📄 Save this Stotram as PDF Click the button to open the Save dialog
How to save: 1 Click "Save as PDF" → 2 A dialog opens → 3 Choose "Save as PDF" as printer → 4 Click Save
ॐ
5.55 ஸுந்தரகாண்ட - பஞ்சபஞ்சாஶ ஸர்கஃ
5.55 Sundarakanda - Panchapanchasha Sargah
Valmiki Tamil
ஶ்ரீமத்வால்மீகீய ராமாயணே ஸுந்தரகாண்டம் ।
அத பஞ்சபஞ்சாஶஸ்ஸர்கஃ ।
லங்காம் ஸமஸ்தாம் ஸந்தீப்ய லாங்கூலாக்நிம் மஹாபலஃ ।
நிர்வாபயாமாஸ ததா ஸமுத்ரே ஹரிஸத்தமஃ ।
ஸந்தீப்யமாநாம் வித்வஸ்தாம் த்ரஸ்தரக்ஷோகணாம் புரீம் ।
ஆவேக்ஷ்ய ஹநுமாந் லங்காம் சிந்தயாமாஸ வாநரஃ ॥ 1 ॥
தஸ்யாபூத்ஸுமஹாம்ஸ்த்ராஸஃ குத்ஸா சாத்மந்யஜாயத ।
லங்காம் ப்ரதஹதா கர்ம கிம்ஸ்வித்க்ரு'தமிதம் மயா ॥ 2 ॥
தந்யாஸ்தே புருஷஶ்ரேஷ்டா யே புத்த்யா கோபமுத்திதம் ।
நிருந்தந்தி மஹாத்மாநோ தீப்தமக்நிமிவாம்பஸா ॥ 3 ॥
க்ருத்தஃ பாபம் ந குர்யாத்கஃ க்ருத்தோ ஹந்யாத்குரூநபி ।
க்ருத்தஃ பருஷயா வாசா நரஸ்ஸாதூநதிக்ஷிபேத் ॥ 4 ॥
வாச்யாவாச்யம் ப்ரகுபிதோ ந விஜாநாதி கர்ஹிசித் ।
நாகார்யமஸ்தி க்ருத்தஸ்ய நாவாச்யம் வித்யதே க்வசித் ॥ 5 ॥
யஸ்ஸமுத்பதிதம் க்ரோதம் க்ஷமயைவ நிரஸ்யதி ।
யதோரகஸ்த்வசம் ஜீர்ணாம் ஸ வை புருஷ உச்யதே ॥ 6 ॥
திகஸ்து மாம் ஸுதுர்புத்திம் நிர்லஜ்ஜம் பாபக்ரு'த்தமம் ।
அசிந்தயித்வா தாம் ஸீதாமக்நிதம் ஸ்வாமிகாதுகம் ॥ 7 ॥
யதி தக்தா த்வியம் லங்கா நூநமார்யாऽபி ஜாநகீ ।
தக்தா தேந மயா பர்துர்ஹிதம் கார்யமஜாநதா ॥ 8 ॥
யதர்தமயமாரம்பஸ்தத்கார்யமவஸாதிதம் ।
மயா ஹி தஹதா லங்காம் ந ஸீதா பரிரக்ஷிதா ॥ 9 ॥
ஈஷத்கார்யமிதம் கார்யம் க்ரு'தமாஸீந்ந ஸம்ஶயஃ ।
தஸ்ய க்ரோதாபிபூதேந மயா மூலக்ஷயஃ க்ரு'தஃ ॥ 10 ॥
விநஷ்டா ஜாநகீ நூநம் ந ஹ்யதக்தஃ ப்ரத்ரு'ஶ்யதே ।
லங்காயாம் கஶ்சிதுத்தேஶஸ்ஸர்வா பஸ்மீக்ரு'தா புரீ ॥ 11 ॥
யதி தத்விஹதம் கார்யம் மம ப்ரஜ்ஞாவிபர்யயாத் ।
இஹைவ ப்ராணஸந்ந்யாஸோ மமாபி ஹ்யத்ய ரோசதே ॥ 12 ॥
கிமக்நௌ நிபதாம்யத்ய ஆஹோஸ்வித்படபாமுகே ।
ஶரீரமாஹோ ஸத்த்வாநாம் தத்மி ஸாகரவாஸிநாம் ॥ 13 ॥
கதம் ஹி ஜீவதா ஶக்யோ மயா த்ரஷ்டும் ஹரீஶ்வரஃ ।
தௌ வா புருஷஶார்தூலௌ கார்யஸர்வஸ்வகாதிநா ॥ 14 ॥
மயா கலு ததேவேதம் ரோஷதோஷாத்ப்ரதர்ஶிதம் ।
ப்ரதிதம் த்ரிஷு லோகேஷு கபித்வமநவஸ்திதம் ॥ 15 ॥
திகஸ்து ராஜஸம் பாவமநீஶமநவஸ்திதம் ।
ஈஶ்வரேணாபி யத்ராகாந்மயா ஸீதா ந ரக்ஷிதா ॥ 16 ॥
விநஷ்டாயாம் து ஸீதாயாம் தாவுபௌ விநஶிஷ்யதஃ ।
தயோர்விநாஶே ஸுக்ரீவஃ ஸபந்துர்விநஶிஷ்யதி ॥ 17 ॥
ஏததேவ வசஶ்ஶ்ருத்வா பரதோ ப்ராத்ரு'வத்ஸலஃ ।
தர்மாத்மா ஸஹஶத்ருக்நஃ கதம் ஶக்ஷ்யதி ஜீவிதும் ॥ 18 ॥
இக்ஷ்வாகுவம்ஶே தர்மிஷ்டே கதே நாஶமஸம்ஶயம் ।
பவிஷ்யந்தி ப்ரஜாஸ்ஸர்வாஶ்ஶோகஸந்தாபபீடிதாஃ ॥ 19 ॥
ததஹம் பாக்யரஹிதோ லுப்ததர்மார்தஸங்க்ரஹஃ ॥ 20 ॥
ரோஷதோஷபரீதாத்மா வ்யக்தம் லோகவிநாஶநஃ ।
இதி சிந்தயதஸ்தஸ்ய நிமித்தாந்யுபபேதிரே ।
பூர்வமப்யுபலப்தாநி ஸாக்ஷாத்புநரசிந்தயத் ॥ 21 ॥
அதவா சாருஸர்வாங்கீ ரக்ஷிதா ஸ்வேந தேஜஸா ।
ந நஶிஷ்யதி கல்யாணீ நாக்நிரக்நௌ ப்ரவர்ததே ॥ 22 ॥
ந ஹி தர்மாத்மநஸ்தஸ்ய பார்யாமமிததேஜஸஃ ।
ஸ்வசாரித்ராபிகுப்தாம் தாம் ஸ்ப்ரஷ்டுமர்ஹதி பாவகஃ ॥ 23 ॥
நூநம் ராமப்ரபாவேண வைதேஹ்யாஸ்ஸுக்ரு'தேந ச ।
யந்மாம் தஹநகர்மாயம் நாதஹத்தவ்யவாஹநஃ ॥ 24 ॥
த்ரயாணாம் பரதாதீநாம் ப்ராத்ரூணாம் தேவதா ச யா ।
ராமஸ்ய ச மநஃ காந்தா ஸா கதம் விநஶிஷ்யதி ॥ 25 ॥
யத்வா தஹநகர்மாயம் ஸர்வத்ர ப்ரபுரவ்யயஃ ।
ந மே தஹதி லாங்கூலம் கதமார்யாம் ப்ரதக்ஷ்யதி ॥ 26 ॥
புநஶ்சாசிந்தயத்தத்ர ஹநுமாந்விஸ்மிதஸ்ததா ।
ஹிரண்யநாபஸ்ய கிரேர்ஜலமத்யே ப்ரதர்ஶநம் ॥ 27 ॥
தபஸா ஸத்யவாக்யேந அநந்யத்வாச்ச பர்தரி ।
அபி ஸா நிர்தஹேதக்நிம் ந தாமக்நிஃ ப்ரதக்ஷ்யதி ॥ 28 ॥
ஸ ததா சிந்தயம்ஸ்தத்ர தேவ்யா தர்மபரிக்ரஹம் ।
ஶுஶ்ராவ ஹநுமாந்வாக்யம் சாரணாநாம் மஹாத்மநாம் ॥ 29 ॥
அஹோ கலு க்ரு'தம் கர்ம துஷ்கரம் ஹி ஹநூமதா ।
அக்நிம் விஸ்ரு'ஜதாऽபீக்ஷ்ணம் பீமம் ராக்ஷஸவேஶ்மநி ॥ 30 ॥
ப்ரபலாயிதரக்ஷஃ ஸ்த்ரீபாலவ்ரு'த்தஸமாகுலா ।
ஜநகோலாஹலாத்மாதா க்ரந்தந்தீவாத்ரிகந்தரைஃ ॥ 31 ॥
தக்தேயம் நகரீ ஸர்வா ஸாட்டப்ராகாரதோரணா ।
ஜாநகீ ந ச தக்தேதி விஸ்மயோऽத்புத ஏவ நஃ ॥ 32 ॥
ஸ நிமித்தைஶ்ச த்ரு'ஷ்டார்தைஃ காரணைஶ்ச மஹாகுணைஃ ।
ரு'ஷிவாக்யைஶ்ச ஹநுமாநபவத்ப்ரீதமாநஸஃ ॥ 33 ॥
ததஃ கபிஃ ப்ராப்தமநோரதார்தஸ்தாமக்ஷதாம் ராஜஸுதாம் விதித்வா ।
ப்ரத்யக்ஷதஸ்தாம் புநரேவ த்ரு'ஷ்டவா ப்ரதிப்ரயாணாய மதிம் சகார ॥ 34 ॥
இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே பஞ்சபஞ்சாஶஸ்ஸர்கஃ ॥
Roman (IAST) Transliteration
śrīmadvālmīkīya rāmāyaṇe sundarakāṇḍam |
atha pañcapañcāśassargaḥ |
laṅkāṃ samastāṃ sandīpya lāṅgūlāgniṃ mahābalaḥ |
nirvāpayāmāsa tadā samudre harisattamaḥ |
sandīpyamānāṃ vidhvastāṃ trastarakṣogaṇāṃ purīm |
āvekṣya hanumān laṅkāṃ cintayāmāsa vānaraḥ || 1 ||
tasyābhūtsumahāṃstrāsaḥ kutsā cātmanyajāyata |
laṅkāṃ pradahatā karma kiṃsvitkṛtamidaṃ mayā || 2 ||
dhanyāste puruṣaśreṣṭhā ye buddhyā kopamutthitam |
nirundhanti mahātmāno dīptamagnimivāmbhasā || 3 ||
kruddhaḥ pāpaṃ na kuryātkaḥ kruddho hanyādgurūnapi |
kruddhaḥ paruṣayā vācā narassādhūnadhikṣipet || 4 ||
vācyāvācyaṃ prakupito na vijānāti karhicit |
nākāryamasti kruddhasya nāvācyaṃ vidyate kvacit || 5 ||
yassamutpatitaṃ krodhaṃ kṣamayaiva nirasyati |
yathoragastvacaṃ jīrṇāṃ sa vai puruṣa ucyate || 6 ||
dhigastu māṃ sudurbuddhiṃ nirlajjaṃ pāpakṛttamam |
acintayitvā tāṃ sītāmagnidaṃ svāmighātukam || 7 ||
yadi dagdhā tviyaṃ laṅkā nūnamāryā'pi jānakī |
dagdhā tena mayā bharturhitaṃ kāryamajānatā || 8 ||
yadarthamayamārambhastatkāryamavasāditam |
mayā hi dahatā laṅkāṃ na sītā parirakṣitā || 9 ||
īṣatkāryamidaṃ kāryaṃ kṛtamāsīnna saṃśayaḥ |
tasya krodhābhibhūtena mayā mūlakṣayaḥ kṛtaḥ || 10 ||
vinaṣṭā jānakī nūnaṃ na hyadagdhaḥ pradṛśyate |
laṅkāyāṃ kaściduddheśassarvā bhasmīkṛtā purī || 11 ||
yadi tadvihataṃ kāryaṃ mama prajñāviparyayāt |
ihaiva prāṇasannyāso mamāpi hyadya rocate || 12 ||
kimagnau nipatāmyadya āhosvidbaḍabāmukhe |
śarīramāho sattvānāṃ dadmi sāgaravāsinām || 13 ||
kathaṃ hi jīvatā śakyo mayā draṣṭuṃ harīśvaraḥ |
tau vā puruṣaśārdūlau kāryasarvasvaghātinā || 14 ||
mayā khalu tadevedaṃ roṣadoṣātpradarśitam |
prathitaṃ triṣu lokeṣu kapitvamanavasthitam || 15 ||
dhigastu rājasaṃ bhāvamanīśamanavasthitam |
īśvareṇāpi yadrāgānmayā sītā na rakṣitā || 16 ||
vinaṣṭāyāṃ tu sītāyāṃ tāvubhau vinaśiṣyataḥ |
tayorvināśe sugrīvaḥ sabandhurvinaśiṣyati || 17 ||
etadeva vacaśśrutvā bharato bhrātṛvatsalaḥ |
dharmātmā sahaśatrughnaḥ kathaṃ śakṣyati jīvitum || 18 ||
ikṣvākuvaṃśe dharmiṣṭhe gate nāśamasaṃśayam |
bhaviṣyanti prajāssarvāśśokasantāpapīḍitāḥ || 19 ||
tadahaṃ bhāgyarahito luptadharmārthasaṅgrahaḥ || 20 ||
roṣadoṣaparītātmā vyaktaṃ lokavināśanaḥ |
iti cintayatastasya nimittānyupapedire |
pūrvamapyupalabdhāni sākṣātpunaracintayat || 21 ||
athavā cārusarvāṅgī rakṣitā svena tejasā |
na naśiṣyati kalyāṇī nāgniragnau pravartate || 22 ||
na hi dharmātmanastasya bhāryāmamitatejasaḥ |
svacāritrābhiguptāṃ tāṃ spraṣṭumarhati pāvakaḥ || 23 ||
nūnaṃ rāmaprabhāveṇa vaidehyāssukṛtena ca |
yanmāṃ dahanakarmāyaṃ nādahaddhavyavāhanaḥ || 24 ||
trayāṇāṃ bharatādīnāṃ bhrātrūṇāṃ devatā ca yā |
rāmasya ca manaḥ kāntā sā kathaṃ vinaśiṣyati || 25 ||
yadvā dahanakarmāyaṃ sarvatra prabhuravyayaḥ |
na me dahati lāṅgūlaṃ kathamāryāṃ pradhakṣyati || 26 ||
punaścācintayattatra hanumānvismitastadā |
hiraṇyanābhasya girerjalamadhye pradarśanam || 27 ||
tapasā satyavākyena ananyatvācca bhartari |
api sā nirdahedagniṃ na tāmagniḥ pradhakṣyati || 28 ||
sa tathā cintayaṃstatra devyā dharmaparigraham |
śuśrāva hanumānvākyaṃ cāraṇānāṃ mahātmanām || 29 ||
aho khalu kṛtaṃ karma duṣkaraṃ hi hanūmatā |
agniṃ visṛjatā'bhīkṣṇaṃ bhīmaṃ rākṣasaveśmani || 30 ||
prapalāyitarakṣaḥ strībālavṛddhasamākulā |
janakolāhalādhmātā krandantīvādrikandaraiḥ || 31 ||
dagdheyaṃ nagarī sarvā sāṭṭaprākāratoraṇā |
jānakī na ca dagdheti vismayo'dbhuta eva naḥ || 32 ||
sa nimittaiśca dṛṣṭārthaiḥ kāraṇaiśca mahāguṇaiḥ |
ṛṣivākyaiśca hanumānabhavatprītamānasaḥ || 33 ||
tataḥ kapiḥ prāptamanorathārthastāmakṣatāṃ rājasutāṃ viditvā |
pratyakṣatastāṃ punareva dṛṣṭavā pratiprayāṇāya matiṃ cakāra || 34 ||
ityārṣe śrīmadrāmāyaṇe vālmīkīya ādikāvye sundarakāṇḍe pañcapañcāśassargaḥ ||
InfoLyter.in — Sacred Vedic Knowledge Portal · Free forever