5.12 Sundarakanda - Dvadasha Sargah

ॐ

5.12 ஸுந்தரகாண்ட - த்வாதஶ ஸர்கஃ

Valmiki Tamil

ஶ்ரீமத்வால்மீகீய ராமாயணே ஸுந்தரகாண்டம் ।

அத த்வாதஶஸ்ஸர்கஃ ।

ஸ தஸ்ய மத்யே பவநஸ்ய மாருதி ர்லதாக்ரு'ஹாம்ஶ்சித்ரக்ரு'ஹாந்நிஶாக்ரு'ஹாந் ।

ஜகாம ஸீதாம் ப்ரதி தர்ஶநோத்ஸுகோ ந சைவ தாம் பஶ்யதி சாருதர்ஶநாம் ॥ 1 ॥

ஸ சிந்தயாமாஸ ததோ மஹாகபிஃ ப்ரியாமபஶ்யந்ரகுநந்தநஸ்ய தாம் ।

த்ருவம் ஹி ஸீதா ம்ரியதே யதா ந மே விசிந்வதோ தர்ஶநமேதி மைதிலீ ॥ 2 ॥

ஸா ராக்ஷஸாநாம் ப்ரவரேண ஜாநகீ ஸ்வஶீலஸம்ரக்ஷ்ணதத்பரா ஸதீ ।

அநேந நூநம் ப்ரதி துஷ்டகர்மணா ஹதா பவேதார்யபதே பரே ஸ்திதா ॥ 3 ॥

விரூபரூபா விக்ரு'தா விவர்சஸோ மஹாநநா தீர்கவிரூபதர்ஶநாஃ ।

ஸமீக்ஷ்ய ஸா ராக்ஷஸராஜயோஷிதோ பயாத்விநஷ்டா ஜநகேஶ்வராத்மஜா ॥ 4 ॥

ஸீதாமத்ரு'ஷ்ட்வா ஹ்யநவாப்ய பௌருஷம் விஹ்ரு'த்ய காலம் ஸஹ வாநரைஶ்சிரம் ।

ந மேऽஸ்தி ஸுக்ரீவஸமீபகா கதிஃ ஸுதீக்ஷ்ணதண்டோ பலவாம்ஶ்ச வாநரஃ ॥ 5 ॥

த்ரு'ஷ்டமந்தஃபுரம் ஸர்வம் த்ரு'ஷ்டா ராவணயோஷிதஃ ।

ந ஸீதா த்ரு'ஶ்யதே ஸாத்வீவ்ரு'தா ஜாதோ மம ஶ்ரமஃ ॥ 6 ॥

கிம் நு மாம் வாநராஃ ஸர்வே கதம் வக்ஷ்யந்தி ஸங்கதாஃ ।

கத்வா தத்ர த்வயா வீர கிம் க்ரு'தம் தத்வதஸ்வ நஃ ॥ 7 ॥

அத்ரு'ஷ்ட்வா கிம் ப்ரவக்ஷ்யாமி தாமஹம் ஜநகாத்மஜாம் ।

த்ருவம் ப்ராயமுபைஷ்யந்தி காலஸ்ய வ்யதிவர்தநே ॥ 8 ॥

கிம் வா வக்ஷ்யதி வ்ரு'த்தஶ்ச ஜாம்பவாநாங்கதஶ்ச ஸஃ ।

கதம் பாரம் ஸமுத்ரஸ்ய வாநராஶ்ச ஸமாகதாஃ ॥ 9 ॥

அநிர்வேதஃ ஶ்ரியோ மூலமநிர்வேதஃ பரம் ஸுகம் ।

அநிர்வேதோ ஹி ஸததம் ஸர்வார்தேஷு ப்ரவர்தகஃ ॥ 10 ॥

கரோதி ஸபலம் ஜந்தோஃ கர்ம யத்தத்கரோதி ஸஃ ।

தஸ்மாதநிர்வேதக்ரு'தம் யத்நம் சேஷ்டேऽஹமுத்தமம் ॥ 11 ॥

பூயஸ்தாவத்விசேஷ்யாமி தேஶாந்ராவணபாலிதாந் ।

ஆபாநஶாலா விசிதாஸ்ததா புஷ்பக்ரு'ஹாணி ச ॥ 12 ॥

சித்ரஶாலாஶ்ச விசிதா பூயஃ க்ரீடாக்ரு'ஹாணி ச ।

நிஷ்குடாந்தரரத்யாஶ்ச விமாநாநி ச ஸர்வஶஃ ॥ 13 ॥

இதி ஸஞ்சிந்த்ய பூயோऽபி விசேதுமுபசக்ரமே ।

பூமீக்ரு'ஹாம்ஶ்சைத்யக்ரு'ஹாந் க்ரு'ஹாதிக்ரு'ஹகாநபி ॥ 14 ॥

உத்பதந்நிஷ்பதம்ஶ்சாபி திஷ்டந்கச்சந் புநஃ புநஃ ।

அபாவ்ரு'ண்வம்ஶ்ச த்வாராணி கவாடாந்யவகாடயந் ॥ 15 ॥

ப்ரவிஶந்நிஷ்பதம்ஶ்சாபி ப்ரபதந்நுத்பதந்நபி ।

ஸர்வமப்யவகாஶம் ஸ விசசார மஹாகபிஃ ॥ 16 ॥

சதுரங்குலமாத்ரோऽபி நாவகாஶஃ ஸ வித்யதே ।

ராவணாந்தஃபுரே தஸ்மிந் யம் கபிர்ந ஜகாம ஸஃ ॥ 17 ॥

ப்ராகாராந்தரரத்யாஶ்ச வேதிகாஶ்சைத்யஸம்ஶ்ரயாஃ ।

தீர்கிகாஃ புஷ்கரிண்யஶ்ச ஸர்வம் தேநாவலோகிதம் ॥ 18 ॥

ராக்ஷஸ்யோ விவிதாகாரா விரூபா விக்ரு'தாஸ்ததா ।

த்ரு'ஷ்டா ஹநுமதா தத்ர ந து ஸா ஜநகாத்மஜா ॥ 19 ॥

ரூபேணாப்ரதிமா லோகே வரா வித்யாதரஸ்த்ரியஃ ।

த்ரு'ஷ்டா ஹநுமதா தத்ர ந து ராகவநந்திநீ ॥ 20 ॥

நாககந்யா வராரோஹாஃ பூர்ணசந்ர்தநிபாநநாஃ ।

த்ரு'ஷ்டா ஹநுமதா தத்ர ந து ஸீதா ஸுமத்யமா ॥ 21 ॥

ப்ரமத்ய ராக்ஷஸேந்த்ரேண நாககந்யா பலாத்த்ரு'தாஃ ।

த்ரு'ஷ்டா ஹநுமதா தத்ர ந ஸா ஜநகநந்திநீ ॥ 22 ॥

ஸோऽபஶ்யம்ஸ்தாம் மஹாபாஹுஃ பஶ்யம்ஶ்சாந்யா வரஸ்த்ரியஃ ।

விஷஸாத முஹுர்தீமாந் ஹநுமாந் மாருதாத்மஜஃ ॥ 23 ॥

உத்யோகம் வாநரேந்த்ராணாம் ப்லவநம் ஸாகரஸ்ய ச ।

வ்யர்தம் வீக்ஷ்யாநிலஸுதஶ்சிந்தாம் புநருபாகமத் ॥ 24 ॥

அவதீர்ய விமாநாச்ச ஹநுமாந் மாருதாத்மஜஃ ।

சிந்தாமுபஜகாமாத ஶோகோபஹதசேதநஃ ॥ 25 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே த்வாதஶஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe sundarakāṇḍam |

atha dvādaśassargaḥ |

sa tasya madhye bhavanasya māruti rlatāgṛhāṃścitragṛhānniśāgṛhān |

jagāma sītāṃ prati darśanotsuko na caiva tāṃ paśyati cārudarśanām || 1 ||

sa cintayāmāsa tato mahākapiḥ priyāmapaśyanraghunandanasya tām |

dhruvaṃ hi sītā mriyate yathā na me vicinvato darśanameti maithilī || 2 ||

sā rākṣasānāṃ pravareṇa jānakī svaśīlasaṃrakṣṇatatparā satī |

anena nūnaṃ prati duṣṭakarmaṇā hatā bhavedāryapathe pare sthitā || 3 ||

virūparūpā vikṛtā vivarcaso mahānanā dīrghavirūpadarśanāḥ |

samīkṣya sā rākṣasarājayoṣito bhayādvinaṣṭā janakeśvarātmajā || 4 ||

sītāmadṛṣṭvā hyanavāpya pauruṣaṃ vihṛtya kālaṃ saha vānaraiściram |

na me'sti sugrīvasamīpagā gatiḥ sutīkṣṇadaṇḍo balavāṃśca vānaraḥ || 5 ||

dṛṣṭamantaḥpuraṃ sarvaṃ dṛṣṭā rāvaṇayoṣitaḥ |

na sītā dṛśyate sādhvīvṛthā jāto mama śramaḥ || 6 ||

kiṃ nu māṃ vānarāḥ sarve gataṃ vakṣyanti saṅgatāḥ |

gatvā tatra tvayā vīra kiṃ kṛtaṃ tadvadasva naḥ || 7 ||

adṛṣṭvā kiṃ pravakṣyāmi tāmahaṃ janakātmajām |

dhruvaṃ prāyamupaiṣyanti kālasya vyativartane || 8 ||

kiṃ vā vakṣyati vṛddhaśca jāmbavānāṅgadaśca saḥ |

gataṃ pāraṃ samudrasya vānarāśca samāgatāḥ || 9 ||

anirvedaḥ śriyo mūlamanirvedaḥ paraṃ sukham |

anirvedo hi satataṃ sarvārtheṣu pravartakaḥ || 10 ||

karoti saphalaṃ jantoḥ karma yattatkaroti saḥ |

tasmādanirvedakṛtaṃ yatnaṃ ceṣṭe'hamuttamam || 11 ||

bhūyastāvadviceṣyāmi deśānrāvaṇapālitān |

āpānaśālā vicitāstathā puṣpagṛhāṇi ca || 12 ||

citraśālāśca vicitā bhūyaḥ krīḍāgṛhāṇi ca |

niṣkuṭāntararathyāśca vimānāni ca sarvaśaḥ || 13 ||

iti sañcintya bhūyo'pi vicetumupacakrame |

bhūmīgṛhāṃścaityagṛhān gṛhātigṛhakānapi || 14 ||

utpatanniṣpataṃścāpi tiṣṭhangacchan punaḥ punaḥ |

apāvṛṇvaṃśca dvārāṇi kavāṭānyavaghāṭayan || 15 ||

praviśanniṣpataṃścāpi prapatannutpatannapi |

sarvamapyavakāśaṃ sa vicacāra mahākapiḥ || 16 ||

caturaṅgulamātro'pi nāvakāśaḥ sa vidyate |

rāvaṇāntaḥpure tasmin yaṃ kapirna jagāma saḥ || 17 ||

prākārāntararathyāśca vedikāścaityasaṃśrayāḥ |

dīrghikāḥ puṣkariṇyaśca sarvaṃ tenāvalokitam || 18 ||

rākṣasyo vividhākārā virūpā vikṛtāstathā |

dṛṣṭā hanumatā tatra na tu sā janakātmajā || 19 ||

rūpeṇāpratimā loke varā vidyādharastriyaḥ |

dṛṣṭā hanumatā tatra na tu rāghavanandinī || 20 ||

nāgakanyā varārohāḥ pūrṇacanrdanibhānanāḥ |

dṛṣṭā hanumatā tatra na tu sītā sumadhyamā || 21 ||

pramathya rākṣasendreṇa nāgakanyā balāddhṛtāḥ |

dṛṣṭā hanumatā tatra na sā janakanandinī || 22 ||

so'paśyaṃstāṃ mahābāhuḥ paśyaṃścānyā varastriyaḥ |

viṣasāda muhurdhīmān hanumān mārutātmajaḥ || 23 ||

udyogaṃ vānarendrāṇāṃ plavanaṃ sāgarasya ca |

vyarthaṃ vīkṣyānilasutaścintāṃ punarupāgamat || 24 ||

avatīrya vimānācca hanumān mārutātmajaḥ |

cintāmupajagāmātha śokopahatacetanaḥ || 25 ||

ityārṣe śrīmadrāmāyaṇe vālmīkīya ādikāvye sundarakāṇḍe dvādaśassargaḥ ||