த்யாநம்
கலத்ரக்தமுண்டாவலீகண்டமாலா
மஹாகோரராவா ஸுதம்ஷ்ட்ரா கராலா ।
விவஸ்த்ரா ஶ்மஶாநாலயா முக்தகேஶீ
மஹாகாலகாமாகுலா காலிகேயம் ॥ 1 ॥
புஜே வாமயுக்மே ஶிரோऽஸிம் ததாநா
வரம் தக்ஷயுக்மேऽபயம் வை ததைவ ।
ஸுமத்யாऽபி துங்கஸ்தநா பாரநம்ரா
லஸத்ரக்தஸ்ரு'க்கத்வயா ஸுஸ்மிதாஸ்யா ॥ 2 ॥
ஶவத்வந்த்வகர்ணாவதம்ஸா ஸுகேஶீ
லஸத்ப்ரேதபாணிம் ப்ரயுக்தைககாஞ்சீ ।
ஶவாகாரமஞ்சாதிரூடா ஶிவாபிஃ
சதுர்திக்ஷுஶப்தாயமாநாऽபிரேஜே ॥ 3 ॥
ஸ்துதிஃ
விரஞ்ச்யாதிதேவாஸ்த்ரயஸ்தே குணாஸ்த்ரீந்
ஸமாராத்ய காலீம் ப்ரதாநா பபூவுஃ ।
அநாதிம் ஸுராதிம் மகாதிம் பவாதிம்
ஸ்வரூபம் த்வதீயம் ந விந்தந்தி தேவாஃ ॥ 1 ॥
ஜகந்மோஹிநீயம் து வாக்வாதிநீயம்
ஸுஹ்ரு'த்போஷிணீ ஶத்ருஸம்ஹாரணீயம் ।
வசஸ்தம்பநீயம் கிமுச்சாடநீயம்
ஸ்வரூபம் த்வதீயம் ந விந்தந்தி தேவாஃ ॥ 2 ॥
இயம் ஸ்வர்கதாத்ரீ புநஃ கல்பவல்லீ
மநோஜாஸ்து காமாந் யதார்தம் ப்ரகுர்யாத் ।
ததா தே க்ரு'தார்தா பவந்தீதி நித்யம்
ஸ்வரூபம் த்வதீயம் ந விந்தந்தி தேவாஃ ॥ 3 ॥
ஸுராபாநமத்தா ஸுபக்தாநுரக்தா
லஸத்பூதசித்தே ஸதாவிர்பவத்தே ।
ஜபத்யாநபூஜாஸுதாதௌதபங்கா
ஸ்வரூபம் த்வதீயம் ந விந்தந்தி தேவாஃ ॥ 4 ॥
சிதாநந்தகந்தம் ஹஸந்மந்தமந்தம்
ஶரச்சந்த்ரகோடிப்ரபாபுஞ்ஜபிம்பம் ।
முநீநாம் கவீநாம் ஹ்ரு'தி த்யோதயந்தம்
ஸ்வரூபம் த்வதீயம் ந விந்தந்தி தேவாஃ ॥ 5 ॥
மஹாமேககாலீ ஸுரக்தாபி ஶுப்ரா
கதாசித்விசித்ராக்ரு'திர்யோகமாயா ।
ந பாலா ந வ்ரு'த்தா ந காமாதுராபி
ஸ்வரூபம் த்வதீயம் ந விந்தந்தி தேவாஃ ॥ 6 ॥
க்ஷமஸ்வாபராதம் மஹாகுப்தபாவம்
மயா லோகமத்யே ப்ரகாஶீக்ரு'தம் யத் ।
தவ த்யாநபூதேந சாபல்யபாவாத்
ஸ்வரூபம் த்வதீயம் ந விந்தந்தி தேவாஃ ॥ 7 ॥
யதி த்யாநயுக்தம் படேத்யோ மநுஷ்யஃ
ததா ஸர்வலோகே விஶாலோ பவேச்ச ।
க்ரு'ஹே சாஷ்டஸித்திர்ம்ரு'தே சாபி முக்திஃ
ஸ்வரூபம் த்வதீயம் ந விந்தந்தி தேவாஃ ॥ 8 ॥
இதி ஶ்ரீமச்சங்கராசார்யவிரசிதம் ஶ்ரீகாலிகாஷ்டகம் ।
Roman (IAST) Transliteration
dhyānam
galadraktamuṇḍāvalīkaṇṭhamālā
mahāghorarāvā sudaṃṣṭrā karālā |
vivastrā śmaśānālayā muktakeśī
mahākālakāmākulā kālikeyam || 1 ||
bhuje vāmayugme śiro'siṃ dadhānā
varaṃ dakṣayugme'bhayaṃ vai tathaiva |
sumadhyā'pi tuṅgastanā bhāranamrā
lasadraktasṛkkadvayā susmitāsyā || 2 ||
śavadvandvakarṇāvataṃsā sukeśī
lasatpretapāṇiṃ prayuktaikakāñcī |
śavākāramañcādhirūḍhā śivābhiḥ
caturdikṣuśabdāyamānā'bhireje || 3 ||
stutiḥ
virañcyādidevāstrayaste guṇāstrīn
samārādhya kālīṃ pradhānā babhūvuḥ |
anādiṃ surādiṃ makhādiṃ bhavādiṃ
svarūpaṃ tvadīyaṃ na vindanti devāḥ || 1 ||
jaganmohinīyaṃ tu vāgvādinīyaṃ
suhṛtpoṣiṇī śatrusaṃhāraṇīyam |
vacastambhanīyaṃ kimuccāṭanīyaṃ
svarūpaṃ tvadīyaṃ na vindanti devāḥ || 2 ||
iyaṃ svargadātrī punaḥ kalpavallī
manojāstu kāmān yathārthaṃ prakuryāt |
tathā te kṛtārthā bhavantīti nityaṃ
svarūpaṃ tvadīyaṃ na vindanti devāḥ || 3 ||
surāpānamattā subhaktānuraktā
lasatpūtacitte sadāvirbhavatte |
japadhyānapūjāsudhādhautapaṅkā
svarūpaṃ tvadīyaṃ na vindanti devāḥ || 4 ||
cidānandakandaṃ hasanmandamandaṃ
śaraccandrakoṭiprabhāpuñjabimbam |
munīnāṃ kavīnāṃ hṛdi dyotayantaṃ
svarūpaṃ tvadīyaṃ na vindanti devāḥ || 5 ||
mahāmeghakālī suraktāpi śubhrā
kadācidvicitrākṛtiryogamāyā |
na bālā na vṛddhā na kāmāturāpi
svarūpaṃ tvadīyaṃ na vindanti devāḥ || 6 ||
kṣamasvāparādhaṃ mahāguptabhāvaṃ
mayā lokamadhye prakāśīkṛtaṃ yat |
tava dhyānapūtena cāpalyabhāvāt
svarūpaṃ tvadīyaṃ na vindanti devāḥ || 7 ||
yadi dhyānayuktaṃ paṭhedyo manuṣyaḥ
tadā sarvaloke viśālo bhavecca |
gṛhe cāṣṭasiddhirmṛte cāpi muktiḥ
svarūpaṃ tvadīyaṃ na vindanti devāḥ || 8 ||
iti śrīmacchaṅkarācāryaviracitaṃ śrīkālikāṣṭakam |
Sanskrit — Devanagari (original)
ध्यानम्
गलद्रक्तमुण्डावलीकण्ठमाला
महाघोररावा सुदंष्ट्रा कराला ।
विवस्त्रा श्मशानालया मुक्तकेशी
महाकालकामाकुला कालिकेयम् ॥ 1 ॥
भुजे वामयुग्मे शिरोऽसिं दधाना
वरं दक्षयुग्मेऽभयं वै तथैव ।
सुमध्याऽपि तुङ्गस्तना भारनम्रा
लसद्रक्तसृक्कद्वया सुस्मितास्या ॥ 2 ॥
शवद्वन्द्वकर्णावतंसा सुकेशी
लसत्प्रेतपाणिं प्रयुक्तैककाञ्ची ।
शवाकारमञ्चाधिरूढा शिवाभिः
चतुर्दिक्षुशब्दायमानाऽभिरेजे ॥ 3 ॥
स्तुतिः
विरञ्च्यादिदेवास्त्रयस्ते गुणास्त्रीन्
समाराध्य कालीं प्रधाना बभूवुः ।
अनादिं सुरादिं मखादिं भवादिं
स्वरूपं त्वदीयं न विन्दन्ति देवाः ॥ 1 ॥
जगन्मोहिनीयं तु वाग्वादिनीयं
सुहृत्पोषिणी शत्रुसंहारणीयम् ।
वचस्तम्भनीयं किमुच्चाटनीयं
स्वरूपं त्वदीयं न विन्दन्ति देवाः ॥ 2 ॥
इयं स्वर्गदात्री पुनः कल्पवल्ली
मनोजास्तु कामान् यथार्थं प्रकुर्यात् ।
तथा ते कृतार्था भवन्तीति नित्यं
स्वरूपं त्वदीयं न विन्दन्ति देवाः ॥ 3 ॥
सुरापानमत्ता सुभक्तानुरक्ता
लसत्पूतचित्ते सदाविर्भवत्ते ।
जपध्यानपूजासुधाधौतपङ्का
स्वरूपं त्वदीयं न विन्दन्ति देवाः ॥ 4 ॥
चिदानन्दकन्दं हसन्मन्दमन्दं
शरच्चन्द्रकोटिप्रभापुञ्जबिम्बम् ।
मुनीनां कवीनां हृदि द्योतयन्तं
स्वरूपं त्वदीयं न विन्दन्ति देवाः ॥ 5 ॥
महामेघकाली सुरक्तापि शुभ्रा
कदाचिद्विचित्राकृतिर्योगमाया ।
न बाला न वृद्धा न कामातुरापि
स्वरूपं त्वदीयं न विन्दन्ति देवाः ॥ 6 ॥
क्षमस्वापराधं महागुप्तभावं
मया लोकमध्ये प्रकाशीकृतं यत् ।
तव ध्यानपूतेन चापल्यभावात्
स्वरूपं त्वदीयं न विन्दन्ति देवाः ॥ 7 ॥
यदि ध्यानयुक्तं पठेद्यो मनुष्यः
तदा सर्वलोके विशालो भवेच्च ।
गृहे चाष्टसिद्धिर्मृते चापि मुक्तिः
स्वरूपं त्वदीयं न विन्दन्ति देवाः ॥ 8 ॥
इति श्रीमच्छङ्कराचार्यविरचितं श्रीकालिकाष्टकम् ।
dhyānam
galadraktamuṇḍāvalīkaṇṭhamālā
mahāghorarāvā sudaṃṣṭrā karālā |
vivastrā śmaśānālayā muktakeśī
mahākālakāmākulā kālikeyam || 1 ||
bhuje vāmayugme śiro'siṃ dadhānā
varaṃ dakṣayugme'bhayaṃ vai tathaiva |
sumadhyā'pi tuṅgastanā bhāranamrā
lasadraktasṛkkadvayā susmitāsyā || 2 ||
śavadvandvakarṇāvataṃsā sukeśī
lasatpretapāṇiṃ prayuktaikakāñcī |
śavākāramañcādhirūḍhā śivābhiḥ
caturdikṣuśabdāyamānā'bhireje || 3 ||
stutiḥ
virañcyādidevāstrayaste guṇāstrīn
samārādhya kālīṃ pradhānā babhūvuḥ |
anādiṃ surādiṃ makhādiṃ bhavādiṃ
svarūpaṃ tvadīyaṃ na vindanti devāḥ || 1 ||
jaganmohinīyaṃ tu vāgvādinīyaṃ
suhṛtpoṣiṇī śatrusaṃhāraṇīyam |
vacastambhanīyaṃ kimuccāṭanīyaṃ
svarūpaṃ tvadīyaṃ na vindanti devāḥ || 2 ||
iyaṃ svargadātrī punaḥ kalpavallī
manojāstu kāmān yathārthaṃ prakuryāt |
tathā te kṛtārthā bhavantīti nityaṃ
svarūpaṃ tvadīyaṃ na vindanti devāḥ || 3 ||
surāpānamattā subhaktānuraktā
lasatpūtacitte sadāvirbhavatte |
japadhyānapūjāsudhādhautapaṅkā
svarūpaṃ tvadīyaṃ na vindanti devāḥ || 4 ||
cidānandakandaṃ hasanmandamandaṃ
śaraccandrakoṭiprabhāpuñjabimbam |
munīnāṃ kavīnāṃ hṛdi dyotayantaṃ
svarūpaṃ tvadīyaṃ na vindanti devāḥ || 5 ||
mahāmeghakālī suraktāpi śubhrā
kadācidvicitrākṛtiryogamāyā |
na bālā na vṛddhā na kāmāturāpi
svarūpaṃ tvadīyaṃ na vindanti devāḥ || 6 ||
kṣamasvāparādhaṃ mahāguptabhāvaṃ
mayā lokamadhye prakāśīkṛtaṃ yat |
tava dhyānapūtena cāpalyabhāvāt
svarūpaṃ tvadīyaṃ na vindanti devāḥ || 7 ||
yadi dhyānayuktaṃ paṭhedyo manuṣyaḥ
tadā sarvaloke viśālo bhavecca |
gṛhe cāṣṭasiddhirmṛte cāpi muktiḥ
svarūpaṃ tvadīyaṃ na vindanti devāḥ || 8 ||
iti śrīmacchaṅkarācāryaviracitaṃ śrīkālikāṣṭakam |
🕉️ This is the original Sanskrit rendered in Tamil script.
Pronunciation is identical to the Sanskrit Devanagari version.