Shiva Shadakshari Stotram

ॐ

శివ షడక్షరీ స్తోత్రమ్

Shiva Stotram Telugu

॥ఓం ఓం॥

ఓఙ్కారబిన్దు సంయుక్తం నిత్యం ధ్యాయన్తి యోగినః ।

కామదం మోక్షదం తస్మాదోఙ్కారాయ నమోనమః ॥ 1 ॥

॥ఓం నం॥

నమన్తి మునయః సర్వే నమన్త్యప్సరసాం గణాః ।

నరాణామాదిదేవాయ నకారాయ నమోనమః ॥ 2 ॥

॥ఓం మం॥

మహాతత్వం మహాదేవ ప్రియం జ్ఞానప్రదం పరమ్ ।

మహాపాపహరం తస్మాన్మకారాయ నమోనమః ॥ 3 ॥

॥ఓం శిం॥

శివం శాన్తం శివాకారం శివానుగ్రహకారణమ్ ।

మహాపాపహరం తస్మాచ్ఛికారాయ నమోనమః ॥ 4 ॥

॥ఓం వాం॥

వాహనం వృషభోయస్య వాసుకిః కణ్ఠభూషణమ్ ।

వామే శక్తిధరం దేవం వకారాయ నమోనమః ॥ 5 ॥

॥ఓం యం॥

యకారే సంస్థితో దేవో యకారం పరమం శుభమ్ ।

యం నిత్యం పరమానన్దం యకారాయ నమోనమః ॥ 6 ॥

షడక్షరమిదం స్తోత్రం యః పఠేచ్ఛివ సన్నిధౌ ।

తస్య మృత్యుభయం నాస్తి హ్యపమృత్యుభయం కుతః ॥

శివశివేతి శివేతి శివేతి వా

భవభవేతి భవేతి భవేతి వా ।

హరహరేతి హరేతి హరేతి వా

భజమనశ్శివమేవ నిరన్తరమ్ ॥

ఇతి శ్రీమత్పరమహంస పరివ్రాజకాచార్య

శ్రీమచ్ఛఙ్కరభగవత్పాదపూజ్యకృత శివషడక్షరీస్తోత్రం సమ్పూర్ణమ్ ।

Roman (IAST) Transliteration

||oṃ oṃ||

oṅkārabindu saṃyuktaṃ nityaṃ dhyāyanti yoginaḥ |

kāmadaṃ mokṣadaṃ tasmādoṅkārāya namonamaḥ || 1 ||

||oṃ naṃ||

namanti munayaḥ sarve namantyapsarasāṃ gaṇāḥ |

narāṇāmādidevāya nakārāya namonamaḥ || 2 ||

||oṃ maṃ||

mahātatvaṃ mahādeva priyaṃ jñānapradaṃ param |

mahāpāpaharaṃ tasmānmakārāya namonamaḥ || 3 ||

||oṃ śiṃ||

śivaṃ śāntaṃ śivākāraṃ śivānugrahakāraṇam |

mahāpāpaharaṃ tasmācchikārāya namonamaḥ || 4 ||

||oṃ vāṃ||

vāhanaṃ vṛṣabhoyasya vāsukiḥ kaṇṭhabhūṣaṇam |

vāme śaktidharaṃ devaṃ vakārāya namonamaḥ || 5 ||

||oṃ yaṃ||

yakāre saṃsthito devo yakāraṃ paramaṃ śubham |

yaṃ nityaṃ paramānandaṃ yakārāya namonamaḥ || 6 ||

ṣaḍakṣaramidaṃ stotraṃ yaḥ paṭhecchiva sannidhau |

tasya mṛtyubhayaṃ nāsti hyapamṛtyubhayaṃ kutaḥ ||

śivaśiveti śiveti śiveti vā

bhavabhaveti bhaveti bhaveti vā |

harahareti hareti hareti vā

bhajamanaśśivameva nirantaram ||

iti śrīmatparamahaṃsa parivrājakācārya

śrīmacchaṅkarabhagavatpādapūjyakṛta śivaṣaḍakṣarīstotraṃ sampūrṇam |