Shrimadbhagavadgita Parayana - Dvadasho'dhyayah — Sinhala Script

Meaning —

ඕං ශ්රී පරමාත්මනේ නමඃ

අථ ද්වාදශෝ(අ)ධ්යායඃ

භක්තියෝගඃ

අර්ජුන උවාච

Verse 1

ඒවං සතතයුක්තා යේ භක්තාස්ත්වාං පර්යුපාසතේ .
යේ චාප්යක්ෂරමව්යක්තං තේෂාං කේ යෝගවිත්තමාඃ ..1..

evaṃ satatayuktā ye bhaktāstvāṃ paryupāsate |
ye cāpyakṣaramavyaktaṃ teṣāṃ ke yogavittamāḥ ||1||

ශ්රී භගවානුවාච

Verse 2

මය්යාවේශ්ය මනෝ යේ මාං නිත්යයුක්තා උපාසතේ .
ශ්රද්ධයා පරයෝපේතාඃ තේ මේ යුක්තතමා මතාඃ ..2..

mayyāveśya mano ye māṃ nityayuktā upāsate |
śraddhayā parayopetāḥ te me yuktatamā matāḥ ||2||

Verse 3

යේ ත්වක්ෂරමනිර්දේශ්යම් අව්යක්තං පර්යුපාසතේ .
සර්වත්රගමචින්ත්යං ච කූටස්ථමචලං ධ්රුවම් ..3..

ye tvakṣaramanirdeśyam avyaktaṃ paryupāsate |
sarvatragamacintyaṃ ca kūṭasthamacalaṃ dhruvam ||3||

Verse 4

සන්නියම්යේන්ද්රියග්රාමං සර්වත්ර සමබුද්ධයඃ .
තේ ප්රාප්නුවන්ති මාමේව සර්වභූතහිතේ රතාඃ ..4..

sanniyamyendriyagrāmaṃ sarvatra samabuddhayaḥ |
te prāpnuvanti māmeva sarvabhūtahite ratāḥ ||4||

Verse 5

ක්ලේශෝ(අ)ධිකතරස්තේෂාම් අව්යක්තාසක්තචේතසාම් .
අව්යක්තා හි ගතිර්දුඃඛං දේහවද්භිරවාප්යතේ ..5..

kleśo'dhikatarasteṣām avyaktāsaktacetasām |
avyaktā hi gatirduḥkhaṃ dehavadbhiravāpyate ||5||

Verse 6

යේ තු සර්වාණි කර්මාණි මයි සන්න්යස්ය මත්පරාඃ .
අනන්යේනෛව යෝගේන මාං ධ්යායන්ත උපාසතේ ..6..

ye tu sarvāṇi karmāṇi mayi sannyasya matparāḥ |
ananyenaiva yogena māṃ dhyāyanta upāsate ||6||

Verse 7

තේෂාමහං සමුද්ධර්තා මෘත්යුසංසාරසාගරාත් .
භවාමි නචිරාත්පාර්ථ මය්යාවේශිතචේතසාම් ..7..

teṣāmahaṃ samuddhartā mṛtyusaṃsārasāgarāt |
bhavāmi nacirātpārtha mayyāveśitacetasām ||7||

Verse 8

මය්යේව මන ආධත්ස්ව මයි බුද්ධිං නිවේශය .
නිවසිෂ්යසි මය්යේව අත ඌර්ධ්වං න සංශයඃ ..8..

mayyeva mana ādhatsva mayi buddhiṃ niveśaya |
nivasiṣyasi mayyeva ata ūrdhvaṃ na saṃśayaḥ ||8||

Verse 9

අථ චිත්තං සමාධාතුං න ශක්නෝෂි මයි ස්ථිරම් .
අභ්යාසයෝගේන තතඃ මාමිච්ඡාප්තුං ධනඤ්ජය ..9..

atha cittaṃ samādhātuṃ na śaknoṣi mayi sthiram |
abhyāsayogena tataḥ māmicchāptuṃ dhanañjaya ||9||

Verse 10

අභ්යාසේ(අ)ප්යසමර්ථෝ(අ)සි මත්කර්මපරමෝ භව .
මදර්ථමපි කර්මාණි කුර්වන්සිද්ධිමවාප්ස්යසි ..10..

abhyāse'pyasamartho'si matkarmaparamo bhava |
madarthamapi karmāṇi kurvansiddhimavāpsyasi ||10||

Verse 11

අථෛතදප්යශක්තෝ(අ)සි කර්තුං මද්යෝගමාශ්රිතඃ .
සර්වකර්මඵලත්යාගං තතඃ කුරු යතාත්මවාන් ..11..

athaitadapyaśakto'si kartuṃ madyogamāśritaḥ |
sarvakarmaphalatyāgaṃ tataḥ kuru yatātmavān ||11||

Verse 12

ශ්රේයෝ හි ජ්ඤානමභ්යාසාත් ජ්ඤානාද්ධ්යානං විශිෂ්යතේ .
ධ්යානාත්කර්මඵලත්යාගඃ ත්යාගාච්ඡාන්තිරනන්තරම් ..12..

śreyo hi jñānamabhyāsāt jñānāddhyānaṃ viśiṣyate |
dhyānātkarmaphalatyāgaḥ tyāgācchāntiranantaram ||12||

Verse 13

අද්වේෂ්ටා සර්වභූතානාං මෛත්රඃ කරුණ ඒව ච .
නිර්මමෝ නිරහඞ්කාරඃ සමදුඃඛසුඛඃ ක්ෂමී ..13..

adveṣṭā sarvabhūtānāṃ maitraḥ karuṇa eva ca |
nirmamo nirahaṅkāraḥ samaduḥkhasukhaḥ kṣamī ||13||

Verse 14

සන්තුෂ්ටඃ සතතං යෝගී යතාත්මා දෘඪනිශ්චයඃ .
මය්යර්පිතමනෝබුද්ධිඃ යෝ මද්භක්තඃ ස මේ ප්රියඃ ..14..

santuṣṭaḥ satataṃ yogī yatātmā dṛḍhaniścayaḥ |
mayyarpitamanobuddhiḥ yo madbhaktaḥ sa me priyaḥ ||14||

Verse 15

යස්මාන්නෝද්විජතේ ලෝකඃ ලෝකාන්නෝද්විජතේ ච යඃ .
හර්ෂාමර්ෂභයෝද්වේගෛඃ මුක්තෝ යඃ ස ච මේ ප්රියඃ ..15..

yasmānnodvijate lokaḥ lokānnodvijate ca yaḥ |
harṣāmarṣabhayodvegaiḥ mukto yaḥ sa ca me priyaḥ ||15||

Verse 16

අනපේක්ෂඃ ශුචිර්දක්ෂඃ උදාසීනෝ ගතව්යථඃ .
සර්වාරම්භපරිත්යාගී යෝ මද්භක්තඃ ස මේ ප්රියඃ ..16..

anapekṣaḥ śucirdakṣaḥ udāsīno gatavyathaḥ |
sarvārambhaparityāgī yo madbhaktaḥ sa me priyaḥ ||16||

Verse 17

යෝ න හෘෂ්යති න ද්වේෂ්ටි න ශෝචති න කාඞ්ක්ෂති .
ශුභාශුභපරිත්යාගී භක්තිමාන්යඃ ස මේ ප්රියඃ ..17..

yo na hṛṣyati na dveṣṭi na śocati na kāṅkṣati |
śubhāśubhaparityāgī bhaktimānyaḥ sa me priyaḥ ||17||

Verse 18

සමඃ ශත්රෞ ච මිත්රේ ච තථා මානාපමානයෝඃ .
ශීතෝෂ්ණසුඛදුඃඛේෂු සමඃ සඞ්ගවිවර්ජිතඃ ..18..

samaḥ śatrau ca mitre ca tathā mānāpamānayoḥ |
śītoṣṇasukhaduḥkheṣu samaḥ saṅgavivarjitaḥ ||18||

Verse 19

තුල්යනින්දාස්තුතිර්මෞනී සන්තුෂ්ටෝ යේන කේනචිත් .
අනිකේතඃ ස්ථිරමතිඃ භක්තිමාන්මේ ප්රියෝ නරඃ ..19..

tulyanindāstutirmaunī santuṣṭo yena kenacit |
aniketaḥ sthiramatiḥ bhaktimānme priyo naraḥ ||19||

Verse 20

යේ තු ධර්ම්යාමෘතමිදං යථෝක්තං පර්යුපාසතේ .
ශ්රද්දධානා මත්පරමාඃ භක්තාස්තේ(අ)තීව මේ ප්රියාඃ ..20..

ye tu dharmyāmṛtamidaṃ yathoktaṃ paryupāsate |
śraddadhānā matparamāḥ bhaktāste'tīva me priyāḥ ||20||

.. ඕං තත්සදිති ශ්රීමද්භගවද්ගීතාසු උපනිෂත්සු බ්රහ්මවිද්යායාං යෝගශාස්ත්රේ
ශ්රීකෘෂ්ණාර්ජුනසංවාදේ භක්තියෝගෝ නාම ද්වාදශෝ(අ)ධ්යායඃ .38

Sanskrit — Devanagari (original)

ॐ श्री परमात्मने नमः

अथ द्वादशोऽध्यायः

भक्तियोगः

अर्जुन उवाच

एवं सततयुक्ता ये भक्तास्त्वां पर्युपासते ।

ये चाप्यक्षरमव्यक्तं तेषां के योगवित्तमाः ॥1॥

श्री भगवानुवाच

मय्यावेश्य मनो ये मां नित्ययुक्ता उपासते ।

श्रद्धया परयोपेताः ते मे युक्ततमा मताः ॥2॥

ये त्वक्षरमनिर्देश्यम् अव्यक्तं पर्युपासते ।

सर्वत्रगमचिन्त्यं च कूटस्थमचलं ध्रुवम् ॥3॥

सन्नियम्येन्द्रियग्रामं सर्वत्र समबुद्धयः ।

ते प्राप्नुवन्ति मामेव सर्वभूतहिते रताः ॥4॥

क्लेशोऽधिकतरस्तेषाम् अव्यक्तासक्तचेतसाम् ।

अव्यक्ता हि गतिर्दुःखं देहवद्भिरवाप्यते ॥5॥

ये तु सर्वाणि कर्माणि मयि सन्न्यस्य मत्पराः ।

अनन्येनैव योगेन मां ध्यायन्त उपासते ॥6॥

तेषामहं समुद्धर्ता मृत्युसंसारसागरात् ।

भवामि नचिरात्पार्थ मय्यावेशितचेतसाम् ॥7॥

मय्येव मन आधत्स्व मयि बुद्धिं निवेशय ।

निवसिष्यसि मय्येव अत ऊर्ध्वं न संशयः ॥8॥

अथ चित्तं समाधातुं न शक्नोषि मयि स्थिरम् ।

अभ्यासयोगेन ततः मामिच्छाप्तुं धनञ्जय ॥9॥

अभ्यासेऽप्यसमर्थोऽसि मत्कर्मपरमो भव ।

मदर्थमपि कर्माणि कुर्वन्सिद्धिमवाप्स्यसि ॥10॥

अथैतदप्यशक्तोऽसि कर्तुं मद्योगमाश्रितः ।

सर्वकर्मफलत्यागं ततः कुरु यतात्मवान् ॥11॥

श्रेयो हि ज्ञानमभ्यासात् ज्ञानाद्ध्यानं विशिष्यते ।

ध्यानात्कर्मफलत्यागः त्यागाच्छान्तिरनन्तरम् ॥12॥

अद्वेष्टा सर्वभूतानां मैत्रः करुण एव च ।

निर्ममो निरहङ्कारः समदुःखसुखः क्षमी ॥13॥

सन्तुष्टः सततं योगी यतात्मा दृढनिश्चयः ।

मय्यर्पितमनोबुद्धिः यो मद्भक्तः स मे प्रियः ॥14॥

यस्मान्नोद्विजते लोकः लोकान्नोद्विजते च यः ।

हर्षामर्षभयोद्वेगैः मुक्तो यः स च मे प्रियः ॥15॥

अनपेक्षः शुचिर्दक्षः उदासीनो गतव्यथः ।

सर्वारम्भपरित्यागी यो मद्भक्तः स मे प्रियः ॥16॥

यो न हृष्यति न द्वेष्टि न शोचति न काङ्क्षति ।

शुभाशुभपरित्यागी भक्तिमान्यः स मे प्रियः ॥17॥

समः शत्रौ च मित्रे च तथा मानापमानयोः ।

शीतोष्णसुखदुःखेषु समः सङ्गविवर्जितः ॥18॥

तुल्यनिन्दास्तुतिर्मौनी सन्तुष्टो येन केनचित् ।

अनिकेतः स्थिरमतिः भक्तिमान्मे प्रियो नरः ॥19॥

ये तु धर्म्यामृतमिदं यथोक्तं पर्युपासते ।

श्रद्दधाना मत्परमाः भक्तास्तेऽतीव मे प्रियाः ॥20॥

॥ ॐ तत्सदिति श्रीमद्भगवद्गीतासु उपनिषत्सु ब्रह्मविद्यायां योगशास्त्रे

श्रीकृष्णार्जुनसंवादे भक्तियोगो नाम द्वादशोऽध्यायः ।38

🕉️ This is the original Sanskrit rendered in Sinhala script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

ශ්රීමද්භගවද්ගීතා පාරායණ - ද්වාදශෝ(අ)ධ්යායඃ