6.48 Yuddhakanda - Ashtachatvarimsha Sargah

ॐ

6.48 யுத்தகாண்ட - அஷ்டசத்வாரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே யுத்தகாண்டம் ।

அத அஷ்டசத்வாரிம்ஶஸ்ஸர்கஃ ।

பர்தாரந்நிஹதந்த்ரு'ஷ்டவாலக்ஷ்மணஞ்சமஹாபலம் ।

விலலாபப்ரு'ஶம்ஸீதாகருணம்ஶோககர்ஶிதா ॥ 1 ॥

ஊசுர்லக்ஷணிகாயேமாம்புத்ரிண்யவிதவேதிச ।

தேऽத்யஸர்வேஹதேராமேஜ்ஞாநிநோऽந்ரு'தவாதிநஃ ॥ 2 ॥

யஜ்வநோமஹிஷீம்யேமாமூசுஃபத்நீஞ்சஸத்த்ரிணஃ ।

தேऽத்யஸர்வேஹதேராமேஜ்ஞாநிநோऽந்ரு'தவாதிநஃ ॥ 3 ॥

ஊசுஸ்ஸம்ஶ்ரவணேயேமாந்த்விஜாஃகார்தாந்திகாஶ்ஶுபாம் ।

தேऽத்யஸர்வேஹதேராமேஜ்ஞாநிநோऽந்ரு'தவாதிநஃ ॥ 4 ॥

வீரபார்திவபத்நீத்வாம்யேவிதுர்பர்த்ரு'பூஜிதாம் ।

தேऽத்யஸர்வேஹதேராமேஜ்ஞாநிநோऽந்ரு'தவாதிநஃ ॥ 5 ॥

இமாநிகலுபத்மாநிபாதயோர்யைஃகுலஸ்த்ரியஃ ।

அதிராஜ்யேऽபிஷிச்யந்தேநரேந்த்ரைஃபதிபிஃஸஹ ॥ 6 ॥

வைதவ்யம்யாந்தியைர்நார்யோऽலக்ஷணைர்பாக்யதுர்லபாஃ ।

நாத்மநந்தாநிபஶ்யாமிபஶ்யந்தீஹதலக்ஷணா ॥ 7 ॥

ஸத்யநாமாநிபத்மாநிஸ்த்ரீணாமுக்தாநிலக்ஷணைஃ ।

தாந்யத்யநிஹதேராமேவிததாநிபவந்திமே ॥ 8 ॥

கேஶாஹ் ஸூக்ஷ்மாஹ் ஸமா நீலா ப்ருவௌ ச அஸம்கதே மம ।

வ்ரு'த்தே ச அலோமஶே ஜந்கே தந்தாஶ் ச அவிரலா மம ॥ 9 ॥

ஶங்கேநேத்ரேகரௌபாதௌகுல்பாவூரூசமேசிதௌ ।

அநுவ்ரு'த்தநகாஸ்ஸ்நிக்தாஸ்ஸமாஶ்சாங்குலயோமம ॥ 10 ॥

ஸ்தநௌ ச அவிரலௌ பீநௌ மம இமௌ மக்ந சூசுகௌ ।

மக்நா ச உத்ஸந்கிநீ நாபிஹ் பார்ஶ்வ உரஸ்கம் ச மே சிதம் ॥ 11 ॥

மமவர்ணோமணிநிபோம்ரு'தூந்யங்கருஹாணிச ।

ப்ரதிஷ்டிதாந்த்வாதஶபிர்மாமூசுஶ்ஶுபலக்ஷணாம் ॥ 12 ॥

ஸமக்ரயவமச்ச்ரித்ரபாணிபாதஞ்சவர்ணவத் ।

மந்தஸ்மிதேத்யேவசமாங்கந்யாலாக்ஷணிநோத்விஜாஃ ॥ 13 ॥

ஆதிராஜ்யேऽபிஷேகோமேப்ராஹ்மணைஃபதிநாஸஹ ।

க்ரு'தாந்தகுஶலைருக்தந்தத்ஸர்வம்விததீக்ரு'தம் ॥ 14 ॥

ஶோதயித்வாஜநஸ்தாநம்ப்ரவ்ரு'ததிமுபலப்யச ।

தீர்த்வாஸாகரமக்ஷோப்யம்ப்ராதரௌகோஷ்பதேஹதௌ ॥ 15 ॥

நநுவாருணமாக்நேயமைந்த்ரம்வாயவ்யமேவச ।

அஸ்த்ரம்ப்ரஹ்மஶிரஶ்சைவப்ரத்யபத்யதாம் ॥ 16 ॥

அத்ரு'ஶ்யமாநேநரணேமாயயாவாஸவோபமௌ ।

மமநாதாவநாதாயாநிஹதௌராமலக்ஷ்மணௌ ॥ 17 ॥

நஹித்ரு'ஷ்டிபதம்ப்ராப்யராகவஸ்யரணேரிபுஃ ।

ஜீவந்ப்ரந்திவர்தேதயத்யபிஸ்யாந்மநோஜவஃ ॥ 18 ॥

நகலஸ்யாதிபாரோऽஸ்திக்ரு'தாந்தஶ்சஸுதுர்ஜயஃ ।

யத்ரராமஃஸஹப்ராத்ராஶேதேயுதிநிபாதிதஃ ॥ 19 ॥

நஶோசாமிததாராமம்லக்ஷ்மணஞ்சமஹாரதம் ।

வாத்மாநஞ்ஜநநீஞ்சாபியதாஶ்வஶ்ரூந்தபஸ்விநீம் ॥ 20 ॥

ஸாதுசிந்தயதேநித்யம்ஸமாப்தவ்ரதமாகதம் ।

கதாத்ரக்ஷ்யாமிஸீதாஞ்சலக்ஷ்மணஞ்சஸராகவம் ॥ 21 ॥

பரிதேவயமாநாந்தாம்ராக்ஷஸீத்ரிஜடாப்ரவீத் ।

மாவிஷாதங்க்ரு'தாதேவீ பர்தாऽயந்தவஜீவதி ॥ 22 ॥

காரணாநிசவக்ஷ்யாமிமஹாந்திஸத்ரு'ஶாநிச ।

யதேமௌஜீவதோதேவீப்ராதரௌராமலக்ஷ்மணௌ ॥ 23 ॥

நஹிகோபபரீதாநிஹர்ஷபர்யுத்ஸுகாநிச ।

பவந்தியுதியோதாநாம்முகாநிநிஹதேபதௌ ॥ 24 ॥

இதம்விமாநம்வைதேஹீ புஷ்பகந்நாமநாமதஃ ।

திவ்யந்த்வாந்தாரயந்நைவம்யத்யேதௌகதஜீவிதௌ ॥ 25 ॥

ஹதவீரப்ரதாநாஹிகதோத்ஸாஹாநிருத்யமா ।

ஸேநாப்ரமதிஸங் க்யேஷுஹதகர்ணேவநௌர்ஜலே ॥ 26 ॥

இயம்புநரஸம்ப்ராந்தாநிருத்விக்நாதரஸ்விநீ ।

ஸேநாரக்ஷதிகாகுத்ஸ்தௌமயாப்ரீத்யாநிவேதிதௌ ॥ 27 ॥

ஸாத்வம்பவஸுவிஸ்ரப்தாஅநுமாநைஸ்ஸுகோதயைஃ ।

அஹதௌபஶ்யகாகுத்ஸ்தௌஸ்நேஹாதேதத்ப்ர்ரவீமிதே ॥ 28 ॥

அந்ரு'தந்நோக்தபூர்வம்மேநசவக்ஷ்யேகதாசந ।

சாரித்ரஸுகஶீலத்வாத் ப்ரவிஷ்டாஅஸிமநஃமம ॥ 29 ॥

நேமௌஶக்யாரணேஜேதும்ஸேந்த்ரைரபிஸுராஸுரைஃ ।

தாத்ரு'ஶந்தர்ஶநந்த்ரு'ஷ்டவாமயாசாவேதிதந்தவ ॥ 30 ॥

இதஞ்சஸுமஹசசித்ரம்ஶரைஃபஶ்யஸ்வமைதிலி ।

நிஸ்ஸஞ்ஜ்ஞாவப்யுபாவேதௌநைவலக்ஷ்மீர்விமுஞ்சதி ॥ 31 ॥

ப்ராயேணகதஸத்த்வாநாம்புருஷாணாங்கதாயுஷாம் ।

த்ரு'ஶ்யமாநேஷுவக்த்ரேஷுபரம்பவதிவைக்ரு'தம் ॥ 32 ॥

த்யஜஶோகஞ்சமோஹஞ்சதுஃகஞ்சஜநகாத்மஜே ।

ராமலக்ஷ்மணயோரர்தேநாத்யஶக்யமஜீவிதும் ॥ 33 ॥

ஶுத்வாதுவசநந்தஸ்யாஃஸீதாஸுரஸுதோபமா ।

க்ரு'தாஞ்ஜலிருவாசேமாமேவமஸ்த்விதிமைதிலி ॥ 34 ॥

விமாநம்புஷ்பகந்தத்துஸந்நிவர்த்யமநோஜவம் ।

தீநாத்ரிஜடயாஸீதாலங்காமேவப்ரவேஶிதா ॥ 35 ॥

ததஸ்த்ரிஜடயாஸார்தம்புஷ்பகாதவருஹ்யஸா ।

அஶோகவநிகாமேவராக்ஷஸீபிஃப்ரவேஶிதா ॥ 36 ॥

ப்ரவிஶ்யஸீதாபஹுவ்ரு'க்ஷஷண்டாந்தாம்ராக்ஷஸேந்த்ரஸ்யவிஹாரபூமிம் ।

ஸம்ப்ரேக்ஷ்யஸஞ்சிந்த்யசராஜபுத்ரௌபரம்விஷாதம்ஸமுபாஜகாம ॥ 37 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே அஷ்டசத்வாரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha aṣṭacatvāriṃśassargaḥ |

bhartārannihatandṛṣṭavālakṣmaṇañcamahābalam |

vilalāpabhṛśaṃsītākaruṇaṃśokakarśitā || 1 ||

ūcurlakṣaṇikāyemāmputriṇyavidhavetica |

te'dyasarvehaterāmejñānino'nṛtavādinaḥ || 2 ||

yajvanomahiṣīṃyemāmūcuḥpatnīñcasattriṇaḥ |

te'dyasarvehaterāmejñānino'nṛtavādinaḥ || 3 ||

ūcussaṃśravaṇeyemāndvijāḥkārtāntikāśśubhām |

te'dyasarvehaterāmejñānino'nṛtavādinaḥ || 4 ||

vīrapārthivapatnītvāṃyevidurbhartṛpūjitām |

te'dyasarvehaterāmejñānino'nṛtavādinaḥ || 5 ||

imānikhalupadmānipādayoryaiḥkulastriyaḥ |

adhirājye'bhiṣicyantenarendraiḥpatibhiḥsaha || 6 ||

vaidhavyaṃyāntiyairnāryo'lakṣaṇairbhāgyadurlabhāḥ |

nātmanantānipaśyāmipaśyantīhatalakṣaṇā || 7 ||

satyanāmānipadmānistrīṇāmuktānilakṣaṇaiḥ |

tānyadyanihaterāmevitathānibhavantime || 8 ||

keśāh sūkṣmāh samā nīlā bhruvau ca asamgate mama |

vṛtte ca alomaśe janghe dantāś ca aviralā mama || 9 ||

śaṅkhenetrekaraupādaugulphāvūrūcamecitau |

anuvṛttanakhāssnigdhāssamāścāṅgulayomama || 10 ||

stanau ca aviralau pīnau mama imau magna cūcukau |

magnā ca utsanginī nābhih pārśva uraskaṃ ca me citam || 11 ||

mamavarṇomaṇinibhomṛdūnyaṅgaruhāṇica |

pratiṣṭhitāndvādaśabhirmāmūcuśśubhalakṣaṇām || 12 ||

samagrayavamacchridrapāṇipādañcavarṇavat |

mandasmitetyevacamāṅkanyālākṣaṇinodvijāḥ || 13 ||

ādhirājye'bhiṣekomebrāhmaṇaiḥpatināsaha |

kṛtāntakuśalairuktantatsarvaṃvitathīkṛtam || 14 ||

śodhayitvājanasthānampravṛtatimupalabhyaca |

tīrtvāsāgaramakṣobhyambhrātaraugoṣpadehatau || 15 ||

nanuvāruṇamāgneyamaindraṃvāyavyamevaca |

astrambrahmaśiraścaivapratyapadyatām || 16 ||

adṛśyamānenaraṇemāyayāvāsavopamau |

mamanāthāvanāthāyānihataurāmalakṣmaṇau || 17 ||

nahidṛṣṭipathamprāpyarāghavasyaraṇeripuḥ |

jīvanprantivartetayadyapisyānmanojavaḥ || 18 ||

nakalasyātibhāro'stikṛtāntaścasudurjayaḥ |

yatrarāmaḥsahabhrātrāśeteyudhinipātitaḥ || 19 ||

naśocāmitathārāmaṃlakṣmaṇañcamahāratham |

vātmānañjananīñcāpiyathāśvaśrūntapasvinīm || 20 ||

sātucintayatenityaṃsamāptavratamāgatam |

kadādrakṣyāmisītāñcalakṣmaṇañcasarāghavam || 21 ||

paridevayamānāntāṃrākṣasītrijaṭābravīt |

māviṣādaṅkṛthādevī bhartā'yantavajīvati || 22 ||

kāraṇānicavakṣyāmimahāntisadṛśānica |

yathemaujīvatodevībhrātaraurāmalakṣmaṇau || 23 ||

nahikopaparītāniharṣaparyutsukānica |

bhavantiyudhiyodhānāmmukhāninihatepatau || 24 ||

idaṃvimānaṃvaidehī puṣpakannāmanāmataḥ |

divyantvāndārayannaivaṃyadyetaugatajīvitau || 25 ||

hatavīrapradhānāhigatotsāhānirudyamā |

senābhramatisaṅ khyeṣuhatakarṇevanaurjale || 26 ||

iyampunarasambhrāntānirudvignātarasvinī |

senārakṣatikākutsthaumayāprītyāniveditau || 27 ||

sātvambhavasuvisrabdhāanumānaissukhodayaiḥ |

ahataupaśyakākutsthausnehādetadbrravīmite || 28 ||

anṛtannoktapūrvammenacavakṣyekadācana |

cāritrasukhaśīlatvāt praviṣṭāasimanaḥmama || 29 ||

nemauśakyāraṇejetuṃsendrairapisurāsuraiḥ |

tādṛśandarśanandṛṣṭavāmayācāveditantava || 30 ||

idañcasumahacacitraṃśaraiḥpaśyasvamaithili |

nissañjñāvapyubhāvetaunaivalakṣmīrvimuñcati || 31 ||

prāyeṇagatasattvānāmpuruṣāṇāṅgatāyuṣām |

dṛśyamāneṣuvaktreṣuparambhavativaikṛtam || 32 ||

tyajaśokañcamohañcaduḥkhañcajanakātmaje |

rāmalakṣmaṇayorarthenādyaśakyamajīvitum || 33 ||

śutvātuvacanantasyāḥsītāsurasutopamā |

kṛtāñjaliruvācemāmevamastvitimaithili || 34 ||

vimānampuṣpakantattusannivartyamanojavam |

dīnātrijaṭayāsītālaṅkāmevapraveśitā || 35 ||

tatastrijaṭayāsārthampuṣpakādavaruhyasā |

aśokavanikāmevarākṣasībhiḥpraveśitā || 36 ||

praviśyasītābahuvṛkṣaṣaṇḍāntāṃrākṣasendrasyavihārabhūmim |

samprekṣyasañcintyacarājaputrauparaṃviṣādaṃsamupājagāma || 37 ||

ityārṣe śrīmadrāmāyaṇe vālmīkīya ādikāvye yuddhakāṇḍe aṣṭacatvāriṃśassargaḥ ||