5.2 Sundarakanda - Dvitiya Sargah

ॐ

5.2 ஸுந்தரகாண்ட - த்விதீய ஸர்கஃ

Valmiki Tamil

ஶ்ரீமத்வால்மீகீய ராமாயணே ஸுந்தரகாண்டம் ।

அத த்விதீயஸ்ஸர்கஃ ।

ஸ ஸாகரமநாத்ரு'ஷ்யமதிக்ரம்ய மஹாபலஃ ।

த்ரிகூடஶிகரே லங்காம் ஸ்திதாம் ஸ்வஸ்தோ ததர்ஶ ஹ ॥ 1 ॥

ததஃ பாதபமுக்தேந புஷ்பவர்ஷேண வீர்யவாந் ।

அபிவ்ரு'ஷ்டஃ ஸ்திதஸ்தத்ர பபௌ புஷ்பமயோ யதா ॥ 2 ॥

யோஜநாநாம் ஶதம் ஶ்ரீமாம்ஸ்தீர்த்வாப்யுத்தமவிக்ரமஃ ।

அநிஃஶ்வஸந் கபிஸ்தத்ர ந க்லாநிமதிகச்சதி ॥ 3 ॥

ஶதாந்யஹம் யோஜநாநாம் க்ரமேயம் ஸுபஹூந்யபி ।

கிம் புநஃ ஸாகரஸ்யாந்தம் ஸங்க்யாதம் ஶதயோஜநம் ॥ 4 ॥

ஸ து வீர்யவதாம் ஶ்ரேஷ்டஃ ப்லவதாமபி சோத்தமஃ ।

ஜகாம வேகவாந் லங்காம் லங்கயித்வா மஹோததிம் ॥ 5 ॥

ஶாத்வலாநி ச நீலாநி கந்தவந்தி வநாநி ச ।

கண்டவந்தி ச மத்யேந ஜகாம நகவந்தி ச ॥ 6 ॥

ஶைலாம்ஶ்ச தருஸஞ்சந்நாந் வநாராஜீஶ்ச புஷ்பிதாஃ ।

அபிசக்ராம தேஜஸ்வீ ஹநுமாந் ப்லவகர்ஷபஃ ॥ 7 ॥

ஸ தஸ்மிந்நசலே திஷ்டந்வநாந்யுபவநாநி ச ।

ஸ நகாக்ரே ச தாம் லங்காம் ததர்ஶ பவநாத்மஜஃ ॥ 8 ॥

ஸரலாந் கர்ணிகாராம்ஶ்ச கர்ஜூராம்ஶ்ச ஸுபுஷ்பிதாந் ।

ப்ரியாலூந்முசுலிந்தாம்ஶ்ச குடஜாந் கேதகாநபி ॥ 9 ॥

ப்ரியம்ங்கூந் கந்தபூர்ணாம்ஶ்ச நீபாந் ஸப்தச்சதாம்ஸ்ததா ।

ஆஸநாந் கோவிதாராம்ஶ்ச கரவீராம்ஶ்ச புஷ்பிதாந் ॥ 10 ॥

புஷ்பபாரநிபத்தாம்ஶ்ச ததா முகுலிதாநபி ।

பாதபாந் விஹகாகீர்ணாந் பவநாதூதமஸ்தகாந் ॥ 11 ॥

ஹம்ஸகாரண்டவாகீர்ணா வாபீஃ பத்மோத்மலாயுதாஃ ।

ஆக்ரீடாந் விவிதாந் ரம்யாவந் விவிதாம்ஶ்ச ஜலாஶயாந் ॥ 12 ॥

ஸந்ததாந் விவிதைர்வ்ரு'க்ஷைஃ ஸர்வர்துபலபுஷ்பிதைஃ ।

உத்யாநாநி ச ரம்யாணி ததர்ஶ கபிகுஞ்ஜரஃ ॥ 13 ॥

ஸமாஸாத்ய ச லக்ஷ்மீவாந் லங்காம் ராவணபாலிதாம் ।

பரிகாபிஃ ஸபத்மாபிஃ ஸோத்பலாபிரலங்க்ரு'தாம் ॥ 14 ॥

ஸீதாபஹரணார்தேந ராவணேந ஸுரக்ஷிதாம் ।

ஸமந்தாத்விசரத்பிஶ்ச ராக்ஷஸைருக்ரதந்விபிஃ ॥ 15 ॥

காஞ்சநேநாவ்ரு'தாம் ரம்யாம் ப்ராகாரேண மஹாபுரீம் ।

க்ரு'ஹைஶ்ச க்ரஹஸங்காஶைஃ ஶாரதாம்புதஸந்நிபைஃ ॥ 16 ॥

பாண்டுராபிஃ ப்ரதோலீபிருச்சாபிரபிஸம்வ்ரு'தாம் ।

அட்டாலகஶதாகீர்ணாம் பதாகாத்வஜமாலிநீம் ॥ 17 ॥

தோரணைஃ காஞ்சநைர்திவ்யைர்லதாபங்த்கிவிசித்ரிதைஃ ।

ததர்ஶ ஹநுமாந் லங்காம் திவி தேவபுரீம் யதா ॥ 18 ॥

கிரிமூர்த்நிம் ஸ்திதாம் லங்காம் பாண்டுரைர்பவநைஃ ஶுபைஃ ।

ததர்ஶ ஸ கபிஶ்ரேஷ்டஃ புரமாகாஶகம் யதா ॥ 19 ॥

பாலிதாம் ராக்ஷஸேந்த்ரேண நிர்மிதாம் விஶ்வகர்மணா ।

ப்லவமாநமிவாகாஶே ததர்ஶ ஹநுமாந் புரீம் ॥ 20 ॥

வப்ரப்ராகாரஜகநாம் விபுலாம்புநவாம்பராம் ।

ஶதக்நீஶூலகேஶாந்தாமட்டாலகவதம்ஸகாம் ॥ 21 ॥

மநஸேவ க்ரு'தாம் லங்காம் நிர்மிதாம் விஶ்வகர்மணா ।

த்வாரமுத்தரமாஸாத்ய சிந்தயாமாஸ வாநரஃ ॥ 22 ॥

கைலாஸஶிகரப்ரக்யாமாலிகந்தீமிவாம்பரம் ।

டீயமாநாமிவாகாஶமுச்ச்ரிதைர்பவநோத்தமைஃ ॥ 23 ॥

ஸம்பூர்ணாம் ராக்ஷஸைர்கோரைர்நாகைர்போகவதீமிவ ।

அசிந்த்யாம் ஸுக்ரு'தாம் ஸ்பஷ்டாம் குபேராத்யுஷிதாம் புரா ॥ 24 ॥

தம்ஷ்ட்ரிபிர்பஹுபிஃ ஶூரைஃ ஶூலபட்டஸபாணிபிஃ ।

ரக்ஷிதாம் ராக்ஷஸைர்கோரைர்குஹாமாஶீவிஷைரிவ ॥ 25 ॥

தஸ்யாஶ்ச மஹதீம் குப்திம் ஸாகரம் ச நிரீக்ஷ்ய ஸஃ ।

ராவணம் ச ரிபும் கோரம் சிந்தயாமாஸ வாநரஃ ॥ 26 ॥

ஆகத்யாபீஹ ஹரயோ பவிஷ்யந்தி நிரர்தகாஃ ।

ந ஹி யுத்தேந வை லங்கா ஶக்யா ஜேதும் ஸுரைரபி ॥ 27 ॥

இமாம் து விஷமாம் துர்காம் லங்காம் ராவணபாலிதாம் ।

ப்ராப்யாபி ஸ மஹாபாஹுஃ கிம் கரிஷ்யதி ராகவஃ ॥ 28 ॥

அவகாஶோ நஸாந்த்வஸ்ய ராக்ஷஸேஷ்வபிகம்யதே ।

ந தாநஸ்ய ந பேதஸ்ய நைவ யுத்தஸ்ய த்ரு'ஶ்யதே ॥ 29 ॥

சதுர்ணாமேவ ஹி கதிர்வாநராணாம் மஹாத்மநாம் ।

வாலிபுத்ரஸ்ய நீலஸ்ய மம ராஜ்ஞஶ்ச தீமதஃ ॥ 30 ॥

யாவஜ்ஜாநாமி வைதேஹீம் யதி ஜீவதி வா ந வா ।

தத்ரைவ சிந்தயிஷ்யாமி த்ரு'ஷ்ட்வா தாம் ஜநகாத்மஜாம் ॥ 31 ॥

ததஃ ஸ சிந்தயாமாஸ முஹூர்தம் கபிகுஞ்ஜரஃ ।

கிரிஶ்ரு'ங்கே ஸ்திதஸ்தஸ்மிந் ராமஸ்யாப்யுதயே ரதஃ ॥ 32 ॥

அநேந ரூபேண மயா ந ஶக்யா ரக்ஷஸாம் புரீ ।

ப்ரவேஷ்டும் ராக்ஷஸைர்குப்தா க்ரூரைர்பலஸமந்விதைஃ ॥ 33 ॥

உக்ரௌஜஸோ மஹாவீர்யா பலவந்தஶ்ச ராக்ஷஸாஃ ।

வஞ்சநீயா மயா ஸர்வே ஜாநகீம் பரிமார்கதா ॥ 34 ॥

லக்ஷ்யாலக்ஷ்யேண ரூபேண ராத்ரௌ லங்கா புரீ மயா ।

ப்ரவேஷ்டும் ப்ராப்தகாலம் மே க்ரு'த்யம் ஸாதயிதும் மஹத் ॥ 35 ॥

தாம் புரீம் தாத்ரு'ஶீம் த்ரு'ஷ்ட்வா துராதர்ஷாம் ஸுராஸுரைஃ ।

ஹநுமாந் சிந்தயாமாஸ விநிஶ்சித்ய முஹுர்முஹுஃ ॥ 36 ॥

கேநோபாயேந பஶ்யேயம் மைதிலீம் ஜநகாத்மஜாம் ।

அத்ரு'ஷ்டோ ராக்ஷஸேந்த்ரேண ராவணேந துராத்மநா ॥ 37 ॥

ந விநஶ்யேத்கதம் கார்யம் ராமஸ்ய விதிதாத்மநஃ ।

ஏகாமேகஶ்ச வஶ்யேயம் ரஹிதே ஜநகாத்மஜாம் ॥ 38 ॥

பூதாஶ்சார்தா விபத்யந்தே தேஶகாலவிரோதிதாஃ ।

விக்லபம் தூதமாஸாத்ய தமஃ ஸூர்யோதயே யதா ॥ 39 ॥

அர்தாநர்தாந்தரே புத்திர்நிஶ்சிதாபி ந ஶோபதே ।

காதயந்தி ஹி கார்யாணி தூதாஃ பண்டிதமாநிநஃ ॥ 40 ॥

ந விநஶ்யேத்கதம் கார்யம் வைக்லப்யம் ந கதம் பவேத் ।

லங்கநம் ச ஸமுத்ரஸ்ய கதம் நு ந வ்ரு'தா பவேத் ॥ 41 ॥

மயி த்ரு'ஷ்டே து ரக்ஷோபீ ராமஸ்ய விதிதாத்மநஃ ।

பவேத்வ்யர்தமிதம் கார்யம் ராவணாநர்தமிச்சதஃ ॥ 42 ॥

ந ஹி ஶக்யம் க்வசித் ஸ்தாதுமவிஜ்ஞாதேந ராக்ஷஸைஃ ।

அபி ராக்ஷஸரூபேண கிமுதாந்யேந கேநசித் ॥ 43 ॥

வாயுரப்யத்ர நாஜ்ஞாதஶ்சரேதிதி மதிர்மம ।

ந ஹ்ய ஸ்த்யவிதிதம் கிஞ்சித்ராக்ஷஸாநாம் பலீயஸாம் ॥ 44 ॥

இஹாஹம் யதி திஷ்டாமி ஸ்வேந ரூபேண ஸம்வ்ரு'தஃ ।

விநாஶமுபயாஸ்யாமி பர்துரர்தஶ்ச ஹீயதே ॥ 45 ॥

ததஹம் ஸ்வேந ரூபேண ரஜந்யாம் ஹ்ரஸ்வதாம் கதஃ ।

லங்காமபிபதிஷ்யாமி ராகவஸ்யார்தஸித்தயே ॥ 46 ॥

ராவணஸ்ய புரீம் ராத்ரௌ ப்ரவிஶ்ய ஸுதுராஸதாம் ।

விசிந்வந் பவநம் ஸர்வம் த்ரக்ஷ்யாமி ஜநகாத்மஜாம் ॥ 47 ॥

இதி ஸஞ்சிந்த்ய ஹநுமாந் ஸூர்யஸ்யாஸ்தமயம் கபிஃ ।

ஆசகாங்க்ஷே ததா வீரோ வைதேஹ்யா தர்ஶநோத்ஸுகஃ ॥ 48 ॥

ஸூர்யே சாஸ்தம் கதே ராத்ரௌ தேஹம் ஸங்க்ஷிப்ய மாருதிஃ ।

ப்ரு'ஷதம்ஶகமாத்ரஃ ஸந் பபூவாத்புததர்ஶநஃ ॥ 49 ॥

ப்ரதோஷகாலே ஹநுமாம்ஸ்தூர்ணமுத்ப்லுத்ய வீர்யவாந் ।

ப்ரவிவேஶ புரீம் ரம்யாம் ஸுவிபக்தமஹாபதாம் ॥ 50 ॥

ப்ராஸாதமாலாவிததாம் ஸ்தம்பைஃ காஞ்சநராஜதைஃ ।

ஶாதகும்பமயைர்ஜாலைர்கந்தர்வநகரோபமாம் ॥ 51 ॥

ஸப்தபௌமாஷ்டபௌமைஶ்ச ஸ ததர்ஶ மஹாபுரீம் ।

தலைஃ ஸ்பாடிகஸங்கீர்ணைஃ கார்தஸ்வரவிபூஷிதைஃ ॥ 52 ॥

வைடூர்யமணிசித்ரைஶ்ச முக்தாஜாலவிபூஷிதைஃ ।

தலைஃ ஶுஶுபிரே தாநி பவநாந்யத்ர ரக்ஷஸாம் ॥ 53 ॥

காஞ்சநாநி ச சித்ராணி தோரணாநி ச ரக்ஷஸாம் ।

லங்காமுத்யோதயாமாஸுஃ ஸர்வதஃ ஸமலங்க்ரு'தாம் ॥ 54 ॥

அசிந்த்யாமத்புதாகாராம் த்ரு'ஷ்டவா லங்காம் மஹாகபிஃ ।

ஆஸீத்விஷண்ணோ ஹ்ரு'ஷ்டஶ்ச வைதேஹ்யா தர்ஶநோத்ஸுகஃ ॥ 55 ॥

ஸ பாண்டுராவித்தவிமாநமாலிநீம் மஹார்ஹஜாம்பூநதஜாலதோரணாம் ।

யஶஸ்விநீம் ராவணபாஹுபாலிதாம் க்ஷபாசரைர்பீமபலைஃ ஸமாவ்ரு'தாம் ॥ 56 ॥

சந்த்ரோऽபி ஸாசிவ்யமிவாஸ்ய குர்வம்ஸ்தாராகணைர்மத்யகதோ விராஜந் ।

ஜ்யோத்ஸ்நாவிதாநேந விதத்ய லோக முத்திஷ்டதே நைகஸஹஸ்ரரஶ்மிஃ ॥ 57 ॥

ஶங்கப்ரபம் க்ஷீரம்ரு'ணாலவர்ண முத்கச்சமாநம் வ்யவபாஸமாநம் ।

ததர்ஶ சந்த்ரம் ஸ ஹரிப்ரவீரஃ போப்லூயமாநம் ஸரஸீவ ஹம்ஸம் ॥ 58 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே த்விதீயஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe sundarakāṇḍam |

atha dvitīyassargaḥ |

sa sāgaramanādṛṣyamatikramya mahābalaḥ |

trikūṭaśikhare laṅkāṃ sthitāṃ svastho dadarśa ha || 1 ||

tataḥ pādapamuktena puṣpavarṣeṇa vīryavān |

abhivṛṣṭaḥ sthitastatra babhau puṣpamayo yathā || 2 ||

yojanānāṃ śataṃ śrīmāṃstīrtvāpyuttamavikramaḥ |

aniḥśvasan kapistatra na glānimadhigacchati || 3 ||

śatānyahaṃ yojanānāṃ krameyaṃ subahūnyapi |

kiṃ punaḥ sāgarasyāntaṃ saṅkhyātaṃ śatayojanam || 4 ||

sa tu vīryavatāṃ śreṣṭhaḥ plavatāmapi cottamaḥ |

jagāma vegavān laṅkāṃ laṅghayitvā mahodadhim || 5 ||

śādvalāni ca nīlāni gandhavanti vanāni ca |

gaṇḍavanti ca madhyena jagāma nagavanti ca || 6 ||

śailāṃśca tarusañchannān vanārājīśca puṣpitāḥ |

abhicakrāma tejasvī hanumān plavagarṣabhaḥ || 7 ||

sa tasminnacale tiṣṭhanvanānyupavanāni ca |

sa nagāgre ca tāṃ laṅkāṃ dadarśa pavanātmajaḥ || 8 ||

saralān karṇikārāṃśca kharjūrāṃśca supuṣpitān |

priyālūnmuculindāṃśca kuṭajān ketakānapi || 9 ||

priyaṃṅgūn gandhapūrṇāṃśca nīpān saptacchadāṃstathā |

āsanān kovidārāṃśca karavīrāṃśca puṣpitān || 10 ||

puṣpabhāranibaddhāṃśca tathā mukulitānapi |

pādapān vihagākīrṇān pavanādhūtamastakān || 11 ||

haṃsakāraṇḍavākīrṇā vāpīḥ padmotmalāyutāḥ |

ākrīḍān vividhān ramyāvan vividhāṃśca jalāśayān || 12 ||

santatān vividhairvṛkṣaiḥ sarvartuphalapuṣpitaiḥ |

udyānāni ca ramyāṇi dadarśa kapikuñjaraḥ || 13 ||

samāsādya ca lakṣmīvān laṅkāṃ rāvaṇapālitām |

parikhābhiḥ sapadmābhiḥ sotpalābhiralaṅkṛtām || 14 ||

sītāpaharaṇārthena rāvaṇena surakṣitām |

samantādvicaradbhiśca rākṣasairugradhanvibhiḥ || 15 ||

kāñcanenāvṛtāṃ ramyāṃ prākāreṇa mahāpurīm |

gṛhaiśca grahasaṅkāśaiḥ śāradāmbudasannibhaiḥ || 16 ||

pāṇḍurābhiḥ pratolībhiruccābhirabhisaṃvṛtām |

aṭṭālakaśatākīrṇāṃ patākādhvajamālinīm || 17 ||

toraṇaiḥ kāñcanairdivyairlatāpaṅtkivicitritaiḥ |

dadarśa hanumān laṅkāṃ divi devapurīṃ yathā || 18 ||

girimūrdhniṃ sthitāṃ laṅkāṃ pāṇḍurairbhavanaiḥ śubhaiḥ |

dadarśa sa kapiśreṣṭhaḥ puramākāśagaṃ yathā || 19 ||

pālitāṃ rākṣasendreṇa nirmitāṃ viśvakarmaṇā |

plavamānamivākāśe dadarśa hanumān purīm || 20 ||

vapraprākārajaghanāṃ vipulāmbunavāmbarām |

śataghnīśūlakeśāntāmaṭṭālakavataṃsakām || 21 ||

manaseva kṛtāṃ laṅkāṃ nirmitāṃ viśvakarmaṇā |

dvāramuttaramāsādya cintayāmāsa vānaraḥ || 22 ||

kailāsaśikharaprakhyāmālikhantīmivāmbaram |

ḍīyamānāmivākāśamucchritairbhavanottamaiḥ || 23 ||

sampūrṇāṃ rākṣasairghorairnāgairbhogavatīmiva |

acintyāṃ sukṛtāṃ spaṣṭāṃ kuberādhyuṣitāṃ purā || 24 ||

daṃṣṭribhirbahubhiḥ śūraiḥ śūlapaṭṭasapāṇibhiḥ |

rakṣitāṃ rākṣasairghorairguhāmāśīviṣairiva || 25 ||

tasyāśca mahatīṃ guptiṃ sāgaraṃ ca nirīkṣya saḥ |

rāvaṇaṃ ca ripuṃ ghoraṃ cintayāmāsa vānaraḥ || 26 ||

āgatyāpīha harayo bhaviṣyanti nirarthakāḥ |

na hi yuddhena vai laṅkā śakyā jetuṃ surairapi || 27 ||

imāṃ tu viṣamāṃ durgāṃ laṅkāṃ rāvaṇapālitām |

prāpyāpi sa mahābāhuḥ kiṃ kariṣyati rāghavaḥ || 28 ||

avakāśo nasāntvasya rākṣaseṣvabhigamyate |

na dānasya na bhedasya naiva yuddhasya dṛśyate || 29 ||

caturṇāmeva hi gatirvānarāṇāṃ mahātmanām |

vāliputrasya nīlasya mama rājñaśca dhīmataḥ || 30 ||

yāvajjānāmi vaidehīṃ yadi jīvati vā na vā |

tatraiva cintayiṣyāmi dṛṣṭvā tāṃ janakātmajām || 31 ||

tataḥ sa cintayāmāsa muhūrtaṃ kapikuñjaraḥ |

giriśṛṅge sthitastasmin rāmasyābhyudaye rataḥ || 32 ||

anena rūpeṇa mayā na śakyā rakṣasāṃ purī |

praveṣṭuṃ rākṣasairguptā krūrairbalasamanvitaiḥ || 33 ||

ugraujaso mahāvīryā balavantaśca rākṣasāḥ |

vañcanīyā mayā sarve jānakīṃ parimārgatā || 34 ||

lakṣyālakṣyeṇa rūpeṇa rātrau laṅkā purī mayā |

praveṣṭuṃ prāptakālaṃ me kṛtyaṃ sādhayituṃ mahat || 35 ||

tāṃ purīṃ tādṛśīṃ dṛṣṭvā durādharṣāṃ surāsuraiḥ |

hanumān cintayāmāsa viniścitya muhurmuhuḥ || 36 ||

kenopāyena paśyeyaṃ maithilīṃ janakātmajām |

adṛṣṭo rākṣasendreṇa rāvaṇena durātmanā || 37 ||

na vinaśyetkathaṃ kāryaṃ rāmasya viditātmanaḥ |

ekāmekaśca vaśyeyaṃ rahite janakātmajām || 38 ||

bhūtāścārthā vipadyante deśakālavirodhitāḥ |

viklabaṃ dūtamāsādya tamaḥ sūryodaye yathā || 39 ||

arthānarthāntare buddhirniścitāpi na śobhate |

ghātayanti hi kāryāṇi dūtāḥ paṇḍitamāninaḥ || 40 ||

na vinaśyetkathaṃ kāryaṃ vaiklabyaṃ na kathaṃ bhavet |

laṅghanaṃ ca samudrasya kathaṃ nu na vṛthā bhavet || 41 ||

mayi dṛṣṭe tu rakṣobhī rāmasya viditātmanaḥ |

bhavedvyarthamidaṃ kāryaṃ rāvaṇānarthamicchataḥ || 42 ||

na hi śakyaṃ kvacit sthātumavijñātena rākṣasaiḥ |

api rākṣasarūpeṇa kimutānyena kenacit || 43 ||

vāyurapyatra nājñātaścarediti matirmama |

na hya styaviditaṃ kiñcidrākṣasānāṃ balīyasām || 44 ||

ihāhaṃ yadi tiṣṭhāmi svena rūpeṇa saṃvṛtaḥ |

vināśamupayāsyāmi bharturarthaśca hīyate || 45 ||

tadahaṃ svena rūpeṇa rajanyāṃ hrasvatāṃ gataḥ |

laṅkāmabhipatiṣyāmi rāghavasyārthasiddhaye || 46 ||

rāvaṇasya purīṃ rātrau praviśya sudurāsadām |

vicinvan bhavanaṃ sarvaṃ drakṣyāmi janakātmajām || 47 ||

iti sañcintya hanumān sūryasyāstamayaṃ kapiḥ |

ācakāṅkṣe tadā vīro vaidehyā darśanotsukaḥ || 48 ||

sūrye cāstaṃ gate rātrau dehaṃ saṅkṣipya mārutiḥ |

pṛṣadaṃśakamātraḥ san babhūvādbhutadarśanaḥ || 49 ||

pradoṣakāle hanumāṃstūrṇamutplutya vīryavān |

praviveśa purīṃ ramyāṃ suvibhaktamahāpathām || 50 ||

prāsādamālāvitatāṃ stambhaiḥ kāñcanarājataiḥ |

śātakumbhamayairjālairgantharvanagaropamām || 51 ||

saptabhaumāṣṭabhaumaiśca sa dadarśa mahāpurīm |

talaiḥ sphāṭikasaṅkīrṇaiḥ kārtasvaravibhūṣitaiḥ || 52 ||

vaiḍūryamaṇicitraiśca muktājālavibhūṣitaiḥ |

talaiḥ śuśubhire tāni bhavanānyatra rakṣasām || 53 ||

kāñcanāni ca citrāṇi toraṇāni ca rakṣasām |

laṅkāmudyotayāmāsuḥ sarvataḥ samalaṅkṛtām || 54 ||

acintyāmadbhutākārāṃ dṛṣṭavā laṅkāṃ mahākapiḥ |

āsīdviṣaṇṇo hṛṣṭaśca vaidehyā darśanotsukaḥ || 55 ||

sa pāṇḍurāviddhavimānamālinīṃ mahārhajāmbūnadajālatoraṇām |

yaśasvinīṃ rāvaṇabāhupālitāṃ kṣapācarairbhīmabalaiḥ samāvṛtām || 56 ||

candro'pi sācivyamivāsya kurvaṃstārāgaṇairmadhyagato virājan |

jyotsnāvitānena vitatya loka muttiṣṭhate naikasahasraraśmiḥ || 57 ||

śaṅkhaprabhaṃ kṣīramṛṇālavarṇa mudgacchamānaṃ vyavabhāsamānam |

dadarśa candraṃ sa haripravīraḥ poplūyamānaṃ sarasīva haṃsam || 58 ||

ityārṣe śrīmadrāmāyaṇe vālmīkīya ādikāvye sundarakāṇḍe dvitīyassargaḥ ||