|| śrī rāma aṣṭottara śatanāmastotram ||
śrīrāmo rāmabhadraśca rāmacandraśca śāśvataḥ |
rājīvalocanaḥ śrīmān rājendro raghupuṅgavaḥ || 1 ||
jānakīvallabho jaitro jitāmitro janārdanaḥ |
viśvāmitrapriyo dāntaḥ śaraṇatrāṇatatparaḥ || 2 ||
vālipramathano vāgmī satyavāk satyavikramaḥ |
satyavrato vratadharaḥ sadā hanumadāśrita: || 3 ||
ka'usalyeyaḥ kharadhvaṃsī virādhavadhapaṇḍitaḥ |
vibhīṣaṇaparitrātā harakodaṇḍakhaṇḍanaḥ || 4 ||
saptatālaprabhettā ca daśagrīvaśiroharaḥ |
jāmadagvyamahādarpadalanastāṭakāntakaḥ || 5 ||
vedāntasāro vedātmā bhavarogasya bheṣajam |
dūṣaṇatriśirohantā trimūrtistriguṇātmakaḥ || 6 ||
trivikramastrilokātmā puṇyacāritrakīrtanaḥ |
trilokarakṣako dhanvī daṇḍakāraṇyakarṣaṇaḥ || 7 ||
ahalyāśāpaśamanaḥ pitṛbhakto varapradaḥ |
jitendriyo jitakrodho jitāvadyo jagadguruḥ || 8 ||
ṛkṣavānarasaṅghātī citrakūṭasamāśrayaḥ |
jayantatrāṇavaradaḥ sumitrāputrasevitaḥ || 9 ||
sarvadevādhidevaścamṛtavānarajīvanaḥ |
māyāmārīcahantā ca mahādevo mahābhujaḥ || 10 ||
sarvadevastutaḥ sa'umyo brahmaṇyo munisaṃstutaḥ |
mahāyogī mahodāraḥ sugrīvepsitarājyadaḥ || 11 ||
sarvapuṇyādhikaphalaḥ smṛtasarvāghanāśanaḥ |
ādipuruṣaḥ paramapuruṣo mahāpuruṣa eva ca || 12 ||
puṇyodayo dayāsāraḥ purāṇapuruṣottamaḥ |
smitavaktro mitābhāṣī pūrvabhāṣī ca rāghavaḥ || 13 ||
anantaguṇagambhīro dhīrodāttaguṇottamaḥ |
māyāmānuṣacāritro mahādevādipūjitaḥ || 14 ||
setukṛjjitavārāśiḥ sarvatīrthamayo hariḥ |
śyāmāṅgaḥ sundaraḥ śūraḥ pītavāsā dhanurdharaḥ || 15 ||
sarvayajñādhipo yajvā jarāmaraṇavarjitaḥ |
vibhīṣaṇapratiṣṭhātā sarvāpaguṇavarjitaḥ || 16 ||
paramātmā paraṃ brahma saccidānandavigrahaḥ |
parañjyotiḥ parandhāma parākāśaḥ parātparaḥ |
pareśaḥ pāragaḥ pāraḥ sarvadevātmakaḥ paraḥ || 17 ||
śrīrāmāṣṭottaraśataṃ bhavatāpanivārakam |
sampatkaraṃ trisandhyāsu paṭhatāṃ bhaktipūrvakam || 18 ||
rāmāya rāmabhadrāya rāmacandrāya vedhase |
raghunāthāya nāthāya sītāyāḥpataye namaḥ || 19 ||
|| iti śrīskandapuṟāṇe śrīrāma aṣṭottara śatanāmastotram ||