6.29 Yuddhakanda - Ekonatrimsha Sargah

ॐ

6.29 யுத்தகாண்ட - ஏகோநத்ரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே யுத்தகாண்டம் ।

அத ஏகோநத்ரிம்ஶஸ்ஸர்கஃ ।

ஶுகேநதுஸமாக்யாதாந்த்ரு'ஷ்ட்வாஸஹரியூதபாந் ।

ஸமீபஸ்தஞ்சராமஸ்யப்ராதரம்ஸ்வம்விபீஷணம் ॥ 1 ॥

லக்ஷ்மணஞ்சமஹாவீர்யம்புஜம்ராமஸ்யதக்ஷிணம் ।

ஸர்வவாநரராஜஞ்சஸுக்ரீவம்பீமவிக்ரமம் ॥ 2 ॥

அங்கதஞ்சாபிபலிநம்வஜ்ரஹஸ்தாத்மஜாத்மஜம் ।

ஹநூமந்தஞ்சவிக்ராந்தஞ்ஜாம்பவந்தஞ்சதுர்ஜயம் ॥ 3 ॥

ஸுஷேணங்குமுதந்நீலந்நலஞ்சப்லவகர்ஷபம் ।

கஜங்கவாக்ஷம்ஶரபம்மைந்தஞ்சத்விவிதந்ததா ॥ 4 ॥

கிஞ்சிதாவிக்நஹ்ரு'தயோஜாதக்ரோதஶ்சராவணஃ ।

பர்த்ஸயாமாஸதௌவீரௌகதாந்தேஶுகஸாரணௌ ॥ 5 ॥

அதோமுகௌதௌப்ரணதாவப்ரவீச்சுகஸாரணௌ ।

ரோஷகத்கதயாவாசாஸம்ரப்தம்பருஷம்வசஃ ॥ 6 ॥

நதாவத்ஸத்ரு'ஶந்நாமஸசிவைருபஜீவிபிஃ ।

விப்ரியந்ந்ரு'பதேர்வக்துந்நிக்ரஹேப்ரக்ரஹேப்ரபோஃ ॥ 7 ॥

ரிபூணாம்ப்ரதிகூலாநாம்யுத்தார்தமபிவர்ததாம் ।

உபாப்யாம்ஸத்ரு'ஶந்நாமவக்துமப்ரஸ்தவேஸ்தவம் ॥ 8 ॥

ஆசார்யாகுரவோவ்ரு'த்தாவ்ரு'தாவாம்பர்யுபாஸிதாஃ ।

ஸாரம்யத்ராஜஶாஸ்த்ராணாமநுஜீவ்யந்நக்ரு'ஹ்யதே ॥ 9 ॥

க்ரு'ஹீதோவாநவிஜ்ஞாதோபாரோऽஜ்ஞாநஸ்யவாஹ்யதே ।

ஈத்ரு'ஶைஃ ஸசிவைர்யுக்தோமூர்கைர்திஷ்ட்யதராம்யஹம் ॥ 10 ॥

கிந்நும்ரு'த்யோர்பயந்நாஸ்திவக்தும்மாம்பருஷம்வசஃ ।

யஸ்யமேஶாஸதோஜிஹ்வாப்ரயச்சதிஶுபாஶுபம் ॥ 11 ॥

அப்யேவதஹநம்ஸ்ப்ரு'ஷ்டவாவநேதிஷ்டந்திபாதபாஃ ।

ராஜதோஷபராம்ரு'ஷ்டாஸ்திஷ்டந்தேநாபராதிநஃ ॥ 12 ॥

ஹந்யாமஹந்த்விமௌபாபௌஶத்ருபக்ஷப்ரஶம்ஸகௌ ।

யதிபூர்வோபகாரைஸ்துநக்ரோதோம்ரு'துதாம்வ்ரஜேத் ॥ 13 ॥

அபத்வம்ஸத கச்சத்வம் ஸம்நிகர்ஷாத் இதோ மம ।

ந ஹி வாம் ஹந்தும் இச்சாமி ஸ்மரந்ந் உபக்ரு'தாநி வாம் ॥ 14 ॥

ஹதாவ் ஏவ க்ரு'தக்நௌ தௌ மயி ஸ்நேஹ பராந் முகௌ ।

ஏவம் உக்தௌ து ஸவ்ரீடௌ தாவ் உபௌ ஶுக ஸாரணௌ ॥ 15 ॥

அப்ரவீத்ஸதஶக்ரீவஃ ஸமீபஸ்தம்மஹோதரம் ।

உபஸ்தாபயமேஶீக்ரஞ்சாராந்நீதிவிஶாரதாந் ॥ 16 ॥

மஹோதரஸ்ததோக்தஸ்துஶீக்ரமாஜ்ஞாபயச்சராந் ॥ 17 ॥

ததஶ்சாராஸ்ஸந்த்வரிதாஃப்ராப்தாஃபார்திவஶாஸநாத் ।

உபஸ்திதாஃப்ராஞ்ஜலயோவர்தயித்வாஜயஶிஷாஃ ॥ 18 ॥

தாநப்ரவீத்ததோவாக்யம்ராவணோராக்ஷஸாதிபஃ ।

சாராந்ப்ரத்யாயிதாந் ஶூராந்பக்தாந்விகதஸாத்வஸாந் ॥ 19 ॥

இதோகச்சதராமஸ்யவ்யவஸாயம்பரீக்ஷத ।

மந்த்ரிஷ்வப்யந்தராயேऽஸ்யப்ரீத்யாதேநஸமாகதாஃ ॥ 20 ॥

கதம்ஸ்வபிதிஜாகர்திகிமந்யச்சகரிஷ்யதி ।

விஜ்ஞாயநிபுணம்ஸர்வமாகந்தவ்யமஶேஷதஃ ॥ 21 ॥

சாரேணவிதிதஶ்ஶத்ருஃபண்டிதைர்வஸுதாதிபைஃ ।

யுத்தேஸ்வல்பேநயத்நேநஸமாஸாத்யநிரஸ்யதே ॥ 22 ॥

சாராஸ்துதேததேத்யுக்த்வாப்ரஹ்ரு'ஷ்டாராக்ஷஸேஶ்வரம் ।

ஶார்தூலமக்ரதஃக்ரு'த்வாததஶ்சக்ருஃப்ரதக்ஷிணம் ॥ 23 ॥

ததஸ்தேதம்மஹாத்மாநஞ்சாராராக்ஷஸஸத்தமம் ।

க்ரு'த்வாப்ரதக்ஷிணஞ்ஜக்முர்யத்ரராமஸ்ஸலக்ஷ்மணஃ ॥ 24 ॥

தேஸுவேலஸ்யஶைலஸ்யஸமீபேராமலக்ஷ்மணௌ ।

ப்ரச்சந்நாதத்ரு'ஶுர்கத்வாஸஸுக்ரீவவிபீஷணௌ ॥ 25 ॥

ப்ரேக்ஷமாணாஶ்சமூந்தாந்துபபூவுர்பயவிக்லபாஃ ।

தேதுதர்மாத்மநாத்ரு'ஷ்டாராக்ஷஸேந்த்ரேணராக்ஷஸா ॥ 26 ॥

விபீஷணேநதத்ரஸ்தாநிக்ரு'ஹீதாயத்ரு'ச்சயா ।

ஶார்தூலோக்ராஹிதஸ்த்வேகஃபாபோऽயமிதிராக்ஷஸஃ ॥ 27 ॥

மோசிதஸ்ஸோऽபிராமேணவத்யமாநஃப்லவங்கமைஃ ।

அந்ரு'ஶம்ஸ்யேநராமேணமோசிதாராக்ஷஸாஃபரே ॥ 28 ॥

வாநரைரர்திதாஸ்தேதுவிக்ராந்தைர்லகுவிக்ரமைஃ ।

புநர்லங்காமநுப்ராப்தாஶ்வஸந்தோநஷ்டசேதஸஃ ॥ 29 ॥

ததோதஶக்ரீவமுபஸ்திதாஸ்தேசாராபஹிர்நித்யசராநிஶாசராஃ ।

கிரேஸ்ஸுவேலஸ்யஸமீபவாஸிநந்ந்யவேதயந்பீமபலம்மஹாபலாஃ ॥ 30 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே ஏகோநத்ரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha ekonatriṃśassargaḥ |

śukenatusamākhyātāndṛṣṭvāsahariyūthapān |

samīpasthañcarāmasyabhrātaraṃsvaṃvibhīṣaṇam || 1 ||

lakṣmaṇañcamahāvīryambhujaṃrāmasyadakṣiṇam |

sarvavānararājañcasugrīvambhīmavikramam || 2 ||

aṅgadañcāpibalinaṃvajrahastātmajātmajam |

hanūmantañcavikrāntañjāmbavantañcadurjayam || 3 ||

suṣeṇaṅkumudannīlannalañcaplavagarṣabham |

gajaṅgavākṣaṃśarabhammaindañcadvividantathā || 4 ||

kiñcidāvignahṛdayojātakrodhaścarāvaṇaḥ |

bhartsayāmāsatauvīraukathānteśukasāraṇau || 5 ||

adhomukhautaupraṇatāvabravīcchukasāraṇau |

roṣagadgadayāvācāsaṃrabdhamparuṣaṃvacaḥ || 6 ||

natāvatsadṛśannāmasacivairupajīvibhiḥ |

vipriyannṛpatervaktunnigrahepragraheprabhoḥ || 7 ||

ripūṇāmpratikūlānāṃyuddhārthamabhivartatām |

ubhābhyāṃsadṛśannāmavaktumaprastavestavam || 8 ||

ācāryāguravovṛddhāvṛthāvāmparyupāsitāḥ |

sāraṃyadrājaśāstrāṇāmanujīvyannagṛhyate || 9 ||

gṛhītovānavijñātobhāro'jñānasyavāhyate |

īdṛśaiḥ sacivairyuktomūrkhairdiṣṭyadharāmyaham || 10 ||

kinnumṛtyorbhayannāstivaktummāmparuṣaṃvacaḥ |

yasyameśāsatojihvāprayacchatiśubhāśubham || 11 ||

apyevadahanaṃspṛṣṭavāvanetiṣṭhantipādapāḥ |

rājadoṣaparāmṛṣṭāstiṣṭhantenāparādhinaḥ || 12 ||

hanyāmahantvimaupāpauśatrupakṣapraśaṃsakau |

yadipūrvopakāraistunakrodhomṛdutāṃvrajet || 13 ||

apadhvaṃsata gaccadhvaṃ samnikarṣād ito mama |

na hi vāṃ hantuṃ iccāmi smarann upakṛtāni vām || 14 ||

hatāv eva kṛtaghnau tau mayi sneha parān mukhau |

evaṃ uktau tu savrīḍau tāv ubhau śuka sāraṇau || 15 ||

abravītsadaśagrīvaḥ samīpasthammahodaram |

upastāpayameśīghrañcārānnītiviśāradān || 16 ||

mahodarastathoktastuśīghramājñāpayaccarān || 17 ||

tataścārāssantvaritāḥprāptāḥpārthivaśāsanāt |

upasthitāḥprāñjalayovardhayitvājayaśiṣāḥ || 18 ||

tānabravīttatovākyaṃrāvaṇorākṣasādhipaḥ |

cārānpratyāyitān śūrānbhaktānvigatasādhvasān || 19 ||

itogacchatarāmasyavyavasāyamparīkṣatha |

mantriṣvabhyantarāye'syaprītyātenasamāgatāḥ || 20 ||

kathaṃsvapitijāgartikimanyaccakariṣyati |

vijñāyanipuṇaṃsarvamāgantavyamaśeṣataḥ || 21 ||

cāreṇaviditaśśatruḥpaṇḍitairvasudhādhipaiḥ |

yuddhesvalpenayatnenasamāsādyanirasyate || 22 ||

cārāstutetathetyuktvāprahṛṣṭārākṣaseśvaram |

śārdūlamagrataḥkṛtvātataścakruḥpradakṣiṇam || 23 ||

tatastetammahātmānañcārārākṣasasattamam |

kṛtvāpradakṣiṇañjagmuryatrarāmassalakṣmaṇaḥ || 24 ||

tesuvelasyaśailasyasamīperāmalakṣmaṇau |

pracchannādadṛśurgatvāsasugrīvavibhīṣaṇau || 25 ||

prekṣamāṇāścamūntāntubabhūvurbhayaviklabāḥ |

tetudharmātmanādṛṣṭārākṣasendreṇarākṣasā || 26 ||

vibhīṣaṇenatatrasthānigṛhītāyadṛcchayā |

śārdūlogrāhitastvekaḥpāpo'yamitirākṣasaḥ || 27 ||

mocitasso'pirāmeṇavadhyamānaḥplavaṅgamaiḥ |

anṛśaṃsyenarāmeṇamocitārākṣasāḥpare || 28 ||

vānarairarditāstetuvikrāntairlaghuvikramaiḥ |

punarlaṅkāmanuprāptāśvasantonaṣṭacetasaḥ || 29 ||

tatodaśagrīvamupasthitāstecārābahirnityacarāniśācarāḥ |

giressuvelasyasamīpavāsinannyavedayanbhīmabalammahābalāḥ || 30 ||

ityārṣe śrīmadrāmāyaṇe vālmīkīya ādikāvye yuddhakāṇḍe ekonatriṃśassargaḥ ||