నామ్నాం సాష్టసహస్రఞ్చ బ్రూహి గార్గ్య మహామతే ।
మహాలక్ష్మ్యా మహాదేవ్యా భుక్తిముక్త్యర్థసిద్ధయే ॥ 1 ॥
గార్గ్య ఉవాచ
సనత్కుమారమాసీనం ద్వాదశాదిత్యసన్నిభమ్ ।
అపృచ్ఛన్యోగినో భక్త్యా యోగినామర్థసిద్ధయే ॥ 2 ॥
సర్వలౌకికకర్మభ్యో విముక్తానాం హితాయ వై ।
భుక్తిముక్తిప్రదం జప్యమనుబ్రూహి దయానిధే ॥ 3 ॥
సనత్కుమార భగవన్సర్వజ్ఞోఽసి విశేషతః ।
ఆస్తిక్యసిద్ధయే నౄణాం క్షిప్రధర్మార్థసాధనమ్ ॥ 4 ॥
ఖిద్యన్తి మానవాస్సర్వే ధనాభావేన కేవలమ్ ।
సిద్ధ్యన్తి ధనినోఽన్యస్య నైవ ధర్మార్థకామనాః ॥ 5 ॥
దారిద్ర్యధ్వంసినీ నామ కేన విద్యా ప్రకీర్తితా ।
కేన వా బ్రహ్మవిద్యాఽపి కేన మృత్యువినాశినీ ॥ 6 ॥
సర్వాసాం సారభూతైకా విద్యానాం కేన కీర్తితా ।
ప్రత్యక్షసిద్ధిదా బ్రహ్మన్ తామాచక్ష్వ దయానిధే ॥ 7 ॥
సనత్కుమార ఉవాచ
సాధు పృష్టం మహాభాగాస్సర్వలోకహితైషిణః ।
మహతామేష ధర్మశ్చ నాన్యేషామితి మే మతిః ॥ 8 ॥
బ్రహ్మవిష్ణుమహాదేవమహేన్ద్రాదిమహాత్మభిః ।
సమ్ప్రోక్తం కథయామ్యద్య లక్ష్మీనామసహస్రకమ్ ॥ 9 ॥
యస్యోచ్చారణమాత్రేణ దారిద్ర్యాన్ముచ్యతే నరః ।
కిం పునస్తజ్జపాజ్జాపీ సర్వేష్టార్థానవాప్నుయాత్ ॥ 10 ॥
అస్య శ్రీలక్ష్మీదివ్యసహస్రనామస్తోత్రమహామన్త్రస్య ఆనన్దకర్దమచిక్లీతేన్దిరాసుతాదయో మహాత్మానో మహర్షయః అనుష్టుప్ఛన్దః విష్ణుమాయా శక్తిః మహాలక్ష్మీః పరాదేవతా శ్రీమహాలక్ష్మీప్రసాదద్వారా సర్వేష్టార్థసిద్ధ్యర్థే జపే వినియోగః ।
ధ్యానమ్
పద్మనాభప్రియాం దేవీం పద్మాక్షీం పద్మవాసినీమ్ ।
పద్మవక్త్రాం పద్మహస్తాం వన్దే పద్మామహర్నిశమ్ ॥ 1 ॥
పూర్ణేన్దువదనాం దివ్యరత్నాభరణభూషితామ్ ।
వరదాభయహస్తాఢ్యాం ధ్యాయేచ్చన్ద్రసహోదరీమ్ ॥ 2 ॥
ఇచ్ఛారూపాం భగవతస్సచ్చిదానన్దరూపిణీమ్ ।
సర్వజ్ఞాం సర్వజననీం విష్ణువక్షస్స్థలాలయామ్ ।
దయాలుమనిశం ధ్యాయేత్సుఖసిద్ధిస్వరూపిణీమ్ ॥ 3 ॥
స్తోత్రమ్
నిత్యాగతానన్తనిత్యా నన్దినీ జనరఞ్జనీ ।
నిత్యప్రకాశినీ చైవ స్వప్రకాశస్వరూపిణీ ॥ 1 ॥
మహాలక్ష్మీర్మహాకాలీ మహాకన్యా సరస్వతీ ।
భోగవైభవసన్ధాత్రీ భక్తానుగ్రహకారిణీ ॥ 2 ॥
ఈశావాస్యా మహామాయా మహాదేవీ మహేశ్వరీ ।
హృల్లేఖా పరమా శక్తిర్మాతృకాబీజరూపిణీ ॥ 3 ॥
నిత్యానన్దా నిత్యబోధా నాదినీ జనమోదినీ ।
సత్యప్రత్యయనీ చైవ స్వప్రకాశాత్మరూపిణీ ॥ 4 ॥
త్రిపురా భైరవీ విద్యా హంసా వాగీశ్వరీ శివా ।
వాగ్దేవీ చ మహారాత్రిః కాలరాత్రిస్త్రిలోచనా ॥ 5 ॥
భద్రకాలీ కరాలీ చ మహాకాలీ తిలోత్తమా ।
కాలీ కరాలవక్త్రాన్తా కామాక్షీ కామదా శుభా ॥ 6 ॥
చణ్డికా చణ్డరూపేశా చాముణ్డా చక్రధారిణీ ।
త్రైలోక్యజయినీ దేవీ త్రైలోక్యవిజయోత్తమా ॥ 7 ॥
సిద్ధలక్ష్మీః క్రియాలక్ష్మీర్మోక్షలక్ష్మీః ప్రసాదినీ ।
ఉమా భగవతీ దుర్గా చాన్ద్రీ దాక్షాయణీ శివా ॥ 8 ॥
ప్రత్యఙ్గిరా ధరావేలా లోకమాతా హరిప్రియా ।
పార్వతీ పరమా దేవీ బ్రహ్మవిద్యాప్రదాయినీ ॥ 9 ॥
అరూపా బహురూపా చ విరూపా విశ్వరూపిణీ ।
పఞ్చభూతాత్మికా వాణీ పఞ్చభూతాత్మికా పరా ॥ 10 ॥
కాలీ మా పఞ్చికా వాగ్మీ హవిఃప్రత్యధిదేవతా ।
దేవమాతా సురేశానా దేవగర్భాఽమ్బికా ధృతిః ॥ 11 ॥
సఙ్ఖ్యా జాతిః క్రియాశక్తిః ప్రకృతిర్మోహినీ మహీ ।
యజ్ఞవిద్యా మహావిద్యా గుహ్యవిద్యా విభావరీ ॥ 12 ॥
జ్యోతిష్మతీ మహామాతా సర్వమన్త్రఫలప్రదా ।
దారిద్ర్యధ్వంసినీ దేవీ హృదయగ్రన్థిభేదినీ ॥ 13 ॥
సహస్రాదిత్యసఙ్కాశా చన్ద్రికా చన్ద్రరూపిణీ ।
గాయత్రీ సోమసమ్భూతిస్సావిత్రీ ప్రణవాత్మికా ॥ 14 ॥
శాఙ్కరీ వైష్ణవీ బ్రాహ్మీ సర్వదేవనమస్కృతా ।
సేవ్యదుర్గా కుబేరాక్షీ కరవీరనివాసినీ ॥ 15 ॥
జయా చ విజయా చైవ జయన్తీ చాఽపరాజితా ।
కుబ్జికా కాలికా శాస్త్రీ వీణాపుస్తకధారిణీ ॥ 16 ॥
సర్వజ్ఞశక్తిశ్శ్రీశక్తిర్బ్రహ్మవిష్ణుశివాత్మికా ।
ఇడాపిఙ్గలికామధ్యమృణాలీతన్తురూపిణీ ॥ 17 ॥
యజ్ఞేశానీ ప్రథా దీక్షా దక్షిణా సర్వమోహినీ ।
అష్టాఙ్గయోగినీ దేవీ నిర్బీజధ్యానగోచరా ॥ 18 ॥
సర్వతీర్థస్థితా శుద్ధా సర్వపర్వతవాసినీ ।
వేదశాస్త్రప్రభా దేవీ షడఙ్గాదిపదక్రమా ॥ 19 ॥
శివా ధాత్రీ శుభానన్దా యజ్ఞకర్మస్వరూపిణీ ।
వ్రతినీ మేనకా దేవీ బ్రహ్మాణీ బ్రహ్మచారిణీ ॥ 20 ॥
ఏకాక్షరపరా తారా భవబన్ధవినాశినీ ।
విశ్వమ్భరా ధరాధారా నిరాధారాఽధికస్వరా ॥ 21 ॥
రాకా కుహూరమావాస్యా పూర్ణిమాఽనుమతిర్ద్యుతిః ।
సినీవాలీ శివాఽవశ్యా వైశ్వదేవీ పిశఙ్గిలా ॥ 22 ॥
పిప్పలా చ విశాలాక్షీ రక్షోఘ్నీ వృష్టికారిణీ ।
దుష్టవిద్రావిణీ దేవీ సర్వోపద్రవనాశినీ ॥ 23 ॥
శారదా శరసన్ధానా సర్వశస్త్రస్వరూపిణీ ।
యుద్ధమధ్యస్థితా దేవీ సర్వభూతప్రభఞ్జనీ ॥ 24 ॥
అయుద్ధా యుద్ధరూపా చ శాన్తా శాన్తిస్వరూపిణీ ।
గఙ్గా సరస్వతీవేణీయమునానర్మదాపగా ॥ 25 ॥
సముద్రవసనావాసా బ్రహ్మాణ్డశ్రోణిమేఖలా ।
పఞ్చవక్త్రా దశభుజా శుద్ధస్ఫటికసన్నిభా ॥ 26 ॥
రక్తా కృష్ణా సితా పీతా సర్వవర్ణా నిరీశ్వరీ ।
కాలికా చక్రికా దేవీ సత్యా తు వటుకాస్థితా ॥ 27 ॥
తరుణీ వారుణీ నారీ జ్యేష్ఠాదేవీ సురేశ్వరీ ।
విశ్వమ్భరాధరా కర్త్రీ గలార్గలవిభఞ్జనీ ॥ 28 ॥
సన్ధ్యారాత్రిర్దివాజ్యోత్స్నా కలాకాష్ఠా నిమేషికా ।
ఉర్వీ కాత్యాయనీ శుభ్రా సంసారార్ణవతారిణీ ॥ 29 ॥
కపిలా కీలికాఽశోకా మల్లికానవమల్లికా । [ మల్లికానవమాలికా ]
దేవికా నన్దికా శాన్తా భఞ్జికా భయభఞ్జికా ॥ 30 ॥
కౌశికీ వైదికీ దేవీ సౌరీ రూపాధికాఽతిభా ।
దిగ్వస్త్రా నవవస్త్రా చ కన్యకా కమలోద్భవా ॥ 31 ॥
శ్రీస్సౌమ్యలక్షణాఽతీతదుర్గా సూత్రప్రబోధికా ।
శ్రద్ధా మేధా కృతిః ప్రజ్ఞా ధారణా కాన్తిరేవ చ ॥ 32 ॥
శ్రుతిః స్మృతిర్ధృతిర్ధన్యా భూతిరిష్టిర్మనీషిణీ ।
విరక్తిర్వ్యాపినీ మాయా సర్వమాయాప్రభఞ్జనీ ॥ 33 ॥
మాహేన్ద్రీ మన్త్రిణీ సింహీ చేన్ద్రజాలస్వరూపిణీ ।
అవస్థాత్రయనిర్ముక్తా గుణత్రయవివర్జితా ॥ 34 ॥
ఈషణాత్రయనిర్ముక్తా సర్వరోగవివర్జితా ।
యోగిధ్యానాన్తగమ్యా చ యోగధ్యానపరాయణా ॥ 35 ॥
త్రయీశిఖా విశేషజ్ఞా వేదాన్తజ్ఞానరూపిణీ ।
భారతీ కమలా భాషా పద్మా పద్మవతీ కృతిః ॥ 36 ॥
గౌతమీ గోమతీ గౌరీ ఈశానా హంసవాహినీ ।
నారాయణీ ప్రభాధారా జాహ్నవీ శఙ్కరాత్మజా ॥ 37 ॥
చిత్రఘణ్టా సునన్దా శ్రీర్మానవీ మనుసమ్భవా ।
స్తమ్భినీ క్షోభిణీ మారీ భ్రామిణీ శత్రుమారిణీ ॥ 38 ॥
మోహినీ ద్వేషిణీ వీరా అఘోరా రుద్రరూపిణీ ।
రుద్రైకాదశినీ పుణ్యా కల్యాణీ లాభకారిణీ ॥ 39 ॥
దేవదుర్గా మహాదుర్గా స్వప్నదుర్గాఽష్టభైరవీ ।
సూర్యచన్ద్రాగ్నిరూపా చ గ్రహనక్షత్రరూపిణీ ॥ 40 ॥
బిన్దునాదకలాతీతా బిన్దునాదకలాత్మికా ।
దశవాయుజయాకారా కలాషోడశసంయుతా ॥ 41 ॥
కాశ్యపీ కమలాదేవీ నాదచక్రనివాసినీ ।
మృడాధారా స్థిరా గుహ్యా దేవికా చక్రరూపిణీ ॥ 42 ॥
అవిద్యా శార్వరీ భుఞ్జా జమ్భాసురనిబర్హిణీ ।
శ్రీకాయా శ్రీకలా శుభ్రా కర్మనిర్మూలకారిణీ ॥ 43 ॥
ఆదిలక్ష్మీర్గుణాధారా పఞ్చబ్రహ్మాత్మికా పరా ।
శ్రుతిర్బ్రహ్మముఖావాసా సర్వసమ్పత్తిరూపిణీ ॥ 44 ॥
మృతసఞ్జీవనీ మైత్రీ కామినీ కామవర్జితా ।
నిర్వాణమార్గదా దేవీ హంసినీ కాశికా క్షమా ॥ 45 ॥
సపర్యా గుణినీ భిన్నా నిర్గుణా ఖణ్డితాశుభా ।
స్వామినీ వేదినీ శక్యా శామ్బరీ చక్రధారిణీ ॥ 46 ॥
దణ్డినీ ముణ్డినీ వ్యాఘ్రీ శిఖినీ సోమసంహతిః ।
చిన్తామణిశ్చిదానన్దా పఞ్చబాణప్రబోధినీ ॥ 47 ॥
బాణశ్రేణిస్సహస్రాక్షీ సహస్రభుజపాదుకా ।
సన్ధ్యావలిస్త్రిసన్ధ్యాఖ్యా బ్రహ్మాణ్డమణిభూషణా ॥ 48 ॥
వాసవీ వారుణీసేనా కులికా మన్త్రరఞ్జనీ ।
జితప్రాణస్వరూపా చ కాన్తా కామ్యవరప్రదా ॥ 49 ॥
మన్త్రబ్రాహ్మణవిద్యార్థా నాదరూపా హవిష్మతీ ।
ఆథర్వణిః శ్రుతిః శూన్యా కల్పనావర్జితా సతీ ॥ 50 ॥
సత్తాజాతిః ప్రమాఽమేయాఽప్రమితిః ప్రాణదా గతిః ।
అవర్ణా పఞ్చవర్ణా చ సర్వదా భువనేశ్వరీ ॥ 51 ॥
త్రైలోక్యమోహినీ విద్యా సర్వభర్త్రీ క్షరాఽక్షరా ।
హిరణ్యవర్ణా హరిణీ సర్వోపద్రవనాశినీ ॥ 52 ॥
కైవల్యపదవీరేఖా సూర్యమణ్డలసంస్థితా ।
సోమమణ్డలమధ్యస్థా వహ్నిమణ్డలసంస్థితా ॥ 53 ॥
వాయుమణ్డలమధ్యస్థా వ్యోమమణ్డలసంస్థితా ।
చక్రికా చక్రమధ్యస్థా చక్రమార్గప్రవర్తినీ ॥ 54 ॥
కోకిలాకులచక్రేశా పక్షతిః పఙ్క్తిపావనీ ।
సర్వసిద్ధాన్తమార్గస్థా షడ్వర్ణావరవర్జితా ॥ 55 ॥
శరరుద్రహరా హన్త్రీ సర్వసంహారకారిణీ ।
పురుషా పౌరుషీ తుష్టిస్సర్వతన్త్రప్రసూతికా ॥ 56 ॥
అర్ధనారీశ్వరీ దేవీ సర్వవిద్యాప్రదాయినీ ।
భార్గవీ యాజుషీవిద్యా సర్వోపనిషదాస్థితా ॥ 57 ॥ [ భుజుషీవిద్యా ]
వ్యోమకేశాఖిలప్రాణా పఞ్చకోశవిలక్షణా ।
పఞ్చకోశాత్మికా ప్రత్యక్పఞ్చబ్రహ్మాత్మికా శివా ॥ 58 ॥
జగజ్జరాజనిత్రీ చ పఞ్చకర్మప్రసూతికా ।
వాగ్దేవ్యాభరణాకారా సర్వకామ్యస్థితాస్థితిః ॥ 59 ॥
అష్టాదశచతుష్షష్ఠిపీఠికా విద్యయా యుతా ।
కాలికాకర్షణశ్యామా యక్షిణీ కిన్నరేశ్వరీ ॥ 60 ॥
కేతకీ మల్లికాఽశోకా వారాహీ ధరణీ ధ్రువా ।
నారసింహీ మహోగ్రాస్యా భక్తానామార్తినాశినీ ॥ 61 ॥
అన్తర్బలా స్థిరా లక్ష్మీర్జరామరణనాశినీ ।
శ్రీరఞ్జితా మహాకాయా సోమసూర్యాగ్నిలోచనా ॥ 62 ॥
అదితిర్దేవమాతా చ అష్టపుత్రాఽష్టయోగినీ ।
అష్టప్రకృతిరష్టాష్టవిభ్రాజద్వికృతాకృతిః ॥ 63 ॥
దుర్భిక్షధ్వంసినీ దేవీ సీతా సత్యా చ రుక్మిణీ ।
ఖ్యాతిజా భార్గవీ దేవీ దేవయోనిస్తపస్వినీ ॥ 64 ॥
శాకమ్భరీ మహాశోణా గరుడోపరిసంస్థితా ।
సింహగా వ్యాఘ్రగా దేవీ వాయుగా చ మహాద్రిగా ॥ 65 ॥
అకారాదిక్షకారాన్తా సర్వవిద్యాధిదేవతా ।
మన్త్రవ్యాఖ్యాననిపుణా జ్యోతిశ్శాస్త్రైకలోచనా ॥ 66 ॥
ఇడాపిఙ్గలికామధ్యాసుషుమ్నా గ్రన్థిభేదినీ ।
కాలచక్రాశ్రయోపేతా కాలచక్రస్వరూపిణీ ॥ 67 ॥
వైశారదీ మతిశ్శ్రేష్ఠా వరిష్ఠా సర్వదీపికా ।
వైనాయకీ వరారోహా శ్రోణివేలా బహిర్వలిః ॥ 68 ॥
జమ్భినీ జృమ్భిణీ జమ్భకారిణీ గణకారికా ।
శరణీ చక్రికాఽనన్తా సర్వవ్యాధిచికిత్సకీ ॥ 69 ॥
దేవకీ దేవసఙ్కాశా వారిధిః కరుణాకరా ।
శర్వరీ సర్వసమ్పన్నా సర్వపాపప్రభఞ్జనీ ॥ 70 ॥
ఏకమాత్రా ద్విమాత్రా చ త్రిమాత్రా చ తథాఽపరా ।
అర్ధమాత్రా పరా సూక్ష్మా సూక్ష్మార్థాఽర్థపరాఽపరా ॥ 71 ॥
ఏకవీరా విశేషాఖ్యా షష్ఠీదేవీ మనస్వినీ ।
నైష్కర్మ్యా నిష్కలాలోకా జ్ఞానకర్మాధికా గుణా ॥ 72 ॥
సబన్ధ్వానన్దసన్దోహా వ్యోమాకారాఽనిరూపితా ।
గద్యపద్యాత్మికా వాణీ సర్వాలఙ్కారసంయుతా ॥ 73 ॥
సాధుబన్ధపదన్యాసా సర్వౌకో ఘటికావలిః ।
షట్కర్మా కర్కశాకారా సర్వకర్మవివర్జితా ॥ 74 ॥
ఆదిత్యవర్ణా చాపర్ణా కామినీ వరరూపిణీ ।
బ్రహ్మాణీ బ్రహ్మసన్తానా వేదవాగీశ్వరీ శివా ॥ 75 ॥
పురాణన్యాయమీమాంసాధర్మశాస్త్రాగమశ్రుతా ।
సద్యోవేదవతీ సర్వా హంసీ విద్యాధిదేవతా ॥ 76 ॥
విశ్వేశ్వరీ జగద్ధాత్రీ విశ్వనిర్మాణకారిణీ ।
వైదికీ వేదరూపా చ కాలికా కాలరూపిణీ ॥ 77 ॥
నారాయణీ మహాదేవీ సర్వతత్త్వప్రవర్తినీ ।
హిరణ్యవర్ణరూపా చ హిరణ్యపదసమ్భవా ॥ 78 ॥
కైవల్యపదవీ పుణ్యా కైవల్యజ్ఞానలక్షితా ।
బ్రహ్మసమ్పత్తిరూపా చ బ్రహ్మసమ్పత్తికారిణీ ॥ 79 ॥
వారుణీ వారుణారాధ్యా సర్వకర్మప్రవర్తినీ ।
ఏకాక్షరపరాఽఽయుక్తా సర్వదారిద్ర్యభఞ్జినీ ॥ 80 ॥
పాశాఙ్కుశాన్వితా దివ్యా వీణావ్యాఖ్యాక్షసూత్రభృత్ ।
ఏకమూర్తిస్త్రయీమూర్తిర్మధుకైటభభఞ్జినీ ॥ 81 ॥
సాఙ్ఖ్యా సాఙ్ఖ్యవతీ జ్వాలా జ్వలన్తీ కామరూపిణీ ।
జాగ్రతీ సర్వసమ్పత్తిస్సుషుప్తా స్వేష్టదాయినీ ॥ 82 ॥
కపాలినీ మహాదంష్ట్రా భ్రుకుటీ కుటిలాననా ।
సర్వావాసా సువాసా చ బృహత్యష్టిశ్చ శక్వరీ ॥ 83 ॥
ఛన్దోగణప్రతిష్ఠా చ కల్మాషీ కరుణాత్మికా ।
చక్షుష్మతీ మహాఘోషా ఖడ్గచర్మధరాఽశనిః ॥ 84 ॥
శిల్పవైచిత్ర్యవిద్యోతా సర్వతోభద్రవాసినీ ।
అచిన్త్యలక్షణాకారా సూత్రభాష్యనిబన్ధనా ॥ 85 ॥
సర్వవేదార్థసమ్పత్తిస్సర్వశాస్త్రార్థమాతృకా ।
అకారాదిక్షకారాన్తసర్వవర్ణకృతస్థలా ॥ 86 ॥
సర్వలక్ష్మీస్సదానన్దా సారవిద్యా సదాశివా ।
సర్వజ్ఞా సర్వశక్తిశ్చ ఖేచరీరూపగోచ్ఛ్రితా ॥ 87 ॥
అణిమాదిగుణోపేతా పరా కాష్ఠా పరా గతిః ।
హంసయుక్తవిమానస్థా హంసారూఢా శశిప్రభా ॥ 88 ॥
భవానీ వాసనాశక్తిరాకృతిస్థాఖిలాఽఖిలా ।
తన్త్రహేతుర్విచిత్రాఙ్గీ వ్యోమగఙ్గావినోదినీ ॥ 89 ॥
వర్షా చ వార్షికా చైవ ఋగ్యజుస్సామరూపిణీ ।
మహానదీనదీపుణ్యాఽగణ్యపుణ్యగుణక్రియా ॥ 90 ॥
సమాధిగతలభ్యార్థా శ్రోతవ్యా స్వప్రియా ఘృణా ।
నామాక్షరపరా దేవీ ఉపసర్గనఖాఞ్చితా ॥ 91 ॥
నిపాతోరుద్వయీజఙ్ఘా మాతృకా మన్త్రరూపిణీ ।
ఆసీనా చ శయానా చ తిష్ఠన్తీ ధావనాధికా ॥ 92 ॥
లక్ష్యలక్షణయోగాఢ్యా తాద్రూప్యగణనాకృతిః ।
సైకరూపా నైకరూపా సేన్దురూపా తదాకృతిః ॥ 93 ॥
సమాసతద్ధితాకారా విభక్తివచనాత్మికా ।
స్వాహాకారా స్వధాకారా శ్రీపత్యర్ధాఙ్గనన్దినీ ॥ 94 ॥
గమ్భీరా గహనా గుహ్యా యోనిలిఙ్గార్ధధారిణీ ।
శేషవాసుకిసంసేవ్యా చపలా వరవర్ణినీ ॥ 95 ॥
కారుణ్యాకారసమ్పత్తిః కీలకృన్మన్త్రకీలికా ।
శక్తిబీజాత్మికా సర్వమన్త్రేష్టాక్షయకామనా ॥ 96 ॥
ఆగ్నేయీ పార్థివా ఆప్యా వాయవ్యా వ్యోమకేతనా ।
సత్యజ్ఞానాత్మికాఽఽనన్దా బ్రాహ్మీ బ్రహ్మ సనాతనీ ॥ 97 ॥
అవిద్యావాసనా మాయాప్రకృతిస్సర్వమోహినీ ।
శక్తిర్ధారణశక్తిశ్చ చిదచిచ్ఛక్తియోగినీ ॥ 98 ॥
వక్త్రారుణా మహామాయా మరీచిర్మదమర్దినీ ।
విరాట్ స్వాహా స్వధా శుద్ధా నీరూపాస్తిస్సుభక్తిగా ॥ 99 ॥
నిరూపితాద్వయీవిద్యా నిత్యానిత్యస్వరూపిణీ ।
వైరాజమార్గసఞ్చారా సర్వసత్పథదర్శినీ ॥ 100 ॥
జాలన్ధరీ మృడానీ చ భవానీ భవభఞ్జనీ ।
త్రైకాలికజ్ఞానతన్తుస్త్రికాలజ్ఞానదాయినీ ॥ 101 ॥
నాదాతీతా స్మృతిః ప్రజ్ఞా ధాత్రీరూపా త్రిపుష్కరా ।
పరాజితావిధానజ్ఞా విశేషితగుణాత్మికా ॥ 102 ॥
హిరణ్యకేశినీ హేమబ్రహ్మసూత్రవిచక్షణా ।
అసఙ్ఖ్యేయపరార్ధాన్తస్వరవ్యఞ్జనవైఖరీ ॥ 103 ॥
మధుజిహ్వా మధుమతీ మధుమాసోదయా మధుః ।
మాధవీ చ మహాభాగా మేఘగమ్భీరనిస్వనా ॥ 104 ॥
బ్రహ్మవిష్ణుమహేశాదిజ్ఞాతవ్యార్థవిశేషగా ।
నాభౌ వహ్నిశిఖాకారా లలాటే చన్ద్రసన్నిభా ॥ 105 ॥
భ్రూమధ్యే భాస్కరాకారా సర్వతారాకృతిర్హృది ।
కృత్తికాదిభరణ్యన్తనక్షత్రేష్ట్యార్చితోదయా ॥ 106 ॥
గ్రహవిద్యాత్మికా జ్యోతిర్జ్యోతిర్విన్మతిజీవికా ।
బ్రహ్మాణ్డగర్భిణీ బాలా సప్తావరణదేవతా ॥ 107 ॥
వైరాజోత్తమసామ్రాజ్యా కుమారకుశలోదయా ।
బగలా భ్రమరామ్బా చ శివదూతీ శివాత్మికా ॥ 108 ॥
మేరువిన్ధ్యాదిసంస్థానా కాశ్మీరపురవాసినీ ।
యోగనిద్రా మహానిద్రా వినిద్రా రాక్షసాశ్రితా ॥ 109 ॥
సువర్ణదా మహాగఙ్గా పఞ్చాఖ్యా పఞ్చసంహతిః ।
సుప్రజాతా సువీరా చ సుపోషా సుపతిశ్శివా ॥ 110 ॥
సుగృహా రక్తబీజాన్తా హతకన్దర్పజీవికా ।
సముద్రవ్యోమమధ్యస్థా సమబిన్దుసమాశ్రయా ॥ 111 ॥
సౌభాగ్యరసజీవాతుస్సారాసారవివేకదృక్ ।
త్రివల్యాదిసుపుష్టాఙ్గా భారతీ భరతాశ్రితా ॥ 112 ॥
నాదబ్రహ్మమయీవిద్యా జ్ఞానబ్రహ్మమయీపరా ।
బ్రహ్మనాడీ నిరుక్తిశ్చ బ్రహ్మకైవల్యసాధనమ్ ॥ 113 ॥
కాలికేయమహోదారవీర్యవిక్రమరూపిణీ ।
వడవాగ్నిశిఖావక్త్రా మహాకవలతర్పణా ॥ 114 ॥
మహాభూతా మహాదర్పా మహాసారా మహాక్రతుః ।
పఞ్జభూతమహాగ్రాసా పఞ్చభూతాధిదేవతా ॥ 115 ॥
సర్వప్రమాణా సమ్పత్తిస్సర్వరోగప్రతిక్రియా ।
బ్రహ్మాణ్డాన్తర్బహిర్వ్యాప్తా విష్ణువక్షోవిభూషిణీ ॥ 116 ॥
శాఙ్కరీ విధివక్త్రస్థా ప్రవరా వరహేతుకీ ।
హేమమాలా శిఖామాలా త్రిశిఖా పఞ్చలోచనా ॥ 117 ॥ [ పఞ్చమోచనా ]
సర్వాగమసదాచారమర్యాదా యాతుభఞ్జనీ ।
పుణ్యశ్లోకప్రబన్ధాఢ్యా సర్వాన్తర్యామిరూపిణీ ॥ 118 ॥
సామగానసమారాధ్యా శ్రోత్రకర్ణరసాయనమ్ ।
జీవలోకైకజీవాతుర్భద్రోదారవిలోకనా ॥ 119 ॥
తటిత్కోటిలసత్కాన్తిస్తరుణీ హరిసున్దరీ ।
మీననేత్రా చ సేన్ద్రాక్షీ విశాలాక్షీ సుమఙ్గలా ॥ 120 ॥
సర్వమఙ్గలసమ్పన్నా సాక్షాన్మఙ్గలదేవతా ।
దేహహృద్దీపికా దీప్తిర్జిహ్వపాపప్రణాశినీ ॥ 121 ॥
అర్ధచన్ద్రోల్లసద్దంష్ట్రా యజ్ఞవాటీవిలాసినీ ।
మహాదుర్గా మహోత్సాహా మహాదేవబలోదయా ॥ 122 ॥
డాకినీడ్యా శాకినీడ్యా సాకినీడ్యా సమస్తజుట్ ।
నిరఙ్కుశా నాకివన్ద్యా షడాధారాధిదేవతా ॥ 123 ॥
భువనజ్ఞానినిశ్శ్రేణీ భువనాకారవల్లరీ ।
శాశ్వతీ శాశ్వతాకారా లోకానుగ్రహకారిణీ ॥ 124 ॥
సారసీ మానసీ హంసీ హంసలోకప్రదాయినీ ।
చిన్ముద్రాలఙ్కృతకరా కోటిసూర్యసమప్రభా ॥ 125 ॥
సుఖప్రాణిశిరోరేఖా సదదృష్టప్రదాయినీ ।
సర్వసాఙ్కర్యదోషఘ్నీ గ్రహోపద్రవనాశినీ ॥ 126 ॥
క్షుద్రజన్తుభయఘ్నీ చ విషరోగాదిభఞ్జనీ ।
సదాశాన్తా సదాశుద్ధా గృహచ్ఛిద్రనివారిణీ ॥ 127 ॥
కలిదోషప్రశమనీ కోలాహలపురస్థితా ।
గౌరీ లాక్షణికీ ముఖ్యా జఘన్యాకృతివర్జితా ॥ 128 ॥
మాయా విద్యా మూలభూతా వాసవీ విష్ణుచేతనా ।
వాదినీ వసురూపా చ వసురత్నపరిచ్ఛదా ॥ 129 ॥
ఛాన్దసీ చన్ద్రహృదయా మన్త్రస్వచ్ఛన్దభైరవీ ।
వనమాలా వైజయన్తీ పఞ్చదివ్యాయుధాత్మికా ॥ 130 ॥
పీతామ్బరమయీ చఞ్చత్కౌస్తుభా హరికామినీ ।
నిత్యా తథ్యా రమా రామా రమణీ మృత్యుభఞ్జనీ ॥ 131 ॥
జ్యేష్ఠా కాష్ఠా ధనిష్ఠాన్తా శరాఙ్గీ నిర్గుణప్రియా ।
మైత్రేయా మిత్రవిన్దా చ శేష్యశేషకలాశయా ॥ 132 ॥
వారాణసీవాసలభ్యా చార్యావర్తజనస్తుతా । [ వారాణసీవాసరతా ]
జగదుత్పత్తిసంస్థానసంహారత్రయకారణమ్ ॥ 133 ॥
త్వమమ్బ విష్ణుసర్వస్వం నమస్తేఽస్తు మహేశ్వరి ।
నమస్తే సర్వలోకానాం జనన్యై పుణ్యమూర్తయే ॥ 134 ॥
సిద్ధలక్ష్మీర్మహాకాలి మహలక్ష్మి నమోఽస్తు తే ।
సద్యోజాతాదిపఞ్చాగ్నిరూపా పఞ్చకపఞ్చకమ్ ॥ 135 ॥
యన్త్రలక్ష్మీర్భవత్యాదిరాద్యాద్యే తే నమో నమః ।
సృష్ట్యాదికారణాకారవితతే దోషవర్జితే ॥ 136 ॥
జగల్లక్ష్మీర్జగన్మాతర్విష్ణుపత్ని నమోఽస్తు తే ।
నవకోటిమహాశక్తిసముపాస్యపదామ్బుజే ॥ 137 ॥
కనత్సౌవర్ణరత్నాఢ్య సర్వాభరణభూషితే ।
అనన్తానిత్యమహిషీప్రపఞ్చేశ్వరనాయకి ॥ 138 ॥
అత్యుచ్ఛ్రితపదాన్తస్థే పరమవ్యోమనాయకి ।
నాకపృష్ఠగతారాధ్యే విష్ణులోకవిలాసిని ॥ 139 ॥
వైకుణ్ఠరాజమహిషి శ్రీరఙ్గనగరాశ్రితే ।
రఙ్గనాయకి భూపుత్రి కృష్ణే వరదవల్లభే ॥ 140 ॥
కోటిబ్రహ్మాదిసంసేవ్యే కోటిరుద్రాదికీర్తితే ।
మాతులుఙ్గమయం ఖేటం సౌవర్ణచషకం తథా ॥ 141 ॥
పద్మద్వయం పూర్ణకుమ్భం కీరఞ్చ వరదాభయే ।
పాశమఙ్కుశకం శఙ్ఖం చక్రం శూలం కృపాణికామ్ ॥ 142 ॥
ధనుర్బాణౌ చాక్షమాలాం చిన్ముద్రామపి బిభ్రతీ ।
అష్టాదశభుజే లక్ష్మీర్మహాష్టాదశపీఠగే ॥ 143 ॥
భూమినీలాదిసంసేవ్యే స్వామిచిత్తానువర్తిని ।
పద్మే పద్మాలయే పద్మి పూర్ణకుమ్భాభిషేచితే ॥ 144 ॥
ఇన్దిరేన్దిన్దిరాభాక్షి క్షీరసాగరకన్యకే ।
భార్గవి త్వం స్వతన్త్రేచ్ఛా వశీకృతజగత్పతిః ॥ 145 ॥
మఙ్గలం మఙ్గలానాం త్వం దేవతానాం చ దేవతా ।
త్వముత్తమోత్తమానాం చ త్వం శ్రేయః పరమామృతమ్ ॥ 146 ॥
ధనధాన్యాభివృద్ధిశ్చ సార్వభౌమసుఖోచ్ఛ్రయా ।
ఆన్దోలికాదిసౌభాగ్యం మత్తేభాదిమహోదయః ॥ 147 ॥
పుత్రపౌత్రాభివృద్ధిశ్చ విద్యాభోగబలాదికమ్ ।
ఆయురారోగ్యసమ్పత్తిరష్టైశ్వర్యం త్వమేవ హి ॥ 148 ॥
పరమేశవిభూతిశ్చ సూక్ష్మాత్సూక్ష్మతరాగతిః ।
సదయాపాఙ్గసన్దత్తబ్రహ్మేన్ద్రాదిపదస్థితిః ॥ 149 ॥
అవ్యాహతమహాభాగ్యం త్వమేవాక్షోభ్యవిక్రమః ।
సమన్వయశ్చ వేదానామవిరోధస్త్వమేవ హి ॥ 150 ॥
నిఃశ్రేయసపదప్రాప్తిసాధనం ఫలమేవ చ ।
శ్రీమన్త్రరాజరాజ్ఞీ చ శ్రీవిద్యా క్షేమకారిణీ ॥ 151 ॥
శ్రీమ్బీజజపసన్తుష్టా ఐం హ్రీం శ్రీం బీజపాలికా ।
ప్రపత్తిమార్గసులభా విష్ణుప్రథమకిఙ్కరీ ॥ 152 ॥
క్లీఙ్కారార్థసవిత్రీ చ సౌమఙ్గల్యాధిదేవతా ।
శ్రీషోడశాక్షరీవిద్యా శ్రీయన్త్రపురవాసినీ ॥ 153 ॥
సర్వమఙ్గలమాఙ్గల్యే శివే సర్వార్థసాధికే ।
శరణ్యే త్ర్యమ్బకే గౌరీ నారాయణి నమోఽస్తు తే ॥ 154 ॥
పునః పునర్నమస్తేఽస్తు సాష్టాఙ్గమయుతం పునః ।
సనత్కుమార ఉవాచ-
ఏవం స్తుతా మహాలక్ష్మీర్బ్రహ్మరుద్రాదిభిస్సురైః ।
నమద్భిరార్తైర్దీనైశ్చ నిస్స్వత్వైర్భోగవర్జితైః ॥ 1 ॥
జ్యేష్ఠా జుష్టైశ్చ నిశ్శ్రీకైస్సంసారాత్స్వపరాయణైః ।
విష్ణుపత్నీ దదౌ తేషాం దర్శనం దృష్టితర్పణమ్ ॥ 2 ॥
శరత్పూర్ణేన్దుకోట్యాభధవలాపాఙ్గవీక్షణైః ।
సర్వాన్సత్త్వసమావిష్టాన్ చక్రే హృష్టా వరం దదౌ ॥ 3 ॥
మహాలక్ష్మీరువాచ-
నామ్నాం సాష్టసహస్రం మే ప్రమాదాద్వాపి యస్సకృత్ ।
కీర్తయేత్తత్కులే సత్యం వసామ్యాచన్ద్రతారకమ్ ॥ 4 ॥
కిం పునర్నియమాజ్జప్తుర్మదేకశరణస్య చ ।
మాతృవత్సానుకమ్పాహం పోషకీ స్యామహర్నిశమ్ ॥ 5 ॥
మన్నామ స్తవతాం లోకే దుర్లభం నాస్తి చిన్తితమ్ ।
మత్ప్రసాదేన సర్వేఽపి స్వస్వేష్టార్థమవాప్స్యథ ॥ 6 ॥
లుప్తవైష్ణవధర్మస్య మద్వ్రతేష్వవకీర్ణినః ।
భక్తిప్రపత్తిహీనస్య వన్ద్యో నామ్నాం స్తవోఽపి మే ॥ 7 ॥
తస్మాదవశ్యం తైర్దోషైర్విహీనః పాపవర్జితః ।
జపేత్సాష్టసహస్రం మే నామ్నాం ప్రత్యహమాదరాత్ ॥ 8 ॥
సాక్షాదలక్ష్మీపుత్రోఽపి దుర్భాగ్యోఽప్యలసోఽపి వా ।
అప్రయత్నోఽపి మూఢోఽపి వికలః పతితోఽపి చ ॥ 9 ॥
అవశ్యం ప్రాప్నుయాద్భాగ్యం మత్ప్రసాదేన కేవలమ్ ।
స్పృహేయమచిరాద్దేవా వరదానాయ జాపినః ।
దదామి సర్వమిష్టార్థం లక్ష్మీతి స్మరతాం ధ్రువమ్ ॥ 10 ॥
సనత్కుమార ఉవాచ-
ఇత్యుక్త్వాఽన్తర్దధే లక్ష్మీర్వైష్ణవీ భగవత్కలా ।
ఇష్టాపూర్తం చ సుకృతం భాగధేయం చ చిన్తితమ్ ॥ 11 ॥
స్వం స్వం స్థానం చ భోగం చ విజయం లేభిరే సురాః ।
తదేతత్ ప్రవదామ్యద్య లక్ష్మీనామసహస్రకమ్ ।
యోగినః పఠత క్షిప్రం చిన్తితార్థానవాప్స్యథ ॥ 12 ॥
గార్గ్య ఉవాచ-
సనత్కుమారోయోగీన్ద్ర ఇత్యుక్త్వా స దయానిధిః ।
అనుగృహ్య యయౌ క్షిప్రం తాంశ్చ ద్వాదశయోగినః ॥ 13 ॥
తస్మాదేతద్రహస్యం చ గోప్యం జప్యం ప్రయత్నతః ।
అష్టమ్యాం చ చతుర్దశ్యాం నవమ్యాం భృగువాసరే ॥ 14 ॥
పౌర్ణమాస్యామమాయాం చ పర్వకాలే విశేషతః ।
జపేద్వా నిత్యకార్యేషు సర్వాన్కామానవాప్నుయాత్ ॥ 15 ॥
ఇతి శ్రీస్కన్దపురాణే సనత్కుమారసంహితాయాం లక్ష్మీసహస్రనామస్తోత్రం సమ్పూర్ణమ్ ॥
Roman (IAST) Transliteration
nāmnāṃ sāṣṭasahasrañca brūhi gārgya mahāmate |
mahālakṣmyā mahādevyā bhuktimuktyarthasiddhaye || 1 ||
gārgya uvāca
sanatkumāramāsīnaṃ dvādaśādityasannibham |
apṛcchanyogino bhaktyā yogināmarthasiddhaye || 2 ||
sarvalaukikakarmabhyo vimuktānāṃ hitāya vai |
bhuktimuktipradaṃ japyamanubrūhi dayānidhe || 3 ||
sanatkumāra bhagavansarvajño'si viśeṣataḥ |
āstikyasiddhaye nṝṇāṃ kṣipradharmārthasādhanam || 4 ||
khidyanti mānavāssarve dhanābhāvena kevalam |
siddhyanti dhanino'nyasya naiva dharmārthakāmanāḥ || 5 ||
dāridryadhvaṃsinī nāma kena vidyā prakīrtitā |
kena vā brahmavidyā'pi kena mṛtyuvināśinī || 6 ||
sarvāsāṃ sārabhūtaikā vidyānāṃ kena kīrtitā |
pratyakṣasiddhidā brahman tāmācakṣva dayānidhe || 7 ||
sanatkumāra uvāca
sādhu pṛṣṭaṃ mahābhāgāssarvalokahitaiṣiṇaḥ |
mahatāmeṣa dharmaśca nānyeṣāmiti me matiḥ || 8 ||
brahmaviṣṇumahādevamahendrādimahātmabhiḥ |
samproktaṃ kathayāmyadya lakṣmīnāmasahasrakam || 9 ||
yasyoccāraṇamātreṇa dāridryānmucyate naraḥ |
kiṃ punastajjapājjāpī sarveṣṭārthānavāpnuyāt || 10 ||
asya śrīlakṣmīdivyasahasranāmastotramahāmantrasya ānandakardamaciklītendirāsutādayo mahātmāno maharṣayaḥ anuṣṭupchandaḥ viṣṇumāyā śaktiḥ mahālakṣmīḥ parādevatā śrīmahālakṣmīprasādadvārā sarveṣṭārthasiddhyarthe jape viniyogaḥ |
dhyānam
padmanābhapriyāṃ devīṃ padmākṣīṃ padmavāsinīm |
padmavaktrāṃ padmahastāṃ vande padmāmaharniśam || 1 ||
pūrṇenduvadanāṃ divyaratnābharaṇabhūṣitām |
varadābhayahastāḍhyāṃ dhyāyeccandrasahodarīm || 2 ||
icchārūpāṃ bhagavatassaccidānandarūpiṇīm |
sarvajñāṃ sarvajananīṃ viṣṇuvakṣassthalālayām |
dayālumaniśaṃ dhyāyetsukhasiddhisvarūpiṇīm || 3 ||
stotram
nityāgatānantanityā nandinī janarañjanī |
nityaprakāśinī caiva svaprakāśasvarūpiṇī || 1 ||
mahālakṣmīrmahākālī mahākanyā sarasvatī |
bhogavaibhavasandhātrī bhaktānugrahakāriṇī || 2 ||
īśāvāsyā mahāmāyā mahādevī maheśvarī |
hṛllekhā paramā śaktirmātṛkābījarūpiṇī || 3 ||
nityānandā nityabodhā nādinī janamodinī |
satyapratyayanī caiva svaprakāśātmarūpiṇī || 4 ||
tripurā bhairavī vidyā haṃsā vāgīśvarī śivā |
vāgdevī ca mahārātriḥ kālarātristrilocanā || 5 ||
bhadrakālī karālī ca mahākālī tilottamā |
kālī karālavaktrāntā kāmākṣī kāmadā śubhā || 6 ||
caṇḍikā caṇḍarūpeśā cāmuṇḍā cakradhāriṇī |
trailokyajayinī devī trailokyavijayottamā || 7 ||
siddhalakṣmīḥ kriyālakṣmīrmokṣalakṣmīḥ prasādinī |
umā bhagavatī durgā cāndrī dākṣāyaṇī śivā || 8 ||
pratyaṅgirā dharāvelā lokamātā haripriyā |
pārvatī paramā devī brahmavidyāpradāyinī || 9 ||
arūpā bahurūpā ca virūpā viśvarūpiṇī |
pañcabhūtātmikā vāṇī pañcabhūtātmikā parā || 10 ||
kālī mā pañcikā vāgmī haviḥpratyadhidevatā |
devamātā sureśānā devagarbhā'mbikā dhṛtiḥ || 11 ||
saṅkhyā jātiḥ kriyāśaktiḥ prakṛtirmohinī mahī |
yajñavidyā mahāvidyā guhyavidyā vibhāvarī || 12 ||
jyotiṣmatī mahāmātā sarvamantraphalapradā |
dāridryadhvaṃsinī devī hṛdayagranthibhedinī || 13 ||
sahasrādityasaṅkāśā candrikā candrarūpiṇī |
gāyatrī somasambhūtissāvitrī praṇavātmikā || 14 ||
śāṅkarī vaiṣṇavī brāhmī sarvadevanamaskṛtā |
sevyadurgā kuberākṣī karavīranivāsinī || 15 ||
jayā ca vijayā caiva jayantī cā'parājitā |
kubjikā kālikā śāstrī vīṇāpustakadhāriṇī || 16 ||
sarvajñaśaktiśśrīśaktirbrahmaviṣṇuśivātmikā |
iḍāpiṅgalikāmadhyamṛṇālītanturūpiṇī || 17 ||
yajñeśānī prathā dīkṣā dakṣiṇā sarvamohinī |
aṣṭāṅgayoginī devī nirbījadhyānagocarā || 18 ||
sarvatīrthasthitā śuddhā sarvaparvatavāsinī |
vedaśāstraprabhā devī ṣaḍaṅgādipadakramā || 19 ||
śivā dhātrī śubhānandā yajñakarmasvarūpiṇī |
vratinī menakā devī brahmāṇī brahmacāriṇī || 20 ||
ekākṣaraparā tārā bhavabandhavināśinī |
viśvambharā dharādhārā nirādhārā'dhikasvarā || 21 ||
rākā kuhūramāvāsyā pūrṇimā'numatirdyutiḥ |
sinīvālī śivā'vaśyā vaiśvadevī piśaṅgilā || 22 ||
pippalā ca viśālākṣī rakṣoghnī vṛṣṭikāriṇī |
duṣṭavidrāviṇī devī sarvopadravanāśinī || 23 ||
śāradā śarasandhānā sarvaśastrasvarūpiṇī |
yuddhamadhyasthitā devī sarvabhūtaprabhañjanī || 24 ||
ayuddhā yuddharūpā ca śāntā śāntisvarūpiṇī |
gaṅgā sarasvatīveṇīyamunānarmadāpagā || 25 ||
samudravasanāvāsā brahmāṇḍaśroṇimekhalā |
pañcavaktrā daśabhujā śuddhasphaṭikasannibhā || 26 ||
raktā kṛṣṇā sitā pītā sarvavarṇā nirīśvarī |
kālikā cakrikā devī satyā tu vaṭukāsthitā || 27 ||
taruṇī vāruṇī nārī jyeṣṭhādevī sureśvarī |
viśvambharādharā kartrī galārgalavibhañjanī || 28 ||
sandhyārātrirdivājyotsnā kalākāṣṭhā nimeṣikā |
urvī kātyāyanī śubhrā saṃsārārṇavatāriṇī || 29 ||
kapilā kīlikā'śokā mallikānavamallikā | [ mallikānavamālikā ]
devikā nandikā śāntā bhañjikā bhayabhañjikā || 30 ||
kauśikī vaidikī devī saurī rūpādhikā'tibhā |
digvastrā navavastrā ca kanyakā kamalodbhavā || 31 ||
śrīssaumyalakṣaṇā'tītadurgā sūtraprabodhikā |
śraddhā medhā kṛtiḥ prajñā dhāraṇā kāntireva ca || 32 ||
śrutiḥ smṛtirdhṛtirdhanyā bhūtiriṣṭirmanīṣiṇī |
viraktirvyāpinī māyā sarvamāyāprabhañjanī || 33 ||
māhendrī mantriṇī siṃhī cendrajālasvarūpiṇī |
avasthātrayanirmuktā guṇatrayavivarjitā || 34 ||
īṣaṇātrayanirmuktā sarvarogavivarjitā |
yogidhyānāntagamyā ca yogadhyānaparāyaṇā || 35 ||
trayīśikhā viśeṣajñā vedāntajñānarūpiṇī |
bhāratī kamalā bhāṣā padmā padmavatī kṛtiḥ || 36 ||
gautamī gomatī gaurī īśānā haṃsavāhinī |
nārāyaṇī prabhādhārā jāhnavī śaṅkarātmajā || 37 ||
citraghaṇṭā sunandā śrīrmānavī manusambhavā |
stambhinī kṣobhiṇī mārī bhrāmiṇī śatrumāriṇī || 38 ||
mohinī dveṣiṇī vīrā aghorā rudrarūpiṇī |
rudraikādaśinī puṇyā kalyāṇī lābhakāriṇī || 39 ||
devadurgā mahādurgā svapnadurgā'ṣṭabhairavī |
sūryacandrāgnirūpā ca grahanakṣatrarūpiṇī || 40 ||
bindunādakalātītā bindunādakalātmikā |
daśavāyujayākārā kalāṣoḍaśasaṃyutā || 41 ||
kāśyapī kamalādevī nādacakranivāsinī |
mṛḍādhārā sthirā guhyā devikā cakrarūpiṇī || 42 ||
avidyā śārvarī bhuñjā jambhāsuranibarhiṇī |
śrīkāyā śrīkalā śubhrā karmanirmūlakāriṇī || 43 ||
ādilakṣmīrguṇādhārā pañcabrahmātmikā parā |
śrutirbrahmamukhāvāsā sarvasampattirūpiṇī || 44 ||
mṛtasañjīvanī maitrī kāminī kāmavarjitā |
nirvāṇamārgadā devī haṃsinī kāśikā kṣamā || 45 ||
saparyā guṇinī bhinnā nirguṇā khaṇḍitāśubhā |
svāminī vedinī śakyā śāmbarī cakradhāriṇī || 46 ||
daṇḍinī muṇḍinī vyāghrī śikhinī somasaṃhatiḥ |
cintāmaṇiścidānandā pañcabāṇaprabodhinī || 47 ||
bāṇaśreṇissahasrākṣī sahasrabhujapādukā |
sandhyāvalistrisandhyākhyā brahmāṇḍamaṇibhūṣaṇā || 48 ||
vāsavī vāruṇīsenā kulikā mantrarañjanī |
jitaprāṇasvarūpā ca kāntā kāmyavarapradā || 49 ||
mantrabrāhmaṇavidyārthā nādarūpā haviṣmatī |
ātharvaṇiḥ śrutiḥ śūnyā kalpanāvarjitā satī || 50 ||
sattājātiḥ pramā'meyā'pramitiḥ prāṇadā gatiḥ |
avarṇā pañcavarṇā ca sarvadā bhuvaneśvarī || 51 ||
trailokyamohinī vidyā sarvabhartrī kṣarā'kṣarā |
hiraṇyavarṇā hariṇī sarvopadravanāśinī || 52 ||
kaivalyapadavīrekhā sūryamaṇḍalasaṃsthitā |
somamaṇḍalamadhyasthā vahnimaṇḍalasaṃsthitā || 53 ||
vāyumaṇḍalamadhyasthā vyomamaṇḍalasaṃsthitā |
cakrikā cakramadhyasthā cakramārgapravartinī || 54 ||
kokilākulacakreśā pakṣatiḥ paṅktipāvanī |
sarvasiddhāntamārgasthā ṣaḍvarṇāvaravarjitā || 55 ||
śararudraharā hantrī sarvasaṃhārakāriṇī |
puruṣā pauruṣī tuṣṭissarvatantraprasūtikā || 56 ||
ardhanārīśvarī devī sarvavidyāpradāyinī |
bhārgavī yājuṣīvidyā sarvopaniṣadāsthitā || 57 || [ bhujuṣīvidyā ]
vyomakeśākhilaprāṇā pañcakośavilakṣaṇā |
pañcakośātmikā pratyakpañcabrahmātmikā śivā || 58 ||
jagajjarājanitrī ca pañcakarmaprasūtikā |
vāgdevyābharaṇākārā sarvakāmyasthitāsthitiḥ || 59 ||
aṣṭādaśacatuṣṣaṣṭhipīṭhikā vidyayā yutā |
kālikākarṣaṇaśyāmā yakṣiṇī kinnareśvarī || 60 ||
ketakī mallikā'śokā vārāhī dharaṇī dhruvā |
nārasiṃhī mahogrāsyā bhaktānāmārtināśinī || 61 ||
antarbalā sthirā lakṣmīrjarāmaraṇanāśinī |
śrīrañjitā mahākāyā somasūryāgnilocanā || 62 ||
aditirdevamātā ca aṣṭaputrā'ṣṭayoginī |
aṣṭaprakṛtiraṣṭāṣṭavibhrājadvikṛtākṛtiḥ || 63 ||
durbhikṣadhvaṃsinī devī sītā satyā ca rukmiṇī |
khyātijā bhārgavī devī devayonistapasvinī || 64 ||
śākambharī mahāśoṇā garuḍoparisaṃsthitā |
siṃhagā vyāghragā devī vāyugā ca mahādrigā || 65 ||
akārādikṣakārāntā sarvavidyādhidevatā |
mantravyākhyānanipuṇā jyotiśśāstraikalocanā || 66 ||
iḍāpiṅgalikāmadhyāsuṣumnā granthibhedinī |
kālacakrāśrayopetā kālacakrasvarūpiṇī || 67 ||
vaiśāradī matiśśreṣṭhā variṣṭhā sarvadīpikā |
vaināyakī varārohā śroṇivelā bahirvaliḥ || 68 ||
jambhinī jṛmbhiṇī jambhakāriṇī gaṇakārikā |
śaraṇī cakrikā'nantā sarvavyādhicikitsakī || 69 ||
devakī devasaṅkāśā vāridhiḥ karuṇākarā |
śarvarī sarvasampannā sarvapāpaprabhañjanī || 70 ||
ekamātrā dvimātrā ca trimātrā ca tathā'parā |
ardhamātrā parā sūkṣmā sūkṣmārthā'rthaparā'parā || 71 ||
ekavīrā viśeṣākhyā ṣaṣṭhīdevī manasvinī |
naiṣkarmyā niṣkalālokā jñānakarmādhikā guṇā || 72 ||
sabandhvānandasandohā vyomākārā'nirūpitā |
gadyapadyātmikā vāṇī sarvālaṅkārasaṃyutā || 73 ||
sādhubandhapadanyāsā sarvauko ghaṭikāvaliḥ |
ṣaṭkarmā karkaśākārā sarvakarmavivarjitā || 74 ||
ādityavarṇā cāparṇā kāminī vararūpiṇī |
brahmāṇī brahmasantānā vedavāgīśvarī śivā || 75 ||
purāṇanyāyamīmāṃsādharmaśāstrāgamaśrutā |
sadyovedavatī sarvā haṃsī vidyādhidevatā || 76 ||
viśveśvarī jagaddhātrī viśvanirmāṇakāriṇī |
vaidikī vedarūpā ca kālikā kālarūpiṇī || 77 ||
nārāyaṇī mahādevī sarvatattvapravartinī |
hiraṇyavarṇarūpā ca hiraṇyapadasambhavā || 78 ||
kaivalyapadavī puṇyā kaivalyajñānalakṣitā |
brahmasampattirūpā ca brahmasampattikāriṇī || 79 ||
vāruṇī vāruṇārādhyā sarvakarmapravartinī |
ekākṣaraparā''yuktā sarvadāridryabhañjinī || 80 ||
pāśāṅkuśānvitā divyā vīṇāvyākhyākṣasūtrabhṛt |
ekamūrtistrayīmūrtirmadhukaiṭabhabhañjinī || 81 ||
sāṅkhyā sāṅkhyavatī jvālā jvalantī kāmarūpiṇī |
jāgratī sarvasampattissuṣuptā sveṣṭadāyinī || 82 ||
kapālinī mahādaṃṣṭrā bhrukuṭī kuṭilānanā |
sarvāvāsā suvāsā ca bṛhatyaṣṭiśca śakvarī || 83 ||
chandogaṇapratiṣṭhā ca kalmāṣī karuṇātmikā |
cakṣuṣmatī mahāghoṣā khaḍgacarmadharā'śaniḥ || 84 ||
śilpavaicitryavidyotā sarvatobhadravāsinī |
acintyalakṣaṇākārā sūtrabhāṣyanibandhanā || 85 ||
sarvavedārthasampattissarvaśāstrārthamātṛkā |
akārādikṣakārāntasarvavarṇakṛtasthalā || 86 ||
sarvalakṣmīssadānandā sāravidyā sadāśivā |
sarvajñā sarvaśaktiśca khecarīrūpagocchritā || 87 ||
aṇimādiguṇopetā parā kāṣṭhā parā gatiḥ |
haṃsayuktavimānasthā haṃsārūḍhā śaśiprabhā || 88 ||
bhavānī vāsanāśaktirākṛtisthākhilā'khilā |
tantraheturvicitrāṅgī vyomagaṅgāvinodinī || 89 ||
varṣā ca vārṣikā caiva ṛgyajussāmarūpiṇī |
mahānadīnadīpuṇyā'gaṇyapuṇyaguṇakriyā || 90 ||
samādhigatalabhyārthā śrotavyā svapriyā ghṛṇā |
nāmākṣaraparā devī upasarganakhāñcitā || 91 ||
nipātorudvayījaṅghā mātṛkā mantrarūpiṇī |
āsīnā ca śayānā ca tiṣṭhantī dhāvanādhikā || 92 ||
lakṣyalakṣaṇayogāḍhyā tādrūpyagaṇanākṛtiḥ |
saikarūpā naikarūpā sendurūpā tadākṛtiḥ || 93 ||
samāsataddhitākārā vibhaktivacanātmikā |
svāhākārā svadhākārā śrīpatyardhāṅganandinī || 94 ||
gambhīrā gahanā guhyā yoniliṅgārdhadhāriṇī |
śeṣavāsukisaṃsevyā capalā varavarṇinī || 95 ||
kāruṇyākārasampattiḥ kīlakṛnmantrakīlikā |
śaktibījātmikā sarvamantreṣṭākṣayakāmanā || 96 ||
āgneyī pārthivā āpyā vāyavyā vyomaketanā |
satyajñānātmikā''nandā brāhmī brahma sanātanī || 97 ||
avidyāvāsanā māyāprakṛtissarvamohinī |
śaktirdhāraṇaśaktiśca cidacicchaktiyoginī || 98 ||
vaktrāruṇā mahāmāyā marīcirmadamardinī |
virāṭ svāhā svadhā śuddhā nīrūpāstissubhaktigā || 99 ||
nirūpitādvayīvidyā nityānityasvarūpiṇī |
vairājamārgasañcārā sarvasatpathadarśinī || 100 ||
jālandharī mṛḍānī ca bhavānī bhavabhañjanī |
traikālikajñānatantustrikālajñānadāyinī || 101 ||
nādātītā smṛtiḥ prajñā dhātrīrūpā tripuṣkarā |
parājitāvidhānajñā viśeṣitaguṇātmikā || 102 ||
hiraṇyakeśinī hemabrahmasūtravicakṣaṇā |
asaṅkhyeyaparārdhāntasvaravyañjanavaikharī || 103 ||
madhujihvā madhumatī madhumāsodayā madhuḥ |
mādhavī ca mahābhāgā meghagambhīranisvanā || 104 ||
brahmaviṣṇumaheśādijñātavyārthaviśeṣagā |
nābhau vahniśikhākārā lalāṭe candrasannibhā || 105 ||
bhrūmadhye bhāskarākārā sarvatārākṛtirhṛdi |
kṛttikādibharaṇyantanakṣatreṣṭyārcitodayā || 106 ||
grahavidyātmikā jyotirjyotirvinmatijīvikā |
brahmāṇḍagarbhiṇī bālā saptāvaraṇadevatā || 107 ||
vairājottamasāmrājyā kumārakuśalodayā |
bagalā bhramarāmbā ca śivadūtī śivātmikā || 108 ||
meruvindhyādisaṃsthānā kāśmīrapuravāsinī |
yoganidrā mahānidrā vinidrā rākṣasāśritā || 109 ||
suvarṇadā mahāgaṅgā pañcākhyā pañcasaṃhatiḥ |
suprajātā suvīrā ca supoṣā supatiśśivā || 110 ||
sugṛhā raktabījāntā hatakandarpajīvikā |
samudravyomamadhyasthā samabindusamāśrayā || 111 ||
saubhāgyarasajīvātussārāsāravivekadṛk |
trivalyādisupuṣṭāṅgā bhāratī bharatāśritā || 112 ||
nādabrahmamayīvidyā jñānabrahmamayīparā |
brahmanāḍī niruktiśca brahmakaivalyasādhanam || 113 ||
kālikeyamahodāravīryavikramarūpiṇī |
vaḍavāgniśikhāvaktrā mahākavalatarpaṇā || 114 ||
mahābhūtā mahādarpā mahāsārā mahākratuḥ |
pañjabhūtamahāgrāsā pañcabhūtādhidevatā || 115 ||
sarvapramāṇā sampattissarvarogapratikriyā |
brahmāṇḍāntarbahirvyāptā viṣṇuvakṣovibhūṣiṇī || 116 ||
śāṅkarī vidhivaktrasthā pravarā varahetukī |
hemamālā śikhāmālā triśikhā pañcalocanā || 117 || [ pañcamocanā ]
sarvāgamasadācāramaryādā yātubhañjanī |
puṇyaślokaprabandhāḍhyā sarvāntaryāmirūpiṇī || 118 ||
sāmagānasamārādhyā śrotrakarṇarasāyanam |
jīvalokaikajīvāturbhadrodāravilokanā || 119 ||
taṭitkoṭilasatkāntistaruṇī harisundarī |
mīnanetrā ca sendrākṣī viśālākṣī sumaṅgalā || 120 ||
sarvamaṅgalasampannā sākṣānmaṅgaladevatā |
dehahṛddīpikā dīptirjihvapāpapraṇāśinī || 121 ||
ardhacandrollasaddaṃṣṭrā yajñavāṭīvilāsinī |
mahādurgā mahotsāhā mahādevabalodayā || 122 ||
ḍākinīḍyā śākinīḍyā sākinīḍyā samastajuṭ |
niraṅkuśā nākivandyā ṣaḍādhārādhidevatā || 123 ||
bhuvanajñāniniśśreṇī bhuvanākāravallarī |
śāśvatī śāśvatākārā lokānugrahakāriṇī || 124 ||
sārasī mānasī haṃsī haṃsalokapradāyinī |
cinmudrālaṅkṛtakarā koṭisūryasamaprabhā || 125 ||
sukhaprāṇiśirorekhā sadadṛṣṭapradāyinī |
sarvasāṅkaryadoṣaghnī grahopadravanāśinī || 126 ||
kṣudrajantubhayaghnī ca viṣarogādibhañjanī |
sadāśāntā sadāśuddhā gṛhacchidranivāriṇī || 127 ||
kalidoṣapraśamanī kolāhalapurasthitā |
gaurī lākṣaṇikī mukhyā jaghanyākṛtivarjitā || 128 ||
māyā vidyā mūlabhūtā vāsavī viṣṇucetanā |
vādinī vasurūpā ca vasuratnaparicchadā || 129 ||
chāndasī candrahṛdayā mantrasvacchandabhairavī |
vanamālā vaijayantī pañcadivyāyudhātmikā || 130 ||
pītāmbaramayī cañcatkaustubhā harikāminī |
nityā tathyā ramā rāmā ramaṇī mṛtyubhañjanī || 131 ||
jyeṣṭhā kāṣṭhā dhaniṣṭhāntā śarāṅgī nirguṇapriyā |
maitreyā mitravindā ca śeṣyaśeṣakalāśayā || 132 ||
vārāṇasīvāsalabhyā cāryāvartajanastutā | [ vārāṇasīvāsaratā ]
jagadutpattisaṃsthānasaṃhāratrayakāraṇam || 133 ||
tvamamba viṣṇusarvasvaṃ namaste'stu maheśvari |
namaste sarvalokānāṃ jananyai puṇyamūrtaye || 134 ||
siddhalakṣmīrmahākāli mahalakṣmi namo'stu te |
sadyojātādipañcāgnirūpā pañcakapañcakam || 135 ||
yantralakṣmīrbhavatyādirādyādye te namo namaḥ |
sṛṣṭyādikāraṇākāravitate doṣavarjite || 136 ||
jagallakṣmīrjaganmātarviṣṇupatni namo'stu te |
navakoṭimahāśaktisamupāsyapadāmbuje || 137 ||
kanatsauvarṇaratnāḍhya sarvābharaṇabhūṣite |
anantānityamahiṣīprapañceśvaranāyaki || 138 ||
atyucchritapadāntasthe paramavyomanāyaki |
nākapṛṣṭhagatārādhye viṣṇulokavilāsini || 139 ||
vaikuṇṭharājamahiṣi śrīraṅganagarāśrite |
raṅganāyaki bhūputri kṛṣṇe varadavallabhe || 140 ||
koṭibrahmādisaṃsevye koṭirudrādikīrtite |
mātuluṅgamayaṃ kheṭaṃ sauvarṇacaṣakaṃ tathā || 141 ||
padmadvayaṃ pūrṇakumbhaṃ kīrañca varadābhaye |
pāśamaṅkuśakaṃ śaṅkhaṃ cakraṃ śūlaṃ kṛpāṇikām || 142 ||
dhanurbāṇau cākṣamālāṃ cinmudrāmapi bibhratī |
aṣṭādaśabhuje lakṣmīrmahāṣṭādaśapīṭhage || 143 ||
bhūminīlādisaṃsevye svāmicittānuvartini |
padme padmālaye padmi pūrṇakumbhābhiṣecite || 144 ||
indirendindirābhākṣi kṣīrasāgarakanyake |
bhārgavi tvaṃ svatantrecchā vaśīkṛtajagatpatiḥ || 145 ||
maṅgalaṃ maṅgalānāṃ tvaṃ devatānāṃ ca devatā |
tvamuttamottamānāṃ ca tvaṃ śreyaḥ paramāmṛtam || 146 ||
dhanadhānyābhivṛddhiśca sārvabhaumasukhocchrayā |
āndolikādisaubhāgyaṃ mattebhādimahodayaḥ || 147 ||
putrapautrābhivṛddhiśca vidyābhogabalādikam |
āyurārogyasampattiraṣṭaiśvaryaṃ tvameva hi || 148 ||
parameśavibhūtiśca sūkṣmātsūkṣmatarāgatiḥ |
sadayāpāṅgasandattabrahmendrādipadasthitiḥ || 149 ||
avyāhatamahābhāgyaṃ tvamevākṣobhyavikramaḥ |
samanvayaśca vedānāmavirodhastvameva hi || 150 ||
niḥśreyasapadaprāptisādhanaṃ phalameva ca |
śrīmantrarājarājñī ca śrīvidyā kṣemakāriṇī || 151 ||
śrīmbījajapasantuṣṭā aiṃ hrīṃ śrīṃ bījapālikā |
prapattimārgasulabhā viṣṇuprathamakiṅkarī || 152 ||
klīṅkārārthasavitrī ca saumaṅgalyādhidevatā |
śrīṣoḍaśākṣarīvidyā śrīyantrapuravāsinī || 153 ||
sarvamaṅgalamāṅgalye śive sarvārthasādhike |
śaraṇye tryambake gaurī nārāyaṇi namo'stu te || 154 ||
punaḥ punarnamaste'stu sāṣṭāṅgamayutaṃ punaḥ |
sanatkumāra uvāca-
evaṃ stutā mahālakṣmīrbrahmarudrādibhissuraiḥ |
namadbhirārtairdīnaiśca nissvatvairbhogavarjitaiḥ || 1 ||
jyeṣṭhā juṣṭaiśca niśśrīkaissaṃsārātsvaparāyaṇaiḥ |
viṣṇupatnī dadau teṣāṃ darśanaṃ dṛṣṭitarpaṇam || 2 ||
śaratpūrṇendukoṭyābhadhavalāpāṅgavīkṣaṇaiḥ |
sarvānsattvasamāviṣṭān cakre hṛṣṭā varaṃ dadau || 3 ||
mahālakṣmīruvāca-
nāmnāṃ sāṣṭasahasraṃ me pramādādvāpi yassakṛt |
kīrtayettatkule satyaṃ vasāmyācandratārakam || 4 ||
kiṃ punarniyamājjapturmadekaśaraṇasya ca |
mātṛvatsānukampāhaṃ poṣakī syāmaharniśam || 5 ||
mannāma stavatāṃ loke durlabhaṃ nāsti cintitam |
matprasādena sarve'pi svasveṣṭārthamavāpsyatha || 6 ||
luptavaiṣṇavadharmasya madvrateṣvavakīrṇinaḥ |
bhaktiprapattihīnasya vandyo nāmnāṃ stavo'pi me || 7 ||
tasmādavaśyaṃ tairdoṣairvihīnaḥ pāpavarjitaḥ |
japetsāṣṭasahasraṃ me nāmnāṃ pratyahamādarāt || 8 ||
sākṣādalakṣmīputro'pi durbhāgyo'pyalaso'pi vā |
aprayatno'pi mūḍho'pi vikalaḥ patito'pi ca || 9 ||
avaśyaṃ prāpnuyādbhāgyaṃ matprasādena kevalam |
spṛheyamacirāddevā varadānāya jāpinaḥ |
dadāmi sarvamiṣṭārthaṃ lakṣmīti smaratāṃ dhruvam || 10 ||
sanatkumāra uvāca-
ityuktvā'ntardadhe lakṣmīrvaiṣṇavī bhagavatkalā |
iṣṭāpūrtaṃ ca sukṛtaṃ bhāgadheyaṃ ca cintitam || 11 ||
svaṃ svaṃ sthānaṃ ca bhogaṃ ca vijayaṃ lebhire surāḥ |
tadetat pravadāmyadya lakṣmīnāmasahasrakam |
yoginaḥ paṭhata kṣipraṃ cintitārthānavāpsyatha || 12 ||
gārgya uvāca-
sanatkumāroyogīndra ityuktvā sa dayānidhiḥ |
anugṛhya yayau kṣipraṃ tāṃśca dvādaśayoginaḥ || 13 ||
tasmādetadrahasyaṃ ca gopyaṃ japyaṃ prayatnataḥ |
aṣṭamyāṃ ca caturdaśyāṃ navamyāṃ bhṛguvāsare || 14 ||
paurṇamāsyāmamāyāṃ ca parvakāle viśeṣataḥ |
japedvā nityakāryeṣu sarvānkāmānavāpnuyāt || 15 ||
iti śrīskandapurāṇe sanatkumārasaṃhitāyāṃ lakṣmīsahasranāmastotraṃ sampūrṇam ||
Sanskrit — Devanagari (original)
नाम्नां साष्टसहस्रञ्च ब्रूहि गार्ग्य महामते ।
महालक्ष्म्या महादेव्या भुक्तिमुक्त्यर्थसिद्धये ॥ 1 ॥
गार्ग्य उवाच
सनत्कुमारमासीनं द्वादशादित्यसन्निभम् ।
अपृच्छन्योगिनो भक्त्या योगिनामर्थसिद्धये ॥ 2 ॥
सर्वलौकिककर्मभ्यो विमुक्तानां हिताय वै ।
भुक्तिमुक्तिप्रदं जप्यमनुब्रूहि दयानिधे ॥ 3 ॥
सनत्कुमार भगवन्सर्वज्ञोऽसि विशेषतः ।
आस्तिक्यसिद्धये नॄणां क्षिप्रधर्मार्थसाधनम् ॥ 4 ॥
खिद्यन्ति मानवास्सर्वे धनाभावेन केवलम् ।
सिद्ध्यन्ति धनिनोऽन्यस्य नैव धर्मार्थकामनाः ॥ 5 ॥
दारिद्र्यध्वंसिनी नाम केन विद्या प्रकीर्तिता ।
केन वा ब्रह्मविद्याऽपि केन मृत्युविनाशिनी ॥ 6 ॥
सर्वासां सारभूतैका विद्यानां केन कीर्तिता ।
प्रत्यक्षसिद्धिदा ब्रह्मन् तामाचक्ष्व दयानिधे ॥ 7 ॥
सनत्कुमार उवाच
साधु पृष्टं महाभागास्सर्वलोकहितैषिणः ।
महतामेष धर्मश्च नान्येषामिति मे मतिः ॥ 8 ॥
ब्रह्मविष्णुमहादेवमहेन्द्रादिमहात्मभिः ।
सम्प्रोक्तं कथयाम्यद्य लक्ष्मीनामसहस्रकम् ॥ 9 ॥
यस्योच्चारणमात्रेण दारिद्र्यान्मुच्यते नरः ।
किं पुनस्तज्जपाज्जापी सर्वेष्टार्थानवाप्नुयात् ॥ 10 ॥
अस्य श्रीलक्ष्मीदिव्यसहस्रनामस्तोत्रमहामन्त्रस्य आनन्दकर्दमचिक्लीतेन्दिरासुतादयो महात्मानो महर्षयः अनुष्टुप्छन्दः विष्णुमाया शक्तिः महालक्ष्मीः परादेवता श्रीमहालक्ष्मीप्रसादद्वारा सर्वेष्टार्थसिद्ध्यर्थे जपे विनियोगः ।
ध्यानम्
पद्मनाभप्रियां देवीं पद्माक्षीं पद्मवासिनीम् ।
पद्मवक्त्रां पद्महस्तां वन्दे पद्मामहर्निशम् ॥ 1 ॥
पूर्णेन्दुवदनां दिव्यरत्नाभरणभूषिताम् ।
वरदाभयहस्ताढ्यां ध्यायेच्चन्द्रसहोदरीम् ॥ 2 ॥
इच्छारूपां भगवतस्सच्चिदानन्दरूपिणीम् ।
सर्वज्ञां सर्वजननीं विष्णुवक्षस्स्थलालयाम् ।
दयालुमनिशं ध्यायेत्सुखसिद्धिस्वरूपिणीम् ॥ 3 ॥
स्तोत्रम्
नित्यागतानन्तनित्या नन्दिनी जनरञ्जनी ।
नित्यप्रकाशिनी चैव स्वप्रकाशस्वरूपिणी ॥ 1 ॥
महालक्ष्मीर्महाकाली महाकन्या सरस्वती ।
भोगवैभवसन्धात्री भक्तानुग्रहकारिणी ॥ 2 ॥
ईशावास्या महामाया महादेवी महेश्वरी ।
हृल्लेखा परमा शक्तिर्मातृकाबीजरूपिणी ॥ 3 ॥
नित्यानन्दा नित्यबोधा नादिनी जनमोदिनी ।
सत्यप्रत्ययनी चैव स्वप्रकाशात्मरूपिणी ॥ 4 ॥
त्रिपुरा भैरवी विद्या हंसा वागीश्वरी शिवा ।
वाग्देवी च महारात्रिः कालरात्रिस्त्रिलोचना ॥ 5 ॥
भद्रकाली कराली च महाकाली तिलोत्तमा ।
काली करालवक्त्रान्ता कामाक्षी कामदा शुभा ॥ 6 ॥
चण्डिका चण्डरूपेशा चामुण्डा चक्रधारिणी ।
त्रैलोक्यजयिनी देवी त्रैलोक्यविजयोत्तमा ॥ 7 ॥
सिद्धलक्ष्मीः क्रियालक्ष्मीर्मोक्षलक्ष्मीः प्रसादिनी ।
उमा भगवती दुर्गा चान्द्री दाक्षायणी शिवा ॥ 8 ॥
प्रत्यङ्गिरा धरावेला लोकमाता हरिप्रिया ।
पार्वती परमा देवी ब्रह्मविद्याप्रदायिनी ॥ 9 ॥
अरूपा बहुरूपा च विरूपा विश्वरूपिणी ।
पञ्चभूतात्मिका वाणी पञ्चभूतात्मिका परा ॥ 10 ॥
काली मा पञ्चिका वाग्मी हविःप्रत्यधिदेवता ।
देवमाता सुरेशाना देवगर्भाऽम्बिका धृतिः ॥ 11 ॥
सङ्ख्या जातिः क्रियाशक्तिः प्रकृतिर्मोहिनी मही ।
यज्ञविद्या महाविद्या गुह्यविद्या विभावरी ॥ 12 ॥
ज्योतिष्मती महामाता सर्वमन्त्रफलप्रदा ।
दारिद्र्यध्वंसिनी देवी हृदयग्रन्थिभेदिनी ॥ 13 ॥
सहस्रादित्यसङ्काशा चन्द्रिका चन्द्ररूपिणी ।
गायत्री सोमसम्भूतिस्सावित्री प्रणवात्मिका ॥ 14 ॥
शाङ्करी वैष्णवी ब्राह्मी सर्वदेवनमस्कृता ।
सेव्यदुर्गा कुबेराक्षी करवीरनिवासिनी ॥ 15 ॥
जया च विजया चैव जयन्ती चाऽपराजिता ।
कुब्जिका कालिका शास्त्री वीणापुस्तकधारिणी ॥ 16 ॥
सर्वज्ञशक्तिश्श्रीशक्तिर्ब्रह्मविष्णुशिवात्मिका ।
इडापिङ्गलिकामध्यमृणालीतन्तुरूपिणी ॥ 17 ॥
यज्ञेशानी प्रथा दीक्षा दक्षिणा सर्वमोहिनी ।
अष्टाङ्गयोगिनी देवी निर्बीजध्यानगोचरा ॥ 18 ॥
सर्वतीर्थस्थिता शुद्धा सर्वपर्वतवासिनी ।
वेदशास्त्रप्रभा देवी षडङ्गादिपदक्रमा ॥ 19 ॥
शिवा धात्री शुभानन्दा यज्ञकर्मस्वरूपिणी ।
व्रतिनी मेनका देवी ब्रह्माणी ब्रह्मचारिणी ॥ 20 ॥
एकाक्षरपरा तारा भवबन्धविनाशिनी ।
विश्वम्भरा धराधारा निराधाराऽधिकस्वरा ॥ 21 ॥
राका कुहूरमावास्या पूर्णिमाऽनुमतिर्द्युतिः ।
सिनीवाली शिवाऽवश्या वैश्वदेवी पिशङ्गिला ॥ 22 ॥
पिप्पला च विशालाक्षी रक्षोघ्नी वृष्टिकारिणी ।
दुष्टविद्राविणी देवी सर्वोपद्रवनाशिनी ॥ 23 ॥
शारदा शरसन्धाना सर्वशस्त्रस्वरूपिणी ।
युद्धमध्यस्थिता देवी सर्वभूतप्रभञ्जनी ॥ 24 ॥
अयुद्धा युद्धरूपा च शान्ता शान्तिस्वरूपिणी ।
गङ्गा सरस्वतीवेणीयमुनानर्मदापगा ॥ 25 ॥
समुद्रवसनावासा ब्रह्माण्डश्रोणिमेखला ।
पञ्चवक्त्रा दशभुजा शुद्धस्फटिकसन्निभा ॥ 26 ॥
रक्ता कृष्णा सिता पीता सर्ववर्णा निरीश्वरी ।
कालिका चक्रिका देवी सत्या तु वटुकास्थिता ॥ 27 ॥
तरुणी वारुणी नारी ज्येष्ठादेवी सुरेश्वरी ।
विश्वम्भराधरा कर्त्री गलार्गलविभञ्जनी ॥ 28 ॥
सन्ध्यारात्रिर्दिवाज्योत्स्ना कलाकाष्ठा निमेषिका ।
उर्वी कात्यायनी शुभ्रा संसारार्णवतारिणी ॥ 29 ॥
कपिला कीलिकाऽशोका मल्लिकानवमल्लिका । [ मल्लिकानवमालिका ]
देविका नन्दिका शान्ता भञ्जिका भयभञ्जिका ॥ 30 ॥
कौशिकी वैदिकी देवी सौरी रूपाधिकाऽतिभा ।
दिग्वस्त्रा नववस्त्रा च कन्यका कमलोद्भवा ॥ 31 ॥
श्रीस्सौम्यलक्षणाऽतीतदुर्गा सूत्रप्रबोधिका ।
श्रद्धा मेधा कृतिः प्रज्ञा धारणा कान्तिरेव च ॥ 32 ॥
श्रुतिः स्मृतिर्धृतिर्धन्या भूतिरिष्टिर्मनीषिणी ।
विरक्तिर्व्यापिनी माया सर्वमायाप्रभञ्जनी ॥ 33 ॥
माहेन्द्री मन्त्रिणी सिंही चेन्द्रजालस्वरूपिणी ।
अवस्थात्रयनिर्मुक्ता गुणत्रयविवर्जिता ॥ 34 ॥
ईषणात्रयनिर्मुक्ता सर्वरोगविवर्जिता ।
योगिध्यानान्तगम्या च योगध्यानपरायणा ॥ 35 ॥
त्रयीशिखा विशेषज्ञा वेदान्तज्ञानरूपिणी ।
भारती कमला भाषा पद्मा पद्मवती कृतिः ॥ 36 ॥
गौतमी गोमती गौरी ईशाना हंसवाहिनी ।
नारायणी प्रभाधारा जाह्नवी शङ्करात्मजा ॥ 37 ॥
चित्रघण्टा सुनन्दा श्रीर्मानवी मनुसम्भवा ।
स्तम्भिनी क्षोभिणी मारी भ्रामिणी शत्रुमारिणी ॥ 38 ॥
मोहिनी द्वेषिणी वीरा अघोरा रुद्ररूपिणी ।
रुद्रैकादशिनी पुण्या कल्याणी लाभकारिणी ॥ 39 ॥
देवदुर्गा महादुर्गा स्वप्नदुर्गाऽष्टभैरवी ।
सूर्यचन्द्राग्निरूपा च ग्रहनक्षत्ररूपिणी ॥ 40 ॥
बिन्दुनादकलातीता बिन्दुनादकलात्मिका ।
दशवायुजयाकारा कलाषोडशसंयुता ॥ 41 ॥
काश्यपी कमलादेवी नादचक्रनिवासिनी ।
मृडाधारा स्थिरा गुह्या देविका चक्ररूपिणी ॥ 42 ॥
अविद्या शार्वरी भुञ्जा जम्भासुरनिबर्हिणी ।
श्रीकाया श्रीकला शुभ्रा कर्मनिर्मूलकारिणी ॥ 43 ॥
आदिलक्ष्मीर्गुणाधारा पञ्चब्रह्मात्मिका परा ।
श्रुतिर्ब्रह्ममुखावासा सर्वसम्पत्तिरूपिणी ॥ 44 ॥
मृतसञ्जीवनी मैत्री कामिनी कामवर्जिता ।
निर्वाणमार्गदा देवी हंसिनी काशिका क्षमा ॥ 45 ॥
सपर्या गुणिनी भिन्ना निर्गुणा खण्डिताशुभा ।
स्वामिनी वेदिनी शक्या शाम्बरी चक्रधारिणी ॥ 46 ॥
दण्डिनी मुण्डिनी व्याघ्री शिखिनी सोमसंहतिः ।
चिन्तामणिश्चिदानन्दा पञ्चबाणप्रबोधिनी ॥ 47 ॥
बाणश्रेणिस्सहस्राक्षी सहस्रभुजपादुका ।
सन्ध्यावलिस्त्रिसन्ध्याख्या ब्रह्माण्डमणिभूषणा ॥ 48 ॥
वासवी वारुणीसेना कुलिका मन्त्ररञ्जनी ।
जितप्राणस्वरूपा च कान्ता काम्यवरप्रदा ॥ 49 ॥
मन्त्रब्राह्मणविद्यार्था नादरूपा हविष्मती ।
आथर्वणिः श्रुतिः शून्या कल्पनावर्जिता सती ॥ 50 ॥
सत्ताजातिः प्रमाऽमेयाऽप्रमितिः प्राणदा गतिः ।
अवर्णा पञ्चवर्णा च सर्वदा भुवनेश्वरी ॥ 51 ॥
त्रैलोक्यमोहिनी विद्या सर्वभर्त्री क्षराऽक्षरा ।
हिरण्यवर्णा हरिणी सर्वोपद्रवनाशिनी ॥ 52 ॥
कैवल्यपदवीरेखा सूर्यमण्डलसंस्थिता ।
सोममण्डलमध्यस्था वह्निमण्डलसंस्थिता ॥ 53 ॥
वायुमण्डलमध्यस्था व्योममण्डलसंस्थिता ।
चक्रिका चक्रमध्यस्था चक्रमार्गप्रवर्तिनी ॥ 54 ॥
कोकिलाकुलचक्रेशा पक्षतिः पङ्क्तिपावनी ।
सर्वसिद्धान्तमार्गस्था षड्वर्णावरवर्जिता ॥ 55 ॥
शररुद्रहरा हन्त्री सर्वसंहारकारिणी ।
पुरुषा पौरुषी तुष्टिस्सर्वतन्त्रप्रसूतिका ॥ 56 ॥
अर्धनारीश्वरी देवी सर्वविद्याप्रदायिनी ।
भार्गवी याजुषीविद्या सर्वोपनिषदास्थिता ॥ 57 ॥ [ भुजुषीविद्या ]
व्योमकेशाखिलप्राणा पञ्चकोशविलक्षणा ।
पञ्चकोशात्मिका प्रत्यक्पञ्चब्रह्मात्मिका शिवा ॥ 58 ॥
जगज्जराजनित्री च पञ्चकर्मप्रसूतिका ।
वाग्देव्याभरणाकारा सर्वकाम्यस्थितास्थितिः ॥ 59 ॥
अष्टादशचतुष्षष्ठिपीठिका विद्यया युता ।
कालिकाकर्षणश्यामा यक्षिणी किन्नरेश्वरी ॥ 60 ॥
केतकी मल्लिकाऽशोका वाराही धरणी ध्रुवा ।
नारसिंही महोग्रास्या भक्तानामार्तिनाशिनी ॥ 61 ॥
अन्तर्बला स्थिरा लक्ष्मीर्जरामरणनाशिनी ।
श्रीरञ्जिता महाकाया सोमसूर्याग्निलोचना ॥ 62 ॥
अदितिर्देवमाता च अष्टपुत्राऽष्टयोगिनी ।
अष्टप्रकृतिरष्टाष्टविभ्राजद्विकृताकृतिः ॥ 63 ॥
दुर्भिक्षध्वंसिनी देवी सीता सत्या च रुक्मिणी ।
ख्यातिजा भार्गवी देवी देवयोनिस्तपस्विनी ॥ 64 ॥
शाकम्भरी महाशोणा गरुडोपरिसंस्थिता ।
सिंहगा व्याघ्रगा देवी वायुगा च महाद्रिगा ॥ 65 ॥
अकारादिक्षकारान्ता सर्वविद्याधिदेवता ।
मन्त्रव्याख्याननिपुणा ज्योतिश्शास्त्रैकलोचना ॥ 66 ॥
इडापिङ्गलिकामध्यासुषुम्ना ग्रन्थिभेदिनी ।
कालचक्राश्रयोपेता कालचक्रस्वरूपिणी ॥ 67 ॥
वैशारदी मतिश्श्रेष्ठा वरिष्ठा सर्वदीपिका ।
वैनायकी वरारोहा श्रोणिवेला बहिर्वलिः ॥ 68 ॥
जम्भिनी जृम्भिणी जम्भकारिणी गणकारिका ।
शरणी चक्रिकाऽनन्ता सर्वव्याधिचिकित्सकी ॥ 69 ॥
देवकी देवसङ्काशा वारिधिः करुणाकरा ।
शर्वरी सर्वसम्पन्ना सर्वपापप्रभञ्जनी ॥ 70 ॥
एकमात्रा द्विमात्रा च त्रिमात्रा च तथाऽपरा ।
अर्धमात्रा परा सूक्ष्मा सूक्ष्मार्थाऽर्थपराऽपरा ॥ 71 ॥
एकवीरा विशेषाख्या षष्ठीदेवी मनस्विनी ।
नैष्कर्म्या निष्कलालोका ज्ञानकर्माधिका गुणा ॥ 72 ॥
सबन्ध्वानन्दसन्दोहा व्योमाकाराऽनिरूपिता ।
गद्यपद्यात्मिका वाणी सर्वालङ्कारसंयुता ॥ 73 ॥
साधुबन्धपदन्यासा सर्वौको घटिकावलिः ।
षट्कर्मा कर्कशाकारा सर्वकर्मविवर्जिता ॥ 74 ॥
आदित्यवर्णा चापर्णा कामिनी वररूपिणी ।
ब्रह्माणी ब्रह्मसन्ताना वेदवागीश्वरी शिवा ॥ 75 ॥
पुराणन्यायमीमांसाधर्मशास्त्रागमश्रुता ।
सद्योवेदवती सर्वा हंसी विद्याधिदेवता ॥ 76 ॥
विश्वेश्वरी जगद्धात्री विश्वनिर्माणकारिणी ।
वैदिकी वेदरूपा च कालिका कालरूपिणी ॥ 77 ॥
नारायणी महादेवी सर्वतत्त्वप्रवर्तिनी ।
हिरण्यवर्णरूपा च हिरण्यपदसम्भवा ॥ 78 ॥
कैवल्यपदवी पुण्या कैवल्यज्ञानलक्षिता ।
ब्रह्मसम्पत्तिरूपा च ब्रह्मसम्पत्तिकारिणी ॥ 79 ॥
वारुणी वारुणाराध्या सर्वकर्मप्रवर्तिनी ।
एकाक्षरपराऽऽयुक्ता सर्वदारिद्र्यभञ्जिनी ॥ 80 ॥
पाशाङ्कुशान्विता दिव्या वीणाव्याख्याक्षसूत्रभृत् ।
एकमूर्तिस्त्रयीमूर्तिर्मधुकैटभभञ्जिनी ॥ 81 ॥
साङ्ख्या साङ्ख्यवती ज्वाला ज्वलन्ती कामरूपिणी ।
जाग्रती सर्वसम्पत्तिस्सुषुप्ता स्वेष्टदायिनी ॥ 82 ॥
कपालिनी महादंष्ट्रा भ्रुकुटी कुटिलानना ।
सर्वावासा सुवासा च बृहत्यष्टिश्च शक्वरी ॥ 83 ॥
छन्दोगणप्रतिष्ठा च कल्माषी करुणात्मिका ।
चक्षुष्मती महाघोषा खड्गचर्मधराऽशनिः ॥ 84 ॥
शिल्पवैचित्र्यविद्योता सर्वतोभद्रवासिनी ।
अचिन्त्यलक्षणाकारा सूत्रभाष्यनिबन्धना ॥ 85 ॥
सर्ववेदार्थसम्पत्तिस्सर्वशास्त्रार्थमातृका ।
अकारादिक्षकारान्तसर्ववर्णकृतस्थला ॥ 86 ॥
सर्वलक्ष्मीस्सदानन्दा सारविद्या सदाशिवा ।
सर्वज्ञा सर्वशक्तिश्च खेचरीरूपगोच्छ्रिता ॥ 87 ॥
अणिमादिगुणोपेता परा काष्ठा परा गतिः ।
हंसयुक्तविमानस्था हंसारूढा शशिप्रभा ॥ 88 ॥
भवानी वासनाशक्तिराकृतिस्थाखिलाऽखिला ।
तन्त्रहेतुर्विचित्राङ्गी व्योमगङ्गाविनोदिनी ॥ 89 ॥
वर्षा च वार्षिका चैव ऋग्यजुस्सामरूपिणी ।
महानदीनदीपुण्याऽगण्यपुण्यगुणक्रिया ॥ 90 ॥
समाधिगतलभ्यार्था श्रोतव्या स्वप्रिया घृणा ।
नामाक्षरपरा देवी उपसर्गनखाञ्चिता ॥ 91 ॥
निपातोरुद्वयीजङ्घा मातृका मन्त्ररूपिणी ।
आसीना च शयाना च तिष्ठन्ती धावनाधिका ॥ 92 ॥
लक्ष्यलक्षणयोगाढ्या ताद्रूप्यगणनाकृतिः ।
सैकरूपा नैकरूपा सेन्दुरूपा तदाकृतिः ॥ 93 ॥
समासतद्धिताकारा विभक्तिवचनात्मिका ।
स्वाहाकारा स्वधाकारा श्रीपत्यर्धाङ्गनन्दिनी ॥ 94 ॥
गम्भीरा गहना गुह्या योनिलिङ्गार्धधारिणी ।
शेषवासुकिसंसेव्या चपला वरवर्णिनी ॥ 95 ॥
कारुण्याकारसम्पत्तिः कीलकृन्मन्त्रकीलिका ।
शक्तिबीजात्मिका सर्वमन्त्रेष्टाक्षयकामना ॥ 96 ॥
आग्नेयी पार्थिवा आप्या वायव्या व्योमकेतना ।
सत्यज्ञानात्मिकाऽऽनन्दा ब्राह्मी ब्रह्म सनातनी ॥ 97 ॥
अविद्यावासना मायाप्रकृतिस्सर्वमोहिनी ।
शक्तिर्धारणशक्तिश्च चिदचिच्छक्तियोगिनी ॥ 98 ॥
वक्त्रारुणा महामाया मरीचिर्मदमर्दिनी ।
विराट् स्वाहा स्वधा शुद्धा नीरूपास्तिस्सुभक्तिगा ॥ 99 ॥
निरूपिताद्वयीविद्या नित्यानित्यस्वरूपिणी ।
वैराजमार्गसञ्चारा सर्वसत्पथदर्शिनी ॥ 100 ॥
जालन्धरी मृडानी च भवानी भवभञ्जनी ।
त्रैकालिकज्ञानतन्तुस्त्रिकालज्ञानदायिनी ॥ 101 ॥
नादातीता स्मृतिः प्रज्ञा धात्रीरूपा त्रिपुष्करा ।
पराजिताविधानज्ञा विशेषितगुणात्मिका ॥ 102 ॥
हिरण्यकेशिनी हेमब्रह्मसूत्रविचक्षणा ।
असङ्ख्येयपरार्धान्तस्वरव्यञ्जनवैखरी ॥ 103 ॥
मधुजिह्वा मधुमती मधुमासोदया मधुः ।
माधवी च महाभागा मेघगम्भीरनिस्वना ॥ 104 ॥
ब्रह्मविष्णुमहेशादिज्ञातव्यार्थविशेषगा ।
नाभौ वह्निशिखाकारा ललाटे चन्द्रसन्निभा ॥ 105 ॥
भ्रूमध्ये भास्कराकारा सर्वताराकृतिर्हृदि ।
कृत्तिकादिभरण्यन्तनक्षत्रेष्ट्यार्चितोदया ॥ 106 ॥
ग्रहविद्यात्मिका ज्योतिर्ज्योतिर्विन्मतिजीविका ।
ब्रह्माण्डगर्भिणी बाला सप्तावरणदेवता ॥ 107 ॥
वैराजोत्तमसाम्राज्या कुमारकुशलोदया ।
बगला भ्रमराम्बा च शिवदूती शिवात्मिका ॥ 108 ॥
मेरुविन्ध्यादिसंस्थाना काश्मीरपुरवासिनी ।
योगनिद्रा महानिद्रा विनिद्रा राक्षसाश्रिता ॥ 109 ॥
सुवर्णदा महागङ्गा पञ्चाख्या पञ्चसंहतिः ।
सुप्रजाता सुवीरा च सुपोषा सुपतिश्शिवा ॥ 110 ॥
सुगृहा रक्तबीजान्ता हतकन्दर्पजीविका ।
समुद्रव्योममध्यस्था समबिन्दुसमाश्रया ॥ 111 ॥
सौभाग्यरसजीवातुस्सारासारविवेकदृक् ।
त्रिवल्यादिसुपुष्टाङ्गा भारती भरताश्रिता ॥ 112 ॥
नादब्रह्ममयीविद्या ज्ञानब्रह्ममयीपरा ।
ब्रह्मनाडी निरुक्तिश्च ब्रह्मकैवल्यसाधनम् ॥ 113 ॥
कालिकेयमहोदारवीर्यविक्रमरूपिणी ।
वडवाग्निशिखावक्त्रा महाकवलतर्पणा ॥ 114 ॥
महाभूता महादर्पा महासारा महाक्रतुः ।
पञ्जभूतमहाग्रासा पञ्चभूताधिदेवता ॥ 115 ॥
सर्वप्रमाणा सम्पत्तिस्सर्वरोगप्रतिक्रिया ।
ब्रह्माण्डान्तर्बहिर्व्याप्ता विष्णुवक्षोविभूषिणी ॥ 116 ॥
शाङ्करी विधिवक्त्रस्था प्रवरा वरहेतुकी ।
हेममाला शिखामाला त्रिशिखा पञ्चलोचना ॥ 117 ॥ [ पञ्चमोचना ]
सर्वागमसदाचारमर्यादा यातुभञ्जनी ।
पुण्यश्लोकप्रबन्धाढ्या सर्वान्तर्यामिरूपिणी ॥ 118 ॥
सामगानसमाराध्या श्रोत्रकर्णरसायनम् ।
जीवलोकैकजीवातुर्भद्रोदारविलोकना ॥ 119 ॥
तटित्कोटिलसत्कान्तिस्तरुणी हरिसुन्दरी ।
मीननेत्रा च सेन्द्राक्षी विशालाक्षी सुमङ्गला ॥ 120 ॥
सर्वमङ्गलसम्पन्ना साक्षान्मङ्गलदेवता ।
देहहृद्दीपिका दीप्तिर्जिह्वपापप्रणाशिनी ॥ 121 ॥
अर्धचन्द्रोल्लसद्दंष्ट्रा यज्ञवाटीविलासिनी ।
महादुर्गा महोत्साहा महादेवबलोदया ॥ 122 ॥
डाकिनीड्या शाकिनीड्या साकिनीड्या समस्तजुट् ।
निरङ्कुशा नाकिवन्द्या षडाधाराधिदेवता ॥ 123 ॥
भुवनज्ञानिनिश्श्रेणी भुवनाकारवल्लरी ।
शाश्वती शाश्वताकारा लोकानुग्रहकारिणी ॥ 124 ॥
सारसी मानसी हंसी हंसलोकप्रदायिनी ।
चिन्मुद्रालङ्कृतकरा कोटिसूर्यसमप्रभा ॥ 125 ॥
सुखप्राणिशिरोरेखा सददृष्टप्रदायिनी ।
सर्वसाङ्कर्यदोषघ्नी ग्रहोपद्रवनाशिनी ॥ 126 ॥
क्षुद्रजन्तुभयघ्नी च विषरोगादिभञ्जनी ।
सदाशान्ता सदाशुद्धा गृहच्छिद्रनिवारिणी ॥ 127 ॥
कलिदोषप्रशमनी कोलाहलपुरस्थिता ।
गौरी लाक्षणिकी मुख्या जघन्याकृतिवर्जिता ॥ 128 ॥
माया विद्या मूलभूता वासवी विष्णुचेतना ।
वादिनी वसुरूपा च वसुरत्नपरिच्छदा ॥ 129 ॥
छान्दसी चन्द्रहृदया मन्त्रस्वच्छन्दभैरवी ।
वनमाला वैजयन्ती पञ्चदिव्यायुधात्मिका ॥ 130 ॥
पीताम्बरमयी चञ्चत्कौस्तुभा हरिकामिनी ।
नित्या तथ्या रमा रामा रमणी मृत्युभञ्जनी ॥ 131 ॥
ज्येष्ठा काष्ठा धनिष्ठान्ता शराङ्गी निर्गुणप्रिया ।
मैत्रेया मित्रविन्दा च शेष्यशेषकलाशया ॥ 132 ॥
वाराणसीवासलभ्या चार्यावर्तजनस्तुता । [ वाराणसीवासरता ]
जगदुत्पत्तिसंस्थानसंहारत्रयकारणम् ॥ 133 ॥
त्वमम्ब विष्णुसर्वस्वं नमस्तेऽस्तु महेश्वरि ।
नमस्ते सर्वलोकानां जनन्यै पुण्यमूर्तये ॥ 134 ॥
सिद्धलक्ष्मीर्महाकालि महलक्ष्मि नमोऽस्तु ते ।
सद्योजातादिपञ्चाग्निरूपा पञ्चकपञ्चकम् ॥ 135 ॥
यन्त्रलक्ष्मीर्भवत्यादिराद्याद्ये ते नमो नमः ।
सृष्ट्यादिकारणाकारवितते दोषवर्जिते ॥ 136 ॥
जगल्लक्ष्मीर्जगन्मातर्विष्णुपत्नि नमोऽस्तु ते ।
नवकोटिमहाशक्तिसमुपास्यपदाम्बुजे ॥ 137 ॥
कनत्सौवर्णरत्नाढ्य सर्वाभरणभूषिते ।
अनन्तानित्यमहिषीप्रपञ्चेश्वरनायकि ॥ 138 ॥
अत्युच्छ्रितपदान्तस्थे परमव्योमनायकि ।
नाकपृष्ठगताराध्ये विष्णुलोकविलासिनि ॥ 139 ॥
वैकुण्ठराजमहिषि श्रीरङ्गनगराश्रिते ।
रङ्गनायकि भूपुत्रि कृष्णे वरदवल्लभे ॥ 140 ॥
कोटिब्रह्मादिसंसेव्ये कोटिरुद्रादिकीर्तिते ।
मातुलुङ्गमयं खेटं सौवर्णचषकं तथा ॥ 141 ॥
पद्मद्वयं पूर्णकुम्भं कीरञ्च वरदाभये ।
पाशमङ्कुशकं शङ्खं चक्रं शूलं कृपाणिकाम् ॥ 142 ॥
धनुर्बाणौ चाक्षमालां चिन्मुद्रामपि बिभ्रती ।
अष्टादशभुजे लक्ष्मीर्महाष्टादशपीठगे ॥ 143 ॥
भूमिनीलादिसंसेव्ये स्वामिचित्तानुवर्तिनि ।
पद्मे पद्मालये पद्मि पूर्णकुम्भाभिषेचिते ॥ 144 ॥
इन्दिरेन्दिन्दिराभाक्षि क्षीरसागरकन्यके ।
भार्गवि त्वं स्वतन्त्रेच्छा वशीकृतजगत्पतिः ॥ 145 ॥
मङ्गलं मङ्गलानां त्वं देवतानां च देवता ।
त्वमुत्तमोत्तमानां च त्वं श्रेयः परमामृतम् ॥ 146 ॥
धनधान्याभिवृद्धिश्च सार्वभौमसुखोच्छ्रया ।
आन्दोलिकादिसौभाग्यं मत्तेभादिमहोदयः ॥ 147 ॥
पुत्रपौत्राभिवृद्धिश्च विद्याभोगबलादिकम् ।
आयुरारोग्यसम्पत्तिरष्टैश्वर्यं त्वमेव हि ॥ 148 ॥
परमेशविभूतिश्च सूक्ष्मात्सूक्ष्मतरागतिः ।
सदयापाङ्गसन्दत्तब्रह्मेन्द्रादिपदस्थितिः ॥ 149 ॥
अव्याहतमहाभाग्यं त्वमेवाक्षोभ्यविक्रमः ।
समन्वयश्च वेदानामविरोधस्त्वमेव हि ॥ 150 ॥
निःश्रेयसपदप्राप्तिसाधनं फलमेव च ।
श्रीमन्त्रराजराज्ञी च श्रीविद्या क्षेमकारिणी ॥ 151 ॥
श्रीम्बीजजपसन्तुष्टा ऐं ह्रीं श्रीं बीजपालिका ।
प्रपत्तिमार्गसुलभा विष्णुप्रथमकिङ्करी ॥ 152 ॥
क्लीङ्कारार्थसवित्री च सौमङ्गल्याधिदेवता ।
श्रीषोडशाक्षरीविद्या श्रीयन्त्रपुरवासिनी ॥ 153 ॥
सर्वमङ्गलमाङ्गल्ये शिवे सर्वार्थसाधिके ।
शरण्ये त्र्यम्बके गौरी नारायणि नमोऽस्तु ते ॥ 154 ॥
पुनः पुनर्नमस्तेऽस्तु साष्टाङ्गमयुतं पुनः ।
सनत्कुमार उवाच-
एवं स्तुता महालक्ष्मीर्ब्रह्मरुद्रादिभिस्सुरैः ।
नमद्भिरार्तैर्दीनैश्च निस्स्वत्वैर्भोगवर्जितैः ॥ 1 ॥
ज्येष्ठा जुष्टैश्च निश्श्रीकैस्संसारात्स्वपरायणैः ।
विष्णुपत्नी ददौ तेषां दर्शनं दृष्टितर्पणम् ॥ 2 ॥
शरत्पूर्णेन्दुकोट्याभधवलापाङ्गवीक्षणैः ।
सर्वान्सत्त्वसमाविष्टान् चक्रे हृष्टा वरं ददौ ॥ 3 ॥
महालक्ष्मीरुवाच-
नाम्नां साष्टसहस्रं मे प्रमादाद्वापि यस्सकृत् ।
कीर्तयेत्तत्कुले सत्यं वसाम्याचन्द्रतारकम् ॥ 4 ॥
किं पुनर्नियमाज्जप्तुर्मदेकशरणस्य च ।
मातृवत्सानुकम्पाहं पोषकी स्यामहर्निशम् ॥ 5 ॥
मन्नाम स्तवतां लोके दुर्लभं नास्ति चिन्तितम् ।
मत्प्रसादेन सर्वेऽपि स्वस्वेष्टार्थमवाप्स्यथ ॥ 6 ॥
लुप्तवैष्णवधर्मस्य मद्व्रतेष्ववकीर्णिनः ।
भक्तिप्रपत्तिहीनस्य वन्द्यो नाम्नां स्तवोऽपि मे ॥ 7 ॥
तस्मादवश्यं तैर्दोषैर्विहीनः पापवर्जितः ।
जपेत्साष्टसहस्रं मे नाम्नां प्रत्यहमादरात् ॥ 8 ॥
साक्षादलक्ष्मीपुत्रोऽपि दुर्भाग्योऽप्यलसोऽपि वा ।
अप्रयत्नोऽपि मूढोऽपि विकलः पतितोऽपि च ॥ 9 ॥
अवश्यं प्राप्नुयाद्भाग्यं मत्प्रसादेन केवलम् ।
स्पृहेयमचिराद्देवा वरदानाय जापिनः ।
ददामि सर्वमिष्टार्थं लक्ष्मीति स्मरतां ध्रुवम् ॥ 10 ॥
सनत्कुमार उवाच-
इत्युक्त्वाऽन्तर्दधे लक्ष्मीर्वैष्णवी भगवत्कला ।
इष्टापूर्तं च सुकृतं भागधेयं च चिन्तितम् ॥ 11 ॥
स्वं स्वं स्थानं च भोगं च विजयं लेभिरे सुराः ।
तदेतत् प्रवदाम्यद्य लक्ष्मीनामसहस्रकम् ।
योगिनः पठत क्षिप्रं चिन्तितार्थानवाप्स्यथ ॥ 12 ॥
गार्ग्य उवाच-
सनत्कुमारोयोगीन्द्र इत्युक्त्वा स दयानिधिः ।
अनुगृह्य ययौ क्षिप्रं तांश्च द्वादशयोगिनः ॥ 13 ॥
तस्मादेतद्रहस्यं च गोप्यं जप्यं प्रयत्नतः ।
अष्टम्यां च चतुर्दश्यां नवम्यां भृगुवासरे ॥ 14 ॥
पौर्णमास्याममायां च पर्वकाले विशेषतः ।
जपेद्वा नित्यकार्येषु सर्वान्कामानवाप्नुयात् ॥ 15 ॥
इति श्रीस्कन्दपुराणे सनत्कुमारसंहितायां लक्ष्मीसहस्रनामस्तोत्रं सम्पूर्णम् ॥
nāmnāṃ sāṣṭasahasrañca brūhi gārgya mahāmate |
mahālakṣmyā mahādevyā bhuktimuktyarthasiddhaye || 1 ||
gārgya uvāca
sanatkumāramāsīnaṃ dvādaśādityasannibham |
apṛcchanyogino bhaktyā yogināmarthasiddhaye || 2 ||
sarvalaukikakarmabhyo vimuktānāṃ hitāya vai |
bhuktimuktipradaṃ japyamanubrūhi dayānidhe || 3 ||
sanatkumāra bhagavansarvajño'si viśeṣataḥ |
āstikyasiddhaye nṝṇāṃ kṣipradharmārthasādhanam || 4 ||
khidyanti mānavāssarve dhanābhāvena kevalam |
siddhyanti dhanino'nyasya naiva dharmārthakāmanāḥ || 5 ||
dāridryadhvaṃsinī nāma kena vidyā prakīrtitā |
kena vā brahmavidyā'pi kena mṛtyuvināśinī || 6 ||
sarvāsāṃ sārabhūtaikā vidyānāṃ kena kīrtitā |
pratyakṣasiddhidā brahman tāmācakṣva dayānidhe || 7 ||
sanatkumāra uvāca
sādhu pṛṣṭaṃ mahābhāgāssarvalokahitaiṣiṇaḥ |
mahatāmeṣa dharmaśca nānyeṣāmiti me matiḥ || 8 ||
brahmaviṣṇumahādevamahendrādimahātmabhiḥ |
samproktaṃ kathayāmyadya lakṣmīnāmasahasrakam || 9 ||
yasyoccāraṇamātreṇa dāridryānmucyate naraḥ |
kiṃ punastajjapājjāpī sarveṣṭārthānavāpnuyāt || 10 ||
asya śrīlakṣmīdivyasahasranāmastotramahāmantrasya ānandakardamaciklītendirāsutādayo mahātmāno maharṣayaḥ anuṣṭupchandaḥ viṣṇumāyā śaktiḥ mahālakṣmīḥ parādevatā śrīmahālakṣmīprasādadvārā sarveṣṭārthasiddhyarthe jape viniyogaḥ |
dhyānam
padmanābhapriyāṃ devīṃ padmākṣīṃ padmavāsinīm |
padmavaktrāṃ padmahastāṃ vande padmāmaharniśam || 1 ||
pūrṇenduvadanāṃ divyaratnābharaṇabhūṣitām |
varadābhayahastāḍhyāṃ dhyāyeccandrasahodarīm || 2 ||
icchārūpāṃ bhagavatassaccidānandarūpiṇīm |
sarvajñāṃ sarvajananīṃ viṣṇuvakṣassthalālayām |
dayālumaniśaṃ dhyāyetsukhasiddhisvarūpiṇīm || 3 ||
stotram
nityāgatānantanityā nandinī janarañjanī |
nityaprakāśinī caiva svaprakāśasvarūpiṇī || 1 ||
mahālakṣmīrmahākālī mahākanyā sarasvatī |
bhogavaibhavasandhātrī bhaktānugrahakāriṇī || 2 ||
īśāvāsyā mahāmāyā mahādevī maheśvarī |
hṛllekhā paramā śaktirmātṛkābījarūpiṇī || 3 ||
nityānandā nityabodhā nādinī janamodinī |
satyapratyayanī caiva svaprakāśātmarūpiṇī || 4 ||
tripurā bhairavī vidyā haṃsā vāgīśvarī śivā |
vāgdevī ca mahārātriḥ kālarātristrilocanā || 5 ||
bhadrakālī karālī ca mahākālī tilottamā |
kālī karālavaktrāntā kāmākṣī kāmadā śubhā || 6 ||
caṇḍikā caṇḍarūpeśā cāmuṇḍā cakradhāriṇī |
trailokyajayinī devī trailokyavijayottamā || 7 ||
siddhalakṣmīḥ kriyālakṣmīrmokṣalakṣmīḥ prasādinī |
umā bhagavatī durgā cāndrī dākṣāyaṇī śivā || 8 ||
pratyaṅgirā dharāvelā lokamātā haripriyā |
pārvatī paramā devī brahmavidyāpradāyinī || 9 ||
arūpā bahurūpā ca virūpā viśvarūpiṇī |
pañcabhūtātmikā vāṇī pañcabhūtātmikā parā || 10 ||
kālī mā pañcikā vāgmī haviḥpratyadhidevatā |
devamātā sureśānā devagarbhā'mbikā dhṛtiḥ || 11 ||
saṅkhyā jātiḥ kriyāśaktiḥ prakṛtirmohinī mahī |
yajñavidyā mahāvidyā guhyavidyā vibhāvarī || 12 ||
jyotiṣmatī mahāmātā sarvamantraphalapradā |
dāridryadhvaṃsinī devī hṛdayagranthibhedinī || 13 ||
sahasrādityasaṅkāśā candrikā candrarūpiṇī |
gāyatrī somasambhūtissāvitrī praṇavātmikā || 14 ||
śāṅkarī vaiṣṇavī brāhmī sarvadevanamaskṛtā |
sevyadurgā kuberākṣī karavīranivāsinī || 15 ||
jayā ca vijayā caiva jayantī cā'parājitā |
kubjikā kālikā śāstrī vīṇāpustakadhāriṇī || 16 ||
sarvajñaśaktiśśrīśaktirbrahmaviṣṇuśivātmikā |
iḍāpiṅgalikāmadhyamṛṇālītanturūpiṇī || 17 ||
yajñeśānī prathā dīkṣā dakṣiṇā sarvamohinī |
aṣṭāṅgayoginī devī nirbījadhyānagocarā || 18 ||
sarvatīrthasthitā śuddhā sarvaparvatavāsinī |
vedaśāstraprabhā devī ṣaḍaṅgādipadakramā || 19 ||
śivā dhātrī śubhānandā yajñakarmasvarūpiṇī |
vratinī menakā devī brahmāṇī brahmacāriṇī || 20 ||
ekākṣaraparā tārā bhavabandhavināśinī |
viśvambharā dharādhārā nirādhārā'dhikasvarā || 21 ||
rākā kuhūramāvāsyā pūrṇimā'numatirdyutiḥ |
sinīvālī śivā'vaśyā vaiśvadevī piśaṅgilā || 22 ||
pippalā ca viśālākṣī rakṣoghnī vṛṣṭikāriṇī |
duṣṭavidrāviṇī devī sarvopadravanāśinī || 23 ||
śāradā śarasandhānā sarvaśastrasvarūpiṇī |
yuddhamadhyasthitā devī sarvabhūtaprabhañjanī || 24 ||
ayuddhā yuddharūpā ca śāntā śāntisvarūpiṇī |
gaṅgā sarasvatīveṇīyamunānarmadāpagā || 25 ||
samudravasanāvāsā brahmāṇḍaśroṇimekhalā |
pañcavaktrā daśabhujā śuddhasphaṭikasannibhā || 26 ||
raktā kṛṣṇā sitā pītā sarvavarṇā nirīśvarī |
kālikā cakrikā devī satyā tu vaṭukāsthitā || 27 ||
taruṇī vāruṇī nārī jyeṣṭhādevī sureśvarī |
viśvambharādharā kartrī galārgalavibhañjanī || 28 ||
sandhyārātrirdivājyotsnā kalākāṣṭhā nimeṣikā |
urvī kātyāyanī śubhrā saṃsārārṇavatāriṇī || 29 ||
kapilā kīlikā'śokā mallikānavamallikā | [ mallikānavamālikā ]
devikā nandikā śāntā bhañjikā bhayabhañjikā || 30 ||
kauśikī vaidikī devī saurī rūpādhikā'tibhā |
digvastrā navavastrā ca kanyakā kamalodbhavā || 31 ||
śrīssaumyalakṣaṇā'tītadurgā sūtraprabodhikā |
śraddhā medhā kṛtiḥ prajñā dhāraṇā kāntireva ca || 32 ||
śrutiḥ smṛtirdhṛtirdhanyā bhūtiriṣṭirmanīṣiṇī |
viraktirvyāpinī māyā sarvamāyāprabhañjanī || 33 ||
māhendrī mantriṇī siṃhī cendrajālasvarūpiṇī |
avasthātrayanirmuktā guṇatrayavivarjitā || 34 ||
īṣaṇātrayanirmuktā sarvarogavivarjitā |
yogidhyānāntagamyā ca yogadhyānaparāyaṇā || 35 ||
trayīśikhā viśeṣajñā vedāntajñānarūpiṇī |
bhāratī kamalā bhāṣā padmā padmavatī kṛtiḥ || 36 ||
gautamī gomatī gaurī īśānā haṃsavāhinī |
nārāyaṇī prabhādhārā jāhnavī śaṅkarātmajā || 37 ||
citraghaṇṭā sunandā śrīrmānavī manusambhavā |
stambhinī kṣobhiṇī mārī bhrāmiṇī śatrumāriṇī || 38 ||
mohinī dveṣiṇī vīrā aghorā rudrarūpiṇī |
rudraikādaśinī puṇyā kalyāṇī lābhakāriṇī || 39 ||
devadurgā mahādurgā svapnadurgā'ṣṭabhairavī |
sūryacandrāgnirūpā ca grahanakṣatrarūpiṇī || 40 ||
bindunādakalātītā bindunādakalātmikā |
daśavāyujayākārā kalāṣoḍaśasaṃyutā || 41 ||
kāśyapī kamalādevī nādacakranivāsinī |
mṛḍādhārā sthirā guhyā devikā cakrarūpiṇī || 42 ||
avidyā śārvarī bhuñjā jambhāsuranibarhiṇī |
śrīkāyā śrīkalā śubhrā karmanirmūlakāriṇī || 43 ||
ādilakṣmīrguṇādhārā pañcabrahmātmikā parā |
śrutirbrahmamukhāvāsā sarvasampattirūpiṇī || 44 ||
mṛtasañjīvanī maitrī kāminī kāmavarjitā |
nirvāṇamārgadā devī haṃsinī kāśikā kṣamā || 45 ||
saparyā guṇinī bhinnā nirguṇā khaṇḍitāśubhā |
svāminī vedinī śakyā śāmbarī cakradhāriṇī || 46 ||
daṇḍinī muṇḍinī vyāghrī śikhinī somasaṃhatiḥ |
cintāmaṇiścidānandā pañcabāṇaprabodhinī || 47 ||
bāṇaśreṇissahasrākṣī sahasrabhujapādukā |
sandhyāvalistrisandhyākhyā brahmāṇḍamaṇibhūṣaṇā || 48 ||
vāsavī vāruṇīsenā kulikā mantrarañjanī |
jitaprāṇasvarūpā ca kāntā kāmyavarapradā || 49 ||
mantrabrāhmaṇavidyārthā nādarūpā haviṣmatī |
ātharvaṇiḥ śrutiḥ śūnyā kalpanāvarjitā satī || 50 ||
sattājātiḥ pramā'meyā'pramitiḥ prāṇadā gatiḥ |
avarṇā pañcavarṇā ca sarvadā bhuvaneśvarī || 51 ||
trailokyamohinī vidyā sarvabhartrī kṣarā'kṣarā |
hiraṇyavarṇā hariṇī sarvopadravanāśinī || 52 ||
kaivalyapadavīrekhā sūryamaṇḍalasaṃsthitā |
somamaṇḍalamadhyasthā vahnimaṇḍalasaṃsthitā || 53 ||
vāyumaṇḍalamadhyasthā vyomamaṇḍalasaṃsthitā |
cakrikā cakramadhyasthā cakramārgapravartinī || 54 ||
kokilākulacakreśā pakṣatiḥ paṅktipāvanī |
sarvasiddhāntamārgasthā ṣaḍvarṇāvaravarjitā || 55 ||
śararudraharā hantrī sarvasaṃhārakāriṇī |
puruṣā pauruṣī tuṣṭissarvatantraprasūtikā || 56 ||
ardhanārīśvarī devī sarvavidyāpradāyinī |
bhārgavī yājuṣīvidyā sarvopaniṣadāsthitā || 57 || [ bhujuṣīvidyā ]
vyomakeśākhilaprāṇā pañcakośavilakṣaṇā |
pañcakośātmikā pratyakpañcabrahmātmikā śivā || 58 ||
jagajjarājanitrī ca pañcakarmaprasūtikā |
vāgdevyābharaṇākārā sarvakāmyasthitāsthitiḥ || 59 ||
aṣṭādaśacatuṣṣaṣṭhipīṭhikā vidyayā yutā |
kālikākarṣaṇaśyāmā yakṣiṇī kinnareśvarī || 60 ||
ketakī mallikā'śokā vārāhī dharaṇī dhruvā |
nārasiṃhī mahogrāsyā bhaktānāmārtināśinī || 61 ||
antarbalā sthirā lakṣmīrjarāmaraṇanāśinī |
śrīrañjitā mahākāyā somasūryāgnilocanā || 62 ||
aditirdevamātā ca aṣṭaputrā'ṣṭayoginī |
aṣṭaprakṛtiraṣṭāṣṭavibhrājadvikṛtākṛtiḥ || 63 ||
durbhikṣadhvaṃsinī devī sītā satyā ca rukmiṇī |
khyātijā bhārgavī devī devayonistapasvinī || 64 ||
śākambharī mahāśoṇā garuḍoparisaṃsthitā |
siṃhagā vyāghragā devī vāyugā ca mahādrigā || 65 ||
akārādikṣakārāntā sarvavidyādhidevatā |
mantravyākhyānanipuṇā jyotiśśāstraikalocanā || 66 ||
iḍāpiṅgalikāmadhyāsuṣumnā granthibhedinī |
kālacakrāśrayopetā kālacakrasvarūpiṇī || 67 ||
vaiśāradī matiśśreṣṭhā variṣṭhā sarvadīpikā |
vaināyakī varārohā śroṇivelā bahirvaliḥ || 68 ||
jambhinī jṛmbhiṇī jambhakāriṇī gaṇakārikā |
śaraṇī cakrikā'nantā sarvavyādhicikitsakī || 69 ||
devakī devasaṅkāśā vāridhiḥ karuṇākarā |
śarvarī sarvasampannā sarvapāpaprabhañjanī || 70 ||
ekamātrā dvimātrā ca trimātrā ca tathā'parā |
ardhamātrā parā sūkṣmā sūkṣmārthā'rthaparā'parā || 71 ||
ekavīrā viśeṣākhyā ṣaṣṭhīdevī manasvinī |
naiṣkarmyā niṣkalālokā jñānakarmādhikā guṇā || 72 ||
sabandhvānandasandohā vyomākārā'nirūpitā |
gadyapadyātmikā vāṇī sarvālaṅkārasaṃyutā || 73 ||
sādhubandhapadanyāsā sarvauko ghaṭikāvaliḥ |
ṣaṭkarmā karkaśākārā sarvakarmavivarjitā || 74 ||
ādityavarṇā cāparṇā kāminī vararūpiṇī |
brahmāṇī brahmasantānā vedavāgīśvarī śivā || 75 ||
purāṇanyāyamīmāṃsādharmaśāstrāgamaśrutā |
sadyovedavatī sarvā haṃsī vidyādhidevatā || 76 ||
viśveśvarī jagaddhātrī viśvanirmāṇakāriṇī |
vaidikī vedarūpā ca kālikā kālarūpiṇī || 77 ||
nārāyaṇī mahādevī sarvatattvapravartinī |
hiraṇyavarṇarūpā ca hiraṇyapadasambhavā || 78 ||
kaivalyapadavī puṇyā kaivalyajñānalakṣitā |
brahmasampattirūpā ca brahmasampattikāriṇī || 79 ||
vāruṇī vāruṇārādhyā sarvakarmapravartinī |
ekākṣaraparā''yuktā sarvadāridryabhañjinī || 80 ||
pāśāṅkuśānvitā divyā vīṇāvyākhyākṣasūtrabhṛt |
ekamūrtistrayīmūrtirmadhukaiṭabhabhañjinī || 81 ||
sāṅkhyā sāṅkhyavatī jvālā jvalantī kāmarūpiṇī |
jāgratī sarvasampattissuṣuptā sveṣṭadāyinī || 82 ||
kapālinī mahādaṃṣṭrā bhrukuṭī kuṭilānanā |
sarvāvāsā suvāsā ca bṛhatyaṣṭiśca śakvarī || 83 ||
chandogaṇapratiṣṭhā ca kalmāṣī karuṇātmikā |
cakṣuṣmatī mahāghoṣā khaḍgacarmadharā'śaniḥ || 84 ||
śilpavaicitryavidyotā sarvatobhadravāsinī |
acintyalakṣaṇākārā sūtrabhāṣyanibandhanā || 85 ||
sarvavedārthasampattissarvaśāstrārthamātṛkā |
akārādikṣakārāntasarvavarṇakṛtasthalā || 86 ||
sarvalakṣmīssadānandā sāravidyā sadāśivā |
sarvajñā sarvaśaktiśca khecarīrūpagocchritā || 87 ||
aṇimādiguṇopetā parā kāṣṭhā parā gatiḥ |
haṃsayuktavimānasthā haṃsārūḍhā śaśiprabhā || 88 ||
bhavānī vāsanāśaktirākṛtisthākhilā'khilā |
tantraheturvicitrāṅgī vyomagaṅgāvinodinī || 89 ||
varṣā ca vārṣikā caiva ṛgyajussāmarūpiṇī |
mahānadīnadīpuṇyā'gaṇyapuṇyaguṇakriyā || 90 ||
samādhigatalabhyārthā śrotavyā svapriyā ghṛṇā |
nāmākṣaraparā devī upasarganakhāñcitā || 91 ||
nipātorudvayījaṅghā mātṛkā mantrarūpiṇī |
āsīnā ca śayānā ca tiṣṭhantī dhāvanādhikā || 92 ||
lakṣyalakṣaṇayogāḍhyā tādrūpyagaṇanākṛtiḥ |
saikarūpā naikarūpā sendurūpā tadākṛtiḥ || 93 ||
samāsataddhitākārā vibhaktivacanātmikā |
svāhākārā svadhākārā śrīpatyardhāṅganandinī || 94 ||
gambhīrā gahanā guhyā yoniliṅgārdhadhāriṇī |
śeṣavāsukisaṃsevyā capalā varavarṇinī || 95 ||
kāruṇyākārasampattiḥ kīlakṛnmantrakīlikā |
śaktibījātmikā sarvamantreṣṭākṣayakāmanā || 96 ||
āgneyī pārthivā āpyā vāyavyā vyomaketanā |
satyajñānātmikā''nandā brāhmī brahma sanātanī || 97 ||
avidyāvāsanā māyāprakṛtissarvamohinī |
śaktirdhāraṇaśaktiśca cidacicchaktiyoginī || 98 ||
vaktrāruṇā mahāmāyā marīcirmadamardinī |
virāṭ svāhā svadhā śuddhā nīrūpāstissubhaktigā || 99 ||
nirūpitādvayīvidyā nityānityasvarūpiṇī |
vairājamārgasañcārā sarvasatpathadarśinī || 100 ||
jālandharī mṛḍānī ca bhavānī bhavabhañjanī |
traikālikajñānatantustrikālajñānadāyinī || 101 ||
nādātītā smṛtiḥ prajñā dhātrīrūpā tripuṣkarā |
parājitāvidhānajñā viśeṣitaguṇātmikā || 102 ||
hiraṇyakeśinī hemabrahmasūtravicakṣaṇā |
asaṅkhyeyaparārdhāntasvaravyañjanavaikharī || 103 ||
madhujihvā madhumatī madhumāsodayā madhuḥ |
mādhavī ca mahābhāgā meghagambhīranisvanā || 104 ||
brahmaviṣṇumaheśādijñātavyārthaviśeṣagā |
nābhau vahniśikhākārā lalāṭe candrasannibhā || 105 ||
bhrūmadhye bhāskarākārā sarvatārākṛtirhṛdi |
kṛttikādibharaṇyantanakṣatreṣṭyārcitodayā || 106 ||
grahavidyātmikā jyotirjyotirvinmatijīvikā |
brahmāṇḍagarbhiṇī bālā saptāvaraṇadevatā || 107 ||
vairājottamasāmrājyā kumārakuśalodayā |
bagalā bhramarāmbā ca śivadūtī śivātmikā || 108 ||
meruvindhyādisaṃsthānā kāśmīrapuravāsinī |
yoganidrā mahānidrā vinidrā rākṣasāśritā || 109 ||
suvarṇadā mahāgaṅgā pañcākhyā pañcasaṃhatiḥ |
suprajātā suvīrā ca supoṣā supatiśśivā || 110 ||
sugṛhā raktabījāntā hatakandarpajīvikā |
samudravyomamadhyasthā samabindusamāśrayā || 111 ||
saubhāgyarasajīvātussārāsāravivekadṛk |
trivalyādisupuṣṭāṅgā bhāratī bharatāśritā || 112 ||
nādabrahmamayīvidyā jñānabrahmamayīparā |
brahmanāḍī niruktiśca brahmakaivalyasādhanam || 113 ||
kālikeyamahodāravīryavikramarūpiṇī |
vaḍavāgniśikhāvaktrā mahākavalatarpaṇā || 114 ||
mahābhūtā mahādarpā mahāsārā mahākratuḥ |
pañjabhūtamahāgrāsā pañcabhūtādhidevatā || 115 ||
sarvapramāṇā sampattissarvarogapratikriyā |
brahmāṇḍāntarbahirvyāptā viṣṇuvakṣovibhūṣiṇī || 116 ||
śāṅkarī vidhivaktrasthā pravarā varahetukī |
hemamālā śikhāmālā triśikhā pañcalocanā || 117 || [ pañcamocanā ]
sarvāgamasadācāramaryādā yātubhañjanī |
puṇyaślokaprabandhāḍhyā sarvāntaryāmirūpiṇī || 118 ||
sāmagānasamārādhyā śrotrakarṇarasāyanam |
jīvalokaikajīvāturbhadrodāravilokanā || 119 ||
taṭitkoṭilasatkāntistaruṇī harisundarī |
mīnanetrā ca sendrākṣī viśālākṣī sumaṅgalā || 120 ||
sarvamaṅgalasampannā sākṣānmaṅgaladevatā |
dehahṛddīpikā dīptirjihvapāpapraṇāśinī || 121 ||
ardhacandrollasaddaṃṣṭrā yajñavāṭīvilāsinī |
mahādurgā mahotsāhā mahādevabalodayā || 122 ||
ḍākinīḍyā śākinīḍyā sākinīḍyā samastajuṭ |
niraṅkuśā nākivandyā ṣaḍādhārādhidevatā || 123 ||
bhuvanajñāniniśśreṇī bhuvanākāravallarī |
śāśvatī śāśvatākārā lokānugrahakāriṇī || 124 ||
sārasī mānasī haṃsī haṃsalokapradāyinī |
cinmudrālaṅkṛtakarā koṭisūryasamaprabhā || 125 ||
sukhaprāṇiśirorekhā sadadṛṣṭapradāyinī |
sarvasāṅkaryadoṣaghnī grahopadravanāśinī || 126 ||
kṣudrajantubhayaghnī ca viṣarogādibhañjanī |
sadāśāntā sadāśuddhā gṛhacchidranivāriṇī || 127 ||
kalidoṣapraśamanī kolāhalapurasthitā |
gaurī lākṣaṇikī mukhyā jaghanyākṛtivarjitā || 128 ||
māyā vidyā mūlabhūtā vāsavī viṣṇucetanā |
vādinī vasurūpā ca vasuratnaparicchadā || 129 ||
chāndasī candrahṛdayā mantrasvacchandabhairavī |
vanamālā vaijayantī pañcadivyāyudhātmikā || 130 ||
pītāmbaramayī cañcatkaustubhā harikāminī |
nityā tathyā ramā rāmā ramaṇī mṛtyubhañjanī || 131 ||
jyeṣṭhā kāṣṭhā dhaniṣṭhāntā śarāṅgī nirguṇapriyā |
maitreyā mitravindā ca śeṣyaśeṣakalāśayā || 132 ||
vārāṇasīvāsalabhyā cāryāvartajanastutā | [ vārāṇasīvāsaratā ]
jagadutpattisaṃsthānasaṃhāratrayakāraṇam || 133 ||
tvamamba viṣṇusarvasvaṃ namaste'stu maheśvari |
namaste sarvalokānāṃ jananyai puṇyamūrtaye || 134 ||
siddhalakṣmīrmahākāli mahalakṣmi namo'stu te |
sadyojātādipañcāgnirūpā pañcakapañcakam || 135 ||
yantralakṣmīrbhavatyādirādyādye te namo namaḥ |
sṛṣṭyādikāraṇākāravitate doṣavarjite || 136 ||
jagallakṣmīrjaganmātarviṣṇupatni namo'stu te |
navakoṭimahāśaktisamupāsyapadāmbuje || 137 ||
kanatsauvarṇaratnāḍhya sarvābharaṇabhūṣite |
anantānityamahiṣīprapañceśvaranāyaki || 138 ||
atyucchritapadāntasthe paramavyomanāyaki |
nākapṛṣṭhagatārādhye viṣṇulokavilāsini || 139 ||
vaikuṇṭharājamahiṣi śrīraṅganagarāśrite |
raṅganāyaki bhūputri kṛṣṇe varadavallabhe || 140 ||
koṭibrahmādisaṃsevye koṭirudrādikīrtite |
mātuluṅgamayaṃ kheṭaṃ sauvarṇacaṣakaṃ tathā || 141 ||
padmadvayaṃ pūrṇakumbhaṃ kīrañca varadābhaye |
pāśamaṅkuśakaṃ śaṅkhaṃ cakraṃ śūlaṃ kṛpāṇikām || 142 ||
dhanurbāṇau cākṣamālāṃ cinmudrāmapi bibhratī |
aṣṭādaśabhuje lakṣmīrmahāṣṭādaśapīṭhage || 143 ||
bhūminīlādisaṃsevye svāmicittānuvartini |
padme padmālaye padmi pūrṇakumbhābhiṣecite || 144 ||
indirendindirābhākṣi kṣīrasāgarakanyake |
bhārgavi tvaṃ svatantrecchā vaśīkṛtajagatpatiḥ || 145 ||
maṅgalaṃ maṅgalānāṃ tvaṃ devatānāṃ ca devatā |
tvamuttamottamānāṃ ca tvaṃ śreyaḥ paramāmṛtam || 146 ||
dhanadhānyābhivṛddhiśca sārvabhaumasukhocchrayā |
āndolikādisaubhāgyaṃ mattebhādimahodayaḥ || 147 ||
putrapautrābhivṛddhiśca vidyābhogabalādikam |
āyurārogyasampattiraṣṭaiśvaryaṃ tvameva hi || 148 ||
parameśavibhūtiśca sūkṣmātsūkṣmatarāgatiḥ |
sadayāpāṅgasandattabrahmendrādipadasthitiḥ || 149 ||
avyāhatamahābhāgyaṃ tvamevākṣobhyavikramaḥ |
samanvayaśca vedānāmavirodhastvameva hi || 150 ||
niḥśreyasapadaprāptisādhanaṃ phalameva ca |
śrīmantrarājarājñī ca śrīvidyā kṣemakāriṇī || 151 ||
śrīmbījajapasantuṣṭā aiṃ hrīṃ śrīṃ bījapālikā |
prapattimārgasulabhā viṣṇuprathamakiṅkarī || 152 ||
klīṅkārārthasavitrī ca saumaṅgalyādhidevatā |
śrīṣoḍaśākṣarīvidyā śrīyantrapuravāsinī || 153 ||
sarvamaṅgalamāṅgalye śive sarvārthasādhike |
śaraṇye tryambake gaurī nārāyaṇi namo'stu te || 154 ||
punaḥ punarnamaste'stu sāṣṭāṅgamayutaṃ punaḥ |
sanatkumāra uvāca-
evaṃ stutā mahālakṣmīrbrahmarudrādibhissuraiḥ |
namadbhirārtairdīnaiśca nissvatvairbhogavarjitaiḥ || 1 ||
jyeṣṭhā juṣṭaiśca niśśrīkaissaṃsārātsvaparāyaṇaiḥ |
viṣṇupatnī dadau teṣāṃ darśanaṃ dṛṣṭitarpaṇam || 2 ||
śaratpūrṇendukoṭyābhadhavalāpāṅgavīkṣaṇaiḥ |
sarvānsattvasamāviṣṭān cakre hṛṣṭā varaṃ dadau || 3 ||
mahālakṣmīruvāca-
nāmnāṃ sāṣṭasahasraṃ me pramādādvāpi yassakṛt |
kīrtayettatkule satyaṃ vasāmyācandratārakam || 4 ||
kiṃ punarniyamājjapturmadekaśaraṇasya ca |
mātṛvatsānukampāhaṃ poṣakī syāmaharniśam || 5 ||
mannāma stavatāṃ loke durlabhaṃ nāsti cintitam |
matprasādena sarve'pi svasveṣṭārthamavāpsyatha || 6 ||
luptavaiṣṇavadharmasya madvrateṣvavakīrṇinaḥ |
bhaktiprapattihīnasya vandyo nāmnāṃ stavo'pi me || 7 ||
tasmādavaśyaṃ tairdoṣairvihīnaḥ pāpavarjitaḥ |
japetsāṣṭasahasraṃ me nāmnāṃ pratyahamādarāt || 8 ||
sākṣādalakṣmīputro'pi durbhāgyo'pyalaso'pi vā |
aprayatno'pi mūḍho'pi vikalaḥ patito'pi ca || 9 ||
avaśyaṃ prāpnuyādbhāgyaṃ matprasādena kevalam |
spṛheyamacirāddevā varadānāya jāpinaḥ |
dadāmi sarvamiṣṭārthaṃ lakṣmīti smaratāṃ dhruvam || 10 ||
sanatkumāra uvāca-
ityuktvā'ntardadhe lakṣmīrvaiṣṇavī bhagavatkalā |
iṣṭāpūrtaṃ ca sukṛtaṃ bhāgadheyaṃ ca cintitam || 11 ||
svaṃ svaṃ sthānaṃ ca bhogaṃ ca vijayaṃ lebhire surāḥ |
tadetat pravadāmyadya lakṣmīnāmasahasrakam |
yoginaḥ paṭhata kṣipraṃ cintitārthānavāpsyatha || 12 ||
gārgya uvāca-
sanatkumāroyogīndra ityuktvā sa dayānidhiḥ |
anugṛhya yayau kṣipraṃ tāṃśca dvādaśayoginaḥ || 13 ||
tasmādetadrahasyaṃ ca gopyaṃ japyaṃ prayatnataḥ |
aṣṭamyāṃ ca caturdaśyāṃ navamyāṃ bhṛguvāsare || 14 ||
paurṇamāsyāmamāyāṃ ca parvakāle viśeṣataḥ |
japedvā nityakāryeṣu sarvānkāmānavāpnuyāt || 15 ||
iti śrīskandapurāṇe sanatkumārasaṃhitāyāṃ lakṣmīsahasranāmastotraṃ sampūrṇam ||
🕉️ This is the original Sanskrit rendered in Telugu script.
Pronunciation is identical to the Sanskrit Devanagari version.