𑌅𑌥 𑌤𑍃𑌤𑍀𑌯𑍋𑌽𑌧𑍍𑌯𑌾𑌯𑌃 ॥
𑌅𑌥 𑌕𑌾𑌮𑍍𑌯𑌜𑌪𑌸𑍍𑌥𑌾𑌨𑌂 𑌕𑌥𑌯𑌾𑌮𑌿 𑌵𑌰𑌾𑌨𑌨𑍇 ।
𑌸𑌾𑌗𑌰𑌾𑌨𑍍𑌤𑍇 𑌸𑌰𑌿𑌤𑍍𑌤𑍀𑌰𑍇 𑌤𑍀𑌰𑍍𑌥𑍇 𑌹𑌰𑌿𑌹𑌰𑌾𑌲𑌯𑍇 ॥ 236 ॥
𑌶𑌕𑍍𑌤𑌿𑌦𑍇𑌵𑌾𑌲𑌯𑍇 𑌗𑍋𑌷𑍍𑌠𑍇 𑌸𑌰𑍍𑌵𑌦𑍇𑌵𑌾𑌲𑌯𑍇 𑌶𑍁𑌭𑍇 ।
𑌵𑌟𑌸𑍍𑌯 𑌧𑌾𑌤𑍍𑌰𑍍𑌯𑌾 𑌮𑍂𑌲𑍇 𑌵𑌾 𑌮𑌠𑍇 𑌬𑍃𑌨𑍍𑌦𑌾𑌵𑌨𑍇 𑌤𑌥𑌾 ॥ 237 ॥
𑌪𑌵𑌿𑌤𑍍𑌰𑍇 𑌨𑌿𑌰𑍍𑌮𑌲𑍇 𑌦𑍇𑌶𑍇 𑌨𑌿𑌤𑍍𑌯𑌾𑌨𑍁𑌷𑍍𑌠𑌾𑌨𑌤𑍋𑌽𑌪𑌿 𑌵𑌾 ।
𑌨𑌿𑌰𑍍𑌵𑍇𑌦𑌨𑍇𑌨 𑌮𑍗𑌨𑍇𑌨 𑌜𑌪𑌮𑍇𑌤𑌤𑍍 𑌸𑌮𑌾𑌰𑌭𑍇𑌤𑍍 ॥ 238 ॥
𑌜𑌾𑌪𑍍𑌯𑍇𑌨 𑌜𑌯𑌮𑌾𑌪𑍍𑌨𑍋𑌤𑌿 𑌜𑌪𑌸𑌿𑌦𑍍𑌧𑌿𑌂 𑌫𑌲𑌂 𑌤𑌥𑌾 ।
𑌹𑍀𑌨𑌂 𑌕𑌰𑍍𑌮 𑌤𑍍𑌯𑌜𑍇𑌤𑍍𑌸𑌰𑍍𑌵𑌂 𑌗𑌰𑍍𑌹𑌿𑌤𑌸𑍍𑌥𑌾𑌨𑌮𑍇𑌵 𑌚 ॥ 239 ॥
𑌶𑍍𑌮𑌶𑌾𑌨𑍇 𑌬𑌿𑌲𑍍𑌵𑌮𑍂𑌲𑍇 𑌵𑌾 𑌵𑌟𑌮𑍂𑌲𑌾𑌨𑍍𑌤𑌿𑌕𑍇 𑌤𑌥𑌾 ।
𑌸𑌿𑌦𑍍𑌧𑍍𑌯𑌨𑍍𑌤𑌿 𑌕𑌾𑌨𑌕𑍇 𑌮𑍂𑌲𑍇 𑌚𑍂𑌤𑌵𑍃𑌕𑍍𑌷𑌸𑍍𑌯 𑌸𑌨𑍍𑌨𑌿𑌧𑍗 ॥ 240 ॥
𑌪𑍀𑌤𑌾𑌸𑌨𑌂 𑌮𑍋𑌹𑌨𑍇 𑌤𑍁 𑌹𑍍𑌯𑌸𑌿𑌤𑌂 𑌚𑌾𑌭𑌿𑌚𑌾𑌰𑌿𑌕𑍇 ।
𑌜𑍍𑌞𑍇𑌯𑌂 𑌶𑍁𑌕𑍍𑌲𑌂 𑌚 𑌶𑌾𑌨𑍍𑌤𑍍𑌯𑌰𑍍𑌥𑌂 𑌵𑌶𑍍𑌯𑍇 𑌰𑌕𑍍𑌤𑌂 𑌪𑍍𑌰𑌕𑍀𑌰𑍍𑌤𑌿𑌤𑌮𑍍 ॥ 241 ॥
𑌜𑌪𑌂 𑌹𑍀𑌨𑌾𑌸𑌨𑌂 𑌕𑍁𑌰𑍍𑌵𑌨𑍍 𑌹𑍀𑌨𑌕𑌰𑍍𑌮𑌫𑌲𑌪𑍍𑌰𑌦𑌮𑍍 ।
𑌗𑍁𑌰𑍁𑌗𑍀𑌤𑌾𑌂 𑌪𑍍𑌰𑌯𑌾𑌣𑍇 𑌵𑌾 𑌸𑌙𑍍𑌗𑍍𑌰𑌾𑌮𑍇 𑌰𑌿𑌪𑍁𑌸𑌙𑍍𑌕𑌟𑍇 ॥ 242 ॥
𑌜𑌪𑌨𑍍 𑌜𑌯𑌮𑌵𑌾𑌪𑍍𑌨𑍋𑌤𑌿 𑌮𑌰𑌣𑍇 𑌮𑍁𑌕𑍍𑌤𑌿𑌦𑌾𑌯𑌿𑌕𑌾 ।
𑌸𑌰𑍍𑌵𑌕𑌰𑍍𑌮𑌾𑌣𑌿 𑌸𑌿𑌦𑍍𑌧𑍍𑌯𑌨𑍍𑌤𑌿 𑌗𑍁𑌰𑍁𑌪𑍁𑌤𑍍𑌰𑍇 𑌨 𑌸𑌂𑌶𑌯𑌃 ॥ 243 ॥
𑌗𑍁𑌰𑍁𑌮𑌨𑍍𑌤𑍍𑌰𑍋 𑌮𑍁𑌖𑍇 𑌯𑌸𑍍𑌯 𑌤𑌸𑍍𑌯 𑌸𑌿𑌦𑍍𑌧𑍍𑌯𑌨𑍍𑌤𑌿 𑌨𑌾𑌽𑌨𑍍𑌯𑌥𑌾 ।
𑌦𑍀𑌕𑍍𑌷𑌯𑌾 𑌸𑌰𑍍𑌵𑌕𑌰𑍍𑌮𑌾𑌣𑌿 𑌸𑌿𑌦𑍍𑌧𑍍𑌯𑌨𑍍𑌤𑌿 𑌗𑍁𑌰𑍁𑌪𑍁𑌤𑍍𑌰𑌕𑍇 ॥ 244 ॥
𑌭𑌵𑌮𑍂𑌲𑌵𑌿𑌨𑌾𑌶𑌾𑌯 𑌚𑌾𑌷𑍍𑌟𑌪𑌾𑌶𑌨𑌿𑌵𑍃𑌤𑍍𑌤𑌯𑍇 ।
𑌗𑍁𑌰𑍁𑌗𑍀𑌤𑌾𑌮𑍍𑌭𑌸𑌿 𑌸𑍍𑌨𑌾𑌨𑌂 𑌤𑌤𑍍𑌤𑍍𑌵𑌜𑍍𑌞𑌃 𑌕𑍁𑌰𑍁𑌤𑍇 𑌸𑌦𑌾 ॥ 245 ॥
𑌸 𑌏𑌵𑌂 𑌸𑌦𑍍𑌗𑍁𑌰𑍁𑌃 𑌸𑌾𑌕𑍍𑌷𑌾𑌤𑍍 𑌸𑌦𑌸𑌦𑍍𑌬𑍍𑌰𑌹𑍍𑌮𑌵𑌿𑌤𑍍𑌤𑌮𑌃 ।
𑌤𑌸𑍍𑌯 𑌸𑍍𑌥𑌾𑌨𑌾𑌨𑌿 𑌸𑌰𑍍𑌵𑌾𑌣𑌿 𑌪𑌵𑌿𑌤𑍍𑌰𑌾𑌣𑌿 𑌨 𑌸𑌂𑌶𑌯𑌃 ॥ 246 ॥
𑌸𑌰𑍍𑌵𑌶𑍁𑌦𑍍𑌧𑌃 𑌪𑌵𑌿𑌤𑍍𑌰𑍋𑌽𑌸𑍗 𑌸𑍍𑌵𑌭𑌾𑌵𑌾𑌦𑍍𑌯𑌤𑍍𑌰 𑌤𑌿𑌷𑍍𑌠𑌤𑌿 ।
𑌤𑌤𑍍𑌰 𑌦𑍇𑌵𑌗𑌣𑌾𑌃 𑌸𑌰𑍍𑌵𑍇 𑌕𑍍𑌷𑍇𑌤𑍍𑌰𑌪𑍀𑌠𑍇 𑌚𑌰𑌨𑍍𑌤𑌿 𑌚 ॥ 247 ॥
𑌆𑌸𑌨𑌸𑍍𑌥𑌾𑌃 𑌶𑌯𑌾𑌨𑌾 𑌵𑌾 𑌗𑌚𑍍𑌛𑌨𑍍𑌤𑌸𑍍𑌤𑌿𑌷𑍍𑌠𑌤𑍋𑌽𑌪𑌿 𑌵𑌾 ।
𑌅𑌶𑍍𑌵𑌾𑌰𑍂𑌢𑌾 𑌗𑌜𑌾𑌰𑍂𑌢𑌾𑌃 𑌸𑍁𑌷𑍁𑌪𑍍𑌤𑌾 𑌜𑌾𑌗𑍍𑌰𑌤𑍋𑌽𑌪𑌿 𑌵𑌾 ॥ 248 ॥
𑌶𑍁𑌚𑌿𑌰𑍍𑌭𑍂𑌤𑌾 𑌜𑍍𑌞𑌾𑌨𑌵𑌨𑍍𑌤𑍋 𑌗𑍁𑌰𑍁𑌗𑍀𑌤𑌾𑌂 𑌜𑌪𑌨𑍍𑌤𑌿 𑌯𑍇 ।
𑌤𑍇𑌷𑌾𑌂 𑌦𑌰𑍍𑌶𑌨𑌸𑌂𑌸𑍍𑌪𑌰𑍍𑌶𑌾𑌤𑍍 𑌦𑌿𑌵𑍍𑌯𑌜𑍍𑌞𑌾𑌨𑌂 𑌪𑍍𑌰𑌜𑌾𑌯𑌤𑍇 ॥ 249 ॥
𑌸𑌮𑍁𑌦𑍍𑌰𑍇 𑌵𑍈 𑌯𑌥𑌾 𑌤𑍋𑌯𑌂 𑌕𑍍𑌷𑍀𑌰𑍇 𑌕𑍍𑌷𑍀𑌰𑌂 𑌜𑌲𑍇 𑌜𑌲𑌮𑍍 ।
𑌭𑌿𑌨𑍍𑌨𑍇 𑌕𑍁𑌮𑍍𑌭𑍇 𑌯𑌥𑌾𑌽𑌽𑌕𑌾𑌶𑌂 𑌤𑌥𑌾𑌽𑌽𑌤𑍍𑌮𑌾 𑌪𑌰𑌮𑌾𑌤𑍍𑌮𑌨𑌿 ॥ 250 ॥
𑌤𑌥𑍈𑌵 𑌜𑍍𑌞𑌾𑌨𑌵𑌾𑌨𑍍 𑌜𑍀𑌵𑌃 𑌪𑌰𑌮𑌾𑌤𑍍𑌮𑌨𑌿 𑌸𑌰𑍍𑌵𑌦𑌾 ।
𑌐𑌕𑍍𑌯𑍇𑌨 𑌰𑌮𑌤𑍇 𑌜𑍍𑌞𑌾𑌨𑍀 𑌯𑌤𑍍𑌰 𑌕𑍁𑌤𑍍𑌰 𑌦𑌿𑌵𑌾𑌨𑌿𑌶𑌮𑍍 ॥ 251 ॥
𑌏𑌵𑌂𑌵𑌿𑌧𑍋 𑌮𑌹𑌾𑌯𑍁𑌕𑍍𑌤𑌃 𑌸𑌰𑍍𑌵𑌤𑍍𑌰 𑌵𑌰𑍍𑌤𑌤𑍇 𑌸𑌦𑌾 ।
𑌤𑌸𑍍𑌮𑌾𑌤𑍍𑌸𑌰𑍍𑌵𑌪𑍍𑌰𑌕𑌾𑌰𑍇𑌣 𑌗𑍁𑌰𑍁𑌭𑌕𑍍𑌤𑌿𑌂 𑌸𑌮𑌾𑌚𑌰𑍇𑌤𑍍 ॥ 252 ॥
𑌗𑍁𑌰𑍁𑌸𑌨𑍍𑌤𑍋𑌷𑌣𑌾𑌦𑍇𑌵 𑌮𑍁𑌕𑍍𑌤𑍋 𑌭𑌵𑌤𑌿 𑌪𑌾𑌰𑍍𑌵𑌤𑌿 ।
𑌅𑌣𑌿𑌮𑌾𑌦𑌿𑌷𑍁 𑌭𑍋𑌕𑍍𑌤𑍃𑌤𑍍𑌵𑌂 𑌕𑍃𑌪𑌯𑌾 𑌦𑍇𑌵𑌿 𑌜𑌾𑌯𑌤𑍇 ॥ 253 ॥
𑌸𑌾𑌮𑍍𑌯𑍇𑌨 𑌰𑌮𑌤𑍇 𑌜𑍍𑌞𑌾𑌨𑍀 𑌦𑌿𑌵𑌾 𑌵𑌾 𑌯𑌦𑌿 𑌵𑌾 𑌨𑌿𑌶𑌿 ।
𑌏𑌵𑌂𑌵𑌿𑌧𑍋 𑌮𑌹𑌾𑌮𑍗𑌨𑍀 𑌤𑍍𑌰𑍈𑌲𑍋𑌕𑍍𑌯𑌸𑌮𑌤𑌾𑌂 𑌵𑍍𑌰𑌜𑍇𑌤𑍍 ॥ 254 ॥
𑌅𑌥 𑌸𑌂𑌸𑌾𑌰𑌿𑌣𑌃 𑌸𑌰𑍍𑌵𑍇 𑌗𑍁𑌰𑍁𑌗𑍀𑌤𑌾 𑌜𑌪𑍇𑌨 𑌤𑍁 ।
𑌸𑌰𑍍𑌵𑌾𑌨𑍍 𑌕𑌾𑌮𑌾𑌂𑌸𑍍𑌤𑍁 𑌭𑍁𑌞𑍍𑌜𑌨𑍍𑌤𑌿 𑌤𑍍𑌰𑌿𑌸𑌤𑍍𑌯𑌂 𑌮𑌮 𑌭𑌾𑌷𑌿𑌤𑌮𑍍 ॥ 255 ॥
𑌸𑌤𑍍𑌯𑌂 𑌸𑌤𑍍𑌯𑌂 𑌪𑍁𑌨𑌃 𑌸𑌤𑍍𑌯𑌂 𑌧𑌰𑍍𑌮𑌸𑌾𑌰𑌂 𑌮𑌯𑍋𑌦𑌿𑌤𑌮𑍍 ।
𑌗𑍁𑌰𑍁𑌗𑍀𑌤𑌾𑌸𑌮𑌂 𑌸𑍍𑌤𑍋𑌤𑍍𑌰𑌂 𑌨𑌾𑌸𑍍𑌤𑌿 𑌤𑌤𑍍𑌤𑍍𑌵𑌂 𑌗𑍁𑌰𑍋𑌃 𑌪𑌰𑌮𑍍 ॥ 256 ॥
𑌗𑍁𑌰𑍁𑌰𑍍𑌦𑍇𑌵𑍋 𑌗𑍁𑌰𑍁𑌰𑍍𑌧𑌰𑍍𑌮𑍋 𑌗𑍁𑌰𑍗 𑌨𑌿𑌷𑍍𑌠𑌾 𑌪𑌰𑌂 𑌤𑌪𑌃 ।
𑌗𑍁𑌰𑍋𑌃 𑌪𑌰𑌤𑌰𑌂 𑌨𑌾𑌸𑍍𑌤𑌿 𑌤𑍍𑌰𑌿𑌵𑌾𑌰𑌂 𑌕𑌥𑌯𑌾𑌮𑌿 𑌤𑍇 ॥ 257 ॥
𑌧𑌨𑍍𑌯𑌾 𑌮𑌾𑌤𑌾 𑌪𑌿𑌤𑌾 𑌧𑌨𑍍𑌯𑍋 𑌗𑍋𑌤𑍍𑌰𑌂 𑌧𑌨𑍍𑌯𑌂 𑌕𑍁𑌲𑍋𑌦𑍍𑌭𑌵𑌃 ।
𑌧𑌨𑍍𑌯𑌾 𑌚 𑌵𑌸𑍁𑌧𑌾 𑌦𑍇𑌵𑌿 𑌯𑌤𑍍𑌰 𑌸𑍍𑌯𑌾𑌦𑍍𑌗𑍁𑌰𑍁𑌭𑌕𑍍𑌤𑌤𑌾 ॥ 258 ॥
𑌆𑌕𑌲𑍍𑌪𑌜𑌨𑍍𑌮 𑌕𑍋𑌟𑍀𑌨𑌾𑌂 𑌯𑌜𑍍𑌞𑌵𑍍𑌰𑌤𑌤𑌪𑌃 𑌕𑍍𑌰𑌿𑌯𑌾𑌃 ।
𑌤𑌾𑌃 𑌸𑌰𑍍𑌵𑌾𑌃 𑌸𑌫𑌲𑌾 𑌦𑍇𑌵𑌿 𑌗𑍁𑌰𑍂𑌸𑌨𑍍𑌤𑍋𑌷𑌮𑌾𑌤𑍍𑌰𑌤𑌃 ॥ 259 ॥
𑌶𑌰𑍀𑌰𑌮𑌿𑌨𑍍𑌦𑍍𑌰𑌿𑌯𑌂 𑌪𑍍𑌰𑌾𑌣𑌮𑌰𑍍𑌥𑌂 𑌸𑍍𑌵𑌜𑌨𑌬𑌨𑍍𑌧𑍁𑌤𑌾 ।
𑌮𑌾𑌤𑍃𑌕𑍁𑌲𑌂 𑌪𑌿𑌤𑍃𑌕𑍁𑌲𑌂 𑌗𑍁𑌰𑍁𑌰𑍇𑌵 𑌨 𑌸𑌂𑌶𑌯𑌃 ॥ 260 ॥
𑌮𑌨𑍍𑌦𑌭𑌾𑌗𑍍𑌯𑌾 𑌹𑍍𑌯𑌶𑌕𑍍𑌤𑌾𑌶𑍍𑌚 𑌯𑍇 𑌜𑌨𑌾 𑌨𑌾𑌨𑍁𑌮𑌨𑍍𑌵𑌤𑍇 ।
𑌗𑍁𑌰𑍁𑌸𑍇𑌵𑌾𑌸𑍁 𑌵𑌿𑌮𑍁𑌖𑌾𑌃 𑌪𑌚𑍍𑌯𑌨𑍍𑌤𑍇 𑌨𑌰𑌕𑍇𑌽𑌶𑍁𑌚𑍗 ॥ 261 ॥
𑌵𑌿𑌦𑍍𑌯𑌾 𑌧𑌨𑌂 𑌬𑌲𑌂 𑌚𑍈𑌵 𑌤𑍇𑌷𑌾𑌂 𑌭𑌾𑌗𑍍𑌯𑌂 𑌨𑌿𑌰𑌰𑍍𑌥𑌕𑌮𑍍 ।
𑌯𑍇𑌷𑌾𑌂 𑌗𑍁𑌰𑍂𑌕𑍃𑌪𑌾 𑌨𑌾𑌸𑍍𑌤𑌿 𑌅𑌧𑍋 𑌗𑌚𑍍𑌛𑌨𑍍𑌤𑌿 𑌪𑌾𑌰𑍍𑌵𑌤𑌿 ॥ 262 ॥
𑌬𑍍𑌰𑌹𑍍𑌮𑌾 𑌵𑌿𑌷𑍍𑌣𑍁𑌶𑍍𑌚 𑌰𑍁𑌦𑍍𑌰𑌶𑍍𑌚 𑌦𑍇𑌵𑌾𑌶𑍍𑌚 𑌪𑌿𑌤𑍃𑌕𑌿𑌨𑍍𑌨𑌰𑌾𑌃 ।
𑌸𑌿𑌦𑍍𑌧𑌚𑌾𑌰𑌣𑌯𑌕𑍍𑌷𑌾𑌶𑍍𑌚 𑌅𑌨𑍍𑌯𑍇 𑌚 𑌮𑍁𑌨𑌯𑍋 𑌜𑌨𑌾𑌃 ॥ 263 ॥
𑌗𑍁𑌰𑍁𑌭𑌾𑌵𑌃 𑌪𑌰𑌂 𑌤𑍀𑌰𑍍𑌥𑌮𑌨𑍍𑌯𑌤𑍀𑌰𑍍𑌥𑌂 𑌨𑌿𑌰𑌰𑍍𑌥𑌕𑌮𑍍 ।
𑌸𑌰𑍍𑌵𑌤𑍀𑌰𑍍𑌥𑌮𑌯𑌂 𑌦𑍇𑌵𑌿 𑌶𑍍𑌰𑍀𑌗𑍁𑌰𑍋𑌶𑍍𑌚𑌰𑌣𑌾𑌮𑍍𑌬𑍁𑌜𑌮𑍍 ॥ 264 ॥
𑌕𑌨𑍍𑌯𑌾𑌭𑍋𑌗𑌰𑌤𑌾 𑌮𑌨𑍍𑌦𑌾𑌃 𑌸𑍍𑌵𑌕𑌾𑌨𑍍𑌤𑌾𑌯𑌾𑌃 𑌪𑌰𑌾𑌙𑍍𑌮𑍁𑌖𑌾𑌃 ।
𑌅𑌤𑌃 𑌪𑌰𑌂 𑌮𑌯𑌾 𑌦𑍇𑌵𑌿 𑌕𑌥𑌿𑌤𑌂 𑌨 𑌮𑌮 𑌪𑍍𑌰𑌿𑌯𑍇 ॥ 265 ॥
𑌇𑌦𑌂 𑌰𑌹𑌸𑍍𑌯𑌮𑌸𑍍𑌪𑌷𑍍𑌟𑌂 𑌵𑌕𑍍𑌤𑌵𑍍𑌯𑌂 𑌚 𑌵𑌰𑌾𑌨𑌨𑍇 ।
𑌸𑍁𑌗𑍋𑌪𑍍𑌯𑌂 𑌚 𑌤𑌵𑌾𑌗𑍍𑌰𑍇 𑌤𑍁 𑌮𑌮𑌾𑌤𑍍𑌮𑌪𑍍𑌰𑍀𑌤𑌯𑍇 𑌸𑌤𑌿 ॥ 266 ॥
𑌸𑍍𑌵𑌾𑌮𑌿𑌮𑍁𑌖𑍍𑌯𑌗𑌣𑍇𑌶𑌾𑌦𑍍𑌯𑌾𑌨𑍍 𑌵𑍈𑌷𑍍𑌣𑌵𑌾𑌦𑍀𑌂𑌶𑍍𑌚 𑌪𑌾𑌰𑍍𑌵𑌤𑌿 ।
𑌨 𑌵𑌕𑍍𑌤𑌵𑍍𑌯𑌂 𑌮𑌹𑌾𑌮𑌾𑌯𑍇 𑌪𑌾𑌦𑌸𑍍𑌪𑌰𑍍𑌶𑌂 𑌕𑍁𑌰𑍁𑌷𑍍𑌵 𑌮𑍇 ॥ 267 ॥
𑌅𑌭𑌕𑍍𑌤𑍇 𑌵𑌞𑍍𑌚𑌕𑍇 𑌧𑍂𑌰𑍍𑌤𑍇 𑌪𑌾𑌷𑌣𑍍𑌡𑍇 𑌨𑌾𑌸𑍍𑌤𑌿𑌕𑌾𑌦𑌿𑌷𑍁 ।
𑌮𑌨𑌸𑌾𑌽𑌪𑌿 𑌨 𑌵𑌕𑍍𑌤𑌵𑍍𑌯𑌾 𑌗𑍁𑌰𑍁𑌗𑍀𑌤𑌾 𑌕𑌦𑌾𑌚𑌨 ॥ 268 ॥
𑌗𑍁𑌰𑌵𑍋 𑌬𑌹𑌵𑌃 𑌸𑌨𑍍𑌤𑌿 𑌶𑌿𑌷𑍍𑌯𑌵𑌿𑌤𑍍𑌤𑌾𑌪𑌹𑌾𑌰𑌕𑌾𑌃 ।
𑌤𑌮𑍇𑌕𑌂 𑌦𑍁𑌰𑍍𑌲𑌭𑌂 𑌮𑌨𑍍𑌯𑍇 𑌶𑌿𑌷𑍍𑌯𑌹𑍃𑌤𑍍𑌤𑌾𑌪𑌹𑌾𑌰𑌕𑌮𑍍 ॥ 269 ॥
𑌚𑌾𑌤𑍁𑌰𑍍𑌯𑌵𑌾𑌨𑍍 𑌵𑌿𑌵𑍇𑌕𑍀 𑌚 𑌅𑌧𑍍𑌯𑌾𑌤𑍍𑌮𑌜𑍍𑌞𑌾𑌨𑌵𑌾𑌨𑍍 𑌶𑍁𑌚𑌿𑌃 ।
𑌮𑌾𑌨𑌸𑌂 𑌨𑌿𑌰𑍍𑌮𑌲𑌂 𑌯𑌸𑍍𑌯 𑌗𑍁𑌰𑍁𑌤𑍍𑌵𑌂 𑌤𑌸𑍍𑌯 𑌶𑍋𑌭𑌤𑍇 ॥ 270 ॥
𑌗𑍁𑌰𑌵𑍋 𑌨𑌿𑌰𑍍𑌮𑌲𑌾𑌃 𑌶𑌾𑌨𑍍𑌤𑌾𑌃 𑌸𑌾𑌧𑌵𑍋 𑌮𑌿𑌤𑌭𑌾𑌷𑌿𑌣𑌃 ।
𑌕𑌾𑌮𑌕𑍍𑌰𑍋𑌧𑌵𑌿𑌨𑌿𑌰𑍍𑌮𑍁𑌕𑍍𑌤𑌾𑌃 𑌸𑌦𑌾𑌚𑌾𑌰𑌾𑌃 𑌜𑌿𑌤𑍇𑌨𑍍𑌦𑍍𑌰𑌿𑌯𑌾𑌃 ॥ 271 ॥
𑌸𑍂𑌚𑌕𑌾𑌦𑌿𑌪𑍍𑌰𑌭𑍇𑌦𑍇𑌨 𑌗𑍁𑌰𑌵𑍋 𑌬𑌹𑍁𑌧𑌾 𑌸𑍍𑌮𑍃𑌤𑌾𑌃 ।
𑌸𑍍𑌵𑌯𑌂 𑌸𑌮𑍍𑌯𑌕𑍍 𑌪𑌰𑍀𑌕𑍍𑌷𑍍𑌯𑌾𑌥 𑌤𑌤𑍍𑌤𑍍𑌵𑌨𑌿𑌷𑍍𑌠𑌂 𑌭𑌜𑍇𑌤𑍍𑌸𑍁𑌧𑍀𑌃 ॥ 272 ॥
𑌵𑌰𑍍𑌣𑌜𑌾𑌲𑌮𑌿𑌦𑌂 𑌤𑌦𑍍𑌵𑌦𑍍𑌬𑌾𑌹𑍍𑌯𑌶𑌾𑌸𑍍𑌤𑍍𑌰𑌂 𑌤𑍁 𑌲𑍗𑌕𑌿𑌕𑌮𑍍 ।
𑌯𑌸𑍍𑌮𑌿𑌨𑍍 𑌦𑍇𑌵𑌿 𑌸𑌮𑌭𑍍𑌯𑌸𑍍𑌤𑌂 𑌸 𑌗𑍁𑌰𑍁𑌃 𑌸𑍁𑌚𑌕𑌃 𑌸𑍍𑌮𑍃𑌤𑌃 ॥ 273 ॥
𑌵𑌰𑍍𑌣𑌾𑌶𑍍𑌰𑌮𑍋𑌚𑌿𑌤𑌾𑌂 𑌵𑌿𑌦𑍍𑌯𑌾𑌂 𑌧𑌰𑍍𑌮𑌾𑌧𑌰𑍍𑌮𑌵𑌿𑌧𑌾𑌯𑌿𑌨𑍀𑌮𑍍 ।
𑌪𑍍𑌰𑌵𑌕𑍍𑌤𑌾𑌰𑌂 𑌗𑍁𑌰𑍁𑌂 𑌵𑌿𑌦𑍍𑌧𑌿 𑌵𑌾𑌚𑌕𑌂 𑌤𑍍𑌵𑌿𑌤𑌿 𑌪𑌾𑌰𑍍𑌵𑌤𑌿 ॥ 274 ॥
𑌪𑌞𑍍𑌚𑌾𑌕𑍍𑌷𑌰𑍍𑌯𑌾𑌦𑌿𑌮𑌨𑍍𑌤𑍍𑌰𑌾𑌣𑌾𑌮𑍁𑌪𑌦𑍇𑌷𑍍𑌟𑌾 𑌤𑍁 𑌪𑌾𑌰𑍍𑌵𑌤𑌿 ।
𑌸 𑌗𑍁𑌰𑍁𑌰𑍍𑌬𑍋𑌧𑌕𑍋 𑌭𑍂𑌯𑌾𑌦𑍁𑌭𑌯𑍋𑌰𑌯𑌮𑍁𑌤𑍍𑌤𑌮𑌃 ॥ 275 ॥
𑌮𑍋𑌹𑌮𑌾𑌰𑌣𑌵𑌶𑍍𑌯𑌾𑌦𑌿𑌤𑍁𑌚𑍍𑌛𑌮𑌨𑍍𑌤𑍍𑌰𑍋𑌪𑌦𑍇𑌶𑌿𑌨𑌮𑍍 ।
𑌨𑌿𑌷𑌿𑌦𑍍𑌧𑌗𑍁𑌰𑍁𑌰𑌿𑌤𑍍𑌯𑌾𑌹𑍁𑌃 𑌪𑌣𑍍𑌡𑌿𑌤𑌾𑌸𑍍𑌤𑌤𑍍𑌤𑍍𑌵𑌦𑌰𑍍𑌶𑌿𑌨𑌃 ॥ 276 ॥
𑌅𑌨𑌿𑌤𑍍𑌯𑌮𑌿𑌤𑌿 𑌨𑌿𑌰𑍍𑌦𑌿𑌶𑍍𑌯 𑌸𑌂𑌸𑌾𑌰𑌂 𑌸𑌙𑍍𑌕𑌟𑌾𑌲𑌯𑌮𑍍 ।
𑌵𑍈𑌰𑌾𑌗𑍍𑌯𑌪𑌥𑌦𑌰𑍍𑌶𑍀 𑌯𑌃 𑌸 𑌗𑍁𑌰𑍁𑌰𑍍𑌵𑌿𑌹𑌿𑌤𑌃 𑌪𑍍𑌰𑌿𑌯𑍇 ॥ 277 ॥
𑌤𑌤𑍍𑌤𑍍𑌵𑌮𑌸𑍍𑌯𑌾𑌦𑌿𑌵𑌾𑌕𑍍𑌯𑌾𑌨𑌾𑌮𑍁𑌪𑌦𑍇𑌷𑍍𑌟𑌾 𑌤𑍁 𑌪𑌾𑌰𑍍𑌵𑌤𑌿 ।
𑌕𑌾𑌰𑌣𑌾𑌖𑍍𑌯𑍋 𑌗𑍁𑌰𑍁𑌃 𑌪𑍍𑌰𑍋𑌕𑍍𑌤𑍋 𑌭𑌵𑌰𑍋𑌗𑌨𑌿𑌵𑌾𑌰𑌕𑌃 ॥ 278 ॥
𑌸𑌰𑍍𑌵𑌸𑌨𑍍𑌦𑍇𑌹𑌸𑌨𑍍𑌦𑍋𑌹𑌨𑌿𑌰𑍍𑌮𑍂𑌲𑌨𑌵𑌿𑌚𑌕𑍍𑌷𑌣𑌃 ।
𑌜𑌨𑍍𑌮𑌮𑍃𑌤𑍍𑌯𑍁𑌭𑌯𑌘𑍍𑌨𑍋 𑌯𑌃 𑌸 𑌗𑍁𑌰𑍁𑌃 𑌪𑌰𑌮𑍋 𑌮𑌤𑌃 ॥ 279 ॥
𑌬𑌹𑍁𑌜𑌨𑍍𑌮𑌕𑍃𑌤𑌾𑌤𑍍 𑌪𑍁𑌣𑍍𑌯𑌾𑌲𑍍𑌲𑌭𑍍𑌯𑌤𑍇𑌽𑌸𑍗 𑌮𑌹𑌾𑌗𑍁𑌰𑍁𑌃 ।
𑌲𑌬𑍍𑌧𑍍𑌵𑌾𑌽𑌮𑍁𑌂 𑌨 𑌪𑍁𑌨𑌰𑍍𑌯𑌾𑌤𑌿 𑌶𑌿𑌷𑍍𑌯𑌃 𑌸𑌂𑌸𑌾𑌰𑌬𑌨𑍍𑌧𑌨𑌮𑍍 ॥ 280 ॥
𑌏𑌵𑌂 𑌬𑌹𑍁𑌵𑌿𑌧𑌾 𑌲𑍋𑌕𑍇 𑌗𑍁𑌰𑌵𑌃 𑌸𑌨𑍍𑌤𑌿 𑌪𑌾𑌰𑍍𑌵𑌤𑌿 ।
𑌤𑍇𑌷𑍁 𑌸𑌰𑍍𑌵𑌪𑍍𑌰𑌯𑌤𑍍𑌨𑍇𑌨 𑌸𑍇𑌵𑍍𑌯𑍋 𑌹𑌿 𑌪𑌰𑌮𑍋 𑌗𑍁𑌰𑍁𑌃 ॥ 281 ॥
𑌨𑌿𑌷𑌿𑌦𑍍𑌧𑌗𑍁𑌰𑍁𑌶𑌿𑌷𑍍𑌯𑌸𑍍𑌤𑍁 𑌦𑍁𑌷𑍍𑌟𑌸𑌙𑍍𑌕𑌲𑍍𑌪𑌦𑍂𑌷𑌿𑌤𑌃 ।
𑌬𑍍𑌰𑌹𑍍𑌮𑌪𑍍𑌰𑌲𑌯𑌪𑌰𑍍𑌯𑌨𑍍𑌤𑌂 𑌨 𑌪𑍁𑌨𑌰𑍍𑌯𑌾𑌤𑌿 𑌮𑌰𑍍𑌤𑍍𑌯𑌤𑌾𑌮𑍍 ॥ 282 ॥
𑌏𑌵𑌂 𑌶𑍍𑌰𑍁𑌤𑍍𑌵𑌾 𑌮𑌹𑌾𑌦𑍇𑌵𑍀 𑌮𑌹𑌾𑌦𑍇𑌵𑌵𑌚𑌸𑍍𑌤𑌥𑌾 ।
𑌅𑌤𑍍𑌯𑌨𑍍𑌤𑌵𑌿𑌹𑍍𑌵𑌲𑌮𑌨𑌾𑌃 𑌶𑌙𑍍𑌕𑌰𑌂 𑌪𑌰𑌿𑌪𑍃𑌚𑍍𑌛𑌤𑌿 ॥ 283 ॥
𑌪𑌾𑌰𑍍𑌵𑌤𑍍𑌯𑍁𑌵𑌾𑌚 ।
𑌨𑌮𑌸𑍍𑌤𑍇 𑌦𑍇𑌵𑌦𑍇𑌵𑌾𑌤𑍍𑌰 𑌶𑍍𑌰𑍋𑌤𑌵𑍍𑌯𑌂 𑌕𑌿𑌞𑍍𑌚𑌿𑌦𑌸𑍍𑌤𑌿 𑌮𑍇 ।
𑌶𑍍𑌰𑍁𑌤𑍍𑌵𑌾 𑌤𑍍𑌵𑌦𑍍𑌵𑌾𑌕𑍍𑌯𑌮𑌧𑍁𑌨𑌾 𑌭𑍃𑌶𑌂 𑌸𑍍𑌯𑌾𑌦𑍍𑌵𑌿𑌹𑍍𑌵𑌲𑌂 𑌮𑌨𑌃 ॥ 284 ॥
𑌸𑍍𑌵𑌯𑌂 𑌮𑍂𑌢𑌾 𑌮𑍃𑌤𑍍𑌯𑍁𑌭𑍀𑌤𑌾𑌃 𑌸𑍁𑌕𑍃𑌤𑌾𑌦𑍍𑌵𑌿𑌰𑌤𑌿𑌂 𑌗𑌤𑌾𑌃 ।
𑌦𑍈𑌵𑌾𑌨𑍍𑌨𑌿𑌷𑌿𑌦𑍍𑌧𑌗𑍁𑌰𑍁𑌗𑌾 𑌯𑌦𑌿 𑌤𑍇𑌷𑌾𑌂 𑌤𑍁 𑌕𑌾 𑌗𑌤𑌿𑌃 ॥ 285 ॥
𑌶𑍍𑌰𑍀 𑌮𑌹𑌾𑌦𑍇𑌵 𑌉𑌵𑌾𑌚 ।
𑌶𑍃𑌣𑍁 𑌤𑌤𑍍𑌤𑍍𑌵𑌮𑌿𑌦𑌂 𑌦𑍇𑌵𑌿 𑌯𑌦𑌾 𑌸𑍍𑌯𑌾𑌦𑍍𑌵𑌿𑌰𑌤𑍋 𑌨𑌰𑌃 ।
𑌤𑌦𑌾𑌽𑌸𑌾𑌵𑌧𑌿𑌕𑌾𑌰𑍀𑌤𑌿 𑌪𑍍𑌰𑍋𑌚𑍍𑌯𑌤𑍇 𑌶𑍍𑌰𑍁𑌤𑌿𑌮𑌸𑍍𑌤𑌕𑍈𑌃 ॥ 286 ॥
𑌅𑌖𑌣𑍍𑌡𑍈𑌕𑌰𑌸𑌂 𑌬𑍍𑌰𑌹𑍍𑌮 𑌨𑌿𑌤𑍍𑌯𑌮𑍁𑌕𑍍𑌤𑌂 𑌨𑌿𑌰𑌾𑌮𑌯𑌮𑍍 ।
𑌸𑍍𑌵𑌸𑍍𑌮𑌿𑌨𑍍 𑌸𑌨𑍍𑌦𑌰𑍍𑌶𑌿𑌤𑌂 𑌯𑍇𑌨 𑌸 𑌭𑌵𑍇𑌦𑌸𑍍𑌯𑌂 𑌦𑍇𑌶𑌿𑌕𑌃 ॥ 287 ॥
𑌜𑌲𑌾𑌨𑌾𑌂 𑌸𑌾𑌗𑌰𑍋 𑌰𑌾𑌜𑌾 𑌯𑌥𑌾 𑌭𑌵𑌤𑌿 𑌪𑌾𑌰𑍍𑌵𑌤𑌿 ।
𑌗𑍁𑌰𑍂𑌣𑌾𑌂 𑌤𑌤𑍍𑌰 𑌸𑌰𑍍𑌵𑍇𑌷𑌾𑌂 𑌰𑌾𑌜𑌾𑌽𑌯𑌂 𑌪𑌰𑌮𑍋 𑌗𑍁𑌰𑍁𑌃 ॥ 288 ॥
𑌮𑍋𑌹𑌾𑌦𑌿𑌰𑌹𑌿𑌤𑌃 𑌶𑌾𑌨𑍍𑌤𑍋 𑌨𑌿𑌤𑍍𑌯𑌤𑍃𑌪𑍍𑌤𑍋 𑌨𑌿𑌰𑌾𑌶𑍍𑌰𑌯𑌃 ।
𑌤𑍃𑌣𑍀𑌕𑍃𑌤𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌵𑍈𑌭𑌵𑌃 𑌪𑌰𑌮𑍋 𑌗𑍁𑌰𑍁𑌃 ॥ 289 ॥
𑌸𑌰𑍍𑌵𑌕𑌾𑌲𑌵𑌿𑌦𑍇𑌶𑍇𑌷𑍁 𑌸𑍍𑌵𑌤𑌨𑍍𑌤𑍍𑌰𑍋 𑌨𑌿𑌶𑍍𑌚𑌲𑌸𑍍𑌸𑍁𑌖𑍀 ।
𑌅𑌖𑌣𑍍𑌡𑍈𑌕𑌰𑌸𑌾𑌸𑍍𑌵𑌾𑌦𑌤𑍃𑌪𑍍𑌤𑍋 𑌹𑌿 𑌪𑌰𑌮𑍋 𑌗𑍁𑌰𑍁𑌃 ॥ 290 ॥
𑌦𑍍𑌵𑍈𑌤𑌾𑌦𑍍𑌵𑍈𑌤𑌵𑌿𑌨𑌿𑌰𑍍𑌮𑍁𑌕𑍍𑌤𑌃 𑌸𑍍𑌵𑌾𑌨𑍁𑌭𑍂𑌤𑌿𑌪𑍍𑌰𑌕𑌾𑌶𑌵𑌾𑌨𑍍 ।
𑌅𑌜𑍍𑌞𑌾𑌨𑌾𑌨𑍍𑌧𑌤𑌮𑌶𑍍𑌛𑍇𑌤𑍍𑌤𑌾 𑌸𑌰𑍍𑌵𑌜𑍍𑌞𑌃 𑌪𑌰𑌮𑍋 𑌗𑍁𑌰𑍁𑌃 ॥ 291 ॥
𑌯𑌸𑍍𑌯 𑌦𑌰𑍍𑌶𑌨𑌮𑌾𑌤𑍍𑌰𑍇𑌣 𑌮𑌨𑌸𑌃 𑌸𑍍𑌯𑌾𑌤𑍍 𑌪𑍍𑌰𑌸𑌨𑍍𑌨𑌤𑌾 ।
𑌸𑍍𑌵𑌯𑌂 𑌭𑍂𑌯𑌾𑌤𑍍 𑌧𑍃𑌤𑌿𑌶𑍍𑌶𑌾𑌨𑍍𑌤𑌿𑌃 𑌸 𑌭𑌵𑍇𑌤𑍍 𑌪𑌰𑌮𑍋 𑌗𑍁𑌰𑍁𑌃 ॥ 292 ॥
𑌸𑌿𑌦𑍍𑌧𑌿𑌜𑌾𑌲𑌂 𑌸𑌮𑌾𑌲𑍋𑌕𑍍𑌯 𑌯𑍋𑌗𑌿𑌨𑌾𑌂 𑌮𑌨𑍍𑌤𑍍𑌰𑌵𑌾𑌦𑌿𑌨𑌾𑌮𑍍 ।
𑌤𑍁𑌚𑍍𑌛𑌾𑌕𑌾𑌰𑌮𑌨𑍋𑌵𑍃𑌤𑍍𑌤𑌿𑌃 𑌯𑌸𑍍𑌯𑌾𑌸𑍗 𑌪𑌰𑌮𑍋 𑌗𑍁𑌰𑍁𑌃 ॥ 293 ॥
𑌸𑍍𑌵𑌶𑌰𑍀𑌰𑌂 𑌶𑌵𑌂 𑌪𑌶𑍍𑌯𑌨𑍍 𑌤𑌥𑌾 𑌸𑍍𑌵𑌾𑌤𑍍𑌮𑌾𑌨𑌮𑌦𑍍𑌵𑌯𑌮𑍍 ।
𑌯𑌃 𑌸𑍍𑌤𑍍𑌰𑍀𑌕𑌨𑌕𑌮𑍋𑌹𑌘𑍍𑌨𑌃 𑌸 𑌭𑌵𑍇𑌤𑍍 𑌪𑌰𑌮𑍋 𑌗𑍁𑌰𑍁𑌃 ॥ 294 ॥
𑌮𑍗𑌨𑍀 𑌵𑌾𑌗𑍍𑌮𑍀𑌤𑌿 𑌤𑌤𑍍𑌤𑍍𑌵𑌜𑍍𑌞𑍋 𑌦𑍍𑌵𑌿𑌧𑌾𑌽𑌭𑍂𑌚𑍍𑌛𑍃𑌣𑍁 𑌪𑌾𑌰𑍍𑌵𑌤𑌿 ।
𑌨 𑌕𑌶𑍍𑌚𑌿𑌨𑍍𑌮𑍗𑌨𑌿𑌨𑌾𑌂 𑌲𑍋𑌭𑍋 𑌲𑍋𑌕𑍇𑌽𑌸𑍍𑌮𑌿𑌨𑍍𑌭𑌵𑌤𑌿 𑌪𑍍𑌰𑌿𑌯𑍇 ॥ 295 ॥
𑌵𑌾𑌗𑍍𑌮𑍀 𑌤𑍂𑌤𑍍𑌕𑌟𑌸𑌂𑌸𑌾𑌰𑌸𑌾𑌗𑌰𑍋𑌤𑍍𑌤𑌾𑌰𑌣𑌕𑍍𑌷𑌮𑌃 ।
𑌯𑌤𑍋𑌽𑌸𑍗 𑌸𑌂𑌶𑌯𑌚𑍍𑌛𑍇𑌤𑍍𑌤𑌾 𑌶𑌾𑌸𑍍𑌤𑍍𑌰𑌯𑍁𑌕𑍍𑌤𑍍𑌯𑌨𑍁𑌭𑍂𑌤𑌿𑌭𑌿𑌃 ॥ 296 ॥
𑌗𑍁𑌰𑍁𑌨𑌾𑌮𑌜𑌪𑌾𑌦𑍍𑌦𑍇𑌵𑌿 𑌬𑌹𑍁𑌜𑌨𑍍𑌮𑌾𑌰𑍍𑌜𑌿𑌤𑌾𑌨𑍍𑌯𑌪𑌿 ।
𑌪𑌾𑌪𑌾𑌨𑌿 𑌵𑌿𑌲𑌯𑌂 𑌯𑌾𑌨𑍍𑌤𑌿 𑌨𑌾𑌸𑍍𑌤𑌿 𑌸𑌨𑍍𑌦𑍇𑌹𑌮𑌣𑍍𑌵𑌪𑌿 ॥ 297 ॥
𑌶𑍍𑌰𑍀𑌗𑍁𑌰𑍋𑌸𑍍𑌸𑌦𑍃𑌶𑌂 𑌦𑍈𑌵𑌂 𑌶𑍍𑌰𑍀𑌗𑍁𑌰𑍋𑌸𑌦𑍃𑌶𑌃 𑌪𑌿𑌤𑌾 ।
𑌗𑍁𑌰𑍁𑌧𑍍𑌯𑌾𑌨𑌸𑌮𑌂 𑌕𑌰𑍍𑌮 𑌨𑌾𑌸𑍍𑌤𑌿 𑌨𑌾𑌸𑍍𑌤𑌿 𑌮𑌹𑍀𑌤𑌲𑍇 ॥ 298 ॥
𑌕𑍁𑌲𑌂 𑌧𑌨𑌂 𑌬𑌲𑌂 𑌶𑌾𑌸𑍍𑌤𑍍𑌰𑌂 𑌬𑌾𑌨𑍍𑌧𑌵𑌾𑌸𑍍𑌸𑍋𑌦𑌰𑌾 𑌇𑌮𑍇 ।
𑌮𑌰𑌣𑍇 𑌨𑍋𑌪𑌯𑍁𑌜𑍍𑌯𑌨𑍍𑌤𑍇 𑌗𑍁𑌰𑍁𑌰𑍇𑌕𑍋 𑌹𑌿 𑌤𑌾𑌰𑌕𑌃 ॥ 299 ॥
𑌕𑍁𑌲𑌮𑍇𑌵 𑌪𑌵𑌿𑌤𑍍𑌰𑌂 𑌸𑍍𑌯𑌾𑌤𑍍 𑌸𑌤𑍍𑌯𑌂 𑌸𑍍𑌵𑌗𑍁𑌰𑍁𑌸𑍇𑌵𑌯𑌾 ।
𑌤𑍃𑌪𑍍𑌤𑌾𑌃 𑌸𑍍𑌯𑍁𑌸𑍍𑌸𑌕𑌲𑌾 𑌦𑍇𑌵𑌾 𑌬𑍍𑌰𑌹𑍍𑌮𑌾𑌦𑍍𑌯𑌾 𑌗𑍁𑌰𑍁𑌤𑌰𑍍𑌪𑌣𑌾𑌤𑍍 ॥ 300 ॥
𑌗𑍁𑌰𑍁𑌰𑍇𑌕𑍋 𑌹𑌿 𑌜𑌾𑌨𑌾𑌤𑌿 𑌸𑍍𑌵𑌰𑍂𑌪𑌂 𑌦𑍇𑌵𑌮𑌵𑍍𑌯𑌯𑌮𑍍 ।
𑌤𑌦𑍍𑌜𑍍𑌞𑌾𑌨𑌂 𑌯𑌤𑍍𑌪𑍍𑌰𑌸𑌾𑌦𑍇𑌨 𑌨𑌾𑌨𑍍𑌯𑌥𑌾 𑌶𑌾𑌸𑍍𑌤𑍍𑌰𑌕𑍋𑌟𑌿𑌭𑌿𑌃 ॥ 301 ॥
𑌸𑍍𑌵𑌰𑍂𑌪𑌜𑍍𑌞𑌾𑌨𑌶𑍂𑌨𑍍𑌯𑍇𑌨 𑌕𑍃𑌤𑌮𑌪𑍍𑌯𑌕𑍃𑌤𑌂 𑌭𑌵𑍇𑌤𑍍 ।
𑌤𑌪𑍋𑌜𑌪𑌾𑌦𑌿𑌕𑌂 𑌦𑍇𑌵𑌿 𑌸𑌕𑌲𑌂 𑌬𑌾𑌲𑌜𑌲𑍍𑌪𑌵𑌤𑍍 ॥ 302 ॥
𑌶𑌿𑌵𑌂 𑌕𑍇𑌚𑌿𑌦𑍍𑌧𑌰𑌿𑌂 𑌕𑍇𑌚𑌿𑌦𑍍𑌵𑌿𑌧𑌿𑌂 𑌕𑍇𑌚𑌿𑌤𑍍𑌤𑍁 𑌕𑍇𑌚𑌨 ।
𑌶𑌕𑍍𑌤𑌿𑌂 𑌦𑍈𑌵𑌮𑌿𑌤𑌿 𑌜𑍍𑌞𑌾𑌤𑍍𑌵𑌾 𑌵𑌿𑌵𑌦𑌨𑍍𑌤𑌿 𑌵𑍃𑌥𑌾 𑌨𑌰𑌾𑌃 ॥ 303 ॥
𑌨 𑌜𑌾𑌨𑌨𑍍𑌤𑌿 𑌪𑌰𑌂 𑌤𑌤𑍍𑌤𑍍𑌵𑌂 𑌗𑍁𑌰𑍁𑌦𑍀𑌕𑍍𑌷𑌾𑌪𑌰𑌾𑌙𑍍𑌮𑍁𑌖𑌾𑌃 ।
𑌭𑍍𑌰𑌾𑌨𑍍𑌤𑌾𑌃 𑌪𑌶𑍁𑌸𑌮𑌾 𑌹𑍍𑌯𑍇𑌤𑍇 𑌸𑍍𑌵𑌪𑌰𑌿𑌜𑍍𑌞𑌾𑌨𑌵𑌰𑍍𑌜𑌿𑌤𑌾𑌃 ॥ 304 ॥
𑌤𑌸𑍍𑌮𑌾𑌤𑍍𑌕𑍈𑌵𑌲𑍍𑌯𑌸𑌿𑌦𑍍𑌧𑍍𑌯𑌰𑍍𑌥𑌂 𑌗𑍁𑌰𑍁𑌮𑍇𑌵 𑌭𑌜𑍇𑌤𑍍𑌪𑍍𑌰𑌿𑌯𑍇 ।
𑌗𑍁𑌰𑍁𑌂 𑌵𑌿𑌨𑌾 𑌨 𑌜𑌾𑌨𑌨𑍍𑌤𑌿 𑌮𑍂𑌢𑌾𑌸𑍍𑌤𑌤𑍍𑌪𑌰𑌮𑌂 𑌪𑌦𑌮𑍍 ॥ 305 ॥
𑌭𑌿𑌦𑍍𑌯𑌤𑍇 𑌹𑍃𑌦𑌯𑌗𑍍𑌰𑌨𑍍𑌥𑌿𑌶𑍍𑌛𑌿𑌦𑍍𑌯𑌨𑍍𑌤𑍇 𑌸𑌰𑍍𑌵𑌸𑌂𑌶𑌯𑌾𑌃 ।
𑌕𑍍𑌷𑍀𑌯𑌨𑍍𑌤𑍇 𑌸𑌰𑍍𑌵𑌕𑌰𑍍𑌮𑌾𑌣𑌿 𑌗𑍁𑌰𑍋𑌃 𑌕𑌰𑍁𑌣𑌯𑌾 𑌶𑌿𑌵𑍇 ॥ 306 ॥
𑌕𑍃𑌤𑌾𑌯𑌾 𑌗𑍁𑌰𑍁𑌭𑌕𑍍𑌤𑍇𑌸𑍍𑌤𑍁 𑌵𑍇𑌦𑌶𑌾𑌸𑍍𑌤𑍍𑌰𑌾𑌨𑍁𑌸𑌾𑌰𑌤𑌃 ।
𑌮𑍁𑌚𑍍𑌯𑌤𑍇 𑌪𑌾𑌤𑌕𑌾𑌦𑍍𑌘𑍋𑌰𑌾𑌤𑍍 𑌗𑍁𑌰𑍁𑌭𑌕𑍍𑌤𑍋 𑌵𑌿𑌶𑍇𑌷𑌤𑌃 ॥ 307 ॥
𑌦𑍁𑌸𑍍𑌸𑌙𑍍𑌗𑌂 𑌚 𑌪𑌰𑌿𑌤𑍍𑌯𑌜𑍍𑌯 𑌪𑌾𑌪𑌕𑌰𑍍𑌮 𑌪𑌰𑌿𑌤𑍍𑌯𑌜𑍇𑌤𑍍 ।
𑌚𑌿𑌤𑍍𑌤𑌚𑌿𑌹𑍍𑌨𑌮𑌿𑌦𑌂 𑌯𑌸𑍍𑌯 𑌤𑌸𑍍𑌯 𑌦𑍀𑌕𑍍𑌷𑌾 𑌵𑌿𑌧𑍀𑌯𑌤𑍇 ॥ 308 ॥
𑌚𑌿𑌤𑍍𑌤𑌤𑍍𑌯𑌾𑌗𑌨𑌿𑌯𑍁𑌕𑍍𑌤𑌶𑍍𑌚 𑌕𑍍𑌰𑍋𑌧𑌗𑌰𑍍𑌵𑌵𑌿𑌵𑌰𑍍𑌜𑌿𑌤𑌃 ।
𑌦𑍍𑌵𑍈𑌤𑌭𑌾𑌵𑌪𑌰𑌿𑌤𑍍𑌯𑌾𑌗𑍀 𑌤𑌸𑍍𑌯 𑌦𑍀𑌕𑍍𑌷𑌾 𑌵𑌿𑌧𑍀𑌯𑌤𑍇 ॥ 309 ॥
𑌏𑌤𑌲𑍍𑌲𑌕𑍍𑌷𑌣𑌯𑍁𑌕𑍍𑌤𑌤𑍍𑌵𑌂 𑌸𑌰𑍍𑌵𑌭𑍂𑌤𑌹𑌿𑌤𑍇 𑌰𑌤𑌮𑍍 ।
𑌨𑌿𑌰𑍍𑌮𑌲𑌂 𑌜𑍀𑌵𑌿𑌤𑌂 𑌯𑌸𑍍𑌯 𑌤𑌸𑍍𑌯 𑌦𑍀𑌕𑍍𑌷𑌾 𑌵𑌿𑌧𑍀𑌯𑌤𑍇 ॥ 310 ॥
𑌕𑍍𑌰𑌿𑌯𑌯𑌾 𑌚𑌾𑌨𑍍𑌵𑌿𑌤𑌂 𑌪𑍂𑌰𑍍𑌵𑌂 𑌦𑍀𑌕𑍍𑌷𑌾𑌜𑌾𑌲𑌂 𑌨𑌿𑌰𑍂𑌪𑌿𑌤𑌮𑍍 ।
𑌮𑌨𑍍𑌤𑍍𑌰𑌦𑍀𑌕𑍍𑌷𑌾𑌭𑌿𑌧𑌂 𑌸𑌾𑌙𑍍𑌗𑍋𑌪𑌾𑌙𑍍𑌗𑌂 𑌸𑌰𑍍𑌵𑌂 𑌶𑌿𑌵𑍋𑌦𑌿𑌤𑌮𑍍 ॥ 311 ॥
𑌕𑍍𑌰𑌿𑌯𑌯𑌾 𑌸𑍍𑌯𑌾𑌦𑍍𑌵𑌿𑌰𑌹𑌿𑌤𑌾𑌂 𑌗𑍁𑌰𑍁𑌸𑌾𑌯𑍁𑌜𑍍𑌯𑌦𑌾𑌯𑌿𑌨𑍀𑌮𑍍 ।
𑌗𑍁𑌰𑍁𑌦𑍀𑌕𑍍𑌷𑌾𑌂 𑌵𑌿𑌨𑌾 𑌕𑍋 𑌵𑌾 𑌗𑍁𑌰𑍁𑌤𑍍𑌵𑌾𑌚𑌾𑌰𑌪𑌾𑌲𑌕𑌃 ॥ 312 ॥
𑌶𑌕𑍍𑌤𑍋 𑌨 𑌚𑌾𑌪𑌿 𑌶𑌕𑍍𑌤𑍋 𑌵𑌾 𑌦𑍈𑌶𑌿𑌕𑌾𑌙𑍍𑌘𑍍𑌰𑌿 𑌸𑌮𑌾𑌶𑍍𑌰𑌯𑍇𑌤𑍍 ।
𑌤𑌸𑍍𑌯 𑌜𑌨𑍍𑌮𑌾𑌸𑍍𑌤𑌿 𑌸𑌫𑌲𑌂 𑌭𑍋𑌗𑌮𑍋𑌕𑍍𑌷𑌫𑌲𑌪𑍍𑌰𑌦𑌮𑍍 ॥ 313 ॥
𑌅𑌤𑍍𑌯𑌨𑍍𑌤𑌚𑌿𑌤𑍍𑌤𑌪𑌕𑍍𑌵𑌸𑍍𑌯 𑌶𑍍𑌰𑌦𑍍𑌧𑌾𑌭𑌕𑍍𑌤𑌿𑌯𑍁𑌤𑌸𑍍𑌯 𑌚 ।
𑌪𑍍𑌰𑌵𑌕𑍍𑌤𑌵𑍍𑌯𑌮𑌿𑌦𑌂 𑌦𑍇𑌵𑌿 𑌮𑌮𑌾𑌤𑍍𑌮𑌪𑍍𑌰𑍀𑌤𑌯𑍇 𑌸𑌦𑌾 ॥ 314 ॥
𑌰𑌹𑌸𑍍𑌯𑌂 𑌸𑌰𑍍𑌵𑌶𑌾𑌸𑍍𑌤𑍍𑌰𑍇𑌷𑍁 𑌗𑍀𑌤𑌾𑌶𑌾𑌸𑍍𑌤𑍍𑌰𑌮𑌿𑌦𑌂 𑌶𑌿𑌵𑍇 ।
𑌸𑌮𑍍𑌯𑌕𑍍𑌪𑌰𑍀𑌕𑍍𑌷𑍍𑌯 𑌵𑌕𑍍𑌤𑌵𑍍𑌯𑌂 𑌸𑌾𑌧𑌕𑌸𑍍𑌯 𑌮𑌹𑌾𑌤𑍍𑌮𑌨𑌃 ॥ 315 ॥
𑌸𑌤𑍍𑌕𑌰𑍍𑌮𑌪𑌰𑌿𑌪𑌾𑌕𑌾𑌚𑍍𑌚 𑌚𑌿𑌤𑍍𑌤𑌶𑍁𑌦𑍍𑌧𑌿𑌶𑍍𑌚 𑌧𑍀𑌮𑌤𑌃 ।
𑌸𑌾𑌧𑌕𑌸𑍍𑌯𑍈𑌵 𑌵𑌕𑍍𑌤𑌵𑍍𑌯𑌾 𑌗𑍁𑌰𑍁𑌗𑍀𑌤𑌾 𑌪𑍍𑌰𑌯𑌤𑍍𑌨𑌤𑌃 ॥ 316 ॥
𑌨𑌾𑌸𑍍𑌤𑌿𑌕𑌾𑌯 𑌕𑍃𑌤𑌘𑍍𑌨𑌾𑌯 𑌦𑌾𑌮𑍍𑌭𑌿𑌕𑌾𑌯 𑌶𑌠𑌾𑌯 𑌚 ।
𑌅𑌭𑌕𑍍𑌤𑌾𑌯 𑌵𑌿𑌭𑌕𑍍𑌤𑌾𑌯 𑌨 𑌵𑌾𑌚𑍍𑌯𑍇𑌯𑌂 𑌕𑌦𑌾𑌚𑌨 ॥ 317 ॥
𑌸𑍍𑌤𑍍𑌰𑍀𑌲𑍋𑌲𑍁𑌪𑌾𑌯 𑌮𑍂𑌰𑍍𑌖𑌾𑌯 𑌕𑌾𑌮𑍋𑌪𑌹𑌤𑌚𑍇𑌤𑌸𑍇 ।
𑌨𑌿𑌨𑍍𑌦𑌕𑌾𑌯 𑌨 𑌵𑌕𑍍𑌤𑌵𑍍𑌯𑌾 𑌗𑍁𑌰𑍁𑌗𑍀𑌤𑌾 𑌸𑍍𑌵𑌭𑌾𑌵𑌤𑌃 ॥ 318 ॥
𑌸𑌰𑍍𑌵𑌪𑌾𑌪𑌪𑍍𑌰𑌶𑌮𑌨𑌂 𑌸𑌰𑍍𑌵𑍋𑌪𑌦𑍍𑌰𑌵𑌵𑌾𑌰𑌕𑌮𑍍 ।
𑌜𑌨𑍍𑌮𑌮𑍃𑌤𑍍𑌯𑍁𑌹𑌰𑌂 𑌦𑍇𑌵𑌿 𑌗𑍀𑌤𑌾𑌶𑌾𑌸𑍍𑌤𑍍𑌰𑌮𑌿𑌦𑌂 𑌶𑌿𑌵𑍇 ॥ 319 ॥
𑌶𑍍𑌰𑍁𑌤𑌿𑌸𑌾𑌰𑌮𑌿𑌦𑌂 𑌦𑍇𑌵𑌿 𑌸𑌰𑍍𑌵𑌮𑍁𑌕𑍍𑌤𑌂 𑌸𑌮𑌾𑌸𑌤𑌃 ।
𑌨𑌾𑌨𑍍𑌯𑌥𑌾 𑌸𑌦𑍍𑌗𑌤𑌿𑌃 𑌪𑍁𑌂𑌸𑌾𑌂 𑌵𑌿𑌨𑌾 𑌗𑍁𑌰𑍁𑌪𑌦𑌂 𑌶𑌿𑌵𑍇 ॥ 320 ॥
𑌬𑌹𑍁𑌜𑌨𑍍𑌮𑌕𑍃𑌤𑌾𑌤𑍍𑌪𑌾𑌪𑌾𑌦𑌯𑌮𑌰𑍍𑌥𑍋 𑌨 𑌰𑍋𑌚𑌤𑍇 ।
𑌜𑌨𑍍𑌮𑌬𑌨𑍍𑌧𑌨𑌿𑌵𑍃𑌤𑍍𑌤𑍍𑌯𑌰𑍍𑌥𑌂 𑌗𑍁𑌰𑍁𑌮𑍇𑌵 𑌭𑌜𑍇𑌤𑍍𑌸𑌦𑌾 ॥ 321 ॥
𑌅𑌹𑌮𑍇𑌵 𑌜𑌗𑌤𑍍𑌸𑌰𑍍𑌵𑌮𑌹𑌮𑍇𑌵 𑌪𑌰𑌂 𑌪𑌦𑌮𑍍 ।
𑌏𑌤𑌦𑍍𑌜𑍍𑌞𑌾𑌨𑌂 𑌯𑌤𑍋 𑌭𑍂𑌯𑌾𑌤𑍍𑌤𑌂 𑌗𑍁𑌰𑍁𑌂 𑌪𑍍𑌰𑌣𑌮𑌾𑌮𑍍𑌯𑌹𑌮𑍍 ॥ 322 ॥
𑌅𑌲𑌂 𑌵𑌿𑌕𑌲𑍍𑌪𑍈𑌰𑌹𑌮𑍇𑌵 𑌕𑍇𑌵𑌲𑌂
𑌮𑌯𑌿 𑌸𑍍𑌥𑌿𑌤𑌂 𑌵𑌿𑌶𑍍𑌵𑌮𑌿𑌦𑌂 𑌚𑌰𑌾𑌚𑌰𑌮𑍍 ।
𑌇𑌦𑌂 𑌰𑌹𑌸𑍍𑌯𑌂 𑌮𑌮 𑌯𑍇𑌨 𑌦𑌰𑍍𑌶𑌿𑌤𑌂
𑌸 𑌵𑌨𑍍𑌦𑌨𑍀𑌯𑍋 𑌗𑍁𑌰𑍁𑌰𑍇𑌵 𑌕𑍇𑌵𑌲𑌮𑍍 ॥ 323 ॥
𑌯𑌸𑍍𑌯𑌾𑌨𑍍𑌤𑌂 𑌨𑌾𑌦𑌿𑌮𑌧𑍍𑌯𑌂 𑌨 𑌹𑌿 𑌕𑌰𑌚𑌰𑌣𑌂 𑌨𑌾𑌮𑌗𑍋𑌤𑍍𑌰𑌂 𑌨 𑌸𑍂𑌤𑍍𑌰𑌮𑍍 ।
𑌨𑍋 𑌜𑌾𑌤𑌿𑌰𑍍𑌨𑍈𑌵 𑌵𑌰𑍍𑌣𑍋 𑌨 𑌭𑌵𑌤𑌿 𑌪𑍁𑌰𑍁𑌷𑍋 𑌨𑍋 𑌨𑌪𑍁𑌂𑌸𑍋 𑌨 𑌚 𑌸𑍍𑌤𑍍𑌰𑍀 ॥ 324 ॥
𑌨𑌾𑌕𑌾𑌰𑌂 𑌨𑍋 𑌵𑌿𑌕𑌾𑌰𑌂 𑌨 𑌹𑌿 𑌜𑌨𑌿𑌮𑌰𑌣𑌂 𑌨𑌾𑌸𑍍𑌤𑌿 𑌪𑍁𑌣𑍍𑌯𑌂 𑌨 𑌪𑌾𑌪𑌮𑍍 ।
𑌨𑍋𑌽𑌤𑌤𑍍𑌤𑍍𑌵𑌂 𑌤𑌤𑍍𑌤𑍍𑌵𑌮𑍇𑌕𑌂 𑌸𑌹𑌜𑌸𑌮𑌰𑌸𑌂 𑌸𑌦𑍍𑌗𑍁𑌰𑍁𑌂 𑌤𑌂 𑌨𑌮𑌾𑌮𑌿 ॥ 325 ॥
𑌨𑌿𑌤𑍍𑌯𑌾𑌯 𑌸𑌤𑍍𑌯𑌾𑌯 𑌚𑌿𑌦𑌾𑌤𑍍𑌮𑌕𑌾𑌯
𑌨𑌵𑍍𑌯𑌾𑌯 𑌭𑌵𑍍𑌯𑌾𑌯 𑌪𑌰𑌾𑌤𑍍𑌪𑌰𑌾𑌯 ।
𑌶𑍁𑌦𑍍𑌧𑌾𑌯 𑌬𑍁𑌦𑍍𑌧𑌾𑌯 𑌨𑌿𑌰𑌞𑍍𑌜𑌨𑌾𑌯
𑌨𑌮𑍋𑌽𑌸𑍍𑌤𑍁 𑌨𑌿𑌤𑍍𑌯𑌂 𑌗𑍁𑌰𑍁𑌶𑍇𑌖𑌰𑌾𑌯 ॥ 326 ॥
𑌸𑌚𑍍𑌚𑌿𑌦𑌾𑌨𑌨𑍍𑌦𑌰𑍂𑌪𑌾𑌯 𑌵𑍍𑌯𑌾𑌪𑌿𑌨𑍇 𑌪𑌰𑌮𑌾𑌤𑍍𑌮𑌨𑍇 ।
𑌨𑌮𑌃 𑌶𑍍𑌰𑍀𑌗𑍁𑌰𑍁𑌨𑌾𑌥𑌾𑌯 𑌪𑍍𑌰𑌕𑌾𑌶𑌾𑌨𑌨𑍍𑌦𑌮𑍂𑌰𑍍𑌤𑌯𑍇 ॥ 327 ॥
𑌸𑌤𑍍𑌯𑌾𑌨𑌨𑍍𑌦𑌸𑍍𑌵𑌰𑍂𑌪𑌾𑌯 𑌬𑍋𑌧𑍈𑌕𑌸𑍁𑌖𑌕𑌾𑌰𑌿𑌣𑍇 ।
𑌨𑌮𑍋 𑌵𑍇𑌦𑌾𑌨𑍍𑌤𑌵𑍇𑌦𑍍𑌯𑌾𑌯 𑌗𑍁𑌰𑌵𑍇 𑌬𑍁𑌦𑍍𑌧𑌿𑌸𑌾𑌕𑍍𑌷𑌿𑌣𑍇 ॥ 328 ॥
𑌨𑌮𑌸𑍍𑌤𑍇 𑌨𑌾𑌥 𑌭𑌗𑌵𑌨𑍍 𑌶𑌿𑌵𑌾𑌯 𑌗𑍁𑌰𑍁𑌰𑍂𑌪𑌿𑌣𑍇 ।
𑌵𑌿𑌦𑍍𑌯𑌾𑌵𑌤𑌾𑌰𑌸𑌂𑌸𑌿𑌦𑍍𑌧𑍍𑌯𑍈 𑌸𑍍𑌵𑍀𑌕𑍃𑌤𑌾𑌨𑍇𑌕𑌵𑌿𑌗𑍍𑌰𑌹 ॥ 329 ॥
𑌨𑌵𑌾𑌯 𑌨𑌵𑌰𑍂𑌪𑌾𑌯 𑌪𑌰𑌮𑌾𑌰𑍍𑌥𑍈𑌕𑌰𑍂𑌪𑌿𑌣𑍇 ।
𑌸𑌰𑍍𑌵𑌾𑌜𑍍𑌞𑌾𑌨𑌤𑌮𑍋𑌭𑍇𑌦𑌭𑌾𑌨𑌵𑍇 𑌚𑌿𑌦𑍍𑌘𑌨𑌾𑌯 𑌤𑍇 ॥ 330 ॥
𑌸𑍍𑌵𑌤𑌨𑍍𑌤𑍍𑌰𑌾𑌯 𑌦𑌯𑌾𑌕𑍍𑌲𑍁𑌪𑍍𑌤𑌵𑌿𑌗𑍍𑌰𑌹𑌾𑌯 𑌶𑌿𑌵𑌾𑌤𑍍𑌮𑌨𑍇 ।
𑌪𑌰𑌤𑌨𑍍𑌤𑍍𑌰𑌾𑌯 𑌭𑌕𑍍𑌤𑌾𑌨𑌾𑌂 𑌭𑌵𑍍𑌯𑌾𑌨𑌾𑌂 𑌭𑌵𑍍𑌯𑌰𑍂𑌪𑌿𑌣𑍇 ॥ 331 ॥
𑌵𑌿𑌵𑍇𑌕𑌿𑌨𑌾𑌂 𑌵𑌿𑌵𑍇𑌕𑌾𑌯 𑌵𑌿𑌮𑌰𑍍𑌶𑌾𑌯 𑌵𑌿𑌮𑌰𑍍𑌶𑌿𑌨𑌾𑌮𑍍 ।
𑌪𑍍𑌰𑌕𑌾𑌶𑌿𑌨𑌾𑌂 𑌪𑍍𑌰𑌕𑌾𑌶𑌾𑌯 𑌜𑍍𑌞𑌾𑌨𑌿𑌨𑌾𑌂 𑌜𑍍𑌞𑌾𑌨𑌰𑍂𑌪𑌿𑌣𑍇 ॥ 332 ॥
𑌪𑍁𑌰𑌸𑍍𑌤𑌾𑌤𑍍𑌪𑌾𑌰𑍍𑌶𑍍𑌵𑌯𑍋𑌃 𑌪𑍃𑌷𑍍𑌠𑍇 𑌨𑌮𑌸𑍍𑌕𑍁𑌰𑍍𑌯𑌾𑌦𑍁𑌪𑌰𑍍𑌯𑌧𑌃 ।
𑌸𑌦𑌾 𑌮𑌚𑍍𑌚𑌿𑌤𑍍𑌤𑌰𑍂𑌪𑍇𑌣 𑌵𑌿𑌧𑍇𑌹𑌿 𑌭𑌵𑌦𑌾𑌸𑌨𑌮𑍍 ॥ 333 ॥
𑌶𑍍𑌰𑍀𑌗𑍁𑌰𑍁𑌂 𑌪𑌰𑌮𑌾𑌨𑌨𑍍𑌦𑌂 𑌵𑌨𑍍𑌦𑍇 𑌹𑍍𑌯𑌾𑌨𑌨𑍍𑌦𑌵𑌿𑌗𑍍𑌰𑌹𑌮𑍍 ।
𑌯𑌸𑍍𑌯 𑌸𑌨𑍍𑌨𑌿𑌧𑌿𑌮𑌾𑌤𑍍𑌰𑍇𑌣 𑌚𑌿𑌦𑌾𑌨𑌨𑍍𑌦𑌾𑌯 𑌤𑍇 𑌮𑌨𑌃 ॥ 334 ॥
𑌨𑌮𑍋𑌽𑌸𑍍𑌤𑍁 𑌗𑍁𑌰𑌵𑍇 𑌤𑍁𑌭𑍍𑌯𑌂 𑌸𑌹𑌜𑌾𑌨𑌨𑍍𑌦𑌰𑍂𑌪𑌿𑌣𑍇 ।
𑌯𑌸𑍍𑌯 𑌵𑌾𑌗𑌮𑍃𑌤𑌂 𑌹𑌨𑍍𑌤𑌿 𑌵𑌿𑌷𑌂 𑌸𑌂𑌸𑌾𑌰𑌸𑌞𑍍𑌜𑍍𑌞𑌕𑌮𑍍 ॥ 335 ॥
𑌨𑌾𑌨𑌾𑌯𑍁𑌕𑍍𑌤𑍋𑌪𑌦𑍇𑌶𑍇𑌨 𑌤𑌾𑌰𑌿𑌤𑌾 𑌶𑌿𑌷𑍍𑌯𑌸𑌨𑍍𑌤𑌤𑌿𑌃 ।
𑌤𑌤𑍍𑌕𑍃𑌪𑌾𑌸𑌾𑌰𑌵𑍇𑌦𑍇𑌨 𑌗𑍁𑌰𑍁𑌚𑌿𑌤𑍍𑌪𑌦𑌮𑌚𑍍𑌯𑍁𑌤𑌮𑍍 ॥ 336 ॥
[𑌪𑌾𑌠𑌭𑍇𑌦𑌃 -
𑌅𑌚𑍍𑌯𑍁𑌤𑌾𑌯 𑌨𑌮𑌸𑍍𑌤𑍁𑌭𑍍𑌯𑌂 𑌗𑍁𑌰𑌵𑍇 𑌪𑌰𑌮𑌾𑌤𑍍𑌮𑌨𑍇 ।
𑌸𑍍𑌵𑌾𑌰𑌾𑌮𑍋𑌕𑍍𑌤𑌪𑌦𑍇𑌚𑍍𑌛𑍂𑌨𑌾𑌂 𑌦𑌤𑍍𑌤𑌂 𑌯𑍇𑌨𑌾𑌚𑍍𑌯𑍁𑌤𑌂 𑌪𑌦𑌮𑍍 ॥
]
𑌅𑌚𑍍𑌯𑍁𑌤𑌾𑌯 𑌨𑌮𑌸𑍍𑌤𑍁𑌭𑍍𑌯𑌂 𑌗𑍁𑌰𑌵𑍇 𑌪𑌰𑌮𑌾𑌤𑍍𑌮𑌨𑍇 ।
𑌸𑌰𑍍𑌵𑌤𑌨𑍍𑌤𑍍𑌰𑌸𑍍𑌵𑌤𑌨𑍍𑌤𑍍𑌰𑌾𑌯 𑌚𑌿𑌦𑍍𑌘𑌨𑌾𑌨𑌨𑍍𑌦𑌮𑍂𑌰𑍍𑌤𑌯𑍇 ॥ 337 ॥
𑌨𑌮𑍋𑌽𑌚𑍍𑌯𑍁𑌤𑌾𑌯 𑌗𑍁𑌰𑌵𑍇𑌽𑌜𑍍𑌞𑌾𑌨𑌧𑍍𑌵𑌾𑌨𑍍𑌤𑍈𑌕𑌭𑌾𑌨𑌵𑍇 ।
𑌶𑌿𑌷𑍍𑌯𑌸𑌨𑍍𑌮𑌾𑌰𑍍𑌗𑌪𑌟𑌵𑍇 𑌕𑍃𑌪𑌾𑌪𑍀𑌯𑍂𑌷𑌸𑌿𑌨𑍍𑌧𑌵𑍇 ॥ 338 ॥
𑌓𑌮𑌚𑍍𑌯𑍁𑌤𑌾𑌯 𑌗𑍁𑌰𑌵𑍇 𑌶𑌿𑌷𑍍𑌯𑌸𑌂𑌸𑌾𑌰𑌸𑍇𑌤𑌵𑍇 ।
𑌭𑌕𑍍𑌤𑌕𑌾𑌰𑍍𑌯𑍈𑌕𑌸𑌿𑌂𑌹𑌾𑌯 𑌨𑌮𑌸𑍍𑌤𑍇 𑌚𑌿𑌤𑍍𑌸𑍁𑌖𑌾𑌤𑍍𑌮𑌨𑍇 ॥ 339 ॥
𑌗𑍁𑌰𑍁𑌨𑌾𑌮𑌸𑌮𑌂 𑌦𑍈𑌵𑌂 𑌨 𑌪𑌿𑌤𑌾 𑌨 𑌚 𑌬𑌾𑌨𑍍𑌧𑌵𑌾𑌃 ।
𑌗𑍁𑌰𑍁𑌨𑌾𑌮𑌸𑌮𑌃 𑌸𑍍𑌵𑌾𑌮𑍀 𑌨𑍇𑌦𑍃𑌶𑌂 𑌪𑌰𑌮𑌂 𑌪𑌦𑌮𑍍 ॥ 340 ॥
𑌏𑌕𑌾𑌕𑍍𑌷𑌰𑌪𑍍𑌰𑌦𑌾𑌤𑌾𑌰𑌂 𑌯𑍋 𑌗𑍁𑌰𑍁𑌂 𑌨𑍈𑌵 𑌮𑌨𑍍𑌯𑌤𑍇 ।
𑌶𑍍𑌵𑌾𑌨𑌯𑍋𑌨𑌿𑌶𑌤𑌂 𑌗𑌤𑍍𑌵𑌾 𑌚𑌾𑌣𑍍𑌡𑌾𑌲𑍇𑌷𑍍𑌵𑌪𑌿 𑌜𑌾𑌯𑌤𑍇 ॥ 341 ॥
𑌗𑍁𑌰𑍁𑌤𑍍𑌯𑌾𑌗𑌾𑌦𑍍𑌭𑌵𑍇𑌨𑍍𑌮𑍃𑌤𑍍𑌯𑍁𑌃 𑌮𑌨𑍍𑌤𑍍𑌰𑌤𑍍𑌯𑌾𑌗𑌾𑌦𑍍𑌦𑌰𑌿𑌦𑍍𑌰𑌤𑌾 ।
𑌗𑍁𑌰𑍁𑌮𑌨𑍍𑌤𑍍𑌰𑌪𑌰𑌿𑌤𑍍𑌯𑌾𑌗𑍀 𑌰𑍗𑌰𑌵𑌂 𑌨𑌰𑌕𑌂 𑌵𑍍𑌰𑌜𑍇𑌤𑍍 ॥ 342 ॥
𑌶𑌿𑌵𑌕𑍍𑌰𑍋𑌧𑌾𑌦𑍍𑌗𑍁𑌰𑍁𑌸𑍍𑌤𑍍𑌰𑌾𑌤𑌾 𑌗𑍁𑌰𑍁𑌕𑍍𑌰𑍋𑌧𑌾𑌚𑍍𑌛𑌿𑌵𑍋 𑌨 𑌹𑌿 ।
𑌤𑌸𑍍𑌮𑌾𑌤𑍍𑌸𑌰𑍍𑌵𑌪𑍍𑌰𑌯𑌤𑍍𑌨𑍇𑌨 𑌗𑍁𑌰𑍋𑌰𑌾𑌜𑍍𑌞𑌾𑌂 𑌨 𑌲𑌙𑍍𑌘𑌯𑍇𑌤𑍍 ॥ 343 ॥
𑌸𑌂𑌸𑌾𑌰𑌸𑌾𑌗𑌰𑌸𑌮𑍁𑌦𑍍𑌧𑌰𑌣𑍈𑌕𑌮𑌨𑍍𑌤𑍍𑌰𑌂
𑌬𑍍𑌰𑌹𑍍𑌮𑌾𑌦𑌿𑌦𑍇𑌵𑌮𑍁𑌨𑌿𑌪𑍂𑌜𑌿𑌤𑌸𑌿𑌦𑍍𑌧𑌮𑌨𑍍𑌤𑍍𑌰𑌮𑍍 ।
𑌦𑌾𑌰𑌿𑌦𑍍𑌰𑍍𑌯𑌦𑍁𑌃𑌖𑌭𑌵𑌰𑍋𑌗𑌵𑌿𑌨𑌾𑌶𑌮𑌨𑍍𑌤𑍍𑌰𑌂
𑌵𑌨𑍍𑌦𑍇 𑌮𑌹𑌾𑌭𑌯𑌹𑌰𑌂 𑌗𑍁𑌰𑍁𑌰𑌾𑌜𑌮𑌨𑍍𑌤𑍍𑌰𑌮𑍍 ॥ 344 ॥
𑌸𑌪𑍍𑌤𑌕𑍋𑌟𑌿𑌮𑌹𑌾𑌮𑌨𑍍𑌤𑍍𑌰𑌾𑌶𑍍𑌚𑌿𑌤𑍍𑌤𑌵𑌿𑌭𑍍𑌰𑌮𑌕𑌾𑌰𑌕𑌾𑌃 ।
𑌏𑌕 𑌏𑌵 𑌮𑌹𑌾𑌮𑌨𑍍𑌤𑍍𑌰𑍋 𑌗𑍁𑌰𑍁𑌰𑌿𑌤𑍍𑌯𑌕𑍍𑌷𑌰𑌦𑍍𑌵𑌯𑌮𑍍 ॥ 345 ॥
𑌏𑌵𑌮𑍁𑌕𑍍𑌤𑍍𑌵𑌾 𑌮𑌹𑌾𑌦𑍇𑌵𑌃 𑌪𑌾𑌰𑍍𑌵𑌤𑍀𑌂 𑌪𑍁𑌨𑌰𑌬𑍍𑌰𑌵𑍀𑌤𑍍 ।
𑌇𑌦𑌮𑍇𑌵 𑌪𑌰𑌂 𑌤𑌤𑍍𑌤𑍍𑌵𑌂 𑌶𑍃𑌣𑍁 𑌦𑍇𑌵𑌿 𑌸𑍁𑌖𑌾𑌵𑌹𑌮𑍍 ॥ 346 ॥
𑌗𑍁𑌰𑍁𑌤𑌤𑍍𑌤𑍍𑌵𑌮𑌿𑌦𑌂 𑌦𑍇𑌵𑌿 𑌸𑌰𑍍𑌵𑌮𑍁𑌕𑍍𑌤𑌂 𑌸𑌮𑌾𑌸𑌤𑌃 ।
𑌰𑌹𑌸𑍍𑌯𑌮𑌿𑌦𑌮𑌵𑍍𑌯𑌕𑍍𑌤𑌂 𑌨 𑌵𑌦𑍇𑌦𑍍𑌯𑌸𑍍𑌯 𑌕𑌸𑍍𑌯𑌚𑌿𑌤𑍍 ॥ 347 ॥
𑌨 𑌮𑍃𑌷𑌾 𑌸𑍍𑌯𑌾𑌦𑌿𑌯𑌂 𑌦𑍇𑌵𑌿 𑌮𑌦𑍁𑌕𑍍𑌤𑌿𑌃 𑌸𑌤𑍍𑌯𑌰𑍂𑌪𑌿𑌣𑍀 ।
𑌗𑍁𑌰𑍁𑌗𑍀𑌤𑌾𑌸𑌮𑌂 𑌸𑍍𑌤𑍋𑌤𑍍𑌰𑌂 𑌨𑌾𑌸𑍍𑌤𑌿 𑌨𑌾𑌸𑍍𑌤𑌿 𑌮𑌹𑍀𑌤𑌲𑍇 ॥ 348 ॥
𑌗𑍁𑌰𑍁𑌗𑍀𑌤𑌾𑌮𑌿𑌮𑌾𑌂 𑌦𑍇𑌵𑌿 𑌭𑌵𑌦𑍁𑌃𑌖𑌵𑌿𑌨𑌾𑌶𑌿𑌨𑍀𑌮𑍍 ।
𑌗𑍁𑌰𑍁𑌦𑍀𑌕𑍍𑌷𑌾𑌵𑌿𑌹𑍀𑌨𑌸𑍍𑌯 𑌪𑍁𑌰𑌤𑍋 𑌨 𑌪𑌠𑍇𑌤𑍍 𑌕𑍍𑌵𑌚𑌿𑌤𑍍 ॥ 349 ॥
𑌰𑌹𑌸𑍍𑌯𑌮𑌤𑍍𑌯𑌨𑍍𑌤𑌰𑌹𑌸𑍍𑌯𑌮𑍇𑌤𑌨𑍍𑌨 𑌪𑌾𑌪𑌿𑌨𑌾 𑌲𑌭𑍍𑌯𑌮𑌿𑌦𑌂 𑌮𑌹𑍇𑌶𑍍𑌵𑌰𑌿 ।
𑌅𑌨𑍇𑌕𑌜𑌨𑍍𑌮𑌾𑌰𑍍𑌜𑌿𑌤𑌪𑍁𑌣𑍍𑌯𑌪𑌾𑌕𑌾𑌦𑍍𑌗𑍁𑌰𑍋𑌸𑍍𑌤𑍁 𑌤𑌤𑍍𑌤𑍍𑌵𑌂 𑌲𑌭𑌤𑍇 𑌮𑌨𑍁𑌷𑍍𑌯𑌃 ॥ 350 ॥
𑌯𑌸𑍍𑌯 𑌪𑍍𑌰𑌸𑌾𑌦𑌾𑌦𑌹𑌮𑍇𑌵 𑌸𑌰𑍍𑌵𑌂
𑌮𑌯𑍍𑌯𑍇𑌵 𑌸𑌰𑍍𑌵𑌂 𑌪𑌰𑌿𑌕𑌲𑍍𑌪𑌿𑌤𑌂 𑌚 ।
𑌇𑌤𑍍𑌥𑌂 𑌵𑌿𑌜𑌾𑌨𑌾𑌮𑌿 𑌸𑌦𑌾𑌤𑍍𑌮𑌰𑍂𑌪𑌂
𑌤𑌸𑍍𑌯𑌾𑌙𑍍𑌘𑍍𑌰𑌿𑌪𑌦𑍍𑌮𑌂 𑌪𑍍𑌰𑌣𑌤𑍋𑌽𑌸𑍍𑌮𑌿 𑌨𑌿𑌤𑍍𑌯𑌮𑍍 ॥ 351 ॥
𑌅𑌜𑍍𑌞𑌾𑌨𑌤𑌿𑌮𑌿𑌰𑌾𑌨𑍍𑌧𑌸𑍍𑌯 𑌵𑌿𑌷𑌯𑌾𑌕𑍍𑌰𑌾𑌨𑍍𑌤𑌚𑍇𑌤𑌸𑌃 ।
𑌜𑍍𑌞𑌾𑌨𑌪𑍍𑌰𑌭𑌾𑌪𑍍𑌰𑌦𑌾𑌨𑍇𑌨 𑌪𑍍𑌰𑌸𑌾𑌦𑌂 𑌕𑍁𑌰𑍁 𑌮𑍇 𑌪𑍍𑌰𑌭𑍋 ॥ 352 ॥
𑌇𑌤𑌿 𑌶𑍍𑌰𑍀𑌸𑍍𑌕𑌨𑍍𑌦𑌪𑍁𑌰𑌾𑌣𑍇 𑌉𑌤𑍍𑌤𑌰𑌖𑌣𑍍𑌡𑍇 𑌉𑌮𑌾𑌮𑌹𑍇𑌶𑍍𑌵𑌰 𑌸𑌂𑌵𑌾𑌦𑍇 𑌶𑍍𑌰𑍀 𑌗𑍁𑌰𑍁𑌗𑍀𑌤𑌾 𑌸𑌮𑌾𑌪𑍍𑌤 ॥
𑌮𑌙𑍍𑌗𑌲𑌂
𑌮𑌙𑍍𑌗𑌲𑌂 𑌗𑍁𑌰𑍁𑌦𑍇𑌵𑌾𑌯 𑌮𑌹𑌨𑍀𑌯𑌗𑍁𑌣𑌾𑌤𑍍𑌮𑌨𑍇 ।
𑌸𑌰𑍍𑌵𑌲𑍋𑌕𑌶𑌰𑌣𑍍𑌯𑌾𑌯 𑌸𑌾𑌧𑍁𑌰𑍂𑌪𑌾𑌯 𑌮𑌙𑍍𑌗𑌲𑌮𑍍 ॥
Roman (IAST) Transliteration
atha tṛtīyo'dhyāyaḥ ||
atha kāmyajapasthānaṃ kathayāmi varānane |
sāgarānte sarittīre tīrthe hariharālaye || 236 ||
śaktidevālaye goṣṭhe sarvadevālaye śubhe |
vaṭasya dhātryā mūle vā maṭhe bṛndāvane tathā || 237 ||
pavitre nirmale deśe nityānuṣṭhānato'pi vā |
nirvedanena maunena japametat samārabhet || 238 ||
jāpyena jayamāpnoti japasiddhiṃ phalaṃ tathā |
hīnaṃ karma tyajetsarvaṃ garhitasthānameva ca || 239 ||
śmaśāne bilvamūle vā vaṭamūlāntike tathā |
siddhyanti kānake mūle cūtavṛkṣasya sannidhau || 240 ||
pītāsanaṃ mohane tu hyasitaṃ cābhicārike |
jñeyaṃ śuklaṃ ca śāntyarthaṃ vaśye raktaṃ prakīrtitam || 241 ||
japaṃ hīnāsanaṃ kurvan hīnakarmaphalapradam |
gurugītāṃ prayāṇe vā saṅgrāme ripusaṅkaṭe || 242 ||
japan jayamavāpnoti maraṇe muktidāyikā |
sarvakarmāṇi siddhyanti guruputre na saṃśayaḥ || 243 ||
gurumantro mukhe yasya tasya siddhyanti nā'nyathā |
dīkṣayā sarvakarmāṇi siddhyanti guruputrake || 244 ||
bhavamūlavināśāya cāṣṭapāśanivṛttaye |
gurugītāmbhasi snānaṃ tattvajñaḥ kurute sadā || 245 ||
sa evaṃ sadguruḥ sākṣāt sadasadbrahmavittamaḥ |
tasya sthānāni sarvāṇi pavitrāṇi na saṃśayaḥ || 246 ||
sarvaśuddhaḥ pavitro'sau svabhāvādyatra tiṣṭhati |
tatra devagaṇāḥ sarve kṣetrapīṭhe caranti ca || 247 ||
āsanasthāḥ śayānā vā gacchantastiṣṭhato'pi vā |
aśvārūḍhā gajārūḍhāḥ suṣuptā jāgrato'pi vā || 248 ||
śucirbhūtā jñānavanto gurugītāṃ japanti ye |
teṣāṃ darśanasaṃsparśāt divyajñānaṃ prajāyate || 249 ||
samudre vai yathā toyaṃ kṣīre kṣīraṃ jale jalam |
bhinne kumbhe yathā''kāśaṃ tathā''tmā paramātmani || 250 ||
tathaiva jñānavān jīvaḥ paramātmani sarvadā |
aikyena ramate jñānī yatra kutra divāniśam || 251 ||
evaṃvidho mahāyuktaḥ sarvatra vartate sadā |
tasmātsarvaprakāreṇa gurubhaktiṃ samācaret || 252 ||
gurusantoṣaṇādeva mukto bhavati pārvati |
aṇimādiṣu bhoktṛtvaṃ kṛpayā devi jāyate || 253 ||
sāmyena ramate jñānī divā vā yadi vā niśi |
evaṃvidho mahāmaunī trailokyasamatāṃ vrajet || 254 ||
atha saṃsāriṇaḥ sarve gurugītā japena tu |
sarvān kāmāṃstu bhuñjanti trisatyaṃ mama bhāṣitam || 255 ||
satyaṃ satyaṃ punaḥ satyaṃ dharmasāraṃ mayoditam |
gurugītāsamaṃ stotraṃ nāsti tattvaṃ guroḥ param || 256 ||
gururdevo gururdharmo gurau niṣṭhā paraṃ tapaḥ |
guroḥ parataraṃ nāsti trivāraṃ kathayāmi te || 257 ||
dhanyā mātā pitā dhanyo gotraṃ dhanyaṃ kulodbhavaḥ |
dhanyā ca vasudhā devi yatra syādgurubhaktatā || 258 ||
ākalpajanma koṭīnāṃ yajñavratatapaḥ kriyāḥ |
tāḥ sarvāḥ saphalā devi gurūsantoṣamātrataḥ || 259 ||
śarīramindriyaṃ prāṇamarthaṃ svajanabandhutā |
mātṛkulaṃ pitṛkulaṃ gurureva na saṃśayaḥ || 260 ||
mandabhāgyā hyaśaktāśca ye janā nānumanvate |
gurusevāsu vimukhāḥ pacyante narake'śucau || 261 ||
vidyā dhanaṃ balaṃ caiva teṣāṃ bhāgyaṃ nirarthakam |
yeṣāṃ gurūkṛpā nāsti adho gacchanti pārvati || 262 ||
brahmā viṣṇuśca rudraśca devāśca pitṛkinnarāḥ |
siddhacāraṇayakṣāśca anye ca munayo janāḥ || 263 ||
gurubhāvaḥ paraṃ tīrthamanyatīrthaṃ nirarthakam |
sarvatīrthamayaṃ devi śrīguroścaraṇāmbujam || 264 ||
kanyābhogaratā mandāḥ svakāntāyāḥ parāṅmukhāḥ |
ataḥ paraṃ mayā devi kathitaṃ na mama priye || 265 ||
idaṃ rahasyamaspaṣṭaṃ vaktavyaṃ ca varānane |
sugopyaṃ ca tavāgre tu mamātmaprītaye sati || 266 ||
svāmimukhyagaṇeśādyān vaiṣṇavādīṃśca pārvati |
na vaktavyaṃ mahāmāye pādasparśaṃ kuruṣva me || 267 ||
abhakte vañcake dhūrte pāṣaṇḍe nāstikādiṣu |
manasā'pi na vaktavyā gurugītā kadācana || 268 ||
guravo bahavaḥ santi śiṣyavittāpahārakāḥ |
tamekaṃ durlabhaṃ manye śiṣyahṛttāpahārakam || 269 ||
cāturyavān vivekī ca adhyātmajñānavān śuciḥ |
mānasaṃ nirmalaṃ yasya gurutvaṃ tasya śobhate || 270 ||
guravo nirmalāḥ śāntāḥ sādhavo mitabhāṣiṇaḥ |
kāmakrodhavinirmuktāḥ sadācārāḥ jitendriyāḥ || 271 ||
sūcakādiprabhedena guravo bahudhā smṛtāḥ |
svayaṃ samyak parīkṣyātha tattvaniṣṭhaṃ bhajetsudhīḥ || 272 ||
varṇajālamidaṃ tadvadbāhyaśāstraṃ tu laukikam |
yasmin devi samabhyastaṃ sa guruḥ sucakaḥ smṛtaḥ || 273 ||
varṇāśramocitāṃ vidyāṃ dharmādharmavidhāyinīm |
pravaktāraṃ guruṃ viddhi vācakaṃ tviti pārvati || 274 ||
pañcākṣaryādimantrāṇāmupadeṣṭā tu pārvati |
sa gururbodhako bhūyādubhayorayamuttamaḥ || 275 ||
mohamāraṇavaśyāditucchamantropadeśinam |
niṣiddhagururityāhuḥ paṇḍitāstattvadarśinaḥ || 276 ||
anityamiti nirdiśya saṃsāraṃ saṅkaṭālayam |
vairāgyapathadarśī yaḥ sa gururvihitaḥ priye || 277 ||
tattvamasyādivākyānāmupadeṣṭā tu pārvati |
kāraṇākhyo guruḥ prokto bhavaroganivārakaḥ || 278 ||
sarvasandehasandohanirmūlanavicakṣaṇaḥ |
janmamṛtyubhayaghno yaḥ sa guruḥ paramo mataḥ || 279 ||
bahujanmakṛtāt puṇyāllabhyate'sau mahāguruḥ |
labdhvā'muṃ na punaryāti śiṣyaḥ saṃsārabandhanam || 280 ||
evaṃ bahuvidhā loke guravaḥ santi pārvati |
teṣu sarvaprayatnena sevyo hi paramo guruḥ || 281 ||
niṣiddhaguruśiṣyastu duṣṭasaṅkalpadūṣitaḥ |
brahmapralayaparyantaṃ na punaryāti martyatām || 282 ||
evaṃ śrutvā mahādevī mahādevavacastathā |
atyantavihvalamanāḥ śaṅkaraṃ paripṛcchati || 283 ||
pārvatyuvāca |
namaste devadevātra śrotavyaṃ kiñcidasti me |
śrutvā tvadvākyamadhunā bhṛśaṃ syādvihvalaṃ manaḥ || 284 ||
svayaṃ mūḍhā mṛtyubhītāḥ sukṛtādviratiṃ gatāḥ |
daivānniṣiddhagurugā yadi teṣāṃ tu kā gatiḥ || 285 ||
śrī mahādeva uvāca |
śṛṇu tattvamidaṃ devi yadā syādvirato naraḥ |
tadā'sāvadhikārīti procyate śrutimastakaiḥ || 286 ||
akhaṇḍaikarasaṃ brahma nityamuktaṃ nirāmayam |
svasmin sandarśitaṃ yena sa bhavedasyaṃ deśikaḥ || 287 ||
jalānāṃ sāgaro rājā yathā bhavati pārvati |
gurūṇāṃ tatra sarveṣāṃ rājā'yaṃ paramo guruḥ || 288 ||
mohādirahitaḥ śānto nityatṛpto nirāśrayaḥ |
tṛṇīkṛtabrahmaviṣṇuvaibhavaḥ paramo guruḥ || 289 ||
sarvakālavideśeṣu svatantro niścalassukhī |
akhaṇḍaikarasāsvādatṛpto hi paramo guruḥ || 290 ||
dvaitādvaitavinirmuktaḥ svānubhūtiprakāśavān |
ajñānāndhatamaśchettā sarvajñaḥ paramo guruḥ || 291 ||
yasya darśanamātreṇa manasaḥ syāt prasannatā |
svayaṃ bhūyāt dhṛtiśśāntiḥ sa bhavet paramo guruḥ || 292 ||
siddhijālaṃ samālokya yogināṃ mantravādinām |
tucchākāramanovṛttiḥ yasyāsau paramo guruḥ || 293 ||
svaśarīraṃ śavaṃ paśyan tathā svātmānamadvayam |
yaḥ strīkanakamohaghnaḥ sa bhavet paramo guruḥ || 294 ||
maunī vāgmīti tattvajño dvidhā'bhūcchṛṇu pārvati |
na kaścinmaunināṃ lobho loke'sminbhavati priye || 295 ||
vāgmī tūtkaṭasaṃsārasāgarottāraṇakṣamaḥ |
yato'sau saṃśayacchettā śāstrayuktyanubhūtibhiḥ || 296 ||
gurunāmajapāddevi bahujanmārjitānyapi |
pāpāni vilayaṃ yānti nāsti sandehamaṇvapi || 297 ||
śrīgurossadṛśaṃ daivaṃ śrīgurosadṛśaḥ pitā |
gurudhyānasamaṃ karma nāsti nāsti mahītale || 298 ||
kulaṃ dhanaṃ balaṃ śāstraṃ bāndhavāssodarā ime |
maraṇe nopayujyante gurureko hi tārakaḥ || 299 ||
kulameva pavitraṃ syāt satyaṃ svagurusevayā |
tṛptāḥ syussakalā devā brahmādyā gurutarpaṇāt || 300 ||
gurureko hi jānāti svarūpaṃ devamavyayam |
tadjñānaṃ yatprasādena nānyathā śāstrakoṭibhiḥ || 301 ||
svarūpajñānaśūnyena kṛtamapyakṛtaṃ bhavet |
tapojapādikaṃ devi sakalaṃ bālajalpavat || 302 ||
śivaṃ keciddhariṃ kecidvidhiṃ kecittu kecana |
śaktiṃ daivamiti jñātvā vivadanti vṛthā narāḥ || 303 ||
na jānanti paraṃ tattvaṃ gurudīkṣāparāṅmukhāḥ |
bhrāntāḥ paśusamā hyete svaparijñānavarjitāḥ || 304 ||
tasmātkaivalyasiddhyarthaṃ gurumeva bhajetpriye |
guruṃ vinā na jānanti mūḍhāstatparamaṃ padam || 305 ||
bhidyate hṛdayagranthiśchidyante sarvasaṃśayāḥ |
kṣīyante sarvakarmāṇi guroḥ karuṇayā śive || 306 ||
kṛtāyā gurubhaktestu vedaśāstrānusārataḥ |
mucyate pātakādghorāt gurubhakto viśeṣataḥ || 307 ||
dussaṅgaṃ ca parityajya pāpakarma parityajet |
cittacihnamidaṃ yasya tasya dīkṣā vidhīyate || 308 ||
cittatyāganiyuktaśca krodhagarvavivarjitaḥ |
dvaitabhāvaparityāgī tasya dīkṣā vidhīyate || 309 ||
etallakṣaṇayuktatvaṃ sarvabhūtahite ratam |
nirmalaṃ jīvitaṃ yasya tasya dīkṣā vidhīyate || 310 ||
kriyayā cānvitaṃ pūrvaṃ dīkṣājālaṃ nirūpitam |
mantradīkṣābhidhaṃ sāṅgopāṅgaṃ sarvaṃ śivoditam || 311 ||
kriyayā syādvirahitāṃ gurusāyujyadāyinīm |
gurudīkṣāṃ vinā ko vā gurutvācārapālakaḥ || 312 ||
śakto na cāpi śakto vā daiśikāṅghri samāśrayet |
tasya janmāsti saphalaṃ bhogamokṣaphalapradam || 313 ||
atyantacittapakvasya śraddhābhaktiyutasya ca |
pravaktavyamidaṃ devi mamātmaprītaye sadā || 314 ||
rahasyaṃ sarvaśāstreṣu gītāśāstramidaṃ śive |
samyakparīkṣya vaktavyaṃ sādhakasya mahātmanaḥ || 315 ||
satkarmaparipākācca cittaśuddhiśca dhīmataḥ |
sādhakasyaiva vaktavyā gurugītā prayatnataḥ || 316 ||
nāstikāya kṛtaghnāya dāmbhikāya śaṭhāya ca |
abhaktāya vibhaktāya na vācyeyaṃ kadācana || 317 ||
strīlolupāya mūrkhāya kāmopahatacetase |
nindakāya na vaktavyā gurugītā svabhāvataḥ || 318 ||
sarvapāpapraśamanaṃ sarvopadravavārakam |
janmamṛtyuharaṃ devi gītāśāstramidaṃ śive || 319 ||
śrutisāramidaṃ devi sarvamuktaṃ samāsataḥ |
nānyathā sadgatiḥ puṃsāṃ vinā gurupadaṃ śive || 320 ||
bahujanmakṛtātpāpādayamartho na rocate |
janmabandhanivṛttyarthaṃ gurumeva bhajetsadā || 321 ||
ahameva jagatsarvamahameva paraṃ padam |
etadjñānaṃ yato bhūyāttaṃ guruṃ praṇamāmyaham || 322 ||
alaṃ vikalpairahameva kevalaṃ
mayi sthitaṃ viśvamidaṃ carācaram |
idaṃ rahasyaṃ mama yena darśitaṃ
sa vandanīyo gurureva kevalam || 323 ||
yasyāntaṃ nādimadhyaṃ na hi karacaraṇaṃ nāmagotraṃ na sūtram |
no jātirnaiva varṇo na bhavati puruṣo no napuṃso na ca strī || 324 ||
nākāraṃ no vikāraṃ na hi janimaraṇaṃ nāsti puṇyaṃ na pāpam |
no'tattvaṃ tattvamekaṃ sahajasamarasaṃ sadguruṃ taṃ namāmi || 325 ||
nityāya satyāya cidātmakāya
navyāya bhavyāya parātparāya |
śuddhāya buddhāya nirañjanāya
namo'stu nityaṃ guruśekharāya || 326 ||
saccidānandarūpāya vyāpine paramātmane |
namaḥ śrīgurunāthāya prakāśānandamūrtaye || 327 ||
satyānandasvarūpāya bodhaikasukhakāriṇe |
namo vedāntavedyāya gurave buddhisākṣiṇe || 328 ||
namaste nātha bhagavan śivāya gururūpiṇe |
vidyāvatārasaṃsiddhyai svīkṛtānekavigraha || 329 ||
navāya navarūpāya paramārthaikarūpiṇe |
sarvājñānatamobhedabhānave cidghanāya te || 330 ||
svatantrāya dayākluptavigrahāya śivātmane |
paratantrāya bhaktānāṃ bhavyānāṃ bhavyarūpiṇe || 331 ||
vivekināṃ vivekāya vimarśāya vimarśinām |
prakāśināṃ prakāśāya jñānināṃ jñānarūpiṇe || 332 ||
purastātpārśvayoḥ pṛṣṭhe namaskuryāduparyadhaḥ |
sadā maccittarūpeṇa vidhehi bhavadāsanam || 333 ||
śrīguruṃ paramānandaṃ vande hyānandavigraham |
yasya sannidhimātreṇa cidānandāya te manaḥ || 334 ||
namo'stu gurave tubhyaṃ sahajānandarūpiṇe |
yasya vāgamṛtaṃ hanti viṣaṃ saṃsārasañjñakam || 335 ||
nānāyuktopadeśena tāritā śiṣyasantatiḥ |
tatkṛpāsāravedena gurucitpadamacyutam || 336 ||
[pāṭhabhedaḥ -
acyutāya namastubhyaṃ gurave paramātmane |
svārāmoktapadecchūnāṃ dattaṃ yenācyutaṃ padam ||
]
acyutāya namastubhyaṃ gurave paramātmane |
sarvatantrasvatantrāya cidghanānandamūrtaye || 337 ||
namo'cyutāya gurave'jñānadhvāntaikabhānave |
śiṣyasanmārgapaṭave kṛpāpīyūṣasindhave || 338 ||
omacyutāya gurave śiṣyasaṃsārasetave |
bhaktakāryaikasiṃhāya namaste citsukhātmane || 339 ||
gurunāmasamaṃ daivaṃ na pitā na ca bāndhavāḥ |
gurunāmasamaḥ svāmī nedṛśaṃ paramaṃ padam || 340 ||
ekākṣarapradātāraṃ yo guruṃ naiva manyate |
śvānayoniśataṃ gatvā cāṇḍāleṣvapi jāyate || 341 ||
gurutyāgādbhavenmṛtyuḥ mantratyāgāddaridratā |
gurumantraparityāgī rauravaṃ narakaṃ vrajet || 342 ||
śivakrodhādgurustrātā gurukrodhācchivo na hi |
tasmātsarvaprayatnena gurorājñāṃ na laṅghayet || 343 ||
saṃsārasāgarasamuddharaṇaikamantraṃ
brahmādidevamunipūjitasiddhamantram |
dāridryaduḥkhabhavarogavināśamantraṃ
vande mahābhayaharaṃ gururājamantram || 344 ||
saptakoṭimahāmantrāścittavibhramakārakāḥ |
eka eva mahāmantro gururityakṣaradvayam || 345 ||
evamuktvā mahādevaḥ pārvatīṃ punarabravīt |
idameva paraṃ tattvaṃ śṛṇu devi sukhāvaham || 346 ||
gurutattvamidaṃ devi sarvamuktaṃ samāsataḥ |
rahasyamidamavyaktaṃ na vadedyasya kasyacit || 347 ||
na mṛṣā syādiyaṃ devi maduktiḥ satyarūpiṇī |
gurugītāsamaṃ stotraṃ nāsti nāsti mahītale || 348 ||
gurugītāmimāṃ devi bhavaduḥkhavināśinīm |
gurudīkṣāvihīnasya purato na paṭhet kvacit || 349 ||
rahasyamatyantarahasyametanna pāpinā labhyamidaṃ maheśvari |
anekajanmārjitapuṇyapākādgurostu tattvaṃ labhate manuṣyaḥ || 350 ||
yasya prasādādahameva sarvaṃ
mayyeva sarvaṃ parikalpitaṃ ca |
itthaṃ vijānāmi sadātmarūpaṃ
tasyāṅghripadmaṃ praṇato'smi nityam || 351 ||
ajñānatimirāndhasya viṣayākrāntacetasaḥ |
jñānaprabhāpradānena prasādaṃ kuru me prabho || 352 ||
iti śrīskandapurāṇe uttarakhaṇḍe umāmaheśvara saṃvāde śrī gurugītā samāpta ||
maṅgalaṃ
maṅgalaṃ gurudevāya mahanīyaguṇātmane |
sarvalokaśaraṇyāya sādhurūpāya maṅgalam ||
Sanskrit — Devanagari (original)
अथ तृतीयोऽध्यायः ॥
अथ काम्यजपस्थानं कथयामि वरानने ।
सागरान्ते सरित्तीरे तीर्थे हरिहरालये ॥ 236 ॥
शक्तिदेवालये गोष्ठे सर्वदेवालये शुभे ।
वटस्य धात्र्या मूले वा मठे बृन्दावने तथा ॥ 237 ॥
पवित्रे निर्मले देशे नित्यानुष्ठानतोऽपि वा ।
निर्वेदनेन मौनेन जपमेतत् समारभेत् ॥ 238 ॥
जाप्येन जयमाप्नोति जपसिद्धिं फलं तथा ।
हीनं कर्म त्यजेत्सर्वं गर्हितस्थानमेव च ॥ 239 ॥
श्मशाने बिल्वमूले वा वटमूलान्तिके तथा ।
सिद्ध्यन्ति कानके मूले चूतवृक्षस्य सन्निधौ ॥ 240 ॥
पीतासनं मोहने तु ह्यसितं चाभिचारिके ।
ज्ञेयं शुक्लं च शान्त्यर्थं वश्ये रक्तं प्रकीर्तितम् ॥ 241 ॥
जपं हीनासनं कुर्वन् हीनकर्मफलप्रदम् ।
गुरुगीतां प्रयाणे वा सङ्ग्रामे रिपुसङ्कटे ॥ 242 ॥
जपन् जयमवाप्नोति मरणे मुक्तिदायिका ।
सर्वकर्माणि सिद्ध्यन्ति गुरुपुत्रे न संशयः ॥ 243 ॥
गुरुमन्त्रो मुखे यस्य तस्य सिद्ध्यन्ति नाऽन्यथा ।
दीक्षया सर्वकर्माणि सिद्ध्यन्ति गुरुपुत्रके ॥ 244 ॥
भवमूलविनाशाय चाष्टपाशनिवृत्तये ।
गुरुगीताम्भसि स्नानं तत्त्वज्ञः कुरुते सदा ॥ 245 ॥
स एवं सद्गुरुः साक्षात् सदसद्ब्रह्मवित्तमः ।
तस्य स्थानानि सर्वाणि पवित्राणि न संशयः ॥ 246 ॥
सर्वशुद्धः पवित्रोऽसौ स्वभावाद्यत्र तिष्ठति ।
तत्र देवगणाः सर्वे क्षेत्रपीठे चरन्ति च ॥ 247 ॥
आसनस्थाः शयाना वा गच्छन्तस्तिष्ठतोऽपि वा ।
अश्वारूढा गजारूढाः सुषुप्ता जाग्रतोऽपि वा ॥ 248 ॥
शुचिर्भूता ज्ञानवन्तो गुरुगीतां जपन्ति ये ।
तेषां दर्शनसंस्पर्शात् दिव्यज्ञानं प्रजायते ॥ 249 ॥
समुद्रे वै यथा तोयं क्षीरे क्षीरं जले जलम् ।
भिन्ने कुम्भे यथाऽऽकाशं तथाऽऽत्मा परमात्मनि ॥ 250 ॥
तथैव ज्ञानवान् जीवः परमात्मनि सर्वदा ।
ऐक्येन रमते ज्ञानी यत्र कुत्र दिवानिशम् ॥ 251 ॥
एवंविधो महायुक्तः सर्वत्र वर्तते सदा ।
तस्मात्सर्वप्रकारेण गुरुभक्तिं समाचरेत् ॥ 252 ॥
गुरुसन्तोषणादेव मुक्तो भवति पार्वति ।
अणिमादिषु भोक्तृत्वं कृपया देवि जायते ॥ 253 ॥
साम्येन रमते ज्ञानी दिवा वा यदि वा निशि ।
एवंविधो महामौनी त्रैलोक्यसमतां व्रजेत् ॥ 254 ॥
अथ संसारिणः सर्वे गुरुगीता जपेन तु ।
सर्वान् कामांस्तु भुञ्जन्ति त्रिसत्यं मम भाषितम् ॥ 255 ॥
सत्यं सत्यं पुनः सत्यं धर्मसारं मयोदितम् ।
गुरुगीतासमं स्तोत्रं नास्ति तत्त्वं गुरोः परम् ॥ 256 ॥
गुरुर्देवो गुरुर्धर्मो गुरौ निष्ठा परं तपः ।
गुरोः परतरं नास्ति त्रिवारं कथयामि ते ॥ 257 ॥
धन्या माता पिता धन्यो गोत्रं धन्यं कुलोद्भवः ।
धन्या च वसुधा देवि यत्र स्याद्गुरुभक्तता ॥ 258 ॥
आकल्पजन्म कोटीनां यज्ञव्रततपः क्रियाः ।
ताः सर्वाः सफला देवि गुरूसन्तोषमात्रतः ॥ 259 ॥
शरीरमिन्द्रियं प्राणमर्थं स्वजनबन्धुता ।
मातृकुलं पितृकुलं गुरुरेव न संशयः ॥ 260 ॥
मन्दभाग्या ह्यशक्ताश्च ये जना नानुमन्वते ।
गुरुसेवासु विमुखाः पच्यन्ते नरकेऽशुचौ ॥ 261 ॥
विद्या धनं बलं चैव तेषां भाग्यं निरर्थकम् ।
येषां गुरूकृपा नास्ति अधो गच्छन्ति पार्वति ॥ 262 ॥
ब्रह्मा विष्णुश्च रुद्रश्च देवाश्च पितृकिन्नराः ।
सिद्धचारणयक्षाश्च अन्ये च मुनयो जनाः ॥ 263 ॥
गुरुभावः परं तीर्थमन्यतीर्थं निरर्थकम् ।
सर्वतीर्थमयं देवि श्रीगुरोश्चरणाम्बुजम् ॥ 264 ॥
कन्याभोगरता मन्दाः स्वकान्तायाः पराङ्मुखाः ।
अतः परं मया देवि कथितं न मम प्रिये ॥ 265 ॥
इदं रहस्यमस्पष्टं वक्तव्यं च वरानने ।
सुगोप्यं च तवाग्रे तु ममात्मप्रीतये सति ॥ 266 ॥
स्वामिमुख्यगणेशाद्यान् वैष्णवादींश्च पार्वति ।
न वक्तव्यं महामाये पादस्पर्शं कुरुष्व मे ॥ 267 ॥
अभक्ते वञ्चके धूर्ते पाषण्डे नास्तिकादिषु ।
मनसाऽपि न वक्तव्या गुरुगीता कदाचन ॥ 268 ॥
गुरवो बहवः सन्ति शिष्यवित्तापहारकाः ।
तमेकं दुर्लभं मन्ये शिष्यहृत्तापहारकम् ॥ 269 ॥
चातुर्यवान् विवेकी च अध्यात्मज्ञानवान् शुचिः ।
मानसं निर्मलं यस्य गुरुत्वं तस्य शोभते ॥ 270 ॥
गुरवो निर्मलाः शान्ताः साधवो मितभाषिणः ।
कामक्रोधविनिर्मुक्ताः सदाचाराः जितेन्द्रियाः ॥ 271 ॥
सूचकादिप्रभेदेन गुरवो बहुधा स्मृताः ।
स्वयं सम्यक् परीक्ष्याथ तत्त्वनिष्ठं भजेत्सुधीः ॥ 272 ॥
वर्णजालमिदं तद्वद्बाह्यशास्त्रं तु लौकिकम् ।
यस्मिन् देवि समभ्यस्तं स गुरुः सुचकः स्मृतः ॥ 273 ॥
वर्णाश्रमोचितां विद्यां धर्माधर्मविधायिनीम् ।
प्रवक्तारं गुरुं विद्धि वाचकं त्विति पार्वति ॥ 274 ॥
पञ्चाक्षर्यादिमन्त्राणामुपदेष्टा तु पार्वति ।
स गुरुर्बोधको भूयादुभयोरयमुत्तमः ॥ 275 ॥
मोहमारणवश्यादितुच्छमन्त्रोपदेशिनम् ।
निषिद्धगुरुरित्याहुः पण्डितास्तत्त्वदर्शिनः ॥ 276 ॥
अनित्यमिति निर्दिश्य संसारं सङ्कटालयम् ।
वैराग्यपथदर्शी यः स गुरुर्विहितः प्रिये ॥ 277 ॥
तत्त्वमस्यादिवाक्यानामुपदेष्टा तु पार्वति ।
कारणाख्यो गुरुः प्रोक्तो भवरोगनिवारकः ॥ 278 ॥
सर्वसन्देहसन्दोहनिर्मूलनविचक्षणः ।
जन्ममृत्युभयघ्नो यः स गुरुः परमो मतः ॥ 279 ॥
बहुजन्मकृतात् पुण्याल्लभ्यतेऽसौ महागुरुः ।
लब्ध्वाऽमुं न पुनर्याति शिष्यः संसारबन्धनम् ॥ 280 ॥
एवं बहुविधा लोके गुरवः सन्ति पार्वति ।
तेषु सर्वप्रयत्नेन सेव्यो हि परमो गुरुः ॥ 281 ॥
निषिद्धगुरुशिष्यस्तु दुष्टसङ्कल्पदूषितः ।
ब्रह्मप्रलयपर्यन्तं न पुनर्याति मर्त्यताम् ॥ 282 ॥
एवं श्रुत्वा महादेवी महादेववचस्तथा ।
अत्यन्तविह्वलमनाः शङ्करं परिपृच्छति ॥ 283 ॥
पार्वत्युवाच ।
नमस्ते देवदेवात्र श्रोतव्यं किञ्चिदस्ति मे ।
श्रुत्वा त्वद्वाक्यमधुना भृशं स्याद्विह्वलं मनः ॥ 284 ॥
स्वयं मूढा मृत्युभीताः सुकृताद्विरतिं गताः ।
दैवान्निषिद्धगुरुगा यदि तेषां तु का गतिः ॥ 285 ॥
श्री महादेव उवाच ।
शृणु तत्त्वमिदं देवि यदा स्याद्विरतो नरः ।
तदाऽसावधिकारीति प्रोच्यते श्रुतिमस्तकैः ॥ 286 ॥
अखण्डैकरसं ब्रह्म नित्यमुक्तं निरामयम् ।
स्वस्मिन् सन्दर्शितं येन स भवेदस्यं देशिकः ॥ 287 ॥
जलानां सागरो राजा यथा भवति पार्वति ।
गुरूणां तत्र सर्वेषां राजाऽयं परमो गुरुः ॥ 288 ॥
मोहादिरहितः शान्तो नित्यतृप्तो निराश्रयः ।
तृणीकृतब्रह्मविष्णुवैभवः परमो गुरुः ॥ 289 ॥
सर्वकालविदेशेषु स्वतन्त्रो निश्चलस्सुखी ।
अखण्डैकरसास्वादतृप्तो हि परमो गुरुः ॥ 290 ॥
द्वैताद्वैतविनिर्मुक्तः स्वानुभूतिप्रकाशवान् ।
अज्ञानान्धतमश्छेत्ता सर्वज्ञः परमो गुरुः ॥ 291 ॥
यस्य दर्शनमात्रेण मनसः स्यात् प्रसन्नता ।
स्वयं भूयात् धृतिश्शान्तिः स भवेत् परमो गुरुः ॥ 292 ॥
सिद्धिजालं समालोक्य योगिनां मन्त्रवादिनाम् ।
तुच्छाकारमनोवृत्तिः यस्यासौ परमो गुरुः ॥ 293 ॥
स्वशरीरं शवं पश्यन् तथा स्वात्मानमद्वयम् ।
यः स्त्रीकनकमोहघ्नः स भवेत् परमो गुरुः ॥ 294 ॥
मौनी वाग्मीति तत्त्वज्ञो द्विधाऽभूच्छृणु पार्वति ।
न कश्चिन्मौनिनां लोभो लोकेऽस्मिन्भवति प्रिये ॥ 295 ॥
वाग्मी तूत्कटसंसारसागरोत्तारणक्षमः ।
यतोऽसौ संशयच्छेत्ता शास्त्रयुक्त्यनुभूतिभिः ॥ 296 ॥
गुरुनामजपाद्देवि बहुजन्मार्जितान्यपि ।
पापानि विलयं यान्ति नास्ति सन्देहमण्वपि ॥ 297 ॥
श्रीगुरोस्सदृशं दैवं श्रीगुरोसदृशः पिता ।
गुरुध्यानसमं कर्म नास्ति नास्ति महीतले ॥ 298 ॥
कुलं धनं बलं शास्त्रं बान्धवास्सोदरा इमे ।
मरणे नोपयुज्यन्ते गुरुरेको हि तारकः ॥ 299 ॥
कुलमेव पवित्रं स्यात् सत्यं स्वगुरुसेवया ।
तृप्ताः स्युस्सकला देवा ब्रह्माद्या गुरुतर्पणात् ॥ 300 ॥
गुरुरेको हि जानाति स्वरूपं देवमव्ययम् ।
तद्ज्ञानं यत्प्रसादेन नान्यथा शास्त्रकोटिभिः ॥ 301 ॥
स्वरूपज्ञानशून्येन कृतमप्यकृतं भवेत् ।
तपोजपादिकं देवि सकलं बालजल्पवत् ॥ 302 ॥
शिवं केचिद्धरिं केचिद्विधिं केचित्तु केचन ।
शक्तिं दैवमिति ज्ञात्वा विवदन्ति वृथा नराः ॥ 303 ॥
न जानन्ति परं तत्त्वं गुरुदीक्षापराङ्मुखाः ।
भ्रान्ताः पशुसमा ह्येते स्वपरिज्ञानवर्जिताः ॥ 304 ॥
तस्मात्कैवल्यसिद्ध्यर्थं गुरुमेव भजेत्प्रिये ।
गुरुं विना न जानन्ति मूढास्तत्परमं पदम् ॥ 305 ॥
भिद्यते हृदयग्रन्थिश्छिद्यन्ते सर्वसंशयाः ।
क्षीयन्ते सर्वकर्माणि गुरोः करुणया शिवे ॥ 306 ॥
कृताया गुरुभक्तेस्तु वेदशास्त्रानुसारतः ।
मुच्यते पातकाद्घोरात् गुरुभक्तो विशेषतः ॥ 307 ॥
दुस्सङ्गं च परित्यज्य पापकर्म परित्यजेत् ।
चित्तचिह्नमिदं यस्य तस्य दीक्षा विधीयते ॥ 308 ॥
चित्तत्यागनियुक्तश्च क्रोधगर्वविवर्जितः ।
द्वैतभावपरित्यागी तस्य दीक्षा विधीयते ॥ 309 ॥
एतल्लक्षणयुक्तत्वं सर्वभूतहिते रतम् ।
निर्मलं जीवितं यस्य तस्य दीक्षा विधीयते ॥ 310 ॥
क्रियया चान्वितं पूर्वं दीक्षाजालं निरूपितम् ।
मन्त्रदीक्षाभिधं साङ्गोपाङ्गं सर्वं शिवोदितम् ॥ 311 ॥
क्रियया स्याद्विरहितां गुरुसायुज्यदायिनीम् ।
गुरुदीक्षां विना को वा गुरुत्वाचारपालकः ॥ 312 ॥
शक्तो न चापि शक्तो वा दैशिकाङ्घ्रि समाश्रयेत् ।
तस्य जन्मास्ति सफलं भोगमोक्षफलप्रदम् ॥ 313 ॥
अत्यन्तचित्तपक्वस्य श्रद्धाभक्तियुतस्य च ।
प्रवक्तव्यमिदं देवि ममात्मप्रीतये सदा ॥ 314 ॥
रहस्यं सर्वशास्त्रेषु गीताशास्त्रमिदं शिवे ।
सम्यक्परीक्ष्य वक्तव्यं साधकस्य महात्मनः ॥ 315 ॥
सत्कर्मपरिपाकाच्च चित्तशुद्धिश्च धीमतः ।
साधकस्यैव वक्तव्या गुरुगीता प्रयत्नतः ॥ 316 ॥
नास्तिकाय कृतघ्नाय दाम्भिकाय शठाय च ।
अभक्ताय विभक्ताय न वाच्येयं कदाचन ॥ 317 ॥
स्त्रीलोलुपाय मूर्खाय कामोपहतचेतसे ।
निन्दकाय न वक्तव्या गुरुगीता स्वभावतः ॥ 318 ॥
सर्वपापप्रशमनं सर्वोपद्रववारकम् ।
जन्ममृत्युहरं देवि गीताशास्त्रमिदं शिवे ॥ 319 ॥
श्रुतिसारमिदं देवि सर्वमुक्तं समासतः ।
नान्यथा सद्गतिः पुंसां विना गुरुपदं शिवे ॥ 320 ॥
बहुजन्मकृतात्पापादयमर्थो न रोचते ।
जन्मबन्धनिवृत्त्यर्थं गुरुमेव भजेत्सदा ॥ 321 ॥
अहमेव जगत्सर्वमहमेव परं पदम् ।
एतद्ज्ञानं यतो भूयात्तं गुरुं प्रणमाम्यहम् ॥ 322 ॥
अलं विकल्पैरहमेव केवलं
मयि स्थितं विश्वमिदं चराचरम् ।
इदं रहस्यं मम येन दर्शितं
स वन्दनीयो गुरुरेव केवलम् ॥ 323 ॥
यस्यान्तं नादिमध्यं न हि करचरणं नामगोत्रं न सूत्रम् ।
नो जातिर्नैव वर्णो न भवति पुरुषो नो नपुंसो न च स्त्री ॥ 324 ॥
नाकारं नो विकारं न हि जनिमरणं नास्ति पुण्यं न पापम् ।
नोऽतत्त्वं तत्त्वमेकं सहजसमरसं सद्गुरुं तं नमामि ॥ 325 ॥
नित्याय सत्याय चिदात्मकाय
नव्याय भव्याय परात्पराय ।
शुद्धाय बुद्धाय निरञ्जनाय
नमोऽस्तु नित्यं गुरुशेखराय ॥ 326 ॥
सच्चिदानन्दरूपाय व्यापिने परमात्मने ।
नमः श्रीगुरुनाथाय प्रकाशानन्दमूर्तये ॥ 327 ॥
सत्यानन्दस्वरूपाय बोधैकसुखकारिणे ।
नमो वेदान्तवेद्याय गुरवे बुद्धिसाक्षिणे ॥ 328 ॥
नमस्ते नाथ भगवन् शिवाय गुरुरूपिणे ।
विद्यावतारसंसिद्ध्यै स्वीकृतानेकविग्रह ॥ 329 ॥
नवाय नवरूपाय परमार्थैकरूपिणे ।
सर्वाज्ञानतमोभेदभानवे चिद्घनाय ते ॥ 330 ॥
स्वतन्त्राय दयाक्लुप्तविग्रहाय शिवात्मने ।
परतन्त्राय भक्तानां भव्यानां भव्यरूपिणे ॥ 331 ॥
विवेकिनां विवेकाय विमर्शाय विमर्शिनाम् ।
प्रकाशिनां प्रकाशाय ज्ञानिनां ज्ञानरूपिणे ॥ 332 ॥
पुरस्तात्पार्श्वयोः पृष्ठे नमस्कुर्यादुपर्यधः ।
सदा मच्चित्तरूपेण विधेहि भवदासनम् ॥ 333 ॥
श्रीगुरुं परमानन्दं वन्दे ह्यानन्दविग्रहम् ।
यस्य सन्निधिमात्रेण चिदानन्दाय ते मनः ॥ 334 ॥
नमोऽस्तु गुरवे तुभ्यं सहजानन्दरूपिणे ।
यस्य वागमृतं हन्ति विषं संसारसञ्ज्ञकम् ॥ 335 ॥
नानायुक्तोपदेशेन तारिता शिष्यसन्ततिः ।
तत्कृपासारवेदेन गुरुचित्पदमच्युतम् ॥ 336 ॥
[पाठभेदः -
अच्युताय नमस्तुभ्यं गुरवे परमात्मने ।
स्वारामोक्तपदेच्छूनां दत्तं येनाच्युतं पदम् ॥
]
अच्युताय नमस्तुभ्यं गुरवे परमात्मने ।
सर्वतन्त्रस्वतन्त्राय चिद्घनानन्दमूर्तये ॥ 337 ॥
नमोऽच्युताय गुरवेऽज्ञानध्वान्तैकभानवे ।
शिष्यसन्मार्गपटवे कृपापीयूषसिन्धवे ॥ 338 ॥
ओमच्युताय गुरवे शिष्यसंसारसेतवे ।
भक्तकार्यैकसिंहाय नमस्ते चित्सुखात्मने ॥ 339 ॥
गुरुनामसमं दैवं न पिता न च बान्धवाः ।
गुरुनामसमः स्वामी नेदृशं परमं पदम् ॥ 340 ॥
एकाक्षरप्रदातारं यो गुरुं नैव मन्यते ।
श्वानयोनिशतं गत्वा चाण्डालेष्वपि जायते ॥ 341 ॥
गुरुत्यागाद्भवेन्मृत्युः मन्त्रत्यागाद्दरिद्रता ।
गुरुमन्त्रपरित्यागी रौरवं नरकं व्रजेत् ॥ 342 ॥
शिवक्रोधाद्गुरुस्त्राता गुरुक्रोधाच्छिवो न हि ।
तस्मात्सर्वप्रयत्नेन गुरोराज्ञां न लङ्घयेत् ॥ 343 ॥
संसारसागरसमुद्धरणैकमन्त्रं
ब्रह्मादिदेवमुनिपूजितसिद्धमन्त्रम् ।
दारिद्र्यदुःखभवरोगविनाशमन्त्रं
वन्दे महाभयहरं गुरुराजमन्त्रम् ॥ 344 ॥
सप्तकोटिमहामन्त्राश्चित्तविभ्रमकारकाः ।
एक एव महामन्त्रो गुरुरित्यक्षरद्वयम् ॥ 345 ॥
एवमुक्त्वा महादेवः पार्वतीं पुनरब्रवीत् ।
इदमेव परं तत्त्वं शृणु देवि सुखावहम् ॥ 346 ॥
गुरुतत्त्वमिदं देवि सर्वमुक्तं समासतः ।
रहस्यमिदमव्यक्तं न वदेद्यस्य कस्यचित् ॥ 347 ॥
न मृषा स्यादियं देवि मदुक्तिः सत्यरूपिणी ।
गुरुगीतासमं स्तोत्रं नास्ति नास्ति महीतले ॥ 348 ॥
गुरुगीतामिमां देवि भवदुःखविनाशिनीम् ।
गुरुदीक्षाविहीनस्य पुरतो न पठेत् क्वचित् ॥ 349 ॥
रहस्यमत्यन्तरहस्यमेतन्न पापिना लभ्यमिदं महेश्वरि ।
अनेकजन्मार्जितपुण्यपाकाद्गुरोस्तु तत्त्वं लभते मनुष्यः ॥ 350 ॥
यस्य प्रसादादहमेव सर्वं
मय्येव सर्वं परिकल्पितं च ।
इत्थं विजानामि सदात्मरूपं
तस्याङ्घ्रिपद्मं प्रणतोऽस्मि नित्यम् ॥ 351 ॥
अज्ञानतिमिरान्धस्य विषयाक्रान्तचेतसः ।
ज्ञानप्रभाप्रदानेन प्रसादं कुरु मे प्रभो ॥ 352 ॥
इति श्रीस्कन्दपुराणे उत्तरखण्डे उमामहेश्वर संवादे श्री गुरुगीता समाप्त ॥
मङ्गलं
मङ्गलं गुरुदेवाय महनीयगुणात्मने ।
सर्वलोकशरण्याय साधुरूपाय मङ्गलम् ॥
atha tṛtīyo'dhyāyaḥ ||
atha kāmyajapasthānaṃ kathayāmi varānane |
sāgarānte sarittīre tīrthe hariharālaye || 236 ||
śaktidevālaye goṣṭhe sarvadevālaye śubhe |
vaṭasya dhātryā mūle vā maṭhe bṛndāvane tathā || 237 ||
pavitre nirmale deśe nityānuṣṭhānato'pi vā |
nirvedanena maunena japametat samārabhet || 238 ||
jāpyena jayamāpnoti japasiddhiṃ phalaṃ tathā |
hīnaṃ karma tyajetsarvaṃ garhitasthānameva ca || 239 ||
śmaśāne bilvamūle vā vaṭamūlāntike tathā |
siddhyanti kānake mūle cūtavṛkṣasya sannidhau || 240 ||
pītāsanaṃ mohane tu hyasitaṃ cābhicārike |
jñeyaṃ śuklaṃ ca śāntyarthaṃ vaśye raktaṃ prakīrtitam || 241 ||
japaṃ hīnāsanaṃ kurvan hīnakarmaphalapradam |
gurugītāṃ prayāṇe vā saṅgrāme ripusaṅkaṭe || 242 ||
japan jayamavāpnoti maraṇe muktidāyikā |
sarvakarmāṇi siddhyanti guruputre na saṃśayaḥ || 243 ||
gurumantro mukhe yasya tasya siddhyanti nā'nyathā |
dīkṣayā sarvakarmāṇi siddhyanti guruputrake || 244 ||
bhavamūlavināśāya cāṣṭapāśanivṛttaye |
gurugītāmbhasi snānaṃ tattvajñaḥ kurute sadā || 245 ||
sa evaṃ sadguruḥ sākṣāt sadasadbrahmavittamaḥ |
tasya sthānāni sarvāṇi pavitrāṇi na saṃśayaḥ || 246 ||
sarvaśuddhaḥ pavitro'sau svabhāvādyatra tiṣṭhati |
tatra devagaṇāḥ sarve kṣetrapīṭhe caranti ca || 247 ||
āsanasthāḥ śayānā vā gacchantastiṣṭhato'pi vā |
aśvārūḍhā gajārūḍhāḥ suṣuptā jāgrato'pi vā || 248 ||
śucirbhūtā jñānavanto gurugītāṃ japanti ye |
teṣāṃ darśanasaṃsparśāt divyajñānaṃ prajāyate || 249 ||
samudre vai yathā toyaṃ kṣīre kṣīraṃ jale jalam |
bhinne kumbhe yathā''kāśaṃ tathā''tmā paramātmani || 250 ||
tathaiva jñānavān jīvaḥ paramātmani sarvadā |
aikyena ramate jñānī yatra kutra divāniśam || 251 ||
evaṃvidho mahāyuktaḥ sarvatra vartate sadā |
tasmātsarvaprakāreṇa gurubhaktiṃ samācaret || 252 ||
gurusantoṣaṇādeva mukto bhavati pārvati |
aṇimādiṣu bhoktṛtvaṃ kṛpayā devi jāyate || 253 ||
sāmyena ramate jñānī divā vā yadi vā niśi |
evaṃvidho mahāmaunī trailokyasamatāṃ vrajet || 254 ||
atha saṃsāriṇaḥ sarve gurugītā japena tu |
sarvān kāmāṃstu bhuñjanti trisatyaṃ mama bhāṣitam || 255 ||
satyaṃ satyaṃ punaḥ satyaṃ dharmasāraṃ mayoditam |
gurugītāsamaṃ stotraṃ nāsti tattvaṃ guroḥ param || 256 ||
gururdevo gururdharmo gurau niṣṭhā paraṃ tapaḥ |
guroḥ parataraṃ nāsti trivāraṃ kathayāmi te || 257 ||
dhanyā mātā pitā dhanyo gotraṃ dhanyaṃ kulodbhavaḥ |
dhanyā ca vasudhā devi yatra syādgurubhaktatā || 258 ||
ākalpajanma koṭīnāṃ yajñavratatapaḥ kriyāḥ |
tāḥ sarvāḥ saphalā devi gurūsantoṣamātrataḥ || 259 ||
śarīramindriyaṃ prāṇamarthaṃ svajanabandhutā |
mātṛkulaṃ pitṛkulaṃ gurureva na saṃśayaḥ || 260 ||
mandabhāgyā hyaśaktāśca ye janā nānumanvate |
gurusevāsu vimukhāḥ pacyante narake'śucau || 261 ||
vidyā dhanaṃ balaṃ caiva teṣāṃ bhāgyaṃ nirarthakam |
yeṣāṃ gurūkṛpā nāsti adho gacchanti pārvati || 262 ||
brahmā viṣṇuśca rudraśca devāśca pitṛkinnarāḥ |
siddhacāraṇayakṣāśca anye ca munayo janāḥ || 263 ||
gurubhāvaḥ paraṃ tīrthamanyatīrthaṃ nirarthakam |
sarvatīrthamayaṃ devi śrīguroścaraṇāmbujam || 264 ||
kanyābhogaratā mandāḥ svakāntāyāḥ parāṅmukhāḥ |
ataḥ paraṃ mayā devi kathitaṃ na mama priye || 265 ||
idaṃ rahasyamaspaṣṭaṃ vaktavyaṃ ca varānane |
sugopyaṃ ca tavāgre tu mamātmaprītaye sati || 266 ||
svāmimukhyagaṇeśādyān vaiṣṇavādīṃśca pārvati |
na vaktavyaṃ mahāmāye pādasparśaṃ kuruṣva me || 267 ||
abhakte vañcake dhūrte pāṣaṇḍe nāstikādiṣu |
manasā'pi na vaktavyā gurugītā kadācana || 268 ||
guravo bahavaḥ santi śiṣyavittāpahārakāḥ |
tamekaṃ durlabhaṃ manye śiṣyahṛttāpahārakam || 269 ||
cāturyavān vivekī ca adhyātmajñānavān śuciḥ |
mānasaṃ nirmalaṃ yasya gurutvaṃ tasya śobhate || 270 ||
guravo nirmalāḥ śāntāḥ sādhavo mitabhāṣiṇaḥ |
kāmakrodhavinirmuktāḥ sadācārāḥ jitendriyāḥ || 271 ||
sūcakādiprabhedena guravo bahudhā smṛtāḥ |
svayaṃ samyak parīkṣyātha tattvaniṣṭhaṃ bhajetsudhīḥ || 272 ||
varṇajālamidaṃ tadvadbāhyaśāstraṃ tu laukikam |
yasmin devi samabhyastaṃ sa guruḥ sucakaḥ smṛtaḥ || 273 ||
varṇāśramocitāṃ vidyāṃ dharmādharmavidhāyinīm |
pravaktāraṃ guruṃ viddhi vācakaṃ tviti pārvati || 274 ||
pañcākṣaryādimantrāṇāmupadeṣṭā tu pārvati |
sa gururbodhako bhūyādubhayorayamuttamaḥ || 275 ||
mohamāraṇavaśyāditucchamantropadeśinam |
niṣiddhagururityāhuḥ paṇḍitāstattvadarśinaḥ || 276 ||
anityamiti nirdiśya saṃsāraṃ saṅkaṭālayam |
vairāgyapathadarśī yaḥ sa gururvihitaḥ priye || 277 ||
tattvamasyādivākyānāmupadeṣṭā tu pārvati |
kāraṇākhyo guruḥ prokto bhavaroganivārakaḥ || 278 ||
sarvasandehasandohanirmūlanavicakṣaṇaḥ |
janmamṛtyubhayaghno yaḥ sa guruḥ paramo mataḥ || 279 ||
bahujanmakṛtāt puṇyāllabhyate'sau mahāguruḥ |
labdhvā'muṃ na punaryāti śiṣyaḥ saṃsārabandhanam || 280 ||
evaṃ bahuvidhā loke guravaḥ santi pārvati |
teṣu sarvaprayatnena sevyo hi paramo guruḥ || 281 ||
niṣiddhaguruśiṣyastu duṣṭasaṅkalpadūṣitaḥ |
brahmapralayaparyantaṃ na punaryāti martyatām || 282 ||
evaṃ śrutvā mahādevī mahādevavacastathā |
atyantavihvalamanāḥ śaṅkaraṃ paripṛcchati || 283 ||
pārvatyuvāca |
namaste devadevātra śrotavyaṃ kiñcidasti me |
śrutvā tvadvākyamadhunā bhṛśaṃ syādvihvalaṃ manaḥ || 284 ||
svayaṃ mūḍhā mṛtyubhītāḥ sukṛtādviratiṃ gatāḥ |
daivānniṣiddhagurugā yadi teṣāṃ tu kā gatiḥ || 285 ||
śrī mahādeva uvāca |
śṛṇu tattvamidaṃ devi yadā syādvirato naraḥ |
tadā'sāvadhikārīti procyate śrutimastakaiḥ || 286 ||
akhaṇḍaikarasaṃ brahma nityamuktaṃ nirāmayam |
svasmin sandarśitaṃ yena sa bhavedasyaṃ deśikaḥ || 287 ||
jalānāṃ sāgaro rājā yathā bhavati pārvati |
gurūṇāṃ tatra sarveṣāṃ rājā'yaṃ paramo guruḥ || 288 ||
mohādirahitaḥ śānto nityatṛpto nirāśrayaḥ |
tṛṇīkṛtabrahmaviṣṇuvaibhavaḥ paramo guruḥ || 289 ||
sarvakālavideśeṣu svatantro niścalassukhī |
akhaṇḍaikarasāsvādatṛpto hi paramo guruḥ || 290 ||
dvaitādvaitavinirmuktaḥ svānubhūtiprakāśavān |
ajñānāndhatamaśchettā sarvajñaḥ paramo guruḥ || 291 ||
yasya darśanamātreṇa manasaḥ syāt prasannatā |
svayaṃ bhūyāt dhṛtiśśāntiḥ sa bhavet paramo guruḥ || 292 ||
siddhijālaṃ samālokya yogināṃ mantravādinām |
tucchākāramanovṛttiḥ yasyāsau paramo guruḥ || 293 ||
svaśarīraṃ śavaṃ paśyan tathā svātmānamadvayam |
yaḥ strīkanakamohaghnaḥ sa bhavet paramo guruḥ || 294 ||
maunī vāgmīti tattvajño dvidhā'bhūcchṛṇu pārvati |
na kaścinmaunināṃ lobho loke'sminbhavati priye || 295 ||
vāgmī tūtkaṭasaṃsārasāgarottāraṇakṣamaḥ |
yato'sau saṃśayacchettā śāstrayuktyanubhūtibhiḥ || 296 ||
gurunāmajapāddevi bahujanmārjitānyapi |
pāpāni vilayaṃ yānti nāsti sandehamaṇvapi || 297 ||
śrīgurossadṛśaṃ daivaṃ śrīgurosadṛśaḥ pitā |
gurudhyānasamaṃ karma nāsti nāsti mahītale || 298 ||
kulaṃ dhanaṃ balaṃ śāstraṃ bāndhavāssodarā ime |
maraṇe nopayujyante gurureko hi tārakaḥ || 299 ||
kulameva pavitraṃ syāt satyaṃ svagurusevayā |
tṛptāḥ syussakalā devā brahmādyā gurutarpaṇāt || 300 ||
gurureko hi jānāti svarūpaṃ devamavyayam |
tadjñānaṃ yatprasādena nānyathā śāstrakoṭibhiḥ || 301 ||
svarūpajñānaśūnyena kṛtamapyakṛtaṃ bhavet |
tapojapādikaṃ devi sakalaṃ bālajalpavat || 302 ||
śivaṃ keciddhariṃ kecidvidhiṃ kecittu kecana |
śaktiṃ daivamiti jñātvā vivadanti vṛthā narāḥ || 303 ||
na jānanti paraṃ tattvaṃ gurudīkṣāparāṅmukhāḥ |
bhrāntāḥ paśusamā hyete svaparijñānavarjitāḥ || 304 ||
tasmātkaivalyasiddhyarthaṃ gurumeva bhajetpriye |
guruṃ vinā na jānanti mūḍhāstatparamaṃ padam || 305 ||
bhidyate hṛdayagranthiśchidyante sarvasaṃśayāḥ |
kṣīyante sarvakarmāṇi guroḥ karuṇayā śive || 306 ||
kṛtāyā gurubhaktestu vedaśāstrānusārataḥ |
mucyate pātakādghorāt gurubhakto viśeṣataḥ || 307 ||
dussaṅgaṃ ca parityajya pāpakarma parityajet |
cittacihnamidaṃ yasya tasya dīkṣā vidhīyate || 308 ||
cittatyāganiyuktaśca krodhagarvavivarjitaḥ |
dvaitabhāvaparityāgī tasya dīkṣā vidhīyate || 309 ||
etallakṣaṇayuktatvaṃ sarvabhūtahite ratam |
nirmalaṃ jīvitaṃ yasya tasya dīkṣā vidhīyate || 310 ||
kriyayā cānvitaṃ pūrvaṃ dīkṣājālaṃ nirūpitam |
mantradīkṣābhidhaṃ sāṅgopāṅgaṃ sarvaṃ śivoditam || 311 ||
kriyayā syādvirahitāṃ gurusāyujyadāyinīm |
gurudīkṣāṃ vinā ko vā gurutvācārapālakaḥ || 312 ||
śakto na cāpi śakto vā daiśikāṅghri samāśrayet |
tasya janmāsti saphalaṃ bhogamokṣaphalapradam || 313 ||
atyantacittapakvasya śraddhābhaktiyutasya ca |
pravaktavyamidaṃ devi mamātmaprītaye sadā || 314 ||
rahasyaṃ sarvaśāstreṣu gītāśāstramidaṃ śive |
samyakparīkṣya vaktavyaṃ sādhakasya mahātmanaḥ || 315 ||
satkarmaparipākācca cittaśuddhiśca dhīmataḥ |
sādhakasyaiva vaktavyā gurugītā prayatnataḥ || 316 ||
nāstikāya kṛtaghnāya dāmbhikāya śaṭhāya ca |
abhaktāya vibhaktāya na vācyeyaṃ kadācana || 317 ||
strīlolupāya mūrkhāya kāmopahatacetase |
nindakāya na vaktavyā gurugītā svabhāvataḥ || 318 ||
sarvapāpapraśamanaṃ sarvopadravavārakam |
janmamṛtyuharaṃ devi gītāśāstramidaṃ śive || 319 ||
śrutisāramidaṃ devi sarvamuktaṃ samāsataḥ |
nānyathā sadgatiḥ puṃsāṃ vinā gurupadaṃ śive || 320 ||
bahujanmakṛtātpāpādayamartho na rocate |
janmabandhanivṛttyarthaṃ gurumeva bhajetsadā || 321 ||
ahameva jagatsarvamahameva paraṃ padam |
etadjñānaṃ yato bhūyāttaṃ guruṃ praṇamāmyaham || 322 ||
alaṃ vikalpairahameva kevalaṃ
mayi sthitaṃ viśvamidaṃ carācaram |
idaṃ rahasyaṃ mama yena darśitaṃ
sa vandanīyo gurureva kevalam || 323 ||
yasyāntaṃ nādimadhyaṃ na hi karacaraṇaṃ nāmagotraṃ na sūtram |
no jātirnaiva varṇo na bhavati puruṣo no napuṃso na ca strī || 324 ||
nākāraṃ no vikāraṃ na hi janimaraṇaṃ nāsti puṇyaṃ na pāpam |
no'tattvaṃ tattvamekaṃ sahajasamarasaṃ sadguruṃ taṃ namāmi || 325 ||
nityāya satyāya cidātmakāya
navyāya bhavyāya parātparāya |
śuddhāya buddhāya nirañjanāya
namo'stu nityaṃ guruśekharāya || 326 ||
saccidānandarūpāya vyāpine paramātmane |
namaḥ śrīgurunāthāya prakāśānandamūrtaye || 327 ||
satyānandasvarūpāya bodhaikasukhakāriṇe |
namo vedāntavedyāya gurave buddhisākṣiṇe || 328 ||
namaste nātha bhagavan śivāya gururūpiṇe |
vidyāvatārasaṃsiddhyai svīkṛtānekavigraha || 329 ||
navāya navarūpāya paramārthaikarūpiṇe |
sarvājñānatamobhedabhānave cidghanāya te || 330 ||
svatantrāya dayākluptavigrahāya śivātmane |
paratantrāya bhaktānāṃ bhavyānāṃ bhavyarūpiṇe || 331 ||
vivekināṃ vivekāya vimarśāya vimarśinām |
prakāśināṃ prakāśāya jñānināṃ jñānarūpiṇe || 332 ||
purastātpārśvayoḥ pṛṣṭhe namaskuryāduparyadhaḥ |
sadā maccittarūpeṇa vidhehi bhavadāsanam || 333 ||
śrīguruṃ paramānandaṃ vande hyānandavigraham |
yasya sannidhimātreṇa cidānandāya te manaḥ || 334 ||
namo'stu gurave tubhyaṃ sahajānandarūpiṇe |
yasya vāgamṛtaṃ hanti viṣaṃ saṃsārasañjñakam || 335 ||
nānāyuktopadeśena tāritā śiṣyasantatiḥ |
tatkṛpāsāravedena gurucitpadamacyutam || 336 ||
[pāṭhabhedaḥ -
acyutāya namastubhyaṃ gurave paramātmane |
svārāmoktapadecchūnāṃ dattaṃ yenācyutaṃ padam ||
]
acyutāya namastubhyaṃ gurave paramātmane |
sarvatantrasvatantrāya cidghanānandamūrtaye || 337 ||
namo'cyutāya gurave'jñānadhvāntaikabhānave |
śiṣyasanmārgapaṭave kṛpāpīyūṣasindhave || 338 ||
omacyutāya gurave śiṣyasaṃsārasetave |
bhaktakāryaikasiṃhāya namaste citsukhātmane || 339 ||
gurunāmasamaṃ daivaṃ na pitā na ca bāndhavāḥ |
gurunāmasamaḥ svāmī nedṛśaṃ paramaṃ padam || 340 ||
ekākṣarapradātāraṃ yo guruṃ naiva manyate |
śvānayoniśataṃ gatvā cāṇḍāleṣvapi jāyate || 341 ||
gurutyāgādbhavenmṛtyuḥ mantratyāgāddaridratā |
gurumantraparityāgī rauravaṃ narakaṃ vrajet || 342 ||
śivakrodhādgurustrātā gurukrodhācchivo na hi |
tasmātsarvaprayatnena gurorājñāṃ na laṅghayet || 343 ||
saṃsārasāgarasamuddharaṇaikamantraṃ
brahmādidevamunipūjitasiddhamantram |
dāridryaduḥkhabhavarogavināśamantraṃ
vande mahābhayaharaṃ gururājamantram || 344 ||
saptakoṭimahāmantrāścittavibhramakārakāḥ |
eka eva mahāmantro gururityakṣaradvayam || 345 ||
evamuktvā mahādevaḥ pārvatīṃ punarabravīt |
idameva paraṃ tattvaṃ śṛṇu devi sukhāvaham || 346 ||
gurutattvamidaṃ devi sarvamuktaṃ samāsataḥ |
rahasyamidamavyaktaṃ na vadedyasya kasyacit || 347 ||
na mṛṣā syādiyaṃ devi maduktiḥ satyarūpiṇī |
gurugītāsamaṃ stotraṃ nāsti nāsti mahītale || 348 ||
gurugītāmimāṃ devi bhavaduḥkhavināśinīm |
gurudīkṣāvihīnasya purato na paṭhet kvacit || 349 ||
rahasyamatyantarahasyametanna pāpinā labhyamidaṃ maheśvari |
anekajanmārjitapuṇyapākādgurostu tattvaṃ labhate manuṣyaḥ || 350 ||
yasya prasādādahameva sarvaṃ
mayyeva sarvaṃ parikalpitaṃ ca |
itthaṃ vijānāmi sadātmarūpaṃ
tasyāṅghripadmaṃ praṇato'smi nityam || 351 ||
ajñānatimirāndhasya viṣayākrāntacetasaḥ |
jñānaprabhāpradānena prasādaṃ kuru me prabho || 352 ||
iti śrīskandapurāṇe uttarakhaṇḍe umāmaheśvara saṃvāde śrī gurugītā samāpta ||
maṅgalaṃ
maṅgalaṃ gurudevāya mahanīyaguṇātmane |
sarvalokaśaraṇyāya sādhurūpāya maṅgalam ||
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.