Goda Devi Ashtottara Shata Stotram — Bengali Script

Meaning —

ধ্যানম্ ।

শতমখমণি নীলা চারুকল্হারহস্তা

স্তনভরনমিতাঙ্গী সান্দ্রবাত্সল্যসিন্ধুঃ ।

অলকবিনিহিতাভিঃ স্রগ্ভিরাকৃষ্টনাথা

বিলসতু হৃদি গোদা বিষ্ণুচিত্তাত্মজা নঃ ॥

অথ স্তোত্রম্ ।

Verse 1

শ্রীরঙ্গনাযকী গোদা বিষ্ণুচিত্তাত্মজা সতী ।
গোপীবেষধরা দেবী ভূসুতা ভোগশালিনী ॥ 1 ॥

śrīraṅganāyakī godā viṣṇucittātmajā satī |
gopīveṣadharā devī bhūsutā bhogaśālinī || 1 ||

Verse 2

তুলসীকাননোদ্ভূতা শ্রীধন্বিপুরবাসিনী ।
ভট্টনাথপ্রিযকরী শ্রীকৃষ্ণহিতভোগিনী ॥ 2 ॥

tulasīkānanodbhūtā śrīdhanvipuravāsinī |
bhaṭṭanāthapriyakarī śrīkṛṣṇahitabhoginī || 2 ||

Verse 3

আমুক্তমাল্যদা বালা রঙ্গনাথপ্রিযা পরা ।
বিশ্বম্ভরা কলালাপা যতিরাজসহোদরী ॥ 3 ॥

āmuktamālyadā bālā raṅganāthapriyā parā |
viśvambharā kalālāpā yatirājasahodarī || 3 ||

Verse 4

কৃষ্ণানুরক্তা সুভগা সুলভশ্রীঃ সুলক্ষণা ।
লক্ষ্মীপ্রিযসখী শ্যামা দযাঞ্চিতদৃগঞ্চলা ॥ 4 ॥

kṛṣṇānuraktā subhagā sulabhaśrīḥ sulakṣaṇā |
lakṣmīpriyasakhī śyāmā dayāñcitadṛgañcalā || 4 ||

Verse 5

ফল্গুন্যাবির্ভবা রম্যা ধনুর্মাসকৃতব্রতা ।
চম্পকাশোকপুন্নাগমালতীবিলসত্কচা ॥ 5 ॥

phalgunyāvirbhavā ramyā dhanurmāsakṛtavratā |
campakāśokapunnāgamālatīvilasatkacā || 5 ||

Verse 6

আকারত্রযসম্পন্না নারাযণপদাশ্রিতা ।
শ্রীমদষ্টাক্ষরীমন্ত্ররাজস্থিতমনোরথা ॥ 6 ॥

ākāratrayasampannā nārāyaṇapadāśritā |
śrīmadaṣṭākṣarīmantrarājasthitamanorathā || 6 ||

Verse 7

মোক্ষপ্রদাননিপুণা মনুরত্নাধিদেবতা ।
ব্রহ্মণ্যা লোকজননী লীলামানুষরূপিণী ॥ 7 ॥

mokṣapradānanipuṇā manuratnādhidevatā |
brahmaṇyā lokajananī līlāmānuṣarūpiṇī || 7 ||

Verse 8

ব্রহ্মজ্ঞানপ্রদা মাযা সচ্চিদানন্দবিগ্রহা ।
মহাপতিব্রতা বিষ্ণুগুণকীর্তনলোলুপা ॥ 8 ॥

brahmajñānapradā māyā saccidānandavigrahā |
mahāpativratā viṣṇuguṇakīrtanalolupā || 8 ||

Verse 9

প্রপন্নার্তিহরা নিত্যা বেদসৌধবিহারিণী ।
শ্রীরঙ্গনাথমাণিক্যমঞ্জরী মঞ্জুভাষিণী ॥ 9 ॥

prapannārtiharā nityā vedasaudhavihāriṇī |
śrīraṅganāthamāṇikyamañjarī mañjubhāṣiṇī || 9 ||

Verse 10

পদ্মপ্রিযা পদ্মহস্তা বেদান্তদ্বযবোধিনী ।
সুপ্রসন্না ভগবতী শ্রীজনার্দনদীপিকা ॥ 10 ॥

padmapriyā padmahastā vedāntadvayabodhinī |
suprasannā bhagavatī śrījanārdanadīpikā || 10 ||

Verse 11

সুগন্ধাবযবা চারুরঙ্গমঙ্গলদীপিকা ।
ধ্বজবজ্রাঙ্কুশাব্জাঙ্কমৃদুপাদলতাঞ্চিতা ॥ 11 ॥

sugandhāvayavā cāruraṅgamaṅgaladīpikā |
dhvajavajrāṅkuśābjāṅkamṛdupādalatāñcitā || 11 ||

Verse 12

তারকাকারনখরা প্রবালমৃদুলাঙ্গুলী ।
কূর্মোপমেযপাদোর্ধ্বভাগা শোভনপার্ষ্ণিকা ॥ 12 ॥

tārakākāranakharā pravālamṛdulāṅgulī |
kūrmopameyapādordhvabhāgā śobhanapārṣṇikā || 12 ||

Verse 13

বেদার্থভাবতত্ত্বজ্ঞা লোকারাধ্যাঙ্ঘ্রিপঙ্কজা ।
আনন্দবুদ্বুদাকারসুগুল্ফা পরমাণুকা ॥ 13 ॥

vedārthabhāvatattvajñā lokārādhyāṅghripaṅkajā |
ānandabudbudākārasugulphā paramāṇukā || 13 ||

Verse 14

তেজঃশ্রিযোজ্জ্বলধৃতপাদাঙ্গুলিসুভূষিতা ।
মীনকেতনতূণীরচারুজঙ্ঘাবিরাজিতা ॥ 14 ॥

tejaḥśriyojjvaladhṛtapādāṅgulisubhūṣitā |
mīnaketanatūṇīracārujaṅghāvirājitā || 14 ||

Verse 15

ককুদ্বজ্জানুযুগ্মাঢ্যা স্বর্ণরম্ভাভসক্থিকা ।
বিশালজঘনা পীনসুশ্রোণী মণিমেখলা ॥ 15 ॥

kakudvajjānuyugmāḍhyā svarṇarambhābhasakthikā |
viśālajaghanā pīnasuśroṇī maṇimekhalā || 15 ||

Verse 16

আনন্দসাগরাবর্তগম্ভীরাম্ভোজনাভিকা ।
ভাস্বদ্বলিত্রিকা চারুজগত্পূর্ণমহোদরী ॥ 16 ॥

ānandasāgarāvartagambhīrāmbhojanābhikā |
bhāsvadvalitrikā cārujagatpūrṇamahodarī || 16 ||

Verse 17

নববল্লীরোমরাজী সুধাকুম্ভাযিতস্তনী ।
কল্পমালানিভভুজা চন্দ্রখণ্ডনখাঞ্চিতা ॥ 17 ॥

navavallīromarājī sudhākumbhāyitastanī |
kalpamālānibhabhujā candrakhaṇḍanakhāñcitā || 17 ||

Verse 18

সুপ্রবাশাঙ্গুলীন্যস্তমহারত্নাঙ্গুলীযকা ।
নবারুণপ্রবালাভপাণিদেশসমঞ্চিতা ॥ 18 ॥

supravāśāṅgulīnyastamahāratnāṅgulīyakā |
navāruṇapravālābhapāṇideśasamañcitā || 18 ||

Verse 19

কম্বুকণ্ঠী সুচুবুকা বিম্বোষ্ঠী কুন্দদন্তযুক্ ।
কারুণ্যরসনিষ্যন্দনেত্রদ্বযসুশোভিতা ॥ 19 ॥

kambukaṇṭhī sucubukā bimboṣṭhī kundadantayuk |
kāruṇyarasaniṣyandanetradvayasuśobhitā || 19 ||

Verse 20

মুক্তাশুচিস্মিতা চারুচাম্পেযনিভনাসিকা ।
দর্পণাকারবিপুলকপোলদ্বিতযাঞ্চিতা ॥ 20 ॥

muktāśucismitā cārucāmpeyanibhanāsikā |
darpaṇākāravipulakapoladvitayāñcitā || 20 ||

Verse 21

অনন্তার্কপ্রকাশোদ্যন্মণিতাটঙ্কশোভিতা ।
কোটিসূর্যাগ্নিসঙ্কাশনানাভূষণভূষিতা ॥ 21 ॥

anantārkaprakāśodyanmaṇitāṭaṅkaśobhitā |
koṭisūryāgnisaṅkāśanānābhūṣaṇabhūṣitā || 21 ||

Verse 22

সুগন্ধবদনা সুভ্রূ অর্ধচন্দ্রললাটিকা ।
পূর্ণচন্দ্রাননা নীলকুটিলালকশোভিতা ॥ 22 ॥

sugandhavadanā subhrū ardhacandralalāṭikā |
pūrṇacandrānanā nīlakuṭilālakaśobhitā || 22 ||

Verse 23

সৌন্দর্যসীমা বিলসত্কস্তূরীতিলকোজ্জ্বলা ।
ধগদ্ধগাযমানোদ্যন্মণিসীমন্তভূষণা ॥ 23 ॥

saundaryasīmā vilasatkastūrītilakojjvalā |
dhagaddhagāyamānodyanmaṇisīmantabhūṣaṇā || 23 ||

Verse 24

জাজ্বল্যমানসদ্রত্নদিব্যচূডাবতংসকা ।
সূর্যার্ধচন্দ্রবিলসত্ ভূষণাঞ্চিতবেণিকা ॥ 24 ॥

jājvalyamānasadratnadivyacūḍāvataṃsakā |
sūryārdhacandravilasat bhūṣaṇāñcitaveṇikā || 24 ||

Verse 25

অত্যর্কানলতেজোধিমণিকঞ্চুকধারিণী ।
সদ্রত্নাঞ্চিতবিদ্যোতবিদ্যুত্কুঞ্জাভশাটিকা ॥ 25 ॥

atyarkānalatejodhimaṇikañcukadhāriṇī |
sadratnāñcitavidyotavidyutkuñjābhaśāṭikā || 25 ||

Verse 26

নানামণিগণাকীর্ণহেমাঙ্গদসুভূষিতা ।
কুঙ্কুমাগরুকস্তূরীদিব্যচন্দনচর্চিতা ॥ 26 ॥

nānāmaṇigaṇākīrṇahemāṅgadasubhūṣitā |
kuṅkumāgarukastūrīdivyacandanacarcitā || 26 ||

Verse 27

স্বোচিতৌজ্জ্বল্যবিবিধবিচিত্রমণিহারিণী ।
অসঙ্খ্যেযসুখস্পর্শসর্বাতিশযভূষণা ॥ 27 ॥

svocitaujjvalyavividhavicitramaṇihāriṇī |
asaṅkhyeyasukhasparśasarvātiśayabhūṣaṇā || 27 ||

Verse 28

মল্লিকাপারিজাতাদিদিব্যপুষ্পস্রগঞ্চিতা ।
শ্রীরঙ্গনিলযা পূজ্যা দিব্যদেশসুশোভিতা ॥ 28 ॥

mallikāpārijātādidivyapuṣpasragañcitā |
śrīraṅganilayā pūjyā divyadeśasuśobhitā || 28 ||

ইতি শ্রীগোদাষ্টোত্তরশতনামস্তোত্রম্ ।

Sanskrit — Devanagari (original)

ध्यानम् ।

शतमखमणि नीला चारुकल्हारहस्ता

स्तनभरनमिताङ्गी सान्द्रवात्सल्यसिन्धुः ।

अलकविनिहिताभिः स्रग्भिराकृष्टनाथा

विलसतु हृदि गोदा विष्णुचित्तात्मजा नः ॥

अथ स्तोत्रम् ।

श्रीरङ्गनायकी गोदा विष्णुचित्तात्मजा सती ।

गोपीवेषधरा देवी भूसुता भोगशालिनी ॥ 1 ॥

तुलसीकाननोद्भूता श्रीधन्विपुरवासिनी ।

भट्टनाथप्रियकरी श्रीकृष्णहितभोगिनी ॥ 2 ॥

आमुक्तमाल्यदा बाला रङ्गनाथप्रिया परा ।

विश्वम्भरा कलालापा यतिराजसहोदरी ॥ 3 ॥

कृष्णानुरक्ता सुभगा सुलभश्रीः सुलक्षणा ।

लक्ष्मीप्रियसखी श्यामा दयाञ्चितदृगञ्चला ॥ 4 ॥

फल्गुन्याविर्भवा रम्या धनुर्मासकृतव्रता ।

चम्पकाशोकपुन्नागमालतीविलसत्कचा ॥ 5 ॥

आकारत्रयसम्पन्ना नारायणपदाश्रिता ।

श्रीमदष्टाक्षरीमन्त्रराजस्थितमनोरथा ॥ 6 ॥

मोक्षप्रदाननिपुणा मनुरत्नाधिदेवता ।

ब्रह्मण्या लोकजननी लीलामानुषरूपिणी ॥ 7 ॥

ब्रह्मज्ञानप्रदा माया सच्चिदानन्दविग्रहा ।

महापतिव्रता विष्णुगुणकीर्तनलोलुपा ॥ 8 ॥

प्रपन्नार्तिहरा नित्या वेदसौधविहारिणी ।

श्रीरङ्गनाथमाणिक्यमञ्जरी मञ्जुभाषिणी ॥ 9 ॥

पद्मप्रिया पद्महस्ता वेदान्तद्वयबोधिनी ।

सुप्रसन्ना भगवती श्रीजनार्दनदीपिका ॥ 10 ॥

सुगन्धावयवा चारुरङ्गमङ्गलदीपिका ।

ध्वजवज्राङ्कुशाब्जाङ्कमृदुपादलताञ्चिता ॥ 11 ॥

तारकाकारनखरा प्रवालमृदुलाङ्गुली ।

कूर्मोपमेयपादोर्ध्वभागा शोभनपार्ष्णिका ॥ 12 ॥

वेदार्थभावतत्त्वज्ञा लोकाराध्याङ्घ्रिपङ्कजा ।

आनन्दबुद्बुदाकारसुगुल्फा परमाणुका ॥ 13 ॥

तेजःश्रियोज्ज्वलधृतपादाङ्गुलिसुभूषिता ।

मीनकेतनतूणीरचारुजङ्घाविराजिता ॥ 14 ॥

ककुद्वज्जानुयुग्माढ्या स्वर्णरम्भाभसक्थिका ।

विशालजघना पीनसुश्रोणी मणिमेखला ॥ 15 ॥

आनन्दसागरावर्तगम्भीराम्भोजनाभिका ।

भास्वद्वलित्रिका चारुजगत्पूर्णमहोदरी ॥ 16 ॥

नववल्लीरोमराजी सुधाकुम्भायितस्तनी ।

कल्पमालानिभभुजा चन्द्रखण्डनखाञ्चिता ॥ 17 ॥

सुप्रवाशाङ्गुलीन्यस्तमहारत्नाङ्गुलीयका ।

नवारुणप्रवालाभपाणिदेशसमञ्चिता ॥ 18 ॥

कम्बुकण्ठी सुचुबुका बिम्बोष्ठी कुन्ददन्तयुक् ।

कारुण्यरसनिष्यन्दनेत्रद्वयसुशोभिता ॥ 19 ॥

मुक्ताशुचिस्मिता चारुचाम्पेयनिभनासिका ।

दर्पणाकारविपुलकपोलद्वितयाञ्चिता ॥ 20 ॥

अनन्तार्कप्रकाशोद्यन्मणिताटङ्कशोभिता ।

कोटिसूर्याग्निसङ्काशनानाभूषणभूषिता ॥ 21 ॥

सुगन्धवदना सुभ्रू अर्धचन्द्रललाटिका ।

पूर्णचन्द्रानना नीलकुटिलालकशोभिता ॥ 22 ॥

सौन्दर्यसीमा विलसत्कस्तूरीतिलकोज्ज्वला ।

धगद्धगायमानोद्यन्मणिसीमन्तभूषणा ॥ 23 ॥

जाज्वल्यमानसद्रत्नदिव्यचूडावतंसका ।

सूर्यार्धचन्द्रविलसत् भूषणाञ्चितवेणिका ॥ 24 ॥

अत्यर्कानलतेजोधिमणिकञ्चुकधारिणी ।

सद्रत्नाञ्चितविद्योतविद्युत्कुञ्जाभशाटिका ॥ 25 ॥

नानामणिगणाकीर्णहेमाङ्गदसुभूषिता ।

कुङ्कुमागरुकस्तूरीदिव्यचन्दनचर्चिता ॥ 26 ॥

स्वोचितौज्ज्वल्यविविधविचित्रमणिहारिणी ।

असङ्ख्येयसुखस्पर्शसर्वातिशयभूषणा ॥ 27 ॥

मल्लिकापारिजातादिदिव्यपुष्पस्रगञ्चिता ।

श्रीरङ्गनिलया पूज्या दिव्यदेशसुशोभिता ॥ 28 ॥

इति श्रीगोदाष्टोत्तरशतनामस्तोत्रम् ।

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

গোদা দেবী অষ্টোত্তর শত স্তোত্রম্