Bhutanatha Dashakam — Bengali Script

Meaning —

পাণ্ড্যভূপতীন্দ্রপূর্বপুণ্যমোহনাকৃতে
পণ্ডিতার্চিতাঙ্ঘ্রিপুণ্ডরীক পাবনাকৃতে ।
পূর্ণচন্দ্রতুণ্ডবেত্রদণ্ডবীর্যবারিধে
পূর্ণপুষ্কলাসমেত ভূতনাথ পাহি মাম্ ॥ 1 ॥

pāṇḍyabhūpatīndrapūrvapuṇyamohanākṛte
paṇḍitārcitāṅghripuṇḍarīka pāvanākṛte |
pūrṇacandratuṇḍavetradaṇḍavīryavāridhe
pūrṇapuṣkalāsameta bhūtanātha pāhi mām || 1 ||

Verse 2

আদিশঙ্করাচ্যুতপ্রিযাত্মসম্ভব প্রভো
আদিভূতনাথ সাধুভক্তচিন্তিতপ্রদ ।
ভূতিভূষ বেদঘোষপারিতোষ শাশ্বত
পূর্ণপুষ্কলাসমেত ভূতনাথ পাহি মাম্ ॥ 2 ॥

ādiśaṅkarācyutapriyātmasambhava prabho
ādibhūtanātha sādhubhaktacintitaprada |
bhūtibhūṣa vedaghoṣapāritoṣa śāśvata
pūrṇapuṣkalāsameta bhūtanātha pāhi mām || 2 ||

Verse 3

পঞ্চবাণকোটিকোমলাকৃতে কৃপানিধে
পঞ্চগব্যপাযসান্নপানকাদিমোদক ।
পঞ্চভূতসঞ্চয প্রপঞ্চভূতপালক
পূর্ণপুষ্কলাসমেত ভূতনাথ পাহি মাম্ ॥ 3 ॥

pañcabāṇakoṭikomalākṛte kṛpānidhe
pañcagavyapāyasānnapānakādimodaka |
pañcabhūtasañcaya prapañcabhūtapālaka
pūrṇapuṣkalāsameta bhūtanātha pāhi mām || 3 ||

Verse 4

চন্দ্রসূর্যবীতিহোত্রনেত্র নেত্রমোহন
সান্দ্রসুন্দরস্মিতার্দ্র কেসরীন্দ্রবাহন ।
ইন্দ্রবন্দনীযপাদ সাধুবৃন্দজীবন
পূর্ণপুষ্কলাসমেত ভূতনাথ পাহি মাম্ ॥ 4 ॥

candrasūryavītihotranetra netramohana
sāndrasundarasmitārdra kesarīndravāhana |
indravandanīyapāda sādhuvṛndajīvana
pūrṇapuṣkalāsameta bhūtanātha pāhi mām || 4 ||

Verse 5

বীরবাহুবর্ণনীযবীর্যশৌর্যবারিধে
বারিজাসনাদিদেববন্দ্য সুন্দরাকৃতে ।
বারণেন্দ্রবাজিসিংহবাহ ভক্তশেবধে
পূর্ণপুষ্কলাসমেত ভূতনাথ পাহি মাম্ ॥ 5 ॥

vīrabāhuvarṇanīyavīryaśauryavāridhe
vārijāsanādidevavandya sundarākṛte |
vāraṇendravājisiṃhavāha bhaktaśevadhe
pūrṇapuṣkalāsameta bhūtanātha pāhi mām || 5 ||

Verse 6

অত্যুদারভক্তচিত্তরঙ্গনর্তনপ্রভো
নিত্যশুদ্ধনির্মলাদ্বিতীয ধর্মপালক ।
সত্যরূপ মুক্তিরূপ সর্বদেবতাত্মক
পূর্ণপুষ্কলাসমেত ভূতনাথ পাহি মাম্ ॥ 6 ॥

atyudārabhaktacittaraṅganartanaprabho
nityaśuddhanirmalādvitīya dharmapālaka |
satyarūpa muktirūpa sarvadevatātmaka
pūrṇapuṣkalāsameta bhūtanātha pāhi mām || 6 ||

Verse 7

সামগানলোল শান্তশীল ধর্মপালক
সোমসুন্দরাস্য সাধুপূজনীযপাদুক ।
সামদানভেদদণ্ডশাস্ত্রনীতিবোধক
পূর্ণপুষ্কলসমেত ভূতনাথ পাহি মাম্ ॥ 7 ॥

sāmagānalola śāntaśīla dharmapālaka
somasundarāsya sādhupūjanīyapāduka |
sāmadānabhedadaṇḍaśāstranītibodhaka
pūrṇapuṣkalasameta bhūtanātha pāhi mām || 7 ||

Verse 8

সুপ্রসন্নদেবদেব সদ্গতিপ্রদাযক
চিত্প্রকাশ ধর্মপাল সর্বভূতনাযক ।
সুপ্রসিদ্ধ পঞ্চশৈলসন্নিকেতনর্তক
পূর্ণপুষ্কলাসমেত ভূতনাথ পাহি মাম্ ॥ 8 ॥

suprasannadevadeva sadgatipradāyaka
citprakāśa dharmapāla sarvabhūtanāyaka |
suprasiddha pañcaśailasanniketanartaka
pūrṇapuṣkalāsameta bhūtanātha pāhi mām || 8 ||

Verse 9

শূলচাপবাণখড্গবজ্রশক্তিশোভিত
বালসূর্যকোটিভাসুরাঙ্গ ভূতসেবিত ।
কালচক্র সম্প্রবৃত্তি কল্পনা সমন্বিত
পূর্ণপুষ্কলাসমেত ভূতনাথ পাহি মাম্ ॥ 9 ॥

śūlacāpabāṇakhaḍgavajraśaktiśobhita
bālasūryakoṭibhāsurāṅga bhūtasevita |
kālacakra sampravṛtti kalpanā samanvita
pūrṇapuṣkalāsameta bhūtanātha pāhi mām || 9 ||

Verse 10

অদ্ভুতাত্মবোধসত্সনাতনোপদেশক
বুদ্বুদোপমপ্রপঞ্চবিভ্রমপ্রকাশক ।
সপ্রথপ্রগল্ভচিত্প্রকাশ দিব্যদেশিক
পূর্ণপুষ্কলাসমেত ভূতনাথ পাহি মাম্ ॥ 10 ॥

adbhutātmabodhasatsanātanopadeśaka
budbudopamaprapañcavibhramaprakāśaka |
saprathapragalbhacitprakāśa divyadeśika
pūrṇapuṣkalāsameta bhūtanātha pāhi mām || 10 ||

ইতি শ্রী ভূতনাথ দশকম্ ।

Sanskrit — Devanagari (original)

पाण्ड्यभूपतीन्द्रपूर्वपुण्यमोहनाकृते

पण्डितार्चिताङ्घ्रिपुण्डरीक पावनाकृते ।

पूर्णचन्द्रतुण्डवेत्रदण्डवीर्यवारिधे

पूर्णपुष्कलासमेत भूतनाथ पाहि माम् ॥ 1 ॥

आदिशङ्कराच्युतप्रियात्मसम्भव प्रभो

आदिभूतनाथ साधुभक्तचिन्तितप्रद ।

भूतिभूष वेदघोषपारितोष शाश्वत

पूर्णपुष्कलासमेत भूतनाथ पाहि माम् ॥ 2 ॥

पञ्चबाणकोटिकोमलाकृते कृपानिधे

पञ्चगव्यपायसान्नपानकादिमोदक ।

पञ्चभूतसञ्चय प्रपञ्चभूतपालक

पूर्णपुष्कलासमेत भूतनाथ पाहि माम् ॥ 3 ॥

चन्द्रसूर्यवीतिहोत्रनेत्र नेत्रमोहन

सान्द्रसुन्दरस्मितार्द्र केसरीन्द्रवाहन ।

इन्द्रवन्दनीयपाद साधुवृन्दजीवन

पूर्णपुष्कलासमेत भूतनाथ पाहि माम् ॥ 4 ॥

वीरबाहुवर्णनीयवीर्यशौर्यवारिधे

वारिजासनादिदेववन्द्य सुन्दराकृते ।

वारणेन्द्रवाजिसिंहवाह भक्तशेवधे

पूर्णपुष्कलासमेत भूतनाथ पाहि माम् ॥ 5 ॥

अत्युदारभक्तचित्तरङ्गनर्तनप्रभो

नित्यशुद्धनिर्मलाद्वितीय धर्मपालक ।

सत्यरूप मुक्तिरूप सर्वदेवतात्मक

पूर्णपुष्कलासमेत भूतनाथ पाहि माम् ॥ 6 ॥

सामगानलोल शान्तशील धर्मपालक

सोमसुन्दरास्य साधुपूजनीयपादुक ।

सामदानभेददण्डशास्त्रनीतिबोधक

पूर्णपुष्कलसमेत भूतनाथ पाहि माम् ॥ 7 ॥

सुप्रसन्नदेवदेव सद्गतिप्रदायक

चित्प्रकाश धर्मपाल सर्वभूतनायक ।

सुप्रसिद्ध पञ्चशैलसन्निकेतनर्तक

पूर्णपुष्कलासमेत भूतनाथ पाहि माम् ॥ 8 ॥

शूलचापबाणखड्गवज्रशक्तिशोभित

बालसूर्यकोटिभासुराङ्ग भूतसेवित ।

कालचक्र सम्प्रवृत्ति कल्पना समन्वित

पूर्णपुष्कलासमेत भूतनाथ पाहि माम् ॥ 9 ॥

अद्भुतात्मबोधसत्सनातनोपदेशक

बुद्बुदोपमप्रपञ्चविभ्रमप्रकाशक ।

सप्रथप्रगल्भचित्प्रकाश दिव्यदेशिक

पूर्णपुष्कलासमेत भूतनाथ पाहि माम् ॥ 10 ॥

इति श्री भूतनाथ दशकम् ।

🕉️ This is the original Sanskrit rendered in Bengali script. Pronunciation is identical to the Sanskrit Devanagari version. It is a transliteration, not a translation — see “Meaning” for translations where available.