Shri Krishna Krita Durga Stotram — Bengali Script

Meaning —

শ্রীকৃষ্ণ উবাচ ।

Verse 1

ত্বমেব সর্বজননী মূলপ্রকৃতিরীশ্বরী ।
ত্বমেবাদ্যা সৃষ্টিবিধৌ স্বেচ্ছযা ত্রিগুণাত্মিকা ॥ 1 ॥

tvameva sarvajananī mūlaprakṛtirīśvarī |
tvamevādyā sṛṣṭividhau svecchayā triguṇātmikā || 1 ||

Verse 2

কার্যার্থে সগুণা ত্বং চ বস্তুতো নির্গুণা স্বযম্ ।
পরব্রহ্মস্বরূপা ত্বং সত্যা নিত্যা সনাতনী ॥ 2 ॥

kāryārthe saguṇā tvaṃ ca vastuto nirguṇā svayam |
parabrahmasvarūpā tvaṃ satyā nityā sanātanī || 2 ||

Verse 3

তেজঃ স্বরূপা পরমা ভক্তানুগ্রবিগ্রহা ।
সর্বস্বরূপা সর্বেশা সর্বাধারা পরাত্পরা ॥ 3 ॥

tejaḥ svarūpā paramā bhaktānugravigrahā |
sarvasvarūpā sarveśā sarvādhārā parātparā || 3 ||

Verse 4

সর্ববীজস্বরূপা চ সর্বপূজ্যা নিরাশ্রযা ।
সর্বজ্ঞা সর্বতোভদ্রা সর্বমঙ্গলমঙ্গলা ॥ 4 ॥

sarvabījasvarūpā ca sarvapūjyā nirāśrayā |
sarvajñā sarvatobhadrā sarvamaṅgalamaṅgalā || 4 ||

Verse 5

সর্ববুদ্ধিস্বরূপা চ সর্বশক্তিস্বরূপিণী ।
সর্বজ্ঞানপ্রদা দেবী সর্বজ্ঞা সর্বভাবিনী ॥ 5 ॥

sarvabuddhisvarūpā ca sarvaśaktisvarūpiṇī |
sarvajñānapradā devī sarvajñā sarvabhāvinī || 5 ||

Verse 6

ত্বং স্বাহা দেবদানে চ পিতৃদানে স্বধা স্বযম্ ।
দক্ষিণা সর্বদানে চ সর্বশক্তিস্বরূপিণী ॥ 6 ॥

tvaṃ svāhā devadāne ca pitṛdāne svadhā svayam |
dakṣiṇā sarvadāne ca sarvaśaktisvarūpiṇī || 6 ||

Verse 7

নিদ্রা ত্বং চ দযা ত্বং চ তৃষ্ণা ত্বং চাত্মনঃ প্রিযা ।
ক্ষুত্ ক্ষান্তিঃ শান্তিরীশা চ কান্তিস্তুষ্টিশ্চ শাশ্বতী ॥ 7 ॥

nidrā tvaṃ ca dayā tvaṃ ca tṛṣṇā tvaṃ cātmanaḥ priyā |
kṣut kṣāntiḥ śāntirīśā ca kāntistuṣṭiśca śāśvatī || 7 ||

Verse 8

শ্রদ্ধা পুষ্টিশ্চ তন্দ্রা চ লজ্জা শোভা দযা তথা ।
সতাং সম্পত্স্বরূপা শ্রীর্বিপত্তিরসতামিহ ॥ 8 ॥

śraddhā puṣṭiśca tandrā ca lajjā śobhā dayā tathā |
satāṃ sampatsvarūpā śrīrvipattirasatāmiha || 8 ||

Verse 9

প্রীতিরূপা পুণ্যবতাং পাপিনাং কলহাঙ্কুরা ।
শশ্বত্কর্মমযী শক্তিঃ সর্বদা সর্বজীবিনাম্ ॥ 9 ॥

prītirūpā puṇyavatāṃ pāpināṃ kalahāṅkurā |
śaśvatkarmamayī śaktiḥ sarvadā sarvajīvinām || 9 ||

Verse 10

দেবেভ্যঃ স্বপদো দাত্রী ধাতুর্ধাত্রী কৃপামযী ।
হিতায সর্বদেবানাং সর্বাসুরবিনাশিনী ॥ 10 ॥

devebhyaḥ svapado dātrī dhāturdhātrī kṛpāmayī |
hitāya sarvadevānāṃ sarvāsuravināśinī || 10 ||

Verse 11

যোগিনিদ্রা যোগরূপা যোগদাত্রী চ যোগিনাম্ ।
সিদ্ধিস্বরূপা সিদ্ধানাং সিদ্ধিদা সিদ্ধযোগিনী ॥ 11 ॥

yoginidrā yogarūpā yogadātrī ca yoginām |
siddhisvarūpā siddhānāṃ siddhidā siddhayoginī || 11 ||

Verse 12

মাহেশ্বরী চ ব্রহ্মাণী বিষ্ণুমাযা চ বৈষ্ণবী ।
ভদ্রদা ভদ্রকালী চ সর্বলোকভযঙ্করী ॥ 12 ॥

māheśvarī ca brahmāṇī viṣṇumāyā ca vaiṣṇavī |
bhadradā bhadrakālī ca sarvalokabhayaṅkarī || 12 ||

Verse 13

গ্রামে গ্রামে গ্রামদেবী গৃহদেবী গৃহে গৃহে ।
সতাং কীর্তিঃ প্রতিষ্ঠা চ নিন্দা ত্বমসতাং সদা ॥ 13 ॥

grāme grāme grāmadevī gṛhadevī gṛhe gṛhe |
satāṃ kīrtiḥ pratiṣṭhā ca nindā tvamasatāṃ sadā || 13 ||

Verse 14

মহাযুদ্ধে মহামারী দুষ্টসংহাররূপিণী ।
রক্ষাস্বরূপা শিষ্টানাং মাতেব হিতকারিণী ॥ 14 ॥

mahāyuddhe mahāmārī duṣṭasaṃhārarūpiṇī |
rakṣāsvarūpā śiṣṭānāṃ māteva hitakāriṇī || 14 ||

Verse 15

বন্দ্যা পূজ্যা স্তুতা ত্বং চ ব্রহ্মাদীনাং চ সর্বদা ।
ব্রহ্মণ্যরূপা বিপ্রাণাং তপস্যা চ তপস্বিনাম্ ॥ 15 ॥

vandyā pūjyā stutā tvaṃ ca brahmādīnāṃ ca sarvadā |
brahmaṇyarūpā viprāṇāṃ tapasyā ca tapasvinām || 15 ||

Verse 16

বিদ্যা বিদ্যাবতাং ত্বং চ বুদ্ধির্বুদ্ধিমতাং সতাম্ ।
মেধা স্মৃতিস্বরূপা চ প্রতিভা প্রতিভাবতাম্ ॥ 16 ॥

vidyā vidyāvatāṃ tvaṃ ca buddhirbuddhimatāṃ satām |
medhā smṛtisvarūpā ca pratibhā pratibhāvatām || 16 ||

Verse 17

রাজ্ঞাং প্রতাপরূপা চ বিশাং বাণিজ্যরূপিণী ।
সৃষ্টৌ সৃষ্টিস্বরূপা ত্বং রক্ষারূপা চ পালনে ॥ 17 ॥

rājñāṃ pratāparūpā ca viśāṃ vāṇijyarūpiṇī |
sṛṣṭau sṛṣṭisvarūpā tvaṃ rakṣārūpā ca pālane || 17 ||

Verse 18

তথান্তে ত্বং মহামারী বিশ্বে বিশ্বৈশ্চ পূজিতে ।
কালরাত্রির্মহারাত্রির্মোহরাত্রিশ্চ মোহিনী ॥ 18 ॥

tathānte tvaṃ mahāmārī viśve viśvaiśca pūjite |
kālarātrirmahārātrirmoharātriśca mohinī || 18 ||

Verse 19

দুরত্যযা মে মাযা ত্বং যযা সম্মোহিতং জগত্ ।
যযা মুগ্ধো হি বিদ্বাংশ্চ মোক্ষমার্গং ন পশ্যতি ॥ 19 ॥

duratyayā me māyā tvaṃ yayā sammohitaṃ jagat |
yayā mugdho hi vidvāṃśca mokṣamārgaṃ na paśyati || 19 ||

Verse 20

ইত্যাত্মনা কৃতং স্তোত্রং দুর্গাযা দুর্গনাশনম্ ।
পূজাকালে পঠেদ্যো হি সিদ্ধির্ভবতি বাঞ্ছিতা ॥ 20 ॥

ityātmanā kṛtaṃ stotraṃ durgāyā durganāśanam |
pūjākāle paṭhedyo hi siddhirbhavati vāñchitā || 20 ||

ইতি শ্রীব্রহ্মবৈবর্তে মহাপুরাণে দ্বিতীযে প্রকৃতিখণ্ডে নারদনারাযণসংবাদে দুর্গোপাখ্যানে ষট্ষষ্টিতমোঽধ্যাযে শ্রী দুর্গা স্তোত্রম্ ।

Sanskrit — Devanagari (original)

श्रीकृष्ण उवाच ।

त्वमेव सर्वजननी मूलप्रकृतिरीश्वरी ।

त्वमेवाद्या सृष्टिविधौ स्वेच्छया त्रिगुणात्मिका ॥ 1 ॥

कार्यार्थे सगुणा त्वं च वस्तुतो निर्गुणा स्वयम् ।

परब्रह्मस्वरूपा त्वं सत्या नित्या सनातनी ॥ 2 ॥

तेजः स्वरूपा परमा भक्तानुग्रविग्रहा ।

सर्वस्वरूपा सर्वेशा सर्वाधारा परात्परा ॥ 3 ॥

सर्वबीजस्वरूपा च सर्वपूज्या निराश्रया ।

सर्वज्ञा सर्वतोभद्रा सर्वमङ्गलमङ्गला ॥ 4 ॥

सर्वबुद्धिस्वरूपा च सर्वशक्तिस्वरूपिणी ।

सर्वज्ञानप्रदा देवी सर्वज्ञा सर्वभाविनी ॥ 5 ॥

त्वं स्वाहा देवदाने च पितृदाने स्वधा स्वयम् ।

दक्षिणा सर्वदाने च सर्वशक्तिस्वरूपिणी ॥ 6 ॥

निद्रा त्वं च दया त्वं च तृष्णा त्वं चात्मनः प्रिया ।

क्षुत् क्षान्तिः शान्तिरीशा च कान्तिस्तुष्टिश्च शाश्वती ॥ 7 ॥

श्रद्धा पुष्टिश्च तन्द्रा च लज्जा शोभा दया तथा ।

सतां सम्पत्स्वरूपा श्रीर्विपत्तिरसतामिह ॥ 8 ॥

प्रीतिरूपा पुण्यवतां पापिनां कलहाङ्कुरा ।

शश्वत्कर्ममयी शक्तिः सर्वदा सर्वजीविनाम् ॥ 9 ॥

देवेभ्यः स्वपदो दात्री धातुर्धात्री कृपामयी ।

हिताय सर्वदेवानां सर्वासुरविनाशिनी ॥ 10 ॥

योगिनिद्रा योगरूपा योगदात्री च योगिनाम् ।

सिद्धिस्वरूपा सिद्धानां सिद्धिदा सिद्धयोगिनी ॥ 11 ॥

माहेश्वरी च ब्रह्माणी विष्णुमाया च वैष्णवी ।

भद्रदा भद्रकाली च सर्वलोकभयङ्करी ॥ 12 ॥

ग्रामे ग्रामे ग्रामदेवी गृहदेवी गृहे गृहे ।

सतां कीर्तिः प्रतिष्ठा च निन्दा त्वमसतां सदा ॥ 13 ॥

महायुद्धे महामारी दुष्टसंहाररूपिणी ।

रक्षास्वरूपा शिष्टानां मातेव हितकारिणी ॥ 14 ॥

वन्द्या पूज्या स्तुता त्वं च ब्रह्मादीनां च सर्वदा ।

ब्रह्मण्यरूपा विप्राणां तपस्या च तपस्विनाम् ॥ 15 ॥

विद्या विद्यावतां त्वं च बुद्धिर्बुद्धिमतां सताम् ।

मेधा स्मृतिस्वरूपा च प्रतिभा प्रतिभावताम् ॥ 16 ॥

राज्ञां प्रतापरूपा च विशां वाणिज्यरूपिणी ।

सृष्टौ सृष्टिस्वरूपा त्वं रक्षारूपा च पालने ॥ 17 ॥

तथान्ते त्वं महामारी विश्वे विश्वैश्च पूजिते ।

कालरात्रिर्महारात्रिर्मोहरात्रिश्च मोहिनी ॥ 18 ॥

दुरत्यया मे माया त्वं यया सम्मोहितं जगत् ।

यया मुग्धो हि विद्वांश्च मोक्षमार्गं न पश्यति ॥ 19 ॥

इत्यात्मना कृतं स्तोत्रं दुर्गाया दुर्गनाशनम् ।

पूजाकाले पठेद्यो हि सिद्धिर्भवति वाञ्छिता ॥ 20 ॥

इति श्रीब्रह्मवैवर्ते महापुराणे द्वितीये प्रकृतिखण्डे नारदनारायणसंवादे दुर्गोपाख्याने षट्षष्टितमोऽध्याये श्री दुर्गा स्तोत्रम् ।

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.

শ্রী কৃষ্ণ কৃত দুর্গা স্তোত্রম্