📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
శివ సువర్ణమాలా స్తుతి
Shiva Suvarnamala Stuti
Shiva Adi Shankaracharya Telugu
అథ కథమపి మద్రాసనాం త్వద్గుణలేశైర్విశోధయామి విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 1 ॥
ఆఖణ్డలమదఖణ్డనపణ్డిత తణ్డుప్రియ చణ్డీశ విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 2 ॥
ఇభచర్మామ్బర శమ్బరరిపువపురపహరణోజ్జ్వలనయన విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 3 ॥
ఈశ గిరీశ నరేశ పరేశ మహేశ బిలేశయభూషణ భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 4 ॥
ఉమయా దివ్యసుమఙ్గలవిగ్రహయాలిఙ్గితవామాఙ్గ విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 5 ॥
ఊరీకురు మామజ్ఞమనాథం దూరీకురు మే దురితం భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 6 ॥
ఋషివరమానసహంస చరాచరజననస్థితిలయకారణ భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 7 ॥
ౠక్షాధీశకిరీట మహోక్షారూఢ విధృతరుద్రాక్ష విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 8 ॥
లువర్ణద్వన్ద్వమవృన్తసుకుసుమమివాఙ్ఘ్రౌ తవార్పయామి విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 9 ॥
ఏకం సదితి శ్రుత్యా త్వమేవ సదసీత్యుపాస్మహే మృడ భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 10 ॥
ఐక్యం నిజభక్తేభ్యో వితరసి విశ్వమ్భరోఽత్ర సాక్షీ భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 11 ॥
ఓమితి తవ నిర్దేష్ట్రీ మాయాస్మాకం మృడోపకర్త్రీ భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 12 ॥
ఔదాస్యం స్ఫుటయతి విషయేషు దిగమ్బరతా చ తవైవ విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 13 ॥
అన్తఃకరణవిశుద్ధిం భక్తిం చ త్వయి సతీం ప్రదేహి విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 14 ॥
అస్తోపాధిసమస్తవ్యస్తై రూపైర్జగన్మయోఽసి విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 15 ॥
కరుణావరుణాలయ మయి దాస ఉదాసస్తవోచితో న హి భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 16 ॥
ఖలసహవాసం విఘటయ ఘటయ సతామేవ సఙ్గమనిశం భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 17 ॥
గరలం జగదుపకృతయే గిలితం భవతా సమోఽస్తి కోఽత్ర విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 18 ॥
ఘనసారగౌరగాత్ర ప్రచురజటాజూటబద్ధగఙ్గ విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 19 ॥
జ్ఞప్తిః సర్వశరీరేష్వఖణ్డితా యా విభాతి సా త్వం భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 20 ॥
చపలం మమ హృదయకపిం విషయద్రుచరం దృఢం బధాన విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 21 ॥
ఛాయా స్థాణోరపి తవ తాపం నమతాం హరత్యహో శివ భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 22 ॥
జయ కైలాసనివాస ప్రమథగణాధీశ భూసురార్చిత భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 23 ॥
ఝణుతకఝఙ్కిణుఝణుతత్కిటతక-శబ్దైర్నటసి మహానట భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 24 ॥
జ్ఞానం విక్షేపావృతిరహితం కురు మే గురుస్త్వమేవ విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 25 ॥
టఙ్కారస్తవ ధనుషో దలయతి హృదయం ద్విషామశనిరివ భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 26 ॥
ఠాకృతిరివ తవ మాయా బహిరన్తః శూన్యరూపిణీ ఖలు భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 27 ॥
డమ్బరమమ్బురుహామపి దలయత్యనఘం త్వదఙ్ఘ్రియుగలం భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 28 ॥
ఢక్కాక్షసూత్రశూలద్రుహిణకరోటీసముల్లసత్కర భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 29 ॥
ణాకారగర్భిణీ చేచ్ఛుభదా తే శరగతిర్నృణామిహ భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 30 ॥
తవ మన్వతిసఞ్జపతః సద్యస్తరతి నరో హి భవాబ్ధిం భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 31 ॥
థూత్కారస్తస్య ముఖే భూయాత్తే నామ నాస్తి యస్య విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 32 ॥
దయనీయశ్చ దయాలుః కోఽస్తి మదన్యస్త్వదన్య ఇహ వద భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 33 ॥
ధర్మస్థాపనదక్ష త్ర్యక్ష గురో దక్షయజ్ఞశిక్షక భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 34 ॥
నను తాడితోఽసి ధనుషా లుబ్ధధియా త్వం పురా నరేణ విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 35 ॥
పరిమాతుం తవ మూర్తిం నాలమజస్తత్పరాత్పరోఽసి విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 36 ॥
ఫలమిహ నృతయా జనుషస్త్వత్పదసేవా సనాతనేశ విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 37 ॥
బలమారోగ్యం చాయుస్త్వద్గుణరుచితాం చిరం ప్రదేహి విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 38 ॥
భగవన్భర్గ భయాపహ భూతపతే భూతిభూషితాఙ్గ విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 39 ॥
మహిమా తవ న హి మాతి శ్రుతిషు హిమానీధరాత్మజాధవ భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 40 ॥
యమనియమాదిభిరఙ్గైర్యమినో హృదయే భజన్తి స త్వం భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 41 ॥
రజ్జావహిరివ శుక్తౌ రజతమివ త్వయి జగన్తి భాన్తి విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 42 ॥
లబ్ధ్వా భవత్ప్రసాదాచ్చక్రం విధురవతి లోకమఖిలం భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 43 ॥
వసుధాతద్ధరతచ్ఛయరథమౌర్వీశర పరాకృతాసుర భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 44 ॥
శర్వ దేవ సర్వోత్తమ సర్వద దుర్వృత్తగర్వహరణ విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 45 ॥
షడ్రిపుషడూర్మిషడ్వికారహర సన్ముఖ షణ్ముఖజనక విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 46 ॥
సత్యం జ్ఞానమనన్తం బ్రహ్మేత్యేతల్లక్షణలక్షిత భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 47 ॥
హాహాహూహూముఖసురగాయకగీతాపదానపద్య విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 48 ॥
లాదిర్న హి ప్రయోగస్తదన్తమిహ మఙ్గలం సదాస్తు విభో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 49 ॥
క్షణమివ దివసాన్నేష్యతి త్వత్పదసేవాక్షణోత్సుకః శివ భో ।
సామ్బ సదాశివ శమ్భో శఙ్కర శరణం మే తవ చరణయుగమ్ ॥ 50 ॥
ఇతి శ్రీమత్పరమహంసపరివ్రాజకాచార్యస్య శ్రీగోవిన్దభగవత్పూజ్యపాదశిష్యస్య శ్రీమచ్ఛఙ్కరభగవతః కృతౌ సువర్ణమాలా స్తుతిః సమ్పూర్ణా ॥
Roman (IAST) Transliteration
atha kathamapi madrāsanāṃ tvadguṇaleśairviśodhayāmi vibho |
sāmba sadāśiva śambho śaṅkara śaraṇaṃ me tava caraṇayugam || 1 ||
ākhaṇḍalamadakhaṇḍanapaṇḍita taṇḍupriya caṇḍīśa vibho |
sāmba sadāśiva śambho śaṅkara śaraṇaṃ me tava caraṇayugam || 2 ||
ibhacarmāmbara śambararipuvapurapaharaṇojjvalanayana vibho |
sāmba sadāśiva śambho śaṅkara śaraṇaṃ me tava caraṇayugam || 3 ||
īśa girīśa nareśa pareśa maheśa bileśayabhūṣaṇa bho |
sāmba sadāśiva śambho śaṅkara śaraṇaṃ me tava caraṇayugam || 4 ||
umayā divyasumaṅgalavigrahayāliṅgitavāmāṅga vibho |
sāmba sadāśiva śambho śaṅkara śaraṇaṃ me tava caraṇayugam || 5 ||
ūrīkuru māmajñamanāthaṃ dūrīkuru me duritaṃ bho |
sāmba sadāśiva śambho śaṅkara śaraṇaṃ me tava caraṇayugam || 6 ||
ṛṣivaramānasahaṃsa carācarajananasthitilayakāraṇa bho |
sāmba sadāśiva śambho śaṅkara śaraṇaṃ me tava caraṇayugam || 7 ||
ṝkṣādhīśakirīṭa mahokṣārūḍha vidhṛtarudrākṣa vibho |
sāmba sadāśiva śambho śaṅkara śaraṇaṃ me tava caraṇayugam || 8 ||
luvarṇadvandvamavṛntasukusumamivāṅghrau tavārpayāmi vibho |
sāmba sadāśiva śambho śaṅkara śaraṇaṃ me tava caraṇayugam || 9 ||
ekaṃ saditi śrutyā tvameva sadasītyupāsmahe mṛḍa bho |
sāmba sadāśiva śambho śaṅkara śaraṇaṃ me tava caraṇayugam || 10 ||
aikyaṃ nijabhaktebhyo vitarasi viśvambharo'tra sākṣī bho |
sāmba sadāśiva śambho śaṅkara śaraṇaṃ me tava caraṇayugam || 11 ||
omiti tava nirdeṣṭrī māyāsmākaṃ mṛḍopakartrī bho |
sāmba sadāśiva śambho śaṅkara śaraṇaṃ me tava caraṇayugam || 12 ||
audāsyaṃ sphuṭayati viṣayeṣu digambaratā ca tavaiva vibho |
sāmba sadāśiva śambho śaṅkara śaraṇaṃ me tava caraṇayugam || 13 ||
antaḥkaraṇaviśuddhiṃ bhaktiṃ ca tvayi satīṃ pradehi vibho |
sāmba sadāśiva śambho śaṅkara śaraṇaṃ me tava caraṇayugam || 14 ||
astopādhisamastavyastai rūpairjaganmayo'si vibho |
sāmba sadāśiva śambho śaṅkara śaraṇaṃ me tava caraṇayugam || 15 ||
karuṇāvaruṇālaya mayi dāsa udāsastavocito na hi bho |
sāmba sadāśiva śambho śaṅkara śaraṇaṃ me tava caraṇayugam || 16 ||
khalasahavāsaṃ vighaṭaya ghaṭaya satāmeva saṅgamaniśaṃ bho |
sāmba sadāśiva śambho śaṅkara śaraṇaṃ me tava caraṇayugam || 17 ||
garalaṃ jagadupakṛtaye gilitaṃ bhavatā samo'sti ko'tra vibho |
sāmba sadāśiva śambho śaṅkara śaraṇaṃ me tava caraṇayugam || 18 ||
ghanasāragauragātra pracurajaṭājūṭabaddhagaṅga vibho |
sāmba sadāśiva śambho śaṅkara śaraṇaṃ me tava caraṇayugam || 19 ||
jñaptiḥ sarvaśarīreṣvakhaṇḍitā yā vibhāti sā tvaṃ bho |
sāmba sadāśiva śambho śaṅkara śaraṇaṃ me tava caraṇayugam || 20 ||
capalaṃ mama hṛdayakapiṃ viṣayadrucaraṃ dṛḍhaṃ badhāna vibho |
sāmba sadāśiva śambho śaṅkara śaraṇaṃ me tava caraṇayugam || 21 ||
chāyā sthāṇorapi tava tāpaṃ namatāṃ haratyaho śiva bho |
sāmba sadāśiva śambho śaṅkara śaraṇaṃ me tava caraṇayugam || 22 ||
jaya kailāsanivāsa pramathagaṇādhīśa bhūsurārcita bho |
sāmba sadāśiva śambho śaṅkara śaraṇaṃ me tava caraṇayugam || 23 ||
jhaṇutakajhaṅkiṇujhaṇutatkiṭataka-śabdairnaṭasi mahānaṭa bho |
sāmba sadāśiva śambho śaṅkara śaraṇaṃ me tava caraṇayugam || 24 ||
jñānaṃ vikṣepāvṛtirahitaṃ kuru me gurustvameva vibho |
sāmba sadāśiva śambho śaṅkara śaraṇaṃ me tava caraṇayugam || 25 ||
ṭaṅkārastava dhanuṣo dalayati hṛdayaṃ dviṣāmaśaniriva bho |
sāmba sadāśiva śambho śaṅkara śaraṇaṃ me tava caraṇayugam || 26 ||
ṭhākṛtiriva tava māyā bahirantaḥ śūnyarūpiṇī khalu bho |
sāmba sadāśiva śambho śaṅkara śaraṇaṃ me tava caraṇayugam || 27 ||
ḍambaramamburuhāmapi dalayatyanaghaṃ tvadaṅghriyugalaṃ bho |
sāmba sadāśiva śambho śaṅkara śaraṇaṃ me tava caraṇayugam || 28 ||
ḍhakkākṣasūtraśūladruhiṇakaroṭīsamullasatkara bho |
sāmba sadāśiva śambho śaṅkara śaraṇaṃ me tava caraṇayugam || 29 ||
ṇākāragarbhiṇī cecchubhadā te śaragatirnṛṇāmiha bho |
sāmba sadāśiva śambho śaṅkara śaraṇaṃ me tava caraṇayugam || 30 ||
tava manvatisañjapataḥ sadyastarati naro hi bhavābdhiṃ bho |
sāmba sadāśiva śambho śaṅkara śaraṇaṃ me tava caraṇayugam || 31 ||
thūtkārastasya mukhe bhūyātte nāma nāsti yasya vibho |
sāmba sadāśiva śambho śaṅkara śaraṇaṃ me tava caraṇayugam || 32 ||
dayanīyaśca dayāluḥ ko'sti madanyastvadanya iha vada bho |
sāmba sadāśiva śambho śaṅkara śaraṇaṃ me tava caraṇayugam || 33 ||
dharmasthāpanadakṣa tryakṣa guro dakṣayajñaśikṣaka bho |
sāmba sadāśiva śambho śaṅkara śaraṇaṃ me tava caraṇayugam || 34 ||
nanu tāḍito'si dhanuṣā lubdhadhiyā tvaṃ purā nareṇa vibho |
sāmba sadāśiva śambho śaṅkara śaraṇaṃ me tava caraṇayugam || 35 ||
parimātuṃ tava mūrtiṃ nālamajastatparātparo'si vibho |
sāmba sadāśiva śambho śaṅkara śaraṇaṃ me tava caraṇayugam || 36 ||
phalamiha nṛtayā januṣastvatpadasevā sanātaneśa vibho |
sāmba sadāśiva śambho śaṅkara śaraṇaṃ me tava caraṇayugam || 37 ||
balamārogyaṃ cāyustvadguṇarucitāṃ ciraṃ pradehi vibho |
sāmba sadāśiva śambho śaṅkara śaraṇaṃ me tava caraṇayugam || 38 ||
bhagavanbharga bhayāpaha bhūtapate bhūtibhūṣitāṅga vibho |
sāmba sadāśiva śambho śaṅkara śaraṇaṃ me tava caraṇayugam || 39 ||
mahimā tava na hi māti śrutiṣu himānīdharātmajādhava bho |
sāmba sadāśiva śambho śaṅkara śaraṇaṃ me tava caraṇayugam || 40 ||
yamaniyamādibhiraṅgairyamino hṛdaye bhajanti sa tvaṃ bho |
sāmba sadāśiva śambho śaṅkara śaraṇaṃ me tava caraṇayugam || 41 ||
rajjāvahiriva śuktau rajatamiva tvayi jaganti bhānti vibho |
sāmba sadāśiva śambho śaṅkara śaraṇaṃ me tava caraṇayugam || 42 ||
labdhvā bhavatprasādāccakraṃ vidhuravati lokamakhilaṃ bho |
sāmba sadāśiva śambho śaṅkara śaraṇaṃ me tava caraṇayugam || 43 ||
vasudhātaddharatacchayarathamaurvīśara parākṛtāsura bho |
sāmba sadāśiva śambho śaṅkara śaraṇaṃ me tava caraṇayugam || 44 ||
śarva deva sarvottama sarvada durvṛttagarvaharaṇa vibho |
sāmba sadāśiva śambho śaṅkara śaraṇaṃ me tava caraṇayugam || 45 ||
ṣaḍripuṣaḍūrmiṣaḍvikārahara sanmukha ṣaṇmukhajanaka vibho |
sāmba sadāśiva śambho śaṅkara śaraṇaṃ me tava caraṇayugam || 46 ||
satyaṃ jñānamanantaṃ brahmetyetallakṣaṇalakṣita bho |
sāmba sadāśiva śambho śaṅkara śaraṇaṃ me tava caraṇayugam || 47 ||
hāhāhūhūmukhasuragāyakagītāpadānapadya vibho |
sāmba sadāśiva śambho śaṅkara śaraṇaṃ me tava caraṇayugam || 48 ||
lādirna hi prayogastadantamiha maṅgalaṃ sadāstu vibho |
sāmba sadāśiva śambho śaṅkara śaraṇaṃ me tava caraṇayugam || 49 ||
kṣaṇamiva divasānneṣyati tvatpadasevākṣaṇotsukaḥ śiva bho |
sāmba sadāśiva śambho śaṅkara śaraṇaṃ me tava caraṇayugam || 50 ||
iti śrīmatparamahaṃsaparivrājakācāryasya śrīgovindabhagavatpūjyapādaśiṣyasya śrīmacchaṅkarabhagavataḥ kṛtau suvarṇamālā stutiḥ sampūrṇā ||
InfoLyter.in — Sacred Vedic Knowledge Portal · Free forever