ಶ್ರೀ ಕೃಷ್ಣ ಯಜುರ್ವೇದ ಸಂಹಿತಾನ್ತರ್ಗತೀಯ ಸ್ವಸ್ತಿವಾಚನಮ್
ಆ॒ಶು-ಶ್ಶಿಶಾ॑ನೋ ವೃಷ॒ಭೋ ನ ಯು॒ದ್ಧ್ಮೋ ಘ॑ನಾಘ॒ನಃ, ಕ್ಷೋಭ॑ಣ-ಶ್ಚರ್ಷಣೀ॒ನಾಮ್ । ಸ॒ಙ್ಕ್ರನ್ದ॑ನೋ-ಽನಿಮಿ॒ಷ ಏ॑ಕ ವೀ॒ರ-ಶ್ಶ॒ತಗ್ಂ ಸೇನಾ॑ ಅಜಯ-ಥ್ಸಾ॒ಕಮಿನ್ದ್ರಃ॑ ॥ ಸ॒ಙ್ಕ್ರನ್ದ॑ನೇನಾ ನಿಮಿ॒ಷೇಣ॑ ಜಿ॒ಷ್ಣುನಾ॑ ಯುತ್ಕಾ॒ರೇಣ॑ ದುಶ್ಚ್ಯವ॒ನೇನ॑ ಧೃ॒ಷ್ಣುನಾ᳚ । ತದಿನ್ದ್ರೇ॑ಣ ಜಯತ॒ ತ-ಥ್ಸ॑ಹದ್ಧ್ವಂ॒-ಯುಁಧೋ॑ ನರ॒ ಇಷು॑ಹಸ್ತೇನ॒ ವೃಷ್ಣಾ᳚ ॥ ಸ ಇಷು॑ಹಸ್ತೈ॒-ಸ್ಸ ನಿ॑ಷ॒ಙ್ಗಿಭಿ॑ರ್ವ॒ಶೀ ಸಗ್ಗ್ಸ್ರ॑ಷ್ಟಾ॒ ಸ ಯುಧ॒ ಇನ್ದ್ರೋ॑ ಗ॒ಣೇನ॑ । ಸ॒ಗ್ಂ॒ಸೃ॒ಷ್ಟ॒ಜಿ-ಥ್ಸೋ॑ಮ॒ಪಾ ಬಾ॑ಹುಶ॒ರ್ಧ್ಯೂ᳚ರ್ಧ್ವಧ॑ನ್ವಾ॒ ಪ್ರತಿ॑ಹಿತಾಭಿ॒ರಸ್ತಾ᳚ ॥ ಬೃಹ॑ಸ್ಪತೇ॒ ಪರಿ॑ ದೀಯಾ॒ [ಪರಿ॑ ದೀಯ, ರಥೇ॑ನ] 4.6.16
ರಥೇ॑ನ ರಕ್ಷೋ॒ಹಾ ಽಮಿತ್ರಾಗ್ಂ॑ ಅಪ॒ ಬಾಧ॑ಮಾನಃ । ಪ್ರ॒ಭ॒ಞ್ಜನ್-ಥ್ಸೇನಾಃ᳚ ಪ್ರಮೃ॒ಣೋ ಯು॒ಧಾ ಜಯ॑ನ್ನ॒ಸ್ಮಾಕ॑-ಮೇದ್ಧ್ಯವಿ॒ತಾ ರಥಾ॑ನಾಮ್ ॥ ಗೋ॒ತ್ರ॒ಭಿದ॑-ಙ್ಗೋ॒ವಿದಂ॒-ವಁಜ್ರ॑ಬಾಹು॒-ಞ್ಜಯ॑ನ್ತ॒ಮಜ್ಮ॑ ಪ್ರಮೃ॒ಣನ್ತ॒-ಮೋಜ॑ಸಾ । ಇ॒ಮಗ್ಂ ಸ॑ಜಾತಾ॒ ಅನು॑ವೀರ-ಯದ್ಧ್ವ॒ಮಿನ್ದ್ರಗ್ಂ॑ ಸಖಾ॒ಯೋ-ಽನು॒ ಸಗ್ಂ ರ॑ಭದ್ಧ್ವಮ್ ॥ ಬ॒ಲ॒ವಿ॒ಜ್ಞಾ॒ಯಃ-ಸ್ಥವಿ॑ರಃ॒ ಪ್ರವೀ॑ರ॒-ಸ್ಸಹ॑ಸ್ವಾನ್. ವಾ॒ಜೀ ಸಹ॑ಮಾನ ಉ॒ಗ್ರಃ । ಅ॒ಭಿವೀ॑ರೋ ಅ॒ಭಿಸ॑ತ್ವಾ ಸಹೋ॒ಜಾ ಜೈತ್ರ॑ಮಿನ್ದ್ರ॒ ರಥ॒ಮಾತಿ॑ಷ್ಠ ಗೋ॒ವಿತ್ ॥ ಅ॒ಭಿ ಗೋ॒ತ್ರಾಣಿ॒ ಸಹ॑ಸಾ॒ ಗಾಹ॑ಮಾನೋ-ಽದಾ॒ಯೋ [ಗಾಹ॑ಮಾನೋ-ಽದಾ॒ಯಃ, ವೀ॒ರ-ಶ್ಶ॒ತಮ॑ನ್ಯು॒ರಿನ್ದ್ರಃ॑ ।] 4.6.17
ವೀ॒ರ-ಶ್ಶ॒ತಮ॑ನ್ಯು॒ರಿನ್ದ್ರಃ॑ । ದು॒ಶ್ಚ್ಯ॒ವ॒ನಃ ಪೃ॑ತನಾ॒ಷಾಡ॑ ಯು॒ದ್ಧ್ಯೋ᳚-ಸ್ಮಾಕ॒ಗ್ಂ॒ ಸೇನಾ॑ ಅವತು॒ ಪ್ರ ಯು॒ಥ್ಸು ॥ ಇನ್ದ್ರ॑ ಆಸಾಂ-ನೇ॒ತಾ ಬೃಹ॒ಸ್ಪತಿ॒ ರ್ದಕ್ಷಿ॑ಣಾ ಯ॒ಜ್ಞಃ ಪು॒ರ ಏ॑ತು॒ ಸೋಮಃ॑ । ದೇ॒ವ॒ಸೇ॒ನಾನಾ॑-ಮಭಿಭಞ್ಜತೀ॒ನಾ-ಞ್ಜಯ॑ನ್ತೀನಾ-ಮ್ಮ॒ರುತೋ॑ ಯ॒ನ್ತ್ವಗ್ರೇ᳚ ॥ ಇನ್ದ್ರ॑ಸ್ಯ॒ ವೃಷ್ಣೋ॒ ವರು॑ಣಸ್ಯ॒ ರಾಜ್ಞ॑ ಆದಿ॒ತ್ಯಾನಾ᳚-ಮ್ಮ॒ರುತಾ॒ಗ್ಂ॒ ಶರ್ಧ॑ ಉ॒ಗ್ರಮ್ । ಮ॒ಹಾಮ॑ನಸಾ-ಮ್ಭುವನಚ್ಯ॒ವಾನಾ॒-ಙ್ಘೋಷೋ॑ ದೇ॒ವಾನಾ॒-ಞ್ಜಯ॑ತಾ॒ ಮುದ॑ಸ್ಥಾತ್ ॥ ಅ॒ಸ್ಮಾಕ॒-ಮಿನ್ದ್ರ॒-ಸ್ಸಮೃ॑ತೇಷು ಧ್ವ॒ಜೇಷ್ವ॒ಸ್ಮಾಕಂ॒-ಯಾಁ ಇಷ॑ವ॒ಸ್ತಾ ಜ॑ಯನ್ತು । 4.6.18
ಅ॒ಸ್ಮಾಕಂ॑-ವೀಁ॒ರಾ ಉತ್ತ॑ರೇ ಭವನ್ತ್ವ॒ಸ್ಮಾನು॑ ದೇವಾ ಅವತಾ॒ ಹವೇ॑ಷು ॥ ಉದ್ಧ॑ರ್ಷಯ ಮಘವ॒ನ್ನಾ-ಯು॑ಧಾ॒-ನ್ಯುಥ್ಸತ್ವ॑ನಾ-ಮ್ಮಾಮ॒ಕಾನಾ॒-ಮ್ಮಹಾಗ್ಂ॑ಸಿ । ಉದ್ವೃ॑ತ್ರಹನ್ ವಾ॒ಜಿನಾಂ॒-ವಾಁಜಿ॑ನಾ॒ನ್ಯು-ದ್ರಥಾ॑ನಾ॒-ಞ್ಜಯ॑ತಾಮೇತು॒ ಘೋಷಃ॑ ॥ ಉಪ॒ ಪ್ರೇತ॒ ಜಯ॑ತಾ ನರಸ್ಸ್ಥಿ॒ರಾ ವಃ॑ ಸನ್ತು ಬಾ॒ಹವಃ॑ । ಇನ್ದ್ರೋ॑ ವ॒-ಶ್ಶರ್ಮ॑ ಯಚ್ಛ ತ್ವನಾ-ಧೃ॒ಷ್ಯಾ ಯಥಾಸ॑ಥ ॥ ಅವ॑ಸೃಷ್ಟಾ॒ ಪರಾ॑ ಪತ॒ ಶರ॑ವ್ಯೇ॒ ಬ್ರಹ್ಮ॑ ಸಗ್ಂಶಿತಾ । ಗಚ್ಛಾ॒-ಽಮಿತ್ರಾ॒-ನ್ಪ್ರ- [ಗಚ್ಛಾ॒-ಽಮಿತ್ರಾ॒-ನ್ಪ್ರ, ವಿ॒ಶ॒ ಮೈಷಾ॒-] 4.6.19
-ವಿ॑ಶ॒ ಮೈಷಾ॒-ಙ್ಕಞ್ಚ॒ನೋಚ್ಛಿ॑ಷಃ ॥ ಮರ್ಮಾ॑ಣಿ ತೇ॒ ವರ್ಮ॑ಭಿಶ್ಛಾದಯಾಮಿ॒ ಸೋಮ॑ಸ್ತ್ವಾ॒ ರಾಜಾ॒ ಽಮೃತೇ॑ನಾ॒ಭಿ-ವ॑ಸ್ತಾಮ್ । ಉ॒ರೋರ್ವರೀ॑ಯೋ॒ ವರಿ॑ವಸ್ತೇ ಅಸ್ತು॒ ಜಯ॑ನ್ತ॒-ನ್ತ್ವಾಮನು॑ ಮದನ್ತು ದೇ॒ವಾಃ ॥ ಯತ್ರ॑ ಬಾ॒ಣಾ-ಸ್ಸ॒ಮ್ಪತ॑ನ್ತಿ ಕುಮಾ॒ರಾ ವಿ॑ಶಿ॒ಖಾ ಇ॑ವ । ಇನ್ದ್ರೋ॑ ನ॒ಸ್ತತ್ರ॑ ವೃತ್ರ॒ಹಾ ವಿ॑ಶ್ವಾ॒ಹಾ ಶರ್ಮ॑ ಯಚ್ಛತು ॥ 4.6.20 ॥
ಜೀ॒ಮೂತ॑ಸ್ಯೇವ ಭವತಿ॒ ಪ್ರತೀ॑ಕಂ॒-ಯಁದ್ವ॒ರ್ಮೀ ಯಾತಿ॑ ಸ॒ಮದಾ॑ಮು॒ಪಸ್ಥೇ᳚ । ಅನಾ॑ವಿದ್ಧಯಾ ತ॒ನುವಾ॑ ಜಯ॒ ತ್ವಗ್ಂ ಸ ತ್ವಾ॒ ವರ್ಮ॑ಣೋ ಮಹಿ॒ಮಾ ಪಿ॑ಪರ್ತು ॥ ಧನ್ವ॑ನಾ॒ ಗಾ ಧನ್ವ॑ನಾ॒-ಽಽಜಿ-ಞ್ಜ॑ಯೇಮ॒ ಧನ್ವ॑ನಾ ತೀ॒ವ್ರಾ-ಸ್ಸ॒ಮದೋ॑ ಜಯೇಮ । ಧನು॒-ಶ್ಶತ್ರೋ॑ರಪಕಾ॒ಮ-ಙ್ಕೃ॑ಣೋತಿ॒ ಧನ್ವ॑ನಾ॒ ಸರ್ವಾಃ᳚ ಪ್ರ॒ದಿಶೋ॑ ಜಯೇಮ ॥ ವ॒ಕ್ಷ್ಯನ್ತೀ॒ವೇದಾ ಗ॑ನೀಗನ್ತಿ॒ ಕರ್ಣ॑-ಮ್ಪ್ರಿ॒ಯಗ್ಂ ಸಖಾ॑ಯ-ಮ್ಪರಿಷಸ್ವಜಾ॒ನಾ । ಯೋಷೇ॑ವ ಶಿಙ್ಕ್ತೇ॒ ವಿತ॒ತಾ-ಽಧಿ॒ ಧನ್ವ॒- [ಧನ್ವನ್ನ್॑, ಜ್ಯಾ ಇ॒ಯಗ್ಂ] 4.6.27
-ಞ್ಜ್ಯಾ ಇ॒ಯಗ್ಂ ಸಮ॑ನೇ ಪಾ॒ರಯ॑ನ್ತೀ ॥ ತೇ ಆ॒ಚರ॑ನ್ತೀ॒ ಸಮ॑ನೇವ॒ ಯೋಷಾ॑ ಮಾ॒ತೇವ॑ ಪು॒ತ್ರ-ಮ್ಬಿ॑ಭೃತಾಮು॒ಪಸ್ಥೇ᳚ । ಅಪ॒ ಶತ್ರೂನ್॑ ವಿದ್ಧ್ಯತಾಗ್ಂ ಸಂವಿಁದಾ॒ನೇ ಆರ್ತ್ನೀ॑ ಇ॒ಮೇ ವಿ॑ಷ್ಫು॒ರನ್ತೀ॑ ಅ॒ಮಿತ್ರಾನ್॑ ॥ ಬ॒ಹ್ವೀ॒ನಾ-ಮ್ಪಿ॒ತಾ ಬ॒ಹುರ॑ಸ್ಯ ಪು॒ತ್ರಶ್ಚಿ॒ಶ್ಚಾ ಕೃ॑ಣೋತಿ॒ ಸಮ॑ನಾ-ಽವ॒ಗತ್ಯ॑ । ಇ॒ಷು॒ಧಿ-ಸ್ಸಙ್ಕಾಃ॒ ಪೃತ॑ನಾಶ್ಚ॒ ಸರ್ವಾಃ᳚ ಪೃ॒ಷ್ಠೇ ನಿನ॑ದ್ಧೋ ಜಯತಿ॒ ಪ್ರಸೂ॑ತಃ ॥ ರಥೇ॒ ತಿಷ್ಠ॑-ನ್ನಯತಿ ವಾ॒ಜಿನಃ॑ ಪು॒ರೋ ಯತ್ರ॑ಯತ್ರ ಕಾ॒ಮಯ॑ತೇ ಸುಷಾರ॒ಥಿಃ । ಅ॒ಭೀಶೂ॑ನಾ-ಮ್ಮಹಿ॒ಮಾನ॑- [ಮಹಿ॒ಮಾನ᳚ಮ್, ಪ॒ನಾ॒ಯ॒ತ॒ ಮನಃ॑] 4.6.28
-ಮ್ಪನಾಯತ॒ ಮನಃ॑ ಪ॒ಶ್ಚಾದನು॑ ಯಚ್ಛನ್ತಿ ರ॒ಶ್ಮಯಃ॑ ॥ ತೀ॒ವ್ರಾ-ನ್ಘೋಷಾ᳚ನ್ ಕೃಣ್ವತೇ॒ ವೃಷ॑ಪಾಣ॒ಯೋ-ಽಶ್ವಾ॒ ರಥೇ॑ಭಿ-ಸ್ಸ॒ಹ ವಾ॒ಜಯ॑ನ್ತಃ । ಅ॒ವ॒ಕ್ರಾಮ॑ನ್ತಃ॒ ಪ್ರಪ॑ದೈರ॒ಮಿತ್ರಾ᳚ನ್ ಕ್ಷಿ॒ಣನ್ತಿ॒ ಶತ್ರೂ॒ಗ್ಂ॒ರನ॑ಪವ್ಯಯನ್ತಃ ॥ ರ॒ಥ॒ವಾಹ॑ನಗ್ಂ ಹ॒ವಿರ॑ಸ್ಯ॒ ನಾಮ॒ ಯತ್ರಾ-ಽಽಯು॑ಧ॒-ನ್ನಿಹಿ॑ತಮಸ್ಯ॒ ವರ್ಮ॑ । ತತ್ರಾ॒ ರಥ॒ಮುಪ॑ ಶ॒ಗ್ಮಗ್ಂ ಸ॑ದೇಮ ವಿ॒ಶ್ವಾಹಾ॑ ವ॒ಯಗ್ಂ ಸು॑ಮನ॒ಸ್ಯಮಾ॑ನಾಃ ॥ ಸ್ವಾ॒ದು॒ಷ॒ಗ್ಂ॒ ಸದಃ॑ ಪಿ॒ತರೋ॑ ವಯೋ॒ಧಾಃ ಕೃ॑ಚ್ಛ್ರೇ॒ಶ್ರಿತ॒-ಶ್ಶಕ್ತೀ॑ವನ್ತೋ ಗಭೀ॒ರಾಃ । ಚಿ॒ತ್ರಸೇ॑ನಾ॒ ಇಷು॑ಬಲಾ॒ ಅಮೃ॑ದ್ಧ್ರಾ-ಸ್ಸ॒ತೋವೀ॑ರಾ ಉ॒ರವೋ᳚ ವ್ರಾತಸಾ॒ಹಾಃ ॥ ಬ್ರಾಹ್ಮ॑ಣಾಸಃ॒ [ಬ್ರಾಹ್ಮ॑ಣಾಸಃ, ಪಿತ॑ರ॒-] 4.6.29
ಪಿತ॑ರ॒-ಸ್ಸೋಮ್ಯಾ॑ಸ-ಶ್ಶಿ॒ವೇ ನೋ॒ ದ್ಯಾವಾ॑ಪೃಥಿ॒ವೀ ಅ॑ನೇ॒ಹಸಾ᳚ । ಪೂ॒ಷಾ ನಃ॑ ಪಾತು ದುರಿ॒ತಾದೃ॑ತಾವೃಧೋ॒ ರಕ್ಷಾ॒ ಮಾಕಿ॑ರ್ನೋ ಅ॒ಘಶಗ್ಂ॑ಸ ಈಶತ ॥ ಸು॒ಪ॒ರ್ಣಂ-ವಁ॑ಸ್ತೇ ಮೃ॒ಗೋ ಅ॑ಸ್ಯಾ॒ ದನ್ತೋ॒ ಗೋಭಿ॒-ಸ್ಸನ್ನ॑ದ್ಧಾ ಪತತಿ॒ ಪ್ರಸೂ॑ತಾ । ಯತ್ರಾ॒ ನರ॒-ಸ್ಸ-ಞ್ಚ॒ ವಿ ಚ॒ ದ್ರವ॑ನ್ತಿ॒ ತತ್ರಾ॒ಸ್ಮಭ್ಯ॒ಮಿಷ॑ವ॒-ಶ್ಶರ್ಮ॑ ಯಗ್ಂಸನ್ನ್ ॥ ಋಜೀ॑ತೇ॒ ಪರಿ॑ ವೃಙ್ಗ್ಧಿ॒ ನೋ-ಽಶ್ಮಾ॑ ಭವತು ನಸ್ತ॒ನೂಃ । ಸೋಮೋ॒ ಅಧಿ॑ ಬ್ರವೀತು॒ ನೋ-ಽದಿ॑ತಿ॒- [ನೋ-ಽದಿ॑ತಿಃ, ಶರ್ಮ॑ ಯಚ್ಛತು ।] 4.6.30
-ಶ್ಶರ್ಮ॑ ಯಚ್ಛತು ॥ ಆ ಜ॑ಙ್ಘನ್ತಿ॒ ಸಾನ್ವೇ॑ಷಾ-ಞ್ಜ॒ಘನಾ॒ಗ್ಂ॒ ಉಪ॑ ಜಿಘ್ನತೇ । ಅಶ್ವಾ॑ಜನಿ॒ ಪ್ರಚೇ॑ತ॒ಸೋ-ಽಶ್ವಾ᳚ನ್-ಥ್ಸ॒ಮಥ್ಸು॑ ಚೋದಯ ॥ ಅಹಿ॑ರಿವ ಭೋ॒ಗೈಃ ಪರ್ಯೇ॑ತಿ ಬಾ॒ಹು-ಞ್ಜ್ಯಾಯಾ॑ ಹೇ॒ತಿ-ಮ್ಪ॑ರಿ॒ಬಾಧ॑ಮಾನಃ । ಹ॒ಸ್ತ॒ಘ್ನೋ ವಿಶ್ವಾ॑ ವ॒ಯುನಾ॑ನಿ ವಿ॒ದ್ವಾ-ನ್ಪುಮಾ॒-ನ್ಪುಮಾಗ್ಂ॑ಸ॒-ಮ್ಪರಿ॑ ಪಾತು ವಿ॒ಶ್ವತಃ॑ ॥ ವನ॑ಸ್ಪತೇ ವೀ॒ಡ್ವ॑ಙ್ಗೋ॒ ಹಿ ಭೂ॒ಯಾ ಅ॒ಸ್ಮ-ಥ್ಸ॑ಖಾ ಪ್ರ॒ತರ॑ಣ-ಸ್ಸು॒ವೀರಃ॑ । ಗೋಭಿ॒-ಸ್ಸನ್ನ॑ದ್ಧೋ ಅಸಿ ವೀ॒ಡಯ॑ಸ್ವಾ-ಽಽಸ್ಥಾ॒ತಾ ತೇ॑ ಜಯತು॒ ಜೇತ್ವಾ॑ನಿ ॥ ದಿ॒ವಃ ಪೃ॑ಥಿ॒ವ್ಯಾಃ ಪ- [ಪರಿ॑, ಓಜ॒ ಉ-ದ್ಭೃ॑ತಂ॒-] 4.6.31
-ರ್ಯೋಜ॒ ಉ-ದ್ಭೃ॑ತಂ॒-ವಁನ॒ಸ್ಪತಿ॑ಭ್ಯಃ॒ ಪರ್ಯಾಭೃ॑ತ॒ಗ್ಂ॒ ಸಹಃ॑ । ಅ॒ಪಾಮೋ॒ಜ್ಮಾನ॒-ಮ್ಪರಿ॒ ಗೋಭಿ॒ರಾವೃ॑ತ॒ಮಿನ್ದ್ರ॑ಸ್ಯ॒ ವಜ್ರಗ್ಂ॑ ಹ॒ವಿಷಾ॒ ರಥಂ॑-ಯಁಜ ॥ ಇನ್ದ್ರ॑ಸ್ಯ॒ ವಜ್ರೋ॑ ಮ॒ರುತಾ॒ಮನೀ॑ಕ-ಮ್ಮಿ॒ತ್ರಸ್ಯ॒ ಗರ್ಭೋ॒ ವರು॑ಣಸ್ಯ॒ ನಾಭಿಃ॑ । ಸೇಮಾ-ನ್ನೋ॑ ಹ॒ವ್ಯದಾ॑ತಿ-ಞ್ಜುಷಾ॒ಣೋ ದೇವ॑ ರಥ॒ ಪ್ರತಿ॑ ಹ॒ವ್ಯಾ ಗೃ॑ಭಾಯ ॥ ಉಪ॑ ಶ್ವಾಸಯ ಪೃಥಿ॒ವೀಮು॒ತ ದ್ಯಾ-ಮ್ಪು॑ರು॒ತ್ರಾ ತೇ॑ ಮನುತಾಂ॒-ವಿಁಷ್ಠಿ॑ತ॒-ಞ್ಜಗ॑ತ್ । ಸ ದು॑ನ್ದುಭೇ ಸ॒ಜೂರಿನ್ದ್ರೇ॑ಣ ದೇ॒ವೈರ್ದೂ॒ರಾ- [ದೇ॒ವೈರ್ದೂ॒ರಾತ್, ದವೀ॑ಯೋ॒] 4.6.32
-ದ್ದವೀ॑ಯೋ॒ ಅಪ॑ಸೇಧ॒ ಶತ್ರೂನ್॑ ॥ ಆ ಕ್ರ॑ನ್ದಯ॒ ಬಲ॒ಮೋಜೋ॑ ನ॒ ಆ ಧಾ॒ ನಿಷ್ಟ॑ನಿಹಿ ದುರಿ॒ತಾ ಬಾಧ॑ಮಾನಃ । ಅಪ॑ ಪ್ರೋಥ ದುನ್ದುಭೇ ದು॒ಚ್ಛುನಾಗ್ಂ॑ ಇ॒ತ ಇನ್ದ್ರ॑ಸ್ಯ ಮು॒ಷ್ಟಿರ॑ಸಿ ವೀ॒ಡಯ॑ಸ್ವ ॥ ಆ-ಽಮೂರ॑ಜ ಪ್ರ॒ತ್ಯಾವ॑ರ್ತಯೇ॒ಮಾಃ ಕೇ॑ತು॒ಮ-ದ್ದು॑ನ್ದು॒ಭಿ ರ್ವಾ॑ವದೀತಿ । ಸಮಶ್ವ॑ಪರ್ಣಾ॒ಶ್ಚರ॑ನ್ತಿ ನೋ॒ ನರೋ॒-ಽಸ್ಮಾಕ॑ಮಿನ್ದ್ರ ರ॒ಥಿನೋ॑ ಜಯನ್ತು ॥ 4.6.33 ॥
ಮಮಾ᳚ಗ್ನೇ॒ ವರ್ಚೋ॑ ವಿಹ॒ವೇಷ್ವ॑ಸ್ತು ವ॒ಯ-ನ್ತ್ವೇನ್ಧಾ॑ನಾ ಸ್ತ॒ನುವ॑-ಮ್ಪುಷೇಮ । ಮಹ್ಯ॑-ನ್ನಮನ್ತಾ-ಮ್ಪ್ರ॒ದಿಶ॒ಶ್ಚತ॑ಸ್ರ॒ ಸ್ತ್ವಯಾ-ಽದ್ಧ್ಯ॑ಕ್ಷೇಣ॒ ಪೃತ॑ನಾ ಜಯೇಮ ॥ ಮಮ॑ ದೇ॒ವಾ ವಿ॑ಹ॒ವೇ ಸ॑ನ್ತು॒ ಸರ್ವ॒ ಇನ್ದ್ರಾ॑ವನ್ತೋ ಮ॒ರುತೋ॒ ವಿಷ್ಣು॑ರ॒ಗ್ನಿಃ । ಮಮಾ॒ನ್ತರಿ॑ಕ್ಷ ಮು॒ರು ಗೋ॒ಪಮ॑ಸ್ತು॒ ಮಹ್ಯಂ॒-ವಾಁತಃ॑ ಪವತಾ॒-ಙ್ಕಾಮೇ॑ ಅ॒ಸ್ಮಿನ್ನ್ ॥ ಮಯಿ॑ ದೇ॒ವಾ ದ್ರವಿ॑ಣ॒ ಮಾಯ॑ಜನ್ತಾ॒-ಮ್ಮಯ್ಯಾ॒ ಶೀರ॑ಸ್ತು॒ ಮಯಿ॑ ದೇ॒ವಹೂ॑ತಿಃ । ದೈವ್ಯಾ॒ ಹೋತಾ॑ರಾ ವನಿಷನ್ತ॒ [ವನಿಷನ್ತ, ಪೂರ್ವೇ ಽರಿ॑ಷ್ಟಾ-ಸ್ಸ್ಯಾಮ] 4.7.29
ಪೂರ್ವೇ ಽರಿ॑ಷ್ಟಾ-ಸ್ಸ್ಯಾಮ ತ॒ನುವಾ॑ ಸು॒ವೀರಾಃ᳚ ॥ ಮಹ್ಯಂ॑-ಯಁಜನ್ತು॒ ಮಮ॒ ಯಾನಿ॑ ಹ॒ವ್ಯಾ-ಽಽಕೂ॑ತಿ-ಸ್ಸ॒ತ್ಯಾ ಮನ॑ಸೋ ಮೇ ಅಸ್ತು । ಏನೋ॒ ಮಾನಿಗಾ᳚-ಙ್ಕತ॒ಮಚ್ಚ॒ನಾಹಂ-ವಿಁಶ್ವೇ॑ ದೇವಾಸೋ॒ ಅಧಿ॑ವೋಚ ತಾ ಮೇ ॥ ದೇವೀ᳚-ಷ್ಷಡುರ್ವೀರು॒ರುಣಃ॑ ಕೃಣೋತ॒ ವಿಶ್ವೇ॑ ದೇವಾ ಸ ಇ॒ಹ ವೀ॑ರಯದ್ಧ್ವಮ್ । ಮಾಹಾ᳚ಸ್ಮಹಿ ಪ್ರ॒ಜಯಾ॒ ಮಾ ತ॒ನೂಭಿ॒ರ್ಮಾ ರ॑ಧಾಮ ದ್ವಿಷ॒ತೇ ಸೋ॑ಮ ರಾಜನ್ನ್ ॥ ಅ॒ಗ್ನಿರ್ಮ॒ನ್ಯು-ಮ್ಪ್ರ॑ತಿನು॒ದ-ನ್ಪು॒ರಸ್ತಾ॒- [ಪ್ರ॑ತಿನು॒ದ-ನ್ಪು॒ರಸ್ತಾ᳚ತ್, ಅದ॑ಬ್ಧೋ ಗೋ॒ಪಾಃ] 4.7.30
-ದದ॑ಬ್ಧೋ ಗೋ॒ಪಾಃ ಪರಿ॑ಪಾಹಿ ನ॒ಸ್ತ್ವಮ್ । ಪ್ರ॒ತ್ಯಞ್ಚೋ॑ ಯನ್ತು ನಿ॒ಗುತಃ॒ ಪುನ॒ಸ್ತೇ॑ ಽಮೈಷಾ᳚-ಞ್ಚಿ॒ತ್ತ-ಮ್ಪ್ರ॒ಬುಧಾ॒ ವಿನೇ॑ಶತ್ ॥ ಧಾ॒ತಾ ಧಾ॑ತೃ॒ಣಾ-ಮ್ಭುವ॑ನಸ್ಯ॒ ಯಸ್ಪತಿ॑ ರ್ದೇ॒ವಗ್ಂ ಸ॑ವಿ॒ತಾರ॑ಮಭಿ ಮಾತಿ॒ಷಾಹ᳚ಮ್ । ಇ॒ಮಂ-ಯಁ॒ಜ್ಞ ಮ॒ಶ್ವಿನೋ॒ಭಾ ಬೃಹ॒ಸ್ಪತಿ॑ ರ್ದೇ॒ವಾಃ ಪಾ᳚ನ್ತು॒ ಯಜ॑ಮಾನ-ನ್ನ್ಯ॒ರ್ಥಾತ್ ॥ ಉ॒ರು॒ವ್ಯಚಾ॑ ನೋ ಮಹಿ॒ಷ-ಶ್ಶರ್ಮ॑ ಯಗ್ಂ ಸದ॒ಸ್ಮಿನ್. ಹವೇ॑ ಪುರುಹೂ॒ತಃ ಪು॑ರು॒ಕ್ಷು । ಸ ನಃ॑ ಪ್ರ॒ಜಾಯೈ॑ ಹರ್ಯಶ್ವ ಮೃಡ॒ಯೇನ್ದ್ರ॒ ಮಾ [ಮೃಡ॒ಯೇನ್ದ್ರ॒ ಮಾ, ನೋ॒ ರೀ॒ರಿ॒ಷೋ॒ ಮಾ ಪರಾ॑ ದಾಃ ।] 4.7.31
ನೋ॑ ರೀರಿಷೋ॒ ಮಾ ಪರಾ॑ ದಾಃ ॥ ಯೇ ನಃ॑ ಸ॒ಪತ್ನಾ॒ ಅಪ॒ತೇ ಭ॑ವನ್ತ್ವಿನ್ದ್ರಾ॒-ಗ್ನಿಭ್ಯಾ॒ಮವ॑ ಬಾಧಾಮಹೇ॒ ತಾನ್ । ವಸ॑ವೋ ರು॒ದ್ರಾ ಆ॑ದಿ॒ತ್ಯಾ ಉ॑ಪರಿ॒ ಸ್ಪೃಶ॑-ಮ್ಮೋ॒ಗ್ರ-ಞ್ಚೇತ್ತಾ॑ರಮಧಿ ರಾ॒ಜಮ॑ಕ್ರನ್ನ್ ॥ ಅ॒ರ್ವಾಞ್ಚ॒ ಮಿನ್ದ್ರ॑ಮ॒ಮುತೋ॑ ಹವಾಮಹೇ॒ ಯೋ ಗೋ॒ಜಿ-ದ್ಧ॑ನ॒-ಜಿದ॑ಶ್ವ॒-ಜಿದ್ಯಃ । ಇ॒ಮನ್ನೋ॑ ಯ॒ಜ್ಞಂ-ವಿಁ॑ಹ॒ವೇ ಜು॑ಷಸ್ವಾ॒ಸ್ಯ ಕು॑ರ್ಮೋ ಹರಿವೋ ಮೇ॒ದಿನ॑-ನ್ತ್ವಾ ॥ 4.7.32 ॥
ಅ॒ಗ್ನೇರ್ಮ॑ನ್ವೇ ಪ್ರಥ॒ಮಸ್ಯ॒ ಪ್ರಚೇ॑ತಸೋ॒ ಯ-ಮ್ಪಾಞ್ಚ॑ಜನ್ಯ-ಮ್ಬ॒ಹವಃ॑ ಸಮಿ॒ನ್ಧತೇ᳚ । ವಿಶ್ವ॑ಸ್ಯಾಂ-ವಿಁ॒ಶಿ ಪ್ರ॑ವಿವಿಶಿ॒ವಾಗ್ಂ ಸ॑ಮೀಮಹೇ॒ ಸ ನೋ॑ ಮುಞ್ಚ॒ತ್ವಗ್ಂ ಹ॑ಸಃ ॥ ಯಸ್ಯೇ॒ದ-ಮ್ಪ್ರಾ॒ಣನ್ನಿ॑ಮಿ॒ಷ-ದ್ಯದೇಜ॑ತಿ॒ ಯಸ್ಯ॑ ಜಾ॒ತ-ಞ್ಜನ॑ಮಾನ-ಞ್ಚ॒ ಕೇವ॑ಲಮ್ । ಸ್ತೌಮ್ಯ॒ಗ್ನಿ-ನ್ನಾ॑ಥಿ॒ತೋ ಜೋ॑ಹವೀಮಿ॒ ಸ ನೋ॑ ಮುಞ್ಚ॒ತ್ವಗ್ಂ ಹ॑ಸಃ ॥ ಇನ್ದ್ರ॑ಸ್ಯ ಮನ್ಯೇ ಪ್ರಥ॒ಮಸ್ಯ॒ ಪ್ರಚೇ॑ತಸೋ ವೃತ್ರ॒ಘ್ನ-ಸ್ಸ್ತೋಮಾ॒ ಉಪ॒ ಮಾಮು॒ಪಾಗುಃ॑ । ಯೋ ದಾ॒ಶುಷಃ॑ ಸು॒ಕೃತೋ॒ ಹವ॒ಮುಪ॒ ಗನ್ತಾ॒ [ಗನ್ತಾ᳚, ಸ ನೋ॑ ಮುಞ್ಚ॒ತ್ವಗ್ಂ ಹ॑ಸಃ ।] 4.7.33
ಸ ನೋ॑ ಮುಞ್ಚ॒ತ್ವಗ್ಂ ಹ॑ಸಃ ॥ ಯ-ಸ್ಸ॑ಙ್ಗ್ರಾ॒ಮ-ನ್ನಯ॑ತಿ॒ ಸಂ-ವಁ॒ಶೀ ಯು॒ಧೇ ಯಃ ಪು॒ಷ್ಟಾನಿ॑ ಸಗ್ಂಸೃ॒ಜತಿ॑ ತ್ರ॒ಯಾಣಿ॑ । ಸ್ತೌಮೀನ್ದ್ರ॑-ನ್ನಾಥಿ॒ತೋ ಜೋ॑ಹವೀಮಿ॒ ಸ ನೋ॑ ಮುಞ್ಚ॒ತ್ವಗ್ಂ ಹ॑ಸಃ ॥ ಮ॒ನ್ವೇ ವಾ᳚-ಮ್ಮಿತ್ರಾ ವರುಣಾ॒ ತಸ್ಯ॑ ವಿತ್ತ॒ಗ್ಂ॒ ಸತ್ಯೌ॑ಜಸಾ ದೃಗ್ಂಹಣಾ॒ ಯ-ನ್ನು॒ದೇಥೇ᳚ । ಯಾ ರಾಜಾ॑ನಗ್ಂ ಸ॒ರಥಂ॑-ಯಾಁ॒ಥ ಉ॑ಗ್ರಾ॒ ತಾ ನೋ॑ ಮುಞ್ಚತ॒ಮಾಗ॑ಸಃ ॥ ಯೋ ವಾ॒ಗ್ಂ॒ ರಥ॑ ಋ॒ಜುರ॑ಶ್ಮಿ-ಸ್ಸ॒ತ್ಯಧ॑ರ್ಮಾ॒ ಮಿಥು॒ ಶ್ಚರ॑ನ್ತ-ಮುಪ॒ಯಾತಿ॑ ದೂ॒ಷಯನ್ನ್॑ । ಸ್ತೌಮಿ॑ [ ] 4.7.34
ಮಿ॒ತ್ರಾವರು॑ಣಾ ನಾಥಿ॒ತೋ ಜೋ॑ಹವೀಮಿ॒ ತೌ ನೋ॑ ಮುಞ್ಚತ॒ಮಾಗ॑ಸಃ ॥ ವಾ॒ಯೋ-ಸ್ಸ॑ವಿ॒ತು ರ್ವಿ॒ದಥಾ॑ನಿ ಮನ್ಮಹೇ॒ ಯಾವಾ᳚ತ್ಮ॒ನ್ವ-ದ್ಬಿ॑ಭೃ॒ತೋ ಯೌ ಚ॒ ರಕ್ಷ॑ತಃ । ಯೌ ವಿಶ್ವ॑ಸ್ಯ ಪರಿ॒ಭೂ ಬ॑ಭೂ॒ವತು॒ಸ್ತೌ ನೋ॑ ಮುಞ್ಚತ॒ಮಾಗ॑ಸಃ ॥ ಉಪ॒ ಶ್ರೇಷ್ಠಾ॑ನ ಆ॒ಶಿಷೋ॑ ದೇ॒ವಯೋ॒ರ್ಧರ್ಮೇ॑ ಅಸ್ಥಿರನ್ನ್ । ಸ್ತೌಮಿ॑ ವಾ॒ಯುಗ್ಂ ಸ॑ವಿ॒ತಾರ॑-ನ್ನಾಥಿ॒ತೋ ಜೋ॑ಹವೀಮಿ॒ ತೌ ನೋ॑ ಮುಞ್ಚತ॒ಮಾಗ॑ಸಃ ॥ ರ॒ಥೀತ॑ಮೌ ರಥೀ॒ನಾಮ॑ಹ್ವ ಊ॒ತಯೇ॒ ಶುಭ॒-ಙ್ಗಮಿ॑ಷ್ಠೌ ಸು॒ಯಮೇ॑ಭಿ॒ರಶ್ವೈಃ᳚ । ಯಯೋ᳚- [ಯಯೋಃ᳚, ವಾ॒-ನ್ದೇ॒ವೌ॒ ದೇ॒ವೇಷ್ವ-ನಿ॑ಶಿತ॒-] 4.7.35
-ರ್ವಾ-ನ್ದೇವೌ ದೇ॒ವೇಷ್ವ-ನಿ॑ಶಿತ॒-ಮೋಜ॒ಸ್ತೌ ನೋ॑ ಮುಞ್ಚತ॒ಮಾಗ॑ಸಃ ॥ ಯದಯಾ॑ತಂ-ವఁ%ಹ॒ತುಗ್ಂ ಸೂ॒ರ್ಯಾಯಾ᳚-ಸ್ತ್ರಿಚ॒ಕ್ರೇಣ॑ ಸ॒ಗ್ಂ॒ ಸದ॑ಮಿ॒ಚ್ಛಮಾ॑ನೌ । ಸ್ತೌಮಿ॑ ದೇ॒ವಾ ವ॒ಶ್ವಿನೌ॑ ನಾಥಿ॒ತೋ ಜೋ॑ಹವೀಮಿ॒ ತೌ ನೋ॑ ಮುಞ್ಚತ॒ಮಾಗ॑ಸಃ ॥ ಮ॒ರುತಾ᳚-ಮ್ಮನ್ವೇ॒ ಅಧಿ॑ನೋ ಬ್ರುವನ್ತು॒ ಪ್ರೇಮಾಂ-ವಾಁಚಂ॒-ವಿಁಶ್ವಾ॑ ಮವನ್ತು॒ ವಿಶ್ವೇ᳚ । ಆ॒ಶೂನ್. ಹು॑ವೇ ಸು॒ಯಮಾ॑ನೂ॒ತಯೇ॒ ತೇ ನೋ॑ ಮುಞ್ಚ॒ನ್ತ್ವೇನ॑ಸಃ ॥ ತಿ॒ಗ್ಮಮಾಯು॑ಧಂ-ವೀಁಡಿ॒ತಗ್ಂ ಸಹ॑ಸ್ವ-ದ್ದಿ॒ವ್ಯಗ್ಂ ಶರ್ಧಃ॒ [ಶರ್ಧಃ॑, ಪೃತ॑ನಾಸು ಜಿ॒ಷ್ಣು ।] 4.7.36
ಪೃತ॑ನಾಸು ಜಿ॒ಷ್ಣು । ಸ್ತೌಮಿ॑ ದೇ॒ವಾ-ನ್ಮ॒ರುತೋ॑ ನಾಥಿ॒ತೋ ಜೋ॑ಹವೀಮಿ॒ ತೇ ನೋ॑ ಮುಞ್ಚ॒ನ್ತ್ವೇನ॑ಸಃ ॥ ದೇ॒ವಾನಾ᳚-ಮ್ಮನ್ವೇ॒ ಅಧಿ॑ ನೋ ಬ್ರುವನ್ತು॒ ಪ್ರೇಮಾಂ-ವಾಁಚಂ॒-ವಿಁಶ್ವಾ॑ಮವನ್ತು॒ ವಿಶ್ವೇ᳚ । ಆ॒ಶೂನ್. ಹು॑ವೇ ಸು॒ಯಮಾ॑ನೂ॒ತಯೇ॒ ತೇ ನೋ॑ ಮುಞ್ಚ॒ನ್ತ್ವೇನ॑ಸಃ ॥ ಯದಿ॒ದ-ಮ್ಮಾ॑-ಽಭಿ॒ಶೋಚ॑ತಿ॒ ಪೌರು॑ಷೇಯೇಣ॒ ದೈವ್ಯೇ॑ನ । ಸ್ತೌಮಿ॒ ವಿಶ್ವಾ᳚-ನ್ದೇ॒ವಾ-ನ್ನಾ॑ಥಿ॒ತೋ ಜೋ॑ಹವೀಮಿ॒ ತೇ ನೋ॑ ಮುಞ್ಚ॒ನ್ತ್ವೇನ॑ಸಃ ॥ ಅನು॑ನೋ॒-ಽದ್ಯಾನು॑ಮತಿ॒ ರ- [ಅನು॑ನೋ॒-ಽದ್ಯಾನು॑ಮತಿ॒ ರನು॑, ಇದ॑ನುಮತೇ॒] 4.7.37
-ನ್ವಿದ॑ನುಮತೇ॒ ತ್ವಂ ಁವೈ᳚ಶ್ವಾನ॒ರೋ ನ॑ ಊ॒ತ್ಯಾಪೃ॒ಷ್ಟೋ ದಿ॒ವಿ> 4 ॥ ಯೇ ಅಪ್ರ॑ಥೇತಾ॒-ಮಮಿ॑ತೇಭಿ॒ ರೋಜೋ॑ಭಿ॒ ರ್ಯೇ ಪ್ರ॑ತಿ॒ಷ್ಠೇ ಅಭ॑ವತಾಂ॒-ವಁಸೂ॑ನಾಮ್ । ಸ್ತೌಮಿ॒ ದ್ಯಾವಾ॑ ಪೃಥಿ॒ವೀ ನಾ॑ಥಿ॒ತೋ ಜೋ॑ಹವೀಮಿ॒ ತೇ ನೋ॑ ಮುಞ್ಚತ॒ಮಗ್ಂ ಹ॑ಸಃ ॥ ಉರ್ವೀ॑ ರೋದಸೀ॒ ವರಿ॑ವಃ ಕೃಣೋತ॒-ಙ್ಕ್ಷೇತ್ರ॑ಸ್ಯ ಪತ್ನೀ॒ ಅಧಿ॑ ನೋ ಬ್ರೂಯಾತಮ್ । ಸ್ತೌಮಿ॒ ದ್ಯಾವಾ॑ ಪೃಥಿ॒ವೀ ನಾ॑ಥಿ॒ತೋ ಜೋ॑ಹವೀಮಿ॒ ತೇ ನೋ॑ ಮುಞ್ಚತ॒ಮಗ್ಂ ಹ॑ಸಃ ॥ ಯ-ತ್ತೇ॑ ವ॒ಯ-ಮ್ಪು॑ರುಷ॒ತ್ರಾ ಯ॑ವಿ॒ಷ್ಠಾ ವಿ॑ದ್ವಾಗ್ಂಸಶ್ಚಕೃ॒ಮಾ ಕಚ್ಚ॒ನಾ- [ಕಚ್ಚ॒ನ, ಆಗಃ॑ ।] 4.7.38
-ಽಽಗಃ॑ । ಕೃ॒ಧೀ ಸ್ವ॑ಸ್ಮಾಗ್ಂ ಅದಿ॑ತೇ॒ರನಾ॑ಗಾ॒ ವ್ಯೇನಾಗ್ಂ॑ಸಿ ಶಿಶ್ರಥೋ॒ ವಿಷ್ವ॑ಗಗ್ನೇ ॥ ಯಥಾ॑ ಹ॒ ತ-ದ್ವ॑ಸವೋ ಗೌ॒ರ್ಯ॑-ಞ್ಚಿ-ತ್ಪ॒ದಿಷಿ॒ತಾ ಮಮು॑ಞ್ಚತಾ ಯಜತ್ರಾಃ । ಏ॒ವಾ ತ್ವಮ॒ಸ್ಮ-ತ್ಪ್ರಮು॑ಞ್ಚಾ॒ ವ್ಯಗ್ಂಹಃ॒ ಪ್ರಾತಾ᳚ರ್ಯಗ್ನೇ ಪ್ರತ॒ರಾನ್ನ॒ ಆಯುಃ॑ ॥ 4.7.39 ॥
Roman (IAST) Transliteration
śrī kṛṣṇa yajurveda saṃhitāntargatīya svastivācanam
ā॒śu-śśiśā̭no vṛṣa॒bho na yu॒ddhmo gha̭nāgha॒naḥ, kṣobha̭ṇa-ścarṣaṇī॒nām | sa॒ṅkranda̭no-'nimi॒ṣa ḙka vī॒ra-śśa॒tagṃ senā̭ ajaya-thsā॒kamindraḥ̭ || sa॒ṅkranda̭nenā nimi॒ṣeṇa̭ ji॒ṣṇunā̭ yutkā॒reṇa̭ duścyava॒nena̭ dhṛ॒ṣṇunā᳚ | tadindrḙṇa jayata॒ ta-thsa̭haddhvaṃ॒-yu~dho̭ nara॒ iṣṷhastena॒ vṛṣṇā᳚ || sa iṣṷhastai॒-ssa ni̭ṣa॒ṅgibhi̭rva॒śī saggsra̭ṣṭā॒ sa yudha॒ indro̭ ga॒ṇena̭ | sa॒gṃ॒sṛ॒ṣṭa॒ji-thso̭ma॒pā bā̭huśa॒rdhyū᳚rdhvadha̭nvā॒ prati̭hitābhi॒rastā᳚ || bṛha̭spate॒ pari̭ dīyā॒ [pari̭ dīya, rathḙna] 4.6.16
rathḙna rakṣo॒hā 'mitrāgṃ̭ apa॒ bādha̭mānaḥ | pra॒bha॒ñjan-thsenāḥ᳚ pramṛ॒ṇo yu॒dhā jaya̭nna॒smāka̭-meddhyavi॒tā rathā̭nām || go॒tra॒bhida̭-ṅgo॒vidaṃ॒-va~jra̭bāhu॒-ñjaya̭nta॒majma̭ pramṛ॒ṇanta॒-moja̭sā | i॒magṃ sa̭jātā॒ anṷvīra-yaddhva॒mindragṃ̭ sakhā॒yo-'nu॒ sagṃ ra̭bhaddhvam || ba॒la॒vi॒jñā॒yaḥ-sthavi̭raḥ॒ pravī̭ra॒-ssaha̭svān. vā॒jī saha̭māna u॒graḥ | a॒bhivī̭ro a॒bhisa̭tvā saho॒jā jaitra̭mindra॒ ratha॒māti̭ṣṭha go॒vit || a॒bhi go॒trāṇi॒ saha̭sā॒ gāha̭māno-'dā॒yo [gāha̭māno-'dā॒yaḥ, vī॒ra-śśa॒tama̭nyu॒rindraḥ̭ |] 4.6.17
vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭ yu॒ddhyo᳚-smāka॒gṃ॒ senā̭ avatu॒ pra yu॒thsu || indra̭ āsāṃ-ne॒tā bṛha॒spati॒ rdakṣi̭ṇā ya॒jñaḥ pu॒ra ḙtu॒ somaḥ̭ | de॒va॒se॒nānā̭-mabhibhañjatī॒nā-ñjaya̭ntīnā-mma॒ruto̭ ya॒ntvagre᳚ || indra̭sya॒ vṛṣṇo॒ varṷṇasya॒ rājña̭ ādi॒tyānā᳚-mma॒rutā॒gṃ॒ śardha̭ u॒gram | ma॒hāma̭nasā-mbhuvanacya॒vānā॒-ṅghoṣo̭ de॒vānā॒-ñjaya̭tā॒ muda̭sthāt || a॒smāka॒-mindra॒-ssamṛ̭teṣu dhva॒jeṣva॒smākaṃ॒-yā~ iṣa̭va॒stā ja̭yantu | 4.6.18
a॒smākaṃ̭-vī~॒rā utta̭re bhavantva॒smānṷ devā avatā॒ havḙṣu || uddha̭rṣaya maghava॒nnā-yṷdhā॒-nyuthsatva̭nā-mmāma॒kānā॒-mmahāgṃ̭si | udvṛ̭trahan vā॒jināṃ॒-vā~ji̭nā॒nyu-drathā̭nā॒-ñjaya̭tāmetu॒ ghoṣaḥ̭ || upa॒ preta॒ jaya̭tā narassthi॒rā vaḥ̭ santu bā॒havaḥ̭ | indro̭ va॒-śśarma̭ yaccha tvanā-dhṛ॒ṣyā yathāsa̭tha || ava̭sṛṣṭā॒ parā̭ pata॒ śara̭vye॒ brahma̭ sagṃśitā | gacchā॒-'mitrā॒-npra- [gacchā॒-'mitrā॒-npra, vi॒śa॒ maiṣā॒-] 4.6.19
-vi̭śa॒ maiṣā॒-ṅkañca॒nocchi̭ṣaḥ || marmā̭ṇi te॒ varma̭bhiśchādayāmi॒ soma̭stvā॒ rājā॒ 'mṛtḙnā॒bhi-va̭stām | u॒rorvarī̭yo॒ vari̭vaste astu॒ jaya̭nta॒-ntvāmanṷ madantu de॒vāḥ || yatra̭ bā॒ṇā-ssa॒mpata̭nti kumā॒rā vi̭śi॒khā i̭va | indro̭ na॒statra̭ vṛtra॒hā vi̭śvā॒hā śarma̭ yacchatu || 4.6.20 ||
jī॒mūta̭syeva bhavati॒ pratī̭kaṃ॒-ya~dva॒rmī yāti̭ sa॒madā̭mu॒pasthe᳚ | anā̭viddhayā ta॒nuvā̭ jaya॒ tvagṃ sa tvā॒ varma̭ṇo mahi॒mā pi̭partu || dhanva̭nā॒ gā dhanva̭nā॒-''ji-ñja̭yema॒ dhanva̭nā tī॒vrā-ssa॒mado̭ jayema | dhanu॒-śśatro̭rapakā॒ma-ṅkṛ̭ṇoti॒ dhanva̭nā॒ sarvāḥ᳚ pra॒diśo̭ jayema || va॒kṣyantī॒vedā ga̭nīganti॒ karṇa̭-mpri॒yagṃ sakhā̭ya-mpariṣasvajā॒nā | yoṣḙva śiṅkte॒ vita॒tā-'dhi॒ dhanva॒- [dhanvanṋ, jyā i॒yagṃ] 4.6.27
-ñjyā i॒yagṃ sama̭ne pā॒raya̭ntī || te ā॒cara̭ntī॒ sama̭neva॒ yoṣā̭ mā॒teva̭ pu॒tra-mbi̭bhṛtāmu॒pasthe᳚ | apa॒ śatrūṋ viddhyatāgṃ saṃvi~dā॒ne ārtnī̭ i॒me vi̭ṣphu॒rantī̭ a॒mitrāṋ || ba॒hvī॒nā-mpi॒tā ba॒hura̭sya pu॒traści॒ścā kṛ̭ṇoti॒ sama̭nā-'va॒gatya̭ | i॒ṣu॒dhi-ssaṅkāḥ॒ pṛta̭nāśca॒ sarvāḥ᳚ pṛ॒ṣṭhe nina̭ddho jayati॒ prasṷ̄taḥ || rathe॒ tiṣṭha̭-nnayati vā॒jinaḥ̭ pu॒ro yatra̭yatra kā॒maya̭te suṣāra॒thiḥ | a॒bhīśṷ̄nā-mmahi॒māna̭- [mahi॒māna᳚m, pa॒nā॒ya॒ta॒ manaḥ̭] 4.6.28
-mpanāyata॒ manaḥ̭ pa॒ścādanṷ yacchanti ra॒śmayaḥ̭ || tī॒vrā-nghoṣā᳚n kṛṇvate॒ vṛṣa̭pāṇa॒yo-'śvā॒ rathḙbhi-ssa॒ha vā॒jaya̭ntaḥ | a॒va॒krāma̭ntaḥ॒ prapa̭daira॒mitrā᳚n kṣi॒ṇanti॒ śatrū॒gṃ॒rana̭pavyayantaḥ || ra॒tha॒vāha̭nagṃ ha॒vira̭sya॒ nāma॒ yatrā-''yṷdha॒-nnihi̭tamasya॒ varma̭ | tatrā॒ ratha॒mupa̭ śa॒gmagṃ sa̭dema vi॒śvāhā̭ va॒yagṃ sṷmana॒syamā̭nāḥ || svā॒du॒ṣa॒gṃ॒ sadaḥ̭ pi॒taro̭ vayo॒dhāḥ kṛ̭cchre॒śrita॒-śśaktī̭vanto gabhī॒rāḥ | ci॒trasḙnā॒ iṣṷbalā॒ amṛ̭ddhrā-ssa॒tovī̭rā u॒ravo᳚ vrātasā॒hāḥ || brāhma̭ṇāsaḥ॒ [brāhma̭ṇāsaḥ, pita̭ra॒-] 4.6.29
pita̭ra॒-ssomyā̭sa-śśi॒ve no॒ dyāvā̭pṛthi॒vī a̭ne॒hasā᳚ | pū॒ṣā naḥ̭ pātu duri॒tādṛ̭tāvṛdho॒ rakṣā॒ māki̭rno a॒ghaśagṃ̭sa īśata || su॒pa॒rṇaṃ-va~̭ste mṛ॒go a̭syā॒ danto॒ gobhi॒-ssanna̭ddhā patati॒ prasṷ̄tā | yatrā॒ nara॒-ssa-ñca॒ vi ca॒ drava̭nti॒ tatrā॒smabhya॒miṣa̭va॒-śśarma̭ yagṃsann || ṛjī̭te॒ pari̭ vṛṅgdhi॒ no-'śmā̭ bhavatu nasta॒nūḥ | somo॒ adhi̭ bravītu॒ no-'di̭ti॒- [no-'di̭tiḥ, śarma̭ yacchatu |] 4.6.30
-śśarma̭ yacchatu || ā ja̭ṅghanti॒ sānvḙṣā-ñja॒ghanā॒gṃ॒ upa̭ jighnate | aśvā̭jani॒ pracḙta॒so-'śvā᳚n-thsa॒mathsṷ codaya || ahi̭riva bho॒gaiḥ paryḙti bā॒hu-ñjyāyā̭ he॒ti-mpa̭ri॒bādha̭mānaḥ | ha॒sta॒ghno viśvā̭ va॒yunā̭ni vi॒dvā-npumā॒-npumāgṃ̭sa॒-mpari̭ pātu vi॒śvataḥ̭ || vana̭spate vī॒ḍva̭ṅgo॒ hi bhū॒yā a॒sma-thsa̭khā pra॒tara̭ṇa-ssu॒vīraḥ̭ | gobhi॒-ssanna̭ddho asi vī॒ḍaya̭svā-''sthā॒tā tḙ jayatu॒ jetvā̭ni || di॒vaḥ pṛ̭thi॒vyāḥ pa- [pari̭, oja॒ u-dbhṛ̭taṃ॒-] 4.6.31
-ryoja॒ u-dbhṛ̭taṃ॒-va~na॒spati̭bhyaḥ॒ paryābhṛ̭ta॒gṃ॒ sahaḥ̭ | a॒pāmo॒jmāna॒-mpari॒ gobhi॒rāvṛ̭ta॒mindra̭sya॒ vajragṃ̭ ha॒viṣā॒ rathaṃ̭-ya~ja || indra̭sya॒ vajro̭ ma॒rutā॒manī̭ka-mmi॒trasya॒ garbho॒ varṷṇasya॒ nābhiḥ̭ | semā-nno̭ ha॒vyadā̭ti-ñjuṣā॒ṇo deva̭ ratha॒ prati̭ ha॒vyā gṛ̭bhāya || upa̭ śvāsaya pṛthi॒vīmu॒ta dyā-mpṷru॒trā tḙ manutāṃ॒-vi~ṣṭhi̭ta॒-ñjaga̭t | sa dṷndubhe sa॒jūrindrḙṇa de॒vairdū॒rā- [de॒vairdū॒rāt, davī̭yo॒] 4.6.32
-ddavī̭yo॒ apa̭sedha॒ śatrūṋ || ā kra̭ndaya॒ bala॒mojo̭ na॒ ā dhā॒ niṣṭa̭nihi duri॒tā bādha̭mānaḥ | apa̭ protha dundubhe du॒cchunāgṃ̭ i॒ta indra̭sya mu॒ṣṭira̭si vī॒ḍaya̭sva || ā-'mūra̭ja pra॒tyāva̭rtaye॒māḥ kḙtu॒ma-ddṷndu॒bhi rvā̭vadīti | samaśva̭parṇā॒ścara̭nti no॒ naro॒-'smāka̭mindra ra॒thino̭ jayantu || 4.6.33 ||
mamā᳚gne॒ varco̭ viha॒veṣva̭stu va॒ya-ntvendhā̭nā sta॒nuva̭-mpuṣema | mahya̭-nnamantā-mpra॒diśa॒ścata̭sra॒ stvayā-'ddhya̭kṣeṇa॒ pṛta̭nā jayema || mama̭ de॒vā vi̭ha॒ve sa̭ntu॒ sarva॒ indrā̭vanto ma॒ruto॒ viṣṇṷra॒gniḥ | mamā॒ntari̭kṣa mu॒ru go॒pama̭stu॒ mahyaṃ॒-vā~taḥ̭ pavatā॒-ṅkāmḙ a॒sminn || mayi̭ de॒vā dravi̭ṇa॒ māya̭jantā॒-mmayyā॒ śīra̭stu॒ mayi̭ de॒vahṷ̄tiḥ | daivyā॒ hotā̭rā vaniṣanta॒ [vaniṣanta, pūrve 'ri̭ṣṭā-ssyāma] 4.7.29
pūrve 'ri̭ṣṭā-ssyāma ta॒nuvā̭ su॒vīrāḥ᳚ || mahyaṃ̭-ya~jantu॒ mama॒ yāni̭ ha॒vyā-''kṷ̄ti-ssa॒tyā mana̭so me astu | eno॒ mānigā᳚-ṅkata॒macca॒nāhaṃ-vi~śvḙ devāso॒ adhi̭voca tā me || devī᳚-ṣṣaḍurvīru॒ruṇaḥ̭ kṛṇota॒ viśvḙ devā sa i॒ha vī̭rayaddhvam | māhā᳚smahi pra॒jayā॒ mā ta॒nūbhi॒rmā ra̭dhāma dviṣa॒te so̭ma rājann || a॒gnirma॒nyu-mpra̭tinu॒da-npu॒rastā॒- [pra̭tinu॒da-npu॒rastā᳚t, ada̭bdho go॒pāḥ] 4.7.30
-dada̭bdho go॒pāḥ pari̭pāhi na॒stvam | pra॒tyañco̭ yantu ni॒gutaḥ॒ puna॒stḙ 'maiṣā᳚-ñci॒tta-mpra॒budhā॒ vinḙśat || dhā॒tā dhā̭tṛ॒ṇā-mbhuva̭nasya॒ yaspati̭ rde॒vagṃ sa̭vi॒tāra̭mabhi māti॒ṣāha᳚m | i॒maṃ-ya~॒jña ma॒śvino॒bhā bṛha॒spati̭ rde॒vāḥ pā᳚ntu॒ yaja̭māna-nnya॒rthāt || u॒ru॒vyacā̭ no mahi॒ṣa-śśarma̭ yagṃ sada॒smin. havḙ puruhū॒taḥ pṷru॒kṣu | sa naḥ̭ pra॒jāyai̭ haryaśva mṛḍa॒yendra॒ mā [mṛḍa॒yendra॒ mā, no॒ rī॒ri॒ṣo॒ mā parā̭ dāḥ |] 4.7.31
no̭ rīriṣo॒ mā parā̭ dāḥ || ye naḥ̭ sa॒patnā॒ apa॒te bha̭vantvindrā॒-gnibhyā॒mava̭ bādhāmahe॒ tān | vasa̭vo ru॒drā ā̭di॒tyā ṷpari॒ spṛśa̭-mmo॒gra-ñcettā̭ramadhi rā॒jama̭krann || a॒rvāñca॒ mindra̭ma॒muto̭ havāmahe॒ yo go॒ji-ddha̭na॒-jida̭śva॒-jidyaḥ | i॒manno̭ ya॒jñaṃ-vi~̭ha॒ve jṷṣasvā॒sya kṷrmo harivo me॒dina̭-ntvā || 4.7.32 ||
a॒gnerma̭nve pratha॒masya॒ pracḙtaso॒ ya-mpāñca̭janya-mba॒havaḥ̭ sami॒ndhate᳚ | viśva̭syāṃ-vi~॒śi pra̭viviśi॒vāgṃ sa̭mīmahe॒ sa no̭ muñca॒tvagṃ ha̭saḥ || yasye॒da-mprā॒ṇanni̭mi॒ṣa-dyadeja̭ti॒ yasya̭ jā॒ta-ñjana̭māna-ñca॒ keva̭lam | staumya॒gni-nnā̭thi॒to jo̭havīmi॒ sa no̭ muñca॒tvagṃ ha̭saḥ || indra̭sya manye pratha॒masya॒ pracḙtaso vṛtra॒ghna-sstomā॒ upa॒ māmu॒pāguḥ̭ | yo dā॒śuṣaḥ̭ su॒kṛto॒ hava॒mupa॒ gantā॒ [gantā᳚, sa no̭ muñca॒tvagṃ ha̭saḥ |] 4.7.33
sa no̭ muñca॒tvagṃ ha̭saḥ || ya-ssa̭ṅgrā॒ma-nnaya̭ti॒ saṃ-va~॒śī yu॒dhe yaḥ pu॒ṣṭāni̭ sagṃsṛ॒jati̭ tra॒yāṇi̭ | staumīndra̭-nnāthi॒to jo̭havīmi॒ sa no̭ muñca॒tvagṃ ha̭saḥ || ma॒nve vā᳚-mmitrā varuṇā॒ tasya̭ vitta॒gṃ॒ satyaṷjasā dṛgṃhaṇā॒ ya-nnu॒dethe᳚ | yā rājā̭nagṃ sa॒rathaṃ̭-yā~॒tha ṷgrā॒ tā no̭ muñcata॒māga̭saḥ || yo vā॒gṃ॒ ratha̭ ṛ॒jura̭śmi-ssa॒tyadha̭rmā॒ mithu॒ ścara̭nta-mupa॒yāti̭ dū॒ṣayanṋ | staumi̭ [ ] 4.7.34
mi॒trāvarṷṇā nāthi॒to jo̭havīmi॒ tau no̭ muñcata॒māga̭saḥ || vā॒yo-ssa̭vi॒tu rvi॒dathā̭ni manmahe॒ yāvā᳚tma॒nva-dbi̭bhṛ॒to yau ca॒ rakṣa̭taḥ | yau viśva̭sya pari॒bhū ba̭bhū॒vatu॒stau no̭ muñcata॒māga̭saḥ || upa॒ śreṣṭhā̭na ā॒śiṣo̭ de॒vayo॒rdharmḙ asthirann | staumi̭ vā॒yugṃ sa̭vi॒tāra̭-nnāthi॒to jo̭havīmi॒ tau no̭ muñcata॒māga̭saḥ || ra॒thīta̭mau rathī॒nāma̭hva ū॒taye॒ śubha॒-ṅgami̭ṣṭhau su॒yamḙbhi॒raśvaiḥ᳚ | yayo᳚- [yayoḥ᳚, vā॒-nde॒vau॒ de॒veṣva-ni̭śita॒-] 4.7.35
-rvā-ndevau de॒veṣva-ni̭śita॒-moja॒stau no̭ muñcata॒māga̭saḥ || yadayā̭taṃ-vaఁ%ha॒tugṃ sū॒ryāyā᳚-strica॒kreṇa̭ sa॒gṃ॒ sada̭mi॒cchamā̭nau | staumi̭ de॒vā va॒śvinaṷ nāthi॒to jo̭havīmi॒ tau no̭ muñcata॒māga̭saḥ || ma॒rutā᳚-mmanve॒ adhi̭no bruvantu॒ premāṃ-vā~caṃ॒-vi~śvā̭ mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || ti॒gmamāyṷdhaṃ-vī~ḍi॒tagṃ saha̭sva-ddi॒vyagṃ śardhaḥ॒ [śardhaḥ̭, pṛta̭nāsu ji॒ṣṇu |] 4.7.36
pṛta̭nāsu ji॒ṣṇu | staumi̭ de॒vā-nma॒ruto̭ nāthi॒to jo̭havīmi॒ te no̭ muñca॒ntvena̭saḥ || de॒vānā᳚-mmanve॒ adhi̭ no bruvantu॒ premāṃ-vā~caṃ॒-vi~śvā̭mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || yadi॒da-mmā̭-'bhi॒śoca̭ti॒ paurṷṣeyeṇa॒ daivyḙna | staumi॒ viśvā᳚-nde॒vā-nnā̭thi॒to jo̭havīmi॒ te no̭ muñca॒ntvena̭saḥ || anṷno॒-'dyānṷmati॒ ra- [anṷno॒-'dyānṷmati॒ ranṷ, ida̭numate॒] 4.7.37
-nvida̭numate॒ tvaṃ ~vai᳚śvāna॒ro na̭ ū॒tyāpṛ॒ṣṭo di॒vi> 4 || ye apra̭thetā॒-mami̭tebhi॒ rojo̭bhi॒ rye pra̭ti॒ṣṭhe abha̭vatāṃ॒-va~sṷ̄nām | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || urvī̭ rodasī॒ vari̭vaḥ kṛṇota॒-ṅkṣetra̭sya patnī॒ adhi̭ no brūyātam | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || ya-ttḙ va॒ya-mpṷruṣa॒trā ya̭vi॒ṣṭhā vi̭dvāgṃsaścakṛ॒mā kacca॒nā- [kacca॒na, āgaḥ̭ |] 4.7.38
-''gaḥ̭ | kṛ॒dhī sva̭smāgṃ adi̭te॒ranā̭gā॒ vyenāgṃ̭si śiśratho॒ viṣva̭gagne || yathā̭ ha॒ ta-dva̭savo gau॒rya̭-ñci-tpa॒diṣi॒tā mamṷñcatā yajatrāḥ | e॒vā tvama॒sma-tpramṷñcā॒ vyagṃhaḥ॒ prātā᳚ryagne prata॒rānna॒ āyuḥ̭ || 4.7.39 ||
Sanskrit — Devanagari (original)
श्री कृष्ण यजुर्वेद संहितान्तर्गतीय स्वस्तिवाचनम्
आ॒शु-श्शिशा॑नो वृष॒भो न यु॒द्ध्मो घ॑नाघ॒नः, क्षोभ॑ण-श्चर्षणी॒नाम् । स॒ङ्क्रन्द॑नो-ऽनिमि॒ष ए॑क वी॒र-श्श॒तग्ं सेना॑ अजय-थ्सा॒कमिन्द्रः॑ ॥ स॒ङ्क्रन्द॑नेना निमि॒षेण॑ जि॒ष्णुना॑ युत्का॒रेण॑ दुश्च्यव॒नेन॑ धृ॒ष्णुना᳚ । तदिन्द्रे॑ण जयत॒ त-थ्स॑हद्ध्वं॒-युँधो॑ नर॒ इषु॑हस्तेन॒ वृष्णा᳚ ॥ स इषु॑हस्तै॒-स्स नि॑ष॒ङ्गिभि॑र्व॒शी सग्ग्स्र॑ष्टा॒ स युध॒ इन्द्रो॑ ग॒णेन॑ । स॒ग्ं॒सृ॒ष्ट॒जि-थ्सो॑म॒पा बा॑हुश॒र्ध्यू᳚र्ध्वध॑न्वा॒ प्रति॑हिताभि॒रस्ता᳚ ॥ बृह॑स्पते॒ परि॑ दीया॒ [परि॑ दीय, रथे॑न] 4.6.16
रथे॑न रक्षो॒हा ऽमित्राग्ं॑ अप॒ बाध॑मानः । प्र॒भ॒ञ्जन्-थ्सेनाः᳚ प्रमृ॒णो यु॒धा जय॑न्न॒स्माक॑-मेद्ध्यवि॒ता रथा॑नाम् ॥ गो॒त्र॒भिद॑-ङ्गो॒विदं॒-वँज्र॑बाहु॒-ञ्जय॑न्त॒मज्म॑ प्रमृ॒णन्त॒-मोज॑सा । इ॒मग्ं स॑जाता॒ अनु॑वीर-यद्ध्व॒मिन्द्रग्ं॑ सखा॒यो-ऽनु॒ सग्ं र॑भद्ध्वम् ॥ ब॒ल॒वि॒ज्ञा॒यः-स्थवि॑रः॒ प्रवी॑र॒-स्सह॑स्वान्. वा॒जी सह॑मान उ॒ग्रः । अ॒भिवी॑रो अ॒भिस॑त्वा सहो॒जा जैत्र॑मिन्द्र॒ रथ॒माति॑ष्ठ गो॒वित् ॥ अ॒भि गो॒त्राणि॒ सह॑सा॒ गाह॑मानो-ऽदा॒यो [गाह॑मानो-ऽदा॒यः, वी॒र-श्श॒तम॑न्यु॒रिन्द्रः॑ ।] 4.6.17
वी॒र-श्श॒तम॑न्यु॒रिन्द्रः॑ । दु॒श्च्य॒व॒नः पृ॑तना॒षाड॑ यु॒द्ध्यो᳚-स्माक॒ग्ं॒ सेना॑ अवतु॒ प्र यु॒थ्सु ॥ इन्द्र॑ आसां-ने॒ता बृह॒स्पति॒ र्दक्षि॑णा य॒ज्ञः पु॒र ए॑तु॒ सोमः॑ । दे॒व॒से॒नाना॑-मभिभञ्जती॒ना-ञ्जय॑न्तीना-म्म॒रुतो॑ य॒न्त्वग्रे᳚ ॥ इन्द्र॑स्य॒ वृष्णो॒ वरु॑णस्य॒ राज्ञ॑ आदि॒त्याना᳚-म्म॒रुता॒ग्ं॒ शर्ध॑ उ॒ग्रम् । म॒हाम॑नसा-म्भुवनच्य॒वाना॒-ङ्घोषो॑ दे॒वाना॒-ञ्जय॑ता॒ मुद॑स्थात् ॥ अ॒स्माक॒-मिन्द्र॒-स्समृ॑तेषु ध्व॒जेष्व॒स्माकं॒-याँ इष॑व॒स्ता ज॑यन्तु । 4.6.18
अ॒स्माकं॑-वीँ॒रा उत्त॑रे भवन्त्व॒स्मानु॑ देवा अवता॒ हवे॑षु ॥ उद्ध॑र्षय मघव॒न्ना-यु॑धा॒-न्युथ्सत्व॑ना-म्माम॒काना॒-म्महाग्ं॑सि । उद्वृ॑त्रहन् वा॒जिनां॒-वाँजि॑ना॒न्यु-द्रथा॑ना॒-ञ्जय॑तामेतु॒ घोषः॑ ॥ उप॒ प्रेत॒ जय॑ता नरस्स्थि॒रा वः॑ सन्तु बा॒हवः॑ । इन्द्रो॑ व॒-श्शर्म॑ यच्छ त्वना-धृ॒ष्या यथास॑थ ॥ अव॑सृष्टा॒ परा॑ पत॒ शर॑व्ये॒ ब्रह्म॑ सग्ंशिता । गच्छा॒-ऽमित्रा॒-न्प्र- [गच्छा॒-ऽमित्रा॒-न्प्र, वि॒श॒ मैषा॒-] 4.6.19
-वि॑श॒ मैषा॒-ङ्कञ्च॒नोच्छि॑षः ॥ मर्मा॑णि ते॒ वर्म॑भिश्छादयामि॒ सोम॑स्त्वा॒ राजा॒ ऽमृते॑ना॒भि-व॑स्ताम् । उ॒रोर्वरी॑यो॒ वरि॑वस्ते अस्तु॒ जय॑न्त॒-न्त्वामनु॑ मदन्तु दे॒वाः ॥ यत्र॑ बा॒णा-स्स॒म्पत॑न्ति कुमा॒रा वि॑शि॒खा इ॑व । इन्द्रो॑ न॒स्तत्र॑ वृत्र॒हा वि॑श्वा॒हा शर्म॑ यच्छतु ॥ 4.6.20 ॥
जी॒मूत॑स्येव भवति॒ प्रती॑कं॒-यँद्व॒र्मी याति॑ स॒मदा॑मु॒पस्थे᳚ । अना॑विद्धया त॒नुवा॑ जय॒ त्वग्ं स त्वा॒ वर्म॑णो महि॒मा पि॑पर्तु ॥ धन्व॑ना॒ गा धन्व॑ना॒-ऽऽजि-ञ्ज॑येम॒ धन्व॑ना ती॒व्रा-स्स॒मदो॑ जयेम । धनु॒-श्शत्रो॑रपका॒म-ङ्कृ॑णोति॒ धन्व॑ना॒ सर्वाः᳚ प्र॒दिशो॑ जयेम ॥ व॒क्ष्यन्ती॒वेदा ग॑नीगन्ति॒ कर्ण॑-म्प्रि॒यग्ं सखा॑य-म्परिषस्वजा॒ना । योषे॑व शिङ्क्ते॒ वित॒ता-ऽधि॒ धन्व॒- [धन्वन्न्॑, ज्या इ॒यग्ं] 4.6.27
-ञ्ज्या इ॒यग्ं सम॑ने पा॒रय॑न्ती ॥ ते आ॒चर॑न्ती॒ सम॑नेव॒ योषा॑ मा॒तेव॑ पु॒त्र-म्बि॑भृतामु॒पस्थे᳚ । अप॒ शत्रून्॑ विद्ध्यताग्ं संविँदा॒ने आर्त्नी॑ इ॒मे वि॑ष्फु॒रन्ती॑ अ॒मित्रान्॑ ॥ ब॒ह्वी॒ना-म्पि॒ता ब॒हुर॑स्य पु॒त्रश्चि॒श्चा कृ॑णोति॒ सम॑ना-ऽव॒गत्य॑ । इ॒षु॒धि-स्सङ्काः॒ पृत॑नाश्च॒ सर्वाः᳚ पृ॒ष्ठे निन॑द्धो जयति॒ प्रसू॑तः ॥ रथे॒ तिष्ठ॑-न्नयति वा॒जिनः॑ पु॒रो यत्र॑यत्र का॒मय॑ते सुषार॒थिः । अ॒भीशू॑ना-म्महि॒मान॑- [महि॒मान᳚म्, प॒ना॒य॒त॒ मनः॑] 4.6.28
-म्पनायत॒ मनः॑ प॒श्चादनु॑ यच्छन्ति र॒श्मयः॑ ॥ ती॒व्रा-न्घोषा᳚न् कृण्वते॒ वृष॑पाण॒यो-ऽश्वा॒ रथे॑भि-स्स॒ह वा॒जय॑न्तः । अ॒व॒क्राम॑न्तः॒ प्रप॑दैर॒मित्रा᳚न् क्षि॒णन्ति॒ शत्रू॒ग्ं॒रन॑पव्ययन्तः ॥ र॒थ॒वाह॑नग्ं ह॒विर॑स्य॒ नाम॒ यत्रा-ऽऽयु॑ध॒-न्निहि॑तमस्य॒ वर्म॑ । तत्रा॒ रथ॒मुप॑ श॒ग्मग्ं स॑देम वि॒श्वाहा॑ व॒यग्ं सु॑मन॒स्यमा॑नाः ॥ स्वा॒दु॒ष॒ग्ं॒ सदः॑ पि॒तरो॑ वयो॒धाः कृ॑च्छ्रे॒श्रित॒-श्शक्ती॑वन्तो गभी॒राः । चि॒त्रसे॑ना॒ इषु॑बला॒ अमृ॑द्ध्रा-स्स॒तोवी॑रा उ॒रवो᳚ व्रातसा॒हाः ॥ ब्राह्म॑णासः॒ [ब्राह्म॑णासः, पित॑र॒-] 4.6.29
पित॑र॒-स्सोम्या॑स-श्शि॒वे नो॒ द्यावा॑पृथि॒वी अ॑ने॒हसा᳚ । पू॒षा नः॑ पातु दुरि॒तादृ॑तावृधो॒ रक्षा॒ माकि॑र्नो अ॒घशग्ं॑स ईशत ॥ सु॒प॒र्णं-वँ॑स्ते मृ॒गो अ॑स्या॒ दन्तो॒ गोभि॒-स्सन्न॑द्धा पतति॒ प्रसू॑ता । यत्रा॒ नर॒-स्स-ञ्च॒ वि च॒ द्रव॑न्ति॒ तत्रा॒स्मभ्य॒मिष॑व॒-श्शर्म॑ यग्ंसन्न् ॥ ऋजी॑ते॒ परि॑ वृङ्ग्धि॒ नो-ऽश्मा॑ भवतु नस्त॒नूः । सोमो॒ अधि॑ ब्रवीतु॒ नो-ऽदि॑ति॒- [नो-ऽदि॑तिः, शर्म॑ यच्छतु ।] 4.6.30
-श्शर्म॑ यच्छतु ॥ आ ज॑ङ्घन्ति॒ सान्वे॑षा-ञ्ज॒घना॒ग्ं॒ उप॑ जिघ्नते । अश्वा॑जनि॒ प्रचे॑त॒सो-ऽश्वा᳚न्-थ्स॒मथ्सु॑ चोदय ॥ अहि॑रिव भो॒गैः पर्ये॑ति बा॒हु-ञ्ज्याया॑ हे॒ति-म्प॑रि॒बाध॑मानः । ह॒स्त॒घ्नो विश्वा॑ व॒युना॑नि वि॒द्वा-न्पुमा॒-न्पुमाग्ं॑स॒-म्परि॑ पातु वि॒श्वतः॑ ॥ वन॑स्पते वी॒ड्व॑ङ्गो॒ हि भू॒या अ॒स्म-थ्स॑खा प्र॒तर॑ण-स्सु॒वीरः॑ । गोभि॒-स्सन्न॑द्धो असि वी॒डय॑स्वा-ऽऽस्था॒ता ते॑ जयतु॒ जेत्वा॑नि ॥ दि॒वः पृ॑थि॒व्याः प- [परि॑, ओज॒ उ-द्भृ॑तं॒-] 4.6.31
-र्योज॒ उ-द्भृ॑तं॒-वँन॒स्पति॑भ्यः॒ पर्याभृ॑त॒ग्ं॒ सहः॑ । अ॒पामो॒ज्मान॒-म्परि॒ गोभि॒रावृ॑त॒मिन्द्र॑स्य॒ वज्रग्ं॑ ह॒विषा॒ रथं॑-यँज ॥ इन्द्र॑स्य॒ वज्रो॑ म॒रुता॒मनी॑क-म्मि॒त्रस्य॒ गर्भो॒ वरु॑णस्य॒ नाभिः॑ । सेमा-न्नो॑ ह॒व्यदा॑ति-ञ्जुषा॒णो देव॑ रथ॒ प्रति॑ ह॒व्या गृ॑भाय ॥ उप॑ श्वासय पृथि॒वीमु॒त द्या-म्पु॑रु॒त्रा ते॑ मनुतां॒-विँष्ठि॑त॒-ञ्जग॑त् । स दु॑न्दुभे स॒जूरिन्द्रे॑ण दे॒वैर्दू॒रा- [दे॒वैर्दू॒रात्, दवी॑यो॒] 4.6.32
-द्दवी॑यो॒ अप॑सेध॒ शत्रून्॑ ॥ आ क्र॑न्दय॒ बल॒मोजो॑ न॒ आ धा॒ निष्ट॑निहि दुरि॒ता बाध॑मानः । अप॑ प्रोथ दुन्दुभे दु॒च्छुनाग्ं॑ इ॒त इन्द्र॑स्य मु॒ष्टिर॑सि वी॒डय॑स्व ॥ आ-ऽमूर॑ज प्र॒त्याव॑र्तये॒माः के॑तु॒म-द्दु॑न्दु॒भि र्वा॑वदीति । समश्व॑पर्णा॒श्चर॑न्ति नो॒ नरो॒-ऽस्माक॑मिन्द्र र॒थिनो॑ जयन्तु ॥ 4.6.33 ॥
ममा᳚ग्ने॒ वर्चो॑ विह॒वेष्व॑स्तु व॒य-न्त्वेन्धा॑ना स्त॒नुव॑-म्पुषेम । मह्य॑-न्नमन्ता-म्प्र॒दिश॒श्चत॑स्र॒ स्त्वया-ऽद्ध्य॑क्षेण॒ पृत॑ना जयेम ॥ मम॑ दे॒वा वि॑ह॒वे स॑न्तु॒ सर्व॒ इन्द्रा॑वन्तो म॒रुतो॒ विष्णु॑र॒ग्निः । ममा॒न्तरि॑क्ष मु॒रु गो॒पम॑स्तु॒ मह्यं॒-वाँतः॑ पवता॒-ङ्कामे॑ अ॒स्मिन्न् ॥ मयि॑ दे॒वा द्रवि॑ण॒ माय॑जन्ता॒-म्मय्या॒ शीर॑स्तु॒ मयि॑ दे॒वहू॑तिः । दैव्या॒ होता॑रा वनिषन्त॒ [वनिषन्त, पूर्वे ऽरि॑ष्टा-स्स्याम] 4.7.29
पूर्वे ऽरि॑ष्टा-स्स्याम त॒नुवा॑ सु॒वीराः᳚ ॥ मह्यं॑-यँजन्तु॒ मम॒ यानि॑ ह॒व्या-ऽऽकू॑ति-स्स॒त्या मन॑सो मे अस्तु । एनो॒ मानिगा᳚-ङ्कत॒मच्च॒नाहं-विँश्वे॑ देवासो॒ अधि॑वोच ता मे ॥ देवी᳚-ष्षडुर्वीरु॒रुणः॑ कृणोत॒ विश्वे॑ देवा स इ॒ह वी॑रयद्ध्वम् । माहा᳚स्महि प्र॒जया॒ मा त॒नूभि॒र्मा र॑धाम द्विष॒ते सो॑म राजन्न् ॥ अ॒ग्निर्म॒न्यु-म्प्र॑तिनु॒द-न्पु॒रस्ता॒- [प्र॑तिनु॒द-न्पु॒रस्ता᳚त्, अद॑ब्धो गो॒पाः] 4.7.30
-दद॑ब्धो गो॒पाः परि॑पाहि न॒स्त्वम् । प्र॒त्यञ्चो॑ यन्तु नि॒गुतः॒ पुन॒स्ते॑ ऽमैषा᳚-ञ्चि॒त्त-म्प्र॒बुधा॒ विने॑शत् ॥ धा॒ता धा॑तृ॒णा-म्भुव॑नस्य॒ यस्पति॑ र्दे॒वग्ं स॑वि॒तार॑मभि माति॒षाह᳚म् । इ॒मं-यँ॒ज्ञ म॒श्विनो॒भा बृह॒स्पति॑ र्दे॒वाः पा᳚न्तु॒ यज॑मान-न्न्य॒र्थात् ॥ उ॒रु॒व्यचा॑ नो महि॒ष-श्शर्म॑ यग्ं सद॒स्मिन्. हवे॑ पुरुहू॒तः पु॑रु॒क्षु । स नः॑ प्र॒जायै॑ हर्यश्व मृड॒येन्द्र॒ मा [मृड॒येन्द्र॒ मा, नो॒ री॒रि॒षो॒ मा परा॑ दाः ।] 4.7.31
नो॑ रीरिषो॒ मा परा॑ दाः ॥ ये नः॑ स॒पत्ना॒ अप॒ते भ॑वन्त्विन्द्रा॒-ग्निभ्या॒मव॑ बाधामहे॒ तान् । वस॑वो रु॒द्रा आ॑दि॒त्या उ॑परि॒ स्पृश॑-म्मो॒ग्र-ञ्चेत्ता॑रमधि रा॒जम॑क्रन्न् ॥ अ॒र्वाञ्च॒ मिन्द्र॑म॒मुतो॑ हवामहे॒ यो गो॒जि-द्ध॑न॒-जिद॑श्व॒-जिद्यः । इ॒मन्नो॑ य॒ज्ञं-विँ॑ह॒वे जु॑षस्वा॒स्य कु॑र्मो हरिवो मे॒दिन॑-न्त्वा ॥ 4.7.32 ॥
अ॒ग्नेर्म॑न्वे प्रथ॒मस्य॒ प्रचे॑तसो॒ य-म्पाञ्च॑जन्य-म्ब॒हवः॑ समि॒न्धते᳚ । विश्व॑स्यां-विँ॒शि प्र॑विविशि॒वाग्ं स॑मीमहे॒ स नो॑ मुञ्च॒त्वग्ं ह॑सः ॥ यस्ये॒द-म्प्रा॒णन्नि॑मि॒ष-द्यदेज॑ति॒ यस्य॑ जा॒त-ञ्जन॑मान-ञ्च॒ केव॑लम् । स्तौम्य॒ग्नि-न्ना॑थि॒तो जो॑हवीमि॒ स नो॑ मुञ्च॒त्वग्ं ह॑सः ॥ इन्द्र॑स्य मन्ये प्रथ॒मस्य॒ प्रचे॑तसो वृत्र॒घ्न-स्स्तोमा॒ उप॒ मामु॒पागुः॑ । यो दा॒शुषः॑ सु॒कृतो॒ हव॒मुप॒ गन्ता॒ [गन्ता᳚, स नो॑ मुञ्च॒त्वग्ं ह॑सः ।] 4.7.33
स नो॑ मुञ्च॒त्वग्ं ह॑सः ॥ य-स्स॑ङ्ग्रा॒म-न्नय॑ति॒ सं-वँ॒शी यु॒धे यः पु॒ष्टानि॑ सग्ंसृ॒जति॑ त्र॒याणि॑ । स्तौमीन्द्र॑-न्नाथि॒तो जो॑हवीमि॒ स नो॑ मुञ्च॒त्वग्ं ह॑सः ॥ म॒न्वे वा᳚-म्मित्रा वरुणा॒ तस्य॑ वित्त॒ग्ं॒ सत्यौ॑जसा दृग्ंहणा॒ य-न्नु॒देथे᳚ । या राजा॑नग्ं स॒रथं॑-याँ॒थ उ॑ग्रा॒ ता नो॑ मुञ्चत॒माग॑सः ॥ यो वा॒ग्ं॒ रथ॑ ऋ॒जुर॑श्मि-स्स॒त्यध॑र्मा॒ मिथु॒ श्चर॑न्त-मुप॒याति॑ दू॒षयन्न्॑ । स्तौमि॑ [ ] 4.7.34
मि॒त्रावरु॑णा नाथि॒तो जो॑हवीमि॒ तौ नो॑ मुञ्चत॒माग॑सः ॥ वा॒यो-स्स॑वि॒तु र्वि॒दथा॑नि मन्महे॒ यावा᳚त्म॒न्व-द्बि॑भृ॒तो यौ च॒ रक्ष॑तः । यौ विश्व॑स्य परि॒भू ब॑भू॒वतु॒स्तौ नो॑ मुञ्चत॒माग॑सः ॥ उप॒ श्रेष्ठा॑न आ॒शिषो॑ दे॒वयो॒र्धर्मे॑ अस्थिरन्न् । स्तौमि॑ वा॒युग्ं स॑वि॒तार॑-न्नाथि॒तो जो॑हवीमि॒ तौ नो॑ मुञ्चत॒माग॑सः ॥ र॒थीत॑मौ रथी॒नाम॑ह्व ऊ॒तये॒ शुभ॒-ङ्गमि॑ष्ठौ सु॒यमे॑भि॒रश्वैः᳚ । ययो᳚- [ययोः᳚, वा॒-न्दे॒वौ॒ दे॒वेष्व-नि॑शित॒-] 4.7.35
-र्वा-न्देवौ दे॒वेष्व-नि॑शित॒-मोज॒स्तौ नो॑ मुञ्चत॒माग॑सः ॥ यदया॑तं-वఁ%ह॒तुग्ं सू॒र्याया᳚-स्त्रिच॒क्रेण॑ स॒ग्ं॒ सद॑मि॒च्छमा॑नौ । स्तौमि॑ दे॒वा व॒श्विनौ॑ नाथि॒तो जो॑हवीमि॒ तौ नो॑ मुञ्चत॒माग॑सः ॥ म॒रुता᳚-म्मन्वे॒ अधि॑नो ब्रुवन्तु॒ प्रेमां-वाँचं॒-विँश्वा॑ मवन्तु॒ विश्वे᳚ । आ॒शून्. हु॑वे सु॒यमा॑नू॒तये॒ ते नो॑ मुञ्च॒न्त्वेन॑सः ॥ ति॒ग्ममायु॑धं-वीँडि॒तग्ं सह॑स्व-द्दि॒व्यग्ं शर्धः॒ [शर्धः॑, पृत॑नासु जि॒ष्णु ।] 4.7.36
पृत॑नासु जि॒ष्णु । स्तौमि॑ दे॒वा-न्म॒रुतो॑ नाथि॒तो जो॑हवीमि॒ ते नो॑ मुञ्च॒न्त्वेन॑सः ॥ दे॒वाना᳚-म्मन्वे॒ अधि॑ नो ब्रुवन्तु॒ प्रेमां-वाँचं॒-विँश्वा॑मवन्तु॒ विश्वे᳚ । आ॒शून्. हु॑वे सु॒यमा॑नू॒तये॒ ते नो॑ मुञ्च॒न्त्वेन॑सः ॥ यदि॒द-म्मा॑-ऽभि॒शोच॑ति॒ पौरु॑षेयेण॒ दैव्ये॑न । स्तौमि॒ विश्वा᳚-न्दे॒वा-न्ना॑थि॒तो जो॑हवीमि॒ ते नो॑ मुञ्च॒न्त्वेन॑सः ॥ अनु॑नो॒-ऽद्यानु॑मति॒ र- [अनु॑नो॒-ऽद्यानु॑मति॒ रनु॑, इद॑नुमते॒] 4.7.37
-न्विद॑नुमते॒ त्वं ँवै᳚श्वान॒रो न॑ ऊ॒त्यापृ॒ष्टो दि॒वि> 4 ॥ ये अप्र॑थेता॒-ममि॑तेभि॒ रोजो॑भि॒ र्ये प्र॑ति॒ष्ठे अभ॑वतां॒-वँसू॑नाम् । स्तौमि॒ द्यावा॑ पृथि॒वी ना॑थि॒तो जो॑हवीमि॒ ते नो॑ मुञ्चत॒मग्ं ह॑सः ॥ उर्वी॑ रोदसी॒ वरि॑वः कृणोत॒-ङ्क्षेत्र॑स्य पत्नी॒ अधि॑ नो ब्रूयातम् । स्तौमि॒ द्यावा॑ पृथि॒वी ना॑थि॒तो जो॑हवीमि॒ ते नो॑ मुञ्चत॒मग्ं ह॑सः ॥ य-त्ते॑ व॒य-म्पु॑रुष॒त्रा य॑वि॒ष्ठा वि॑द्वाग्ंसश्चकृ॒मा कच्च॒ना- [कच्च॒न, आगः॑ ।] 4.7.38
-ऽऽगः॑ । कृ॒धी स्व॑स्माग्ं अदि॑ते॒रना॑गा॒ व्येनाग्ं॑सि शिश्रथो॒ विष्व॑गग्ने ॥ यथा॑ ह॒ त-द्व॑सवो गौ॒र्य॑-ञ्चि-त्प॒दिषि॒ता ममु॑ञ्चता यजत्राः । ए॒वा त्वम॒स्म-त्प्रमु॑ञ्चा॒ व्यग्ंहः॒ प्राता᳚र्यग्ने प्रत॒रान्न॒ आयुः॑ ॥ 4.7.39 ॥
śrī kṛṣṇa yajurveda saṃhitāntargatīya svastivācanam
ā॒śu-śśiśā̭no vṛṣa॒bho na yu॒ddhmo gha̭nāgha॒naḥ, kṣobha̭ṇa-ścarṣaṇī॒nām | sa॒ṅkranda̭no-'nimi॒ṣa ḙka vī॒ra-śśa॒tagṃ senā̭ ajaya-thsā॒kamindraḥ̭ || sa॒ṅkranda̭nenā nimi॒ṣeṇa̭ ji॒ṣṇunā̭ yutkā॒reṇa̭ duścyava॒nena̭ dhṛ॒ṣṇunā᳚ | tadindrḙṇa jayata॒ ta-thsa̭haddhvaṃ॒-yu~dho̭ nara॒ iṣṷhastena॒ vṛṣṇā᳚ || sa iṣṷhastai॒-ssa ni̭ṣa॒ṅgibhi̭rva॒śī saggsra̭ṣṭā॒ sa yudha॒ indro̭ ga॒ṇena̭ | sa॒gṃ॒sṛ॒ṣṭa॒ji-thso̭ma॒pā bā̭huśa॒rdhyū᳚rdhvadha̭nvā॒ prati̭hitābhi॒rastā᳚ || bṛha̭spate॒ pari̭ dīyā॒ [pari̭ dīya, rathḙna] 4.6.16
rathḙna rakṣo॒hā 'mitrāgṃ̭ apa॒ bādha̭mānaḥ | pra॒bha॒ñjan-thsenāḥ᳚ pramṛ॒ṇo yu॒dhā jaya̭nna॒smāka̭-meddhyavi॒tā rathā̭nām || go॒tra॒bhida̭-ṅgo॒vidaṃ॒-va~jra̭bāhu॒-ñjaya̭nta॒majma̭ pramṛ॒ṇanta॒-moja̭sā | i॒magṃ sa̭jātā॒ anṷvīra-yaddhva॒mindragṃ̭ sakhā॒yo-'nu॒ sagṃ ra̭bhaddhvam || ba॒la॒vi॒jñā॒yaḥ-sthavi̭raḥ॒ pravī̭ra॒-ssaha̭svān. vā॒jī saha̭māna u॒graḥ | a॒bhivī̭ro a॒bhisa̭tvā saho॒jā jaitra̭mindra॒ ratha॒māti̭ṣṭha go॒vit || a॒bhi go॒trāṇi॒ saha̭sā॒ gāha̭māno-'dā॒yo [gāha̭māno-'dā॒yaḥ, vī॒ra-śśa॒tama̭nyu॒rindraḥ̭ |] 4.6.17
vī॒ra-śśa॒tama̭nyu॒rindraḥ̭ | du॒ścya॒va॒naḥ pṛ̭tanā॒ṣāḍa̭ yu॒ddhyo᳚-smāka॒gṃ॒ senā̭ avatu॒ pra yu॒thsu || indra̭ āsāṃ-ne॒tā bṛha॒spati॒ rdakṣi̭ṇā ya॒jñaḥ pu॒ra ḙtu॒ somaḥ̭ | de॒va॒se॒nānā̭-mabhibhañjatī॒nā-ñjaya̭ntīnā-mma॒ruto̭ ya॒ntvagre᳚ || indra̭sya॒ vṛṣṇo॒ varṷṇasya॒ rājña̭ ādi॒tyānā᳚-mma॒rutā॒gṃ॒ śardha̭ u॒gram | ma॒hāma̭nasā-mbhuvanacya॒vānā॒-ṅghoṣo̭ de॒vānā॒-ñjaya̭tā॒ muda̭sthāt || a॒smāka॒-mindra॒-ssamṛ̭teṣu dhva॒jeṣva॒smākaṃ॒-yā~ iṣa̭va॒stā ja̭yantu | 4.6.18
a॒smākaṃ̭-vī~॒rā utta̭re bhavantva॒smānṷ devā avatā॒ havḙṣu || uddha̭rṣaya maghava॒nnā-yṷdhā॒-nyuthsatva̭nā-mmāma॒kānā॒-mmahāgṃ̭si | udvṛ̭trahan vā॒jināṃ॒-vā~ji̭nā॒nyu-drathā̭nā॒-ñjaya̭tāmetu॒ ghoṣaḥ̭ || upa॒ preta॒ jaya̭tā narassthi॒rā vaḥ̭ santu bā॒havaḥ̭ | indro̭ va॒-śśarma̭ yaccha tvanā-dhṛ॒ṣyā yathāsa̭tha || ava̭sṛṣṭā॒ parā̭ pata॒ śara̭vye॒ brahma̭ sagṃśitā | gacchā॒-'mitrā॒-npra- [gacchā॒-'mitrā॒-npra, vi॒śa॒ maiṣā॒-] 4.6.19
-vi̭śa॒ maiṣā॒-ṅkañca॒nocchi̭ṣaḥ || marmā̭ṇi te॒ varma̭bhiśchādayāmi॒ soma̭stvā॒ rājā॒ 'mṛtḙnā॒bhi-va̭stām | u॒rorvarī̭yo॒ vari̭vaste astu॒ jaya̭nta॒-ntvāmanṷ madantu de॒vāḥ || yatra̭ bā॒ṇā-ssa॒mpata̭nti kumā॒rā vi̭śi॒khā i̭va | indro̭ na॒statra̭ vṛtra॒hā vi̭śvā॒hā śarma̭ yacchatu || 4.6.20 ||
jī॒mūta̭syeva bhavati॒ pratī̭kaṃ॒-ya~dva॒rmī yāti̭ sa॒madā̭mu॒pasthe᳚ | anā̭viddhayā ta॒nuvā̭ jaya॒ tvagṃ sa tvā॒ varma̭ṇo mahi॒mā pi̭partu || dhanva̭nā॒ gā dhanva̭nā॒-''ji-ñja̭yema॒ dhanva̭nā tī॒vrā-ssa॒mado̭ jayema | dhanu॒-śśatro̭rapakā॒ma-ṅkṛ̭ṇoti॒ dhanva̭nā॒ sarvāḥ᳚ pra॒diśo̭ jayema || va॒kṣyantī॒vedā ga̭nīganti॒ karṇa̭-mpri॒yagṃ sakhā̭ya-mpariṣasvajā॒nā | yoṣḙva śiṅkte॒ vita॒tā-'dhi॒ dhanva॒- [dhanvanṋ, jyā i॒yagṃ] 4.6.27
-ñjyā i॒yagṃ sama̭ne pā॒raya̭ntī || te ā॒cara̭ntī॒ sama̭neva॒ yoṣā̭ mā॒teva̭ pu॒tra-mbi̭bhṛtāmu॒pasthe᳚ | apa॒ śatrūṋ viddhyatāgṃ saṃvi~dā॒ne ārtnī̭ i॒me vi̭ṣphu॒rantī̭ a॒mitrāṋ || ba॒hvī॒nā-mpi॒tā ba॒hura̭sya pu॒traści॒ścā kṛ̭ṇoti॒ sama̭nā-'va॒gatya̭ | i॒ṣu॒dhi-ssaṅkāḥ॒ pṛta̭nāśca॒ sarvāḥ᳚ pṛ॒ṣṭhe nina̭ddho jayati॒ prasṷ̄taḥ || rathe॒ tiṣṭha̭-nnayati vā॒jinaḥ̭ pu॒ro yatra̭yatra kā॒maya̭te suṣāra॒thiḥ | a॒bhīśṷ̄nā-mmahi॒māna̭- [mahi॒māna᳚m, pa॒nā॒ya॒ta॒ manaḥ̭] 4.6.28
-mpanāyata॒ manaḥ̭ pa॒ścādanṷ yacchanti ra॒śmayaḥ̭ || tī॒vrā-nghoṣā᳚n kṛṇvate॒ vṛṣa̭pāṇa॒yo-'śvā॒ rathḙbhi-ssa॒ha vā॒jaya̭ntaḥ | a॒va॒krāma̭ntaḥ॒ prapa̭daira॒mitrā᳚n kṣi॒ṇanti॒ śatrū॒gṃ॒rana̭pavyayantaḥ || ra॒tha॒vāha̭nagṃ ha॒vira̭sya॒ nāma॒ yatrā-''yṷdha॒-nnihi̭tamasya॒ varma̭ | tatrā॒ ratha॒mupa̭ śa॒gmagṃ sa̭dema vi॒śvāhā̭ va॒yagṃ sṷmana॒syamā̭nāḥ || svā॒du॒ṣa॒gṃ॒ sadaḥ̭ pi॒taro̭ vayo॒dhāḥ kṛ̭cchre॒śrita॒-śśaktī̭vanto gabhī॒rāḥ | ci॒trasḙnā॒ iṣṷbalā॒ amṛ̭ddhrā-ssa॒tovī̭rā u॒ravo᳚ vrātasā॒hāḥ || brāhma̭ṇāsaḥ॒ [brāhma̭ṇāsaḥ, pita̭ra॒-] 4.6.29
pita̭ra॒-ssomyā̭sa-śśi॒ve no॒ dyāvā̭pṛthi॒vī a̭ne॒hasā᳚ | pū॒ṣā naḥ̭ pātu duri॒tādṛ̭tāvṛdho॒ rakṣā॒ māki̭rno a॒ghaśagṃ̭sa īśata || su॒pa॒rṇaṃ-va~̭ste mṛ॒go a̭syā॒ danto॒ gobhi॒-ssanna̭ddhā patati॒ prasṷ̄tā | yatrā॒ nara॒-ssa-ñca॒ vi ca॒ drava̭nti॒ tatrā॒smabhya॒miṣa̭va॒-śśarma̭ yagṃsann || ṛjī̭te॒ pari̭ vṛṅgdhi॒ no-'śmā̭ bhavatu nasta॒nūḥ | somo॒ adhi̭ bravītu॒ no-'di̭ti॒- [no-'di̭tiḥ, śarma̭ yacchatu |] 4.6.30
-śśarma̭ yacchatu || ā ja̭ṅghanti॒ sānvḙṣā-ñja॒ghanā॒gṃ॒ upa̭ jighnate | aśvā̭jani॒ pracḙta॒so-'śvā᳚n-thsa॒mathsṷ codaya || ahi̭riva bho॒gaiḥ paryḙti bā॒hu-ñjyāyā̭ he॒ti-mpa̭ri॒bādha̭mānaḥ | ha॒sta॒ghno viśvā̭ va॒yunā̭ni vi॒dvā-npumā॒-npumāgṃ̭sa॒-mpari̭ pātu vi॒śvataḥ̭ || vana̭spate vī॒ḍva̭ṅgo॒ hi bhū॒yā a॒sma-thsa̭khā pra॒tara̭ṇa-ssu॒vīraḥ̭ | gobhi॒-ssanna̭ddho asi vī॒ḍaya̭svā-''sthā॒tā tḙ jayatu॒ jetvā̭ni || di॒vaḥ pṛ̭thi॒vyāḥ pa- [pari̭, oja॒ u-dbhṛ̭taṃ॒-] 4.6.31
-ryoja॒ u-dbhṛ̭taṃ॒-va~na॒spati̭bhyaḥ॒ paryābhṛ̭ta॒gṃ॒ sahaḥ̭ | a॒pāmo॒jmāna॒-mpari॒ gobhi॒rāvṛ̭ta॒mindra̭sya॒ vajragṃ̭ ha॒viṣā॒ rathaṃ̭-ya~ja || indra̭sya॒ vajro̭ ma॒rutā॒manī̭ka-mmi॒trasya॒ garbho॒ varṷṇasya॒ nābhiḥ̭ | semā-nno̭ ha॒vyadā̭ti-ñjuṣā॒ṇo deva̭ ratha॒ prati̭ ha॒vyā gṛ̭bhāya || upa̭ śvāsaya pṛthi॒vīmu॒ta dyā-mpṷru॒trā tḙ manutāṃ॒-vi~ṣṭhi̭ta॒-ñjaga̭t | sa dṷndubhe sa॒jūrindrḙṇa de॒vairdū॒rā- [de॒vairdū॒rāt, davī̭yo॒] 4.6.32
-ddavī̭yo॒ apa̭sedha॒ śatrūṋ || ā kra̭ndaya॒ bala॒mojo̭ na॒ ā dhā॒ niṣṭa̭nihi duri॒tā bādha̭mānaḥ | apa̭ protha dundubhe du॒cchunāgṃ̭ i॒ta indra̭sya mu॒ṣṭira̭si vī॒ḍaya̭sva || ā-'mūra̭ja pra॒tyāva̭rtaye॒māḥ kḙtu॒ma-ddṷndu॒bhi rvā̭vadīti | samaśva̭parṇā॒ścara̭nti no॒ naro॒-'smāka̭mindra ra॒thino̭ jayantu || 4.6.33 ||
mamā᳚gne॒ varco̭ viha॒veṣva̭stu va॒ya-ntvendhā̭nā sta॒nuva̭-mpuṣema | mahya̭-nnamantā-mpra॒diśa॒ścata̭sra॒ stvayā-'ddhya̭kṣeṇa॒ pṛta̭nā jayema || mama̭ de॒vā vi̭ha॒ve sa̭ntu॒ sarva॒ indrā̭vanto ma॒ruto॒ viṣṇṷra॒gniḥ | mamā॒ntari̭kṣa mu॒ru go॒pama̭stu॒ mahyaṃ॒-vā~taḥ̭ pavatā॒-ṅkāmḙ a॒sminn || mayi̭ de॒vā dravi̭ṇa॒ māya̭jantā॒-mmayyā॒ śīra̭stu॒ mayi̭ de॒vahṷ̄tiḥ | daivyā॒ hotā̭rā vaniṣanta॒ [vaniṣanta, pūrve 'ri̭ṣṭā-ssyāma] 4.7.29
pūrve 'ri̭ṣṭā-ssyāma ta॒nuvā̭ su॒vīrāḥ᳚ || mahyaṃ̭-ya~jantu॒ mama॒ yāni̭ ha॒vyā-''kṷ̄ti-ssa॒tyā mana̭so me astu | eno॒ mānigā᳚-ṅkata॒macca॒nāhaṃ-vi~śvḙ devāso॒ adhi̭voca tā me || devī᳚-ṣṣaḍurvīru॒ruṇaḥ̭ kṛṇota॒ viśvḙ devā sa i॒ha vī̭rayaddhvam | māhā᳚smahi pra॒jayā॒ mā ta॒nūbhi॒rmā ra̭dhāma dviṣa॒te so̭ma rājann || a॒gnirma॒nyu-mpra̭tinu॒da-npu॒rastā॒- [pra̭tinu॒da-npu॒rastā᳚t, ada̭bdho go॒pāḥ] 4.7.30
-dada̭bdho go॒pāḥ pari̭pāhi na॒stvam | pra॒tyañco̭ yantu ni॒gutaḥ॒ puna॒stḙ 'maiṣā᳚-ñci॒tta-mpra॒budhā॒ vinḙśat || dhā॒tā dhā̭tṛ॒ṇā-mbhuva̭nasya॒ yaspati̭ rde॒vagṃ sa̭vi॒tāra̭mabhi māti॒ṣāha᳚m | i॒maṃ-ya~॒jña ma॒śvino॒bhā bṛha॒spati̭ rde॒vāḥ pā᳚ntu॒ yaja̭māna-nnya॒rthāt || u॒ru॒vyacā̭ no mahi॒ṣa-śśarma̭ yagṃ sada॒smin. havḙ puruhū॒taḥ pṷru॒kṣu | sa naḥ̭ pra॒jāyai̭ haryaśva mṛḍa॒yendra॒ mā [mṛḍa॒yendra॒ mā, no॒ rī॒ri॒ṣo॒ mā parā̭ dāḥ |] 4.7.31
no̭ rīriṣo॒ mā parā̭ dāḥ || ye naḥ̭ sa॒patnā॒ apa॒te bha̭vantvindrā॒-gnibhyā॒mava̭ bādhāmahe॒ tān | vasa̭vo ru॒drā ā̭di॒tyā ṷpari॒ spṛśa̭-mmo॒gra-ñcettā̭ramadhi rā॒jama̭krann || a॒rvāñca॒ mindra̭ma॒muto̭ havāmahe॒ yo go॒ji-ddha̭na॒-jida̭śva॒-jidyaḥ | i॒manno̭ ya॒jñaṃ-vi~̭ha॒ve jṷṣasvā॒sya kṷrmo harivo me॒dina̭-ntvā || 4.7.32 ||
a॒gnerma̭nve pratha॒masya॒ pracḙtaso॒ ya-mpāñca̭janya-mba॒havaḥ̭ sami॒ndhate᳚ | viśva̭syāṃ-vi~॒śi pra̭viviśi॒vāgṃ sa̭mīmahe॒ sa no̭ muñca॒tvagṃ ha̭saḥ || yasye॒da-mprā॒ṇanni̭mi॒ṣa-dyadeja̭ti॒ yasya̭ jā॒ta-ñjana̭māna-ñca॒ keva̭lam | staumya॒gni-nnā̭thi॒to jo̭havīmi॒ sa no̭ muñca॒tvagṃ ha̭saḥ || indra̭sya manye pratha॒masya॒ pracḙtaso vṛtra॒ghna-sstomā॒ upa॒ māmu॒pāguḥ̭ | yo dā॒śuṣaḥ̭ su॒kṛto॒ hava॒mupa॒ gantā॒ [gantā᳚, sa no̭ muñca॒tvagṃ ha̭saḥ |] 4.7.33
sa no̭ muñca॒tvagṃ ha̭saḥ || ya-ssa̭ṅgrā॒ma-nnaya̭ti॒ saṃ-va~॒śī yu॒dhe yaḥ pu॒ṣṭāni̭ sagṃsṛ॒jati̭ tra॒yāṇi̭ | staumīndra̭-nnāthi॒to jo̭havīmi॒ sa no̭ muñca॒tvagṃ ha̭saḥ || ma॒nve vā᳚-mmitrā varuṇā॒ tasya̭ vitta॒gṃ॒ satyaṷjasā dṛgṃhaṇā॒ ya-nnu॒dethe᳚ | yā rājā̭nagṃ sa॒rathaṃ̭-yā~॒tha ṷgrā॒ tā no̭ muñcata॒māga̭saḥ || yo vā॒gṃ॒ ratha̭ ṛ॒jura̭śmi-ssa॒tyadha̭rmā॒ mithu॒ ścara̭nta-mupa॒yāti̭ dū॒ṣayanṋ | staumi̭ [ ] 4.7.34
mi॒trāvarṷṇā nāthi॒to jo̭havīmi॒ tau no̭ muñcata॒māga̭saḥ || vā॒yo-ssa̭vi॒tu rvi॒dathā̭ni manmahe॒ yāvā᳚tma॒nva-dbi̭bhṛ॒to yau ca॒ rakṣa̭taḥ | yau viśva̭sya pari॒bhū ba̭bhū॒vatu॒stau no̭ muñcata॒māga̭saḥ || upa॒ śreṣṭhā̭na ā॒śiṣo̭ de॒vayo॒rdharmḙ asthirann | staumi̭ vā॒yugṃ sa̭vi॒tāra̭-nnāthi॒to jo̭havīmi॒ tau no̭ muñcata॒māga̭saḥ || ra॒thīta̭mau rathī॒nāma̭hva ū॒taye॒ śubha॒-ṅgami̭ṣṭhau su॒yamḙbhi॒raśvaiḥ᳚ | yayo᳚- [yayoḥ᳚, vā॒-nde॒vau॒ de॒veṣva-ni̭śita॒-] 4.7.35
-rvā-ndevau de॒veṣva-ni̭śita॒-moja॒stau no̭ muñcata॒māga̭saḥ || yadayā̭taṃ-vaఁ%ha॒tugṃ sū॒ryāyā᳚-strica॒kreṇa̭ sa॒gṃ॒ sada̭mi॒cchamā̭nau | staumi̭ de॒vā va॒śvinaṷ nāthi॒to jo̭havīmi॒ tau no̭ muñcata॒māga̭saḥ || ma॒rutā᳚-mmanve॒ adhi̭no bruvantu॒ premāṃ-vā~caṃ॒-vi~śvā̭ mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || ti॒gmamāyṷdhaṃ-vī~ḍi॒tagṃ saha̭sva-ddi॒vyagṃ śardhaḥ॒ [śardhaḥ̭, pṛta̭nāsu ji॒ṣṇu |] 4.7.36
pṛta̭nāsu ji॒ṣṇu | staumi̭ de॒vā-nma॒ruto̭ nāthi॒to jo̭havīmi॒ te no̭ muñca॒ntvena̭saḥ || de॒vānā᳚-mmanve॒ adhi̭ no bruvantu॒ premāṃ-vā~caṃ॒-vi~śvā̭mavantu॒ viśve᳚ | ā॒śūn. hṷve su॒yamā̭nū॒taye॒ te no̭ muñca॒ntvena̭saḥ || yadi॒da-mmā̭-'bhi॒śoca̭ti॒ paurṷṣeyeṇa॒ daivyḙna | staumi॒ viśvā᳚-nde॒vā-nnā̭thi॒to jo̭havīmi॒ te no̭ muñca॒ntvena̭saḥ || anṷno॒-'dyānṷmati॒ ra- [anṷno॒-'dyānṷmati॒ ranṷ, ida̭numate॒] 4.7.37
-nvida̭numate॒ tvaṃ ~vai᳚śvāna॒ro na̭ ū॒tyāpṛ॒ṣṭo di॒vi> 4 || ye apra̭thetā॒-mami̭tebhi॒ rojo̭bhi॒ rye pra̭ti॒ṣṭhe abha̭vatāṃ॒-va~sṷ̄nām | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || urvī̭ rodasī॒ vari̭vaḥ kṛṇota॒-ṅkṣetra̭sya patnī॒ adhi̭ no brūyātam | staumi॒ dyāvā̭ pṛthi॒vī nā̭thi॒to jo̭havīmi॒ te no̭ muñcata॒magṃ ha̭saḥ || ya-ttḙ va॒ya-mpṷruṣa॒trā ya̭vi॒ṣṭhā vi̭dvāgṃsaścakṛ॒mā kacca॒nā- [kacca॒na, āgaḥ̭ |] 4.7.38
-''gaḥ̭ | kṛ॒dhī sva̭smāgṃ adi̭te॒ranā̭gā॒ vyenāgṃ̭si śiśratho॒ viṣva̭gagne || yathā̭ ha॒ ta-dva̭savo gau॒rya̭-ñci-tpa॒diṣi॒tā mamṷñcatā yajatrāḥ | e॒vā tvama॒sma-tpramṷñcā॒ vyagṃhaḥ॒ prātā᳚ryagne prata॒rānna॒ āyuḥ̭ || 4.7.39 ||
🕉️ This is the original Sanskrit rendered in Kannada script.
Pronunciation is identical to the Sanskrit Devanagari version.