ଅସ୍ଯ ଶ୍ରୀଶୀତଲାସ୍ତୋତ୍ରସ୍ଯ ମହାଦେଵ ଋଷିଃ ଅନୁଷ୍ଟୁପ୍ ଛନ୍ଦଃ ଶୀତଲା ଦେଵତା ଲକ୍ଷ୍ମୀର୍ବୀଜଂ ଭଵାନୀ ଶକ୍ତିଃ ସର୍ଵଵିସ୍ଫୋଟକନିଵୃତ୍ଯର୍ଥେ ଜପେ ଵିନିଯୋଗଃ ॥
ଈଶ୍ଵର ଉଵାଚ ।
ଵନ୍ଦେଽହଂ ଶୀତଲାଂ ଦେଵୀଂ ରାସଭସ୍ଥାଂ ଦିଗମ୍ବରାମ୍ ।
ମାର୍ଜନୀକଲଶୋପେତାଂ ଶୂର୍ପାଲଙ୍କୃତମସ୍ତକାମ୍ ॥ 1 ॥
ଵନ୍ଦେଽହଂ ଶୀତଲାଂ ଦେଵୀଂ ସର୍ଵରୋଗଭଯାପହାମ୍ ।
ଯାମାସାଦ୍ଯ ନିଵର୍ତେତ ଵିସ୍ଫୋଟକଭଯଂ ମହତ୍ ॥ 2 ॥
ଶୀତଲେ ଶୀତଲେ ଚେତି ଯୋ ବ୍ରୂଯାଦ୍ଦାହପୀଡିତଃ ।
ଵିସ୍ଫୋଟକଭଯଂ ଘୋରଂ କ୍ଷିପ୍ରଂ ତସ୍ଯ ପ୍ରଣଶ୍ଯତି ॥ 3 ॥
ଯସ୍ତ୍ଵାମୁଦକମଧ୍ଯେ ତୁ ଧ୍ଯାତ୍ଵା ସମ୍ପୂଜଯେନ୍ନରଃ ।
ଵିସ୍ଫୋଟକଭଯଂ ଘୋରଂ ଗୃହେ ତସ୍ଯ ନ ଜାଯତେ ॥ 4 ॥
ଶୀତଲେ ଜ୍ଵରଦଗ୍ଧସ୍ଯ ପୂତିଗନ୍ଧଯୁତସ୍ଯ ଚ ।
ପ୍ରଣଷ୍ଟଚକ୍ଷୁଷଃ ପୁଂସସ୍ତ୍ଵାମାହୁର୍ଜୀଵନୌଷଧମ୍ ॥ 5 ॥
ଶୀତଲେ ତନୁଜାନ୍ ରୋଗାନ୍ ନୃଣାଂ ହରସି ଦୁସ୍ତ୍ଯଜାନ୍ ।
ଵିସ୍ଫୋଟକଵିଦୀର୍ଣାନାଂ ତ୍ଵମେକାଽମୃତଵର୍ଷିଣୀ ॥ 6 ॥
ଗଲଗଣ୍ଡଗ୍ରହା ରୋଗା ଯେ ଚାନ୍ଯେ ଦାରୁଣା ନୃଣାମ୍ ।
ତ୍ଵଦନୁଧ୍ଯାନମାତ୍ରେଣ ଶୀତଲେ ଯାନ୍ତି ସଙ୍କ୍ଷଯମ୍ ॥ 7 ॥
ନ ମନ୍ତ୍ରୋ ନୌଷଧଂ ତସ୍ଯ ପାପରୋଗସ୍ଯ ଵିଦ୍ଯତେ ।
ତ୍ଵାମେକାଂ ଶୀତଲେ ଧାତ୍ରୀଂ ନାନ୍ଯାଂ ପଶ୍ଯାମି ଦେଵତାମ୍ ॥ 8 ॥
ମୃଣାଲତନ୍ତୁସଦୃଶୀଂ ନାଭିହୃନ୍ମଧ୍ଯସଂସ୍ଥିତାମ୍ ।
ଯସ୍ତ୍ଵାଂ ସଞ୍ଚିନ୍ତଯେଦ୍ଦେଵି ତସ୍ଯ ମୃତ୍ଯୁର୍ନ ଜାଯତେ ॥ 9 ॥
ଅଷ୍ଟକଂ ଶୀତଲାଦେଵ୍ଯା ଯୋ ନରଃ ପ୍ରପଠେତ୍ସଦା ।
ଵିସ୍ଫୋଟକଭଯଂ ଘୋରଂ ଗୃହେ ତସ୍ଯ ନ ଜାଯତେ ॥ 10 ॥
ଶ୍ରୋତଵ୍ଯଂ ପଠିତଵ୍ଯଂ ଚ ଶ୍ରଦ୍ଧାଭକ୍ତିସମନ୍ଵିତୈଃ ।
ଉପସର୍ଗଵିନାଶାଯ ପରଂ ସ୍ଵସ୍ତ୍ଯଯନଂ ମହତ୍ ॥ 11 ॥
ଶୀତଲେ ତ୍ଵଂ ଜଗନ୍ମାତା ଶୀତଲେ ତ୍ଵଂ ଜଗତ୍ପିତା ।
ଶୀତଲେ ତ୍ଵଂ ଜଗଦ୍ଧାତ୍ରୀ ଶୀତଲାଯୈ ନମୋ ନମଃ ॥ 12 ॥
ରାସଭୋ ଗର୍ଦଭଶ୍ଚୈଵ ଖରୋ ଵୈଶାଖନନ୍ଦନଃ ।
ଶୀତଲାଵାହନଶ୍ଚୈଵ ଦୂର୍ଵାକନ୍ଦନିକୃନ୍ତନଃ ॥ 13 ॥
ଏତାନି ଖରନାମାନି ଶୀତଲାଗ୍ରେ ତୁ ଯଃ ପଠେତ୍ ।
ତସ୍ଯ ଗେହେ ଶିଶୂନାଂ ଚ ଶୀତଲାରୁଙ୍ ନ ଜାଯତେ ॥ 14 ॥
ଶୀତଲାଷ୍ଟକମେଵେଦଂ ନ ଦେଯଂ ଯସ୍ଯକସ୍ଯଚିତ୍ ।
ଦାତଵ୍ଯଂ ଚ ସଦା ତସ୍ମୈ ଶ୍ରଦ୍ଧାଭକ୍ତିଯୁତାଯ ଵୈ ॥ 15 ॥
ଇତି ଶ୍ରୀସ୍କାନ୍ଦପୁରାଣେ ଶୀତଲାଷ୍ଟକମ୍ ॥
Roman (IAST) Transliteration
asya śrīśītalāstotrasya mahādeva ṛṣiḥ anuṣṭup chandaḥ śītalā devatā lakṣmīrbījaṃ bhavānī śaktiḥ sarvavisphoṭakanivṛtyarthe jape viniyogaḥ ||
īśvara uvāca |
vande'haṃ śītalāṃ devīṃ rāsabhasthāṃ digambarām |
mārjanīkalaśopetāṃ śūrpālaṅkṛtamastakām || 1 ||
vande'haṃ śītalāṃ devīṃ sarvarogabhayāpahām |
yāmāsādya nivarteta visphoṭakabhayaṃ mahat || 2 ||
śītale śītale ceti yo brūyāddāhapīḍitaḥ |
visphoṭakabhayaṃ ghoraṃ kṣipraṃ tasya praṇaśyati || 3 ||
yastvāmudakamadhye tu dhyātvā sampūjayennaraḥ |
visphoṭakabhayaṃ ghoraṃ gṛhe tasya na jāyate || 4 ||
śītale jvaradagdhasya pūtigandhayutasya ca |
praṇaṣṭacakṣuṣaḥ puṃsastvāmāhurjīvanauṣadham || 5 ||
śītale tanujān rogān nṛṇāṃ harasi dustyajān |
visphoṭakavidīrṇānāṃ tvamekā'mṛtavarṣiṇī || 6 ||
galagaṇḍagrahā rogā ye cānye dāruṇā nṛṇām |
tvadanudhyānamātreṇa śītale yānti saṅkṣayam || 7 ||
na mantro nauṣadhaṃ tasya pāparogasya vidyate |
tvāmekāṃ śītale dhātrīṃ nānyāṃ paśyāmi devatām || 8 ||
mṛṇālatantusadṛśīṃ nābhihṛnmadhyasaṃsthitām |
yastvāṃ sañcintayeddevi tasya mṛtyurna jāyate || 9 ||
aṣṭakaṃ śītalādevyā yo naraḥ prapaṭhetsadā |
visphoṭakabhayaṃ ghoraṃ gṛhe tasya na jāyate || 10 ||
śrotavyaṃ paṭhitavyaṃ ca śraddhābhaktisamanvitaiḥ |
upasargavināśāya paraṃ svastyayanaṃ mahat || 11 ||
śītale tvaṃ jaganmātā śītale tvaṃ jagatpitā |
śītale tvaṃ jagaddhātrī śītalāyai namo namaḥ || 12 ||
rāsabho gardabhaścaiva kharo vaiśākhanandanaḥ |
śītalāvāhanaścaiva dūrvākandanikṛntanaḥ || 13 ||
etāni kharanāmāni śītalāgre tu yaḥ paṭhet |
tasya gehe śiśūnāṃ ca śītalāruṅ na jāyate || 14 ||
śītalāṣṭakamevedaṃ na deyaṃ yasyakasyacit |
dātavyaṃ ca sadā tasmai śraddhābhaktiyutāya vai || 15 ||
iti śrīskāndapurāṇe śītalāṣṭakam ||
Sanskrit — Devanagari (original)
अस्य श्रीशीतलास्तोत्रस्य महादेव ऋषिः अनुष्टुप् छन्दः शीतला देवता लक्ष्मीर्बीजं भवानी शक्तिः सर्वविस्फोटकनिवृत्यर्थे जपे विनियोगः ॥
ईश्वर उवाच ।
वन्देऽहं शीतलां देवीं रासभस्थां दिगम्बराम् ।
मार्जनीकलशोपेतां शूर्पालङ्कृतमस्तकाम् ॥ 1 ॥
वन्देऽहं शीतलां देवीं सर्वरोगभयापहाम् ।
यामासाद्य निवर्तेत विस्फोटकभयं महत् ॥ 2 ॥
शीतले शीतले चेति यो ब्रूयाद्दाहपीडितः ।
विस्फोटकभयं घोरं क्षिप्रं तस्य प्रणश्यति ॥ 3 ॥
यस्त्वामुदकमध्ये तु ध्यात्वा सम्पूजयेन्नरः ।
विस्फोटकभयं घोरं गृहे तस्य न जायते ॥ 4 ॥
शीतले ज्वरदग्धस्य पूतिगन्धयुतस्य च ।
प्रणष्टचक्षुषः पुंसस्त्वामाहुर्जीवनौषधम् ॥ 5 ॥
शीतले तनुजान् रोगान् नृणां हरसि दुस्त्यजान् ।
विस्फोटकविदीर्णानां त्वमेकाऽमृतवर्षिणी ॥ 6 ॥
गलगण्डग्रहा रोगा ये चान्ये दारुणा नृणाम् ।
त्वदनुध्यानमात्रेण शीतले यान्ति सङ्क्षयम् ॥ 7 ॥
न मन्त्रो नौषधं तस्य पापरोगस्य विद्यते ।
त्वामेकां शीतले धात्रीं नान्यां पश्यामि देवताम् ॥ 8 ॥
मृणालतन्तुसदृशीं नाभिहृन्मध्यसंस्थिताम् ।
यस्त्वां सञ्चिन्तयेद्देवि तस्य मृत्युर्न जायते ॥ 9 ॥
अष्टकं शीतलादेव्या यो नरः प्रपठेत्सदा ।
विस्फोटकभयं घोरं गृहे तस्य न जायते ॥ 10 ॥
श्रोतव्यं पठितव्यं च श्रद्धाभक्तिसमन्वितैः ।
उपसर्गविनाशाय परं स्वस्त्ययनं महत् ॥ 11 ॥
शीतले त्वं जगन्माता शीतले त्वं जगत्पिता ।
शीतले त्वं जगद्धात्री शीतलायै नमो नमः ॥ 12 ॥
रासभो गर्दभश्चैव खरो वैशाखनन्दनः ।
शीतलावाहनश्चैव दूर्वाकन्दनिकृन्तनः ॥ 13 ॥
एतानि खरनामानि शीतलाग्रे तु यः पठेत् ।
तस्य गेहे शिशूनां च शीतलारुङ् न जायते ॥ 14 ॥
शीतलाष्टकमेवेदं न देयं यस्यकस्यचित् ।
दातव्यं च सदा तस्मै श्रद्धाभक्तियुताय वै ॥ 15 ॥
इति श्रीस्कान्दपुराणे शीतलाष्टकम् ॥
asya śrīśītalāstotrasya mahādeva ṛṣiḥ anuṣṭup chandaḥ śītalā devatā lakṣmīrbījaṃ bhavānī śaktiḥ sarvavisphoṭakanivṛtyarthe jape viniyogaḥ ||
īśvara uvāca |
vande'haṃ śītalāṃ devīṃ rāsabhasthāṃ digambarām |
mārjanīkalaśopetāṃ śūrpālaṅkṛtamastakām || 1 ||
vande'haṃ śītalāṃ devīṃ sarvarogabhayāpahām |
yāmāsādya nivarteta visphoṭakabhayaṃ mahat || 2 ||
śītale śītale ceti yo brūyāddāhapīḍitaḥ |
visphoṭakabhayaṃ ghoraṃ kṣipraṃ tasya praṇaśyati || 3 ||
yastvāmudakamadhye tu dhyātvā sampūjayennaraḥ |
visphoṭakabhayaṃ ghoraṃ gṛhe tasya na jāyate || 4 ||
śītale jvaradagdhasya pūtigandhayutasya ca |
praṇaṣṭacakṣuṣaḥ puṃsastvāmāhurjīvanauṣadham || 5 ||
śītale tanujān rogān nṛṇāṃ harasi dustyajān |
visphoṭakavidīrṇānāṃ tvamekā'mṛtavarṣiṇī || 6 ||
galagaṇḍagrahā rogā ye cānye dāruṇā nṛṇām |
tvadanudhyānamātreṇa śītale yānti saṅkṣayam || 7 ||
na mantro nauṣadhaṃ tasya pāparogasya vidyate |
tvāmekāṃ śītale dhātrīṃ nānyāṃ paśyāmi devatām || 8 ||
mṛṇālatantusadṛśīṃ nābhihṛnmadhyasaṃsthitām |
yastvāṃ sañcintayeddevi tasya mṛtyurna jāyate || 9 ||
aṣṭakaṃ śītalādevyā yo naraḥ prapaṭhetsadā |
visphoṭakabhayaṃ ghoraṃ gṛhe tasya na jāyate || 10 ||
śrotavyaṃ paṭhitavyaṃ ca śraddhābhaktisamanvitaiḥ |
upasargavināśāya paraṃ svastyayanaṃ mahat || 11 ||
śītale tvaṃ jaganmātā śītale tvaṃ jagatpitā |
śītale tvaṃ jagaddhātrī śītalāyai namo namaḥ || 12 ||
rāsabho gardabhaścaiva kharo vaiśākhanandanaḥ |
śītalāvāhanaścaiva dūrvākandanikṛntanaḥ || 13 ||
etāni kharanāmāni śītalāgre tu yaḥ paṭhet |
tasya gehe śiśūnāṃ ca śītalāruṅ na jāyate || 14 ||
śītalāṣṭakamevedaṃ na deyaṃ yasyakasyacit |
dātavyaṃ ca sadā tasmai śraddhābhaktiyutāya vai || 15 ||
iti śrīskāndapurāṇe śītalāṣṭakam ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.