6.62 Yuddhakanda - Dvishashtitama Sargah

ॐ

6.62 யுத்தகாண்ட - த்விஷஷ்டிதம ஸர்கஃ

Valmiki Tamil

ஶ்ரீமத்வால்மீகீய ராமாயணே யுத்தகாண்டம் ।

அத த்விஷஷ்டிதமஸ்ஸர்கஃ ।

ஸ துராக்ஷஸஶார்தூலோநித்ராமதஸமாகுலஃ ।

ராஜமார்கம்ஶ்ரியாஜுஷ்டம்யயௌவிபுலவிக்ரமஃ ॥ 1 ॥

ராக்ஷஸாநாம்ஸஹஸ்ரைஶ்சவ்ரு'தஃபரமதுர்ஜயஃ ।

க்ரு'ஹேப்யஃபுஷ்பவர்ஷேணகீர்யமாணஸ்ததாயயௌ ॥ 2 ॥

ஸ ஹேமஜாலவிததம்பாநுபாஸ்வரதர்ஶநம் ।

ததர்ஶவிபுலம்ரம்யம்ராக்ஷஸேந்த்ரநிவேஶநம் ॥ 3 ॥

ஸ தத்ததா ஸூர்ய இவாப்ரஜாலம் ।

ப்ரவிஶ்ய ரக்ஷோதிபதேர்நிவேஶநம் ।

ததர்ஶ தூரேऽக்ரஜமாஸநஸ்தம் ।

ஸ்வயம்புவம் ஶக்ர இவாஸநஸ்தம் ॥ 4 ॥

ப்ராதுஸ்ஸபவநங்கச்சந்ரக்ஷோகணஸமந்விம் ।

கும்பகர்ணஃபதந்யாஸைரகம்பயதமேதிநீம் ॥ 5 ॥

ஸோऽபிகம்யக்ரு'ஹம்ப்ராதுஃகக்ஷ்யாமபிவிகாஹ்ய ச ।

ததர்ஶோத்விகந்நமாஸீநம்விமாநேபுஷ்பகேகுரும் ॥ 6 ॥

அதத்ரு'ஷ்டவாதஶக்ரீவஃகும்பகர்ணமுபஸ்திதம் ।

தூர்ணமுத்தாயஸம்ஹ்ரு'ஷ்டஃஸந்நிகர்ஷமுபாநயத் ॥ 7 ॥

அதாஸீநஸ்யபர்யங்கேகும்பகர்ணோமஹாபலஃ ।

ப்ராதுர்வவந்தேசரணௌகிங்க்ரு'த்யமிதிசாப்ரவீத் ॥ 8 ॥

உத்பத்யசைநம்முதிதோராவணஃபரிஷஸ்வஜே ।

ஸ ப்ராத்ராஸம்பரிஷ்வக்தோயதாவச்சாபிநந்திதஃ ॥ 9 ॥

கும்பகர்ணஶ்ஶுபந்திவ்யம்ப்ரதிபேதேவராஸநம் ।

ஸ ததாஸநமாஶ்ரித்யகும்பகர்ணோமஹாபலஃ ॥ 10 ॥

ஸம்ரக்தநயநஃக்ரோதாத்ராவணம்வாக்யமப்ரவீத் ।

கிமர்தமஹமாத்ரு'த்யத்வயாராஜந்விபோதிதஃ ॥ 11 ॥

ஶம்ஸகஸ்மாத்பயந்தேऽத்ரகோऽத்யப்ரேதோபவிஷ்யதி ।

ப்ராதரம்ராவணஃக்ருத்தங்கும்பகர்ணமவஸ்திதம் ॥ 12 ॥

ஈஷத்துபரிவ்ரு'த்தாப்யாந்நேத்ராப்யாம்வாக்யமப்ரவீத் ।

அத்யதேஸுமஹாந்காலஶ்ஶயாநஸ்யமஹாபல ॥ 13 ॥

ஸுகிதஸ்த்வம் ந ஜாநீஷேமமராமக்ரு'தம்பயம் ।

ஏஷதாஶரதீராமஃஸுக்ரீவஸஹிதோபலீ ॥ 14 ॥

ஸமுத்ரம்ஸபலஸ்தீர்த்வாமூலந்நஃபரிக்ரு'ந்ததி ।

ஹந்தபஶ்யஸ்வலங்காயாவநாந்யுபவநாநி ச ॥ 15 ॥

ஸேதுநாஸுகமாகம்யவாநரைகார்ணவீக்ரு'தம் ।

யேராக்ஷஸாமுக்யதமாஹதாஸ்தேவாநரைர்யுதி ॥ 16 ॥

வாநராணாங்க்ஷயம்யுத்தே ந பஶ்யாமிகதாசந ।

நசாபிவாநராயுத்தேஜிதபூர்வாஃகதாசந ॥ 17 ॥

ததேதத்பயமுத்பந்நந்த்ராயஸ்வேமாம்மஹபல ।

நாஶயத்வமிமாநத்யததர்தம்போதிதோபவாந் ॥ 18 ॥

ஸர்வக்ஷபிதகோஶம் ச ஸ த்வமப்யவபத்யமாம் ।

த்ராயஸ்வேமாம்புரீம்லங்காம்பாலவ்ரு'த்தாவஶேஷிதாம் ॥ 19 ॥

ப்ராதுரர்தேமஹாபாஹோ குருகர்மஸுதுஷ்கரம் ।

மயைவந்நோக்தபூர்வோஹிகஶ்சித்ப்ராதஃ பரந்தப ॥ 20 ॥

த்வய்யஸ்திமமஸ்நேஹஃபராஸம்பாவநா ச மே ।

தைவாஸுரேஷுயுத்தேஷுபஹுஶோராக்ஷஸர்ஷப ॥ 21 ॥

த்வயாதேவாஃப்ரதிவ்யூஹ்யநிர்ஜிதாஶ்சாஸுராயுதி ।

ததேதத்ஸர்வமாதிஷ்டவீர்யம்பீமபராக்ரம ॥ 22 ॥

ந ஹி தே ஸர்வபூதேஷு த்ரு'ஶ்யதே ஸத்ரு'ஶோ பலீ ।

குருஷ்வ மே ப்ரியஹிதமேததுத்தமம் ।

யதாப்ரியம் ப்ரியரண பாந்தவப்ரிய ।

ஸ்வதேஜஸா விதம ஸபத்நவாஹிநீம் ।

ஶரத்கநம் பவந இவோத்யதோ மஹாந் ॥ 23 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே த்விஷஷ்டிதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha dviṣaṣṭitamassargaḥ |

sa turākṣasaśārdūlonidrāmadasamākulaḥ |

rājamārgaṃśriyājuṣṭaṃyayauvipulavikramaḥ || 1 ||

rākṣasānāṃsahasraiścavṛtaḥparamadurjayaḥ |

gṛhebhyaḥpuṣpavarṣeṇakīryamāṇastadāyayau || 2 ||

sa hemajālavitatambhānubhāsvaradarśanam |

dadarśavipulaṃramyaṃrākṣasendraniveśanam || 3 ||

sa tattadā sūrya ivābhrajālam |

praviśya rakṣodhipaterniveśanam |

dadarśa dūre'grajamāsanastham |

svayambhuvaṃ śakra ivāsanastham || 4 ||

bhrātussabhavanaṅgacchanrakṣogaṇasamanvim |

kumbhakarṇaḥpadanyāsairakampayatamedinīm || 5 ||

so'bhigamyagṛhambhrātuḥkakṣyāmabhivigāhya ca |

dadarśodvigannamāsīnaṃvimānepuṣpakegurum || 6 ||

athadṛṣṭavādaśagrīvaḥkumbhakarṇamupasthitam |

tūrṇamutthāyasaṃhṛṣṭaḥsannikarṣamupānayat || 7 ||

athāsīnasyaparyaṅkekumbhakarṇomahābalaḥ |

bhrāturvavandecaraṇaukiṅkṛtyamiticābravīt || 8 ||

utpatyacainammuditorāvaṇaḥpariṣasvaje |

sa bhrātrāsampariṣvaktoyathāvacchābhinanditaḥ || 9 ||

kumbhakarṇaśśubhandivyampratipedevarāsanam |

sa tadāsanamāśrityakumbhakarṇomahābalaḥ || 10 ||

saṃraktanayanaḥkrodhādrāvaṇaṃvākyamabravīt |

kimarthamahamādṛtyatvayārājanvibodhitaḥ || 11 ||

śaṃsakasmādbhayante'trako'dyapretobhaviṣyati |

bhrātaraṃrāvaṇaḥkruddhaṅkumbhakarṇamavasthitam || 12 ||

īṣattuparivṛttābhyānnetrābhyāṃvākyamabravīt |

adyatesumahānkālaśśayānasyamahābala || 13 ||

sukhitastvaṃ na jānīṣemamarāmakṛtambhayam |

eṣadāśarathīrāmaḥsugrīvasahitobalī || 14 ||

samudraṃsabalastīrtvāmūlannaḥparikṛntati |

hantapaśyasvalaṅkāyāvanānyupavanāni ca || 15 ||

setunāsukhamāgamyavānaraikārṇavīkṛtam |

yerākṣasāmukhyatamāhatāstevānarairyudhi || 16 ||

vānarāṇāṅkṣayaṃyuddhe na paśyāmikadācana |

nacāpivānarāyuddhejitapūrvāḥkadācana || 17 ||

tadetadbhayamutpannantrāyasvemāmmahabala |

nāśayatvamimānadyatadarthambodhitobhavān || 18 ||

sarvakṣapitakośaṃ ca sa tvamabhyavapadyamām |

trāyasvemāmpurīṃlaṅkāmbālavṛddhāvaśeṣitām || 19 ||

bhrāturarthemahābāho kurukarmasuduṣkaram |

mayaivannoktapūrvohikaścidbhrātaḥ parantapa || 20 ||

tvayyastimamasnehaḥparāsambhāvanā ca me |

daivāsureṣuyuddheṣubahuśorākṣasarṣabha || 21 ||

tvayādevāḥprativyūhyanirjitāścāsurāyudhi |

tadetatsarvamātiṣṭhavīryambhīmaparākrama || 22 ||

na hi te sarvabhūteṣu dṛśyate sadṛśo balī |

kuruṣva me priyahitametaduttamam |

yathāpriyaṃ priyaraṇa bāndhavapriya |

svatejasā vidhama sapatnavāhinīm |

śaradghanaṃ pavana ivodyato mahān || 23 ||

ityārṣe śrīmadrāmāyaṇe vālmīkīya ādikāvye yuddhakāṇḍe dviṣaṣṭitamassargaḥ ||