5.8 Sundarakanda - Ashtama Sargah

ॐ

5.8 ஸுந்தரகாண்ட - அஷ்டம ஸர்கஃ

Valmiki Tamil

ஶ்ரீமத்வால்மீகீய ராமாயணே ஸுந்தரகாண்டம் ।

அத அஷ்டமஸ்ஸர்கஃ ।

ஸ தஸ்ய மத்யே பவநஸ்ய ஸம்ஸ்திதம் மஹத்விமாநம் மணிவஜ்ரசித்ரிதம் ।

ப்ரதப்தஜாம்பூநதஜாலக்ரு'த்ரிமம் ததர்ஶ வீரஃ பவநாத்மஜஃ கபிஃ ॥ 1 ॥

ததப்ரமேயாப்ரதிகாரக்ரு'த்ரிமம் க்ரு'தம் ஸ்வயம் ஸாத்விதி விஶ்வகர்மணா ।

திவம் கதம் வாயுபதப்ரதிஷ்டிதம் வ்யராஜதாதித்யபதஸ்ய லக்ஷ்மவத் ॥ 2 ॥

ந தத்ர கிஞ்சிந்ந க்ரு'தம் ப்ரயத்நதோ ந தத்ர கிஞ்சிந்ந மஹார்ஹரத்நவத் ।

ந தே விஶேஷா நியதாஃ ஸுரேஷ்வபி ந தத்ர கிஞ்சிந்ந மஹாவிஶேஷவத் ॥ 3 ॥

தபஃ ஸமாதாநபராக்ரமார்ஜிதம் மநஃ ஸமாதாநவிசாரசாரிணம் ।

அநேகஸம்ஸ்தாநவிஶேஷநிர்மிதம் ததஸ்ததஸ்துல்யவிஶேஷதர்ஶநம் ॥ 4 ॥

விஶேஷமாலம்ப்ய விஶேஷஸம்ஸ்திதம் விசித்ரகூடம் பஹுகூடமண்டிதம் ।

மநோऽபிராமம் ஶரதிந்துநிர்மலம் விசித்ரகூடம் ஶிகரம் கிரேர்யதா ॥ 5 ॥

வஹந்தி யம் குண்டலஶோபிதாநநாஃ மஹாஶநா வ்யோமசரா நிஶாசராஃ ।

விவ்ரு'த்தவித்வஸ்தவிஶாலலோசநாஃ மஹாஜவா பூதகணாஃ ஸஹஸ்ரஶஃ ॥ 6 ॥

வஸந்தபுஷ்போத்கரசாருதர்ஶநம் வஸந்தமாஸாதபி காந்ததர்ஶநம் ।

ஸ புஷ்பகம் தத்ர விமாநமுத்தமம் ததர்ஶ தத்வாநரவீரஸத்தமஃ ॥ 7 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே அஷ்டமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe sundarakāṇḍam |

atha aṣṭamassargaḥ |

sa tasya madhye bhavanasya saṃsthitaṃ mahadvimānaṃ maṇivajracitritam |

prataptajāmbūnadajālakṛtrimaṃ dadarśa vīraḥ pavanātmajaḥ kapiḥ || 1 ||

tadaprameyāpratikārakṛtrimaṃ kṛtaṃ svayaṃ sādhviti viśvakarmaṇā |

divaṃ gataṃ vāyupathapratiṣṭhitaṃ vyarājatādityapathasya lakṣmavat || 2 ||

na tatra kiñcinna kṛtaṃ prayatnato na tatra kiñcinna mahārharatnavat |

na te viśeṣā niyatāḥ sureṣvapi na tatra kiñcinna mahāviśeṣavat || 3 ||

tapaḥ samādhānaparākramārjitaṃ manaḥ samādhānavicāracāriṇam |

anekasaṃsthānaviśeṣanirmitaṃ tatastatastulyaviśeṣadarśanam || 4 ||

viśeṣamālambya viśeṣasaṃsthitaṃ vicitrakūṭaṃ bahukūṭamaṇḍitam |

mano'bhirāmaṃ śaradindunirmalaṃ vicitrakūṭaṃ śikharaṃ gireryathā || 5 ||

vahanti yaṃ kuṇḍalaśobhitānanāḥ mahāśanā vyomacarā niśācarāḥ |

vivṛttavidhvastaviśālalocanāḥ mahājavā bhūtagaṇāḥ sahasraśaḥ || 6 ||

vasantapuṣpotkaracārudarśanaṃ vasantamāsādapi kāntadarśanam |

sa puṣpakaṃ tatra vimānamuttamaṃ dadarśa tadvānaravīrasattamaḥ || 7 ||

ityārṣe śrīmadrāmāyaṇe vālmīkīya ādikāvye sundarakāṇḍe aṣṭamassargaḥ ||