పార్వత్యువాచ
నమస్తేఽస్తు త్రయీనాథ పరమానన్దకారక ।
కవచం దక్షిణామూర్తేః కృపయా వద మే ప్రభో ॥ 1 ॥
ఈశ్వర ఉవాచ
వక్ష్యేఽహం దేవదేవేశి దక్షిణామూర్తిరవ్యయమ్ ।
కవచం సర్వపాపఘ్నం వేదాన్తజ్ఞానగోచరమ్ ॥ 2 ॥
అణిమాది మహాసిద్ధివిధానచతురం శుభమ్ ।
వేదశాస్త్రపురాణాని కవితా తర్క ఏవ చ ॥ 3 ॥
బహుధా దేవి జాయన్తే కవచస్య ప్రభావతః ।
ఋషిర్బ్రహ్మా సముద్దిష్టశ్ఛన్దోఽనుష్టుబుదాహృతమ్ ॥ 4 ॥
దేవతా దక్షిణామూర్తిః పరమాత్మా సదాశివః ।
బీజం వేదాదికం చైవ స్వాహా శక్తిరుదాహృతా ।
సర్వజ్ఞత్వేఽపి దేవేశి వినియోగం ప్రచక్షతే ॥ 5 ॥
ధ్యానమ్
అద్వన్ద్వనేత్రమమలేన్దుకలావతంసం
హంసావలమ్బిత సమాన జటాకలాపమ్ ।
ఆనీలకణ్ఠముపకణ్ఠమునిప్రవీరాన్
అధ్యాపయన్తమవలోకయ లోకనాథమ్ ॥
కవచమ్
ఓమ్ । శిరో మే దక్షిణామూర్తిరవ్యాత్ ఫాలం మహేశ్వరః ।
దృశౌ పాతు మహాదేవః శ్రవణే చన్ద్రశేఖరః ॥ 1 ॥
కపోలౌ పాతు మే రుద్రో నాసాం పాతు జగద్గురుః ।
ముఖం గౌరీపతిః పాతు రసనాం వేదరూపధృత్ ॥ 2 ॥
దశనాం త్రిపురధ్వంసీ చోష్ఠం పన్నగభూషణః ।
అధరం పాతు విశ్వాత్మా హనూ పాతు జగన్మయః ॥ 3 ॥
చుబుకం దేవదేవస్తు పాతు కణ్ఠం జటాధరః ।
స్కన్ధౌ మే పాతు శుద్ధాత్మా కరౌ పాతు యమాన్తకః ॥ 4 ॥
కుచాగ్రం కరమధ్యం చ నఖరాన్ శఙ్కరః స్వయమ్ ।
హృన్మే పశుపతిః పాతు పార్శ్వే పరమపూరుషః ॥ 5 ॥
మధ్యమం పాతు శర్వో మే నాభిం నారాయణప్రియః ।
కటిం పాతు జగద్భర్తా సక్థినీ చ మృడః స్వయమ్ ॥ 6 ॥
కృత్తివాసాః స్వయం గుహ్యామూరూ పాతు పినాకధృత్ ।
జానునీ త్ర్యమ్బకః పాతు జఙ్ఘే పాతు సదాశివః ॥ 7 ॥
స్మరారిః పాతు మే పాదౌ పాతు సర్వాఙ్గమీశ్వరః ।
ఇతీదం కవచం దేవి పరమానన్దదాయకమ్ ॥ 8 ॥
జ్ఞానవాగర్థదం వీర్యమణిమాదివిభూతిదమ్ ।
ఆయురారోగ్యమైశ్వర్యమపమృత్యుభయాపహమ్ ॥ 9 ॥
ప్రాతః కాలే శుచిర్భూత్వా త్రివారం సర్వదా జపేత్ ।
నిత్యం పూజాసమాయుక్తః సంవత్సరమతన్ద్రితః ॥ 10 ॥
జపేత్ త్రిసన్ధ్యం యో విద్వాన్ వేదశాస్త్రార్థపారగః ।
గద్యపద్యైస్తథా చాపి నాటకాః స్వయమేవ హి ।
నిర్గచ్ఛన్తి ముఖామ్భోజాత్సత్యమేతన్న సంశయః ॥ 11 ॥
ఇతి రుద్రయామలే ఉమామహేశ్వరసంవాదే శ్రీ దక్షిణామూర్తి కవచమ్ ॥
Roman (IAST) Transliteration
pārvatyuvāca
namaste'stu trayīnātha paramānandakāraka |
kavacaṃ dakṣiṇāmūrteḥ kṛpayā vada me prabho || 1 ||
īśvara uvāca
vakṣye'haṃ devadeveśi dakṣiṇāmūrtiravyayam |
kavacaṃ sarvapāpaghnaṃ vedāntajñānagocaram || 2 ||
aṇimādi mahāsiddhividhānacaturaṃ śubham |
vedaśāstrapurāṇāni kavitā tarka eva ca || 3 ||
bahudhā devi jāyante kavacasya prabhāvataḥ |
ṛṣirbrahmā samuddiṣṭaśchando'nuṣṭubudāhṛtam || 4 ||
devatā dakṣiṇāmūrtiḥ paramātmā sadāśivaḥ |
bījaṃ vedādikaṃ caiva svāhā śaktirudāhṛtā |
sarvajñatve'pi deveśi viniyogaṃ pracakṣate || 5 ||
dhyānam
advandvanetramamalendukalāvataṃsaṃ
haṃsāvalambita samāna jaṭākalāpam |
ānīlakaṇṭhamupakaṇṭhamunipravīrān
adhyāpayantamavalokaya lokanātham ||
kavacam
om | śiro me dakṣiṇāmūrtiravyāt phālaṃ maheśvaraḥ |
dṛśau pātu mahādevaḥ śravaṇe candraśekharaḥ || 1 ||
kapolau pātu me rudro nāsāṃ pātu jagadguruḥ |
mukhaṃ gaurīpatiḥ pātu rasanāṃ vedarūpadhṛt || 2 ||
daśanāṃ tripuradhvaṃsī coṣṭhaṃ pannagabhūṣaṇaḥ |
adharaṃ pātu viśvātmā hanū pātu jaganmayaḥ || 3 ||
cubukaṃ devadevastu pātu kaṇṭhaṃ jaṭādharaḥ |
skandhau me pātu śuddhātmā karau pātu yamāntakaḥ || 4 ||
kucāgraṃ karamadhyaṃ ca nakharān śaṅkaraḥ svayam |
hṛnme paśupatiḥ pātu pārśve paramapūruṣaḥ || 5 ||
madhyamaṃ pātu śarvo me nābhiṃ nārāyaṇapriyaḥ |
kaṭiṃ pātu jagadbhartā sakthinī ca mṛḍaḥ svayam || 6 ||
kṛttivāsāḥ svayaṃ guhyāmūrū pātu pinākadhṛt |
jānunī tryambakaḥ pātu jaṅghe pātu sadāśivaḥ || 7 ||
smarāriḥ pātu me pādau pātu sarvāṅgamīśvaraḥ |
itīdaṃ kavacaṃ devi paramānandadāyakam || 8 ||
jñānavāgarthadaṃ vīryamaṇimādivibhūtidam |
āyurārogyamaiśvaryamapamṛtyubhayāpaham || 9 ||
prātaḥ kāle śucirbhūtvā trivāraṃ sarvadā japet |
nityaṃ pūjāsamāyuktaḥ saṃvatsaramatandritaḥ || 10 ||
japet trisandhyaṃ yo vidvān vedaśāstrārthapāragaḥ |
gadyapadyaistathā cāpi nāṭakāḥ svayameva hi |
nirgacchanti mukhāmbhojātsatyametanna saṃśayaḥ || 11 ||
iti rudrayāmale umāmaheśvarasaṃvāde śrī dakṣiṇāmūrti kavacam ||
Sanskrit — Devanagari (original)
पार्वत्युवाच
नमस्तेऽस्तु त्रयीनाथ परमानन्दकारक ।
कवचं दक्षिणामूर्तेः कृपया वद मे प्रभो ॥ 1 ॥
ईश्वर उवाच
वक्ष्येऽहं देवदेवेशि दक्षिणामूर्तिरव्ययम् ।
कवचं सर्वपापघ्नं वेदान्तज्ञानगोचरम् ॥ 2 ॥
अणिमादि महासिद्धिविधानचतुरं शुभम् ।
वेदशास्त्रपुराणानि कविता तर्क एव च ॥ 3 ॥
बहुधा देवि जायन्ते कवचस्य प्रभावतः ।
ऋषिर्ब्रह्मा समुद्दिष्टश्छन्दोऽनुष्टुबुदाहृतम् ॥ 4 ॥
देवता दक्षिणामूर्तिः परमात्मा सदाशिवः ।
बीजं वेदादिकं चैव स्वाहा शक्तिरुदाहृता ।
सर्वज्ञत्वेऽपि देवेशि विनियोगं प्रचक्षते ॥ 5 ॥
ध्यानम्
अद्वन्द्वनेत्रममलेन्दुकलावतंसं
हंसावलम्बित समान जटाकलापम् ।
आनीलकण्ठमुपकण्ठमुनिप्रवीरान्
अध्यापयन्तमवलोकय लोकनाथम् ॥
कवचम्
ओम् । शिरो मे दक्षिणामूर्तिरव्यात् फालं महेश्वरः ।
दृशौ पातु महादेवः श्रवणे चन्द्रशेखरः ॥ 1 ॥
कपोलौ पातु मे रुद्रो नासां पातु जगद्गुरुः ।
मुखं गौरीपतिः पातु रसनां वेदरूपधृत् ॥ 2 ॥
दशनां त्रिपुरध्वंसी चोष्ठं पन्नगभूषणः ।
अधरं पातु विश्वात्मा हनू पातु जगन्मयः ॥ 3 ॥
चुबुकं देवदेवस्तु पातु कण्ठं जटाधरः ।
स्कन्धौ मे पातु शुद्धात्मा करौ पातु यमान्तकः ॥ 4 ॥
कुचाग्रं करमध्यं च नखरान् शङ्करः स्वयम् ।
हृन्मे पशुपतिः पातु पार्श्वे परमपूरुषः ॥ 5 ॥
मध्यमं पातु शर्वो मे नाभिं नारायणप्रियः ।
कटिं पातु जगद्भर्ता सक्थिनी च मृडः स्वयम् ॥ 6 ॥
कृत्तिवासाः स्वयं गुह्यामूरू पातु पिनाकधृत् ।
जानुनी त्र्यम्बकः पातु जङ्घे पातु सदाशिवः ॥ 7 ॥
स्मरारिः पातु मे पादौ पातु सर्वाङ्गमीश्वरः ।
इतीदं कवचं देवि परमानन्ददायकम् ॥ 8 ॥
ज्ञानवागर्थदं वीर्यमणिमादिविभूतिदम् ।
आयुरारोग्यमैश्वर्यमपमृत्युभयापहम् ॥ 9 ॥
प्रातः काले शुचिर्भूत्वा त्रिवारं सर्वदा जपेत् ।
नित्यं पूजासमायुक्तः संवत्सरमतन्द्रितः ॥ 10 ॥
जपेत् त्रिसन्ध्यं यो विद्वान् वेदशास्त्रार्थपारगः ।
गद्यपद्यैस्तथा चापि नाटकाः स्वयमेव हि ।
निर्गच्छन्ति मुखाम्भोजात्सत्यमेतन्न संशयः ॥ 11 ॥
इति रुद्रयामले उमामहेश्वरसंवादे श्री दक्षिणामूर्ति कवचम् ॥
pārvatyuvāca
namaste'stu trayīnātha paramānandakāraka |
kavacaṃ dakṣiṇāmūrteḥ kṛpayā vada me prabho || 1 ||
īśvara uvāca
vakṣye'haṃ devadeveśi dakṣiṇāmūrtiravyayam |
kavacaṃ sarvapāpaghnaṃ vedāntajñānagocaram || 2 ||
aṇimādi mahāsiddhividhānacaturaṃ śubham |
vedaśāstrapurāṇāni kavitā tarka eva ca || 3 ||
bahudhā devi jāyante kavacasya prabhāvataḥ |
ṛṣirbrahmā samuddiṣṭaśchando'nuṣṭubudāhṛtam || 4 ||
devatā dakṣiṇāmūrtiḥ paramātmā sadāśivaḥ |
bījaṃ vedādikaṃ caiva svāhā śaktirudāhṛtā |
sarvajñatve'pi deveśi viniyogaṃ pracakṣate || 5 ||
dhyānam
advandvanetramamalendukalāvataṃsaṃ
haṃsāvalambita samāna jaṭākalāpam |
ānīlakaṇṭhamupakaṇṭhamunipravīrān
adhyāpayantamavalokaya lokanātham ||
kavacam
om | śiro me dakṣiṇāmūrtiravyāt phālaṃ maheśvaraḥ |
dṛśau pātu mahādevaḥ śravaṇe candraśekharaḥ || 1 ||
kapolau pātu me rudro nāsāṃ pātu jagadguruḥ |
mukhaṃ gaurīpatiḥ pātu rasanāṃ vedarūpadhṛt || 2 ||
daśanāṃ tripuradhvaṃsī coṣṭhaṃ pannagabhūṣaṇaḥ |
adharaṃ pātu viśvātmā hanū pātu jaganmayaḥ || 3 ||
cubukaṃ devadevastu pātu kaṇṭhaṃ jaṭādharaḥ |
skandhau me pātu śuddhātmā karau pātu yamāntakaḥ || 4 ||
kucāgraṃ karamadhyaṃ ca nakharān śaṅkaraḥ svayam |
hṛnme paśupatiḥ pātu pārśve paramapūruṣaḥ || 5 ||
madhyamaṃ pātu śarvo me nābhiṃ nārāyaṇapriyaḥ |
kaṭiṃ pātu jagadbhartā sakthinī ca mṛḍaḥ svayam || 6 ||
kṛttivāsāḥ svayaṃ guhyāmūrū pātu pinākadhṛt |
jānunī tryambakaḥ pātu jaṅghe pātu sadāśivaḥ || 7 ||
smarāriḥ pātu me pādau pātu sarvāṅgamīśvaraḥ |
itīdaṃ kavacaṃ devi paramānandadāyakam || 8 ||
jñānavāgarthadaṃ vīryamaṇimādivibhūtidam |
āyurārogyamaiśvaryamapamṛtyubhayāpaham || 9 ||
prātaḥ kāle śucirbhūtvā trivāraṃ sarvadā japet |
nityaṃ pūjāsamāyuktaḥ saṃvatsaramatandritaḥ || 10 ||
japet trisandhyaṃ yo vidvān vedaśāstrārthapāragaḥ |
gadyapadyaistathā cāpi nāṭakāḥ svayameva hi |
nirgacchanti mukhāmbhojātsatyametanna saṃśayaḥ || 11 ||
iti rudrayāmale umāmaheśvarasaṃvāde śrī dakṣiṇāmūrti kavacam ||
🕉️ This is the original Sanskrit rendered in Telugu script.
Pronunciation is identical to the Sanskrit Devanagari version.