સદા બાલરૂપાઽપિ વિઘ્નાદ્રિહન્ત્રી
મહાદન્તિવક્ત્રાઽપિ પઞ્ચાસ્યમાન્યા ।
વિધીન્દ્રાદિમૃગ્યા ગણેશાભિધા મે
વિધત્તાં શ્રિયં કાઽપિ કલ્યાણમૂર્તિઃ ॥ 1 ॥
ન જાનામિ શબ્દં ન જાનામિ ચાર્થં
ન જાનામિ પદ્યં ન જાનામિ ગદ્યમ્ ।
ચિદેકા ષડાસ્યા હૃદિ દ્યોતતે મે
મુખાન્નિઃસરન્તે ગિરશ્ચાપિ ચિત્રમ્ ॥ 2 ॥
મયૂરાધિરૂઢં મહાવાક્યગૂઢં
મનોહારિદેહં મહચ્ચિત્તગેહમ્ ।
મહીદેવદેવં મહાવેદભાવં
મહાદેવબાલં ભજે લોકપાલમ્ ॥ 3 ॥
યદા સન્નિધાનં ગતા માનવા મે
ભવામ્ભોધિપારં ગતાસ્તે તદૈવ ।
ઇતિ વ્યઞ્જયન્સિન્ધુતીરે ય આસ્તે
તમીડે પવિત્રં પરાશક્તિપુત્રમ્ ॥ 4 ॥
યથાબ્ધેસ્તરઙ્ગા લયં યાન્તિ તુઙ્ગા-
સ્તથૈવાપદઃ સન્નિધૌ સેવતાં મે ।
ઇતીવોર્મિપઙ્ક્તીર્નૃણાં દર્શયન્તં
સદા ભાવયે હૃત્સરોજે ગુહં તમ્ ॥ 5 ॥
ગિરૌ મન્નિવાસે નરા યેઽધિરૂઢા-
સ્તદા પર્વતે રાજતે તેઽધિરૂઢાઃ ।
ઇતીવ બ્રુવન્ગન્ધશૈલાધિરૂઢઃ
સ દેવો મુદે મે સદા ષણ્મુખોઽસ્તુ ॥ 6 ॥
મહામ્ભોધિતીરે મહાપાપચોરે
મુનીન્દ્રાનુકૂલે સુગન્ધાખ્યશૈલે ।
ગુહાયાં વસન્તં સ્વભાસા લસન્તં
જનાર્તિં હરન્તં શ્રયામો ગુહં તમ્ ॥ 7 ॥
લસત્સ્વર્ણગેહે નૃણાં કામદોહે
સુમસ્તોમસઞ્છન્નમાણિક્યમઞ્ચે ।
સમુદ્યત્સહસ્રાર્કતુલ્યપ્રકાશં
સદા ભાવયે કાર્તિકેયં સુરેશમ્ ॥ 8 ॥
રણથંસકે મઞ્જુલેઽત્યન્તશોણે
મનોહારિલાવણ્યપીયૂષપૂર્ણે ।
મનઃષટ્પદો મે ભવક્લેશતપ્તઃ
સદા મોદતાં સ્કન્દ તે પાદપદ્મે ॥ 9 ॥
સુવર્ણાભદિવ્યામ્બરૈર્ભાસમાનાં
ક્વણત્કિઙ્કિણીમેખલાશોભમાનામ્ ।
લસદ્ધેમપટ્ટેન વિદ્યોતમાનં
કટિં ભાવયે સ્કન્દ તે દીપ્યમાનામ્ ॥ 10 ॥
પુલિન્દેશકન્યાઘનાભોગતુઙ્ગ-
સ્તનાલિઙ્ગનાસક્તકાશ્મીરરાગમ્ ।
નમસ્યામ્યહં તારકારે તવોરઃ
સ્વભક્તાવને સર્વદા સાનુરાગમ્ ॥ 11 ॥
વિધૌ ક્લૃપ્તદણ્ડાન્સ્વલીલાધૃતાણ્ડા-
ન્નિરસ્તેભશુણ્ડાન્દ્વિષત્કાલદણ્ડાન્ ।
હતેન્દ્રારિષણ્ડાન્જગત્રાણશૌણ્ડા-
ન્સદા તે પ્રચણ્ડાન્શ્રયે બાહુદણ્ડાન્ ॥ 12 ॥
સદા શારદાઃ ષણ્મૃગાઙ્કા યદિ સ્યુઃ
સમુદ્યન્ત એવ સ્થિતાશ્ચેત્સમન્તાત્ ।
સદા પૂર્ણબિમ્બાઃ કલઙ્કૈશ્ચ હીના-
સ્તદા ત્વન્મુખાનાં બ્રુવે સ્કન્દ સામ્યમ્ ॥ 13 ॥
સ્ફુરન્મન્દહાસૈઃ સહંસાનિ ચઞ્ચ-
ત્કટાક્ષાવલીભૃઙ્ગસઙ્ઘોજ્જ્વલાનિ ।
સુધાસ્યન્દિબિમ્બાધરાણીશસૂનો
તવાલોકયે ષણ્મુખામ્ભોરુહાણિ ॥ 14 ॥
વિશાલેષુ કર્ણાન્તદીર્ઘેષ્વજસ્રં
દયાસ્યન્દિષુ દ્વાદશસ્વીક્ષણેષુ ।
મયીષત્કટાક્ષઃ સકૃત્પાતિતશ્ચે-
દ્ભવેત્તે દયાશીલ કા નામ હાનિઃ ॥ 15 ॥
સુતાઙ્ગોદ્ભવો મેઽસિ જીવેતિ ષડ્ધા
જપન્મન્ત્રમીશો મુદા જિઘ્રતે યાન્ ।
જગદ્ભારભૃદ્ભ્યો જગન્નાથ તેભ્યઃ
કિરીટોજ્જ્વલેભ્યો નમો મસ્તકેભ્યઃ ॥ 16 ॥
સ્ફુરદ્રત્નકેયૂરહારાભિરામ-
શ્ચલત્કુણ્ડલશ્રીલસદ્ગણ્ડભાગઃ ।
કટૌ પીતવાસાઃ કરે ચારુશક્તિઃ
પુરસ્તાન્મમાસ્તાં પુરારેસ્તનૂજઃ ॥ 17 ॥
ઇહાયાહિ વત્સેતિ હસ્તાન્પ્રસાર્યા-
હ્વયત્યાદરાચ્છઙ્કરે માતુરઙ્કાત્ ।
સમુત્પત્ય તાતં શ્રયન્તં કુમારં
હરાશ્લિષ્ટગાત્રં ભજે બાલમૂર્તિમ્ ॥ 18 ॥
કુમારેશસૂનો ગુહ સ્કન્દ સેના-
પતે શક્તિપાણે મયૂરાધિરૂઢ ।
પુલિન્દાત્મજાકાન્ત ભક્તાર્તિહારિન્
પ્રભો તારકારે સદા રક્ષ માં ત્વમ્ ॥ 19 ॥
પ્રશાન્તેન્દ્રિયે નષ્ટસઞ્જ્ઞે વિચેષ્ટે
કફોદ્ગારિવક્ત્રે ભયોત્કમ્પિગાત્રે ।
પ્રયાણોન્મુખે મય્યનાથે તદાનીં
દ્રુતં મે દયાલો ભવાગ્રે ગુહ ત્વમ્ ॥ 20 ॥
કૃતાન્તસ્ય દૂતેષુ ચણ્ડેષુ કોપા-
દ્દહચ્છિન્દ્ધિ ભિન્દ્ધીતિ માં તર્જયત્સુ ।
મયૂરં સમારુહ્ય મા ભૈરિતિ ત્વં
પુરઃ શક્તિપાણિર્મમાયાહિ શીઘ્રમ્ ॥ 21 ॥
પ્રણમ્યાસકૃત્પાદયોસ્તે પતિત્વા
પ્રસાદ્ય પ્રભો પ્રાર્થયેઽનેકવારમ્ ।
ન વક્તું ક્ષમોઽહં તદાનીં કૃપાબ્ધે
ન કાર્યાન્તકાલે મનાગપ્યુપેક્ષા ॥ 22 ॥
સહસ્રાણ્ડભોક્તા ત્વયા શૂરનામા
હતસ્તારકઃ સિંહવક્ત્રશ્ચ દૈત્યઃ ।
મમાન્તર્હૃદિસ્થં મનઃક્લેશમેકં
ન હંસિ પ્રભો કિં કરોમિ ક્વ યામિ ॥ 23 ॥
અહં સર્વદા દુઃખભારાવસન્નો
ભવાન્દીનબન્ધુસ્ત્વદન્યં ન યાચે ।
ભવદ્ભક્તિરોધં સદા ક્લૃપ્તબાધં
મમાધિં દ્રુતં નાશયોમાસુત ત્વમ્ ॥ 24 ॥
અપસ્મારકુષ્ટક્ષયાર્શઃ પ્રમેહ-
જ્વરોન્માદગુલ્માદિરોગા મહાન્તઃ ।
પિશાચાશ્ચ સર્વે ભવત્પત્રભૂતિં
વિલોક્ય ક્ષણાત્તારકારે દ્રવન્તે ॥ 25 ॥
દૃશિ સ્કન્દમૂર્તિઃ શ્રુતૌ સ્કન્દકીર્તિ-
ર્મુખે મે પવિત્રં સદા તચ્ચરિત્રમ્ ।
કરે તસ્ય કૃત્યં વપુસ્તસ્ય ભૃત્યં
ગુહે સન્તુ લીના મમાશેષભાવાઃ ॥ 26 ॥
મુનીનામુતાહો નૃણાં ભક્તિભાજા-
મભીષ્ટપ્રદાઃ સન્તિ સર્વત્ર દેવાઃ ।
નૃણામન્ત્યજાનામપિ સ્વાર્થદાને
ગુહાદ્દેવમન્યં ન જાને ન જાને ॥ 27 ॥
કલત્રં સુતા બન્ધુવર્ગઃ પશુર્વા
નરો વાથ નારી ગૃહે યે મદીયાઃ ।
યજન્તો નમન્તઃ સ્તુવન્તો ભવન્તં
સ્મરન્તશ્ચ તે સન્તુ સર્વે કુમાર ॥ 28 ॥
મૃગાઃ પક્ષિણો દંશકા યે ચ દુષ્ટા-
સ્તથા વ્યાધયો બાધકા યે મદઙ્ગે ।
ભવચ્છક્તિતીક્ષ્ણાગ્રભિન્નાઃ સુદૂરે
વિનશ્યન્તુ તે ચૂર્ણિતક્રૌઞ્ચશૈલ ॥ 29 ॥
જનિત્રી પિતા ચ સ્વપુત્રાપરાધં
સહેતે ન કિં દેવસેનાધિનાથ ।
અહં ચાતિબાલો ભવાન્ લોકતાતઃ
ક્ષમસ્વાપરાધં સમસ્તં મહેશ ॥ 30 ॥
નમઃ કેકિને શક્તયે ચાપિ તુભ્યં
નમશ્છાગ તુભ્યં નમઃ કુક્કુટાય ।
નમઃ સિન્ધવે સિન્ધુદેશાય તુભ્યં
પુનઃ સ્કન્દમૂર્તે નમસ્તે નમોઽસ્તુ ॥ 31 ॥
જયાનન્દભૂમં જયાપારધામં
જયામોઘકીર્તે જયાનન્દમૂર્તે ।
જયાનન્દસિન્ધો જયાશેષબન્ધો
જય ત્વં સદા મુક્તિદાનેશસૂનો ॥ 32 ॥
ભુજઙ્ગાખ્યવૃત્તેન ક્લૃપ્તં સ્તવં યઃ
પઠેદ્ભક્તિયુક્તો ગુહં સમ્પ્રણમ્ય ।
સ પુત્રાન્કલત્રં ધનં દીર્ઘમાયુ-
ર્લભેત્સ્કન્દસાયુજ્યમન્તે નરઃ સઃ ॥ 33 ॥
Roman (IAST) Transliteration
sadā bālarūpā'pi vighnādrihantrī
mahādantivaktrā'pi pañcāsyamānyā |
vidhīndrādimṛgyā gaṇeśābhidhā me
vidhattāṃ śriyaṃ kā'pi kalyāṇamūrtiḥ || 1 ||
na jānāmi śabdaṃ na jānāmi cārthaṃ
na jānāmi padyaṃ na jānāmi gadyam |
cidekā ṣaḍāsyā hṛdi dyotate me
mukhānniḥsarante giraścāpi citram || 2 ||
mayūrādhirūḍhaṃ mahāvākyagūḍhaṃ
manohāridehaṃ mahaccittageham |
mahīdevadevaṃ mahāvedabhāvaṃ
mahādevabālaṃ bhaje lokapālam || 3 ||
yadā sannidhānaṃ gatā mānavā me
bhavāmbhodhipāraṃ gatāste tadaiva |
iti vyañjayansindhutīre ya āste
tamīḍe pavitraṃ parāśaktiputram || 4 ||
yathābdhestaraṅgā layaṃ yānti tuṅgā-
stathaivāpadaḥ sannidhau sevatāṃ me |
itīvormipaṅktīrnṛṇāṃ darśayantaṃ
sadā bhāvaye hṛtsaroje guhaṃ tam || 5 ||
girau mannivāse narā ye'dhirūḍhā-
stadā parvate rājate te'dhirūḍhāḥ |
itīva bruvangandhaśailādhirūḍhaḥ
sa devo mude me sadā ṣaṇmukho'stu || 6 ||
mahāmbhodhitīre mahāpāpacore
munīndrānukūle sugandhākhyaśaile |
guhāyāṃ vasantaṃ svabhāsā lasantaṃ
janārtiṃ harantaṃ śrayāmo guhaṃ tam || 7 ||
lasatsvarṇagehe nṛṇāṃ kāmadohe
sumastomasañchannamāṇikyamañce |
samudyatsahasrārkatulyaprakāśaṃ
sadā bhāvaye kārtikeyaṃ sureśam || 8 ||
raṇathaṃsake mañjule'tyantaśoṇe
manohārilāvaṇyapīyūṣapūrṇe |
manaḥṣaṭpado me bhavakleśataptaḥ
sadā modatāṃ skanda te pādapadme || 9 ||
suvarṇābhadivyāmbarairbhāsamānāṃ
kvaṇatkiṅkiṇīmekhalāśobhamānām |
lasaddhemapaṭṭena vidyotamānaṃ
kaṭiṃ bhāvaye skanda te dīpyamānām || 10 ||
pulindeśakanyāghanābhogatuṅga-
stanāliṅganāsaktakāśmīrarāgam |
namasyāmyahaṃ tārakāre tavoraḥ
svabhaktāvane sarvadā sānurāgam || 11 ||
vidhau klṛptadaṇḍānsvalīlādhṛtāṇḍā-
nnirastebhaśuṇḍāndviṣatkāladaṇḍān |
hatendrāriṣaṇḍānjagatrāṇaśauṇḍā-
nsadā te pracaṇḍānśraye bāhudaṇḍān || 12 ||
sadā śāradāḥ ṣaṇmṛgāṅkā yadi syuḥ
samudyanta eva sthitāścetsamantāt |
sadā pūrṇabimbāḥ kalaṅkaiśca hīnā-
stadā tvanmukhānāṃ bruve skanda sāmyam || 13 ||
sphuranmandahāsaiḥ sahaṃsāni cañca-
tkaṭākṣāvalībhṛṅgasaṅghojjvalāni |
sudhāsyandibimbādharāṇīśasūno
tavālokaye ṣaṇmukhāmbhoruhāṇi || 14 ||
viśāleṣu karṇāntadīrgheṣvajasraṃ
dayāsyandiṣu dvādaśasvīkṣaṇeṣu |
mayīṣatkaṭākṣaḥ sakṛtpātitaśce-
dbhavette dayāśīla kā nāma hāniḥ || 15 ||
sutāṅgodbhavo me'si jīveti ṣaḍdhā
japanmantramīśo mudā jighrate yān |
jagadbhārabhṛdbhyo jagannātha tebhyaḥ
kirīṭojjvalebhyo namo mastakebhyaḥ || 16 ||
sphuradratnakeyūrahārābhirāma-
ścalatkuṇḍalaśrīlasadgaṇḍabhāgaḥ |
kaṭau pītavāsāḥ kare cāruśaktiḥ
purastānmamāstāṃ purārestanūjaḥ || 17 ||
ihāyāhi vatseti hastānprasāryā-
hvayatyādarācchaṅkare māturaṅkāt |
samutpatya tātaṃ śrayantaṃ kumāraṃ
harāśliṣṭagātraṃ bhaje bālamūrtim || 18 ||
kumāreśasūno guha skanda senā-
pate śaktipāṇe mayūrādhirūḍha |
pulindātmajākānta bhaktārtihārin
prabho tārakāre sadā rakṣa māṃ tvam || 19 ||
praśāntendriye naṣṭasañjñe viceṣṭe
kaphodgārivaktre bhayotkampigātre |
prayāṇonmukhe mayyanāthe tadānīṃ
drutaṃ me dayālo bhavāgre guha tvam || 20 ||
kṛtāntasya dūteṣu caṇḍeṣu kopā-
ddahacchinddhi bhinddhīti māṃ tarjayatsu |
mayūraṃ samāruhya mā bhairiti tvaṃ
puraḥ śaktipāṇirmamāyāhi śīghram || 21 ||
praṇamyāsakṛtpādayoste patitvā
prasādya prabho prārthaye'nekavāram |
na vaktuṃ kṣamo'haṃ tadānīṃ kṛpābdhe
na kāryāntakāle manāgapyupekṣā || 22 ||
sahasrāṇḍabhoktā tvayā śūranāmā
hatastārakaḥ siṃhavaktraśca daityaḥ |
mamāntarhṛdisthaṃ manaḥkleśamekaṃ
na haṃsi prabho kiṃ karomi kva yāmi || 23 ||
ahaṃ sarvadā duḥkhabhārāvasanno
bhavāndīnabandhustvadanyaṃ na yāce |
bhavadbhaktirodhaṃ sadā klṛptabādhaṃ
mamādhiṃ drutaṃ nāśayomāsuta tvam || 24 ||
apasmārakuṣṭakṣayārśaḥ prameha-
jvaronmādagulmādirogā mahāntaḥ |
piśācāśca sarve bhavatpatrabhūtiṃ
vilokya kṣaṇāttārakāre dravante || 25 ||
dṛśi skandamūrtiḥ śrutau skandakīrti-
rmukhe me pavitraṃ sadā taccaritram |
kare tasya kṛtyaṃ vapustasya bhṛtyaṃ
guhe santu līnā mamāśeṣabhāvāḥ || 26 ||
munīnāmutāho nṛṇāṃ bhaktibhājā-
mabhīṣṭapradāḥ santi sarvatra devāḥ |
nṛṇāmantyajānāmapi svārthadāne
guhāddevamanyaṃ na jāne na jāne || 27 ||
kalatraṃ sutā bandhuvargaḥ paśurvā
naro vātha nārī gṛhe ye madīyāḥ |
yajanto namantaḥ stuvanto bhavantaṃ
smarantaśca te santu sarve kumāra || 28 ||
mṛgāḥ pakṣiṇo daṃśakā ye ca duṣṭā-
stathā vyādhayo bādhakā ye madaṅge |
bhavacchaktitīkṣṇāgrabhinnāḥ sudūre
vinaśyantu te cūrṇitakrauñcaśaila || 29 ||
janitrī pitā ca svaputrāparādhaṃ
sahete na kiṃ devasenādhinātha |
ahaṃ cātibālo bhavān lokatātaḥ
kṣamasvāparādhaṃ samastaṃ maheśa || 30 ||
namaḥ kekine śaktaye cāpi tubhyaṃ
namaśchāga tubhyaṃ namaḥ kukkuṭāya |
namaḥ sindhave sindhudeśāya tubhyaṃ
punaḥ skandamūrte namaste namo'stu || 31 ||
jayānandabhūmaṃ jayāpāradhāmaṃ
jayāmoghakīrte jayānandamūrte |
jayānandasindho jayāśeṣabandho
jaya tvaṃ sadā muktidāneśasūno || 32 ||
bhujaṅgākhyavṛttena klṛptaṃ stavaṃ yaḥ
paṭhedbhaktiyukto guhaṃ sampraṇamya |
sa putrānkalatraṃ dhanaṃ dīrghamāyu-
rlabhetskandasāyujyamante naraḥ saḥ || 33 ||
Sanskrit — Devanagari (original)
सदा बालरूपाऽपि विघ्नाद्रिहन्त्री
महादन्तिवक्त्राऽपि पञ्चास्यमान्या ।
विधीन्द्रादिमृग्या गणेशाभिधा मे
विधत्तां श्रियं काऽपि कल्याणमूर्तिः ॥ 1 ॥
न जानामि शब्दं न जानामि चार्थं
न जानामि पद्यं न जानामि गद्यम् ।
चिदेका षडास्या हृदि द्योतते मे
मुखान्निःसरन्ते गिरश्चापि चित्रम् ॥ 2 ॥
मयूराधिरूढं महावाक्यगूढं
मनोहारिदेहं महच्चित्तगेहम् ।
महीदेवदेवं महावेदभावं
महादेवबालं भजे लोकपालम् ॥ 3 ॥
यदा सन्निधानं गता मानवा मे
भवाम्भोधिपारं गतास्ते तदैव ।
इति व्यञ्जयन्सिन्धुतीरे य आस्ते
तमीडे पवित्रं पराशक्तिपुत्रम् ॥ 4 ॥
यथाब्धेस्तरङ्गा लयं यान्ति तुङ्गा-
स्तथैवापदः सन्निधौ सेवतां मे ।
इतीवोर्मिपङ्क्तीर्नृणां दर्शयन्तं
सदा भावये हृत्सरोजे गुहं तम् ॥ 5 ॥
गिरौ मन्निवासे नरा येऽधिरूढा-
स्तदा पर्वते राजते तेऽधिरूढाः ।
इतीव ब्रुवन्गन्धशैलाधिरूढः
स देवो मुदे मे सदा षण्मुखोऽस्तु ॥ 6 ॥
महाम्भोधितीरे महापापचोरे
मुनीन्द्रानुकूले सुगन्धाख्यशैले ।
गुहायां वसन्तं स्वभासा लसन्तं
जनार्तिं हरन्तं श्रयामो गुहं तम् ॥ 7 ॥
लसत्स्वर्णगेहे नृणां कामदोहे
सुमस्तोमसञ्छन्नमाणिक्यमञ्चे ।
समुद्यत्सहस्रार्कतुल्यप्रकाशं
सदा भावये कार्तिकेयं सुरेशम् ॥ 8 ॥
रणथंसके मञ्जुलेऽत्यन्तशोणे
मनोहारिलावण्यपीयूषपूर्णे ।
मनःषट्पदो मे भवक्लेशतप्तः
सदा मोदतां स्कन्द ते पादपद्मे ॥ 9 ॥
सुवर्णाभदिव्याम्बरैर्भासमानां
क्वणत्किङ्किणीमेखलाशोभमानाम् ।
लसद्धेमपट्टेन विद्योतमानं
कटिं भावये स्कन्द ते दीप्यमानाम् ॥ 10 ॥
पुलिन्देशकन्याघनाभोगतुङ्ग-
स्तनालिङ्गनासक्तकाश्मीररागम् ।
नमस्याम्यहं तारकारे तवोरः
स्वभक्तावने सर्वदा सानुरागम् ॥ 11 ॥
विधौ क्लृप्तदण्डान्स्वलीलाधृताण्डा-
न्निरस्तेभशुण्डान्द्विषत्कालदण्डान् ।
हतेन्द्रारिषण्डान्जगत्राणशौण्डा-
न्सदा ते प्रचण्डान्श्रये बाहुदण्डान् ॥ 12 ॥
सदा शारदाः षण्मृगाङ्का यदि स्युः
समुद्यन्त एव स्थिताश्चेत्समन्तात् ।
सदा पूर्णबिम्बाः कलङ्कैश्च हीना-
स्तदा त्वन्मुखानां ब्रुवे स्कन्द साम्यम् ॥ 13 ॥
स्फुरन्मन्दहासैः सहंसानि चञ्च-
त्कटाक्षावलीभृङ्गसङ्घोज्ज्वलानि ।
सुधास्यन्दिबिम्बाधराणीशसूनो
तवालोकये षण्मुखाम्भोरुहाणि ॥ 14 ॥
विशालेषु कर्णान्तदीर्घेष्वजस्रं
दयास्यन्दिषु द्वादशस्वीक्षणेषु ।
मयीषत्कटाक्षः सकृत्पातितश्चे-
द्भवेत्ते दयाशील का नाम हानिः ॥ 15 ॥
सुताङ्गोद्भवो मेऽसि जीवेति षड्धा
जपन्मन्त्रमीशो मुदा जिघ्रते यान् ।
जगद्भारभृद्भ्यो जगन्नाथ तेभ्यः
किरीटोज्ज्वलेभ्यो नमो मस्तकेभ्यः ॥ 16 ॥
स्फुरद्रत्नकेयूरहाराभिराम-
श्चलत्कुण्डलश्रीलसद्गण्डभागः ।
कटौ पीतवासाः करे चारुशक्तिः
पुरस्तान्ममास्तां पुरारेस्तनूजः ॥ 17 ॥
इहायाहि वत्सेति हस्तान्प्रसार्या-
ह्वयत्यादराच्छङ्करे मातुरङ्कात् ।
समुत्पत्य तातं श्रयन्तं कुमारं
हराश्लिष्टगात्रं भजे बालमूर्तिम् ॥ 18 ॥
कुमारेशसूनो गुह स्कन्द सेना-
पते शक्तिपाणे मयूराधिरूढ ।
पुलिन्दात्मजाकान्त भक्तार्तिहारिन्
प्रभो तारकारे सदा रक्ष मां त्वम् ॥ 19 ॥
प्रशान्तेन्द्रिये नष्टसञ्ज्ञे विचेष्टे
कफोद्गारिवक्त्रे भयोत्कम्पिगात्रे ।
प्रयाणोन्मुखे मय्यनाथे तदानीं
द्रुतं मे दयालो भवाग्रे गुह त्वम् ॥ 20 ॥
कृतान्तस्य दूतेषु चण्डेषु कोपा-
द्दहच्छिन्द्धि भिन्द्धीति मां तर्जयत्सु ।
मयूरं समारुह्य मा भैरिति त्वं
पुरः शक्तिपाणिर्ममायाहि शीघ्रम् ॥ 21 ॥
प्रणम्यासकृत्पादयोस्ते पतित्वा
प्रसाद्य प्रभो प्रार्थयेऽनेकवारम् ।
न वक्तुं क्षमोऽहं तदानीं कृपाब्धे
न कार्यान्तकाले मनागप्युपेक्षा ॥ 22 ॥
सहस्राण्डभोक्ता त्वया शूरनामा
हतस्तारकः सिंहवक्त्रश्च दैत्यः ।
ममान्तर्हृदिस्थं मनःक्लेशमेकं
न हंसि प्रभो किं करोमि क्व यामि ॥ 23 ॥
अहं सर्वदा दुःखभारावसन्नो
भवान्दीनबन्धुस्त्वदन्यं न याचे ।
भवद्भक्तिरोधं सदा क्लृप्तबाधं
ममाधिं द्रुतं नाशयोमासुत त्वम् ॥ 24 ॥
अपस्मारकुष्टक्षयार्शः प्रमेह-
ज्वरोन्मादगुल्मादिरोगा महान्तः ।
पिशाचाश्च सर्वे भवत्पत्रभूतिं
विलोक्य क्षणात्तारकारे द्रवन्ते ॥ 25 ॥
दृशि स्कन्दमूर्तिः श्रुतौ स्कन्दकीर्ति-
र्मुखे मे पवित्रं सदा तच्चरित्रम् ।
करे तस्य कृत्यं वपुस्तस्य भृत्यं
गुहे सन्तु लीना ममाशेषभावाः ॥ 26 ॥
मुनीनामुताहो नृणां भक्तिभाजा-
मभीष्टप्रदाः सन्ति सर्वत्र देवाः ।
नृणामन्त्यजानामपि स्वार्थदाने
गुहाद्देवमन्यं न जाने न जाने ॥ 27 ॥
कलत्रं सुता बन्धुवर्गः पशुर्वा
नरो वाथ नारी गृहे ये मदीयाः ।
यजन्तो नमन्तः स्तुवन्तो भवन्तं
स्मरन्तश्च ते सन्तु सर्वे कुमार ॥ 28 ॥
मृगाः पक्षिणो दंशका ये च दुष्टा-
स्तथा व्याधयो बाधका ये मदङ्गे ।
भवच्छक्तितीक्ष्णाग्रभिन्नाः सुदूरे
विनश्यन्तु ते चूर्णितक्रौञ्चशैल ॥ 29 ॥
जनित्री पिता च स्वपुत्रापराधं
सहेते न किं देवसेनाधिनाथ ।
अहं चातिबालो भवान् लोकतातः
क्षमस्वापराधं समस्तं महेश ॥ 30 ॥
नमः केकिने शक्तये चापि तुभ्यं
नमश्छाग तुभ्यं नमः कुक्कुटाय ।
नमः सिन्धवे सिन्धुदेशाय तुभ्यं
पुनः स्कन्दमूर्ते नमस्ते नमोऽस्तु ॥ 31 ॥
जयानन्दभूमं जयापारधामं
जयामोघकीर्ते जयानन्दमूर्ते ।
जयानन्दसिन्धो जयाशेषबन्धो
जय त्वं सदा मुक्तिदानेशसूनो ॥ 32 ॥
भुजङ्गाख्यवृत्तेन क्लृप्तं स्तवं यः
पठेद्भक्तियुक्तो गुहं सम्प्रणम्य ।
स पुत्रान्कलत्रं धनं दीर्घमायु-
र्लभेत्स्कन्दसायुज्यमन्ते नरः सः ॥ 33 ॥
sadā bālarūpā'pi vighnādrihantrī
mahādantivaktrā'pi pañcāsyamānyā |
vidhīndrādimṛgyā gaṇeśābhidhā me
vidhattāṃ śriyaṃ kā'pi kalyāṇamūrtiḥ || 1 ||
na jānāmi śabdaṃ na jānāmi cārthaṃ
na jānāmi padyaṃ na jānāmi gadyam |
cidekā ṣaḍāsyā hṛdi dyotate me
mukhānniḥsarante giraścāpi citram || 2 ||
mayūrādhirūḍhaṃ mahāvākyagūḍhaṃ
manohāridehaṃ mahaccittageham |
mahīdevadevaṃ mahāvedabhāvaṃ
mahādevabālaṃ bhaje lokapālam || 3 ||
yadā sannidhānaṃ gatā mānavā me
bhavāmbhodhipāraṃ gatāste tadaiva |
iti vyañjayansindhutīre ya āste
tamīḍe pavitraṃ parāśaktiputram || 4 ||
yathābdhestaraṅgā layaṃ yānti tuṅgā-
stathaivāpadaḥ sannidhau sevatāṃ me |
itīvormipaṅktīrnṛṇāṃ darśayantaṃ
sadā bhāvaye hṛtsaroje guhaṃ tam || 5 ||
girau mannivāse narā ye'dhirūḍhā-
stadā parvate rājate te'dhirūḍhāḥ |
itīva bruvangandhaśailādhirūḍhaḥ
sa devo mude me sadā ṣaṇmukho'stu || 6 ||
mahāmbhodhitīre mahāpāpacore
munīndrānukūle sugandhākhyaśaile |
guhāyāṃ vasantaṃ svabhāsā lasantaṃ
janārtiṃ harantaṃ śrayāmo guhaṃ tam || 7 ||
lasatsvarṇagehe nṛṇāṃ kāmadohe
sumastomasañchannamāṇikyamañce |
samudyatsahasrārkatulyaprakāśaṃ
sadā bhāvaye kārtikeyaṃ sureśam || 8 ||
raṇathaṃsake mañjule'tyantaśoṇe
manohārilāvaṇyapīyūṣapūrṇe |
manaḥṣaṭpado me bhavakleśataptaḥ
sadā modatāṃ skanda te pādapadme || 9 ||
suvarṇābhadivyāmbarairbhāsamānāṃ
kvaṇatkiṅkiṇīmekhalāśobhamānām |
lasaddhemapaṭṭena vidyotamānaṃ
kaṭiṃ bhāvaye skanda te dīpyamānām || 10 ||
pulindeśakanyāghanābhogatuṅga-
stanāliṅganāsaktakāśmīrarāgam |
namasyāmyahaṃ tārakāre tavoraḥ
svabhaktāvane sarvadā sānurāgam || 11 ||
vidhau klṛptadaṇḍānsvalīlādhṛtāṇḍā-
nnirastebhaśuṇḍāndviṣatkāladaṇḍān |
hatendrāriṣaṇḍānjagatrāṇaśauṇḍā-
nsadā te pracaṇḍānśraye bāhudaṇḍān || 12 ||
sadā śāradāḥ ṣaṇmṛgāṅkā yadi syuḥ
samudyanta eva sthitāścetsamantāt |
sadā pūrṇabimbāḥ kalaṅkaiśca hīnā-
stadā tvanmukhānāṃ bruve skanda sāmyam || 13 ||
sphuranmandahāsaiḥ sahaṃsāni cañca-
tkaṭākṣāvalībhṛṅgasaṅghojjvalāni |
sudhāsyandibimbādharāṇīśasūno
tavālokaye ṣaṇmukhāmbhoruhāṇi || 14 ||
viśāleṣu karṇāntadīrgheṣvajasraṃ
dayāsyandiṣu dvādaśasvīkṣaṇeṣu |
mayīṣatkaṭākṣaḥ sakṛtpātitaśce-
dbhavette dayāśīla kā nāma hāniḥ || 15 ||
sutāṅgodbhavo me'si jīveti ṣaḍdhā
japanmantramīśo mudā jighrate yān |
jagadbhārabhṛdbhyo jagannātha tebhyaḥ
kirīṭojjvalebhyo namo mastakebhyaḥ || 16 ||
sphuradratnakeyūrahārābhirāma-
ścalatkuṇḍalaśrīlasadgaṇḍabhāgaḥ |
kaṭau pītavāsāḥ kare cāruśaktiḥ
purastānmamāstāṃ purārestanūjaḥ || 17 ||
ihāyāhi vatseti hastānprasāryā-
hvayatyādarācchaṅkare māturaṅkāt |
samutpatya tātaṃ śrayantaṃ kumāraṃ
harāśliṣṭagātraṃ bhaje bālamūrtim || 18 ||
kumāreśasūno guha skanda senā-
pate śaktipāṇe mayūrādhirūḍha |
pulindātmajākānta bhaktārtihārin
prabho tārakāre sadā rakṣa māṃ tvam || 19 ||
praśāntendriye naṣṭasañjñe viceṣṭe
kaphodgārivaktre bhayotkampigātre |
prayāṇonmukhe mayyanāthe tadānīṃ
drutaṃ me dayālo bhavāgre guha tvam || 20 ||
kṛtāntasya dūteṣu caṇḍeṣu kopā-
ddahacchinddhi bhinddhīti māṃ tarjayatsu |
mayūraṃ samāruhya mā bhairiti tvaṃ
puraḥ śaktipāṇirmamāyāhi śīghram || 21 ||
praṇamyāsakṛtpādayoste patitvā
prasādya prabho prārthaye'nekavāram |
na vaktuṃ kṣamo'haṃ tadānīṃ kṛpābdhe
na kāryāntakāle manāgapyupekṣā || 22 ||
sahasrāṇḍabhoktā tvayā śūranāmā
hatastārakaḥ siṃhavaktraśca daityaḥ |
mamāntarhṛdisthaṃ manaḥkleśamekaṃ
na haṃsi prabho kiṃ karomi kva yāmi || 23 ||
ahaṃ sarvadā duḥkhabhārāvasanno
bhavāndīnabandhustvadanyaṃ na yāce |
bhavadbhaktirodhaṃ sadā klṛptabādhaṃ
mamādhiṃ drutaṃ nāśayomāsuta tvam || 24 ||
apasmārakuṣṭakṣayārśaḥ prameha-
jvaronmādagulmādirogā mahāntaḥ |
piśācāśca sarve bhavatpatrabhūtiṃ
vilokya kṣaṇāttārakāre dravante || 25 ||
dṛśi skandamūrtiḥ śrutau skandakīrti-
rmukhe me pavitraṃ sadā taccaritram |
kare tasya kṛtyaṃ vapustasya bhṛtyaṃ
guhe santu līnā mamāśeṣabhāvāḥ || 26 ||
munīnāmutāho nṛṇāṃ bhaktibhājā-
mabhīṣṭapradāḥ santi sarvatra devāḥ |
nṛṇāmantyajānāmapi svārthadāne
guhāddevamanyaṃ na jāne na jāne || 27 ||
kalatraṃ sutā bandhuvargaḥ paśurvā
naro vātha nārī gṛhe ye madīyāḥ |
yajanto namantaḥ stuvanto bhavantaṃ
smarantaśca te santu sarve kumāra || 28 ||
mṛgāḥ pakṣiṇo daṃśakā ye ca duṣṭā-
stathā vyādhayo bādhakā ye madaṅge |
bhavacchaktitīkṣṇāgrabhinnāḥ sudūre
vinaśyantu te cūrṇitakrauñcaśaila || 29 ||
janitrī pitā ca svaputrāparādhaṃ
sahete na kiṃ devasenādhinātha |
ahaṃ cātibālo bhavān lokatātaḥ
kṣamasvāparādhaṃ samastaṃ maheśa || 30 ||
namaḥ kekine śaktaye cāpi tubhyaṃ
namaśchāga tubhyaṃ namaḥ kukkuṭāya |
namaḥ sindhave sindhudeśāya tubhyaṃ
punaḥ skandamūrte namaste namo'stu || 31 ||
jayānandabhūmaṃ jayāpāradhāmaṃ
jayāmoghakīrte jayānandamūrte |
jayānandasindho jayāśeṣabandho
jaya tvaṃ sadā muktidāneśasūno || 32 ||
bhujaṅgākhyavṛttena klṛptaṃ stavaṃ yaḥ
paṭhedbhaktiyukto guhaṃ sampraṇamya |
sa putrānkalatraṃ dhanaṃ dīrghamāyu-
rlabhetskandasāyujyamante naraḥ saḥ || 33 ||
🕉️ This is the original Sanskrit rendered in Gujarati script.
Pronunciation is identical to the Sanskrit Devanagari version.