6.1 Yuddhakanda - Prathama Sargah

ॐ

6.1 யுத்தகாண்ட - ப்ரதம ஸர்கஃ

Valmiki Tamil

ஶ்ரீமத்வால்மீகீய ராமாயணே யுத்தகாண்டம் ।

அத ப்ரதமஸ்ஸர்கஃ ।

ஶ்ருத்வா ஹநுமதோ வாக்யம் யதாவதபிபாஷிதம் ।

ராமஃ ப்ரீதிஸமாயுக்தோ வாக்யமுத்தரமப்ரவீத் ॥ 1 ॥

க்ரு'தம் ஹநுமதா கார்யம் ஸுமஹத்புவி துர்லபம் ।

மநஸாபி யதந்யேந ந ஶக்யம் தரணீதலே ॥ 2 ॥

ந ஹி தம் பரிபஶ்யாமி யஸ்தரேத மஹார்ணவம் ।

அந்யத்ர கருடாத்வாயோரந்யத்ர ச ஹநூமதஃ ॥ 3 ॥

தேவதாநவயக்ஷாணாம் கந்தர்வோரகரக்ஷஸாம் ।

அப்ரத்ரு'ஷ்யாம் புரீம் லங்காம் ராவணேந ஸுரக்ஷிதாம் ।

ப்ரவஷ்ட ஸ்ஸத்த்வமாஶ்ரித்யஶ்வஸந்கோ நாம நிஷ்க்ரமேத் ॥ 4 ॥

கோ விஶேத்ஸுதுராதர்ஷாம் ராக்ஷஸைஶ்ச ஸுரக்ஷிதாம் ।

யோ வீர்யபலஸம்பந்நோ ந ஸமஸ்யாத்தநூமதஃ ॥ 5 ॥

ப்ரு'த்யகார்யம் ஹநுமதா ஸுக்ரீவஸ்ய க்ரு'தம்மஹத் ।

ஸ்வயம் விதாய ஸ்வபலம் ஸத்ரு'ஶம் விக்ரமஸ்ய ச ॥ 6 ॥

யோ ஹி ப்ரு'த்யோ நியுக்தஸ்ஸந்பர்த்ரா கர்மணி துஷ்கரே ।

குர்யாத்ததநுராகேண தமாஹுஃ புருஷோத்தமம் ॥ 7 ॥

நியுக்தோயஃ பரம் கார்யம் ந குர்யாந்ந்ரு'பதேஃ ப்ரியம் ।

ப்ரு'த்யோऽப்ரு'த்யஸ்ஸமர்தோऽபி தமாஹுர்மத்யமம் நரம் ॥ 8 ॥

நியுக்தோ ந்ரு'பதேஃ கார்யம் ந குர்யாத்யஸ்ஸமாஹிதஃ ।

ப்ரு'த்யோ யுக்தஸ்ஸமர்தஶ்ச தமாஹுஃ புருஷாதமம் ॥ 9 ॥

தந்நியோகே நியுக்தேந க்ரு'தம் க்ரு'த்யம் ஹநூமதா ।

ந சாத்மா லகுதாம் நீதஸ்ஸுக்ரீவஶ்சாபி தோஷிதஃ ॥ 10 ॥

அஹம் ச ரகுவம்ஶஶ்ச லக்ஷ்மணஶ்ச மஹாபலஃ ।

வைதேஹ்யா தர்ஶநேநாத்ய தர்மதஃ பரிரக்ஷிதாஃ ॥ 11 ॥

இதம் து மம தீநஸ்ய மநோ பூயஃ ப்ரகர்ஷதி ।

யதிஹாஸ்ய ப்ரியாக்யாதுர்ந குர்மி ஸத்ரு'ஶம் ப்ரியம் ॥ 12 ॥

ஏஷ ஸர்வஸ்வபூதே பரிஷ்வங்கோ ஹநூமதஃ ।

மயா காலமிமம் ப்ராப்ய தத்தஸ்தஸ்ய மஹாத்மநஃ ॥ 13 ॥

இத்யுக்த்வா ப்ரீதிஹ்ரு'ஷ்டாங்கோ ராமஸ்தம் பரிஷஸ்வஜே ।

ஹநூமந்தம் க்ரு'தாத்மாநம் க்ரு'தகார்யமுபாகதம் ॥ 14 ॥

த்யாத்வா புநருவாசேதம் வசநம் ரகுநந்தநஃ ।

ஹரீணாமீஶ்வரஸ்யாபி ஸுக்ரீவஸ்யோபஶ்ரு'ண்வதஃ ॥ 15 ॥

ஸர்வதா ஸுக்ரு'தம் தாவத்ஸீதாயாஃ பரிமார்கணம் ।

ஸாகரம் து ஸமாஸாத்ய புநர்நஷ்டம் மநோ மம ॥ 16 ॥

கதம் நாம ஸமுத்ரஸ்ய துஷ்பாரஸ்ய மஹாம்பஸஃ ।

ஹரயோ தக்ஷிணம் பாரம் கமிஷ்யந்தி ஸமாகதாஃ ॥ 17 ॥

யத்யப்யேஷ து வ்ரு'த்தாந்தோ வைதேஹ்யா கதிதோ மம ।

ஸமுத்ரபாரகமநே ஹரீணாம் கிமிஹோத்தரம் ॥ 18 ॥

இத்யுக்தவா ஶோகஸம்ப்ராந்தோ ராம ஶ்ஶத்ருநிபர்ஹணஃ ।

ஹநூமந்தம் மஹாபாஹுஸ்ததோ த்யாநமுபாகமத் ॥ 19 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே யுத்தகாண்டே ப்ரதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe yuddhakāṇḍam |

atha prathamassargaḥ |

śrutvā hanumato vākyaṃ yathāvadabhibhāṣitam |

rāmaḥ prītisamāyukto vākyamuttaramabravīt || 1 ||

kṛtaṃ hanumatā kāryaṃ sumahadbhuvi durlabham |

manasāpi yadanyena na śakyaṃ dharaṇītale || 2 ||

na hi taṃ paripaśyāmi yastareta mahārṇavam |

anyatra garuḍādvāyoranyatra ca hanūmataḥ || 3 ||

devadānavayakṣāṇāṃ gandharvoragarakṣasām |

apradhṛṣyāṃ purīṃ laṅkāṃ rāvaṇena surakṣitām |

pravaṣṭa ssattvamāśrityaśvasanko nāma niṣkramet || 4 ||

ko viśetsudurādharṣāṃ rākṣasaiśca surakṣitām |

yo vīryabalasampanno na samasyāddhanūmataḥ || 5 ||

bhṛtyakāryaṃ hanumatā sugrīvasya kṛtammahat |

svayaṃ vidhāya svabalaṃ sadṛśaṃ vikramasya ca || 6 ||

yo hi bhṛtyo niyuktassanbhartrā karmaṇi duṣkare |

kuryāttadanurāgeṇa tamāhuḥ puruṣottamam || 7 ||

niyuktoyaḥ paraṃ kāryaṃ na kuryānnṛpateḥ priyam |

bhṛtyo'bhṛtyassamartho'pi tamāhurmadhyamaṃ naram || 8 ||

niyukto nṛpateḥ kāryaṃ na kuryādyassamāhitaḥ |

bhṛtyo yuktassamarthaśca tamāhuḥ puruṣādhamam || 9 ||

tanniyoge niyuktena kṛtaṃ kṛtyaṃ hanūmatā |

na cātmā laghutāṃ nītassugrīvaścāpi toṣitaḥ || 10 ||

ahaṃ ca raghuvaṃśaśca lakṣmaṇaśca mahābalaḥ |

vaidehyā darśanenādya dharmataḥ parirakṣitāḥ || 11 ||

idaṃ tu mama dīnasya mano bhūyaḥ prakarṣati |

yadihāsya priyākhyāturna kurmi sadṛśaṃ priyam || 12 ||

eṣa sarvasvabhūte pariṣvaṅgo hanūmataḥ |

mayā kālamimaṃ prāpya dattastasya mahātmanaḥ || 13 ||

ityuktvā prītihṛṣṭāṅgo rāmastaṃ pariṣasvaje |

hanūmantaṃ kṛtātmānaṃ kṛtakāryamupāgatam || 14 ||

dhyātvā punaruvācedaṃ vacanaṃ raghunandanaḥ |

harīṇāmīśvarasyāpi sugrīvasyopaśṛṇvataḥ || 15 ||

sarvathā sukṛtaṃ tāvatsītāyāḥ parimārgaṇam |

sāgaraṃ tu samāsādya punarnaṣṭaṃ mano mama || 16 ||

kathaṃ nāma samudrasya duṣpārasya mahāmbhasaḥ |

harayo dakṣiṇaṃ pāraṃ gamiṣyanti samāgatāḥ || 17 ||

yadyapyeṣa tu vṛttānto vaidehyā gadito mama |

samudrapāragamane harīṇāṃ kimihottaram || 18 ||

ityuktavā śokasambhrānto rāma śśatrunibarhaṇaḥ |

hanūmantaṃ mahābāhustato dhyānamupāgamat || 19 ||

ityārṣe śrīmadrāmāyaṇe vālmīkīya ādikāvye yuddhakāṇḍe prathamassargaḥ ||