ශ්රීමද්වාල්මීකීය රාමායණේ බාලකාණ්ඩම් .
අථ සප්තවිංශස්සර්ගඃ .
අථ තාං රජනීමුෂ්ය විශ්වාමිත්රෝ මහායශාඃ .
ප්රහස්ය රාඝවං වාක්යමුවාච මධුරාක්ෂරම් .. 1 ..
පරිතුෂ්ටෝ(අ)ස්මි භද්රං තේ රාජපුත්ර මහායශඃ .
ප්රීත්යා පරමයා යුක්තෝ දදාම්යස්ත්රාණි සර්වශඃ .. 2 ..
දේවාසුරගණාන්වාපි සගන්ධර්වෝරගානපි .
යෛරමිත්රාන් ප්රසහ්යාජෞ වශීකෘත්ය ජයිෂ්යසි .. 3 ..
තානි දිව්යානි භද්රං තේ දදාම්යස්ත්රාණි සර්වශඃ .
දණ්ඩචක්රං මහද්දිව්යං තව දාස්යාමි රාඝව .. 4 ..
ධර්මචක්රං තතෝ වීර කාලචක්රං තථෛව ච .
විෂ්ණුචක්රං තථාත්යුග්රමෛන්ද්රමස්ත්රං තථෛව ච .. 5 ..
වජ්රමස්ත්රං නරශ්රේෂ්ඨ ශෛවං ශූලවරං තථා .
අස්ත්රං බ්රහ්මශිරශ්චෛව ඓෂීකමපි රාඝව .. 6 ..
දදාමි තේ මහාබාහෝ බ්රාහ්මමස්ත්රමනුත්තමම් .
ගදේ ද්වේ චෛව කාකුත්ස්ථ මෝදකී ශිඛරී උභේ .. 7 ..
ප්රදීප්තේ නරශාර්දූල ප්රයච්ඡාමි නෘපාත්මජ .
ධර්මපාශමහං රාම කාලපාශං තථෛව ච .. 8 ..
පාශං වාරුණමස්ත්රං ච දදාම්යහමනුත්තමම් .
අශනී ද්වේ ප්රයච්ඡාමි ශුෂ්කාර්ද්රේ රඝුනන්දන .. 9 ..
දදාමි චාස්ත්රං පෛනාකමස්ත්රං නාරායණං තථා .
ආග්නේයමස්ත්රං දයිතං ශිඛරං නාම නාමතඃ .. 10 ..
වායව්යං ප්රථනං නාම දදාමි ච තවානඝ .
අස්ත්රං හයශිරෝ නාම ක්රෞඤ්චමස්ත්රං තථෛව ච .
ශක්තිද්වයං ච කාකුත්ස්ථ දදාමි තව රාඝව .. 11 ..
කඞ්කාලං මුසලං ඝෝරං කාපාලමථ කඞ්කණම් .
ධාරයන්ත්යසුරා යානි දදාම්යේතානි සර්වශඃ .. 12 ..
වෛද්යාධරං මහාස්ත්රං ච නන්දනං නාම නාමතඃ .
අසිරත්නං මහාබාහෝ දදාමි ච නෘපාත්මජ .. 13 ..
ගාන්ධර්වමස්ත්රං දයිතං මානවං නාම නාමතඃ .
ප්රස්වාපනප්රශමනේ දද්මි සෞරං ච රාඝව .. 14 ..
දර්පණං ශෝෂණං චෛව සන්තාපනවිලාපනේ .
මදනං චෛව දුර්ධර්ෂං කන්දර්පදයිතං තථා .. 15 ..
පෛශාචමස්ත්රං දයිතං මෝහනං නාම නාමතඃ .
ප්රතීච්ඡ නරශාර්දූල රාජපුත්ර මහායශඃ .. 16 ..
තාමසං නරශාර්දූල සෞමනං ච මහාබල .
සංවර්ධං චෛව දුර්ධර්ෂං මෞසලං ච නෘපාත්මජ .. 17 ..
සත්යමස්ත්රං මහාබාහෝ තථා මායාධරං පරම් .
ඝෝරං තේජඃ ප්රභං නාම පරතේජෝ(අ)පකර්ෂණම් .. 18 ..
සෞම්යාස්ත්රං ශිශිරං නාම ත්වෂ්ටුරස්ත්රං සුදාමනම් .
දාරුණං ච භගස්යාපි ශිතේෂු මථ මානවම් .. 19 ..
ඒතාන් රාම මහාබාහෝ කාමරූපාන් මහාබලාන් .
ගෘහාණ පරමෝදාරාන් ක්ෂිප්රමේව නෘපාත්මජ .. 20 ..
ස්ථිතස්තු ප්රාඞ්මුඛෝ භූත්වා ශුචිර්මුනිවරස්තදා .
දදෞ රාමාය සුප්රීතෝ මන්ත්රග්රාමමනුත්තමම් .. 21 ..
සර්වසඞ්ග්රහණං යේෂාං දෛවතෛරපි දුර්ලභම් .
තාන්යස්ත්රාණි තදා විප්රෝ රාඝවාය න්යවේදයත් .. 22 ..
ජපතස්තු මුනේස්තස්ය විශ්වාමිත්රස්ය ධීමතඃ .
උපතස්ථුර්මහාර්හාණි සර්වාණ්යස්ත්රාණි රාඝවම් .. 23 ..
ඌචුශ්ච මුදිතාස්සර්වේ රාමං ප්රාඤ්ජලයස්තදා .
ඉමේ ස්ම පරමෝදාරාඃ කිඞ්කරාස්තව රාඝව .. 24 ..
ප්රතිගෘහ්ය ච කාකුත්ස්ථඃ සමාලභ්ය ච පාණිනා .
මානසා මේ භවිෂ්යධ්වමිති තානභ්යචෝදයත් .. 25 ..
තතඃ ප්රීතමනා රාමෝ විශ්වාමිත්රං මහාමුනිම් .
අභිවාද්ය මහාතේජා ගමනායෝපචක්රමේ .. 26 ..
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාණ්ඩේ සප්තවිංශස්සර්ගඃ ..
Roman (IAST) Transliteration
śrīmadvālmīkīya rāmāyaṇe bālakāṇḍam |
atha saptaviṃśassargaḥ |
atha tāṃ rajanīmuṣya viśvāmitro mahāyaśāḥ |
prahasya rāghavaṃ vākyamuvāca madhurākṣaram || 1 ||
parituṣṭo'smi bhadraṃ te rājaputra mahāyaśaḥ |
prītyā paramayā yukto dadāmyastrāṇi sarvaśaḥ || 2 ||
devāsuragaṇānvāpi sagandharvoragānapi |
yairamitrān prasahyājau vaśīkṛtya jayiṣyasi || 3 ||
tāni divyāni bhadraṃ te dadāmyastrāṇi sarvaśaḥ |
daṇḍacakraṃ mahaddivyaṃ tava dāsyāmi rāghava || 4 ||
dharmacakraṃ tato vīra kālacakraṃ tathaiva ca |
viṣṇucakraṃ tathātyugramaindramastraṃ tathaiva ca || 5 ||
vajramastraṃ naraśreṣṭha śaivaṃ śūlavaraṃ tathā |
astraṃ brahmaśiraścaiva aiṣīkamapi rāghava || 6 ||
dadāmi te mahābāho brāhmamastramanuttamam |
gade dve caiva kākutstha modakī śikharī ubhe || 7 ||
pradīpte naraśārdūla prayacchāmi nṛpātmaja |
dharmapāśamahaṃ rāma kālapāśaṃ tathaiva ca || 8 ||
pāśaṃ vāruṇamastraṃ ca dadāmyahamanuttamam |
aśanī dve prayacchāmi śuṣkārdre raghunandana || 9 ||
dadāmi cāstraṃ painākamastraṃ nārāyaṇaṃ tathā |
āgneyamastraṃ dayitaṃ śikharaṃ nāma nāmataḥ || 10 ||
vāyavyaṃ prathanaṃ nāma dadāmi ca tavānagha |
astraṃ hayaśiro nāma krauñcamastraṃ tathaiva ca |
śaktidvayaṃ ca kākutstha dadāmi tava rāghava || 11 ||
kaṅkālaṃ musalaṃ ghoraṃ kāpālamatha kaṅkaṇam |
dhārayantyasurā yāni dadāmyetāni sarvaśaḥ || 12 ||
vaidyādharaṃ mahāstraṃ ca nandanaṃ nāma nāmataḥ |
asiratnaṃ mahābāho dadāmi ca nṛpātmaja || 13 ||
gāndharvamastraṃ dayitaṃ mānavaṃ nāma nāmataḥ |
prasvāpanapraśamane dadmi sauraṃ ca rāghava || 14 ||
darpaṇaṃ śoṣaṇaṃ caiva santāpanavilāpane |
madanaṃ caiva durdharṣaṃ kandarpadayitaṃ tathā || 15 ||
paiśācamastraṃ dayitaṃ mohanaṃ nāma nāmataḥ |
pratīccha naraśārdūla rājaputra mahāyaśaḥ || 16 ||
tāmasaṃ naraśārdūla saumanaṃ ca mahābala |
saṃvardhaṃ caiva durdharṣaṃ mausalaṃ ca nṛpātmaja || 17 ||
satyamastraṃ mahābāho tathā māyādharaṃ param |
ghoraṃ tejaḥ prabhaṃ nāma paratejo'pakarṣaṇam || 18 ||
saumyāstraṃ śiśiraṃ nāma tvaṣṭurastraṃ sudāmanam |
dāruṇaṃ ca bhagasyāpi śiteṣu matha mānavam || 19 ||
etān rāma mahābāho kāmarūpān mahābalān |
gṛhāṇa paramodārān kṣiprameva nṛpātmaja || 20 ||
sthitastu prāṅmukho bhūtvā śucirmunivarastadā |
dadau rāmāya suprīto mantragrāmamanuttamam || 21 ||
sarvasaṅgrahaṇaṃ yeṣāṃ daivatairapi durlabham |
tānyastrāṇi tadā vipro rāghavāya nyavedayat || 22 ||
japatastu munestasya viśvāmitrasya dhīmataḥ |
upatasthurmahārhāṇi sarvāṇyastrāṇi rāghavam || 23 ||
ūcuśca muditāssarve rāmaṃ prāñjalayastadā |
ime sma paramodārāḥ kiṅkarāstava rāghava || 24 ||
pratigṛhya ca kākutsthaḥ samālabhya ca pāṇinā |
mānasā me bhaviṣyadhvamiti tānabhyacodayat || 25 ||
tataḥ prītamanā rāmo viśvāmitraṃ mahāmunim |
abhivādya mahātejā gamanāyopacakrame || 26 ||
ityārṣe śrīmadrāmāyaṇe vālmīkīya ādikāvye bālakāṇḍe saptaviṃśassargaḥ ||
Sanskrit — Devanagari (original)
श्रीमद्वाल्मीकीय रामायणे बालकाण्डम् ।
अथ सप्तविंशस्सर्गः ।
अथ तां रजनीमुष्य विश्वामित्रो महायशाः ।
प्रहस्य राघवं वाक्यमुवाच मधुराक्षरम् ॥ 1 ॥
परितुष्टोऽस्मि भद्रं ते राजपुत्र महायशः ।
प्रीत्या परमया युक्तो ददाम्यस्त्राणि सर्वशः ॥ 2 ॥
देवासुरगणान्वापि सगन्धर्वोरगानपि ।
यैरमित्रान् प्रसह्याजौ वशीकृत्य जयिष्यसि ॥ 3 ॥
तानि दिव्यानि भद्रं ते ददाम्यस्त्राणि सर्वशः ।
दण्डचक्रं महद्दिव्यं तव दास्यामि राघव ॥ 4 ॥
धर्मचक्रं ततो वीर कालचक्रं तथैव च ।
विष्णुचक्रं तथात्युग्रमैन्द्रमस्त्रं तथैव च ॥ 5 ॥
वज्रमस्त्रं नरश्रेष्ठ शैवं शूलवरं तथा ।
अस्त्रं ब्रह्मशिरश्चैव ऐषीकमपि राघव ॥ 6 ॥
ददामि ते महाबाहो ब्राह्ममस्त्रमनुत्तमम् ।
गदे द्वे चैव काकुत्स्थ मोदकी शिखरी उभे ॥ 7 ॥
प्रदीप्ते नरशार्दूल प्रयच्छामि नृपात्मज ।
धर्मपाशमहं राम कालपाशं तथैव च ॥ 8 ॥
पाशं वारुणमस्त्रं च ददाम्यहमनुत्तमम् ।
अशनी द्वे प्रयच्छामि शुष्कार्द्रे रघुनन्दन ॥ 9 ॥
ददामि चास्त्रं पैनाकमस्त्रं नारायणं तथा ।
आग्नेयमस्त्रं दयितं शिखरं नाम नामतः ॥ 10 ॥
वायव्यं प्रथनं नाम ददामि च तवानघ ।
अस्त्रं हयशिरो नाम क्रौञ्चमस्त्रं तथैव च ।
शक्तिद्वयं च काकुत्स्थ ददामि तव राघव ॥ 11 ॥
कङ्कालं मुसलं घोरं कापालमथ कङ्कणम् ।
धारयन्त्यसुरा यानि ददाम्येतानि सर्वशः ॥ 12 ॥
वैद्याधरं महास्त्रं च नन्दनं नाम नामतः ।
असिरत्नं महाबाहो ददामि च नृपात्मज ॥ 13 ॥
गान्धर्वमस्त्रं दयितं मानवं नाम नामतः ।
प्रस्वापनप्रशमने दद्मि सौरं च राघव ॥ 14 ॥
दर्पणं शोषणं चैव सन्तापनविलापने ।
मदनं चैव दुर्धर्षं कन्दर्पदयितं तथा ॥ 15 ॥
पैशाचमस्त्रं दयितं मोहनं नाम नामतः ।
प्रतीच्छ नरशार्दूल राजपुत्र महायशः ॥ 16 ॥
तामसं नरशार्दूल सौमनं च महाबल ।
संवर्धं चैव दुर्धर्षं मौसलं च नृपात्मज ॥ 17 ॥
सत्यमस्त्रं महाबाहो तथा मायाधरं परम् ।
घोरं तेजः प्रभं नाम परतेजोऽपकर्षणम् ॥ 18 ॥
सौम्यास्त्रं शिशिरं नाम त्वष्टुरस्त्रं सुदामनम् ।
दारुणं च भगस्यापि शितेषु मथ मानवम् ॥ 19 ॥
एतान् राम महाबाहो कामरूपान् महाबलान् ।
गृहाण परमोदारान् क्षिप्रमेव नृपात्मज ॥ 20 ॥
स्थितस्तु प्राङ्मुखो भूत्वा शुचिर्मुनिवरस्तदा ।
ददौ रामाय सुप्रीतो मन्त्रग्राममनुत्तमम् ॥ 21 ॥
सर्वसङ्ग्रहणं येषां दैवतैरपि दुर्लभम् ।
तान्यस्त्राणि तदा विप्रो राघवाय न्यवेदयत् ॥ 22 ॥
जपतस्तु मुनेस्तस्य विश्वामित्रस्य धीमतः ।
उपतस्थुर्महार्हाणि सर्वाण्यस्त्राणि राघवम् ॥ 23 ॥
ऊचुश्च मुदितास्सर्वे रामं प्राञ्जलयस्तदा ।
इमे स्म परमोदाराः किङ्करास्तव राघव ॥ 24 ॥
प्रतिगृह्य च काकुत्स्थः समालभ्य च पाणिना ।
मानसा मे भविष्यध्वमिति तानभ्यचोदयत् ॥ 25 ॥
ततः प्रीतमना रामो विश्वामित्रं महामुनिम् ।
अभिवाद्य महातेजा गमनायोपचक्रमे ॥ 26 ॥
इत्यार्षे श्रीमद्रामायणे वाल्मीकीय आदिकाव्ये बालकाण्डे सप्तविंशस्सर्गः ॥
śrīmadvālmīkīya rāmāyaṇe bālakāṇḍam |
atha saptaviṃśassargaḥ |
atha tāṃ rajanīmuṣya viśvāmitro mahāyaśāḥ |
prahasya rāghavaṃ vākyamuvāca madhurākṣaram || 1 ||
parituṣṭo'smi bhadraṃ te rājaputra mahāyaśaḥ |
prītyā paramayā yukto dadāmyastrāṇi sarvaśaḥ || 2 ||
devāsuragaṇānvāpi sagandharvoragānapi |
yairamitrān prasahyājau vaśīkṛtya jayiṣyasi || 3 ||
tāni divyāni bhadraṃ te dadāmyastrāṇi sarvaśaḥ |
daṇḍacakraṃ mahaddivyaṃ tava dāsyāmi rāghava || 4 ||
dharmacakraṃ tato vīra kālacakraṃ tathaiva ca |
viṣṇucakraṃ tathātyugramaindramastraṃ tathaiva ca || 5 ||
vajramastraṃ naraśreṣṭha śaivaṃ śūlavaraṃ tathā |
astraṃ brahmaśiraścaiva aiṣīkamapi rāghava || 6 ||
dadāmi te mahābāho brāhmamastramanuttamam |
gade dve caiva kākutstha modakī śikharī ubhe || 7 ||
pradīpte naraśārdūla prayacchāmi nṛpātmaja |
dharmapāśamahaṃ rāma kālapāśaṃ tathaiva ca || 8 ||
pāśaṃ vāruṇamastraṃ ca dadāmyahamanuttamam |
aśanī dve prayacchāmi śuṣkārdre raghunandana || 9 ||
dadāmi cāstraṃ painākamastraṃ nārāyaṇaṃ tathā |
āgneyamastraṃ dayitaṃ śikharaṃ nāma nāmataḥ || 10 ||
vāyavyaṃ prathanaṃ nāma dadāmi ca tavānagha |
astraṃ hayaśiro nāma krauñcamastraṃ tathaiva ca |
śaktidvayaṃ ca kākutstha dadāmi tava rāghava || 11 ||
kaṅkālaṃ musalaṃ ghoraṃ kāpālamatha kaṅkaṇam |
dhārayantyasurā yāni dadāmyetāni sarvaśaḥ || 12 ||
vaidyādharaṃ mahāstraṃ ca nandanaṃ nāma nāmataḥ |
asiratnaṃ mahābāho dadāmi ca nṛpātmaja || 13 ||
gāndharvamastraṃ dayitaṃ mānavaṃ nāma nāmataḥ |
prasvāpanapraśamane dadmi sauraṃ ca rāghava || 14 ||
darpaṇaṃ śoṣaṇaṃ caiva santāpanavilāpane |
madanaṃ caiva durdharṣaṃ kandarpadayitaṃ tathā || 15 ||
paiśācamastraṃ dayitaṃ mohanaṃ nāma nāmataḥ |
pratīccha naraśārdūla rājaputra mahāyaśaḥ || 16 ||
tāmasaṃ naraśārdūla saumanaṃ ca mahābala |
saṃvardhaṃ caiva durdharṣaṃ mausalaṃ ca nṛpātmaja || 17 ||
satyamastraṃ mahābāho tathā māyādharaṃ param |
ghoraṃ tejaḥ prabhaṃ nāma paratejo'pakarṣaṇam || 18 ||
saumyāstraṃ śiśiraṃ nāma tvaṣṭurastraṃ sudāmanam |
dāruṇaṃ ca bhagasyāpi śiteṣu matha mānavam || 19 ||
etān rāma mahābāho kāmarūpān mahābalān |
gṛhāṇa paramodārān kṣiprameva nṛpātmaja || 20 ||
sthitastu prāṅmukho bhūtvā śucirmunivarastadā |
dadau rāmāya suprīto mantragrāmamanuttamam || 21 ||
sarvasaṅgrahaṇaṃ yeṣāṃ daivatairapi durlabham |
tānyastrāṇi tadā vipro rāghavāya nyavedayat || 22 ||
japatastu munestasya viśvāmitrasya dhīmataḥ |
upatasthurmahārhāṇi sarvāṇyastrāṇi rāghavam || 23 ||
ūcuśca muditāssarve rāmaṃ prāñjalayastadā |
ime sma paramodārāḥ kiṅkarāstava rāghava || 24 ||
pratigṛhya ca kākutsthaḥ samālabhya ca pāṇinā |
mānasā me bhaviṣyadhvamiti tānabhyacodayat || 25 ||
tataḥ prītamanā rāmo viśvāmitraṃ mahāmunim |
abhivādya mahātejā gamanāyopacakrame || 26 ||
ityārṣe śrīmadrāmāyaṇe vālmīkīya ādikāvye bālakāṇḍe saptaviṃśassargaḥ ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.