6.124 Yuddhakanda - Chaturvimshatyadhikashatatama Sargah

ॐ

6.124 யுத்தகாண்ட - சதுர்விம்ஶத்யதிகஶததம ஸர்கஃ

Valmiki Tamil

ஶ்ரீமத்வால்மீகீய ராமாயணே யுத்தகாண்டம் ।

அத சதுர்விம்ஶத்யதிகஶததமஸ்ஸர்கஃ ।

தாம்ராத்ரிமுஷிதம்ராமம்ஸுகோத்திமரிந்தமம் ।

அப்ரவீத்ப்ராஞ்ஜலிர்வாக்யஞ்ஜயம்ப்ரு'ஷ்டவாவிபீஷணஃ ॥ 1 ॥

ஸ்நாநாநிசாங்கராகாணிவஸ்த்ராண்யாபரணாநி ச ।

சந்தநாநி ச திவ்யாநிமால்யாநிவிவிதாநி ச ॥ 2 ॥

அலங்காரவிதஶ்சேமாநார்யஃபத்மநிபேக்ஷணாஃ ।

உபஸ்திதாஸ்த்வாம்விதவத்ஸ்நாபயிஷ்யந்திராகவ ॥ 3 ॥

ஏவமுக்தஸ்துகாகுத்ஸ்தஃ ப்ரத்யுவாசவிபீஷணம் ।

ஹரீந்ஸுக்ரீவமுக்யாம்ஸ்த்வம்ஸ்நாநேநோபநிமந்த்ரய ॥ 4 ॥

ஸ துதாம்யதிதர்மாத்மாமமஹேதோஸ்ஸுகோசிதஃ ।

ஸுகுமாரோமஹாபாஹோகுமாரஃ ஸத்யஸம்ஶ்ரயஃ ॥ 5 ॥

தம்விநாகைகயீபுத்ரம்பரதந்தர்மசாரிணம் ।

ந மேஸ்நாநம்பஹுமதம்வஸ்த்ராண்யாபரணாநி ச ॥ 6 ॥

ஏதத்பஶ்யயதாக்ஷிப்ரம்ப்ரதிகச்சாமதாம்புரீம் ।

அயோத்யாங்கச்சதோஹ்யேஷபந்தாஃபரமதுர்கமஃ ॥ 7 ॥

ஏவமுக்தஸ்துகாகுத்ஸ்தம்ப்ரத்யுவாசவிபீஷணஃ ।

அஹ்நாத்வாம்ப்ராபயிஷ்யாமிதாம்புரீம்பார்திவாத்மஜ ॥ 8 ॥

புஷ்பகந்நாமபத்ரந்தேவிமாநம்ஸூர்யஸந்நிபம் ।

மமப்ராதுஃகுபேரஸ்யராவணேநபலீயஸா ॥ 9 ॥

ஹ்ரு'தந்நிர்ஜித்யஸங்க்ராமேகாமகந்திவ்யமுத்தமம் ।

த்வதர்தம்பாலிதஞ்சேதந்திஷ்டத்யதுலவிக்ரம ॥ 10 ॥

ததிதம்மேகஸங்காஶம்விமாநமிஹதிஷ்டதி ।

தேநயாஸ்யஸியாநேநத்வமயோத்யாங்கதஜ்வரஃ ॥ 11 ॥

அஹந்தேயுத்யநுக்ராஹ்யோயதிஸ்மரஸிமேகுணாந் ।

வஸதாவதிஹப்ராஜ்ஞ யத்யஸ்திமயிஸௌஹ்ரு'தம் ॥ 12 ॥

லக்ஷ்மணேநஸஹப்ராத்ராவைதேஹ்யாபார்யயாஸஹ ।

அர்சிதஸ்ஸர்வகாமைஸ்த்வந்ததோராம கமிஷ்யஸி ॥ 13 ॥

ப்ரீதியுக்தஸ்யவிஹிதாம்ஸஸைந்யஃஸஸுஹ்ரு'த்கணஃ ।

ஸக்ரதியாம்ராமமேதாவத்க்ரு'ஹேணத்வம்மயோத்யதாம் ॥ 14 ॥

ப்ரணயாத்பஹுமாநாச்சஸௌஹார்தேந ச ராகவ ।

ப்ரஸாதாயாமிப்ரேஷ்யோऽஹம் ந கல்வாஜ்ஞாபயாமிதே ॥ 15 ॥

ஏவமுக்தஸ்ததோராமஃப்ரத்யுவாசவிபீஷணம் ।

ரக்ஷஸாம்வாநராணாம் ச ஸர்வேஷாமேவஶ்ரு'ண்வதாம் ॥ 16 ॥

பூஜிதோऽஸ்மித்வயாவீர ஸாசிவ்யேநபரந்தப ।

ஸர்வாத்மநா ச சேஷ்டாபிஃஸௌஹார்தேநபரேண ச ॥ 17 ॥

ந கல்வேதந்நகுர்யாந்தேவசநம்ராக்ஷஸேஶ்வர ।

தந்துமேப்ராதரந்த்ரஷ்டும்பரதந்த்வரதேமநஃ ॥ 18 ॥

மாந்நிவர்தயிதும்யோऽஸௌசித்ரகூடமுபாகதஃ ।

ஶிரஸாயாசதோயஸ்யவசநம் ந க்ரு'தம்மயா ॥ 19 ॥

கௌஸல்யாம் ச ஸுமித்ராம் ச கைகேயீம் ச யஶஸ்விநீம் ।

குஹம் ச ஸுஹ்ரு'தஞ்சைவபௌராந்ஜநபதைஸ்ஸஹ ॥ 20 ॥

அநுஜாநீஹமாம்ஸௌம்ய பூஜிதோऽஸ்மிவிபீஷண ।

மந்யுர்நகலுகர்தவ்யஃஸகேத்வாஞ்சாநுமாநயே ॥ 21 ॥

உபஸ்தாபயமேஶீக்ரம்விமாநம்ராக்ஷஸேஶ்வர ।

க்ரு'தகார்யஸ்யமேவாஸஃகதம்ஸ்யாதிஹஸம்மதஃ ॥ 22 ॥

ஏவமுக்தஸ்துராமேணராக்ஷஸேந்த்ரோவிபீஷணஃ ।

விமாநஸூர்யஸங்காஶமாஜுஹாவத்வராந்விதஃ ॥ 23 ॥

ததஃகாஞ்சநசித்ராங்கம்வைதூர்யமணிவேதிகம் ।

கூடாகாரைஃபரிக்ஷிப்தம்ஸர்வதோரஜதப்ரபம் ॥ 24 ॥

பாண்டுராபிஃபதாகாபிர்த்வஜைஶ்சஸமலங்க்ரு'தம் ।

ஶோபிதங்காஞ்சநைர்ஹர்ம்யைர்ஹேமபத்மவிபூஷிதைஃ ॥ 25 ॥

ப்ரகீர்ணங்கிங்கிணீஜாலைர்முக்தாமணிகவாக்ஷகம் ।

கண்டாஜாலைஃபரிக்ஷிப்தம்ஸர்வதோமதுரஸ்வநம் ॥ 26 ॥

யந்மேருஶிகராகாரந்நிர்மிதம்விஶ்வகர்மணா ।

ப்ரு'ஹபிர்பூஷிதம்ஹர்ம்யைர்முக்தாரஜதஶோபிதைஃ ॥ 27 ॥

தலைஸ்ஸ்படிகசித்ராங்கைதூர்யைஶ்சவராஸநைஃ ।

மஹார்ஹாஸ்தரணோபேதைருபபந்நம்மஹாதநைஃ ॥ 28 ॥

உபஸ்திதமநாத்ரு'ஷ்யந்தத்விமாநம்மநோஜவம் ।

நிவேதயித்வாராமாயதஸ்தௌதத்ரவிபீஷணஃ ॥ 29 ॥

தத்புஷ்பகங்காமகமம்விமாநமுபஸ்திதம்பூதரஸந்நிகாஶம் ।

த்ரு'ஷ்டவாததாவிஸ்மயமாஜகாமராமஸ்ஸஸௌமித்ரிருதாரஸத்த்வஃ ॥ 30 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே சதுர்விம்ஶத்யதிகஶததமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha caturviṃśatyadhikaśatatamassargaḥ |

tāṃrātrimuṣitaṃrāmaṃsukhotthimarindamam |

abravītprāñjalirvākyañjayampṛṣṭavāvibhīṣaṇaḥ || 1 ||

snānānicāṅgarāgāṇivastrāṇyābharaṇāni ca |

candanāni ca divyānimālyānivividhāni ca || 2 ||

alaṅkāravidaścemānāryaḥpadmanibhekṣaṇāḥ |

upasthitāstvāṃvidhavatsnāpayiṣyantirāghava || 3 ||

evamuktastukākutsthaḥ pratyuvācavibhīṣaṇam |

harīnsugrīvamukhyāṃstvaṃsnānenopanimantraya || 4 ||

sa tutāmyatidharmātmāmamahetossukhocitaḥ |

sukumāromahābāhokumāraḥ satyasaṃśrayaḥ || 5 ||

taṃvinākaikayīputrambharatandharmacāriṇam |

na mesnānambahumataṃvastrāṇyābharaṇāni ca || 6 ||

etatpaśyayathākṣiprampratigacchāmatāmpurīm |

ayodhyāṅgacchatohyeṣapanthāḥparamadurgamaḥ || 7 ||

evamuktastukākutsthampratyuvācavibhīṣaṇaḥ |

ahnātvāmprāpayiṣyāmitāmpurīmpārthivātmaja || 8 ||

puṣpakannāmabhadrantevimānaṃsūryasannibham |

mamabhrātuḥkuberasyarāvaṇenabalīyasā || 9 ||

hṛtannirjityasaṅgrāmekāmagandivyamuttamam |

tvadarthampālitañcedantiṣṭhatyatulavikrama || 10 ||

tadidammeghasaṅkāśaṃvimānamihatiṣṭhati |

tenayāsyasiyānenatvamayodhyāṅgatajvaraḥ || 11 ||

ahanteyudyanugrāhyoyadismarasimeguṇān |

vasatāvadihaprājña yadyastimayisauhṛdam || 12 ||

lakṣmaṇenasahabhrātrāvaidehyābhāryayāsaha |

arcitassarvakāmaistvantatorāma gamiṣyasi || 13 ||

prītiyuktasyavihitāṃsasainyaḥsasuhṛdgaṇaḥ |

sakratiyāṃrāmametāvadgṛheṇatvammayodyatām || 14 ||

praṇayādbhahumānāccasauhārdena ca rāghava |

prasādāyāmipreṣyo'haṃ na khalvājñāpayāmite || 15 ||

evamuktastatorāmaḥpratyuvācavibhīṣaṇam |

rakṣasāṃvānarāṇāṃ ca sarveṣāmevaśṛṇvatām || 16 ||

pūjito'smitvayāvīra sācivyenaparantapa |

sarvātmanā ca ceṣṭābhiḥsauhārdenapareṇa ca || 17 ||

na khalvetannakuryāntevacanaṃrākṣaseśvara |

tantumebhrātarandraṣṭumbharatantvaratemanaḥ || 18 ||

mānnivartayituṃyo'saucitrakūṭamupāgataḥ |

śirasāyācatoyasyavacanaṃ na kṛtammayā || 19 ||

kausalyāṃ ca sumitrāṃ ca kaikeyīṃ ca yaśasvinīm |

guhaṃ ca suhṛdañcaivapaurānjanapadaissaha || 20 ||

anujānīhamāṃsaumya pūjito'smivibhīṣaṇa |

manyurnakhalukartavyaḥsakhetvāñcānumānaye || 21 ||

upasthāpayameśīghraṃvimānaṃrākṣaseśvara |

kṛtakāryasyamevāsaḥkathaṃsyādihasammataḥ || 22 ||

evamuktasturāmeṇarākṣasendrovibhīṣaṇaḥ |

vimānasūryasaṅkāśamājuhāvatvarānvitaḥ || 23 ||

tataḥkāñcanacitrāṅgaṃvaidūryamaṇivedikam |

kūṭāgāraiḥparikṣiptaṃsarvatorajataprabham || 24 ||

pāṇḍurābhiḥpatākābhirdhvajaiścasamalaṅkṛtam |

śobhitaṅkāñcanairharmyairhemapadmavibhūṣitaiḥ || 25 ||

prakīrṇaṅkiṅkiṇījālairmuktāmaṇigavākṣakam |

ghaṇṭājālaiḥparikṣiptaṃsarvatomadhurasvanam || 26 ||

yanmeruśikharākārannirmitaṃviśvakarmaṇā |

bṛhabhirbhūṣitaṃharmyairmuktārajataśobhitaiḥ || 27 ||

talaissphaṭikacitrāṅgaidūryaiścavarāsanaiḥ |

mahārhāstaraṇopetairupapannammahādhanaiḥ || 28 ||

upasthitamanādhṛṣyantadvimānammanojavam |

nivedayitvārāmāyatasthautatravibhīṣaṇaḥ || 29 ||

tatpuṣpakaṅkāmagamaṃvimānamupasthitambhūdharasannikāśam |

dṛṣṭavātadāvismayamājagāmarāmassasaumitrirudārasattvaḥ || 30 ||

ityārṣe śrīmadrāmāyaṇe vālmīkīya ādikāvye yuddhakāṇḍe caturviṃśatyadhikaśatatamassargaḥ ||