Shri Venkateshvara Sharanagati Gadyam — Bengali Script

Meaning —

যো নিত্যমচ্যুতপদাম্বুজযুগ্মরুক্ম
ব্যামোহতস্তদিতরাণি তৃণায মেনে ।
অস্মদ্গুরোর্ভগবতোঽস্য দযৈকসিন্ধোঃ
রামানুজস্য চরণৌ শরণং প্রপদ্যে ॥
বন্দে বেদান্তকর্পূরচামীকর করণ্ডকম্ ।
রামানুজার্যমার্যাণাং চূডামণিমহর্নিশম্ ॥
ওম্ ॥ ভগবন্নারাযণাভিমতানুরূপ স্বরূপরূপ গুণবিভবৈশ্বর্য শীলাদ্যনবধিকাতিশয অসঙ্খ্যেয কল্যাণগুণগণাং পদ্মবনালযাং ভগবতীং শ্রিযং দেবীং নিত্যানপাযিনীং নিরবদ্যাং দেবদেবদিব্যমহিষীং অখিলজগন্মাতরং অস্মন্মাতরং অশরণ্যশরণ্যাং অনন্যশরণঃ শরণমহং প্রপদ্যে ॥
পারমার্থিক ভগবচ্চরণারবিন্দ যুগলৈকান্তিকাত্যন্তিক পরভক্তি পরজ্ঞান পরমভক্তিকৃত পরিপূর্ণানবরত নিত্যবিশদতমানন্য প্রযোজনানবধিকাতিশয প্রিয ভগবদনুভবজনিতানবধিকাতিশয প্রীতিকারিতাশেষাবস্থোচিত অশেষশেষতৈকরতিরূপ নিত্যকৈঙ্কর্যপ্রাপ্ত্যপেক্ষযা পারমার্থিকী ভগবচ্চরণারবিন্দ শরণাগতিঃ যথাবস্থিতা অবিরতাঽস্তু মে ॥
অস্তু তে । তযৈব সর্বং সম্পত্স্যতে ॥
অখিলহেযপ্রত্যনীক কল্যাণৈকতান, স্বেতর সমস্তবস্তুবিলক্ষণানন্ত জ্ঞানানন্দৈকস্বরূপ, স্বাভিমতানুরূপৈকরূপাচিন্ত্য দিব্যাদ্ভুত নিত্যনিরবদ্য নিরতিশযৌজ্জ্বল্য সৌন্দর্য সৌগন্ধ্য সৌকুমার্য লাবণ্য যৌবনাদ্যনন্তগুণনিধি দিব্যরূপ, স্বাভাবিকানবধিকাতিশয জ্ঞান বলৈশ্বর্য বীর্য শক্তি তেজস্সৌশীল্য বাত্সল্য মার্দবার্জব সৌহার্দ সাম্য কারুণ্য মাধুর্য গাম্ভীর্যৌদার্য চাতুর্য স্থৈর্য ধৈর্য শৌর্য পরাক্রম সত্যকাম সত্যসঙ্কল্প কৃতিত্ব কৃতজ্ঞতাদ্যসঙ্খ্যেয কল্যাণগুণগণৌঘ মহার্ণব,
স্বোচিত বিবিধ বিচিত্রানন্তাশ্চর্য নিত্য নিরবদ্য নিরতিশয সুগন্ধ নিরতিশয সুখস্পর্শ নিরতিশযৌজ্জ্বল্য কিরীট মকুট চূডাবতংস মকরকুণ্ডল গ্রৈবেযক হার কেযূর কটক শ্রীবত্স কৌস্তুভ মুক্তাদামোদরবন্ধন পীতাম্বর কাঞ্চীগুণ নূপুরাদ্যপরিমিত দিব্যভূষণ, স্বানুরূপাচিন্ত্যশক্তি শঙ্খচক্রগদাঽসি শার্ঙ্গাদ্যসঙ্খ্যেয
নিত্যনিরবদ্য নিরতিশয কল্যাণদিব্যাযুধ,
স্বাভিমত নিত্যনিরবদ্যানুরূপ স্বরূপরূপগুণ বিভবৈশ্বর্য শীলাদ্যনবধিকাতিশযাসঙ্খ্যেয কল্যাণগুণগণশ্রীবল্লভ, এবম্ভূত ভূমিনীলানাযক, স্বচ্ছন্দানুবর্তি স্বরূপস্থিতি প্রবৃত্তিভেদাশেষ শেষতৈকরতিরূপ
নিত্যনিরবদ্যনিরতিশয জ্ঞান ক্রিযৈশ্বর্যাদ্যনন্ত কল্যাণগুণগণ শেষ শেষাশন
গরুডপ্রমুখ নানাবিধানন্ত পরিজন পরিচারিকা পরিচরিত চরণযুগল, পরমযোগি বাঙ্মনসাঽপরিচ্ছেদ্য স্বরূপ স্বভাব স্বাভিমত বিবিধবিচিত্রানন্তভোগ্য ভোগোপকরণ ভোগস্থান সমৃদ্ধানন্তাশ্চর্যানন্ত মহাবিভবানন্ত পরিমাণ নিত্য নিরবদ্য নিরতিশয শ্রীবৈকুণ্ঠনাথ, স্বসঙ্কল্পানুবিধাযি স্বরূপস্থিতি প্রবৃত্তি স্বশেষতৈকস্বভাব প্রকৃতি পুরুষ কালাত্মক বিবিধ বিচিত্রানন্ত ভোগ্য ভোক্তৃবর্গ ভোগোপকরণ ভোগস্থানরূপ
নিখিলজগদুদয বিভব লযলীল, সত্যকাম, সত্যসঙ্কল্প, পরব্রহ্মভূত, পুরুষোত্তম,মহাবিভূতে,
শ্রীমন্ নারাযণ, বৈকুণ্ঠনাথ, অপার কারুণ্য সৌশীল্য বাত্সল্যৌদার্যৈশ্বর্য সৌন্দর্য মহোদধে, অনালোচিতবিশেষাশেষলোক শরণ্য, প্রণতার্তিহর, আশ্রিত বাত্সল্যৈকজলধে, অনবরতবিদিত নিখিলভূতজাতযাথাত্ম্য, অশেষচরাচরভূত নিখিলনিযমন নিরত, অশেষচিদচিদ্বস্তু শেষিভূত, নিখিলজগদাধার, অখিলজগত্স্বামিন্, অস্মত্স্বামিন্, সত্যকাম,
সত্যসঙ্কল্প, সকলেতরবিলক্ষণ, অর্থিকল্পক, আপত্সখ, শ্রীমন্, নারাযণ, অশরণ্যশরণ্য, অনন্যশরণস্ত্বত্পাদারবিন্দ যুগলং শরণমহং প্রপদ্যে ॥
অত্র দ্বযম্ ।
পিতরং মাতরং দারান্ পুত্রান্ বন্ধূন্ সখীন্ গুরূন্ ।
রত্নানি ধনধান্যানি ক্ষেত্রাণি চ গৃহাণি চ ॥ 1

yo nityamacyutapadāmbujayugmarukma
vyāmohatastaditarāṇi tṛṇāya mene |
asmadgurorbhagavato'sya dayaikasindhoḥ
rāmānujasya caraṇau śaraṇaṃ prapadye ||
vande vedāntakarpūracāmīkara karaṇḍakam |
rāmānujāryamāryāṇāṃ cūḍāmaṇimaharniśam ||
om || bhagavannārāyaṇābhimatānurūpa svarūparūpa guṇavibhavaiśvarya śīlādyanavadhikātiśaya asaṅkhyeya kalyāṇaguṇagaṇāṃ padmavanālayāṃ bhagavatīṃ śriyaṃ devīṃ nityānapāyinīṃ niravadyāṃ devadevadivyamahiṣīṃ akhilajaganmātaraṃ asmanmātaraṃ aśaraṇyaśaraṇyāṃ ananyaśaraṇaḥ śaraṇamahaṃ prapadye ||
pāramārthika bhagavaccaraṇāravinda yugalaikāntikātyantika parabhakti parajñāna paramabhaktikṛta paripūrṇānavarata nityaviśadatamānanya prayojanānavadhikātiśaya priya bhagavadanubhavajanitānavadhikātiśaya prītikāritāśeṣāvasthocita aśeṣaśeṣataikaratirūpa nityakaiṅkaryaprāptyapekṣayā pāramārthikī bhagavaccaraṇāravinda śaraṇāgatiḥ yathāvasthitā aviratā'stu me ||
astu te | tayaiva sarvaṃ sampatsyate ||
akhilaheyapratyanīka kalyāṇaikatāna, svetara samastavastuvilakṣaṇānanta jñānānandaikasvarūpa, svābhimatānurūpaikarūpācintya divyādbhuta nityaniravadya niratiśayaujjvalya saundarya saugandhya saukumārya lāvaṇya yauvanādyanantaguṇanidhi divyarūpa, svābhāvikānavadhikātiśaya jñāna balaiśvarya vīrya śakti tejassauśīlya vātsalya mārdavārjava sauhārda sāmya kāruṇya mādhurya gāmbhīryaudārya cāturya sthairya dhairya śaurya parākrama satyakāma satyasaṅkalpa kṛtitva kṛtajñatādyasaṅkhyeya kalyāṇaguṇagaṇaugha mahārṇava,
svocita vividha vicitrānantāścarya nitya niravadya niratiśaya sugandha niratiśaya sukhasparśa niratiśayaujjvalya kirīṭa makuṭa cūḍāvataṃsa makarakuṇḍala graiveyaka hāra keyūra kaṭaka śrīvatsa kaustubha muktādāmodarabandhana pītāmbara kāñcīguṇa nūpurādyaparimita divyabhūṣaṇa, svānurūpācintyaśakti śaṅkhacakragadā'si śārṅgādyasaṅkhyeya
nityaniravadya niratiśaya kalyāṇadivyāyudha,
svābhimata nityaniravadyānurūpa svarūparūpaguṇa vibhavaiśvarya śīlādyanavadhikātiśayāsaṅkhyeya kalyāṇaguṇagaṇaśrīvallabha, evambhūta bhūminīlānāyaka, svacchandānuvarti svarūpasthiti pravṛttibhedāśeṣa śeṣataikaratirūpa
nityaniravadyaniratiśaya jñāna kriyaiśvaryādyananta kalyāṇaguṇagaṇa śeṣa śeṣāśana
garuḍapramukha nānāvidhānanta parijana paricārikā paricarita caraṇayugala, paramayogi vāṅmanasā'paricchedya svarūpa svabhāva svābhimata vividhavicitrānantabhogya bhogopakaraṇa bhogasthāna samṛddhānantāścaryānanta mahāvibhavānanta parimāṇa nitya niravadya niratiśaya śrīvaikuṇṭhanātha, svasaṅkalpānuvidhāyi svarūpasthiti pravṛtti svaśeṣataikasvabhāva prakṛti puruṣa kālātmaka vividha vicitrānanta bhogya bhoktṛvarga bhogopakaraṇa bhogasthānarūpa
nikhilajagadudaya vibhava layalīla, satyakāma, satyasaṅkalpa, parabrahmabhūta, puruṣottama,mahāvibhūte,
śrīman nārāyaṇa, vaikuṇṭhanātha, apāra kāruṇya sauśīlya vātsalyaudāryaiśvarya saundarya mahodadhe, anālocitaviśeṣāśeṣaloka śaraṇya, praṇatārtihara, āśrita vātsalyaikajaladhe, anavaratavidita nikhilabhūtajātayāthātmya, aśeṣacarācarabhūta nikhilaniyamana nirata, aśeṣacidacidvastu śeṣibhūta, nikhilajagadādhāra, akhilajagatsvāmin, asmatsvāmin, satyakāma,
satyasaṅkalpa, sakaletaravilakṣaṇa, arthikalpaka, āpatsakha, śrīman, nārāyaṇa, aśaraṇyaśaraṇya, ananyaśaraṇastvatpādāravinda yugalaṃ śaraṇamahaṃ prapadye ||
atra dvayam |
pitaraṃ mātaraṃ dārān putrān bandhūn sakhīn gurūn |
ratnāni dhanadhānyāni kṣetrāṇi ca gṛhāṇi ca || 1

Verse 2

সর্বধর্মাংশ্চ সন্ত্যজ্য সর্বকামাংশ্চ সাক্ষরান্ ।
লোকবিক্রান্তচরণৌ শরণং তেঽব্রজং বিভো ॥ 2

sarvadharmāṃśca santyajya sarvakāmāṃśca sākṣarān |
lokavikrāntacaraṇau śaraṇaṃ te'vrajaṃ vibho || 2

Verse 3

ত্বমেব মাতা চ পিতা ত্বমেব
ত্বমেব বন্ধুশ্চ গুরুস্ত্বমেব ।
ত্বমেব বিদ্যা দ্রবিণং ত্বমেব
ত্বমেব সর্বং মম দেবদেব ॥ 3

tvameva mātā ca pitā tvameva
tvameva bandhuśca gurustvameva |
tvameva vidyā draviṇaṃ tvameva
tvameva sarvaṃ mama devadeva || 3

Verse 4

পিতাঽসি লোকস্য চরাচরস্য
ত্বমস্য পূজ্যশ্চ গুরুর্গরীযান্ ।
ন ত্বত্সমোঽস্ত্যভ্যধিকঃ কুতোঽন্যো
লোকত্রযেঽপ্যপ্রতিমপ্রভাব ॥ 4

pitā'si lokasya carācarasya
tvamasya pūjyaśca gururgarīyān |
na tvatsamo'styabhyadhikaḥ kuto'nyo
lokatraye'pyapratimaprabhāva || 4

তস্মাত্প্রণম্য প্রণিধায কাযং
প্রসাদযে ত্বামহমীশমীড্যম্ ।
পিতেব পুত্রস্য সখেব সখ্যুঃ
প্রিযঃ প্রিযাযার্হসি দেব সোঢুম্ ॥
মনোবাক্কাযৈরনাদিকাল প্রবৃত্তানন্তাকৃত্যকরণ কৃত্যাকরণ ভগবদপচার ভাগবতাপচারাসহ্যাপচাররূপ নানাবিধানন্তাপচারান্ আরব্ধকার্যান্ অনারব্ধকার্যান্ কৃতান্ ক্রিযমাণান্ করিষ্যমাণাংশ্চ সর্বানশেষতঃ ক্ষমস্ব ।
অনাদিকালপ্রবৃত্তবিপরীত জ্ঞানমাত্মবিষযং কৃত্স্ন জগদ্বিষযং চ বিপরীতবৃত্তং চাশেষবিষযমদ্যাপি বর্তমানং বর্তিষ্যমাণং চ সর্বং ক্ষমস্ব ।
মদীযানাদিকর্ম প্রবাহপ্রবৃত্তাং ভগবত্স্বরূপ তিরোধানকরীং বিপরীতজ্ঞানজননীং স্ববিষযাযাশ্চ ভোগ্যবুদ্ধের্জননীং দেহেন্দ্রিযত্বেন ভোগ্যত্বেন সূক্ষ্মরূপেণ চাবস্থিতাং দৈবীং গুণমযীং মাযাং দাসভূতং শরণাগতোঽস্মি তবাস্মি দাসঃ ইতি বক্তারং মাং তারয ।
তেষাং জ্ঞানী নিত্যযুক্তঃ একভক্তির্বিশিষ্যতে ।
প্রিযো হি জ্ঞানিনোঽত্যর্থমহং স চ মম প্রিযঃ ॥
উদারাঃ সর্ব এবৈতে জ্ঞানী ত্বাত্মৈব মে মতম্ ।
আস্থিতঃ স হি যুক্তাত্মা মামেবানুত্তমাং গতিম্ ॥
বহূনাং জন্মনামন্তে জ্ঞানবান্মাং প্রপদ্যতে ।
বাসুদেবঃ সর্বমিতি স মহাত্মা সুদুর্লভঃ ॥

tasmātpraṇamya praṇidhāya kāyaṃ
prasādaye tvāmahamīśamīḍyam |
piteva putrasya sakheva sakhyuḥ
priyaḥ priyāyārhasi deva soḍhum ||
manovākkāyairanādikāla pravṛttānantākṛtyakaraṇa kṛtyākaraṇa bhagavadapacāra bhāgavatāpacārāsahyāpacārarūpa nānāvidhānantāpacārān ārabdhakāryān anārabdhakāryān kṛtān kriyamāṇān kariṣyamāṇāṃśca sarvānaśeṣataḥ kṣamasva |
anādikālapravṛttaviparīta jñānamātmaviṣayaṃ kṛtsna jagadviṣayaṃ ca viparītavṛttaṃ cāśeṣaviṣayamadyāpi vartamānaṃ vartiṣyamāṇaṃ ca sarvaṃ kṣamasva |
madīyānādikarma pravāhapravṛttāṃ bhagavatsvarūpa tirodhānakarīṃ viparītajñānajananīṃ svaviṣayāyāśca bhogyabuddherjananīṃ dehendriyatvena bhogyatvena sūkṣmarūpeṇa cāvasthitāṃ daivīṃ guṇamayīṃ māyāṃ dāsabhūtaṃ śaraṇāgato'smi tavāsmi dāsaḥ iti vaktāraṃ māṃ tāraya |
teṣāṃ jñānī nityayuktaḥ ekabhaktirviśiṣyate |
priyo hi jñānino'tyarthamahaṃ sa ca mama priyaḥ ||
udārāḥ sarva evaite jñānī tvātmaiva me matam |
āsthitaḥ sa hi yuktātmā māmevānuttamāṃ gatim ||
bahūnāṃ janmanāmante jñānavānmāṃ prapadyate |
vāsudevaḥ sarvamiti sa mahātmā sudurlabhaḥ ||

ইতি শ্লোকত্রযোদিতজ্ঞানিনং মাং কুরুষ্ব ।
পুরুষঃ স পরঃ পার্থ ভক্ত্যা লভ্যস্ত্বনন্যযা ।
ভক্ত্যা ত্বনন্যযা শক্যঃ মদ্ভক্তিং লভতে পরাম্ ।
ইতি স্থানত্রযোদিত পরভক্তিযুক্তং মাং কুরুষ্ব ।
পরভক্তি পরজ্ঞান পরমভক্ত্যেকস্বভাবং মাং কুরুষ্ব ।
পরভক্তি পরজ্ঞান পরমভক্তিকৃত পরিপূর্ণানবরত নিত্যবিশদতমানন্য প্রযোজনানবধিকাতিশয প্রিয ভগবদনুভবোঽহং তথাবিধ ভগবদনুভব জনিতানবধিকাতিশয প্রীতিকারিতাশেষাবস্থোচিতাশেষ শেষতৈকরতিরূপ নিত্যকিঙ্করো ভবানি ।
এবম্ভূত মত্কৈঙ্কর্যপ্রাপ্ত্যুপাযতযাঽবক্লুপ্তসমস্ত বস্তুবিহীনোঽপি, অনন্ত তদ্বিরোধিপাপাক্রান্তোঽপি, অনন্ত মদপচারযুক্তোঽপি, অনন্ত মদীযাপচারযুক্তোঽপি, অনন্তাসহ্যাপচার যুক্তোঽপি, এতত্কার্যকারণ ভূতানাদি বিপরীতাহঙ্কার বিমূঢাত্ম স্বভাবোঽপি, এতদুভযকার্যকারণভূতানাদি বিপরীতবাসনা সম্বদ্ধোঽপি, এতদনুগুণ প্রকৃতি বিশেষসম্বদ্ধোঽপি, এতন্মূলাধ্যাত্মিকাধিভৌতিকাধিদৈবিক সুখদুঃখ তদ্ধেতু
তদিতরোপেক্ষণীয বিষযানুভব জ্ঞানসঙ্কোচরূপ মচ্চরণারবিন্দযুগলৈকান্তিকাত্যন্তিক পরভক্তি পরজ্ঞান পরমভক্তি বিঘ্নপ্রতিহতোঽপি, যেন কেনাপি প্রকারেণ দ্বযবক্তা ত্বং কেবলং মদীযযৈব দযযা নিশ্শেষবিনষ্ট সহেতুক মচ্চরণারবিন্দযুগলৈকান্তিকাত্যন্তিক পরভক্তি পরজ্ঞান পরমভক্তিবিঘ্নঃ মত্প্রসাদলব্ধ মচ্চরণারবিন্দযুগলৈকান্তিকাত্যন্তিক পরভক্তি পরজ্ঞান পরমভক্তিঃ মত্প্রসাদাদেব সাক্ষাত্কৃত যথাবস্থিত মত্স্বরূপরূপগুণবিভূতি লীলোপকরণবিস্তারঃ অপরোক্ষসিদ্ধ মন্নিযাম্যতা মদ্দাস্যৈক স্বভাবাত্ম স্বরূপঃ মদেকানুভবঃ মদ্দাস্যৈকপ্রিযঃ পরিপূর্ণানবরত নিত্যবিশদতমানন্য প্রযোজনানবধিকাতিশযপ্রিয মদনুভবস্ত্বং তথাবিধ মদনুভব জনিতানবধিকাতিশয প্রীতিকারিতাশেষাবস্থোচিতাশেষ শেষতৈকরতিরূপ নিত্যকিঙ্করো ভব ।
এবম্ভূতোঽসি । আধ্যাত্মিকাধিভৌতিকাধিদৈবিক দুঃখবিঘ্নগন্ধরহিতস্ত্বং দ্বযমর্থানুসন্ধানেন সহ সদৈবং বক্তা যাবচ্ছরীরপাতমত্রৈব শ্রীরঙ্গে সুখমাস্ব ॥

শরীরপাতসমযে তু কেবলং মদীযযৈব দযযাঽতিপ্রবুদ্ধঃ মামেবাবলোকযন্ অপ্রচ্যুত পূর্বসংস্কারমনোরথঃ জীর্ণমিব বস্ত্রং সুখেনেমাং প্রকৃতিং স্থূলসূক্ষ্মরূপাং বিসৃজ্য তদানীমেব মত্প্রসাদলব্ধ মচ্চরণারবিন্দ যুগলৈকান্তিকাত্যন্তিক পরভক্তি পরজ্ঞান পরমভক্তিকৃত পরিপূর্ণানবরত নিত্যবিশদতমানন্য প্রযোজনানবধিকাতিশয প্রিয মদনুভবস্ত্বং তথাবিধ মদনুভবজনিতানবধিকাতিশয প্রীতিকারিতাশেষাবস্থোচিতাশেষশেষতৈক রতিরূপ নিত্যকিঙ্করো ভবিষ্যসি । মাতেঽভূদত্র সংশযঃ ।
অনৃতং নোক্তপূর্বং মে ন চ বক্ষ্যে কদাচন ।
রামো দ্বির্নাভিভাষতে ।
সকৃদেব প্রপন্নায তবাস্মীতি চ যাচতে ।
অভযং সর্বভূতেভ্যো দদাম্যেতদ্ব্রতং মম ॥
সর্বধর্মান্ পরিত্যজ্য মামেকং শরণং ব্রজ ।
অহং ত্বা সর্বপাপেভ্যো মোক্ষযিষ্যামি মা শুচঃ ॥

śarīrapātasamaye tu kevalaṃ madīyayaiva dayayā'tiprabuddhaḥ māmevāvalokayan apracyuta pūrvasaṃskāramanorathaḥ jīrṇamiva vastraṃ sukhenemāṃ prakṛtiṃ sthūlasūkṣmarūpāṃ visṛjya tadānīmeva matprasādalabdha maccaraṇāravinda yugalaikāntikātyantika parabhakti parajñāna paramabhaktikṛta paripūrṇānavarata nityaviśadatamānanya prayojanānavadhikātiśaya priya madanubhavastvaṃ tathāvidha madanubhavajanitānavadhikātiśaya prītikāritāśeṣāvasthocitāśeṣaśeṣataika ratirūpa nityakiṅkaro bhaviṣyasi | māte'bhūdatra saṃśayaḥ |
anṛtaṃ noktapūrvaṃ me na ca vakṣye kadācana |
rāmo dvirnābhibhāṣate |
sakṛdeva prapannāya tavāsmīti ca yācate |
abhayaṃ sarvabhūtebhyo dadāmyetadvrataṃ mama ||
sarvadharmān parityajya māmekaṃ śaraṇaṃ vraja |
ahaṃ tvā sarvapāpebhyo mokṣayiṣyāmi mā śucaḥ ||

ইতি মযৈব হ্যুক্তম্ ।
অতস্ত্বং তব তত্ত্বতো মত্ জ্ঞানদর্শন প্রাপ্তিষু নিস্সংশযঃ সুখমাস্ব ॥

অন্ত্যকালে স্মৃতির্যাতু তব কৈঙ্কর্যকারিতা ।
তামেনাং ভগবন্নদ্য ক্রিযমাণাং কুরুষ্ব মে ॥

antyakāle smṛtiryātu tava kaiṅkaryakāritā |
tāmenāṃ bhagavannadya kriyamāṇāṃ kuruṣva me ||

ইতি শ্রীভগবদ্রামানুজ বিরচিতং শরণাগতি গদ্যম্ ।

Sanskrit — Devanagari (original)

यो नित्यमच्युतपदाम्बुजयुग्मरुक्म

व्यामोहतस्तदितराणि तृणाय मेने ।

अस्मद्गुरोर्भगवतोऽस्य दयैकसिन्धोः

रामानुजस्य चरणौ शरणं प्रपद्ये ॥

वन्दे वेदान्तकर्पूरचामीकर करण्डकम् ।

रामानुजार्यमार्याणां चूडामणिमहर्निशम् ॥

ओम् ॥ भगवन्नारायणाभिमतानुरूप स्वरूपरूप गुणविभवैश्वर्य शीलाद्यनवधिकातिशय असङ्ख्येय कल्याणगुणगणां पद्मवनालयां भगवतीं श्रियं देवीं नित्यानपायिनीं निरवद्यां देवदेवदिव्यमहिषीं अखिलजगन्मातरं अस्मन्मातरं अशरण्यशरण्यां अनन्यशरणः शरणमहं प्रपद्ये ॥

पारमार्थिक भगवच्चरणारविन्द युगलैकान्तिकात्यन्तिक परभक्ति परज्ञान परमभक्तिकृत परिपूर्णानवरत नित्यविशदतमानन्य प्रयोजनानवधिकातिशय प्रिय भगवदनुभवजनितानवधिकातिशय प्रीतिकारिताशेषावस्थोचित अशेषशेषतैकरतिरूप नित्यकैङ्कर्यप्राप्त्यपेक्षया पारमार्थिकी भगवच्चरणारविन्द शरणागतिः यथावस्थिता अविरताऽस्तु मे ॥

अस्तु ते । तयैव सर्वं सम्पत्स्यते ॥

अखिलहेयप्रत्यनीक कल्याणैकतान, स्वेतर समस्तवस्तुविलक्षणानन्त ज्ञानानन्दैकस्वरूप, स्वाभिमतानुरूपैकरूपाचिन्त्य दिव्याद्भुत नित्यनिरवद्य निरतिशयौज्ज्वल्य सौन्दर्य सौगन्ध्य सौकुमार्य लावण्य यौवनाद्यनन्तगुणनिधि दिव्यरूप, स्वाभाविकानवधिकातिशय ज्ञान बलैश्वर्य वीर्य शक्ति तेजस्सौशील्य वात्सल्य मार्दवार्जव सौहार्द साम्य कारुण्य माधुर्य गाम्भीर्यौदार्य चातुर्य स्थैर्य धैर्य शौर्य पराक्रम सत्यकाम सत्यसङ्कल्प कृतित्व कृतज्ञताद्यसङ्ख्येय कल्याणगुणगणौघ महार्णव,

स्वोचित विविध विचित्रानन्ताश्चर्य नित्य निरवद्य निरतिशय सुगन्ध निरतिशय सुखस्पर्श निरतिशयौज्ज्वल्य किरीट मकुट चूडावतंस मकरकुण्डल ग्रैवेयक हार केयूर कटक श्रीवत्स कौस्तुभ मुक्तादामोदरबन्धन पीताम्बर काञ्चीगुण नूपुराद्यपरिमित दिव्यभूषण, स्वानुरूपाचिन्त्यशक्ति शङ्खचक्रगदाऽसि शार्ङ्गाद्यसङ्ख्येय

नित्यनिरवद्य निरतिशय कल्याणदिव्यायुध,

स्वाभिमत नित्यनिरवद्यानुरूप स्वरूपरूपगुण विभवैश्वर्य शीलाद्यनवधिकातिशयासङ्ख्येय कल्याणगुणगणश्रीवल्लभ, एवम्भूत भूमिनीलानायक, स्वच्छन्दानुवर्ति स्वरूपस्थिति प्रवृत्तिभेदाशेष शेषतैकरतिरूप

नित्यनिरवद्यनिरतिशय ज्ञान क्रियैश्वर्याद्यनन्त कल्याणगुणगण शेष शेषाशन

गरुडप्रमुख नानाविधानन्त परिजन परिचारिका परिचरित चरणयुगल, परमयोगि वाङ्मनसाऽपरिच्छेद्य स्वरूप स्वभाव स्वाभिमत विविधविचित्रानन्तभोग्य भोगोपकरण भोगस्थान समृद्धानन्ताश्चर्यानन्त महाविभवानन्त परिमाण नित्य निरवद्य निरतिशय श्रीवैकुण्ठनाथ, स्वसङ्कल्पानुविधायि स्वरूपस्थिति प्रवृत्ति स्वशेषतैकस्वभाव प्रकृति पुरुष कालात्मक विविध विचित्रानन्त भोग्य भोक्तृवर्ग भोगोपकरण भोगस्थानरूप

निखिलजगदुदय विभव लयलील, सत्यकाम, सत्यसङ्कल्प, परब्रह्मभूत, पुरुषोत्तम,महाविभूते,

श्रीमन् नारायण, वैकुण्ठनाथ, अपार कारुण्य सौशील्य वात्सल्यौदार्यैश्वर्य सौन्दर्य महोदधे, अनालोचितविशेषाशेषलोक शरण्य, प्रणतार्तिहर, आश्रित वात्सल्यैकजलधे, अनवरतविदित निखिलभूतजातयाथात्म्य, अशेषचराचरभूत निखिलनियमन निरत, अशेषचिदचिद्वस्तु शेषिभूत, निखिलजगदाधार, अखिलजगत्स्वामिन्, अस्मत्स्वामिन्, सत्यकाम,

सत्यसङ्कल्प, सकलेतरविलक्षण, अर्थिकल्पक, आपत्सख, श्रीमन्, नारायण, अशरण्यशरण्य, अनन्यशरणस्त्वत्पादारविन्द युगलं शरणमहं प्रपद्ये ॥

अत्र द्वयम् ।

पितरं मातरं दारान् पुत्रान् बन्धून् सखीन् गुरून् ।

रत्नानि धनधान्यानि क्षेत्राणि च गृहाणि च ॥ 1

सर्वधर्मांश्च सन्त्यज्य सर्वकामांश्च साक्षरान् ।

लोकविक्रान्तचरणौ शरणं तेऽव्रजं विभो ॥ 2

त्वमेव माता च पिता त्वमेव

त्वमेव बन्धुश्च गुरुस्त्वमेव ।

त्वमेव विद्या द्रविणं त्वमेव

त्वमेव सर्वं मम देवदेव ॥ 3

पिताऽसि लोकस्य चराचरस्य

त्वमस्य पूज्यश्च गुरुर्गरीयान् ।

न त्वत्समोऽस्त्यभ्यधिकः कुतोऽन्यो

लोकत्रयेऽप्यप्रतिमप्रभाव ॥ 4

तस्मात्प्रणम्य प्रणिधाय कायं

प्रसादये त्वामहमीशमीड्यम् ।

पितेव पुत्रस्य सखेव सख्युः

प्रियः प्रियायार्हसि देव सोढुम् ॥

मनोवाक्कायैरनादिकाल प्रवृत्तानन्ताकृत्यकरण कृत्याकरण भगवदपचार भागवतापचारासह्यापचाररूप नानाविधानन्तापचारान् आरब्धकार्यान् अनारब्धकार्यान् कृतान् क्रियमाणान् करिष्यमाणांश्च सर्वानशेषतः क्षमस्व ।

अनादिकालप्रवृत्तविपरीत ज्ञानमात्मविषयं कृत्स्न जगद्विषयं च विपरीतवृत्तं चाशेषविषयमद्यापि वर्तमानं वर्तिष्यमाणं च सर्वं क्षमस्व ।

मदीयानादिकर्म प्रवाहप्रवृत्तां भगवत्स्वरूप तिरोधानकरीं विपरीतज्ञानजननीं स्वविषयायाश्च भोग्यबुद्धेर्जननीं देहेन्द्रियत्वेन भोग्यत्वेन सूक्ष्मरूपेण चावस्थितां दैवीं गुणमयीं मायां दासभूतं शरणागतोऽस्मि तवास्मि दासः इति वक्तारं मां तारय ।

तेषां ज्ञानी नित्ययुक्तः एकभक्तिर्विशिष्यते ।

प्रियो हि ज्ञानिनोऽत्यर्थमहं स च मम प्रियः ॥

उदाराः सर्व एवैते ज्ञानी त्वात्मैव मे मतम् ।

आस्थितः स हि युक्तात्मा मामेवानुत्तमां गतिम् ॥

बहूनां जन्मनामन्ते ज्ञानवान्मां प्रपद्यते ।

वासुदेवः सर्वमिति स महात्मा सुदुर्लभः ॥

इति श्लोकत्रयोदितज्ञानिनं मां कुरुष्व ।

पुरुषः स परः पार्थ भक्त्या लभ्यस्त्वनन्यया ।

भक्त्या त्वनन्यया शक्यः मद्भक्तिं लभते पराम् ।

इति स्थानत्रयोदित परभक्तियुक्तं मां कुरुष्व ।

परभक्ति परज्ञान परमभक्त्येकस्वभावं मां कुरुष्व ।

परभक्ति परज्ञान परमभक्तिकृत परिपूर्णानवरत नित्यविशदतमानन्य प्रयोजनानवधिकातिशय प्रिय भगवदनुभवोऽहं तथाविध भगवदनुभव जनितानवधिकातिशय प्रीतिकारिताशेषावस्थोचिताशेष शेषतैकरतिरूप नित्यकिङ्करो भवानि ।

एवम्भूत मत्कैङ्कर्यप्राप्त्युपायतयाऽवक्लुप्तसमस्त वस्तुविहीनोऽपि, अनन्त तद्विरोधिपापाक्रान्तोऽपि, अनन्त मदपचारयुक्तोऽपि, अनन्त मदीयापचारयुक्तोऽपि, अनन्तासह्यापचार युक्तोऽपि, एतत्कार्यकारण भूतानादि विपरीताहङ्कार विमूढात्म स्वभावोऽपि, एतदुभयकार्यकारणभूतानादि विपरीतवासना सम्बद्धोऽपि, एतदनुगुण प्रकृति विशेषसम्बद्धोऽपि, एतन्मूलाध्यात्मिकाधिभौतिकाधिदैविक सुखदुःख तद्धेतु

तदितरोपेक्षणीय विषयानुभव ज्ञानसङ्कोचरूप मच्चरणारविन्दयुगलैकान्तिकात्यन्तिक परभक्ति परज्ञान परमभक्ति विघ्नप्रतिहतोऽपि, येन केनापि प्रकारेण द्वयवक्ता त्वं केवलं मदीययैव दयया निश्शेषविनष्ट सहेतुक मच्चरणारविन्दयुगलैकान्तिकात्यन्तिक परभक्ति परज्ञान परमभक्तिविघ्नः मत्प्रसादलब्ध मच्चरणारविन्दयुगलैकान्तिकात्यन्तिक परभक्ति परज्ञान परमभक्तिः मत्प्रसादादेव साक्षात्कृत यथावस्थित मत्स्वरूपरूपगुणविभूति लीलोपकरणविस्तारः अपरोक्षसिद्ध मन्नियाम्यता मद्दास्यैक स्वभावात्म स्वरूपः मदेकानुभवः मद्दास्यैकप्रियः परिपूर्णानवरत नित्यविशदतमानन्य प्रयोजनानवधिकातिशयप्रिय मदनुभवस्त्वं तथाविध मदनुभव जनितानवधिकातिशय प्रीतिकारिताशेषावस्थोचिताशेष शेषतैकरतिरूप नित्यकिङ्करो भव ।

एवम्भूतोऽसि । आध्यात्मिकाधिभौतिकाधिदैविक दुःखविघ्नगन्धरहितस्त्वं द्वयमर्थानुसन्धानेन सह सदैवं वक्ता यावच्छरीरपातमत्रैव श्रीरङ्गे सुखमास्व ॥

शरीरपातसमये तु केवलं मदीययैव दययाऽतिप्रबुद्धः मामेवावलोकयन् अप्रच्युत पूर्वसंस्कारमनोरथः जीर्णमिव वस्त्रं सुखेनेमां प्रकृतिं स्थूलसूक्ष्मरूपां विसृज्य तदानीमेव मत्प्रसादलब्ध मच्चरणारविन्द युगलैकान्तिकात्यन्तिक परभक्ति परज्ञान परमभक्तिकृत परिपूर्णानवरत नित्यविशदतमानन्य प्रयोजनानवधिकातिशय प्रिय मदनुभवस्त्वं तथाविध मदनुभवजनितानवधिकातिशय प्रीतिकारिताशेषावस्थोचिताशेषशेषतैक रतिरूप नित्यकिङ्करो भविष्यसि । मातेऽभूदत्र संशयः ।

अनृतं नोक्तपूर्वं मे न च वक्ष्ये कदाचन ।

रामो द्विर्नाभिभाषते ।

सकृदेव प्रपन्नाय तवास्मीति च याचते ।

अभयं सर्वभूतेभ्यो ददाम्येतद्व्रतं मम ॥

सर्वधर्मान् परित्यज्य मामेकं शरणं व्रज ।

अहं त्वा सर्वपापेभ्यो मोक्षयिष्यामि मा शुचः ॥

इति मयैव ह्युक्तम् ।

अतस्त्वं तव तत्त्वतो मत् ज्ञानदर्शन प्राप्तिषु निस्संशयः सुखमास्व ॥

अन्त्यकाले स्मृतिर्यातु तव कैङ्कर्यकारिता ।

तामेनां भगवन्नद्य क्रियमाणां कुरुष्व मे ॥

इति श्रीभगवद्रामानुज विरचितं शरणागति गद्यम् ।

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

শ্রী বেঙ্কটেশ্বর শরণাগতি গদ্যম্