5.10 Sundarakanda - Dashama Sargah

ॐ

5.10 ஸுந்தரகாண்ட - தஶம ஸர்கஃ

Valmiki Tamil

ஶ்ரீமத்வால்மீகீய ராமாயணே ஸுந்தரகாண்டம் ।

அத தஶமஸ்ஸர்கஃ ।

தத்ர திவ்யோபமம் முக்யம் ஸ்பாடிகம் ரத்நபூஷிதம் ।

அவேக்ஷமாணோ ஹநுமாந் ததர்ஶ ஶயநாஸநம் ॥ 1 ॥

தாந்தகாஞ்சநசித்ராங்கைர்வைடூர்யைஶ்ச வராஸநைஃ ।

மஹார்ஹாஸ்தரணோபேதைருபபந்நம் மஹாதநைஃ ॥ 2 ॥

தஸ்ய சைகதமே தேஶே ஸோऽக்ய்ரமாலாவிபூஷிதம் ।

ததர்ஶ பாண்டுரம் சத்ரம் தாராதிபதிஸந்நிபம் ॥ 3 ॥

ஜாதரூபபரிக்ஷிப்தம் சித்ரபாநுஸமப்ரபம் ।

அஶோகமாலாவிததம் ததர்ஶ பரமாஸநம் ॥ 4 ॥

வாலவ்யஜநஹஸ்தாபிர்வீஜ்யமாநம் ஸமந்ததஃ ।

கந்தைஶ்ச விவிதைர்ஜுஷ்டம் வரதூபேந தூபிதம் ॥ 5 ॥

பரமாஸ்தரணாஸ்தீர்ணமாவிகாஜிநஸம்வ்ரு'தம் ।

தாமபிர்வரமால்யாநாம் ஸமந்தாதுபஶோபிதம் ॥ 6 ॥

தஸ்மிந் ஜீமூதஸங்காஶம் ப்ரதீப்தோத்தமகுண்டலம் ।

லோஹிதாக்ஷம் மஹாபாஹும் மஹாரஜதவாஸஸம் ॥ 7 ॥

லோஹிதேநாநுலிப்தாங்கம் சந்தநேந ஸுகந்திநா ।

ஸந்த்யாரக்தமிவாகாஶே தோயதம் ஸதடித்கணம் ॥ 8 ॥

வ்ரு'தமாபரணைர்திவ்யைஃ ஸுரூபம் காமரூபிணம் ।

ஸவ்ரு'க்ஷவநகுல்மாட்யம் ப்ரஸுப்தமிவ மந்தரம் ॥ 9 ॥

க்ரீடித்வோபரதம் ராத்ரௌ வராபரணபூஷிதம் ।

ப்ரியம் ராக்ஷஸகந்யாநாம் ராக்ஷஸாநாம் ஸுகாவஹம் ॥ 10 ॥

பீத்வாऽப்யுபரதம் சாபி ததர்ஶ ஸ மஹாகபிஃ ।

பாஸ்வரே ஶயநே வீரம் ப்ரஸுப்தம் ராக்ஷஸாதிபம் ॥ 11 ॥

நிஃஶ்வஸந்தம் யதா நாகம் ராவணம் வாநரர்ஷபஃ ।

ஆஸாத்ய பரமோத்விக்நஸ்ஸோபாஸர்பத்ஸுபீதவத் ॥ 12 ॥

அதாऽऽரோஹணமாஸாத்ய வேதிகாऽந்தரமாஶ்ரிதஃ ।

ஸுப்தம் ராக்ஷஸஶார்தூலம் ப்ரேக்ஷதே ஸ்ம மஹாகபிஃ ॥ 13 ॥

ஶுஶுபே ராக்ஷஸேந்த்ரஸ்ய ஸ்வபதஃ ஶயநோத்தமம் ।

கந்தஹஸ்திநி ஸம்விஷ்டே யதா ப்ரஸ்ரவணம் மஹத் ॥ 14 ॥

காஞ்சநாங்கதஸந்நத்தை ச ததர்ஶ ஸ மஹாத்மநஃ ।

விக்ஷிப்தௌ ராக்ஷஸேந்த்ரஸ்ய புஜாவிந்த்ரத்வஜோபமௌ ॥ 15 ॥

ஐராவதவிஷாணாக்ரைராபீடநக்ரு'தவ்ரணௌ ।

வஜ்ரோல்லிகிதபீநாம்ஸௌ விஷ்ணுசக்ரபரிக்ஷதௌ ॥ 16 ॥

பீநௌ ஸமஸுஜாதாம்ஸௌ ஸங்கதௌ பலஸம்யுதௌ ।

ஸுலக்ஷணநகாங்குஷ்டா ஸ்வங்குலீதலலக்ஷிதௌ ॥ 17 ॥

ஸம்ஹதௌ பரிகாகாரௌ வ்ரு'த்தௌ கரிகரோபமௌ ।

விக்ஷிப்தௌ ஶயநே ஶுப்ரே பஞ்சஶீர்ஷாவிவோரகௌ ॥ 18 ॥

ஶஶக்ஷதஜகல்பேந ஸுஶீதேந ஸுகந்திநா ।

சந்தநேந பரார்த்யேந ஸ்வநுலிப்தௌ ஸ்வலங்க்ரு'தௌ ॥ 19 ॥

உத்தமஸ்த்ரீவிம்ரு'திதௌ கந்தோத்தமநிஷேவிதௌ ।

யக்ஷபந்நககந்தர்வதேவதாநவராவிணௌ ॥ 20 ॥

ததர்ஶ ஸ கபிஸ்தத்ர பாஹூ ஶயநஸம்ஸ்திதௌ ।

மந்தரஸ்யாந்தரே ஸுப்தௌ மஹாஹீ ருஷிதாவிவ ॥ 21 ॥

தாப்யாம் ஸ பரிபூர்ணாப்யாம் புஜாப்யாம் ராக்ஷஸேஶ்வரஃ ।

ஶுஶுபேऽசலஸங்காஶஃ ஶ்ரு'ங்காப்யாமிவ மந்தரஃ ॥ 22 ॥

சூதபுந்நாகஸுரபிர்வகுலோத்தமஸம்யுதஃ ।

ம்ரு'ஷ்டாந்நரஸஸம்யுக்தஃ பாநகந்தபுரஸ்க்ரு'தஃ ॥ 23 ॥

தஸ்ய ராக்ஷஸஸிம்ஹஸ்ய நிஶ்சக்ராம மஹாமுகாத் ।

ஶயாநஸ்ய விநிஃஶ்வாஸஃ பூரயந்நிவ தத் க்ரு'ஹம் ॥ 24 ॥

முக்தாமணிவிசித்ரேண காஞ்சநேந விராஜிதம் ।

மகுடேநாபவ்ரு'த்தேந குண்டலோஜ்வலிதாநநம் ॥ 25 ॥

ரக்தசந்தநதிக்தேந ததா ஹாரேண ஶோபிநா ।

பீநாயதவிஶாலேந வக்ஷஸாऽபிவிராஜிதம் ॥ 26 ॥

பாண்டரேணாபவித்தேந க்ஷௌமேண க்ஷதஜேக்ஷணம் ।

மஹார்ஹேண ஸுஸம்வீதம் பீதேநோத்தமவாஸஸா ॥ 27 ॥

மாஷராஶிப்ரதீகாஶம் நிஶ்ஶ்வஸந்தம் புஜங்கவத் ।

காங்கே மஹதி தோயாந்தே ப்ரஸுப்தமிவ குஞ்ஜரம் ॥ 28 ॥

சதுர்பிஃ காஞ்சநைர்தீபைத்தீப்யமாநசதுர்திஶம் ।

ப்ரகாஶீக்ரு'தஸர்வாங்கம் மேகம் வித்யுத்கணைரிவ ॥ 29 ॥

பாதமூலகதாஶ்சாபி ததர்ஶ ஸுமஹாத்மநஃ ।

பத்நீஃ ஸ ப்ரியபார்யஸ்ய தஸ்ய ரக்ஷஃபதேர்க்ரு'ஹே ॥ 30 ॥

ஶஶிப்ரகாஶவதநாஶ்சாருகுண்டலபூஷிதாஃ ।

அம்லாநமால்யாபரணா ததர்ஶ ஹரியூதபஃ ॥ 31 ॥

ந்ரு'த்தவாதித்ரகுஶலா ராக்ஷஸேந்த்ரபுஜாங்ககாஃ ।

வராபரணதாரிண்யோ நிஷண்ணா தத்ரு'ஶே ஹரிஃ ॥ 32 ॥

வஜ்ரவைடூர்யகர்பாணி ஶ்ரவணாந்தேஷு யோஷிதாம் ।

ததர்ஶ தாபநீயாநி குண்டலாந்யங்கதாநி ச ॥ 33 ॥

தாஸாம் சந்த்ரோபமைர்வக்த்ரைஶ்ஶுபைர்லலிதகுண்டலைஃ ।

விரராஜ விமாநம் தந்நபஸ்தாராகணைரிவ ॥ 34 ॥

மதவ்யாயாமகிந்நாஸ்தா ராக்ஷஸேந்த்ரஸ்ய யோஷிதஃ ।

தேஷு தேஷ்வவகாஶேஷு ப்ரஸுப்தாஸ்தநுமத்யமாஃ ॥ 35 ॥

அங்கஹாரைஸ்ததைவாந்யா கோமலைர்ந்ரு'த்தஶாலிநீ ।

விந்யஸ்தஶுபஸர்வாங்கீ ப்ரஸுப்தா வரவர்ணிநீ ॥ 36 ॥

காசித்வீணாம் பரிஷ்வஜ்ய ப்ரஸுப்தா ஸம்ப்ரகாஶதே ।

மஹாநதீப்ரகீர்ணேவ நலிநீ போதமாஶ்ரிதா ॥ 37 ॥

அந்யா கக்ஷகதேநைவ மட்டுகேநாஸிதேக்ஷணா ।

ப்ரஸுப்தா பாமிநீ பாதி பாலபுத்ரேவ வத்ஸலா ॥ 38 ॥

படஹம் சாருஸர்வாங்கீ பீட்ய ஶேதே ஶுபஸ்தநீ ।

சிரஸ்ய ரமணம் லப்த்வா பரிஷ்வஜ்யேவ பாமிநீ ॥ 39 ॥

காசித்வம்ஶம் பரிஷ்வஜ்ய ஸுப்தா கமலலோசநா ।

ரஹஃ ப்ரியதமம் க்ரு'ஹ்ய ஸகாமேவ ச காமிநீ ॥ 40 ॥

விபஞ்சீம் பரிக்ரு'ஹ்யாந்யா நியதா ந்ரு'த்தஶாலிநீ ।

நித்ராவஶமநுப்ராப்தா ஸஹ காந்தேவ பாமிநீ ॥ 41 ॥

அந்யா கநகஸங்காஶைர்ம்ரு'துபீநைர்மநோரமைஃ ।

ம்ரு'தங்கம் பரிபீட்யாங்கைஃ ப்ரஸுப்தா மத்தலோசநா ॥ 42 ॥

புஜபார்ஶ்வாந்தரஸ்தேந கக்ஷகேந க்ரு'ஶோதரீ ।

பணவேவ ஸஹாநிந்த்யா ஸுப்தா மதக்ரு'தஶ்ரமா ॥ 43 ॥

டிண்டிமம் பரிக்ரு'ஹ்யாந்யா ததைவாஸக்தடிண்டிமா ।

ப்ரஸுப்தா தருணம் வத்ஸமுபகூஹ்யேவ பாமிநீ ॥ 44 ॥

காசிதாடம்பரம் நாரீ புஜஸம்யோகபீடிதம் ।

க்ரு'த்வா கமலபத்ராக்ஷீ ப்ரஸுப்தா மதமோஹிதா ॥ 45 ॥

கலஶீமபவித்யாந்யா ப்ரஸுப்தா பாதி பாமிநீ ।

வஸந்தே புஷ்பஶபலா மாலேவ பரிமார்ஜிதா ॥ 46 ॥

பாணிப்யாம் ச குசௌ காசித்ஸுவர்ணகலஶோபமௌ ।

உபகூஹ்யாபலா ஸுப்தா நித்ராபலபராஜிதா ॥ 47 ॥

அந்யா கமலபத்ராக்ஷீ பூர்ணேந்துஸத்ரு'ஶாநநா ।

அந்யாமாலிங்க்ய ஸுஶ்ரோணீம் ப்ரஸுப்தா மதவிஹ்வலா ॥ 48 ॥

ஆதோத்யாநி விசித்ராணி பரிஷ்வஜ்ய வரஸ்த்ரியஃ ।

நிபீட்ய ச குசைஸ்ஸுப்தா காமிந்யஃ காமுகாநிவ ॥ 49 ॥

தாஸாமேகாந்தவிந்யஸ்தே ஶயாநாம் ஶயநே ஶுபே ।

ததர்ஶ ரூபஸம்பந்நாமபராம் ஸ கபிஃ ஸ்த்ரியம் ॥ 50 ॥

முக்தாமணிஸமாயுக்தைர்பூஷணைஃ ஸுவிபூஷிதாம் ।

விபூஷயந்தீமிவ தத்ஸ்வஶ்ரியா பவநோத்தமம் ॥ 51 ॥

கௌரீம் கநகவர்ணாபாமிஷ்டாமந்தஃ புரேஶ்வரீம் ।

கபிர்மந்தோதரீம் தத்ர ஶயாநாம் சாருரூபிணீம் ॥ 52 ॥

ஸ தாம் த்ரு'ஷ்ட்வா மஹாபாஹுர்பூஷிதாம் மாருதாத்மஜஃ ।

தர்கயாமாஸ ஸீதேதி ரூபயௌவநஸம்பதா ॥ 53 ॥

ஹர்ஷேண மஹதா யுக்தோ நநந்த ஹரியூதபஃ ।

ஆஸ்போடயாமாஸ சுசும்ப புச்சம் நநந்த சிக்ரீட ஜகௌ ஜகாம ।

ஸ்தம்பாநரோஹந்நிபபாத பூமௌ நிதர்ஶயந் ஸ்வாம் ப்ரக்ரு'திம் கபீநாம் ॥ 54 ॥

இத்யார்ஷே ஶ்ரீமத்ராமாயணே வால்மீகீய ஆதிகாவ்யே ஸுந்தரகாண்டே தஶமஸ்ஸர்கஃ ॥

Roman (IAST) Transliteration

śrīmadvālmīkīya rāmāyaṇe sundarakāṇḍam |

atha daśamassargaḥ |

tatra divyopamaṃ mukhyaṃ sphāṭikaṃ ratnabhūṣitam |

avekṣamāṇo hanumān dadarśa śayanāsanam || 1 ||

dāntakāñcanacitrāṅgairvaiḍūryaiśca varāsanaiḥ |

mahārhāstaraṇopetairupapannaṃ mahādhanaiḥ || 2 ||

tasya caikatame deśe so'gyramālāvibhūṣitam |

dadarśa pāṇḍuraṃ chatraṃ tārādhipatisannibham || 3 ||

jātarūpaparikṣiptaṃ citrabhānusamaprabham |

aśokamālāvitataṃ dadarśa paramāsanam || 4 ||

vālavyajanahastābhirvījyamānaṃ samantataḥ |

gandhaiśca vividhairjuṣṭaṃ varadhūpena dhūpitam || 5 ||

paramāstaraṇāstīrṇamāvikājinasaṃvṛtam |

dāmabhirvaramālyānāṃ samantādupaśobhitam || 6 ||

tasmin jīmūtasaṅkāśaṃ pradīptottamakuṇḍalam |

lohitākṣaṃ mahābāhuṃ mahārajatavāsasam || 7 ||

lohitenānuliptāṅgaṃ candanena sugandhinā |

sandhyāraktamivākāśe toyadaṃ sataṭidgaṇam || 8 ||

vṛtamābharaṇairdivyaiḥ surūpaṃ kāmarūpiṇam |

savṛkṣavanagulmāḍhyaṃ prasuptamiva mandaram || 9 ||

krīḍitvoparataṃ rātrau varābharaṇabhūṣitam |

priyaṃ rākṣasakanyānāṃ rākṣasānāṃ sukhāvaham || 10 ||

pītvā'pyuparataṃ cāpi dadarśa sa mahākapiḥ |

bhāsvare śayane vīraṃ prasuptaṃ rākṣasādhipam || 11 ||

niḥśvasantaṃ yathā nāgaṃ rāvaṇaṃ vānararṣabhaḥ |

āsādya paramodvignassopāsarpatsubhītavat || 12 ||

athā''rohaṇamāsādya vedikā'ntaramāśritaḥ |

suptaṃ rākṣasaśārdūlaṃ prekṣate sma mahākapiḥ || 13 ||

śuśubhe rākṣasendrasya svapataḥ śayanottamam |

gandhahastini saṃviṣṭe yathā prasravaṇaṃ mahat || 14 ||

kāñcanāṅgadasannadhdai ca dadarśa sa mahātmanaḥ |

vikṣiptau rākṣasendrasya bhujāvindradhvajopamau || 15 ||

airāvataviṣāṇāgrairāpīḍanakṛtavraṇau |

vajrollikhitapīnāṃsau viṣṇucakraparikṣatau || 16 ||

pīnau samasujātāṃsau saṅgatau balasaṃyutau |

sulakṣaṇanakhāṅguṣṭhā svaṅgulītalalakṣitau || 17 ||

saṃhatau parighākārau vṛttau karikaropamau |

vikṣiptau śayane śubhre pañcaśīrṣāvivoragau || 18 ||

śaśakṣatajakalpena suśītena sugandhinā |

candanena parārdhyena svanuliptau svalaṅkṛtau || 19 ||

uttamastrīvimṛditau gandhottamaniṣevitau |

yakṣapannagagandharvadevadānavarāviṇau || 20 ||

dadarśa sa kapistatra bāhū śayanasaṃsthitau |

mandarasyāntare suptau mahāhī ruṣitāviva || 21 ||

tābhyāṃ sa paripūrṇābhyāṃ bhujābhyāṃ rākṣaseśvaraḥ |

śuśubhe'calasaṅkāśaḥ śṛṅgābhyāmiva mandaraḥ || 22 ||

cūtapunnāgasurabhirvakulottamasaṃyutaḥ |

mṛṣṭānnarasasaṃyuktaḥ pānagandhapuraskṛtaḥ || 23 ||

tasya rākṣasasiṃhasya niścakrāma mahāmukhāt |

śayānasya viniḥśvāsaḥ pūrayanniva tad gṛham || 24 ||

muktāmaṇivicitreṇa kāñcanena virājitam |

makuṭenāpavṛttena kuṇḍalojvalitānanam || 25 ||

raktacandanadigdhena tathā hāreṇa śobhinā |

pīnāyataviśālena vakṣasā'bhivirājitam || 26 ||

pāṇḍareṇāpaviddhena kṣaumeṇa kṣatajekṣaṇam |

mahārheṇa susaṃvītaṃ pītenottamavāsasā || 27 ||

māṣarāśipratīkāśaṃ niśśvasantaṃ bhujaṅgavat |

gāṅge mahati toyānte prasuptamiva kuñjaram || 28 ||

caturbhiḥ kāñcanairdīpaiddhīpyamānacaturdiśam |

prakāśīkṛtasarvāṅgaṃ meghaṃ vidyudgaṇairiva || 29 ||

pādamūlagatāścāpi dadarśa sumahātmanaḥ |

patnīḥ sa priyabhāryasya tasya rakṣaḥpatergṛhe || 30 ||

śaśiprakāśavadanāścārukuṇḍalabhūṣitāḥ |

amlānamālyābharaṇā dadarśa hariyūthapaḥ || 31 ||

nṛttavāditrakuśalā rākṣasendrabhujāṅkagāḥ |

varābharaṇadhāriṇyo niṣaṇṇā dadṛśe hariḥ || 32 ||

vajravaiḍūryagarbhāṇi śravaṇānteṣu yoṣitām |

dadarśa tāpanīyāni kuṇḍalānyaṅgadāni ca || 33 ||

tāsāṃ candropamairvaktraiśśubhairlalitakuṇḍalaiḥ |

virarāja vimānaṃ tannabhastārāgaṇairiva || 34 ||

madavyāyāmakhinnāstā rākṣasendrasya yoṣitaḥ |

teṣu teṣvavakāśeṣu prasuptāstanumadhyamāḥ || 35 ||

aṅgahāraistathaivānyā komalairnṛttaśālinī |

vinyastaśubhasarvāṅgī prasuptā varavarṇinī || 36 ||

kācidvīṇāṃ pariṣvajya prasuptā samprakāśate |

mahānadīprakīrṇeva nalinī potamāśritā || 37 ||

anyā kakṣagatenaiva maḍḍukenāsitekṣaṇā |

prasuptā bhāminī bhāti bālaputreva vatsalā || 38 ||

paṭahaṃ cārusarvāṅgī pīḍya śete śubhastanī |

cirasya ramaṇaṃ labdhvā pariṣvajyeva bhāminī || 39 ||

kācidvaṃśaṃ pariṣvajya suptā kamalalocanā |

rahaḥ priyatamaṃ gṛhya sakāmeva ca kāminī || 40 ||

vipañcīṃ parigṛhyānyā niyatā nṛttaśālinī |

nidrāvaśamanuprāptā saha kānteva bhāminī || 41 ||

anyā kanakasaṅkāśairmṛdupīnairmanoramaiḥ |

mṛdaṅgaṃ paripīḍyāṅgaiḥ prasuptā mattalocanā || 42 ||

bhujapārśvāntarasthena kakṣagena kṛśodarī |

paṇaveva sahānindyā suptā madakṛtaśramā || 43 ||

ḍiṇḍimaṃ parigṛhyānyā tathaivāsaktaḍiṇḍimā |

prasuptā taruṇaṃ vatsamupagūhyeva bhāminī || 44 ||

kācidāḍambaraṃ nārī bhujasaṃyogapīḍitam |

kṛtvā kamalapatrākṣī prasuptā madamohitā || 45 ||

kalaśīmapavidhyānyā prasuptā bhāti bhāminī |

vasante puṣpaśabalā māleva parimārjitā || 46 ||

pāṇibhyāṃ ca kucau kācitsuvarṇakalaśopamau |

upagūhyābalā suptā nidrābalaparājitā || 47 ||

anyā kamalapatrākṣī pūrṇendusadṛśānanā |

anyāmāliṅgya suśroṇīṃ prasuptā madavihvalā || 48 ||

ātodyāni vicitrāṇi pariṣvajya varastriyaḥ |

nipīḍya ca kucaissuptā kāminyaḥ kāmukāniva || 49 ||

tāsāmekāntavinyaste śayānāṃ śayane śubhe |

dadarśa rūpasampannāmaparāṃ sa kapiḥ striyam || 50 ||

muktāmaṇisamāyuktairbhūṣaṇaiḥ suvibhūṣitām |

vibhūṣayantīmiva tatsvaśriyā bhavanottamam || 51 ||

gaurīṃ kanakavarṇābhāmiṣṭāmantaḥ pureśvarīm |

kapirmandodarīṃ tatra śayānāṃ cārurūpiṇīm || 52 ||

sa tāṃ dṛṣṭvā mahābāhurbhūṣitāṃ mārutātmajaḥ |

tarkayāmāsa sīteti rūpayauvanasampadā || 53 ||

harṣeṇa mahatā yukto nananda hariyūthapaḥ |

āsphoṭayāmāsa cucumba pucchaṃ nananda cikrīḍa jagau jagāma |

stambhānarohannipapāta bhūmau nidarśayan svāṃ prakṛtiṃ kapīnām || 54 ||

ityārṣe śrīmadrāmāyaṇe vālmīkīya ādikāvye sundarakāṇḍe daśamassargaḥ ||