പ്രാതസ്സ്മരാമി ഗണനാഥമനാഥബന്ധും
സിന്ദൂരപൂരപരിശോഭിതഗണ്ഡയുഗ്മമ് ।
ഉദ്ദണ്ഡവിഘ്നപരിഖണ്ഡനചണ്ഡദണ്ഡ-
മാഖണ്ഡലാദിസുരനായകവൃന്ദവന്ദ്യമ് ॥ 1॥
കലാഭ്യാം ചൂഡാലങ്കൃതശശികലാഭ്യാം നിജതപഃ
ഫലാഭ്യാം ഭക്തേഷു പ്രകടിതഫലാഭ്യാം ഭവതു മേ ।
ശിവാഭ്യാമാസ്തീകത്രിഭുവനശിവാഭ്യാം ഹൃദി പുന-
ര്ഭവാഭ്യാമാനന്ദസ്ഫുരദനുഭവാഭ്യാം നതിരിയമ് ॥ 2॥
നമസ്തേ നമസ്തേ മഹാദേവ! ശമ്ഭോ!
നമസ്തേ നമസ്തേ ദയാപൂര്ണസിന്ധോ!
നമസ്തേ നമസ്തേ പ്രപന്നാത്മബന്ധോ!
നമസ്തേ നമസ്തേ നമസ്തേ മഹേശ ॥ 3॥
ശശ്വച്ഛ്രീഗിരിമൂര്ധനി ത്രിജഗതാം രക്ഷാകൃതൌ ലക്ഷിതാം
സാക്ഷാദക്ഷതസത്കടാക്ഷസരണിശ്രീമത്സുധാവര്ഷിണീമ് ।
സോമാര്ധാങ്കിതമസ്തകാം പ്രണമതാം നിസ്സീമസമ്പത്പ്രദാം
സുശ്ലോകാം ഭ്രമരാമ്ബികാം സ്മിതമുഖീം ശമ്ഭോസ്സഖീം ത്വാം സ്തുമഃ ॥ 4॥
മാതഃ! പ്രസീദ, സദയാ ഭവ, ഭവ്യശീലേ !
ലീലാലവാകുലിതദൈത്യകുലാപഹാരേ !
ശ്രീചക്രരാജനിലയേ ! ശ്രുതിഗീതകീര്തേ !
ശ്രീശൈലനാഥദയിതേ ! തവ സുപ്രഭാതമ് ॥ 5॥
ശമ്ഭോ ! സുരേന്ദ്രനുത ! ശങ്കര ! ശൂലപാണേ !
ചന്ദ്രാവതംസ ! ശിവ ! ശര്വ ! പിനാകപാണേ !
ഗങ്ഗാധര ! ക്രതുപതേ ! ഗരുഡധ്വജാപ്ത !
ശ്രീമല്ലികാര്ജുന വിഭോ ! തവ സുപ്രഭാതമ് ॥ 6॥
വിശ്വേശ ! വിശ്വജനസേവിത ! വിശ്വമൂര്തേ !
വിശ്വമ്ഭര ! ത്രിപുരഭേദന ! വിശ്വയോനേ !
ഫാലാക്ഷ ! ഭവ്യഗുണ ! ഭോഗിവിഭൂഷണേശ !
ശ്രീമല്ലികാര്ജുന വിഭോ ! തവ സുപ്രഭാതമ് ॥ 7॥
കല്യാണരൂപ ! കരുണാകര ! കാലകണ്ഠ !
കല്പദ്രുമപ്രസവപൂജിത ! കാമദായിന് !
ദുര്നീതിദൈത്യദലനോദ്യത ! ദേവ ദേവ !
ശ്രീമല്ലികാര്ജുന വിഭോ ! തവ സുപ്രഭാതമ് ॥ 8॥
ഗൌരീമനോഹര ! ഗണേശ്വരസേവിതാങ്ഘ്രേ !
ഗന്ധര്വയക്ഷസുരകിന്നരഗീതകീര്തേ !
ഗണ്ഡാവലമ്ബിഫണികുണ്ഡലമണ്ഡിതാസ്യ !
ശ്രീമല്ലികാര്ജുന വിഭോ ! തവ സുപ്രഭാതമ് ॥ 9॥
നാഗേന്ദ്രഭൂഷണ ! നിരീഹിത ! നിര്വികാര !
നിര്മായ ! നിശ്ചല ! നിരര്ഗല ! നാഗഭേദിന് ।
നാരായണീപ്രിയ ! നതേഷ്ടദ ! നിര്മലാത്മന് !
ശ്രീപര്വതാധിപ ! വിഭോ ! തവ സുപ്രഭാതമ് ॥ 10॥
സൃഷ്ടം ത്വയൈവ ജഗദേതദശേഷമീശ !
രക്ഷാവിധിശ്ച വിധിഗോചര ! താവകീനഃ ।
സംഹാരശക്തിരപി ശങ്കര ! കിങ്കരീ തേ
ശ്രീശൈലശേഖര വിഭോ ! തവ സുപ്രഭാതമ് ॥ 11॥
ഏകസ്ത്വമേവ ബഹുധാ ഭവ ! ഭാസി ലോകേ
നിശ്ശങ്കധീര്വൃഷഭകേതന ! മല്ലിനാഥ !
ശ്രീഭ്രാമരീപ്രയ ! സുഖാശ്രയ ! ലോകനാഥ !
ശ്രീശൈലശേഖര വിഭോ ! തവ സുപ്രഭാതമ് ॥ 12॥
പാതാലഗാങ്ഗജലമജ്ജനനിര്മലാങ്ഗാഃ
ഭസ്മത്രിപുണ്ഡ്രസമലങ്കൃതഫാലഭാഗാഃ ।
ഗായന്തി ദേവമുനിഭക്തജനാ ഭവന്തം
ശ്രീമല്ലികാര്ജുന വിഭോ ! തവ സുപ്രഭാതമ് ॥ 13॥
സാരസ്വതാമ്ബുയുതഭോഗവതീശ്രിതായാഃ
ബ്രഹ്മേശവിഷ്ണുഗിരിചുമ്ബിതകൃഷ്ണവേണ്യാഃ ।
സോപാനമാര്ഗമധിരുഹ്യ ഭജന്തി ഭക്താഃ
ശ്രീമല്ലികാര്ജുന വിഭോ ! തവ സുപ്രഭാതമ് ॥ 14॥
ശ്രീമല്ലികാര്ജുനമഹേശ്വരസുപ്രഭാത-
സ്തോത്രം പഠന്തി ഭുവി യേ മനുജാഃ പ്രഭാതേ ।
തേ സര്വ സൌഖ്യമനുഭൂയ പരാനവാപ്യം
ശ്രീശാമ്ഭവം പദമവാപ്യ മുദം ലഭന്തേ ॥ 15॥
ഇതി ശ്രീമല്ലികാര്ജുനസുപ്രഭാതം സമ്പൂര്ണമ് ।
Roman (IAST) Transliteration
prātassmarāmi gaṇanāthamanāthabandhuṃ
sindūrapūrapariśobhitagaṇḍayugmam |
uddaṇḍavighnaparikhaṇḍanacaṇḍadaṇḍa-
mākhaṇḍalādisuranāyakavṛndavandyam || 1||
kalābhyāṃ cūḍālaṅkṛtaśaśikalābhyāṃ nijatapaḥ
phalābhyāṃ bhakteṣu prakaṭitaphalābhyāṃ bhavatu me |
śivābhyāmāstīkatribhuvanaśivābhyāṃ hṛdi puna-
rbhavābhyāmānandasphuradanubhavābhyāṃ natiriyam || 2||
namaste namaste mahādeva! śambho!
namaste namaste dayāpūrṇasindho!
namaste namaste prapannātmabandho!
namaste namaste namaste maheśa || 3||
śaśvacchrīgirimūrdhani trijagatāṃ rakṣākṛtau lakṣitāṃ
sākṣādakṣatasatkaṭākṣasaraṇiśrīmatsudhāvarṣiṇīm |
somārdhāṅkitamastakāṃ praṇamatāṃ nissīmasampatpradāṃ
suślokāṃ bhramarāmbikāṃ smitamukhīṃ śambhossakhīṃ tvāṃ stumaḥ || 4||
mātaḥ! prasīda, sadayā bhava, bhavyaśīle !
līlālavākulitadaityakulāpahāre !
śrīcakrarājanilaye ! śrutigītakīrte !
śrīśailanāthadayite ! tava suprabhātam || 5||
śambho ! surendranuta ! śaṅkara ! śūlapāṇe !
candrāvataṃsa ! śiva ! śarva ! pinākapāṇe !
gaṅgādhara ! kratupate ! garuḍadhvajāpta !
śrīmallikārjuna vibho ! tava suprabhātam || 6||
viśveśa ! viśvajanasevita ! viśvamūrte !
viśvambhara ! tripurabhedana ! viśvayone !
phālākṣa ! bhavyaguṇa ! bhogivibhūṣaṇeśa !
śrīmallikārjuna vibho ! tava suprabhātam || 7||
kalyāṇarūpa ! karuṇākara ! kālakaṇṭha !
kalpadrumaprasavapūjita ! kāmadāyin !
durnītidaityadalanodyata ! deva deva !
śrīmallikārjuna vibho ! tava suprabhātam || 8||
gaurīmanohara ! gaṇeśvarasevitāṅghre !
gandharvayakṣasurakinnaragītakīrte !
gaṇḍāvalambiphaṇikuṇḍalamaṇḍitāsya !
śrīmallikārjuna vibho ! tava suprabhātam || 9||
nāgendrabhūṣaṇa ! nirīhita ! nirvikāra !
nirmāya ! niścala ! nirargala ! nāgabhedin |
nārāyaṇīpriya ! nateṣṭada ! nirmalātman !
śrīparvatādhipa ! vibho ! tava suprabhātam || 10||
sṛṣṭaṃ tvayaiva jagadetadaśeṣamīśa !
rakṣāvidhiśca vidhigocara ! tāvakīnaḥ |
saṃhāraśaktirapi śaṅkara ! kiṅkarī te
śrīśailaśekhara vibho ! tava suprabhātam || 11||
ekastvameva bahudhā bhava ! bhāsi loke
niśśaṅkadhīrvṛṣabhaketana ! mallinātha !
śrībhrāmarīpraya ! sukhāśraya ! lokanātha !
śrīśailaśekhara vibho ! tava suprabhātam || 12||
pātālagāṅgajalamajjananirmalāṅgāḥ
bhasmatripuṇḍrasamalaṅkṛtaphālabhāgāḥ |
gāyanti devamunibhaktajanā bhavantaṃ
śrīmallikārjuna vibho ! tava suprabhātam || 13||
sārasvatāmbuyutabhogavatīśritāyāḥ
brahmeśaviṣṇugiricumbitakṛṣṇaveṇyāḥ |
sopānamārgamadhiruhya bhajanti bhaktāḥ
śrīmallikārjuna vibho ! tava suprabhātam || 14||
śrīmallikārjunamaheśvarasuprabhāta-
stotraṃ paṭhanti bhuvi ye manujāḥ prabhāte |
te sarva saukhyamanubhūya parānavāpyaṃ
śrīśāmbhavaṃ padamavāpya mudaṃ labhante || 15||
iti śrīmallikārjunasuprabhātaṃ sampūrṇam |
Sanskrit — Devanagari (original)
प्रातस्स्मरामि गणनाथमनाथबन्धुं
सिन्दूरपूरपरिशोभितगण्डयुग्मम् ।
उद्दण्डविघ्नपरिखण्डनचण्डदण्ड-
माखण्डलादिसुरनायकवृन्दवन्द्यम् ॥ 1॥
कलाभ्यां चूडालङ्कृतशशिकलाभ्यां निजतपः
फलाभ्यां भक्तेषु प्रकटितफलाभ्यां भवतु मे ।
शिवाभ्यामास्तीकत्रिभुवनशिवाभ्यां हृदि पुन-
र्भवाभ्यामानन्दस्फुरदनुभवाभ्यां नतिरियम् ॥ 2॥
नमस्ते नमस्ते महादेव! शम्भो!
नमस्ते नमस्ते दयापूर्णसिन्धो!
नमस्ते नमस्ते प्रपन्नात्मबन्धो!
नमस्ते नमस्ते नमस्ते महेश ॥ 3॥
शश्वच्छ्रीगिरिमूर्धनि त्रिजगतां रक्षाकृतौ लक्षितां
साक्षादक्षतसत्कटाक्षसरणिश्रीमत्सुधावर्षिणीम् ।
सोमार्धाङ्कितमस्तकां प्रणमतां निस्सीमसम्पत्प्रदां
सुश्लोकां भ्रमराम्बिकां स्मितमुखीं शम्भोस्सखीं त्वां स्तुमः ॥ 4॥
मातः! प्रसीद, सदया भव, भव्यशीले !
लीलालवाकुलितदैत्यकुलापहारे !
श्रीचक्रराजनिलये ! श्रुतिगीतकीर्ते !
श्रीशैलनाथदयिते ! तव सुप्रभातम् ॥ 5॥
शम्भो ! सुरेन्द्रनुत ! शङ्कर ! शूलपाणे !
चन्द्रावतंस ! शिव ! शर्व ! पिनाकपाणे !
गङ्गाधर ! क्रतुपते ! गरुडध्वजाप्त !
श्रीमल्लिकार्जुन विभो ! तव सुप्रभातम् ॥ 6॥
विश्वेश ! विश्वजनसेवित ! विश्वमूर्ते !
विश्वम्भर ! त्रिपुरभेदन ! विश्वयोने !
फालाक्ष ! भव्यगुण ! भोगिविभूषणेश !
श्रीमल्लिकार्जुन विभो ! तव सुप्रभातम् ॥ 7॥
कल्याणरूप ! करुणाकर ! कालकण्ठ !
कल्पद्रुमप्रसवपूजित ! कामदायिन् !
दुर्नीतिदैत्यदलनोद्यत ! देव देव !
श्रीमल्लिकार्जुन विभो ! तव सुप्रभातम् ॥ 8॥
गौरीमनोहर ! गणेश्वरसेविताङ्घ्रे !
गन्धर्वयक्षसुरकिन्नरगीतकीर्ते !
गण्डावलम्बिफणिकुण्डलमण्डितास्य !
श्रीमल्लिकार्जुन विभो ! तव सुप्रभातम् ॥ 9॥
नागेन्द्रभूषण ! निरीहित ! निर्विकार !
निर्माय ! निश्चल ! निरर्गल ! नागभेदिन् ।
नारायणीप्रिय ! नतेष्टद ! निर्मलात्मन् !
श्रीपर्वताधिप ! विभो ! तव सुप्रभातम् ॥ 10॥
सृष्टं त्वयैव जगदेतदशेषमीश !
रक्षाविधिश्च विधिगोचर ! तावकीनः ।
संहारशक्तिरपि शङ्कर ! किङ्करी ते
श्रीशैलशेखर विभो ! तव सुप्रभातम् ॥ 11॥
एकस्त्वमेव बहुधा भव ! भासि लोके
निश्शङ्कधीर्वृषभकेतन ! मल्लिनाथ !
श्रीभ्रामरीप्रय ! सुखाश्रय ! लोकनाथ !
श्रीशैलशेखर विभो ! तव सुप्रभातम् ॥ 12॥
पातालगाङ्गजलमज्जननिर्मलाङ्गाः
भस्मत्रिपुण्ड्रसमलङ्कृतफालभागाः ।
गायन्ति देवमुनिभक्तजना भवन्तं
श्रीमल्लिकार्जुन विभो ! तव सुप्रभातम् ॥ 13॥
सारस्वताम्बुयुतभोगवतीश्रितायाः
ब्रह्मेशविष्णुगिरिचुम्बितकृष्णवेण्याः ।
सोपानमार्गमधिरुह्य भजन्ति भक्ताः
श्रीमल्लिकार्जुन विभो ! तव सुप्रभातम् ॥ 14॥
श्रीमल्लिकार्जुनमहेश्वरसुप्रभात-
स्तोत्रं पठन्ति भुवि ये मनुजाः प्रभाते ।
ते सर्व सौख्यमनुभूय परानवाप्यं
श्रीशाम्भवं पदमवाप्य मुदं लभन्ते ॥ 15॥
इति श्रीमल्लिकार्जुनसुप्रभातं सम्पूर्णम् ।
prātassmarāmi gaṇanāthamanāthabandhuṃ
sindūrapūrapariśobhitagaṇḍayugmam |
uddaṇḍavighnaparikhaṇḍanacaṇḍadaṇḍa-
mākhaṇḍalādisuranāyakavṛndavandyam || 1||
kalābhyāṃ cūḍālaṅkṛtaśaśikalābhyāṃ nijatapaḥ
phalābhyāṃ bhakteṣu prakaṭitaphalābhyāṃ bhavatu me |
śivābhyāmāstīkatribhuvanaśivābhyāṃ hṛdi puna-
rbhavābhyāmānandasphuradanubhavābhyāṃ natiriyam || 2||
namaste namaste mahādeva! śambho!
namaste namaste dayāpūrṇasindho!
namaste namaste prapannātmabandho!
namaste namaste namaste maheśa || 3||
śaśvacchrīgirimūrdhani trijagatāṃ rakṣākṛtau lakṣitāṃ
sākṣādakṣatasatkaṭākṣasaraṇiśrīmatsudhāvarṣiṇīm |
somārdhāṅkitamastakāṃ praṇamatāṃ nissīmasampatpradāṃ
suślokāṃ bhramarāmbikāṃ smitamukhīṃ śambhossakhīṃ tvāṃ stumaḥ || 4||
mātaḥ! prasīda, sadayā bhava, bhavyaśīle !
līlālavākulitadaityakulāpahāre !
śrīcakrarājanilaye ! śrutigītakīrte !
śrīśailanāthadayite ! tava suprabhātam || 5||
śambho ! surendranuta ! śaṅkara ! śūlapāṇe !
candrāvataṃsa ! śiva ! śarva ! pinākapāṇe !
gaṅgādhara ! kratupate ! garuḍadhvajāpta !
śrīmallikārjuna vibho ! tava suprabhātam || 6||
viśveśa ! viśvajanasevita ! viśvamūrte !
viśvambhara ! tripurabhedana ! viśvayone !
phālākṣa ! bhavyaguṇa ! bhogivibhūṣaṇeśa !
śrīmallikārjuna vibho ! tava suprabhātam || 7||
kalyāṇarūpa ! karuṇākara ! kālakaṇṭha !
kalpadrumaprasavapūjita ! kāmadāyin !
durnītidaityadalanodyata ! deva deva !
śrīmallikārjuna vibho ! tava suprabhātam || 8||
gaurīmanohara ! gaṇeśvarasevitāṅghre !
gandharvayakṣasurakinnaragītakīrte !
gaṇḍāvalambiphaṇikuṇḍalamaṇḍitāsya !
śrīmallikārjuna vibho ! tava suprabhātam || 9||
nāgendrabhūṣaṇa ! nirīhita ! nirvikāra !
nirmāya ! niścala ! nirargala ! nāgabhedin |
nārāyaṇīpriya ! nateṣṭada ! nirmalātman !
śrīparvatādhipa ! vibho ! tava suprabhātam || 10||
sṛṣṭaṃ tvayaiva jagadetadaśeṣamīśa !
rakṣāvidhiśca vidhigocara ! tāvakīnaḥ |
saṃhāraśaktirapi śaṅkara ! kiṅkarī te
śrīśailaśekhara vibho ! tava suprabhātam || 11||
ekastvameva bahudhā bhava ! bhāsi loke
niśśaṅkadhīrvṛṣabhaketana ! mallinātha !
śrībhrāmarīpraya ! sukhāśraya ! lokanātha !
śrīśailaśekhara vibho ! tava suprabhātam || 12||
pātālagāṅgajalamajjananirmalāṅgāḥ
bhasmatripuṇḍrasamalaṅkṛtaphālabhāgāḥ |
gāyanti devamunibhaktajanā bhavantaṃ
śrīmallikārjuna vibho ! tava suprabhātam || 13||
sārasvatāmbuyutabhogavatīśritāyāḥ
brahmeśaviṣṇugiricumbitakṛṣṇaveṇyāḥ |
sopānamārgamadhiruhya bhajanti bhaktāḥ
śrīmallikārjuna vibho ! tava suprabhātam || 14||
śrīmallikārjunamaheśvarasuprabhāta-
stotraṃ paṭhanti bhuvi ye manujāḥ prabhāte |
te sarva saukhyamanubhūya parānavāpyaṃ
śrīśāmbhavaṃ padamavāpya mudaṃ labhante || 15||
iti śrīmallikārjunasuprabhātaṃ sampūrṇam |
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.