5.51 Sundarakanda - Ekapanchasha Sargah

ॐ

5.51 ஸுந்தரகாண்ட - ஏகபஞ்சாஶ ஸர்கஃ

Valmiki Tamil

ஶ்ரீமத்வால்மீகீய ராமாயணே ஸுந்தரகாண்டம் ।

அத ஏகபஞ்சாஶஸ்ஸர்கஃ ।

தம் ஸமீக்ஷ்ய மஹாஸத்த்வம் ஸத்த்வவாந்ஹரிஸத்தமஃ ।

வாக்யமர்தவதவ்யக்ரஸ்தமுவாச தஶாநநம் ॥ 1 ॥

அஹம் ஸுக்ரீவஸந்தேஶாதிஹ ப்ராப்தஸ்தவாலயம் ।

ராக்ஷஸேந்த்ர ஹரீஶஸ்த்வாம் ப்ராதா குஶலமப்ரவீத் ॥ 2 ॥

ப்ராதுஶ்ஶ்ரு'ணு ஸமாதேஶம் ஸுக்ரீவஸ்ய மஹாத்மநஃ ।

தர்மார்தோபஹிதம் வாக்யமிஹ சாமுத்ர ச க்ஷமம் ॥ 3 ॥

ராஜா தஶரதோ நாம ரதகுஞ்ஜரவாஜிமாந் ।

பிதேவ பந்துர்லோகஸ்ய ஸுரேஶ்வரஸமத்யுதிஃ ॥ 4 ॥

ஜ்யேஷ்டஸ்தஸ்ய மஹாபாஹுஃ புத்ரஃ ப்ரியகரஃ ப்ரபுஃ ।

பிதுர்நிதேஶாந்நிஷ்க்ராந்தஃ ப்ரவிஷ்டோ தண்டகாவநம் ॥ 5 ॥

லக்ஷ்மணேந ஸஹ ப்ராத்ரா ஸீதயா சாபி பார்யயா ।

ராமோ நாம மஹாதேஜா தர்ம்யம் பந்தாநமாஸ்திதஃ ॥ 6 ॥

தஸ்ய பார்யா வநே நஷ்டா ஸீதா பதிமநுவ்ரதா ।

வைதேஹஸ்ய ஸுதா ராஜ்ஞோ ஜநகஸ்ய மஹாத்மநஃ ॥ 7 ॥

ஸ மார்கமாணஸ்தாம் தேவீம் ராஜபுத்ரஃ ஸஹாநுஜஃ ।

ரு'ஶ்யமூகமநுப்ராப்தஃ ஸுக்ரீவேண ஸமாகதஃ ॥ 8 ॥

தஸ்ய தேந ப்ரதிஜ்ஞாதம் ஸீதாயாஃ பரிமார்கணம் ।

ஸுக்ரீவஸ்யாபி ராமேண ஹரிராஜ்யம் நிவேதிதம் ॥ 9 ॥

ததஸ்தேந ம்ரு'தே ஹத்வா ராஜபுத்ரேண வாலிநம் ।

ஸுக்ரீவஃ ஸ்தாபிதோ ராஜ்யே ஹர்ய்ரு'க்ஷாணாம் கணேஶ்வரஃ ॥ 10 ॥

த்வயா விஜ்ஞாதபூர்வஶ்ச வாலீ வாநரபுங்கவஃ ।

ராமேண நிஹதஸ்ஸங்க்யே ஶரேணைகேந வாநரஃ ॥ 11 ॥

ஸ ஸீதாமார்கணே வ்யக்ரஸ்ஸுக்ரீவஃ ஸத்யஸங்கரஃ ।

ஹரீந் ஸம்ப்ரேஷயாமாஸ திஶஸ்ஸர்வா ஹரீஶ்வரஃ ॥ 12 ॥

தாம் ஹரீணாம் ஸஹஸ்ராணி ஶதாநி நியுதாநி ச ।

திக்ஷு ஸர்வாஸு மார்கந்தே ஹ்யதஶ்சோபரி சாம்பரே ॥ 13 ॥

வைநதேயஸமாஃ கேசித்கேசித்தத்ராநிலோபமாஃ ।

அஸங்ககதயஶஶீக்ரா ஹரிவீரா மஹாபலாஃ ॥ 14 ॥

அஹம் து ஹநுமாந்நாம மாருதஸ்யௌரஸஸ்ஸுதஃ ।

ஸீதாயாஸ்து க்ரு'தே தூர்ணம் ஶதயோஜநமாயதம் ॥ 15 ॥

ஸமுத்ரம் லங்கயித்வைவ தாம் தித்ரு'க்ஷுரிஹாகதஃ ।

ப்ரமதா ச மயா த்ரு'ஷ்டா க்ரு'ஹே தே ஜநகாத்மஜா ॥ 16 ॥

தத்பவாந் த்ரு'ஷ்டதர்மார்தஸ்தபஃக்ரு'தபரிக்ரஹஃ ।

பரதாராந் மஹாப்ராஜ்ஞ நோபரோத்தும் த்வமர்ஹஸி ॥ 17 ॥

ந ஹி தர்மவிருத்தேஷு பஹ்வபாயேஷு கர்மஸு ।

மூலகாதிஷு ஸஜ்ஜந்தே புத்திமந்தோ பவத்விதாஃ ॥ 18 ॥

கஶ்ச லக்ஷ்மணமுக்தாநாம் ராமகோபாநுவர்திநாம் ।

ஶராணாமக்ரதஃ ஸ்தாதும் ஶக்தோ தேவாஸுரேஷ்வபி ॥ 19 ॥

ந சாபி த்ரிஷு லோகேஷு ராஜந்வித்யேத கஶ்சந ।

ராகவஸ்ய வ்யலீகம் யஃ க்ரு'த்வா ஸுகமவாப்நுயாத் ॥ 20 ॥

தத் த்ரிகாலஹிதம் வாக்யம் தர்ம்யமர்தாநுபந்தி ச ।

மந்யஸ்வ நரதேவாய ஜாநகீ ப்ரதிதீயதாம் ॥ 21 ॥

த்ரு'ஷ்டா ஹீயம் மயா தேவீ லப்தம் யதிஹ துர்லபம் ।

உத்தரம் கர்ம யச்சேஷம் நிமித்தம் தத்ர ராகவஃ ॥ 22 ॥

லக்ஷிதேயம் மயா ஸீதா ததா ஶோகபராயணா ।

க்ரு'ஹ்ய யாம் நாபிஜாநாஸி பஞ்சாஸ்யாமிவ பந்நகீம் ॥ 23 ॥

நேயம் ஜரயிதும் ஶக்யா ஸாஸுரைரமரைரபி ।

விஷஸம்ஸ்ரு'ஷ்டமத்யர்தம் புக்தமந்நமிவௌஜஸா ॥ 24 ॥

தபஸ்ஸந்தாபலப்தஸ்தே யோऽயம் தர்மபரிக்ரஹஃ ।

ந ஸ நாஶயிதும் ந்யாய்ய ஆத்மப்ராணபரிக்ரஹஃ ॥ 25 ॥

அவத்யதாம் தபோபிர்யாம் பவாந் ஸமநுபஶ்யதி ।

ஆத்மநஃ ஸாஸுரைர்தேவைர்ஹேதுஸ்தத்ராப்யயம் மஹாந் ॥ 26 ॥

ஸுக்ரீவோ ந ஹி தேவோऽயம் நாஸுரோ ந ச ராக்ஷஸஃ ।

ந தாநவோ ந கந்தர்வோ ந யக்ஷோ ந ச பந்நகஃ ॥ 27 ॥

தஸ்மாத்ப்ராணபரித்ராணம் கதம் ராஜந்கரிஷ்யஸி ।

ந து தர்மோபஸம்ஹாரமதர்மபலஸம்ஹிதம் ॥ 28 ॥

ததேவ பலமந்வேதி தர்மஶ்சாதர்மநாஶநஃ ।

ப்ராப்தம் தர்மபலம் தாவத்பவதா நாத்ர ஸம்ஶயஃ ।

பலமஸ்யாப்யதர்மஸ்ய க்ஷிப்ரமேவ ப்ரபத்ஸ்யஸே ॥ 29 ॥

ஜநஸ்தாநவதம் புத்த்வா புத்த்வா வாலிவதம் ததா ॥ 30 ॥

ராமஸுக்ரீவஸக்யம் ச புத்யஸ்வ ஹிதமாத்மநஃ ।

காமம் கல்வஹமப்யேகஸ்ஸவாஜிரதகுஞ்ஜராம் ॥ 31 ॥

லங்காம் நாஶயிதும் ஶக்தஸ்தஸ்யைஷ து ந நிஶ்சயஃ ।

ராமேண ஹி ப்ரதிஜ்ஞாதம் ஹர்ய்ரு'க்ஷகணஸந்நிதௌ ॥ 32 ॥

உத்ஸாதநமமித்ராணாம் ஸீதா யைஸ்து ப்ரதர்ஷிதா ।

அபகுர்வந் ஹி ராமஸ்ய ஸாக்ஷாதபி புரந்தரஃ ॥ 33 ॥

ந ஸுகம் ப்ராப்நுயாதந்யஃ கிம் புநஸ்த்வத்விதோ ஜநஃ ।

யாம் ஸீதேத்யபிஜாநாஸி யேயம் திஷ்டதி தே வஶே ॥ 34 ॥

காலராத்ரீதி தாம் வித்தி ஸர்வலங்காவிநாஶிநீம் ।

ததலம் காலபாஶேந ஸீதாவிக்ரஹரூபிணா ॥ 35 ॥

ஸ்வயம் ஸ்கந்தாவஸக்தேந க்ஷேமமாத்மநி சிந்த்யதாம் ।

ஸீதாயாஸ்தேஜஸா தக்தாம் ராமகோபப்ரபீடிதாம் ॥ 36 ॥

தஹ்யமாநாமிமாம் பஶ்ய புரீம் ஸாட்டப்ரதோலிகாம் ।

ஸ்வாநி மித்ராணி மந்த்ரீம்ஶ்ச ஜ்ஞாதீந் ப்ராத்ரூந் ஸுதாந் ஹிதாந் ॥ 37 ॥

போகாந்தாராம்ஶ்ச லங்காம் ச மா விநாஶமுபாநய ।

ஸத்யம் ராக்ஷஸராஜேந்த்ர ஶ்ரு'ணுஷ்வ வசநம் மம ॥ 38 ॥

ராமதாஸஸ்ய தூதஸ்ய வாநரஸ்ய விஶேஷதஃ ।

ஸர்வாந் லோகாந் ஸுஸம்ஹ்ரு'த்ய ஸபூதாந் ஸசராசராந் ॥ 39 ॥

புநரேவ ததா ஸ்ரஷ்டும் ஶக்தோ ராமோ மஹாயஶாஃ ।

தேவாஸுரநரேந்த்ரேஷு யக்ஷரக்ஷோகணேஷு ச ॥ 40 ॥

வித்யாதரேஷு ஸர்வேஷு கந்தர்வேஷூரகேஷு ச ।

ஸித்தேஷு கிந்நரேந்த்ரேஷு பதத்ரிஷு ச ஸர்வதஃ ॥ 41 ॥

ஸர்வபூதேஷு ஸர்வத்ர ஸர்வகாலேஷு நாஸ்தி ஸஃ ।

யோ ராமம் ப்ரதியுத்யேத விஷ்ணுதுல்யபராக்ரமம் ॥ 42 ॥

ஸர்வலோகேஶ்வரஸ்யைவம் க்ரு'த்வா விப்ரியமுத்தமம் ।

ராமஸ்ய ராஜஸிம்ஹஸ்ய துர்லபம் தவ ஜீவிதம் ॥ 43 ॥

தேவாஶ்ச தைத்யாஶ்ச நிஶாசரேந்த்ர கந்தர்வவித்யாதரநாகயக்ஷாஃ ।

ராமஸ்ய லோகத்ரயநாயகஸ்ய ஸ்தாதும் ந ஶக்தாஸ்ஸமரேஷு ஸர்வே ॥ 44 ॥

ப்ரஹ்மா ஸ்வயம்பூஶ்சதுராநநோ வா ருத்ரஸ்த்ரிணேத்ரஸ்த்ரிபுராந்தகோ வா ।

இந்த்ரோ மஹேந்த்ரஸ்ஸுரநாயகோ வா த்ராதும் ந ஶக்தா யுதி ராமவத்யம் ॥ 45 ॥

ஸ ஸௌஷ்டவோபேதமதீநவாதிநஃ கபேர்நிஶம்யாப்ரதிமோऽப்ரியம் வசஃ ।

தஶாநநஃ கோபவிவ்ரு'த்தலோசநஃ ஸமாதிஶத்தஸ்ய வதம் மஹாகபேஃ ॥ 46 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே ஏகபஞ்சாஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe sundarakāṇḍam |

atha ekapañcāśassargaḥ |

taṃ samīkṣya mahāsattvaṃ sattvavānharisattamaḥ |

vākyamarthavadavyagrastamuvāca daśānanam || 1 ||

ahaṃ sugrīvasandeśādiha prāptastavālayam |

rākṣasendra harīśastvāṃ bhrātā kuśalamabravīt || 2 ||

bhrātuśśṛṇu samādeśaṃ sugrīvasya mahātmanaḥ |

dharmārthopahitaṃ vākyamiha cāmutra ca kṣamam || 3 ||

rājā daśaratho nāma rathakuñjaravājimān |

piteva bandhurlokasya sureśvarasamadyutiḥ || 4 ||

jyeṣṭhastasya mahābāhuḥ putraḥ priyakaraḥ prabhuḥ |

piturnideśānniṣkrāntaḥ praviṣṭo daṇḍakāvanam || 5 ||

lakṣmaṇena saha bhrātrā sītayā cāpi bhāryayā |

rāmo nāma mahātejā dharmyaṃ panthānamāsthitaḥ || 6 ||

tasya bhāryā vane naṣṭā sītā patimanuvratā |

vaidehasya sutā rājño janakasya mahātmanaḥ || 7 ||

sa mārgamāṇastāṃ devīṃ rājaputraḥ sahānujaḥ |

ṛśyamūkamanuprāptaḥ sugrīveṇa samāgataḥ || 8 ||

tasya tena pratijñātaṃ sītāyāḥ parimārgaṇam |

sugrīvasyāpi rāmeṇa harirājyaṃ niveditam || 9 ||

tatastena mṛdhe hatvā rājaputreṇa vālinam |

sugrīvaḥ sthāpito rājye haryṛkṣāṇāṃ gaṇeśvaraḥ || 10 ||

tvayā vijñātapūrvaśca vālī vānarapuṅgavaḥ |

rāmeṇa nihatassaṅkhye śareṇaikena vānaraḥ || 11 ||

sa sītāmārgaṇe vyagrassugrīvaḥ satyasaṅgaraḥ |

harīn sampreṣayāmāsa diśassarvā harīśvaraḥ || 12 ||

tāṃ harīṇāṃ sahasrāṇi śatāni niyutāni ca |

dikṣu sarvāsu mārgante hyadhaścopari cāmbare || 13 ||

vainateyasamāḥ kecitkecittatrānilopamāḥ |

asaṅgagatayaśaśīghrā harivīrā mahābalāḥ || 14 ||

ahaṃ tu hanumānnāma mārutasyaurasassutaḥ |

sītāyāstu kṛte tūrṇaṃ śatayojanamāyatam || 15 ||

samudraṃ laṅghayitvaiva tāṃ didṛkṣurihāgataḥ |

bhramatā ca mayā dṛṣṭā gṛhe te janakātmajā || 16 ||

tadbhavān dṛṣṭadharmārthastapaḥkṛtaparigrahaḥ |

paradārān mahāprājña noparoddhuṃ tvamarhasi || 17 ||

na hi dharmaviruddheṣu bahvapāyeṣu karmasu |

mūlaghātiṣu sajjante buddhimanto bhavadvidhāḥ || 18 ||

kaśca lakṣmaṇamuktānāṃ rāmakopānuvartinām |

śarāṇāmagrataḥ sthātuṃ śakto devāsureṣvapi || 19 ||

na cāpi triṣu lokeṣu rājanvidyeta kaścana |

rāghavasya vyalīkaṃ yaḥ kṛtvā sukhamavāpnuyāt || 20 ||

tat trikālahitaṃ vākyaṃ dharmyamarthānubandhi ca |

manyasva naradevāya jānakī pratidīyatām || 21 ||

dṛṣṭā hīyaṃ mayā devī labdhaṃ yadiha durlabham |

uttaraṃ karma yaccheṣaṃ nimittaṃ tatra rāghavaḥ || 22 ||

lakṣiteyaṃ mayā sītā tathā śokaparāyaṇā |

gṛhya yāṃ nābhijānāsi pañcāsyāmiva pannagīm || 23 ||

neyaṃ jarayituṃ śakyā sāsurairamarairapi |

viṣasaṃsṛṣṭamatyarthaṃ bhuktamannamivaujasā || 24 ||

tapassantāpalabdhaste yo'yaṃ dharmaparigrahaḥ |

na sa nāśayituṃ nyāyya ātmaprāṇaparigrahaḥ || 25 ||

avadhyatāṃ tapobhiryāṃ bhavān samanupaśyati |

ātmanaḥ sāsurairdevairhetustatrāpyayaṃ mahān || 26 ||

sugrīvo na hi devo'yaṃ nāsuro na ca rākṣasaḥ |

na dānavo na gandharvo na yakṣo na ca pannagaḥ || 27 ||

tasmātprāṇaparitrāṇaṃ kathaṃ rājankariṣyasi |

na tu dharmopasaṃhāramadharmaphalasaṃhitam || 28 ||

tadeva phalamanveti dharmaścādharmanāśanaḥ |

prāptaṃ dharmaphalaṃ tāvadbhavatā nātra saṃśayaḥ |

phalamasyāpyadharmasya kṣiprameva prapatsyase || 29 ||

janasthānavadhaṃ buddhvā buddhvā vālivadhaṃ tathā || 30 ||

rāmasugrīvasakhyaṃ ca budhyasva hitamātmanaḥ |

kāmaṃ khalvahamapyekassavājirathakuñjarām || 31 ||

laṅkāṃ nāśayituṃ śaktastasyaiṣa tu na niścayaḥ |

rāmeṇa hi pratijñātaṃ haryṛkṣagaṇasannidhau || 32 ||

utsādanamamitrāṇāṃ sītā yaistu pradharṣitā |

apakurvan hi rāmasya sākṣādapi purandaraḥ || 33 ||

na sukhaṃ prāpnuyādanyaḥ kiṃ punastvadvidho janaḥ |

yāṃ sītetyabhijānāsi yeyaṃ tiṣṭhati te vaśe || 34 ||

kālarātrīti tāṃ viddhi sarvalaṅkāvināśinīm |

tadalaṃ kālapāśena sītāvigraharūpiṇā || 35 ||

svayaṃ skandhāvasaktena kṣemamātmani cintyatām |

sītāyāstejasā dagdhāṃ rāmakopaprapīḍitām || 36 ||

dahyamānāmimāṃ paśya purīṃ sāṭṭapratolikām |

svāni mitrāṇi mantrīṃśca jñātīn bhrātrūn sutān hitān || 37 ||

bhogāndārāṃśca laṅkāṃ ca mā vināśamupānaya |

satyaṃ rākṣasarājendra śṛṇuṣva vacanaṃ mama || 38 ||

rāmadāsasya dūtasya vānarasya viśeṣataḥ |

sarvān lokān susaṃhṛtya sabhūtān sacarācarān || 39 ||

punareva tathā sraṣṭuṃ śakto rāmo mahāyaśāḥ |

devāsuranarendreṣu yakṣarakṣogaṇeṣu ca || 40 ||

vidyādhareṣu sarveṣu gandharveṣūrageṣu ca |

siddheṣu kinnarendreṣu patatriṣu ca sarvataḥ || 41 ||

sarvabhūteṣu sarvatra sarvakāleṣu nāsti saḥ |

yo rāmaṃ pratiyudhyeta viṣṇutulyaparākramam || 42 ||

sarvalokeśvarasyaivaṃ kṛtvā vipriyamuttamam |

rāmasya rājasiṃhasya durlabhaṃ tava jīvitam || 43 ||

devāśca daityāśca niśācarendra gandharvavidyādharanāgayakṣāḥ |

rāmasya lokatrayanāyakasya sthātuṃ na śaktāssamareṣu sarve || 44 ||

brahmā svayambhūścaturānano vā rudrastriṇetrastripurāntako vā |

indro mahendrassuranāyako vā trātuṃ na śaktā yudhi rāmavadhyam || 45 ||

sa sauṣṭhavopetamadīnavādinaḥ kaperniśamyāpratimo'priyaṃ vacaḥ |

daśānanaḥ kopavivṛttalocanaḥ samādiśattasya vadhaṃ mahākapeḥ || 46 ||

ityārṣe śrīmadrāmāyaṇe vālmīkīya ādikāvye sundarakāṇḍe ekapañcāśassargaḥ ||