6.103 Yuddhakanda - Tryadhikashatatama Sargah

ॐ

6.103 யுத்தகாண்ட - த்ர்யதிகஶததம ஸர்கஃ

Valmiki Tamil

ஶ்ரீமத்வால்மீகீய ராமாயணே யுத்தகாண்டம் ।

அத த்ர்யதிகஶததமஸ்ஸர்கஃ ।

லக்ஷ்மணேநதுதத்வாக்யமுக்தம்ஶ்ருத்வா ஸ ராகவஃ ।

ஸந்ததேபரவீரக்நோதநுராதாயவீர்யவாந் ॥ 1 ॥

ராவணாயஶராநகோராந்விஸஸர்ஜசமூமுகே ।

அதாந்யம்ரதமாஸ்தாயராவணோராக்ஷஸாதிபஃ ॥ 2 ॥

அப்யதாவதகாகுத்ஸ்தம்ஸ்வர்பாநுரிவபாஸ்கரம் ।

தஶக்ரீவோரதஸ்தஸ்துராமம்வஜ்ரோபமைஶ்ஶரைஃ ॥ 3 ॥

ஆஜகாநமஹாஶைலந்தாராபிரிவதோயதஃ ।

தீப்தபாவகஸங்காஶைஃஶரைஃகாஞ்சநபூஷணைஃ ॥ 4 ॥

அப்யவர்ஷத்ரணராமோதஶக்ரீவம்ஸமாஹிதஃ ।

பூமௌஸ்திதஸ்யராமஸ்யரதஸ்தஸ்ய ச ரக்ஷஸஃ ॥ 5 ॥

ந ஸமம்யுத்தமித்யாஹுர்தேவகந்தர்வகிந்நராஃ ।

ததோதேவவரர்ஶ்ரீமாந் ஶ்ருத்வாதேஷாம்வசோऽம்ரு'தம் ॥ 6 ॥

ஆஹூயமாதலிம்ஶக்ரோவசநஞ்சேதமப்ரவீத் ।

ரதேநமமபூமிஷ்டம்ஶீக்ரம்யாஹிரகூத்தமம் ॥ 7 ॥

ஆஹூயபூதலம்யாதஃகுருதேவஹிதம்மஹத் ।

இத்யுக்தோதேவராஜேநமாதலிர்தேவஸாரதிஃ ॥ 8 ॥

ப்ரணம்யஶிரஸாதேவந்ததோவசநமப்ரவீத் ।

ஶீக்ரம்யாஸ்யாமிதேவேந்த்ரஸாரத்யம் ச கரோம்யஹம் ॥ 9 ॥

ததோஹயைஶ்சஸம்யோஜ்யஹரிதைஃஸ்யந்தநோத்தமம் ।

ததஃகாஞ்சநசித்ராங்கஃகிங்கிணீஶதபூஷிதஃ ॥ 10 ॥

தருணாதித்யஸங்காஶோவைதூர்யமயகூபரஃ ।

ஸதஶ்வைஃகாஞ்சநாபீடைர்யுக்தஶ்ஶ்வேதப்ரகீர்ணகைஃ ॥ 11 ॥

ஹரிபிஃஸூர்யஸங்காஶைர்ஹேமஜாலவிபூஷிதைஃ ।

ருக்மவேணுத்வஜ்ஶ்ரீமந்தேவராஜரதோவரஃ ॥ 12 ॥

தேவராஜேநந்திஷ்டோரதமாருஹ்யமாதலிஃ ।

அப்யவர்ததகாகுத்ஸ்தமவதீர்யத்ரிவஷ்டபாத் ॥ 13 ॥

அப்ரவீச்சததாராமம்ஸப்ரதோதோரதேஸ்திதஃ ।

ப்ராஞ்ஜலிர்மாதலிர்வாக்யம்ஸஹஸ்ராக்ஷஸ்யஸாரதிஃ ॥ 14 ॥

ஸஹஸ்ராக்ஷேணகாகுத்த்ஸரதோऽயம்விஜயாயதே ।

தத்தஸ்தவமஹாஸத்த்வஶ்ரீமந் ஶத்ருநிபர்ஹண ॥ 15 ॥

இதமைந்த்ரம்மஹச்சாபங்கவசஞ்சாநகிஸந்நிபம் ।

ஶராஶ்சாதித்யஸங்காஶாஃஶக்திஶ்சவிமலாஶிவா ॥ 16 ॥

ஶூரோऽஹமிதி சாத்மாநமவகச்சஸி துர்மதே ।

நைவ லஜ்ஜாஸ்தி தே ஸீதாந் சோரவத்வ்யபகர்ஷதஃ ॥ 17 ॥

இத்யுக்தஃஸம்பரிக்ரம்யரதந்தமபிவாத்ய ச ।

ஆருரோஹததாராமோலோகாந் லக்ஷ்மவிராஜயந் ॥ 18 ॥

தத்பபூவாத்புதம்யுத்தந்துமுலம்ரோமஹர்ஷணம் ।

ராமஸ்ய ச மஹாபாஹோராவணஸ்ய ச ரக்ஷஸஃ ॥ 19 ॥

ஸ காந்தர்வேணகாந்தர்வந்தைவந்தைவேநராகவஃ ।

அஸ்த்ரம்ராக்ஷஸராஜஸ்யஜகாநபரமாஸ்த்ரவித் ॥ 20 ॥

அஸ்த்ரந்துபரமங்கோரம்ராக்ஷஸம்ராக்ஷஸாதிபஃ ।

ஸஸர்ஜபரமக்ருத்தஃபுநரேவநிஶாசரஃ ॥ 21 ॥

தேராவணதநுர்முக்தாஃஶராஃகாஞ்சநபூஷணாஃ ।

அப்யவர்தந்தகாகுத்ஸ்தம்ஸர்பாபூத்வாமஹாவிஷாஃ ॥ 22 ॥

தேதீப்தவதநாதீப்தம்ஸமந்தோஜ்வலநம்முகைஃ ।

ராமமேவாப்யவர்தந்தவ்யாதிதாஸ்யாபயாநகாஃ ॥ 23 ॥

தைர்வாஸுகிஸமஸ்பர்ஶைர்தீப்தபோகைர்மஹாவிஷைஃ ।

திஶஶ்சஸந்ததாஸ்ஸர்வாப்ரதிஶஶ்சஸமாவ்ரு'தாஃ ॥ 24 ॥

தாந் த்ரு'ஷ்டவாபந்நகாந் ராமஃஸமாபததஆஹவே ।

அஸ்த்ரங்காருத்மதங்கோரம்ப்ராதுஶ்சக்ரேபயாவஹம் ॥ 25 ॥

தேராகவதநுர்முக்தாருக்மபுங்காஃஶிகிப்ரபாஃ ।

ஸுபர்ணாஃகாஞ்சநாபூத்வாவிசேருஃஸர்பஶத்ரவஃ ॥ 26 ॥

தேதாந்ஸர்வாந் ஜக்நுஸ்ஸர்பரூபாந்மஹாஜவாந் ।

ஸுபர்ணரூபாராமஸ்யவிஶிகாஃகாமரூபிணஃ ॥ 27 ॥

அஸ்த்ரேப்ரதிஹதேக்ருத்தோராவணோராக்ஷஸாதிபஃ ।

அப்யவர்ஷத்ததாராமங்கோராபிஃஶரவ்ரு'ஷ்டிபிஃ ॥ 28 ॥

ததஶ்ஶரஸஹஸ்ரேணராமமக்லிஷ்டகாரிணம் ।

அர்தயித்வாஶரௌகேணமாதலிம்ப்ரத்யவித்யத ॥ 29 ॥

சிச்சேதகேதுமுத்திஶ்யஶரேணைகேநராவணஃ ।

பாதயித்வாரதோபஸ்தேரதாத்கேதும் ச காஞ்சநம் ॥ 30 ॥

ஐந்த்ராநபிஜகாநாஶ்வாந்ஶரஜாலேநராவணஃ ।

தத்ரு'ஷ்ட்வாஸுமஹாதத்கர்மராவணஸ்யதுராத்மநாஃ ।

விஷேதுர்தேவகந்தர்வாசாரணாதாநவைஸ்ஸஹ ॥ 31 ॥

ராமமார்தந்ததாத்ரு'ஷ்டவாஸித்தாஶ்சபரமர்ஷயஃ ।

வ்யதிதாவாநரேந்த்ராஶ்சபபூவுஸ்ஸவிபீஷணாஃ ॥ 32 ॥

ராமசந்த்ரமஸந்த்ரு'ஷ்டவாக்ரஸ்தம்ராவணராஹுணா ।

ப்ராஜாத்யம் ச நக்ஷத்ரம்ரோஹிணீங்கஶஶிநஃப்ரியாம் ॥ 33 ॥

ஸமாக்ரம்யபுதஸ்தஸ்தௌப்ரஜாநாமஶுபாவஹஃ ।

ஸதூமபரிவ்ரு'த்தோர்மிஃப்ரஜ்வலந்நிவஸாகரஃ ॥ 34 ॥

உத்பபாதததாக்ருத்தஸ்ஸ்ப்ரு'ஶந்நிவதிவாகரம் ।

ஶஸ்த்ரவர்ணஸ்ஸுபருஷோமந்தரஶ்மித்திவாகரஃ ॥ 35 ॥

அத்ரு'ஶ்யதகபந்தாங்கஃஸம்ஸக்தோதூமகேதுநா ।

கோஸலாநாம் ச நக்ஷத்ரம்வ்யக்தமிந்த்ராக்நிதைவதம் ॥ 36 ॥

ஆக்ரம்யாங்காரகஸ்தஸ்தௌவிஶாகாமபிசாம்பரே ।

தஶாஸ்யோவிம்ஶதிபுஜஃப்ரக்ரு'ஹீதஶராஸநஃ ॥ 37 ॥

அத்ரு'ஶாஸ்யஃதஶக்ரீவஃமைநாகஃபர்வதஃஇவ நிரஸ்யமாநோராமஸ்துதஶக்ரீவேணரக்ஷஸா ॥ 38 ॥

நாஶக்நோதபிஸந்தாதும்ஸாயகாந்ரணமூர்தநி ।

ஸஃக்ரு'த்வாப்ருகுடிங்க்ருத்தஃகிஞ்சித்ஸம்ரக்தலோசநஃ ॥ 39 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே த்ர்யதிகஶததமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha tryadhikaśatatamassargaḥ |

lakṣmaṇenatutadvākyamuktaṃśrutvā sa rāghavaḥ |

sandadheparavīraghnodhanurādāyavīryavān || 1 ||

rāvaṇāyaśarānaghorānvisasarjacamūmukhe |

adhānyaṃrathamāsthāyarāvaṇorākṣasādhipaḥ || 2 ||

abhyadhāvatakākutsthaṃsvarbhānurivabhāskaram |

daśagrīvoradhasthasturāmaṃvajropamaiśśaraiḥ || 3 ||

ājaghānamahāśailandhārābhirivatoyadaḥ |

dīptapāvakasaṅkāśaiḥśaraiḥkāñcanabhūṣaṇaiḥ || 4 ||

abhyavarṣadraṇarāmodaśagrīvaṃsamāhitaḥ |

bhūmausthitasyarāmasyarathasthasya ca rakṣasaḥ || 5 ||

na samaṃyuddhamityāhurdevagandharvakinnarāḥ |

tatodevavararśrīmān śrutvāteṣāṃvaco'mṛtam || 6 ||

āhūyamātaliṃśakrovacanañcedamabravīt |

rathenamamabhūmiṣṭhaṃśīghraṃyāhiraghūttamam || 7 ||

āhūyabhūtalaṃyātaḥkurudevahitammahat |

ityuktodevarājenamātalirdevasārathiḥ || 8 ||

praṇamyaśirasādevantatovacanamabravīt |

śīghraṃyāsyāmidevendrasārathyaṃ ca karomyaham || 9 ||

tatohayaiścasamyojyaharitaiḥsyandanottamam |

tataḥkāñcanacitrāṅgaḥkiṅkiṇīśatabhūṣitaḥ || 10 ||

taruṇādityasaṅkāśovaidūryamayakūbaraḥ |

sadaśvaiḥkāñcanāpīḍairyuktaśśvetaprakīrṇakaiḥ || 11 ||

haribhiḥsūryasaṅkāśairhemajālavibhūṣitaiḥ |

rukmaveṇudhvajśrīmandevarājarathovaraḥ || 12 ||

devarājenandiṣṭorathamāruhyamātaliḥ |

abhyavartatakākutsthamavatīryatrivaṣṭapāt || 13 ||

abravīccatadārāmaṃsapratodorathesthitaḥ |

prāñjalirmātalirvākyaṃsahasrākṣasyasārathiḥ || 14 ||

sahasrākṣeṇakākutthsaratho'yaṃvijayāyate |

dattastavamahāsattvaśrīman śatrunibarhaṇa || 15 ||

idamaindrammahaccāpaṅkavacañcānagisannibham |

śarāścādityasaṅkāśāḥśaktiścavimalāśivā || 16 ||

śūro'hamiti cātmānamavagacchasi durmate |

naiva lajjāsti te sītān coravadvyapakarṣataḥ || 17 ||

ityuktaḥsamparikramyarathantamabhivādya ca |

ārurohatadārāmolokān lakṣmavirājayan || 18 ||

tadbhabhūvādbhutaṃyuddhantumulaṃromaharṣaṇam |

rāmasya ca mahābāhorāvaṇasya ca rakṣasaḥ || 19 ||

sa gāndharveṇagāndharvandaivandaivenarāghavaḥ |

astraṃrākṣasarājasyajaghānaparamāstravit || 20 ||

astrantuparamaṅghoraṃrākṣasaṃrākṣasādhipaḥ |

sasarjaparamakruddhaḥpunarevaniśācaraḥ || 21 ||

terāvaṇadhanurmuktāḥśarāḥkāñcanabhūṣaṇāḥ |

abhyavartantakākutsthaṃsarpābhūtvāmahāviṣāḥ || 22 ||

tedīptavadanādīptaṃsamantojvalanammukhaiḥ |

rāmamevābhyavartantavyāditāsyābhayānakāḥ || 23 ||

tairvāsukisamasparśairdīptabhogairmahāviṣaiḥ |

diśaścasantatāssarvāpradiśaścasamāvṛtāḥ || 24 ||

tān dṛṣṭavāpannagān rāmaḥsamāpatataāhave |

astraṅgārutmataṅghoramprāduścakrebhayāvaham || 25 ||

terāghavadhanurmuktārukmapuṅkhāḥśikhiprabhāḥ |

suparṇāḥkāñcanābhūtvāviceruḥsarpaśatravaḥ || 26 ||

tetānsarvān jaghnussarparūpānmahājavān |

suparṇarūpārāmasyaviśikhāḥkāmarūpiṇaḥ || 27 ||

astrepratihatekruddhorāvaṇorākṣasādhipaḥ |

abhyavarṣattadārāmaṅghorābhiḥśaravṛṣṭibhiḥ || 28 ||

tataśśarasahasreṇarāmamakliṣṭakāriṇam |

ardayitvāśaraugheṇamātalimpratyavidhyata || 29 ||

cicchedaketumuddhiśyaśareṇaikenarāvaṇaḥ |

pātayitvārathopastherathātketuṃ ca kāñcanam || 30 ||

aindrānapijaghānāśvānśarajālenarāvaṇaḥ |

tadṛṣṭvāsumahātatkarmarāvaṇasyadurātmanāḥ |

viṣedurdevagandharvācāraṇādānavaissaha || 31 ||

rāmamārtantadādṛṣṭavāsiddhāścaparamarṣayaḥ |

vyathitāvānarendrāścababhūvussavibhīṣaṇāḥ || 32 ||

rāmacandramasandṛṣṭavāgrastaṃrāvaṇarāhuṇā |

prājātyaṃ ca nakṣatraṃrohiṇīṅkaśaśinaḥpriyām || 33 ||

samākramyabudhastasthauprajānāmaśubhāvahaḥ |

sadhūmaparivṛttormiḥprajvalannivasāgaraḥ || 34 ||

utpapātatadākruddhasspṛśannivadivākaram |

śastravarṇassuparuṣomandaraśmiddivākaraḥ || 35 ||

adṛśyatakabandhāṅkaḥsaṃsaktodhūmaketunā |

kosalānāṃ ca nakṣatraṃvyaktamindrāgnidaivatam || 36 ||

ākramyāṅgārakastasthauviśākhāmapicāmbare |

daśāsyoviṃśatibhujaḥpragṛhītaśarāsanaḥ || 37 ||

adṛśāsyaḥdaśagrīvaḥmainākaḥparvataḥiva nirasyamānorāmastudaśagrīveṇarakṣasā || 38 ||

nāśaknodabhisandhātuṃsāyakānraṇamūrdhani |

saḥkṛtvābhrukuṭiṅkruddhaḥkiñcitsamraktalocanaḥ || 39 ||

ityārṣe śrīmadrāmāyaṇe vālmīkīya ādikāvye yuddhakāṇḍe tryadhikaśatatamassargaḥ ||