(ବ୍ରହ୍ମଵୈଵର୍ତ ମହାପୁରାଣାନ୍ତର୍ଗତଂ)
ଭୃଗୁରୁଵାଚ ।
ବ୍ରହ୍ମନ୍ବ୍ରହ୍ମଵିଦାଂଶ୍ରେଷ୍ଠ ବ୍ରହ୍ମଜ୍ଞାନଵିଶାରଦ ।
60
ସର୍ଵଜ୍ଞ ସର୍ଵଜନକ ସର୍ଵପୂଜକପୂଜିତ ॥ 60
ସରସ୍ଵତ୍ଯାଶ୍ଚ କଵଚଂ ବ୍ରୂହି ଵିଶ୍ଵଜଯଂ ପ୍ରଭୋ ।
ଅଯାତଯାମମନ୍ତ୍ରାଣାଂ ସମୂହୋ ଯତ୍ର ସଂଯୁତଃ ॥ 61 ॥
ବ୍ରହ୍ମୋଵାଚ ।
ଶୃଣୁ ଵତ୍ସ ପ୍ରଵକ୍ଷ୍ଯାମି କଵଚଂ ସର୍ଵକାମଦମ୍ ।
ଶ୍ରୁତିସାରଂ ଶ୍ରୁତିସୁଖଂ ଶ୍ରୁତ୍ଯୁକ୍ତଂ ଶ୍ରୁତିପୂଜିତମ୍ ॥ 62 ॥
ଉକ୍ତଂ କୃଷ୍ଣେନ ଗୋଲୋକେ ମହ୍ଯଂ ଵୃନ୍ଦାଵନେ ଵନେ ।
ରାସେଶ୍ଵରେଣ ଵିଭୁନା ରାସେ ଵୈ ରାସମଣ୍ଡଲେ ॥ 63 ॥
ଅତୀଵ ଗୋପନୀଯଞ୍ଚ କଲ୍ପଵୃକ୍ଷସମଂ ପରମ୍ ।
ଅଶ୍ରୁତାଦ୍ଭୁତମନ୍ତ୍ରାଣାଂ ସମୂହୈଶ୍ଚ ସମନ୍ଵିତମ୍ ॥ 64 ॥
ଯଦ୍ଧୃତ୍ଵା ପଠନାଦ୍ବ୍ରହ୍ମନ୍ବୁଦ୍ଧିମାଂଶ୍ଚ ବୃହସ୍ପତିଃ ।
ଯଦ୍ଧୃତ୍ଵା ଭଗଵାଞ୍ଛୁକ୍ରଃ ସର୍ଵଦୈତ୍ଯେଷୁ ପୂଜିତଃ ॥ 65 ॥
ପଠନାଦ୍ଧାରଣାଦ୍ଵାଗ୍ମୀ କଵୀନ୍ଦ୍ରୋ ଵାଲ୍ମିକୀ ମୁନିଃ ।
ସ୍ଵାଯମ୍ଭୁଵୋ ମନୁଶ୍ଚୈଵ ଯଦ୍ଧୃତ୍ଵା ସର୍ଵପୂଜିତାଃ ॥ 66 ॥
କଣାଦୋ ଗୌତମଃ କଣ୍ଵଃ ପାଣିନିଃ ଶାକଟାଯନଃ ।
ଗ୍ରନ୍ଥଂ ଚକାର ଯଦ୍ଧୃତ୍ଵା ଦକ୍ଷଃ କାତ୍ଯାଯନଃ ସ୍ଵଯମ୍ ॥ 67 ॥
ଧୃତ୍ଵା ଵେଦଵିଭାଗଞ୍ଚ ପୁରାଣାନ୍ଯଖିଲାନି ଚ ।
ଚକାର ଲୀଲାମାତ୍ରେଣ କୃଷ୍ଣଦ୍ଵୈପାଯନଃ ସ୍ଵଯମ୍ ॥ 68 ॥
ଶାତାତପଶ୍ଚ ସଂଵର୍ତୋ ଵସିଷ୍ଠଶ୍ଚ ପରାଶରଃ ।
ଯଦ୍ଧୃତ୍ଵା ପଠନାଦ୍ଗ୍ରନ୍ଥଂ ଯାଜ୍ଞଵଲ୍କ୍ଯଶ୍ଚକାର ସଃ ॥ 69 ॥
ଋଷ୍ଯଶୃଙ୍ଗୋ ଭରଦ୍ଵାଜଶ୍ଚାସ୍ତୀକୋ ଦେଵଲସ୍ତଥା ।
ଜୈଗୀଷଵ୍ଯୋଽଥ ଜାବାଲିର୍ଯଦ୍ଧୃତ୍ଵା ସର୍ଵପୂଜିତଃ ॥ 70 ॥
କଵଚସ୍ଯାସ୍ଯ ଵିପ୍ରେନ୍ଦ୍ର ଋଷିରେଷ ପ୍ରଜାପତିଃ ।
ସ୍ଵଯଂ ବୃହସ୍ପତିଶ୍ଛନ୍ଦୋ ଦେଵୋ ରାସେଶ୍ଵରଃ ପ୍ରଭୁଃ ॥ 71 ॥
ସର୍ଵତତ୍ତ୍ଵପରିଜ୍ଞାନେ ସର୍ଵାର୍ଥେଽପି ଚ ସାଧନେ ।
କଵିତାସୁ ଚ ସର୍ଵାସୁ ଵିନିଯୋଗଃ ପ୍ରକୀର୍ତିତଃ ॥ 72 ॥
( କଵଚଂ )
ଓଁ ହ୍ରୀଂ ସରସ୍ଵତ୍ଯୈ ସ୍ଵାହା ଶିରୋ ମେ ପାତୁ ସର୍ଵତଃ ।
ଶ୍ରୀଂ ଵାଗ୍ଦେଵତାଯୈ ସ୍ଵାହା ଭାଲଂ ମେ ସର୍ଵଦାଽଵତୁ ॥ 73 ॥
ଓଁ ହ୍ରୀଂ ସରସ୍ଵତ୍ଯୈ ସ୍ଵାହେତି ଶ୍ରୋତ୍ରେ ପାତୁ ନିରନ୍ତରମ୍ ।
ଓଁ ଶ୍ରୀଂ ହ୍ରୀଂ ଭଗଵତ୍ଯୈ ସରସ୍ଵତ୍ଯୈ ସ୍ଵାହା ନେତ୍ରଯୁଗ୍ମଂ ସଦାଽଵତୁ ॥ 74 ॥
ଐଂ ହ୍ରୀଂ ଵାଗ୍ଵାଦିନ୍ଯୈ ସ୍ଵାହା ନାସାଂ ମେ ସର୍ଵଦାଽଵତୁ ।
ହ୍ରୀଂ ଵିଦ୍ଯାଧିଷ୍ଠାତୃଦେଵ୍ଯୈ ସ୍ଵାହା ଚୋଂଷ୍ଠ ସଦାଽଵତୁ ॥ 75 ॥
ଓଁ ଶ୍ରୀଂ ହ୍ରୀଂ ବ୍ରାହ୍ମ୍ଯୈ ସ୍ଵାହେତି ଦନ୍ତପଙ୍କ୍ତିଂ ସଦାଽଵତୁ ।
ଐମିତ୍ଯେକାକ୍ଷରୋ ମନ୍ତ୍ରୋ ମମ କଣ୍ଠଂ ସଦାଽଵତୁ ॥ 76 ॥
ଓଁ ଶ୍ରୀଂ ହ୍ରୀଂ ପାତୁ ମେ ଗ୍ରୀଵାଂ ସ୍କନ୍ଧଂ ମେ ଶ୍ରୀଂ ସଦାଽଵତୁ ।
ଓଁ ହ୍ରୀଂ ଵିଦ୍ଯାଧିଷ୍ଠାତୃଦେଵ୍ଯୈ ସ୍ଵାହା ଵକ୍ଷଃ ସଦାଽଵତୁ ॥ 77 ॥
ଓଁ ହ୍ରୀଂ ଵିଦ୍ଯାସ୍ଵରୂପାଯୈ ସ୍ଵାହା ମେ ପାତୁ ନାଭିକାମ୍ ।
ଓଁ ହ୍ରୀଂ କ୍ଲୀଂ ଵାଣ୍ଯୈ ସ୍ଵାହେତି ମମ ପୃଷ୍ଠଂ ସଦାଽଵତୁ ॥ 78 ॥
ଓଁ ସର୍ଵଵର୍ଣାତ୍ମିକାଯୈ ପାଦଯୁଗ୍ମଂ ସଦାଽଵତୁ ।
ଓଁ ରାଗାଧିଷ୍ଠାତୃଦେଵ୍ଯୈ ସର୍ଵାଙ୍ଗଂ ମେ ସଦାଽଵତୁ ॥ 79 ॥
ଓଁ ସର୍ଵକଣ୍ଠଵାସିନ୍ଯୈ ସ୍ଵାହା ପ୍ରଚ୍ଯାଂ ସଦାଽଵତୁ ।
ଓଁ ହ୍ରୀଂ ଜିହ୍ଵାଗ୍ରଵାସିନ୍ଯୈ ସ୍ଵାହାଽଗ୍ନିଦିଶି ରକ୍ଷତୁ ॥ 80 ॥
ଓଁ ଐଂ ହ୍ରୀଂ ଶ୍ରୀଂ ସରସ୍ଵତ୍ଯୈ ବୁଧଜନନ୍ଯୈ ସ୍ଵାହା ।
ସତତଂ ମନ୍ତ୍ରରାଜୋଽଯଂ ଦକ୍ଷିଣେ ମାଂ ସଦାଽଵତୁ ॥ 81 ॥
ଓଁ ହ୍ରୀଂ ଶ୍ରୀଂ ତ୍ର୍ଯକ୍ଷରୋ ମନ୍ତ୍ରୋ ନୈରୃତ୍ଯାଂ ମେ ସଦାଽଵତୁ ।
କଵିଜିହ୍ଵାଗ୍ରଵାସିନ୍ଯୈ ସ୍ଵାହା ମାଂ ଵାରୁଣେଽଵତୁ ॥ 82 ॥
ଓଁ ସଦମ୍ବିକାଯୈ ସ୍ଵାହା ଵାଯଵ୍ଯେ ମାଂ ସଦାଽଵତୁ ।
ଓଁ ଗଦ୍ଯପଦ୍ଯଵାସିନ୍ଯୈ ସ୍ଵାହା ମାମୁତ୍ତରେଽଵତୁ ॥ 83 ॥
ଓଁ ସର୍ଵଶାସ୍ତ୍ରଵାସିନ୍ଯୈ ସ୍ଵାହୈଶାନ୍ଯାଂ ସଦାଽଵତୁ ।
ଓଁ ହ୍ରୀଂ ସର୍ଵପୂଜିତାଯୈ ସ୍ଵାହା ଚୋର୍ଧ୍ଵଂ ସଦାଽଵତୁ ॥ 84 ॥
ଐଂ ହ୍ରୀଂ ପୁସ୍ତକଵାସିନ୍ଯୈ ସ୍ଵାହାଽଧୋ ମାଂ ସଦାଵତୁ ।
ଓଁ ଗ୍ରନ୍ଥବୀଜରୂପାଯୈ ସ୍ଵାହା ମାଂ ସର୍ଵତୋଽଵତୁ ॥ 85 ॥
ଇତି ତେ କଥିତଂ ଵିପ୍ର ସର୍ଵମନ୍ତ୍ରୌଘଵିଗ୍ରହମ୍ ।
ଇଦଂ ଵିଶ୍ଵଜଯଂ ନାମ କଵଚଂ ବ୍ରହ୍ମାରୂପକମ୍ ॥ 86 ॥
ପୁରା ଶ୍ରୁତଂ ଧର୍ମଵକ୍ତ୍ରାତ୍ପର୍ଵତେ ଗନ୍ଧମାଦନେ ।
ତଵ ସ୍ନେହାନ୍ମଯାଽଽଖ୍ଯାତଂ ପ୍ରଵକ୍ତଵ୍ଯଂ ନ କସ୍ଯଚିତ୍ ॥ 87 ॥
ଗୁରୁମଭ୍ଯର୍ଚ୍ଯ ଵିଧିଵଦ୍ଵସ୍ତ୍ରାଲଙ୍କାରଚନ୍ଦନୈଃ ।
ପ୍ରଣମ୍ଯ ଦଣ୍ଡଵଦ୍ଭୂମୌ କଵଚଂ ଧାରଯେତ୍ସୁଧୀଃ ॥ 88 ॥
ପଞ୍ଚଲକ୍ଷଜପେନୈଵ ସିଦ୍ଧଂ ତୁ କଵଚଂ ଭଵେତ୍ ।
ଯଦି ସ୍ଯାତ୍ସିଦ୍ଧକଵଚୋ ବୃହସ୍ପତି ସମୋ ଭଵେତ୍ ॥ 89 ॥
ମହାଵାଗ୍ମୀ କଵୀନ୍ଦ୍ରଶ୍ଚ ତ୍ରୈଲୋକ୍ଯଵିଜଯୀ ଭଵେତ୍ ।
ଶକ୍ନୋତି ସର୍ଵଂ ଜେତୁଂ ସ କଵଚସ୍ଯ ପ୍ରଭାଵତଃ ॥ 90 ॥
ଇଦଂ ତେ କାଣ୍ଵଶାଖୋକ୍ତଂ କଥିତଂ କଵଚଂ ମୁନେ ।
ସ୍ତୋତ୍ରଂ ପୂଜାଵିଧାନଂ ଚ ଧ୍ଯାନଂ ଵୈ ଵନ୍ଦନଂ ତଥା ॥ 91 ॥
ଇତି ଶ୍ରୀ ବ୍ରହ୍ମଵୈଵର୍ତେ ମହାପୁରାଣେ ପ୍ରକୃତିଖଣ୍ଡେ ନାରଦନାରାଯଣସଂଵାଦେ ସରସ୍ଵତୀକଵଚଂ ନାମ ଚତୁର୍ଥୋଽଧ୍ଯାଯଃ ।
Roman (IAST) Transliteration
(brahmavaivarta mahāpurāṇāntargataṃ)
bhṛguruvāca |
brahmanbrahmavidāṃśreṣṭha brahmajñānaviśārada |
sarvajña sarvajanaka sarvapūjakapūjita || 60
sarasvatyāśca kavacaṃ brūhi viśvajayaṃ prabho |
ayātayāmamantrāṇāṃ samūho yatra saṃyutaḥ || 61 ||
brahmovāca |
śṛṇu vatsa pravakṣyāmi kavacaṃ sarvakāmadam |
śrutisāraṃ śrutisukhaṃ śrutyuktaṃ śrutipūjitam || 62 ||
uktaṃ kṛṣṇena goloke mahyaṃ vṛndāvane vane |
rāseśvareṇa vibhunā rāse vai rāsamaṇḍale || 63 ||
atīva gopanīyañca kalpavṛkṣasamaṃ param |
aśrutādbhutamantrāṇāṃ samūhaiśca samanvitam || 64 ||
yaddhṛtvā paṭhanādbrahmanbuddhimāṃśca bṛhaspatiḥ |
yaddhṛtvā bhagavāñchukraḥ sarvadaityeṣu pūjitaḥ || 65 ||
paṭhanāddhāraṇādvāgmī kavīndro vālmikī muniḥ |
svāyambhuvo manuścaiva yaddhṛtvā sarvapūjitāḥ || 66 ||
kaṇādo gautamaḥ kaṇvaḥ pāṇiniḥ śākaṭāyanaḥ |
granthaṃ cakāra yaddhṛtvā dakṣaḥ kātyāyanaḥ svayam || 67 ||
dhṛtvā vedavibhāgañca purāṇānyakhilāni ca |
cakāra līlāmātreṇa kṛṣṇadvaipāyanaḥ svayam || 68 ||
śātātapaśca saṃvarto vasiṣṭhaśca parāśaraḥ |
yaddhṛtvā paṭhanādgranthaṃ yājñavalkyaścakāra saḥ || 69 ||
ṛṣyaśṛṅgo bharadvājaścāstīko devalastathā |
jaigīṣavyo'tha jābāliryaddhṛtvā sarvapūjitaḥ || 70 ||
kavacasyāsya viprendra ṛṣireṣa prajāpatiḥ |
svayaṃ bṛhaspatiśchando devo rāseśvaraḥ prabhuḥ || 71 ||
sarvatattvaparijñāne sarvārthe'pi ca sādhane |
kavitāsu ca sarvāsu viniyogaḥ prakīrtitaḥ || 72 ||
( kavacaṃ )
oṃ hrīṃ sarasvatyai svāhā śiro me pātu sarvataḥ |
śrīṃ vāgdevatāyai svāhā bhālaṃ me sarvadā'vatu || 73 ||
oṃ hrīṃ sarasvatyai svāheti śrotre pātu nirantaram |
oṃ śrīṃ hrīṃ bhagavatyai sarasvatyai svāhā netrayugmaṃ sadā'vatu || 74 ||
aiṃ hrīṃ vāgvādinyai svāhā nāsāṃ me sarvadā'vatu |
hrīṃ vidyādhiṣṭhātṛdevyai svāhā coṃṣṭha sadā'vatu || 75 ||
oṃ śrīṃ hrīṃ brāhmyai svāheti dantapaṅktiṃ sadā'vatu |
aimityekākṣaro mantro mama kaṇṭhaṃ sadā'vatu || 76 ||
oṃ śrīṃ hrīṃ pātu me grīvāṃ skandhaṃ me śrīṃ sadā'vatu |
oṃ hrīṃ vidyādhiṣṭhātṛdevyai svāhā vakṣaḥ sadā'vatu || 77 ||
oṃ hrīṃ vidyāsvarūpāyai svāhā me pātu nābhikām |
oṃ hrīṃ klīṃ vāṇyai svāheti mama pṛṣṭhaṃ sadā'vatu || 78 ||
oṃ sarvavarṇātmikāyai pādayugmaṃ sadā'vatu |
oṃ rāgādhiṣṭhātṛdevyai sarvāṅgaṃ me sadā'vatu || 79 ||
oṃ sarvakaṇṭhavāsinyai svāhā pracyāṃ sadā'vatu |
oṃ hrīṃ jihvāgravāsinyai svāhā'gnidiśi rakṣatu || 80 ||
oṃ aiṃ hrīṃ śrīṃ sarasvatyai budhajananyai svāhā |
satataṃ mantrarājo'yaṃ dakṣiṇe māṃ sadā'vatu || 81 ||
oṃ hrīṃ śrīṃ tryakṣaro mantro nairṛtyāṃ me sadā'vatu |
kavijihvāgravāsinyai svāhā māṃ vāruṇe'vatu || 82 ||
oṃ sadambikāyai svāhā vāyavye māṃ sadā'vatu |
oṃ gadyapadyavāsinyai svāhā māmuttare'vatu || 83 ||
oṃ sarvaśāstravāsinyai svāhaiśānyāṃ sadā'vatu |
oṃ hrīṃ sarvapūjitāyai svāhā cordhvaṃ sadā'vatu || 84 ||
aiṃ hrīṃ pustakavāsinyai svāhā'dho māṃ sadāvatu |
oṃ granthabījarūpāyai svāhā māṃ sarvato'vatu || 85 ||
iti te kathitaṃ vipra sarvamantraughavigraham |
idaṃ viśvajayaṃ nāma kavacaṃ brahmārūpakam || 86 ||
purā śrutaṃ dharmavaktrātparvate gandhamādane |
tava snehānmayā''khyātaṃ pravaktavyaṃ na kasyacit || 87 ||
gurumabhyarcya vidhivadvastrālaṅkāracandanaiḥ |
praṇamya daṇḍavadbhūmau kavacaṃ dhārayetsudhīḥ || 88 ||
pañcalakṣajapenaiva siddhaṃ tu kavacaṃ bhavet |
yadi syātsiddhakavaco bṛhaspati samo bhavet || 89 ||
mahāvāgmī kavīndraśca trailokyavijayī bhavet |
śaknoti sarvaṃ jetuṃ sa kavacasya prabhāvataḥ || 90 ||
idaṃ te kāṇvaśākhoktaṃ kathitaṃ kavacaṃ mune |
stotraṃ pūjāvidhānaṃ ca dhyānaṃ vai vandanaṃ tathā || 91 ||
iti śrī brahmavaivarte mahāpurāṇe prakṛtikhaṇḍe nāradanārāyaṇasaṃvāde sarasvatīkavacaṃ nāma caturtho'dhyāyaḥ |
Sanskrit — Devanagari (original)
(ब्रह्मवैवर्त महापुराणान्तर्गतं)
भृगुरुवाच ।
ब्रह्मन्ब्रह्मविदांश्रेष्ठ ब्रह्मज्ञानविशारद ।
सर्वज्ञ सर्वजनक सर्वपूजकपूजित ॥ 60
सरस्वत्याश्च कवचं ब्रूहि विश्वजयं प्रभो ।
अयातयाममन्त्राणां समूहो यत्र संयुतः ॥ 61 ॥
ब्रह्मोवाच ।
शृणु वत्स प्रवक्ष्यामि कवचं सर्वकामदम् ।
श्रुतिसारं श्रुतिसुखं श्रुत्युक्तं श्रुतिपूजितम् ॥ 62 ॥
उक्तं कृष्णेन गोलोके मह्यं वृन्दावने वने ।
रासेश्वरेण विभुना रासे वै रासमण्डले ॥ 63 ॥
अतीव गोपनीयञ्च कल्पवृक्षसमं परम् ।
अश्रुताद्भुतमन्त्राणां समूहैश्च समन्वितम् ॥ 64 ॥
यद्धृत्वा पठनाद्ब्रह्मन्बुद्धिमांश्च बृहस्पतिः ।
यद्धृत्वा भगवाञ्छुक्रः सर्वदैत्येषु पूजितः ॥ 65 ॥
पठनाद्धारणाद्वाग्मी कवीन्द्रो वाल्मिकी मुनिः ।
स्वायम्भुवो मनुश्चैव यद्धृत्वा सर्वपूजिताः ॥ 66 ॥
कणादो गौतमः कण्वः पाणिनिः शाकटायनः ।
ग्रन्थं चकार यद्धृत्वा दक्षः कात्यायनः स्वयम् ॥ 67 ॥
धृत्वा वेदविभागञ्च पुराणान्यखिलानि च ।
चकार लीलामात्रेण कृष्णद्वैपायनः स्वयम् ॥ 68 ॥
शातातपश्च संवर्तो वसिष्ठश्च पराशरः ।
यद्धृत्वा पठनाद्ग्रन्थं याज्ञवल्क्यश्चकार सः ॥ 69 ॥
ऋष्यशृङ्गो भरद्वाजश्चास्तीको देवलस्तथा ।
जैगीषव्योऽथ जाबालिर्यद्धृत्वा सर्वपूजितः ॥ 70 ॥
कवचस्यास्य विप्रेन्द्र ऋषिरेष प्रजापतिः ।
स्वयं बृहस्पतिश्छन्दो देवो रासेश्वरः प्रभुः ॥ 71 ॥
सर्वतत्त्वपरिज्ञाने सर्वार्थेऽपि च साधने ।
कवितासु च सर्वासु विनियोगः प्रकीर्तितः ॥ 72 ॥
( कवचं )
ॐ ह्रीं सरस्वत्यै स्वाहा शिरो मे पातु सर्वतः ।
श्रीं वाग्देवतायै स्वाहा भालं मे सर्वदाऽवतु ॥ 73 ॥
ॐ ह्रीं सरस्वत्यै स्वाहेति श्रोत्रे पातु निरन्तरम् ।
ॐ श्रीं ह्रीं भगवत्यै सरस्वत्यै स्वाहा नेत्रयुग्मं सदाऽवतु ॥ 74 ॥
ऐं ह्रीं वाग्वादिन्यै स्वाहा नासां मे सर्वदाऽवतु ।
ह्रीं विद्याधिष्ठातृदेव्यै स्वाहा चोंष्ठ सदाऽवतु ॥ 75 ॥
ॐ श्रीं ह्रीं ब्राह्म्यै स्वाहेति दन्तपङ्क्तिं सदाऽवतु ।
ऐमित्येकाक्षरो मन्त्रो मम कण्ठं सदाऽवतु ॥ 76 ॥
ॐ श्रीं ह्रीं पातु मे ग्रीवां स्कन्धं मे श्रीं सदाऽवतु ।
ॐ ह्रीं विद्याधिष्ठातृदेव्यै स्वाहा वक्षः सदाऽवतु ॥ 77 ॥
ॐ ह्रीं विद्यास्वरूपायै स्वाहा मे पातु नाभिकाम् ।
ॐ ह्रीं क्लीं वाण्यै स्वाहेति मम पृष्ठं सदाऽवतु ॥ 78 ॥
ॐ सर्ववर्णात्मिकायै पादयुग्मं सदाऽवतु ।
ॐ रागाधिष्ठातृदेव्यै सर्वाङ्गं मे सदाऽवतु ॥ 79 ॥
ॐ सर्वकण्ठवासिन्यै स्वाहा प्रच्यां सदाऽवतु ।
ॐ ह्रीं जिह्वाग्रवासिन्यै स्वाहाऽग्निदिशि रक्षतु ॥ 80 ॥
ॐ ऐं ह्रीं श्रीं सरस्वत्यै बुधजनन्यै स्वाहा ।
सततं मन्त्रराजोऽयं दक्षिणे मां सदाऽवतु ॥ 81 ॥
ॐ ह्रीं श्रीं त्र्यक्षरो मन्त्रो नैरृत्यां मे सदाऽवतु ।
कविजिह्वाग्रवासिन्यै स्वाहा मां वारुणेऽवतु ॥ 82 ॥
ॐ सदम्बिकायै स्वाहा वायव्ये मां सदाऽवतु ।
ॐ गद्यपद्यवासिन्यै स्वाहा मामुत्तरेऽवतु ॥ 83 ॥
ॐ सर्वशास्त्रवासिन्यै स्वाहैशान्यां सदाऽवतु ।
ॐ ह्रीं सर्वपूजितायै स्वाहा चोर्ध्वं सदाऽवतु ॥ 84 ॥
ऐं ह्रीं पुस्तकवासिन्यै स्वाहाऽधो मां सदावतु ।
ॐ ग्रन्थबीजरूपायै स्वाहा मां सर्वतोऽवतु ॥ 85 ॥
इति ते कथितं विप्र सर्वमन्त्रौघविग्रहम् ।
इदं विश्वजयं नाम कवचं ब्रह्मारूपकम् ॥ 86 ॥
पुरा श्रुतं धर्मवक्त्रात्पर्वते गन्धमादने ।
तव स्नेहान्मयाऽऽख्यातं प्रवक्तव्यं न कस्यचित् ॥ 87 ॥
गुरुमभ्यर्च्य विधिवद्वस्त्रालङ्कारचन्दनैः ।
प्रणम्य दण्डवद्भूमौ कवचं धारयेत्सुधीः ॥ 88 ॥
पञ्चलक्षजपेनैव सिद्धं तु कवचं भवेत् ।
यदि स्यात्सिद्धकवचो बृहस्पति समो भवेत् ॥ 89 ॥
महावाग्मी कवीन्द्रश्च त्रैलोक्यविजयी भवेत् ।
शक्नोति सर्वं जेतुं स कवचस्य प्रभावतः ॥ 90 ॥
इदं ते काण्वशाखोक्तं कथितं कवचं मुने ।
स्तोत्रं पूजाविधानं च ध्यानं वै वन्दनं तथा ॥ 91 ॥
इति श्री ब्रह्मवैवर्ते महापुराणे प्रकृतिखण्डे नारदनारायणसंवादे सरस्वतीकवचं नाम चतुर्थोऽध्यायः ।
(brahmavaivarta mahāpurāṇāntargataṃ)
bhṛguruvāca |
brahmanbrahmavidāṃśreṣṭha brahmajñānaviśārada |
sarvajña sarvajanaka sarvapūjakapūjita || 60
sarasvatyāśca kavacaṃ brūhi viśvajayaṃ prabho |
ayātayāmamantrāṇāṃ samūho yatra saṃyutaḥ || 61 ||
brahmovāca |
śṛṇu vatsa pravakṣyāmi kavacaṃ sarvakāmadam |
śrutisāraṃ śrutisukhaṃ śrutyuktaṃ śrutipūjitam || 62 ||
uktaṃ kṛṣṇena goloke mahyaṃ vṛndāvane vane |
rāseśvareṇa vibhunā rāse vai rāsamaṇḍale || 63 ||
atīva gopanīyañca kalpavṛkṣasamaṃ param |
aśrutādbhutamantrāṇāṃ samūhaiśca samanvitam || 64 ||
yaddhṛtvā paṭhanādbrahmanbuddhimāṃśca bṛhaspatiḥ |
yaddhṛtvā bhagavāñchukraḥ sarvadaityeṣu pūjitaḥ || 65 ||
paṭhanāddhāraṇādvāgmī kavīndro vālmikī muniḥ |
svāyambhuvo manuścaiva yaddhṛtvā sarvapūjitāḥ || 66 ||
kaṇādo gautamaḥ kaṇvaḥ pāṇiniḥ śākaṭāyanaḥ |
granthaṃ cakāra yaddhṛtvā dakṣaḥ kātyāyanaḥ svayam || 67 ||
dhṛtvā vedavibhāgañca purāṇānyakhilāni ca |
cakāra līlāmātreṇa kṛṣṇadvaipāyanaḥ svayam || 68 ||
śātātapaśca saṃvarto vasiṣṭhaśca parāśaraḥ |
yaddhṛtvā paṭhanādgranthaṃ yājñavalkyaścakāra saḥ || 69 ||
ṛṣyaśṛṅgo bharadvājaścāstīko devalastathā |
jaigīṣavyo'tha jābāliryaddhṛtvā sarvapūjitaḥ || 70 ||
kavacasyāsya viprendra ṛṣireṣa prajāpatiḥ |
svayaṃ bṛhaspatiśchando devo rāseśvaraḥ prabhuḥ || 71 ||
sarvatattvaparijñāne sarvārthe'pi ca sādhane |
kavitāsu ca sarvāsu viniyogaḥ prakīrtitaḥ || 72 ||
( kavacaṃ )
oṃ hrīṃ sarasvatyai svāhā śiro me pātu sarvataḥ |
śrīṃ vāgdevatāyai svāhā bhālaṃ me sarvadā'vatu || 73 ||
oṃ hrīṃ sarasvatyai svāheti śrotre pātu nirantaram |
oṃ śrīṃ hrīṃ bhagavatyai sarasvatyai svāhā netrayugmaṃ sadā'vatu || 74 ||
aiṃ hrīṃ vāgvādinyai svāhā nāsāṃ me sarvadā'vatu |
hrīṃ vidyādhiṣṭhātṛdevyai svāhā coṃṣṭha sadā'vatu || 75 ||
oṃ śrīṃ hrīṃ brāhmyai svāheti dantapaṅktiṃ sadā'vatu |
aimityekākṣaro mantro mama kaṇṭhaṃ sadā'vatu || 76 ||
oṃ śrīṃ hrīṃ pātu me grīvāṃ skandhaṃ me śrīṃ sadā'vatu |
oṃ hrīṃ vidyādhiṣṭhātṛdevyai svāhā vakṣaḥ sadā'vatu || 77 ||
oṃ hrīṃ vidyāsvarūpāyai svāhā me pātu nābhikām |
oṃ hrīṃ klīṃ vāṇyai svāheti mama pṛṣṭhaṃ sadā'vatu || 78 ||
oṃ sarvavarṇātmikāyai pādayugmaṃ sadā'vatu |
oṃ rāgādhiṣṭhātṛdevyai sarvāṅgaṃ me sadā'vatu || 79 ||
oṃ sarvakaṇṭhavāsinyai svāhā pracyāṃ sadā'vatu |
oṃ hrīṃ jihvāgravāsinyai svāhā'gnidiśi rakṣatu || 80 ||
oṃ aiṃ hrīṃ śrīṃ sarasvatyai budhajananyai svāhā |
satataṃ mantrarājo'yaṃ dakṣiṇe māṃ sadā'vatu || 81 ||
oṃ hrīṃ śrīṃ tryakṣaro mantro nairṛtyāṃ me sadā'vatu |
kavijihvāgravāsinyai svāhā māṃ vāruṇe'vatu || 82 ||
oṃ sadambikāyai svāhā vāyavye māṃ sadā'vatu |
oṃ gadyapadyavāsinyai svāhā māmuttare'vatu || 83 ||
oṃ sarvaśāstravāsinyai svāhaiśānyāṃ sadā'vatu |
oṃ hrīṃ sarvapūjitāyai svāhā cordhvaṃ sadā'vatu || 84 ||
aiṃ hrīṃ pustakavāsinyai svāhā'dho māṃ sadāvatu |
oṃ granthabījarūpāyai svāhā māṃ sarvato'vatu || 85 ||
iti te kathitaṃ vipra sarvamantraughavigraham |
idaṃ viśvajayaṃ nāma kavacaṃ brahmārūpakam || 86 ||
purā śrutaṃ dharmavaktrātparvate gandhamādane |
tava snehānmayā''khyātaṃ pravaktavyaṃ na kasyacit || 87 ||
gurumabhyarcya vidhivadvastrālaṅkāracandanaiḥ |
praṇamya daṇḍavadbhūmau kavacaṃ dhārayetsudhīḥ || 88 ||
pañcalakṣajapenaiva siddhaṃ tu kavacaṃ bhavet |
yadi syātsiddhakavaco bṛhaspati samo bhavet || 89 ||
mahāvāgmī kavīndraśca trailokyavijayī bhavet |
śaknoti sarvaṃ jetuṃ sa kavacasya prabhāvataḥ || 90 ||
idaṃ te kāṇvaśākhoktaṃ kathitaṃ kavacaṃ mune |
stotraṃ pūjāvidhānaṃ ca dhyānaṃ vai vandanaṃ tathā || 91 ||
iti śrī brahmavaivarte mahāpurāṇe prakṛtikhaṇḍe nāradanārāyaṇasaṃvāde sarasvatīkavacaṃ nāma caturtho'dhyāyaḥ |
🕉️ This is the original Sanskrit rendered in Oriya script.
Pronunciation is identical to the Sanskrit Devanagari version.