5.18 Sundarakanda - Ashtadasha Sargah

ॐ

5.18 ஸுந்தரகாண்ட - அஷ்டாதஶ ஸர்கஃ

Valmiki Tamil

ஶ்ரீமத்வால்மீகீய ராமாயணே ஸுந்தரகாண்டம் ।

அத அஷ்டாதஶஸ்ஸர்கஃ ।

ததா விப்ரேக்ஷ்யமாணஸ்ய வநம் புஷ்பிதபாதபம் ।

விசிந்வதஶ்ச வைதேஹீம் கிஞ்சிச்சேஷா நிஶாऽபவத் ॥ 1 ॥

ஷடங்கவேதவிதுஷாம் க்ரதுப்ரவரயாஜிநாம் ।

ஶுஶ்ராவ ப்ரஹ்மகோஷாம்ஶ்ச ஸ விராத்ரே ப்ரஹ்மரக்ஷஸாம் ॥ 2 ॥

அத மங்கலவாதித்ரஶப்தைஃ ஶ்ருதிமநோஹரைஃ ।

ப்ராபுத்யத மஹாபாஹுர்தஶக்ரீவோ மஹாபலஃ ॥ 3 ॥

விபுத்யது யதாகாலம் ராக்ஷஸேந்த்ரஃ ப்ரதாபவாந் ।

ஸ்ரஸ்தமால்யாம்பரதரோ வைதேஹீமந்வசிந்தயத் ॥ 4 ॥

ப்ரு'ஶம் நியுக்தஸ்தஸ்யாம் ச மதநேந மதோத்கடஃ ।

ந ஸ தம் ராக்ஷஸஃ காமம் ஶஶாகாத்மநி கூஹிதும் ॥ 5 ॥

ஸ ஸர்வாபரணைர்யுக்தோ பிப்ரச்ச்ரியமநுத்தமாம் ।

தாம் நகைர்பஹுபிர்ஜுஷ்டாம் ஸர்வபுஷ்பபலோபகைஃ ॥ 6 ॥

வ்ரு'தாம் புஷ்கரிணீபிஶ்ச நாநாபுஷ்போபஶோபிதாம் ।

ஸதா மதைஶ்ச விஹகைர்விசித்ராம் பரமாத்புதாம் ॥ 7 ॥

ஈஹாம்ரு'கைஶ்ச விவிதைர்ஜுஷ்டாம் த்ரு'ஷ்டிமநோஹரைஃ ।

வீதீஃ ஸம்ப்ரேக்ஷமாணஶ்ச மணிகாஞ்சநதோரணாஃ ॥ 8 ॥

நாநாம்ரு'ககணாகீர்ணாம் பலைஃ ப்ரபதிதைர்வ்ரு'தாம் ।

அஶோகவநிகாமேவ ப்ராவிஶத்ஸந்ததத்ருமாம் ॥ 9 ॥

அங்கநாஶதமாத்ரம் து தம் வ்ரஜந்தமநுவ்ரஜத் ।

மஹேந்த்ரமிவ பௌலஸ்த்யம் தேவகந்தர்வயோஷிதஃ ॥ 10 ॥

தீபிகாஃ காஞ்சநீஃ காஶ்சிஜ்ஜக்ரு'ஹுஸ்தத்ர யோஷிதஃ ।

வாலவ்யஜநஹஸ்தாஶ்ச தாலவ்ரு'ந்தாநி சாபராஃ ॥ 11 ॥

காஞ்சநைரபி ப்ரு'ங்காரைர்ஜஹ்ருஃ ஸலிலமக்ரதஃ ।

மண்டலாக்ராந் ப்ரு'ஸீஶ்சாபி க்ரு'ஹ்யாந்யாஃ ப்ரு'ஷ்டதோ யயுஃ ॥ 12 ॥

காசித்ரத்நமயீம் ஸ்தாலீம் பூர்ணாம் பாநஸ்ய பாமிநீ ।

தக்ஷிணா தக்ஷிணேநைவ ததா ஜக்ராஹ பாணிநா ॥ 13 ॥

ராஜஹம்ஸப்ரதீகாஶம் சத்ரம் பூர்ணஶஶிப்ரபம் ।

ஸௌவர்ணதண்டமபரா க்ரு'ஹீத்வா ப்ரு'ஷ்டதோ யயௌ ॥ 14 ॥

நித்ராமதபரீதாக்ஷ்யோ ராவணஸ்யோத்தமாஃ ஸ்த்ரியஃ ।

அநுஜக்முஃ பதிம் வீரம் கநம் வித்யுல்லதா இவ ॥ 15 ॥

வ்யாவித்தஹாரகேயூராஃ ஸமாம்ரு'திதவர்ணகாஃ ।

ஸமாகலிதகேஶாந்தாஃ ஸஸ்வேதவதநாஸ்ததா ॥ 16 ॥

கூர்ணந்த்யோ மதஶேஷேண நித்ரயா ச ஶுபாநநாஃ ।

ஸ்வேதக்லிஷ்டாங்ககுஸுமாஸ்ஸுமால்யாகுலமூர்தஜாஃ ॥ 17 ॥

ப்ரயாந்தம் நைரு'தபதிம் நார்யோ மதிரலோசநாஃ ।

பஹுமாநாச்ச காமாச்ச ப்ரியா பார்யாஸ்தமந்வயுஃ ॥ 18 ॥

ஸ ச காமபராதீநஃ பதிஸ்தாஸாம் மஹாபலஃ ।

ஸீதாஸக்தமநா மந்தோ மந்தாஞ்சிதகதிர்பபௌ ॥ 19 ॥

ததஃ காஞ்சீநிநாதம் ச நூபுராணாம் ச நிஸ்வநம் ।

ஶுஶ்ராவ பரமஸ்த்ரீணாம் ஸ கபிர்மாருதாத்மஜஃ ॥ 20 ॥

தம் சாப்ரதிமகர்மாணமசிந்த்யபலபௌருஷம் ।

த்வாரதேஶமநுப்ராப்தம் ததர்ஶ ஹநுமாந் கபிஃ ॥ 21 ॥

தீபிகாபிரநேகாபிஃ ஸமந்தாதவபாஸிதம் ।

கந்ததைலாவஸிக்தாபிர்த்ரியமாணாபிரக்ரதஃ ॥ 22 ॥

காமதர்பமதைர்யுக்தம் ஜிஹ்மதாம்ராயதேக்ஷணம் ।

ஸமக்ஷமிவ கந்தர்பமபவித்தஶராஸநம் ॥ 23 ॥

மதிதாம்ரு'தபேநாபமரஜோவஸ்த்ரமுத்தமம் ।

ஸலீலமநுகர்ஷந்தம் விமுக்தம் ஸக்தமங்கதே ॥ 24 ॥

தம் பத்ரவிடபே லீநஃ பத்ரபுஷ்பகநாவ்ரு'தஃ ।

ஸமீபமிவ ஸங்க்ராந்தம் நித்யாதுமுபசக்ரமே ॥ 25 ॥

அவேக்ஷமாணஸ்து ததோ ததர்ஶ கபிகுஞ்ஜரஃ ।

ரூபயௌவநஸம்பந்நா ராவணஸ்ய வரஸ்த்ரியஃ ॥ 26 ॥

தாபிஃ பரிவ்ரு'தோ ராஜா ஸுரூபாபிர்மஹாயஶாஃ ।

தந்ம்ரு'கத்விஜஸங்குஷ்டம் ப்ரவிஷ்டஃ ப்ரமதாவநம் ॥ 27 ॥

க்ஷீபோ விசித்ராபரணஃ ஶங்குகர்ணோ மஹாபலஃ ।

தேந விஶ்ரவஸஃ புத்ரஃ ஸ த்ரு'ஷ்டோ ராக்ஷஸாதிபஃ ॥ 28 ॥

வ்ரு'தஃ பரமநாரீபிஸ்தாராபிரிவ சந்த்ரமாஃ ।

தம் ததர்ஶ மஹாதேஜாஸ்தேஜோவந்தம் மஹாகபிஃ ॥ 29 ॥

ராவணோऽயம் மஹாபாஹுரிதி ஸஞ்சிந்த்ய வாநரஃ ।

அவப்லுதோ மஹாதேஜா ஹநுமாந்மாருதாத்மஜஃ ॥ 30 ॥

ஸ ததாப்யுக்ரதேஜாஃ ஸந்நிர்தூதஸ்தஸ்ய தேஜஸா ।

பத்ரகுஹ்யாந்தரே ஸக்தோ ஹநுமாந் ஸம்வ்ரு'தோऽபவத் ॥ 31 ॥

ஸ தாமஸிதகேஶாந்தாம் ஸுஶ்ரோணீம் ஸம்ஹதஸ்த்நீம் ।

தித்ரு'க்ஷுரஸிதாபாங்காமுபாவர்தத ராவணஃ ॥ 32 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே அஷ்டாதஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe sundarakāṇḍam |

atha aṣṭādaśassargaḥ |

tathā viprekṣyamāṇasya vanaṃ puṣpitapādapam |

vicinvataśca vaidehīṃ kiñciccheṣā niśā'bhavat || 1 ||

ṣaḍaṅgavedaviduṣāṃ kratupravarayājinām |

śuśrāva brahmaghoṣāṃśca sa virātre brahmarakṣasām || 2 ||

atha maṅgalavāditraśabdaiḥ śrutimanoharaiḥ |

prābudhyata mahābāhurdaśagrīvo mahābalaḥ || 3 ||

vibudhyatu yathākālaṃ rākṣasendraḥ pratāpavān |

srastamālyāmbaradharo vaidehīmanvacintayat || 4 ||

bhṛśaṃ niyuktastasyāṃ ca madanena madotkaṭaḥ |

na sa taṃ rākṣasaḥ kāmaṃ śaśākātmani gūhitum || 5 ||

sa sarvābharaṇairyukto bibhracchriyamanuttamām |

tāṃ nagairbahubhirjuṣṭāṃ sarvapuṣpaphalopagaiḥ || 6 ||

vṛtāṃ puṣkariṇībhiśca nānāpuṣpopaśobhitām |

sadā madaiśca vihagairvicitrāṃ paramādbhutām || 7 ||

īhāmṛgaiśca vividhairjuṣṭāṃ dṛṣṭimanoharaiḥ |

vīdhīḥ samprekṣamāṇaśca maṇikāñcanatoraṇāḥ || 8 ||

nānāmṛgagaṇākīrṇāṃ phalaiḥ prapatitairvṛtām |

aśokavanikāmeva prāviśatsantatadrumām || 9 ||

aṅganāśatamātraṃ tu taṃ vrajantamanuvrajat |

mahendramiva paulastyaṃ devagandharvayoṣitaḥ || 10 ||

dīpikāḥ kāñcanīḥ kāścijjagṛhustatra yoṣitaḥ |

vālavyajanahastāśca tālavṛntāni cāparāḥ || 11 ||

kāñcanairapi bhṛṅgārairjahruḥ salilamagrataḥ |

maṇḍalāgrān bṛsīścāpi gṛhyānyāḥ pṛṣṭhato yayuḥ || 12 ||

kācidratnamayīṃ sthālīṃ pūrṇāṃ pānasya bhāminī |

dakṣiṇā dakṣiṇenaiva tadā jagrāha pāṇinā || 13 ||

rājahaṃsapratīkāśaṃ chatraṃ pūrṇaśaśiprabham |

sauvarṇadaṇḍamaparā gṛhītvā pṛṣṭhato yayau || 14 ||

nidrāmadaparītākṣyo rāvaṇasyottamāḥ striyaḥ |

anujagmuḥ patiṃ vīraṃ ghanaṃ vidyullatā iva || 15 ||

vyāviddhahārakeyūrāḥ samāmṛditavarṇakāḥ |

samāgalitakeśāntāḥ sasvedavadanāstathā || 16 ||

ghūrṇantyo madaśeṣeṇa nidrayā ca śubhānanāḥ |

svedakliṣṭāṅgakusumāssumālyākulamūrdhajāḥ || 17 ||

prayāntaṃ naiṛtapatiṃ nāryo madiralocanāḥ |

bahumānācca kāmācca priyā bhāryāstamanvayuḥ || 18 ||

sa ca kāmaparādhīnaḥ patistāsāṃ mahābalaḥ |

sītāsaktamanā mando mandāñcitagatirbabhau || 19 ||

tataḥ kāñcīninādaṃ ca nūpurāṇāṃ ca nisvanam |

śuśrāva paramastrīṇāṃ sa kapirmārutātmajaḥ || 20 ||

taṃ cāpratimakarmāṇamacintyabalapauruṣam |

dvāradeśamanuprāptaṃ dadarśa hanumān kapiḥ || 21 ||

dīpikābhiranekābhiḥ samantādavabhāsitam |

gandhatailāvasiktābhirdhriyamāṇābhiragrataḥ || 22 ||

kāmadarpamadairyuktaṃ jihmatāmrāyatekṣaṇam |

samakṣamiva kandarpamapaviddhaśarāsanam || 23 ||

mathitāmṛtaphenābhamarajovastramuttamam |

salīlamanukarṣantaṃ vimuktaṃ saktamaṅgade || 24 ||

taṃ patraviṭape līnaḥ patrapuṣpaghanāvṛtaḥ |

samīpamiva saṅkrāntaṃ nidhyātumupacakrame || 25 ||

avekṣamāṇastu tato dadarśa kapikuñjaraḥ |

rūpayauvanasampannā rāvaṇasya varastriyaḥ || 26 ||

tābhiḥ parivṛto rājā surūpābhirmahāyaśāḥ |

tanmṛgadvijasaṅghuṣṭaṃ praviṣṭaḥ pramadāvanam || 27 ||

kṣībo vicitrābharaṇaḥ śaṅkukarṇo mahābalaḥ |

tena viśravasaḥ putraḥ sa dṛṣṭo rākṣasādhipaḥ || 28 ||

vṛtaḥ paramanārībhistārābhiriva candramāḥ |

taṃ dadarśa mahātejāstejovantaṃ mahākapiḥ || 29 ||

rāvaṇo'yaṃ mahābāhuriti sañcintya vānaraḥ |

avapluto mahātejā hanumānmārutātmajaḥ || 30 ||

sa tathāpyugratejāḥ sannirdhūtastasya tejasā |

patraguhyāntare sakto hanumān saṃvṛto'bhavat || 31 ||

sa tāmasitakeśāntāṃ suśroṇīṃ saṃhatastnīm |

didṛkṣurasitāpāṅgāmupāvartata rāvaṇaḥ || 32 ||

ityārṣe śrīmadrāmāyaṇe vālmīkīya ādikāvye sundarakāṇḍe aṣṭādaśassargaḥ ||