பார்வத்யுவாச ।
மந்த்ராணாம் பரமம் மந்த்ரம் குஹ்யாநாம் குஹ்யமேவ ச ।
ப்ரூஹி மே நாரஸிம்ஹஸ்ய தத்த்வம் மந்த்ரஸ்ய துர்லபம் ॥
ஶங்கர உவாச ।
வ்ரு'த்தோத்புல்லவிஶாலாக்ஷம் விபக்ஷக்ஷயதீக்ஷிதம் ।
நிநாதத்ரஸ்தவிஶ்வாண்டம் விஷ்ணுமுக்ரம் நமாம்யஹம் ॥ 1 ॥
ஸர்வைரவத்யதாம் ப்ராப்தம் ஸபலௌகம் திதேஃ ஸுதம் ।
நகாக்ரைஃ ஶகலீசக்ரே யஸ்தம் வீரம் நமாம்யஹம் ॥ 2 ॥
பதாவஷ்டப்தபாதாலம் மூர்தாऽऽவிஷ்டத்ரிவிஷ்டபம் ।
புஜப்ரவிஷ்டாஷ்டதிஶம் மஹாவிஷ்ணும் நமாம்யஹம் ॥ 3 ॥
ஜ்யோதீம்ஷ்யர்கேந்துநக்ஷத்ரஜ்வலநாதீந்யநுக்ரமாத் ।
ஜ்வலந்தி தேஜஸா யஸ்ய தம் ஜ்வலந்தம் நமாம்யஹம் ॥ 4 ॥
ஸர்வேந்த்ரியைரபி விநா ஸர்வம் ஸர்வத்ர ஸர்வதா ।
யோ ஜாநாதி நமாம்யாத்யம் தமஹம் ஸர்வதோமுகம் ॥ 5 ॥
நரவத் ஸிம்ஹவச்சைவ யஸ்ய ரூபம் மஹாத்மநஃ ।
மஹாஸடம் மஹாதம்ஷ்ட்ரம் தம் ந்ரு'ஸிம்ஹம் நமாம்யஹம் ॥ 6 ॥
யந்நாமஸ்மரணாத்பீதாஃ பூதவேதாலராக்ஷஸாஃ ।
ரோகாத்யாஶ்ச ப்ரணஶ்யந்தி பீஷணம் தம் நமாம்யஹம் ॥ 7 ॥
ஸர்வேऽபி யம் ஸமாஶ்ரித்ய ஸகலம் பத்ரமஶ்நுதே ।
ஶ்ரியா ச பத்ரயா ஜுஷ்டோ யஸ்தம் பத்ரம் நமாம்யஹம் ॥ 8 ॥
ஸாக்ஷாத் ஸ்வகாலே ஸம்ப்ராப்தம் ம்ரு'த்யும் ஶத்ருகணாந்விதம் ।
பக்தாநாம் நாஶயேத்யஸ்து ம்ரு'த்யும்ரு'த்யும் நமாம்யஹம் ॥ 9 ॥
நமஸ்காராத்மகம் யஸ்மை விதாயாத்மநிவேதநம் ।
த்யக்ததுஃகோऽகிலாந் காமாநஶ்நந்தம் தம் நமாம்யஹம் ॥ 10 ॥
தாஸபூதாஃ ஸ்வதஃ ஸர்வே ஹ்யாத்மாநஃ பரமாத்மநஃ ।
அதோऽஹமபி தே தாஸஃ இதி மத்வா நமாம்யஹம் ॥ 11 ॥
ஶங்கரேணாதராத் ப்ரோக்தம் பதாநாம் தத்த்வமுத்தமம் ।
த்ரிஸந்த்யம் யஃ படேத்தஸ்ய ஶ்ரீவித்யாऽऽயுஶ்ச வர்ததே ॥ 12 ॥
இதி ஶ்ரீஶங்கரக்ரு'த ஶ்ரீ ந்ரு'ஸிம்ஹ மந்த்ரராஜபத ஸ்தோத்ரம் ।
Roman (IAST) Transliteration
pārvatyuvāca |
mantrāṇāṃ paramaṃ mantraṃ guhyānāṃ guhyameva ca |
brūhi me nārasiṃhasya tattvaṃ mantrasya durlabham ||
śaṅkara uvāca |
vṛttotphullaviśālākṣaṃ vipakṣakṣayadīkṣitam |
ninādatrastaviśvāṇḍaṃ viṣṇumugraṃ namāmyaham || 1 ||
sarvairavadhyatāṃ prāptaṃ sabalaughaṃ diteḥ sutam |
nakhāgraiḥ śakalīcakre yastaṃ vīraṃ namāmyaham || 2 ||
padāvaṣṭabdhapātālaṃ mūrdhā''viṣṭatriviṣṭapam |
bhujapraviṣṭāṣṭadiśaṃ mahāviṣṇuṃ namāmyaham || 3 ||
jyotīṃṣyarkendunakṣatrajvalanādīnyanukramāt |
jvalanti tejasā yasya taṃ jvalantaṃ namāmyaham || 4 ||
sarvendriyairapi vinā sarvaṃ sarvatra sarvadā |
yo jānāti namāmyādyaṃ tamahaṃ sarvatomukham || 5 ||
naravat siṃhavaccaiva yasya rūpaṃ mahātmanaḥ |
mahāsaṭaṃ mahādaṃṣṭraṃ taṃ nṛsiṃhaṃ namāmyaham || 6 ||
yannāmasmaraṇādbhītāḥ bhūtavetālarākṣasāḥ |
rogādyāśca praṇaśyanti bhīṣaṇaṃ taṃ namāmyaham || 7 ||
sarve'pi yaṃ samāśritya sakalaṃ bhadramaśnute |
śriyā ca bhadrayā juṣṭo yastaṃ bhadraṃ namāmyaham || 8 ||
sākṣāt svakāle samprāptaṃ mṛtyuṃ śatrugaṇānvitam |
bhaktānāṃ nāśayedyastu mṛtyumṛtyuṃ namāmyaham || 9 ||
namaskārātmakaṃ yasmai vidhāyātmanivedanam |
tyaktaduḥkho'khilān kāmānaśnantaṃ taṃ namāmyaham || 10 ||
dāsabhūtāḥ svataḥ sarve hyātmānaḥ paramātmanaḥ |
ato'hamapi te dāsaḥ iti matvā namāmyaham || 11 ||
śaṅkareṇādarāt proktaṃ padānāṃ tattvamuttamam |
trisandhyaṃ yaḥ paṭhettasya śrīvidyā''yuśca vardhate || 12 ||
iti śrīśaṅkarakṛta śrī nṛsiṃha mantrarājapada stotram |
Sanskrit — Devanagari (original)
पार्वत्युवाच ।
मन्त्राणां परमं मन्त्रं गुह्यानां गुह्यमेव च ।
ब्रूहि मे नारसिंहस्य तत्त्वं मन्त्रस्य दुर्लभम् ॥
शङ्कर उवाच ।
वृत्तोत्फुल्लविशालाक्षं विपक्षक्षयदीक्षितम् ।
निनादत्रस्तविश्वाण्डं विष्णुमुग्रं नमाम्यहम् ॥ 1 ॥
सर्वैरवध्यतां प्राप्तं सबलौघं दितेः सुतम् ।
नखाग्रैः शकलीचक्रे यस्तं वीरं नमाम्यहम् ॥ 2 ॥
पदावष्टब्धपातालं मूर्धाऽऽविष्टत्रिविष्टपम् ।
भुजप्रविष्टाष्टदिशं महाविष्णुं नमाम्यहम् ॥ 3 ॥
ज्योतींष्यर्केन्दुनक्षत्रज्वलनादीन्यनुक्रमात् ।
ज्वलन्ति तेजसा यस्य तं ज्वलन्तं नमाम्यहम् ॥ 4 ॥
सर्वेन्द्रियैरपि विना सर्वं सर्वत्र सर्वदा ।
यो जानाति नमाम्याद्यं तमहं सर्वतोमुखम् ॥ 5 ॥
नरवत् सिंहवच्चैव यस्य रूपं महात्मनः ।
महासटं महादंष्ट्रं तं नृसिंहं नमाम्यहम् ॥ 6 ॥
यन्नामस्मरणाद्भीताः भूतवेतालराक्षसाः ।
रोगाद्याश्च प्रणश्यन्ति भीषणं तं नमाम्यहम् ॥ 7 ॥
सर्वेऽपि यं समाश्रित्य सकलं भद्रमश्नुते ।
श्रिया च भद्रया जुष्टो यस्तं भद्रं नमाम्यहम् ॥ 8 ॥
साक्षात् स्वकाले सम्प्राप्तं मृत्युं शत्रुगणान्वितम् ।
भक्तानां नाशयेद्यस्तु मृत्युमृत्युं नमाम्यहम् ॥ 9 ॥
नमस्कारात्मकं यस्मै विधायात्मनिवेदनम् ।
त्यक्तदुःखोऽखिलान् कामानश्नन्तं तं नमाम्यहम् ॥ 10 ॥
दासभूताः स्वतः सर्वे ह्यात्मानः परमात्मनः ।
अतोऽहमपि ते दासः इति मत्वा नमाम्यहम् ॥ 11 ॥
शङ्करेणादरात् प्रोक्तं पदानां तत्त्वमुत्तमम् ।
त्रिसन्ध्यं यः पठेत्तस्य श्रीविद्याऽऽयुश्च वर्धते ॥ 12 ॥
इति श्रीशङ्करकृत श्री नृसिंह मन्त्रराजपद स्तोत्रम् ।
pārvatyuvāca |
mantrāṇāṃ paramaṃ mantraṃ guhyānāṃ guhyameva ca |
brūhi me nārasiṃhasya tattvaṃ mantrasya durlabham ||
śaṅkara uvāca |
vṛttotphullaviśālākṣaṃ vipakṣakṣayadīkṣitam |
ninādatrastaviśvāṇḍaṃ viṣṇumugraṃ namāmyaham || 1 ||
sarvairavadhyatāṃ prāptaṃ sabalaughaṃ diteḥ sutam |
nakhāgraiḥ śakalīcakre yastaṃ vīraṃ namāmyaham || 2 ||
padāvaṣṭabdhapātālaṃ mūrdhā''viṣṭatriviṣṭapam |
bhujapraviṣṭāṣṭadiśaṃ mahāviṣṇuṃ namāmyaham || 3 ||
jyotīṃṣyarkendunakṣatrajvalanādīnyanukramāt |
jvalanti tejasā yasya taṃ jvalantaṃ namāmyaham || 4 ||
sarvendriyairapi vinā sarvaṃ sarvatra sarvadā |
yo jānāti namāmyādyaṃ tamahaṃ sarvatomukham || 5 ||
naravat siṃhavaccaiva yasya rūpaṃ mahātmanaḥ |
mahāsaṭaṃ mahādaṃṣṭraṃ taṃ nṛsiṃhaṃ namāmyaham || 6 ||
yannāmasmaraṇādbhītāḥ bhūtavetālarākṣasāḥ |
rogādyāśca praṇaśyanti bhīṣaṇaṃ taṃ namāmyaham || 7 ||
sarve'pi yaṃ samāśritya sakalaṃ bhadramaśnute |
śriyā ca bhadrayā juṣṭo yastaṃ bhadraṃ namāmyaham || 8 ||
sākṣāt svakāle samprāptaṃ mṛtyuṃ śatrugaṇānvitam |
bhaktānāṃ nāśayedyastu mṛtyumṛtyuṃ namāmyaham || 9 ||
namaskārātmakaṃ yasmai vidhāyātmanivedanam |
tyaktaduḥkho'khilān kāmānaśnantaṃ taṃ namāmyaham || 10 ||
dāsabhūtāḥ svataḥ sarve hyātmānaḥ paramātmanaḥ |
ato'hamapi te dāsaḥ iti matvā namāmyaham || 11 ||
śaṅkareṇādarāt proktaṃ padānāṃ tattvamuttamam |
trisandhyaṃ yaḥ paṭhettasya śrīvidyā''yuśca vardhate || 12 ||
iti śrīśaṅkarakṛta śrī nṛsiṃha mantrarājapada stotram |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.