5.40 Sundarakanda - Chatvarimsha Sargah

ॐ

5.40 ஸுந்தரகாண்ட - சத்வாரிம்ஶ ஸர்கஃ

Valmiki Tamil

ஶ்ரீமத்வால்மீகீய ராமாயணே ஸுந்தரகாண்டம் ।

அத சத்வாரிம்ஶஸ்ஸர்கஃ ।

ஶ்ருத்வா து வசநம் தஸ்ய வாயுஸூநோர்மஹாத்மநஃ ।

உவாசாத்மஹிதம் வாக்யம் ஸீதா ஸுரஸுதோபமா ॥ 1 ॥

த்வாம் த்ரு'ஷ்ட்வா ப்ரியவக்தாரம் ஸம்ப்ரஹ்ரு'ஷ்யாமி வாநரஃ ।

அர்தஸஞ்ஜாதஸஸ்யேவ வ்ரு'ஷ்டிம் ப்ராப்ய வஸுந்தரா ॥ 2 ॥

யதா தம் புருஷவ்யாக்ரம் காத்ரைஶ்ஶோகாபிகர்ஶிதைஃ ।

ஸம்ஸ்ப்ரு'ஶேயம் ஸகாமாஹம் ததா குரு தயாம் மயி ॥ 3 ॥

அபிஜ்ஞாநம் ச ராமஸ்ய தத்யா ஹரிகணோத்தம ।

க்ஷிப்தாமிஷீகாம் காகஸ்ய கோபாதேகாக்ஷிஶாதநீம் ॥ 4 ॥

மநஶ்ஶிலாயாஸ்திலகோ கண்டபார்ஶ்வே நிவேஶிதஃ ।

த்வயா ப்ரணஷ்டே திலகே தம் கில ஸ்மர்துமர்ஹஸி ॥ 5 ॥

ஸ வீர்யவாந்கதம் ஸீதாம் ஹ்ரு'தாம் ஸமநுமந்யஸே ।

வஸந்தீம் ரக்ஷஸாம் மத்யே மஹேந்த்ரவருணோபமஃ ॥ 6 ॥

ஏஷ சூடாமணிர்திவ்யோ மயா ஸுபரிரக்ஷிதஃ ।

ஏதம் த்ரு'ஷ்ட்வா ப்ரஹ்ரு'ஷ்யாமி வ்யஸநே த்வாமிவாநக ॥ 7 ॥

ஏஷ நிர்யாதிதஶ்ஶ்ரீமாந்மயா தே வாரிஸம்பவஃ ।

அதஃ பரம் ந ஶக்ஷ்யாமி ஜீவிதும் ஶோகலாலஸா ॥ 8 ॥

அஸஹ்யாநி ச துஃகாநி வாசஶ்ச ஹ்ரு'தயச்சிதஃ ।

ராக்ஷஸீநாம் ஸுகோராணாம் த்வத்க்ரு'தே மர்ஷயாம்யஹம் ॥ 9 ॥

தாரயிஷ்யாமி மாஸம் து ஜீவிதம் ஶத்ருஸூதந ।

ஊர்த்வம் மாஸாந்ந ஜீவிஷ்யே த்வயா ஹீநா ந்ரு'பாத்மஜ ॥ 10 ॥

கோரோ ராக்ஷஸராஜோऽயம் த்ரு'ஷ்டிஶ்ச ந ஸுகா மயி ।

த்வாம் ச ஶ்ருத்வா விபத்யந்தம் ந ஜீவேயமஹம் க்ஷணம் ॥ 11 ॥

வைதேஹ்யா வசநம் ஶ்ருத்வா கருணம் ஸாஶ்ரு பாஷிதம் ।

அதாப்ரவீந்மஹாதேஜா ஹநுமாந்மாருதாத்மஜஃ ॥ 12 ॥

த்வச்சோகவிமுகோ ராமோ தேவி ஸத்யேந தே ஶபே ।

ராமே துஃகாபிபூதே து லக்ஷ்மணஃ பரிதப்யதே ॥ 13 ॥

கதஞ்சித்பவதீ த்ரு'ஷ்டா ந காலஃ பரிஶோசிதும் ।

இமம் முஹூர்தம் துஃகாநாமந்தம் த்ரக்ஷ்யஸி பாமிநி ॥ 14 ॥

தாவுபௌ புருஷவ்யாக்ரௌ ராஜபுத்ராவரிந்தமௌ ।

த்வத்தர்ஶநக்ரு'தோத்ஸாஹௌ லங்காம் பஸ்மீகரிஷ்யதஃ ॥ 15 ॥

ஹத்த்வா ச ஸமரே க்ரூரம் ராவணம் ஸஹபாந்தவம் ।

ராகவௌ த்வாம் விஶாலாக்ஷி ஸ்வாம் புரீம் ப்ராபயிஷ்யதஃ ॥ 16 ॥

யத்து ராமோ விஜாநீயாதபிஜ்ஞாநமநிந்திதே ।

ப்ரீதிஸஞ்ஜநநம் தஸ்ய பூயஸ்த்வம் தாதுமர்ஹஸி ॥ 17 ॥

ஸாப்ரவீத்தத்தமேவேதி மயாபிஜ்ஞாநமுத்தமம் ।

ஏததேவ ஹி ராமஸ்ய த்ரு'ஷ்ட்வா மத்கேஶபூஷணம் ॥ 18 ॥

ஶ்ரத்தேயம் ஹநுமந்வாக்யம் தவ வீர பவிஷ்யதி ।

ஸ தம் மணிவரம் க்ரு'ஹ்ய ஶ்ரீமாந்ப்லவகஸத்தமஃ ॥ 19 ॥

ப்ரணம்ய ஶிரஸா தேவீம் கமநாயோபசக்ரமே ।

தமுத்பாதக்ரு'தோத்ஸாஹமவேக்ஷ்ய ஹரிபுங்கவம் ॥ 20 ॥

வர்தமாநம் மஹாவேகமுவாச ஜநகாத்மஜா ।

அஶ்ருபூர்ணமுகீ தீநா பாஷ்பகத்கதயா கிரா ॥ 21 ॥

ஹநுமந்ஸிம்ஹஸங்காஶௌ ப்ராதரௌ ராமலக்ஷ்மணௌ ।

ஸுக்ரீவம் ச ஸஹாமாத்யம் ஸர்வாந் ப்ரூயாஹ்யநாமயம் ॥ 22 ॥

யதா ச ஸ மஹாபாஹுர்மாம் தாரயதி ராகவஃ ।

அஸ்மாத்துஃகாம்புஸம்ரோதாத்த்வம் ஸமாதாதுமர்ஹஸி ॥ 23 ॥

இமம் ச தீவ்ரம் மம ஶோகவேகம் ரக்ஷோபிரேபிஃ பரிபர்த்ஸநம் ச ।

ப்ரூயாஸ்து ராமஸ்ய கதஸ்ஸமீபம் ஶிவஶ்ச தேऽத்வாऽஸ்து ஹரிப்ரவீர ॥ 24 ॥

ஸ ராஜபுத்ர்ய்ராப்ரதிவேதிதார்தஃ கபிஃ க்ரு'தார்தஃ பரிஹ்ரு'ஷ்டசேதாஃ ।

அல்பாவஶேஷம் ப்ரஸமீக்ஷ்ய கார்யம் திஶம் ஹ்யுதீசீம் மநஸா ஜகாம ॥ 25 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே சத்வாரிம்ஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe sundarakāṇḍam |

atha catvāriṃśassargaḥ |

śrutvā tu vacanaṃ tasya vāyusūnormahātmanaḥ |

uvācātmahitaṃ vākyaṃ sītā surasutopamā || 1 ||

tvāṃ dṛṣṭvā priyavaktāraṃ samprahṛṣyāmi vānaraḥ |

ardhasañjātasasyeva vṛṣṭiṃ prāpya vasundharā || 2 ||

yathā taṃ puruṣavyāghraṃ gātraiśśokābhikarśitaiḥ |

saṃspṛśeyaṃ sakāmāhaṃ tathā kuru dayāṃ mayi || 3 ||

abhijñānaṃ ca rāmasya dadyā harigaṇottama |

kṣiptāmiṣīkāṃ kākasya kopādekākṣiśātanīm || 4 ||

manaśśilāyāstilako gaṇḍapārśve niveśitaḥ |

tvayā praṇaṣṭe tilake taṃ kila smartumarhasi || 5 ||

sa vīryavānkathaṃ sītāṃ hṛtāṃ samanumanyase |

vasantīṃ rakṣasāṃ madhye mahendravaruṇopamaḥ || 6 ||

eṣa cūḍāmaṇirdivyo mayā suparirakṣitaḥ |

etaṃ dṛṣṭvā prahṛṣyāmi vyasane tvāmivānagha || 7 ||

eṣa niryātitaśśrīmānmayā te vārisambhavaḥ |

ataḥ paraṃ na śakṣyāmi jīvituṃ śokalālasā || 8 ||

asahyāni ca duḥkhāni vācaśca hṛdayacchidaḥ |

rākṣasīnāṃ sughorāṇāṃ tvatkṛte marṣayāmyaham || 9 ||

dhārayiṣyāmi māsaṃ tu jīvitaṃ śatrusūdana |

ūrdhvaṃ māsānna jīviṣye tvayā hīnā nṛpātmaja || 10 ||

ghoro rākṣasarājo'yaṃ dṛṣṭiśca na sukhā mayi |

tvāṃ ca śrutvā vipadyantaṃ na jīveyamahaṃ kṣaṇam || 11 ||

vaidehyā vacanaṃ śrutvā karuṇaṃ sāśru bhāṣitam |

athābravīnmahātejā hanumānmārutātmajaḥ || 12 ||

tvacchokavimukho rāmo devi satyena te śape |

rāme duḥkhābhibhūte tu lakṣmaṇaḥ paritapyate || 13 ||

kathañcidbhavatī dṛṣṭā na kālaḥ pariśocitum |

imaṃ muhūrtaṃ duḥkhānāmantaṃ drakṣyasi bhāmini || 14 ||

tāvubhau puruṣavyāghrau rājaputrāvarindamau |

tvaddarśanakṛtotsāhau laṅkāṃ bhasmīkariṣyataḥ || 15 ||

hattvā ca samare krūraṃ rāvaṇaṃ sahabāndhavam |

rāghavau tvāṃ viśālākṣi svāṃ purīṃ prāpayiṣyataḥ || 16 ||

yattu rāmo vijānīyādabhijñānamanindite |

prītisañjananaṃ tasya bhūyastvaṃ dātumarhasi || 17 ||

sābravīddattameveti mayābhijñānamuttamam |

etadeva hi rāmasya dṛṣṭvā matkeśabhūṣaṇam || 18 ||

śraddheyaṃ hanumanvākyaṃ tava vīra bhaviṣyati |

sa taṃ maṇivaraṃ gṛhya śrīmānplavagasattamaḥ || 19 ||

praṇamya śirasā devīṃ gamanāyopacakrame |

tamutpātakṛtotsāhamavekṣya haripuṅgavam || 20 ||

vardhamānaṃ mahāvegamuvāca janakātmajā |

aśrupūrṇamukhī dīnā bāṣpagadgadayā girā || 21 ||

hanumansiṃhasaṅkāśau bhrātarau rāmalakṣmaṇau |

sugrīvaṃ ca sahāmātyaṃ sarvān brūyāhyanāmayam || 22 ||

yathā ca sa mahābāhurmāṃ tārayati rāghavaḥ |

asmādduḥkhāmbusamrodhāttvaṃ samādhātumarhasi || 23 ||

imaṃ ca tīvraṃ mama śokavegaṃ rakṣobhirebhiḥ paribhartsanaṃ ca |

brūyāstu rāmasya gatassamīpaṃ śivaśca te'dhvā'stu haripravīra || 24 ||

sa rājaputryrāprativeditārthaḥ kapiḥ kṛtārthaḥ parihṛṣṭacetāḥ |

alpāvaśeṣaṃ prasamīkṣya kāryaṃ diśaṃ hyudīcīṃ manasā jagāma || 25 ||

ityārṣe śrīmadrāmāyaṇe vālmīkīya ādikāvye sundarakāṇḍe catvāriṃśassargaḥ ||