Vishnu Shatpadi — Sinhala Script

Meaning —

Verse 1

අවිනයමපනය විෂ්ණෝ දමය මනඃ ශමය විෂයමෘගතෘෂ්ණාම් .
භූතදයාං විස්තාරය තාරය සංසාරසාගරතඃ .. 1 ..

avinayamapanaya viṣṇo damaya manaḥ śamaya viṣayamṛgatṛṣṇām |
bhūtadayāṃ vistāraya tāraya saṃsārasāgarataḥ || 1 ||

Verse 2

දිව්යධුනීමකරන්දේ පරිමලපරිභෝගසච්චිදානන්දේ .
ශ්රීපතිපදාරවින්දේ භවභයඛේදච්ඡිදේ වන්දේ .. 2 ..

divyadhunīmakarande parimalaparibhogasaccidānande |
śrīpatipadāravinde bhavabhayakhedacchide vande || 2 ||

Verse 3

සත්යපි භේදාපගමේ නාථ තවා(අ)හං න මාමකීනස්ත්වම් .
සාමුද්රෝ හි තරඞ්ගඃ ක්වචන සමුද්රෝ න තාරඞ්ගඃ .. 3 ..

satyapi bhedāpagame nātha tavā'haṃ na māmakīnastvam |
sāmudro hi taraṅgaḥ kvacana samudro na tāraṅgaḥ || 3 ||

Verse 4

උද්ධෘතනග නගභිදනුජ දනුජකුලාමිත්ර මිත්රශශිදෘෂ්ටේ .
දෘෂ්ටේ භවති ප්රභවති න භවති කිං භවතිරස්කාරඃ .. 4 ..

uddhṛtanaga nagabhidanuja danujakulāmitra mitraśaśidṛṣṭe |
dṛṣṭe bhavati prabhavati na bhavati kiṃ bhavatiraskāraḥ || 4 ||

Verse 5

මත්ස්යාදිභිරවතාරෛරවතාරවතා(අ)වතා සදා වසුධාම් .
පරමේශ්වර පරිපාල්යෝ භවතා භවතාපභීතෝ(අ)හම් .. 5 ..

matsyādibhiravatārairavatāravatā'vatā sadā vasudhām |
parameśvara paripālyo bhavatā bhavatāpabhīto'ham || 5 ||

Verse 6

දාමෝදර ගුණමන්දිර සුන්දරවදනාරවින්ද ගෝවින්ද .
භවජලධිමථනමන්දර පරමං දරමපනය ත්වං මේ .. 6 ..

dāmodara guṇamandira sundaravadanāravinda govinda |
bhavajaladhimathanamandara paramaṃ daramapanaya tvaṃ me || 6 ||

නාරායණ කරුණාමය ශරණං කරවාණි තාවකෞ චරණෞ .

nārāyaṇa karuṇāmaya śaraṇaṃ karavāṇi tāvakau caraṇau |

ඉති ෂට්පදී මදීයේ වදනසරෝජේ සදා වසතු ..

ඉති ශ්රීමච්චඞ්කරාචාර්ය විරචිතං ශ්රී විෂ්ණු ෂට්පදී ස්තෝත්රං සම්පූර්ණම්

Sanskrit — Devanagari (original)

अविनयमपनय विष्णो दमय मनः शमय विषयमृगतृष्णाम् ।

भूतदयां विस्तारय तारय संसारसागरतः ॥ 1 ॥

दिव्यधुनीमकरन्दे परिमलपरिभोगसच्चिदानन्दे ।

श्रीपतिपदारविन्दे भवभयखेदच्छिदे वन्दे ॥ 2 ॥

सत्यपि भेदापगमे नाथ तवाऽहं न मामकीनस्त्वम् ।

सामुद्रो हि तरङ्गः क्वचन समुद्रो न तारङ्गः ॥ 3 ॥

उद्धृतनग नगभिदनुज दनुजकुलामित्र मित्रशशिदृष्टे ।

दृष्टे भवति प्रभवति न भवति किं भवतिरस्कारः ॥ 4 ॥

मत्स्यादिभिरवतारैरवतारवताऽवता सदा वसुधाम् ।

परमेश्वर परिपाल्यो भवता भवतापभीतोऽहम् ॥ 5 ॥

दामोदर गुणमन्दिर सुन्दरवदनारविन्द गोविन्द ।

भवजलधिमथनमन्दर परमं दरमपनय त्वं मे ॥ 6 ॥

नारायण करुणामय शरणं करवाणि तावकौ चरणौ ।

इति षट्पदी मदीये वदनसरोजे सदा वसतु ॥

इति श्रीमच्चङ्कराचार्य विरचितं श्री विष्णु षट्पदी स्तोत्रं सम्पूर्णम्

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

විෂ්ණු ෂට්පදි