ddhmo [i॒ddhmaḥ, bha॒va॒tyaṅgā̭rā] 24
bha̭va॒tyaṅgā̭rā e॒va pra̭ti॒veṣṭa̭mānā a॒mitrā̭ṇāmasya॒ senā॒-mprati̭veṣṭayanti॒ ya u॒nmādye॒-ttasmai̭ hota॒vyā̭ gandharvāphsa॒raso॒ vā e॒tamunmā̭dayanti॒ ya u॒nmādya̭tye॒te khalu॒ vai ga̭ndharvāphsa॒raso॒ yadrā᳚ṣṭra॒bhṛta॒stasmai॒ svāhā॒ tābhya॒-ssvāheti̭ juhoti॒ tenai॒vainā᳚ñchamayati॒ naiya̭grodha॒ audṷmbara॒ āśva̭tthaḥ॒ plākṣa॒ itī॒ddhmo bha̭vatye॒te vai ga̭ndharvāphsa॒rasā᳚-ṅgṛ॒hā-ssva e॒vainā̭- [e॒vaināṋ, ā॒yata̭ne] 25
-nā॒yata̭ne śamayatyabhi॒cara̭tā pratilo॒magṃ ho̭ta॒vyāḥ᳚ prā॒ṇāne॒vāsya̭ pra॒tīcaḥ॒ prati̭ yauti॒ ta-ntato॒ yena॒ kena̭ ca stṛṇute॒ svakṛ̭ta॒ iri̭ṇe juhoti prada॒re vai॒tadvā a॒syai nir-ṛ̭tigṛhīta॒-nnir-ṛ̭tigṛhīta e॒vaina॒-nnir-ṛ̭tyā grāhayati॒ yadvā॒caḥ krū॒ra-ntena॒ vaṣa̭-ṭkaroti vā॒ca e॒vaina̭-ṅkrū॒reṇa॒ pravṛ̭ścati tā॒jagārti॒mārccha̭ti॒ yasya̭ kā॒mayḙtā॒nnādya॒- [kā॒mayḙtā॒nnādya᳚m, ā da̭dī॒yeti॒] 26
-mā da̭dī॒yeti॒ tasya̭ sa॒bhāyā̭muttā॒no ni॒padya॒ bhuva̭nasya pata॒ iti॒ tṛṇā̭ni॒ sa-ṅgṛ̭hṇīyā-tpra॒jāpa̭ti॒rvai bhuva̭nasya॒ patiḥ̭ pra॒jāpa̭tinai॒vāsyā॒nnādya॒mā da̭tta i॒dama॒hama॒muṣyā̭ ''muṣyāya॒ṇasyā॒nnādyagṃ̭ harā॒mītyā̭hā॒nnādya̭me॒vāsya̭ harati ṣa॒ḍbhirha̭rati॒ ṣaḍvā ṛ॒tavaḥ̭ pra॒jāpa̭tinai॒vāsyā॒-nnādya̭mā॒dāya॒rtavo᳚ 'smā॒ anu॒ praya̭cchanti॒ [praya̭cchanti, yo jye॒ṣṭhaba̭ndhu॒-] 27
yo jye॒ṣṭhaba̭ndhu॒-rapa̭ bhūta॒-ssyā-ttaggsthalḙ-'va॒sāyya̭ brahmauda॒na-ñcatuḥ̭ śarāva-mpa॒ktvā tasmai̭ hota॒vyā̭ varṣma॒ vai rā᳚ṣṭra॒bhṛto॒ vaṣma॒ sthalaṃ॒-va~rṣma̭ṇai॒vainaṃ॒-va~ṣma̭ samā॒nānā᳚-ṅgamayati॒ catuḥ̭ śarāvo bhavati di॒kṣvḙva prati̭tiṣṭhati kṣī॒re bha̭vati॒ ruca̭me॒vāsmi̭-ndadhā॒tyuddha̭rati śṛta॒tvāya̭ sa॒rpiṣvā᳚-nbhavati meddhya॒tvāya̭ ca॒tvāra̭ ārṣe॒yāḥ prā-'śña̭nti di॒śāme॒va jyoti̭ṣi juhoti || 28 ||
(grā॒mī - yṷnaktī॒ - dhmaḥ - sva e॒vainā̭ - na॒nnādyaṃ̭ - ~yaccha॒ntye - kā॒nna pa̭ñcā॒śacca̭) (a. 8)
devi̭kā॒ niva̭rpe-tpra॒jākā̭ma॒śchandāgṃ̭si॒ vai devi̭kā॒śchandāgṃ̭sīva॒ khalu॒ vai pra॒jāśchando̭bhire॒vāsmai᳚ pra॒jāḥ praja̭nayati pratha॒ma-ndhā॒tāra̭-ṅkaroti mithu॒nī e॒va tena̭ karo॒tyanve॒vāsmā॒ anṷmatirmanyate rā॒te rā॒kā pra si̭nīvā॒lī ja̭nayati pra॒jāsve॒va prajā̭tāsu ku॒hvā̭ vāca̭-ndadhātye॒tā e॒va niva̭rpe-tpa॒śukā̭ma॒śchandāgṃ̭si॒ vai devi̭kā॒śchandāgṃ̭sī- [devi̭kā॒śchandāgṃ̭si, i॒va॒ khalu॒ vai] 29
-va॒ khalu॒ vai pa॒śava॒śchando̭bhire॒vāsmai̭ pa॒śū-npraja̭nayati pratha॒ma-ndhā॒tāra̭-ṅkaroti॒ praiva tena̭ vāpaya॒tyanve॒vāsmā॒ anṷmatirmanyate rā॒te rā॒kā pra si̭nīvā॒lī ja̭nayati pa॒śūne॒va prajā̭tān ku॒hvā᳚ prati̭ṣṭhāpayatye॒tā e॒va nirva̭pe॒-dgrāma̭kāma॒śchandāgṃ̭si॒ vai devi̭kā॒śchandāgṃ̭sī va॒ khalu॒ vai grāma॒śchando̭bhire॒vāsmai॒ grāma॒- [grāma᳚m, ava̭ rundhe] 30
-mava̭ rundhe maddhya॒to dhā॒tāra̭-ṅkaroti maddhya॒ta e॒vaina॒-ṅgrāma̭sya dadhātye॒tā e॒va nirva̭pe॒jjyogā̭mayāvī॒ chandāgṃ̭si॒ vai devi̭kā॒śchandāgṃ̭si॒ khalu॒ vā e॒tama॒bhi ma̭nyante॒ yasya॒ jyogā॒maya̭ti॒ chando̭bhire॒vaina̭-maga॒da-ṅka̭roti maddhya॒to dhā॒tāra̭-ṅkaroti maddhya॒to vā e॒tasyākḷ̭ptaṃ॒-ya~sya॒ jyogā॒maya̭ti maddhya॒ta e॒vāsya॒ tena̭ kalpayatye॒tā e॒va ni- [ e॒va niḥ, va॒pe॒dyaṃ-ya~॒jño] 31
-rva̭pe॒dyaṃ-ya~॒jño nopa॒name॒cchandāgṃ̭si॒ vai devi̭kā॒śchandāgṃ̭si॒ khalu॒ vā e॒ta-nnopa̭ namanti॒ yaṃ-ya~॒jño nopa॒nama̭ti pratha॒ma-ndhā॒tāra̭-ṅkaroti mukha॒ta e॒vāsmai॒ chandāgṃ̭si dadhā॒tyupai̭naṃ-ya~॒jño na̭matye॒tā e॒va niva̭rpedījā॒naśchandāgṃ̭si॒ vai devi̭kā yā॒tayā̭mānīva॒ khalu॒ vā e॒tasya॒ chandāgṃ̭si॒ ya ī̭jā॒na ṷtta॒ma-ndhā॒tāra̭-ṅkaro- [ṷtta॒ma-ndhā॒tāra̭-ṅkaroti, u॒pari̭ṣṭāde॒vāsmai॒] 32
-tyu॒pari̭ṣṭāde॒vāsmai॒ chandā॒g॒syayā̭tayāmā॒nyava̭ rundha॒ upai̭na॒mutta̭ro ya॒jño na̭matye॒tā e॒va niva̭rpe॒dya-mme॒dhā nopa॒name॒cchandāgṃ̭si॒ vai devi̭kā॒śchandāgṃ̭si॒ khalu॒ vā e॒ta-nnopa̭ namanti॒ ya-mme॒dhā nopa॒nama̭ti pratha॒ma-ndhā॒tāra̭-ṅkaroti mukha॒ta e॒vāsmai॒ chandāgṃ̭si dadhā॒tyupai̭na-mme॒dhā na̭matye॒tā e॒va niva̭rpe॒- [niva̭rpet, rukkā̭ma॒śchandāgṃ̭si॒ vai] 33
-drukkā̭ma॒śchandāgṃ̭si॒ vai devi̭kā॒śchandāgṃ̭sīva॒ khalu॒ vai ruk chando̭bhire॒vāsmi॒-nruca̭-ndadhātikṣī॒re bha̭vanti॒ ruca̭me॒vāsmi̭-ndadhati maddhya॒to dhā॒tāra̭-ṅkaroti maddhya॒ta e॒vainagṃ̭ ru॒co da̭dhātigāya॒trī vā anṷmatistri॒ṣṭugrā॒kā jaga̭tī sinīvā॒lya̭nu॒ṣṭup ku॒hūrdhā॒tā va̭ṣaṭkā॒raḥ pū᳚rvapa॒kṣo rā॒kā-'pa̭rapa॒kṣaḥ ku॒hūra̭māvā॒syā̭ sinīvā॒lī pau᳚rṇamā॒syanṷmatiśca॒ndramā̭ dhā॒tā-'ṣṭau [ ] 34
vasa̭vo॒-'ṣṭākṣa̭rā gāya॒tryekā̭daśa ru॒drā ekā̭daśākṣarā tri॒ṣṭub dvāda̭śā-''di॒tyā dvāda̭śākṣarā॒ jaga̭tī pra॒jāpa̭tiranu॒ṣṭub dhā॒tā va̭ṣaṭkā॒ra e॒tadvai devi̭kā॒-ssarvā̭ṇi ca॒ chandāgṃ̭si॒ sarvā᳚śca de॒vatā̭ vaṣaṭkā॒rastā ya-thsa॒ha sarvā̭ ni॒rvapḙdīśva॒rā ḙna-mpra॒daho॒ dve pra̭tha॒me ni॒rupya̭ dhā॒tustṛ॒tīya॒-nniva̭rpe॒-ttatho̭ e॒votta̭re॒ niva̭rpe॒-ttathai̭na॒-nna prada̭ha॒ntya tho॒ yasmai॒ kāmā̭ya niru॒pyante॒ tame॒vā-''bhi॒rupā᳚-''pnoti || 35 ||
(pa॒śukā̭ma॒śchandāgṃ̭si॒ vai devi̭kā॒śchandāgṃ̭si॒-grāmaṃ̭-kalpayatye॒tā e॒va ni-rṷtta॒mandhā॒tāra̭-ṅkaroti - me॒dhā na̭matye॒tā e॒va nirva̭pe - da॒ṣṭau - da̭hanti॒ - nava̭ ca) (a. 9)
(devi̭kāḥ pra॒jākā̭mo mithu॒nī pa॒śukā̭maḥ॒ praiva grāma̭kāmo॒ jyogā̭mayāvī॒ yaṃ-ya~॒jño ya ī̭jā॒no ya-mme॒dhā rukkā̭mo॒-'ṣṭau | devi̭kā bhavanti dadhati rā॒ṣṭrakā̭māya bhavati dadhāti |)
vāsto᳚ṣpate॒ prati̭ jānī hya॒smān-thsvā̭ve॒śo a̭namī॒vo bha̭vānaḥ | ya-ttvema̭he॒ prati॒tanno̭ juṣasva॒ śanna̭ edhi dvi॒pade॒ śañcatṷṣpade || vāsto᳚ṣpate śa॒gmayā̭ sa॒gṃ॒ sadā̭te sakṣī॒mahi̭ ra॒ṇvayā̭ gātu॒matyā᳚ | āvaḥ॒, kṣema̭ u॒ta yoge॒ vara̭nno yū॒ya-mpā̭ta sva॒stibhi॒-ssadā̭naḥ || ya-thsā॒ya-mprā̭taragniho॒tra-ñju॒hotyā̭hutīṣṭa॒kā e॒va tā upa̭ dhatte॒ [tā upa̭ dhatte, yaja̭māno-'horā॒trāṇi॒] 36
yaja̭māno-'horā॒trāṇi॒ vā e॒tasyeṣṭa̭kā॒ ya āhi̭tāgni॒rya-thsā॒ya-mprā̭tarju॒hotya̭horā॒trāṇye॒vā ''ptveṣṭa̭kāḥ kṛ॒tvopa̭ dhatte॒ daśa̭ samā॒natra̭ juhoti॒ daśā᳚kṣarā vi॒rā-ḍvi॒rāja̭me॒vā-''ptveṣṭa̭kā-ṅkṛ॒tvopa̭ dha॒tte-'tho̭ vi॒rājye॒va ya॒jñamā᳚pnoti॒ citya̭ścityo-'sya bhavati॒ tasmā॒dyatra॒ daśo̭ṣi॒tvā pra॒yāti॒ ta-dya̭jñavā॒stvavā᳚stve॒va tadya-ttato᳚-'rvā॒cīnagṃ̭ [tadya-ttato᳚-'rvā॒cīna᳚m, ru॒draḥ khalu॒ vai] 37
ru॒draḥ khalu॒ vai vā᳚stoṣpa॒tiryadahṷtvā vāstoṣpa॒tīya̭-mprayā॒yā-dru॒dra ḙna-mbhū॒tvā-'gnira̭nū॒tthāya̭ hanyādvāstoṣpa॒tīya̭-ñjuhoti bhāga॒dheyḙnai॒vainagṃ̭ śamayati॒ nā-''rti॒mārccha̭ti॒ yaja̭māno॒ yadyu॒kte jṷhu॒yādyathā॒ prayā̭te॒ vāstā॒vāhṷti-ñju॒hoti̭ tā॒dṛge॒va tadyadayṷkte juhu॒yādyathā॒ kṣema॒ āhṷti-ñju॒hoti̭ tā॒dṛge॒va tadahṷtamasya vāstoṣpa॒tīyagg̭ syā॒- [syāt, dakṣi̭ṇo] 38
-ddakṣi̭ṇo yu॒kto bhava̭ti sa॒vyo-'yu॒kto-'tha̭ vāstoṣpa॒tīya̭-ñjuhotyu॒bhaya̭me॒vā-' ka॒rapa̭rivargame॒vainagṃ̭ śamayati॒ yadeka̭yā juhu॒yādda̭rviho॒ma-ṅkṷryā-tpuro-'nuvā॒kyā̭ ma॒nūcya̭ yā॒jya̭yā juhoti sadeva॒tvāya॒ yaddhu॒ta ā̭da॒ddhyā-dru॒dra-ṅgṛ॒hāna॒nvāro̭haye॒-dyada̭va॒kṣāṇā॒nyasa̭-mprakṣāpya prayā॒yādyathā̭ yajñaveśa॒saṃ-vā~॒-''daha̭naṃ-vā~ tā॒dṛge॒va tada॒yante॒ yoni̭r-ṛ॒tviya॒ itya॒raṇyo᳚-ssa॒māro̭haya- [itya॒raṇyo᳚-ssa॒māro̭hayati, e॒ṣa vā] 39
-tye॒ṣa vā a॒gneryoni॒-ssva e॒vainaṃ॒-yo~naṷ sa॒māro̭haya॒tyatho॒ khalvā̭hu॒ryada॒raṇyo᳚-ssa॒mārṷ̄ḍho॒ naśye॒duda̭syā॒gni-ssī̭de-tpunarā॒dheyaḥ̭ syā॒diti॒ yā tḙ agne ya॒jñiyā̭ ta॒nūstayehyā ro॒hetyā॒tman-thsa॒māro̭hayate॒ yaja̭māno॒ vā a॒gneryoni॒-ssvāyā̭me॒vainaṃ॒-yo~nyāgṃ̭ sa॒māro̭hayate || 40 ||
(dha॒tte॒-'rvā॒cīnagg̭ -syā-thsa॒māro̭hayati॒ -pañca̭catvārigṃśacca) (a. 10)
tvama̭gne bṛ॒hadvayo॒ dadhā̭si deva dā॒śuṣe᳚ | ka॒virgṛ॒hapa̭ti॒ryuvā᳚ || ha॒vya॒vāḍa॒gnira॒jaraḥ̭ pi॒tā no̭ vi॒bhurvi॒bhāvā̭ su॒dṛśī̭ko a॒sme | su॒gā॒r॒ha॒pa॒tyā-ssamiṣo̭ didīhyasma॒driya॒khsa-mmi̭mīhi॒ śravāgṃ̭si || tva-ñca̭ soma no॒ vaśo̭ jī॒vātu॒-nna ma̭rāmahe | pri॒yasto᳚tro॒ vana॒spatiḥ̭ || bra॒hmā de॒vānā᳚-mpada॒vīḥ ka̭vī॒nāmṛṣi॒rviprā̭ṇā-mmahi॒ṣo mṛ॒gāṇā᳚m | śye॒no gṛddhrā̭ṇā॒g॒ svadhi̭ti॒ rvanā̭nā॒gṃ॒ somaḥ̭ [somaḥ̭, pa॒vitra॒matyḙti॒] 41
pa॒vitra॒matyḙti॒ rebhanṋ || ā vi॒śvadḙva॒gṃ॒ satpa̭tigṃ sū॒ktaira॒dyā vṛ̭ṇīmahe | sa॒tyasa̭vagṃ savi॒tāra᳚m || āsa॒tyena॒ raja̭sā॒ varta̭māno nive॒śaya̭nna॒mṛta॒-mmartya̭ñca | hi॒ra॒ṇyayḙna savi॒tā rathe॒nā-'' de॒voyā̭ti॒ bhuva̭nā vi॒paśyanṋ || yathā̭ no॒ adi̭tiḥ॒ kara॒-tpaśve॒ nṛbhyo॒ yathā॒ gave᳚ | yathā̭ to॒kāya̭ ru॒driya᳚m || mā na̭sto॒ke tana̭ye॒ mā na॒ āyṷṣi॒ mā no॒ goṣu॒ mā [ ] 42
no॒ aśvḙṣu rīriṣaḥ | vī॒rā-nmāno̭ rudra bhāmi॒to va̭dhīrha॒viṣma̭nto॒ nama̭sā vidhema te || u॒da॒pruto॒ na vayo॒ rakṣa̭māṇā॒ vāva̭dato a॒bhriya̭syeva॒ ghoṣāḥ᳚ | gi॒ri॒bhrajo॒ normayo॒ mada̭nto॒ bṛha॒spati̭ma॒bhya̭rkā a̭nāvann || ha॒gṃ॒sairi̭va॒ sakhi̭bhi॒rvāva̭dadbhiraśma॒n- mayā̭ni॒ naha̭nā॒ vyasyanṋ | bṛha॒spati̭rabhi॒kani̭krada॒dgā u॒ta prāstau॒ducca̭ vi॒dvāgṃ a̭gāyat || endra̭ sāna॒sigṃ ra॒yigṃ [ra॒yim, sa॒jitvā̭nagṃ sadā॒saha᳚m |] 43
sa॒jitvā̭nagṃ sadā॒saha᳚m | varṣi̭ṣṭhamū॒tayḙ bhara || pra sa̭sāhiṣe puruhūta॒ śatrū॒n jyeṣṭha̭ste॒ śuṣma̭ i॒ha rā॒tira̭stu | indrā-'' bha̭ra॒ dakṣi̭ṇenā॒ vasṷ̄ni॒ pati॒-ssindhṷ̄nāmasi re॒vatī̭nām || tvagṃ su॒tasya̭ pī॒tayḙ sa॒dyo vṛ॒ddho a̭jāyathāḥ | indra॒ jyaiṣṭhyā̭ya sukrato || bhuva॒stvami̭ndra॒ brahma̭ṇā ma॒hā-nbhuvo॒ viśvḙṣu॒ sava̭neṣu ya॒jñiyaḥ̭ | bhuvo॒ nṝgścyau॒tno viśva̭smi॒-nbhare॒ jyeṣṭha̭śca॒ mantro̭ [mantraḥ̭, vi॒śva॒ca॒rṣa॒ṇe॒ |] 44
viśvacarṣaṇe || mi॒trasya̭ carṣaṇī॒dhṛta॒-śśravo̭ de॒vasya̭ sāna॒sim |
sa॒tya-ñci॒tra śra̭vastamam || mi॒tro janāṋ yātayati prajā॒na-nmi॒tro dā̭dhāra pṛthi॒vīmu॒ta dyām | mi॒traḥ kṛ॒ṣṭīrani̭miṣā॒-'bhi ca̭ṣṭe sa॒tyāya̭ ha॒vya-ṅghṛ॒tava̭-dvidhema || prasami̭tra॒ marto̭ astu॒ praya̭svā॒n॒. yasta̭ āditya॒ śikṣa̭ti vra॒tena̭ | na ha̭nyate॒ na jī̭yate॒ tvoto॒ naina॒magṃho̭ aśño॒tyanti̭to॒ na dū॒rāt || ya- [yat, ci॒ddhi te॒ viśo̭] 45
-cci॒ddhi te॒ viśo̭ yathā॒ pradḙva varuṇa vra॒tam | mi॒nī॒masi॒ dyavi̭dyavi || ya-tkiñce॒daṃ-va~̭ruṇa॒ daivye॒ janḙ-'bhidro॒ha-mma̭nu॒ṣyā᳚ścarā̭masi | aci̭ttī॒ya-ttava॒ dharmā̭ yuyopi॒mamā na॒stasmā॒ dena̭so deva rīriṣaḥ || ki॒ta॒vāso॒ yadri̭ ri॒purna dī॒vi yadvā̭ ghā sa॒tya mu॒tayanna vi॒dma | sarvā॒ tā viṣya̭ śithi॒re va̭ de॒vāthā̭ te syāma varuṇa pri॒yāsaḥ̭ || 46 ||
(somo॒-goṣu॒ mā- ra॒yiṃ - mantro॒ -ya-cchi̭thi॒rā-sa॒pta ca̭ ) (a. 11)
(vi vā e॒tasyā - ''vā̭yo - i॒me vai - ci॒ttañcā॒ - 'gnirbhū॒tānāṃ᳚ - de॒vā vā a̭bhyātā॒nā - nṛ̭tā॒ṣāḍ - rā॒ṣṭrakā̭māya॒ - devi̭kā॒ - vāsto᳚ṣpate॒ - tvama̭gne bṛ॒ha - dekā̭daśa )
(vi vā e॒tasye - tyā̭ha - mṛ॒tyurga̭ndha॒rvo - 'va̭ rundhe maddhya॒ta - stvama̭gne bṛ॒hath - ṣaṭca̭tvārigṃśat)
(vi vā e॒tasya̭, pri॒yāsaḥ̭ )
|| hariḥ̭ om ||
|| kṛṣṇa yajurvedīya taittirīya saṃhitāyā-ntṛtīyakāṇḍe caturthaḥ praśna-ssamāptaḥ ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.