ഹരിര്ഹരതി പാപാനി ദുഷ്ടചിത്തൈരപി സ്മൃതഃ ।
അനിച്ഛയാഽപി സംസ്പൃഷ്ടോ ദഹത്യേവ ഹി പാവകഃ ॥ 1 ॥
സ ഗങ്ഗാ സ ഗയാ സേതുഃ സ കാശീ സ ച പുഷ്കരമ് ।
ജിഹ്വാഗ്രേ വര്തതേ യസ്യ ഹരിരിത്യക്ഷരദ്വയമ് ॥ 2 ॥
വാരാണസ്യാം കുരുക്ഷേത്രേ നൈമിശാരണ്യ ഏവ ച ।
യത്കൃതം തേന യേനോക്തം ഹരിരിത്യക്ഷരദ്വയമ് ॥ 3 ॥
പൃഥിവ്യാം യാനി തീര്ഥാനി പുണ്യാന്യായതനാനി ച ।
താനി സര്വാണ്യശേഷാണി ഹരിരിത്യക്ഷരദ്വയമ് ॥ 4 ॥
ഗവാം കോടിസഹസ്രാണി ഹേമകന്യാസഹസ്രകമ് ।
ദത്തം സ്യാത്തേന യേനോക്തം ഹരിരിത്യക്ഷരദ്വയമ് ॥ 5 ॥
ഋഗ്വേദോഽഥ യജുര്വേദഃ സാമവേദോഽപ്യഥര്വണഃ ।
അധീതസ്തേന യേനോക്തം ഹരിരിത്യക്ഷരദ്വയമ് ॥ 6 ॥
അശ്വമേധൈര്മഹായജ്ഞൈര്നരമേധൈസ്തഥൈവ ച ।
ഇഷ്ടം സ്യാത്തേന യേനോക്തം ഹരിരിത്യക്ഷരദ്വയമ് ॥ 7 ॥
പ്രാണഃ പ്രയാണ പാഥേയം സംസാരവ്യാധിനാശനമ് ।
ദുഃഖാത്യന്ത പരിത്രാണം ഹരിരിത്യക്ഷരദ്വയമ് ॥ 8 ॥
ബദ്ധഃ പരികരസ്തേന മോക്ഷായ ഗമനം പ്രതി ।
സകൃദുച്ചാരിതം യേന ഹരിരിത്യക്ഷരദ്വയമ് ॥ 9 ॥
ഹര്യഷ്ടകമിദം പുണ്യം പ്രാതരുത്ഥായ യഃ പഠേത് ।
ആയുഷ്യം ബലമാരോഗ്യം യശോ വൃദ്ധിഃ ശ്രിയാവഹമ് ॥ 10 ॥
പ്രഹ്ലാദേന കൃതം സ്തോത്രം ദുഃഖസാഗരശോഷണമ് ।
യഃ പഠേത്സ നരോ യാതി തദ്വിഷ്ണോഃ പരമം പദമ് ॥ 11 ॥
ഇതി പ്രഹ്ലാദകൃത ശ്രീ ഹര്യഷ്ടകമ് ।
Roman (IAST) Transliteration
harirharati pāpāni duṣṭacittairapi smṛtaḥ |
anicchayā'pi saṃspṛṣṭo dahatyeva hi pāvakaḥ || 1 ||
sa gaṅgā sa gayā setuḥ sa kāśī sa ca puṣkaram |
jihvāgre vartate yasya harirityakṣaradvayam || 2 ||
vārāṇasyāṃ kurukṣetre naimiśāraṇya eva ca |
yatkṛtaṃ tena yenoktaṃ harirityakṣaradvayam || 3 ||
pṛthivyāṃ yāni tīrthāni puṇyānyāyatanāni ca |
tāni sarvāṇyaśeṣāṇi harirityakṣaradvayam || 4 ||
gavāṃ koṭisahasrāṇi hemakanyāsahasrakam |
dattaṃ syāttena yenoktaṃ harirityakṣaradvayam || 5 ||
ṛgvedo'tha yajurvedaḥ sāmavedo'pyatharvaṇaḥ |
adhītastena yenoktaṃ harirityakṣaradvayam || 6 ||
aśvamedhairmahāyajñairnaramedhaistathaiva ca |
iṣṭaṃ syāttena yenoktaṃ harirityakṣaradvayam || 7 ||
prāṇaḥ prayāṇa pātheyaṃ saṃsāravyādhināśanam |
duḥkhātyanta paritrāṇaṃ harirityakṣaradvayam || 8 ||
baddhaḥ parikarastena mokṣāya gamanaṃ prati |
sakṛduccāritaṃ yena harirityakṣaradvayam || 9 ||
haryaṣṭakamidaṃ puṇyaṃ prātarutthāya yaḥ paṭhet |
āyuṣyaṃ balamārogyaṃ yaśo vṛddhiḥ śriyāvaham || 10 ||
prahlādena kṛtaṃ stotraṃ duḥkhasāgaraśoṣaṇam |
yaḥ paṭhetsa naro yāti tadviṣṇoḥ paramaṃ padam || 11 ||
iti prahlādakṛta śrī haryaṣṭakam |
Sanskrit — Devanagari (original)
हरिर्हरति पापानि दुष्टचित्तैरपि स्मृतः ।
अनिच्छयाऽपि संस्पृष्टो दहत्येव हि पावकः ॥ 1 ॥
स गङ्गा स गया सेतुः स काशी स च पुष्करम् ।
जिह्वाग्रे वर्तते यस्य हरिरित्यक्षरद्वयम् ॥ 2 ॥
वाराणस्यां कुरुक्षेत्रे नैमिशारण्य एव च ।
यत्कृतं तेन येनोक्तं हरिरित्यक्षरद्वयम् ॥ 3 ॥
पृथिव्यां यानि तीर्थानि पुण्यान्यायतनानि च ।
तानि सर्वाण्यशेषाणि हरिरित्यक्षरद्वयम् ॥ 4 ॥
गवां कोटिसहस्राणि हेमकन्यासहस्रकम् ।
दत्तं स्यात्तेन येनोक्तं हरिरित्यक्षरद्वयम् ॥ 5 ॥
ऋग्वेदोऽथ यजुर्वेदः सामवेदोऽप्यथर्वणः ।
अधीतस्तेन येनोक्तं हरिरित्यक्षरद्वयम् ॥ 6 ॥
अश्वमेधैर्महायज्ञैर्नरमेधैस्तथैव च ।
इष्टं स्यात्तेन येनोक्तं हरिरित्यक्षरद्वयम् ॥ 7 ॥
प्राणः प्रयाण पाथेयं संसारव्याधिनाशनम् ।
दुःखात्यन्त परित्राणं हरिरित्यक्षरद्वयम् ॥ 8 ॥
बद्धः परिकरस्तेन मोक्षाय गमनं प्रति ।
सकृदुच्चारितं येन हरिरित्यक्षरद्वयम् ॥ 9 ॥
हर्यष्टकमिदं पुण्यं प्रातरुत्थाय यः पठेत् ।
आयुष्यं बलमारोग्यं यशो वृद्धिः श्रियावहम् ॥ 10 ॥
प्रह्लादेन कृतं स्तोत्रं दुःखसागरशोषणम् ।
यः पठेत्स नरो याति तद्विष्णोः परमं पदम् ॥ 11 ॥
इति प्रह्लादकृत श्री हर्यष्टकम् ।
harirharati pāpāni duṣṭacittairapi smṛtaḥ |
anicchayā'pi saṃspṛṣṭo dahatyeva hi pāvakaḥ || 1 ||
sa gaṅgā sa gayā setuḥ sa kāśī sa ca puṣkaram |
jihvāgre vartate yasya harirityakṣaradvayam || 2 ||
vārāṇasyāṃ kurukṣetre naimiśāraṇya eva ca |
yatkṛtaṃ tena yenoktaṃ harirityakṣaradvayam || 3 ||
pṛthivyāṃ yāni tīrthāni puṇyānyāyatanāni ca |
tāni sarvāṇyaśeṣāṇi harirityakṣaradvayam || 4 ||
gavāṃ koṭisahasrāṇi hemakanyāsahasrakam |
dattaṃ syāttena yenoktaṃ harirityakṣaradvayam || 5 ||
ṛgvedo'tha yajurvedaḥ sāmavedo'pyatharvaṇaḥ |
adhītastena yenoktaṃ harirityakṣaradvayam || 6 ||
aśvamedhairmahāyajñairnaramedhaistathaiva ca |
iṣṭaṃ syāttena yenoktaṃ harirityakṣaradvayam || 7 ||
prāṇaḥ prayāṇa pātheyaṃ saṃsāravyādhināśanam |
duḥkhātyanta paritrāṇaṃ harirityakṣaradvayam || 8 ||
baddhaḥ parikarastena mokṣāya gamanaṃ prati |
sakṛduccāritaṃ yena harirityakṣaradvayam || 9 ||
haryaṣṭakamidaṃ puṇyaṃ prātarutthāya yaḥ paṭhet |
āyuṣyaṃ balamārogyaṃ yaśo vṛddhiḥ śriyāvaham || 10 ||
prahlādena kṛtaṃ stotraṃ duḥkhasāgaraśoṣaṇam |
yaḥ paṭhetsa naro yāti tadviṣṇoḥ paramaṃ padam || 11 ||
iti prahlādakṛta śrī haryaṣṭakam |
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.