গলদ্দানগণ্ডং মিলদ্ভৃঙ্গষণ্ডং
চলচ্চারুশুণ্ডং জগত্ত্রাণশৌণ্ডম্ ।
কনদ্দন্তকাণ্ডং বিপদ্ভঙ্গচণ্ডং
শিবপ্রেমপিণ্ডং ভজে বক্রতুণ্ডম্ ॥ 1 ॥
অনাদ্যন্তমাদ্যং পরং তত্ত্বমর্থং
চিদাকারমেকং তুরীযং ত্বমেযম্ ।
হরিব্রহ্মমৃগ্যং পরব্রহ্মরূপং
মনোবাগতীতং মহঃশৈবমীডে ॥ 2 ॥
স্বশক্ত্যাদি শক্ত্যন্ত সিংহাসনস্থং
মনোহারি সর্বাঙ্গরত্নোরুভূষম্ ।
জটাহীন্দুগঙ্গাস্থিশম্যাকমৌলিং
পরাশক্তিমিত্রং নমঃ পঞ্চবক্ত্রম্ ॥ 3 ॥
শিবেশানতত্পূরুষাঘোরবামাদিভিঃ
পঞ্চভির্হৃন্মুখৈঃ ষড্ভিরঙ্গৈঃ ।
অনৌপম্য ষট্ত্রিংশতং তত্ত্ববিদ্যামতীতং
পরং ত্বাং কথং বেত্তি কো বা ॥ 4 ॥
প্রবালপ্রবাহপ্রভাশোণমর্ধং
মরুত্বন্মণি শ্রীমহঃ শ্যামমর্ধম্ ।
গুণস্যূতমেতদ্বপুঃ শৈবমন্তঃ
স্মরামি স্মরাপত্তিসম্পত্তিহেতোঃ ॥ 5 ॥
স্বসেবাসমাযাতদেবাসুরেন্দ্রা
নমন্মৌলিমন্দারমালাভিষিক্তম্ ।
নমস্যামি শম্ভো পদাম্ভোরুহং তে
ভবাম্ভোধিপোতং ভবানী বিভাব্যম্ ॥ 6 ॥
জগন্নাথ মন্নাথ গৌরীসনাথ
প্রপন্নানুকম্পিন্বিপন্নার্তিহারিন্ ।
মহঃস্তোমমূর্তে সমস্তৈকবন্ধো
নমস্তে নমস্তে পুনস্তে নমোঽস্তু ॥ 7 ॥
বিরূপাক্ষ বিশ্বেশ বিশ্বাদিদেব
ত্রযী মূল শম্ভো শিব ত্র্যম্বক ত্বম্ ।
প্রসীদ স্মর ত্রাহি পশ্যাবমুক্ত্যৈ
ক্ষমাং প্রাপ্নুহি ত্র্যক্ষ মাং রক্ষ মোদাত্ ॥ 8 ॥
মহাদেব দেবেশ দেবাদিদেব
স্মরারে পুরারে যমারে হরেতি ।
ব্রুবাণঃ স্মরিষ্যামি ভক্ত্যা \লিনॆ ভবন্তং ততো মে দযাশীল দেব প্রসীদ ॥ 9 ॥
ত্বদন্যঃ শরণ্যঃ প্রপন্নস্য নেতি
প্রসীদ স্মরন্নেব হন্যাস্তু দৈন্যম্ ।
ন চেত্তে ভবেদ্ভক্তবাত্সল্যহানিস্ততো
মে দযালো সদা সন্নিধেহি ॥ 10 ॥
অযং দানকালস্ত্বহং দানপাত্রং
ভবানেব দাতা ত্বদন্যং ন যাচে ।
ভবদ্ভক্তিমেব স্থিরাং দেহি মহ্যং
কৃপাশীল শম্ভো কৃতার্থোঽস্মি তস্মাত্ ॥ 11 ॥
পশুং বেত্সি চেন্মাং তমেবাধিরূঢঃ
কলঙ্কীতি বা মূর্ধ্নি ধত্সে তমেব ।
দ্বিজিহ্বঃ পুনঃ সোঽপি তে কণ্ঠভূষা
ত্বদঙ্গীকৃতাঃ শর্ব সর্বেঽপি ধন্যাঃ ॥ 12 ॥
ন শক্নোমি কর্তুং পরদ্রোহলেশং
কথং প্রীযসে ত্বং ন জানে গিরীশ ।
তথাহি প্রসন্নোঽসি কস্যাপি
কান্তাসুতদ্রোহিণো বা পিতৃদ্রোহিণো বা ॥ 13 ॥
স্তুতিং ধ্যানমর্চাং যথাবদ্বিধাতুং
ভজন্নপ্যজানন্মহেশাবলম্বে ।
ত্রসন্তং সুতং ত্রাতুমগ্রে
মৃকণ্ডোর্যমপ্রাণনির্বাপণং ত্বত্পদাব্জম্ ॥ 14 ॥
শিরো দৃষ্টি হৃদ্রোগ শূল প্রমেহজ্বরার্শো জরাযক্ষ্মহিক্কাবিষার্তান্ ।
ত্বমাদ্যো ভিষগ্ভেষজং ভস্ম শম্ভো
ত্বমুল্লাঘযাস্মান্বপুর্লাঘবায ॥ 15 ॥
দরিদ্রোঽস্ম্যভদ্রোঽস্মি ভগ্নোঽস্মি দূযে
বিষণ্ণোঽস্মি সন্নোঽস্মি খিন্নোঽস্মি চাহম্ ।
ভবান্প্রাণিনামন্তরাত্মাসি শম্ভো
মমাধিং ন বেত্সি প্রভো রক্ষ মাং ত্বম্ ॥ 16 ॥
ত্বদক্ষ্ণোঃ কটাক্ষঃ পতেত্ত্র্যক্ষ যত্র
ক্ষণং ক্ষ্মা চ লক্ষ্মীঃ স্বযং তং বৃণাতে ।
কিরীটস্ফুরচ্চামরচ্ছত্রমালাকলাচীগজক্ষৌমভূষাবিশেষৈঃ ॥ 17 ॥
ভবান্যৈ ভবাযাপি মাত্রে চ পিত্রে
মৃডান্যৈ মৃডাযাপ্যঘঘ্ন্যৈ মখঘ্নে ।
শিবাঙ্গ্যৈ শিবাঙ্গায কুর্মঃ শিবাযৈ
শিবাযাম্বিকাযৈ নমস্ত্র্যম্বকায ॥ 18 ॥
ভবদ্গৌরবং মল্লঘুত্বং বিদিত্বা
প্রভো রক্ষ কারুণ্যদৃষ্ট্যানুগং মাম্ ।
শিবাত্মানুভাবস্তুতাবক্ষমোঽহং
স্বশক্ত্যা কৃতং মে¶অধং ক্ষমস্ব ॥ 19 ॥
যদা কর্ণরন্ধ্রং ব্রজেত্কালবাহদ্বিষত্কণ্ঠঘণ্টা ঘণাত্কারনাদঃ ।
বৃষাধীশমারুহ্য দেবৌপবাহ্যন্তদা
বত্স মা ভীরিতি প্রীণয ত্বম্ ॥ 20 ॥
যদা দারুণাভাষণা ভীষণা মে
ভবিষ্যন্ত্যুপান্তে কৃতান্তস্য দূতাঃ ।
তদা মন্মনস্ত্বত্পদাম্ভোরুহস্থং
কথং নিশ্চলং স্যান্নমস্তেঽস্তু শম্ভো ॥ 21 ॥
যদা দুর্নিবারব্যথোঽহং শযানো
লুঠন্নিঃশ্বসন্নিঃসৃতাব্যক্তবাণিঃ ।
তদা জহ্নুকন্যাজলালঙ্কৃতং তে
জটামণ্ডলং মন্মনোমন্দিরে স্যাত্ ॥ 22 ॥
যদা পুত্রমিত্রাদযো মত্সকাশে
রুদন্ত্যস্য হা কীদৃশীযং দশেতি ।
তদা দেবদেবেশ গৌরীশ শম্ভো
নমস্তে শিবাযেত্যজস্রং ব্রবাণি ॥ 23 ॥
যদা পশ্যতাং মামসৌ বেত্তি
নাস্মানযং শ্বাস এবেতি বাচো ভবেযুঃ ।
তদা ভূতিভূষং ভুজঙ্গাবনদ্ধং
পুরারে ভবন্তং স্ফুটং ভাবযেযম্ ॥ 24 ॥
যদা যাতনাদেহসন্দেহবাহী
ভবেদাত্মদেহে ন মোহো মহান্মে ।
তদা কাশশীতাংশুসঙ্কাশমীশ
স্মরারে বপুস্তে নমস্তে স্মরামি ॥ 25 ॥
যদাপারমচ্ছাযমস্থানমদ্ভির্জনৈর্বা বিহীনং গমিষ্যামি মার্গম্ ।
তদা তং নিরুন্ধঙ্কৃতান্তস্য মার্গং
মহাদেব মহ্যং মনোজ্ঞং প্রযচ্ছ ॥ 26 ॥
যদা রৌরবাদি স্মরন্নেব ভীত্যা
ব্রজাম্যত্র মোহং মহাদেব ঘোরম্ ।
তদা মামহো নাথ কস্তারযিষ্যত্যনাথং পরাধীনমর্ধেন্দুমৌলে ॥ 27 ॥
যদা শ্বেতপত্রাযতালঙ্ঘ্যশক্তেঃ
কৃতান্তাদ্ভযং ভক্তিবাত্সল্যভাবাত্ ।
তদা পাহি মাং পার্বতীবল্লভান্যং
ন পশ্যামি পাতারমেতাদৃশং মে ॥ 28 ॥
ইদানীমিদানীং মৃতির্মে ভবিত্রীত্যহো সন্ততং চিন্তযা পীডিতোঽস্মি ।
কথং নাম মা ভূন্মৃতৌ ভীতিরেষা
নমস্তে গতীনাং গতে নীলকণ্ঠ ॥ 29 ॥
অমর্যাদমেবাহমাবালবৃদ্ধং
হরন্তং কৃতান্তং সমীক্ষ্যাস্মি ভীতঃ ।
মৃতৌ তাবকাঙ্ঘ্র্যব্জদিব্যপ্রসাদাদ্ভবানীপতে নির্ভযোঽহং ভবানি ॥ 30 ॥
জরাজন্মগর্ভাধিবাসাদিদুঃখান্যসহ্যানি জহ্যাং জগন্নাথ দেব ।
ভবন্তং বিনা মে গতির্নৈব শম্ভো
দযালো ন জাগর্তি কিং বা দযা তে ॥ 31 ॥
শিবাযেতি শব্দো নমঃপূর্ব এষ
স্মরন্মুক্তিকৃন্মৃত্যুহা তত্ত্ববাচী ।
মহেশান মা গান্মনস্তো বচস্তঃ
সদা মহ্যমেতত্প্রদানং প্রযচ্ছ ॥ 32 ॥
ত্বমপ্যম্ব মাং পশ্য শীতাংশুমৌলিপ্রিযে ভেষজং ত্বং ভবব্যাধিশান্তৌ
বহুক্লেশভাজং পদাম্ভোজপোতে
ভবাব্ধৌ নিমগ্নং নযস্বাদ্য পারম্ ॥ 33 ॥
অনুদ্যল্ললাটাক্ষি বহ্নি প্ররোহৈরবামস্ফুরচ্চারুবামোরুশোভৈঃ ।
অনঙ্গভ্রমদ্ভোগিভূষাবিশেষৈরচন্দ্রার্ধচূডৈরলং দৈবতৈর্নঃ ॥ 34 ॥
অকণ্ঠেকলঙ্কাদনঙ্গেভুজঙ্গাদপাণৌকপালাদফালেঽনলাক্ষাত্ ।
অমৌলৌশশাঙ্কাদবামেকলত্রাদহং দেবমন্যং ন মন্যে ন মন্যে ॥ 35 ॥
মহাদেব শম্ভো গিরীশ ত্রিশূলিংস্ত্বদীযং সমস্তং বিভাতীতি যস্মাত্ ।
শিবাদন্যথা দৈবতং নাভিজানে
শিবোঽহং শিবোঽহং শিবোঽহং শিবোঽহম্ ॥ 36 ॥
যতোঽজাযতেদং প্রপঞ্চং বিচিত্রং
স্থিতিং যাতি যস্মিন্যদেকান্তমন্তে ।
স কর্মাদিহীনঃ স্বযঞ্জ্যোতিরাত্মা
শিবোঽহং শিবোঽহং শিবোঽহং শিবোঽহম্ ॥ 37 ॥
কিরীটে নিশেশো ললাটে হুতাশো
ভুজে ভোগিরাজো গলে কালিমা চ ।
তনৌ কামিনী যস্য তত্তুল্যদেবং
ন জানে ন জানে ন জানে ন জানে ॥ 38 ॥
অনেন স্তবেনাদরাদম্বিকেশং
পরাং ভক্তিমাসাদ্য যং যে নমন্তি ।
মৃতৌ নির্ভযাস্তে জনাস্তং ভজন্তে
হৃদম্ভোজমধ্যে সদাসীনমীশম্ ॥ 39 ॥
ভুজঙ্গপ্রিযাকল্প শম্ভো মযৈবং
ভুজঙ্গপ্রযাতেন বৃত্তেন ক্লৃপ্তম্ ।
নরঃ স্তোত্রমেতত্পঠিত্বোরুভক্ত্যা
সুপুত্রাযুরারোগ্যমৈশ্বর্যমেতি ॥ 40 ॥
Roman (IAST) Transliteration
galaddānagaṇḍaṃ miladbhṛṅgaṣaṇḍaṃ
calaccāruśuṇḍaṃ jagattrāṇaśauṇḍam |
kanaddantakāṇḍaṃ vipadbhaṅgacaṇḍaṃ
śivapremapiṇḍaṃ bhaje vakratuṇḍam || 1 ||
anādyantamādyaṃ paraṃ tattvamarthaṃ
cidākāramekaṃ turīyaṃ tvameyam |
haribrahmamṛgyaṃ parabrahmarūpaṃ
manovāgatītaṃ mahaḥśaivamīḍe || 2 ||
svaśaktyādi śaktyanta siṃhāsanasthaṃ
manohāri sarvāṅgaratnorubhūṣam |
jaṭāhīndugaṅgāsthiśamyākamauliṃ
parāśaktimitraṃ namaḥ pañcavaktram || 3 ||
śiveśānatatpūruṣāghoravāmādibhiḥ
pañcabhirhṛnmukhaiḥ ṣaḍbhiraṅgaiḥ |
anaupamya ṣaṭtriṃśataṃ tattvavidyāmatītaṃ
paraṃ tvāṃ kathaṃ vetti ko vā || 4 ||
pravālapravāhaprabhāśoṇamardhaṃ
marutvanmaṇi śrīmahaḥ śyāmamardham |
guṇasyūtametadvapuḥ śaivamantaḥ
smarāmi smarāpattisampattihetoḥ || 5 ||
svasevāsamāyātadevāsurendrā
namanmaulimandāramālābhiṣiktam |
namasyāmi śambho padāmbhoruhaṃ te
bhavāmbhodhipotaṃ bhavānī vibhāvyam || 6 ||
jagannātha mannātha gaurīsanātha
prapannānukampinvipannārtihārin |
mahaḥstomamūrte samastaikabandho
namaste namaste punaste namo'stu || 7 ||
virūpākṣa viśveśa viśvādideva
trayī mūla śambho śiva tryambaka tvam |
prasīda smara trāhi paśyāvamuktyai
kṣamāṃ prāpnuhi tryakṣa māṃ rakṣa modāt || 8 ||
mahādeva deveśa devādideva
smarāre purāre yamāre hareti |
bruvāṇaḥ smariṣyāmi bhaktyā \linè bhavantaṃ tato me dayāśīla deva prasīda || 9 ||
tvadanyaḥ śaraṇyaḥ prapannasya neti
prasīda smaranneva hanyāstu dainyam |
na cette bhavedbhaktavātsalyahānistato
me dayālo sadā sannidhehi || 10 ||
ayaṃ dānakālastvahaṃ dānapātraṃ
bhavāneva dātā tvadanyaṃ na yāce |
bhavadbhaktimeva sthirāṃ dehi mahyaṃ
kṛpāśīla śambho kṛtārtho'smi tasmāt || 11 ||
paśuṃ vetsi cenmāṃ tamevādhirūḍhaḥ
kalaṅkīti vā mūrdhni dhatse tameva |
dvijihvaḥ punaḥ so'pi te kaṇṭhabhūṣā
tvadaṅgīkṛtāḥ śarva sarve'pi dhanyāḥ || 12 ||
na śaknomi kartuṃ paradrohaleśaṃ
kathaṃ prīyase tvaṃ na jāne girīśa |
tathāhi prasanno'si kasyāpi
kāntāsutadrohiṇo vā pitṛdrohiṇo vā || 13 ||
stutiṃ dhyānamarcāṃ yathāvadvidhātuṃ
bhajannapyajānanmaheśāvalambe |
trasantaṃ sutaṃ trātumagre
mṛkaṇḍoryamaprāṇanirvāpaṇaṃ tvatpadābjam || 14 ||
śiro dṛṣṭi hṛdroga śūla pramehajvarārśo jarāyakṣmahikkāviṣārtān |
tvamādyo bhiṣagbheṣajaṃ bhasma śambho
tvamullāghayāsmānvapurlāghavāya || 15 ||
daridro'smyabhadro'smi bhagno'smi dūye
viṣaṇṇo'smi sanno'smi khinno'smi cāham |
bhavānprāṇināmantarātmāsi śambho
mamādhiṃ na vetsi prabho rakṣa māṃ tvam || 16 ||
tvadakṣṇoḥ kaṭākṣaḥ patettryakṣa yatra
kṣaṇaṃ kṣmā ca lakṣmīḥ svayaṃ taṃ vṛṇāte |
kirīṭasphuraccāmaracchatramālākalācīgajakṣaumabhūṣāviśeṣaiḥ || 17 ||
bhavānyai bhavāyāpi mātre ca pitre
mṛḍānyai mṛḍāyāpyaghaghnyai makhaghne |
śivāṅgyai śivāṅgāya kurmaḥ śivāyai
śivāyāmbikāyai namastryambakāya || 18 ||
bhavadgauravaṃ mallaghutvaṃ viditvā
prabho rakṣa kāruṇyadṛṣṭyānugaṃ mām |
śivātmānubhāvastutāvakṣamo'haṃ
svaśaktyā kṛtaṃ me¶adhaṃ kṣamasva || 19 ||
yadā karṇarandhraṃ vrajetkālavāhadviṣatkaṇṭhaghaṇṭā ghaṇātkāranādaḥ |
vṛṣādhīśamāruhya devaupavāhyantadā
vatsa mā bhīriti prīṇaya tvam || 20 ||
yadā dāruṇābhāṣaṇā bhīṣaṇā me
bhaviṣyantyupānte kṛtāntasya dūtāḥ |
tadā manmanastvatpadāmbhoruhasthaṃ
kathaṃ niścalaṃ syānnamaste'stu śambho || 21 ||
yadā durnivāravyatho'haṃ śayāno
luṭhanniḥśvasanniḥsṛtāvyaktavāṇiḥ |
tadā jahnukanyājalālaṅkṛtaṃ te
jaṭāmaṇḍalaṃ manmanomandire syāt || 22 ||
yadā putramitrādayo matsakāśe
rudantyasya hā kīdṛśīyaṃ daśeti |
tadā devadeveśa gaurīśa śambho
namaste śivāyetyajasraṃ bravāṇi || 23 ||
yadā paśyatāṃ māmasau vetti
nāsmānayaṃ śvāsa eveti vāco bhaveyuḥ |
tadā bhūtibhūṣaṃ bhujaṅgāvanaddhaṃ
purāre bhavantaṃ sphuṭaṃ bhāvayeyam || 24 ||
yadā yātanādehasandehavāhī
bhavedātmadehe na moho mahānme |
tadā kāśaśītāṃśusaṅkāśamīśa
smarāre vapuste namaste smarāmi || 25 ||
yadāpāramacchāyamasthānamadbhirjanairvā vihīnaṃ gamiṣyāmi mārgam |
tadā taṃ nirundhaṅkṛtāntasya mārgaṃ
mahādeva mahyaṃ manojñaṃ prayaccha || 26 ||
yadā rauravādi smaranneva bhītyā
vrajāmyatra mohaṃ mahādeva ghoram |
tadā māmaho nātha kastārayiṣyatyanāthaṃ parādhīnamardhendumaule || 27 ||
yadā śvetapatrāyatālaṅghyaśakteḥ
kṛtāntādbhayaṃ bhaktivātsalyabhāvāt |
tadā pāhi māṃ pārvatīvallabhānyaṃ
na paśyāmi pātārametādṛśaṃ me || 28 ||
idānīmidānīṃ mṛtirme bhavitrītyaho santataṃ cintayā pīḍito'smi |
kathaṃ nāma mā bhūnmṛtau bhītireṣā
namaste gatīnāṃ gate nīlakaṇṭha || 29 ||
amaryādamevāhamābālavṛddhaṃ
harantaṃ kṛtāntaṃ samīkṣyāsmi bhītaḥ |
mṛtau tāvakāṅghryabjadivyaprasādādbhavānīpate nirbhayo'haṃ bhavāni || 30 ||
jarājanmagarbhādhivāsādiduḥkhānyasahyāni jahyāṃ jagannātha deva |
bhavantaṃ vinā me gatirnaiva śambho
dayālo na jāgarti kiṃ vā dayā te || 31 ||
śivāyeti śabdo namaḥpūrva eṣa
smaranmuktikṛnmṛtyuhā tattvavācī |
maheśāna mā gānmanasto vacastaḥ
sadā mahyametatpradānaṃ prayaccha || 32 ||
tvamapyamba māṃ paśya śītāṃśumaulipriye bheṣajaṃ tvaṃ bhavavyādhiśāntau
bahukleśabhājaṃ padāmbhojapote
bhavābdhau nimagnaṃ nayasvādya pāram || 33 ||
anudyallalāṭākṣi vahni prarohairavāmasphuraccāruvāmoruśobhaiḥ |
anaṅgabhramadbhogibhūṣāviśeṣairacandrārdhacūḍairalaṃ daivatairnaḥ || 34 ||
akaṇṭhekalaṅkādanaṅgebhujaṅgādapāṇaukapālādaphāle'nalākṣāt |
amaulauśaśāṅkādavāmekalatrādahaṃ devamanyaṃ na manye na manye || 35 ||
mahādeva śambho girīśa triśūliṃstvadīyaṃ samastaṃ vibhātīti yasmāt |
śivādanyathā daivataṃ nābhijāne
śivo'haṃ śivo'haṃ śivo'haṃ śivo'ham || 36 ||
yato'jāyatedaṃ prapañcaṃ vicitraṃ
sthitiṃ yāti yasminyadekāntamante |
sa karmādihīnaḥ svayañjyotirātmā
śivo'haṃ śivo'haṃ śivo'haṃ śivo'ham || 37 ||
kirīṭe niśeśo lalāṭe hutāśo
bhuje bhogirājo gale kālimā ca |
tanau kāminī yasya tattulyadevaṃ
na jāne na jāne na jāne na jāne || 38 ||
anena stavenādarādambikeśaṃ
parāṃ bhaktimāsādya yaṃ ye namanti |
mṛtau nirbhayāste janāstaṃ bhajante
hṛdambhojamadhye sadāsīnamīśam || 39 ||
bhujaṅgapriyākalpa śambho mayaivaṃ
bhujaṅgaprayātena vṛttena klṛptam |
naraḥ stotrametatpaṭhitvorubhaktyā
suputrāyurārogyamaiśvaryameti || 40 ||
Sanskrit — Devanagari (original)
गलद्दानगण्डं मिलद्भृङ्गषण्डं
चलच्चारुशुण्डं जगत्त्राणशौण्डम् ।
कनद्दन्तकाण्डं विपद्भङ्गचण्डं
शिवप्रेमपिण्डं भजे वक्रतुण्डम् ॥ 1 ॥
अनाद्यन्तमाद्यं परं तत्त्वमर्थं
चिदाकारमेकं तुरीयं त्वमेयम् ।
हरिब्रह्ममृग्यं परब्रह्मरूपं
मनोवागतीतं महःशैवमीडे ॥ 2 ॥
स्वशक्त्यादि शक्त्यन्त सिंहासनस्थं
मनोहारि सर्वाङ्गरत्नोरुभूषम् ।
जटाहीन्दुगङ्गास्थिशम्याकमौलिं
पराशक्तिमित्रं नमः पञ्चवक्त्रम् ॥ 3 ॥
शिवेशानतत्पूरुषाघोरवामादिभिः
पञ्चभिर्हृन्मुखैः षड्भिरङ्गैः ।
अनौपम्य षट्त्रिंशतं तत्त्वविद्यामतीतं
परं त्वां कथं वेत्ति को वा ॥ 4 ॥
प्रवालप्रवाहप्रभाशोणमर्धं
मरुत्वन्मणि श्रीमहः श्याममर्धम् ।
गुणस्यूतमेतद्वपुः शैवमन्तः
स्मरामि स्मरापत्तिसम्पत्तिहेतोः ॥ 5 ॥
स्वसेवासमायातदेवासुरेन्द्रा
नमन्मौलिमन्दारमालाभिषिक्तम् ।
नमस्यामि शम्भो पदाम्भोरुहं ते
भवाम्भोधिपोतं भवानी विभाव्यम् ॥ 6 ॥
जगन्नाथ मन्नाथ गौरीसनाथ
प्रपन्नानुकम्पिन्विपन्नार्तिहारिन् ।
महःस्तोममूर्ते समस्तैकबन्धो
नमस्ते नमस्ते पुनस्ते नमोऽस्तु ॥ 7 ॥
विरूपाक्ष विश्वेश विश्वादिदेव
त्रयी मूल शम्भो शिव त्र्यम्बक त्वम् ।
प्रसीद स्मर त्राहि पश्यावमुक्त्यै
क्षमां प्राप्नुहि त्र्यक्ष मां रक्ष मोदात् ॥ 8 ॥
महादेव देवेश देवादिदेव
स्मरारे पुरारे यमारे हरेति ।
ब्रुवाणः स्मरिष्यामि भक्त्या \लिनॆ भवन्तं ततो मे दयाशील देव प्रसीद ॥ 9 ॥
त्वदन्यः शरण्यः प्रपन्नस्य नेति
प्रसीद स्मरन्नेव हन्यास्तु दैन्यम् ।
न चेत्ते भवेद्भक्तवात्सल्यहानिस्ततो
मे दयालो सदा सन्निधेहि ॥ 10 ॥
अयं दानकालस्त्वहं दानपात्रं
भवानेव दाता त्वदन्यं न याचे ।
भवद्भक्तिमेव स्थिरां देहि मह्यं
कृपाशील शम्भो कृतार्थोऽस्मि तस्मात् ॥ 11 ॥
पशुं वेत्सि चेन्मां तमेवाधिरूढः
कलङ्कीति वा मूर्ध्नि धत्से तमेव ।
द्विजिह्वः पुनः सोऽपि ते कण्ठभूषा
त्वदङ्गीकृताः शर्व सर्वेऽपि धन्याः ॥ 12 ॥
न शक्नोमि कर्तुं परद्रोहलेशं
कथं प्रीयसे त्वं न जाने गिरीश ।
तथाहि प्रसन्नोऽसि कस्यापि
कान्तासुतद्रोहिणो वा पितृद्रोहिणो वा ॥ 13 ॥
स्तुतिं ध्यानमर्चां यथावद्विधातुं
भजन्नप्यजानन्महेशावलम्बे ।
त्रसन्तं सुतं त्रातुमग्रे
मृकण्डोर्यमप्राणनिर्वापणं त्वत्पदाब्जम् ॥ 14 ॥
शिरो दृष्टि हृद्रोग शूल प्रमेहज्वरार्शो जरायक्ष्महिक्काविषार्तान् ।
त्वमाद्यो भिषग्भेषजं भस्म शम्भो
त्वमुल्लाघयास्मान्वपुर्लाघवाय ॥ 15 ॥
दरिद्रोऽस्म्यभद्रोऽस्मि भग्नोऽस्मि दूये
विषण्णोऽस्मि सन्नोऽस्मि खिन्नोऽस्मि चाहम् ।
भवान्प्राणिनामन्तरात्मासि शम्भो
ममाधिं न वेत्सि प्रभो रक्ष मां त्वम् ॥ 16 ॥
त्वदक्ष्णोः कटाक्षः पतेत्त्र्यक्ष यत्र
क्षणं क्ष्मा च लक्ष्मीः स्वयं तं वृणाते ।
किरीटस्फुरच्चामरच्छत्रमालाकलाचीगजक्षौमभूषाविशेषैः ॥ 17 ॥
भवान्यै भवायापि मात्रे च पित्रे
मृडान्यै मृडायाप्यघघ्न्यै मखघ्ने ।
शिवाङ्ग्यै शिवाङ्गाय कुर्मः शिवायै
शिवायाम्बिकायै नमस्त्र्यम्बकाय ॥ 18 ॥
भवद्गौरवं मल्लघुत्वं विदित्वा
प्रभो रक्ष कारुण्यदृष्ट्यानुगं माम् ।
शिवात्मानुभावस्तुतावक्षमोऽहं
स्वशक्त्या कृतं मे¶अधं क्षमस्व ॥ 19 ॥
यदा कर्णरन्ध्रं व्रजेत्कालवाहद्विषत्कण्ठघण्टा घणात्कारनादः ।
वृषाधीशमारुह्य देवौपवाह्यन्तदा
वत्स मा भीरिति प्रीणय त्वम् ॥ 20 ॥
यदा दारुणाभाषणा भीषणा मे
भविष्यन्त्युपान्ते कृतान्तस्य दूताः ।
तदा मन्मनस्त्वत्पदाम्भोरुहस्थं
कथं निश्चलं स्यान्नमस्तेऽस्तु शम्भो ॥ 21 ॥
यदा दुर्निवारव्यथोऽहं शयानो
लुठन्निःश्वसन्निःसृताव्यक्तवाणिः ।
तदा जह्नुकन्याजलालङ्कृतं ते
जटामण्डलं मन्मनोमन्दिरे स्यात् ॥ 22 ॥
यदा पुत्रमित्रादयो मत्सकाशे
रुदन्त्यस्य हा कीदृशीयं दशेति ।
तदा देवदेवेश गौरीश शम्भो
नमस्ते शिवायेत्यजस्रं ब्रवाणि ॥ 23 ॥
यदा पश्यतां मामसौ वेत्ति
नास्मानयं श्वास एवेति वाचो भवेयुः ।
तदा भूतिभूषं भुजङ्गावनद्धं
पुरारे भवन्तं स्फुटं भावयेयम् ॥ 24 ॥
यदा यातनादेहसन्देहवाही
भवेदात्मदेहे न मोहो महान्मे ।
तदा काशशीतांशुसङ्काशमीश
स्मरारे वपुस्ते नमस्ते स्मरामि ॥ 25 ॥
यदापारमच्छायमस्थानमद्भिर्जनैर्वा विहीनं गमिष्यामि मार्गम् ।
तदा तं निरुन्धङ्कृतान्तस्य मार्गं
महादेव मह्यं मनोज्ञं प्रयच्छ ॥ 26 ॥
यदा रौरवादि स्मरन्नेव भीत्या
व्रजाम्यत्र मोहं महादेव घोरम् ।
तदा मामहो नाथ कस्तारयिष्यत्यनाथं पराधीनमर्धेन्दुमौले ॥ 27 ॥
यदा श्वेतपत्रायतालङ्घ्यशक्तेः
कृतान्ताद्भयं भक्तिवात्सल्यभावात् ।
तदा पाहि मां पार्वतीवल्लभान्यं
न पश्यामि पातारमेतादृशं मे ॥ 28 ॥
इदानीमिदानीं मृतिर्मे भवित्रीत्यहो सन्ततं चिन्तया पीडितोऽस्मि ।
कथं नाम मा भून्मृतौ भीतिरेषा
नमस्ते गतीनां गते नीलकण्ठ ॥ 29 ॥
अमर्यादमेवाहमाबालवृद्धं
हरन्तं कृतान्तं समीक्ष्यास्मि भीतः ।
मृतौ तावकाङ्घ्र्यब्जदिव्यप्रसादाद्भवानीपते निर्भयोऽहं भवानि ॥ 30 ॥
जराजन्मगर्भाधिवासादिदुःखान्यसह्यानि जह्यां जगन्नाथ देव ।
भवन्तं विना मे गतिर्नैव शम्भो
दयालो न जागर्ति किं वा दया ते ॥ 31 ॥
शिवायेति शब्दो नमःपूर्व एष
स्मरन्मुक्तिकृन्मृत्युहा तत्त्ववाची ।
महेशान मा गान्मनस्तो वचस्तः
सदा मह्यमेतत्प्रदानं प्रयच्छ ॥ 32 ॥
त्वमप्यम्ब मां पश्य शीतांशुमौलिप्रिये भेषजं त्वं भवव्याधिशान्तौ
बहुक्लेशभाजं पदाम्भोजपोते
भवाब्धौ निमग्नं नयस्वाद्य पारम् ॥ 33 ॥
अनुद्यल्ललाटाक्षि वह्नि प्ररोहैरवामस्फुरच्चारुवामोरुशोभैः ।
अनङ्गभ्रमद्भोगिभूषाविशेषैरचन्द्रार्धचूडैरलं दैवतैर्नः ॥ 34 ॥
अकण्ठेकलङ्कादनङ्गेभुजङ्गादपाणौकपालादफालेऽनलाक्षात् ।
अमौलौशशाङ्कादवामेकलत्रादहं देवमन्यं न मन्ये न मन्ये ॥ 35 ॥
महादेव शम्भो गिरीश त्रिशूलिंस्त्वदीयं समस्तं विभातीति यस्मात् ।
शिवादन्यथा दैवतं नाभिजाने
शिवोऽहं शिवोऽहं शिवोऽहं शिवोऽहम् ॥ 36 ॥
यतोऽजायतेदं प्रपञ्चं विचित्रं
स्थितिं याति यस्मिन्यदेकान्तमन्ते ।
स कर्मादिहीनः स्वयञ्ज्योतिरात्मा
शिवोऽहं शिवोऽहं शिवोऽहं शिवोऽहम् ॥ 37 ॥
किरीटे निशेशो ललाटे हुताशो
भुजे भोगिराजो गले कालिमा च ।
तनौ कामिनी यस्य तत्तुल्यदेवं
न जाने न जाने न जाने न जाने ॥ 38 ॥
अनेन स्तवेनादरादम्बिकेशं
परां भक्तिमासाद्य यं ये नमन्ति ।
मृतौ निर्भयास्ते जनास्तं भजन्ते
हृदम्भोजमध्ये सदासीनमीशम् ॥ 39 ॥
भुजङ्गप्रियाकल्प शम्भो मयैवं
भुजङ्गप्रयातेन वृत्तेन क्लृप्तम् ।
नरः स्तोत्रमेतत्पठित्वोरुभक्त्या
सुपुत्रायुरारोग्यमैश्वर्यमेति ॥ 40 ॥
galaddānagaṇḍaṃ miladbhṛṅgaṣaṇḍaṃ
calaccāruśuṇḍaṃ jagattrāṇaśauṇḍam |
kanaddantakāṇḍaṃ vipadbhaṅgacaṇḍaṃ
śivapremapiṇḍaṃ bhaje vakratuṇḍam || 1 ||
anādyantamādyaṃ paraṃ tattvamarthaṃ
cidākāramekaṃ turīyaṃ tvameyam |
haribrahmamṛgyaṃ parabrahmarūpaṃ
manovāgatītaṃ mahaḥśaivamīḍe || 2 ||
svaśaktyādi śaktyanta siṃhāsanasthaṃ
manohāri sarvāṅgaratnorubhūṣam |
jaṭāhīndugaṅgāsthiśamyākamauliṃ
parāśaktimitraṃ namaḥ pañcavaktram || 3 ||
śiveśānatatpūruṣāghoravāmādibhiḥ
pañcabhirhṛnmukhaiḥ ṣaḍbhiraṅgaiḥ |
anaupamya ṣaṭtriṃśataṃ tattvavidyāmatītaṃ
paraṃ tvāṃ kathaṃ vetti ko vā || 4 ||
pravālapravāhaprabhāśoṇamardhaṃ
marutvanmaṇi śrīmahaḥ śyāmamardham |
guṇasyūtametadvapuḥ śaivamantaḥ
smarāmi smarāpattisampattihetoḥ || 5 ||
svasevāsamāyātadevāsurendrā
namanmaulimandāramālābhiṣiktam |
namasyāmi śambho padāmbhoruhaṃ te
bhavāmbhodhipotaṃ bhavānī vibhāvyam || 6 ||
jagannātha mannātha gaurīsanātha
prapannānukampinvipannārtihārin |
mahaḥstomamūrte samastaikabandho
namaste namaste punaste namo'stu || 7 ||
virūpākṣa viśveśa viśvādideva
trayī mūla śambho śiva tryambaka tvam |
prasīda smara trāhi paśyāvamuktyai
kṣamāṃ prāpnuhi tryakṣa māṃ rakṣa modāt || 8 ||
mahādeva deveśa devādideva
smarāre purāre yamāre hareti |
bruvāṇaḥ smariṣyāmi bhaktyā \linè bhavantaṃ tato me dayāśīla deva prasīda || 9 ||
tvadanyaḥ śaraṇyaḥ prapannasya neti
prasīda smaranneva hanyāstu dainyam |
na cette bhavedbhaktavātsalyahānistato
me dayālo sadā sannidhehi || 10 ||
ayaṃ dānakālastvahaṃ dānapātraṃ
bhavāneva dātā tvadanyaṃ na yāce |
bhavadbhaktimeva sthirāṃ dehi mahyaṃ
kṛpāśīla śambho kṛtārtho'smi tasmāt || 11 ||
paśuṃ vetsi cenmāṃ tamevādhirūḍhaḥ
kalaṅkīti vā mūrdhni dhatse tameva |
dvijihvaḥ punaḥ so'pi te kaṇṭhabhūṣā
tvadaṅgīkṛtāḥ śarva sarve'pi dhanyāḥ || 12 ||
na śaknomi kartuṃ paradrohaleśaṃ
kathaṃ prīyase tvaṃ na jāne girīśa |
tathāhi prasanno'si kasyāpi
kāntāsutadrohiṇo vā pitṛdrohiṇo vā || 13 ||
stutiṃ dhyānamarcāṃ yathāvadvidhātuṃ
bhajannapyajānanmaheśāvalambe |
trasantaṃ sutaṃ trātumagre
mṛkaṇḍoryamaprāṇanirvāpaṇaṃ tvatpadābjam || 14 ||
śiro dṛṣṭi hṛdroga śūla pramehajvarārśo jarāyakṣmahikkāviṣārtān |
tvamādyo bhiṣagbheṣajaṃ bhasma śambho
tvamullāghayāsmānvapurlāghavāya || 15 ||
daridro'smyabhadro'smi bhagno'smi dūye
viṣaṇṇo'smi sanno'smi khinno'smi cāham |
bhavānprāṇināmantarātmāsi śambho
mamādhiṃ na vetsi prabho rakṣa māṃ tvam || 16 ||
tvadakṣṇoḥ kaṭākṣaḥ patettryakṣa yatra
kṣaṇaṃ kṣmā ca lakṣmīḥ svayaṃ taṃ vṛṇāte |
kirīṭasphuraccāmaracchatramālākalācīgajakṣaumabhūṣāviśeṣaiḥ || 17 ||
bhavānyai bhavāyāpi mātre ca pitre
mṛḍānyai mṛḍāyāpyaghaghnyai makhaghne |
śivāṅgyai śivāṅgāya kurmaḥ śivāyai
śivāyāmbikāyai namastryambakāya || 18 ||
bhavadgauravaṃ mallaghutvaṃ viditvā
prabho rakṣa kāruṇyadṛṣṭyānugaṃ mām |
śivātmānubhāvastutāvakṣamo'haṃ
svaśaktyā kṛtaṃ me¶adhaṃ kṣamasva || 19 ||
yadā karṇarandhraṃ vrajetkālavāhadviṣatkaṇṭhaghaṇṭā ghaṇātkāranādaḥ |
vṛṣādhīśamāruhya devaupavāhyantadā
vatsa mā bhīriti prīṇaya tvam || 20 ||
yadā dāruṇābhāṣaṇā bhīṣaṇā me
bhaviṣyantyupānte kṛtāntasya dūtāḥ |
tadā manmanastvatpadāmbhoruhasthaṃ
kathaṃ niścalaṃ syānnamaste'stu śambho || 21 ||
yadā durnivāravyatho'haṃ śayāno
luṭhanniḥśvasanniḥsṛtāvyaktavāṇiḥ |
tadā jahnukanyājalālaṅkṛtaṃ te
jaṭāmaṇḍalaṃ manmanomandire syāt || 22 ||
yadā putramitrādayo matsakāśe
rudantyasya hā kīdṛśīyaṃ daśeti |
tadā devadeveśa gaurīśa śambho
namaste śivāyetyajasraṃ bravāṇi || 23 ||
yadā paśyatāṃ māmasau vetti
nāsmānayaṃ śvāsa eveti vāco bhaveyuḥ |
tadā bhūtibhūṣaṃ bhujaṅgāvanaddhaṃ
purāre bhavantaṃ sphuṭaṃ bhāvayeyam || 24 ||
yadā yātanādehasandehavāhī
bhavedātmadehe na moho mahānme |
tadā kāśaśītāṃśusaṅkāśamīśa
smarāre vapuste namaste smarāmi || 25 ||
yadāpāramacchāyamasthānamadbhirjanairvā vihīnaṃ gamiṣyāmi mārgam |
tadā taṃ nirundhaṅkṛtāntasya mārgaṃ
mahādeva mahyaṃ manojñaṃ prayaccha || 26 ||
yadā rauravādi smaranneva bhītyā
vrajāmyatra mohaṃ mahādeva ghoram |
tadā māmaho nātha kastārayiṣyatyanāthaṃ parādhīnamardhendumaule || 27 ||
yadā śvetapatrāyatālaṅghyaśakteḥ
kṛtāntādbhayaṃ bhaktivātsalyabhāvāt |
tadā pāhi māṃ pārvatīvallabhānyaṃ
na paśyāmi pātārametādṛśaṃ me || 28 ||
idānīmidānīṃ mṛtirme bhavitrītyaho santataṃ cintayā pīḍito'smi |
kathaṃ nāma mā bhūnmṛtau bhītireṣā
namaste gatīnāṃ gate nīlakaṇṭha || 29 ||
amaryādamevāhamābālavṛddhaṃ
harantaṃ kṛtāntaṃ samīkṣyāsmi bhītaḥ |
mṛtau tāvakāṅghryabjadivyaprasādādbhavānīpate nirbhayo'haṃ bhavāni || 30 ||
jarājanmagarbhādhivāsādiduḥkhānyasahyāni jahyāṃ jagannātha deva |
bhavantaṃ vinā me gatirnaiva śambho
dayālo na jāgarti kiṃ vā dayā te || 31 ||
śivāyeti śabdo namaḥpūrva eṣa
smaranmuktikṛnmṛtyuhā tattvavācī |
maheśāna mā gānmanasto vacastaḥ
sadā mahyametatpradānaṃ prayaccha || 32 ||
tvamapyamba māṃ paśya śītāṃśumaulipriye bheṣajaṃ tvaṃ bhavavyādhiśāntau
bahukleśabhājaṃ padāmbhojapote
bhavābdhau nimagnaṃ nayasvādya pāram || 33 ||
anudyallalāṭākṣi vahni prarohairavāmasphuraccāruvāmoruśobhaiḥ |
anaṅgabhramadbhogibhūṣāviśeṣairacandrārdhacūḍairalaṃ daivatairnaḥ || 34 ||
akaṇṭhekalaṅkādanaṅgebhujaṅgādapāṇaukapālādaphāle'nalākṣāt |
amaulauśaśāṅkādavāmekalatrādahaṃ devamanyaṃ na manye na manye || 35 ||
mahādeva śambho girīśa triśūliṃstvadīyaṃ samastaṃ vibhātīti yasmāt |
śivādanyathā daivataṃ nābhijāne
śivo'haṃ śivo'haṃ śivo'haṃ śivo'ham || 36 ||
yato'jāyatedaṃ prapañcaṃ vicitraṃ
sthitiṃ yāti yasminyadekāntamante |
sa karmādihīnaḥ svayañjyotirātmā
śivo'haṃ śivo'haṃ śivo'haṃ śivo'ham || 37 ||
kirīṭe niśeśo lalāṭe hutāśo
bhuje bhogirājo gale kālimā ca |
tanau kāminī yasya tattulyadevaṃ
na jāne na jāne na jāne na jāne || 38 ||
anena stavenādarādambikeśaṃ
parāṃ bhaktimāsādya yaṃ ye namanti |
mṛtau nirbhayāste janāstaṃ bhajante
hṛdambhojamadhye sadāsīnamīśam || 39 ||
bhujaṅgapriyākalpa śambho mayaivaṃ
bhujaṅgaprayātena vṛttena klṛptam |
naraḥ stotrametatpaṭhitvorubhaktyā
suputrāyurārogyamaiśvaryameti || 40 ||
🕉️ This is the original Sanskrit rendered in Bengali script.
Pronunciation is identical to the Sanskrit Devanagari version.