භගවති තව තීරේ නීරමාත්රාශනෝ(අ)හම්
විගතවිෂයතෘෂ්ණඃ කෘෂ්ණමාරාධයාමි .
සකල කලුෂභඞ්ගේ ස්වර්ගසෝපානසඞ්ගේ
තරලතරතරඞ්ගේ දේවි ගඞ්ගේ ප්රසීද .. 1 ..
භගවති භවලීලා මෞලිමාලේ තවාම්භඃ
කණමණුපරිමාණං ප්රාණිනෝ යේ ස්පෘශන්ති .
අමරනගරනාරී චාමර ග්රාහිණීනාං
විගත කලිකලඞ්කාතඞ්කමඞ්කේ ලුඨන්ති .. 2 ..
බ්රහ්මාණ්ඩං ඛණ්ඩයන්තී හරශිරසි ජටාවල්ලිමුල්ලාසයන්තී
ස්වර්ලෝකාදාපතන්තී කනකගිරිගුහාගණ්ඩශෛලාත් ස්ඛලන්තී .
ක්ෂෝණීපෘෂ්ඨේ ලුඨන්තී දුරිතචයචමූර්නිර්භරං භර්ත්සයන්තී
පාථෝධිං පූරයන්තී සුරනගරසරිත්පාවනී නඃ පුනාතු .. 3 ..
මජ්ජන්මාතඞ්ග කුම්භච්යුත මදමදිරාමෝදමත්තාලිජාලං
ස්නානෛඃ සිද්ධාඞ්ගනානාං කුචයුග විලසත්කුඞ්කුමාසඞ්ගපිඞ්ගම් .
සායං ප්රාතර්මුනීනාං කුශකුසුමචයෛශ්ඡින්නතීරස්ථනීරං
පායාන්නෝ ගාඞ්ගමම්භඃ කරිකලභ කරාක්රාන්ත රඞ්ගස්තරඞ්ගම් .. 4 ..
ආදාවාදි පිතාමහස්ය නියම ව්යාපාර පාත්රේ ජලං
පශ්චාත්පන්නගශායිනෝ භගවතඃ පාදෝදකං පාවනම් .
භූයඃ ශම්භුජටාවිභූෂණ මණිර්ජහ්නෝර්මහර්ෂේරියං
කන්යා කල්මෂනාශිනී භගවතී භාගීරථී දෘශ්යතේ .. 5 ..
ශෛලේන්ද්රාදවතාරිණී නිජජලේ මජ්ජජ්ජනෝත්තාරිණී
පාරාවාරවිහාරිණී භවභයශ්රේණී සමුත්සාරිණී .
ශේෂාඞ්ගෛරනුකාරිණී හරශිරෝවල්ලීදලාකාරිණී
කාශීප්රාන්තවිහාරිණී විජයතේ ගඞ්ගා මනෝහාරිණී .. 6 ..
කුතෝ වීචිර්වීචිස්තව යදි ගතා ලෝචනපථං
ත්වමාපීතා පීතාම්බරපුරවාසං විතරසි .
ත්වදුත්සඞ්ගේ ගඞ්ගේ පතති යදි කායස්තනුභෘතාං
තදා මාතඃ ශාන්තක්රතවපදලාභෝ(අ)ප්යතිලඝුඃ .. 7 ..
ගඞ්ගේ ත්රෛලෝක්යසාරේ සකලසුරවධූධෞතවිස්තීර්ණතෝයේ
පූර්ණබ්රහ්මස්වරූපේ හරිචරණරජෝහාරිණි ස්වර්ගමාර්ගේ .
ප්රායශ්චිතං යදි ස්යාත්තව ජලකණිකා බ්රහ්මහත්යාදි පාපේ
කස්ත්වාං ස්තෝතුං සමර්ථඃ ත්රිජගදඝහරේ දේවි ගඞ්ගේ ප්රසීද .. 8 ..
මාතර්ජාහ්නවී ශම්භුසඞ්ගමිලිතේ මෞලෞ නිධායාඤ්ජලිං
ත්වත්තීරේ වපුෂෝ(අ)වසානසමයේ නාරායණාඞ්ඝ්රිද්වයම් .
සානන්දං ස්මරතෝ භවිෂ්යති මම ප්රාණප්රයාණෝත්සවේ
භූයාද්භක්තිරවිච්යුතා හරිහරාද්වෛතාත්මිකා ශාශ්වතී .. 9 ..
ගඞ්ගාෂ්ටකමිදං පුණ්යං යඃ පඨේත්ප්රයතෝ නරඃ .
සර්වපාපවිනිර්මුක්තෝ විෂ්ණුලෝකං ස ගච්ඡති .. 10 ..
Roman (IAST) Transliteration
bhagavati tava tīre nīramātrāśano'ham
vigataviṣayatṛṣṇaḥ kṛṣṇamārādhayāmi |
sakala kaluṣabhaṅge svargasopānasaṅge
taralatarataraṅge devi gaṅge prasīda || 1 ||
bhagavati bhavalīlā maulimāle tavāmbhaḥ
kaṇamaṇuparimāṇaṃ prāṇino ye spṛśanti |
amaranagaranārī cāmara grāhiṇīnāṃ
vigata kalikalaṅkātaṅkamaṅke luṭhanti || 2 ||
brahmāṇḍaṃ khaṇḍayantī haraśirasi jaṭāvallimullāsayantī
svarlokādāpatantī kanakagiriguhāgaṇḍaśailāt skhalantī |
kṣoṇīpṛṣṭhe luṭhantī duritacayacamūrnirbharaṃ bhartsayantī
pāthodhiṃ pūrayantī suranagarasaritpāvanī naḥ punātu || 3 ||
majjanmātaṅga kumbhacyuta madamadirāmodamattālijālaṃ
snānaiḥ siddhāṅganānāṃ kucayuga vilasatkuṅkumāsaṅgapiṅgam |
sāyaṃ prātarmunīnāṃ kuśakusumacayaiśchinnatīrasthanīraṃ
pāyānno gāṅgamambhaḥ karikalabha karākrānta raṅgastaraṅgam || 4 ||
ādāvādi pitāmahasya niyama vyāpāra pātre jalaṃ
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇa maṇirjahnormaharṣeriyaṃ
kanyā kalmaṣanāśinī bhagavatī bhāgīrathī dṛśyate || 5 ||
śailendrādavatāriṇī nijajale majjajjanottāriṇī
pārāvāravihāriṇī bhavabhayaśreṇī samutsāriṇī |
śeṣāṅgairanukāriṇī haraśirovallīdalākāriṇī
kāśīprāntavihāriṇī vijayate gaṅgā manohāriṇī || 6 ||
kuto vīcirvīcistava yadi gatā locanapathaṃ
tvamāpītā pītāmbarapuravāsaṃ vitarasi |
tvadutsaṅge gaṅge patati yadi kāyastanubhṛtāṃ
tadā mātaḥ śāntakratavapadalābho'pyatilaghuḥ || 7 ||
gaṅge trailokyasāre sakalasuravadhūdhautavistīrṇatoye
pūrṇabrahmasvarūpe haricaraṇarajohāriṇi svargamārge |
prāyaścitaṃ yadi syāttava jalakaṇikā brahmahatyādi pāpe
kastvāṃ stotuṃ samarthaḥ trijagadaghahare devi gaṅge prasīda || 8 ||
mātarjāhnavī śambhusaṅgamilite maulau nidhāyāñjaliṃ
tvattīre vapuṣo'vasānasamaye nārāyaṇāṅghridvayam |
sānandaṃ smarato bhaviṣyati mama prāṇaprayāṇotsave
bhūyādbhaktiravicyutā hariharādvaitātmikā śāśvatī || 9 ||
gaṅgāṣṭakamidaṃ puṇyaṃ yaḥ paṭhetprayato naraḥ |
sarvapāpavinirmukto viṣṇulokaṃ sa gacchati || 10 ||
Sanskrit — Devanagari (original)
भगवति तव तीरे नीरमात्राशनोऽहम्
विगतविषयतृष्णः कृष्णमाराधयामि ।
सकल कलुषभङ्गे स्वर्गसोपानसङ्गे
तरलतरतरङ्गे देवि गङ्गे प्रसीद ॥ 1 ॥
भगवति भवलीला मौलिमाले तवाम्भः
कणमणुपरिमाणं प्राणिनो ये स्पृशन्ति ।
अमरनगरनारी चामर ग्राहिणीनां
विगत कलिकलङ्कातङ्कमङ्के लुठन्ति ॥ 2 ॥
ब्रह्माण्डं खण्डयन्ती हरशिरसि जटावल्लिमुल्लासयन्ती
स्वर्लोकादापतन्ती कनकगिरिगुहागण्डशैलात् स्खलन्ती ।
क्षोणीपृष्ठे लुठन्ती दुरितचयचमूर्निर्भरं भर्त्सयन्ती
पाथोधिं पूरयन्ती सुरनगरसरित्पावनी नः पुनातु ॥ 3 ॥
मज्जन्मातङ्ग कुम्भच्युत मदमदिरामोदमत्तालिजालं
स्नानैः सिद्धाङ्गनानां कुचयुग विलसत्कुङ्कुमासङ्गपिङ्गम् ।
सायं प्रातर्मुनीनां कुशकुसुमचयैश्छिन्नतीरस्थनीरं
पायान्नो गाङ्गमम्भः करिकलभ कराक्रान्त रङ्गस्तरङ्गम् ॥ 4 ॥
आदावादि पितामहस्य नियम व्यापार पात्रे जलं
पश्चात्पन्नगशायिनो भगवतः पादोदकं पावनम् ।
भूयः शम्भुजटाविभूषण मणिर्जह्नोर्महर्षेरियं
कन्या कल्मषनाशिनी भगवती भागीरथी दृश्यते ॥ 5 ॥
शैलेन्द्रादवतारिणी निजजले मज्जज्जनोत्तारिणी
पारावारविहारिणी भवभयश्रेणी समुत्सारिणी ।
शेषाङ्गैरनुकारिणी हरशिरोवल्लीदलाकारिणी
काशीप्रान्तविहारिणी विजयते गङ्गा मनोहारिणी ॥ 6 ॥
कुतो वीचिर्वीचिस्तव यदि गता लोचनपथं
त्वमापीता पीताम्बरपुरवासं वितरसि ।
त्वदुत्सङ्गे गङ्गे पतति यदि कायस्तनुभृतां
तदा मातः शान्तक्रतवपदलाभोऽप्यतिलघुः ॥ 7 ॥
गङ्गे त्रैलोक्यसारे सकलसुरवधूधौतविस्तीर्णतोये
पूर्णब्रह्मस्वरूपे हरिचरणरजोहारिणि स्वर्गमार्गे ।
प्रायश्चितं यदि स्यात्तव जलकणिका ब्रह्महत्यादि पापे
कस्त्वां स्तोतुं समर्थः त्रिजगदघहरे देवि गङ्गे प्रसीद ॥ 8 ॥
मातर्जाह्नवी शम्भुसङ्गमिलिते मौलौ निधायाञ्जलिं
त्वत्तीरे वपुषोऽवसानसमये नारायणाङ्घ्रिद्वयम् ।
सानन्दं स्मरतो भविष्यति मम प्राणप्रयाणोत्सवे
भूयाद्भक्तिरविच्युता हरिहराद्वैतात्मिका शाश्वती ॥ 9 ॥
गङ्गाष्टकमिदं पुण्यं यः पठेत्प्रयतो नरः ।
सर्वपापविनिर्मुक्तो विष्णुलोकं स गच्छति ॥ 10 ॥
bhagavati tava tīre nīramātrāśano'ham
vigataviṣayatṛṣṇaḥ kṛṣṇamārādhayāmi |
sakala kaluṣabhaṅge svargasopānasaṅge
taralatarataraṅge devi gaṅge prasīda || 1 ||
bhagavati bhavalīlā maulimāle tavāmbhaḥ
kaṇamaṇuparimāṇaṃ prāṇino ye spṛśanti |
amaranagaranārī cāmara grāhiṇīnāṃ
vigata kalikalaṅkātaṅkamaṅke luṭhanti || 2 ||
brahmāṇḍaṃ khaṇḍayantī haraśirasi jaṭāvallimullāsayantī
svarlokādāpatantī kanakagiriguhāgaṇḍaśailāt skhalantī |
kṣoṇīpṛṣṭhe luṭhantī duritacayacamūrnirbharaṃ bhartsayantī
pāthodhiṃ pūrayantī suranagarasaritpāvanī naḥ punātu || 3 ||
majjanmātaṅga kumbhacyuta madamadirāmodamattālijālaṃ
snānaiḥ siddhāṅganānāṃ kucayuga vilasatkuṅkumāsaṅgapiṅgam |
sāyaṃ prātarmunīnāṃ kuśakusumacayaiśchinnatīrasthanīraṃ
pāyānno gāṅgamambhaḥ karikalabha karākrānta raṅgastaraṅgam || 4 ||
ādāvādi pitāmahasya niyama vyāpāra pātre jalaṃ
paścātpannagaśāyino bhagavataḥ pādodakaṃ pāvanam |
bhūyaḥ śambhujaṭāvibhūṣaṇa maṇirjahnormaharṣeriyaṃ
kanyā kalmaṣanāśinī bhagavatī bhāgīrathī dṛśyate || 5 ||
śailendrādavatāriṇī nijajale majjajjanottāriṇī
pārāvāravihāriṇī bhavabhayaśreṇī samutsāriṇī |
śeṣāṅgairanukāriṇī haraśirovallīdalākāriṇī
kāśīprāntavihāriṇī vijayate gaṅgā manohāriṇī || 6 ||
kuto vīcirvīcistava yadi gatā locanapathaṃ
tvamāpītā pītāmbarapuravāsaṃ vitarasi |
tvadutsaṅge gaṅge patati yadi kāyastanubhṛtāṃ
tadā mātaḥ śāntakratavapadalābho'pyatilaghuḥ || 7 ||
gaṅge trailokyasāre sakalasuravadhūdhautavistīrṇatoye
pūrṇabrahmasvarūpe haricaraṇarajohāriṇi svargamārge |
prāyaścitaṃ yadi syāttava jalakaṇikā brahmahatyādi pāpe
kastvāṃ stotuṃ samarthaḥ trijagadaghahare devi gaṅge prasīda || 8 ||
mātarjāhnavī śambhusaṅgamilite maulau nidhāyāñjaliṃ
tvattīre vapuṣo'vasānasamaye nārāyaṇāṅghridvayam |
sānandaṃ smarato bhaviṣyati mama prāṇaprayāṇotsave
bhūyādbhaktiravicyutā hariharādvaitātmikā śāśvatī || 9 ||
gaṅgāṣṭakamidaṃ puṇyaṃ yaḥ paṭhetprayato naraḥ |
sarvapāpavinirmukto viṣṇulokaṃ sa gacchati || 10 ||
🕉️ This is the original Sanskrit rendered in Sinhala script.
Pronunciation is identical to the Sanskrit Devanagari version.