5.60 Sundarakanda - Shashtitama Sargah

ॐ

5.60 ஸுந்தரகாண்ட - ஷஷ்டிதம ஸர்கஃ

Valmiki Tamil

ஶ்ரீமத்வால்மீகீய ராமாயணே ஸுந்தரகாண்டம் ।

அத ஷஷ்டிதமஸ்ஸர்கஃ ।

தஸ்ய தத்வசநம் ஶ்ருத்வா வாலிஸூநுரபாஷத ।

அயுக்தம் து விநா தேவீம் த்ரு'ஷ்டவத்பிஶ்ச வாநராஃ ॥ 1 ॥

ஸமீபம் கந்துமஸ்மாபீ ராகவஸ்ய மஹாத்மநஃ ।

த்ரு'ஷ்டா தேவீ ந சாநீதா இதி தத்ர நிவேதநம் ॥ 2 ॥

அயுக்தமிவ பஶ்யாமி பவத்பிஃ க்யாதவிக்ரமைஃ ।

ந ஹி நஃ ப்லவநே கஶ்சிந்நாபி கஶ்சித்பராக்ரமே ॥ 3 ॥

துல்ய ஸ்ஸாமரதைத்யேஷு லோகேஷு ஹரிஸத்தமாஃ ।

தேஷ்வேவம் ஹதவீரேஷு ராக்ஷஸேஷு ஹநூமதா ॥ 4 ॥

கிமந்யதத்ர கர்தவ்யம் க்ரு'ஹீத்வா யாம ஜாநகீம் ।

தமேவம் க்ரு'தஸங்கல்பம் ஜாம்பவாந் ஹரிஸத்தமஃ ॥ 5 ॥

உவாச பரமப்ரீதோ வாக்யமர்தவதர்தவித் ।

ந தாவதேஷா மதிரக்ஷமா நோ யதா பவாந் பஶ்யதி ராஜபுத்ர ।

யதா து ராமஸ்ய மதிர்நிவிஷ்டா ததா பவாந் பஶ்யது கார்யஸித்திம் ॥ 6 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே ஷஷ்டிதமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe sundarakāṇḍam |

atha ṣaṣṭitamassargaḥ |

tasya tadvacanaṃ śrutvā vālisūnurabhāṣata |

ayuktaṃ tu vinā devīṃ dṛṣṭavadbhiśca vānarāḥ || 1 ||

samīpaṃ gantumasmābhī rāghavasya mahātmanaḥ |

dṛṣṭā devī na cānītā iti tatra nivedanam || 2 ||

ayuktamiva paśyāmi bhavadbhiḥ khyātavikramaiḥ |

na hi naḥ plavane kaścinnāpi kaścitparākrame || 3 ||

tulya ssāmaradaityeṣu lokeṣu harisattamāḥ |

teṣvevaṃ hatavīreṣu rākṣaseṣu hanūmatā || 4 ||

kimanyadatra kartavyaṃ gṛhītvā yāma jānakīm |

tamevaṃ kṛtasaṅkalpaṃ jāmbavān harisattamaḥ || 5 ||

uvāca paramaprīto vākyamarthavadarthavit |

na tāvadeṣā matirakṣamā no yathā bhavān paśyati rājaputra |

yathā tu rāmasya matirniviṣṭā tathā bhavān paśyatu kāryasiddhim || 6 ||

ityārṣe śrīmadrāmāyaṇe vālmīkīya ādikāvye sundarakāṇḍe ṣaṣṭitamassargaḥ ||