Pitri Suktam — Bengali Script

(ঋ.1.10.15.1)

উদী॑রতা॒মব॑র॒ উত্পরা॑স॒ উন্ম॑ধ্য॒মাঃ পি॒তরঃ॑ সো॒ম্যাসঃ॑ ।

অসুং॒-যঁ ঈ॒যুর॑বৃ॒কা ঋ॑ত॒জ্ঞাস্তে নো॑-ঽবন্তু পি॒তরো॒ হবে॑ষু ॥ 01

ই॒দ-ম্পি॒তৃভ্যো॒ নমো॑ অস্ত্ব॒দ্য যে পূর্বা॑সো॒ য উপ॑রাস ঈ॒যুঃ ।

যে পার্থি॑বে॒ রজ॒স্যা নিষ॑ত্তা॒ যে বা॑ নূ॒নং সু॑বৃ॒জনা॑সু বি॒ক্ষু ॥ 02

আহ-ম্পি॒তৄন্সু॑বি॒দত্রাং॑ অবিত্সি॒ নপা॑ত-ঞ্চ বি॒ক্রম॑ণ-ঞ্চ॒ বিষ্ণোঃ॑ ।

ব॒র্হি॒ষদো॒ যে স্ব॒ধযা॑ সু॒তস্য॒ ভজ॑ন্ত পি॒ত্বস্ত ই॒হাগ॑মিষ্ঠাঃ ॥ 03

বর্হি॑ষদঃ পিতর ঊ॒ত্য(1॒॑ )র্বাগি॒মা বো॑ হ॒ব্যা চ॑কৃমা জু॒ষধ্ব॑ম্ ।

ত আ গ॒তাব॑সা॒ শন্ত॑মে॒নাথা॑ ন॒-শ্শং-যোঁর॑র॒পো দ॑ধাত ॥ 04

উপ॑হূতাঃ পি॒তরঃ॑ সো॒ম্যাসো॑ বর্হি॒ষ্যে॑ষু নি॒ধিষু॑ প্রি॒যেষু॑ ।

ত আ গ॑মন্তু॒ ত ই॒হ শ্রু॑ব॒ন্ত্বধি॑ ব্রুবন্তু॒ তে॑-ঽবন্ত্ব॒স্মান্ ॥ 05

আচ্যা॒ জানু॑ দক্ষিণ॒তো নি॒ষদ্যে॒মং-যঁ॒জ্ঞম॒ভি গৃ॑ণীত॒ বিশ্বে॑ ।

মা হিং॑সিষ্ট পিতরঃ॒ কেন॑ চিন্নো॒ যদ্ব॒ আগঃ॑ পুরু॒ষতা॒ করা॑ম ॥ 06

আসী॑নাসো অরু॒ণীনা॑মু॒পস্থে॑ র॒যি-ন্ধ॑ত্ত দা॒শুষে॒ মর্ত্যা॑য ।

পু॒ত্রেভ্যঃ॑ পিতর॒স্তস্য॒ বস্বঃ॒ প্র য॑চ্ছত॒ ত ই॒হোর্জ॑-ন্দধাত ॥ 07

যে নঃ॒ পূর্বে॑ পি॒তরঃ॑ সো॒ম্যাসো॑-ঽনূহি॒রে সো॑মপী॒থং-বঁসি॑ষ্ঠাঃ ।

তেভি॑র্য॒ম-স্সং॑ররা॒ণো হ॒বীং‍ষ্যু॒শন্নু॒শদ্ভিঃ॑ প্রতিকা॒মম॑ত্তু ॥ 08

যে তা॑তৃ॒ষুর্দে॑ব॒ত্রা জেহ॑মানা হোত্রা॒বিদ॒-স্স্তোম॑তষ্টাসো অ॒র্কৈঃ ।

আগ্নে॑ যাহি সুবি॒দত্রে॑ভির॒র্বাঙ্‍ স॒ত্যৈঃ ক॒ব্যৈঃ পি॒তৃভি॑র্ঘর্ম॒সদ্ভিঃ॑ ॥ 09

যে স॒ত্যাসো॑ হবি॒রদো॑ হবি॒ষ্পা ইন্দ্রে॑ণ দে॒বৈ-স্স॒রথ॒-ন্দধা॑নাঃ ।

আগ্নে॑ যাহি স॒হস্র॑-ন্দেবব॒ন্দৈঃ পরৈঃ॒ পূর্বৈঃ॑ পি॒তৃভি॑র্ঘর্ম॒সদ্ভিঃ॑ ॥ 10

অগ্নি॑ষ্বাত্তাঃ পিতর॒ এহ গ॑চ্ছত॒ সদঃ॑সদ-স্সদত সুপ্রণীতযঃ ।

অ॒ত্তা হ॒বীংষি॒ প্রয॑তানি ব॒র্হিষ্যথা॑ র॒যিং সর্ব॑বীর-ন্দধাতন ॥ 11

ত্বম॑গ্ন ঈলি॒তো জা॑তবে॒দো-ঽবা॑ড্ঢ॒ব্যানি॑ সুর॒ভীণি॑ কৃ॒ত্বী ।

প্রাদাঃ॑ পি॒তৃভ্যঃ॑ স্ব॒ধযা॒ তে অ॑ক্ষন্ন॒দ্ধি ত্ব-ন্দে॑ব॒ প্রয॑তা হ॒বীংষি॑ ॥ 12

যে চে॒হ পি॒তরো॒ যে চ॒ নেহ যাং‍শ্চ॑ বি॒দ্ম যাঁ উ॑ চ॒ ন প্র॑বি॒দ্ম ।

ত্বং-বেঁ॑ত্থ॒ যতি॒ তে জা॑তবেদ-স্স্ব॒ধাভি॑র্য॒জ্ঞং সুকৃ॑ত-ঞ্জুষস্ব ॥ 13

যে অ॑গ্নিদ॒গ্ধা যে অন॑গ্নিদগ্ধা॒ মধ্যে॑ দি॒ব-স্স্ব॒ধযা॑ মা॒দয॑ন্তে ।

তেভিঃ॑ স্ব॒রালসু॑নীতিমে॒তাং-যঁ॑থাব॒শ-ন্ত॒ন্ব॑-ঙ্কল্পযস্ব ॥ 14

ওঁ শান্তি॒-শ্শান্তি॒-শ্শান্তিঃ॑ ।

Roman (IAST) Transliteration

(ṛ.1.10.15.1)

udī̭ratā॒mava̭ra॒ utparā̭sa॒ unma̭dhya॒māḥ pi॒taraḥ̭ so॒myāsaḥ̭ |

asuṃ॒-ya~ ī॒yura̭vṛ॒kā ṛ̭ta॒jñāste no̭-'vantu pi॒taro॒ havḙṣu || 01

i॒da-mpi॒tṛbhyo॒ namo̭ astva॒dya ye pūrvā̭so॒ ya upa̭rāsa ī॒yuḥ |

ye pārthi̭ve॒ raja॒syā niṣa̭ttā॒ ye vā̭ nū॒naṃ sṷvṛ॒janā̭su vi॒kṣu || 02

āha-mpi॒tṝnsṷvi॒datrāṃ̭ avitsi॒ napā̭ta-ñca vi॒krama̭ṇa-ñca॒ viṣṇoḥ̭ |

ba॒rhi॒ṣado॒ ye sva॒dhayā̭ su॒tasya॒ bhaja̭nta pi॒tvasta i॒hāga̭miṣṭhāḥ || 03

barhi̭ṣadaḥ pitara ū॒tya(1॒̭ )rvāgi॒mā vo̭ ha॒vyā ca̭kṛmā ju॒ṣadhva̭m |

ta ā ga॒tāva̭sā॒ śanta̭me॒nāthā̭ na॒-śśaṃ-yo~ra̭ra॒po da̭dhāta || 04

upa̭hūtāḥ pi॒taraḥ̭ so॒myāso̭ barhi॒ṣyḙṣu ni॒dhiṣṷ pri॒yeṣṷ |

ta ā ga̭mantu॒ ta i॒ha śrṷva॒ntvadhi̭ bruvantu॒ tḙ-'vantva॒smān || 05

ācyā॒ jānṷ dakṣiṇa॒to ni॒ṣadye॒maṃ-ya~॒jñama॒bhi gṛ̭ṇīta॒ viśvḙ |

mā hiṃ̭siṣṭa pitaraḥ॒ kena̭ cinno॒ yadva॒ āgaḥ̭ puru॒ṣatā॒ karā̭ma || 06

āsī̭nāso aru॒ṇīnā̭mu॒pasthḙ ra॒yi-ndha̭tta dā॒śuṣe॒ martyā̭ya |

pu॒trebhyaḥ̭ pitara॒stasya॒ vasvaḥ॒ pra ya̭cchata॒ ta i॒horja̭-ndadhāta || 07

ye naḥ॒ pūrvḙ pi॒taraḥ̭ so॒myāso̭-'nūhi॒re so̭mapī॒thaṃ-va~si̭ṣṭhāḥ |

tebhi̭rya॒ma-ssaṃ̭rarā॒ṇo ha॒vīṃ‍ṣyu॒śannu॒śadbhiḥ̭ pratikā॒mama̭ttu || 08

ye tā̭tṛ॒ṣurdḙva॒trā jeha̭mānā hotrā॒vida॒-sstoma̭taṣṭāso a॒rkaiḥ |

āgnḙ yāhi suvi॒datrḙbhira॒rvāṅ‍ sa॒tyaiḥ ka॒vyaiḥ pi॒tṛbhi̭rgharma॒sadbhiḥ̭ || 09

ye sa॒tyāso̭ havi॒rado̭ havi॒ṣpā indrḙṇa de॒vai-ssa॒ratha॒-ndadhā̭nāḥ |

āgnḙ yāhi sa॒hasra̭-ndevava॒ndaiḥ paraiḥ॒ pūrvaiḥ̭ pi॒tṛbhi̭rgharma॒sadbhiḥ̭ || 10

agni̭ṣvāttāḥ pitara॒ eha ga̭cchata॒ sadaḥ̭sada-ssadata supraṇītayaḥ |

a॒ttā ha॒vīṃṣi॒ praya̭tāni ba॒rhiṣyathā̭ ra॒yiṃ sarva̭vīra-ndadhātana || 11

tvama̭gna īli॒to jā̭tave॒do-'vā̭ḍḍha॒vyāni̭ sura॒bhīṇi̭ kṛ॒tvī |

prādāḥ̭ pi॒tṛbhyaḥ̭ sva॒dhayā॒ te a̭kṣanna॒ddhi tva-ndḙva॒ praya̭tā ha॒vīṃṣi̭ || 12

ye ce॒ha pi॒taro॒ ye ca॒ neha yāṃ‍śca̭ vi॒dma yā~ ṷ ca॒ na pra̭vi॒dma |

tvaṃ-ve~̭ttha॒ yati॒ te jā̭taveda-ssva॒dhābhi̭rya॒jñaṃ sukṛ̭ta-ñjuṣasva || 13

ye a̭gnida॒gdhā ye ana̭gnidagdhā॒ madhyḙ di॒va-ssva॒dhayā̭ mā॒daya̭nte |

tebhiḥ̭ sva॒rālasṷnītime॒tāṃ-ya~̭thāva॒śa-nta॒nva̭-ṅkalpayasva || 14

oṃ śānti॒-śśānti॒-śśāntiḥ̭ |

Sanskrit — Devanagari (original)

(ऋ.1.10.15.1)

उदी॑रता॒मव॑र॒ उत्परा॑स॒ उन्म॑ध्य॒माः पि॒तरः॑ सो॒म्यासः॑ ।

असुं॒-यँ ई॒युर॑वृ॒का ऋ॑त॒ज्ञास्ते नो॑-ऽवन्तु पि॒तरो॒ हवे॑षु ॥ 01

इ॒द-म्पि॒तृभ्यो॒ नमो॑ अस्त्व॒द्य ये पूर्वा॑सो॒ य उप॑रास ई॒युः ।

ये पार्थि॑वे॒ रज॒स्या निष॑त्ता॒ ये वा॑ नू॒नं सु॑वृ॒जना॑सु वि॒क्षु ॥ 02

आह-म्पि॒तॄन्सु॑वि॒दत्रां॑ अवित्सि॒ नपा॑त-ञ्च वि॒क्रम॑ण-ञ्च॒ विष्णोः॑ ।

ब॒र्हि॒षदो॒ ये स्व॒धया॑ सु॒तस्य॒ भज॑न्त पि॒त्वस्त इ॒हाग॑मिष्ठाः ॥ 03

बर्हि॑षदः पितर ऊ॒त्य(1॒॑ )र्वागि॒मा वो॑ ह॒व्या च॑कृमा जु॒षध्व॑म् ।

त आ ग॒ताव॑सा॒ शन्त॑मे॒नाथा॑ न॒-श्शं-योँर॑र॒पो द॑धात ॥ 04

उप॑हूताः पि॒तरः॑ सो॒म्यासो॑ बर्हि॒ष्ये॑षु नि॒धिषु॑ प्रि॒येषु॑ ।

त आ ग॑मन्तु॒ त इ॒ह श्रु॑व॒न्त्वधि॑ ब्रुवन्तु॒ ते॑-ऽवन्त्व॒स्मान् ॥ 05

आच्या॒ जानु॑ दक्षिण॒तो नि॒षद्ये॒मं-यँ॒ज्ञम॒भि गृ॑णीत॒ विश्वे॑ ।

मा हिं॑सिष्ट पितरः॒ केन॑ चिन्नो॒ यद्व॒ आगः॑ पुरु॒षता॒ करा॑म ॥ 06

आसी॑नासो अरु॒णीना॑मु॒पस्थे॑ र॒यि-न्ध॑त्त दा॒शुषे॒ मर्त्या॑य ।

पु॒त्रेभ्यः॑ पितर॒स्तस्य॒ वस्वः॒ प्र य॑च्छत॒ त इ॒होर्ज॑-न्दधात ॥ 07

ये नः॒ पूर्वे॑ पि॒तरः॑ सो॒म्यासो॑-ऽनूहि॒रे सो॑मपी॒थं-वँसि॑ष्ठाः ।

तेभि॑र्य॒म-स्सं॑ररा॒णो ह॒वीं‍ष्यु॒शन्नु॒शद्भिः॑ प्रतिका॒मम॑त्तु ॥ 08

ये ता॑तृ॒षुर्दे॑व॒त्रा जेह॑माना होत्रा॒विद॒-स्स्तोम॑तष्टासो अ॒र्कैः ।

आग्ने॑ याहि सुवि॒दत्रे॑भिर॒र्वाङ्‍ स॒त्यैः क॒व्यैः पि॒तृभि॑र्घर्म॒सद्भिः॑ ॥ 09

ये स॒त्यासो॑ हवि॒रदो॑ हवि॒ष्पा इन्द्रे॑ण दे॒वै-स्स॒रथ॒-न्दधा॑नाः ।

आग्ने॑ याहि स॒हस्र॑-न्देवव॒न्दैः परैः॒ पूर्वैः॑ पि॒तृभि॑र्घर्म॒सद्भिः॑ ॥ 10

अग्नि॑ष्वात्ताः पितर॒ एह ग॑च्छत॒ सदः॑सद-स्सदत सुप्रणीतयः ।

अ॒त्ता ह॒वींषि॒ प्रय॑तानि ब॒र्हिष्यथा॑ र॒यिं सर्व॑वीर-न्दधातन ॥ 11

त्वम॑ग्न ईलि॒तो जा॑तवे॒दो-ऽवा॑ड्ढ॒व्यानि॑ सुर॒भीणि॑ कृ॒त्वी ।

प्रादाः॑ पि॒तृभ्यः॑ स्व॒धया॒ ते अ॑क्षन्न॒द्धि त्व-न्दे॑व॒ प्रय॑ता ह॒वींषि॑ ॥ 12

ये चे॒ह पि॒तरो॒ ये च॒ नेह यां‍श्च॑ वि॒द्म याँ उ॑ च॒ न प्र॑वि॒द्म ।

त्वं-वेँ॑त्थ॒ यति॒ ते जा॑तवेद-स्स्व॒धाभि॑र्य॒ज्ञं सुकृ॑त-ञ्जुषस्व ॥ 13

ये अ॑ग्निद॒ग्धा ये अन॑ग्निदग्धा॒ मध्ये॑ दि॒व-स्स्व॒धया॑ मा॒दय॑न्ते ।

तेभिः॑ स्व॒रालसु॑नीतिमे॒तां-यँ॑थाव॒श-न्त॒न्व॑-ङ्कल्पयस्व ॥ 14

ॐ शान्ति॒-श्शान्ति॒-श्शान्तिः॑ ।