ശ്രീരഘുരാജപദാബ്ജനികേതന പങ്കജലോചന മങ്ഗലരാശേ
ചണ്ഡമഹാഭുജദണ്ഡ സുരാരിവിഖണ്ഡനപണ്ഡിത പാഹി ദയാലോ ।
പാതകിനം ച സമുദ്ധര മാം മഹതാം ഹി സതാമപി മാനമുദാരം
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ് ॥ 1 ॥
സംസൃതിതാപമഹാനലദഗ്ധതനൂരുഹമര്മതനോരതിവേലം
പുത്രധനസ്വജനാത്മഗൃഹാദിഷു സക്തമതേരതികില്ബിഷമൂര്തേഃ ।
കേനചിദപ്യമലേന പുരാകൃതപുണ്യസുപുഞ്ജലവേന വിഭോ വൈ
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ് ॥ 2 ॥
സംസൃതികൂപമനല്പമഘോരനിദാഘനിദാനമജസ്രമശേഷം
പ്രാപ്യ സുദുഃഖസഹസ്രഭുജങ്ഗവിഷൈകസമാകുലസര്വതനോര്മേ ।
ഘോരമഹാകൃപണാപദമേവ ഗതസ്യ ഹരേ പതിതസ്യ ഭവാബ്ധൌ
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ് ॥ 3 ॥
സംസൃതിസിന്ധുവിശാലകരാലമഹാബലകാലഝഷഗ്രസനാര്തം
വ്യഗ്രസമഗ്രധിയം കൃപണം ച മഹാമദനക്രസുചക്രഹൃതാസുമ് ।
കാലമഹാരസനോര്മിനിപീഡിതമുദ്ധര ദീനമനന്യഗതിം മാം
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ് ॥ 4 ॥
സംസൃതിഘോരമഹാഗഹനേ ചരതോ മണിരഞ്ജിതപുണ്യസുമൂര്തേഃ
മന്മഥഭീകരഘോരമഹോഗ്രമൃഗപ്രവരാര്ദിതഗാത്രസുസന്ധേഃ ।
മത്സരതാപവിശേഷനിപീഡിതബാഹ്യമതേശ്ച കഥം ചിദമേയം
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ് ॥ 5 ॥
സംസൃതിവൃക്ഷമനേകശതാഘനിദാനമനന്തവികര്മസുശാഖം
ദുഃഖഫലം കരണാദിപലാശമനങ്ഗസുപുഷ്പമചിന്ത്യസുമൂലമ് ।
തം ഹ്യധിരുഹ്യ ഹരേ പതിതം ശരണാഗതമേവ വിമോചയ മൂഢം
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ് ॥ 6 ॥
സംസൃതിപന്നഗവക്ത്രഭയങ്കരദംഷ്ട്രമഹാവിഷദഗ്ധശരീരം
പ്രാണവിനിര്ഗമഭീതിസമാകുലമന്ദമനാഥമതീവ വിഷണ്ണമ് ।
മോഹമഹാകുഹരേ പതിതം ദയയോദ്ധര മാമജിതേന്ദ്രിയകാമം
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ് ॥ 7 ॥
ഇന്ദ്രിയനാമകചോരഗണൈര്ഹൃതതത്ത്വവിവേകമഹാധനരാശിം
സംസൃതിജാലനിപാതിതമേവ മഹാബലിഭിശ്ച വിഖണ്ഡിതകായമ് ।
ത്വത്പദപദ്മമനുത്തമമാശ്രിതമാശു കപീശ്വര പാഹി കൃപാലോ
ത്വാം ഭജതോ മമ ദേഹി ദയാഘന ഹേ ഹനുമന് സ്വപദാമ്ബുജദാസ്യമ് ॥ 8 ॥
ബ്രഹ്മമരുദ്ഗണരുദ്രമഹേന്ദ്രകിരീടസുകോടിലസത്പദപീഠം
ദാശരഥിം ജപതി ക്ഷിതിമണ്ഡല ഏഷ നിധായ സദൈവ ഹൃദബ്ജേ ।
തസ്യ ഹനൂമത ഏവ ശിവങ്കരമഷ്ടകമേതദനിഷ്ടഹരം വൈ
യഃ സതതം ഹി പഠേത്സ നരോ ലഭതേഽച്യുതരാമപദാബ്ജനിവാസമ് ॥ 9 ॥
ഇതി ശ്രീ മധുസൂദനാശ്രമ ശിഷ്യാഽച്യുതവിരചിതം ശ്രീമദ്ദനുമദഷ്ടകമ് ।
Roman (IAST) Transliteration
śrīraghurājapadābjaniketana paṅkajalocana maṅgalarāśe
caṇḍamahābhujadaṇḍa surārivikhaṇḍanapaṇḍita pāhi dayālo |
pātakinaṃ ca samuddhara māṃ mahatāṃ hi satāmapi mānamudāraṃ
tvāṃ bhajato mama dehi dayāghana he hanuman svapadāmbujadāsyam || 1 ||
saṃsṛtitāpamahānaladagdhatanūruhamarmatanorativelaṃ
putradhanasvajanātmagṛhādiṣu saktamateratikilbiṣamūrteḥ |
kenacidapyamalena purākṛtapuṇyasupuñjalavena vibho vai
tvāṃ bhajato mama dehi dayāghana he hanuman svapadāmbujadāsyam || 2 ||
saṃsṛtikūpamanalpamaghoranidāghanidānamajasramaśeṣaṃ
prāpya suduḥkhasahasrabhujaṅgaviṣaikasamākulasarvatanorme |
ghoramahākṛpaṇāpadameva gatasya hare patitasya bhavābdhau
tvāṃ bhajato mama dehi dayāghana he hanuman svapadāmbujadāsyam || 3 ||
saṃsṛtisindhuviśālakarālamahābalakālajhaṣagrasanārtaṃ
vyagrasamagradhiyaṃ kṛpaṇaṃ ca mahāmadanakrasucakrahṛtāsum |
kālamahārasanorminipīḍitamuddhara dīnamananyagatiṃ māṃ
tvāṃ bhajato mama dehi dayāghana he hanuman svapadāmbujadāsyam || 4 ||
saṃsṛtighoramahāgahane carato maṇirañjitapuṇyasumūrteḥ
manmathabhīkaraghoramahogramṛgapravarārditagātrasusandheḥ |
matsaratāpaviśeṣanipīḍitabāhyamateśca kathaṃ cidameyaṃ
tvāṃ bhajato mama dehi dayāghana he hanuman svapadāmbujadāsyam || 5 ||
saṃsṛtivṛkṣamanekaśatāghanidānamanantavikarmasuśākhaṃ
duḥkhaphalaṃ karaṇādipalāśamanaṅgasupuṣpamacintyasumūlam |
taṃ hyadhiruhya hare patitaṃ śaraṇāgatameva vimocaya mūḍhaṃ
tvāṃ bhajato mama dehi dayāghana he hanuman svapadāmbujadāsyam || 6 ||
saṃsṛtipannagavaktrabhayaṅkaradaṃṣṭramahāviṣadagdhaśarīraṃ
prāṇavinirgamabhītisamākulamandamanāthamatīva viṣaṇṇam |
mohamahākuhare patitaṃ dayayoddhara māmajitendriyakāmaṃ
tvāṃ bhajato mama dehi dayāghana he hanuman svapadāmbujadāsyam || 7 ||
indriyanāmakacoragaṇairhṛtatattvavivekamahādhanarāśiṃ
saṃsṛtijālanipātitameva mahābalibhiśca vikhaṇḍitakāyam |
tvatpadapadmamanuttamamāśritamāśu kapīśvara pāhi kṛpālo
tvāṃ bhajato mama dehi dayāghana he hanuman svapadāmbujadāsyam || 8 ||
brahmamarudgaṇarudramahendrakirīṭasukoṭilasatpadapīṭhaṃ
dāśarathiṃ japati kṣitimaṇḍala eṣa nidhāya sadaiva hṛdabje |
tasya hanūmata eva śivaṅkaramaṣṭakametadaniṣṭaharaṃ vai
yaḥ satataṃ hi paṭhetsa naro labhate'cyutarāmapadābjanivāsam || 9 ||
iti śrī madhusūdanāśrama śiṣyā'cyutaviracitaṃ śrīmaddanumadaṣṭakam |
Sanskrit — Devanagari (original)
श्रीरघुराजपदाब्जनिकेतन पङ्कजलोचन मङ्गलराशे
चण्डमहाभुजदण्ड सुरारिविखण्डनपण्डित पाहि दयालो ।
पातकिनं च समुद्धर मां महतां हि सतामपि मानमुदारं
त्वां भजतो मम देहि दयाघन हे हनुमन् स्वपदाम्बुजदास्यम् ॥ 1 ॥
संसृतितापमहानलदग्धतनूरुहमर्मतनोरतिवेलं
पुत्रधनस्वजनात्मगृहादिषु सक्तमतेरतिकिल्बिषमूर्तेः ।
केनचिदप्यमलेन पुराकृतपुण्यसुपुञ्जलवेन विभो वै
त्वां भजतो मम देहि दयाघन हे हनुमन् स्वपदाम्बुजदास्यम् ॥ 2 ॥
संसृतिकूपमनल्पमघोरनिदाघनिदानमजस्रमशेषं
प्राप्य सुदुःखसहस्रभुजङ्गविषैकसमाकुलसर्वतनोर्मे ।
घोरमहाकृपणापदमेव गतस्य हरे पतितस्य भवाब्धौ
त्वां भजतो मम देहि दयाघन हे हनुमन् स्वपदाम्बुजदास्यम् ॥ 3 ॥
संसृतिसिन्धुविशालकरालमहाबलकालझषग्रसनार्तं
व्यग्रसमग्रधियं कृपणं च महामदनक्रसुचक्रहृतासुम् ।
कालमहारसनोर्मिनिपीडितमुद्धर दीनमनन्यगतिं मां
त्वां भजतो मम देहि दयाघन हे हनुमन् स्वपदाम्बुजदास्यम् ॥ 4 ॥
संसृतिघोरमहागहने चरतो मणिरञ्जितपुण्यसुमूर्तेः
मन्मथभीकरघोरमहोग्रमृगप्रवरार्दितगात्रसुसन्धेः ।
मत्सरतापविशेषनिपीडितबाह्यमतेश्च कथं चिदमेयं
त्वां भजतो मम देहि दयाघन हे हनुमन् स्वपदाम्बुजदास्यम् ॥ 5 ॥
संसृतिवृक्षमनेकशताघनिदानमनन्तविकर्मसुशाखं
दुःखफलं करणादिपलाशमनङ्गसुपुष्पमचिन्त्यसुमूलम् ।
तं ह्यधिरुह्य हरे पतितं शरणागतमेव विमोचय मूढं
त्वां भजतो मम देहि दयाघन हे हनुमन् स्वपदाम्बुजदास्यम् ॥ 6 ॥
संसृतिपन्नगवक्त्रभयङ्करदंष्ट्रमहाविषदग्धशरीरं
प्राणविनिर्गमभीतिसमाकुलमन्दमनाथमतीव विषण्णम् ।
मोहमहाकुहरे पतितं दययोद्धर मामजितेन्द्रियकामं
त्वां भजतो मम देहि दयाघन हे हनुमन् स्वपदाम्बुजदास्यम् ॥ 7 ॥
इन्द्रियनामकचोरगणैर्हृततत्त्वविवेकमहाधनराशिं
संसृतिजालनिपातितमेव महाबलिभिश्च विखण्डितकायम् ।
त्वत्पदपद्ममनुत्तममाश्रितमाशु कपीश्वर पाहि कृपालो
त्वां भजतो मम देहि दयाघन हे हनुमन् स्वपदाम्बुजदास्यम् ॥ 8 ॥
ब्रह्ममरुद्गणरुद्रमहेन्द्रकिरीटसुकोटिलसत्पदपीठं
दाशरथिं जपति क्षितिमण्डल एष निधाय सदैव हृदब्जे ।
तस्य हनूमत एव शिवङ्करमष्टकमेतदनिष्टहरं वै
यः सततं हि पठेत्स नरो लभतेऽच्युतरामपदाब्जनिवासम् ॥ 9 ॥
इति श्री मधुसूदनाश्रम शिष्याऽच्युतविरचितं श्रीमद्दनुमदष्टकम् ।
śrīraghurājapadābjaniketana paṅkajalocana maṅgalarāśe
caṇḍamahābhujadaṇḍa surārivikhaṇḍanapaṇḍita pāhi dayālo |
pātakinaṃ ca samuddhara māṃ mahatāṃ hi satāmapi mānamudāraṃ
tvāṃ bhajato mama dehi dayāghana he hanuman svapadāmbujadāsyam || 1 ||
saṃsṛtitāpamahānaladagdhatanūruhamarmatanorativelaṃ
putradhanasvajanātmagṛhādiṣu saktamateratikilbiṣamūrteḥ |
kenacidapyamalena purākṛtapuṇyasupuñjalavena vibho vai
tvāṃ bhajato mama dehi dayāghana he hanuman svapadāmbujadāsyam || 2 ||
saṃsṛtikūpamanalpamaghoranidāghanidānamajasramaśeṣaṃ
prāpya suduḥkhasahasrabhujaṅgaviṣaikasamākulasarvatanorme |
ghoramahākṛpaṇāpadameva gatasya hare patitasya bhavābdhau
tvāṃ bhajato mama dehi dayāghana he hanuman svapadāmbujadāsyam || 3 ||
saṃsṛtisindhuviśālakarālamahābalakālajhaṣagrasanārtaṃ
vyagrasamagradhiyaṃ kṛpaṇaṃ ca mahāmadanakrasucakrahṛtāsum |
kālamahārasanorminipīḍitamuddhara dīnamananyagatiṃ māṃ
tvāṃ bhajato mama dehi dayāghana he hanuman svapadāmbujadāsyam || 4 ||
saṃsṛtighoramahāgahane carato maṇirañjitapuṇyasumūrteḥ
manmathabhīkaraghoramahogramṛgapravarārditagātrasusandheḥ |
matsaratāpaviśeṣanipīḍitabāhyamateśca kathaṃ cidameyaṃ
tvāṃ bhajato mama dehi dayāghana he hanuman svapadāmbujadāsyam || 5 ||
saṃsṛtivṛkṣamanekaśatāghanidānamanantavikarmasuśākhaṃ
duḥkhaphalaṃ karaṇādipalāśamanaṅgasupuṣpamacintyasumūlam |
taṃ hyadhiruhya hare patitaṃ śaraṇāgatameva vimocaya mūḍhaṃ
tvāṃ bhajato mama dehi dayāghana he hanuman svapadāmbujadāsyam || 6 ||
saṃsṛtipannagavaktrabhayaṅkaradaṃṣṭramahāviṣadagdhaśarīraṃ
prāṇavinirgamabhītisamākulamandamanāthamatīva viṣaṇṇam |
mohamahākuhare patitaṃ dayayoddhara māmajitendriyakāmaṃ
tvāṃ bhajato mama dehi dayāghana he hanuman svapadāmbujadāsyam || 7 ||
indriyanāmakacoragaṇairhṛtatattvavivekamahādhanarāśiṃ
saṃsṛtijālanipātitameva mahābalibhiśca vikhaṇḍitakāyam |
tvatpadapadmamanuttamamāśritamāśu kapīśvara pāhi kṛpālo
tvāṃ bhajato mama dehi dayāghana he hanuman svapadāmbujadāsyam || 8 ||
brahmamarudgaṇarudramahendrakirīṭasukoṭilasatpadapīṭhaṃ
dāśarathiṃ japati kṣitimaṇḍala eṣa nidhāya sadaiva hṛdabje |
tasya hanūmata eva śivaṅkaramaṣṭakametadaniṣṭaharaṃ vai
yaḥ satataṃ hi paṭhetsa naro labhate'cyutarāmapadābjanivāsam || 9 ||
iti śrī madhusūdanāśrama śiṣyā'cyutaviracitaṃ śrīmaddanumadaṣṭakam |
🕉️ This is the original Sanskrit rendered in Malayalam script.
Pronunciation is identical to the Sanskrit Devanagari version.