விஶ்வேஶம் மாதவம் டுண்டிம் தண்டபாணிம் ச பைரவம் ।
வந்தே காஶீம் குஹாம் கங்காம் பவாநீம் மணிகர்ணிகாம் ॥ 1 ॥
உத்திஷ்ட காஶி பகவாந் ப்ரபுவிஶ்வநாதோ
கங்கோர்மி-ஸங்கதி-ஶுபைஃ பரிபூஷிதோऽப்ஜைஃ ।
ஶ்ரீடுண்டி-பைரவ-முகைஃ ஸஹிதாऽऽந்நபூர்ணா
மாதா ச வாஞ்சதி முதா தவ ஸுப்ரபாதம் ॥ 2 ॥
ப்ரஹ்மா முராரிஸ்த்ரிபுராந்தகாரிஃ
பாநுஃ ஶஶீ பூமிஸுதோ புதஶ்ச ।
குருஶ்ச ஶுக்ரஃ ஶநி-ராஹு-கேதவஃ
குர்வந்து ஸர்வே புவி ஸுப்ரபாதம் ॥ 3 ॥
வாராணஸீ-ஸ்தித-கஜாநந-டுண்டிராஜ
தாபத்ரயாபஹரணே ப்ரதித-ப்ரபாவ ।
ஆநந்த-கந்தலகுல-ப்ரஸவைகபூமே
நித்யம் ஸமஸ்த-ஜகதஃ குரு ஸுப்ரபாதம் ॥ 4 ॥
ப்ரஹ்மத்ரவோபமித-காங்க-பயஃ-ப்ரவாஹைஃ
புண்யைஃ ஸதைவ பரிசும்பித-பாதபத்மே ।
மத்யே-ऽகிலாமரகணைஃ பரிஸேவ்யமாநே
ஶ்ரீகாஶிகே குரு ஸதா புவி ஸுப்ரபாதம் ॥ 5 ॥
ப்ரத்நைரஸங்க்ய-மட-மந்திர-தீர்த-குண்ட-
ப்ராஸாத-கட்ட-நிவஹைஃ விதுஷாம் வரைஶ்ச
ஆவர்ஜயஸ்யகில-விஶ்வ-மநாம்ஸி நித்யம்
ஶ்ரீகாஶிகே குரு ஸதா புவி ஸுப்ரபாதம் ॥ 6 ॥
கே வா நரா நு ஸுதியஃ குதியோऽதியோ வா
வாஞ்சந்தி நாந்தஸமயே ஶரணம் பவத்யாஃ ।
ஹே கோடி-கோடி-ஜந-முக்தி-விதாந-தக்ஷே
ஶ்ரீகாஶிகே குரு ஸதா புவி ஸுப்ரபாதம் ॥ 7 ॥
யா தேவைரஸுரைர்முநீந்த்ரதநயைர்கந்தர்வ-யக்ஷோரகைஃ
நாகைர்பூதலவாஸிபிர்த்விஜவரைஸ்ஸம்ஸேவிதா ஸித்தயே ।
யா கங்கோத்தரவாஹிநீ-பரிஸரே தீர்தைரஸங்க்யைர்வ்ரு'தா
ஸா காஶீ த்ரிபுராரிராஜ-நகரீ தேயாத் ஸதா மங்கலம் ॥ 8 ॥
தீர்தாநாம் ப்ரவரா மநோரதகரீ ஸம்ஸார-பாராபரா
நந்தா-நந்தி-கணேஶ்வரைருபஹிதா தேவைரஶேஷைஃ-ஸ்துதா ।
யா ஶம்போர்மணி-குண்டலைக-கணிகா விஷ்ணோஸ்தபோ-தீர்கிகா
ஸேயம் ஶ்ரீமணிகர்ணிகா பகவதீ தேயாத் ஸதா மங்கலம் ॥ 9 ॥
அபிநவ-பிஸ-வல்லீ பாத-பத்மஸ்ய விஷ்ணோஃ
மதந-மதந-மௌலேர்மாலதீ புஷ்பமாலா ।
ஜயதி ஜய-பதாகா காப்யஸௌ மோக்ஷலக்ஷ்ம்யாஃ
க்ஷபித-கலி-கலங்கா ஜாஹ்நவீ நஃ புநாது ॥ 10 ॥
காங்கம் வாரி மநோஹாரி முராரி-சரணச்யுதம் ।
த்ரிபுராரி-ஶிரஶ்சாரி பாபஹாரி புநாது மாம் ॥ 11 ॥
விக்நாவாஸ-நிவாஸகாரண-மஹாகண்டஸ்தலாலம்பிதஃ
ஸிந்தூராருண-புஞ்ஜ-சந்த்ரகிரண-ப்ரச்சாதி-நாகச்சவிஃ ।
ஶ்ரீவிக்நேஶ்வர-வல்லபோ கிரிஜயா ஸாநந்தமாநந்திதஃ (பாடபேத விஶ்வேஶ்வர)
ஸ்மேராஸ்யஸ்தவ டுண்டிராஜ-முதிதோ தேயாத் ஸதா மங்கலம் ॥ 12 ॥
கண்டே யஸ்ய லஸத்கரால-கரலம் கங்காஜலம் மஸ்தகே
வாமாங்கே கிரிராஜராஜ-தநயா ஜாயா பவாநீ ஸதீ ।
நந்தி-ஸ்கந்த-கணாதிராஜ-ஸஹிதஃ ஶ்ரீவிஶ்வநாதப்ரபுஃ
காஶீ-மந்திர-ஸம்ஸ்திதோऽகிலகுருஃ தேயாத் ஸதா மங்கலம் ॥ 13 ॥
ஶ்ரீவிஶ்வநாத கருணாம்ரு'த-பூர்ண-ஸிந்தோ
ஶீதாம்ஶு-கண்ட-ஸமலங்க்ரு'த-பவ்யசூட ।
உத்திஷ்ட விஶ்வஜந-மங்கல-ஸாதநாய
நித்யம் ஸர்வஜகதஃ குரு ஸுப்ரபாதம் ॥ 14 ॥
ஶ்ரீவிஶ்வநாத வ்ரு'ஷப-த்வஜ விஶ்வவந்த்ய
ஸ்ரு'ஷ்டி-ஸ்திதி-ப்ரலய-காரக தேவதேவ ।
வாசாமகோசர மஹர்ஷி-நுதாங்க்ரி-பத்ம
வாராணஸீபுரபதே குரு ஸுப்ரபாதம் ॥ 15 ॥
ஶ்ரீவிஶ்வநாத பவபஞ்ஜந திவ்யபாவ
கங்காதர ப்ரமத-வந்தித ஸுந்தராங்க ।
நாகேந்த்ர-ஹார நத-பக்த-பயாபஹார
வாராணஸீபுரபதே குரு ஸுப்ரபாதம் ॥ 16 ॥
ஶ்ரீவிஶ்வநாத தவ பாதயுகம் நமாமி
நித்யம் தவைவ ஶிவ நாம ஹ்ரு'தா ஸ்மராமி ।
வாசம் தவைவ யஶஸாऽநக பூஷயாமி
வாராணஸீபுரபதே குரு ஸுப்ரபாதம் ॥ 17 ॥
காஶீ-நிவாஸ-முநி-ஸேவித-பாத-பத்ம
கங்கா-ஜலௌக-பரிஷிக்த-ஜடாகலாப ।
அஸ்யாகிலஸ்ய ஜகதஃ ஸசராசரஸ்ய
வாராணஸீபுரபதே குரு ஸுப்ரபாதம் ॥ 18 ॥
கங்காதராத்ரிதநயா-ப்ரிய ஶாந்தமூர்தே
வேதாந்த-வேத்ய ஸகலேஶ்வர விஶ்வமூர்தே ।
கூடஸ்த நித்ய நிகிலாகம-கீத-கீர்தே
வாராணஸீபுரபதே குரு ஸுப்ரபாதம் ॥ 19 ॥
விஶ்வம் ஸமஸ்தமிதமத்ய கநாந்தகாரே
மோஹாத்மகே நிபதிதம் ஜடதாமுபேதம் ।
பாஸா விபாஸ்ய பரயா ததமோக-ஶக்தே
வாராணஸீபுரபதே குரு ஸுப்ரபாதம் ॥ 20 ॥
ஸூநுஃ ஸமஸ்த-ஜந-விக்ந-விநாஶ-தக்ஷோ
பார்யாऽந்நதாந-நிரதா-ऽவிரதம் ஜநேப்யஃ ।
க்யாதஃ ஸ்வயம் ச ஶிவக்ரு'த் ஸகலார்தி-பாஜாம்
வாராணஸீபுரபதே குரு ஸுப்ரபாதம் ॥ 21 ॥
யே நோ நமந்தி ந ஜபந்தி ந சாமநந்தி
நோ வா லபந்தி விலபந்தி நிவேதயந்தி ।
தேஷாமபோத-ஶிஶு-துல்ய-தியாம் நராணாம்
வாராணஸீபுரபதே குரு ஸுப்ரபாதம் ॥ 22 ॥
ஶ்ரீகண்ட கண்ட-த்ரு'த-பந்நக நீலகண்ட
ஸோத்கண்ட-பக்த-நிவஹோபஹிதோப-கண்ட ।
பஸ்மாங்கராக-பரிஶோபித-ஸர்வதேஹ
வாராணஸீபுரபதே குரு ஸுப்ரபாதம் ॥ 23 ॥
ஶ்ரீபார்வதீ-ஹ்ரு'தய-வல்லப பஞ்ச-வக்த்ர
ஶ்ரீநீல-கண்ட ந்ரு'-கபால-கலாப-மால ।
ஶ்ரீவிஶ்வநாத ம்ரு'து-பங்கஜ-மஞ்ஜு-பாத
வாராணஸீபுரபதே குரு ஸுப்ரபாதம் ॥ 24 ॥
துக்த-ப்ரவாஹ-கமநீய-தரங்க-பங்கே
புண்ய-ப்ரவாஹ-பரிபாவித-பக்த-ஸங்கே ।
நித்யம் தபஸ்வி-ஜந-ஸேவித-பாத-பத்மே
கங்கே ஶரண்ய-ஶிவதே குரு ஸுப்ரபாதம் ॥ 25 ॥
ஸாநந்தமாநந்த-வநே வஸந்தம் ஆநந்த-கந்தம் ஹத-பாப-வ்ரு'ந்தம் ।
வாராணஸீ-நாதமநாத-நாதம் ஶ்ரீவிஶ்வநாதம் ஶரணம் ப்ரபத்யே ॥ 26 ॥
இதி ஶ்ரீகாஶீவிஶ்வநாதஸுப்ரபாதம் ஸம்பூர்ணம் ।
Roman (IAST) Transliteration
viśveśaṃ mādhavaṃ ḍhuṇḍhiṃ daṇḍapāṇiṃ ca bhairavam |
vande kāśīṃ guhāṃ gaṅgāṃ bhavānīṃ maṇikarṇikām || 1 ||
uttiṣṭha kāśi bhagavān prabhuviśvanātho
gaṅgormi-saṅgati-śubhaiḥ paribhūṣito'bjaiḥ |
śrīḍhuṇḍhi-bhairava-mukhaiḥ sahitā''nnapūrṇā
mātā ca vāñchati mudā tava suprabhātam || 2 ||
brahmā murāristripurāntakāriḥ
bhānuḥ śaśī bhūmisuto budhaśca |
guruśca śukraḥ śani-rāhu-ketavaḥ
kurvantu sarve bhuvi suprabhātam || 3 ||
vārāṇasī-sthita-gajānana-ḍhuṇḍhirāja
tāpatrayāpaharaṇe prathita-prabhāva |
ānanda-kandalakula-prasavaikabhūme
nityaṃ samasta-jagataḥ kuru suprabhātam || 4 ||
brahmadravopamita-gāṅga-payaḥ-pravāhaiḥ
puṇyaiḥ sadaiva paricumbita-pādapadme |
madhye-'khilāmaragaṇaiḥ parisevyamāne
śrīkāśike kuru sadā bhuvi suprabhātam || 5 ||
pratnairasaṅkhya-maṭha-mandira-tīrtha-kuṇḍa-
prāsāda-ghaṭṭa-nivahaiḥ viduṣāṃ varaiśca
āvarjayasyakhila-viśva-manāṃsi nityaṃ
śrīkāśike kuru sadā bhuvi suprabhātam || 6 ||
ke vā narā nu sudhiyaḥ kudhiyo'dhiyo vā
vāñchanti nāntasamaye śaraṇaṃ bhavatyāḥ |
he koṭi-koṭi-jana-mukti-vidhāna-dakṣe
śrīkāśike kuru sadā bhuvi suprabhātam || 7 ||
yā devairasurairmunīndratanayairgandharva-yakṣoragaiḥ
nāgairbhūtalavāsibhirdvijavaraissaṃsevitā siddhaye |
yā gaṅgottaravāhinī-parisare tīrthairasaṅkhyairvṛtā
sā kāśī tripurārirāja-nagarī deyāt sadā maṅgalam || 8 ||
tīrthānāṃ pravarā manorathakarī saṃsāra-pārāparā
nandā-nandi-gaṇeśvarairupahitā devairaśeṣaiḥ-stutā |
yā śambhormaṇi-kuṇḍalaika-kaṇikā viṣṇostapo-dīrghikā
seyaṃ śrīmaṇikarṇikā bhagavatī deyāt sadā maṅgalam || 9 ||
abhinava-bisa-vallī pāda-padmasya viṣṇoḥ
madana-mathana-maulermālatī puṣpamālā |
jayati jaya-patākā kāpyasau mokṣalakṣmyāḥ
kṣapita-kali-kalaṅkā jāhnavī naḥ punātu || 10 ||
gāṅgaṃ vāri manohāri murāri-caraṇacyutam |
tripurāri-śiraścāri pāpahāri punātu mām || 11 ||
vighnāvāsa-nivāsakāraṇa-mahāgaṇḍasthalālambitaḥ
sindūrāruṇa-puñja-candrakiraṇa-pracchādi-nāgacchaviḥ |
śrīvighneśvara-vallabho girijayā sānandamānanditaḥ (pāṭhabheda viśveśvara)
smerāsyastava ḍhuṇḍhirāja-mudito deyāt sadā maṅgalam || 12 ||
kaṇṭhe yasya lasatkarāla-garalaṃ gaṅgājalaṃ mastake
vāmāṅge girirājarāja-tanayā jāyā bhavānī satī |
nandi-skanda-gaṇādhirāja-sahitaḥ śrīviśvanāthaprabhuḥ
kāśī-mandira-saṃsthito'khilaguruḥ deyāt sadā maṅgalam || 13 ||
śrīviśvanātha karuṇāmṛta-pūrṇa-sindho
śītāṃśu-khaṇḍa-samalaṅkṛta-bhavyacūḍa |
uttiṣṭha viśvajana-maṅgala-sādhanāya
nityaṃ sarvajagataḥ kuru suprabhātam || 14 ||
śrīviśvanātha vṛṣabha-dhvaja viśvavandya
sṛṣṭi-sthiti-pralaya-kāraka devadeva |
vācāmagocara maharṣi-nutāṅghri-padma
vārāṇasīpurapate kuru suprabhātam || 15 ||
śrīviśvanātha bhavabhañjana divyabhāva
gaṅgādhara pramatha-vandita sundarāṅga |
nāgendra-hāra nata-bhakta-bhayāpahāra
vārāṇasīpurapate kuru suprabhātam || 16 ||
śrīviśvanātha tava pādayugaṃ namāmi
nityaṃ tavaiva śiva nāma hṛdā smarāmi |
vācaṃ tavaiva yaśasā'nagha bhūṣayāmi
vārāṇasīpurapate kuru suprabhātam || 17 ||
kāśī-nivāsa-muni-sevita-pāda-padma
gaṅgā-jalaugha-pariṣikta-jaṭākalāpa |
asyākhilasya jagataḥ sacarācarasya
vārāṇasīpurapate kuru suprabhātam || 18 ||
gaṅgādharādritanayā-priya śāntamūrte
vedānta-vedya sakaleśvara viśvamūrte |
kūṭastha nitya nikhilāgama-gīta-kīrte
vārāṇasīpurapate kuru suprabhātam || 19 ||
viśvaṃ samastamidamadya ghanāndhakāre
mohātmake nipatitaṃ jaḍatāmupetam |
bhāsā vibhāsya parayā tadamogha-śakte
vārāṇasīpurapate kuru suprabhātam || 20 ||
sūnuḥ samasta-jana-vighna-vināśa-dakṣo
bhāryā'nnadāna-niratā-'virataṃ janebhyaḥ |
khyātaḥ svayaṃ ca śivakṛt sakalārthi-bhājāṃ
vārāṇasīpurapate kuru suprabhātam || 21 ||
ye no namanti na japanti na cāmananti
no vā lapanti vilapanti nivedayanti |
teṣāmabodha-śiśu-tulya-dhiyāṃ narāṇāṃ
vārāṇasīpurapate kuru suprabhātam || 22 ||
śrīkaṇṭha kaṇṭha-dhṛta-pannaga nīlakaṇṭha
sotkaṇṭha-bhakta-nivahopahitopa-kaṇṭha |
bhasmāṅgarāga-pariśobhita-sarvadeha
vārāṇasīpurapate kuru suprabhātam || 23 ||
śrīpārvatī-hṛdaya-vallabha pañca-vaktra
śrīnīla-kaṇṭha nṛ-kapāla-kalāpa-māla |
śrīviśvanātha mṛdu-paṅkaja-mañju-pāda
vārāṇasīpurapate kuru suprabhātam || 24 ||
dugdha-pravāha-kamanīya-taraṅga-bhaṅge
puṇya-pravāha-paripāvita-bhakta-saṅge |
nityaṃ tapasvi-jana-sevita-pāda-padme
gaṅge śaraṇya-śivade kuru suprabhātam || 25 ||
sānandamānanda-vane vasantaṃ ānanda-kandaṃ hata-pāpa-vṛndam |
vārāṇasī-nāthamanātha-nāthaṃ śrīviśvanāthaṃ śaraṇaṃ prapadye || 26 ||
iti śrīkāśīviśvanāthasuprabhātaṃ sampūrṇam |
Sanskrit — Devanagari (original)
विश्वेशं माधवं ढुण्ढिं दण्डपाणिं च भैरवम् ।
वन्दे काशीं गुहां गङ्गां भवानीं मणिकर्णिकाम् ॥ 1 ॥
उत्तिष्ठ काशि भगवान् प्रभुविश्वनाथो
गङ्गोर्मि-सङ्गति-शुभैः परिभूषितोऽब्जैः ।
श्रीढुण्ढि-भैरव-मुखैः सहिताऽऽन्नपूर्णा
माता च वाञ्छति मुदा तव सुप्रभातम् ॥ 2 ॥
ब्रह्मा मुरारिस्त्रिपुरान्तकारिः
भानुः शशी भूमिसुतो बुधश्च ।
गुरुश्च शुक्रः शनि-राहु-केतवः
कुर्वन्तु सर्वे भुवि सुप्रभातम् ॥ 3 ॥
वाराणसी-स्थित-गजानन-ढुण्ढिराज
तापत्रयापहरणे प्रथित-प्रभाव ।
आनन्द-कन्दलकुल-प्रसवैकभूमे
नित्यं समस्त-जगतः कुरु सुप्रभातम् ॥ 4 ॥
ब्रह्मद्रवोपमित-गाङ्ग-पयः-प्रवाहैः
पुण्यैः सदैव परिचुम्बित-पादपद्मे ।
मध्ये-ऽखिलामरगणैः परिसेव्यमाने
श्रीकाशिके कुरु सदा भुवि सुप्रभातम् ॥ 5 ॥
प्रत्नैरसङ्ख्य-मठ-मन्दिर-तीर्थ-कुण्ड-
प्रासाद-घट्ट-निवहैः विदुषां वरैश्च
आवर्जयस्यखिल-विश्व-मनांसि नित्यं
श्रीकाशिके कुरु सदा भुवि सुप्रभातम् ॥ 6 ॥
के वा नरा नु सुधियः कुधियोऽधियो वा
वाञ्छन्ति नान्तसमये शरणं भवत्याः ।
हे कोटि-कोटि-जन-मुक्ति-विधान-दक्षे
श्रीकाशिके कुरु सदा भुवि सुप्रभातम् ॥ 7 ॥
या देवैरसुरैर्मुनीन्द्रतनयैर्गन्धर्व-यक्षोरगैः
नागैर्भूतलवासिभिर्द्विजवरैस्संसेविता सिद्धये ।
या गङ्गोत्तरवाहिनी-परिसरे तीर्थैरसङ्ख्यैर्वृता
सा काशी त्रिपुरारिराज-नगरी देयात् सदा मङ्गलम् ॥ 8 ॥
तीर्थानां प्रवरा मनोरथकरी संसार-पारापरा
नन्दा-नन्दि-गणेश्वरैरुपहिता देवैरशेषैः-स्तुता ।
या शम्भोर्मणि-कुण्डलैक-कणिका विष्णोस्तपो-दीर्घिका
सेयं श्रीमणिकर्णिका भगवती देयात् सदा मङ्गलम् ॥ 9 ॥
अभिनव-बिस-वल्ली पाद-पद्मस्य विष्णोः
मदन-मथन-मौलेर्मालती पुष्पमाला ।
जयति जय-पताका काप्यसौ मोक्षलक्ष्म्याः
क्षपित-कलि-कलङ्का जाह्नवी नः पुनातु ॥ 10 ॥
गाङ्गं वारि मनोहारि मुरारि-चरणच्युतम् ।
त्रिपुरारि-शिरश्चारि पापहारि पुनातु माम् ॥ 11 ॥
विघ्नावास-निवासकारण-महागण्डस्थलालम्बितः
सिन्दूरारुण-पुञ्ज-चन्द्रकिरण-प्रच्छादि-नागच्छविः ।
श्रीविघ्नेश्वर-वल्लभो गिरिजया सानन्दमानन्दितः (पाठभेद विश्वेश्वर)
स्मेरास्यस्तव ढुण्ढिराज-मुदितो देयात् सदा मङ्गलम् ॥ 12 ॥
कण्ठे यस्य लसत्कराल-गरलं गङ्गाजलं मस्तके
वामाङ्गे गिरिराजराज-तनया जाया भवानी सती ।
नन्दि-स्कन्द-गणाधिराज-सहितः श्रीविश्वनाथप्रभुः
काशी-मन्दिर-संस्थितोऽखिलगुरुः देयात् सदा मङ्गलम् ॥ 13 ॥
श्रीविश्वनाथ करुणामृत-पूर्ण-सिन्धो
शीतांशु-खण्ड-समलङ्कृत-भव्यचूड ।
उत्तिष्ठ विश्वजन-मङ्गल-साधनाय
नित्यं सर्वजगतः कुरु सुप्रभातम् ॥ 14 ॥
श्रीविश्वनाथ वृषभ-ध्वज विश्ववन्द्य
सृष्टि-स्थिति-प्रलय-कारक देवदेव ।
वाचामगोचर महर्षि-नुताङ्घ्रि-पद्म
वाराणसीपुरपते कुरु सुप्रभातम् ॥ 15 ॥
श्रीविश्वनाथ भवभञ्जन दिव्यभाव
गङ्गाधर प्रमथ-वन्दित सुन्दराङ्ग ।
नागेन्द्र-हार नत-भक्त-भयापहार
वाराणसीपुरपते कुरु सुप्रभातम् ॥ 16 ॥
श्रीविश्वनाथ तव पादयुगं नमामि
नित्यं तवैव शिव नाम हृदा स्मरामि ।
वाचं तवैव यशसाऽनघ भूषयामि
वाराणसीपुरपते कुरु सुप्रभातम् ॥ 17 ॥
काशी-निवास-मुनि-सेवित-पाद-पद्म
गङ्गा-जलौघ-परिषिक्त-जटाकलाप ।
अस्याखिलस्य जगतः सचराचरस्य
वाराणसीपुरपते कुरु सुप्रभातम् ॥ 18 ॥
गङ्गाधराद्रितनया-प्रिय शान्तमूर्ते
वेदान्त-वेद्य सकलेश्वर विश्वमूर्ते ।
कूटस्थ नित्य निखिलागम-गीत-कीर्ते
वाराणसीपुरपते कुरु सुप्रभातम् ॥ 19 ॥
विश्वं समस्तमिदमद्य घनान्धकारे
मोहात्मके निपतितं जडतामुपेतम् ।
भासा विभास्य परया तदमोघ-शक्ते
वाराणसीपुरपते कुरु सुप्रभातम् ॥ 20 ॥
सूनुः समस्त-जन-विघ्न-विनाश-दक्षो
भार्याऽन्नदान-निरता-ऽविरतं जनेभ्यः ।
ख्यातः स्वयं च शिवकृत् सकलार्थि-भाजां
वाराणसीपुरपते कुरु सुप्रभातम् ॥ 21 ॥
ये नो नमन्ति न जपन्ति न चामनन्ति
नो वा लपन्ति विलपन्ति निवेदयन्ति ।
तेषामबोध-शिशु-तुल्य-धियां नराणां
वाराणसीपुरपते कुरु सुप्रभातम् ॥ 22 ॥
श्रीकण्ठ कण्ठ-धृत-पन्नग नीलकण्ठ
सोत्कण्ठ-भक्त-निवहोपहितोप-कण्ठ ।
भस्माङ्गराग-परिशोभित-सर्वदेह
वाराणसीपुरपते कुरु सुप्रभातम् ॥ 23 ॥
श्रीपार्वती-हृदय-वल्लभ पञ्च-वक्त्र
श्रीनील-कण्ठ नृ-कपाल-कलाप-माल ।
श्रीविश्वनाथ मृदु-पङ्कज-मञ्जु-पाद
वाराणसीपुरपते कुरु सुप्रभातम् ॥ 24 ॥
दुग्ध-प्रवाह-कमनीय-तरङ्ग-भङ्गे
पुण्य-प्रवाह-परिपावित-भक्त-सङ्गे ।
नित्यं तपस्वि-जन-सेवित-पाद-पद्मे
गङ्गे शरण्य-शिवदे कुरु सुप्रभातम् ॥ 25 ॥
सानन्दमानन्द-वने वसन्तं आनन्द-कन्दं हत-पाप-वृन्दम् ।
वाराणसी-नाथमनाथ-नाथं श्रीविश्वनाथं शरणं प्रपद्ये ॥ 26 ॥
इति श्रीकाशीविश्वनाथसुप्रभातं सम्पूर्णम् ।
viśveśaṃ mādhavaṃ ḍhuṇḍhiṃ daṇḍapāṇiṃ ca bhairavam |
vande kāśīṃ guhāṃ gaṅgāṃ bhavānīṃ maṇikarṇikām || 1 ||
uttiṣṭha kāśi bhagavān prabhuviśvanātho
gaṅgormi-saṅgati-śubhaiḥ paribhūṣito'bjaiḥ |
śrīḍhuṇḍhi-bhairava-mukhaiḥ sahitā''nnapūrṇā
mātā ca vāñchati mudā tava suprabhātam || 2 ||
brahmā murāristripurāntakāriḥ
bhānuḥ śaśī bhūmisuto budhaśca |
guruśca śukraḥ śani-rāhu-ketavaḥ
kurvantu sarve bhuvi suprabhātam || 3 ||
vārāṇasī-sthita-gajānana-ḍhuṇḍhirāja
tāpatrayāpaharaṇe prathita-prabhāva |
ānanda-kandalakula-prasavaikabhūme
nityaṃ samasta-jagataḥ kuru suprabhātam || 4 ||
brahmadravopamita-gāṅga-payaḥ-pravāhaiḥ
puṇyaiḥ sadaiva paricumbita-pādapadme |
madhye-'khilāmaragaṇaiḥ parisevyamāne
śrīkāśike kuru sadā bhuvi suprabhātam || 5 ||
pratnairasaṅkhya-maṭha-mandira-tīrtha-kuṇḍa-
prāsāda-ghaṭṭa-nivahaiḥ viduṣāṃ varaiśca
āvarjayasyakhila-viśva-manāṃsi nityaṃ
śrīkāśike kuru sadā bhuvi suprabhātam || 6 ||
ke vā narā nu sudhiyaḥ kudhiyo'dhiyo vā
vāñchanti nāntasamaye śaraṇaṃ bhavatyāḥ |
he koṭi-koṭi-jana-mukti-vidhāna-dakṣe
śrīkāśike kuru sadā bhuvi suprabhātam || 7 ||
yā devairasurairmunīndratanayairgandharva-yakṣoragaiḥ
nāgairbhūtalavāsibhirdvijavaraissaṃsevitā siddhaye |
yā gaṅgottaravāhinī-parisare tīrthairasaṅkhyairvṛtā
sā kāśī tripurārirāja-nagarī deyāt sadā maṅgalam || 8 ||
tīrthānāṃ pravarā manorathakarī saṃsāra-pārāparā
nandā-nandi-gaṇeśvarairupahitā devairaśeṣaiḥ-stutā |
yā śambhormaṇi-kuṇḍalaika-kaṇikā viṣṇostapo-dīrghikā
seyaṃ śrīmaṇikarṇikā bhagavatī deyāt sadā maṅgalam || 9 ||
abhinava-bisa-vallī pāda-padmasya viṣṇoḥ
madana-mathana-maulermālatī puṣpamālā |
jayati jaya-patākā kāpyasau mokṣalakṣmyāḥ
kṣapita-kali-kalaṅkā jāhnavī naḥ punātu || 10 ||
gāṅgaṃ vāri manohāri murāri-caraṇacyutam |
tripurāri-śiraścāri pāpahāri punātu mām || 11 ||
vighnāvāsa-nivāsakāraṇa-mahāgaṇḍasthalālambitaḥ
sindūrāruṇa-puñja-candrakiraṇa-pracchādi-nāgacchaviḥ |
śrīvighneśvara-vallabho girijayā sānandamānanditaḥ (pāṭhabheda viśveśvara)
smerāsyastava ḍhuṇḍhirāja-mudito deyāt sadā maṅgalam || 12 ||
kaṇṭhe yasya lasatkarāla-garalaṃ gaṅgājalaṃ mastake
vāmāṅge girirājarāja-tanayā jāyā bhavānī satī |
nandi-skanda-gaṇādhirāja-sahitaḥ śrīviśvanāthaprabhuḥ
kāśī-mandira-saṃsthito'khilaguruḥ deyāt sadā maṅgalam || 13 ||
śrīviśvanātha karuṇāmṛta-pūrṇa-sindho
śītāṃśu-khaṇḍa-samalaṅkṛta-bhavyacūḍa |
uttiṣṭha viśvajana-maṅgala-sādhanāya
nityaṃ sarvajagataḥ kuru suprabhātam || 14 ||
śrīviśvanātha vṛṣabha-dhvaja viśvavandya
sṛṣṭi-sthiti-pralaya-kāraka devadeva |
vācāmagocara maharṣi-nutāṅghri-padma
vārāṇasīpurapate kuru suprabhātam || 15 ||
śrīviśvanātha bhavabhañjana divyabhāva
gaṅgādhara pramatha-vandita sundarāṅga |
nāgendra-hāra nata-bhakta-bhayāpahāra
vārāṇasīpurapate kuru suprabhātam || 16 ||
śrīviśvanātha tava pādayugaṃ namāmi
nityaṃ tavaiva śiva nāma hṛdā smarāmi |
vācaṃ tavaiva yaśasā'nagha bhūṣayāmi
vārāṇasīpurapate kuru suprabhātam || 17 ||
kāśī-nivāsa-muni-sevita-pāda-padma
gaṅgā-jalaugha-pariṣikta-jaṭākalāpa |
asyākhilasya jagataḥ sacarācarasya
vārāṇasīpurapate kuru suprabhātam || 18 ||
gaṅgādharādritanayā-priya śāntamūrte
vedānta-vedya sakaleśvara viśvamūrte |
kūṭastha nitya nikhilāgama-gīta-kīrte
vārāṇasīpurapate kuru suprabhātam || 19 ||
viśvaṃ samastamidamadya ghanāndhakāre
mohātmake nipatitaṃ jaḍatāmupetam |
bhāsā vibhāsya parayā tadamogha-śakte
vārāṇasīpurapate kuru suprabhātam || 20 ||
sūnuḥ samasta-jana-vighna-vināśa-dakṣo
bhāryā'nnadāna-niratā-'virataṃ janebhyaḥ |
khyātaḥ svayaṃ ca śivakṛt sakalārthi-bhājāṃ
vārāṇasīpurapate kuru suprabhātam || 21 ||
ye no namanti na japanti na cāmananti
no vā lapanti vilapanti nivedayanti |
teṣāmabodha-śiśu-tulya-dhiyāṃ narāṇāṃ
vārāṇasīpurapate kuru suprabhātam || 22 ||
śrīkaṇṭha kaṇṭha-dhṛta-pannaga nīlakaṇṭha
sotkaṇṭha-bhakta-nivahopahitopa-kaṇṭha |
bhasmāṅgarāga-pariśobhita-sarvadeha
vārāṇasīpurapate kuru suprabhātam || 23 ||
śrīpārvatī-hṛdaya-vallabha pañca-vaktra
śrīnīla-kaṇṭha nṛ-kapāla-kalāpa-māla |
śrīviśvanātha mṛdu-paṅkaja-mañju-pāda
vārāṇasīpurapate kuru suprabhātam || 24 ||
dugdha-pravāha-kamanīya-taraṅga-bhaṅge
puṇya-pravāha-paripāvita-bhakta-saṅge |
nityaṃ tapasvi-jana-sevita-pāda-padme
gaṅge śaraṇya-śivade kuru suprabhātam || 25 ||
sānandamānanda-vane vasantaṃ ānanda-kandaṃ hata-pāpa-vṛndam |
vārāṇasī-nāthamanātha-nāthaṃ śrīviśvanāthaṃ śaraṇaṃ prapadye || 26 ||
iti śrīkāśīviśvanāthasuprabhātaṃ sampūrṇam |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.