ମୁନିରୁଵାଚ
କଥଂ ନାମ୍ନାଂ ସହସ୍ରଂ ତଂ ଗଣେଶ ଉପଦିଷ୍ଟଵାନ୍ ।
ଶିଵଦଂ ତନ୍ମମାଚକ୍ଷ୍ଵ ଲୋକାନୁଗ୍ରହତତ୍ପର ॥ 1 ॥
ବ୍ରହ୍ମୋଵାଚ
ଦେଵଃ ପୂର୍ଵଂ ପୁରାରାତିଃ ପୁରତ୍ରଯଜଯୋଦ୍ଯମେ ।
ଅନର୍ଚନାଦ୍ଗଣେଶସ୍ଯ ଜାତୋ ଵିଘ୍ନାକୁଲଃ କିଲ ॥ 2 ॥
ମନସା ସ ଵିନିର୍ଧାର୍ଯ ଦଦୃଶେ ଵିଘ୍ନକାରଣମ୍ ।
ମହାଗଣପତିଂ ଭକ୍ତ୍ଯା ସମଭ୍ଯର୍ଚ୍ଯ ଯଥାଵିଧି ॥ 3 ॥
ଵିଘ୍ନପ୍ରଶମନୋପାଯମପୃଚ୍ଛଦପରିଶ୍ରମମ୍ ।
ସନ୍ତୁଷ୍ଟଃ ପୂଜଯା ଶମ୍ଭୋର୍ମହାଗଣପତିଃ ସ୍ଵଯମ୍ ॥ 4 ॥
ସର୍ଵଵିଘ୍ନପ୍ରଶମନଂ ସର୍ଵକାମଫଲପ୍ରଦମ୍ ।
ତତସ୍ତସ୍ମୈ ସ୍ଵଯଂ ନାମ୍ନାଂ ସହସ୍ରମିଦମବ୍ରଵୀତ୍ ॥ 5 ॥
ଅସ୍ଯ ଶ୍ରୀମହାଗଣପତିସହସ୍ରନାମସ୍ତୋତ୍ରମାଲାମନ୍ତ୍ରସ୍ଯ ।
ଗଣେଶ ଋଷିଃ, ମହାଗଣପତିର୍ଦେଵତା, ନାନାଵିଧାନିଚ୍ଛନ୍ଦାଂସି ।
ହୁମିତି ବୀଜମ୍, ତୁଙ୍ଗମିତି ଶକ୍ତିଃ, ସ୍ଵାହାଶକ୍ତିରିତି କୀଲକମ୍ ।
ସକଲଵିଘ୍ନଵିନାଶନଦ୍ଵାରା ଶ୍ରୀମହାଗଣପତିପ୍ରସାଦସିଦ୍ଧ୍ଯର୍ଥେ ଜପେ ଵିନିଯୋଗଃ ।
ଅଥ କରନ୍ଯାସଃ
ଗଣେଶ୍ଵରୋ ଗଣକ୍ରୀଡ ଇତ୍ଯଙ୍ଗୁଷ୍ଠାଭ୍ଯାଂ ନମଃ ।
କୁମାରଗୁରୁରୀଶାନ ଇତି ତର୍ଜନୀଭ୍ଯାଂ ନମଃ ॥
ବ୍ରହ୍ମାଣ୍ଡକୁମ୍ଭଶ୍ଚିଦ୍ଵ୍ଯୋମେତି ମଧ୍ଯମାଭ୍ଯାଂ ନମଃ ।
ରକ୍ତୋ ରକ୍ତାମ୍ବରଧର ଇତ୍ଯନାମିକାଭ୍ଯାଂ ନମଃ
ସର୍ଵସଦ୍ଗୁରୁସଂସେଵ୍ଯ ଇତି କନିଷ୍ଠିକାଭ୍ଯାଂ ନମଃ ।
ଲୁପ୍ତଵିଘ୍ନଃ ସ୍ଵଭକ୍ତାନାମିତି କରତଲକରପୃଷ୍ଠାଭ୍ଯାଂ ନମଃ ॥
ଅଥ ଅଙ୍ଗନ୍ଯାସଃ
ଛନ୍ଦଶ୍ଛନ୍ଦୋଦ୍ଭଵ ଇତି ହୃଦଯାଯ ନମଃ ।
ନିଷ୍କଲୋ ନିର୍ମଲ ଇତି ଶିରସେ ସ୍ଵାହା ।
ସୃଷ୍ଟିସ୍ଥିତିଲଯକ୍ରୀଡ ଇତି ଶିଖାଯୈ ଵଷଟ୍ ।
ଜ୍ଞାନଂ ଵିଜ୍ଞାନମାନନ୍ଦ ଇତି କଵଚାଯ ହୁମ୍ ।
ଅଷ୍ଟାଙ୍ଗଯୋଗଫଲଭୃଦିତି ନେତ୍ରତ୍ରଯାଯ ଵୌଷଟ୍ ।
ଅନନ୍ତଶକ୍ତିସହିତ ଇତ୍ଯସ୍ତ୍ରାଯ ଫଟ୍ ।
ଭୂର୍ଭୁଵଃ ସ୍ଵରୋଂ ଇତି ଦିଗ୍ବନ୍ଧଃ ।
ଅଥ ଧ୍ଯାନମ୍
ଗଜଵଦନମଚିନ୍ତ୍ଯଂ ତୀକ୍ଷ୍ଣଦଂଷ୍ଟ୍ରଂ ତ୍ରିନେତ୍ରଂ
ବୃହଦୁଦରମଶେଷଂ ଭୂତିରାଜଂ ପୁରାଣମ୍ ।
ଅମରଵରସୁପୂଜ୍ଯଂ ରକ୍ତଵର୍ଣଂ ସୁରେଶଂ
ପଶୁପତିସୁତମୀଶଂ ଵିଘ୍ନରାଜଂ ନମାମି ॥
ଶ୍ରୀଗଣପତିରୁଵାଚ
ଓଁ ଗଣେଶ୍ଵରୋ ଗଣକ୍ରୀଡୋ ଗଣନାଥୋ ଗଣାଧିପଃ ।
ଏକଦନ୍ତୋ ଵକ୍ରତୁଣ୍ଡୋ ଗଜଵକ୍ତ୍ରୋ ମହୋଦରଃ ॥ 1 ॥
ଲମ୍ବୋଦରୋ ଧୂମ୍ରଵର୍ଣୋ ଵିକଟୋ ଵିଘ୍ନନାଶନଃ ।
ସୁମୁଖୋ ଦୁର୍ମୁଖୋ ବୁଦ୍ଧୋ ଵିଘ୍ନରାଜୋ ଗଜାନନଃ ॥ 2 ॥
ଭୀମଃ ପ୍ରମୋଦ ଆମୋଦଃ ସୁରାନନ୍ଦୋ ମଦୋତ୍କଟଃ ।
ହେରମ୍ବଃ ଶମ୍ବରଃ ଶମ୍ଭୁର୍ଲମ୍ବକର୍ଣୋ ମହାବଲଃ ॥ 3 ॥
ନନ୍ଦନୋ ଲମ୍ପଟୋ ଭୀମୋ ମେଘନାଦୋ ଗଣଞ୍ଜଯଃ ।
ଵିନାଯକୋ ଵିରୂପାକ୍ଷୋ ଵୀରଃ ଶୂରଵରପ୍ରଦଃ ॥ 4 ॥
ମହାଗଣପତିର୍ବୁଦ୍ଧିପ୍ରିଯଃ କ୍ଷିପ୍ରପ୍ରସାଦନଃ ।
ରୁଦ୍ରପ୍ରିଯୋ ଗଣାଧ୍ଯକ୍ଷ ଉମାପୁତ୍ରୋଽଘନାଶନଃ ॥ 5 ॥
କୁମାରଗୁରୁରୀଶାନପୁତ୍ରୋ ମୂଷକଵାହନଃ ।
ସିଦ୍ଧିପ୍ରିଯଃ ସିଦ୍ଧିପତିଃ ସିଦ୍ଧଃ ସିଦ୍ଧିଵିନାଯକଃ ॥ 6 ॥
ଅଵିଘ୍ନସ୍ତୁମ୍ବୁରୁଃ ସିଂହଵାହନୋ ମୋହିନୀପ୍ରିଯଃ ।
କଟଙ୍କଟୋ ରାଜପୁତ୍ରଃ ଶାକଲଃ ସମ୍ମିତୋମିତଃ ॥ 7 ॥
କୂଷ୍ମାଣ୍ଡସାମସମ୍ଭୂତିର୍ଦୁର୍ଜଯୋ ଧୂର୍ଜଯୋ ଜଯଃ ।
ଭୂପତିର୍ଭୁଵନପତିର୍ଭୂତାନାଂ ପତିରଵ୍ଯଯଃ ॥ 8 ॥
ଵିଶ୍ଵକର୍ତା ଵିଶ୍ଵମୁଖୋ ଵିଶ୍ଵରୂପୋ ନିଧିର୍ଗୁଣଃ ।
କଵିଃ କଵୀନାମୃଷଭୋ ବ୍ରହ୍ମଣ୍ଯୋ ବ୍ରହ୍ମଵିତ୍ପ୍ରିଯଃ ॥ 9 ॥
ଜ୍ଯେଷ୍ଠରାଜୋ ନିଧିପତିର୍ନିଧିପ୍ରିଯପତିପ୍ରିଯଃ ।
ହିରଣ୍ମଯପୁରାନ୍ତଃସ୍ଥଃ ସୂର୍ଯମଣ୍ଡଲମଧ୍ଯଗଃ ॥ 10 ॥
କରାହତିଧ୍ଵସ୍ତସିନ୍ଧୁସଲିଲଃ ପୂଷଦନ୍ତଭିତ୍ ।
ଉମାଙ୍କକେଲିକୁତୁକୀ ମୁକ୍ତିଦଃ କୁଲପାଵନଃ ॥ 11 ॥
କିରୀଟୀ କୁଣ୍ଡଲୀ ହାରୀ ଵନମାଲୀ ମନୋମଯଃ ।
ଵୈମୁଖ୍ଯହତଦୈତ୍ଯଶ୍ରୀଃ ପାଦାହତିଜିତକ୍ଷିତିଃ ॥ 12 ॥
ସଦ୍ଯୋଜାତଃ ସ୍ଵର୍ଣମୁଞ୍ଜମେଖଲୀ ଦୁର୍ନିମିତ୍ତହୃତ୍ ।
ଦୁଃସ୍ଵପ୍ନହୃତ୍ପ୍ରସହନୋ ଗୁଣୀ ନାଦପ୍ରତିଷ୍ଠିତଃ ॥ 13 ॥
ସୁରୂପଃ ସର୍ଵନେତ୍ରାଧିଵାସୋ ଵୀରାସନାଶ୍ରଯଃ ।
ପୀତାମ୍ବରଃ ଖଣ୍ଡରଦଃ ଖଣ୍ଡଵୈଶାଖସଂସ୍ଥିତଃ ॥ 14 ॥
ଚିତ୍ରାଙ୍ଗଃ ଶ୍ଯାମଦଶନୋ ଭାଲଚନ୍ଦ୍ରୋ ହଵିର୍ଭୁଜଃ ।
ଯୋଗାଧିପସ୍ତାରକସ୍ଥଃ ପୁରୁଷୋ ଗଜକର୍ଣକଃ ॥ 15 ॥
ଗଣାଧିରାଜୋ ଵିଜଯଃ ସ୍ଥିରୋ ଗଜପତିଧ୍ଵଜୀ ।
ଦେଵଦେଵଃ ସ୍ମରଃ ପ୍ରାଣଦୀପକୋ ଵାଯୁକୀଲକଃ ॥ 16 ॥
ଵିପଶ୍ଚିଦ୍ଵରଦୋ ନାଦୋ ନାଦଭିନ୍ନମହାଚଲଃ ।
ଵରାହରଦନୋ ମୃତ୍ଯୁଞ୍ଜଯୋ ଵ୍ଯାଘ୍ରାଜିନାମ୍ବରଃ ॥ 17 ॥
ଇଚ୍ଛାଶକ୍ତିଭଵୋ ଦେଵତ୍ରାତା ଦୈତ୍ଯଵିମର୍ଦନଃ ।
ଶମ୍ଭୁଵକ୍ତ୍ରୋଦ୍ଭଵଃ ଶମ୍ଭୁକୋପହା ଶମ୍ଭୁହାସ୍ଯଭୂଃ ॥ 18 ॥
ଶମ୍ଭୁତେଜାଃ ଶିଵାଶୋକହାରୀ ଗୌରୀସୁଖାଵହଃ ।
ଉମାଙ୍ଗମଲଜୋ ଗୌରୀତେଜୋଭୂଃ ସ୍ଵର୍ଧୁନୀଭଵଃ ॥ 19 ॥
ଯଜ୍ଞକାଯୋ ମହାନାଦୋ ଗିରିଵର୍ଷ୍ମା ଶୁଭାନନଃ ।
ସର୍ଵାତ୍ମା ସର୍ଵଦେଵାତ୍ମା ବ୍ରହ୍ମମୂର୍ଧା କକୁପ୍ଶ୍ରୁତିଃ ॥ 20 ॥
ବ୍ରହ୍ମାଣ୍ଡକୁମ୍ଭଶ୍ଚିଦ୍ଵ୍ଯୋମଭାଲଃସତ୍ଯଶିରୋରୁହଃ ।
ଜଗଜ୍ଜନ୍ମଲଯୋନ୍ମେଷନିମେଷୋଽଗ୍ନ୍ଯର୍କସୋମଦୃକ୍ ॥ 21 ॥
ଗିରୀନ୍ଦ୍ରୈକରଦୋ ଧର୍ମାଧର୍ମୋଷ୍ଠଃ ସାମବୃଂହିତଃ ।
ଗ୍ରହର୍କ୍ଷଦଶନୋ ଵାଣୀଜିହ୍ଵୋ ଵାସଵନାସିକଃ ॥ 22 ॥
ଭ୍ରୂମଧ୍ଯସଂସ୍ଥିତକରୋ ବ୍ରହ୍ମଵିଦ୍ଯାମଦୋଦକଃ ।
କୁଲାଚଲାଂସଃ ସୋମାର୍କଘଣ୍ଟୋ ରୁଦ୍ରଶିରୋଧରଃ ॥ 23 ॥
ନଦୀନଦଭୁଜଃ ସର୍ପାଙ୍ଗୁଲୀକସ୍ତାରକାନଖଃ ।
ଵ୍ଯୋମନାଭିଃ ଶ୍ରୀହୃଦଯୋ ମେରୁପୃଷ୍ଠୋଽର୍ଣଵୋଦରଃ ॥ 24 ॥
କୁକ୍ଷିସ୍ଥଯକ୍ଷଗନ୍ଧର୍ଵରକ୍ଷଃକିନ୍ନରମାନୁଷଃ ।
ପୃଥ୍ଵୀକଟିଃ ସୃଷ୍ଟିଲିଙ୍ଗଃ ଶୈଲୋରୁର୍ଦସ୍ରଜାନୁକଃ ॥ 25 ॥
ପାତାଲଜଙ୍ଘୋ ମୁନିପାତ୍କାଲାଙ୍ଗୁଷ୍ଠସ୍ତ୍ରଯୀତନୁଃ ।
ଜ୍ଯୋତିର୍ମଣ୍ଡଲଲାଙ୍ଗୂଲୋ ହୃଦଯାଲାନନିଶ୍ଚଲଃ ॥ 26 ॥
ହୃତ୍ପଦ୍ମକର୍ଣିକାଶାଲୀ ଵିଯତ୍କେଲିସରୋଵରଃ ।
ସଦ୍ଭକ୍ତଧ୍ଯାନନିଗଡଃ ପୂଜାଵାରିନିଵାରିତଃ ॥ 27 ॥
ପ୍ରତାପୀ କାଶ୍ଯପୋ ମନ୍ତା ଗଣକୋ ଵିଷ୍ଟପୀ ବଲୀ ।
ଯଶସ୍ଵୀ ଧାର୍ମିକୋ ଜେତା ପ୍ରଥମଃ ପ୍ରମଥେଶ୍ଵରଃ ॥ 28 ॥
ଚିନ୍ତାମଣିର୍ଦ୍ଵୀପପତିଃ କଲ୍ପଦ୍ରୁମଵନାଲଯଃ ।
ରତ୍ନମଣ୍ଡପମଧ୍ଯସ୍ଥୋ ରତ୍ନସିଂହାସନାଶ୍ରଯଃ ॥ 29 ॥
ତୀଵ୍ରାଶିରୋଦ୍ଧୃତପଦୋ ଜ୍ଵାଲିନୀମୌଲିଲାଲିତଃ ।
ନନ୍ଦାନନ୍ଦିତପୀଠଶ୍ରୀର୍ଭୋଗଦୋ ଭୂଷିତାସନଃ ॥ 30 ॥
ସକାମଦାଯିନୀପୀଠଃ ସ୍ଫୁରଦୁଗ୍ରାସନାଶ୍ରଯଃ ।
ତେଜୋଵତୀଶିରୋରତ୍ନଂ ସତ୍ଯାନିତ୍ଯାଵତଂସିତଃ ॥ 31 ॥
ସଵିଘ୍ନନାଶିନୀପୀଠଃ ସର୍ଵଶକ୍ତ୍ଯମ୍ବୁଜାଲଯଃ ।
ଲିପିପଦ୍ମାସନାଧାରୋ ଵହ୍ନିଧାମତ୍ରଯାଲଯଃ ॥ 32 ॥
ଉନ୍ନତପ୍ରପଦୋ ଗୂଢଗୁଲ୍ଫଃ ସଂଵୃତପାର୍ଷ୍ଣିକଃ ।
ପୀନଜଙ୍ଘଃ ଶ୍ଲିଷ୍ଟଜାନୁଃ ସ୍ଥୂଲୋରୁଃ ପ୍ରୋନ୍ନମତ୍କଟିଃ ॥ 33 ॥
ନିମ୍ନନାଭିଃ ସ୍ଥୂଲକୁକ୍ଷିଃ ପୀନଵକ୍ଷା ବୃହଦ୍ଭୁଜଃ ।
ପୀନସ୍କନ୍ଧଃ କମ୍ବୁକଣ୍ଠୋ ଲମ୍ବୋଷ୍ଠୋ ଲମ୍ବନାସିକଃ ॥ 34 ॥
ଭଗ୍ନଵାମରଦସ୍ତୁଙ୍ଗସଵ୍ଯଦନ୍ତୋ ମହାହନୁଃ ।
ହ୍ରସ୍ଵନେତ୍ରତ୍ରଯଃ ଶୂର୍ପକର୍ଣୋ ନିବିଡମସ୍ତକଃ ॥ 35 ॥
ସ୍ତବକାକାରକୁମ୍ଭାଗ୍ରୋ ରତ୍ନମୌଲିର୍ନିରଙ୍କୁଶଃ ।
ସର୍ପହାରକଟୀସୂତ୍ରଃ ସର୍ପଯଜ୍ଞୋପଵୀତଵାନ୍ ॥ 36 ॥
ସର୍ପକୋଟୀରକଟକଃ ସର୍ପଗ୍ରୈଵେଯକାଙ୍ଗଦଃ ।
ସର୍ପକକ୍ଷୋଦରାବନ୍ଧଃ ସର୍ପରାଜୋତ୍ତରଚ୍ଛଦଃ ॥ 37 ॥
ରକ୍ତୋ ରକ୍ତାମ୍ବରଧରୋ ରକ୍ତମାଲାଵିଭୂଷଣଃ ।
ରକ୍ତେକ୍ଷନୋ ରକ୍ତକରୋ ରକ୍ତତାଲ୍ଵୋଷ୍ଠପଲ୍ଲଵଃ ॥ 38 ॥
ଶ୍ଵେତଃ ଶ୍ଵେତାମ୍ବରଧରଃ ଶ୍ଵେତମାଲାଵିଭୂଷଣଃ ।
ଶ୍ଵେତାତପତ୍ରରୁଚିରଃ ଶ୍ଵେତଚାମରଵୀଜିତଃ ॥ 39 ॥
ସର୍ଵାଵଯଵସମ୍ପୂର୍ଣଃ ସର୍ଵଲକ୍ଷଣଲକ୍ଷିତଃ ।
ସର୍ଵାଭରଣଶୋଭାଢ୍ଯଃ ସର୍ଵଶୋଭାସମନ୍ଵିତଃ ॥ 40 ॥
ସର୍ଵମଙ୍ଗଲମାଙ୍ଗଲ୍ଯଃ ସର୍ଵକାରଣକାରଣମ୍ ।
ସର୍ଵଦେଵଵରଃ ଶାର୍ଙ୍ଗୀ ବୀଜପୂରୀ ଗଦାଧରଃ ॥ 41 ॥
ଶୁଭାଙ୍ଗୋ ଲୋକସାରଙ୍ଗଃ ସୁତନ୍ତୁସ୍ତନ୍ତୁଵର୍ଧନଃ ।
କିରୀଟୀ କୁଣ୍ଡଲୀ ହାରୀ ଵନମାଲୀ ଶୁଭାଙ୍ଗଦଃ ॥ 42 ॥
ଇକ୍ଷୁଚାପଧରଃ ଶୂଲୀ ଚକ୍ରପାଣିଃ ସରୋଜଭୃତ୍ ।
ପାଶୀ ଧୃତୋତ୍ପଲଃ ଶାଲିମଞ୍ଜରୀଭୃତ୍ସ୍ଵଦନ୍ତଭୃତ୍ ॥ 43 ॥
କଲ୍ପଵଲ୍ଲୀଧରୋ ଵିଶ୍ଵାଭଯଦୈକକରୋ ଵଶୀ ।
ଅକ୍ଷମାଲାଧରୋ ଜ୍ଞାନମୁଦ୍ରାଵାନ୍ ମୁଦ୍ଗରାଯୁଧଃ ॥ 44 ॥
ପୂର୍ଣପାତ୍ରୀ କମ୍ବୁଧରୋ ଵିଧୃତାଙ୍କୁଶମୂଲକଃ ।
କରସ୍ଥାମ୍ରଫଲଶ୍ଚୂତକଲିକାଭୃତ୍କୁଠାରଵାନ୍ ॥ 45 ॥
ପୁଷ୍କରସ୍ଥସ୍ଵର୍ଣଘଟୀପୂର୍ଣରତ୍ନାଭିଵର୍ଷକଃ ।
ଭାରତୀସୁନ୍ଦରୀନାଥୋ ଵିନାଯକରତିପ୍ରିଯଃ ॥ 46 ॥
ମହାଲକ୍ଷ୍ମୀପ୍ରିଯତମଃ ସିଦ୍ଧଲକ୍ଷ୍ମୀମନୋରମଃ ।
ରମାରମେଶପୂର୍ଵାଙ୍ଗୋ ଦକ୍ଷିଣୋମାମହେଶ୍ଵରଃ ॥ 47 ॥
ମହୀଵରାହଵାମାଙ୍ଗୋ ରତିକନ୍ଦର୍ପପଶ୍ଚିମଃ ।
ଆମୋଦମୋଦଜନନଃ ସପ୍ରମୋଦପ୍ରମୋଦନଃ ॥ 48 ॥
ସଂଵର୍ଧିତମହାଵୃଦ୍ଧିରୃଦ୍ଧିସିଦ୍ଧିପ୍ରଵର୍ଧନଃ ।
ଦନ୍ତସୌମୁଖ୍ଯସୁମୁଖଃ କାନ୍ତିକନ୍ଦଲିତାଶ୍ରଯଃ ॥ 49 ॥
ମଦନାଵତ୍ଯାଶ୍ରିତାଙ୍ଘ୍ରିଃ କୃତଵୈମୁଖ୍ଯଦୁର୍ମୁଖଃ ।
ଵିଘ୍ନସମ୍ପଲ୍ଲଵଃ ପଦ୍ମଃ ସର୍ଵୋନ୍ନତମଦଦ୍ରଵଃ ॥ 50 ॥
ଵିଘ୍ନକୃନ୍ନିମ୍ନଚରଣୋ ଦ୍ରାଵିଣୀଶକ୍ତିସତ୍କୃତଃ ।
ତୀଵ୍ରାପ୍ରସନ୍ନନଯନୋ ଜ୍ଵାଲିନୀପାଲିତୈକଦୃକ୍ ॥ 51 ॥
ମୋହିନୀମୋହନୋ ଭୋଗଦାଯିନୀକାନ୍ତିମଣ୍ଡନଃ ।
କାମିନୀକାନ୍ତଵକ୍ତ୍ରଶ୍ରୀରଧିଷ୍ଠିତଵସୁନ୍ଧରଃ ॥ 52 ॥
ଵସୁଧାରାମଦୋନ୍ନାଦୋ ମହାଶଙ୍ଖନିଧିପ୍ରିଯଃ ।
ନମଦ୍ଵସୁମତୀମାଲୀ ମହାପଦ୍ମନିଧିଃ ପ୍ରଭୁଃ ॥ 53 ॥
ସର୍ଵସଦ୍ଗୁରୁସଂସେଵ୍ଯଃ ଶୋଚିଷ୍କେଶହୃଦାଶ୍ରଯଃ ।
ଈଶାନମୂର୍ଧା ଦେଵେନ୍ଦ୍ରଶିଖଃ ପଵନନନ୍ଦନଃ ॥ 54 ॥
ପ୍ରତ୍ଯୁଗ୍ରନଯନୋ ଦିଵ୍ଯୋ ଦିଵ୍ଯାସ୍ତ୍ରଶତପର୍ଵଧୃକ୍ ।
ଐରାଵତାଦିସର୍ଵାଶାଵାରଣୋ ଵାରଣପ୍ରିଯଃ ॥ 55 ॥
ଵଜ୍ରାଦ୍ଯସ୍ତ୍ରପରୀଵାରୋ ଗଣଚଣ୍ଡସମାଶ୍ରଯଃ ।
ଜଯାଜଯପରିକରୋ ଵିଜଯାଵିଜଯାଵହଃ ॥ 56 ॥
ଅଜଯାର୍ଚିତପାଦାବ୍ଜୋ ନିତ୍ଯାନନ୍ଦଵନସ୍ଥିତଃ ।
ଵିଲାସିନୀକୃତୋଲ୍ଲାସଃ ଶୌଣ୍ଡୀ ସୌନ୍ଦର୍ଯମଣ୍ଡିତଃ ॥ 57 ॥
ଅନନ୍ତାନନ୍ତସୁଖଦଃ ସୁମଙ୍ଗଲସୁମଙ୍ଗଲଃ ।
ଜ୍ଞାନାଶ୍ରଯଃ କ୍ରିଯାଧାର ଇଚ୍ଛାଶକ୍ତିନିଷେଵିତଃ ॥ 58 ॥
ସୁଭଗାସଂଶ୍ରିତପଦୋ ଲଲିତାଲଲିତାଶ୍ରଯଃ ।
କାମିନୀପାଲନଃ କାମକାମିନୀକେଲିଲାଲିତଃ ॥ 59 ॥
ସରସ୍ଵତ୍ଯାଶ୍ରଯୋ ଗୌରୀନନ୍ଦନଃ ଶ୍ରୀନିକେତନଃ ।
ଗୁରୁଗୁପ୍ତପଦୋ ଵାଚାସିଦ୍ଧୋ ଵାଗୀଶ୍ଵରୀପତିଃ ॥ 60 ॥
ନଲିନୀକାମୁକୋ ଵାମାରାମୋ ଜ୍ଯେଷ୍ଠାମନୋରମଃ ।
ରୌଦ୍ରୀମୁଦ୍ରିତପାଦାବ୍ଜୋ ହୁମ୍ବୀଜସ୍ତୁଙ୍ଗଶକ୍ତିକଃ ॥ 61 ॥
ଵିଶ୍ଵାଦିଜନନତ୍ରାଣଃ ସ୍ଵାହାଶକ୍ତିଃ ସକୀଲକଃ ।
ଅମୃତାବ୍ଧିକୃତାଵାସୋ ମଦଘୂର୍ଣିତଲୋଚନଃ ॥ 62 ॥
ଉଚ୍ଛିଷ୍ଟୋଚ୍ଛିଷ୍ଟଗଣକୋ ଗଣେଶୋ ଗଣନାଯକଃ ।
ସାର୍ଵକାଲିକସଂସିଦ୍ଧିର୍ନିତ୍ଯସେଵ୍ଯୋ ଦିଗମ୍ବରଃ ॥ 63 ॥
ଅନପାଯୋଽନନ୍ତଦୃଷ୍ଟିରପ୍ରମେଯୋଽଜରାମରଃ ।
ଅନାଵିଲୋଽପ୍ରତିହତିରଚ୍ଯୁତୋଽମୃତମକ୍ଷରଃ ॥ 64 ॥
ଅପ୍ରତର୍କ୍ଯୋଽକ୍ଷଯୋଽଜଯ୍ଯୋଽନାଧାରୋଽନାମଯୋମଲଃ ।
ଅମେଯସିଦ୍ଧିରଦ୍ଵୈତମଘୋରୋଽଗ୍ନିସମାନନଃ ॥ 65 ॥
ଅନାକାରୋଽବ୍ଧିଭୂମ୍ଯଗ୍ନିବଲଘ୍ନୋଽଵ୍ଯକ୍ତଲକ୍ଷଣଃ ।
ଆଧାରପୀଠମାଧାର ଆଧାରାଧେଯଵର୍ଜିତଃ ॥ 66 ॥
ଆଖୁକେତନ ଆଶାପୂରକ ଆଖୁମହାରଥଃ ।
ଇକ୍ଷୁସାଗରମଧ୍ଯସ୍ଥ ଇକ୍ଷୁଭକ୍ଷଣଲାଲସଃ ॥ 67 ॥
ଇକ୍ଷୁଚାପାତିରେକଶ୍ରୀରିକ୍ଷୁଚାପନିଷେଵିତଃ ।
ଇନ୍ଦ୍ରଗୋପସମାନଶ୍ରୀରିନ୍ଦ୍ରନୀଲସମଦ୍ଯୁତିଃ ॥ 68 ॥
ଇନ୍ଦୀଵରଦଲଶ୍ଯାମ ଇନ୍ଦୁମଣ୍ଡଲମଣ୍ଡିତଃ ।
ଇଧ୍ମପ୍ରିଯ ଇଡାଭାଗ ଇଡାଵାନିନ୍ଦିରାପ୍ରିଯଃ ॥ 69 ॥
ଇକ୍ଷ୍ଵାକୁଵିଘ୍ନଵିଧ୍ଵଂସୀ ଇତିକର୍ତଵ୍ଯତେପ୍ସିତଃ ।
ଈଶାନମୌଲିରୀଶାନ ଈଶାନପ୍ରିଯ ଈତିହା ॥ 70 ॥
ଈଷଣାତ୍ରଯକଲ୍ପାନ୍ତ ଈହାମାତ୍ରଵିଵର୍ଜିତଃ ।
ଉପେନ୍ଦ୍ର ଉଡୁଭୃନ୍ମୌଲିରୁଡୁନାଥକରପ୍ରିଯଃ ॥ 71 ॥
ଉନ୍ନତାନନ ଉତ୍ତୁଙ୍ଗ ଉଦାରସ୍ତ୍ରିଦଶାଗ୍ରଣୀଃ ।
ଊର୍ଜସ୍ଵାନୂଷ୍ମଲମଦ ଊହାପୋହଦୁରାସଦଃ ॥ 72 ॥
ଋଗ୍ଯଜୁଃସାମନଯନ ଋଦ୍ଧିସିଦ୍ଧିସମର୍ପକଃ ।
ଋଜୁଚିତ୍ତୈକସୁଲଭୋ ଋଣତ୍ରଯଵିମୋଚନଃ ॥ 73 ॥
ଲୁପ୍ତଵିଘ୍ନଃ ସ୍ଵଭକ୍ତାନାଂ ଲୁପ୍ତଶକ୍ତିଃ ସୁରଦ୍ଵିଷାମ୍ ।
ଲୁପ୍ତଶ୍ରୀର୍ଵିମୁଖାର୍ଚାନାଂ ଲୂତାଵିସ୍ଫୋଟନାଶନଃ ॥ 74 ॥
ଏକାରପୀଠମଧ୍ଯସ୍ଥ ଏକପାଦକୃତାସନଃ ।
ଏଜିତାଖିଲଦୈତ୍ଯଶ୍ରୀରେଧିତାଖିଲସଂଶ୍ରଯଃ ॥ 75 ॥
ଐଶ୍ଵର୍ଯନିଧିରୈଶ୍ଵର୍ଯମୈହିକାମୁଷ୍ମିକପ୍ରଦଃ ।
ଐରମ୍ମଦସମୋନ୍ମେଷ ଐରାଵତସମାନନଃ ॥ 76 ॥
ଓଙ୍କାରଵାଚ୍ଯ ଓଙ୍କାର ଓଜସ୍ଵାନୋଷଧୀପତିଃ ।
ଔଦାର୍ଯନିଧିରୌଦ୍ଧତ୍ଯଧୈର୍ଯ ଔନ୍ନତ୍ଯନିଃସମଃ ॥ 77 ॥
ଅଙ୍କୁଶଃ ସୁରନାଗାନାମଙ୍କୁଶାକାରସଂସ୍ଥିତଃ ।
ଅଃ ସମସ୍ତଵିସର୍ଗାନ୍ତପଦେଷୁ ପରିକୀର୍ତିତଃ ॥ 78 ॥
କମଣ୍ଡଲୁଧରଃ କଲ୍ପଃ କପର୍ଦୀ କଲଭାନନଃ ।
କର୍ମସାକ୍ଷୀ କର୍ମକର୍ତା କର୍ମାକର୍ମଫଲପ୍ରଦଃ ॥ 79 ॥
କଦମ୍ବଗୋଲକାକାରଃ କୂଷ୍ମାଣ୍ଡଗଣନାଯକଃ ।
କାରୁଣ୍ଯଦେହଃ କପିଲଃ କଥକଃ କଟିସୂତ୍ରଭୃତ୍ ॥ 80 ॥
ଖର୍ଵଃ ଖଡ୍ଗପ୍ରିଯଃ ଖଡ୍ଗଃ ଖାନ୍ତାନ୍ତଃସ୍ଥଃ ଖନିର୍ମଲଃ ।
ଖଲ୍ଵାଟଶୃଙ୍ଗନିଲଯଃ ଖଟ୍ଵାଙ୍ଗୀ ଖଦୁରାସଦଃ ॥ 81 ॥
ଗୁଣାଢ୍ଯୋ ଗହନୋ ଗଦ୍ଯୋ ଗଦ୍ଯପଦ୍ଯସୁଧାର୍ଣଵଃ ।
ଗଦ୍ଯଗାନପ୍ରିଯୋ ଗର୍ଜୋ ଗୀତଗୀର୍ଵାଣପୂର୍ଵଜଃ ॥ 82 ॥
ଗୁହ୍ଯାଚାରରତୋ ଗୁହ୍ଯୋ ଗୁହ୍ଯାଗମନିରୂପିତଃ ।
ଗୁହାଶଯୋ ଗୁଡାବ୍ଧିସ୍ଥୋ ଗୁରୁଗମ୍ଯୋ ଗୁରୁର୍ଗୁରୁଃ ॥ 83 ॥
ଘଣ୍ଟାଘର୍ଘରିକାମାଲୀ ଘଟକୁମ୍ଭୋ ଘଟୋଦରଃ ।
ଙକାରଵାଚ୍ଯୋ ଙାକାରୋ ଙକାରାକାରଶୁଣ୍ଡଭୃତ୍ ॥ 84 ॥
ଚଣ୍ଡଶ୍ଚଣ୍ଡେଶ୍ଵରଶ୍ଚଣ୍ଡୀ ଚଣ୍ଡେଶଶ୍ଚଣ୍ଡଵିକ୍ରମଃ ।
ଚରାଚରପିତା ଚିନ୍ତାମଣିଶ୍ଚର୍ଵଣଲାଲସଃ ॥ 85 ॥
ଛନ୍ଦଶ୍ଛନ୍ଦୋଦ୍ଭଵଶ୍ଛନ୍ଦୋ ଦୁର୍ଲକ୍ଷ୍ଯଶ୍ଛନ୍ଦଵିଗ୍ରହଃ ।
ଜଗଦ୍ଯୋନିର୍ଜଗତ୍ସାକ୍ଷୀ ଜଗଦୀଶୋ ଜଗନ୍ମଯଃ ॥ 86 ॥
ଜପ୍ଯୋ ଜପପରୋ ଜାପ୍ଯୋ ଜିହ୍ଵାସିଂହାସନପ୍ରଭୁଃ ।
ସ୍ରଵଦ୍ଗଣ୍ଡୋଲ୍ଲସଦ୍ଧାନଝଙ୍କାରିଭ୍ରମରାକୁଲଃ ॥ 87 ॥
ଟଙ୍କାରସ୍ଫାରସଂରାଵଷ୍ଟଙ୍କାରମଣିନୂପୁରଃ ।
ଠଦ୍ଵଯୀପଲ୍ଲଵାନ୍ତସ୍ଥସର୍ଵମନ୍ତ୍ରେଷୁ ସିଦ୍ଧିଦଃ ॥ 88 ॥
ଡିଣ୍ଡିମୁଣ୍ଡୋ ଡାକିନୀଶୋ ଡାମରୋ ଡିଣ୍ଡିମପ୍ରିଯଃ ।
ଢକ୍କାନିନାଦମୁଦିତୋ ଢୌଙ୍କୋ ଢୁଣ୍ଢିଵିନାଯକଃ ॥ 89 ॥
ତତ୍ତ୍ଵାନାଂ ପ୍ରକୃତିସ୍ତତ୍ତ୍ଵଂ ତତ୍ତ୍ଵମ୍ପଦନିରୂପିତଃ ।
ତାରକାନ୍ତରସଂସ୍ଥାନସ୍ତାରକସ୍ତାରକାନ୍ତକଃ ॥ 90 ॥
ସ୍ଥାଣୁଃ ସ୍ଥାଣୁପ୍ରିଯଃ ସ୍ଥାତା ସ୍ଥାଵରଂ ଜଙ୍ଗମଂ ଜଗତ୍ ।
ଦକ୍ଷଯଜ୍ଞପ୍ରମଥନୋ ଦାତା ଦାନଂ ଦମୋ ଦଯା ॥ 91 ॥
ଦଯାଵାନ୍ଦିଵ୍ଯଵିଭଵୋ ଦଣ୍ଡଭୃଦ୍ଦଣ୍ଡନାଯକଃ ।
ଦନ୍ତପ୍ରଭିନ୍ନାଭ୍ରମାଲୋ ଦୈତ୍ଯଵାରଣଦାରଣଃ ॥ 92 ॥
ଦଂଷ୍ଟ୍ରାଲଗ୍ନଦ୍ଵୀପଘଟୋ ଦେଵାର୍ଥନୃଗଜାକୃତିଃ ।
ଧନଂ ଧନପତେର୍ବନ୍ଧୁର୍ଧନଦୋ ଧରଣୀଧରଃ ॥ 93 ॥
ଧ୍ଯାନୈକପ୍ରକଟୋ ଧ୍ଯେଯୋ ଧ୍ଯାନଂ ଧ୍ଯାନପରାଯଣଃ ।
ଧ୍ଵନିପ୍ରକୃତିଚୀତ୍କାରୋ ବ୍ରହ୍ମାଣ୍ଡାଵଲିମେଖଲଃ ॥ 94 ॥
ନନ୍ଦ୍ଯୋ ନନ୍ଦିପ୍ରିଯୋ ନାଦୋ ନାଦମଧ୍ଯପ୍ରତିଷ୍ଠିତଃ ।
ନିଷ୍କଲୋ ନିର୍ମଲୋ ନିତ୍ଯୋ ନିତ୍ଯାନିତ୍ଯୋ ନିରାମଯଃ ॥ 95 ॥
ପରଂ ଵ୍ଯୋମ ପରଂ ଧାମ ପରମାତ୍ମା ପରଂ ପଦମ୍ ॥ 96 ॥
ପରାତ୍ପରଃ ପଶୁପତିଃ ପଶୁପାଶଵିମୋଚନଃ ।
ପୂର୍ଣାନନ୍ଦଃ ପରାନନ୍ଦଃ ପୁରାଣପୁରୁଷୋତ୍ତମଃ ॥ 97 ॥
ପଦ୍ମପ୍ରସନ୍ନଵଦନଃ ପ୍ରଣତାଜ୍ଞାନନାଶନଃ ।
ପ୍ରମାଣପ୍ରତ୍ଯଯାତୀତଃ ପ୍ରଣତାର୍ତିନିଵାରଣଃ ॥ 98 ॥
ଫଣିହସ୍ତଃ ଫଣିପତିଃ ଫୂତ୍କାରଃ ଫଣିତପ୍ରିଯଃ ।
ବାଣାର୍ଚିତାଙ୍ଘ୍ରିଯୁଗଲୋ ବାଲକେଲିକୁତୂହଲୀ ।
ବ୍ରହ୍ମ ବ୍ରହ୍ମାର୍ଚିତପଦୋ ବ୍ରହ୍ମଚାରୀ ବୃହସ୍ପତିଃ ॥ 99 ॥
ବୃହତ୍ତମୋ ବ୍ରହ୍ମପରୋ ବ୍ରହ୍ମଣ୍ଯୋ ବ୍ରହ୍ମଵିତ୍ପ୍ରିଯଃ ।
ବୃହନ୍ନାଦାଗ୍ର୍ଯଚୀତ୍କାରୋ ବ୍ରହ୍ମାଣ୍ଡାଵଲିମେଖଲଃ ॥ 100 ॥
ଭ୍ରୂକ୍ଷେପଦତ୍ତଲକ୍ଷ୍ମୀକୋ ଭର୍ଗୋ ଭଦ୍ରୋ ଭଯାପହଃ ।
ଭଗଵାନ୍ ଭକ୍ତିସୁଲଭୋ ଭୂତିଦୋ ଭୂତିଭୂଷଣଃ ॥ 101 ॥
ଭଵ୍ଯୋ ଭୂତାଲଯୋ ଭୋଗଦାତା ଭ୍ରୂମଧ୍ଯଗୋଚରଃ ।
ମନ୍ତ୍ରୋ ମନ୍ତ୍ରପତିର୍ମନ୍ତ୍ରୀ ମଦମତ୍ତୋ ମନୋ ମଯଃ ॥ 102 ॥
ମେଖଲାହୀଶ୍ଵରୋ ମନ୍ଦଗତିର୍ମନ୍ଦନିଭେକ୍ଷଣଃ ।
ମହାବଲୋ ମହାଵୀର୍ଯୋ ମହାପ୍ରାଣୋ ମହାମନାଃ ॥ 103 ॥
ଯଜ୍ଞୋ ଯଜ୍ଞପତିର୍ଯଜ୍ଞଗୋପ୍ତା ଯଜ୍ଞଫଲପ୍ରଦଃ ।
ଯଶସ୍କରୋ ଯୋଗଗମ୍ଯୋ ଯାଜ୍ଞିକୋ ଯାଜକପ୍ରିଯଃ ॥ 104 ॥
ରସୋ ରସପ୍ରିଯୋ ରସ୍ଯୋ ରଞ୍ଜକୋ ରାଵଣାର୍ଚିତଃ ।
ରାଜ୍ଯରକ୍ଷାକରୋ ରତ୍ନଗର୍ଭୋ ରାଜ୍ଯସୁଖପ୍ରଦଃ ॥ 105 ॥
ଲକ୍ଷୋ ଲକ୍ଷପତିର୍ଲକ୍ଷ୍ଯୋ ଲଯସ୍ଥୋ ଲଡ୍ଡୁକପ୍ରିଯଃ ।
ଲାସପ୍ରିଯୋ ଲାସ୍ଯପରୋ ଲାଭକୃଲ୍ଲୋକଵିଶ୍ରୁତଃ ॥ 106 ॥
ଵରେଣ୍ଯୋ ଵହ୍ନିଵଦନୋ ଵନ୍ଦ୍ଯୋ ଵେଦାନ୍ତଗୋଚରଃ ।
ଵିକର୍ତା ଵିଶ୍ଵତଶ୍ଚକ୍ଷୁର୍ଵିଧାତା ଵିଶ୍ଵତୋମୁଖଃ ॥ 107 ॥
ଵାମଦେଵୋ ଵିଶ୍ଵନେତା ଵଜ୍ରିଵଜ୍ରନିଵାରଣଃ ।
ଵିଵସ୍ଵଦ୍ବନ୍ଧନୋ ଵିଶ୍ଵାଧାରୋ ଵିଶ୍ଵେଶ୍ଵରୋ ଵିଭୁଃ ॥ 108 ॥
ଶବ୍ଦବ୍ରହ୍ମ ଶମପ୍ରାପ୍ଯଃ ଶମ୍ଭୁଶକ୍ତିଗଣେଶ୍ଵରଃ ।
ଶାସ୍ତା ଶିଖାଗ୍ରନିଲଯଃ ଶରଣ୍ଯଃ ଶମ୍ବରେଶ୍ଵରଃ ॥ 109 ॥
ଷଡୃତୁକୁସୁମସ୍ରଗ୍ଵୀ ଷଡାଧାରଃ ଷଡକ୍ଷରଃ ।
ସଂସାରଵୈଦ୍ଯଃ ସର୍ଵଜ୍ଞଃ ସର୍ଵଭେଷଜଭେଷଜମ୍ ॥ 110 ॥
ସୃଷ୍ଟିସ୍ଥିତିଲଯକ୍ରୀଡଃ ସୁରକୁଞ୍ଜରଭେଦକଃ ।
ସିନ୍ଦୂରିତମହାକୁମ୍ଭଃ ସଦସଦ୍ଭକ୍ତିଦାଯକଃ ॥ 111 ॥
ସାକ୍ଷୀ ସମୁଦ୍ରମଥନଃ ସ୍ଵଯଂଵେଦ୍ଯଃ ସ୍ଵଦକ୍ଷିଣଃ ।
ସ୍ଵତନ୍ତ୍ରଃ ସତ୍ଯସଙ୍କଲ୍ପଃ ସାମଗାନରତଃ ସୁଖୀ ॥ 112 ॥
ହଂସୋ ହସ୍ତିପିଶାଚୀଶୋ ହଵନଂ ହଵ୍ଯକଵ୍ଯଭୁକ୍ ।
ହଵ୍ଯଂ ହୁତପ୍ରିଯୋ ହୃଷ୍ଟୋ ହୃଲ୍ଲେଖାମନ୍ତ୍ରମଧ୍ଯଗଃ ॥ 113 ॥
କ୍ଷେତ୍ରାଧିପଃ କ୍ଷମାଭର୍ତା କ୍ଷମାକ୍ଷମପରାଯଣଃ ।
କ୍ଷିପ୍ରକ୍ଷେମକରଃ କ୍ଷେମାନନ୍ଦଃ କ୍ଷୋଣୀସୁରଦ୍ରୁମଃ ॥ 114 ॥
ଧର୍ମପ୍ରଦୋଽର୍ଥଦଃ କାମଦାତା ସୌଭାଗ୍ଯଵର୍ଧନଃ ।
ଵିଦ୍ଯାପ୍ରଦୋ ଵିଭଵଦୋ ଭୁକ୍ତିମୁକ୍ତିଫଲପ୍ରଦଃ ॥ 115 ॥
ଆଭିରୂପ୍ଯକରୋ ଵୀରଶ୍ରୀପ୍ରଦୋ ଵିଜଯପ୍ରଦଃ ।
ସର୍ଵଵଶ୍ଯକରୋ ଗର୍ଭଦୋଷହା ପୁତ୍ରପୌତ୍ରଦଃ ॥ 116 ॥
ମେଧାଦଃ କୀର୍ତିଦଃ ଶୋକହାରୀ ଦୌର୍ଭାଗ୍ଯନାଶନଃ ।
ପ୍ରତିଵାଦିମୁଖସ୍ତମ୍ଭୋ ରୁଷ୍ଟଚିତ୍ତପ୍ରସାଦନଃ ॥ 117 ॥
ପରାଭିଚାରଶମନୋ ଦୁଃଖହା ବନ୍ଧମୋକ୍ଷଦଃ ।
ଲଵସ୍ତ୍ରୁଟିଃ କଲା କାଷ୍ଠା ନିମେଷସ୍ତତ୍ପରକ୍ଷଣଃ ॥ 118 ॥
ଘଟୀ ମୁହୂର୍ତଃ ପ୍ରହରୋ ଦିଵା ନକ୍ତମହର୍ନିଶମ୍ ।
ପକ୍ଷୋ ମାସର୍ତ୍ଵଯନାବ୍ଦଯୁଗଂ କଲ୍ପୋ ମହାଲଯଃ ॥ 119 ॥
ରାଶିସ୍ତାରା ତିଥିର୍ଯୋଗୋ ଵାରଃ କରଣମଂଶକମ୍ ।
ଲଗ୍ନଂ ହୋରା କାଲଚକ୍ରଂ ମେରୁଃ ସପ୍ତର୍ଷଯୋ ଧ୍ରୁଵଃ ॥ 120 ॥
ରାହୁର୍ମନ୍ଦଃ କଵିର୍ଜୀଵୋ ବୁଧୋ ଭୌମଃ ଶଶୀ ରଵିଃ ।
କାଲଃ ସୃଷ୍ଟିଃ ସ୍ଥିତିର୍ଵିଶ୍ଵଂ ସ୍ଥାଵରଂ ଜଙ୍ଗମଂ ଜଗତ୍ ॥ 121 ॥
ଭୂରାପୋଽଗ୍ନିର୍ମରୁଦ୍ଵ୍ଯୋମାହଙ୍କୃତିଃ ପ୍ରକୃତିଃ ପୁମାନ୍ ।
ବ୍ରହ୍ମା ଵିଷ୍ଣୁଃ ଶିଵୋ ରୁଦ୍ର ଈଶଃ ଶକ୍ତିଃ ସଦାଶିଵଃ ॥ 122 ॥
ତ୍ରିଦଶାଃ ପିତରଃ ସିଦ୍ଧା ଯକ୍ଷା ରକ୍ଷାଂସି କିନ୍ନରାଃ ।
ସିଦ୍ଧଵିଦ୍ଯାଧରା ଭୂତା ମନୁଷ୍ଯାଃ ପଶଵଃ ଖଗାଃ ॥ 123 ॥
ସମୁଦ୍ରାଃ ସରିତଃ ଶୈଲା ଭୂତଂ ଭଵ୍ଯଂ ଭଵୋଦ୍ଭଵଃ ।
ସାଙ୍ଖ୍ଯଂ ପାତଞ୍ଜଲଂ ଯୋଗଂ ପୁରାଣାନି ଶ୍ରୁତିଃ ସ୍ମୃତିଃ ॥ 124 ॥
ଵେଦାଙ୍ଗାନି ସଦାଚାରୋ ମୀମାଂସା ନ୍ଯାଯଵିସ୍ତରଃ ।
ଆଯୁର୍ଵେଦୋ ଧନୁର୍ଵେଦୋ ଗାନ୍ଧର୍ଵଂ କାଵ୍ଯନାଟକମ୍ ॥ 125 ॥
ଵୈଖାନସଂ ଭାଗଵତଂ ମାନୁଷଂ ପାଞ୍ଚରାତ୍ରକମ୍ ।
ଶୈଵଂ ପାଶୁପତଂ କାଲାମୁଖମ୍ଭୈରଵଶାସନମ୍ ॥ 126 ॥
ଶାକ୍ତଂ ଵୈନାଯକଂ ସୌରଂ ଜୈନମାର୍ହତସଂହିତା ।
ସଦସଦ୍ଵ୍ଯକ୍ତମଵ୍ଯକ୍ତଂ ସଚେତନମଚେତନମ୍ ॥ 127 ॥
ବନ୍ଧୋ ମୋକ୍ଷଃ ସୁଖଂ ଭୋଗୋ ଯୋଗଃ ସତ୍ଯମଣୁର୍ମହାନ୍ ।
ସ୍ଵସ୍ତି ହୁମ୍ଫଟ୍ ସ୍ଵଧା ସ୍ଵାହା ଶ୍ରୌଷଟ୍ ଵୌଷଟ୍ ଵଷଣ୍ ନମଃ 128 ॥
ଜ୍ଞାନଂ ଵିଜ୍ଞାନମାନନ୍ଦୋ ବୋଧଃ ସଂଵିତ୍ସମୋଽସମଃ ।
ଏକ ଏକାକ୍ଷରାଧାର ଏକାକ୍ଷରପରାଯଣଃ ॥ 129 ॥
ଏକାଗ୍ରଧୀରେକଵୀର ଏକୋଽନେକସ୍ଵରୂପଧୃକ୍ ।
ଦ୍ଵିରୂପୋ ଦ୍ଵିଭୁଜୋ ଦ୍ଵ୍ଯକ୍ଷୋ ଦ୍ଵିରଦୋ ଦ୍ଵୀପରକ୍ଷକଃ ॥ 130 ॥
ଦ୍ଵୈମାତୁରୋ ଦ୍ଵିଵଦନୋ ଦ୍ଵନ୍ଦ୍ଵହୀନୋ ଦ୍ଵଯାତିଗଃ ।
ତ୍ରିଧାମା ତ୍ରିକରସ୍ତ୍ରେତା ତ୍ରିଵର୍ଗଫଲଦାଯକଃ ॥ 131 ॥
ତ୍ରିଗୁଣାତ୍ମା ତ୍ରିଲୋକାଦିସ୍ତ୍ରିଶକ୍ତୀଶସ୍ତ୍ରିଲୋଚନଃ ।
ଚତୁର୍ଵିଧଵଚୋଵୃତ୍ତିପରିଵୃତ୍ତିପ୍ରଵର୍ତକଃ ॥ 132 ॥
ଚତୁର୍ବାହୁଶ୍ଚତୁର୍ଦନ୍ତଶ୍ଚତୁରାତ୍ମା ଚତୁର୍ଭୁଜଃ ।
ଚତୁର୍ଵିଧୋପାଯମଯଶ୍ଚତୁର୍ଵର୍ଣାଶ୍ରମାଶ୍ରଯଃ 133 ॥
ଚତୁର୍ଥୀପୂଜନପ୍ରୀତଶ୍ଚତୁର୍ଥୀତିଥିସମ୍ଭଵଃ ॥
ପଞ୍ଚାକ୍ଷରାତ୍ମା ପଞ୍ଚାତ୍ମା ପଞ୍ଚାସ୍ଯଃ ପଞ୍ଚକୃତ୍ତମଃ ॥ 134 ॥
ପଞ୍ଚାଧାରଃ ପଞ୍ଚଵର୍ଣଃ ପଞ୍ଚାକ୍ଷରପରାଯଣଃ ।
ପଞ୍ଚତାଲଃ ପଞ୍ଚକରଃ ପଞ୍ଚପ୍ରଣଵମାତୃକଃ ॥ 135 ॥
ପଞ୍ଚବ୍ରହ୍ମମଯସ୍ଫୂର୍ତିଃ ପଞ୍ଚାଵରଣଵାରିତଃ ।
ପଞ୍ଚଭକ୍ଷପ୍ରିଯଃ ପଞ୍ଚବାଣଃ ପଞ୍ଚଶିଖାତ୍ମକଃ ॥ 136 ॥
ଷଟ୍କୋଣପୀଠଃ ଷଟ୍ଚକ୍ରଧାମା ଷଡ୍ଗ୍ରନ୍ଥିଭେଦକଃ ।
ଷଡଙ୍ଗଧ୍ଵାନ୍ତଵିଧ୍ଵଂସୀ ଷଡଙ୍ଗୁଲମହାହ୍ରଦଃ ॥ 137 ॥
ଷଣ୍ମୁଖଃ ଷଣ୍ମୁଖଭ୍ରାତା ଷଟ୍ଶକ୍ତିପରିଵାରିତଃ ।
ଷଡ୍ଵୈରିଵର୍ଗଵିଧ୍ଵଂସୀ ଷଡୂର୍ମିଭଯଭଞ୍ଜନଃ ॥ 138 ॥
ଷଟ୍ତର୍କଦୂରଃ ଷଟ୍କର୍ମା ଷଡ୍ଗୁଣଃ ଷଡ୍ରସାଶ୍ରଯଃ ।
ସପ୍ତପାତାଲଚରଣଃ ସପ୍ତଦ୍ଵୀପୋରୁମଣ୍ଡଲଃ ॥ 139 ॥
ସପ୍ତସ୍ଵର୍ଲୋକମୁକୁଟଃ ସପ୍ତସପ୍ତିଵରପ୍ରଦଃ ।
ସପ୍ତାଙ୍ଗରାଜ୍ଯସୁଖଦଃ ସପ୍ତର୍ଷିଗଣଵନ୍ଦିତଃ ॥ 140 ॥
ସପ୍ତଚ୍ଛନ୍ଦୋନିଧିଃ ସପ୍ତହୋତ୍ରଃ ସପ୍ତସ୍ଵରାଶ୍ରଯଃ ।
ସପ୍ତାବ୍ଧିକେଲିକାସାରଃ ସପ୍ତମାତୃନିଷେଵିତଃ ॥ 141 ॥
ସପ୍ତଚ୍ଛନ୍ଦୋ ମୋଦମଦଃ ସପ୍ତଚ୍ଛନ୍ଦୋ ମଖପ୍ରଭୁଃ ।
ଅଷ୍ଟମୂର୍ତିର୍ଧ୍ଯେଯମୂର୍ତିରଷ୍ଟପ୍ରକୃତିକାରଣମ୍ ॥ 142 ॥
ଅଷ୍ଟାଙ୍ଗଯୋଗଫଲଭୃଦଷ୍ଟପତ୍ରାମ୍ବୁଜାସନଃ ।
ଅଷ୍ଟଶକ୍ତିସମାନଶ୍ରୀରଷ୍ଟୈଶ୍ଵର୍ଯପ୍ରଵର୍ଧନଃ ॥ 143 ॥
ଅଷ୍ଟପୀଠୋପପୀଠଶ୍ରୀରଷ୍ଟମାତୃସମାଵୃତଃ ।
ଅଷ୍ଟଭୈରଵସେଵ୍ଯୋଽଷ୍ଟଵସୁଵନ୍ଦ୍ଯୋଽଷ୍ଟମୂର୍ତିଭୃତ୍ ॥ 144 ॥
ଅଷ୍ଟଚକ୍ରସ୍ଫୁରନ୍ମୂର୍ତିରଷ୍ଟଦ୍ରଵ୍ଯହଵିଃପ୍ରିଯଃ ।
ଅଷ୍ଟଶ୍ରୀରଷ୍ଟସାମଶ୍ରୀରଷ୍ଟୈଶ୍ଵର୍ଯପ୍ରଦାଯକଃ ।
ନଵନାଗାସନାଧ୍ଯାସୀ ନଵନିଧ୍ଯନୁଶାସିତଃ ॥ 145 ॥
ନଵଦ୍ଵାରପୁରାଵୃତ୍ତୋ ନଵଦ୍ଵାରନିକେତନଃ ।
ନଵନାଥମହାନାଥୋ ନଵନାଗଵିଭୂଷିତଃ ॥ 146 ॥
ନଵନାରାଯଣସ୍ତୁଲ୍ଯୋ ନଵଦୁର୍ଗାନିଷେଵିତଃ ।
ନଵରତ୍ନଵିଚିତ୍ରାଙ୍ଗୋ ନଵଶକ୍ତିଶିରୋଦ୍ଧୃତଃ ॥ 147 ॥
ଦଶାତ୍ମକୋ ଦଶଭୁଜୋ ଦଶଦିକ୍ପତିଵନ୍ଦିତଃ ।
ଦଶାଧ୍ଯାଯୋ ଦଶପ୍ରାଣୋ ଦଶେନ୍ଦ୍ରିଯନିଯାମକଃ ॥ 148 ॥
ଦଶାକ୍ଷରମହାମନ୍ତ୍ରୋ ଦଶାଶାଵ୍ଯାପିଵିଗ୍ରହଃ ।
ଏକାଦଶମହାରୁଦ୍ରୈଃସ୍ତୁତଶ୍ଚୈକାଦଶାକ୍ଷରଃ ॥ 149 ॥
ଦ୍ଵାଦଶଦ୍ଵିଦଶାଷ୍ଟାଦିଦୋର୍ଦଣ୍ଡାସ୍ତ୍ରନିକେତନଃ ।
ତ୍ରଯୋଦଶଭିଦାଭିନ୍ନୋ ଵିଶ୍ଵେଦେଵାଧିଦୈଵତମ୍ ॥ 150 ॥
ଚତୁର୍ଦଶେନ୍ଦ୍ରଵରଦଶ୍ଚତୁର୍ଦଶମନୁପ୍ରଭୁଃ ।
ଚତୁର୍ଦଶାଦ୍ଯଵିଦ୍ଯାଢ୍ଯଶ୍ଚତୁର୍ଦଶଜଗତ୍ପତିଃ ॥ 151 ॥
ସାମପଞ୍ଚଦଶଃ ପଞ୍ଚଦଶୀଶୀତାଂଶୁନିର୍ମଲଃ ।
ତିଥିପଞ୍ଚଦଶାକାରସ୍ତିଥ୍ଯା ପଞ୍ଚଦଶାର୍ଚିତଃ ॥ 152 ॥
ଷୋଡଶାଧାରନିଲଯଃ ଷୋଡଶସ୍ଵରମାତୃକଃ ।
ଷୋଡଶାନ୍ତପଦାଵାସଃ ଷୋଡଶେନ୍ଦୁକଲାତ୍ମକଃ ॥ 153 ॥
କଲାସପ୍ତଦଶୀ ସପ୍ତଦଶସପ୍ତଦଶାକ୍ଷରଃ ।
ଅଷ୍ଟାଦଶଦ୍ଵୀପପତିରଷ୍ଟାଦଶପୁରାଣକୃତ୍ ॥ 154 ॥
ଅଷ୍ଟାଦଶୌଷଧୀସୃଷ୍ଟିରଷ୍ଟାଦଶଵିଧିଃ ସ୍ମୃତଃ ।
ଅଷ୍ଟାଦଶଲିପିଵ୍ଯଷ୍ଟିସମଷ୍ଟିଜ୍ଞାନକୋଵିଦଃ ॥ 155 ॥
ଅଷ୍ଟାଦଶାନ୍ନସମ୍ପତ୍ତିରଷ୍ଟାଦଶଵିଜାତିକୃତ୍ ।
ଏକଵିଂଶଃ ପୁମାନେକଵିଂଶତ୍ଯଙ୍ଗୁଲିପଲ୍ଲଵଃ ॥ 156 ॥
ଚତୁର୍ଵିଂଶତିତତ୍ତ୍ଵାତ୍ମା ପଞ୍ଚଵିଂଶାଖ୍ଯପୂରୁଷଃ ।
ସପ୍ତଵିଂଶତିତାରେଶଃ ସପ୍ତଵିଂଶତିଯୋଗକୃତ୍ ॥ 157 ॥
ଦ୍ଵାତ୍ରିଂଶଦ୍ଭୈରଵାଧୀଶଶ୍ଚତୁସ୍ତ୍ରିଂଶନ୍ମହାହ୍ରଦଃ ।
ଷଟ୍ତ୍ରିଂଶତ୍ତତ୍ତ୍ଵସମ୍ଭୂତିରଷ୍ଟତ୍ରିଂଶତ୍କଲାତ୍ମକଃ ॥ 158 ॥
ପଞ୍ଚାଶଦ୍ଵିଷ୍ଣୁଶକ୍ତୀଶଃ ପଞ୍ଚାଶନ୍ମାତୃକାଲଯଃ ।
ଦ୍ଵିପଞ୍ଚାଶଦ୍ଵପୁଃଶ୍ରେଣୀତ୍ରିଷଷ୍ଟ୍ଯକ୍ଷରସଂଶ୍ରଯଃ ।
ପଞ୍ଚାଶଦକ୍ଷରଶ୍ରେଣୀପଞ୍ଚାଶଦ୍ରୁଦ୍ରଵିଗ୍ରହଃ ॥ 159 ॥
ଚତୁଃଷଷ୍ଟିମହାସିଦ୍ଧିଯୋଗିନୀଵୃନ୍ଦଵନ୍ଦିତଃ ।
ନମଦେକୋନପଞ୍ଚାଶନ୍ମରୁଦ୍ଵର୍ଗନିରର୍ଗଲଃ ॥ 160 ॥
ଚତୁଃଷଷ୍ଟ୍ଯର୍ଥନିର୍ଣେତା ଚତୁଃଷଷ୍ଟିକଲାନିଧିଃ ।
ଅଷ୍ଟଷଷ୍ଟିମହାତୀର୍ଥକ୍ଷେତ୍ରଭୈରଵଵନ୍ଦିତଃ ॥ 161 ॥
ଚତୁର୍ନଵତିମନ୍ତ୍ରାତ୍ମା ଷଣ୍ଣଵତ୍ଯଧିକପ୍ରଭୁଃ ।
ଶତାନନ୍ଦଃ ଶତଧୃତିଃ ଶତପତ୍ରାଯତେକ୍ଷଣଃ ॥ 162 ॥
ଶତାନୀକଃ ଶତମଖଃ ଶତଧାରାଵରାଯୁଧଃ ।
ସହସ୍ରପତ୍ରନିଲଯଃ ସହସ୍ରଫଣିଭୂଷଣଃ ॥ 163 ॥
ସହସ୍ରଶୀର୍ଷା ପୁରୁଷଃ ସହସ୍ରାକ୍ଷଃ ସହସ୍ରପାତ୍ ।
ସହସ୍ରନାମସଂସ୍ତୁତ୍ଯଃ ସହସ୍ରାକ୍ଷବଲାପହଃ ॥ 164 ॥
ଦଶସାହସ୍ରଫଣିଭୃତ୍ଫଣିରାଜକୃତାସନଃ ।
ଅଷ୍ଟାଶୀତିସହସ୍ରାଦ୍ଯମହର୍ଷିସ୍ତୋତ୍ରପାଠିତଃ ॥ 165 ॥
ଲକ୍ଷାଧାରଃ ପ୍ରିଯାଧାରୋ ଲକ୍ଷାଧାରମନୋମଯଃ ।
ଚତୁର୍ଲକ୍ଷଜପପ୍ରୀତଶ୍ଚତୁର୍ଲକ୍ଷପ୍ରକାଶକଃ ॥ 166 ॥
ଚତୁରଶୀତିଲକ୍ଷାଣାଂ ଜୀଵାନାଂ ଦେହସଂସ୍ଥିତଃ ।
କୋଟିସୂର୍ଯପ୍ରତୀକାଶଃ କୋଟିଚନ୍ଦ୍ରାଂଶୁନିର୍ମଲଃ ॥ 167 ॥
ଶିଵୋଦ୍ଭଵାଦ୍ଯଷ୍ଟକୋଟିଵୈନାଯକଧୁରନ୍ଧରଃ ।
ସପ୍ତକୋଟିମହାମନ୍ତ୍ରମନ୍ତ୍ରିତାଵଯଵଦ୍ଯୁତିଃ ॥ 168 ॥
ତ୍ରଯସ୍ତ୍ରିଂଶତ୍କୋଟିସୁରଶ୍ରେଣୀପ୍ରଣତପାଦୁକଃ ।
ଅନନ୍ତଦେଵତାସେଵ୍ଯୋ ହ୍ଯନନ୍ତଶୁଭଦାଯକଃ ॥ 169 ॥
ଅନନ୍ତନାମାନନ୍ତଶ୍ରୀରନନ୍ତୋଽନନ୍ତସୌଖ୍ଯଦଃ ।
ଅନନ୍ତଶକ୍ତିସହିତୋ ହ୍ଯନନ୍ତମୁନିସଂସ୍ତୁତଃ ॥ 170 ॥
ଇତି ଵୈନାଯକଂ ନାମ୍ନାଂ ସହସ୍ରମିଦମୀରିତମ୍ ।
ଇଦଂ ବ୍ରାହ୍ମେ ମୁହୂର୍ତେ ଯଃ ପଠତି ପ୍ରତ୍ଯହଂ ନରଃ ॥ 171 ॥
କରସ୍ଥଂ ତସ୍ଯ ସକଲମୈହିକାମୁଷ୍ମିକଂ ସୁଖମ୍ ।
ଆଯୁରାରୋଗ୍ଯମୈଶ୍ଵର୍ଯଂ ଧୈର୍ଯଂ ଶୌର୍ଯଂ ବଲଂ ଯଶଃ ॥ 172 ॥
ମେଧା ପ୍ରଜ୍ଞା ଧୃତିଃ କାନ୍ତିଃ ସୌଭାଗ୍ଯମଭିରୂପତା ।
ସତ୍ଯଂ ଦଯା କ୍ଷମା ଶାନ୍ତିର୍ଦାକ୍ଷିଣ୍ଯଂ ଧର୍ମଶୀଲତା ॥ 173 ॥
ଜଗତ୍ସଂଵନନଂ ଵିଶ୍ଵସଂଵାଦୋ ଵେଦପାଟଵମ୍ ।
ସଭାପାଣ୍ଡିତ୍ଯମୌଦାର୍ଯଂ ଗାମ୍ଭୀର୍ଯଂ ବ୍ରହ୍ମଵର୍ଚସମ୍ ॥ 174 ॥
ଓଜସ୍ତେଜଃ କୁଲଂ ଶୀଲଂ ପ୍ରତାପୋ ଵୀର୍ଯମାର୍ଯତା ।
ଜ୍ଞାନଂ ଵିଜ୍ଞାନମାସ୍ତିକ୍ଯଂ ସ୍ଥୈର୍ଯଂ ଵିଶ୍ଵାସତା ତଥା ॥ 175 ॥
ଧନଧାନ୍ଯାଦିଵୃଦ୍ଧିଶ୍ଚ ସକୃଦସ୍ଯ ଜପାଦ୍ଭଵେତ୍ ।
ଵଶ୍ଯଂ ଚତୁର୍ଵିଧଂ ଵିଶ୍ଵଂ ଜପାଦସ୍ଯ ପ୍ରଜାଯତେ ॥ 176 ॥
ରାଜ୍ଞୋ ରାଜକଲତ୍ରସ୍ଯ ରାଜପୁତ୍ରସ୍ଯ ମନ୍ତ୍ରିଣଃ ।
ଜପ୍ଯତେ ଯସ୍ଯ ଵଶ୍ଯାର୍ଥେ ସ ଦାସସ୍ତସ୍ଯ ଜାଯତେ ॥ 177 ॥
ଧର୍ମାର୍ଥକାମମୋକ୍ଷାଣାମନାଯାସେନ ସାଧନମ୍ ।
ଶାକିନୀଡାକିନୀରକ୍ଷୋଯକ୍ଷଗ୍ରହଭଯାପହମ୍ ॥ 178 ॥
ସାମ୍ରାଜ୍ଯସୁଖଦଂ ସର୍ଵସପତ୍ନମଦମର୍ଦନମ୍ ।
ସମସ୍ତକଲହଧ୍ଵଂସି ଦଗ୍ଧବୀଜପ୍ରରୋହଣମ୍ ॥ 179 ॥
ଦୁଃସ୍ଵପ୍ନଶମନଂ କ୍ରୁଦ୍ଧସ୍ଵାମିଚିତ୍ତପ୍ରସାଦନମ୍ ।
ଷଡ୍ଵର୍ଗାଷ୍ଟମହାସିଦ୍ଧିତ୍ରିକାଲଜ୍ଞାନକାରଣମ୍ ॥ 180 ॥
ପରକୃତ୍ଯପ୍ରଶମନଂ ପରଚକ୍ରପ୍ରମର୍ଦନମ୍ ।
ସଙ୍ଗ୍ରାମମାର୍ଗେ ସଵେଷାମିଦମେକଂ ଜଯାଵହମ୍ ॥ 181 ॥
ସର୍ଵଵନ୍ଧ୍ଯତ୍ଵଦୋଷଘ୍ନଂ ଗର୍ଭରକ୍ଷୈକକାରଣମ୍ ।
ପଠ୍ଯତେ ପ୍ରତ୍ଯହଂ ଯତ୍ର ସ୍ତୋତ୍ରଂ ଗଣପତେରିଦମ୍ ॥ 182 ॥
ଦେଶେ ତତ୍ର ନ ଦୁର୍ଭିକ୍ଷମୀତଯୋ ଦୁରିତାନି ଚ ।
ନ ତଦ୍ଗେହଂ ଜହାତି ଶ୍ରୀର୍ଯତ୍ରାଯଂ ଜପ୍ଯତେ ସ୍ତଵଃ ॥ 183 ॥
କ୍ଷଯକୁଷ୍ଠପ୍ରମେହାର୍ଶଭଗନ୍ଦରଵିଷୂଚିକାଃ ।
ଗୁଲ୍ମଂ ପ୍ଲୀହାନମଶମାନମତିସାରଂ ମହୋଦରମ୍ ॥ 184 ॥
କାସଂ ଶ୍ଵାସମୁଦାଵର୍ତଂ ଶୂଲଂ ଶୋଫାମଯୋଦରମ୍ ।
ଶିରୋରୋଗଂ ଵମିଂ ହିକ୍କାଂ ଗଣ୍ଡମାଲାମରୋଚକମ୍ ॥ 185 ॥
ଵାତପିତ୍ତକଫଦ୍ଵନ୍ଦ୍ଵତ୍ରିଦୋଷଜନିତଜ୍ଵରମ୍ ।
ଆଗନ୍ତୁଵିଷମଂ ଶୀତମୁଷ୍ଣଂ ଚୈକାହିକାଦିକମ୍ ॥ 186 ॥
ଇତ୍ଯାଦ୍ଯୁକ୍ତମନୁକ୍ତଂ ଵା ରୋଗଦୋଷାଦିସମ୍ଭଵମ୍ ।
ସର୍ଵଂ ପ୍ରଶମଯତ୍ଯାଶୁ ସ୍ତୋତ୍ରସ୍ଯାସ୍ଯ ସକୃଜ୍ଜପଃ ॥ 187 ॥
ପ୍ରାପ୍ଯତେଽସ୍ଯ ଜପାତ୍ସିଦ୍ଧିଃ ସ୍ତ୍ରୀଶୂଦ୍ରୈଃ ପତିତୈରପି ।
ସହସ୍ରନାମମନ୍ତ୍ରୋଽଯଂ ଜପିତଵ୍ଯଃ ଶୁଭାପ୍ତଯେ ॥ 188 ॥
ମହାଗଣପତେଃ ସ୍ତୋତ୍ରଂ ସକାମଃ ପ୍ରଜପନ୍ନିଦମ୍ ।
ଇଚ୍ଛଯା ସକଲାନ୍ ଭୋଗାନୁପଭୁଜ୍ଯେହ ପାର୍ଥିଵାନ୍ ॥ 189 ॥
ମନୋରଥଫଲୈର୍ଦିଵ୍ଯୈର୍ଵ୍ଯୋମଯାନୈର୍ମନୋରମୈଃ ।
ଚନ୍ଦ୍ରେନ୍ଦ୍ରଭାସ୍କରୋପେନ୍ଦ୍ରବ୍ରହ୍ମଶର୍ଵାଦିସଦ୍ମସୁ ॥ 190 ॥
କାମରୂପଃ କାମଗତିଃ କାମଦଃ କାମଦେଶ୍ଵରଃ ।
ଭୁକ୍ତ୍ଵା ଯଥେପ୍ସିତାନ୍ଭୋଗାନଭୀଷ୍ଟୈଃ ସହ ବନ୍ଧୁଭିଃ ॥ 191 ॥
ଗଣେଶାନୁଚରୋ ଭୂତ୍ଵା ଗଣୋ ଗଣପତିପ୍ରିଯଃ ।
ନନ୍ଦୀଶ୍ଵରାଦିସାନନ୍ଦୈର୍ନନ୍ଦିତଃ ସକଲୈର୍ଗଣୈଃ ॥ 192 ॥
ଶିଵାଭ୍ଯାଂ କୃପଯା ପୁତ୍ରନିର୍ଵିଶେଷଂ ଚ ଲାଲିତଃ ।
ଶିଵଭକ୍ତଃ ପୂର୍ଣକାମୋ ଗଣେଶ୍ଵରଵରାତ୍ପୁନଃ ॥ 193 ॥
ଜାତିସ୍ମରୋ ଧର୍ମପରଃ ସାର୍ଵଭୌମୋଽଭିଜାଯତେ ।
ନିଷ୍କାମସ୍ତୁ ଜପନ୍ନିତ୍ଯଂ ଭକ୍ତ୍ଯା ଵିଘ୍ନେଶତତ୍ପରଃ ॥ 194 ॥
ଯୋଗସିଦ୍ଧିଂ ପରାଂ ପ୍ରାପ୍ଯ ଜ୍ଞାନଵୈରାଗ୍ଯସଂଯୁତଃ ।
ନିରନ୍ତରେ ନିରାବାଧେ ପରମାନନ୍ଦସଞ୍ଜ୍ଞିତେ ॥ 195 ॥
ଵିଶ୍ଵୋତ୍ତୀର୍ଣେ ପରେ ପୂର୍ଣେ ପୁନରାଵୃତ୍ତିଵର୍ଜିତେ ।
ଲୀନୋ ଵୈନାଯକେ ଧାମ୍ନି ରମତେ ନିତ୍ଯନିର୍ଵୃତେ ॥ 196 ॥
ଯୋ ନାମଭିର୍ହୁତୈର୍ଦତ୍ତୈଃ ପୂଜଯେଦର୍ଚଯେଏନ୍ନରଃ ।
ରାଜାନୋ ଵଶ୍ଯତାଂ ଯାନ୍ତି ରିପଵୋ ଯାନ୍ତି ଦାସତାମ୍ ॥ 197 ॥
ତସ୍ଯ ସିଧ୍ଯନ୍ତି ମନ୍ତ୍ରାଣାଂ ଦୁର୍ଲଭାଶ୍ଚେଷ୍ଟସିଦ୍ଧଯଃ ।
ମୂଲମନ୍ତ୍ରାଦପି ସ୍ତୋତ୍ରମିଦଂ ପ୍ରିଯତମଂ ମମ ॥ 198 ॥
ନଭସ୍ଯେ ମାସି ଶୁକ୍ଲାଯାଂ ଚତୁର୍ଥ୍ଯାଂ ମମ ଜନ୍ମନି ।
ଦୂର୍ଵାଭିର୍ନାମଭିଃ ପୂଜାଂ ତର୍ପଣଂ ଵିଧିଵଚ୍ଚରେତ୍ ॥ 199 ॥
ଅଷ୍ଟଦ୍ରଵ୍ଯୈର୍ଵିଶେଷେଣ କୁର୍ଯାଦ୍ଭକ୍ତିସୁସଂଯୁତଃ ।
ତସ୍ଯେପ୍ସିତଂ ଧନଂ ଧାନ୍ଯମୈଶ୍ଵର୍ଯଂ ଵିଜଯୋ ଯଶଃ ॥ 200 ॥
ଭଵିଷ୍ଯତି ନ ସନ୍ଦେହଃ ପୁତ୍ରପୌତ୍ରାଦିକଂ ସୁଖମ୍ ।
ଇଦଂ ପ୍ରଜପିତଂ ସ୍ତୋତ୍ରଂ ପଠିତଂ ଶ୍ରାଵିତଂ ଶ୍ରୁତମ୍ ॥ 201 ॥
ଵ୍ଯାକୃତଂ ଚର୍ଚିତଂ ଧ୍ଯାତଂ ଵିମୃଷ୍ଟମଭିଵନ୍ଦିତମ୍ ।
ଇହାମୁତ୍ର ଚ ଵିଶ୍ଵେଷାଂ ଵିଶ୍ଵୈଶ୍ଵର୍ଯପ୍ରଦାଯକମ୍ ॥ 202 ॥
ସ୍ଵଚ୍ଛନ୍ଦଚାରିଣାପ୍ଯେଷ ଯେନ ସନ୍ଧାର୍ଯତେ ସ୍ତଵଃ ।
ସ ରକ୍ଷ୍ଯତେ ଶିଵୋଦ୍ଭୂତୈର୍ଗଣୈରଧ୍ଯଷ୍ଟକୋଟିଭିଃ ॥ 203 ॥
ଲିଖିତଂ ପୁସ୍ତକସ୍ତୋତ୍ରଂ ମନ୍ତ୍ରଭୂତଂ ପ୍ରପୂଜଯେତ୍ ।
ତତ୍ର ସର୍ଵୋତ୍ତମା ଲକ୍ଷ୍ମୀଃ ସନ୍ନିଧତ୍ତେ ନିରନ୍ତରମ୍ ॥ 204 ॥
ଦାନୈରଶେଷୈରଖିଲୈର୍ଵ୍ରତୈଶ୍ଚ ତୀର୍ଥୈରଶେଷୈରଖିଲୈର୍ମଖୈଶ୍ଚ ।
ନ ତତ୍ଫଲଂ ଵିନ୍ଦତି ଯଦ୍ଗଣେଶସହସ୍ରନାମସ୍ମରଣେନ ସଦ୍ଯଃ ॥ 205 ॥
ଏତନ୍ନାମ୍ନାଂ ସହସ୍ରଂ ପଠତି ଦିନମଣୌ ପ୍ରତ୍ଯହମ୍ପ୍ରୋଜ୍ଜିହାନେ
ସାଯଂ ମଧ୍ଯନ୍ଦିନେ ଵା ତ୍ରିଷଵଣମଥଵା ସନ୍ତତଂ ଵା ଜନୋ ଯଃ ।
ସ ସ୍ଯାଦୈଶ୍ଵର୍ଯଧୁର୍ଯଃ ପ୍ରଭଵତି ଵଚସାଂ କୀର୍ତିମୁଚ୍ଚୈସ୍ତନୋତି
ଦାରିଦ୍ର୍ଯଂ ହନ୍ତି ଵିଶ୍ଵଂ ଵଶଯତି ସୁଚିରଂ ଵର୍ଧତେ ପୁତ୍ରପୌତ୍ରୈଃ ॥ 206 ॥
ଅକିଞ୍ଚନୋପ୍ଯେକଚିତ୍ତୋ ନିଯତୋ ନିଯତାସନଃ ।
ପ୍ରଜପଂଶ୍ଚତୁରୋ ମାସାନ୍ ଗଣେଶାର୍ଚନତତ୍ପରଃ ॥ 207 ॥
ଦରିଦ୍ରତାଂ ସମୁନ୍ମୂଲ୍ଯ ସପ୍ତଜନ୍ମାନୁଗାମପି ।
ଲଭତେ ମହତୀଂ ଲକ୍ଷ୍ମୀମିତ୍ଯାଜ୍ଞା ପାରମେଶ୍ଵରୀ ॥ 208 ॥
ଆଯୁଷ୍ଯଂ ଵୀତରୋଗଂ କୁଲମତିଵିମଲଂ ସମ୍ପଦଶ୍ଚାର୍ତିନାଶଃ
କୀର୍ତିର୍ନିତ୍ଯାଵଦାତା ଭଵତି ଖଲୁ ନଵା କାନ୍ତିରଵ୍ଯାଜଭଵ୍ଯା ।
ପୁତ୍ରାଃ ସନ୍ତଃ କଲତ୍ରଂ ଗୁଣଵଦଭିମତଂ ଯଦ୍ଯଦନ୍ଯଚ୍ଚ ତତ୍ତ -
ନ୍ନିତ୍ଯଂ ଯଃ ସ୍ତୋତ୍ରମେତତ୍ ପଠତି ଗଣପତେସ୍ତସ୍ଯ ହସ୍ତେ ସମସ୍ତମ୍ ॥ 209 ॥
ଗଣଞ୍ଜଯୋ ଗଣପତିର୍ହେରମ୍ବୋ ଧରଣୀଧରଃ ।
ମହାଗଣପତିର୍ବୁଦ୍ଧିପ୍ରିଯଃ କ୍ଷିପ୍ରପ୍ରସାଦନଃ ॥ 210 ॥
ଅମୋଘସିଦ୍ଧିରମୃତମନ୍ତ୍ରଶ୍ଚିନ୍ତାମଣିର୍ନିଧିଃ ।
ସୁମଙ୍ଗଲୋ ବୀଜମାଶାପୂରକୋ ଵରଦଃ କଲଃ ॥ 211 ॥
କାଶ୍ଯପୋ ନନ୍ଦନୋ ଵାଚାସିଦ୍ଧୋ ଢୁଣ୍ଢିର୍ଵିନାଯକଃ ।
ମୋଦକୈରେଭିରତ୍ରୈକଵିଂଶତ୍ଯା ନାମଭିଃ ପୁମାନ୍ ॥ 212 ॥
ଉପାଯନଂ ଦଦେଦ୍ଭକ୍ତ୍ଯା ମତ୍ପ୍ରସାଦଂ ଚିକୀର୍ଷତି ।
ଵତ୍ସରଂ ଵିଘ୍ନରାଜୋଽସ୍ଯ ତଥ୍ଯମିଷ୍ଟାର୍ଥସିଦ୍ଧଯେ ॥ 213 ॥
ଯଃ ସ୍ତୌତି ମଦ୍ଗତମନା ମମାରାଧନତତ୍ପରଃ ।
ସ୍ତୁତୋ ନାମ୍ନା ସହସ୍ରେଣ ତେନାହଂ ନାତ୍ର ସଂଶଯଃ ॥ 214 ॥
ନମୋ ନମଃ ସୁରଵରପୂଜିତାଙ୍ଘ୍ରଯେ
ନମୋ ନମୋ ନିରୁପମମଙ୍ଗଲାତ୍ମନେ ।
ନମୋ ନମୋ ଵିପୁଲଦଯୈକସିଦ୍ଧଯେ
ନମୋ ନମଃ କରିକଲଭାନନାଯ ତେ ॥ 215 ॥
କିଙ୍କିଣୀଗଣରଚିତଚରଣଃ
ପ୍ରକଟିତଗୁରୁମିତଚାରୁକରଣଃ ।
ମଦଜଲଲହରୀକଲିତକପୋଲଃ
ଶମଯତୁ ଦୁରିତଂ ଗଣପତିନାମ୍ନା ॥ 216 ॥
॥ ଇତି ଶ୍ରୀଗଣେଶପୁରାଣେ ଉପାସନାଖଣ୍ଡେ ଈଶ୍ଵରଗଣେଶସଂଵାଦେ
ଗଣେଶସହସ୍ରନାମସ୍ତୋତ୍ରଂ ନାମ ଷଟ୍ଚତ୍ଵାରିଂଶୋଧ୍ଯାଯଃ ॥
Roman (IAST) Transliteration
muniruvāca
kathaṃ nāmnāṃ sahasraṃ taṃ gaṇeśa upadiṣṭavān |
śivadaṃ tanmamācakṣva lokānugrahatatpara || 1 ||
brahmovāca
devaḥ pūrvaṃ purārātiḥ puratrayajayodyame |
anarcanādgaṇeśasya jāto vighnākulaḥ kila || 2 ||
manasā sa vinirdhārya dadṛśe vighnakāraṇam |
mahāgaṇapatiṃ bhaktyā samabhyarcya yathāvidhi || 3 ||
vighnapraśamanopāyamapṛcchadapariśramam |
santuṣṭaḥ pūjayā śambhormahāgaṇapatiḥ svayam || 4 ||
sarvavighnapraśamanaṃ sarvakāmaphalapradam |
tatastasmai svayaṃ nāmnāṃ sahasramidamabravīt || 5 ||
asya śrīmahāgaṇapatisahasranāmastotramālāmantrasya |
gaṇeśa ṛṣiḥ, mahāgaṇapatirdevatā, nānāvidhānicchandāṃsi |
humiti bījam, tuṅgamiti śaktiḥ, svāhāśaktiriti kīlakam |
sakalavighnavināśanadvārā śrīmahāgaṇapatiprasādasiddhyarthe jape viniyogaḥ |
atha karanyāsaḥ
gaṇeśvaro gaṇakrīḍa ityaṅguṣṭhābhyāṃ namaḥ |
kumāragururīśāna iti tarjanībhyāṃ namaḥ ||
brahmāṇḍakumbhaścidvyometi madhyamābhyāṃ namaḥ |
rakto raktāmbaradhara ityanāmikābhyāṃ namaḥ
sarvasadgurusaṃsevya iti kaniṣṭhikābhyāṃ namaḥ |
luptavighnaḥ svabhaktānāmiti karatalakarapṛṣṭhābhyāṃ namaḥ ||
atha aṅganyāsaḥ
chandaśchandodbhava iti hṛdayāya namaḥ |
niṣkalo nirmala iti śirase svāhā |
sṛṣṭisthitilayakrīḍa iti śikhāyai vaṣaṭ |
jñānaṃ vijñānamānanda iti kavacāya hum |
aṣṭāṅgayogaphalabhṛditi netratrayāya vauṣaṭ |
anantaśaktisahita ityastrāya phaṭ |
bhūrbhuvaḥ svaroṃ iti digbandhaḥ |
atha dhyānam
gajavadanamacintyaṃ tīkṣṇadaṃṣṭraṃ trinetraṃ
bṛhadudaramaśeṣaṃ bhūtirājaṃ purāṇam |
amaravarasupūjyaṃ raktavarṇaṃ sureśaṃ
paśupatisutamīśaṃ vighnarājaṃ namāmi ||
śrīgaṇapatiruvāca
oṃ gaṇeśvaro gaṇakrīḍo gaṇanātho gaṇādhipaḥ |
ekadanto vakratuṇḍo gajavaktro mahodaraḥ || 1 ||
lambodaro dhūmravarṇo vikaṭo vighnanāśanaḥ |
sumukho durmukho buddho vighnarājo gajānanaḥ || 2 ||
bhīmaḥ pramoda āmodaḥ surānando madotkaṭaḥ |
herambaḥ śambaraḥ śambhurlambakarṇo mahābalaḥ || 3 ||
nandano lampaṭo bhīmo meghanādo gaṇañjayaḥ |
vināyako virūpākṣo vīraḥ śūravarapradaḥ || 4 ||
mahāgaṇapatirbuddhipriyaḥ kṣipraprasādanaḥ |
rudrapriyo gaṇādhyakṣa umāputro'ghanāśanaḥ || 5 ||
kumāragururīśānaputro mūṣakavāhanaḥ |
siddhipriyaḥ siddhipatiḥ siddhaḥ siddhivināyakaḥ || 6 ||
avighnastumburuḥ siṃhavāhano mohinīpriyaḥ |
kaṭaṅkaṭo rājaputraḥ śākalaḥ sammitomitaḥ || 7 ||
kūṣmāṇḍasāmasambhūtirdurjayo dhūrjayo jayaḥ |
bhūpatirbhuvanapatirbhūtānāṃ patiravyayaḥ || 8 ||
viśvakartā viśvamukho viśvarūpo nidhirguṇaḥ |
kaviḥ kavīnāmṛṣabho brahmaṇyo brahmavitpriyaḥ || 9 ||
jyeṣṭharājo nidhipatirnidhipriyapatipriyaḥ |
hiraṇmayapurāntaḥsthaḥ sūryamaṇḍalamadhyagaḥ || 10 ||
karāhatidhvastasindhusalilaḥ pūṣadantabhit |
umāṅkakelikutukī muktidaḥ kulapāvanaḥ || 11 ||
kirīṭī kuṇḍalī hārī vanamālī manomayaḥ |
vaimukhyahatadaityaśrīḥ pādāhatijitakṣitiḥ || 12 ||
sadyojātaḥ svarṇamuñjamekhalī durnimittahṛt |
duḥsvapnahṛtprasahano guṇī nādapratiṣṭhitaḥ || 13 ||
surūpaḥ sarvanetrādhivāso vīrāsanāśrayaḥ |
pītāmbaraḥ khaṇḍaradaḥ khaṇḍavaiśākhasaṃsthitaḥ || 14 ||
citrāṅgaḥ śyāmadaśano bhālacandro havirbhujaḥ |
yogādhipastārakasthaḥ puruṣo gajakarṇakaḥ || 15 ||
gaṇādhirājo vijayaḥ sthiro gajapatidhvajī |
devadevaḥ smaraḥ prāṇadīpako vāyukīlakaḥ || 16 ||
vipaścidvarado nādo nādabhinnamahācalaḥ |
varāharadano mṛtyuñjayo vyāghrājināmbaraḥ || 17 ||
icchāśaktibhavo devatrātā daityavimardanaḥ |
śambhuvaktrodbhavaḥ śambhukopahā śambhuhāsyabhūḥ || 18 ||
śambhutejāḥ śivāśokahārī gaurīsukhāvahaḥ |
umāṅgamalajo gaurītejobhūḥ svardhunībhavaḥ || 19 ||
yajñakāyo mahānādo girivarṣmā śubhānanaḥ |
sarvātmā sarvadevātmā brahmamūrdhā kakupśrutiḥ || 20 ||
brahmāṇḍakumbhaścidvyomabhālaḥsatyaśiroruhaḥ |
jagajjanmalayonmeṣanimeṣo'gnyarkasomadṛk || 21 ||
girīndraikarado dharmādharmoṣṭhaḥ sāmabṛṃhitaḥ |
graharkṣadaśano vāṇījihvo vāsavanāsikaḥ || 22 ||
bhrūmadhyasaṃsthitakaro brahmavidyāmadodakaḥ |
kulācalāṃsaḥ somārkaghaṇṭo rudraśirodharaḥ || 23 ||
nadīnadabhujaḥ sarpāṅgulīkastārakānakhaḥ |
vyomanābhiḥ śrīhṛdayo merupṛṣṭho'rṇavodaraḥ || 24 ||
kukṣisthayakṣagandharvarakṣaḥkinnaramānuṣaḥ |
pṛthvīkaṭiḥ sṛṣṭiliṅgaḥ śailorurdasrajānukaḥ || 25 ||
pātālajaṅgho munipātkālāṅguṣṭhastrayītanuḥ |
jyotirmaṇḍalalāṅgūlo hṛdayālānaniścalaḥ || 26 ||
hṛtpadmakarṇikāśālī viyatkelisarovaraḥ |
sadbhaktadhyānanigaḍaḥ pūjāvārinivāritaḥ || 27 ||
pratāpī kāśyapo mantā gaṇako viṣṭapī balī |
yaśasvī dhārmiko jetā prathamaḥ pramatheśvaraḥ || 28 ||
cintāmaṇirdvīpapatiḥ kalpadrumavanālayaḥ |
ratnamaṇḍapamadhyastho ratnasiṃhāsanāśrayaḥ || 29 ||
tīvrāśiroddhṛtapado jvālinīmaulilālitaḥ |
nandānanditapīṭhaśrīrbhogado bhūṣitāsanaḥ || 30 ||
sakāmadāyinīpīṭhaḥ sphuradugrāsanāśrayaḥ |
tejovatīśiroratnaṃ satyānityāvataṃsitaḥ || 31 ||
savighnanāśinīpīṭhaḥ sarvaśaktyambujālayaḥ |
lipipadmāsanādhāro vahnidhāmatrayālayaḥ || 32 ||
unnataprapado gūḍhagulphaḥ saṃvṛtapārṣṇikaḥ |
pīnajaṅghaḥ śliṣṭajānuḥ sthūloruḥ pronnamatkaṭiḥ || 33 ||
nimnanābhiḥ sthūlakukṣiḥ pīnavakṣā bṛhadbhujaḥ |
pīnaskandhaḥ kambukaṇṭho lamboṣṭho lambanāsikaḥ || 34 ||
bhagnavāmaradastuṅgasavyadanto mahāhanuḥ |
hrasvanetratrayaḥ śūrpakarṇo nibiḍamastakaḥ || 35 ||
stabakākārakumbhāgro ratnamaulirniraṅkuśaḥ |
sarpahārakaṭīsūtraḥ sarpayajñopavītavān || 36 ||
sarpakoṭīrakaṭakaḥ sarpagraiveyakāṅgadaḥ |
sarpakakṣodarābandhaḥ sarparājottaracchadaḥ || 37 ||
rakto raktāmbaradharo raktamālāvibhūṣaṇaḥ |
raktekṣano raktakaro raktatālvoṣṭhapallavaḥ || 38 ||
śvetaḥ śvetāmbaradharaḥ śvetamālāvibhūṣaṇaḥ |
śvetātapatraruciraḥ śvetacāmaravījitaḥ || 39 ||
sarvāvayavasampūrṇaḥ sarvalakṣaṇalakṣitaḥ |
sarvābharaṇaśobhāḍhyaḥ sarvaśobhāsamanvitaḥ || 40 ||
sarvamaṅgalamāṅgalyaḥ sarvakāraṇakāraṇam |
sarvadevavaraḥ śārṅgī bījapūrī gadādharaḥ || 41 ||
śubhāṅgo lokasāraṅgaḥ sutantustantuvardhanaḥ |
kirīṭī kuṇḍalī hārī vanamālī śubhāṅgadaḥ || 42 ||
ikṣucāpadharaḥ śūlī cakrapāṇiḥ sarojabhṛt |
pāśī dhṛtotpalaḥ śālimañjarībhṛtsvadantabhṛt || 43 ||
kalpavallīdharo viśvābhayadaikakaro vaśī |
akṣamālādharo jñānamudrāvān mudgarāyudhaḥ || 44 ||
pūrṇapātrī kambudharo vidhṛtāṅkuśamūlakaḥ |
karasthāmraphalaścūtakalikābhṛtkuṭhāravān || 45 ||
puṣkarasthasvarṇaghaṭīpūrṇaratnābhivarṣakaḥ |
bhāratīsundarīnātho vināyakaratipriyaḥ || 46 ||
mahālakṣmīpriyatamaḥ siddhalakṣmīmanoramaḥ |
ramārameśapūrvāṅgo dakṣiṇomāmaheśvaraḥ || 47 ||
mahīvarāhavāmāṅgo ratikandarpapaścimaḥ |
āmodamodajananaḥ sapramodapramodanaḥ || 48 ||
saṃvardhitamahāvṛddhirṛddhisiddhipravardhanaḥ |
dantasaumukhyasumukhaḥ kāntikandalitāśrayaḥ || 49 ||
madanāvatyāśritāṅghriḥ kṛtavaimukhyadurmukhaḥ |
vighnasampallavaḥ padmaḥ sarvonnatamadadravaḥ || 50 ||
vighnakṛnnimnacaraṇo drāviṇīśaktisatkṛtaḥ |
tīvrāprasannanayano jvālinīpālitaikadṛk || 51 ||
mohinīmohano bhogadāyinīkāntimaṇḍanaḥ |
kāminīkāntavaktraśrīradhiṣṭhitavasundharaḥ || 52 ||
vasudhārāmadonnādo mahāśaṅkhanidhipriyaḥ |
namadvasumatīmālī mahāpadmanidhiḥ prabhuḥ || 53 ||
sarvasadgurusaṃsevyaḥ śociṣkeśahṛdāśrayaḥ |
īśānamūrdhā devendraśikhaḥ pavananandanaḥ || 54 ||
pratyugranayano divyo divyāstraśataparvadhṛk |
airāvatādisarvāśāvāraṇo vāraṇapriyaḥ || 55 ||
vajrādyastraparīvāro gaṇacaṇḍasamāśrayaḥ |
jayājayaparikaro vijayāvijayāvahaḥ || 56 ||
ajayārcitapādābjo nityānandavanasthitaḥ |
vilāsinīkṛtollāsaḥ śauṇḍī saundaryamaṇḍitaḥ || 57 ||
anantānantasukhadaḥ sumaṅgalasumaṅgalaḥ |
jñānāśrayaḥ kriyādhāra icchāśaktiniṣevitaḥ || 58 ||
subhagāsaṃśritapado lalitālalitāśrayaḥ |
kāminīpālanaḥ kāmakāminīkelilālitaḥ || 59 ||
sarasvatyāśrayo gaurīnandanaḥ śrīniketanaḥ |
guruguptapado vācāsiddho vāgīśvarīpatiḥ || 60 ||
nalinīkāmuko vāmārāmo jyeṣṭhāmanoramaḥ |
raudrīmudritapādābjo humbījastuṅgaśaktikaḥ || 61 ||
viśvādijananatrāṇaḥ svāhāśaktiḥ sakīlakaḥ |
amṛtābdhikṛtāvāso madaghūrṇitalocanaḥ || 62 ||
ucchiṣṭocchiṣṭagaṇako gaṇeśo gaṇanāyakaḥ |
sārvakālikasaṃsiddhirnityasevyo digambaraḥ || 63 ||
anapāyo'nantadṛṣṭiraprameyo'jarāmaraḥ |
anāvilo'pratihatiracyuto'mṛtamakṣaraḥ || 64 ||
apratarkyo'kṣayo'jayyo'nādhāro'nāmayomalaḥ |
ameyasiddhiradvaitamaghoro'gnisamānanaḥ || 65 ||
anākāro'bdhibhūmyagnibalaghno'vyaktalakṣaṇaḥ |
ādhārapīṭhamādhāra ādhārādheyavarjitaḥ || 66 ||
ākhuketana āśāpūraka ākhumahārathaḥ |
ikṣusāgaramadhyastha ikṣubhakṣaṇalālasaḥ || 67 ||
ikṣucāpātirekaśrīrikṣucāpaniṣevitaḥ |
indragopasamānaśrīrindranīlasamadyutiḥ || 68 ||
indīvaradalaśyāma indumaṇḍalamaṇḍitaḥ |
idhmapriya iḍābhāga iḍāvānindirāpriyaḥ || 69 ||
ikṣvākuvighnavidhvaṃsī itikartavyatepsitaḥ |
īśānamaulirīśāna īśānapriya ītihā || 70 ||
īṣaṇātrayakalpānta īhāmātravivarjitaḥ |
upendra uḍubhṛnmauliruḍunāthakarapriyaḥ || 71 ||
unnatānana uttuṅga udārastridaśāgraṇīḥ |
ūrjasvānūṣmalamada ūhāpohadurāsadaḥ || 72 ||
ṛgyajuḥsāmanayana ṛddhisiddhisamarpakaḥ |
ṛjucittaikasulabho ṛṇatrayavimocanaḥ || 73 ||
luptavighnaḥ svabhaktānāṃ luptaśaktiḥ suradviṣām |
luptaśrīrvimukhārcānāṃ lūtāvisphoṭanāśanaḥ || 74 ||
ekārapīṭhamadhyastha ekapādakṛtāsanaḥ |
ejitākhiladaityaśrīredhitākhilasaṃśrayaḥ || 75 ||
aiśvaryanidhiraiśvaryamaihikāmuṣmikapradaḥ |
airammadasamonmeṣa airāvatasamānanaḥ || 76 ||
oṅkāravācya oṅkāra ojasvānoṣadhīpatiḥ |
audāryanidhirauddhatyadhairya aunnatyaniḥsamaḥ || 77 ||
aṅkuśaḥ suranāgānāmaṅkuśākārasaṃsthitaḥ |
aḥ samastavisargāntapadeṣu parikīrtitaḥ || 78 ||
kamaṇḍaludharaḥ kalpaḥ kapardī kalabhānanaḥ |
karmasākṣī karmakartā karmākarmaphalapradaḥ || 79 ||
kadambagolakākāraḥ kūṣmāṇḍagaṇanāyakaḥ |
kāruṇyadehaḥ kapilaḥ kathakaḥ kaṭisūtrabhṛt || 80 ||
kharvaḥ khaḍgapriyaḥ khaḍgaḥ khāntāntaḥsthaḥ khanirmalaḥ |
khalvāṭaśṛṅganilayaḥ khaṭvāṅgī khadurāsadaḥ || 81 ||
guṇāḍhyo gahano gadyo gadyapadyasudhārṇavaḥ |
gadyagānapriyo garjo gītagīrvāṇapūrvajaḥ || 82 ||
guhyācārarato guhyo guhyāgamanirūpitaḥ |
guhāśayo guḍābdhistho gurugamyo gururguruḥ || 83 ||
ghaṇṭāghargharikāmālī ghaṭakumbho ghaṭodaraḥ |
ṅakāravācyo ṅākāro ṅakārākāraśuṇḍabhṛt || 84 ||
caṇḍaścaṇḍeśvaraścaṇḍī caṇḍeśaścaṇḍavikramaḥ |
carācarapitā cintāmaṇiścarvaṇalālasaḥ || 85 ||
chandaśchandodbhavaśchando durlakṣyaśchandavigrahaḥ |
jagadyonirjagatsākṣī jagadīśo jaganmayaḥ || 86 ||
japyo japaparo jāpyo jihvāsiṃhāsanaprabhuḥ |
sravadgaṇḍollasaddhānajhaṅkāribhramarākulaḥ || 87 ||
ṭaṅkārasphārasaṃrāvaṣṭaṅkāramaṇinūpuraḥ |
ṭhadvayīpallavāntasthasarvamantreṣu siddhidaḥ || 88 ||
ḍiṇḍimuṇḍo ḍākinīśo ḍāmaro ḍiṇḍimapriyaḥ |
ḍhakkāninādamudito ḍhauṅko ḍhuṇḍhivināyakaḥ || 89 ||
tattvānāṃ prakṛtistattvaṃ tattvampadanirūpitaḥ |
tārakāntarasaṃsthānastārakastārakāntakaḥ || 90 ||
sthāṇuḥ sthāṇupriyaḥ sthātā sthāvaraṃ jaṅgamaṃ jagat |
dakṣayajñapramathano dātā dānaṃ damo dayā || 91 ||
dayāvāndivyavibhavo daṇḍabhṛddaṇḍanāyakaḥ |
dantaprabhinnābhramālo daityavāraṇadāraṇaḥ || 92 ||
daṃṣṭrālagnadvīpaghaṭo devārthanṛgajākṛtiḥ |
dhanaṃ dhanapaterbandhurdhanado dharaṇīdharaḥ || 93 ||
dhyānaikaprakaṭo dhyeyo dhyānaṃ dhyānaparāyaṇaḥ |
dhvaniprakṛticītkāro brahmāṇḍāvalimekhalaḥ || 94 ||
nandyo nandipriyo nādo nādamadhyapratiṣṭhitaḥ |
niṣkalo nirmalo nityo nityānityo nirāmayaḥ || 95 ||
paraṃ vyoma paraṃ dhāma paramātmā paraṃ padam || 96 ||
parātparaḥ paśupatiḥ paśupāśavimocanaḥ |
pūrṇānandaḥ parānandaḥ purāṇapuruṣottamaḥ || 97 ||
padmaprasannavadanaḥ praṇatājñānanāśanaḥ |
pramāṇapratyayātītaḥ praṇatārtinivāraṇaḥ || 98 ||
phaṇihastaḥ phaṇipatiḥ phūtkāraḥ phaṇitapriyaḥ |
bāṇārcitāṅghriyugalo bālakelikutūhalī |
brahma brahmārcitapado brahmacārī bṛhaspatiḥ || 99 ||
bṛhattamo brahmaparo brahmaṇyo brahmavitpriyaḥ |
bṛhannādāgryacītkāro brahmāṇḍāvalimekhalaḥ || 100 ||
bhrūkṣepadattalakṣmīko bhargo bhadro bhayāpahaḥ |
bhagavān bhaktisulabho bhūtido bhūtibhūṣaṇaḥ || 101 ||
bhavyo bhūtālayo bhogadātā bhrūmadhyagocaraḥ |
mantro mantrapatirmantrī madamatto mano mayaḥ || 102 ||
mekhalāhīśvaro mandagatirmandanibhekṣaṇaḥ |
mahābalo mahāvīryo mahāprāṇo mahāmanāḥ || 103 ||
yajño yajñapatiryajñagoptā yajñaphalapradaḥ |
yaśaskaro yogagamyo yājñiko yājakapriyaḥ || 104 ||
raso rasapriyo rasyo rañjako rāvaṇārcitaḥ |
rājyarakṣākaro ratnagarbho rājyasukhapradaḥ || 105 ||
lakṣo lakṣapatirlakṣyo layastho laḍḍukapriyaḥ |
lāsapriyo lāsyaparo lābhakṛllokaviśrutaḥ || 106 ||
vareṇyo vahnivadano vandyo vedāntagocaraḥ |
vikartā viśvataścakṣurvidhātā viśvatomukhaḥ || 107 ||
vāmadevo viśvanetā vajrivajranivāraṇaḥ |
vivasvadbandhano viśvādhāro viśveśvaro vibhuḥ || 108 ||
śabdabrahma śamaprāpyaḥ śambhuśaktigaṇeśvaraḥ |
śāstā śikhāgranilayaḥ śaraṇyaḥ śambareśvaraḥ || 109 ||
ṣaḍṛtukusumasragvī ṣaḍādhāraḥ ṣaḍakṣaraḥ |
saṃsāravaidyaḥ sarvajñaḥ sarvabheṣajabheṣajam || 110 ||
sṛṣṭisthitilayakrīḍaḥ surakuñjarabhedakaḥ |
sindūritamahākumbhaḥ sadasadbhaktidāyakaḥ || 111 ||
sākṣī samudramathanaḥ svayaṃvedyaḥ svadakṣiṇaḥ |
svatantraḥ satyasaṅkalpaḥ sāmagānarataḥ sukhī || 112 ||
haṃso hastipiśācīśo havanaṃ havyakavyabhuk |
havyaṃ hutapriyo hṛṣṭo hṛllekhāmantramadhyagaḥ || 113 ||
kṣetrādhipaḥ kṣamābhartā kṣamākṣamaparāyaṇaḥ |
kṣiprakṣemakaraḥ kṣemānandaḥ kṣoṇīsuradrumaḥ || 114 ||
dharmaprado'rthadaḥ kāmadātā saubhāgyavardhanaḥ |
vidyāprado vibhavado bhuktimuktiphalapradaḥ || 115 ||
ābhirūpyakaro vīraśrīprado vijayapradaḥ |
sarvavaśyakaro garbhadoṣahā putrapautradaḥ || 116 ||
medhādaḥ kīrtidaḥ śokahārī daurbhāgyanāśanaḥ |
prativādimukhastambho ruṣṭacittaprasādanaḥ || 117 ||
parābhicāraśamano duḥkhahā bandhamokṣadaḥ |
lavastruṭiḥ kalā kāṣṭhā nimeṣastatparakṣaṇaḥ || 118 ||
ghaṭī muhūrtaḥ praharo divā naktamaharniśam |
pakṣo māsartvayanābdayugaṃ kalpo mahālayaḥ || 119 ||
rāśistārā tithiryogo vāraḥ karaṇamaṃśakam |
lagnaṃ horā kālacakraṃ meruḥ saptarṣayo dhruvaḥ || 120 ||
rāhurmandaḥ kavirjīvo budho bhaumaḥ śaśī raviḥ |
kālaḥ sṛṣṭiḥ sthitirviśvaṃ sthāvaraṃ jaṅgamaṃ jagat || 121 ||
bhūrāpo'gnirmarudvyomāhaṅkṛtiḥ prakṛtiḥ pumān |
brahmā viṣṇuḥ śivo rudra īśaḥ śaktiḥ sadāśivaḥ || 122 ||
tridaśāḥ pitaraḥ siddhā yakṣā rakṣāṃsi kinnarāḥ |
siddhavidyādharā bhūtā manuṣyāḥ paśavaḥ khagāḥ || 123 ||
samudrāḥ saritaḥ śailā bhūtaṃ bhavyaṃ bhavodbhavaḥ |
sāṅkhyaṃ pātañjalaṃ yogaṃ purāṇāni śrutiḥ smṛtiḥ || 124 ||
vedāṅgāni sadācāro mīmāṃsā nyāyavistaraḥ |
āyurvedo dhanurvedo gāndharvaṃ kāvyanāṭakam || 125 ||
vaikhānasaṃ bhāgavataṃ mānuṣaṃ pāñcarātrakam |
śaivaṃ pāśupataṃ kālāmukhambhairavaśāsanam || 126 ||
śāktaṃ vaināyakaṃ sauraṃ jainamārhatasaṃhitā |
sadasadvyaktamavyaktaṃ sacetanamacetanam || 127 ||
bandho mokṣaḥ sukhaṃ bhogo yogaḥ satyamaṇurmahān |
svasti humphaṭ svadhā svāhā śrauṣaṭ vauṣaṭ vaṣaṇ namaḥ 128 ||
jñānaṃ vijñānamānando bodhaḥ saṃvitsamo'samaḥ |
eka ekākṣarādhāra ekākṣaraparāyaṇaḥ || 129 ||
ekāgradhīrekavīra eko'nekasvarūpadhṛk |
dvirūpo dvibhujo dvyakṣo dvirado dvīparakṣakaḥ || 130 ||
dvaimāturo dvivadano dvandvahīno dvayātigaḥ |
tridhāmā trikarastretā trivargaphaladāyakaḥ || 131 ||
triguṇātmā trilokādistriśaktīśastrilocanaḥ |
caturvidhavacovṛttiparivṛttipravartakaḥ || 132 ||
caturbāhuścaturdantaścaturātmā caturbhujaḥ |
caturvidhopāyamayaścaturvarṇāśramāśrayaḥ 133 ||
caturthīpūjanaprītaścaturthītithisambhavaḥ ||
pañcākṣarātmā pañcātmā pañcāsyaḥ pañcakṛttamaḥ || 134 ||
pañcādhāraḥ pañcavarṇaḥ pañcākṣaraparāyaṇaḥ |
pañcatālaḥ pañcakaraḥ pañcapraṇavamātṛkaḥ || 135 ||
pañcabrahmamayasphūrtiḥ pañcāvaraṇavāritaḥ |
pañcabhakṣapriyaḥ pañcabāṇaḥ pañcaśikhātmakaḥ || 136 ||
ṣaṭkoṇapīṭhaḥ ṣaṭcakradhāmā ṣaḍgranthibhedakaḥ |
ṣaḍaṅgadhvāntavidhvaṃsī ṣaḍaṅgulamahāhradaḥ || 137 ||
ṣaṇmukhaḥ ṣaṇmukhabhrātā ṣaṭśaktiparivāritaḥ |
ṣaḍvairivargavidhvaṃsī ṣaḍūrmibhayabhañjanaḥ || 138 ||
ṣaṭtarkadūraḥ ṣaṭkarmā ṣaḍguṇaḥ ṣaḍrasāśrayaḥ |
saptapātālacaraṇaḥ saptadvīporumaṇḍalaḥ || 139 ||
saptasvarlokamukuṭaḥ saptasaptivarapradaḥ |
saptāṅgarājyasukhadaḥ saptarṣigaṇavanditaḥ || 140 ||
saptacchandonidhiḥ saptahotraḥ saptasvarāśrayaḥ |
saptābdhikelikāsāraḥ saptamātṛniṣevitaḥ || 141 ||
saptacchando modamadaḥ saptacchando makhaprabhuḥ |
aṣṭamūrtirdhyeyamūrtiraṣṭaprakṛtikāraṇam || 142 ||
aṣṭāṅgayogaphalabhṛdaṣṭapatrāmbujāsanaḥ |
aṣṭaśaktisamānaśrīraṣṭaiśvaryapravardhanaḥ || 143 ||
aṣṭapīṭhopapīṭhaśrīraṣṭamātṛsamāvṛtaḥ |
aṣṭabhairavasevyo'ṣṭavasuvandyo'ṣṭamūrtibhṛt || 144 ||
aṣṭacakrasphuranmūrtiraṣṭadravyahaviḥpriyaḥ |
aṣṭaśrīraṣṭasāmaśrīraṣṭaiśvaryapradāyakaḥ |
navanāgāsanādhyāsī navanidhyanuśāsitaḥ || 145 ||
navadvārapurāvṛtto navadvāraniketanaḥ |
navanāthamahānātho navanāgavibhūṣitaḥ || 146 ||
navanārāyaṇastulyo navadurgāniṣevitaḥ |
navaratnavicitrāṅgo navaśaktiśiroddhṛtaḥ || 147 ||
daśātmako daśabhujo daśadikpativanditaḥ |
daśādhyāyo daśaprāṇo daśendriyaniyāmakaḥ || 148 ||
daśākṣaramahāmantro daśāśāvyāpivigrahaḥ |
ekādaśamahārudraiḥstutaścaikādaśākṣaraḥ || 149 ||
dvādaśadvidaśāṣṭādidordaṇḍāstraniketanaḥ |
trayodaśabhidābhinno viśvedevādhidaivatam || 150 ||
caturdaśendravaradaścaturdaśamanuprabhuḥ |
caturdaśādyavidyāḍhyaścaturdaśajagatpatiḥ || 151 ||
sāmapañcadaśaḥ pañcadaśīśītāṃśunirmalaḥ |
tithipañcadaśākārastithyā pañcadaśārcitaḥ || 152 ||
ṣoḍaśādhāranilayaḥ ṣoḍaśasvaramātṛkaḥ |
ṣoḍaśāntapadāvāsaḥ ṣoḍaśendukalātmakaḥ || 153 ||
kalāsaptadaśī saptadaśasaptadaśākṣaraḥ |
aṣṭādaśadvīpapatiraṣṭādaśapurāṇakṛt || 154 ||
aṣṭādaśauṣadhīsṛṣṭiraṣṭādaśavidhiḥ smṛtaḥ |
aṣṭādaśalipivyaṣṭisamaṣṭijñānakovidaḥ || 155 ||
aṣṭādaśānnasampattiraṣṭādaśavijātikṛt |
ekaviṃśaḥ pumānekaviṃśatyaṅgulipallavaḥ || 156 ||
caturviṃśatitattvātmā pañcaviṃśākhyapūruṣaḥ |
saptaviṃśatitāreśaḥ saptaviṃśatiyogakṛt || 157 ||
dvātriṃśadbhairavādhīśaścatustriṃśanmahāhradaḥ |
ṣaṭtriṃśattattvasambhūtiraṣṭatriṃśatkalātmakaḥ || 158 ||
pañcāśadviṣṇuśaktīśaḥ pañcāśanmātṛkālayaḥ |
dvipañcāśadvapuḥśreṇītriṣaṣṭyakṣarasaṃśrayaḥ |
pañcāśadakṣaraśreṇīpañcāśadrudravigrahaḥ || 159 ||
catuḥṣaṣṭimahāsiddhiyoginīvṛndavanditaḥ |
namadekonapañcāśanmarudvarganirargalaḥ || 160 ||
catuḥṣaṣṭyarthanirṇetā catuḥṣaṣṭikalānidhiḥ |
aṣṭaṣaṣṭimahātīrthakṣetrabhairavavanditaḥ || 161 ||
caturnavatimantrātmā ṣaṇṇavatyadhikaprabhuḥ |
śatānandaḥ śatadhṛtiḥ śatapatrāyatekṣaṇaḥ || 162 ||
śatānīkaḥ śatamakhaḥ śatadhārāvarāyudhaḥ |
sahasrapatranilayaḥ sahasraphaṇibhūṣaṇaḥ || 163 ||
sahasraśīrṣā puruṣaḥ sahasrākṣaḥ sahasrapāt |
sahasranāmasaṃstutyaḥ sahasrākṣabalāpahaḥ || 164 ||
daśasāhasraphaṇibhṛtphaṇirājakṛtāsanaḥ |
aṣṭāśītisahasrādyamaharṣistotrapāṭhitaḥ || 165 ||
lakṣādhāraḥ priyādhāro lakṣādhāramanomayaḥ |
caturlakṣajapaprītaścaturlakṣaprakāśakaḥ || 166 ||
caturaśītilakṣāṇāṃ jīvānāṃ dehasaṃsthitaḥ |
koṭisūryapratīkāśaḥ koṭicandrāṃśunirmalaḥ || 167 ||
śivodbhavādyaṣṭakoṭivaināyakadhurandharaḥ |
saptakoṭimahāmantramantritāvayavadyutiḥ || 168 ||
trayastriṃśatkoṭisuraśreṇīpraṇatapādukaḥ |
anantadevatāsevyo hyanantaśubhadāyakaḥ || 169 ||
anantanāmānantaśrīrananto'nantasaukhyadaḥ |
anantaśaktisahito hyanantamunisaṃstutaḥ || 170 ||
iti vaināyakaṃ nāmnāṃ sahasramidamīritam |
idaṃ brāhme muhūrte yaḥ paṭhati pratyahaṃ naraḥ || 171 ||
karasthaṃ tasya sakalamaihikāmuṣmikaṃ sukham |
āyurārogyamaiśvaryaṃ dhairyaṃ śauryaṃ balaṃ yaśaḥ || 172 ||
medhā prajñā dhṛtiḥ kāntiḥ saubhāgyamabhirūpatā |
satyaṃ dayā kṣamā śāntirdākṣiṇyaṃ dharmaśīlatā || 173 ||
jagatsaṃvananaṃ viśvasaṃvādo vedapāṭavam |
sabhāpāṇḍityamaudāryaṃ gāmbhīryaṃ brahmavarcasam || 174 ||
ojastejaḥ kulaṃ śīlaṃ pratāpo vīryamāryatā |
jñānaṃ vijñānamāstikyaṃ sthairyaṃ viśvāsatā tathā || 175 ||
dhanadhānyādivṛddhiśca sakṛdasya japādbhavet |
vaśyaṃ caturvidhaṃ viśvaṃ japādasya prajāyate || 176 ||
rājño rājakalatrasya rājaputrasya mantriṇaḥ |
japyate yasya vaśyārthe sa dāsastasya jāyate || 177 ||
dharmārthakāmamokṣāṇāmanāyāsena sādhanam |
śākinīḍākinīrakṣoyakṣagrahabhayāpaham || 178 ||
sāmrājyasukhadaṃ sarvasapatnamadamardanam |
samastakalahadhvaṃsi dagdhabījaprarohaṇam || 179 ||
duḥsvapnaśamanaṃ kruddhasvāmicittaprasādanam |
ṣaḍvargāṣṭamahāsiddhitrikālajñānakāraṇam || 180 ||
parakṛtyapraśamanaṃ paracakrapramardanam |
saṅgrāmamārge saveṣāmidamekaṃ jayāvaham || 181 ||
sarvavandhyatvadoṣaghnaṃ garbharakṣaikakāraṇam |
paṭhyate pratyahaṃ yatra stotraṃ gaṇapateridam || 182 ||
deśe tatra na durbhikṣamītayo duritāni ca |
na tadgehaṃ jahāti śrīryatrāyaṃ japyate stavaḥ || 183 ||
kṣayakuṣṭhapramehārśabhagandaraviṣūcikāḥ |
gulmaṃ plīhānamaśamānamatisāraṃ mahodaram || 184 ||
kāsaṃ śvāsamudāvartaṃ śūlaṃ śophāmayodaram |
śirorogaṃ vamiṃ hikkāṃ gaṇḍamālāmarocakam || 185 ||
vātapittakaphadvandvatridoṣajanitajvaram |
āgantuviṣamaṃ śītamuṣṇaṃ caikāhikādikam || 186 ||
ityādyuktamanuktaṃ vā rogadoṣādisambhavam |
sarvaṃ praśamayatyāśu stotrasyāsya sakṛjjapaḥ || 187 ||
prāpyate'sya japātsiddhiḥ strīśūdraiḥ patitairapi |
sahasranāmamantro'yaṃ japitavyaḥ śubhāptaye || 188 ||
mahāgaṇapateḥ stotraṃ sakāmaḥ prajapannidam |
icchayā sakalān bhogānupabhujyeha pārthivān || 189 ||
manorathaphalairdivyairvyomayānairmanoramaiḥ |
candrendrabhāskaropendrabrahmaśarvādisadmasu || 190 ||
kāmarūpaḥ kāmagatiḥ kāmadaḥ kāmadeśvaraḥ |
bhuktvā yathepsitānbhogānabhīṣṭaiḥ saha bandhubhiḥ || 191 ||
gaṇeśānucaro bhūtvā gaṇo gaṇapatipriyaḥ |
nandīśvarādisānandairnanditaḥ sakalairgaṇaiḥ || 192 ||
śivābhyāṃ kṛpayā putranirviśeṣaṃ ca lālitaḥ |
śivabhaktaḥ pūrṇakāmo gaṇeśvaravarātpunaḥ || 193 ||
jātismaro dharmaparaḥ sārvabhaumo'bhijāyate |
niṣkāmastu japannityaṃ bhaktyā vighneśatatparaḥ || 194 ||
yogasiddhiṃ parāṃ prāpya jñānavairāgyasaṃyutaḥ |
nirantare nirābādhe paramānandasañjñite || 195 ||
viśvottīrṇe pare pūrṇe punarāvṛttivarjite |
līno vaināyake dhāmni ramate nityanirvṛte || 196 ||
yo nāmabhirhutairdattaiḥ pūjayedarcayeennaraḥ |
rājāno vaśyatāṃ yānti ripavo yānti dāsatām || 197 ||
tasya sidhyanti mantrāṇāṃ durlabhāśceṣṭasiddhayaḥ |
mūlamantrādapi stotramidaṃ priyatamaṃ mama || 198 ||
nabhasye māsi śuklāyāṃ caturthyāṃ mama janmani |
dūrvābhirnāmabhiḥ pūjāṃ tarpaṇaṃ vidhivaccaret || 199 ||
aṣṭadravyairviśeṣeṇa kuryādbhaktisusaṃyutaḥ |
tasyepsitaṃ dhanaṃ dhānyamaiśvaryaṃ vijayo yaśaḥ || 200 ||
bhaviṣyati na sandehaḥ putrapautrādikaṃ sukham |
idaṃ prajapitaṃ stotraṃ paṭhitaṃ śrāvitaṃ śrutam || 201 ||
vyākṛtaṃ carcitaṃ dhyātaṃ vimṛṣṭamabhivanditam |
ihāmutra ca viśveṣāṃ viśvaiśvaryapradāyakam || 202 ||
svacchandacāriṇāpyeṣa yena sandhāryate stavaḥ |
sa rakṣyate śivodbhūtairgaṇairadhyaṣṭakoṭibhiḥ || 203 ||
likhitaṃ pustakastotraṃ mantrabhūtaṃ prapūjayet |
tatra sarvottamā lakṣmīḥ sannidhatte nirantaram || 204 ||
dānairaśeṣairakhilairvrataiśca tīrthairaśeṣairakhilairmakhaiśca |
na tatphalaṃ vindati yadgaṇeśasahasranāmasmaraṇena sadyaḥ || 205 ||
etannāmnāṃ sahasraṃ paṭhati dinamaṇau pratyahamprojjihāne
sāyaṃ madhyandine vā triṣavaṇamathavā santataṃ vā jano yaḥ |
sa syādaiśvaryadhuryaḥ prabhavati vacasāṃ kīrtimuccaistanoti
dāridryaṃ hanti viśvaṃ vaśayati suciraṃ vardhate putrapautraiḥ || 206 ||
akiñcanopyekacitto niyato niyatāsanaḥ |
prajapaṃścaturo māsān gaṇeśārcanatatparaḥ || 207 ||
daridratāṃ samunmūlya saptajanmānugāmapi |
labhate mahatīṃ lakṣmīmityājñā pārameśvarī || 208 ||
āyuṣyaṃ vītarogaṃ kulamativimalaṃ sampadaścārtināśaḥ
kīrtirnityāvadātā bhavati khalu navā kāntiravyājabhavyā |
putrāḥ santaḥ kalatraṃ guṇavadabhimataṃ yadyadanyacca tatta -
nnityaṃ yaḥ stotrametat paṭhati gaṇapatestasya haste samastam || 209 ||
gaṇañjayo gaṇapatirherambo dharaṇīdharaḥ |
mahāgaṇapatirbuddhipriyaḥ kṣipraprasādanaḥ || 210 ||
amoghasiddhiramṛtamantraścintāmaṇirnidhiḥ |
sumaṅgalo bījamāśāpūrako varadaḥ kalaḥ || 211 ||
kāśyapo nandano vācāsiddho ḍhuṇḍhirvināyakaḥ |
modakairebhiratraikaviṃśatyā nāmabhiḥ pumān || 212 ||
upāyanaṃ dadedbhaktyā matprasādaṃ cikīrṣati |
vatsaraṃ vighnarājo'sya tathyamiṣṭārthasiddhaye || 213 ||
yaḥ stauti madgatamanā mamārādhanatatparaḥ |
stuto nāmnā sahasreṇa tenāhaṃ nātra saṃśayaḥ || 214 ||
namo namaḥ suravarapūjitāṅghraye
namo namo nirupamamaṅgalātmane |
namo namo vipuladayaikasiddhaye
namo namaḥ karikalabhānanāya te || 215 ||
kiṅkiṇīgaṇaracitacaraṇaḥ
prakaṭitagurumitacārukaraṇaḥ |
madajalalaharīkalitakapolaḥ
śamayatu duritaṃ gaṇapatināmnā || 216 ||
|| iti śrīgaṇeśapurāṇe upāsanākhaṇḍe īśvaragaṇeśasaṃvāde
gaṇeśasahasranāmastotraṃ nāma ṣaṭcatvāriṃśodhyāyaḥ ||
Sanskrit — Devanagari (original)
मुनिरुवाच
कथं नाम्नां सहस्रं तं गणेश उपदिष्टवान् ।
शिवदं तन्ममाचक्ष्व लोकानुग्रहतत्पर ॥ 1 ॥
ब्रह्मोवाच
देवः पूर्वं पुरारातिः पुरत्रयजयोद्यमे ।
अनर्चनाद्गणेशस्य जातो विघ्नाकुलः किल ॥ 2 ॥
मनसा स विनिर्धार्य ददृशे विघ्नकारणम् ।
महागणपतिं भक्त्या समभ्यर्च्य यथाविधि ॥ 3 ॥
विघ्नप्रशमनोपायमपृच्छदपरिश्रमम् ।
सन्तुष्टः पूजया शम्भोर्महागणपतिः स्वयम् ॥ 4 ॥
सर्वविघ्नप्रशमनं सर्वकामफलप्रदम् ।
ततस्तस्मै स्वयं नाम्नां सहस्रमिदमब्रवीत् ॥ 5 ॥
अस्य श्रीमहागणपतिसहस्रनामस्तोत्रमालामन्त्रस्य ।
गणेश ऋषिः, महागणपतिर्देवता, नानाविधानिच्छन्दांसि ।
हुमिति बीजम्, तुङ्गमिति शक्तिः, स्वाहाशक्तिरिति कीलकम् ।
सकलविघ्नविनाशनद्वारा श्रीमहागणपतिप्रसादसिद्ध्यर्थे जपे विनियोगः ।
अथ करन्यासः
गणेश्वरो गणक्रीड इत्यङ्गुष्ठाभ्यां नमः ।
कुमारगुरुरीशान इति तर्जनीभ्यां नमः ॥
ब्रह्माण्डकुम्भश्चिद्व्योमेति मध्यमाभ्यां नमः ।
रक्तो रक्ताम्बरधर इत्यनामिकाभ्यां नमः
सर्वसद्गुरुसंसेव्य इति कनिष्ठिकाभ्यां नमः ।
लुप्तविघ्नः स्वभक्तानामिति करतलकरपृष्ठाभ्यां नमः ॥
अथ अङ्गन्यासः
छन्दश्छन्दोद्भव इति हृदयाय नमः ।
निष्कलो निर्मल इति शिरसे स्वाहा ।
सृष्टिस्थितिलयक्रीड इति शिखायै वषट् ।
ज्ञानं विज्ञानमानन्द इति कवचाय हुम् ।
अष्टाङ्गयोगफलभृदिति नेत्रत्रयाय वौषट् ।
अनन्तशक्तिसहित इत्यस्त्राय फट् ।
भूर्भुवः स्वरों इति दिग्बन्धः ।
अथ ध्यानम्
गजवदनमचिन्त्यं तीक्ष्णदंष्ट्रं त्रिनेत्रं
बृहदुदरमशेषं भूतिराजं पुराणम् ।
अमरवरसुपूज्यं रक्तवर्णं सुरेशं
पशुपतिसुतमीशं विघ्नराजं नमामि ॥
श्रीगणपतिरुवाच
ॐ गणेश्वरो गणक्रीडो गणनाथो गणाधिपः ।
एकदन्तो वक्रतुण्डो गजवक्त्रो महोदरः ॥ 1 ॥
लम्बोदरो धूम्रवर्णो विकटो विघ्ननाशनः ।
सुमुखो दुर्मुखो बुद्धो विघ्नराजो गजाननः ॥ 2 ॥
भीमः प्रमोद आमोदः सुरानन्दो मदोत्कटः ।
हेरम्बः शम्बरः शम्भुर्लम्बकर्णो महाबलः ॥ 3 ॥
नन्दनो लम्पटो भीमो मेघनादो गणञ्जयः ।
विनायको विरूपाक्षो वीरः शूरवरप्रदः ॥ 4 ॥
महागणपतिर्बुद्धिप्रियः क्षिप्रप्रसादनः ।
रुद्रप्रियो गणाध्यक्ष उमापुत्रोऽघनाशनः ॥ 5 ॥
कुमारगुरुरीशानपुत्रो मूषकवाहनः ।
सिद्धिप्रियः सिद्धिपतिः सिद्धः सिद्धिविनायकः ॥ 6 ॥
अविघ्नस्तुम्बुरुः सिंहवाहनो मोहिनीप्रियः ।
कटङ्कटो राजपुत्रः शाकलः सम्मितोमितः ॥ 7 ॥
कूष्माण्डसामसम्भूतिर्दुर्जयो धूर्जयो जयः ।
भूपतिर्भुवनपतिर्भूतानां पतिरव्ययः ॥ 8 ॥
विश्वकर्ता विश्वमुखो विश्वरूपो निधिर्गुणः ।
कविः कवीनामृषभो ब्रह्मण्यो ब्रह्मवित्प्रियः ॥ 9 ॥
ज्येष्ठराजो निधिपतिर्निधिप्रियपतिप्रियः ।
हिरण्मयपुरान्तःस्थः सूर्यमण्डलमध्यगः ॥ 10 ॥
कराहतिध्वस्तसिन्धुसलिलः पूषदन्तभित् ।
उमाङ्ककेलिकुतुकी मुक्तिदः कुलपावनः ॥ 11 ॥
किरीटी कुण्डली हारी वनमाली मनोमयः ।
वैमुख्यहतदैत्यश्रीः पादाहतिजितक्षितिः ॥ 12 ॥
सद्योजातः स्वर्णमुञ्जमेखली दुर्निमित्तहृत् ।
दुःस्वप्नहृत्प्रसहनो गुणी नादप्रतिष्ठितः ॥ 13 ॥
सुरूपः सर्वनेत्राधिवासो वीरासनाश्रयः ।
पीताम्बरः खण्डरदः खण्डवैशाखसंस्थितः ॥ 14 ॥
चित्राङ्गः श्यामदशनो भालचन्द्रो हविर्भुजः ।
योगाधिपस्तारकस्थः पुरुषो गजकर्णकः ॥ 15 ॥
गणाधिराजो विजयः स्थिरो गजपतिध्वजी ।
देवदेवः स्मरः प्राणदीपको वायुकीलकः ॥ 16 ॥
विपश्चिद्वरदो नादो नादभिन्नमहाचलः ।
वराहरदनो मृत्युञ्जयो व्याघ्राजिनाम्बरः ॥ 17 ॥
इच्छाशक्तिभवो देवत्राता दैत्यविमर्दनः ।
शम्भुवक्त्रोद्भवः शम्भुकोपहा शम्भुहास्यभूः ॥ 18 ॥
शम्भुतेजाः शिवाशोकहारी गौरीसुखावहः ।
उमाङ्गमलजो गौरीतेजोभूः स्वर्धुनीभवः ॥ 19 ॥
यज्ञकायो महानादो गिरिवर्ष्मा शुभाननः ।
सर्वात्मा सर्वदेवात्मा ब्रह्ममूर्धा ककुप्श्रुतिः ॥ 20 ॥
ब्रह्माण्डकुम्भश्चिद्व्योमभालःसत्यशिरोरुहः ।
जगज्जन्मलयोन्मेषनिमेषोऽग्न्यर्कसोमदृक् ॥ 21 ॥
गिरीन्द्रैकरदो धर्माधर्मोष्ठः सामबृंहितः ।
ग्रहर्क्षदशनो वाणीजिह्वो वासवनासिकः ॥ 22 ॥
भ्रूमध्यसंस्थितकरो ब्रह्मविद्यामदोदकः ।
कुलाचलांसः सोमार्कघण्टो रुद्रशिरोधरः ॥ 23 ॥
नदीनदभुजः सर्पाङ्गुलीकस्तारकानखः ।
व्योमनाभिः श्रीहृदयो मेरुपृष्ठोऽर्णवोदरः ॥ 24 ॥
कुक्षिस्थयक्षगन्धर्वरक्षःकिन्नरमानुषः ।
पृथ्वीकटिः सृष्टिलिङ्गः शैलोरुर्दस्रजानुकः ॥ 25 ॥
पातालजङ्घो मुनिपात्कालाङ्गुष्ठस्त्रयीतनुः ।
ज्योतिर्मण्डललाङ्गूलो हृदयालाननिश्चलः ॥ 26 ॥
हृत्पद्मकर्णिकाशाली वियत्केलिसरोवरः ।
सद्भक्तध्याननिगडः पूजावारिनिवारितः ॥ 27 ॥
प्रतापी काश्यपो मन्ता गणको विष्टपी बली ।
यशस्वी धार्मिको जेता प्रथमः प्रमथेश्वरः ॥ 28 ॥
चिन्तामणिर्द्वीपपतिः कल्पद्रुमवनालयः ।
रत्नमण्डपमध्यस्थो रत्नसिंहासनाश्रयः ॥ 29 ॥
तीव्राशिरोद्धृतपदो ज्वालिनीमौलिलालितः ।
नन्दानन्दितपीठश्रीर्भोगदो भूषितासनः ॥ 30 ॥
सकामदायिनीपीठः स्फुरदुग्रासनाश्रयः ।
तेजोवतीशिरोरत्नं सत्यानित्यावतंसितः ॥ 31 ॥
सविघ्ननाशिनीपीठः सर्वशक्त्यम्बुजालयः ।
लिपिपद्मासनाधारो वह्निधामत्रयालयः ॥ 32 ॥
उन्नतप्रपदो गूढगुल्फः संवृतपार्ष्णिकः ।
पीनजङ्घः श्लिष्टजानुः स्थूलोरुः प्रोन्नमत्कटिः ॥ 33 ॥
निम्ननाभिः स्थूलकुक्षिः पीनवक्षा बृहद्भुजः ।
पीनस्कन्धः कम्बुकण्ठो लम्बोष्ठो लम्बनासिकः ॥ 34 ॥
भग्नवामरदस्तुङ्गसव्यदन्तो महाहनुः ।
ह्रस्वनेत्रत्रयः शूर्पकर्णो निबिडमस्तकः ॥ 35 ॥
स्तबकाकारकुम्भाग्रो रत्नमौलिर्निरङ्कुशः ।
सर्पहारकटीसूत्रः सर्पयज्ञोपवीतवान् ॥ 36 ॥
सर्पकोटीरकटकः सर्पग्रैवेयकाङ्गदः ।
सर्पकक्षोदराबन्धः सर्पराजोत्तरच्छदः ॥ 37 ॥
रक्तो रक्ताम्बरधरो रक्तमालाविभूषणः ।
रक्तेक्षनो रक्तकरो रक्तताल्वोष्ठपल्लवः ॥ 38 ॥
श्वेतः श्वेताम्बरधरः श्वेतमालाविभूषणः ।
श्वेतातपत्ररुचिरः श्वेतचामरवीजितः ॥ 39 ॥
सर्वावयवसम्पूर्णः सर्वलक्षणलक्षितः ।
सर्वाभरणशोभाढ्यः सर्वशोभासमन्वितः ॥ 40 ॥
सर्वमङ्गलमाङ्गल्यः सर्वकारणकारणम् ।
सर्वदेववरः शार्ङ्गी बीजपूरी गदाधरः ॥ 41 ॥
शुभाङ्गो लोकसारङ्गः सुतन्तुस्तन्तुवर्धनः ।
किरीटी कुण्डली हारी वनमाली शुभाङ्गदः ॥ 42 ॥
इक्षुचापधरः शूली चक्रपाणिः सरोजभृत् ।
पाशी धृतोत्पलः शालिमञ्जरीभृत्स्वदन्तभृत् ॥ 43 ॥
कल्पवल्लीधरो विश्वाभयदैककरो वशी ।
अक्षमालाधरो ज्ञानमुद्रावान् मुद्गरायुधः ॥ 44 ॥
पूर्णपात्री कम्बुधरो विधृताङ्कुशमूलकः ।
करस्थाम्रफलश्चूतकलिकाभृत्कुठारवान् ॥ 45 ॥
पुष्करस्थस्वर्णघटीपूर्णरत्नाभिवर्षकः ।
भारतीसुन्दरीनाथो विनायकरतिप्रियः ॥ 46 ॥
महालक्ष्मीप्रियतमः सिद्धलक्ष्मीमनोरमः ।
रमारमेशपूर्वाङ्गो दक्षिणोमामहेश्वरः ॥ 47 ॥
महीवराहवामाङ्गो रतिकन्दर्पपश्चिमः ।
आमोदमोदजननः सप्रमोदप्रमोदनः ॥ 48 ॥
संवर्धितमहावृद्धिरृद्धिसिद्धिप्रवर्धनः ।
दन्तसौमुख्यसुमुखः कान्तिकन्दलिताश्रयः ॥ 49 ॥
मदनावत्याश्रिताङ्घ्रिः कृतवैमुख्यदुर्मुखः ।
विघ्नसम्पल्लवः पद्मः सर्वोन्नतमदद्रवः ॥ 50 ॥
विघ्नकृन्निम्नचरणो द्राविणीशक्तिसत्कृतः ।
तीव्राप्रसन्ननयनो ज्वालिनीपालितैकदृक् ॥ 51 ॥
मोहिनीमोहनो भोगदायिनीकान्तिमण्डनः ।
कामिनीकान्तवक्त्रश्रीरधिष्ठितवसुन्धरः ॥ 52 ॥
वसुधारामदोन्नादो महाशङ्खनिधिप्रियः ।
नमद्वसुमतीमाली महापद्मनिधिः प्रभुः ॥ 53 ॥
सर्वसद्गुरुसंसेव्यः शोचिष्केशहृदाश्रयः ।
ईशानमूर्धा देवेन्द्रशिखः पवननन्दनः ॥ 54 ॥
प्रत्युग्रनयनो दिव्यो दिव्यास्त्रशतपर्वधृक् ।
ऐरावतादिसर्वाशावारणो वारणप्रियः ॥ 55 ॥
वज्राद्यस्त्रपरीवारो गणचण्डसमाश्रयः ।
जयाजयपरिकरो विजयाविजयावहः ॥ 56 ॥
अजयार्चितपादाब्जो नित्यानन्दवनस्थितः ।
विलासिनीकृतोल्लासः शौण्डी सौन्दर्यमण्डितः ॥ 57 ॥
अनन्तानन्तसुखदः सुमङ्गलसुमङ्गलः ।
ज्ञानाश्रयः क्रियाधार इच्छाशक्तिनिषेवितः ॥ 58 ॥
सुभगासंश्रितपदो ललिताललिताश्रयः ।
कामिनीपालनः कामकामिनीकेलिलालितः ॥ 59 ॥
सरस्वत्याश्रयो गौरीनन्दनः श्रीनिकेतनः ।
गुरुगुप्तपदो वाचासिद्धो वागीश्वरीपतिः ॥ 60 ॥
नलिनीकामुको वामारामो ज्येष्ठामनोरमः ।
रौद्रीमुद्रितपादाब्जो हुम्बीजस्तुङ्गशक्तिकः ॥ 61 ॥
विश्वादिजननत्राणः स्वाहाशक्तिः सकीलकः ।
अमृताब्धिकृतावासो मदघूर्णितलोचनः ॥ 62 ॥
उच्छिष्टोच्छिष्टगणको गणेशो गणनायकः ।
सार्वकालिकसंसिद्धिर्नित्यसेव्यो दिगम्बरः ॥ 63 ॥
अनपायोऽनन्तदृष्टिरप्रमेयोऽजरामरः ।
अनाविलोऽप्रतिहतिरच्युतोऽमृतमक्षरः ॥ 64 ॥
अप्रतर्क्योऽक्षयोऽजय्योऽनाधारोऽनामयोमलः ।
अमेयसिद्धिरद्वैतमघोरोऽग्निसमाननः ॥ 65 ॥
अनाकारोऽब्धिभूम्यग्निबलघ्नोऽव्यक्तलक्षणः ।
आधारपीठमाधार आधाराधेयवर्जितः ॥ 66 ॥
आखुकेतन आशापूरक आखुमहारथः ।
इक्षुसागरमध्यस्थ इक्षुभक्षणलालसः ॥ 67 ॥
इक्षुचापातिरेकश्रीरिक्षुचापनिषेवितः ।
इन्द्रगोपसमानश्रीरिन्द्रनीलसमद्युतिः ॥ 68 ॥
इन्दीवरदलश्याम इन्दुमण्डलमण्डितः ।
इध्मप्रिय इडाभाग इडावानिन्दिराप्रियः ॥ 69 ॥
इक्ष्वाकुविघ्नविध्वंसी इतिकर्तव्यतेप्सितः ।
ईशानमौलिरीशान ईशानप्रिय ईतिहा ॥ 70 ॥
ईषणात्रयकल्पान्त ईहामात्रविवर्जितः ।
उपेन्द्र उडुभृन्मौलिरुडुनाथकरप्रियः ॥ 71 ॥
उन्नतानन उत्तुङ्ग उदारस्त्रिदशाग्रणीः ।
ऊर्जस्वानूष्मलमद ऊहापोहदुरासदः ॥ 72 ॥
ऋग्यजुःसामनयन ऋद्धिसिद्धिसमर्पकः ।
ऋजुचित्तैकसुलभो ऋणत्रयविमोचनः ॥ 73 ॥
लुप्तविघ्नः स्वभक्तानां लुप्तशक्तिः सुरद्विषाम् ।
लुप्तश्रीर्विमुखार्चानां लूताविस्फोटनाशनः ॥ 74 ॥
एकारपीठमध्यस्थ एकपादकृतासनः ।
एजिताखिलदैत्यश्रीरेधिताखिलसंश्रयः ॥ 75 ॥
ऐश्वर्यनिधिरैश्वर्यमैहिकामुष्मिकप्रदः ।
ऐरम्मदसमोन्मेष ऐरावतसमाननः ॥ 76 ॥
ओङ्कारवाच्य ओङ्कार ओजस्वानोषधीपतिः ।
औदार्यनिधिरौद्धत्यधैर्य औन्नत्यनिःसमः ॥ 77 ॥
अङ्कुशः सुरनागानामङ्कुशाकारसंस्थितः ।
अः समस्तविसर्गान्तपदेषु परिकीर्तितः ॥ 78 ॥
कमण्डलुधरः कल्पः कपर्दी कलभाननः ।
कर्मसाक्षी कर्मकर्ता कर्माकर्मफलप्रदः ॥ 79 ॥
कदम्बगोलकाकारः कूष्माण्डगणनायकः ।
कारुण्यदेहः कपिलः कथकः कटिसूत्रभृत् ॥ 80 ॥
खर्वः खड्गप्रियः खड्गः खान्तान्तःस्थः खनिर्मलः ।
खल्वाटशृङ्गनिलयः खट्वाङ्गी खदुरासदः ॥ 81 ॥
गुणाढ्यो गहनो गद्यो गद्यपद्यसुधार्णवः ।
गद्यगानप्रियो गर्जो गीतगीर्वाणपूर्वजः ॥ 82 ॥
गुह्याचाररतो गुह्यो गुह्यागमनिरूपितः ।
गुहाशयो गुडाब्धिस्थो गुरुगम्यो गुरुर्गुरुः ॥ 83 ॥
घण्टाघर्घरिकामाली घटकुम्भो घटोदरः ।
ङकारवाच्यो ङाकारो ङकाराकारशुण्डभृत् ॥ 84 ॥
चण्डश्चण्डेश्वरश्चण्डी चण्डेशश्चण्डविक्रमः ।
चराचरपिता चिन्तामणिश्चर्वणलालसः ॥ 85 ॥
छन्दश्छन्दोद्भवश्छन्दो दुर्लक्ष्यश्छन्दविग्रहः ।
जगद्योनिर्जगत्साक्षी जगदीशो जगन्मयः ॥ 86 ॥
जप्यो जपपरो जाप्यो जिह्वासिंहासनप्रभुः ।
स्रवद्गण्डोल्लसद्धानझङ्कारिभ्रमराकुलः ॥ 87 ॥
टङ्कारस्फारसंरावष्टङ्कारमणिनूपुरः ।
ठद्वयीपल्लवान्तस्थसर्वमन्त्रेषु सिद्धिदः ॥ 88 ॥
डिण्डिमुण्डो डाकिनीशो डामरो डिण्डिमप्रियः ।
ढक्कानिनादमुदितो ढौङ्को ढुण्ढिविनायकः ॥ 89 ॥
तत्त्वानां प्रकृतिस्तत्त्वं तत्त्वम्पदनिरूपितः ।
तारकान्तरसंस्थानस्तारकस्तारकान्तकः ॥ 90 ॥
स्थाणुः स्थाणुप्रियः स्थाता स्थावरं जङ्गमं जगत् ।
दक्षयज्ञप्रमथनो दाता दानं दमो दया ॥ 91 ॥
दयावान्दिव्यविभवो दण्डभृद्दण्डनायकः ।
दन्तप्रभिन्नाभ्रमालो दैत्यवारणदारणः ॥ 92 ॥
दंष्ट्रालग्नद्वीपघटो देवार्थनृगजाकृतिः ।
धनं धनपतेर्बन्धुर्धनदो धरणीधरः ॥ 93 ॥
ध्यानैकप्रकटो ध्येयो ध्यानं ध्यानपरायणः ।
ध्वनिप्रकृतिचीत्कारो ब्रह्माण्डावलिमेखलः ॥ 94 ॥
नन्द्यो नन्दिप्रियो नादो नादमध्यप्रतिष्ठितः ।
निष्कलो निर्मलो नित्यो नित्यानित्यो निरामयः ॥ 95 ॥
परं व्योम परं धाम परमात्मा परं पदम् ॥ 96 ॥
परात्परः पशुपतिः पशुपाशविमोचनः ।
पूर्णानन्दः परानन्दः पुराणपुरुषोत्तमः ॥ 97 ॥
पद्मप्रसन्नवदनः प्रणताज्ञाननाशनः ।
प्रमाणप्रत्ययातीतः प्रणतार्तिनिवारणः ॥ 98 ॥
फणिहस्तः फणिपतिः फूत्कारः फणितप्रियः ।
बाणार्चिताङ्घ्रियुगलो बालकेलिकुतूहली ।
ब्रह्म ब्रह्मार्चितपदो ब्रह्मचारी बृहस्पतिः ॥ 99 ॥
बृहत्तमो ब्रह्मपरो ब्रह्मण्यो ब्रह्मवित्प्रियः ।
बृहन्नादाग्र्यचीत्कारो ब्रह्माण्डावलिमेखलः ॥ 100 ॥
भ्रूक्षेपदत्तलक्ष्मीको भर्गो भद्रो भयापहः ।
भगवान् भक्तिसुलभो भूतिदो भूतिभूषणः ॥ 101 ॥
भव्यो भूतालयो भोगदाता भ्रूमध्यगोचरः ।
मन्त्रो मन्त्रपतिर्मन्त्री मदमत्तो मनो मयः ॥ 102 ॥
मेखलाहीश्वरो मन्दगतिर्मन्दनिभेक्षणः ।
महाबलो महावीर्यो महाप्राणो महामनाः ॥ 103 ॥
यज्ञो यज्ञपतिर्यज्ञगोप्ता यज्ञफलप्रदः ।
यशस्करो योगगम्यो याज्ञिको याजकप्रियः ॥ 104 ॥
रसो रसप्रियो रस्यो रञ्जको रावणार्चितः ।
राज्यरक्षाकरो रत्नगर्भो राज्यसुखप्रदः ॥ 105 ॥
लक्षो लक्षपतिर्लक्ष्यो लयस्थो लड्डुकप्रियः ।
लासप्रियो लास्यपरो लाभकृल्लोकविश्रुतः ॥ 106 ॥
वरेण्यो वह्निवदनो वन्द्यो वेदान्तगोचरः ।
विकर्ता विश्वतश्चक्षुर्विधाता विश्वतोमुखः ॥ 107 ॥
वामदेवो विश्वनेता वज्रिवज्रनिवारणः ।
विवस्वद्बन्धनो विश्वाधारो विश्वेश्वरो विभुः ॥ 108 ॥
शब्दब्रह्म शमप्राप्यः शम्भुशक्तिगणेश्वरः ।
शास्ता शिखाग्रनिलयः शरण्यः शम्बरेश्वरः ॥ 109 ॥
षडृतुकुसुमस्रग्वी षडाधारः षडक्षरः ।
संसारवैद्यः सर्वज्ञः सर्वभेषजभेषजम् ॥ 110 ॥
सृष्टिस्थितिलयक्रीडः सुरकुञ्जरभेदकः ।
सिन्दूरितमहाकुम्भः सदसद्भक्तिदायकः ॥ 111 ॥
साक्षी समुद्रमथनः स्वयंवेद्यः स्वदक्षिणः ।
स्वतन्त्रः सत्यसङ्कल्पः सामगानरतः सुखी ॥ 112 ॥
हंसो हस्तिपिशाचीशो हवनं हव्यकव्यभुक् ।
हव्यं हुतप्रियो हृष्टो हृल्लेखामन्त्रमध्यगः ॥ 113 ॥
क्षेत्राधिपः क्षमाभर्ता क्षमाक्षमपरायणः ।
क्षिप्रक्षेमकरः क्षेमानन्दः क्षोणीसुरद्रुमः ॥ 114 ॥
धर्मप्रदोऽर्थदः कामदाता सौभाग्यवर्धनः ।
विद्याप्रदो विभवदो भुक्तिमुक्तिफलप्रदः ॥ 115 ॥
आभिरूप्यकरो वीरश्रीप्रदो विजयप्रदः ।
सर्ववश्यकरो गर्भदोषहा पुत्रपौत्रदः ॥ 116 ॥
मेधादः कीर्तिदः शोकहारी दौर्भाग्यनाशनः ।
प्रतिवादिमुखस्तम्भो रुष्टचित्तप्रसादनः ॥ 117 ॥
पराभिचारशमनो दुःखहा बन्धमोक्षदः ।
लवस्त्रुटिः कला काष्ठा निमेषस्तत्परक्षणः ॥ 118 ॥
घटी मुहूर्तः प्रहरो दिवा नक्तमहर्निशम् ।
पक्षो मासर्त्वयनाब्दयुगं कल्पो महालयः ॥ 119 ॥
राशिस्तारा तिथिर्योगो वारः करणमंशकम् ।
लग्नं होरा कालचक्रं मेरुः सप्तर्षयो ध्रुवः ॥ 120 ॥
राहुर्मन्दः कविर्जीवो बुधो भौमः शशी रविः ।
कालः सृष्टिः स्थितिर्विश्वं स्थावरं जङ्गमं जगत् ॥ 121 ॥
भूरापोऽग्निर्मरुद्व्योमाहङ्कृतिः प्रकृतिः पुमान् ।
ब्रह्मा विष्णुः शिवो रुद्र ईशः शक्तिः सदाशिवः ॥ 122 ॥
त्रिदशाः पितरः सिद्धा यक्षा रक्षांसि किन्नराः ।
सिद्धविद्याधरा भूता मनुष्याः पशवः खगाः ॥ 123 ॥
समुद्राः सरितः शैला भूतं भव्यं भवोद्भवः ।
साङ्ख्यं पातञ्जलं योगं पुराणानि श्रुतिः स्मृतिः ॥ 124 ॥
वेदाङ्गानि सदाचारो मीमांसा न्यायविस्तरः ।
आयुर्वेदो धनुर्वेदो गान्धर्वं काव्यनाटकम् ॥ 125 ॥
वैखानसं भागवतं मानुषं पाञ्चरात्रकम् ।
शैवं पाशुपतं कालामुखम्भैरवशासनम् ॥ 126 ॥
शाक्तं वैनायकं सौरं जैनमार्हतसंहिता ।
सदसद्व्यक्तमव्यक्तं सचेतनमचेतनम् ॥ 127 ॥
बन्धो मोक्षः सुखं भोगो योगः सत्यमणुर्महान् ।
स्वस्ति हुम्फट् स्वधा स्वाहा श्रौषट् वौषट् वषण् नमः 128 ॥
ज्ञानं विज्ञानमानन्दो बोधः संवित्समोऽसमः ।
एक एकाक्षराधार एकाक्षरपरायणः ॥ 129 ॥
एकाग्रधीरेकवीर एकोऽनेकस्वरूपधृक् ।
द्विरूपो द्विभुजो द्व्यक्षो द्विरदो द्वीपरक्षकः ॥ 130 ॥
द्वैमातुरो द्विवदनो द्वन्द्वहीनो द्वयातिगः ।
त्रिधामा त्रिकरस्त्रेता त्रिवर्गफलदायकः ॥ 131 ॥
त्रिगुणात्मा त्रिलोकादिस्त्रिशक्तीशस्त्रिलोचनः ।
चतुर्विधवचोवृत्तिपरिवृत्तिप्रवर्तकः ॥ 132 ॥
चतुर्बाहुश्चतुर्दन्तश्चतुरात्मा चतुर्भुजः ।
चतुर्विधोपायमयश्चतुर्वर्णाश्रमाश्रयः 133 ॥
चतुर्थीपूजनप्रीतश्चतुर्थीतिथिसम्भवः ॥
पञ्चाक्षरात्मा पञ्चात्मा पञ्चास्यः पञ्चकृत्तमः ॥ 134 ॥
पञ्चाधारः पञ्चवर्णः पञ्चाक्षरपरायणः ।
पञ्चतालः पञ्चकरः पञ्चप्रणवमातृकः ॥ 135 ॥
पञ्चब्रह्ममयस्फूर्तिः पञ्चावरणवारितः ।
पञ्चभक्षप्रियः पञ्चबाणः पञ्चशिखात्मकः ॥ 136 ॥
षट्कोणपीठः षट्चक्रधामा षड्ग्रन्थिभेदकः ।
षडङ्गध्वान्तविध्वंसी षडङ्गुलमहाह्रदः ॥ 137 ॥
षण्मुखः षण्मुखभ्राता षट्शक्तिपरिवारितः ।
षड्वैरिवर्गविध्वंसी षडूर्मिभयभञ्जनः ॥ 138 ॥
षट्तर्कदूरः षट्कर्मा षड्गुणः षड्रसाश्रयः ।
सप्तपातालचरणः सप्तद्वीपोरुमण्डलः ॥ 139 ॥
सप्तस्वर्लोकमुकुटः सप्तसप्तिवरप्रदः ।
सप्ताङ्गराज्यसुखदः सप्तर्षिगणवन्दितः ॥ 140 ॥
सप्तच्छन्दोनिधिः सप्तहोत्रः सप्तस्वराश्रयः ।
सप्ताब्धिकेलिकासारः सप्तमातृनिषेवितः ॥ 141 ॥
सप्तच्छन्दो मोदमदः सप्तच्छन्दो मखप्रभुः ।
अष्टमूर्तिर्ध्येयमूर्तिरष्टप्रकृतिकारणम् ॥ 142 ॥
अष्टाङ्गयोगफलभृदष्टपत्राम्बुजासनः ।
अष्टशक्तिसमानश्रीरष्टैश्वर्यप्रवर्धनः ॥ 143 ॥
अष्टपीठोपपीठश्रीरष्टमातृसमावृतः ।
अष्टभैरवसेव्योऽष्टवसुवन्द्योऽष्टमूर्तिभृत् ॥ 144 ॥
अष्टचक्रस्फुरन्मूर्तिरष्टद्रव्यहविःप्रियः ।
अष्टश्रीरष्टसामश्रीरष्टैश्वर्यप्रदायकः ।
नवनागासनाध्यासी नवनिध्यनुशासितः ॥ 145 ॥
नवद्वारपुरावृत्तो नवद्वारनिकेतनः ।
नवनाथमहानाथो नवनागविभूषितः ॥ 146 ॥
नवनारायणस्तुल्यो नवदुर्गानिषेवितः ।
नवरत्नविचित्राङ्गो नवशक्तिशिरोद्धृतः ॥ 147 ॥
दशात्मको दशभुजो दशदिक्पतिवन्दितः ।
दशाध्यायो दशप्राणो दशेन्द्रियनियामकः ॥ 148 ॥
दशाक्षरमहामन्त्रो दशाशाव्यापिविग्रहः ।
एकादशमहारुद्रैःस्तुतश्चैकादशाक्षरः ॥ 149 ॥
द्वादशद्विदशाष्टादिदोर्दण्डास्त्रनिकेतनः ।
त्रयोदशभिदाभिन्नो विश्वेदेवाधिदैवतम् ॥ 150 ॥
चतुर्दशेन्द्रवरदश्चतुर्दशमनुप्रभुः ।
चतुर्दशाद्यविद्याढ्यश्चतुर्दशजगत्पतिः ॥ 151 ॥
सामपञ्चदशः पञ्चदशीशीतांशुनिर्मलः ।
तिथिपञ्चदशाकारस्तिथ्या पञ्चदशार्चितः ॥ 152 ॥
षोडशाधारनिलयः षोडशस्वरमातृकः ।
षोडशान्तपदावासः षोडशेन्दुकलात्मकः ॥ 153 ॥
कलासप्तदशी सप्तदशसप्तदशाक्षरः ।
अष्टादशद्वीपपतिरष्टादशपुराणकृत् ॥ 154 ॥
अष्टादशौषधीसृष्टिरष्टादशविधिः स्मृतः ।
अष्टादशलिपिव्यष्टिसमष्टिज्ञानकोविदः ॥ 155 ॥
अष्टादशान्नसम्पत्तिरष्टादशविजातिकृत् ।
एकविंशः पुमानेकविंशत्यङ्गुलिपल्लवः ॥ 156 ॥
चतुर्विंशतितत्त्वात्मा पञ्चविंशाख्यपूरुषः ।
सप्तविंशतितारेशः सप्तविंशतियोगकृत् ॥ 157 ॥
द्वात्रिंशद्भैरवाधीशश्चतुस्त्रिंशन्महाह्रदः ।
षट्त्रिंशत्तत्त्वसम्भूतिरष्टत्रिंशत्कलात्मकः ॥ 158 ॥
पञ्चाशद्विष्णुशक्तीशः पञ्चाशन्मातृकालयः ।
द्विपञ्चाशद्वपुःश्रेणीत्रिषष्ट्यक्षरसंश्रयः ।
पञ्चाशदक्षरश्रेणीपञ्चाशद्रुद्रविग्रहः ॥ 159 ॥
चतुःषष्टिमहासिद्धियोगिनीवृन्दवन्दितः ।
नमदेकोनपञ्चाशन्मरुद्वर्गनिरर्गलः ॥ 160 ॥
चतुःषष्ट्यर्थनिर्णेता चतुःषष्टिकलानिधिः ।
अष्टषष्टिमहातीर्थक्षेत्रभैरववन्दितः ॥ 161 ॥
चतुर्नवतिमन्त्रात्मा षण्णवत्यधिकप्रभुः ।
शतानन्दः शतधृतिः शतपत्रायतेक्षणः ॥ 162 ॥
शतानीकः शतमखः शतधारावरायुधः ।
सहस्रपत्रनिलयः सहस्रफणिभूषणः ॥ 163 ॥
सहस्रशीर्षा पुरुषः सहस्राक्षः सहस्रपात् ।
सहस्रनामसंस्तुत्यः सहस्राक्षबलापहः ॥ 164 ॥
दशसाहस्रफणिभृत्फणिराजकृतासनः ।
अष्टाशीतिसहस्राद्यमहर्षिस्तोत्रपाठितः ॥ 165 ॥
लक्षाधारः प्रियाधारो लक्षाधारमनोमयः ।
चतुर्लक्षजपप्रीतश्चतुर्लक्षप्रकाशकः ॥ 166 ॥
चतुरशीतिलक्षाणां जीवानां देहसंस्थितः ।
कोटिसूर्यप्रतीकाशः कोटिचन्द्रांशुनिर्मलः ॥ 167 ॥
शिवोद्भवाद्यष्टकोटिवैनायकधुरन्धरः ।
सप्तकोटिमहामन्त्रमन्त्रितावयवद्युतिः ॥ 168 ॥
त्रयस्त्रिंशत्कोटिसुरश्रेणीप्रणतपादुकः ।
अनन्तदेवतासेव्यो ह्यनन्तशुभदायकः ॥ 169 ॥
अनन्तनामानन्तश्रीरनन्तोऽनन्तसौख्यदः ।
अनन्तशक्तिसहितो ह्यनन्तमुनिसंस्तुतः ॥ 170 ॥
इति वैनायकं नाम्नां सहस्रमिदमीरितम् ।
इदं ब्राह्मे मुहूर्ते यः पठति प्रत्यहं नरः ॥ 171 ॥
करस्थं तस्य सकलमैहिकामुष्मिकं सुखम् ।
आयुरारोग्यमैश्वर्यं धैर्यं शौर्यं बलं यशः ॥ 172 ॥
मेधा प्रज्ञा धृतिः कान्तिः सौभाग्यमभिरूपता ।
सत्यं दया क्षमा शान्तिर्दाक्षिण्यं धर्मशीलता ॥ 173 ॥
जगत्संवननं विश्वसंवादो वेदपाटवम् ।
सभापाण्डित्यमौदार्यं गाम्भीर्यं ब्रह्मवर्चसम् ॥ 174 ॥
ओजस्तेजः कुलं शीलं प्रतापो वीर्यमार्यता ।
ज्ञानं विज्ञानमास्तिक्यं स्थैर्यं विश्वासता तथा ॥ 175 ॥
धनधान्यादिवृद्धिश्च सकृदस्य जपाद्भवेत् ।
वश्यं चतुर्विधं विश्वं जपादस्य प्रजायते ॥ 176 ॥
राज्ञो राजकलत्रस्य राजपुत्रस्य मन्त्रिणः ।
जप्यते यस्य वश्यार्थे स दासस्तस्य जायते ॥ 177 ॥
धर्मार्थकाममोक्षाणामनायासेन साधनम् ।
शाकिनीडाकिनीरक्षोयक्षग्रहभयापहम् ॥ 178 ॥
साम्राज्यसुखदं सर्वसपत्नमदमर्दनम् ।
समस्तकलहध्वंसि दग्धबीजप्ररोहणम् ॥ 179 ॥
दुःस्वप्नशमनं क्रुद्धस्वामिचित्तप्रसादनम् ।
षड्वर्गाष्टमहासिद्धित्रिकालज्ञानकारणम् ॥ 180 ॥
परकृत्यप्रशमनं परचक्रप्रमर्दनम् ।
सङ्ग्राममार्गे सवेषामिदमेकं जयावहम् ॥ 181 ॥
सर्ववन्ध्यत्वदोषघ्नं गर्भरक्षैककारणम् ।
पठ्यते प्रत्यहं यत्र स्तोत्रं गणपतेरिदम् ॥ 182 ॥
देशे तत्र न दुर्भिक्षमीतयो दुरितानि च ।
न तद्गेहं जहाति श्रीर्यत्रायं जप्यते स्तवः ॥ 183 ॥
क्षयकुष्ठप्रमेहार्शभगन्दरविषूचिकाः ।
गुल्मं प्लीहानमशमानमतिसारं महोदरम् ॥ 184 ॥
कासं श्वासमुदावर्तं शूलं शोफामयोदरम् ।
शिरोरोगं वमिं हिक्कां गण्डमालामरोचकम् ॥ 185 ॥
वातपित्तकफद्वन्द्वत्रिदोषजनितज्वरम् ।
आगन्तुविषमं शीतमुष्णं चैकाहिकादिकम् ॥ 186 ॥
इत्याद्युक्तमनुक्तं वा रोगदोषादिसम्भवम् ।
सर्वं प्रशमयत्याशु स्तोत्रस्यास्य सकृज्जपः ॥ 187 ॥
प्राप्यतेऽस्य जपात्सिद्धिः स्त्रीशूद्रैः पतितैरपि ।
सहस्रनाममन्त्रोऽयं जपितव्यः शुभाप्तये ॥ 188 ॥
महागणपतेः स्तोत्रं सकामः प्रजपन्निदम् ।
इच्छया सकलान् भोगानुपभुज्येह पार्थिवान् ॥ 189 ॥
मनोरथफलैर्दिव्यैर्व्योमयानैर्मनोरमैः ।
चन्द्रेन्द्रभास्करोपेन्द्रब्रह्मशर्वादिसद्मसु ॥ 190 ॥
कामरूपः कामगतिः कामदः कामदेश्वरः ।
भुक्त्वा यथेप्सितान्भोगानभीष्टैः सह बन्धुभिः ॥ 191 ॥
गणेशानुचरो भूत्वा गणो गणपतिप्रियः ।
नन्दीश्वरादिसानन्दैर्नन्दितः सकलैर्गणैः ॥ 192 ॥
शिवाभ्यां कृपया पुत्रनिर्विशेषं च लालितः ।
शिवभक्तः पूर्णकामो गणेश्वरवरात्पुनः ॥ 193 ॥
जातिस्मरो धर्मपरः सार्वभौमोऽभिजायते ।
निष्कामस्तु जपन्नित्यं भक्त्या विघ्नेशतत्परः ॥ 194 ॥
योगसिद्धिं परां प्राप्य ज्ञानवैराग्यसंयुतः ।
निरन्तरे निराबाधे परमानन्दसञ्ज्ञिते ॥ 195 ॥
विश्वोत्तीर्णे परे पूर्णे पुनरावृत्तिवर्जिते ।
लीनो वैनायके धाम्नि रमते नित्यनिर्वृते ॥ 196 ॥
यो नामभिर्हुतैर्दत्तैः पूजयेदर्चयेएन्नरः ।
राजानो वश्यतां यान्ति रिपवो यान्ति दासताम् ॥ 197 ॥
तस्य सिध्यन्ति मन्त्राणां दुर्लभाश्चेष्टसिद्धयः ।
मूलमन्त्रादपि स्तोत्रमिदं प्रियतमं मम ॥ 198 ॥
नभस्ये मासि शुक्लायां चतुर्थ्यां मम जन्मनि ।
दूर्वाभिर्नामभिः पूजां तर्पणं विधिवच्चरेत् ॥ 199 ॥
अष्टद्रव्यैर्विशेषेण कुर्याद्भक्तिसुसंयुतः ।
तस्येप्सितं धनं धान्यमैश्वर्यं विजयो यशः ॥ 200 ॥
भविष्यति न सन्देहः पुत्रपौत्रादिकं सुखम् ।
इदं प्रजपितं स्तोत्रं पठितं श्रावितं श्रुतम् ॥ 201 ॥
व्याकृतं चर्चितं ध्यातं विमृष्टमभिवन्दितम् ।
इहामुत्र च विश्वेषां विश्वैश्वर्यप्रदायकम् ॥ 202 ॥
स्वच्छन्दचारिणाप्येष येन सन्धार्यते स्तवः ।
स रक्ष्यते शिवोद्भूतैर्गणैरध्यष्टकोटिभिः ॥ 203 ॥
लिखितं पुस्तकस्तोत्रं मन्त्रभूतं प्रपूजयेत् ।
तत्र सर्वोत्तमा लक्ष्मीः सन्निधत्ते निरन्तरम् ॥ 204 ॥
दानैरशेषैरखिलैर्व्रतैश्च तीर्थैरशेषैरखिलैर्मखैश्च ।
न तत्फलं विन्दति यद्गणेशसहस्रनामस्मरणेन सद्यः ॥ 205 ॥
एतन्नाम्नां सहस्रं पठति दिनमणौ प्रत्यहम्प्रोज्जिहाने
सायं मध्यन्दिने वा त्रिषवणमथवा सन्ततं वा जनो यः ।
स स्यादैश्वर्यधुर्यः प्रभवति वचसां कीर्तिमुच्चैस्तनोति
दारिद्र्यं हन्ति विश्वं वशयति सुचिरं वर्धते पुत्रपौत्रैः ॥ 206 ॥
अकिञ्चनोप्येकचित्तो नियतो नियतासनः ।
प्रजपंश्चतुरो मासान् गणेशार्चनतत्परः ॥ 207 ॥
दरिद्रतां समुन्मूल्य सप्तजन्मानुगामपि ।
लभते महतीं लक्ष्मीमित्याज्ञा पारमेश्वरी ॥ 208 ॥
आयुष्यं वीतरोगं कुलमतिविमलं सम्पदश्चार्तिनाशः
कीर्तिर्नित्यावदाता भवति खलु नवा कान्तिरव्याजभव्या ।
पुत्राः सन्तः कलत्रं गुणवदभिमतं यद्यदन्यच्च तत्त -
न्नित्यं यः स्तोत्रमेतत् पठति गणपतेस्तस्य हस्ते समस्तम् ॥ 209 ॥
गणञ्जयो गणपतिर्हेरम्बो धरणीधरः ।
महागणपतिर्बुद्धिप्रियः क्षिप्रप्रसादनः ॥ 210 ॥
अमोघसिद्धिरमृतमन्त्रश्चिन्तामणिर्निधिः ।
सुमङ्गलो बीजमाशापूरको वरदः कलः ॥ 211 ॥
काश्यपो नन्दनो वाचासिद्धो ढुण्ढिर्विनायकः ।
मोदकैरेभिरत्रैकविंशत्या नामभिः पुमान् ॥ 212 ॥
उपायनं ददेद्भक्त्या मत्प्रसादं चिकीर्षति ।
वत्सरं विघ्नराजोऽस्य तथ्यमिष्टार्थसिद्धये ॥ 213 ॥
यः स्तौति मद्गतमना ममाराधनतत्परः ।
स्तुतो नाम्ना सहस्रेण तेनाहं नात्र संशयः ॥ 214 ॥
नमो नमः सुरवरपूजिताङ्घ्रये
नमो नमो निरुपममङ्गलात्मने ।
नमो नमो विपुलदयैकसिद्धये
नमो नमः करिकलभाननाय ते ॥ 215 ॥
किङ्किणीगणरचितचरणः
प्रकटितगुरुमितचारुकरणः ।
मदजललहरीकलितकपोलः
शमयतु दुरितं गणपतिनाम्ना ॥ 216 ॥
॥ इति श्रीगणेशपुराणे उपासनाखण्डे ईश्वरगणेशसंवादे
गणेशसहस्रनामस्तोत्रं नाम षट्चत्वारिंशोध्यायः ॥
muniruvāca
kathaṃ nāmnāṃ sahasraṃ taṃ gaṇeśa upadiṣṭavān |
śivadaṃ tanmamācakṣva lokānugrahatatpara || 1 ||
brahmovāca
devaḥ pūrvaṃ purārātiḥ puratrayajayodyame |
anarcanādgaṇeśasya jāto vighnākulaḥ kila || 2 ||
manasā sa vinirdhārya dadṛśe vighnakāraṇam |
mahāgaṇapatiṃ bhaktyā samabhyarcya yathāvidhi || 3 ||
vighnapraśamanopāyamapṛcchadapariśramam |
santuṣṭaḥ pūjayā śambhormahāgaṇapatiḥ svayam || 4 ||
sarvavighnapraśamanaṃ sarvakāmaphalapradam |
tatastasmai svayaṃ nāmnāṃ sahasramidamabravīt || 5 ||
asya śrīmahāgaṇapatisahasranāmastotramālāmantrasya |
gaṇeśa ṛṣiḥ, mahāgaṇapatirdevatā, nānāvidhānicchandāṃsi |
humiti bījam, tuṅgamiti śaktiḥ, svāhāśaktiriti kīlakam |
sakalavighnavināśanadvārā śrīmahāgaṇapatiprasādasiddhyarthe jape viniyogaḥ |
atha karanyāsaḥ
gaṇeśvaro gaṇakrīḍa ityaṅguṣṭhābhyāṃ namaḥ |
kumāragururīśāna iti tarjanībhyāṃ namaḥ ||
brahmāṇḍakumbhaścidvyometi madhyamābhyāṃ namaḥ |
rakto raktāmbaradhara ityanāmikābhyāṃ namaḥ
sarvasadgurusaṃsevya iti kaniṣṭhikābhyāṃ namaḥ |
luptavighnaḥ svabhaktānāmiti karatalakarapṛṣṭhābhyāṃ namaḥ ||
atha aṅganyāsaḥ
chandaśchandodbhava iti hṛdayāya namaḥ |
niṣkalo nirmala iti śirase svāhā |
sṛṣṭisthitilayakrīḍa iti śikhāyai vaṣaṭ |
jñānaṃ vijñānamānanda iti kavacāya hum |
aṣṭāṅgayogaphalabhṛditi netratrayāya vauṣaṭ |
anantaśaktisahita ityastrāya phaṭ |
bhūrbhuvaḥ svaroṃ iti digbandhaḥ |
atha dhyānam
gajavadanamacintyaṃ tīkṣṇadaṃṣṭraṃ trinetraṃ
bṛhadudaramaśeṣaṃ bhūtirājaṃ purāṇam |
amaravarasupūjyaṃ raktavarṇaṃ sureśaṃ
paśupatisutamīśaṃ vighnarājaṃ namāmi ||
śrīgaṇapatiruvāca
oṃ gaṇeśvaro gaṇakrīḍo gaṇanātho gaṇādhipaḥ |
ekadanto vakratuṇḍo gajavaktro mahodaraḥ || 1 ||
lambodaro dhūmravarṇo vikaṭo vighnanāśanaḥ |
sumukho durmukho buddho vighnarājo gajānanaḥ || 2 ||
bhīmaḥ pramoda āmodaḥ surānando madotkaṭaḥ |
herambaḥ śambaraḥ śambhurlambakarṇo mahābalaḥ || 3 ||
nandano lampaṭo bhīmo meghanādo gaṇañjayaḥ |
vināyako virūpākṣo vīraḥ śūravarapradaḥ || 4 ||
mahāgaṇapatirbuddhipriyaḥ kṣipraprasādanaḥ |
rudrapriyo gaṇādhyakṣa umāputro'ghanāśanaḥ || 5 ||
kumāragururīśānaputro mūṣakavāhanaḥ |
siddhipriyaḥ siddhipatiḥ siddhaḥ siddhivināyakaḥ || 6 ||
avighnastumburuḥ siṃhavāhano mohinīpriyaḥ |
kaṭaṅkaṭo rājaputraḥ śākalaḥ sammitomitaḥ || 7 ||
kūṣmāṇḍasāmasambhūtirdurjayo dhūrjayo jayaḥ |
bhūpatirbhuvanapatirbhūtānāṃ patiravyayaḥ || 8 ||
viśvakartā viśvamukho viśvarūpo nidhirguṇaḥ |
kaviḥ kavīnāmṛṣabho brahmaṇyo brahmavitpriyaḥ || 9 ||
jyeṣṭharājo nidhipatirnidhipriyapatipriyaḥ |
hiraṇmayapurāntaḥsthaḥ sūryamaṇḍalamadhyagaḥ || 10 ||
karāhatidhvastasindhusalilaḥ pūṣadantabhit |
umāṅkakelikutukī muktidaḥ kulapāvanaḥ || 11 ||
kirīṭī kuṇḍalī hārī vanamālī manomayaḥ |
vaimukhyahatadaityaśrīḥ pādāhatijitakṣitiḥ || 12 ||
sadyojātaḥ svarṇamuñjamekhalī durnimittahṛt |
duḥsvapnahṛtprasahano guṇī nādapratiṣṭhitaḥ || 13 ||
surūpaḥ sarvanetrādhivāso vīrāsanāśrayaḥ |
pītāmbaraḥ khaṇḍaradaḥ khaṇḍavaiśākhasaṃsthitaḥ || 14 ||
citrāṅgaḥ śyāmadaśano bhālacandro havirbhujaḥ |
yogādhipastārakasthaḥ puruṣo gajakarṇakaḥ || 15 ||
gaṇādhirājo vijayaḥ sthiro gajapatidhvajī |
devadevaḥ smaraḥ prāṇadīpako vāyukīlakaḥ || 16 ||
vipaścidvarado nādo nādabhinnamahācalaḥ |
varāharadano mṛtyuñjayo vyāghrājināmbaraḥ || 17 ||
icchāśaktibhavo devatrātā daityavimardanaḥ |
śambhuvaktrodbhavaḥ śambhukopahā śambhuhāsyabhūḥ || 18 ||
śambhutejāḥ śivāśokahārī gaurīsukhāvahaḥ |
umāṅgamalajo gaurītejobhūḥ svardhunībhavaḥ || 19 ||
yajñakāyo mahānādo girivarṣmā śubhānanaḥ |
sarvātmā sarvadevātmā brahmamūrdhā kakupśrutiḥ || 20 ||
brahmāṇḍakumbhaścidvyomabhālaḥsatyaśiroruhaḥ |
jagajjanmalayonmeṣanimeṣo'gnyarkasomadṛk || 21 ||
girīndraikarado dharmādharmoṣṭhaḥ sāmabṛṃhitaḥ |
graharkṣadaśano vāṇījihvo vāsavanāsikaḥ || 22 ||
bhrūmadhyasaṃsthitakaro brahmavidyāmadodakaḥ |
kulācalāṃsaḥ somārkaghaṇṭo rudraśirodharaḥ || 23 ||
nadīnadabhujaḥ sarpāṅgulīkastārakānakhaḥ |
vyomanābhiḥ śrīhṛdayo merupṛṣṭho'rṇavodaraḥ || 24 ||
kukṣisthayakṣagandharvarakṣaḥkinnaramānuṣaḥ |
pṛthvīkaṭiḥ sṛṣṭiliṅgaḥ śailorurdasrajānukaḥ || 25 ||
pātālajaṅgho munipātkālāṅguṣṭhastrayītanuḥ |
jyotirmaṇḍalalāṅgūlo hṛdayālānaniścalaḥ || 26 ||
hṛtpadmakarṇikāśālī viyatkelisarovaraḥ |
sadbhaktadhyānanigaḍaḥ pūjāvārinivāritaḥ || 27 ||
pratāpī kāśyapo mantā gaṇako viṣṭapī balī |
yaśasvī dhārmiko jetā prathamaḥ pramatheśvaraḥ || 28 ||
cintāmaṇirdvīpapatiḥ kalpadrumavanālayaḥ |
ratnamaṇḍapamadhyastho ratnasiṃhāsanāśrayaḥ || 29 ||
tīvrāśiroddhṛtapado jvālinīmaulilālitaḥ |
nandānanditapīṭhaśrīrbhogado bhūṣitāsanaḥ || 30 ||
sakāmadāyinīpīṭhaḥ sphuradugrāsanāśrayaḥ |
tejovatīśiroratnaṃ satyānityāvataṃsitaḥ || 31 ||
savighnanāśinīpīṭhaḥ sarvaśaktyambujālayaḥ |
lipipadmāsanādhāro vahnidhāmatrayālayaḥ || 32 ||
unnataprapado gūḍhagulphaḥ saṃvṛtapārṣṇikaḥ |
pīnajaṅghaḥ śliṣṭajānuḥ sthūloruḥ pronnamatkaṭiḥ || 33 ||
nimnanābhiḥ sthūlakukṣiḥ pīnavakṣā bṛhadbhujaḥ |
pīnaskandhaḥ kambukaṇṭho lamboṣṭho lambanāsikaḥ || 34 ||
bhagnavāmaradastuṅgasavyadanto mahāhanuḥ |
hrasvanetratrayaḥ śūrpakarṇo nibiḍamastakaḥ || 35 ||
stabakākārakumbhāgro ratnamaulirniraṅkuśaḥ |
sarpahārakaṭīsūtraḥ sarpayajñopavītavān || 36 ||
sarpakoṭīrakaṭakaḥ sarpagraiveyakāṅgadaḥ |
sarpakakṣodarābandhaḥ sarparājottaracchadaḥ || 37 ||
rakto raktāmbaradharo raktamālāvibhūṣaṇaḥ |
raktekṣano raktakaro raktatālvoṣṭhapallavaḥ || 38 ||
śvetaḥ śvetāmbaradharaḥ śvetamālāvibhūṣaṇaḥ |
śvetātapatraruciraḥ śvetacāmaravījitaḥ || 39 ||
sarvāvayavasampūrṇaḥ sarvalakṣaṇalakṣitaḥ |
sarvābharaṇaśobhāḍhyaḥ sarvaśobhāsamanvitaḥ || 40 ||
sarvamaṅgalamāṅgalyaḥ sarvakāraṇakāraṇam |
sarvadevavaraḥ śārṅgī bījapūrī gadādharaḥ || 41 ||
śubhāṅgo lokasāraṅgaḥ sutantustantuvardhanaḥ |
kirīṭī kuṇḍalī hārī vanamālī śubhāṅgadaḥ || 42 ||
ikṣucāpadharaḥ śūlī cakrapāṇiḥ sarojabhṛt |
pāśī dhṛtotpalaḥ śālimañjarībhṛtsvadantabhṛt || 43 ||
kalpavallīdharo viśvābhayadaikakaro vaśī |
akṣamālādharo jñānamudrāvān mudgarāyudhaḥ || 44 ||
pūrṇapātrī kambudharo vidhṛtāṅkuśamūlakaḥ |
karasthāmraphalaścūtakalikābhṛtkuṭhāravān || 45 ||
puṣkarasthasvarṇaghaṭīpūrṇaratnābhivarṣakaḥ |
bhāratīsundarīnātho vināyakaratipriyaḥ || 46 ||
mahālakṣmīpriyatamaḥ siddhalakṣmīmanoramaḥ |
ramārameśapūrvāṅgo dakṣiṇomāmaheśvaraḥ || 47 ||
mahīvarāhavāmāṅgo ratikandarpapaścimaḥ |
āmodamodajananaḥ sapramodapramodanaḥ || 48 ||
saṃvardhitamahāvṛddhirṛddhisiddhipravardhanaḥ |
dantasaumukhyasumukhaḥ kāntikandalitāśrayaḥ || 49 ||
madanāvatyāśritāṅghriḥ kṛtavaimukhyadurmukhaḥ |
vighnasampallavaḥ padmaḥ sarvonnatamadadravaḥ || 50 ||
vighnakṛnnimnacaraṇo drāviṇīśaktisatkṛtaḥ |
tīvrāprasannanayano jvālinīpālitaikadṛk || 51 ||
mohinīmohano bhogadāyinīkāntimaṇḍanaḥ |
kāminīkāntavaktraśrīradhiṣṭhitavasundharaḥ || 52 ||
vasudhārāmadonnādo mahāśaṅkhanidhipriyaḥ |
namadvasumatīmālī mahāpadmanidhiḥ prabhuḥ || 53 ||
sarvasadgurusaṃsevyaḥ śociṣkeśahṛdāśrayaḥ |
īśānamūrdhā devendraśikhaḥ pavananandanaḥ || 54 ||
pratyugranayano divyo divyāstraśataparvadhṛk |
airāvatādisarvāśāvāraṇo vāraṇapriyaḥ || 55 ||
vajrādyastraparīvāro gaṇacaṇḍasamāśrayaḥ |
jayājayaparikaro vijayāvijayāvahaḥ || 56 ||
ajayārcitapādābjo nityānandavanasthitaḥ |
vilāsinīkṛtollāsaḥ śauṇḍī saundaryamaṇḍitaḥ || 57 ||
anantānantasukhadaḥ sumaṅgalasumaṅgalaḥ |
jñānāśrayaḥ kriyādhāra icchāśaktiniṣevitaḥ || 58 ||
subhagāsaṃśritapado lalitālalitāśrayaḥ |
kāminīpālanaḥ kāmakāminīkelilālitaḥ || 59 ||
sarasvatyāśrayo gaurīnandanaḥ śrīniketanaḥ |
guruguptapado vācāsiddho vāgīśvarīpatiḥ || 60 ||
nalinīkāmuko vāmārāmo jyeṣṭhāmanoramaḥ |
raudrīmudritapādābjo humbījastuṅgaśaktikaḥ || 61 ||
viśvādijananatrāṇaḥ svāhāśaktiḥ sakīlakaḥ |
amṛtābdhikṛtāvāso madaghūrṇitalocanaḥ || 62 ||
ucchiṣṭocchiṣṭagaṇako gaṇeśo gaṇanāyakaḥ |
sārvakālikasaṃsiddhirnityasevyo digambaraḥ || 63 ||
anapāyo'nantadṛṣṭiraprameyo'jarāmaraḥ |
anāvilo'pratihatiracyuto'mṛtamakṣaraḥ || 64 ||
apratarkyo'kṣayo'jayyo'nādhāro'nāmayomalaḥ |
ameyasiddhiradvaitamaghoro'gnisamānanaḥ || 65 ||
anākāro'bdhibhūmyagnibalaghno'vyaktalakṣaṇaḥ |
ādhārapīṭhamādhāra ādhārādheyavarjitaḥ || 66 ||
ākhuketana āśāpūraka ākhumahārathaḥ |
ikṣusāgaramadhyastha ikṣubhakṣaṇalālasaḥ || 67 ||
ikṣucāpātirekaśrīrikṣucāpaniṣevitaḥ |
indragopasamānaśrīrindranīlasamadyutiḥ || 68 ||
indīvaradalaśyāma indumaṇḍalamaṇḍitaḥ |
idhmapriya iḍābhāga iḍāvānindirāpriyaḥ || 69 ||
ikṣvākuvighnavidhvaṃsī itikartavyatepsitaḥ |
īśānamaulirīśāna īśānapriya ītihā || 70 ||
īṣaṇātrayakalpānta īhāmātravivarjitaḥ |
upendra uḍubhṛnmauliruḍunāthakarapriyaḥ || 71 ||
unnatānana uttuṅga udārastridaśāgraṇīḥ |
ūrjasvānūṣmalamada ūhāpohadurāsadaḥ || 72 ||
ṛgyajuḥsāmanayana ṛddhisiddhisamarpakaḥ |
ṛjucittaikasulabho ṛṇatrayavimocanaḥ || 73 ||
luptavighnaḥ svabhaktānāṃ luptaśaktiḥ suradviṣām |
luptaśrīrvimukhārcānāṃ lūtāvisphoṭanāśanaḥ || 74 ||
ekārapīṭhamadhyastha ekapādakṛtāsanaḥ |
ejitākhiladaityaśrīredhitākhilasaṃśrayaḥ || 75 ||
aiśvaryanidhiraiśvaryamaihikāmuṣmikapradaḥ |
airammadasamonmeṣa airāvatasamānanaḥ || 76 ||
oṅkāravācya oṅkāra ojasvānoṣadhīpatiḥ |
audāryanidhirauddhatyadhairya aunnatyaniḥsamaḥ || 77 ||
aṅkuśaḥ suranāgānāmaṅkuśākārasaṃsthitaḥ |
aḥ samastavisargāntapadeṣu parikīrtitaḥ || 78 ||
kamaṇḍaludharaḥ kalpaḥ kapardī kalabhānanaḥ |
karmasākṣī karmakartā karmākarmaphalapradaḥ || 79 ||
kadambagolakākāraḥ kūṣmāṇḍagaṇanāyakaḥ |
kāruṇyadehaḥ kapilaḥ kathakaḥ kaṭisūtrabhṛt || 80 ||
kharvaḥ khaḍgapriyaḥ khaḍgaḥ khāntāntaḥsthaḥ khanirmalaḥ |
khalvāṭaśṛṅganilayaḥ khaṭvāṅgī khadurāsadaḥ || 81 ||
guṇāḍhyo gahano gadyo gadyapadyasudhārṇavaḥ |
gadyagānapriyo garjo gītagīrvāṇapūrvajaḥ || 82 ||
guhyācārarato guhyo guhyāgamanirūpitaḥ |
guhāśayo guḍābdhistho gurugamyo gururguruḥ || 83 ||
ghaṇṭāghargharikāmālī ghaṭakumbho ghaṭodaraḥ |
ṅakāravācyo ṅākāro ṅakārākāraśuṇḍabhṛt || 84 ||
caṇḍaścaṇḍeśvaraścaṇḍī caṇḍeśaścaṇḍavikramaḥ |
carācarapitā cintāmaṇiścarvaṇalālasaḥ || 85 ||
chandaśchandodbhavaśchando durlakṣyaśchandavigrahaḥ |
jagadyonirjagatsākṣī jagadīśo jaganmayaḥ || 86 ||
japyo japaparo jāpyo jihvāsiṃhāsanaprabhuḥ |
sravadgaṇḍollasaddhānajhaṅkāribhramarākulaḥ || 87 ||
ṭaṅkārasphārasaṃrāvaṣṭaṅkāramaṇinūpuraḥ |
ṭhadvayīpallavāntasthasarvamantreṣu siddhidaḥ || 88 ||
ḍiṇḍimuṇḍo ḍākinīśo ḍāmaro ḍiṇḍimapriyaḥ |
ḍhakkāninādamudito ḍhauṅko ḍhuṇḍhivināyakaḥ || 89 ||
tattvānāṃ prakṛtistattvaṃ tattvampadanirūpitaḥ |
tārakāntarasaṃsthānastārakastārakāntakaḥ || 90 ||
sthāṇuḥ sthāṇupriyaḥ sthātā sthāvaraṃ jaṅgamaṃ jagat |
dakṣayajñapramathano dātā dānaṃ damo dayā || 91 ||
dayāvāndivyavibhavo daṇḍabhṛddaṇḍanāyakaḥ |
dantaprabhinnābhramālo daityavāraṇadāraṇaḥ || 92 ||
daṃṣṭrālagnadvīpaghaṭo devārthanṛgajākṛtiḥ |
dhanaṃ dhanapaterbandhurdhanado dharaṇīdharaḥ || 93 ||
dhyānaikaprakaṭo dhyeyo dhyānaṃ dhyānaparāyaṇaḥ |
dhvaniprakṛticītkāro brahmāṇḍāvalimekhalaḥ || 94 ||
nandyo nandipriyo nādo nādamadhyapratiṣṭhitaḥ |
niṣkalo nirmalo nityo nityānityo nirāmayaḥ || 95 ||
paraṃ vyoma paraṃ dhāma paramātmā paraṃ padam || 96 ||
parātparaḥ paśupatiḥ paśupāśavimocanaḥ |
pūrṇānandaḥ parānandaḥ purāṇapuruṣottamaḥ || 97 ||
padmaprasannavadanaḥ praṇatājñānanāśanaḥ |
pramāṇapratyayātītaḥ praṇatārtinivāraṇaḥ || 98 ||
phaṇihastaḥ phaṇipatiḥ phūtkāraḥ phaṇitapriyaḥ |
bāṇārcitāṅghriyugalo bālakelikutūhalī |
brahma brahmārcitapado brahmacārī bṛhaspatiḥ || 99 ||
bṛhattamo brahmaparo brahmaṇyo brahmavitpriyaḥ |
bṛhannādāgryacītkāro brahmāṇḍāvalimekhalaḥ || 100 ||
bhrūkṣepadattalakṣmīko bhargo bhadro bhayāpahaḥ |
bhagavān bhaktisulabho bhūtido bhūtibhūṣaṇaḥ || 101 ||
bhavyo bhūtālayo bhogadātā bhrūmadhyagocaraḥ |
mantro mantrapatirmantrī madamatto mano mayaḥ || 102 ||
mekhalāhīśvaro mandagatirmandanibhekṣaṇaḥ |
mahābalo mahāvīryo mahāprāṇo mahāmanāḥ || 103 ||
yajño yajñapatiryajñagoptā yajñaphalapradaḥ |
yaśaskaro yogagamyo yājñiko yājakapriyaḥ || 104 ||
raso rasapriyo rasyo rañjako rāvaṇārcitaḥ |
rājyarakṣākaro ratnagarbho rājyasukhapradaḥ || 105 ||
lakṣo lakṣapatirlakṣyo layastho laḍḍukapriyaḥ |
lāsapriyo lāsyaparo lābhakṛllokaviśrutaḥ || 106 ||
vareṇyo vahnivadano vandyo vedāntagocaraḥ |
vikartā viśvataścakṣurvidhātā viśvatomukhaḥ || 107 ||
vāmadevo viśvanetā vajrivajranivāraṇaḥ |
vivasvadbandhano viśvādhāro viśveśvaro vibhuḥ || 108 ||
śabdabrahma śamaprāpyaḥ śambhuśaktigaṇeśvaraḥ |
śāstā śikhāgranilayaḥ śaraṇyaḥ śambareśvaraḥ || 109 ||
ṣaḍṛtukusumasragvī ṣaḍādhāraḥ ṣaḍakṣaraḥ |
saṃsāravaidyaḥ sarvajñaḥ sarvabheṣajabheṣajam || 110 ||
sṛṣṭisthitilayakrīḍaḥ surakuñjarabhedakaḥ |
sindūritamahākumbhaḥ sadasadbhaktidāyakaḥ || 111 ||
sākṣī samudramathanaḥ svayaṃvedyaḥ svadakṣiṇaḥ |
svatantraḥ satyasaṅkalpaḥ sāmagānarataḥ sukhī || 112 ||
haṃso hastipiśācīśo havanaṃ havyakavyabhuk |
havyaṃ hutapriyo hṛṣṭo hṛllekhāmantramadhyagaḥ || 113 ||
kṣetrādhipaḥ kṣamābhartā kṣamākṣamaparāyaṇaḥ |
kṣiprakṣemakaraḥ kṣemānandaḥ kṣoṇīsuradrumaḥ || 114 ||
dharmaprado'rthadaḥ kāmadātā saubhāgyavardhanaḥ |
vidyāprado vibhavado bhuktimuktiphalapradaḥ || 115 ||
ābhirūpyakaro vīraśrīprado vijayapradaḥ |
sarvavaśyakaro garbhadoṣahā putrapautradaḥ || 116 ||
medhādaḥ kīrtidaḥ śokahārī daurbhāgyanāśanaḥ |
prativādimukhastambho ruṣṭacittaprasādanaḥ || 117 ||
parābhicāraśamano duḥkhahā bandhamokṣadaḥ |
lavastruṭiḥ kalā kāṣṭhā nimeṣastatparakṣaṇaḥ || 118 ||
ghaṭī muhūrtaḥ praharo divā naktamaharniśam |
pakṣo māsartvayanābdayugaṃ kalpo mahālayaḥ || 119 ||
rāśistārā tithiryogo vāraḥ karaṇamaṃśakam |
lagnaṃ horā kālacakraṃ meruḥ saptarṣayo dhruvaḥ || 120 ||
rāhurmandaḥ kavirjīvo budho bhaumaḥ śaśī raviḥ |
kālaḥ sṛṣṭiḥ sthitirviśvaṃ sthāvaraṃ jaṅgamaṃ jagat || 121 ||
bhūrāpo'gnirmarudvyomāhaṅkṛtiḥ prakṛtiḥ pumān |
brahmā viṣṇuḥ śivo rudra īśaḥ śaktiḥ sadāśivaḥ || 122 ||
tridaśāḥ pitaraḥ siddhā yakṣā rakṣāṃsi kinnarāḥ |
siddhavidyādharā bhūtā manuṣyāḥ paśavaḥ khagāḥ || 123 ||
samudrāḥ saritaḥ śailā bhūtaṃ bhavyaṃ bhavodbhavaḥ |
sāṅkhyaṃ pātañjalaṃ yogaṃ purāṇāni śrutiḥ smṛtiḥ || 124 ||
vedāṅgāni sadācāro mīmāṃsā nyāyavistaraḥ |
āyurvedo dhanurvedo gāndharvaṃ kāvyanāṭakam || 125 ||
vaikhānasaṃ bhāgavataṃ mānuṣaṃ pāñcarātrakam |
śaivaṃ pāśupataṃ kālāmukhambhairavaśāsanam || 126 ||
śāktaṃ vaināyakaṃ sauraṃ jainamārhatasaṃhitā |
sadasadvyaktamavyaktaṃ sacetanamacetanam || 127 ||
bandho mokṣaḥ sukhaṃ bhogo yogaḥ satyamaṇurmahān |
svasti humphaṭ svadhā svāhā śrauṣaṭ vauṣaṭ vaṣaṇ namaḥ 128 ||
jñānaṃ vijñānamānando bodhaḥ saṃvitsamo'samaḥ |
eka ekākṣarādhāra ekākṣaraparāyaṇaḥ || 129 ||
ekāgradhīrekavīra eko'nekasvarūpadhṛk |
dvirūpo dvibhujo dvyakṣo dvirado dvīparakṣakaḥ || 130 ||
dvaimāturo dvivadano dvandvahīno dvayātigaḥ |
tridhāmā trikarastretā trivargaphaladāyakaḥ || 131 ||
triguṇātmā trilokādistriśaktīśastrilocanaḥ |
caturvidhavacovṛttiparivṛttipravartakaḥ || 132 ||
caturbāhuścaturdantaścaturātmā caturbhujaḥ |
caturvidhopāyamayaścaturvarṇāśramāśrayaḥ 133 ||
caturthīpūjanaprītaścaturthītithisambhavaḥ ||
pañcākṣarātmā pañcātmā pañcāsyaḥ pañcakṛttamaḥ || 134 ||
pañcādhāraḥ pañcavarṇaḥ pañcākṣaraparāyaṇaḥ |
pañcatālaḥ pañcakaraḥ pañcapraṇavamātṛkaḥ || 135 ||
pañcabrahmamayasphūrtiḥ pañcāvaraṇavāritaḥ |
pañcabhakṣapriyaḥ pañcabāṇaḥ pañcaśikhātmakaḥ || 136 ||
ṣaṭkoṇapīṭhaḥ ṣaṭcakradhāmā ṣaḍgranthibhedakaḥ |
ṣaḍaṅgadhvāntavidhvaṃsī ṣaḍaṅgulamahāhradaḥ || 137 ||
ṣaṇmukhaḥ ṣaṇmukhabhrātā ṣaṭśaktiparivāritaḥ |
ṣaḍvairivargavidhvaṃsī ṣaḍūrmibhayabhañjanaḥ || 138 ||
ṣaṭtarkadūraḥ ṣaṭkarmā ṣaḍguṇaḥ ṣaḍrasāśrayaḥ |
saptapātālacaraṇaḥ saptadvīporumaṇḍalaḥ || 139 ||
saptasvarlokamukuṭaḥ saptasaptivarapradaḥ |
saptāṅgarājyasukhadaḥ saptarṣigaṇavanditaḥ || 140 ||
saptacchandonidhiḥ saptahotraḥ saptasvarāśrayaḥ |
saptābdhikelikāsāraḥ saptamātṛniṣevitaḥ || 141 ||
saptacchando modamadaḥ saptacchando makhaprabhuḥ |
aṣṭamūrtirdhyeyamūrtiraṣṭaprakṛtikāraṇam || 142 ||
aṣṭāṅgayogaphalabhṛdaṣṭapatrāmbujāsanaḥ |
aṣṭaśaktisamānaśrīraṣṭaiśvaryapravardhanaḥ || 143 ||
aṣṭapīṭhopapīṭhaśrīraṣṭamātṛsamāvṛtaḥ |
aṣṭabhairavasevyo'ṣṭavasuvandyo'ṣṭamūrtibhṛt || 144 ||
aṣṭacakrasphuranmūrtiraṣṭadravyahaviḥpriyaḥ |
aṣṭaśrīraṣṭasāmaśrīraṣṭaiśvaryapradāyakaḥ |
navanāgāsanādhyāsī navanidhyanuśāsitaḥ || 145 ||
navadvārapurāvṛtto navadvāraniketanaḥ |
navanāthamahānātho navanāgavibhūṣitaḥ || 146 ||
navanārāyaṇastulyo navadurgāniṣevitaḥ |
navaratnavicitrāṅgo navaśaktiśiroddhṛtaḥ || 147 ||
daśātmako daśabhujo daśadikpativanditaḥ |
daśādhyāyo daśaprāṇo daśendriyaniyāmakaḥ || 148 ||
daśākṣaramahāmantro daśāśāvyāpivigrahaḥ |
ekādaśamahārudraiḥstutaścaikādaśākṣaraḥ || 149 ||
dvādaśadvidaśāṣṭādidordaṇḍāstraniketanaḥ |
trayodaśabhidābhinno viśvedevādhidaivatam || 150 ||
caturdaśendravaradaścaturdaśamanuprabhuḥ |
caturdaśādyavidyāḍhyaścaturdaśajagatpatiḥ || 151 ||
sāmapañcadaśaḥ pañcadaśīśītāṃśunirmalaḥ |
tithipañcadaśākārastithyā pañcadaśārcitaḥ || 152 ||
ṣoḍaśādhāranilayaḥ ṣoḍaśasvaramātṛkaḥ |
ṣoḍaśāntapadāvāsaḥ ṣoḍaśendukalātmakaḥ || 153 ||
kalāsaptadaśī saptadaśasaptadaśākṣaraḥ |
aṣṭādaśadvīpapatiraṣṭādaśapurāṇakṛt || 154 ||
aṣṭādaśauṣadhīsṛṣṭiraṣṭādaśavidhiḥ smṛtaḥ |
aṣṭādaśalipivyaṣṭisamaṣṭijñānakovidaḥ || 155 ||
aṣṭādaśānnasampattiraṣṭādaśavijātikṛt |
ekaviṃśaḥ pumānekaviṃśatyaṅgulipallavaḥ || 156 ||
caturviṃśatitattvātmā pañcaviṃśākhyapūruṣaḥ |
saptaviṃśatitāreśaḥ saptaviṃśatiyogakṛt || 157 ||
dvātriṃśadbhairavādhīśaścatustriṃśanmahāhradaḥ |
ṣaṭtriṃśattattvasambhūtiraṣṭatriṃśatkalātmakaḥ || 158 ||
pañcāśadviṣṇuśaktīśaḥ pañcāśanmātṛkālayaḥ |
dvipañcāśadvapuḥśreṇītriṣaṣṭyakṣarasaṃśrayaḥ |
pañcāśadakṣaraśreṇīpañcāśadrudravigrahaḥ || 159 ||
catuḥṣaṣṭimahāsiddhiyoginīvṛndavanditaḥ |
namadekonapañcāśanmarudvarganirargalaḥ || 160 ||
catuḥṣaṣṭyarthanirṇetā catuḥṣaṣṭikalānidhiḥ |
aṣṭaṣaṣṭimahātīrthakṣetrabhairavavanditaḥ || 161 ||
caturnavatimantrātmā ṣaṇṇavatyadhikaprabhuḥ |
śatānandaḥ śatadhṛtiḥ śatapatrāyatekṣaṇaḥ || 162 ||
śatānīkaḥ śatamakhaḥ śatadhārāvarāyudhaḥ |
sahasrapatranilayaḥ sahasraphaṇibhūṣaṇaḥ || 163 ||
sahasraśīrṣā puruṣaḥ sahasrākṣaḥ sahasrapāt |
sahasranāmasaṃstutyaḥ sahasrākṣabalāpahaḥ || 164 ||
daśasāhasraphaṇibhṛtphaṇirājakṛtāsanaḥ |
aṣṭāśītisahasrādyamaharṣistotrapāṭhitaḥ || 165 ||
lakṣādhāraḥ priyādhāro lakṣādhāramanomayaḥ |
caturlakṣajapaprītaścaturlakṣaprakāśakaḥ || 166 ||
caturaśītilakṣāṇāṃ jīvānāṃ dehasaṃsthitaḥ |
koṭisūryapratīkāśaḥ koṭicandrāṃśunirmalaḥ || 167 ||
śivodbhavādyaṣṭakoṭivaināyakadhurandharaḥ |
saptakoṭimahāmantramantritāvayavadyutiḥ || 168 ||
trayastriṃśatkoṭisuraśreṇīpraṇatapādukaḥ |
anantadevatāsevyo hyanantaśubhadāyakaḥ || 169 ||
anantanāmānantaśrīrananto'nantasaukhyadaḥ |
anantaśaktisahito hyanantamunisaṃstutaḥ || 170 ||
iti vaināyakaṃ nāmnāṃ sahasramidamīritam |
idaṃ brāhme muhūrte yaḥ paṭhati pratyahaṃ naraḥ || 171 ||
karasthaṃ tasya sakalamaihikāmuṣmikaṃ sukham |
āyurārogyamaiśvaryaṃ dhairyaṃ śauryaṃ balaṃ yaśaḥ || 172 ||
medhā prajñā dhṛtiḥ kāntiḥ saubhāgyamabhirūpatā |
satyaṃ dayā kṣamā śāntirdākṣiṇyaṃ dharmaśīlatā || 173 ||
jagatsaṃvananaṃ viśvasaṃvādo vedapāṭavam |
sabhāpāṇḍityamaudāryaṃ gāmbhīryaṃ brahmavarcasam || 174 ||
ojastejaḥ kulaṃ śīlaṃ pratāpo vīryamāryatā |
jñānaṃ vijñānamāstikyaṃ sthairyaṃ viśvāsatā tathā || 175 ||
dhanadhānyādivṛddhiśca sakṛdasya japādbhavet |
vaśyaṃ caturvidhaṃ viśvaṃ japādasya prajāyate || 176 ||
rājño rājakalatrasya rājaputrasya mantriṇaḥ |
japyate yasya vaśyārthe sa dāsastasya jāyate || 177 ||
dharmārthakāmamokṣāṇāmanāyāsena sādhanam |
śākinīḍākinīrakṣoyakṣagrahabhayāpaham || 178 ||
sāmrājyasukhadaṃ sarvasapatnamadamardanam |
samastakalahadhvaṃsi dagdhabījaprarohaṇam || 179 ||
duḥsvapnaśamanaṃ kruddhasvāmicittaprasādanam |
ṣaḍvargāṣṭamahāsiddhitrikālajñānakāraṇam || 180 ||
parakṛtyapraśamanaṃ paracakrapramardanam |
saṅgrāmamārge saveṣāmidamekaṃ jayāvaham || 181 ||
sarvavandhyatvadoṣaghnaṃ garbharakṣaikakāraṇam |
paṭhyate pratyahaṃ yatra stotraṃ gaṇapateridam || 182 ||
deśe tatra na durbhikṣamītayo duritāni ca |
na tadgehaṃ jahāti śrīryatrāyaṃ japyate stavaḥ || 183 ||
kṣayakuṣṭhapramehārśabhagandaraviṣūcikāḥ |
gulmaṃ plīhānamaśamānamatisāraṃ mahodaram || 184 ||
kāsaṃ śvāsamudāvartaṃ śūlaṃ śophāmayodaram |
śirorogaṃ vamiṃ hikkāṃ gaṇḍamālāmarocakam || 185 ||
vātapittakaphadvandvatridoṣajanitajvaram |
āgantuviṣamaṃ śītamuṣṇaṃ caikāhikādikam || 186 ||
ityādyuktamanuktaṃ vā rogadoṣādisambhavam |
sarvaṃ praśamayatyāśu stotrasyāsya sakṛjjapaḥ || 187 ||
prāpyate'sya japātsiddhiḥ strīśūdraiḥ patitairapi |
sahasranāmamantro'yaṃ japitavyaḥ śubhāptaye || 188 ||
mahāgaṇapateḥ stotraṃ sakāmaḥ prajapannidam |
icchayā sakalān bhogānupabhujyeha pārthivān || 189 ||
manorathaphalairdivyairvyomayānairmanoramaiḥ |
candrendrabhāskaropendrabrahmaśarvādisadmasu || 190 ||
kāmarūpaḥ kāmagatiḥ kāmadaḥ kāmadeśvaraḥ |
bhuktvā yathepsitānbhogānabhīṣṭaiḥ saha bandhubhiḥ || 191 ||
gaṇeśānucaro bhūtvā gaṇo gaṇapatipriyaḥ |
nandīśvarādisānandairnanditaḥ sakalairgaṇaiḥ || 192 ||
śivābhyāṃ kṛpayā putranirviśeṣaṃ ca lālitaḥ |
śivabhaktaḥ pūrṇakāmo gaṇeśvaravarātpunaḥ || 193 ||
jātismaro dharmaparaḥ sārvabhaumo'bhijāyate |
niṣkāmastu japannityaṃ bhaktyā vighneśatatparaḥ || 194 ||
yogasiddhiṃ parāṃ prāpya jñānavairāgyasaṃyutaḥ |
nirantare nirābādhe paramānandasañjñite || 195 ||
viśvottīrṇe pare pūrṇe punarāvṛttivarjite |
līno vaināyake dhāmni ramate nityanirvṛte || 196 ||
yo nāmabhirhutairdattaiḥ pūjayedarcayeennaraḥ |
rājāno vaśyatāṃ yānti ripavo yānti dāsatām || 197 ||
tasya sidhyanti mantrāṇāṃ durlabhāśceṣṭasiddhayaḥ |
mūlamantrādapi stotramidaṃ priyatamaṃ mama || 198 ||
nabhasye māsi śuklāyāṃ caturthyāṃ mama janmani |
dūrvābhirnāmabhiḥ pūjāṃ tarpaṇaṃ vidhivaccaret || 199 ||
aṣṭadravyairviśeṣeṇa kuryādbhaktisusaṃyutaḥ |
tasyepsitaṃ dhanaṃ dhānyamaiśvaryaṃ vijayo yaśaḥ || 200 ||
bhaviṣyati na sandehaḥ putrapautrādikaṃ sukham |
idaṃ prajapitaṃ stotraṃ paṭhitaṃ śrāvitaṃ śrutam || 201 ||
vyākṛtaṃ carcitaṃ dhyātaṃ vimṛṣṭamabhivanditam |
ihāmutra ca viśveṣāṃ viśvaiśvaryapradāyakam || 202 ||
svacchandacāriṇāpyeṣa yena sandhāryate stavaḥ |
sa rakṣyate śivodbhūtairgaṇairadhyaṣṭakoṭibhiḥ || 203 ||
likhitaṃ pustakastotraṃ mantrabhūtaṃ prapūjayet |
tatra sarvottamā lakṣmīḥ sannidhatte nirantaram || 204 ||
dānairaśeṣairakhilairvrataiśca tīrthairaśeṣairakhilairmakhaiśca |
na tatphalaṃ vindati yadgaṇeśasahasranāmasmaraṇena sadyaḥ || 205 ||
etannāmnāṃ sahasraṃ paṭhati dinamaṇau pratyahamprojjihāne
sāyaṃ madhyandine vā triṣavaṇamathavā santataṃ vā jano yaḥ |
sa syādaiśvaryadhuryaḥ prabhavati vacasāṃ kīrtimuccaistanoti
dāridryaṃ hanti viśvaṃ vaśayati suciraṃ vardhate putrapautraiḥ || 206 ||
akiñcanopyekacitto niyato niyatāsanaḥ |
prajapaṃścaturo māsān gaṇeśārcanatatparaḥ || 207 ||
daridratāṃ samunmūlya saptajanmānugāmapi |
labhate mahatīṃ lakṣmīmityājñā pārameśvarī || 208 ||
āyuṣyaṃ vītarogaṃ kulamativimalaṃ sampadaścārtināśaḥ
kīrtirnityāvadātā bhavati khalu navā kāntiravyājabhavyā |
putrāḥ santaḥ kalatraṃ guṇavadabhimataṃ yadyadanyacca tatta -
nnityaṃ yaḥ stotrametat paṭhati gaṇapatestasya haste samastam || 209 ||
gaṇañjayo gaṇapatirherambo dharaṇīdharaḥ |
mahāgaṇapatirbuddhipriyaḥ kṣipraprasādanaḥ || 210 ||
amoghasiddhiramṛtamantraścintāmaṇirnidhiḥ |
sumaṅgalo bījamāśāpūrako varadaḥ kalaḥ || 211 ||
kāśyapo nandano vācāsiddho ḍhuṇḍhirvināyakaḥ |
modakairebhiratraikaviṃśatyā nāmabhiḥ pumān || 212 ||
upāyanaṃ dadedbhaktyā matprasādaṃ cikīrṣati |
vatsaraṃ vighnarājo'sya tathyamiṣṭārthasiddhaye || 213 ||
yaḥ stauti madgatamanā mamārādhanatatparaḥ |
stuto nāmnā sahasreṇa tenāhaṃ nātra saṃśayaḥ || 214 ||
namo namaḥ suravarapūjitāṅghraye
namo namo nirupamamaṅgalātmane |
namo namo vipuladayaikasiddhaye
namo namaḥ karikalabhānanāya te || 215 ||
kiṅkiṇīgaṇaracitacaraṇaḥ
prakaṭitagurumitacārukaraṇaḥ |
madajalalaharīkalitakapolaḥ
śamayatu duritaṃ gaṇapatināmnā || 216 ||
|| iti śrīgaṇeśapurāṇe upāsanākhaṇḍe īśvaragaṇeśasaṃvāde
gaṇeśasahasranāmastotraṃ nāma ṣaṭcatvāriṃśodhyāyaḥ ||
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.