5.4 Sundarakanda - Chaturtha Sargah

ॐ

5.4 ஸுந்தரகாண்ட - சதுர்த ஸர்கஃ

Valmiki Tamil

ஶ்ரீமத்வால்மீகீய ராமாயணே ஸுந்தரகாண்டம் ।

அத சதுர்தஸ்ஸர்கஃ ।

ஸ நிர்ஜித்ய புரீம் ஶ்ரேஷ்டாம் லங்காம் தாம் காமரூபிணீம் ।

விக்ரமேண மஹாதேஜா ஹநுமாந் கபிஸத்தமஃ ॥ 1 ॥

அத்வாரேண ச மஹாபாஹுஃ ப்ராகாரமபிபுப்லுவே ।

ப்ரவிஶ்ய நகரீம் லங்காம் கபிராஜஹிதங்கரஃ ॥ 2 ॥

சக்ரேऽத பாதம் ஸவ்யம் ச ஶத்ரூணாம் ஸ து மூர்தநி ।

ப்ரவிஷ்டஃ ஸத்த்வஸம்பந்நோ நிஶாயாம் மாருதாத்மஜஃ ॥ 3 ॥

ஸ மஹாபதமாஸ்தாய முக்தாபுஷ்பவிராஜிதம் ।

ததஸ்து தாம் புரீம் லங்காம் ரம்யாமபியயௌ கபிஃ ॥ 4 ॥

ஹஸிதோத்க்ரு'ஷ்டநிநதைஸ்தூர்யகோஷபுரஸ்ஸரைஃ ।

வஜ்ராங்குஶநிகாஶைஶ்ச வஜ்ரஜாலவிபூஷிதைஃ ॥ 5 ॥

க்ரு'ஹமேகைஃ புரீ ரம்யா பபாஸே த்யௌரிவாம்புதைஃ ।

ப்ரஜஜ்வால ததோ லங்கா ரக்ஷோகணக்ரு'ஹைஃ ஶுபைஃ ॥ 6 ॥

ஸிதாப்ரஸத்ரு'ஶைஶ்சித்ரைஃ பத்மஸ்வஸ்திகஸம்ஸ்திதைஃ ।

வர்தமாநக்ரு'ஹைஶ்சாபி ஸர்வதஃ ஸுவிபூஷிதா ॥ 7 ॥

தாம் சித்ரமால்யாபரணாம் கபிராஜஹிதங்கரஃ ।

ராகவார்தம் சரந் ஶ்ரீமாந் ததர்ஶ ச நநந்த ச ॥ 8 ॥

பவநாத்பவநம் கச்சந் ததர்ஶ பவநாத்மஜஃ ।

விவிதாக்ரு'திரூபாணி பவநாநி ததஸ்ததஃ ॥ 9 ॥

ஶுஶ்ராவ மதுரம் கீதம் த்ரிஸ்தாநஸ்வரபூஷிதம் ।

ஸ்த்ரீணாம் மதஸம்ரு'த்தாநாம் திவி சாப்ஸரஸாமிவ ॥ 10 ॥

ஶுஶ்ராவ காஞ்சீநிநதம் நூபுராணாம் ச, நிஃஸ்வநம் ।

ஸோபாநநிநதாம்ஶ்சைவ பவநேஷு மஹாத்மநாம் ॥ 11 ॥

அஸ்போடிதநிநாதாம்ஶ்ச க்ஷ்வேலிதாம்ஶ்ச ததஸ்ததஃ ।

ஶுஶ்ராவ ஜபதாம் தத்ர மந்த்ராந் ரக்ஷோக்ரு'ஹேஷு வை ॥ 12 ॥

ஸ்வாத்யாயநிரதாம்ஶ்சைவ யாதுதாநாந் ததர்ஶ ஸஃ ।

ராவணஸ்தவஸம்யுக்தாந் கர்ஜதோ ராக்ஷஸாநபி ॥ 13 ॥

ராஜமார்கம் ஸமாவ்ரு'த்ய ஸ்திதம் ரக்ஷோபலம் மஹத் ।

ததர்ஶ மத்யமே குல்மே ராவணஸ்ய சராந் பஹூந் ॥ 14 ॥

தீக்ஷிதாந் ஜடிலாந் முண்டாந் கோஜிநாம்பரவாஸஸஃ ।

தர்பமுஷ்டிப்ரஹரணாநக்நிகுண்டாயுகாம்ஸ்ததா ॥ 15 ॥

கூடமுத்கரபாணீம்ஶ்ச தண்டாயுததராநபி ।

ஏகாக்ஷாநேககர்ணாம்ஶ்ச லம்போதரபயோதராந் ॥ 16 ॥

கராலாந் புக்நவக்த்ராம்ஶ்ச விகடாந் வாமநாம்ஸ்ததா ।

தந்விநஃ கங்கிநஶ்சைவ ஶதக்நீமுஸலாயுதாந் ॥ 17 ॥

பரிகோத்தமஹஸ்தாம்ஶ்ச விசித்ரகவசோஜ்ஜ்வலாந் ।

நாதிஸ்தூலாந்நாதிக்ரு'ஶாந்நாதிதீர்காதிஹ்ரஸ்வகாந் ॥ 18 ॥

நாதிகௌராந்நாதிக்ரு'ஷ்ணாந்நாதிகுப்ஜாந்ந வாமநாந் ।

விரூபாந் பஹுரூபாம்ஶ்ச ஸுரூபாம்ஶ்ச ஸுவர்சஸஃ ॥ 19 ॥

த்வஜீந் பதாகிநஶ்சைவ ததர்ஶ விவிதாயுதாந் ।

ஶக்திவ்ரு'க்ஷாயுதாம்ஶ்சைவ பட்டிஸாஶநிதாரிணஃ ॥ 20 ॥

க்ஷேபணீபாஶஹஸ்தாம்ஶ்ச ததர்ஶ ஸ மஹாகபிஃ ।

ஸ்ரக்விணஸ்த்வநுலிப்தாம்ஶ்ச வராபரணபூஷிதாந் ॥ 21 ॥

நாநாவேஷஸமாயுக்தாந் யதாஸ்ஸ்வைரகதாந் பஹூந் ।

தீக்ஷ்ணஶூலதராம்ஶ்சைவ வஜ்ரிணஶ்ச மஹாபலாந் ॥ 22 ॥

ஶதஸாஹஸ்ரமவ்யக்ரமாரக்ஷம் மத்யமம் கபிஃ ।

ரக்ஷோதிபதிநிர்திஷ்டம் ததர்ஶாந்தஃபுராக்ரதஃ ॥ 23 ॥

ஸ ததா தத்க்ரு'ஹம் த்ரு'ஷ்ட்வா மஹாஹாடகதோரணம் ।

ராக்ஷஸேந்த்ரஸ்ய விக்யாதமத்ரிமூர்த்நி ப்ரதிஷ்டிதம் ॥ 24 ॥

புண்டரீகாவதம்ஸாபிஃ பரிகாபிரலங்க்ரு'தம் ।

ப்ராகாராவ்ரு'தமத்யந்தம் ததர்ஶ ஸ மஹாகபிஃ ॥ 25 ॥

த்ரிவிஷ்டபநிபம் திவ்யம் திவ்யநாதநிநாதிதம் ।

வாஜிஹேஷிதஸங்குஷ்டம் நாதிதம் பூஷணைஸ்ததா ॥ 26 ॥

ரதைர்யாநைர்விமாநைஶ்ச ததா ஹயகஜைஃ ஶுபைஃ ।

வாரணைஶ்ச சதுர்தந்தைஃ ஶ்வேதாப்ரநிசயோபமைஃ ॥ 27 ॥

பூஷிதம் ருசிரத்வாரம் மத்தைஶ்ச ம்ரு'கபக்ஷிபிஃ ।

ரக்ஷிதம் ஸுமஹாவீர்யைர்யாதுதாநைஃ ஸஹஸ்ரஶஃ ।

ராக்ஷஸாதிபதேர்குப்தமாவிவேஶ மஹாகபிஃ ॥ 28 ॥

ஸஹேமஜாம்பூநதசக்ரவாலம் மஹார்ஹமுக்தாமணிபூஷிதாந்தம் ।

பரார்த்யகாலாகுருசந்தநாக்தம் ஸ ராவணாந்தஃபுரமாவிவேஶ ॥ 29 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே சதுர்தஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe sundarakāṇḍam |

atha caturthassargaḥ |

sa nirjitya purīṃ śreṣṭhāṃ laṅkāṃ tāṃ kāmarūpiṇīm |

vikrameṇa mahātejā hanumān kapisattamaḥ || 1 ||

advāreṇa ca mahābāhuḥ prākāramabhipupluve |

praviśya nagarīṃ laṅkāṃ kapirājahitaṅkaraḥ || 2 ||

cakre'tha pādaṃ savyaṃ ca śatrūṇāṃ sa tu mūrdhani |

praviṣṭaḥ sattvasampanno niśāyāṃ mārutātmajaḥ || 3 ||

sa mahāpathamāsthāya muktāpuṣpavirājitam |

tatastu tāṃ purīṃ laṅkāṃ ramyāmabhiyayau kapiḥ || 4 ||

hasitotkṛṣṭaninadaistūryaghoṣapurassaraiḥ |

vajrāṅkuśanikāśaiśca vajrajālavibhūṣitaiḥ || 5 ||

gṛhameghaiḥ purī ramyā babhāse dyaurivāmbudaiḥ |

prajajvāla tato laṅkā rakṣogaṇagṛhaiḥ śubhaiḥ || 6 ||

sitābhrasadṛśaiścitraiḥ padmasvastikasaṃsthitaiḥ |

vardhamānagṛhaiścāpi sarvataḥ suvibhūṣitā || 7 ||

tāṃ citramālyābharaṇāṃ kapirājahitaṅkaraḥ |

rāghavārthaṃ caran śrīmān dadarśa ca nananda ca || 8 ||

bhavanādbhavanaṃ gacchan dadarśa pavanātmajaḥ |

vividhākṛtirūpāṇi bhavanāni tatastataḥ || 9 ||

śuśrāva madhuraṃ gītaṃ tristhānasvarabhūṣitam |

strīṇāṃ madasamṛddhānāṃ divi cāpsarasāmiva || 10 ||

śuśrāva kāñcīninadaṃ nūpurāṇāṃ ca, niḥsvanam |

sopānaninadāṃścaiva bhavaneṣu mahātmanām || 11 ||

asphoṭitaninādāṃśca kṣvelitāṃśca tatastataḥ |

śuśrāva japatāṃ tatra mantrān rakṣogṛheṣu vai || 12 ||

svādhyāyaniratāṃścaiva yātudhānān dadarśa saḥ |

rāvaṇastavasaṃyuktān garjato rākṣasānapi || 13 ||

rājamārgaṃ samāvṛtya sthitaṃ rakṣobalaṃ mahat |

dadarśa madhyame gulme rāvaṇasya carān bahūn || 14 ||

dīkṣitān jaṭilān muṇḍān gojināmbaravāsasaḥ |

darbhamuṣṭipraharaṇānagnikuṇḍāyughāṃstathā || 15 ||

kūṭamudgarapāṇīṃśca daṇḍāyudhadharānapi |

ekākṣānekakarṇāṃśca lambodarapayodharān || 16 ||

karālān bhugnavaktrāṃśca vikaṭān vāmanāṃstathā |

dhanvinaḥ khaṅginaścaiva śataghnīmusalāyudhān || 17 ||

parighottamahastāṃśca vicitrakavacojjvalān |

nātisthūlānnātikṛśānnātidīrghātihrasvakān || 18 ||

nātigaurānnātikṛṣṇānnātikubjānna vāmanān |

virūpān bahurūpāṃśca surūpāṃśca suvarcasaḥ || 19 ||

dhvajīn patākinaścaiva dadarśa vividhāyudhān |

śaktivṛkṣāyudhāṃścaiva paṭṭisāśanidhāriṇaḥ || 20 ||

kṣepaṇīpāśahastāṃśca dadarśa sa mahākapiḥ |

sragviṇastvanuliptāṃśca varābharaṇabhūṣitān || 21 ||

nānāveṣasamāyuktān yathāssvairagatān bahūn |

tīkṣṇaśūladharāṃścaiva vajriṇaśca mahābalān || 22 ||

śatasāhasramavyagramārakṣaṃ madhyamaṃ kapiḥ |

rakṣodhipatinirdiṣṭaṃ dadarśāntaḥpurāgrataḥ || 23 ||

sa tadā tadgṛhaṃ dṛṣṭvā mahāhāṭakatoraṇam |

rākṣasendrasya vikhyātamadrimūrdhni pratiṣṭhitam || 24 ||

puṇḍarīkāvataṃsābhiḥ parikhābhiralaṅkṛtam |

prākārāvṛtamatyantaṃ dadarśa sa mahākapiḥ || 25 ||

triviṣṭapanibhaṃ divyaṃ divyanādanināditam |

vājiheṣitasaṅghuṣṭaṃ nāditaṃ bhūṣaṇaistathā || 26 ||

rathairyānairvimānaiśca tathā hayagajaiḥ śubhaiḥ |

vāraṇaiśca caturthantaiḥ śvetābhranicayopamaiḥ || 27 ||

bhūṣitaṃ ruciradvāraṃ mattaiśca mṛgapakṣibhiḥ |

rakṣitaṃ sumahāvīryairyātudhānaiḥ sahasraśaḥ |

rākṣasādhipaterguptamāviveśa mahākapiḥ || 28 ||

sahemajāmbūnadacakravālaṃ mahārhamuktāmaṇibhūṣitāntam |

parārthyakālāgurucandanāktaṃ sa rāvaṇāntaḥpuramāviveśa || 29 ||

ityārṣe śrīmadrāmāyaṇe vālmīkīya ādikāvye sundarakāṇḍe caturthassargaḥ ||