𑌦𑍇𑌵𑌿! 𑌸𑍁𑌰𑍇𑌶𑍍𑌵𑌰𑌿! 𑌭𑌗𑌵𑌤𑌿! 𑌗𑌙𑍍𑌗𑍇 𑌤𑍍𑌰𑌿𑌭𑍁𑌵𑌨𑌤𑌾𑌰𑌿𑌣𑌿 𑌤𑌰𑌲𑌤𑌰𑌙𑍍𑌗𑍇 ।
𑌶𑌙𑍍𑌕𑌰𑌮𑍗𑌲𑌿𑌵𑌿𑌹𑌾𑌰𑌿𑌣𑌿 𑌵𑌿𑌮𑌲𑍇 𑌮𑌮 𑌮𑌤𑌿𑌰𑌾𑌸𑍍𑌤𑌾𑌂 𑌤𑌵 𑌪𑌦𑌕𑌮𑌲𑍇 ॥ 1 ॥
𑌭𑌾𑌗𑍀𑌰𑌥𑌿𑌸𑍁𑌖𑌦𑌾𑌯𑌿𑌨𑌿 𑌮𑌾𑌤𑌸𑍍𑌤𑌵 𑌜𑌲𑌮𑌹𑌿𑌮𑌾 𑌨𑌿𑌗𑌮𑍇 𑌖𑍍𑌯𑌾𑌤𑌃 ।
𑌨𑌾𑌹𑌂 𑌜𑌾𑌨𑍇 𑌤𑌵 𑌮𑌹𑌿𑌮𑌾𑌨𑌂 𑌪𑌾𑌹𑌿 𑌕𑍃𑌪𑌾𑌮𑌯𑌿 𑌮𑌾𑌮𑌜𑍍𑌞𑌾𑌨𑌮𑍍 ॥ 2 ॥
𑌹𑌰𑌿𑌪𑌦𑌪𑌾𑌦𑍍𑌯𑌤𑌰𑌙𑍍𑌗𑌿𑌣𑌿 𑌗𑌙𑍍𑌗𑍇 𑌹𑌿𑌮𑌵𑌿𑌧𑍁𑌮𑍁𑌕𑍍𑌤𑌾𑌧𑌵𑌲𑌤𑌰𑌙𑍍𑌗𑍇 ।
𑌦𑍂𑌰𑍀𑌕𑍁𑌰𑍁 𑌮𑌮 𑌦𑍁𑌷𑍍𑌕𑍃𑌤𑌿𑌭𑌾𑌰𑌂 𑌕𑍁𑌰𑍁 𑌕𑍃𑌪𑌯𑌾 𑌭𑌵𑌸𑌾𑌗𑌰𑌪𑌾𑌰𑌮𑍍 ॥ 3 ॥
𑌤𑌵 𑌜𑌲𑌮𑌮𑌲𑌂 𑌯𑍇𑌨 𑌨𑌿𑌪𑍀𑌤𑌂 𑌪𑌰𑌮𑌪𑌦𑌂 𑌖𑌲𑍁 𑌤𑍇𑌨 𑌗𑍃𑌹𑍀𑌤𑌮𑍍 ।
𑌮𑌾𑌤𑌰𑍍𑌗𑌙𑍍𑌗𑍇 𑌤𑍍𑌵𑌯𑌿 𑌯𑍋 𑌭𑌕𑍍𑌤𑌃 𑌕𑌿𑌲 𑌤𑌂 𑌦𑍍𑌰𑌷𑍍𑌟𑍁𑌂 𑌨 𑌯𑌮𑌃 𑌶𑌕𑍍𑌤𑌃 ॥ 4 ॥
𑌪𑌤𑌿𑌤𑍋𑌦𑍍𑌧𑌾𑌰𑌿𑌣𑌿 𑌜𑌾𑌹𑍍𑌨𑌵𑌿 𑌗𑌙𑍍𑌗𑍇 𑌖𑌣𑍍𑌡𑌿𑌤 𑌗𑌿𑌰𑌿𑌵𑌰𑌮𑌣𑍍𑌡𑌿𑌤 𑌭𑌙𑍍𑌗𑍇 ।
𑌭𑍀𑌷𑍍𑌮𑌜𑌨𑌨𑌿 𑌹𑍇 𑌮𑍁𑌨𑌿𑌵𑌰𑌕𑌨𑍍𑌯𑍇 𑌪𑌤𑌿𑌤𑌨𑌿𑌵𑌾𑌰𑌿𑌣𑌿 𑌤𑍍𑌰𑌿𑌭𑍁𑌵𑌨 𑌧𑌨𑍍𑌯𑍇 ॥ 5 ॥
𑌕𑌲𑍍𑌪𑌲𑌤𑌾𑌮𑌿𑌵 𑌫𑌲𑌦𑌾𑌂 𑌲𑍋𑌕𑍇 𑌪𑍍𑌰𑌣𑌮𑌤𑌿 𑌯𑌸𑍍𑌤𑍍𑌵𑌾𑌂 𑌨 𑌪𑌤𑌤𑌿 𑌶𑍋𑌕𑍇 ।
𑌪𑌾𑌰𑌾𑌵𑌾𑌰𑌵𑌿𑌹𑌾𑌰𑌿𑌣𑌿 𑌗𑌙𑍍𑌗𑍇 𑌵𑌿𑌮𑍁𑌖𑌯𑍁𑌵𑌤𑌿 𑌕𑍃𑌤𑌤𑌰𑌲𑌾𑌪𑌾𑌙𑍍𑌗𑍇 ॥ 6 ॥
𑌤𑌵 𑌚𑍇𑌨𑍍𑌮𑌾𑌤𑌃 𑌸𑍍𑌰𑍋𑌤𑌃 𑌸𑍍𑌨𑌾𑌤𑌃 𑌪𑍁𑌨𑌰𑌪𑌿 𑌜𑌠𑌰𑍇 𑌸𑍋𑌪𑌿 𑌨 𑌜𑌾𑌤𑌃 ।
𑌨𑌰𑌕𑌨𑌿𑌵𑌾𑌰𑌿𑌣𑌿 𑌜𑌾𑌹𑍍𑌨𑌵𑌿 𑌗𑌙𑍍𑌗𑍇 𑌕𑌲𑍁𑌷𑌵𑌿𑌨𑌾𑌶𑌿𑌨𑌿 𑌮𑌹𑌿𑌮𑍋𑌤𑍍𑌤𑍁𑌙𑍍𑌗𑍇 ॥ 7 ॥
𑌪𑍁𑌨𑌰𑌸𑌦𑌙𑍍𑌗𑍇 𑌪𑍁𑌣𑍍𑌯𑌤𑌰𑌙𑍍𑌗𑍇 𑌜𑌯 𑌜𑌯 𑌜𑌾𑌹𑍍𑌨𑌵𑌿 𑌕𑌰𑍁𑌣𑌾𑌪𑌾𑌙𑍍𑌗𑍇 ।
𑌇𑌨𑍍𑌦𑍍𑌰𑌮𑍁𑌕𑍁𑌟𑌮𑌣𑌿𑌰𑌾𑌜𑌿𑌤𑌚𑌰𑌣𑍇 𑌸𑍁𑌖𑌦𑍇 𑌶𑍁𑌭𑌦𑍇 𑌭𑍃𑌤𑍍𑌯𑌶𑌰𑌣𑍍𑌯𑍇 ॥ 8 ॥
𑌰𑍋𑌗𑌂 𑌶𑍋𑌕𑌂 𑌤𑌾𑌪𑌂 𑌪𑌾𑌪𑌂 𑌹𑌰 𑌮𑍇 𑌭𑌗𑌵𑌤𑌿 𑌕𑍁𑌮𑌤𑌿𑌕𑌲𑌾𑌪𑌮𑍍 ।
𑌤𑍍𑌰𑌿𑌭𑍁𑌵𑌨𑌸𑌾𑌰𑍇 𑌵𑌸𑍁𑌧𑌾𑌹𑌾𑌰𑍇 𑌤𑍍𑌵𑌮𑌸𑌿 𑌗𑌤𑌿𑌰𑍍𑌮𑌮 𑌖𑌲𑍁 𑌸𑌂𑌸𑌾𑌰𑍇 ॥ 9 ॥
𑌅𑌲𑌕𑌾𑌨𑌨𑍍𑌦𑍇 𑌪𑌰𑌮𑌾𑌨𑌨𑍍𑌦𑍇 𑌕𑍁𑌰𑍁 𑌕𑌰𑍁𑌣𑌾𑌮𑌯𑌿 𑌕𑌾𑌤𑌰𑌵𑌨𑍍𑌦𑍍𑌯𑍇 ।
𑌤𑌵 𑌤𑌟𑌨𑌿𑌕𑌟𑍇 𑌯𑌸𑍍𑌯 𑌨𑌿𑌵𑌾𑌸𑌃 𑌖𑌲𑍁 𑌵𑍈𑌕𑍁𑌣𑍍𑌠𑍇 𑌤𑌸𑍍𑌯 𑌨𑌿𑌵𑌾𑌸𑌃 ॥ 10 ॥
𑌵𑌰𑌮𑌿𑌹 𑌨𑍀𑌰𑍇 𑌕𑌮𑌠𑍋 𑌮𑍀𑌨𑌃 𑌕𑌿𑌂 𑌵𑌾 𑌤𑍀𑌰𑍇 𑌶𑌰𑌟𑌃 𑌕𑍍𑌷𑍀𑌣𑌃 ।
𑌅𑌥𑌵𑌾𑌶𑍍𑌵𑌪𑌚𑍋 𑌮𑌲𑌿𑌨𑍋 𑌦𑍀𑌨𑌸𑍍𑌤𑌵 𑌨 𑌹𑌿 𑌦𑍂𑌰𑍇 𑌨𑍃𑌪𑌤𑌿𑌕𑍁𑌲𑍀𑌨𑌃 ॥ 11 ॥
𑌭𑍋 𑌭𑍁𑌵𑌨𑍇𑌶𑍍𑌵𑌰𑌿 𑌪𑍁𑌣𑍍𑌯𑍇 𑌧𑌨𑍍𑌯𑍇 𑌦𑍇𑌵𑌿 𑌦𑍍𑌰𑌵𑌮𑌯𑌿 𑌮𑍁𑌨𑌿𑌵𑌰𑌕𑌨𑍍𑌯𑍇 ।
𑌗𑌙𑍍𑌗𑌾𑌸𑍍𑌤𑌵𑌮𑌿𑌮𑌮𑌮𑌲𑌂 𑌨𑌿𑌤𑍍𑌯𑌂 𑌪𑌠𑌤𑌿 𑌨𑌰𑍋 𑌯𑌃 𑌸 𑌜𑌯𑌤𑌿 𑌸𑌤𑍍𑌯𑌮𑍍 ॥ 12 ॥
𑌯𑍇𑌷𑌾𑌂 𑌹𑍃𑌦𑌯𑍇 𑌗𑌙𑍍𑌗𑌾 𑌭𑌕𑍍𑌤𑌿𑌸𑍍𑌤𑍇𑌷𑌾𑌂 𑌭𑌵𑌤𑌿 𑌸𑌦𑌾 𑌸𑍁𑌖𑌮𑍁𑌕𑍍𑌤𑌿𑌃 ।
𑌮𑌧𑍁𑌰𑌾𑌕𑌨𑍍𑌤𑌾 𑌪𑌞𑍍𑌝𑌟𑌿𑌕𑌾𑌭𑌿𑌃 𑌪𑌰𑌮𑌾𑌨𑌨𑍍𑌦𑌕𑌲𑌿𑌤𑌲𑌲𑌿𑌤𑌾𑌭𑌿𑌃 ॥ 13 ॥
𑌗𑌙𑍍𑌗𑌾𑌸𑍍𑌤𑍋𑌤𑍍𑌰𑌮𑌿𑌦𑌂 𑌭𑌵𑌸𑌾𑌰𑌂 𑌵𑌾𑌞𑍍𑌛𑌿𑌤𑌫𑌲𑌦𑌂 𑌵𑌿𑌮𑌲𑌂 𑌸𑌾𑌰𑌮𑍍 ।
𑌶𑌙𑍍𑌕𑌰𑌸𑍇𑌵𑌕 𑌶𑌙𑍍𑌕𑌰 𑌰𑌚𑌿𑌤𑌂 𑌪𑌠𑌤𑌿 𑌸𑍁𑌖𑍀𑌃 𑌤𑌵 𑌇𑌤𑌿 𑌚 𑌸𑌮𑌾𑌪𑍍𑌤𑌃 ॥ 14 ॥
Roman (IAST) Transliteration
devi! sureśvari! bhagavati! gaṅge tribhuvanatāriṇi taralataraṅge |
śaṅkaramaulivihāriṇi vimale mama matirāstāṃ tava padakamale || 1 ||
bhāgīrathisukhadāyini mātastava jalamahimā nigame khyātaḥ |
nāhaṃ jāne tava mahimānaṃ pāhi kṛpāmayi māmajñānam || 2 ||
haripadapādyataraṅgiṇi gaṅge himavidhumuktādhavalataraṅge |
dūrīkuru mama duṣkṛtibhāraṃ kuru kṛpayā bhavasāgarapāram || 3 ||
tava jalamamalaṃ yena nipītaṃ paramapadaṃ khalu tena gṛhītam |
mātargaṅge tvayi yo bhaktaḥ kila taṃ draṣṭuṃ na yamaḥ śaktaḥ || 4 ||
patitoddhāriṇi jāhnavi gaṅge khaṇḍita girivaramaṇḍita bhaṅge |
bhīṣmajanani he munivarakanye patitanivāriṇi tribhuvana dhanye || 5 ||
kalpalatāmiva phaladāṃ loke praṇamati yastvāṃ na patati śoke |
pārāvāravihāriṇi gaṅge vimukhayuvati kṛtataralāpāṅge || 6 ||
tava cenmātaḥ srotaḥ snātaḥ punarapi jaṭhare sopi na jātaḥ |
narakanivāriṇi jāhnavi gaṅge kaluṣavināśini mahimottuṅge || 7 ||
punarasadaṅge puṇyataraṅge jaya jaya jāhnavi karuṇāpāṅge |
indramukuṭamaṇirājitacaraṇe sukhade śubhade bhṛtyaśaraṇye || 8 ||
rogaṃ śokaṃ tāpaṃ pāpaṃ hara me bhagavati kumatikalāpam |
tribhuvanasāre vasudhāhāre tvamasi gatirmama khalu saṃsāre || 9 ||
alakānande paramānande kuru karuṇāmayi kātaravandye |
tava taṭanikaṭe yasya nivāsaḥ khalu vaikuṇṭhe tasya nivāsaḥ || 10 ||
varamiha nīre kamaṭho mīnaḥ kiṃ vā tīre śaraṭaḥ kṣīṇaḥ |
athavāśvapaco malino dīnastava na hi dūre nṛpatikulīnaḥ || 11 ||
bho bhuvaneśvari puṇye dhanye devi dravamayi munivarakanye |
gaṅgāstavamimamamalaṃ nityaṃ paṭhati naro yaḥ sa jayati satyam || 12 ||
yeṣāṃ hṛdaye gaṅgā bhaktisteṣāṃ bhavati sadā sukhamuktiḥ |
madhurākantā pañjhaṭikābhiḥ paramānandakalitalalitābhiḥ || 13 ||
gaṅgāstotramidaṃ bhavasāraṃ vāñchitaphaladaṃ vimalaṃ sāram |
śaṅkarasevaka śaṅkara racitaṃ paṭhati sukhīḥ tava iti ca samāptaḥ || 14 ||
Sanskrit — Devanagari (original)
देवि! सुरेश्वरि! भगवति! गङ्गे त्रिभुवनतारिणि तरलतरङ्गे ।
शङ्करमौलिविहारिणि विमले मम मतिरास्तां तव पदकमले ॥ 1 ॥
भागीरथिसुखदायिनि मातस्तव जलमहिमा निगमे ख्यातः ।
नाहं जाने तव महिमानं पाहि कृपामयि मामज्ञानम् ॥ 2 ॥
हरिपदपाद्यतरङ्गिणि गङ्गे हिमविधुमुक्ताधवलतरङ्गे ।
दूरीकुरु मम दुष्कृतिभारं कुरु कृपया भवसागरपारम् ॥ 3 ॥
तव जलममलं येन निपीतं परमपदं खलु तेन गृहीतम् ।
मातर्गङ्गे त्वयि यो भक्तः किल तं द्रष्टुं न यमः शक्तः ॥ 4 ॥
पतितोद्धारिणि जाह्नवि गङ्गे खण्डित गिरिवरमण्डित भङ्गे ।
भीष्मजननि हे मुनिवरकन्ये पतितनिवारिणि त्रिभुवन धन्ये ॥ 5 ॥
कल्पलतामिव फलदां लोके प्रणमति यस्त्वां न पतति शोके ।
पारावारविहारिणि गङ्गे विमुखयुवति कृततरलापाङ्गे ॥ 6 ॥
तव चेन्मातः स्रोतः स्नातः पुनरपि जठरे सोपि न जातः ।
नरकनिवारिणि जाह्नवि गङ्गे कलुषविनाशिनि महिमोत्तुङ्गे ॥ 7 ॥
पुनरसदङ्गे पुण्यतरङ्गे जय जय जाह्नवि करुणापाङ्गे ।
इन्द्रमुकुटमणिराजितचरणे सुखदे शुभदे भृत्यशरण्ये ॥ 8 ॥
रोगं शोकं तापं पापं हर मे भगवति कुमतिकलापम् ।
त्रिभुवनसारे वसुधाहारे त्वमसि गतिर्मम खलु संसारे ॥ 9 ॥
अलकानन्दे परमानन्दे कुरु करुणामयि कातरवन्द्ये ।
तव तटनिकटे यस्य निवासः खलु वैकुण्ठे तस्य निवासः ॥ 10 ॥
वरमिह नीरे कमठो मीनः किं वा तीरे शरटः क्षीणः ।
अथवाश्वपचो मलिनो दीनस्तव न हि दूरे नृपतिकुलीनः ॥ 11 ॥
भो भुवनेश्वरि पुण्ये धन्ये देवि द्रवमयि मुनिवरकन्ये ।
गङ्गास्तवमिमममलं नित्यं पठति नरो यः स जयति सत्यम् ॥ 12 ॥
येषां हृदये गङ्गा भक्तिस्तेषां भवति सदा सुखमुक्तिः ।
मधुराकन्ता पञ्झटिकाभिः परमानन्दकलितललिताभिः ॥ 13 ॥
गङ्गास्तोत्रमिदं भवसारं वाञ्छितफलदं विमलं सारम् ।
शङ्करसेवक शङ्कर रचितं पठति सुखीः तव इति च समाप्तः ॥ 14 ॥
devi! sureśvari! bhagavati! gaṅge tribhuvanatāriṇi taralataraṅge |
śaṅkaramaulivihāriṇi vimale mama matirāstāṃ tava padakamale || 1 ||
bhāgīrathisukhadāyini mātastava jalamahimā nigame khyātaḥ |
nāhaṃ jāne tava mahimānaṃ pāhi kṛpāmayi māmajñānam || 2 ||
haripadapādyataraṅgiṇi gaṅge himavidhumuktādhavalataraṅge |
dūrīkuru mama duṣkṛtibhāraṃ kuru kṛpayā bhavasāgarapāram || 3 ||
tava jalamamalaṃ yena nipītaṃ paramapadaṃ khalu tena gṛhītam |
mātargaṅge tvayi yo bhaktaḥ kila taṃ draṣṭuṃ na yamaḥ śaktaḥ || 4 ||
patitoddhāriṇi jāhnavi gaṅge khaṇḍita girivaramaṇḍita bhaṅge |
bhīṣmajanani he munivarakanye patitanivāriṇi tribhuvana dhanye || 5 ||
kalpalatāmiva phaladāṃ loke praṇamati yastvāṃ na patati śoke |
pārāvāravihāriṇi gaṅge vimukhayuvati kṛtataralāpāṅge || 6 ||
tava cenmātaḥ srotaḥ snātaḥ punarapi jaṭhare sopi na jātaḥ |
narakanivāriṇi jāhnavi gaṅge kaluṣavināśini mahimottuṅge || 7 ||
punarasadaṅge puṇyataraṅge jaya jaya jāhnavi karuṇāpāṅge |
indramukuṭamaṇirājitacaraṇe sukhade śubhade bhṛtyaśaraṇye || 8 ||
rogaṃ śokaṃ tāpaṃ pāpaṃ hara me bhagavati kumatikalāpam |
tribhuvanasāre vasudhāhāre tvamasi gatirmama khalu saṃsāre || 9 ||
alakānande paramānande kuru karuṇāmayi kātaravandye |
tava taṭanikaṭe yasya nivāsaḥ khalu vaikuṇṭhe tasya nivāsaḥ || 10 ||
varamiha nīre kamaṭho mīnaḥ kiṃ vā tīre śaraṭaḥ kṣīṇaḥ |
athavāśvapaco malino dīnastava na hi dūre nṛpatikulīnaḥ || 11 ||
bho bhuvaneśvari puṇye dhanye devi dravamayi munivarakanye |
gaṅgāstavamimamamalaṃ nityaṃ paṭhati naro yaḥ sa jayati satyam || 12 ||
yeṣāṃ hṛdaye gaṅgā bhaktisteṣāṃ bhavati sadā sukhamuktiḥ |
madhurākantā pañjhaṭikābhiḥ paramānandakalitalalitābhiḥ || 13 ||
gaṅgāstotramidaṃ bhavasāraṃ vāñchitaphaladaṃ vimalaṃ sāram |
śaṅkarasevaka śaṅkara racitaṃ paṭhati sukhīḥ tava iti ca samāptaḥ || 14 ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.