𑌦𑍇𑌵𑌰𑌾𑌜-𑌸𑍇𑌵𑍍𑌯𑌮𑌾𑌨-𑌪𑌾𑌵𑌨𑌾𑌙𑍍𑌘𑍍𑌰𑌿-𑌪𑌙𑍍𑌕𑌜𑌂
𑌵𑍍𑌯𑌾𑌲𑌯𑌜𑍍𑌞-𑌸𑍂𑌤𑍍𑌰𑌮𑌿𑌨𑍍𑌦𑍁-𑌶𑍇𑌖𑌰𑌂 𑌕𑍃𑌪𑌾𑌕𑌰𑌮𑍍 ।
𑌨𑌾𑌰𑌦𑌾𑌦𑌿-𑌯𑍋𑌗𑌿𑌬𑍃𑌨𑍍𑌦-𑌵𑌨𑍍𑌦𑌿𑌤𑌂 𑌦𑌿𑌗𑌮𑍍𑌬𑌰𑌂
𑌕𑌾𑌶𑌿𑌕𑌾𑌪𑍁𑌰𑌾𑌧𑌿𑌨𑌾𑌥 𑌕𑌾𑌲𑌭𑍈𑌰𑌵𑌂 𑌭𑌜𑍇 ॥ 1 ॥
𑌭𑌾𑌨𑍁𑌕𑍋𑌟𑌿-𑌭𑌾𑌸𑍍𑌵𑌰𑌂 𑌭𑌵𑌬𑍍𑌧𑌿𑌤𑌾𑌰𑌕𑌂 𑌪𑌰𑌂
𑌨𑍀𑌲𑌕𑌣𑍍𑌠-𑌮𑍀𑌪𑍍𑌸𑌿𑌤𑌾𑌰𑍍𑌥-𑌦𑌾𑌯𑌕𑌂 𑌤𑍍𑌰𑌿𑌲𑍋𑌚𑌨𑌮𑍍 ।
𑌕𑌾𑌲𑌕𑌾𑌲-𑌮𑌮𑍍𑌬𑍁𑌜𑌾𑌕𑍍𑌷-𑌮𑌕𑍍𑌷𑌶𑍂𑌲-𑌮𑌕𑍍𑌷𑌰𑌂
𑌕𑌾𑌶𑌿𑌕𑌾𑌪𑍁𑌰𑌾𑌧𑌿𑌨𑌾𑌥 𑌕𑌾𑌲𑌭𑍈𑌰𑌵𑌂 𑌭𑌜𑍇 ॥ 2 ॥
𑌶𑍂𑌲𑌟𑌙𑍍𑌕-𑌪𑌾𑌶𑌦𑌣𑍍𑌡-𑌪𑌾𑌣𑌿𑌮𑌾𑌦𑌿-𑌕𑌾𑌰𑌣𑌂
𑌶𑍍𑌯𑌾𑌮𑌕𑌾𑌯-𑌮𑌾𑌦𑌿𑌦𑍇𑌵-𑌮𑌕𑍍𑌷𑌰𑌂 𑌨𑌿𑌰𑌾𑌮𑌯𑌮𑍍 ।
𑌭𑍀𑌮𑌵𑌿𑌕𑍍𑌰𑌮𑌂 𑌪𑍍𑌰𑌭𑍁𑌂 𑌵𑌿𑌚𑌿𑌤𑍍𑌰 𑌤𑌾𑌣𑍍𑌡𑌵 𑌪𑍍𑌰𑌿𑌯𑌂
𑌕𑌾𑌶𑌿𑌕𑌾𑌪𑍁𑌰𑌾𑌧𑌿𑌨𑌾𑌥 𑌕𑌾𑌲𑌭𑍈𑌰𑌵𑌂 𑌭𑌜𑍇 ॥ 3 ॥
𑌭𑍁𑌕𑍍𑌤𑌿-𑌮𑍁𑌕𑍍𑌤𑌿-𑌦𑌾𑌯𑌕𑌂 𑌪𑍍𑌰𑌶𑌸𑍍𑌤𑌚𑌾𑌰𑍁-𑌵𑌿𑌗𑍍𑌰𑌹𑌂
𑌭𑌕𑍍𑌤𑌵𑌤𑍍𑌸𑌲𑌂 𑌸𑍍𑌥𑌿𑌰𑌂 𑌸𑌮𑌸𑍍𑌤𑌲𑍋𑌕-𑌵𑌿𑌗𑍍𑌰𑌹𑌮𑍍 । [𑌸𑍍𑌥𑌿𑌤𑌂]
𑌨𑌿𑌕𑍍𑌵𑌣𑌨𑍍-𑌮𑌨𑍋𑌜𑍍𑌞-𑌹𑍇𑌮-𑌕𑌿𑌙𑍍𑌕𑌿𑌣𑍀-𑌲𑌸𑌤𑍍𑌕𑌟𑌿𑌂 [𑌵𑌿𑌨𑌿𑌕𑍍𑌵𑌣𑌨𑍍]
𑌕𑌾𑌶𑌿𑌕𑌾𑌪𑍁𑌰𑌾𑌧𑌿𑌨𑌾𑌥 𑌕𑌾𑌲𑌭𑍈𑌰𑌵𑌂 𑌭𑌜𑍇 ॥ 4 ॥
𑌧𑌰𑍍𑌮𑌸𑍇𑌤𑍁-𑌪𑌾𑌲𑌕𑌂 𑌤𑍍𑌵𑌧𑌰𑍍𑌮𑌮𑌾𑌰𑍍𑌗 𑌨𑌾𑌶𑌕𑌂 [𑌨𑌾𑌶𑌨𑌂]
𑌕𑌰𑍍𑌮𑌪𑌾𑌶-𑌮𑍋𑌚𑌕𑌂 𑌸𑍁𑌶𑌰𑍍𑌮-𑌦𑌾𑌯𑌕𑌂 𑌵𑌿𑌭𑍁𑌮𑍍 ।
𑌸𑍍𑌵𑌰𑍍𑌣𑌵𑌰𑍍𑌣-𑌕𑍇𑌶𑌪𑌾𑌶-𑌶𑍋𑌭𑌿𑌤𑌾𑌙𑍍𑌗-𑌮𑌣𑍍𑌡𑌲𑌂 [𑌶𑍇𑌀𑌷𑌪𑌾𑌶, 𑌨𑌿𑌰𑍍𑌮𑌲𑌂]
𑌕𑌾𑌶𑌿𑌕𑌾𑌪𑍁𑌰𑌾𑌧𑌿𑌨𑌾𑌥 𑌕𑌾𑌲𑌭𑍈𑌰𑌵𑌂 𑌭𑌜𑍇 ॥ 5 ॥
𑌰𑌤𑍍𑌨-𑌪𑌾𑌦𑍁𑌕𑌾-𑌪𑍍𑌰𑌭𑌾𑌭𑌿𑌰𑌾𑌮-𑌪𑌾𑌦𑌯𑍁𑌗𑍍𑌮𑌕𑌂
𑌨𑌿𑌤𑍍𑌯-𑌮𑌦𑍍𑌵𑌿𑌤𑍀𑌯-𑌮𑌿𑌷𑍍𑌟-𑌦𑍈𑌵𑌤𑌂 𑌨𑌿𑌰𑌞𑍍𑌜𑌨𑌮𑍍 ।
𑌮𑍃𑌤𑍍𑌯𑍁𑌦𑌰𑍍𑌪-𑌨𑌾𑌶𑌨𑌂 𑌕𑌰𑌾𑌲𑌦𑌂𑌷𑍍𑌟𑍍𑌰-𑌮𑍋𑌕𑍍𑌷𑌦𑌂 [𑌭𑍂𑌷𑌣𑌂]
𑌕𑌾𑌶𑌿𑌕𑌾𑌪𑍁𑌰𑌾𑌧𑌿𑌨𑌾𑌥 𑌕𑌾𑌲𑌭𑍈𑌰𑌵𑌂 𑌭𑌜𑍇 ॥ 6 ॥
𑌅𑌟𑍍𑌟𑌹𑌾𑌸-𑌭𑌿𑌨𑍍𑌨-𑌪𑌦𑍍𑌮𑌜𑌾𑌣𑍍𑌡𑌕𑍋𑌶-𑌸𑌨𑍍𑌤𑌤𑌿𑌂
𑌦𑍃𑌷𑍍𑌟𑌿𑌪𑌾𑌤-𑌨𑌷𑍍𑌟𑌪𑌾𑌪-𑌜𑌾𑌲𑌮𑍁𑌗𑍍𑌰-𑌶𑌾𑌸𑌨𑌮𑍍 ।
𑌅𑌷𑍍𑌟𑌸𑌿𑌦𑍍𑌧𑌿-𑌦𑌾𑌯𑌕𑌂 𑌕𑌪𑌾𑌲𑌮𑌾𑌲𑌿𑌕𑌾-𑌧𑌰𑌂
𑌕𑌾𑌶𑌿𑌕𑌾𑌪𑍁𑌰𑌾𑌧𑌿𑌨𑌾𑌥 𑌕𑌾𑌲𑌭𑍈𑌰𑌵𑌂 𑌭𑌜𑍇 ॥ 7 ॥
𑌭𑍂𑌤𑌸𑌙𑍍𑌘-𑌨𑌾𑌯𑌕𑌂 𑌵𑌿𑌶𑌾𑌲𑌕𑍀𑌰𑍍𑌤𑌿-𑌦𑌾𑌯𑌕𑌂
𑌕𑌾𑌶𑌿𑌵𑌾𑌸𑌿-𑌲𑍋𑌕-𑌪𑍁𑌣𑍍𑌯𑌪𑌾𑌪-𑌶𑍋𑌧𑌕𑌂 𑌵𑌿𑌭𑍁𑌮𑍍 । [𑌕𑌶𑌿𑌵𑌾𑌸]
𑌨𑍀𑌤𑌿𑌮𑌾𑌰𑍍𑌗-𑌕𑍋𑌵𑌿𑌦𑌂 𑌪𑍁𑌰𑌾𑌤𑌨𑌂 𑌜𑌗𑌤𑍍𑌪𑌤𑌿𑌂
𑌕𑌾𑌶𑌿𑌕𑌾𑌪𑍁𑌰𑌾𑌧𑌿𑌨𑌾𑌥 𑌕𑌾𑌲𑌭𑍈𑌰𑌵𑌂 𑌭𑌜𑍇 ॥ 8 ॥
𑌕𑌾𑌲𑌭𑍈𑌰𑌵𑌾𑌷𑍍𑌟𑌕𑌂 𑌪𑌠𑌨𑍍𑌤𑌿 𑌯𑍇 𑌮𑌨𑍋𑌹𑌰𑌂
𑌜𑍍𑌞𑌾𑌨𑌮𑍁𑌕𑍍𑌤𑌿-𑌸𑌾𑌧𑌨𑌂 𑌵𑌿𑌚𑌿𑌤𑍍𑌰-𑌪𑍁𑌣𑍍𑌯-𑌵𑌰𑍍𑌧𑌨𑌮𑍍 ।
𑌶𑍋𑌕𑌮𑍋𑌹-𑌲𑍋𑌭𑌦𑍈𑌨𑍍𑌯-𑌕𑍋𑌪𑌤𑌾𑌪-𑌨𑌾𑌶𑌨𑌂 [𑌦𑍈𑌨𑍍𑌯𑌲𑍋𑌭]
𑌤𑍇 𑌪𑍍𑌰𑌯𑌾𑌨𑍍𑌤𑌿 𑌕𑌾𑌲𑌭𑍈𑌰𑌵𑌾𑌙𑍍𑌘𑍍𑌰𑌿-𑌸𑌨𑍍𑌨𑌿𑌧𑌿𑌂 𑌧𑍍𑌰𑍁𑌵𑌮𑍍 ॥
𑌇𑌤𑌿 𑌶𑍍𑌰𑍀𑌮𑌤𑍍𑌪𑌰𑌮𑌹𑌂𑌸𑌪𑌰𑌿𑌵𑍍𑌰𑌾𑌜𑌕𑌾𑌚𑌰𑍍𑌯𑌸𑍍𑌯
𑌶𑍍𑌰𑍀𑌗𑍋𑌵𑌿𑌨𑍍𑌦𑌭𑌗𑌵𑌤𑍍𑌪𑍂𑌜𑍍𑌯𑌪𑌾𑌦𑌶𑌿𑌷𑍍𑌯𑌸𑍍𑌯
𑌶𑍍𑌰𑍀𑌮𑌚𑍍𑌛𑌙𑍍𑌕𑌰𑌭𑌗𑌵𑌤𑌃 𑌕𑍃𑌤𑍗
𑌶𑍍𑌰𑍀 𑌕𑌾𑌲𑌭𑍈𑌰𑌵𑌾𑌷𑍍𑌟𑌕𑌂 𑌸𑌮𑍍𑌪𑍂𑌰𑍍𑌣𑌮𑍍 ।
Roman (IAST) Transliteration
devarāja-sevyamāna-pāvanāṅghri-paṅkajaṃ
vyālayajña-sūtramindu-śekharaṃ kṛpākaram |
nāradādi-yogibṛnda-vanditaṃ digambaraṃ
kāśikāpurādhinātha kālabhairavaṃ bhaje || 1 ||
bhānukoṭi-bhāsvaraṃ bhavabdhitārakaṃ paraṃ
nīlakaṇṭha-mīpsitārtha-dāyakaṃ trilocanam |
kālakāla-mambujākṣa-makṣaśūla-makṣaraṃ
kāśikāpurādhinātha kālabhairavaṃ bhaje || 2 ||
śūlaṭaṅka-pāśadaṇḍa-pāṇimādi-kāraṇaṃ
śyāmakāya-mādideva-makṣaraṃ nirāmayam |
bhīmavikramaṃ prabhuṃ vicitra tāṇḍava priyaṃ
kāśikāpurādhinātha kālabhairavaṃ bhaje || 3 ||
bhukti-mukti-dāyakaṃ praśastacāru-vigrahaṃ
bhaktavatsalaṃ sthiraṃ samastaloka-vigraham | [sthitaṃ]
nikvaṇan-manojña-hema-kiṅkiṇī-lasatkaṭiṃ [vinikvaṇan]
kāśikāpurādhinātha kālabhairavaṃ bhaje || 4 ||
dharmasetu-pālakaṃ tvadharmamārga nāśakaṃ [nāśanaṃ]
karmapāśa-mocakaṃ suśarma-dāyakaṃ vibhum |
svarṇavarṇa-keśapāśa-śobhitāṅga-maṇḍalaṃ [śèṣapāśa, nirmalaṃ]
kāśikāpurādhinātha kālabhairavaṃ bhaje || 5 ||
ratna-pādukā-prabhābhirāma-pādayugmakaṃ
nitya-madvitīya-miṣṭa-daivataṃ nirañjanam |
mṛtyudarpa-nāśanaṃ karāladaṃṣṭra-mokṣadaṃ [bhūṣaṇaṃ]
kāśikāpurādhinātha kālabhairavaṃ bhaje || 6 ||
aṭṭahāsa-bhinna-padmajāṇḍakośa-santatiṃ
dṛṣṭipāta-naṣṭapāpa-jālamugra-śāsanam |
aṣṭasiddhi-dāyakaṃ kapālamālikā-dharaṃ
kāśikāpurādhinātha kālabhairavaṃ bhaje || 7 ||
bhūtasaṅgha-nāyakaṃ viśālakīrti-dāyakaṃ
kāśivāsi-loka-puṇyapāpa-śodhakaṃ vibhum | [kaśivāsa]
nītimārga-kovidaṃ purātanaṃ jagatpatiṃ
kāśikāpurādhinātha kālabhairavaṃ bhaje || 8 ||
kālabhairavāṣṭakaṃ paṭhanti ye manoharaṃ
jñānamukti-sādhanaṃ vicitra-puṇya-vardhanam |
śokamoha-lobhadainya-kopatāpa-nāśanaṃ [dainyalobha]
te prayānti kālabhairavāṅghri-sannidhiṃ dhruvam ||
iti śrīmatparamahaṃsaparivrājakācaryasya
śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau
śrī kālabhairavāṣṭakaṃ sampūrṇam |
Sanskrit — Devanagari (original)
देवराज-सेव्यमान-पावनाङ्घ्रि-पङ्कजं
व्यालयज्ञ-सूत्रमिन्दु-शेखरं कृपाकरम् ।
नारदादि-योगिबृन्द-वन्दितं दिगम्बरं
काशिकापुराधिनाथ कालभैरवं भजे ॥ 1 ॥
भानुकोटि-भास्वरं भवब्धितारकं परं
नीलकण्ठ-मीप्सितार्थ-दायकं त्रिलोचनम् ।
कालकाल-मम्बुजाक्ष-मक्षशूल-मक्षरं
काशिकापुराधिनाथ कालभैरवं भजे ॥ 2 ॥
शूलटङ्क-पाशदण्ड-पाणिमादि-कारणं
श्यामकाय-मादिदेव-मक्षरं निरामयम् ।
भीमविक्रमं प्रभुं विचित्र ताण्डव प्रियं
काशिकापुराधिनाथ कालभैरवं भजे ॥ 3 ॥
भुक्ति-मुक्ति-दायकं प्रशस्तचारु-विग्रहं
भक्तवत्सलं स्थिरं समस्तलोक-विग्रहम् । [स्थितं]
निक्वणन्-मनोज्ञ-हेम-किङ्किणी-लसत्कटिं [विनिक्वणन्]
काशिकापुराधिनाथ कालभैरवं भजे ॥ 4 ॥
धर्मसेतु-पालकं त्वधर्ममार्ग नाशकं [नाशनं]
कर्मपाश-मोचकं सुशर्म-दायकं विभुम् ।
स्वर्णवर्ण-केशपाश-शोभिताङ्ग-मण्डलं [शॆषपाश, निर्मलं]
काशिकापुराधिनाथ कालभैरवं भजे ॥ 5 ॥
रत्न-पादुका-प्रभाभिराम-पादयुग्मकं
नित्य-मद्वितीय-मिष्ट-दैवतं निरञ्जनम् ।
मृत्युदर्प-नाशनं करालदंष्ट्र-मोक्षदं [भूषणं]
काशिकापुराधिनाथ कालभैरवं भजे ॥ 6 ॥
अट्टहास-भिन्न-पद्मजाण्डकोश-सन्ततिं
दृष्टिपात-नष्टपाप-जालमुग्र-शासनम् ।
अष्टसिद्धि-दायकं कपालमालिका-धरं
काशिकापुराधिनाथ कालभैरवं भजे ॥ 7 ॥
भूतसङ्घ-नायकं विशालकीर्ति-दायकं
काशिवासि-लोक-पुण्यपाप-शोधकं विभुम् । [कशिवास]
नीतिमार्ग-कोविदं पुरातनं जगत्पतिं
काशिकापुराधिनाथ कालभैरवं भजे ॥ 8 ॥
कालभैरवाष्टकं पठन्ति ये मनोहरं
ज्ञानमुक्ति-साधनं विचित्र-पुण्य-वर्धनम् ।
शोकमोह-लोभदैन्य-कोपताप-नाशनं [दैन्यलोभ]
ते प्रयान्ति कालभैरवाङ्घ्रि-सन्निधिं ध्रुवम् ॥
इति श्रीमत्परमहंसपरिव्राजकाचर्यस्य
श्रीगोविन्दभगवत्पूज्यपादशिष्यस्य
श्रीमच्छङ्करभगवतः कृतौ
श्री कालभैरवाष्टकं सम्पूर्णम् ।
devarāja-sevyamāna-pāvanāṅghri-paṅkajaṃ
vyālayajña-sūtramindu-śekharaṃ kṛpākaram |
nāradādi-yogibṛnda-vanditaṃ digambaraṃ
kāśikāpurādhinātha kālabhairavaṃ bhaje || 1 ||
bhānukoṭi-bhāsvaraṃ bhavabdhitārakaṃ paraṃ
nīlakaṇṭha-mīpsitārtha-dāyakaṃ trilocanam |
kālakāla-mambujākṣa-makṣaśūla-makṣaraṃ
kāśikāpurādhinātha kālabhairavaṃ bhaje || 2 ||
śūlaṭaṅka-pāśadaṇḍa-pāṇimādi-kāraṇaṃ
śyāmakāya-mādideva-makṣaraṃ nirāmayam |
bhīmavikramaṃ prabhuṃ vicitra tāṇḍava priyaṃ
kāśikāpurādhinātha kālabhairavaṃ bhaje || 3 ||
bhukti-mukti-dāyakaṃ praśastacāru-vigrahaṃ
bhaktavatsalaṃ sthiraṃ samastaloka-vigraham | [sthitaṃ]
nikvaṇan-manojña-hema-kiṅkiṇī-lasatkaṭiṃ [vinikvaṇan]
kāśikāpurādhinātha kālabhairavaṃ bhaje || 4 ||
dharmasetu-pālakaṃ tvadharmamārga nāśakaṃ [nāśanaṃ]
karmapāśa-mocakaṃ suśarma-dāyakaṃ vibhum |
svarṇavarṇa-keśapāśa-śobhitāṅga-maṇḍalaṃ [śèṣapāśa, nirmalaṃ]
kāśikāpurādhinātha kālabhairavaṃ bhaje || 5 ||
ratna-pādukā-prabhābhirāma-pādayugmakaṃ
nitya-madvitīya-miṣṭa-daivataṃ nirañjanam |
mṛtyudarpa-nāśanaṃ karāladaṃṣṭra-mokṣadaṃ [bhūṣaṇaṃ]
kāśikāpurādhinātha kālabhairavaṃ bhaje || 6 ||
aṭṭahāsa-bhinna-padmajāṇḍakośa-santatiṃ
dṛṣṭipāta-naṣṭapāpa-jālamugra-śāsanam |
aṣṭasiddhi-dāyakaṃ kapālamālikā-dharaṃ
kāśikāpurādhinātha kālabhairavaṃ bhaje || 7 ||
bhūtasaṅgha-nāyakaṃ viśālakīrti-dāyakaṃ
kāśivāsi-loka-puṇyapāpa-śodhakaṃ vibhum | [kaśivāsa]
nītimārga-kovidaṃ purātanaṃ jagatpatiṃ
kāśikāpurādhinātha kālabhairavaṃ bhaje || 8 ||
kālabhairavāṣṭakaṃ paṭhanti ye manoharaṃ
jñānamukti-sādhanaṃ vicitra-puṇya-vardhanam |
śokamoha-lobhadainya-kopatāpa-nāśanaṃ [dainyalobha]
te prayānti kālabhairavāṅghri-sannidhiṃ dhruvam ||
iti śrīmatparamahaṃsaparivrājakācaryasya
śrīgovindabhagavatpūjyapādaśiṣyasya
śrīmacchaṅkarabhagavataḥ kṛtau
śrī kālabhairavāṣṭakaṃ sampūrṇam |
🕉️ This is the original Sanskrit rendered in Grantha script.
Pronunciation is identical to the Sanskrit Devanagari version.