Navagraha Suktam (navagraha Namaskaram) — Sinhala Script

ඕං ශුක්ලාම්බරධරං-විँෂ්ණුං ශශිවර්ණ-ඤ්චතුර්භුජම්.

ප්රසන්නවදන-න්ධ්යායේත්සර්ව විඝ්නෝපශාන්තයේ ..

ඕ-ම්භූඃ ඕ-ම්භුවඃ॑ ඕග්ං॒ සුවඃ॑ ඕ-ම්මහඃ॑ ඕ-ඤ්ජනඃ ඕ-න්තපඃ॑ ඕග්ං ස॒ත්යං ඕ-න්තත්ස॑වි॒තුර්වරේ᳚ණ්ය॒-ම්භර්ගෝ॑දේ॒වස්ය॑ ධීමහි ධියෝ॒ යෝ නඃ॑

ප්රචෝ॒දයා᳚ත් .. ඕං ආපෝ॒ ජ්යෝතී॒රසෝ॒-(අ)මෘත॒-ම්බ්රහ්ම॒ භූර්භුව॒ස්සුව॒රෝම් ..

මමෝපාත්ත-සමස්ත-දුරිතක්ෂයද්වාරා ශ්රීපරමේශ්වර ප්රීත්යර්ථං ආදිත්යාදි නවග්රහ දේවතා ප්රසාද සිද්ධ්යර්ථං ආදිත්යාදි නවග්රහ නමස්කාරාන් කරිෂ්යේ ..

ඕං ආස॒ත්යේන॒ රජ॑සා॒ වර්ත॑මානෝ නිවේ॒ශය॑න්න॒මෘත॒-ම්මර්ත්ය॑ඤ්ච . හි॒ර॒ණ්යයේ॑න සවි॒තා රථේ॒නා-(අ)(අ)දේ॒වෝ යා॑ති॒භුව॑නා වි॒පශ්යන්॑ .. අ॒ග්නි-න්දූ॒තං-වෘँ॑ණීමහේ॒ හෝතා॑රං-විँ॒ශ්වවේ॑දසම් . අ॒ස්ය ය॒ජ්ඤස්ය॑ සු॒ක්රතුම්᳚ .. යේෂා॒මීශේ॑ පශු॒පතිඃ॑ පශූ॒නා-ඤ්චතු॑ෂ්පදාමු॒ත ච॑ ද්වි॒පදා᳚ම් . නිෂ්ක්රී॑තෝ॒-(අ)යං-යँ॒ජ්ඤිය॑-ම්භා॒ගමේ॑තු රා॒යස්පෝෂා॒ යජ॑මානස්ය සන්තු ..

ඕං අධිදේවතා ප්රත්යධිදේවතා සහිතාය ආදි॑ත්යාය॒ නමඃ॑ .. 1 ..

ඕං ආප්යා॑යස්ව॒ සමේ॑තු තේ වි॒ශ්වත॑ස්සෝම॒ වෘෂ්ණි॑යම් . භවා॒ වාජ॑ස්ය සඞ්ග॒ථේ .. අ॒ප්සුමේ॒ සෝමෝ॑ අබ්රවීද॒න්තර්විශ්වා॑නි භේෂ॒ජා . අ॒ග්නිඤ්ච॑ වි॒ශ්වශ॑ම්භුව॒මාප॑ශ්ච වි॒ශ්වභේ॑ෂජීඃ .. ගෞ॒රී මි॑මාය සලි॒ලානි॒ තක්ෂ॒ත්යේක॑පදී ද්වි॒පදී॒ සා චතු॑ෂ්පදී . අ॒ෂ්ටාප॑දී॒ නව॑පදී බභූ॒වුෂී॑ ස॒හස්රා᳚ක්ෂරා පර॒මේ ව්යෝ॑මන්න් ..

ඕං අධිදේවතා ප්රත්යධිදේවතා සහිතාය සෝමා॑ය॒ නමඃ॑ .. 2 ..

ඕං අ॒ග්නිර්මූ॒ර්ධා දි॒වඃ ක॒කුත්පතිඃ॑ පෘථි॒ව්යා අ॒යම් . අ॒පාග්ංරේතාග්ං॑සි ජින්වති .. ස්යෝ॒නා පෘ॑ථිවි॒ භවා॑-(අ)නෘක්ෂ॒රා නි॒වේශ॑නී . යච්ඡා॑න॒ශ්ශර්ම॑ ස॒ප්රථාඃ᳚ .. ක්ෂේත්ර॑ස්ය॒ පති॑නා ව॒යග්ංහි॒තේ නේ॑ව ජයාමසි . ගාමශ්ව॑-ම්පෝෂයි॒ත්.ංවා ස නෝ॑ මෘඩාතී॒දෘශේ᳚ ..

ඕං අධිදේවතා ප්රත්යධිදේවතා සහිතාය අඞ්ගා॑රකාය॒ නමඃ॑ .. 3 ..

ඕං උද්බු॑ධ්යස්වාග්නේ॒ ප්රති॑ජාගෘහ්යේනමිෂ්ටාපූ॒ර්තේ සග්ංසෘ॑ජේථාම॒යඤ්ච॑ . පුනඃ॑ කෘ॒ණ්වග්ග්‍ස්ත්වා॑ පි॒තරං॒-යුँවා॑නම॒න්වාතාග්ං॑සී॒ත්ත්වයි॒ තන්තු॑මේ॒තම් .. ඉ॒දං-විँෂ්ණු॒ර්විච॑ක්රමේ ත්රේ॒ධා නිද॑ධේ ප॒දම් . සමූ॑ඪමස්යපාග්ං සු॒රේ .. විෂ්ණෝ॑ ර॒රාට॑මසි॒ විෂ්ණෝඃ᳚ පෘ॒ෂ්ඨම॑සි॒ විෂ්ණෝ॒ශ්ශ්නප්ත්රේ᳚ස්ථෝ॒ විෂ්ණෝ॒ස්ස්යූර॑සි॒ විෂ්ණෝ᳚ර්ධ්රු॒වම॑සි වෛෂ්ණ॒වම॑සි॒ විෂ්ණ॑වේ ත්වා ..

ඕං අධිදේවතා ප්රත්යධිදේවතා සහිතාය බුධා॑ය॒ නමඃ॑ .. 4 ..

ඕ-ම්බෘහ॑ස්පතේ॒ අති॒යද॒ර්යෝ අර්හා᳚ද්ද්යු॒මද්වි॒භාති॒ ක්රතු॑ම॒ජ්ජනේ॑ෂු .යද්දී॒දය॒ච්චව॑සර්තප්රජාත॒ තද॒ස්මාසු॒ ද්රවි॑ණන්ධේහි චි॒ත්රම් .. ඉන්ද්ර॑මරුත්ව ඉ॒හ පා॑හි॒ සෝමං॒-යँථා॑ ශාර්යා॒තේ අපි॑බස්සු॒තස්ය॑ . තව॒ ප්රණී॑තී॒ තව॑ ශූර॒ශර්ම॒න්නාවි॑වාසන්ති ක॒වය॑ස්සුය॒ජ්ඤාඃ .. බ්රහ්ම॑ජජ්ඤා॒න-ම්ප්ර॑ථ॒ම-ම්පු॒රස්තා॒ද්විසී॑ම॒තස්සු॒රුචෝ॑ වේ॒න ආ॑වඃ . සබු॒ධ්නියා॑ උප॒මා අ॑ස්ය වි॒ෂ්ඨාස්ස॒තශ්ච॒ යෝනි॒මස॑තශ්ච॒ විවඃ॑ ..

ඕං අධිදේවතා ප්රත්යධිදේවතා සහිතාය බෘහ॒ස්පත॑යේ॒ නමඃ॑ .. 5 ..

ඕ-ම්ප්රව॑ශ්ශු॒ක්රාය॑ භා॒නවේ॑ භරධ්වම් . හ॒ව්ය-ම්ම॒ති-ඤ්චා॒ග්නයේ॒ සුපූ॑තම් . යෝ දෛව්යා॑නි॒ මානු॑ෂා ජ॒නූග්ංෂි॑ අ॒න්තර්විශ්වා॑නි වි॒ද්ම නා॒ ජිගා॑ති .. ඉ॒න්ද්රා॒ණීමා॒සු නාරි॑ෂු සු॒පත්.ංඊ॑ම॒හම॑ශ්රවම් . න හ්ය॑ස්යා අප॒රඤ්ච॒න ජ॒රසා॒ මර॑තේ॒ පතිඃ॑ .. ඉන්ද්රං॑-වෝँ වි॒ශ්වත॒ස්පරි॒ හවා॑මහේ॒ ජනේ᳚භ්යඃ . අ॒ස්මාක॑මස්තු॒ කේව॑ලඃ..

ඕං අධිදේවතා ප්රත්යධිදේවතා සහිතාය ශුක්රා॑ය॒ නමඃ॑ .. 6 ..

ඕං ශන්නෝ॑ දේ॒වීර॒භිෂ්ට॑ය॒ ආපෝ॑ භවන්තු පී॒තයේ᳚ . ශංයෝँර॒භිස්ර॑වන්තු නඃ .. ප්රජා॑පතේ॒ න ත්වදේ॒තාන්ය॒න්යෝ විශ්වා॑ ජා॒තානි॒ පරි॒තා බ॑භූව . යත්කා॑මාස්තේ ජුහු॒මස්තන්නෝ॑ අස්තු ව॒යග්ග්‍ස්යා॑ම॒ පත॑යෝ රයී॒ණාම් .. ඉ॒මං-යँ॑මප්රස්ත॒රමාහි සීදා-(අ)ඞ්ගි॑රෝභිඃ පි॒තෘභි॑ස්සංවිँදා॒නඃ . ආත්වා॒ මන්ත්රාඃ᳚ කවිශ॒ස්තා ව॑හන්ත්වේ॒නා රා॑ජන්\, හ॒විෂා॑ මාදයස්ව ..

ඕං අධිදේවතා ප්රත්යධිදේවතා සහිතාය ශනෛශ්ච॑රාය॒ නමඃ॑ .. 7 ..

ඕ-ඞ්කයා॑ නශ්චි॒ත්ර ආභු॑වදූ॒තී ස॒දාවෘ॑ධ॒ස්සඛා᳚ . කයා॒ ශචි॑ෂ්ඨයා වෘ॒තා .. ආ-(අ)යඞ්ගෞඃ පෘශ්නි॑රක්රමී॒දස॑නන්මා॒තර॒-ම්පුනඃ॑ . පි॒තර॑ඤ්ච ප්ර॒යන්ත්සුවඃ॑ .. යත්තේ॑ දේ॒වී නිර්‍ඍ॑තිරාබ॒බන්ධ॒ දාම॑ ග්රී॒වාස්ව॑විච॒ර්ත්යම් . ඉ॒දන්තේ॒ තද්විෂ්යා॒ම්යායු॑ෂෝ॒ න මධ්යා॒දථා॑ජී॒වඃ පි॒තුම॑ද්ධි॒ ප්රමු॑ක්තඃ ..

ඕං අධිදේවතා ප්රත්යධිදේවතා සහිතාය රාහ॑වේ॒ නමඃ॑ .. 8 ..

ඕ-ඞ්කේ॒තුඞ්කෘ॒ණ්වන්න॑කේ॒තවේ॒ පේශෝ॑ මර්යා අපේ॒ශසේ᳚ . සමු॒ෂද්භි॑රජායථාඃ .. බ්ර॒හ්මා දේ॒වානා᳚-ම්පද॒වීඃ ක॑වී॒නාමෘෂි॒ර්විප්රා॑ණා-ම්මහි॒ෂෝ මෘ॒ගාණා᳚ම් . ශ්යේ॒නෝගෘධ්රා॑ණා॒ග්॒ස්වධි॑ති॒ර්වනා॑නා॒ග්ං॒ සෝමඃ॑ ප॒විත්ර॒මත්යේ॑ති॒ රේභන්॑ .. සචි॑ත්ර චි॒ත්ර-ඤ්චි॒තයන්᳚තම॒ස්මේ චිත්ර॑ක්ෂත්ර චි॒ත්රත॑මං-වँයෝ॒ධාම් . ච॒න්ද්රං ර॒යි-ම්පු॑රු॒වීරම්᳚ බෘ॒හන්ත॒-ඤ්චන්ද්ර॑ච॒න්ද්රාභි॑ර්ගෘණ॒තේ යු॑වස්ව ..

ඕං අධිදේවතා ප්රත්යධිදේවතා සහිතේභ්යඃ කේතු॑භ්යෝ॒ නමඃ॑ .. 9 ..

.. ඕං ආදිත්යාදි නවග්රහ දේව॑තාභ්යෝ॒ නමෝ॒ නමඃ॑ ..

.. ඕං ශාන්ති॒-ශ්ශාන්ති॒-ශ්ශාන්තිඃ॑ ..

Roman (IAST) Transliteration

oṃ śuklāmbaradharaṃ-vi~ṣṇuṃ śaśivarṇa-ñcaturbhujam|

prasannavadana-ndhyāyetsarva vighnopaśāntaye ||

o-mbhūḥ o-mbhuvaḥ̭ ogṃ॒ suvaḥ̭ o-mmahaḥ̭ o-ñjanaḥ o-ntapaḥ̭ ogṃ sa॒tyaṃ o-ntatsa̭vi॒turvare᳚ṇya॒-mbhargo̭de॒vasya̭ dhīmahi dhiyo॒ yo naḥ̭

praco॒dayā᳚t || oṃ āpo॒ jyotī॒raso॒-'mṛta॒-mbrahma॒ bhūrbhuva॒ssuva॒rom ||

mamopātta-samasta-duritakṣayadvārā śrīparameśvara prītyarthaṃ ādityādi navagraha devatā prasāda siddhyarthaṃ ādityādi navagraha namaskārān kariṣye ||

oṃ āsa॒tyena॒ raja̭sā॒ varta̭māno nive॒śaya̭nna॒mṛta॒-mmartya̭ñca | hi॒ra॒ṇyayḙna savi॒tā rathe॒nā-''de॒vo yā̭ti॒bhuva̭nā vi॒paśyaṋ || a॒gni-ndū॒taṃ-vṛ~̭ṇīmahe॒ hotā̭raṃ-vi~॒śvavḙdasam | a॒sya ya॒jñasya̭ su॒kratum᳚ || yeṣā॒mīśḙ paśu॒patiḥ̭ paśū॒nā-ñcatṷṣpadāmu॒ta ca̭ dvi॒padā᳚m | niṣkrī̭to॒-'yaṃ-ya~॒jñiya̭-mbhā॒gamḙtu rā॒yaspoṣā॒ yaja̭mānasya santu ||

oṃ adhidevatā pratyadhidevatā sahitāya ādi̭tyāya॒ namaḥ̭ || 1 ||

oṃ āpyā̭yasva॒ samḙtu te vi॒śvata̭ssoma॒ vṛṣṇi̭yam | bhavā॒ vāja̭sya saṅga॒the || a॒psume॒ somo̭ abravīda॒ntarviśvā̭ni bheṣa॒jā | a॒gniñca̭ vi॒śvaśa̭mbhuva॒māpa̭śca vi॒śvabhḙṣajīḥ || gau॒rī mi̭māya sali॒lāni॒ takṣa॒tyeka̭padī dvi॒padī॒ sā catṷṣpadī | a॒ṣṭāpa̭dī॒ nava̭padī babhū॒vuṣī̭ sa॒hasrā᳚kṣarā para॒me vyo̭mann ||

oṃ adhidevatā pratyadhidevatā sahitāya somā̭ya॒ namaḥ̭ || 2 ||

oṃ a॒gnirmū॒rdhā di॒vaḥ ka॒kutpatiḥ̭ pṛthi॒vyā a॒yam | a॒pāgṃretāgṃ̭si jinvati || syo॒nā pṛ̭thivi॒ bhavā̭-'nṛkṣa॒rā ni॒veśa̭nī | yacchā̭na॒śśarma̭ sa॒prathāḥ᳚ || kṣetra̭sya॒ pati̭nā va॒yagṃhi॒te nḙva jayāmasi | gāmaśva̭-mpoṣayi॒t.ṃvā sa no̭ mṛḍātī॒dṛśe᳚ ||

oṃ adhidevatā pratyadhidevatā sahitāya aṅgā̭rakāya॒ namaḥ̭ || 3 ||

oṃ udbṷdhyasvāgne॒ prati̭jāgṛhyenamiṣṭāpū॒rte sagṃsṛ̭jethāma॒yañca̭ | punaḥ̭ kṛ॒ṇvagg‍stvā̭ pi॒taraṃ॒-yu~vā̭nama॒nvātāgṃ̭sī॒ttvayi॒ tantṷme॒tam || i॒daṃ-vi~ṣṇu॒rvica̭krame tre॒dhā nida̭dhe pa॒dam | samṷ̄ḍhamasyapāgṃ su॒re || viṣṇo̭ ra॒rāṭa̭masi॒ viṣṇoḥ᳚ pṛ॒ṣṭhama̭si॒ viṣṇo॒śśnaptre᳚stho॒ viṣṇo॒ssyūra̭si॒ viṣṇo᳚rdhru॒vama̭si vaiṣṇa॒vama̭si॒ viṣṇa̭ve tvā ||

oṃ adhidevatā pratyadhidevatā sahitāya budhā̭ya॒ namaḥ̭ || 4 ||

o-mbṛha̭spate॒ ati॒yada॒ryo arhā᳚ddyu॒madvi॒bhāti॒ kratṷma॒jjanḙṣu |yaddī॒daya॒ccava̭sartaprajāta॒ tada॒smāsu॒ dravi̭ṇandhehi ci॒tram || indra̭marutva i॒ha pā̭hi॒ somaṃ॒-ya~thā̭ śāryā॒te api̭bassu॒tasya̭ | tava॒ praṇī̭tī॒ tava̭ śūra॒śarma॒nnāvi̭vāsanti ka॒vaya̭ssuya॒jñāḥ || brahma̭jajñā॒na-mpra̭tha॒ma-mpu॒rastā॒dvisī̭ma॒tassu॒ruco̭ ve॒na ā̭vaḥ | sabu॒dhniyā̭ upa॒mā a̭sya vi॒ṣṭhāssa॒taśca॒ yoni॒masa̭taśca॒ vivaḥ̭ ||

oṃ adhidevatā pratyadhidevatā sahitāya bṛha॒spata̭ye॒ namaḥ̭ || 5 ||

o-mprava̭śśu॒krāya̭ bhā॒navḙ bharadhvam | ha॒vya-mma॒ti-ñcā॒gnaye॒ supṷ̄tam | yo daivyā̭ni॒ mānṷṣā ja॒nūgṃṣi̭ a॒ntarviśvā̭ni vi॒dma nā॒ jigā̭ti || i॒ndrā॒ṇīmā॒su nāri̭ṣu su॒pat.ṃī̭ma॒hama̭śravam | na hya̭syā apa॒rañca॒na ja॒rasā॒ mara̭te॒ patiḥ̭ || indraṃ̭-vo~ vi॒śvata॒spari॒ havā̭mahe॒ jane᳚bhyaḥ | a॒smāka̭mastu॒ keva̭laḥ||

oṃ adhidevatā pratyadhidevatā sahitāya śukrā̭ya॒ namaḥ̭ || 6 ||

oṃ śanno̭ de॒vīra॒bhiṣṭa̭ya॒ āpo̭ bhavantu pī॒taye᳚ | śaṃyo~ra॒bhisra̭vantu naḥ || prajā̭pate॒ na tvade॒tānya॒nyo viśvā̭ jā॒tāni॒ pari॒tā ba̭bhūva | yatkā̭māste juhu॒mastanno̭ astu va॒yagg‍syā̭ma॒ pata̭yo rayī॒ṇām || i॒maṃ-ya~̭maprasta॒ramāhi sīdā-'ṅgi̭robhiḥ pi॒tṛbhi̭ssaṃvi~dā॒naḥ | ātvā॒ mantrāḥ᳚ kaviśa॒stā va̭hantve॒nā rā̭jan\, ha॒viṣā̭ mādayasva ||

oṃ adhidevatā pratyadhidevatā sahitāya śanaiśca̭rāya॒ namaḥ̭ || 7 ||

o-ṅkayā̭ naści॒tra ābhṷvadū॒tī sa॒dāvṛ̭dha॒ssakhā᳚ | kayā॒ śaci̭ṣṭhayā vṛ॒tā || ā-'yaṅgauḥ pṛśni̭rakramī॒dasa̭nanmā॒tara॒-mpunaḥ̭ | pi॒tara̭ñca pra॒yantsuvaḥ̭ || yattḙ de॒vī nir‍ṛ̭tirāba॒bandha॒ dāma̭ grī॒vāsva̭vica॒rtyam | i॒dante॒ tadviṣyā॒myāyṷṣo॒ na madhyā॒dathā̭jī॒vaḥ pi॒tuma̭ddhi॒ pramṷktaḥ ||

oṃ adhidevatā pratyadhidevatā sahitāya rāha̭ve॒ namaḥ̭ || 8 ||

o-ṅke॒tuṅkṛ॒ṇvanna̭ke॒tave॒ peśo̭ maryā ape॒śase᳚ | samu॒ṣadbhi̭rajāyathāḥ || bra॒hmā de॒vānā᳚-mpada॒vīḥ ka̭vī॒nāmṛṣi॒rviprā̭ṇā-mmahi॒ṣo mṛ॒gāṇā᳚m | śye॒nogṛdhrā̭ṇā॒g॒svadhi̭ti॒rvanā̭nā॒gṃ॒ somaḥ̭ pa॒vitra॒matyḙti॒ rebhaṋ || saci̭tra ci॒tra-ñci॒tayan᳚tama॒sme citra̭kṣatra ci॒trata̭maṃ-va~yo॒dhām | ca॒ndraṃ ra॒yi-mpṷru॒vīram᳚ bṛ॒hanta॒-ñcandra̭ca॒ndrābhi̭rgṛṇa॒te yṷvasva ||

oṃ adhidevatā pratyadhidevatā sahitebhyaḥ ketṷbhyo॒ namaḥ̭ || 9 ||

|| oṃ ādityādi navagraha deva̭tābhyo॒ namo॒ namaḥ̭ ||

|| oṃ śānti॒-śśānti॒-śśāntiḥ̭ ||

Sanskrit — Devanagari (original)

ॐ शुक्लाम्बरधरं-विँष्णुं शशिवर्ण-ञ्चतुर्भुजम्।

प्रसन्नवदन-न्ध्यायेत्सर्व विघ्नोपशान्तये ॥

ओ-म्भूः ओ-म्भुवः॑ ओग्ं॒ सुवः॑ ओ-म्महः॑ ओ-ञ्जनः ओ-न्तपः॑ ओग्ं स॒त्यं ओ-न्तत्स॑वि॒तुर्वरे᳚ण्य॒-म्भर्गो॑दे॒वस्य॑ धीमहि धियो॒ यो नः॑

प्रचो॒दया᳚त् ॥ ॐ आपो॒ ज्योती॒रसो॒-ऽमृत॒-म्ब्रह्म॒ भूर्भुव॒स्सुव॒रोम् ॥

ममोपात्त-समस्त-दुरितक्षयद्वारा श्रीपरमेश्वर प्रीत्यर्थं आदित्यादि नवग्रह देवता प्रसाद सिद्ध्यर्थं आदित्यादि नवग्रह नमस्कारान् करिष्ये ॥

ॐ आस॒त्येन॒ रज॑सा॒ वर्त॑मानो निवे॒शय॑न्न॒मृत॒-म्मर्त्य॑ञ्च । हि॒र॒ण्यये॑न सवि॒ता रथे॒ना-ऽऽदे॒वो या॑ति॒भुव॑ना वि॒पश्यन्॑ ॥ अ॒ग्नि-न्दू॒तं-वृँ॑णीमहे॒ होता॑रं-विँ॒श्ववे॑दसम् । अ॒स्य य॒ज्ञस्य॑ सु॒क्रतुम्᳚ ॥ येषा॒मीशे॑ पशु॒पतिः॑ पशू॒ना-ञ्चतु॑ष्पदामु॒त च॑ द्वि॒पदा᳚म् । निष्क्री॑तो॒-ऽयं-यँ॒ज्ञिय॑-म्भा॒गमे॑तु रा॒यस्पोषा॒ यज॑मानस्य सन्तु ॥

ॐ अधिदेवता प्रत्यधिदेवता सहिताय आदि॑त्याय॒ नमः॑ ॥ 1 ॥

ॐ आप्या॑यस्व॒ समे॑तु ते वि॒श्वत॑स्सोम॒ वृष्णि॑यम् । भवा॒ वाज॑स्य सङ्ग॒थे ॥ अ॒प्सुमे॒ सोमो॑ अब्रवीद॒न्तर्विश्वा॑नि भेष॒जा । अ॒ग्निञ्च॑ वि॒श्वश॑म्भुव॒माप॑श्च वि॒श्वभे॑षजीः ॥ गौ॒री मि॑माय सलि॒लानि॒ तक्ष॒त्येक॑पदी द्वि॒पदी॒ सा चतु॑ष्पदी । अ॒ष्टाप॑दी॒ नव॑पदी बभू॒वुषी॑ स॒हस्रा᳚क्षरा पर॒मे व्यो॑मन्न् ॥

ॐ अधिदेवता प्रत्यधिदेवता सहिताय सोमा॑य॒ नमः॑ ॥ 2 ॥

ॐ अ॒ग्निर्मू॒र्धा दि॒वः क॒कुत्पतिः॑ पृथि॒व्या अ॒यम् । अ॒पाग्ंरेताग्ं॑सि जिन्वति ॥ स्यो॒ना पृ॑थिवि॒ भवा॑-ऽनृक्ष॒रा नि॒वेश॑नी । यच्छा॑न॒श्शर्म॑ स॒प्रथाः᳚ ॥ क्षेत्र॑स्य॒ पति॑ना व॒यग्ंहि॒ते ने॑व जयामसि । गामश्व॑-म्पोषयि॒त्.ंवा स नो॑ मृडाती॒दृशे᳚ ॥

ॐ अधिदेवता प्रत्यधिदेवता सहिताय अङ्गा॑रकाय॒ नमः॑ ॥ 3 ॥

ॐ उद्बु॑ध्यस्वाग्ने॒ प्रति॑जागृह्येनमिष्टापू॒र्ते सग्ंसृ॑जेथाम॒यञ्च॑ । पुनः॑ कृ॒ण्वग्ग्‍स्त्वा॑ पि॒तरं॒-युँवा॑नम॒न्वाताग्ं॑सी॒त्त्वयि॒ तन्तु॑मे॒तम् ॥ इ॒दं-विँष्णु॒र्विच॑क्रमे त्रे॒धा निद॑धे प॒दम् । समू॑ढमस्यपाग्ं सु॒रे ॥ विष्णो॑ र॒राट॑मसि॒ विष्णोः᳚ पृ॒ष्ठम॑सि॒ विष्णो॒श्श्नप्त्रे᳚स्थो॒ विष्णो॒स्स्यूर॑सि॒ विष्णो᳚र्ध्रु॒वम॑सि वैष्ण॒वम॑सि॒ विष्ण॑वे त्वा ॥

ॐ अधिदेवता प्रत्यधिदेवता सहिताय बुधा॑य॒ नमः॑ ॥ 4 ॥

ओ-म्बृह॑स्पते॒ अति॒यद॒र्यो अर्हा᳚द्द्यु॒मद्वि॒भाति॒ क्रतु॑म॒ज्जने॑षु ।यद्दी॒दय॒च्चव॑सर्तप्रजात॒ तद॒स्मासु॒ द्रवि॑णन्धेहि चि॒त्रम् ॥ इन्द्र॑मरुत्व इ॒ह पा॑हि॒ सोमं॒-यँथा॑ शार्या॒ते अपि॑बस्सु॒तस्य॑ । तव॒ प्रणी॑ती॒ तव॑ शूर॒शर्म॒न्नावि॑वासन्ति क॒वय॑स्सुय॒ज्ञाः ॥ ब्रह्म॑जज्ञा॒न-म्प्र॑थ॒म-म्पु॒रस्ता॒द्विसी॑म॒तस्सु॒रुचो॑ वे॒न आ॑वः । सबु॒ध्निया॑ उप॒मा अ॑स्य वि॒ष्ठास्स॒तश्च॒ योनि॒मस॑तश्च॒ विवः॑ ॥

ॐ अधिदेवता प्रत्यधिदेवता सहिताय बृह॒स्पत॑ये॒ नमः॑ ॥ 5 ॥

ओ-म्प्रव॑श्शु॒क्राय॑ भा॒नवे॑ भरध्वम् । ह॒व्य-म्म॒ति-ञ्चा॒ग्नये॒ सुपू॑तम् । यो दैव्या॑नि॒ मानु॑षा ज॒नूग्ंषि॑ अ॒न्तर्विश्वा॑नि वि॒द्म ना॒ जिगा॑ति ॥ इ॒न्द्रा॒णीमा॒सु नारि॑षु सु॒पत्.ंई॑म॒हम॑श्रवम् । न ह्य॑स्या अप॒रञ्च॒न ज॒रसा॒ मर॑ते॒ पतिः॑ ॥ इन्द्रं॑-वोँ वि॒श्वत॒स्परि॒ हवा॑महे॒ जने᳚भ्यः । अ॒स्माक॑मस्तु॒ केव॑लः॥

ॐ अधिदेवता प्रत्यधिदेवता सहिताय शुक्रा॑य॒ नमः॑ ॥ 6 ॥

ॐ शन्नो॑ दे॒वीर॒भिष्ट॑य॒ आपो॑ भवन्तु पी॒तये᳚ । शंयोँर॒भिस्र॑वन्तु नः ॥ प्रजा॑पते॒ न त्वदे॒तान्य॒न्यो विश्वा॑ जा॒तानि॒ परि॒ता ब॑भूव । यत्का॑मास्ते जुहु॒मस्तन्नो॑ अस्तु व॒यग्ग्‍स्या॑म॒ पत॑यो रयी॒णाम् ॥ इ॒मं-यँ॑मप्रस्त॒रमाहि सीदा-ऽङ्गि॑रोभिः पि॒तृभि॑स्संविँदा॒नः । आत्वा॒ मन्त्राः᳚ कविश॒स्ता व॑हन्त्वे॒ना रा॑जन्\, ह॒विषा॑ मादयस्व ॥

ॐ अधिदेवता प्रत्यधिदेवता सहिताय शनैश्च॑राय॒ नमः॑ ॥ 7 ॥

ओ-ङ्कया॑ नश्चि॒त्र आभु॑वदू॒ती स॒दावृ॑ध॒स्सखा᳚ । कया॒ शचि॑ष्ठया वृ॒ता ॥ आ-ऽयङ्गौः पृश्नि॑रक्रमी॒दस॑नन्मा॒तर॒-म्पुनः॑ । पि॒तर॑ञ्च प्र॒यन्त्सुवः॑ ॥ यत्ते॑ दे॒वी निर्‍ऋ॑तिराब॒बन्ध॒ दाम॑ ग्री॒वास्व॑विच॒र्त्यम् । इ॒दन्ते॒ तद्विष्या॒म्यायु॑षो॒ न मध्या॒दथा॑जी॒वः पि॒तुम॑द्धि॒ प्रमु॑क्तः ॥

ॐ अधिदेवता प्रत्यधिदेवता सहिताय राह॑वे॒ नमः॑ ॥ 8 ॥

ओ-ङ्के॒तुङ्कृ॒ण्वन्न॑के॒तवे॒ पेशो॑ मर्या अपे॒शसे᳚ । समु॒षद्भि॑रजायथाः ॥ ब्र॒ह्मा दे॒वाना᳚-म्पद॒वीः क॑वी॒नामृषि॒र्विप्रा॑णा-म्महि॒षो मृ॒गाणा᳚म् । श्ये॒नोगृध्रा॑णा॒ग्॒स्वधि॑ति॒र्वना॑ना॒ग्ं॒ सोमः॑ प॒वित्र॒मत्ये॑ति॒ रेभन्॑ ॥ सचि॑त्र चि॒त्र-ञ्चि॒तयन्᳚तम॒स्मे चित्र॑क्षत्र चि॒त्रत॑मं-वँयो॒धाम् । च॒न्द्रं र॒यि-म्पु॑रु॒वीरम्᳚ बृ॒हन्त॒-ञ्चन्द्र॑च॒न्द्राभि॑र्गृण॒ते यु॑वस्व ॥

ॐ अधिदेवता प्रत्यधिदेवता सहितेभ्यः केतु॑भ्यो॒ नमः॑ ॥ 9 ॥

॥ ॐ आदित्यादि नवग्रह देव॑ताभ्यो॒ नमो॒ नमः॑ ॥

॥ ॐ शान्ति॒-श्शान्ति॒-श्शान्तिः॑ ॥